| circumambulation/ad introitum/1 |
In introitu monasterii |
Or |
Domine Iesu Christe qui introitum portarum Ierusalem salvans sanctificasti dum splendore gemmarum duodecim totidem apostolorum nomina praesignasti et qui per organum propheticum promisisti: Lauda Ierusalem Dominum quia confortavit seras portarum tuarum benedixit filios tuos in te: te quaesumus ut ponas in omnes fines domus istius sancti illi pacem ut velociter currens interius sermo tuus adipe frumenti satiet eos Spiritus Sanctus defendat illos ut numquam eis nocere praevaleat inimicus sed omnes habitantes interius voce corde et opere decantent dicentes: Magnus Dominus noster Iesus Christus et magna virtus eius et sapientiae eius non est numerus. |
487 (239r) |
| circumambulation/ad introitum/2 |
Introeontes in basilica |
Or |
Via sanctorum omnium Iesu Christe qui ad te venientibus claritatis gaudia contulisti introitum templi istius Spiritus Sancti luce perfunde qui locum istum sanctorum tuorum martyrum consecrasti praesta omnipotens ut omnes isti in te credentes obtineant veniam pro delictis ab omnibus liberentur angustiis impetrent quicquid petierint pro necessitatibus suis placere semper valeant coram oculis tuis quatenus per te et sanctum illi tuum militem mereamur aulam paradisi introire. |
487 (239r) |
| circumambulation/sacrarium/3 |
In sacrario |
Or |
Omnipotens et misericors Deus qui sacerdotibus tuis prae ceteris tantam gratiam contulisti ut quicquid in tuo nomine digne perfecteque agitur ante fieri creditur quaesumus ergo immensam clementiam tuam ut quod modo visitaturi sumus visitis quicquid benedicturi sumus benedicas sit ad nostrae humilitatis introitum sanctorum tuorum meritis fuga daemonum angeli pacis ingressus. |
488 |
| circumambulation/dormitorium/4 |
In dormitorio |
Or |
Benedic Domine hoc famulorum tuorum dormitorium qui non dormis neque dormitas qui custodis Israel famulos tuos huic domui quiescentes post laborem custodi ab illusionibus phantasmaticae satanae vigilantes in praeceptis tuis meditentur dormientes te per soporem sentiant qui Iacob in somnis apparuisti innixum scale. |
488 |
| circumambulation/vestiarium/5 |
Ubi vestimenta conservantur. |
Or |
Omnipotens et misericors Deus qui populo ex Aegypto educto donis mirificis contulisti immerito immo et hos famulos tuos ab ignorantia tenebrarum liberatus ut ad aeterna proveris temporalia dona ditisti abundae quaesumus te ut quod tua pietas largiter eis tribuat clementer conseruit. |
488 |
| circumambulation/refectorium/6 |
In refectorio |
Or |
Omnipotens et misericors Deus qui famulis tuis abis refectione carnale cibum vel potum te benedicente cum gratiarum actione accipiant et hic et in aeternum per te salvi esse mereantur. |
488 |
| circumambulation/cellarium/promptuarium/7 |
In cellario |
Or |
Omnipotens et misericors Deus qui per cuncta diffusus es maiestatem tuam suppliciter deprecamur ut huic promptuario gratia tua adesse dignetur qui cuncta adversa ab eo repellat et abundantiam benedictionis tuae largiter infundat. |
488 |
| circumambulation/potionarium/8 |
In potionario |
Or |
Omnipotens et misericors Deus sempiterna dulcedo et aeterna suavitas te humiliter quaesumus ut hoc potionario et omnes laborantes in eo benedicas Domine benedictionis tuae abundantia per quod qui haec exhoramenta naribus corporis discernunt labentia prohibentia continentes aeterna perfruantur gloria sempiterna. |
489 |
| circumambulation/coquina/9 |
In coquina |
Or |
Deus aeterne ante cuius conspectum assistunt angeli fulgendi et omnis pompa clarissima quicquid rota contenit mundi adtamen necessaria humanae miseriae tuae clarissimae conspitiunt oculi habitaculum istius officinae illa benedictione perfunde qua per manus Elisaei prophetae in ulla heremitica gustus amarissimos dulcorasti ut sufficiente pasto habitantes repleti semper tibi laudes referant Christe qui das escam omni carni et reples omnem animal benedictione. |
489 |
| circumambulation/lardarium/10 |
In lardario |
Or |
Omnipotens et misericors Deus qui necessitatem humani generis clementer praevidens adminicula temporalia contulisti humiliter imploramus ut benedicere digneris hoc lardarium famulorum tuorum ut qui hic tua misericordia pie contulit nostro merito non deperiat. |
489 |
| circumambulation/granarium/hortus/11 |
In granario |
Or |
Omnipotens et misericors Deus qui benedixisti horrea Ioseph aream Gedeonis et adhuc quod maius est iacta terrae semina surgere facis cum venire messis te humiliter quaesumus ut sicut ad petitionem famuli tui Eliae non defuit viduae farina ita ad nostrae parvitate suffragia huic horreo famulorum tuorum non desit benedictionis tuae abundantia. |
489 |
| circumambulation/pistrinum/12 |
In pistrino |
Or |
Sanctificetur istud hospitium et fugiat ab eo inmundus spiritus per virtutem Domini nostri Iesu Christi detur omnibus in eo cummorantibus sanitas claritas hilaritas protegente ac conservante maiestate tua omnipotens Deus. |
489 |
| circumambulation/pistrinum/13 |
Alia |
Or |
Omnipotens sempiterne Deus qui es via vita et veritas qui ex ore beatitudinis tuae prodisti dicens: ego sum panis vivos qui de caelo discendi maiestatem tuam supplicis fundimus precis ut super habitationibus domum famulorum tuorum ubi alimenta panis praeparantur benedictio caelestis copiosa discendat et sicut per manus potentiae tuae septem panis in deserto in escas populorum benedicens multiplicasti ita Domine quaesumus in manus servorum tuorum hic laborantium per septemformae Spiritus sanctificationis gratiam benedicere alimentorum panis substantiam adque multiplicare digneris ut omnes ex eo cum gratiarum actione percipientes benedictionibus repleantur. |
489 |
| circumambulation/area/14 |
In area nova |
Or |
Omnipotens sempiterne Deus multiplica super nos misericordiam tuam et preces nostras benignus exaudi ut in hac area famuli tui illi Spiritum tuum Sanctum Paraclitum mittere digneris et venia speratae benedictionis ubertas et repleti de frugibus tuis in tuo nomine et in tua gratia laeti semper exsulent. |
490 |
| circumambulation/area/15 |
|
Or |
Multiplica Domine super nos misericordiam tuam et preces nostras propitiatus exaudire dignare sicut exaudisti famulum tuum David regem qui te in area hostias offerendo placuit iram avertit indulgentiam impetravit ita veniat quaesumus speratae benedictionis ubertas ut repleti frugibus tuis de tua semper misericordia gloriemur. |
490 |
| circumambulation/caminata/16 |
In spensela |
Or |
Omnipotens sempiterne Deus cuius sapientia omnium docuit ut domus haec careret aliquando frigore a vicinitate ignis ita nunc quaesumus sicut omnes habitantes vel convenientes in ea careant in corde infidelitatis frigore a fervore ignis Spiritus Sancti. |
490 |
| circumambulation/scriptorium/17 |
In scriptorio |
Or |
Benedicere digneris Domine hoc scriptorium famulorum tuorum et omnes habitantes in eo ut quicquid hic divinis scripturis ab eis lectum vel scriptum fuerit sensu capiant opere perficiant. |
490 |
| circumambulation/hospitale/18 |
In hospitale |
Or |
Omnipotens et misericors Deus qui es doctor cordium omnium et magister angelorum te humiliter quaesumus ut cordibus famulorum tuorum ob gratiam salutationis loco huic frequentantium semper adesse digneris ut eorum sermo in timore tuo ignitus atque sale sapientiae conditus utilitate proximae plenus ut cum hinc advenientes recesserent de exemplo eorum gloriam tui nominis praedicent. |
490 |
| circumambulation/domus infirmorum/19 |
In domo infirmorum |
Or |
Omnipotens et misericors Deus quaesumus immensam pietatem tuam ut ad introitum in tuo nomine humilitatis nostrae hos famulos tuos huic in habitaculo iacentes fessos salutifere visitare digneris sicut visitasti Domine Tobiam et Sarram socrum Petri puerumque centurionis ita et istos pristinum sanitatis animae corporisque recepta gratiarum tibi in ecclesia tua referant actionis. |
491 (241-245r) |
