| Assignment | Rubrics | Genre | Item | P.N |
|---|---|---|---|---|
| Qu/H6/S/Holy Saturday/1 | Sabbato Sancto. Hora octava veniunt omnes tam cle… | Or | Deus qui mirabiliter creasti hominem et mirabilius redemisti da nobis quaesumus contra oblectamenta peccati mentis ratione persistere ut mereamur ad gaudia aeterna pervenire. | 172 |
| Qu/H6/S/Holy Saturday/2 | Lectio libri Genesis. Tentavit Deus Abraham. | Or | Deus qui in Abrahae famuli tui opere humano generi oboedientiae exempla praebuisti concede nobis et nostrae pravitatis voluntatem frangere et tuorum praeceptorum rectitudinem in omnibus adimplere. | 172 |
| Qu/H6/S/Holy Saturday/3 | Lectio libri Exodi. Dixit Dominus ad Moysen et Aa… | Or | Deus qui peccati veteris hereditariam mortem in qua posteritatis genus omne successerat Christi tui Domini nostri passione solvisti dona ut conformes eidem facti sicut imaginem ’terreni’ naturae necessitate portavimus ita imaginem ’caelestis’ gratiae sanctificatione portemus. | 172 |
| Qu/H6/S/Holy Saturday/4 | Lectio libri Exodi. Factum est in vigilia matutin… | Or | Deus cuius antiqua miracula in praesenti quoque saeculo coruscare sentimus praesta quaesumus ut sicut priorem populum ab Aegyptiis liberasti hoc ad salutem gentium per aquas baptismatis opereris. | 172 |
| Qu/H6/S/Holy Saturday/5 | Lectio Isaiae prophetae. Haec haereditas servorum… | Or | Deus qui Ecclesiam tuam semper gentium vocatione multiplicas concede propitius ut quos aqua baptismatis abluis continua protectione tuearis. | 173 |
| Qu/H6/S/Holy Saturday/6 | Lectio Isaiae prophetae. Apprehendent septem muli… | Or | Deus qui nos ad celebrandum paschale sacramentum utriusque testamenti paginis instruis da nobis intelligere misericordiam tuam ut ex perceptione praesentium munerum firma sit exspectatio futurorum. | 173 |
| Qu/H6/S/Holy Saturday/7 | Lectio Ionae prophetae. Factum est Verbum Domini. | Or | Deus qui divitias misericordiae tuae in hac praecipue nocte largiris propitiare universo ordini sacerdotalis officii et omnes gradus famulatus nostri perfecta delictorum remissione sanctifica ut ministraturos regeneratrici gratiae tuae nulli esse obnoxios patiaris offensae. | 173 |
| Qu/H6/S/Holy Saturday/8 | Lectio Isaiae Prophetae. Haec dicit Dominus in di… | Or | Concede quaesumus omnipotens Deus ut qui festa paschalia agimus caelestibus desideriis accensi fontem vitae sitiamus. | 174 |
| Qu/H6/S/Holy Saturday/9 | Tractus Sicut cervus desiderat ad fontes. Alia or… | Or | Omnipotens sempiterne Deus respice propitius ad devotionem populi tui renascentis qui sicut cervus aquarum expetit fontem; concede propitius ut fidei ipsius sitis baptismatis mysterio animam corpusque sanctificet. Per Dominum. | 174 |
| Qu/H6/S/Holy Saturday/10 | Expletis lectionibus statim venit unus ministroru… | Or | Omnipotens sempiterne Deus adesto magnae pietatis tuae mysteriis adesto sacramentis et ad creandos novos populos quos tibi fons baptismatis parturit spiritum adoptionis emitte ut quod humilitatis nostrae gerendum est mysterio tuae virtutis compleatur effectu. | 175 (87r) |
| Qu/H6/S/Holy Saturday | Consecratio fontis canitur sicut praefatio usque… | VD | Qui invisibili potentia sacramentorum tuorum mirabiliter operaris effectum et licet nos tantis mysteriis exsequendis simus indigni tu tamen gratiae tuae dona non deserens etiam ad preces nostras aures tuae pietatis inclinas Deus cuius Spiritus super aquas inter ipsa mundi primordia ferebatur ut iam tunc virtutem sanctificationis aquarum natura conciperet Deus qui nocentis mundi crimina per aquas abluens regenerationis speciem in ipsa diluvii effusione signasti ut unius eiusdemque elementi mysterio et finis esset vitiis et origo virtutibus Respice Domine in faciem Ecclesiae tuae et multiplica in ea regenerationes tuas qui gratiae tuae affluentis impetu laetificas civitatem tuam fontemque baptismatis aperis toto orbe terrarum gentibus invocandis ut tuae maiestatis imperio sumat Unigeniti tui gratiam de Spiritu Sancto Hic aquam manu tangat in modum crucis. Qui hanc aquam regenerandis hominibus praeparatam arcana sui luminis admixtione fecundet ut sanctificatione concepta ab immaculato divini fontis utero in novam renatam creaturam progenies caelestis emergat Et quos aut sexus in corpore aut aetas discernit in tempore omnes in unam pariat gratiam mater infantiam Procul ergo hinc iubente te Domine omnis spiritus immundus abscedat Procul ergo tota nequitia diabolicae fraudis absistat Nihil hic loci habeat contrariae virtutis admixtio non insidiando circumvolet non latendo subripiat non infitiendo corrumpat Iterum manu tangat aquam in modum crucis. Sit haec sancta et innocens creatura libera ab omni impugnatoris incursu et [70v] totius nequitiae purgata discessu Sitfons vivus aquaregenerans undapurificans Ut omnes hoc lavacro salutifero diluendi operante in eis Spiritu Sancto perfectae purgationis indulgentiam consequantur Unde benedico te creatura aquae perDeum vivum perDeum sanctum per Deum qui te in principio verbo separavit ab arida cuius Spiritus super te ferebatur qui te de paradiso manare praecepit Hic eiciat aquam in modum crucis.et in quattuor fluminibus totam terram rigare praecepit Qui te in deserto aquam amaram suavitate inclita fecit esse potabilem et sitienti populo de petra produxit Benedico te per Iesum Christum Filium eius unicum Dominum nostrum qui te in Cana Galilaeae signo admirabili sua potentia convertit in vinum Qui pedibus super te ambulavit et a Ioanne in Iordane in te baptizatus est Qui te unacum sanguine suo de latere produxit et discipulis suis iussit ut credentes in te baptizarentur dicens Ite docete omnes gentes baptizantes eos in nomine Patris et Filii et Spiritus Sancti Hic muta vocem quasi legens lectionem. Haec nobis praecepta servantibus tu Deus omnipotens clemens adesto tu benignus aspira Hic suffla in aquam ter in hunc modum videlicet crucis. tu has simplices aquas tuo ore Hic iterum suffla in modum crucis. benedicito ut praeter naturalem emundationem quam lavandis possunt adhibere corporibus sint etiam purificatis mentibus efficaces Hic pone cereum ardentem in aquam dicendo ter (notandum) Descendat in hanc plenitudinem fontis virtus Spiritus Sancti Hic iterum insuffla super fontem tribus vicibus in modum crucis. et totam huius aquae substantiam regenerandi fecundet effectu Hic sume cereum extra aquam et dic Hic omnium peccatorum maculae deleantur hic natura ad imaginem tuam condita et ad honorem sui reformata principii cunctis vetustatis squaloribus emundetur ut omnis homo hoc sacramentum regenerationis ingressus in verae innocentiae novam infantiam renascatur Per Dominum In unitate eiusdem Spiritus Sancti Hic mittatur chrisma a sacerdote in fontem in modum crucis. In nomine Patris et Filii et Spiritus Sancti Paracliti sanctificetur et fecundetur de hoc oleo salutifero et chrismate fons iste ad abluenda crimina et ad regenerandas animas in vitam aeternam. | 175 (87r) |