Usuarium A Digital Library and Database for the Study of Latin Liturgical History
in the Middle Ages and Early Modern Period

Conspectus

filter
Origin S/M Week Day Topic M/H Ceremony Rubrics Genre Item P.N.
Corbie Dec 25 Nativitas M2 Mass Propers Alia. Coll Deus qui per beatae Mariae virginis partum sine humana concupiscentia procreatum in filii tui membra venientes paternis fecisti praeiudiciis non teneri praesta quaesumus ut huius creaturae novitate suscepta vetustatis antiquae contagiis exuamur. 35
Corbie Dec 25 Nativitas M2 Mass Propers Alia. Coll Deus qui humanae substantiae dignitatem mirabiliter condidisti et mirabilius reformasti da nobis quaesumus per huius vini et aquae mysterium eius divinitatis esse consortes qui humanitatis nostrae fieri dignatus est particeps. 35
Corbie Dec 25 Nativitas M2 Mass Propers Alia. Coll Omnipotens sempiterne Deus qui in Filii tui Domini nostri nativitate tribuisti totius religionis initium perfectionemque constare da nobis quaesumus in eius portione censeri in quo totius salutis humanae summa consistit. 36
Corbie Dec 25 Nativitas M2 Mass Propers Alia. Coll Da quaesumus Domine populo tuo inviolabilem fidei firmitatem ut qui Unigenitum tuum in tua tecum gloria sempiternum in veritate nostri corporis natum de matre virgine confitentur et a praesentibus liberentur adversis et mansuris gaudiis inserantur. 36
Corbie Dec 26 Stephanus martyr M2 Mass Propers VII kalendas n… Coll Da nobis quaesumus Domine imitari quod colimus ut discamus et inimicos diligere quia eius natalicia celebramus qui novit etiam pro suis persecutoribus exorare. 36
Corbie Dec 26 Stephanus martyr M2 Mass Propers Secr Suscipe Domine munera pro commemoratione protomartyris tui beati Stephani ut sicut illum passio fecit gloriosum ita nos devotio reddat innocuos. 36
Corbie Dec 26 Stephanus martyr M2 Mass Propers VD Vere dignum et iustum est aequum et salutare nos tibi semper et ubique gratias agere Domine sancte Pater omnipotens aeterne Deus Beati Stephani levitae simul et martyris natalitia recolentes qui fidei qui sacrae militiae qui dispensationis et castitatis aegregiae qui praedicationis mirabilisque constatiae qui confessionis ac patientiae nobis exempla veneranda proposuit et ideo nativitatem filii tui merito prae ceteris passionis suae festivitate prosequitur cuius gloriae sempiternae primus martyr occurrit. Per quem maiestatem. 37
Corbie Dec 26 Stephanus martyr M2 Mass Propers BenP Deus qui beatum Stephanum protomartyrem coronavit et confessione fidei et agone martyrii mentes vestras circumdet et in praesenti saeculo corona iustitiae et in futuro perducat vos ad coronam gloriae. Amen. Illius obtentu tribuat vobis Dei et proximi caritate semper exuberare qui hanc studuit etiam inter lapidantium impetus obtinere. Amen. Quo eius et exemplo roborati et intercessione muniti ab eo quem ille a dextris Dei vidit stantem mereatur benedici. Amen. Quod ipse praestare dignetur. 37
Corbie Dec 26 Stephanus martyr M2 Mass Propers Postcomm Auxilientur nobis Domine sumpta mysteria et intercedente beato Stephano protomartyre tuo sempiterna nos protectione confirment. 38
Corbie Dec 26 Stephanus martyr M2 Mass Propers Coll Omnipotens sempiterne Deus qui primitias martyrum in beati levitae Stephani sanguine dedicasti tribue quaesumus ut pro nobis intercessor exsistat qui pro suis etiam persecutoribus exoravit. 38
Corbie Dec 26 Stephanus martyr M2 Mass Propers Secr Deus qui nos Unigeniti tui clementer incarnatione redemisti da nobis patrocinia tuorum continuata sanctorum quibus capere valeamus salutaris mysterii portionem. 38
Corbie Dec 26 Stephanus martyr M2 Mass Propers Postcomm Gratias agimus Domine multiplicatis circa nos miserationibus tuis qui et Filii tui nativitate nos salvas et beati martyris Stephani deprecatione sustentas. 38
Corbie Dec 27 Ioannes apostolus M2 Mass Propers VI kalendas na… Coll Ecclesiam tuam quaesumus Domine benignus illustra ut beati Ioannis apostoli tui et evangelistae illuminata doctrinis ad dona perveniat sempiterna. 38
Corbie Dec 27 Ioannes apostolus M2 Mass Propers Secr Suscipe munera Domine quae in eius sollemnitate tibi deferimus cuius nos confidimus patrocinio liberari. 39
Corbie Dec 27 Ioannes apostolus M2 Mass Propers VD Vere dignum et iustum est aequum et salutare nos tibi semper et ubique gratias agere Domine sancte Pater omnipotens aeterne Deus beati apostoli tui et evangelistae Ioannis veneranda natalitia recensentes qui Domini nostri Iesu Christi filii tui vocatione suscepta terrenum respuit patrem ut posset invenire caelestem, adeptus in regno caelorum sedem apostolici culminis qui tantum retia carnalia contempserat genitoris quique ab Unigenito tuo sic familiariter est dilectus et immensae gratiae muneribus approbatus ut eum idem Dominus in cruce iam positus vicarium suae matri Virgini filium subrogaret quatenus beatae Genitricis integritati probati dilectique discipuli virginitas deserviret. Nam et in caenae mysticae sacrosancto convivio super ipsum vitae fontem aeternum scilicet pectus recubuerat Salvatoris. De quo perenniter manantia caelestis hauriens fluenta doctrinae tam profundis ac mysticis revelationibus est imbutus ut omnem transgrediens creaturam excelsa mente conspiceret et evangelica voce proferret quod in principio erat Verbum et Verbum erat apud Deum et Deus erat Verbum. Et ideo cum angelis. 39
Corbie Dec 27 Ioannes apostolus M2 Mass Propers BenP Omnipotens Deus dignetur vobis per intercessionem beati Ioannis apostoli et evangelistae benedicere qui per eum arcana verbi sui voluit ecclesiae revelare. Amen. Concedat vobis ut quod ille Spiritus sancti munere afflatus vestris auribus infudit, eiusdem Spiritus dono capere mente valeatis. Amen. Quo eius documento de divinitate nostri redemptoris edocti et amando quod tradidit et praedicando quod docuit et exsequendo quod iussit ad dona pervenire mereamini quae idem Iesus Christus Dominus noster repromisit. Quod ipse praestare dignetur. 40
Corbie Dec 27 Ioannes apostolus M2 Mass Propers Postcomm Refecti cibo potuque caelesti Deus noster te supplices deprecamur ut in cuius haec commemoratione percepimus eius muniamur et precibus. 40
Corbie Dec 27 Ioannes apostolus V Office Propers Ad vesperas. Or Beati Ioannis evangelistae quaesumus Domine supplicatione placatus et veniam nobis tribue et remedia sempiterna concede. 41
Corbie Dec 27 Ioannes apostolus V Office Propers Alia. Or Beati evangelistae Ioannis Domine precibus adiuvemur ut quod possibilitas nostra non obtinet eius nobis intercessione donetur. 41
Corbie Dec 27 Ioannes apostolus V Office Propers Alia. Or Sit Domine beatus Ioannes evangelista nostrae fragilitatis adiutor ut pro nobis tibi supplicans copiosius audiatur. 41
Corbie Dec 27 Ioannes apostolus V Office Propers Alia. Or Deus qui per os beati apostoli tui Ioannis evangelistae Verbi tui nobis arcana reserasti praesta quaesumus ut quod ille nostris auribus excellenter infudit intellegentiae competentis eruditione capiamus. 41
Corbie Dec 27 Ioannes apostolus V Office Propers Alia. Or Omnipotens sempiterne Deus qui huius diei venerandam sanctamque laetitiam beati apostoli tui Ioannis evangelistae festivitate tribuisti da Ecclesiae tuae quaesumus et amare quod credidit et praedicare quod docuit. 41
Corbie Dec 27 Ioannes apostolus V Office Propers Alia. Or Adsit ecclesiae tuae Domine quaesumus beatus evangelista Ioannes ut cuius perpetuus doctor exsistit semper esse non desinat suffragator. 41
Corbie Dec 27 Ioannes apostolus V Office Propers Alia. Or Praesta quaesumus omnipotens Deus ut excellentiam Verbi tui quam beatus evangelista Ioannes asseruit et convenienter intellegere valeamus et veraciter profiteri. 42
Corbie Dec 28 Innocentes M2 Mass Propers V kalendas nat… Coll Deus cuius hodierna die praeconium innocentes martyres non loquendo sed moriendo confessi sunt omnia in nobis vitiorum mala mortifica ut fidem tuam quam lingua nostra loquitur etiam moribus vita fateatur. 42
Corbie Dec 28 Innocentes M2 Mass Propers Secr Adesto Domine muneribus Innocentium festivitate sacrandis et praesta quaesumus ut eorum sinceritatem possimus imitari quorum tibi dicatam veneramur infantiam. 42
Corbie Dec 28 Innocentes M2 Mass Propers VD Vere dignum et iustum est aequum et salutare nos tibi semper et ubique gratias agere Domine sancte Pater omnipotens aeterne Deus et in praetiosis mortibus parvulorum quos propter nostri redemptoris infantiam bestiali saevitia Herodes funestus occidit immensa clementiae tuae dona praedicare in quibus fulget sola magis gratia quam voluntas et clara est prius confessio quam loquela ante passio quam membra idonea passioni Existunt testes Christi qui eius nondum fuerant agnitores. O infinita benignitas o ineffabilis misericordia quae pro suo nomine trucidatis meritum gloriae perire non patitur sed proprio cruore perfusis et salus regenerationis adhibetur et imputatur corona martyrii. Et ideo cum angelis. 42
Corbie Dec 28 Innocentes M2 Mass Propers BenP Omnipotens Deus pro cuius Unigeniti veneranda infantia infantium innocentium catervas Herodis funesti peremit saevitia suae vobis benedictionis tribuat dona gratissima. Amen. Et qui eis concessit ut unicum Filium eius Dominum nostrum non loquendo sed moriendo confiterentur concedat vobis ut fidem veram quam lingua vestra fatetur etiam mores probi et vita inculpabilis fateantur. Amen. Quique eos primitivum fructum sanctae suae suscepit ecclesiae cum fructu bonorum operum vos faciat pervenire ad gaudia aeternae patriae. Amen. Quod ipse praestare dignetur cuius regnum. 43
Corbie Dec 28 Innocentes M2 Mass Propers Postcomm Votiva Domine dona percepimus quae sanctorum nobis precibus et praesentis quaesumus vitae pariter et aeternae tribue conferre subsidium. 44
Corbie Dec 28 Innocentes M2 Mass Propers Postcomm Deus qui licet sis magnus in magnis mirabilia tamen gloriosius operaris in minimis da nobis quaesumus in eorum celebritate gaudere qui filio tuo domino nostro testimonium praebuerunt etiam non loquentes. 44
Corbie Dec 28 Innocentes M2 Mass Propers Postcomm Ipsi nobis Domine quaesumus postulent mentium puritatem quorum innocentiam hodie sollemniter celebramus. 44
Corbie Dec 28 Innocentes M2 Mass Propers Postcomm Adiuva nos Domine quaesumus eorum deprecatione sanctorum qui Filium tuum humana necdum voce profitentes caelesti sunt pro eius nativitate gratia coronati. 44
Corbie Dec 31 Silvester papa M2 Mass Propers Pridie kalenda… Coll Da quaesumus omnipotens Deus ut beati Silvestri confessoris tui atque pontificis veneranda sollemnitas et devotionem nobis augeat et salutem. 44
Corbie Dec 31 Silvester papa M2 Mass Propers Secr Sanctorum tuorum nobis Domine pia non desit oratio quae et munera nostra conciliet et tuam nobis indulgentiam semper obtineat. 45
Corbie Dec 31 Silvester papa M2 Mass Propers Postcomm Quaesumus omnipotens Deus ut hodiernae sollemnitatis munus acceptum intercedente beato Silvestro confessore tuo atque pontifice et corporibus nostris salutem praestet et mentibus. 45
Corbie Dec 31 Silvester papa M2 Mass Propers Alia. Postcomm Adesto Domine supplicationibus nostris ut nos nullis mentis et corporis patiaris subiacere periculis quos beati Silvestri pontificis tui munit gloriosa confessio. 45
Corbie Jan 1 Circumcisio M2 Mass Propers Kalendis Ianua… Coll Deus qui salutis aeternae beate Mariae virginitate fecunda humano generi praemia praestitisti tribue quaesumus ut ipsam pro nobis intercedere sentiamus per quam meruimus auctorem vitae suscipere. 45
Corbie Jan 1 Circumcisio M2 Mass Propers Alia. Coll Deus qui nobis nati Salvatoris diem celebrare concedis octavum fac quaesumus nos eius perpetua divinitate muniri cuius sumus carnali commercio reparati. 45
Corbie Jan 1 Circumcisio M2 Mass Propers Secr Praesta quaesumus Domine ut per haec munera quae Domini nostri Iesu Christi arcanae nativitatis mysterio gerimus purificatae mentis intellegentia consequamur. 46
Corbie Jan 1 Circumcisio M2 Mass Propers VD Vere dignum et iustum est aequum et salutare nos tibi semper et ubique gratias agere Domine sancte Pater omnipotens aeterne Deus per Christum Dominum nostrum cuius hodie circumcisionis diem et nativitatis octavum celebrantes tua, Domine mirabilia veneramur quia quae peperit et mater et virgo est qui natus est et infans et Deus est. Et ideo cum. 46
Corbie Jan 1 Circumcisio M2 Mass Propers BenP Omnipotens Deus cuius Unigenitus hodierna die ne legem solveret quam adimplere venerat corporalem suscepit circumcisionem spiritali circumcisione mentes vestras ab omnibus vitiorum incentivis expurget et suam in vos infundat benedictionem. Amen. Et qui legem per Moysen dedit ut per mediatorem nostrum benedictionem daret exuat vos mortificatione vitiorum et faciat perseverare in novitate virtutum. Amen. Quo sic in senarii numeri perfectione in hoc saeculo vivatis et in septenario inter beatorum spirituum agmina requiescatis. Quatenus in octavo resurrectione renovati iubilaei remissione ditati ad gaudia sine fine mansura perveniatis. Amen. Quod ipse praestare dignetur cuius regnum. 46
Corbie Jan 1 Circumcisio M2 Mass Propers Postcomm Praesta quaesumus Domine ut quod Salvatoris nostri iterata sollemnitate percepimus perpetuae nobis redemptionis conferat medicinam. 47
Corbie Jan 1 Circumcisio M2 Mass Propers Superpop Omnipotens sempiterne Deus qui Unigenito tuo novam creaturam nos tibi esse fecisti custodi opera misericordiae tuae et ab omnibus nos maculis vetustatis emunda ut per auxilium gratiae tuae in illius inveniamur forma in quo tecum est nostra substantia. 47
Corbie Nat H1 D M2 Mass Propers Dominica prima… Coll Omnipotens sempiterne Deus dirige actus nostros in beneplacito tuo ut in nomine dilecti Filii tui mereamur bonis operibus abundare. 47
Corbie Nat H1 D M2 Mass Propers Secr Concede quaesumus omnipotens Deus ut oculis tuae maiestatis munus oblatum et gratiam nobis devotionis optineat et effectum beatae perennitatis acquirat. 47
Corbie Nat H1 D M2 Mass Propers VD Vere dignum et iustum est aequum et salutare nos tibi semper et ubique gratias agere Domine sancte Pater omnipotens aeterne Deus qui peccato primi parentis hominem a salutis finibus exsulantem pietatis indulgentia ad veniam vitamque revocasti mittendo nobis Unigenitum Filium tuum Dominum et Salvatorem nostrum per quem maIestatem. 48
Corbie Nat H1 D M2 Mass Propers BenP Deus qui Unigenitum suum misit ut mundum salvaret eiusdem salutis vos participes efficiat et in ea perseverabiles reddat. Amen. Iram quae super infideles manet a vobis amoveat et ab ea vos in perpetuum liberos efficiat. Amen. Spiritum Filii sui vobis attribuat eiusque donis vos affatim exuberare concedat. Amen. Quod ipse praestare dignetur cuius regnum. 48
Corbie Nat H1 D M2 Mass Propers Postcomm Per huius Domine operationem mysterii et vitia nostra purgentur et iusta desideria impleantur. 48
Corbie Nat H1 D M2 Mass Propers Superpop Propitiare misericors Deus supplicationibus nostris et populum tuum pervigili protectione custodi ut qui Unigenitum tuum in carne nostri corporis Deum natum esse fatetur nulla possit diaboli falsitate corrumpi. 48
Corbie Jan 5 Epiphania (Vigilia) M2 Mass Propers Nonis Ianuarii… Coll Corda nostra quaesumus Domine venturae festivitatis splendor illustret quo mundi huius tenebris carere et pervenire valeamus ad patriam claritatis aeternae. 49
Corbie Jan 5 Epiphania (Vigilia) M2 Mass Propers Secr Tribue quaesumus Domine ut eum praesentibus immolemus sacrificiis et sumamus quem venturae sollemnitatis pia munera praeloquuntur. 49
Corbie Jan 5 Epiphania (Vigilia) M2 Mass Propers VD Vere dignum et iustum est aequum et salutare nos tibi semper et ubique gratias agere Domine sancte Pater omnipotens aeterne Deus et te laudare mirabilem Dominum in omnibus operibus tuis quibus sacratissima regni tui mysteria revelasti. Hanc etenim festivitatem dominicae apparitionis index stella praecessit quae natum in terra caeli Dominum magis stupentibus nuntiaret ut manifestandus mundo Deus et caelesti denuntiaretur indicio et temporaliter procreatus signorum temporalium ministerio panderetur. Et ideo cum. 49
Corbie Jan 5 Epiphania (Vigilia) M2 Mass Propers Postcomm Illumina quaesumus Domine populum tuum et splendore gratiae tuae cor eius semper accende ut Salvatoris mundi stella famulante manifestata nativitas mentibus eorum et reveletur semper et crescat. 50
Corbie Jan 6 Epiphania M2 Mass Propers VIII Idus Ianu… Coll Deus qui hodierna die unigenitum tuum gentibus stella duce revelasti concede propitius ut qui iam te ex fide cognovimus usque ad contemplandam speciem tuae celsitudinis perducamur. 50
Corbie Jan 6 Epiphania M2 Mass Propers Secr Ecclesiae tuae quaesumus Domine dona propitius intuere quibus non iam aurum thus et myrrha profertur sed quod eisdem muneribus declaratur immolatur et sumitur. 50
Corbie Jan 6 Epiphania M2 Mass Propers VD Vere dignum et iustum est aequum et salutare nos tibi semper et ubique gratias agere Domine sancte Pater omnipotens aeterne Deus quia cum Unigenitus tuus in substantia nostrae mortalitatis apparuit nova nos immortalitatis suae luce reparavit. Et ideo cum angelis. 50
Corbie Jan 6 Epiphania M2 Mass Propers VD Te igitur clementissime Pater per Iesum Christum Filium tuum Dominum nostrum supplices rogamus et petimus uti accepta habeas et benedicas haec dona haec munera haec sancta sacrificia illibata In primis quae tibi offerimus pro Ecclesia tua sancta catholica quam pacificare custodire adunare et regere digneris toto orbe terrarum una cum famulo tuo papa nostro ill et rege nostro ill et omnibus orthodoxis atque catholicae et apostolicae fidei cultoribus. 51
Corbie Jan 6 Epiphania M2 Mass Propers VDDiv Memento Domine famulorum famularumque tuarum (illorum et illarum) et omnium circumstantium quorum tibi fides cognita est et nota devotio qui tibi offerunt hoc sacrificium laudis pro se suisque omnibus pro redemptione animarum suarum pro spe salutis et incolumitatis suae; tibi reddunt vota sua aeterno Deo vivo et vero. 51
Corbie Jan 6 Epiphania M2 Mass Propers VDDiv Communicantes et diem sacratissimum celebrantes quo unigenitus tuus in tua tecum gloria coaeternus in veritate carnis nostrae visibiliter corporalis apparuit.. Sed et memoriam venerantes in primis eiusdem gloriosae semperque Virginis Mariae Genitricis eiusdem Dei et Domini nostri Iesu Christi. Sed et beatorum apostolorum ac martyrum tuorum Petri Pauli Andreae Iacobi Ioannis Thomae Iacobi Philippi Bartholomaei Matthaei Simonis et Thaddaei Lini Cleti Clementis Xysti Cornelii Cypriani Laurentii Chrysogoni Ioannis et Pauli Cosmae et Damiani et omnium sanctorum tuorum quorum meritis precibusque concedas ut in omnibus protectionis tuae muniamur auxilio. Per Christum Dominum nostrum. 51
Corbie Jan 6 Epiphania M2 Mass Propers BenP Deus lumen verum qui Unigenitum suum hodierna die stella duce gentibus voluit revelare sua vos dignetur benedictione ditare. Amen. Quo exemplo magorum mystica Domino Iesu Christo munera offerentes spreto antiquo hoste spretisque contagiis vitiorum ad aeternam patriam redire valeatis per viam virtutum. Amen. Detque vobis veram mentium innocentiam qui super Unigenitum suum Spiritum Sanctum demonstrare voluit per columbam eaque virtute mentes vestrae exerceantur ad intelligenda divinae legis arcana qua in Cana Galileae lympha est in vinum conversa. Amen. Quod ipse praestare dignetur. 52
Corbie Jan 6 Epiphania M2 Mass Propers Postcomm Praesta quaesumus omnipotens Deus ut quae sollemni celebramus officio purificatae mentis intelligentia consequamur. 53
Corbie Jan 6 Epiphania M2 Mass Propers Aliae oratione… Postcomm Omnipotens sempiterne Deus fidelium splendor animarum qui hanc sollemnitatem electionis gentium primitiis consecrasti imple mundum gloria tua et subditis tibi populis per luminis tui appare claritatem. 53
Corbie Jan 6 Epiphania M2 Mass Propers Alia. Postcomm Deus illuminator omnium gentium da populis tuis perpetua pace gaudere et illud lumen splendidum infunde cordibus nostris quod trium magorum mentibus adspirasti. 53
Corbie Jan 6 Epiphania M2 Mass Propers Alia. Postcomm Da nobis quaesumus Domine digne celebrare mysterium quo in nostri Salvatoris infantia miraculis coruscantibus declaratur et corporalibus incrementis manifesta designatur humanitas. 53
Corbie Jan 6 Epiphania M2 Mass Propers Postcomm Praesta quaesumus omnipotens Deus ut Salvatoris mundi stella duce manifestata nativitas mentibus nostris reveletur semper et crescat. 53
Corbie Jan 6 Epiphania M2 Mass Propers Postcomm Illumina Domine quaesumus populum tuum et splendore gratiae tuae cor eius semper accende ut Salvatorem suum et incessanter agnoscat et veraciter apprehendat. 54
Corbie Ep H1 D M2 Mass Propers Dominica prima… Coll Vota quaesumus Domine supplicantis populi caelesti pietate prosequere ut et quae agenda sunt videant et ad implenda quae viderint convalescant. 54
Corbie Ep H1 D M2 Mass Propers Secr Oblatum tibi Domine sacrificium vivificet nos semper et muniat. 54
Corbie Ep H1 D M2 Mass Propers VD Vere dignum et iustum est aequum et salutare nos tibi semper et ubique gratias agere Domine sancte Pater omnipotens aeterne Deus quia cum Unigenitus tuus in substantia nostrae mortalitatis apparuit nova nos immortalitatis suae luce reparavit. Et ideo cum angelis. 54
Corbie Ep H1 D M2 Mass Propers BenP Deus qui Filii sui temporalem pueritiam fecit esse mirabilem spiritu prudentiae corda vestra illustrare ac docere dignetur. Amen. Quique illum parentibus temporaliter subdi voluit ipse vos humilitatis et pietatis muneribus miseratus informet. Amen. Et qui eum sapientia aetate et gratia proficere tribuit spiritalium vobis profectuum incrementa propitius largiatur. Quod ipse praestare dignetur. 54
Corbie Ep H1 D M2 Mass Propers Postcomm Supplices te rogamus omnipotens Deus ut quos tuis reficis sacramentis tibi etiam placitis moribus dignanter deservire concedas. 55
Corbie Ep H1 D M2 Mass Propers Superpop Conserva Domine quaesumus familiam tuam et benedictionum tuarum propitius ubertate purifica ut eruditionibus tuis multiplicetur et donis. 55
Corbie Jan 13 Epiphania (Octava) M2 Mass Propers In octavis The… Coll Deus cuius unigenitus in substantia nostrae carnis apparuit praesta quaesumus ut per eum quem similem nobis foris agnovimus intus reformari mereamur. 55
Corbie Jan 13 Epiphania (Octava) M2 Mass Propers Secr Hostias tibi Domine pro nati tui filii apparitione deferimus suppliciter exorantes ut sicut ipse nostrorum auctor est munerum ipse sit misericors et susceptor. 55
Corbie Jan 13 Epiphania (Octava) M2 Mass Propers Postcomm Caelesti lumine quaesumus Domine semper et ubique nos praeveni ut mysterium cuius nos participes esse voluisti et puro cernamus intuitu et digno percipiamus effectu. 56
Corbie Jan 14 Felix in Pincis M2 Mass Propers XIX Kalendis F… Coll Concede quaesumus omnipotens Deus ut ad meliorem vitam sanctorum tuorum exempla nos provocent quatenus quorum sollemnia agimus etiam actus imitemur. 56
Corbie Jan 14 Felix in Pincis M2 Mass Propers Secr Hostias tibi Domine pro commemoratione sancti Felicis tui confessoris offerimus suppliciter deprecantes ut sicut illi praebuisti sacrae fidei claritatem sic nobis indulgentiam largiaris et pacem. 56
Corbie Jan 14 Felix in Pincis M2 Mass Propers VD Vere dignum et iustum est aequum et salutare nos tibi semper et ubique gratias agere Domine sancte Pater omnipotens aeterne Deus et confessionem sancti Felicis memorabilem non tacere qui nec haereticis pravitatibus nec saeculi blandimentis a sui status rectitudine potuit immutari sed inter utraque discrimina veritatis assertor firmitatem tuae fidei non reliquit. Per. 56
Corbie Jan 14 Felix in Pincis M2 Mass Propers Postcomm Quaesumus Domine salutaribus repleti mysteriis ut cuius sollemnia celebramus eius orationibus adiuvemur. 57
Corbie Ep H2 D M2 Mass Propers Dominica secun… Coll Omnipotens sempiterne Deus qui caelestia simul et terrena moderaris supplicationes populi tui clementer exaudi et pacem tuam nostris concede temporibus. 57
Corbie Ep H2 D M2 Mass Propers Alia. Coll Adesto quaesumus Domine supplicationibus nostris et in tua misericordia confidentes ab omni nos adversitate custodi. 57
Corbie Ep H2 D M2 Mass Propers Secr Ut tibi grata sint Domine munera populi tui supplicantis ab omni quaesumus eum contagione perversitatis emunda. 57
Corbie Ep H2 D M2 Mass Propers VD Vere dignum et iustum est aequum et salutare nos tibi semper et ubique gratias agere Domine sancte Pater omnipotens aeterne Deus semperque virtutes et laudes tuas labiis exsultationis effari qui nobis ad relevandos istius vitae labores diversa donorum tuorum solatia et munerum salutarium gaudia contulisti mittendo nobis Iesum Christum Filium tuum Dominum nostrum. Per quem. 57
Corbie Ep H2 D M2 Mass Propers BenP Deus qui sua mirabili potestate aquam vertit in vinum vos a vetustate subtractos in beatae vitae transferat novitatem. Amen. Et qui nuptiis interesse voluit ut earum sua praesentia comprobaret bonum ipse vobis castitatis et sobrietatis perpetuae conferat donum. Amen. Ipse vobis sanctarum intelligentiam scripturarum tribuat spiritalem qui aquas in vina vertendo hoc ipsum voluit designare. Amen. Quod ipse praestare dignetur cuius. 58
Corbie Ep H2 D M2 Mass Propers Postcomm Augeatur in nobis Domine quaesumus tuae virtutis operatio ut divinis vegetati sacramentis ad eorum promissa capienda tuo semper munere praeparemur. 58
Corbie Ep H2 D M2 Mass Propers Superpop Auxiliare Domine populo tuo ut sacrae devotionis proficiens incrementis et tuo semper munere gubernetur et ad redemptionis aeternae pertineat te ducente consortium. 58
Corbie Jan 16 Marcellus papa M2 Mass Propers XVII Kalendis… Coll Preces populi tui quaesumus Domine clementer exaudi ut beati Marcelli martyris tui atque pontificis meritis adiuvemur cuius passione laetamur. 58
Corbie Jan 16 Marcellus papa M2 Mass Propers Secr Suscipe quaesumus Domine munera dignanter oblata et beati Marcelli suffragantibus meritis ad nostrae salutis auxilium provenire concede. 59
Corbie Jan 16 Marcellus papa M2 Mass Propers VD Vere dignum et iustum est aequum et salutare nos tibi semper et ubique gratias agere Domine sancte Pater omnipotens aeterne Deus qui glorificaris in tuorum confessione sanctorum, et non solum excellentioribus praemiis martyrum tuorum merita gloriosa prosequeris sed etiam sacra mysteria competentibus servitiis exsequentes gaudium Domini sui tribuis benignus intrare. Per Christum Dominum. 59
Corbie Jan 16 Marcellus papa M2 Mass Propers Postcomm Satiasti Domine familiam tuam muneribus sacris; eius quaesumus semper interventione nos refove cuius sollemnia celebramus. 59
Corbie Jan 18 Prisca M2 Mass Propers XV Kalendis Fe… Coll Da quaesumus omnipotens Deus ut qui beatae Priscae martyris tuae natalicia colimus et annua sollemnitate laetemur et tantae fidei proficiamus exemplo. 59
Corbie Jan 18 Prisca M2 Mass Propers Secr Hostia Domine quaesumus quam sanctorum tuorum natalicia recensentes offerimus et vincula nostrae pravitatis absolvat et tuae nobis misericordiae dona conciliet. 59
Corbie Jan 18 Prisca M2 Mass Propers Postcomm Quaesumus Domine salutaribus repleti mysteriis ut cuius sollemnia celebramus eius orationibus adiuvemur. 60
Corbie Jan 20 Fabianus M2 Mass Propers XIII Kalendis… Coll Infirmitatem nostram respice omnipotens Deus et quia pondus propriae actionis gravat beati Fabiani martyris tui atque pontificis intercessio gloriosa nos protegat. 60
Corbie Jan 20 Fabianus M2 Mass Propers Secr Hostias tibi Domine beati Fabiani martyris tui dicatas meritis benignus assume et ad perpetuum nobis tribue provenire subsidium. 60
Corbie Jan 20 Fabianus M2 Mass Propers Postcomm Refecti participatione muneris sacri quaesumus Domine Deus noster ut cuius exsequimur cultum sentiamus effectum. 60
Corbie Jan 20 Sebastianus M2 Mass Propers Eodem die nata… Coll Deus qui beatum Sebastianum martyrem tuum virtute constantiae in passione roborasti ex eius nobis imitatione tribue pro amore tuo prospera mundi despicere et nulla eius adversa formidare. 60
Corbie Jan 20 Sebastianus M2 Mass Propers Secr Accepta sit in conspectu tuo Domine nostrae devotionis oblatio et eius nobis fiat supplicatione salutaris pro cuius sollemnitate defertur. 61
Corbie Jan 20 Sebastianus M2 Mass Propers VD Vere dignum et iustum est aequum et salutare nos tibi semper et ubique gratias agere Domine sancte Pater omnipotens aeterne Deus quoniam martyris beati Sebastiani pro confessione nominis tui venerabilis sanguis effusus simul et tua mirabilia manifestat quo perficis in infirmitate virtutem et nostris studiis dat profectum et infirmis apud te praestat auxilium. Per Christum Dominum nostrum. 61
Corbie Jan 20 Sebastianus M2 Mass Propers Postcomm Sacro munere satiati supplices te Domine deprecamur ut quod debitae servitutis celebramus officio intercedente beato Sebastiano martyre tuo salvationis tuae sentiamus augmentum. 61