| Layer | L |
|---|---|
| Fulltext | Morte Christi celebrata adest nobis dies grata comedamus azima Rege victo tenebrarum ritus perit victimarum et est Christus victima Sacerdotis manus tractat quem crudelis lictor mactat et plebs mali conscia Morti datur homo Deus ut resurgat homo reus ad aeterna gaudia Mors illius nostra vita eius morte mors avita iam meretur veniam Nunc in illo delectare qui est bonum singulare rex apponat gratiam Pascha novum immolatur et peccator invitatur ad tergendas maculas Morte Christi nos renati properemus invitati ad caelestes epulas Ovis ducta ad macellum nostrum in se tulit bellum ovem quaerens perditam Gigas noster hostem stravit humerisque reportavit ovem sibi redditam Qui sub morte tenebantur vita duce liberantur nuda gemunt tartara Homo gaude sic reductus consoletur tuus luctus dulci sono cithara Samson ille Gazam vastat et in monte crucis astat secum ferens spolia Agnus noster portas fregit infernales et subegit regna mortis fortia Israelem in Aegypto pharaone circumscripto serpens salvat aeneus Sponsam suam ab inferno regno locans et superno noster traxit Orpheus Eia paschalia recolamus gaudia Nimia laetitia concrepet ecclesia Nunc in mensa vitae ducis commedamus cum lactucis carnes agni mysticas Toleremus et amara possessuri luce clara mansiones caelicas Haec est inquam laeta dies animarum grata quies et quam fecit Dominus Exsultemus promissorum quantitatem praemiorum recepturi cominus Sit laus Christo resurgenti Deo vivo et viventi per aeterna saecula Eapropter mente pia decantemus alleluia cordis voce sedula |
| Text Source | AH 8:30 |
| Book | Part | Season | Week | Day | Feast | Genre | Mass | P.N | |
|---|---|---|---|---|---|---|---|---|---|
| FR Bayeux 1503, Missal, Missale Baiocense | 107 | T | Pasc | H1 | f6 | Seq | M2 | 93 (80r) | ||
| FR Bayeux 1503, Missal, Missale Baiocense | 107 | T | Pasc | H3 | D | Pasc | Seq | M2 | 96 (83r) |