| Layer | L |
|---|---|
| Fulltext | Umbra transit vetustatis vox erumpat novitatis et laudis praeconium Omnis mundus iucundetur in hac die adimpletur illud vaticinium Effundam de spiritu repentino sonitu cordibus fidelium De excelso missus est ignis et infusus est ossibus credentium Hic est ille spiritus insufflatus caelitus priori mortalium Hic de caelis missus est et aquis infusus est in mundi primordium Per hunc Noe inspiratur a quo arca fabricatur in typum ecclesiae Hic Abraham illustravit cum de Christo prophetavit tempus signans gratiae Huius donum spiritus signabatur primitus cum lex dari debuit Facta sunt tonitrua micuerunt fulgura totus mons contremuit Die quinquagesimo a paschali termino lex a Deo mittitur Sub eodem termino immittente Domino spiritus infunditur In unum sedentibus ipsum exspectantibus fit repente sonitus Corporali specie in ignis effigie descendit paraclitus Replet domum et credentes facit spiritus ferventes loquuntur magnalia Et quos timor occultavit ignis missus inflammavit templi petunt atria Ibi cum fiducia fiunt mirabilia multa credunt milia Una fides omnium in Christo credentium una erat anima Haec est praesens sollemnitas haec est miranda novitas in qua summa divinitas in qua divina caritas Infundens se hominibus mundum mundans a sordibus ima iungens caelestibus unum facit de pluribus Tu qui multa facis unum et de multis facis unum et in uno facis unum Fac nos omnes in te unum ut ad te tendamus unum in te uno simus unum |
| Text Source | AH 42:29 |
| Book | Part | Season | Week | Day | Feast | Genre | Mass | P.N | |
|---|---|---|---|---|---|---|---|---|---|
| FR Tarentaise 1530, Missal, Missale Tarentasiense | 604 | T | Pent | H1 | f3 | Seq | M2 | 121 (16r) |