Usuarium A Digital Library and Database for the Study of Latin Liturgical History
in the Middle Ages and Early Modern Period

Conspectus

filter
Origin S/M Week Day Topic M/H Ceremony Rubrics Genre Item P.N.
Kornelimünster Nov 21 Caecilia (Vigilia) M2 Mass Propers XI Kalendas De… VD Et te beatae Caeciliae natalicia praeveniendo laudare praedicare et benedicere, quam tanto munere sublimasti, ut ei conferres et virginitatis coronam, et martyrii palmam. Sicque virtute fidei et decore pudicitiae polleret, ut caelestia regna virgo pariter et martyr intraret. Per Christum. 558
Kornelimünster Nov 22 Caecilia M2 Mass Propers X Kalendas Dec… VD Qui in infirmitate virtutem perficis, et humani generis inimicum non solum per viros sed etiam per feminas vincis. Cuius munere beata Caecilia et in virginitatis proposito, et in confessione fidei roboratur, ut nec aetatis lubrico ab intentione mutetur, nec blandimentis carnalibus demulceatur, nec sexus fragilitate deterreatur, nec tormentorum inmanitate vincatur. Sed servando corporis ac mentis integritatem, cum virginitatis et martyrii palma aeternam mereretur adipisci beatitudinem. Per Christum. 558
Kornelimünster Nov 23 Clemens M2 Mass Propers VIIII Kalendas… VD Et in hac die quam beati clementis passio consecravit, et nobis venerabilem exhibuit. Qui apostolica praedicatione imbutus, doctrinis caelestibus educatus, successionis dignitate conspicuus, et martyr insignis, et sacerdos refulsit egregius. Per Christum. 559
Kornelimünster Nov 24 Chrysogonus M2 Mass Propers VIII Kalendas… VD Qui nos assiduis martyrum passionibus consolaris, et eorum sanguinem triumphalem, quem pro confessione nominis tui infidelibus praebuere fundendum, ad tuorum facis auxilium transire fidelium. Per Christum. 559
Kornelimünster Trin H25 D M2 Mass Propers Dominica V ant… VD Cuius primi adventus mysterium ita nos facias dignis laudibus et officiis celebrare: praesentemque vitam inculpabilem ducere, ut secundum valeamus interriti exspectare. Per quem. 559
Kornelimünster Nov 29 Saturninus M2 Mass Propers III Kalendas D… VD Cuius gratia beatum Saturninum in sacerdotium elegit, doctrina ad praedicandum erudiit, potentia ad perseverandum confirmavit, ut per sacerdotalem infulam perveniret ad martyrii palmam. Docensque subditos praedicando, instruens vivendi exemplo, confirmans patiendo., ut ad te coronandus perveniret, qui persecutorum minas intrepidus superasset. Cuius interventus nos, quaesumus, a nostris mundet delictis, qui tibi placuit tot donorum praerogativis. Per quem. 559
Kornelimünster Nov 29 Andreas apostolus (Vigilia) M2 Mass Propers Eodem die vigi… VD Et maiestatem tuam suppliciter exorare, ut, qui beati Andreae apostoli festum sollemnibus ieiuniis et devotis praevenimus ieiuniis, illius apud maiestatem tuam et adiuvemur meritis, et instruamur exemplis. Per Christum. 560
Kornelimünster Nov 30 Andreas apostolus M2 Mass Propers II Kalendas De… VD Quoniam adest nobis dies magnifici votiva mysterii, qua venerandus Andreas apostolus germanum se gloriosi apostoli tui Petri, tam praedicatione Christi tui quam conversatione monstravit., ut id, quod libera praedicaverat voce, nec pendens taceret in cruce. Auctoremque vitae perennis tam in hac vita sequi, quam in mortis genere meruit imitari., ut cuius praecepto terrena in semetipso crucifixerat desideria, eius exemplo ipse patibulo figeretur. Utrique igitur germani piscatores, ambo cruce elevantur ad caelum, ut quos in huius vitae cursu gratia tua tot vinculis pietatis obstrinxerat, hos inmarcescibilis in regno caelorum necteret et corona. Et quibus erat una causa certaminis, una retributio esset et praemii. Per Christum. 560
Kornelimünster Adv H1 D M2 Mass Propers Dominica IIII… VD Cui proprium est ac singulare, quod bonus es et nulla umquam a te es commutatione diversus, propitiare, quaesumus, supplicationibus nostris. Et Ecclesiae tuae misericordiam tuam quam deprecatur ostende, manifestans plebi tuae Unigeniti tui et incarnationis mysterium, et adventus admirabile sacramentum., ut in universitate nationum constet esse perfectum, quod vatum oraculis fuit ante promissum. Percipiantque dignitatem adoptionis, quos exornat confessio veritatis. Per quem. 561
Kornelimünster Adv Gen ff M2 Mass Propers In Adventu Dom… VD Et maiestatem tuam humiliter exposcere, ut ita nos Unigeniti tui in praesenti saeculo illustret respectus, qualiter nos culpis omnibus emundatos, inveniat secundus eius adventus. Per quem. 561
Kornelimünster Adv Gen ff M2 Mass Propers Alia VD Et immensam pietatem tuam indefessis precibus exorare, ut unigenitus tuus semper maneat in cordibus nostris, qui nasci dignatus est de utero virginis matris. Faciatque idoneos et ad celebranda natalis sui festa, et ad percipienda gaudia sempiterna. Per quem. 561
Kornelimünster Adv Gen ff M2 Mass Propers Alia VD Qui ab antiquis patribus exspectatus, ab angelo nuntiatus, a virgine conceptus, in fine saeculorum hominibus est praesentatus. Qui appropinquante nativitatis suae festo, ita, quaesumus, sit nobis placatus, qualiter tecum et cum spiritu sancto ad nos veniat nobiscum perpetim permansurus. Per quem. 562
Kornelimünster Adv H2 D M2 Mass Propers Dominica III a… VD Qui tuo inerrabili munere praestitisti, ut natura humana ad similitudinem tui condita, dissimilis per peccatum et mortem effecta, nequaquam in aeterna damnatione periret, sed unde peccatum mortem contraxerat, inde vitam tua pietas immensa repararet. Et antiquae virginis facinus, nova et intemerata virgo maria piaret. Quae ab angelo salutata, ab spiritu sancto obumbrata, illum gignere meruit, qui cuncta nasci suo nutu concessit. Quae mirabatur et corporis integritatem, et conceptus fecunditatem, gaudebatque suum paritura parentem, Iesum Christum Dominum nostrum. Per quem. 562
Kornelimünster Adv H3 D M2 Mass Propers Dominica II an… VD Cuius incarnatione salus facta est mundi, et passione redemptio procurata est hominis procreati. Ipse nos, quaesumus, ad aeternum perducat praemium, qui redemit de tenebris infernorum. Iustificetque in adventu secundo, qui nos redemit in primo. Quatenus illius nos a malis omnibus defendat sublimitas, cuius nos ad vitam erexit humilitas. Per quem. 562
Kornelimünster Adv QuT f4 M2 Mass Propers Mensis X feria… VD Quem pro salute hominum nasciturum Gabriel archangelus nuntiavit, virgo maria Spiritus Sancti cooperatione concepit. Ut, quod angelica nuntiavit sublimitas, virginea crederet puritas, ineffabilis perficeret deitas. Illius itaque optamus et opitulante cernere faciem sine confusione, cuius incarnationis gaudemus sollemnitate. Quatenus purificati ieiuniis, cunctis purgati a vitiis, natalis eius interesse mereamur sollemnibus festis. Per quem. 563
Kornelimünster Adv QuT f6 M2 Mass Propers Feria VI VD Qui sanctificator et institutor es abstinentiae, cuius nullus finis, nullusque est numerus. Effunde, quaesumus, super nos in diebus ieiuniorum nostrorum spiritum gratiae salutaris, et ab omnibus nos perturbationibus saeculi huius, tua defensione conserva, ut, qui Unigeniti tui celebramus adventum, continuum eius sentiamus auxilium. Per quem. 563
Kornelimünster Adv QuT S M2 Mass Propers Sabbato in XII… VD Qui non solum peccata dimittis, sed ipsos etiam iustificas peccatores. Et reis non tantum poenas relaxas, sed dona largiris et praemia. Cuius nos pietatem supplices exoramus, ut, qui ieiuniis et votis sollemnibus nativitatem Unigeniti tui praevenimus, illius dono et praesentis vitae perturbationibus careamus, et aeterna munera capiamus. Per quem. 563
Kornelimünster Adv H4 D M2 Mass Propers Dominica I ant… VD Quem Ioannes praecessit nascendo, et in desertis heremi praedicando, et in fluentis Iordanicis baptizando, et ad inferna descendendo. Cuius venerandae nativitatis proximae ventura sollemnitas, ita nos, quaesumus, tibi placitos reddat, ut cum fructu bonorum operum ad regna caelestia introducat., ut parando in cordibus < nostris> viam Domino, fructusque dignos paenitentiae faciendo, per praedicationem Ioannis, obtemperemus monitis nostri salvatoris, sicque perveniamus per filium sterilis, ad filium virginis, per Ioannem hominem magnum, ad eundem dominum nostrum hominem deum. Qui, sicut venit ad nos redimendum occultus, ita iustificet cum ad iudicandum venerit manifestus. Per quem. 564
Kornelimünster Dec 21 Thomas apostolus M2 Mass Propers XII Kalendas I… VD Qui Ecclesiam tuam in apostolicis tribuisti consistere fundamentis, de quorum collegio beati Thomae apostoli tui sollemnia celebrantes, tua, Domine, praeconia non tacemus. Et ideo cum angelis. 564
Kornelimünster martyr unus (vigilia) M2 Mass Propers In vigilia uni… VD Et gloriosi illius martyris pia certamina venerando praevenire, cuius honorabilis annua recursione sollemnitas, et perpetua semper et nova est. Quia et in conspectu tuae maiestatis permanet mors tuorum pretiosa iustorum. Et restaurantur incrementa laetitiae, cum felicitatis aeterne recoluntur exordia. Per Christum. 564
Kornelimünster martyr unus M2 Mass Propers In natale uniu… VD Et in praesenti festivitate sancti martyris tui ill. tibi confitendo laudis hostias immolare tuamque immensam pietatem implorare. Ut, sicut illi dedisti celestis palmam triumphi, sic eo suffragante nobis emundationem ac veniam concedas peccati., ut in te exsultemus in misericordia, in quo ille laetatur in gloria. Per Christum. 565
Kornelimünster martyr unus M2 Mass Propers Item alia VD Et te in omnium martyrum tuorum triumphis laudare. Quoniam tuis donis atque muneribus beati martyris tui ill. passionem hodierna sollemnitate veneramur. Qui pro confessione Iesu Christi Filii tui Domini nostri diversa supplicia sustinuit, et eadem vincens coronam perpetuitatis promeruit. Per quem. 565
Kornelimünster martyres plures M2 Mass Propers In natale plur… VD Qui sanctorum martyrum tuorum pia certamina ad copiosam perducis victoriam, atque perpetuum eis largiris triumphum, ut Ecclesiae tuae semper sint in exemplum. Praesta nobis, quaesumus, ut per eorum intercessionem quorum festa celebramus, pietatis tuae munera capiamus. Per Christum. 565
Kornelimünster confessor unus M2 Mass Propers In natale uniu… VD Et in hac die quam transitu sacro beati confessoris tui ill. consecrasti, quaesumus, ergo clementiam tuam, ut des nobis illam sequi doctrinam, quam ille et verbo docuit, et opere complevit. Quatenus nos adiuvari apud misericordiam tuam et exemplis eius sentiamus et meritis. Per Christum. 566
Kornelimünster confessor unus M2 Mass Propers Item alia VD Et te in sanctorum tuorum virtute laudare quibus pro meritis suis beatitudinis praemia contulisti, quoniam semper in manu tua sunt, et non tanget illos tormentum mortis, quos te custodiente beatitudinis sinus intercludit, ubi perpetua semper exsultatione laetantur, ubi etiam beatus summus confessor tuus ille sociatus exsultat. Petimus ergo, ut memor sit miseriarum nostrarum, et de tua misericordia nobis impetret beatitudinis suae consortium. Per Christum. 566
Kornelimünster confessores plures M2 Mass Propers In natale plur… VD Et maiestatem tuam supplici devotione exorare, ut beatorum confessorum tuorum illorum quorum hodie festa celebramus obtentu, mereamur tuum obtinere auxilium. Per Christum. 566
Kornelimünster virgo una M2 Mass Propers In natale uniu… VD Quem beata virgo pariter et martyr ill. et diligendo timuit, et timendo dilexit. Iliique coniuncta est moriendo, cui se consecraverat caste vivendo. Et pro eo temporalem studuit sustinere poenam, ut ab eo perciperet gloriam sempiternam. Quae dum duplicem vult sumere palmam in sacri certaminis agone, et de corporis integritate, et de fidei puritate, laboriosius duxit longa antiqui hostis sustinere temptamenta, quam vitam praesentem cito amittere per tormenta. Quoniam cum in martyrio proponantur ea, quae terreant, in camis vero delectamentis ea, quae mulceant, molestius sustinetur hostis occultus, quam superetur infestus. Cum ergo in utroque tui sit muneris, quod vicit, quia nihil valet humana fragilitas, nisi tua hanc adiuvet pietas, pro nobis, quaesumus, tuam pietatem exoret, quae a te accepit, ut vinceret. Et, quae Unigeniti tui intrare meruit thalamum, intercessione sua inter mundi huius adversa nobis praestet auxilium. Per quem. 566
Kornelimünster virgines plures M2 Mass Propers In natale virg… VD Pro cuius caritatis ardore istae et omnes sanctae virgines a beata maria exemplum virginitatis accipientes, praesentis saeculo voluptates ac delicias contempserunt. Quoniam tuo dono actum est, ut postquam virgo de virgine prodiit, sexus fragilis esset fortis, et in quo fuit peccandi facilitas, esset vincendi felicitas. Antiquusque hostis, qui per antiquam virginem genus humanum se vicisse gloriabatur, per sanctas nunc virgines sequaces potius Mariae, quam Evae vincatur. Et in eo maior eo confusio crescat:, quod de eo etiam sexus fragilis iam triumphat. Quapropter immensam pietatem tuam humiliter exposcimus, ut per earum intercessionem, quae et sexum vicerunt et saeculum, tibique placuerunt et virginitatis decore, et passionis vigore, nos mereamur et invisibilem hostem superare, et unigenito tuo Domino nostro adherere. Per quem. 567
Kornelimünster pro rege M2 Mass Propers Praefatio in m… VD Qui es fons inmarcescibilis lucis et origo perpetuae bonitatis, regum consecrator, honorum omnium adtributor, dignitatumque largitor. Cuius ineffabilem clementiam votis omnibus exoramus, ut famulum tuum illum quem regalis dignitatis fastigio voluisti sublimari, sapientiae ceterarumque virtutum ornamentis facias decorari. Et quia tui est muneris, quod regnat, tuae sit pietatis quo id feliciter agat. Quatenus in fundamento spei fidei caritatisque fundatus, peccatorum labe abstersus, de visibilibus et invisibilibus hostibus triumphator effectus, subiecti populi augmento prosperitate et securitate exhilaratus, cum eis mutua dilectione connexus, et transitorii regni gubernacula inculpabiliter teneat, et ad aeterni infinita gaudia te miserante perveniat. Per Christum. 568
Kornelimünster in synodo pro rege M2 Mass Propers Alia praefatio… VD Qui es fons vitae, origo luminis, et auctor totius bonitatis. Et maiestatem tuam totis nisibus implorare, ut famulo tuo ill., cui concessisti regendi populi curam, tribuas id secundum tuam voluntatem exsequendi efficaciam. Et quibus tuo dono imperat, eis tua opitulatione fultus salubriter prosit, ut pariter ab omnibus vitae periculis exuti, et virtutum spiritalium ornamentis induti, spei fidei caritatisque gemmis ornati, et mundi cursus pacifico eis tuo ordine dirigatur, et in sanctis operibus te auxiliante perseverent, (beatorumque spirituum coheredes effici mereantur). Per Christum. 568
Kornelimünster in synodo pro rege M2 Mass Propers Item alia VD Tuamque immensam clementiam devotis mentibus, et immensis precibus implorare, ut, qui diversitatem gentium unius sacrae fidei confessione Paracliti spiritus dona voluisti congregare, congregatam cleri ac populi multitudinem, una cum praelato principe iubeas conservare. Idque in hoc conventu te opitulante deliberent, quod nequaquam a tua voluntate discordet. Quatinus tuis monitis parentes, adversitatibus omnibus carentes, bonis omnibus exuberantes, et in praesenti saeculo pacis tranquillitate fruantur, et aeternorum civium consortio adscisci mereantur. 569
Kornelimünster Missa votiva M2 Mass Propers In missa votiva VD Cuius omnipotentia deprecanda est, misericordia exoranda, pietas amplectenda. Cuius maiestatem humili prece deposcimus, ut famulo tuo ill., intercedente sancto tuo ill., remissionem peccatorum tribuas, eiusque viam in voluntate tua dirigas, eumque a cunctis malis eripias. Quatenus a cunctis adversitatibus liberatus, in tuis bonis confirmatus, et ad bonorum desideriorum vota perveniat, et, quae iuste postulat te largiente percipiat. Per Christum. 570
Kornelimünster Missa votiva M2 Mass Propers Alia VD Et pietatem tuam supplici devotione exposcere, ut haec oblatio quam tibi pro famulo tuo ill. offerimus, sit in oculis tuis semper accepta. Et, sicut sanctos tuos fides recta provexit ad coronam, ita eum devotio perducat ad veniam. Qualiter hac oblatione placatus, a cunctis eum emundes sordibus delictorum, et dites fructu operum bonorum. Per Christum. 570
Kornelimünster Missa votiva M2 Mass Propers Item alia VD Implorantes tuae maiestatis misericordiam, ut famulo tuo ill. veniam suorum largiri digneris peccatorum., ut ab omnibus inimici vinculis liberatus, tuis toto corde inhaereat mandatis. Et te solum semper tota virtute diligat, et ad tuae quandoque beatitudinis visionem pervenire mereatur. Per Christum. 570
Kornelimünster pro familiaribus M2 Mass Propers In missa pro f… VD Clementiam tuam pronis mentibus obsecrantes, ut famulos tuos quos sanctae dilectionis nobis familiaritate coniunxisti, tibi facias toto corde subiectos., ut tuae caritatis spiritu repleti, a terrenis mundentur cupiditatibus, et caelesti beatitudine te donante digni efficiantur. Per Christum. 570
Kornelimünster pro iter agentibus M2 Mass Propers Pro iter agent… VD A quo deviare mori, coram quo ambulare vivere est, qui fideles tuos in tua via deducis, et miseratione gratissima in veritatem inducis. Qui Abrahae Isaac et Iacob in praesentis viae et vitae circulo custos dux et comes esse voluisti, et famulo tuo Tobi angelum praevium praestitisti. Cuius immensam misericordiam humillimis precibus imploramus, ut iter famuli tui illius cum suis in prosperitate dirigere, eumque inter viae et vitae huius varietates digneris custodire. Quatenus angelorum tuorum praesidio fultus, intercessione quoque sanctorum munitus, a cunctis adversitatibus tua miseratione defensus, profectionis et reversionis suae felicitate potitus, et compos reddatur iustorum votorum, et de suorum laetetur remissione peccatorum. Per Christum. 571
Kornelimünster in tempore belli M2 Mass Propers In tempore bel… VD Te toto corde prostrati suppliciter exorantes, ut et praeteritorum nobis concedas veniam delictorum, et ab omni mortalitatis incursu, continua nos miseratione protegas. Quia tunc defensionem tuam non diffidimus adfuturam, cum a nobis ea quibus te offendimus dignanter expuleris. Per Christum. 571
Kornelimünster in tempore belli M2 Mass Propers Item alia VD Qui subiectas tibi glorificas potestates, suscipe, quaesumus, propitius preces nostras, et vires adde principibus nostris, ut, qui se dextera tua expetunt protegi, nulla possint adversitate superari. Fidelem quoque populum tuum potentiae tuae muniat invicta defensio, ut pio semper tibi devotus affectu, et ab infestis liberetur inimicis, et in tua iugiter gratia perseveret. Per Christum. 572
Kornelimünster in tempore belli M2 Mass Propers Alia VD Sub cuius potestatis arbitrio omnium regnorum continetur potestas, te humiliter deprecamur, ut principibus nostris propitius adesse digneris. Ut, qui tua expetunt se protectione defendi, omnibus sint hostibus fortiores. Per Christum. 572
Kornelimünster in tribulationibus M2 Mass Propers In missa pro q… VD Qui fragilitatem nostram non solum misericorditer donis temporalibus consolaris, ut nos ad aeterna provehas, sed etiam ipsis adversitatibus saeculi benignus erudis, ut ad caelestia regna perducas. Per Christum. 572
Kornelimünster contra pestem animalium M2 Mass Propers Praefatio pro… VD Qui ideo malis praesentibus nos flagellas, ut ad bona futura perducas. Ideo bonis temporalibus consolaris, ut sempiternis efficias certiores, quo te et in prosperis et in adversis pia semper confessione laudemus. Per Christum. 572
Kornelimünster pro infirmis M2 Mass Propers Pro infirmis VD Qui famulos tuos ideo corporaliter verberas, ut mente proficiant, potenter ostendens, quod sit pietatis tuae praeclara salvatio, dum praestas, ut operetur nobis etiam ipsa infirmitas salutem. Per Christum. 573
Kornelimünster pro defuncto M2 Mass Propers In missa unius… VD Quoniam quamvis humano generi mortis inlata condicio pectora nostra contristet, tamen clementiae tuae dono spe futurae immortalitatis erigimur, ac memores salutis aeternae non timemus lucis huius sustinere iacturam. Quoniam beneficio gratiae tuae fidelibus vita non tollitur sed mutatur atque animae corporeo ergastulo liberatae, horrent mortalia, dum immortalia consecuntur. Unde, quaesumus, ut famulus tuus ill. beatorum tabernaculis constitutus, evasisse se carnales glorietur angustias, diemque iudicii cum fiducia voto glorificationis exspectet. Per Christum. 573
Kornelimünster pro defuncto M2 Mass Propers Item alia VD In cuius adventu cum geminam iusseris sistere plebem, iubeas famulum tuum ill. a numero discernere malorum. Quem tribuas evadere flammas poene aeterne, et iuste potius adipisci praemia vitae. Induique iubeas devicta morte vigore, semper inextinctam habere luminis auram, dignare perpetuam praeclaro in corpore vitam. Nox ibi nulla suas defendit atra tenebras, securus de salute placidis laetetur in horis, semper victurus, semperque in luce futurus. Per quem. 573
Kornelimünster in depositione M2 Mass Propers Item alia in d… VD Per quem salus mundi, per quem vita omnium, per quem resurrectio mortuorum. Per ipsum te, Domine, suppliciter deprecamur, ut animae famuli tui ill., cuius diem ill. celebramus indulgentiam largiri digneris perpetuam, atque contagiis mortalitatis exutam in aeternae salvationis parte restituas. Per quem. 574
Kornelimünster pro defunctis M2 Mass Propers In plurimorum… VD Qui es redemptor animarum sanctarum, quamvis enim mortis humano generi inlata condicio pectora humana mentesque contristet, tamen clementiae tuae dono spe futurae immortalitatis erigimur. Et memores salutis nostrae non timemus lucis huius subire dispendium, quia misericordiae tuae munere fidelibus vita mutatur non tollitur, et in timoris tui observatione defunctis domicilium perpetuae felicitatis acquiritur. Tibi igitur, clementissime Pater, preces supplices fundimus, et maiestatem tuam devotis mentibus exoramus, ut animae famulorum famularumque tuarum, quorum diem commemorationis celebramus, mortis vinculis absolutae, transitum mereantur ad vitam, et in ovium tibi placitarum benedictione aeternum numerentur ad regnum. Per quem. 574
Kornelimünster pro defunctis M2 Mass Propers Item alia VD Cuius sacram passionem pro immortalibus et bene quiescentibus animabus sine dubio celebramus, pro his praecipue quibus secundae nativitatis gratiam praestitisti, quo exemplo Iesu Christi Domini nostri coeperunt esse de resurrectione securi. Quippe, qui fecisti, quae non erant, potes reparare, quae fuerant. Et resurrectionis futurae nobis documenta, non solum per propheticam et apostolicam doctrinam, sed eiusdem Unigeniti tui redemptoris nostri resurrectione dedisti. Ut, quod per prophetas est nuntiatum, per apostolos traditum, ipsius resurrectionis exemplo sit firmatum. Per quem. 575
Kornelimünster Dec 24 Nativitas (Vigilia) M2 Mass Propers Benedictio in… BenP Omnipotens Deus, qui incarnatione unigeniti sui mundi tenebras effugavit, et eius gloriosa nativitate hanc sacratissimam noctem irradiavit, effuget a vobis tenebras vitiorum, et irradiet corda vestra luce virtutum. Amen. Quique eius sacratissimae nativitatis, gaudium magnum pastoribus ab angelo voluit nuntiari, ipse super vos benedictionis suae gratissimum imbrem infundat, atque ipso pastore vos ad aeternorum gaudiorum pascua aeterna perducat. Amen. Et, qui per eius incarnationem terrena caelestibus sociavit, internae pacis et bonae voluntatis vos nectare repleat, et caelestis militiae consortes efficiat. Amen. Quod ipse praestare dignetur cuius regnum et imperium sine fine permanet in saecula saeculorum. Amen. Benedictio Dei Patris et Filii et Spiritus Sancti, et pax Domini sit semper vobiscum. 576
Kornelimünster Dec 25 Nativitas M2 Mass Propers Benedictio in… BenP Benedicat vobis omnipotens Deus, vestramque ad supernam excitet intentionem, qui hanc sacratissimam diem nativitate filii sui fecit esse sollemnem. Amen. Et, qui eum, qui panis est angelorum in praesepi ecclesiae cibum fecit esse fidelium animalium, ipse vos et in praesenti saeculo degustare faciat aeternorum dulcedinem gaudiorum, et in futuro perducat ad societatem aeternorum praemiorum. Amen. Quique eius infantiam vilibus voluit indui pannis, ipse vos caelestium vestimentorum induat ornamentis. Amen. Quod ipse praestare dignetur cuius regnum et imperium sine fine permanet in saecula saeculorum. Amen. Benedictio Dei Patris et Filii et Spiritus Sancti, et pax Domini sit semper vobiscum. 576
Kornelimünster Dec 26 Stephanus martyr M2 Mass Propers Benedictio in… BenP Deus, qui beatum Stephanum protomartyrem coronavit, et confessione fidei et agone martyrii, mentes vestras circumdet, et in praesenti saeculo corona iustitiae, et in futuro perducat vos ad coronam gloriae. Amen. Illius obtentu tribuat vobis dei et proximi caritate semper exuberare, qui hanc studuit etiam inter lapidantium impetus obtinere. Amen. Quo eius et exemplo roborati et intercessione muniti, ab eo quem ille a dextris dei vidit stantem, mereamini benedici. Amen. Quod ipse praestare dignetur, qui cum Patre et spiritu sancto vivit et gloriatur Deus, per omnia saecula saeculorum. Amen. Benedictio Dei Patris et Filii et Spiritus Sancti, et pax Domini sit semper vobiscum. 577
Kornelimünster Dec 27 Ioannes apostolus M2 Mass Propers Benedictio in… BenP Omnipotens Deus dignetur vobis per intercessionem beati Ioannis apostoli et evangelistae benedicere, qui per eum archana verbi sui voluit ecclesiae revelare. Amen. Concedat vobis ut, quod ille Spiritus Sancti munere afflatus, vestris auribus infudit, eiusdem spiritus dono capere mente valeatis. Amen. Quo eius documento de divinitate nostri redemptoris edocti, et amando, quod tradidit, et praedicando, quod docuit, et exsequendo, quod iussit, ad dona pervenire mereamini, quae idem Iesus Christus Dominus noster repromisit. Amen. Quod ipse praestare dignetur, qui cum Patre et spiritu sancto vivit et gloriatur Deus, per omnia saecula saeculorum. Amen. Benedictio Dei Patris et Filii et Spiritus Sancti, et pax Domini sit semper vobiscum. 577
Kornelimünster Dec 28 Innocentes M2 Mass Propers Benedictio in… BenP Omnipotens Deus pro cuius Unigeniti veneranda infantia infantum innocentum catervas herodis funesti peremit saevitia, suae vobis benedictionis tribuat dona gratissima. Amen. Et, qui eis concessit, ut unicum filium eius dominum nostrum non loquendo sed moriendo confiterentur, concedat vobis, ut fidem veram quam lingua vestra fatetur, etiam mores probi et vita inculpabilis fateatur. Amen. Quique eos primitivum fructum sanctae suae suscepit ecclesiae, cum fructu bonorum operum vos faciat pervenire ad gaudia aeternae patriae. Amen. Quod ipse praestare dignetur, qui cum Patre et spiritu sancto. Benedictio Dei Patris et Filii et Spiritus Sancti, et pax Domini sit semper vobiscum. 578
Kornelimünster Jan 1 Circumcisio M2 Mass Propers Benedictio in… BenP Omnipotens Deus cuius Unigenitus hodierna die ne legem solveret quam adimplere venerat corporalem suscepit circumcisionem, spiritali circumcisione mentes vestras ab omnibus vitiorum incentivis expurget, et suam in vos infundat benedictionem. Amen. Et, qui legem per Moysen dedit, ut per mediatorem nostrum benedictionem daret, exuat vos mortificatione vitiorum, et faciat perseverare in novitate virtutum. Amen. Quo, sic in senarii numeri perfectione in hoc saeculo vivatis, et in septenario inter beatorum spirituum agmina requiescatis, quatenus in octavo resurrectione renovati, iubelei remissione ditati, ad gaudia sine fine mansura perveniatis. Amen. Quod ipse praestare dignetur, qui cum Patre et spiritu sancto. 579
Kornelimünster Jan 6 Epiphania M2 Mass Propers Benedictio in… BenP Deus lumen verum, qui Unigenitum suum hodierna die stella duce gentibus voluit revelare, sua vos dignetur benedictione ditare. Amen. Quo exemplo magorum mystica Domino Iesu Christo munera offerentes, spreto antiquo hoste, spretisque contagiis vitiorum, ad aeternam patriam redire valeatis per viam virtutum. Amen. Detque vobis veram mentium innocentiam, qui super unigenitum suum Spiritum Sanctum daemonstrari voluit per columbam, eaque virtute mentes vestrae exerceantur ad intellegenda divinae legis archana qua in Chana Galileae lympha est in vinum conversa. Amen. Quod ipse praestare dignetur cuius regnum. Amen. 579
Kornelimünster Feb 2 Purificatio BMV M2 Mass Propers Benedictio in… BenP Omnipotens Deus, qui Unigenitum suum hodierna die in adsumpta carne in templo voluit praesentari, benedictionis suae vos munere fultos, bonis operibus faciat exornari. Amen. Et, qui eum, ut legem adimpleret ministrum voluit effici legis, mentes vestras instruat legis suae spiritalibus documentis. Amen. Quo ei et pro turturibus castitatis seu caritatis munera offerre valeatis, et pro pullis columbarum Spiritus Sancti donis exuberetis. Amen. Quod ipse praestare dignetur. Amen. 580
Kornelimünster Qu H1 D M2 Mass Propers Benedictio in… BenP Benedicat vobis omnipotens Deus, qui quadragenarium numerum in Moysi et Eliae necnon et mediatoris nostri ieiunio consecravit, concedatque vobis ita transigere praesentis vitae dispensationem, ut accepto a patrefamilias remunerationis denario, perveniatis ad peccatorum omnium remissionem, et ad gloriosam cum sanctis omnibus resurrectionem. Amen. Detque vobis spiritalium virtutum invictricia arma quibus exemplo Domini devincere valeatis antiqui hostis sagacissima temptamenta. Amen. Quo non in solo pane sed in omni verbo, quod de ore eius procedit spiritalem sumentes alimoniam, per ieiuniorum observationem et ceterorum bonorum operum exhibitionem, percipere mereamini inmarcescibilem gloriae coronam. Amen. Quod ipse praestare dignetur cuius regnum. Amen. 580
Kornelimünster Qu H2 D M2 Mass Propers Benedictio sec… BenP Omnipotens Deus ieiunii ceterarumque virtutum dedicator atque amator, sua vos benedictione sanctificet. Amen. Accendat in vobis piae devotionis affectum, et praebeat supplicantibus suum benignus auditum. Amen. Quatenus mentes vestrae sinceris purgatae ieiuniis, bonorum omnium exuberent incrementis. Amen. Quod ipse praestare dignetur. Amen. 581
Kornelimünster Qu H3 D M2 Mass Propers Benedictio ter… BenP Omnipotens Deus ieiuniorum vestrorum victimas clementer accipiat, et sua vos benedictione dignos efficiat. Amen. Mentes vestras ita parsimoniae bono contra vitia muniat, praeceptorum suorum doctrinis erudiat, caritatis dono repleat, ut vos in omnibus sibi placere concedat. Amen. Quatenus praesentis quadragesimae diebus devotissime celebratis, ad paschalia festa purificatis cordibus accedere valeatis. Amen. Quod ipse praestare dignetur cuius regnum. 581
Kornelimünster Qu H4 D M2 Mass Propers Benedictio in… BenP Deus, qui vos ad praesentium quadragesimalium dierum medietatem dignatus est perducere, ipse vos sua miseratione dignetur benedicere. Amen. Abstinentiam vestram praeteritam acceptet, futuram ita sibi placitam reddat, ut, sicut ab inlicitis cibis, ita vos etiam a vitiis omnibus abstinere concedat. Amen. Quo de praeteritis et de futuris spiritalium charismatum frugibus ei grates persolventes, ad sanctum Pascha pervenire possitis indemnes. Amen. Quod ipse praestare dignetur. 581
Kornelimünster Qu H5 D M2 Mass Propers Benedictio qui… BenP Accendat in vobis Dominus uim sui amoris, et per ieiuniorum observantiam infundat in vobis donum suae benedictionis. Amen. Sic ei parsimoniae victimas offeratis, ut contriti ei cordis et humiliati sacrificio placeatis. Amen. Quatenus oratio vestra ieiunii et elemosinae alis subvecta, ita ad aures vestri conditoris ascendat, ut vos aeternae beatitudinis heredes, et supernorum civium consortes efficiat. Amen. Quod ipse praestare dignetur, qui cum Patre et spiritu sancto vivit et gloriatur Deus, per omnia saecula. Amen. Benedictio Dei Patris et Filii et Spiritus Sancti, et pax Domini sit semper vobiscum. 582
Kornelimünster Qu H6 D M2 Mass Propers Benedictio in… BenP Benedicat vobis omnipotens Deus, cui et ieiuniorum maceratione, et praesentium dierum observatione placere studetis. Amen. Concedatque vobis, ut, sicut ei cum ramis palmarum ceterarumve frondium praesentari studuistis, ita cum palma victoriae et fructu bonorum <operum> ei post obitum apparere valeatis. Amen. Quique unigeniti filii eius passionem puro corde creditis, mente devota venerari studetis, ad resurrectionis eius festa et vestrae remunerationis praemia, ipsius fulti munimine veniatis. Amen. Quod ipse praestare dignetur cuius regnum et imperium sine fine permanet in saecula saeculorum. Amen. 582
Kornelimünster Qu H6 D M2 Mass Propers Item alia bene… BenP Omnipotens Deus, qui Unigeniti sui passione tribuit humilitatis exemplum, concedat vobis per eandem humilitatem percipere suae benedictionis ineffabile donum. Amen. Ipsius resurrectionis percipiamus consortia, cuius patientiae veneramini documenta. Amen. Quo ab eo sempiternae vitae munus percipiatis, per cuius temporalem mortem aeternam vos evadere creditis. Amen. Quod ipse praestare dignetur, qui cum Patre. Amen. 583
Kornelimünster Qu H6 f5 M2 Mass Propers Benedictio in… BenP Benedicat vos Deus, qui per unigeniti Filii sui passionem vetus pascha in novum voluit converti, concedatque vobis, ut expurgato veteris fermenti contagio, nova in vobis perseveret consparsio. Amen. Et, qui ad celebrandam redemptoris nostri caenam mente devota convenistis, aeternarum dapium vobiscum epulas reportetis. Amen. Ipsiusque opitulante clementia mundemini a sordibus peccatorum, qui ad insinuandum humilitatis exemplum, pedes voluit lavare discipulorum. Amen. Quod ipse praestare dignetur, qui cum. 583
Kornelimünster Qu H6 S M2 Mass Propers Benedictio in… BenP Deus, qui de ecclesiae suae intemerato utero novos populos producens eam virginitate manente nova semper prole fecundat, fidei spei et caritatis vos munere repleat, et suae in vos benedictionis dona infundat. Amen. Et, qui hanc sacratissimam noctem redemptoris nostri resurrectione voluit illustrare, mentes vestras peccatorum tenebris mundatas, virtutum copiis faciat coruscare. Amen. Quo eorum, qui modo renati sunt innocentiam imitari certetis, et vascula mentium vestrarum exemplo praesentium luminum illustretis, ut cum bonorum operum lampadibus ad huius sponsi thalamum cuius resurrectionem celebratis, cum prudentibus virginibus intrare possitis. Amen. Quod ipse praestare dignetur, qui cum Patre. 584
Kornelimünster Pasc H0 D Resurrectio Domini M2 Mass Propers Benedictio in… BenP Benedicat vos, omnipotens Deus, hodierna interveniente paschali sollemnitate, et ab omni miseratus dignetur defendere pravitate. Amen. Et, qui ad aeternam vitam in unigeniti sui resurrectione vos reparat, in ipsius adventu immortalitatis vos gaudiis vestiat. Amen. Et, qui expletis ieiuniorum sive passionis dominicae diebus paschalis festi gaudia celebratis, ad ea festa, quae non sunt annua sed continua, ipso opitulante exsultantibus animis veniatis. Amen. Quod ipse praestare dignetur cuius regnum et imperium. 584
Kornelimünster Pasc H1 D Resurrectio Domini M2 Mass Propers Benedictio in… BenP Deus cuius unigenitus hodierna die discipulis suis ianuis clausis dignatus est apparere, suae vos benedictionis dono locupletare, et caelestis vobis regni ianuas dignetur aperire. Amen. Et, qui ab eorum pectoribus adtactu sui corporis vulnus amputavit dubietatis, concedat, ut per fidem qua eum resurrexisse creditis, omnium delictorum maculis careatis. Amen. Et, qui eum cum Thoma deum et dominum creditis et cernuis vocibus invocatis, ab eo et in hoc saeculo a malis omnibus tueri, et in futuro sanctorum coetibus adscisci valeatis. Amen. Quod ipse praestare dignetur, qui cum Patre. 585
Kornelimünster Pasc H0 D Resurrectio Domini M2 Mass Propers Benedictio de… BenP Benedicat vos omnipotens Deus, qui vos gratuita miseratione creavit, et in resurrectione unigeniti sui spem vobis resurgendi concessit. Amen. Resuscitet vos de vitiorum sepulchris, qui eum resuscitavit a mortuis. Amen. Et cum eo sine fine feliciter vivatis, quem resurrexisse a mortuis veraciter creditis. Amen. Quod ipse praestare dignetur, qui cum Patre. 585
Kornelimünster Pasc H0 D Resurrectio Domini M2 Mass Propers Item alia bene… BenP Deus, qui per resurrectionem unigeniti sui vobis contulit et bonum redemptionis et decus adoptionis, suae vobis conferat praemia benedictionis. Amen. Et quo redimente percepistis donum perpetuae libertatis, eo largiente consortes efficiamini aeternae hereditatis. Amen. Et, cui consurrexistis in baptismate credendo, adiungi mereamini in caelesti regione bene vivendo. Amen. Quod ipse praestare dignetur, qui cum Patre. 586
Kornelimünster Qu Gen Gen M2 Mass Propers Benedictio de… BenP Omnipotens Deus devotionem vestram dignanter intendat, et suae vobis benedictionis dona concedat. Amen. Indulgeat vobis mala omnia, quae gessistis, et tribuat veniam quam ab eo deposcitis. Amen. Sicque ieiunii vestri et precum vota suscipiat, ut a vobis adversa omnia, quae peccatorum retributione meremini avertat, et donum in vos spiritus Paracliti infundat. Amen. Quod ipse praestare dignetur, cuius regnum. 586
Kornelimünster Pasc H5 f5 Ascensio Domini M2 Mass Propers Benedictio in… BenP Benedicat vobis omnipotens Deus, cuius unigenitus hodierna die caelorum alta penetravit, et vobis ubi ille est ascendendi aditum patefecit. Amen. Concedat propitius ut, sicut post resurrectionem suam discipulis visus est manifestus, ita vobis in iudicium veniens, videatur placatus. Amen. Et, qui eum consedere patri in sua maiestate creditis vobiscum manere, usque in finem saeculi, secundum suam promissionem sentiatis. Amen. Quod ipse praestare dignetur, qui cum Patre. 586
Kornelimünster Pasc H6 S Pentecostes (Vigilia) M2 Mass Propers Benedictio in… BenP Benedicat vobis omnipotens Deus, ob cuius Paracliti spiritus adventum, mentes vestras ieiunii observantia praeparatis, et praesentem diem sollemnibus laudibus honoratis. Amen. Instar modo renatorum infantium, talem innocentiam habeatis, ut templum Sancti Spiritus ipso tribuente esse possitis. Amen. Atque idem Spiritus Sanctus ita vos hodie sua habitatione dignos efficiat, ut cras se vestris mentibus vobiscum perpetim habitaturus infundat, et peracto praesentis vitae curriculo, vos ad caelestia regna perducat. Amen. Quod ipse praestare dignetur, qui cum Patre et filio unus Deus vivit et regnat per omnia saecula saeculorum. Amen. 587
Kornelimünster Pent H1 D Pentecostes M2 Mass Propers Benedictio in… BenP Deus, qui hodierna die discipulorum mentes spiritus Paracliti infusione dignatus est illustrare, faciat vos sua benedictione repleri, et eiusdem spiritus donis exuberare. Amen. Ille ignis, qui super discipulos apparuit, peccatorum vestrorum sordes expurget, et sui luminis infusione, corda vestra perlustret. Amen. Quique dignatus est diversitatem linguarum in unius fidei confessione adunare, in eadem nos faciat fide perseverare, et per hanc ab spe ad speciem pervenire. Amen. Quod ipse praestare dignetur cuius regnum. 587
Kornelimünster Jun 24 Ioannes Baptista M2 Mass Propers Benedictio VII… BenP Benedicat vobis, omnipotens Deus, beati Ioannis Baptistae intercessione, cuius hodie natalicia celebratis, concedatque, ut cuius sollemnia colitis, patrocinia sentiatis. Amen. Illius obtentu ab omnibus adversis tueamini, et bonis omnibus perfruamini, qui adventum redemptoris mundi necdum natus cognovit, matris sterilitatem nascendo abstulit, Patris linguam natus absolvit. Amen. Quatenus ipsius agni quem ille digito ostendit, cuius immolatione estis redempti, ita virtutum lanis vestiri, et innocentiam valeatis imitari, ut ei in aeternae patriae felicitate possitis adiungi. Amen. Quod ipse praestare dignetur, qui cum Patre. 588
Kornelimünster de cruce M2 Mass Propers Benedictio fes… BenP Benedicat vobis omnipotens Deus, qui per unigeniti sui Iesu Christi Domini nostri passionem et crucis patibulum, genus redemit humanum. Amen. Concedatque vobis, ut cum omnibus sanctis, quae sit eiusdem crucis longitudo, latitudo, sublimitas, et profundum, mente devota, conprehendere possitis. Amen. Quatenus vosmetipsos abnegando crucemque gestando, ita in praesentis vitae stadio redemptorem nostrum possitis sequi, ut ei inter choros angelorum post obitum mereamini adscisci. Amen. Quod ipse praestare dignetur, qui cum Patre. 588
Kornelimünster Petrus apostolus Paulus apostolus M2 Mass Propers Benedictio in… BenP Benedicat vobis omnipotens Deus, qui vos beati Petri saluberrima confessione in ecclesiasticae fidei fundavit soliditate. Amen. Et quos beati Pauli sanctissima instruxit praedicatione, sua tueatur gratissima defensione. Amen. Quatenus Petrus clave, Paulus sermone, utrique intercessione ad illam vos certent patriam introducere, ad quam illi alter cruce alter gladio hodierna die pervenere. Amen. Quod ipse praestare dignetur cuius regnum et imperium. 589
Kornelimünster BMV M2 Mass Propers Benedictio in… BenP Deus, qui per beatae Mariae Virginis partum, genus humanum dignatus est redimere, sua vos dignetur benedictione locupletare. Amen. Eiusque semper et ubique patrocinia sentiatis, ex cuius intemerato utero, auctorem vitae suscipere meruistis. Amen. Et, qui ad eius celebrandam festivitatem hodierna die devotis mentibus convenistis, spiritalium gaudiorum et aeternorum praemiorum vobiscum munera reportetis. Amen. Quod ipse praestare dignetur, qui cum Patre. 589
Kornelimünster Aug 29 Ioannes Baptista (Decollatio) M2 Mass Propers Benedictio in… BenP Deus, qui vos beati Ioannis Baptistae concedit sollemnia frequentare, tribuat vobis et eadem devotis mentibus celebrare, et suae benedictionis dona percipere. Amen. Et, qui pro legis eius praeconio carceralibus est retrusus in tenebris, intercessione sua a tenebrosorum operum vos liberet incentivis. Amen. Et, qui pro veritate, quae Deus est caput non est cunctatus amittere, suo interventu ad caput vestrum, quod Christus est vos faciat pervenire. Amen. Quod ipse praestare dignetur, qui cum Patre. 589
Kornelimünster Adv Gen Gen M2 Mass Propers Benedictio de… BenP Omnipotens Deus cuius Unigeniti adventum et praeteritum creditis et futurum exspectatis, eiusdem adventus vos illustratione sanctificet, et sua benedictione locupletet. Amen. In praesentis vitae stadio vos ab omni adversitate defendat, et se vobis in iudicio placabilem ostendat. Amen. Quo a cunctis peccatorum contagiis liberati, illius tremendi examinis diem exspectetis interriti. Amen. Quod ipse praestare dignetur, qui cum Patre. 590
Kornelimünster Adv Gen Gen M2 Mass Propers Benedictio ite… BenP Omnipotens Deus vos placito vultu respiciat, et in vos suae benedictionis donum infundat. Amen. Et, qui hos dies incarnatione unigeniti sui fecit sollemnes, a cunctis praesentis et futurae vitae adversitatibus vos reddat indemnes. Amen. Ut, qui de adventu redemptoris nostri secundum carnem devota mente laetamini, in secundo cum in maiestate venerit praemiis aeternae vitae ditemini. Amen. Quod ipse praestare dignetur, qui cum Patre. 590
Kornelimünster apostolus unus M2 Mass Propers Benedictio in… BenP Deus, qui vos in apostolicis tribuit consistere fundamentis, benedicere vobis dignetur beati apostoli sui ill. intercedentibus meritis. Amen. Defendatque vos a cunctis adversis apostolicis praesidiis, qui vos eorum voluit ornari et munerari exemplis et documentis. Amen. Quo per eorum intercessionem perveniatis ad aeternae patriae hereditatem, per quorum doctrinam tenetis fidei integritatem. Amen. Quod ipse praestare dignetur cuius regnum et imperium. 591
Kornelimünster martyr unus M2 Mass Propers Benedictio in… BenP Beati martyris sui ill. intercessione vos Dominus benedicat, et ab omni malo defendat. Amen. Extendat in vos dexteram suae propitiationis, qui eum suscepit per supplicia passionis. Amen. Quo eius in caelo mereamini habere consortium, cuius devotis mentibus in terra celebratis triumphum. Amen. Quod ipse praestare dignetur cuius regnum. 591
Kornelimünster martyres plures M2 Mass Propers Benedictio in… BenP Benedicat vobis Dominus beatorum martyrum suorum ill. suffragiis, et liberet ab adversitatibus cunctis. Amen. Commendet vos eorum intercessio gloriosa, quorum in conspectu eius est mors pretiosa. Amen. Ut, sicut illi per diversa genera tormentorum caelestis regni sunt sortiti hereditatem, ita vos eorum mereamini consortium per bonorum operum exhibitionem. Amen. Quod ipse praestare dignetur cuius regnum. 591
Kornelimünster confessor unus M2 Mass Propers Benedictio in… BenP Omnipotens Dominus det vobis copiam benedictionis, qui beatum ill. sibi adscivit virtute confessionis. Amen. Et, qui illum fecit coruscare miraculis, vos exornet bonorum operum incrementis. Amen. Quo eius exemplis eruditi et intercessione muniti, cuius depositionis diem celebratis, illi possitis in caelesti regione adiungi. Amen. Quod ipse praestare dignetur cuius regnum et imperium. 592
Kornelimünster confessores plures M2 Mass Propers Benedictio in… BenP Sanctorum confessorum suorum ill. meritis vos Dominus faciat benedici, et contra adversa omnia eorum intercessione muniri. Amen. Eorum vos efficiat suffragatio felices, quorum festivitatis diem celebratis ovantes. Amen. Quo eorum imitantes exemplo, ad caelestia pervenire possitis promissa. Amen. Quod ipse praestare dignetur cuius regnum et imperium. 592
Kornelimünster virgo una M2 Mass Propers Benedictio in… BenP Benedicat vobis Dominus, qui beatae virgini ill. concessit et decorem virginitatis, et gloriam passionis. Amen. Et cuius opitulatione illa meruit et sexus fragilitatem, et persequentium rabiem devincere, vos possitis et vestrorum corporum inlecebras, et antiqui hostis machinamenta superare. Amen. Quo, sicut illa sexu fragili virile nisa est certamen adire, et post certamen de hostibus triumphare, ita vos in hac mortalitate viventes valeatis et antiquum hostem devincere, et ad regna caelestia pervenire. Amen. Quod ipse praestare dignetur cuius regnum. 593
Kornelimünster virgines plures M2 Mass Propers Benedictio in… BenP Omnipotens Dominus intercedentibus sanctis virginibus suis vos dignetur benedicere, qui de antiquo hoste non solum per viros, verum etiam per feminas voluit triumphare. Amen. Et, qui illis voluit centesimi fructus donum decore virginitatis et agone martyrii conferre, vos dignetur et vitiorum squaloribus expurgare, et virtutum lampadibus exornare. Amen. Quatenus virtutum oleo ita peccatorum vestrorum lampades possint repleri, ut cum eis caelestis sponsi thalamum valeatis ingredi. Amen. Quod ipse praestare dignetur cuius regnum et imperium. Amen. 593
Kornelimünster Gen Gen ff M2 Mass Propers Benedictio in… BenP Benedicat vobis Dominus et custodiat vos. Amen. Illuminet faciem suam super vos et misereatur vestri. Amen. Convertat vultum suum ad vos, et donet vobis pacem. Amen. Quod ipse praestare dignetur cuius regnum. 594
Kornelimünster Gen Gen ff M2 Mass Propers Item alia bene… BenP Omnipotens Deus sua vos clementia benedicat, et sensum in vobis sapientiae salutaris infundat. Amen. Catholicae fidei vos documentis enutriat, et in sanctis operibus perseverabiles reddat. Amen. Gressus vestros ab errore convertat, et viam vobis pacis et caritatis ostendat. Amen. Quod ipse praestare dignetur cuius regnum. 594
Kornelimünster Gen Gen ff M2 Mass Propers Item alia bene… BenP Inclinet Dominus aurem suam ad preces vestrae humilitatis, et det vobis gratiam suae benedictionis, et praemium sempiternae salutis. Amen. Semper et ubique dominum propitium habeatis, et in eius laudibus exsultetis. Amen. Omnium peccatorum vestrorum vincula solvat, et ad gloriam sempiternam pervenire vos faciat. Amen. Quod ipse praestare dignetur cuius regnum. 594
Kornelimünster Gen Gen ff M2 Mass Propers Item alia bene… BenP Multiplicet in vobis Dominus copiam suae benedictionis, et confirmet vos in spe regni caelestis. Amen. Actus vestros corrigat, vitam emendet, mores componat, et vos ad caelestis paradisi hereditatem perducat. Amen. Talique intentione repleri valeatis, qua ei in perpetuum placeatis. Amen. Quod ipse praestare dignetur, qui cum Patre et spiritu sancto. 595
Kornelimünster Gen Gen ff M2 Mass Propers Item alia bene… BenP Devotionem vestram Dominus dignanter intendat, et suae vobis benedictionis dona concedat. Amen. Talique vos in praesenti saeculo subsidio muniat, ut paradisi vos in futuro habitatores efficiat. Amen. Sicque corda vestra sanctificando benedicat, et benedicendo sanctificet, ut vobiscum immo in vobis eum iugiter habitare delectet. Amen. Quod ipse praestare dignetur cuius regnum. Amen. 595
Kornelimünster Gen Gen ff M2 Mass Propers Item alia bene… BenP Det vobis Dominus munus suae benedictionis, et repleat vos spiritu veritatis et pacis. Amen. Quatenus, sic per viam salutis devota mente curratis, ut subripientium delictorum laqueos salubriter evadatis. Amen. Sicque efficiamini in eius supplicatione devoti, et in mutua dilectione sinceri, ut ad caeleste regnum pervenire possitis securi. Amen. Quod ipse praestare dignetur cuius regnum. 595
Kornelimünster Gen Gen ff M2 Mass Propers Item alia bene… BenP Concedat vobis, omnipotens Deus, munus suae benedictionis, qui vestrae est conscius infirmitatis. Amen. Et, qui vobis tribuit supplicandi affectum, tribuat consolationis auxilium. Amen. Ut ab eo et praesentis et futurae vitae subsidium capiatis, cuius vos bonitate creatos esse creditis. Amen. Quod ipse praestare dignetur, qui cum Patre et spiritu sancto. 596
Kornelimünster Gen Gen ff M2 Mass Propers Item alia bene… BenP Omnipotens Deus caelesti vos protectione circumdet, et suae benedictionis dono locupletet. Amen. Concedatque vobis ut, qui in sola spe gratiae caelestis innitimini, caelesti etiam protectione muniamini. Amen. Quatenus et in praesenti saeculo mortalis vitae solatia capiatis, et sempiterna gaudia conprehendere valeatis. Amen. Quod ipse praestare dignetur, qui cum Patre. 596
Kornelimünster Gen Gen ff M2 Mass Propers Item alia bene… BenP Omnipotens Deus dexterae suae perpetuo vos circumdet auxilio, et benedictionum suarum repleat dono. Amen. Ab omni vos pravitate defendat, et donis caelestibus exuberare concedat. Amen. Quo corpore mundati ac mente, talem ei exhibeatis servitutem, per quam suam consequi valeatis propitiationem. Amen. Quod ipse praestare dignetur, qui cum Patre. 596
Kornelimünster Gen Gen ff M2 Mass Propers Item alia bene… BenP Purificet, omnipotens Deus, vestrorum cordium archana, et benedictionis suae vobis tribuat incrementa. Amen. Ab omnibus vitae praesentis periculis exuamini, et virtutum spiritalium ornamentis induamini. Amen. Quo illius adiutorio fulti, sic ei serviatis in terris, ut ei coniungi valeatis in caelis. Amen. Quod ipse praestare dignetur, qui cum Patre. 597
Kornelimünster Gen Gen ff M2 Mass Propers Item alia bene… BenP Omnipotens Deus universa a vobis adversa excludat, et suae super vos benedictionis dona propitiatus infundat. Amen. Corda vestra efficiat sacris intenta doctrinis quo possint repleri beneficiis sempiternis. Amen. Quatenus et exsequenda intellegentes, et intellecto exsequentes, et inter adversa mundi inveniamini indemnes, et beatorum spirituum efficiamini coheredes. Amen. Quod ipse praestare dignetur, cuius regnum et imperium. 597
Kornelimünster Gen Gen ff M2 Mass Propers Item alia bene… BenP Omnipotens Deus dies vestros in sua pace disponat, et suae vobis benedictionis dona concedat. Amen. Ab omnibus vos perturbationibus liberet, et mentes vestras in suae pacis tranquillitate consolidet. Amen. Quatenus spei fidei et caritatis gemmis ornati, et praesentem vitam transigatis inlaesi, et ad aeternam perveniatis securi. Amen. Quod ipse praestare dignetur, qui cum Patre. 597
Kornelimünster in synodo pro rege M2 Mass Propers Benedictio sup… BenP Benedicat tibi Dominus, custodiensque te, sicut te voluit super populum suum constituere regem, ita et in praesenti saeculo felicem, et aeternae felicitatis tribuat esse consortem. Amen. Clerum ac populum quem sua voluit opitulatione tua sanctione congregari, sua dispensatione, et tua administratione, per diuturna tempora faciat feliciter gubernari. Amen. Quatenus divinis monitis parentes, adversitatibus omnibus carentes, bonis omnibus exuberantes, tuo ministerio fideli amore obsequentes, et in praesenti saeculo pacis tranquillitate fruantur, et tecum aeternorum civium consortio potiri mereantur. Amen. Quod ipse praestare dignetur cuius regnum et imperium sine fine permanet in saecula saeculorum. Amen. 598
Kornelimünster ordinations Ordinatio osti… F Sic age quasi redditurus Deo rationem pro his rebus, quae istis clavibus recluduntur. 599