Usuarium A Digital Library and Database for the Study of Latin Liturgical History
in the Middle Ages and Early Modern Period

Conspectus

filter
Origin S/M Week Day Topic M/H Ceremony Rubrics Genre Item P.N.
Esztergom Trin H16 D M2 Mass Propers Dominica decim… BenP Omnes dies vestros Dominus in sua pace disponat, et suae vobis benedictionis dona concedat. Amen. Ab omnibus vos perturbationibus liberet, et mentes vestras in suae pacis tranquillitate consolidet. Amen. Quatenus, fidei, spei et caritatis gemmis ornati, et praesentem vitam transeatis illaesi, et ad aeternam perveniatis securi. Amen. Quod ipse praestare. 124
Esztergom Trin H16 D M2 Mass Propers Alia BenP Omnipotens Deus, qui, ut vos sanctificaret per suum sanguinem, extra portam passus est: voluntarie vos portantes eius improperium, extra castra exire faciat secum. Amen. Efferat vos, in peccato mortuos, confitendo de conscientiae latibulis, ut vivificatorem vestrum, in porta vobis occurrentem, inveniatis. Amen. Quatenus, vivificati ad gaudium matris Ecclesiae, per paenitentiam resurgatis, qui, delectationibus consentientes, in mortem peccati per consensum vos lapsos non ignoratis. Amen. Quod ipse praestare. 124
Esztergom Trin H17 D M2 Mass Propers Dominica decim… BenP Omnipotens Deus dexterae suae perpetuo vos circumdet auxilio, et benedictionum suarum repleat dono. Amen. Ab omni vos pravitate defendat, et benedictione caelesti exuberare faciat. Amen. Quo, corpore ac mente mundati, talem illi exhibeatis servitutem, per quam eius consequi valeatis promissionem. Amen. Quod ipse. 125
Esztergom Trin H17 D M2 Mass Propers Alia BenP Deus, qui Filium suum, ab aeterno impassibilem, pro vobis ex tempore virum dolorum fecit, et scientem infirmitatem, medicante eodem Filio, sanet in vobis inflationem superbiae, ne ille rex vester sit, cuius oculus videt omne sublime. Amen. Restinguat in vobis immoderatam sitim avaritiae, ne, adepto, quod supra indigentiam prava concupiscentia quaesierat, etiam habendi desiderium ad perniciem animae deterius inardescat. Amen. Et ipse fons vitae spiritali medicamento sitim istam in cordibus vestris sic reprimat, ut, quibus dederit huiusmodi incendia sua virtute domare, det etiam aeternae Gehennae supplicia declinare. Amen. Quod ipse. 125
Esztergom Trin QuT f4 M2 Mass Propers Feria quarta BenP Deus, qui credentibus omnia possibilia esse pollicitus est: faciat vos firmamentum fidei solide in omnibus et longanimiter tenere, sine qua ipsi est impossibile complacere. Amen. Adiiciat vobis ieiunii observantiam et voluntariam macerationem carnis, ut, redacto copore in servitutem spiritus, spiritales nequitias, quae per gulam vicerant, per abstinentiam revincatis. Amen. Quatenus, et foris ab epulis, et intus a delectationibus noxiis abstinentes, ad patriam illam salutaribus ieiuniis redeatis, de qua per concupiscentiam cibi vetiti hucusque miserabiliter exsulatis. Amen. Quod ipse. 126
Esztergom Trin QuT f6 M2 Mass Propers Feria sexta BenP Deus, in cuius conspectu iustificari non potest omnis vivens: spontanee vos diligat illo suae dilectionis affectu gratuito, quo, pro nobis mortuus, cum inimici essemus, reconciliavit nos Deo. Amen. Et, qui misericordiam vult, et non legale sacrificium, debitores suos misericorditer absolvat ab omnibus accusantis conscientiae debitis, ut cum peccatrice femina dimissorem vestrum propensius diligatis. Amen. Quatenus, cum illa de praeteritis excessibus paenitentes, et plenam remissionem consecuti, eius exemplo etiam vos violentiam faciatis regno Dei. Amen. Quod ipse praestare. 127
Esztergom Trin QuT S M2 Mass Propers Sabbato BenP Christus Iesus, qui, apud Patrem pro nobis interpellans, pro peccatis vestris propitiatio factus est: vos, quos, de oleastro excisos, in bonam olivam voluit inseri, et in vinea sua plantari, nec succidi vos patiatur, nec eradicari. Amen. Et ipse vinitor circumfodiat, sarmenta luxuriae resecet, et ad radicem cordis mittat cophinum stercoris, ut de foetore ad pinguedinem spiritalium fructuum revirescatis. Amen. Quatenus, ab eo plantati secus decursus aquarum, non defluente folio, sic fructum detis in suo tempore, ut abiudicet vos ipse fructus vester ab igne. Amen. Quod ipse praestare. 128
Esztergom Trin H18 D M2 Mass Propers Dominica decim… BenP Emundet Dominus conscientias vestras ab omni malitia, et repleat sanctificatione perpetua. Amen. Vota vestra clementer intendat, et peccata omnia propitiatus indulgeat. [Amen. Quae pie optatis, miseratus attribuat, et, quae pavescitis, pius propugnator procul repellat. Amen. Quod ipse praestare.] 128
Braunschweig Trin H18 D M2 Mass Propers Alia BenP Deus, Mediator Dei et hominum, qui in maiestate Filius Dei, in infirmitate filius voluit esse David: ex uno moreretur caro mortalis, quam infirma sit, ex altero ad salvationem vestram ostendat miseratrix divinitas, quod possit. Amen. Aemulatores vos faciat suae in vos caritatis, ut, proximos vestros, sicut vosmetipsos, diligentes, etiam animam pro fratribus, si sit necesse, ponatis. Amen. Quatenus ipse intercessor et iudex, cum inimicos suos scabellum pedum suorum posuerit, sic in iudicio reminiscatur, quod Filius Hominis est, ut in maiestate metuendus, participes suos non condemnet. Amen. Quod. 117
Braunschweig Trin H19 D M2 Mass Propers Dominica decim… BenP Omnipotens Deus, qui vos promissionis patrum tribuit esse participes: eorum vos faciat coheredes. Amen. Ut, qui in Adam de paradiso lugetis eiecti, per Christum gaudeatis eodem reverti. Amen. Ut alios ipsius imitatione vitae reconcilietis aeternae. Amen. Quod. 118
Braunschweig Trin H19 D M2 Mass Propers Alia BenP Deus, qui et elisos erigit, et compeditos solvit: contractos interioris hominis nervos solvat peccatorum retinaculis, ut per vias eius rectas alacriter incedatis. Amen. Confortet vobis manus dissolutas, ut, opera misericordiae seminantes, non deficiatis, et genua debilia roboret, ut, currentes in via Dei, non lassescatis. Amen. Quatenus, ab eo a peccatis relaxati, sic pedibus vestris gressus rectos faciatis, ut, nec ad dexteram, nec ad sinistram declinantes, arcam Domini Bethsamis, hoc est, ad eum, qui in sole tabernaculum suum posuit, recto itinere deferatis. Amen. Quod. 118
Braunschweig Trin H20 D M2 Mass Propers Dominica viges… BenP Christus Iesus, qui per Spiritum Sanctum semetipsum voluit immaculatam hostiam Deo Patri immolari: emundet conscientiam vestram ad serviendum sibi, in infinita saecula cum utroque regnanti. Amen. Praestet vobis, ut bonorum operum sollicitudine non pigri, ad expletionem spei semper intenti videamini. Amen. Quatenus, praecedentium patrum per fidem et patientiam facti imitatores, ineffabiles hereditare mereamini promissiones. Amen. Quod ipse praestare. 119
Braunschweig Trin H20 D M2 Mass Propers Alia BenP Deus, qui vos praedestinavit et vocat, et, quos vocare dignatus est, iustificat: sua vos dignetur potentia iustificare, quos per baptismi gratiam ad nuptias Filii sui et Ecclesiae dignatus est vocare. Amen. Induat vos vestibus innocentiae, quibus ad gaudia haec nuptialia possitis ingredi, et competenter assidere, ne ipse, cordis ac renum compagum et medullarum discussor, in districtione veBniens, mittat in tenebras exteriores. Amen. Et, qui indifferenter pro omnium salute in mundum dignatus est venire, in eadem bona voluntate sua vos, qui in admirabile lumen suum vocati estis, ab electorum numero non patiatur perire. Amen. Quod. 119
Braunschweig Trin H21 D M2 Mass Propers Dominica viges… BenP Sanctificet vos Dominus Deus gratia sua, et ab omni spirituali emundet immunditia. Amen. Arceat a vobis omne, quod malum est, et spiritus vestros corpora[que] sanctificet et purificet. Amen. Alliget vos vinculo caritatis, et pax eius abundet in cordibus vestris. Amen. Quod ipse. 120
Braunschweig Trin H21 D M2 Mass Propers Alia BenP Deus, qui a fidelibus suis rogari vult, et, ut rogetur, iubet: doceat vos ea, quae salutis sunt, fideliter petere, et, quia ipse benignus et in omnibus efficax est, in fide non haesitare. Amen. Ut bonus ipse medicus, qui diversa in vobis scit spiritualium morborum genera, diversa et singulis competentia provideat medicamenta, ne de praecipiti languore criminum in mortem corruatis animarum. B Amen. Quatenus, medicante misericordia, de vitio animae et periculo ad exercenda vitae opera sic solide convalescatis, ut eundem Dominum vestrum, viventes cum viventibus, ex hoc nunc et usque in saeculum benedicatis. Amen. Quod. 120
Braunschweig Trin H22 D M2 Mass Propers Dominica viges… BenP Omnipotens Deus peccatorum vestrorum maculas purget, et sua vos benedictione illustret. Amen. Repleat vos spiritualium donis virtutum, et perseverare faciat in bonis propositum vestrum. Amen. Sicque benignus humilitatem vestram acceptet, ut suae vos pietatis remuneratione locupletet. Amen. Quod ipse praestare. 121
Braunschweig Trin H22 D M2 Mass Propers Alia BenP Deus, qui iudicium sine misericordia proponit non facientibus misericordiam: doceat vos infinitam exactionem divini iudicii parvo supernae remissionis commercio redimere, ut mensuram bonam et confertam et supereffluentem possitis invenire. Amen. Faciat vos non pigros ad misericordiam, ne, dum a debitore proximo centum denarios crudeliter exigitis, in carcerem missi, decem milia talenta usque ad novissimum quadrantem reddatis. Amen. Commoveat vos cottidianae vinculum cum Deo conventionis, ut, sicut vos debitoribus vestris dimittitis, sic et ipse vobis dimittat. Amen. Quod ipse. 121
Braunschweig Trin H23 D M2 Mass Propers Dominica viges… BenP Omnipotens Deus sua vos clementia benedicat, et sensum vobis sapientiae salutaris infundat. Amen. Catholicae fidei vos documentis enutriat, et in sanctis operibus perseverare concedat. Amen. Gressus vestros ab errore convertat, et viam vobis pacis et caritatis ostendat. Amen. Quod ipse praestare. 122
Braunschweig Trin H23 D M2 Mass Propers Item alia BenP Deus in quo omnia, et per quem omnia, et sine quo nihil factum est: quod operatus est in vobis, ipse compleat et firmet, ut reddatis Caesari, quae sunt Caesaris, ita, ipso cooperante, quae Dei sunt, ipso Deo vestro competenter reddatis. Amen. Et, qui imaginem Caesari datis in servitute{m}, imaginem Dei immaculatam reddatis in adoptiva filiorum libertate. Amen. Quatenus, erepti de potestate tenebrarum, B et translati in regnum eiusdem Unigeniti paternae dilectionis Filii, et vos cum illo perpetua mereamini libertate perfrui. Amen. Quod ipse. 122
Braunschweig Trin H24 D M2 Mass Propers Dominica viges… BenP Christus Iesus, qui est ligni vitae paradisique reparator: mortem, quam gustatis in ligno, mortificet, et vitam, quam per lignum Crucis reparare venerat, in vobis sanctificet. Amen. Resuscitet vos a vitiorum sepulcris, quem, in Cruce triumphantem, venturum iudicem creditis. Amen. Ipse vobis aperiat ianuam paradisi, cuius estis pretioso sanguine redempti. Amen. Quod ipse praestare dignetur. 123
Braunschweig Trin H24 D M2 Mass Propers Alia BenP Deus, qui non vult evangelizari in sapientia verbi, ut evacuetur Crux Christi: concedat, ut per stultitiam praedicationis salvi fiatis, qui credidistis. Amen. Verbum Crucis, quod pereuntibus est stultitia, sit vobis virtus Dei in salutem. Amen. Ut, qui delevit, quod adversum vos erat chirographum, affigens illud Cruci, traducat vos confidenter in finem, triumphatis principatibus, in semetipso per fidei stabilitatem. Amen. Quod. 123
Braunschweig Apr 23 Adalbertus Georgius M2 Mass Propers In sancti Geor… BenP Deus, qui beato Georgio, militi suo, certamen forte dedit, ut vinceret: contra spiritales nequitias eius vos exemplis muniat et meritis, ut sub oculis regis aeterni non adversus carnem et sanguinem, sed adversus principes tenebrarum harum viriliter dimicetis. Amen. Et, qui beatum Adalbertum pontificem illi in sanguine sociavit martyrii, misereatur vestri amborum suffragiis, quorum triumphis est dies iste sollemnis. Amen. Quatenus, quod nec oculus vidit, nec auris audivit, nec in cor hominis ascendit, quae praeparavit Deus diligentibus se, eorum mereamini interventu obtinere. Amen. Quod ipse. 124
Braunschweig Apr 25 Litania maior M2 Mass Propers In Litania Mai… BenP Omnipotens Deus devotionem vestram dignanter intendat, et suae vobis benedictionis dona concedat. Amen. Indulgeat vobis omnia mala, quae gessistis, et tribuat veniam, quam ab eo deposcitis. Amen. Sicque ieiunii vestri et pretium vota suscipiat, ut a vobis adversa omnia, quae peccatorum retributione mereamini, avertat, et donum in vos Spiritus Paracliti infundat. Amen. Quod ipse. 124
Braunschweig May 3 Inventio Crucis M2 Mass Propers In Inventione… BenP Omnipotens Deus, qui in Cruce sua hamo cepit Leviathan, et divitem pro morte sua dedit: non sinat regnum eius ultra in vobis recalescere, quod ipse per vexillum eiusdem victoriosissimae Crucis potenter voluit dissipare. Amen. Et, qui vos ex aqua et spiritu regeneravit, non in carnalem, sed spiritualem hominem faciat vos vitalis ligni tuitione vetusta servitute ulterius non deprimi, per quod amarissimum letalis ligni morsum dignatus est mederi. Amen. Quatenus, secundum spiritum ambulantes, carnis desideria non perficiatis, et, qui eiusdem sanctae Crucis hodie inventionem colitis, Deo Patri per mortem Filii eius inventi, in aeternum non pereatis. Amen. Quod ipse praestare. 125
Braunschweig Jun 23 Ioannes Baptista (Vigilia) M2 Mass Propers In vigilia Ioa… BenP Deus, qui beatum Ioannem praecursorem suum, praeordinatum a saeculo, in utero matris sanctificavit Spiritu suo: dignetur eundem, pro vestris excessibus intercedentem, misericorditer audire, quem, ad praeparandas aequitatis vias, in spiritu et virtute Eliae ante faciem suam voluit praeire. Amen. Planet in vobis, eius praeveniente magisterio, opera totius pravitatis, ut rectas Deo in cordibus vestris semitas faciatis. Amen. Quatenus omnes vos, qui in eius laudem et venerationem debita vos devotione praeparatis, nativitatis eius interventu non temporale, sed aeternum gaudium inveniatis. Amen. Quod. 126
Braunschweig Jun 24 Ioannes Baptista M2 Mass Propers In die sancto BenP Deus, qui hodierna die beatum Ioannem, praeconem suum, de ventre matris suae vocavit in lucem gentium: det vobis correctas aures animae, ut in deserto huius saeculi vocem clamantis non negligatis audire. Amen. Et iste praeco suo interventu iudicem, denuo venientem in maiestate, placabilem vobis faciat, quem, humiliter praecurrens, in humilitate mundo venturum praenuntiabat. Amen. Et, qui natus ligatam patris linguam solverat, ab omnibus vos peccatorum vinculis absolvat, ut mundo corde, ore, lingua et labiis in nativitate eius speciosa laudis hostiam Domino offeratis. Amen. Quod ipse. 126
Braunschweig Jun 28 Paulus apostolus (Vigilia) Petrus apostolus (Vigilia) M2 Mass Propers In vigilia apo… BenP Deus, qui in beato Petro apostolo ternae negationis vulnera trina sui amoris confessione dignatus est sanare: eius medicantibus patrociniis, omnia interioris hominis vulnera sanet in vobis. Amen. Et, qui imaginem Dei redintegravit in claudo, cui Caesaris imaginem non dedit in minimo, redintegret in vobis, quicquid ab imagine creatoris depravatum est, quo, firmati interioribus vestigiis, in via iustitiae non claudicantes incedatis. Amen. Et ipse, princeps pastorum, qui huic vicario suo oves, suo sanguine redemptas, B dignatus est commendare, eius vos et meritis munire dignetur, et super aquas refectionis, in loco pascuae caelestis collocare. Amen. Quod. 127
Braunschweig Jun 29 Petrus apostolus Paulus apostolus M2 Mass Propers In die sancto… BenP Benedicat vobis omnipotens Deus, qui vos beati Petri saluberrima confessione in ecclesiasticae fidei fundavit soliditate. Amen. Et, qui vos beati Pauli sanctissima instruxit praedicatione, sua tueatur gratissima defensione. Amen. Quatenus Petrus clave, Paulus sermone, uterque intercessione ad illam vos certent patriam introducere, ad quam illi, alter cruce, alter gladio hodierna die meruerunt pervenire. Amen. Quod ipse praestare. 128
Braunschweig Jun 29 Petrus apostolus Paulus apostolus M2 Mass Propers Alia BenP Deus, qui est mirabilis in sanctis suis: beatorum apostolorum Petri et Pauli intercessione vos ab omni malo dignetur liberare, quos hodie ad gloriam nominis sui, alterum in cruce, alterum in gladio voluit triumphare. Amen. Et, qui ad aedificationem Ecclesiae in Petro potentiam, in Paulo admirabilem sapientiam voluit redundare, omBnes vos et in Pauli magisterio salubriter erudiat, et in Petri speciali potentia a peccatorum nexibus potenter absolvat. Amen. Quatenus, dum alter reserat, alter potat, utrorumque collatis beneficiis, in regnum caelorum, quo ipsi introierunt, et vos per ipsos introeatis. Amen. Quod. 128
Braunschweig Jun 30 Commemoratio Pauli M2 Mass Propers In natali sanc… BenP Deus, qui beatum Paulum, aliquando blasphemum et persecutorem, misericordiam consecutum fecit fidelem: det vobis, ut, sicut ille iniustam paternarum traditionum aemulationem corrigere studuit, ita et vos excessus vestros corrigatis. Amen. Ut, sicut ille pro Christo carceratus, flagellatus, naufragus, servata fide, cursum consummavit martyrii, ita et vos, a bono agonista eruditi, non in incertum curratis, et, consummato cursu, repositam vobis iustitiae coronam, ipso interveniente, accipiatis. Amen. Quatenus, nunc ad superna suspirantes, post resolutionem carnis mereamini paradisum inredi, quo ille, adhuc in carne corruptibili positus, meruit sublevari. Amen. Quod. Deus, qui sanctis apostolis suis in spiritu revelavit, gentes esse vocandas ad suum ovile per eorum intercessionem, faciat vos crescere in templum sanctum in Domino, idem Christo lapide angulari. Amen. Quod. 129
Braunschweig Jul 22 Maria Magdalene M2 Mass Propers In sanctae Mar… BenP Deus, qui beatae Mariae Magdalenae multum dimisit, ut multum diligeret: faciat vos capaces eiusdem superabundantis misericordiae et in sua dilectione inexstinguibiliter flagrare. Amen. Et, qui illi constantiam tribuit, etiam discipulis recedentibus, ab inquisitione sua non recedere, ipsius vos exemplo doceat iam non mortuum, sed viventem feliciter quaerere, et quaesitum veraciter invenire. Amen. Quatenus ipsum, quem illa prima omnium videre meruit, a mortuis resurgentem, vos in gloria sua videre mereamini regnantem. Amen. Quod ipse praestare. 130
Braunschweig Jul 25 Iacobus maior M2 Mass Propers In sancti Iaco… BenP Iacobus, Dei et Domini nostri, Iesu Christi servus, dignetur pro nobis intercedere, ut in mansuetudine B suscipiatis insitum verbum, quod potest animas salvare. Amen. Quatenus a Deo, Patre luminum, datum optimum et donum perfectum apprehendatis, et, simul ex operibus et ex fide iustificati, bonam conversationem vestram in mansuetudine sapientiae ostendatis. Amen. Et, qui omnibus dat affluenter, et non improperat, faciat vos in probatione fidei vestrae patientes, ut in opere perfecto sitis integri, in nullo deficientes. Amen. Quod. 130
Braunschweig Aug 1 Petrus ad Vincula M2 Mass Propers In Ad Vincula… BenP Deus, qui beatum Petrum apostolum, ligandi et solvendi speciali potestate praeditum, a vinculis corporalibus absolvit: eius vos precibus a peccatorum catenis faciat liberos, cuius vos documentis ab infidelitate gaudetis absolutos. Amen. Fiat temporalis eius catena perpetua vestra libertas, ut portae inferi adversum vos non praevaleant, quos Petri fides, potestas et merita absolvant. Amen. Quatenus inter membra Ecclesiae, quae illi specialiter credita est, sic digne mereamini B computari, ut regni caelestis introitus per hunc vobis ianitorem debeat reserari. Amen. Quod ipse praestare. 131
Braunschweig Aug 3 Stephanus martyr (Inventio) M2 Mass Propers In Inventione… BenP Deus, qui Ecclesiae suae hodierna die donavit pretiosa[s] sanctorum Stephani, Gamalielis, Nicodemi, Abibon reliquias invenire: eorum vos intercessionibus muniat, de quorum capite nec capillum voluit perire. Amen. Ut, qui post tribulationes et aerumnas cum Deo iam exsultavit in gloria, ad eandem gloriam vos perduca{n}t in bona volun[tate] sua. Amen. Quatenus ille post Deum princeps martyrum cum suis complicibus peccatis vestris indulgentiam obtineat, qui inter ictus lapidum pro Paulo persecutore efficaciter exorabat. Amen. Quod. 132
Esztergom Aug 9 Laurentius martyr (Vigilia) M2 Mass Propers [In vigilia sa… BenP [Deus, in quo vita vestra abscondita est, inspiret vobis, [ut] passiones huius temporis ad futuram gloriam, quae in vobis revelanda est], condignas non existimetis. Amen. Doceat vos beati Laurentii, martyris sui exemplo improperium pro nomine Iesu portare, quem neque mors, neque vita, neque instantia, neque futura a caritate divina poterant separare. Amen. Quatenus, in hoc saeculo bona opera seminantes cum lacrimis, vitam postea aeternam in exsultatione metatis. Amen. Quod ipse. 129
Esztergom Aug 10 Laurentius martyr M2 Mass Propers In die sancto BenP Deus, qui ignem suum misit in terras, ut ardeat: in eodem vos suae dilectionis igne vehementer accendat. Amen. Iam dominari peccatum non permittat in mortali vestro corpore, in cuius virtute beato Laurentio non carcer, non vincula, non eculeus, non incendia, non mors ipsa poterant praevalere. Amen. Quatenus eius exemplo sic animas vestras in hoc mundo perfecto odio habeatis, ut et Deus in vobis, et vos in Deo in vitam aeternam eas custodiatis. Amen. Quod ipse praestare. 129
Esztergom Aug 15 Assumptio BMV M2 Mass Propers In Assumptione… BenP Deus, qui de intemerato utero beatae Virginis pro salute omnium, tamquam sponsus de thalamo, processit in mundum: det vobis, ut, qui eius hodie assumptionem devote colitis, sanctissima eius intercessione divinae super vos misericordiae viscera sentiatis. Amen. Dignos vos faciat divinae benedictionis gratia, quae originalem mulieris maledictionem evacuavit, inter mulieres singulariter benedicta. Amen. Quatenus, ipsa pro vobis interpellante, ingredi mereamini in illam requiem, quo illa hodie, exsultantibus angelis, gloriose meruit introire. Amen. Quod ipse praestare dignetur. 130
Esztergom Aug 29 Ioannes Baptista (Decollatio) M2 Mass Propers In Decollation… BenP Deus, qui beatum Ioannem, praecursorem suum, pro zelo iustitiae agonem martyrii truncatione capitis voluit consummare: effundat super vos misericordiam suam, tam pretiosi martyris suffragantibus meritis, quo inter natos mulierum maior non surrexit. Amen. Sit ipse ad aures Dei vox vestra, cuius et erat vita incomparabilis, et mors in conspectu Domini pretiosa. Amen. Quatenus eius precibus et exemplis securim illam iudicii, pertingentem usque ad divisionem spiritus et animae, salubriter possitis declinare. Amen. Quod ipse. 130
Esztergom Sep 8 Nativitas BMV M2 Mass Propers In Nativitate… BenP Deus, qui per beatae Virginis Mariae partum genus humanum dignatus est redimere: sua vos dignetur benedictione locupletare. Amen. Eius quoque semper et ubique patrocinia sentiatis, ex cuius intemerato utero auctorem vitae suscipere meruistis. Amen. Ut, qui, ad eius celebrandam nativitatem, hodierna die convenistis, mentibus devotis spiritalium gaudiorum et aeternorum praemiorum vobiscum munera reportetis. Amen. Quod ipse. 131
Esztergom Sep 8 Nativitas BMV M2 Mass Propers Alia BenP Benedicat vos Deus, interveniente sancta Genitrice sua, ex qua ipse, ut vos benedictionis filios faceret, secundum carnem natus est, qui est benedictus in saecula. Amen. Et, qui virgam hanc hodie suscitavit de radice Iesse, de qua ipse, flos noster, ascenderet, det vobis super omnia virgam hanc competenter honorare, ut fructum eius suavissimum mereamini ad salutem gustare. Amen. Quatenus omnes vos, qui in Nativitate eiusdem Genitricis suae debitae laudis obsequium impenditis, ipsa pro vobis orante, septiformis Spiritus gratiam mereamini accipere, quem super hunc florem creditis essentialiter requievisse. Amen. Quod ipse. 132
Esztergom Sep 14 Exaltatio Crucis M2 Mass Propers In Exaltatione… BenP Deus, qui pro vobis maledictum factus est, ut vos a maledicto absolveret: per sanctam Crucem suam a veteri vos maledicto eripiat, et inter filios aeternae benedictionis ascribat. Amen. Et, qui, exaltatus a terra, omnia traxit ad se, corda vestra exaltet a terrenis desideriis, ut ad eum, qui sursum est, corde et animo suspiretis. Amen. Quatenus, qui eiusdem sanctae Crucis exaltationem colitis, in eadem Cruce gloriemini, et in illo, qui vita vestra est, semper vivatis. Amen. Quod ipse praestare. 132
Esztergom Sep 29 Michael M2 Mass Propers In honore sanc… BenP Sancti Michaelis archangeli sui intercessione vos Dominus benedicat, et ab omni malo defendat. Amen. Eius vos efficiat suffragio caelestis regni participes, cuius sollemnitatis diem celebratis gaudentes. Amen. Quo, eius fulti munimine et interventione, ad promissae hereditatis gaudia possitis pervenire. Amen. Quod ipse praestare. 133
Esztergom Sep 29 Michael M2 Mass Propers Item alia: BenP Omnipotens Deus contra spiritales nequitias praesidiis vos tueatur angelicis, qui eosdem beatos spiritus in ministerium misit propter eos, qui hereditatem cupiunt salutis. Amen. Et ille, caelestis militiae princeps, Michael legationem vestram hodie ad aures Domini Sabaoth perferat, ut super altare aureum in conspectu Domini bene redolens orationum vestrarum fumus ascendat. Amen. Quatenus ipse in virtute divina draconem diabolum cum angelis suis apostaticis devincat, qui contra fideles cottidie proeliatur, ut locus eius in vobis amplius non inveniatur. Amen. Quod ipse. 134
Esztergom Oct 31 Omnes Sancti (Vigilia) M2 Mass Propers In vigilia Omn… BenP Omnipotens Deus benedicat vos, omnium sanctorum suorum intercedentibus meritis, quorum communem hodie sollemnitatem devote praevenitis. Amen. Adiuvent vos ipsi eam, quam consecuti sunt, misericordiam consequi, ne vos, coheredes suos, neglegant, qui adhuc formidatis naufragium, quia ipsi feliciter iam pervenerunt ad portum. Amen. Quatenus, dum et vos suis precibus in sortem aeternae beatitudinis aggregant, celerius, impleto electorum numero, succedat resurrectio corporum, quam exspectant. Amen. Quod ipse. 134
Esztergom Nov 1 Omnes Sancti M2 Mass Propers In festo Omniu… BenP Omnipotens et misericors Deus, qui solus cuncta potentiae suae ambitu atque mirae dispensationis ordine complectitur: cursum vitae vestrae propitius moderetur. Amen. Ut ad beatorum spirituum stabilitatem per mandatorum ipsius observationem pertingatis et voluntatem. Amen. Quique sanctos suos martyrio fecit idoneos regno caelorum, vos paupertate spiritus dignetur efficere consortes eorum. Amen. Quod ipse. 135
Esztergom Nov 1 Omnes Sancti M2 Mass Propers Item alia BenP Deus, qui vobis in hanc diem omnium sanctorum suorum celebritatem contulit: expergefaciat vos a somno torporis et negligentiae, ut, quicquid per annum in singulis singulorum nataliciis quoquo modo neglexistis, in communi eorum veneratione recuperetis. Amen. Et, qui, cordis et renum cognitor, innumera in vobis pro humana infirmitate videt peccatorum vulnera, multiplicatis horum intercessionibus, multa vobis indulgentiarum provideat medicamenta. Amen. Quatenus, tot intercessorum beneficiis a peccatorum sordibus abluti, et a servitute corruptionis iam liberi, mereamini cum his in numero signatorum inveniri. Amen. Quod ipse. 136
Esztergom Nov 11 Martinus Turonensis M2 Mass Propers In natali sanc… BenP Deus, qui beato Martino pro incomparabilis vitae meritis et regale sacerdotium contulit, et virtutibus eum atque miraculis magnificavit: eius vos et sanctissima intercessione sibi conciliet, et tam moribus, quam verborum institutis ad vitam informet. Amen. Doceat vos in suo praesule opera misericordiae etiam supra facultatem amare, ut, quem ille, adhuc catechumenus, vestitum vidit parte suae chlamydis, vos in novissimo coram hominibus et angelis iam non iudicem, sed retributorem videatis. Amen. Quatenus, duplicatam reportantes Domini vestri pecuniam, talem de commisso rationem reddatis, ut inenarrabile gaudium Domini vestri cum fidelibus eius servis introeatis. Amen. Quod ipse. 136
Esztergom Nov 22 Caecilia M2 Mass Propers In natali sanc… BenP Benedic hanc, quaesumus, Domine, beatae Caeciliae virginis interventu familiam, qui illam acquisisti fide, honorasti pudore, glorificasti certamine. Amen. Repleatur illo Spiritus tui igne, qui illi affuit, cum illam ignis torreret, cum ungula raderet, cum eculeus fatigaret, cum gladius iugularet. Amen. Ut, dum se abnegat, in te exsultat, tua protegatur dextera, cuius illa est elevatione erecta. Amen. Quod ipse. 137
Esztergom Nov 30 Andreas apostolus M2 Mass Propers In natali sanc… BenP Deus, qui beatum Andream apostolum crucis triumpho levasti ad caelum: contra callidi serpentis venenum infunde cordibus nostris illius salutis, pro qua passus est, poculum. Amen. Quique, relictis retibus et navi, te secutus est Dominum, obtineat apud te, quaesumus, ut, a vano huius mundi libitu absoluti, te sequamur medicum securi. Amen. Secundo ut cum fulseris, blandus iustis, terrificus impiis, ipsius precibus tibi collocemur in dextris. Amen. Quod ipse. 138
Esztergom Dec 6 Nicolaus M2 Mass Propers In natale sanc… BenP Rege, Domine, corda plebis tuae per arma iustitiae, absterge ab illa lasciviam carnis iniquae, ut, quae optat, beato Nicolao, confessore tuo intercedente, obtineat, qui, te inspirante, tres eripuit virgines auri splendore ab obsceno stupri foetore. Amen. Obtineat, quaesumus, Domine, in tremendo tuo examine sententiam potius remissoris, quam iudicis, qui tres iuvenes pro tuo nomine defendit a crudeli censura comitis, iniuste illos damnantis. Amen. Ipsius precibus, Domine, inter varia huius mundi discrimina protegat nos tuae fortitudinis dextera, quae, suis protensa meritis, ne saevientis mergerentur fluctibus maris, te invocantibus affuit nautis. Amen. Quod ipse. 138
Esztergom apostolus unus (vigilia) M2 Mass Propers In vigilia uni… BenP Dominus, qui veniet in sanctis milibus suis, facere iudicium, et arguere omnes impios: per intercessionem beati apostoli sui, N., conservet vos sine peccato, et constituat ante conspectum gloriae suae immaculatos. Amen. Conscribat vos per eius merita cives et domesticos civitatis supernae, qui aliquando promissionis Dei hospites fuistis et advenae. Amen. Ut, supra fundamentum apostolorum et prophetarum fundati, crescatis in templum sanctum sancti Dei, ipso Iesu Christo lapide angulari. Amen. Quod ipse. 139
Esztergom apostolus unus M2 Mass Propers In natali uniu… BenP Deus, qui vos scuto fidei, quam beatus N. apostolus professus est, voluit communiri: concedat vobis in eo exstinguere tela ignea nequissimi. Amen. Ut, dum descenderit pluvia, venerint flumina, flaverint venti, fundati supra petram, maneatis inconcussi. Amen. Quatenus, in mandatis eius capientes profectum, crescatis in gentem sanctam, genus electum, regale sacerdotium. Amen. Quod ipse praestare dignetur. 140
Esztergom evangelista M2 Mass Propers In natali uniu… BenP Deus, qui in quattuor paradisi fluminibus quattuor evangelistarum mysteria ab initio praesignavit, Sancti Spiritus vos illustratione fecundet, et vivi fontis emanatione laetificet. Amen. Quique evangelicae fluento doctrinae corda fidelium infudit et satiavit, hodierna interveniente sollemnitate, peccatorum vestrorum rubiginem tollat, et eiusdem fluminis adventatione communicet. Amen. Quo et superni muneris dono mens irradiata resplendeat, et, beati N. evangelistae intervenientibus meritis, gaudeat, et paradisi praemiis hilarescat. Amen. Quod ipse praestare. 140
Esztergom evangelista M2 Mass Propers Alia BenP Omnipotens Deus, fons ille paradisi, per quem in quattuor fluminibus totus terrae ambitus est irrigatus: unitatem catholicae fidei in totam Ecclesiae latitudinem dignetur diffundere, quam in quattuor mundi terminos totidem veritatis testibus voluit derivare. Amen. Et, qui evangelistarum suorum mysterium, ostensis caeli animalibus, praefiguravit, faciat vos eorum exemplo pedibus solidis et rectis ante faciem vestram incedere, non post agnitionem veritatis retrorsum redire. Amen. Quatenus, ex eorum litteris liquorem vitae haurientes, omnem vitae vestrae ordinem sic ad ea, quae sursum sunt, componatis, ut ad eorum similitudinem in omni actione vestra circumspectionis oculos habeatis. Amen. Quod ipse. 141
Esztergom apostoli plures (vigilia) M2 Mass Propers In vigilia plu… BenP Inspiret vobis omnipotens Deus per apostolicas intercessiones, ut patienter sufferatis huius temporis momentaneas passiones, per hoc consolantes invicem in hac valle plorationis, quia non sunt condignae ad futuram gloriam, quae revelabitur in vobis. Amen. Quatenus per eosdem, quos Mater Ecclesia in multa tristitia peperit, quique vos in Christo genuerunt, in regno congaudeatis, in quo, convivantes cum sponso, ulterius non lugeatis. Amen. Sic etiam, cantantes canticis spiritalibus, et psallentes in cordibus vestris, eorum annua festa praecedatis, ut eam, quae carnalis est, exuti maculatam tunicam, quandoque ad ea, quae perenniter sunt, continua perveniatis. Amen. Quod ipse. 142
Esztergom apostoli plures M2 Mass Propers In natali plur… BenP Deus, qui vos in apostolicis tribuit consistere fundamentis, benedicere vos dignetur beatorum apostolorum suorum, N., intercedentibus meritis. Amen. Defendat vos a cunctis adversis apostolicis praesidiis, qui vos eorum voluit ornari et munerari exemplis et documentis. Amen. Quo per eorum intercessionem perveniatis ad aeternae patriae hereditatem, per quorum doctrinam tenetis fidei integritatem. Amen. Quod ipse praestare. 143
Esztergom apostoli plures M2 Mass Propers Item alia BenP Deus, qui per apostolicae praedicationis documenta et ministerium fidem suam disseminavit in orbem terrarum: beatorum apostolorum, N., et magisterio vitam vestram corrigat, et pio tueatur patrocinio, quorum natalem debitae devotionis celebratis officio. Amen. Faciat eos pro peccatis vestris apud se proficue intervenire, quorum verba in fines terrae voluit exire. Amen. Quatenus, qui fuistis aliquando hospites et peregrini, iam superaedificati supra fundamentum apostolorum et prophetarum, concives sanctorum esse mereamini et domestici Dei. Amen. Quod ipse. 143
Esztergom martyr unus M2 Mass Propers In natali uniu… BenP Beati martyris, N., intercessione vos Dominus benedicat, et ab omni malo defendat. Amen. Extendat in vos dexteram suae propitiationis, qui eum suscepit per supplicia passionis. Amen. Quo eius in caelo mereamini habere consortium, cuius devotis mentibus in terra celebratis triumphum. Amen. Quod ipse praestare. 144
Esztergom martyr unus M2 Mass Propers Alia BenP Doceat vos omnipotens Deus aemulatione sui martyris, N., in hoc stadio legitime certare, ut, non quasi aerem verberantes, repositam iustitiae coronam mereamini reportare. Amen. Eius vos interventu reinduat tunica innocentiae, qui, spectaculum angelis factus et hominibus, stolam suam in sanguine Agni meruit dealbare. Amen. Quatenus eius meritis et exemplis sic vita vestra et omnis actio corrigatur, ut, sicut mors eius in conspectu Domini pretiosa est, ita et anima vestra in morte iustorum moriatur. Amen. Quod ipse. 144
Esztergom martyres plures M2 Mass Propers In natali plur… BenP Benedicat vos Dominus beatorum martyrum suorum, N., suffragiis, et liberet a diabolicae fraudis perturbationibus universis. Amen. Commendet vos eorum intercessio gloriosa, quorum in conspectu eius mors est pretiosa. Amen. Ut, sicut illi per diversa genera tormentorum caelestis regni sortiti sunt hereditatem, ita vos eorum mereamini consortium per bonorum operum exhibitionem. Amen. Quod ipse praestare dignetur. 145
Esztergom martyres plures M2 Mass Propers Alia BenP Deus, in cuius laudem et gloriam beati martyres, N., spectaculum facti sunt et angelis et hominibus: concedat vos, illorum fidei constantiam imitando, et patientiae eorum documenta sequi in omnibus. Amen. Longanimiter ad exemplum illorum sustineatis passiones huius temporis, ut futura gloria reveletur in vobis. Amen. Ut, cum creatura, quae vanitati subiecta est, liberabitur a servitute corruptionis, et vos per interventum illorum in libertatem gloriae filiorum Dei resurgatis. Amen. Quod ipse. 146
Esztergom confessor unus M2 Mass Propers In natali uniu… BenP Omnipotens Deus det vobis copiam suae benedictionis, qui beatum N. sibi ascivit virtute confessionis. Amen. Et, qui illum fecit coruscare miraculis, exornet vos bonorum operum incrementis. Amen. Quo, eius exemplo eruditi, et intercessione muniti, cuius depositionis diem celebratis, huic in caelesti regione adiungi valeatis. Amen. Quod ipse. 146
Esztergom confessor unus M2 Mass Propers Alia: BenP Omnipotens Deus conterat Satanam velociter sub pedibus vestris, beati N., confessoris sui, opitulantibus meritis, cuius felicem transitum hodie debita devotione celebratis. Amen. Largiatur vobis, ut simplices sitis in malo, sapientes autem et perfectos esse in bono. Amen. Ut, cum princeps pastorum apparuerit, immarcescibilem coronam gloriae recipiatis. Amen. Quod ipse. 147
Esztergom confessores plures M2 Mass Propers In natali plur… BenP Beatorum confessorum, N., meritis vos Dominus faciat benedici, et contra adversa omnia eorum intercessione muniri. Amen. Horum vos faciat suffragio felices, quorum festivitatis diem celebratis ovantes. Amen. Quo, eorum imitantes exempla, ad caelestia possitis pervenire promissa. Amen. Quod ipse. 147
Esztergom virgo una M2 Mass Propers In natali uniu… BenP Sanctificet Dominus Ecclesiam suam, qui beatam N. virginem acquisivit fide, honoravit pudore, glorificavit certamine. Amen. Repleat [vos] illo spiritu, qui martyri affuit, dum ignis torreret, dum ungula raderet, eculeus fatigaret. Amen. Ut, dum se abnegat, Christum persultat, illius collocetur in dextera, cuius est electione vocata. Amen. Quod ipse. 148
Esztergom virgo una M2 Mass Propers Item alia BenP Christus Iesus, cui desponsi estis, uni viro virgo casta: custodiat vos meritis beatae N. virginis, ne sensus vestri corrumpantur, et excidant ab ea, quae est in ipso, simplicitate. Amen. Praestet vobis, ut, utentes hoc mundo, tamquam non utamini, solliciti, quomodo placeatis Deo, sancti sitis corpore et spiritu. Amen. Quatenus, cum figura mundi huius praeterierit, sanctimoniae vestrae studio Deum videre mereamini. Amen. Quod ipse. 148
Esztergom virgines plures M2 Mass Propers In natali plur… BenP Omnipotens Deus, intercedentibus sanctis virginibus suis, N., vos dignetur benedicere, qui de antiquo hoste non solum per viros, verum etiam per feminas voluit triumphare. Amen. Et, qui illis voluit centesimi fructus donum decore virginitatis et agone martyrii conferre, vos dignetur et vitiorum squaloribus expurgare, et virtutum lampadibus exornare. Amen. Quatenus virtutum oleo ita pectorum vestrorum lampades possint impleri, ut cum eis caelestis sponsi thalamum possitis ingredi. Amen. Quod ipse. 149
Esztergom in ordinatione episcopi M2 Mass Propers In ordinatione… BenP Deus, ad quem respicit sacerdotum sollertia, regnantium victoria, populi disciplina, qui ob hoc praeponis pontifices, ut habeat clerus vigilantiam, Ecclesia reverentiam, plebs devota custodiam, pauperes alimoniam: dignare hoc in nobis caelesti fonte diffundere, quod, dispensante sacerdote, plebs possit pro salute haurire. Amen. Concedas agendi normam, loquendi fiduciam, vivendi temperantiam, monendi doctrinam. Amen. Ut, impendente pontifice studium, plebe praebente assensum, mereatur pastor consequi gratiam, grex medelam. Amen. Quod ipse praestare. 149
Esztergom in ordinatione episcopi M2 Mass Propers Alia BenP Deus, qui populis suis indulgendo consulit, et amore dominatur: det Spiritum sapientiae, quibus tradidit regimen disciplinae, ut de profectu sanctarum ovium fiant gaudia aeterna pastorum. Amen. Et, qui dierum nostrorum numerum temporumque mensuras maiestatis suae potestate dispensat, propitius ad humilitatis nostrae servitutem respiciat, et pacis suae abundantiam nostris temporibus praetendat, nosque per eam feliciter incedere concedat. Amen. Collatis quoque in me per gratiam suam propitietur muneribus, et, quem fecit gradu episcopali sublimem, faciat operum sibi perfectione placabilem, atque in illum affectum dirigat cor plebis et praesulis, ut nec pastori oboedientia gregis, nec gregi desit umquam cura pastoris. Amen. Quod summa Trinitas praestare dignetur, quae quibuslibet, foris impendentibus ministerium, ipsa sola intrinsecus dare potest incrementum in saecula saeculorum. Amen. Quod ipse. 150
Esztergom in synodo M2 Mass Propers In conventu ep… BenP Deus, qui post gloriosum ascensum suum numquam se deesse fidelibus suis promisit: largiatur sacerdotibus suis illam gratiam, qua sint perfecti regimine, ferventes in caritate. Amen. Indulgeat eorum obtentu peccatoribus populis veniam, qui iustis polliceri dignatus est coronam; erudiat eos sanctis dogmatibus, et multiplicet iustitiae fructus in eorum operibus. Amen. Ut, pastorum cura muniti, evadant supplicia Tartarea, et adipisci mereantur regni gloriam et gaudia sempiterna. Amen. Quod ipse. 151
Esztergom in synodo M2 Mass Propers Quando fratres… BenP Christus, Dei Filius, qui est initium et finis: complementum vobis tribuat caritatis. Amen. Et, qui vos ad expletionem huius fecit pervenire concilii, absolutos vos faciat ab omni contagione delicti. Amen. Ut, ab omni reatu liberiores effecti, absoluti etiam per donum Spiritus Sancti, felici reditu vestrarum sedium cubilia repetatis illaesi. Amen. Quod ipse praestare dignetur, cuius regnum et imperium sine fine permanet in saecula saeculorum. 152
Esztergom in synodo pro rege M2 Mass Propers Super regem in… BenP Omnipotens Deus, qui te voluit populi sui esse rectorem: ipse te caelesti benedictione sanctificet, et aeterni regni faciat esse consortem. Amen. Concedatque tibi contra omnes fidei Christianae hostes visibiles atque invisibiles victoriam triumphalem, et pacis ac quietis Ecclesiae sanctae felicissimum te fieri longe lateque fundatorem. Amen. Quatenus, te gubernacula regni tenente, populus, tibi subiectus, Christianae religionis iura custodiens, undique tutus, pace tranquilla perfruatur, et, te in concilio beatorum regum collocato, aeterna felicitate ibidem tecum pariter gaudere mereatur. Amen. Quod ipse. 152
Esztergom in synodo pro rege M2 Mass Propers Super regem te… BenP Benedicat tibi Dominus, custodiatque te, et, sicut te voluit super populum suum constituere regem, ita et in praesenti saeculo felicem, et aeternae felicitatis tribuat esse consortem. Amen. Clerum ac populum, quem sua voluit opitulatione tua sanctione congregari, sua dispensatione et tua administratione per diuturna tempora faciat feliciter gubernari. Amen. Quatenus, divinis monitis parentes, adversitatibus omnibus carentes, bonis omnibus exuberantes, tuo magisterio fideli amore obsequentes, et in praesenti saeculo pacis tranquillitate fruantur, et tecum aeternorum civium consortio potiri mereantur. Amen. Quod ipse. 153
Esztergom in tempore belli M2 Mass Propers In tempore bel… BenP Domine, Iesu Christe: rogamus te, pastor bone, qui temetipsum nostri causa dedisti pro pretio, defende nos tui sanguinis commercio. Amen. Ut et hic semper te sentiamus praevium, et in aeterna beatitudine, te remunerante, mereamur accipere praemium. Amen. Tu ergo nos, Domine, Iesu Christe, benedictionis rore perfunde, ut, in praesenti vita positi, de omnibus inimicis te habeamus ereptorem, et hic et in aeternum sentiamus protectorem. Amen. Quod ipse. 154
Esztergom in tempore belli M2 Mass Propers Alia: BenP Omnipotens Deus Sabaoth, qui confortavit seras portarum Sion: ponat in finibus vestris pacem, et in virtute brachii sui inimicos vestros conterat, ut dormiatis, et non sit, qui exterreat. Amen. Auferat gladium, ne terminos vestros transeat, et insurgentes contra vos caelesti virtute potenter allidat. Amen. Ponat inimicos vestros, sicut stipulam ante faciem venti, ut hi in curribus, et hi in equis, vos autem in nomine Domini fiduciam et turrim fortitudinis habeatis. Amen. Quod ipse. 154
Esztergom in tempore belli M2 Mass Propers Item alia: BenP Populi tui, Deus, institutor et rector: peccata, quibus expugnatur, averte, ut, semper tibi placitus, et tuo munimine sit securus. Amen. Da plebi tuae, Domine, piae semper devotionis affe{e}ctum, ut, quae prava sunt, respuens, sancta conversatione firmetur, et, a peccatis libera, nullis adversitatibus atteratur. Amen. Succurre, Domine, quaesumus, populo supplicanti, et opem tuam tribue benignus infirmis, ut, sincera mente devoti, et praesentis vitae remediis gaudeant, et futurae. Amen. Quod ipse. 155
Esztergom contra mortalitatem M2 Mass Propers Pro mortalitate BenP Deus, qui non mortem, sed paenitentiam desideras peccatorum: populum tuum, quaesumus, sub potentia manus tuae prostratum, ad te converte propitius, et ab imminente morte defende placatus. Amen. Ut, dum tibi devotus exstiterit, iracundiae tuae flagella ab eo amoveas, atque a mortifero vastatore defendas. Amen. Praesta, Domine, ut, sicut sanctus Michael archangelus in conspectu tuo gloriosus adsistit, ita et pro populo curet exorare, ut gratiam tuam semper mereatur habere. Amen. Quod ipse. 156
Esztergom pro iter agentibus M2 Mass Propers Pro iter agent… BenP Deus, via et veritas et vita: bonum illum Tobiae angelum in comitatu vestro dirigat, qui itinera vestra, cogitationes et omnes actus in beneplacito eius disponat. Amen. Ducat vos per vias iustitiae et veritatis, ut, quasi filii lucis et diei, ambulantes in luce, et non in tenebris, adversantium offendicula non timeatis. Amen. Quatenus, ipso protectore et praeduce, sic viae et vitae huius cursum inoffense peragatis, ut, ad aeternam patriam redeuntes, in itinere non deficiatis. Amen. Quod ipse. 156
Esztergom pro navigantibus M2 Mass Propers Pro navigantib… BenP Hic populus tuus, Domine, tuo gubernetur auxilio, et brachio tuae maiestatis protegatur, ne eum pelagi furentis unda conturbet, nec a tempestatis facie terreatur. Amen. Navem eorum maiestatis tuae dextera tueatur, ut cor eorum fidei salutaris aug{u}mento impleatur, catholicae fidei anchora tenea{n}tur, ut undas pelagi saevientis securi pertranseant. Amen. Mercimonia divinae voluntatis peragant, ut fidem promissionis tuae percipere mereantur; manus eorum reple muneribus tuis, ut locum habeant in conversationibus sanctorum. Amen. Quod ipse. 157
Esztergom pro monialibus M2 Mass Propers Benedictio sup… BenP Domine, Deus aeterne, qui utrumque sexum de interitu perpetuae mortis per Iesum Christum, Filium tuum, de Maria Virgine natum, misericorditer redemisti: has famulas tuas, devotis mentibus tibi servientes, omni benedictione spiritali benedicere dignare. Amen. Ut integram fidem habeant, et in praeceptis tuae legis semper perseverent, terrena et transitoria despiciant, aeterna et invisibilia intenta meditatione diligant. Amen. Ut, in numero sanctarum virginum permanentes, caelesti sponso cum lampadibus bonorum operum fiducialiter occurrere, ipso praestante, mereantur. Amen. Ipse vos benedicat de caelis, qui, per Crucem et sanguinem passionis suae vos redimere, dignatus est venire in terris. Amen. Quod ipse. 158
Esztergom pro sponso et sponsa M2 Mass Propers Super sponsum… BenP Deus omnipotens, qui ob reparationem perditae creaturae gemina distinxit hominem ratione: faciat vos capescere copulam benignitatis digne. Amen. Quique per Unigenitum gemina et consona testamenta veteris et novae legis spiritaliter voluit intelligi, spiritualem gratiam in huius nexionis vinculo faciat adipisci. Amen. Quo hic ditemini propagine filiorum, et, complendo servantes dilectionis donum, in futuro possideatis regna polorum. Amen. Quod ipse. 159
Esztergom in synodo M2 Mass Propers In synodo prim… BenP Omnipotens Deus, qui dispersos Israel congregat: ipse vos hic et ubique custodiat. Amen. Et non solum vos custodiat, sed et ovium suarum idoneos custodes efficiat. Amen. Ut cum summo pastore Christo de gregum suorum pastione gaudeatis in caelo. Amen. Quod ipse praestare dignetur, cuius regnum et imperium sine fine permanet in saecula saeculorum. 159
Esztergom in synodo M2 Mass Propers In secunda die BenP Dominus messis et corporalis et spiritualis: det vobis incrementa gratiae sacerdotalis. Amen. Ut, manu et lingua pauperes Christi recreantes, cum ipsis fiatis ovantes. Amen. Ut, ad dexteram Dei constituti, participium Agni Dei mereamini. Amen. Quod ipse praestare dignetur, qui, ante constitutionem mundi praedestinatos, et ante finem saeculi iustificatos, in fine mundi reddet glorificatos per infinita saecula saeculorum. Amen. Benedictio Dei. 160
Esztergom in synodo M2 Mass Propers In tertia die BenP Cautos vos faciat Dominus contra peccata, a nobis vel a fratribus vestris admissa. Amen. Ut illa non neglegatis, sed studiose commendare curetis. Amen. Quatenus de lucro fraterno exsultetis cum Patre sempiterno. Amen. Quod ipse praestare dignetur, qui, in Trinitate unus, cuncta bona inchoat, perficit et conservat, et conservata sine fine remunerat in saecula saeculorum. Amen. 160
Esztergom de cruce M2 Mass Propers Benedictio de… BenP Oramus te, Iesu Christe, spes unica salutis humanae, ut per tuae Crucis signum vitale pectus nostrum munias, cor custodias, mentem clarifices, cogitationes purifices, totamque vitam ad tuum velle componendo sanctifices. Amen. Tua, quaesumus, Domine, crucifixio totum, quod in nobis tibi sit contrarium, consumat, iram exstinguat, linguam a vaniloquio compescat, carnalem aestum temperet, omnem mentis perturbationem pacificet, talesque tua nos efficiat clementia, ut tibi simus hostia viva. Amen. Ut, quando adveneris vivos ac mortuos mundumque omnem iudicare per ignem, obsecramus, ut tunc a flammis ultricibus sancta nos Crux eripiat, atque ab ira tua clementer defendat. Amen. Quod ipse praestare. 161
Esztergom Confirmation Oratio simul e… Ben Spiritus Sanctus superveniat in vos, et virtus Altissimi sine peccato custodiat vos. Amen. 162
Esztergom Confirmation Oratio Or Omnipotens, sempiterne Deus, qui regenerare dignatus es hos famulos tuos vel famulas tuas, N., ex aqua et Spiritu Sancto, quique dedisti eis remissionem omnium peccatorum: emitte in eos septiformem Spiritum tuum Sanctum Paraclitum de caelis, Spiritum sapientiae et intellectus, Spiritum consilii et fortitudinis, Spiritum scientiae et pietatis; adimple eos Spiritu timoris tui, et consigna eos signo Crucis in vitam aeternam propitiatus. Per Dominum nostrum, Iesum Christum, Filium tuum, qui tecum vivit et regnat in unitate eiusdem Spiritus Sancti, Deus, per omnia saecula saeculorum. Amen. 162
Esztergom Confirmation F Quis vocaris? 162
Esztergom Confirmation Respondente pa… F Confirmo te signo Crucis, et chrismate salutis, in nomine Patris, et Filii, et Spiritus Sancti. Amen. 162
Esztergom Confirmation W Pax tibi. Et cum spiritu tuo. 162
Esztergom Confirmation Iterum, confir… Ps Ecce, sic benedicetur homo, qui timet Dominum. 163
Esztergom Confirmation W Benedicat vobis Dominus ex Sion, ut videatis bona Ierusalem omnibus diebus vitae vestrae. 163
Esztergom Confirmation W Custodiat vos Dominus in timore suo sanctissimo. 163
Esztergom Confirmation W Qui vivit et regnat Deus in saecula saeculorum. Amen. 163
Esztergom Confirmation F Pax vobiscum. 163
Esztergom Confirmation Oratio Or Deus, qui apostolis tuis Sanctum dedisti Spiritum, et per eos eorumque successores ceteris fidelibus tradendum esse voluisti: respice propitius ad humilitatis nostrae famulatum, et praesta, ut eorum corda, quorum frontes sacro chrismate delinivimus, et signo Crucis designavimus, idem Spiritus Sanctus adveniens templum gloriae suae dignanter habitando perficiat. Per. 163
Esztergom Confirmation Finita oration… F Humiliate vos ad benedictionem. Deo gratias. 163
Esztergom Confirmation Confirmatis ca… BenP Effunde, quaesumus, Domine, super hos famulos tuos, N., caelestem benedictionem tuam, quibus per nos, exiguos, septiformem Spiritum Sanctum tuum tradere voluisti, atque eis gratiam eiusdem Spiritus Sancti et dona largire. Amen. Ut, qui sunt ex aqua et Spiritu Sancto renati, fiant eius protectione muniti. Amen. Redundet in eis gratia diffusa per Spiritum Sanctum, quae operiat ac superet omnem multitudinem peccatorum. Amen. Quod ipse praestare dignetur, qui cum Patre et Spiritu Sancto vivit et regnat. 163
Esztergom Confirmation Ben Benedictio Dei Patris et Filii et Spiritus Sancti descendat super vos. Amen. 164
Esztergom Confirmation Tunc dicat dia… F Ite in pace. Amen. 164