| Assignment | Rubrics | Genre | Item | P.N |
|---|---|---|---|---|
| monk/1 | Oratio pro renuntiantibus saeculo | Or | Praesta, Domine, quaesumus, famulis tuis renuntiantibus saecularibus pompis gratiae tuae vias aperiri, qui dispecto diabulo confugiunt sub titulo Christi. Iube venientes ad te sereno vultu suscipere, ne de eis inimicus valeat triumphare. Tribue eis brachium infatigabile auxilii tui, mentes eorum fidei lurica circumda, et felice muro vallati mundum se gaudeant evasisse. | 326 |
| monk/2 | Oratio in monasterio | Or | Deus, qui renuntiantibus saeculo mansionem paras in caelo, dilata sanctae huius congregationis habitaculum temporale caelestibus bonis, ut fraternae teneantur conpagine caritatis, unanimes continentiae praecepta custodiant, sobrii simplices et quieti gratis sibi datam gratiam fuisse cognoscant, concordet illorum vita cum nomine, professio sentiatur in opere. | 327 |
| monk/3 | Oratio monachorum | Or | Tu famulis tuis, quaesumus, Domine, bonos mores placatus institue; tu in eis, quod tibi placitum sit, dignanter infunde, ut et digni sint et tua valeant beneficia promereri. | 327 |