| Layer | G/A |
|---|---|
| Fulltext | In diebus illis Fecerunt filii Israel sicut xonstituerat illis Eliachim sacerdos magnus et seniores totius populis Israel qui sedebat in Ierusalem et proclamaverant filii Israel ad Dominum instantia magna et humiliaverunt animas suas in ieiunio magno ipsi et mulieres et parvuli eorum et omnis advena qui erat mercenarius et emptitius eorum Et imposuerunt cilicia super lumbos suos et omnes viri Israel et mulieres et pueri qui habitabant Ierusalem et procederunt in faciem suam coram templo et cinerem posuerunt super capita sua Et extenderunt cilicia sua contra faciem templi Domini et cooperuerunt altare cilicio et clamaverunt Deum Israel unanimes ut non daret in direptionem parvulos eorum et mulieres in praedam et civitates hereditatem illorum in exterminium et sancta sanctorum in pollutionem et inproperium et in opprobrium gentibus Et exaudivit Dominus vocem eorum et vidit tribulationem eorum et erat plebs ieiunans diebus multis in totam terram Iudaeae et Ierusalem Et procederunt contra faciem sanctorum Dei omnipotentis et Eliachim sacerdos magnus et omnes qui astabant coram Domino sacerdotes deservientes et praecincti ciliciis circa lumbos suos offerebant immolationi infantiam et vota consueta dona plebis Et erat cinis super capita eorum et clamabant ad Dominum in omni virtute sua ut in bonum visitaret omnem domum Israel |
| Text Source | Jdth 4,6–16 |
| Book | Part | Season | Week | Day | Feast | Genre | Mass | P.N | |
|---|---|---|---|---|---|---|---|---|---|
| FR Auxerre 1366-1400, Missal, BNF Paris Lat. 17316 | 188 | T | Trin | H20 | f4 | Lc | M2 | 208 (211r) | ||
| FR Autun 1530, Missal, Missale Eduense | 72 | T | Trin | H19 | f4 | Lc | M2 | 310 (137v) |