| Assignment | Rubrics | Genre | Item | P.N |
|---|---|---|---|---|
| Qu/H6/f6/Good Friday/1 | Orationes in Parasceven | Pf | Oremus dilectissimi nobis pro Aecclesia sancta Dei ut eam Deus et Dominus noster pacificare et custodire dignetur toto orbe terrarum subiciens ei principatus et potestates detque nobis quietam et tranquillam vitam de gentibus glorificare Deum Patrem omnipotentem. | 132 |
| Qu/H6/f6/Good Friday/1 | Or | Omnipotens sempiterne Deus qui gloriam tuam omnibus in Christo gentibus revelasti custodi opera misericordiae tuae ut Aecclesia toto orbe diffusa stabili fide in confessione tui nominis perseveret. | 133 | |
| Qu/H6/f6/Good Friday/2 | Pf | Oremus et pro beatissimo papa nostro ut Deus et Dominus noster qui elegit eum in ordinem episcopatus salvum atque incolomem custodiat Aecclesiae suae sanctae ad regendum populum sanctum Dei. | 133 | |
| Qu/H6/f6/Good Friday/2 | Or | Omnipotens sempiterne Deus cuius iudicio universa fundantur respice propitius ad preces nostras et electum nobis antistitem tua pietate conserva ut Christiana plebs quae tali gubernatur auctore sub tanto pontifice credulitatis suae meritis augeatur. | 134 | |
| Qu/H6/f6/Good Friday/3 | Pf | Oremus et pro omnibus episcopis presbyteris diaconibus subdiaconibus acolitis exorcistis lectoribus ostiariis confessoribus virginibus viduis et pro omni populo sancto Dei. | 134 | |
| Qu/H6/f6/Good Friday/3 | Or | Omnipotens sempiterne Deus cuius spiritu totum corpus Aecclesiae sanctificatur et regitur exaudi nos pro universis ordinibus supplicantes ut gratiae tuae munere ab omnibus tibi gradibus fideliter serviatur. | 134 | |
| Qu/H6/f6/Good Friday/4 | Pf | Oremus et pro Christianissimo rege nostro ut Deus et Dominus noster subditas illi faciat omnes barbaras nationes ad nostram perpetuam pacem. | 135 | |
| Qu/H6/f6/Good Friday/4 | Or | Omnipotens sempiterne Deus in cuius manu sunt omnium potestates et omnia iura regnorum respice ad Romanum benignus imperium ut gentes quae in sua feritate confidunt potentiae tuae dextera comprimantur. | 135 | |
| Qu/H6/f6/Good Friday/5 | Pf | Oremus et pro catecuminis nostris ut Deus et Dominus noster adaperiat aures praecordiorum ipsorum ianuamque misericordiae ut per lavacrum regenerationis accepta remissione omnium peccatorum et ipsi inveniantur in Christo Iesu Domino nostro. | 135 | |
| Qu/H6/f6/Good Friday/5 | Or | Omnipotens sempiterne Deus qui Aecclesiam tuam nova semper prole fecundas auge fidem et intellectum catecuminis nostris ut renati fonte baptismatis adoptionis tuae filiis aggregentur. | 136 | |
| Qu/H6/f6/Good Friday/6 | Pf | Oremus dilectissimi nobis Deum Patrem omnipotentem ut cunctis mundum purget erroribus morbos auferat famem depellat aperiat carceres vincula dissolvat peregrinantibus reditum infirmantibus sanitatem navigantibus portum salutis indulgeat. | 136 | |
| Qu/H6/f6/Good Friday/6 | Or | Omnipotens sempiterne Deus mestorum consolatio laborantium fortitudo perveniant ad te preces de quacumque tribulatione clamantium ut omnes sibi in necessitatibus suis misericordiam tuam gaudeant afuisse. | 136 | |
| Qu/H6/f6/Good Friday/7 | Pf | Oremus et pro hereticis et scismatis ut Deus ac Dominus noster eruat eos ab erroribus universis et ad sanctam matrem Aecclesiam catholicam atque apostolicam revocare dignetur. | 137 | |
| Qu/H6/f6/Good Friday/7 | Or | Omnipotens sempiterne Deus qui salvas omnes et neminem vis perire respice ad animas diabolica fraude deceptas ut omni heretica pravitate deposita errantium corda resipiscant et ad veritatis tuae redeant unitatem. | 137 | |
| Qu/H6/f6/Good Friday/8 | Pf | Oremus et pro perfidis Iudaeis ut Deus et Dominus noster auferat velamen de cordibus eorum ut et ipsi agnoscant Christum Iesum Dominum nostrum. | 138 | |
| Qu/H6/f6/Good Friday/8 | Or | Omnipotens sempiterne Deus qui etiam Iudaicam perfidiam a tua misericordia non repellis exaudi preces nostras quas pro illius populi obcaecatione deferimus ut agnita veritatis tuae luce quae Christus est a suis tenebris eruantur. | 138 | |
| Qu/H6/f6/Good Friday/9 | Pf | Oremus et pro paganis ut Deus omnipotens auferat iniquitatem a cordibus eorum ut relictis idolis suis convertantur ad Deum vivum et verum et unicum Filium eius Iesum Christum Deum et Dominum nostrum cum quo vivit et regnat cum Spiritu Sancto Deus per omnia | 138 | |
| Qu/H6/f6/Good Friday/9 | Or | Omnipotens sempiterne Deus qui non mortem peccatorum sed vitam semper inquiris suscipe propitius orationem nostram et libera eos ab idolorum cultura et aggrega Aecclesiae tuae sanctae ad laudem et gloriam nominis tui. | 139 |