| Layer | L |
|---|---|
| Fulltext | Missus Gabriel de caelis verbi baiulus fidelis sacris disserit loquelis cum beata virgine Verbum bonum et suave pandit intus in conclave et ex Eva formans Ave Evae verso nomine Metum pellit dat solamen nam per sacrum inquit flamen et virtutis obumbramen Deo gravidaberis Ad hoc facit argumentum de cognata documentum et caeleste sacramentum insperati foederis Consequenter iuxta pactum adest verbum caro factum semper tamen est intactum puellare gremium Patrem pariens ignorat et quam homo non deflorat non torquetur nec laborat quando parit filium Signum audis novitatis crede solum et est satis non est tuae facultatis solvere corrigiam Grande signum et insigne est in rubo et in igne ne adpropiet indigne calceatus quispiam Virga sicca sine rore novo ritu novo more fructum protulit cum flore sic et virgo peperit Benedictus talis fructus fructus gaudii non luctus non erit Adam seductus si de hoc gustaverit Iesus noster Iesus bonus piae matris pium onus cuius est in caelo thronus nascitur in stabulo Qui sic est pro nobis natus nostros deleat reatus quia noster incolatus hic est in periculo |
| Text Source | AH 54:192 – Philippus de Grevia |
| Book | Part | Season | Week | Day | Feast | Genre | Mass | P.N | |
|---|---|---|---|---|---|---|---|---|---|
| FR Agen 1531, Missal, Missale Agenense | 159 | T | Adv | H1 | D | Seq | M2 | 11 () | ||
| FR Auch 1495, Missal, Missale Auxitanum | 173 | T | Adv | H1 | D | Seq | M2 | 10 (1r) | ||
| FR Toulouse 1490, Missal, Missale Tolosanum | 5 | T | Adv | H1 | D | Seq | M2 | 12 () |