| Assignment | Rubrics | Genre | Item | P.N |
|---|---|---|---|---|
| minor blessing of water | Oratio aquae exorcizate in domo | Ex | Exorcizo te creatura aquae in nomine Dei Patris omnipotentis et in nomine Iesu Christi Filii eius Domini nostri, ut fias aqua exorcizata ad effugandam omnem potestatem inimici: et ipsum inimicum eradicare et explantare cum angelis suis apostaticis per virtutem Domini nostri Iesu Christi, qui venturus est iudicare vivos et mortuos et saeculum per ignem. Amen. | 337 |
| minor blessing of water | Alia oratio | Or | Deus, qui ad salutem humani generis maxima quaeque sacramenta in aquarum substantia condidisti, adesto invocationibus nostris, et elemento huic multimodis purificationibus praeparato virtutem tuae benedictionis infunde, ut creatura mysteriis tuis serviens ad abiciendos daemones morbosque pellendos divinae gratiae sumat effectum, ut quicquid in domibus vel in locis fidelium haec unda resparserit, careat immunditia, liberetur a noxia, non illic resedeat spiritus pestilens, non aura corrumpens, discedant omnes insidiae latentis inimici, et si quid est, quod aut incolumitati habitantium invidet aut quieti, aspersione huius aquae effugetur, ut salubritas per invocationem tui nominis expetita ab omnibus sit impugnationibus defensa. | 337 |