| Adv/H1/D/M2/Mass Propers/1 |
Dominica prima in Adventu Domini |
BenP |
Omnipotens Deus, cuius Unigeniti adventum et praeteritum creditis, et futurum exspectatis: eiusdem adventus vos illustratione sanctificet, et sua benedictione locupletet. Amen. In praesentis vitae stadio vos ab omni adversitate defendat, et se vobis in iudicio placabilem ostendat. Amen. Quo a cunctis peccatorum contagiis liberati, illius tremendi examinis diem exspectetis interriti. Amen. Quod ipse praestare dignetur, cuius regnum et imperium sine fine permanet in saecula saeculorum. |
1 |
| Adv/H1/D/M2/Mass Propers/2 |
Alia |
BenP |
Omnipotens Deus, cuius adventum et humilem in carne celebratis, et in maiestate terribilem fideliter exspectatis: in hoc vobis misericors remittat, quod displicet, ut in illo districtus non inveniat, quod condemnet. Amen. Expergefaciat vos modo a somno torporis et negligentiae, qui, tunc veniens, omnes vult in bono opere vigilantes invenire. Amen. Quatenus perfecte abiicientes opera tenebrarum, in illo tremendo examine cum filiis lucis et diei mereamini feliciter censeri. Amen. Quod ipse praestare. |
1 |
| Adv/H1/f4/M2/Mass Propers/1 |
Feria quarta |
BenP |
Omnipotens Deus deponat pristinam in vobis conversationem veteris hominis, qui corrumpitur secundum desideria vanitatis. Amen. Atque renovatos spiritu vestrae mentis, induat vos novum hominem, qui secundum Deum creatus est in iustitia et sanctitate veritatis. Amen. Ut inhaerentes Deo vero Patrique veritatis, diabolum mendacem, patrem mendacii sub pedibus conteratis. Amen. Quod ipse praestare. |
2 (1r) |
| Adv/H1/f4/M2/Mass Propers/2 |
Alia |
BenP |
Omnipotens Deus, qui pro nobis venit, et siluit, veniet autem, et non silebit: modo vos in patientia sua misericorditer adducat ad paenitentiam, ut tunc iustam eius valeatis sustinere censuram. Amen. Corrigat vos iudex etiam exemplo sui praeconis, ut, in deserto huius saeculi, tamquam advenae et peregrini, abstinentes vos a carnalibus desideriis, etiam superflua vestium lenocinia respuatis. Amen. Statuat vos modo ante faciem vestram, ut, videntes vestra peccata, faciem eius in confessione praeveniatis, ne tunc terribiliter arguat vos, et in conspectu angelorum et hominum sine fructu erubescatis. Amen. Quod ipse praestare dignetur. |
2 (1r) |
| Adv/H1/f6/M2/Mass Propers/1 |
Feria sexta |
BenP |
Auferat a vobis Deus appetitum popularis gratiae, et animos vestros verae dignitatis inspiret amore. Amen. Liberet vos a pernicioso aemulationis vitio, et fraternae necessitatis insudare vos concedat obsequio. Amen. Ut, infusi Spiritu caritatis mutuae, paratum vobis regnum ab initio saeculi valeatis possidere. Amen. Quod ipse praestare dignetur. |
3 |
| Adv/H1/f6/M2/Mass Propers/2 |
Alia |
BenP |
Deus pacis, qui est benedictus in saecula: benedicat et sanctificet vos per omnia, ut per dignos fructus paenitentiae valeatis venturam iram declinare. Amen. Excolat vos superabunda[n]te gratia, et internae suavitatis fructu faciat exuberare, ut securim iustae ultionis, pertingentem usque ad divisionem spiritus et animae, dignetur in aeternum sublevare. Amen. Excoquat in vobis igne Sancti Spiritus rubiginem et scoriam inolitae pravitatis, ut, quandoque cum ventilabro veniens aream suam purgare, non cum paleis in ignem, sed cum tritico vos dignetur in horreum congregare. Amen. Quod ipse praestare. |
4 |
| Adv/H2/D/M2/Mass Propers/1 |
Dominica secunda |
BenP |
Omnipotens Deus placido vos vultu respiciat, et in vos donum suae benedictionis infundat. Amen. Et, qui hos dies fecit incarnatione Unigeniti sui sollemnes, a cunctis praesentis vitae et futurae adversitatibus vos reddat indemnes. Amen. Ut, qui de adventu Redemptoris nostri secundum carnem devota mente laetamini, in secundo, cum in maiestate sua venerit, praemiis aeternae vitae ditemini. Amen. Quod ipse praestare. |
4 |
| Adv/H2/D/M2/Mass Propers/2 |
Alia |
BenP |
Deus, qui vos ex lectione sancti Evangelii de vicino terruit superventu iudicii: auferat de cordibus vestris nocivum amorem mundi transeuntis, ut, dum signis evidentibus sub oculis vestris suis cottidie percussionibus atteritur, desiderium eius vestris mentibus elabatur. Amen. Aperiat vobis aurem cordis, ut verba eius, quae, caelo et terra transeuntibus, non transeunt, sollicite audiatis, et propinquantem mundi terminum, quem tot signa praenuntiant, timeatis. Amen. Quatenus, amatoribus mundi prae timore arescentibus, motis etiam supernis virtutibus, sic metum ex bona conscientia possitis temperare, ut in spem sequentis gloriae cum sanctis capita vestra audeatis levare. Amen. Quod ipse praestare. |
5 |
| Adv/H2/f4/M2/Mass Propers/1 |
Feria quarta |
BenP |
Deus, qui dives est in misericordia: a principibus et potestatibus aeris ieiuniorum vos muniat observantia. Amen. Et, qui ante mundi constitutionem vos elegit in filiorum adoptionem, gratuitae electionis suae impleat in vobis praedestinationem. Amen. Ut in futuri examinis die tremenda, ab auditione mala non timentes, a dextra beatitudinis Dei collocemini gratulantes. Amen. Quod ipse praestare. |
5 |
| Adv/H2/f4/M2/Mass Propers/2 |
Alia |
BenP |
Deus immensus, qui parvus pro nobis dignatus est fieri, ut de grano sinapis arbor magna succresceret, in cuius ramis aves caeli habitarent: faciat vos alis virtutum ad caelestia per contemplationem subvolare, ut cum sanctis avibus, quas terrena non deprimunt desideria, mereamini in ramis eius habitare. Amen. Quique regno suo violentiam fieri desiderat, ut in locum iusti peccator succedat, praesumptionem hanc inspiret cordibus vestris et animis, ut et ipsi in locum iustorum conversi subintroeatis. Amen. Ut qui regnum suum humilibus proposuit et quietis, humiles vos et a saeculari appetitu quietos faciat et fraterno schismate, ut et ipsi regnum hoc cum benedictionis filiis mereamini possidere. Amen. Quod ipse praestare. |
6 |
| Adv/H2/f6/M2/Mass Propers/1 |
Feria sexta |
BenP |
Deus, a quo est omnis scientia divinitus inspirata: Scripturarum sanctarum vobis per Spiritum suum revelet arcana. Amen. Praestet vobis ex his, quae scripta sunt, salutarem haurire doctrinam, ut habeatis spem certam, consolationem indefessam et firmam patientiam. Amen. Quatenus, earum aedificatione per caritatem instructi, et vocem eius audire, et speciem eius, quae omnem sensum exsuperat, videre mereamini. Amen. Quod ipse praestare. |
7 |
| Adv/H2/f6/M2/Mass Propers/2 |
Alia |
BenP |
Deus Emmanuel, qui, ut hominibus visibilis fieret, Verbum caro factum in nobis habitare dignatus est: spiritali suae vos habitationi idoneos efficiat, ut, qui foris praesidet, intus de cordibus vestris non recedat. Amen. Ut, qui legem per Moysen dedit, gratiam autem per semetipsum intulit, vos, qui per ipsum regenerati estis in novum hominem, legali districtione non puniat, ne vinum vetus novos utres corrumpat. Amen. Quatenus, de plenitudine eius accipientes fidem et peccatorum indulgentiam, gratiam pro gratia et vitam recipiatis aeternam. Amen. Quod ipse praestare. |
7 |
| Adv/H3/D/M2/Mass Propers/1 |
Dominica tertia |
BenP |
Deus, cuius adventus incarnationis praeteritus creditur, et in die iudicii venturus exspectatur: vos, antequam veniat, expiet ab omni contagione peccati. Amen. Prius in vobis diluat omne, quod illa futura examinatione puniturus est, ut, cum iustus iudex advenerit, nihil in vobis inveniat, quod condemnet. Amen. Quo veniente, non incurratis supplicium aeternum, sed remuneremini donariis sempiternis per aevum. Amen. Quod ipse praestare. |
8 |
| Adv/H3/D/M2/Mass Propers/2 |
Alia |
BenP |
Deus, Dei Filius tribuat vobis inconcussam soliditatem perfectae fidei, ut, qui in eodem, Mediatore Dei et hominum inaestimabilem deitatis potentiam agnoscentes veneramini, in humilitate carnis, quam pro vobis assumpserat, numquam possitis scandalizari. Amen. Adiiciat vobis perseverantiam in bonis operibus usque ad consummationem, ut in holocaustum propitiationis caudam Domino cum capite habeatis immolare, ne ulla vos vel humana, vel spiritalis suggestio ad dexteram vel sinistram valeat declinare. Amen. Quatenus, mobilitatem harundineam omittentes, profunda radice contra omnes tentationum impulsus longanimitatem et perseverantiam teneatis, et, usque in finem perseverantes, alii tricesimum, alii sexagesimum, alii centesimum in patientia fructum afferatis, et in retributione iustorum a Patre vestro caelesti talarem immortalitatis tunicam recipiatis. Amen. Quod ipse praestare. |
8 |
| Adv/H3/f4/M2/Mass Propers/1 |
Feria quarta |
BenP |
Deus, qui Ecclesiam suam mundavit lavacro aquae in verbo vitae, ut exhiberet eam gloriosam, non habentem maculam aut rugam: concedat vobis vitam agere sanctam et immaculatam. Amen. Praestet vobis spatia dierum malorum redimere, ut compendia vitae apprehendatis aeternae. Amen. Quatenus, dum in patientia toleratis passiones huius temporis, filiorum adoptionis futura gloria reveletur in vobis. Amen. Quod ipse praestare. |
9 |
| Adv/H3/f4/M2/Mass Propers/2 |
Alia |
BenP |
Deus, qui in intemeratae Virginis utero mirabiliter pro nobis voluit incarnari: det vobis intellectum et fidem, ut tantae incarnationis sacramentum, vere intelligentes, credatis, et, ad capiendam aeternae salutis hereditatem, credendo proficiatis. Amen. Dignetur nunc eandem sanctissimam Genitricem suam, pro vobis supplicantem, misericorditer audire, per quam tunc pro redemptione omnium Deus et homo ad humanos oculos voluit prodire. Amen. Et, qui ad salutem nostram virgam produxit de radice Iesse, de qua ipse flos noster voluit ascendere, perfundat vos septiformis Spiritus sui charismate, quem super hunc florem singulariter creditis requievisse. Amen. Quod ipse praestare. |
10 |
| Adv/H3/f6/M2/Mass Propers/1 |
Feria sexta |
BenP |
Deus, quem et in veritate iam natum creditis, et annua revolutione, quasi iam redituram eius nativitatem, exspectatis: det vobis in hac sua festivitate spiritale gaudium, quem praecursor suus, nondum natus, quali potuit, gaudio praenuntiavit nasciturum. Amen. Et, qui lapis abscisus de monte sine manibus in montem magnum factus est, faciat vos in montem istum virtutum gradibus ascendere, ubi eum, docentem vias suas non in crassitudine nubium, aut in coruscatione fulgurum, sed in evangelica lenitate, possitis audire. Amen. Quatenus, de luto faecis et lacu fugientes miseriae, sic strenue de virtute in virtutem ascendatis, ut in caelesti Sion Deum deorum in sua gloria laeti videatis. Amen. Quod ipse praestare. |
11 |
| Adv/H3/f6/M2/Mass Propers/2 |
Alia |
BenP |
Deus, qui vos elegit in consummationem sanctorum, in aedificationem corporis Christi, in opus ministerii, benedicat vos in omni benedictione spiritali. Amen. Concedat vobis investigabiles divitias bonitatis eius cum fiducia evangelizare, et per Ecclesiam multiformis sapientiae Dei sacramentum, a saeculo absconditum, praedicare. Amen. Quatenus, persoluta ratione gratiae, quam accepimus secundum mensuram Christi donationis, configurari mereamur corpori eius inaestimabilis claritatis. Amen. Quod ipse praestare. |
11 |
| Adv/H4/D/M2/Mass Propers |
Dominica ante Nativitatem Domini |
BenP |
Deus, qui illum iniquum filium perditionis, cuius adventus est secundum operationem Satanae, oris sui spiritu interficiet: corda vestra in patientia sua et caritate sanctificet. Amen. Et, qui eum destruet sui adventus illustratione, defendat vos a signis eius et prodigiis mendacibus et ab omni iniquitatis seductione. Amen. Ne, consentientes mendacio, et contradicentes veritati, in ignem aeternum cum ipso patre mendacii damnemini. Amen. Quod ipse praestare. |
12 |
| Adv/H4/f4/M2/Mass Propers |
Feria quarta |
BenP |
Deus, qui est fons lucis, fons vitae, fons veritatis: multiplicet in vobis suae genimina caritatis. Amen. Auferat a vobis spiritum servitutis in timore, et impleat vos spiritu adoptionis filiorum in dilectione. Amen. Concedat vobis, ut se, in quo inhabitet omnis iustitiae plenitudo, esuriatis et sitiatis, quatenus satiemini, cum ipse apparuerit in sede suae maiestatis. Amen. Quod ipse praestare dignetur. |
13 |
| Adv/H4/f6/M2/Mass Propers |
Feria sexta |
BenP |
Deus, qui iustificat et circumcisionem ex fide, et praeputium per fidem: peccata, quae post baptisma contraxistis, secundo lacrimarum baptismate per gratiam diluat, ne sub legis rigore iudicemini, quae cruentat. Amen. Et, qui per carnem assumptam, sanctam sibi desponsavit Ecclesiam, faciat vos in fecunditate tanti matrimonii cum filiis, non cum adulteris computari. Amen. Quatenus ad gloriam Matris vestrae moribus et actibus specimen praeferentes huius nobilitatis, in conspectu Patris vestri nec maculam, nec rugam habeatis. Amen. Quod ipse praestare. |
13 |
| Dec/24/Nativitas (Vigilia)/M2/Mass Propers/1 |
In vigilia Nativitatis Domini |
BenP |
Omnipotens Deus, qui, ut vos a lege peccati absolveret, Unigenitum suum, in similitudine carnis peccati factum, sub lege mittere dignatus est: in bona voluntate sua perfecte vos exuat veterem cum suis actibus hominem, qui in novitate Spiritus eundem Filium eius habetis et infirmitatis vestrae participem, et regni coheredem. Amen. Det vobis sobrie et iuste et pie humilem eius adventum excipere, et competenter venerari, ut, cum secundo non iudicandus, sed iudicaturus apparebit, indemnes eum mereamini in sua gloria contemplari. Amen. Quatenus per hoc salutare commercium digne vos faciat inter adoptionis filios computari, unde idem Mediator noster Filius Hominis dignatus est nominari. Amen. Quod ipse praestare. |
14 |
| Dec/24/Nativitas (Vigilia)/M2/Mass Propers/2 |
Unde supra |
BenP |
Deus, qui Filii sui, Domini nostri, Iesu Christi humilitate iacentem mundum dignatus est erigere: suae vos benedictionis capaces dignetur efficere. Ut, veterem hominem cum suis actibus deponentes, illius conversatione vivatis, qui secundum Deum creatus est in iustitia et sanctitate veritatis. Amen. Sicque ab eo hodie sanctificationem mereamini, quatenus, nativitatem Salvatoris die crastina celebraturi, convenientibus illi obsequiis exsistatis accepti. Amen. Quod ipse praestare dignetur. |
15 |
| Dec/25/Nativitas/M1/Mass Propers/1 |
Ad missam priorem |
BenP |
Benedicat vobis Deus, qui mysterium incarnationis suae, aeternis temporibus tacitum, in hac sacratissima nocte voluit esse revelatum. Amen. Et, qui ante tempora saecularia vocavit vos per gratiam suam, quae hac nocte manifestata est per Salvatoris illuminationem, destruat peccati mortem, illuminet autem vitam et incorruptionem. Ut, in omni castitate morum conversationem vestram agentes in caelis, cum angelis Dei Deo celebretis gloriam in excelsis. Amen. Quod ipse praestare. |
15 |
| Dec/25/Nativitas/M1/Mass Propers/2 |
Item alia |
BenP |
Omnipotens Deus, qui incarnatione Unigeniti sui mundi tenebras effugavit, et eius gloriosa nativitate hanc sacratissimam noctem irradiavit: effuget a vobis tenebras vitiorum, et irradiet corda vestra luce virtutum. Amen. Quique eius sacratissimae nativitatis gaudium magnum pastoribus ab angelo voluit nuntiari, ipse super vos benedictionis suae gratissimum imbrem infundat, atque, ipso pastore, vos ad aeternorum gaudiorum pascua perducat. Amen. Et, qui per eius incarnationem terrena caelestibus sociavit, internae pacis et bonae voluntatis nectare vos repleat, et caelestis militiae consortes efficiat. Amen. Quod ipse praestare. |
16 |
| Dec/25/Nativitas/M2/Mass Propers/1 |
Ad secundam missam |
BenP |
Deus, qui Deus de Deo, lux de luce inter principia creaturarum lucem divisit a tenebris: concedat vobis, ut a luce, quae hodie illuxit, illuminati, filii lucis esse mereamini. Amen. Et, qui ipse lux est, et in quo non sunt ullae tenebrae, largiatur, ut, in luce ambulantes, cum luce societatem possitis habere. Amen. Ut, cum pastoribus in praesepio, incarnationem eius credentes, admiremini, donec dies virtutis eius in vobis illucescat, et lucifer ille, qui nescit occasum, vestris oriatur in cordibus. Amen. Quod ipse praestare. |
16 |
| Dec/25/Nativitas/M2/Mass Propers/2 |
Item alia |
BenP |
Deus, qui, a Patre genitus ante luciferum, hodie pro nobis a matre genitus est: secum vos ad summum caelorum, quo recursus eius est, revehat, pro quibus, a summo caelo egrediens, ad ima descendebat. Amen. Accendat in vobis ignem Sancti Spiritus, quem venit mittere in terram, ut ardeat, ne quis se in duritia cordis a calore eius abscondat. Amen. Quatenus ipse, speciosus forma prae filiis hominum, in quem prospicere desiderant angeli, in eadem vos sibi faciat pulchritudine configurari. Quod ipse praestare. |
17 |
| Dec/25/Nativitas/M3/Mass Propers/1 |
In die sancto Nativitatis Domini |
BenP |
Benedicat vobis omnipotens Deus, vestramque ad superna excitet intentionem, qui hanc sacratissimam diem nativitate Filii sui fecit esse sollemnem. Amen. Et, qui eum, qui panis est angelorum, in praesepi Ecclesiae cibum fecit esse fidelium animalium, ipse vos et in praesenti saeculo degustare faciat aeternorum dulcedinem gaudiorum, et in futuro perducat ad satietatem aeternorum praemiorum. Amen. Quique eius infantiam vilibus voluit indui pannis, ipse vos caelestium vestimentorum induat ornamentis. Amen. Quod ipse praestare dignetur, cuius regnum et imperium sine fine permanet in saecula saeculorum. Amen. |
18 |
| Dec/25/Nativitas/M3/Mass Propers/2 |
Item alia |
BenP |
Deus, qui est splendor paternae gloriae, et incomprehensibilis figura eius substantiae: peccatorum vestrorum vos mundet purgatione. Amen. Et, qui hodierna die in similitudine carnis venit peccati, ut peccatum damnaret in carne, iustificationem legis per Spiritum suum in vestra impleat infirmitate. Amen. Inspiret vobis, ut Verbum, quod in principio apud Deum Deus erat, in fine temporum carnem factum esse credatis, sic tamen, ut nec personarum admittatur ulla divisio, nec naturarum credatur ulla permixtio. Amen. Quod ipse praestare. |
18 |
| Dec/26/Stephanus martyr/M2/Mass Propers |
In natali sancti Stephani |
BenP |
Deus, a cuius caritate beatum Stephanum non potuit separare neque mors, neque vita, neque angeli, neque principatus, neque instantia, neque futura, neque altitudo, neque profundum: faciat vos ad eius imitationem currere certamen vobis propositum. Amen. Concedat vobis, ut, sicut ipse protomartyr, testimonio fidei probatus, accepit repromissionem, ita et vos per eius merita in vestram proficiatis consummationem. Amen. Quatenus, dum exemplo eius corde creditis ad iustitiam, ore autem confitemini ad salutem, ineffabilem Filii Dei a dextris Patris consequamini visionem. Amen. Quod ipse praestare. |
19 |
| Dec/27/Ioannes apostolus/M2/Mass Propers |
In natali sancti Ioannis |
BenP |
Deus, in quo habitat omnis plenitudo divinitatis et sapientiae corporaliter: instruat vos ea, quae beatus Ioannes annuntiavit de Verbo vitae, quod fuit ab initio, quod ipse vidit, et quod audivit. Amen. Enarret ea vobis ipse Unigenitus Filius, qui est in sinu Patris, de cuius plenitudine beatus evangelista abundantius accepit prae aliis gratiam pro gratia. Amen. Quatenus, per eum in agnitionem mysterii, a saeculis et generationibus absconditi, fideliter eruditi, patienter exspectetis beatam spem et adventum gloriae magni Dei et Salvatoris, Iesu Christi, Domini nostri. Amen. Quod ipse praestare. |
20 |
| Dec/28/Innocentes/M2/Mass Propers |
In natali sanctorum Innocentum |
BenP |
Deus, qui hodierna die infans ab infantibus, innocens ab innocentibus sanguine, non sermone voluit praedicari: inspiret vobis, ut testimonium Christi non ex sublimitate sermonis aut sapientiae, sed ex patientia et mansuetudine metiamini. Amen. Et, qui stulta mundi elegit, ut confundat sapientes, infirma, ut confundat fortia, ea, quae non sunt, ut, quae sunt, destruat, edoceat vos intelligere, quod stultum est Dei, sapientius esse hominibus, et, quod infirmum est Dei, fortius esse hominibus. Amen. Ut malitia parvuli, sensibus perfecti, exercitatos sensus habeatis ad discretionem boni et mali. Amen. Quod ipse praestare. |
20 |
| Jan/1/Circumcisio/M2/Mass Propers/1 |
In octava Domini Nativitatis |
BenP |
Deus, qui hodierna die, ne legem solveret, sed impleret, circumcidi et ex tempore voluit appellari: largiatur vobis, ut spiritu, non littera, corde, non carne sitis circumcisi. Amen. Et, qui iustificat circumcisionem ex fide, et praeputium per fidem, concedat praeputium vestrum in circumcisionem reputari, et ab eo iustitias legis consummari. Amen. Ut a petra, qui est Christus, circumcisi non circumcisione manu facta, sed Spiritu Dei vivi, servientes Deo, circumcisio sitis, non concisio. Amen. Quod ipse praestare. |
21 |
| Jan/1/Circumcisio/M2/Mass Propers/2 |
Alia |
BenP |
Deus, Mediator Dei et hominum, qui et circumcisionem per semetipsum sanctificavit, et baptisma: non carnem, sed corda vestra spiritaliter circumcidat, non per legem, sed per gratiam. Amen. Et, qui omnibus omnia factus est, ut omnes salvos faceret, faciat vos in suo nomine, hoc est in Iesu, aeternae salutis heredes, ut et plenitudo gentium ad vitam introeat, et sic, ablato velamine, omnis etiam Israel salvus fiat. Amen. Quatenus in ipso angulari lapide sic uterque paries in unam structuram coaptetur, ut caelestis illa Ierusalem ex omnibus mundi gentibus, quasi ex diversis lapidibus, ad plenam eius gloriam fabricetur. Amen. Quod ipse praestare. |
22 |
| Jan/2/Stephanus martyr (Octava)/M2/Mass Propers |
In octava sancti Stephani |
BenP |
Deus, qui beatum Stephanum protomartyrem coronavit et confessione fidei, et agone martyrii: mentes vestras circumdet in praesenti saeculo corona iustitiae, et in futuro perducat vos ad coronam gloriae. Amen. Illius obtentu tribuat vobis Dei et proximi caritate semper exuberare, qui hanc studuit etiam inter lapidantium impetus obtinere. Amen. Quo, eius exemplo roborati, et intercessione muniti, ab eo, quem ille a dextris Dei vidit stantem, mereamini benedici. Amen. Quod ipse. |
23 |
| Jan/3/Ioannes apostolus (Octava)/M2/Mass Propers |
In octava sancti Ioannis |
BenP |
Omnipotens Deus dignetur vos per intercessionem beati Ioannis apostoli et evangelistae benedicere, qui per eum arcana verbi sui voluit Ecclesiae suae revelare. Amen. Concedat vobis, ut, quod ille, Spiritus Sancti munere afflatus, infudit auribus vestris, eiusdem Spiritus dono capere mente valeatis. Amen. Quo, eius documento de divinitate nostri Redemptoris edocti, et amando, quod tradidit, et praedicando, quod docuit, et exsequendo, quod iussit, ad aeterna dona pervenire mereamini, quae eidem Dominus noster, Iesus Christus repromisit. Amen. Quod ipse praestare. |
23 |
| Jan/4/Innocentes (Octava)/M2/Mass Propers |
[In octava sanctorum Innocentum] |
BenP |
Omnipotens Deus, qui hodierna die in aetate fragili primitias sibi consecravit martyrii: sanctorum innocentum intercessione faciat vos sibi populum acquisitionis, ut eum mirabilem in sanctis suis mente et spiritu competenter honoretis. Amen. Revestiat vos misericorditer stola puritatis et innocentiae, ut, qui centesimum virginitatis fructum peccando amisimus, sexagesimum vel tricesimum paenitendo teneamus. Amen. Quatenus, si ad supereminentem illorum claritatem polluti aspirare non possumus, communem illum aeternae retributionis denarium cum illis accipiamus. Amen. Quod ipse praestare dignetur. |
24 |
| Jan/5/Epiphania (Vigilia)/M2/Mass Propers |
In vigilia Epiphaniae |
BenP |
Deus, qui omnes peccantes sine distinctione gloria sua voluit indifferenter egere: omnes vos, quos gratis iustificavit per suam gratiam, per redemptionem, quae in ipso est, transscribat ad vitam. Amen. Doceat vos in superabundante et gratuita eius misericordia gloriari, qui vos cognoscitis ex operibus legis coram illo non posse iustificari. Amen. Quatenus ipse, qui et bona gratis dat, et post iuste remunerat, nunc misericorditer confirmet in vobis, quod operatus est, ut, in novissimo veniens, inveniat in vobis, quod remunerare debeat iustus iudex. Amen. Quod ipse praestare. |
25 |
| Jan/6/Epiphania/M2/Mass Propers/1 |
In die sancto Epiphaniae |
BenP |
Deus, qui non est Iudaeorum Deus tantum, sed etiam gentium: praeparet vos in vasa misericordiae, in quibus ostendit divitias suae pietatis et gloriae. Amen. Et, qui non plebem suam plebem suam, et non misericordiam consecutam misericordiam consecutam vocavit, concedat, ut filii Dei vocemini. Amen. Ut, cum Christus apparuerit, qui est vita vestra, cum ipso et vos appareatis in gloria. Amen. Quod ipse praestare. |
25 |
| Jan/6/Epiphania/M2/Mass Propers/2 |
Item alia |
BenP |
Deus, qui Unigenitum suum hodierna die, stella duce, gentibus voluit revelare: sua vos dignetur benedictione locupletare. Amen. Quo, exemplo magorum mystica Domino nostro, Iesu Christo munera offerentes, spreto antiquo hoste, spretisque contagiis vitiorum, ad aeternam patriam redire valeatis per viam virtutum. Amen. Detque vobis veram mentium innocentiam, qui super Unigenitum suum Spiritum Sanctum demonstrari voluit per columbam, eaque virtute mentes vestrae exerceantur ad intelligenda divinae legis arcana, qua in Cana Galilaeae lympha est in vinum conversa. Amen. Quod ipse praestare. |
26 |
| Jan/13/Epiphania (Octava)/M2/Mass Propers |
In octava Epiphaniae |
BenP |
Deus Sabaoth consilium suum antiquum verum in vobis faciat, et vos, terram sitientem aqua gratiae spiritalis perfundat. Amen. Et, qui fluminis sui impetu civitatem suam laetificat, det vobis, ex aqua et Spiritu renatis, inferius et superius irriguum in sortem hereditatis, ut prius ex timore Gehennae, post ex desiderio caelestis patriae lacrimas habeatis. Amen. Quatenus, utroque flumine abluti ab omnibus peccatis, in lumine apparitionis eius perennis gloriae lumen videatis. Amen. Quod ipse praestare. |
26 |
| Nat/H1/D/M2/Mass Propers/1 |
Dominica prima post Nativitatem Domini |
BenP |
Praestet vobis Deus condelectari legi Dei secundum interiorem hominem, et subiugare legem peccati, menti vestrae repugnantem. Amen. Concedat vobis adire cum fiducia ad thronum, ut misericordiam consequamini, et gratiam inveniatis in auxilio opportuno. Amen. Ut, corruentes in paenitentia, et resurgentes in gratia, cum puero Iesu crescatis, et confortemini sapientia. Amen. Quod ipse praestare. |
27 |
| Nat/H1/D/M2/Mass Propers/2 |
Item alia |
BenP |
Omnipotens Deus, qui, a Patre constitutus heres universorum, sponte sub lege factus est, ut nos, qui sub lege eramus, redimeret: aeterna vos libertate dignetur condonare, quos in adoptionem filiorum dignatus est vocare. Amen. Et, qui Dominus omnium sub tutoribus esse voluit, et ab hominibus paedagogari, faciat vos in plenitudine sui Spiritus in virum sibi perfectum configurari. Amen. Ut, qui in ruinam et resurrectionem multorum positus est, non sit vobis lapis offensionis et petra scandali, sed lapis pretiosus in fundamento positus, in quo et vos cum lapidibus vivis in habitaculum eius possitis coaedificari. Amen. Quod ipse praestare. |
27 |
| Ep/H1/D/M2/Mass Propers/1 |
[Dominica prima post Epiphaniam] |
BenP |
Deus, qui omnia conclusit in incredulitate, ut omnium misereatur: concedat vobis bonum aemulari semper in bono, ut Christus Iesus formetur in vobis. Amen. Adiuvet vos per misericordiam suam, ut, qui carnales estis, et venumdati sub peccato, quod operamini, non intelligentes, per gratiam ipsius de copore mortis huius liberemini. Amen. Inspiret vobis, ut, secundum Iesum oboedientes parentibus, cum Iesu proficiatis sapientia coram Deo et hominibus. Amen. Quod ipse praestare. |
28 |
| Ep/H1/D/M2/Mass Propers/2 |
Feria quarta |
BenP |
Omnipotens Deus, Dei Patris virtus et sapientia, qui ad eruditionem vestram in aetate secundum carnem fragili in medio doctorum audiens et interrogans voluit inveniri: doceat vos ad sobrietatem sapere, non de spiritali gratia, quam ab illo accepistis, superbire. Amen. Det vobis in sua imitatione tenacem custodiam humilitatis, ut, ab eo exaltati, sapientia spiritali et gratia apud Deum et homines proficiatis. Amen. Quatenus, reformati in novitate sensus vestri, non conformati huic saeculo, per humilitatem ad honorem et gloriam crescatis in ipso. Amen. Quod ipse praestare. |
29 |
| Ep/H1/f6/M2/Mass Propers |
Feria sexta |
BenP |
Deus, qui, ut nos ad implendum omnem iustitiam erudiret, sub manibus servi in Iordane humiliatus est: faciat vos ad capiendam eruditionem suam dociles, et in omni bona operatione efficaces. Amen. Det vobis munditiam cordis et columbinam simplicitatem et mansuetudinem animi, ut gratiam Sancti Spiritus possitis promereri. Amen. Quatenus, sicut in illo Patri complacuit, cum esset in forma hominis, sic per ipsum, Mediatorem Dei et hominum, complaceat in vobis. Amen. Quod ipse praestare. |
29 |
| Ep/H2/D/M2/Mass Propers |
Dominica secunda |
BenP |
Concedat vobis Deus, ut, sicut unius delicto mors in vobis regnavit per unum, ita et vos, abundantiam gratiae et donationis et iustitiae per unum Iesum Christum accipientes, in vita regnetis per ipsum. Amen. Et, sicut per unum regnavit peccatum in mortem, subintrante lege, ut abundaret delictum, ita et gratia regnet per iustitiam in vitam aeternam per Iesum Christum, Dominum nostrum. Amen. Ut in nuptiis ipsius et Ecclesiae, non exclusi, sed membris incorporati, serviatis ei in Spiritus novitate, non litterae vetustate. Amen. Quod ipse. |
30 |
| Ep/H2/f4/M2/Mass Propers |
Feria quarta |
BenP |
Deus, qui in Cana Galilaeae aquam in vinum voluit convertere: vobis, qui ad Ecclesiae nuptias vocati estis, austeritatem legis in gratiae dulcedinem dignetur commutare. Amen. Et, qui de fructu operum suorum terram satiat, quia ipse vera vitis est, vino misericordiae, quod de hac vite superabundanter cottidie vindemiatis, corda vestra laetificet. Amen. Quatenus, huiusmodi potu inebriati, sic a mente veteri excedatis, ut in novitate Spiritus cum eodem Domino nostro et sponso nuptialibus epulis spiritali iucunditate hilares assideatis. Amen. Quod ipse praestare. |
31 |
| Ep/H2/f6/M2/Mass Propers |
Feria sexta |
BenP |
Deus, qui Verbum suum revelavit vobis, quod in mysteriis fuit absconditum a generationibus et saeculis: sua inspiratione vobis adaugeat intellectum, ut comprehendatis cum omnibus sanctis, quae sit latitudo, longitudo, sublimitas et profundum. Amen. Doceat vos vivificantem Spiritum quaerere in occidentibus litteris, ut non, sicut bruti, paleas, sed, ut rationales, medullam tritici comedatis. Amen. Quatenus, revelatis ab eo oculis vestris, mirabilia de lege eius considerantes, divitias maiestatis eius et superabundantis misericordiae cognoscatis, et secundum gratiam, quae data est vobis, et alios doceatis. Amen. Quod ipse praestare. |
31 |
| Ep/H3/D/M2/Mass Propers |
Dominica tertia |
BenP |
Inspiret vobis Deus, ut, non secundum carnem, cuius prudentia mors est, sentientes, sed secundum Spiritum, cuius prudentia vita et pax est, sitis sapientes. Amen. Infundat vobis Spiritum adoptionis filiorum, in quo eum Patrem invocetis, ut, filii Dei per Spiritum facti, heredes etiam tanti Patris esse mereamini. Amen. Praestet vobis, ut semper malum in bono vincentes, ex eo discipuli eius esse agnoscamini, si dilectionem habueritis ad invicem. Amen. Quod ipse praestare. |
32 |
| Ep/H3/f4/M2/Mass Propers |
Feria quarta |
BenP |
Christus Iesus, qui pro nostra omnium salute de altitudine caelorum ad vallem huius saeculi dignatus est descendere: invisibili attactu mundet in vobis, quicquid maculosum est, foedantibus peccatis, ut in unitate fidei unum caritatis et innocentiae colorem habeatis. Amen. Sanet interiorem hominem vestrum ab omni languore iniquitatis, nequando de aegritudine huiusmodi mortem animae incurratis. Amen. Quatenus in fide Abrahae in regno caelorum cum eodem Abraham, Isaac et Iacob in praeputio recumbere mereamini, a quo filii circumcisionis in infidelitate videntur peregrini. Amen. Quod ipse praestare. |
32 |
| Ep/H3/f6/M2/Mass Propers |
Feria sexta |
BenP |
Christus Iesus, qui venit in hunc mundum peccatores salvos facere: det vobis eiusdem salutis plenitudinem in ipso et per ipsum abundantius invenire. Amen. Ostendat in vobis omnem patientiam, ut, misericordiam consecuti, vitam apprehendatis aeternam. Amen. Quatenus, non immemores, neque ingrati parcenti misericordiae, districtam subsequentis iudicii censuram valeatis declinare. Amen. Quod ipse praestare. |
33 |
| Ep/H4/D/M2/Mass Propers |
Dominica quarta |
BenP |
Tentationum omnium a vobis Dominus pericula removeat, et perturbationum procellas miseratus excludat. Amen. Tentatoris fraudes atque molimina dissolvat, et vos adversus eum cautos et invincibiles reddat. Amen. Continuae pacis vobis munera tribuat, et vos in portum tranquillitatis securos constituat. Amen. Quod ipse praestare dignetur. |
34 |
| Ep/H4/f4/M2/Mass Propers |
Feria quarta |
BenP |
Deus, qui dominatur potestatis maris, et motum fluctuum eius mitigat: verbo suo adversos spiritalis nequitiae ventos reprimat, et omnem motum fluctuantis saeculi in cordibus vestris componat. Amen. Et, qui non dormit, neque dormitat, Ecclesiae suae, in huius mundi turbine periclitanti dux et nauclerus praesideat, ut ad aeternae salutis portum feliciter perducat. Amen.Quatenus, qui vos in sanguine Iesu renatos gaudetis spiritalibus aquis, in hoc fluctuantis abyssi gurgite naufragium non timeatis. Amen. Quod ipse praestare. |
34 |
| Ep/H4/f6/M2/Mass Propers |
Feria sexta |
BenP |
Omnipotens Deus, qui humilia respicit, et alta a longe cognoscit: auferat a vobis inflantem spiritum superbiae, ut, in oculis vestris parvuli, in oculis eius possitis complacere. Amen. Et, qui regnum suum specialiter proposuit parvulis, spiritu vos, non scientia parvulos faciat, ut in regnum illud angelorum concives intretis. Amen. Quatenus, inter benedictos benedicti, benedictionem aeternam hereditate possidere mereamini. Amen. Quod ipse praestare. |
35 |
| Ep/H5/D/M2/Mass Propers |
Dominica quinta |
BenP |
Deus caeli et terrae, qui sacramenta sua, a sapientibus et prudentibus abscondita, parvulis voluit revelare: agnitionis suae gratiam vobis per Spiritum suum plenius dignetur donare. Amen. Et, cui omnia a Patre tradita sunt, imponat vobis iugum oboedientiae et humilitatis, ut veram animabus vestris requiem inveniatis. Quatenus, ab eo exonerati peccatorum sarcinis, sub quibus indesinenter laboratis, sub umbra alarum eius refrigerium ab aestu, et umbraculum a turbine et a pluvia inveniatis. Amen. Quod ipse praestare dignetur. |
35 |
| Ep/H5/f4/M2/Mass Propers |
Feria quarta |
BenP |
Benedicat vobis Dominus, et induat vos, sicut electos suos, benignitatem et viscera misericordiae, ut, in benedictione seminantes, vitam aeternam metatis de benedictione. Amen. Doceat vos cum patientia supportare invicem, et ex corde remittere proximis, ut, sicut abundavit delictum, sic per ipsum gratia superabundet in vobis. Amen. Quatenus, cum omnibus pacem habentes, omnem hominem in illo, sicut vosmetipsos, diligatis, ut omne mandatum legis in uno hoc mandato perfecte adimpleatis. Amen. Quod ipse praestare. |
36 |
| Ep/H5/f6/M2/Mass Propers |
Feria sexta |
BenP |
Benedicat vobis Dominus omni benedictione spirituali in caelestibus in Christo, ut ipse, qui est super omnia benedictus, sit vestra benedictio. Amen. Det vobis in se confidere et in se gloriari, ut, quodcumque in verbo aut in opere facitis, omnia in nomine eius faciatis. Amen. Quatenus, in omnibus illi gratias agentes, quicquid in vobis boni est, illius, et non vestrae gloriae ascribatis, ut, quem largitorem omnium bonorum fideliter credatis, eundem etiam remuneratorem habeatis. Amen. Quod ipse praestare. |
37 |
| Dec/31/Silvester papa/M2/Mass Propers |
In natali sancti Silvestri |
BenP |
Deus, qui per beati Silvestri pontificis doctrinam et meritum Romanum ad fidem convertit imperium: eius vos exemplis informet et conversationibus, et sancta intercessione tueatur. Amen. Det vobis eius patrocinio draconem antiquum superare, qui in vice sancti Petri in dracone diabolum corporaliter potuit alligare. Amen. Ut, sicut ille in virtute divina Iudaeorum blasphemiam verbis confutavit et miraculis, ita et vos spiritales nequitias et haereticorum scandala ad gloriam catholicae fidei revincere valeatis. Amen. Quod ipse praestare. |
37 |
| Jan/10/Paulus eremita/M2/Mass Propers |
In natali sancti Pauli, primi eremitae |
BenP |
Deus, qui beatum Paulum eremitam perfecte mundo crucifixit, et ipsi mundum: eius vos imitatione crucifigat mundo et eius concupiscentiis, ut, mortui huic saeculo, Deo viventi semper vivatis. Amen. Trahat vos post se, ut, abnegantes vosmetipsos, sic crucem voluntariae macerationis tollatis, ut numquam a vestigiis eius recedatis. Amen. Quatenus passionibus dominicis non ficte, sed ita in veritate communicetis, ut Crucem eius in mortificationem, non in angariam portetis. Amen. Quod ipse praestare. |
38 |
| Jan/20/Sebastianus, Fabianus/M2/Mass Propers |
In natali sanctorum martyrum Fabiani et Sebastiani |
BenP |
Deus, qui beatos athletas suos, Fabianum et Sebastianum suo Spiritu roboravit in agone, ut pro testimonio fidei resisterent usque ad sanguinem: confortet vos in eodem Spiritu infatigabiliter pro iustitia agonizare, et labores huius saeculi quietem reputare. Amen. Adiuvet vos ipse misericors, ut, quorum confessionem debito honore veneramini, eorum fidem, et in tentationibus constantiam possitis imitari. Amen. Quatenus et vos, cum illis ad refrigerium transeuntes per ignem et aquam, finito bonae conversationis cursu, accipiatis immarcescibilem coronam. Amen. Quod ipse praestare. |
39 |
| Jan/21/Agnes/M2/Mass Propers |
In natali sanctae Agnetis virginis |
BenP |
Deus, qui beatae virgini suae, Agneti martyrii palmam contulit cum gloria virginitatis: subarret vos illo anulo suae fidei, quo beata illa, ab ipso subarrata, nec muneribus moveri potuit, nec suppliciis terreri. Amen. Accendat in vobis ignem inexstinguibilem suae caritatis, ut, cum virgine hac et vos mundum calcantes, solum Dominum nostrum super aurum et topazion diligatis. Amen. Quatenus, si neque ad centesimum virginitatis, neque sexagesimum martyrii fructum pertingitis, ipsa intercedente, paenitentiae saltem et continentis vitae fructum tricesimum metatis. Amen. Quod ipse. |
39 |
| Jan/24/Timotheus/M2/Mass Propers |
In natali sancti Timothei apostoli |
BenP |
Omnipotens Deus inebriet vos liquore caelestis suae sapientiae, quem beatus Timotheus ex vase electionis, hoc est ex ore Pauli apostoli, meruit potare. Amen. Et, qui eum coapostolum fecit et cooperatorem Evangelii, doceat vos in ministerio eiusdem Evangelii usque ad mortem infatigabiliter operari. Amen. Quatenus, evangelicae veritati per omnia credentes, unusquisque, sicut accepit gratiam, alteutrum erudiatis, ut et vos cum sanctis operariis, si non laboris, bonae tamen voluntatis mercedem recipiatis. Amen. Quod ipse. |
40 |
| Jan/25/Conversio Pauli/M2/Mass Propers |
In Conversione sancti Pauli |
BenP |
Deus, qui hodierna die beatum Paulum, cum prius esset blasphemus, persecutor et iniuriosus, in fidei ministerio fidelem existimavit: concedat vobis secundum Evangelium gloriae beati Dei, quod illi est creditum, ambulare. Amen. Et, qui in eo primo ostendit omnem patientiam ad informationem eorum, qui credituri sunt ei in vitam aeternam, concedat, ut militetis secundum ipsum bonam militiam, habendo fidem et bonam conscientiam. Amen. Ut, bonum certamen certantes, cursum consummantes, cum ipso coronam in diem illum a iusto iudice accipiatis. Amen. Quod ipse. |
41 |
| Feb/2/Purificatio BMV/M2/Mass Propers/1 |
In Purificatione sanctae Mariae |
BenP |
Omnipotens Deus, qui Unigenitum suum hodierna die in assumpta carne in templo voluit praesentari: benedictionis suae vos munere fultos, bonis operibus faciat exornari. Amen. Et, qui eum, ut legem adimpleret, ministrum voluit effici legis, mentes vestras instruat legis suae spiritalibus documentis. Amen. Quo ei et pro turturibus castitatis vel caritatis munera offerre valeatis, et pro pullis columbarum Spiritus Sancti donis exuberetis. Amen. Quod ipse praestare. |
41 |
| Feb/2/Purificatio BMV/M2/Mass Propers/2 |
Item alia |
BenP |
Sanctus sanctorum, qui omnia sanctificat: sanctificet vos beatissimae Genitricis suae interventu et speciali merito, per quam ipse cum hostiis hodie praesentatus est in templo. Amen. Det vobis compunctionis turtureae suspiria, et columbinae spiritum simplicitatis, ut vosmetipsos medullatam illi hostiam offeratis. Amen. Ut ipsa stella maris dirigat vos ad portum perpetuae salutis et pacis, nequando inter fluctus saeculi tumultuantis miserabile non corporis, sed, quod gravius est, animae naufragium incurratis. Amen. Quod ipse praestare. |
42 |
| Feb/22/Cathedra Petri/M2/Mass Propers |
In Cathedra sancti Petri apostoli |
BenP |
Deus, qui in confessione beati Petri apostoli et fide fabricam suae erexit Ecclesiae: in eadem vos soliditate faciat, tamquam lapides vivos, coaedificari, ut nullis daemoniorum sive haereticorum possitis impulsionibus quassari. Amen. Et, qui eundem apostolum, adhuc positum in terris, ianitorem, et suae potestatis consortem fecit in caelis, eius vos absolutos patrocinantibus meritis, cum ovibus in aeternum computet tanti pastoris. Amen. Ut, qui ei pro testimonio meriti nomen imposuit Barionae, ipsius vos magisterio faciat, totius fellis alienos, columbinam simplicitatem amare, ut et vos tam celebris pastoris vestri nominis digne possitis participare. Amen. Quod ipse praestare. |
43 |
| Feb/24/Matthias/M2/Mass Propers |
In natali sancti Matthiae apostoli |
BenP |
Deus, qui, quos a saeculo praedestinavit, hos in fine saeculorum vocavit: intercedente beato Matthia apostolo, cuius hodie natalem devoti celebratis, subscribat vos in sortem supernae hereditatis. Amen. Et, qui eum in apostolatum praevaricatoris Iudae voluit subrogare, ab omni apostasia et praevaricatione vos dignetur liberare. Amen. Ut, sicut in illo suppletus est duodenarius apostolicae dignitatis numerus, ita in vestra adoptione caelestis militiae denaria plenitudo suppleatur. Amen. Quod ipse. |
43 |
| Jan/22/Vincentius/M2/Mass Propers |
In natali sancti Vincentii martyris |
BenP |
Corrobora gregem tuum, turris fortitudinis, qui beatum Vincentium prius armasti pectore, post sermone, ante decorasti professione, post funere. Amen. Infunde circumstantibus credulitatis spiritum, qui confitenti aderas, ne plagae facerent trepidum, poena fessum, flamma devictum. Amen. Ut, ipso interveniente ac te remunerante, illa luce plebs tua radiet in Ecclesia, qua levita sanctus refulsit in carcerali custodia, illa fide dimicet in terra, qua caelos victor martyr intravit cum gloria. Amen. Quod ipse praestare. |
44 |
| Mar/12/Gregorius papa/M2/Mass Propers |
In natali sancti Gregorii papae |
BenP |
Deus, a quo beatus Gregorius serico exutus est et gemmis, ut ad aedificationem totius Ecclesiae pontificali stola vestiretur et infulis: eius interventu induat vos stola totius bonitatis et innocentiae, quam beatus ille pater et ipse servavit, et nobis monendo, vivendo, scribendo statuit commodare. Amen. Perfundat vos illo spiritu et caelestis sale sapientiae, quo sanctus iste non solum terrae ambitum, sed etiam Oceanum potuit condire. Amen. Quatenus et fidem, quam ille asseruit, ita fideliter teneatis, et in via iustitiae, qua praecessit, ambuletis, ut in aeternae lucis visione pro vestris excessibus velit intercessor fieri, qui in carne pro pagano meruit exaudiri. Amen. Quod ipse praestare. |
45 |
| Mar/21/Benedictus abbas/M2/Mass Propers |
In natali sancti Benedicti abbatis |
BenP |
Deus, cuius gratia sanctus Benedictus per aculeos veprium diaboli devicit incendium: ipso intercedente, restringat in vobis omnem incentivam vitiorum. Amen. Quicquid in vobis spiritaliter confractum est, redintegret eius meritis, cuius precibus etiam capisterii fracturas redintegravit. Amen. Quatenus, continentia eius instructi, et adiuti, opitulantibus meritis, ad requiem, quo ille pervenit, et ipsi perveniatis. Amen. Quod ipse praestare. |
46 |
| Mar/25/Annuntiatio BMV/M2/Mass Propers |
In Annuntiatione sanctae Mariae |
BenP |
Deus, qui hodierna die, angelo annuntiante et operatione Sancti Spiritus, naturam nostram in utero sanctissimae Virginis Mariae dignatus est assumere: eiusdem beatissimae Genitricis suae suffragantibus meritis, vos in sortem filiorum Dei dignetur transferre. Amen. Et, qui ipsa die assumptam carnem, sacerdos et hostia, Patri in ara Crucis immolaverat, medullatam et acceptabilem vos sibi hostiam reddat. Amen. Quatenus humanitatis eius primitias et Crucis palmam sic recolatis, ut in novissimo die non ad condemnationem, sed ad gloriam resurgatis. Amen. Quod ipse praestare. |
46 |
| LXX/H1/D/Septuagesima/M2/Mass Propers |
Dominica in Septuagesima |
BenP |
Ipse vos in Ecclesia sua fructificare faciat, qui, ad excolendam vineam suam, mane, hora tertia, sexta, nona et undecima operarios invitat. Amen. Quatenus inter primos operantes, nec extremis invidentes, mercedem laborum vestrorum sine murmuratione et increpatione accipiatis. Amen. Ut cum his, qui membris Christi minimis subvenire curarunt, in novissimo iudicii die benedici, atque in aeterna tabernacula mereamini introduci. Amen. Quod ipse praestare dignetur. |
47 |
| LXX/H1/f4/M2/Mass Propers |
Feria quarta |
BenP |
Christus Iesus, qui venit in hunc mundum animas salvare, non perdere: mansuetos vos faciat et patientes in iniuriis, ut semper reminiscamini, cuius spiritus estis. Amen. Pretiosam in oculis vestris faciat animam proximi, quam ipse non corruptibilibus auro vel argento redemit, sed corporis et sanguinis sui commercio salutari. Amen. Quatenus et vos per eum, qui per omnia pro vobis tentatus est, cum fiducia ad thronum gloriae adeatis, et, misericordiam consequentes, in auxilio opportuno gratiam inveniatis. Amen. Quod ipse praestare. |
47 |
| LXX/H1/f6/M2/Mass Propers |
Feria sexta |
BenP |
Omnipotens Deus fructificet in vobis, quem ipse plantaverat, surculum humilitatis, ut alter alteri servientes, honore invicem praeveniatis. Amen. Doceat vos puerilem innocentiam et simplicitatem aemulari, ut, in novissimo loco humiliter recumbentes, a sponso mereamini cum gloria superius vocari. Amen. Quatenus, sicut modo geniti infantes, rationabiles sine dolo lac concupiscatis, ut in eo in salutem crescatis. Amen. Quod ipse. |
48 |
| LXX/H2/D/Sexagesima/M2/Mass Propers |
Dominica in Sexagesima |
BenP |
Sator omnium bonorum, Christus bonum semen in cordibus vestris seminare, et ad maturitatem congruam dignetur perducere. Amen. Quod, nec a daemonibus comestum, nec duritia cordis arefactum, nec spinis suffocatum, centenum possit reddere fructum. Amen. Quatenus in ultimo discrimine, quando zizania igni comburenda tradentur, vobis, manipulos frugum vestrarum portantibus, horrea caelorum aperiantur. Amen. Quod ipse praestare dignetur. |
49 |
| LXX/H2/f4/M2/Mass Propers |
Feria quarta |
BenP |
Omnipotens Deus, qui seminavit in vobis bonum semen: irriget illud imbre sui Spiritus, et incrementum largiatur, ne, exorto sole, arescat, et sine fructu moriatur. Amen. Eradicet ipse bonus agricola surgentes spinas avaritiae, et totius saecularis concupiscentiae, ne, immoderatius ascendentes, germina vitae valeant suffocare. Amen. Quatenus, verbum eius audientes, corde bono sic fideliter teneatis, ut indeficientem fructum in patientia afferatis. Amen. Quod ipse. |
49 |
| LXX/H2/f6/M2/Mass Propers |
Feria sexta |
BenP |
Deus, qui dives est in omnes, qui invocant illum: det vobis divitias bonae voluntatis, ut ex bono thesauro cordis bona proferatis. Amen. Adiiciat custodiam ori vestro, et ostium circumstantiae vestris labiis, ut de omni verbo otioso condemnationis iudicium non incurratis. Amen. Quatenus ex abundantia cordis sic bona coram Deo et hominibus loquamini, ut apud secretorum omnium iudicem ex verbis vestris mereamini iustificari. Amen. Quod ipse. |
50 |
| LXX/H3/D/Quinquagesima/M2/Mass Propers |
Dominica in Quinquagesima |
BenP |
Lumen indeficiens, Deus, qui ad illuminationem vestram lumen de se genitum in hunc mundum dirigere voluit incarnatum: ipse aperire dignetur oculos praecordiorum vestrorum. Amen. Quatenus ipsum sequentes et alios ad laudem Dei accendatis, et ipsi ad domum aeternam in caelis perveniatis. Amen. In quam per ipsum et ostium et ostiarium introducti, divinis laudibus in saecula saeculorum permaneatis intenti. Amen. Quod ipse. |
50 |
| LXX/H3/D/M2/Mass Propers |
Alia |
BenP |
Deus, qui per humilitatem assumptae mortalitatis tenebras a vobis expulit hereditariae caecitatis, interiores oculos vestros illuminet, ad contuendam gloriam suae claritatis, ut, agnita veritate, iam non iuxta viam sedeatis. Amen. Det vobis in oratione perseverantiam, ut phantasiae praeteritorum malorum, quae mentis aciem a contemplatione sua reverberant, devotionem vestram a bona intentione non retundant. Amen. Quatenus, dum in petitione animos vestros a sua longanimitate non relaxatis, quicquid a bono amico iuste petieritis, laudabili improbitate extorqueatis. Amen. Quod ipse. |
51 |
| LXX/H3/f4/Cinerum/M2/Mass Propers |
In capite ieiunii, feria quarta |
BenP |
Benedicat vobis omnipotens Deus, qui se voluit a vobis benedici, et qui hunc quadragenarium curriculum, cuius hodie currimus exordium, suo dedicavit ieiunio, vestrum suscipiat ieiunium, omnique vos repleat bono. Amen. Det vobis fidem integram, et tam salubrem abstinentiam, ut caro, escis devicta, non luxuriet, nec mens afflicta degeneret, sed ita sit sanctificatum divino timore ieiunium vestrum, ut vitiis pariter atque corporibus abstinentiae frena imponatis. Amen. Ut, tuti semper ab infestationibus inimici, maneatis illaesi, et in habitaculis vestris pax iugiter quieta permaneat munere Domini nostri, Iesu Christi. Amen. Quod ipse praestare. |
52 |
| Qu/H1/D/M2/Mass Propers/1 |
[Dominica in Quadragesima] |
BenP |
[Benedicat vos omnipotens Deus, qui quadragenarium numerum in Moysi · et Eliae, necnon Mediatoris nostri ieiunio consecravit, concedatque vobis ita transire praesentis vitae dispensationem, ut, accepto a patrefamilias remunerationis denario, perveniatis ad] peccatorum omnium remissionem, et ad gloriosam cum sanctis omnibus resurrectionem. R. Amen. Detque vobis spiritalium virtutum invincibilia arma, quibus exemplo Domini devincere valeatis antiqui hostis sagacissima tentamenta. R. Amen. Quo, non in solo pane, sed in omni verbo, quod procedit de ore eius, spiritalem sumentes alimoniam, per ieiuniorum observationem et ceterorum operum exhibitionem · percipere mereamini immarcescibilem gloriae coronam. R. Amen. Quod ipse praestare. |
53 |
| Qu/H1/D/M2/Mass Propers/2 |
Alia |
BenP |
Omnipotens Deus, qui per Unigenitum suum normam vobis humilitatis dedit et patientiae: eius vos exemplo patientes faciat et humiles, et tantae eruditionis in omnibus capaces. Amen. Doceat vos in hoc acceptabili ieiuniorum tempore iustitiam semper esurire, ut ipse vos contra omnia tentamenta spiritalis nequitiae dignetur praemunire. Amen. Quatenus, hoc stadium continentiae ingressi, sic contra vitia discatis dimicare, ut nulla vos tentatio per delectationem aut consensum valeat superare, et de antiquo hoste victoriae bravium mereamini reportare. Amen. Quod ipse. |
53 |
| Qu/H1/f2/M2/Mass Propers |
Feria secunda |
BenP |
Deus, qui nos, sicut oves errantes, ad pabula vitae voluit revocare: ipse vos, cum in fine mundi districtus venerit, in numero ovium suarum dignetur misericorditer aggregare. Amen. Inspiretque vobis nunc indesinenter seminare opera misericordiae, ut tunc in exsultatione meritorum vestrorum manipulos inveniamini reportare. Amen. Quatenus coheredes Christi cum benedictionis filiis illud regnum possidere mereamini, in quo concives angelorum a visione Dei nostri amodo non formidetis sequestrari. Amen. Quod ipse praestare. |
54 |
| Qu/H1/f3/M2/Mass Propers |
Feria tertia |
BenP |
Omnipotens Deus, qui non mortem peccatoris, sed paenitentiam desiderat: corda vestra suo instinctu ad voluntariam conversionem accendat, ut ipsum, dum inveniri potest, veraciter quaeratis, et inventum strictius teneatis. Amen. Compellat vos indulgentiae tempora non perdere, sed misericordiae iudicem, dum prope est, pro praeteritis excessibus gemitu et contritione spiritus invocare, ut in posterum ab omni appetitu illicito vos dignetur refrenare. Amen. Detque vobis sic districtionem illam terribilem confessione et paenitentia praevenire, ut misericordiam illam, quam ipse conversis pollicitus est, possitis plenius invenire. Amen. Quod ipse. |
54 |
| Qu/H1/f4/M2/Mass Propers |
Feria quarta |
BenP |
Deus, Dei Filius, qui vos et nominis sui fecit participes, et regni sui cum Patre coheredes: ipse vos doceat voluntatem suam facere, ut vos in sorte adoptionis dignetur in aeternum censere. Amen. Detque vobis in observantia mandatorum Dei sic solide perseverare, ut a tanti Patris et Fratris nobilitate non inveniamini degenerare. Amen. Efficiatque vos in futuro non extraneos suae gloriae, quos hic consortes esse voluit suae imaginis et naturae. Amen. Quod ipse. |
55 |
| Qu/H1/f5/M2/Mass Propers |
Feria quinta |
BenP |
Deus, qui est via, veritas et vita: faciat vos ita devotos in sermone suo permanere, ut a magisterio veritatis nusquam possitis deviare. Amen. Detque vobis veritatem, quae in ipso est, interius cognoscere, cognitamque sincera fide servare, ut fidem veram exhibitione bonorum operum possitis approbare. Amen. Quatenus, a vetusta servitute pretioso commercio redempti, aeterna cum sanctis spiritibus libertate mereamini perfrui. Amen. Quod ipse. |
56 |
| Qu/H1/f6/M2/Mass Propers |
Feria sexta |
BenP |
Omnipotens Deus, corporum medicus et animarum: erigat vos de grabato mortificantis litterae, faciatque vos in sospitate Spiritus ambulare. Amen. Doceat vos spiritaliter sabbatum servare, ut ab omni opere illicito perfecte inveniamini vacare. Amen. Quatenus, quieti a negotiis avaritiae et sollicitudinis terrenae, repromissam, quam speratis, requiem mereamini invenire. Amen. Quod ipse praestare. |
56 |
| Qu/H1/S/M2/Mass Propers/1 |
Sabbato |
BenP |
Deus, qui vos, in desideriis carnis vestrae conversantes, propter nimiam caritatem suam, qua dilexit vos, convivificavit Christo: per Spiritum suum vos faciat crescere in ipso. Amen. Ut, quemadmodum exhibuistis membra vestra servire immunditiae et iniquitati ad iniquitatem, ita nunc exhibeatis membra vestra arma iustitiae in sanctitatem. Amen. Inspiret vobis, quae sit sana veritas et misericordia, quam unus idemque et in Susannae ostendit innocentia, et in adulterae absolutione clementissima. Amen. Quod ipse praestare dignetur. |
57 |
| Qu/H1/S/M2/Mass Propers/2 |
Alia |
BenP |
Deus, qui tribus discipulis revelare dignatus est gloriam divinae claritatis: ipse vobis interiores oculos aperiat, ad contuendam lucem sanctae et individuae Trinitatis. Amen. Faciat vos, discussa peccatorum caligine et totius criminis, digne censeri cum filiis lucis. Amen. Quatenus in gloria resurrectionis, terrenae contagionis alieni, optata sanctorum luce mereamini vestiri. Amen. Quod ipse praestare. |
57 |
| Qu/H2/D/M2/Mass Propers |
Dominica secunda |
BenP |
Deus et Pater Domini nostri, Iesu Christi, det vobis spiritum revelationis et sapientiae in ipsius agnitione. Amen. Impleat in vobis propositum voluntatis suae, qui vos, cum essetis alienati a conversatione Israel et hospites testamentorum Dei, vocavit in fide. Amen. Faciat vos promissionis suae comparticipes, qui vos ex canibus Unigenito suo concorporales fecit et coheredes. Amen. Quod ipse praestare. |
58 |
| Qu/H2/f2/M2/Mass Propers |
Feria secunda |
BenP |
Deus, qui est principium et finis: sua vos pietate praeveniat et subsequatur, ut, sicut in illo vita vestra inchoat, sic in ipso feliciter finiatur. Amen. Inspiret vobis toto desiderio ad ea, quae sursum sunt, suspirare, ut illuc, quo caput vestrum praecessit, vos, qui membra eius estis, valeatis moriendo transmigrare. Amen. Ne, terrena sapientes, et in saecularis sapientiae stercore computrescentes, in peccatis vestris moriamini, aut a vita illa, quae sursum est, in aeternum proscribamini. Amen. Quod ipse. |
58 |
| Qu/H2/f3/M2/Mass Propers |
Feria tertia |
BenP |
Omnipotens Deus, qui factores legis diligit, non tantum auditores: auferat de cordibus vestris popularis aurae lenocinio delectari, sed in ipso, qui vestra gloria est, et non in fimbriis aut in cathedris gloriari. Amen. Excludat a vobis inflantem spiritum superbiae, ut ipse, qui conscientiae testis est, vos dignetur in perpetuum exaltare. Amen. Quatenus, dum in fraterna societate concordatis, nec patris vobis, nec magistri nomen per superbiam usurpatis, unum in caelis et Patrem, et Magistrum habeatis. Amen. Quod ipse praestare. |
59 |
| Qu/H2/f4/M2/Mass Propers |
Feria quarta |
BenP |
Deus, qui discipulis suis passionis suae probra voluit praedicere, ne de morte eius scandalizarentur in fide: ipse vos constabiliat in soliditate eiusdem fidei, quos reparavit commercio salutari. Amen. Mortificet in vobis omnia tentamenta vitiorum, qui pro vobis mortem gustare dignatus est, et dare animam suam pro redemptione multorum. Amen. Quatenus, passionibus eius communicantes, resurrectionis illius mereamini fieri participes, et caelestis regni coheredes. Amen. Quod ipse praestare. |
60 |
| Qu/H2/f5/M2/Mass Propers |
Feria quinta |
BenP |
Omnipotens Deus, cuius iudicium iustum est: dignetur vobis oleo superabundantis misericordiae iustae districtionis suae vinum temperare. Amen. Rememoretur in iudicio, quia Filius Hominis est, ne peccantes faciat expertes suae gloriae, quos imaginis suae consortes fecit et naturae. Amen. Quatenus, praeventi beneficio parcentis gratiae, terribile iudicium valeatis indemnes sustinere. Amen. Quod ipse praestare. |
60 |
| Qu/H2/f6/M2/Mass Propers |
Feria sexta |
BenP |
Omnipotens Deus, qui vos vineae suae agricolas fecit et palmites: faciat vos in spiritali cultura infatigabiles, et internae dulcedinis feraces. Amen. Tribuat vobis in labore non deficere, ut in tempore fructus virtutum omnium ditemini ubertate. Amen. Quatenus, veniente Filio Dei, bonam de commisso rationem reddentes, gaudium eius cum ipso ingrediamini exsultantes. Amen. Quod ipse praestare. |
61 |
| Qu/H2/S/M2/Mass Propers |
Sabbato |
BenP |
Infundat vobis Deus spiritum compunctionis et paenitentiae, ut revocetis detrimenta hereditatis amissae. Amen. Concedat vobis, ut, a voluntate carnis et cogitationum liberi, induamini pedes in praeparationem pacis Evangelii. Amen. Exornet vos anulo inaestimabilis caritatis, et induat vos stola beatae iucunditatis. Amen. Quod ipse praestare. |
61 |
| Qu/H3/D/M2/Mass Propers/1 |
Dominica tertia |
BenP |
Omnipotens Deus, qui in carne apparuit, fortem pro vobis armatum debellare: conservet in vobis libertatem, quam dederat, ne malignus ille vetusta vos tyrannide denuo valeat mancipare. Amen. Expurget interiorem hominem ab omnibus vitiorum spurcitiis, ut competenter laudem eius et lingua, et spiritu resonetis. Amen. Quatenus, in unitate Ecclesiae cum ipso colligentes, sine discordia et schismate capiti vestro, quod ipse est, mereamini semper adhaerere. Amen. Quod ipse praestare. |
62 |
| Qu/H3/D/M2/Mass Propers/2 |
Alia |
BenP |
Deus, qui vos eruit de potestate principis et rectoris mundi tenebrarum: perpetuum vobis conservet quaesitae libertatis beneficium. Amen. Et, qui vos iuste potenterque liberavit ab atrio fortis armati, in aeternum vos defendat a tyrannide praedonis cruentissimi. Amen. Quatenus ea, quae retro sunt, obliviscentes, et ad ea, quae priora sunt, extensi, ad destinatum persequamini bravium supernae vocationis et regni. Amen. Quod ipse praestare. |
62 |
| Qu/H3/f2/M2/Mass Propers |
Feria secunda |
BenP |
Deus, Dei Filius, qui pro vobis mori voluit, et mortem tamen, quamdiu voluit, potenter declinavit: ipse vos faciat in protectione suae potentiae aeternam mortem declinare. Amen. Muniat vos scuto misericordiae suae, ut spiritalis nequitiae cuneos illaesi valeatis transire. Amen. Quatenus ipse, qui pro vobis eiectus est de incolatu hominum, in libro vitae cives vos conscribat angelorum. Amen. Quod ipse praestare. |
63 |
| Qu/H3/f3/M2/Mass Propers |
Feria tertia |
BenP |
Deus, qui vos docuit usque septuagies septies dimittere: salutaris huius praecepti germen fecundet in cordibus vestris, quod in corde Petri, apostolorum principis radicavit. Amen. Inspiret vobis, pacatis mentibus, in nomine Salvatoris ad unitatem Ecclesiae convenire, ut remissionem peccatorum et aeternae salutis thesaurum possitis invenire. Amen. Quatenus ipse, pax vestra, qui duobus, in caritate convenientibus, praesentiam suam repromiserat, in sempiternum de medio vestri non recedat. Amen. Quod ipse praestare. |
63 |
| Qu/H3/f4/M2/Mass Propers |
Feria quarta |
BenP |
Deus, a quo solo plantatur omnis plantatio beatitudinis: concedat vobis viscera miserationis, societatem spiritus, unitatem caritatis. Amen. Castiget in interiori homine membra iniquitatis, ut non regnet peccatum in isto corpore mortalitatis. Amen. Quatenus, a Patre caelesti in vitam aeternam plantati, afferatis bonorum operum fructum in sanctificatione spiritali. Amen. Quod ipse praestare. |
64 |
| Qu/H3/f5/M2/Mass Propers |
Feria quinta |
BenP |
Omnipotens Deus, fons aquae viventis: ignitos immundorum spirituum fervores restinguat in cordibus vestris. Amen. Faciat in vobis carnalium desideriorum nocivum solem occidere, ut caelestis medicinae gratiam mereamini uberius invenire. Amen. Detque vobis in hac vita sic in suo amore indesinenter flagrare, quo ipse sol iustitiae aeterna vos claritate in revelatione sua dignetur illustrare. R. Quod ipse praestare. |
65 |
| Qu/H3/f6/M2/Mass Propers |
Feria sexta |
BenP |
Omnipotens Deus, qui sitienti populo aquam de petra produxit: inspiret cordibus vestris toto desiderio iustitiam sitire, fontemque spiritalis gratiae indeficienter invenire. Amen. Mentes vestras inebriet spiritalibus aquis, nequando in huius vitae itinere lassescatis. Amen. Quo, peractis vitae huius laboribus, ad perpetuae quietis refrigerium mereamini pervenire, ubi nec esurire ultra possitis, nec sitire. Amen. Quod ipse praestare. |
65 |
| Qu/H3/S/M2/Mass Propers |
Sabbato |
BenP |
Deus, qui pro vobis iudicari venerat, non iudicare: districti iudicii censuram vos faciat declinare. Amen. Et, qui austeritatem legis commutavit in gratiam, dignetur vobis misericorditer parcere, non peccantes districte ferire. Amen. Quatenus ipse, qui mortiferum legis iudicium misericorditer commutavit adulterae, ab aeternae mortis misericorditer vos liberet damnatione. Amen. Quod ipse praestare. |
66 |
| Qu/H4/D/M2/Mass Propers/1 |
Dominica in media Quadragesima |
BenP |
Omnipotens Deus, qui Ecclesiae suae quinque panes legis multiplicavit per gratiam: det vobis verbi sui esuriem, et spiritalem alimoniam, ne deficiatis, exuberantem. Amen. Et, qui doctrinae suae reliquias in duodecim reposuit apostolis, eorum vos et documentis erudiat, et corrigat exemplis. Amen. Quatenus in hoc deserto, ubertim refecti caelestibus donis, ipso praeduce, perveniatis ad patriam repromissionis. Amen. Quod ipse praestare. |
66 |
| Qu/H4/D/M2/Mass Propers/2 |
Alia |
BenP |
Deus, qui vos fidei Abrahae, patris vestri, sectari voluit vestigia: concedat vobis in repromissione sua non haesitare diffidentia. Amen. Et, qui vos secundum divitias gloriae suae praedestinare dignatus est in semine, ad regnum et hereditatem, quae ipse est, vos faciat pervenire. Amen. Ut, stantes in atriis Ierusalem, quam ipse illustrat sol vivus et verus, videamus bona eius omnibus vitae nostrae diebus. Amen. Quod ipse. |
67 |
| Qu/H4/f2/M2/Mass Propers |
Feria secunda |
BenP |
Deus, qui venit non solvere legem, sed adimplere: sensus vestros adaperiat, ut legem eius et valeatis vere intelligere, et, quae intelligitis, operibus exhibere. Amen. Et, qui columbas vendentes de templo eiecit, faciat vos dona Sancti Spiritus cum gratiarum actione humiliter accipere, et, prout accepistis, in alteutrum erogare. Amen. Ut, qui templum corporis sui pro vobis solvi, et post triduum voluit reaedificari, quicquid solutum est in templo suo, quod estis vos, misericorditer dignetur reaedificare, et sui Spiritus inhabitatione numquam privare. Amen. Quod ipse. |
67 |
| Qu/H4/f3/M2/Mass Propers |
Feria tertia |
BenP |
Deus, qui, pro vobis exprobratus, patientiam exhibuit exprobrantibus: doceat vos in alterutrum fraternas iniurias patienter sustinere, ut animas vestras in patientia mereamini possidere. Amen. Faciat vos patientes et faciles ad indulgentiam, ut non occidat sol super iracundiam vestram. Amen. Quatenus, in sanctitate et iustitia ambulantes, sicut ille ambulavit, immarcescibilem coronam accipiatis, quam sequacibus suis ab aeterno praeordinavit. Amen. Quod ipse praestare. |
68 |
| Qu/H4/f4/M2/Mass Propers |
Feria quarta |
BenP |
Deus, qui illuminat omnem hominem, venientem in mundum: hereditariam in vobis caecitatem sua dextera diluat, et interiores vobis oculos aperiat, ut, fugatis peccatorum tenebris, solem iustitiae clarius videatis. Amen. Et, qui in caeco nato imaginem suam voluit redintegrare, quicquid in vobis ab eius similitudine depravatum est, ad gloriam suam dignetur reformare. Amen. Quatenus, de tenebris vocati in admirabile lumen aeternae claritatis, in diversa vitiorum offendicula non inpingatis. Amen. Quod ipse praestare. |
68 |
| Qu/H4/f5/M2/Mass Propers |
Feria quinta |
BenP |
Omnipotens Deus, qui Unigenito suo et iudicium dedit, et sua opera: faciat vos per integritatem verae fidei a peccati morte resuscitari. Amen. Inspiret vobis et Patrem in Filio, et Filium in Patre competenter honorare, ut, in tribus unam essentiam confitentes, vitam aeternam mereamini hereditare. Amen. Ut, cum, audita voce Filii Dei, procedemus de monumentis, det vobis in iudicium condemnationis non venire, sed, ut ipse promiserat, a morte ad vitam transire. Amen. Quod ipse praestare. |
69 |
| Qu/H4/f6/M2/Mass Propers |
Feria sexta |
BenP |
Deus, qui est resurrectio et vita: ita vos perfecte in se doceat credere, ut vos dignetur a secunda morte liberare. Amen. Et, qui de monumento resuscitavit foetentem Lazarum, resuscitet vos a mortifera consuetudine peccatorum. Amen. Quatenus, de foetore conscientiae per paenitentiam resuscitati, in Christo viventes, in aeternum non moriamini. Amen. Quod ipse praestare. |
70 |
| Qu/H4/S/M2/Mass Propers |
Sabbato |
BenP |
Omnipotens Deus, lux mundi, qui vos de tenebris in admirabile lumen suum dignatus est vocare: fugatis peccatorum tenebris, mentes vestras suo Spiritu dignetur illustrare. Amen. Faciat vos, se perfecte sequentes, alienos terrenae caliginis, nequando inter aspera et invia huius saeculi offendatis. Amen. Quatenus, ipso praeduce, ambulantes per viam iustitiae et veritatis, ad lucem perpetuam pervenire mereamini, quam speratis. Amen. Quod ipse praestare. |
70 |
| Qu/H5/D/M2/Mass Propers/1 |
Dominica de Passione Domini |
BenP |
Accendat in vobis Dominus vim sui amoris, et per ieiuniorum observantiam infundat vobis donum suae benedictionis. Amen. Sic ei parsimoniae victimas offeratis, ut illi contriti cordis et humilitatis sacrificio placeatis. Amen. Quatenus oratio vestra, ieiunii et eleemosynae alis subvecta, ita ad aures vestri conditoris ascendat, ut vos aeternae beatitudinis heredes et supernorum civium consortes efficiat. Amen. Quod ipse praestare dignetur. |
71 |
| Qu/H5/D/M2/Mass Propers/2 |
Alia |
BenP |
Omnipotens Deus reseret vobis aurem cordis, ut verba eius ad spiritalem profectum audiatis, et auditionem illam operum exhibitione compleatis. Amen. Erudiat vos Veritati per omnia credere, ut, sicut pater vester, Abraham credidit Deo, et reputatum est illi ad iustitiam, ita et vos in fide eius hereditatem capiatis repromissam. Amen. Quatenus in die Domini, quem videre datum est fideli Abrahae, et vos cum illo mereamini feliciter exsultare. Amen. Quod ipse. |
71 |
| Qu/H5/f2/M2/Mass Propers |
Feria secunda |
BenP |
Deus, qui omnes sitientes invitat ad se: faciat vos ad fontem vivum, quod ipse est, cervino desiderio currere, et caelestes aquas sufficienter haurire. Amen. Sic mentes vestras sui Spiritus liquore dignetur inebriare, ut etiam ad irrigationem aliorum de ventre memoriae vestrae doctrinae flumina possint manare. Amen. Quatenus, eodem fonte et refecti, et a peccatis omnibus abluti, in aeterna festivitate mereamini cum Domino vestro feriari, ubi festa beatorum spirituum recedendo nesciunt terminari. Amen. Quod ipse. |
72 |
| Qu/H5/f3/M2/Mass Propers |
Feria tertia |
BenP |
Omnipotens Deus, qui et templum suum sanctificat, et altare: ipse in vobis templum non manu factum construat, in quo in perpetuum dignetur inhabitare. Amen. Et, qui maior templo cum fratribus Ierusalem ad diem festum ascenderat, ipse vos ad aeternae pacis visionem in vera fraternitate concordes perducat. Amen. Ut, ne in conspectu Dei vestri in die revelationis eius vacui appareatis, ipse vos sibi acceptabile holocaustum faciat in odorem suavitatis. Amen. Quod ipse praestare. |
72 |
| Qu/H5/f4/M2/Mass Propers |
Feria quarta |
BenP |
Omnipotens Deus accendat in vobis ignem suae caritatis, ne, superabundante malitia interius, a spiritali calore frigescatis. Amen. Incalescat super vos sol iustitiae, ne, quod in vobis evangelica praedicatione seminatum est, et cottidie seminatur, ingravescente terreno frigore, absque fructu moriatur. Amen. Ut, qui pacificos Dei filios facit et nominat, illam pacem radicet in cordibus vestris, quam et natus mundo nuntiavit per angelum, et, in carne moriturus, commendavit per semetipsum, ut, pastorem verum sequentes, cum ovibus dealbatis de manu eius in aeternum non pereatis. Amen. Quod ipse praestare. |
73 |
| Qu/H5/f5/M2/Mass Propers |
Feria quinta |
BenP |
Omnis amaritudo et ira et indignatio et clamor et blasphemia tollatur a vobis, ut non contristetis Spiritum Sanctum, in quo signati estis in diem redemptionis. Amen. Sit sermo vester semper gratiae sale conditus, ut, idoneus ad aedificationem fidei, det gratiam audientibus. Amen. Concedat vobis crescere et proficere in sanctarum meditatione Scripturarum, ut incarnationis et passionis ac resurrectionis intelligatis sacramentum. Amen. Quod ipse. |
74 |
| Qu/H5/f6/M2/Mass Propers |
Feria sexta |
BenP |
Deus, qui redemit vos gratis per redemptionem Iesu Christi: concedat, ut omne concilium malignantium exsecremini. Amen. Et, qui non est Deus Iudaeorum tantum, sed etiam gentium, filiorum suorum, quos dispersos congregare venerat, vos ascribat in numerum. Amen. Ut, per Crucem suam diruta medii parietis maceria, coaedificemini ambo in unum hominem caritate perpetua. Amen. Quod ipse praestare. |
74 |
| Qu/H5/S/M2/Mass Propers |
Sabbato |
BenP |
Deus, cuius verba spiritus et vita sunt: inspiret vobis verba sua spiritaliter audire, ut, ipso donante, ad vitam, quae in ipso est, possitis pervenire. Amen. Calciet vos in praeparationem Evangelii pacis, praecingatque renes vestros zona castitatis, ut salutarem carnis et sanguinis eius Eucharistiam ad vitam, non ad iudicium sumatis. Amen. Quatenus, competenter epulantes non in fermento veteri, sed in azymis sinceritatis, non in manna corruptibili, sed in pane vivificante, qui de caelo descendit, semper vivatis. Amen. |
75 |
| Qu/H6/D/M2/Mass Propers/1 |
In dominica Palmarum |
BenP |
Benedicat vobis omnipotens Deus, cui et in ieiuniorum maceratione, et praesentium dierum observatione placere studetis. Amen. Concedatque vobis, ut, sicut ei cum ramis palmarum ceterarumve frondium praesentari studuistis, ita cum palma victoriae et fructu bonorum operum ei post obitum apparere valeatis. Amen. Quique Unigeniti Filii eius passionem puro corde creditis, mente devota venerari studetis, ad resurrectionis eius festa et vestrae remunerationis praemia, ipsius fulti munimine, veniatis. Amen. Quod ipse praestare. |
75 |
| Qu/H6/D/M2/Mass Propers/2 |
Alia |
BenP |
Deus, qui humilis hodie ad passionem veniens, puerorum laudibus exceptus est: malitia vos, non sensibus parvulos faciat, ut speciosa laus in ore vestro ad aures Domini Sabaoth usque in Ierusalem, matrem vestram liberam, ascendat. Amen. Ornet vos in occursum suum fructu misericordiae et pacis, ut ramum olivae, quam columba in diluvio ad arcam rettulit, columbino corde et manibus praeferatis. Amen. Detque vobis fortitudine Spiritus omnem incentivam carnis edomare, ut, devictis concupiscentiis, triumphum eius competenter cantare, et de antiquo hoste victoriae palmam valeatis reportare. Amen. Quod ipse praestare. |
76 |
| Qu/H6/f2/M2/Mass Propers |
Feria secunda |
BenP |
Augeat in vobis Deus per gratiam suam lumen caritatis et fidei, ne a tenebris erroris et ignorantiae comprehendamini. Amen. Non efficiamini inanis gloriae cupidi, ne gloriam hominum magis diligatis, quam Dei. Amen. Aperiat vobis oculos interioris hominis, et emolliat corda vestra unctione sui Spiritus, ut, oculis videntes, et corde intelligentes, ad ipsum convertamini, et sanemini. Amen. Quod ipse praestare. |
77 |
| Qu/H6/f3/M2/Mass Propers |
Feria tertia |
BenP |
Deus, qui pro vobis usque ad mortem Crucis humiliari dignatus est: faciat vos semper et misericordiae huius memores, et exempli capaces. Amen. Quique pro vobis aceto potatus est, amaritudinem veteris uvae auferat, ne de paterno morsu dentes filiorum obstupescant. Amen. Quatenus per humilitatem et oboedientiam eius illuc redeatis humiles, unde per inoboedientiam Adae cecidistis contumaces. Amen. Quod ipse praestare. |
77 |
| Qu/H6/f4/M2/Mass Propers |
Feria quarta |
BenP |
Exuat vos Deus veterem hominem cum suis actibus, ut pax Dei vestris exsultet in cordibus. Amen. Induat vos, sicut sanctos et electos, viscera benignitatis et misericordiae, ut, supportantes invicem in caritate, donetis vobismetipsis in veritate. Amen. Ut, caritatem habentes, quod est vinculum perfectionis, sinceri pertingatis ad futurae gloriam resurrectionis. Amen. Quod ipse praestare. |
78 |
| Qu/H6/f5/M2/Mass Propers/1 |
In Cena Domini |
BenP |
Benedicat vobis omnipotens Deus, qui per Unigeniti sui passionem vetus pascha in novum voluit converti, concedatque, ut, expurgato veteris fermenti contagio, nova in vobis perseveret conspersio. Amen. Et, qui, ad celebrandam Redemptoris nostri cenam, mente devota convenistis, aeternarum dapium vobiscum epulas reportetis. Amen. Ipsiusque opitulante clementia, mundemini a sordibus peccatorum, qui, ad insinuandum humilitatis exemplum, pedes voluit lavare discipulorum. Amen. Quod ipse praestare dignetur. |
78 |
| Qu/H6/f5/M2/Mass Propers/2 |
Alia |
BenP |
Omnipotens Deus, qui, transiturus ad Patrem, tradidit nobis signaculum perfectae suae dilectionis: faciat vos miserationum suarum per omnia memores, et eiusdem creditae dilectionis usque in finem tenaces. Amen. Adiiciat vobis fidelem custodiam verae humilitatis, ne, alter alteri se praeferentes, indivisae caritatis unitatem superbiendo scindatis. Amen. Quatenus, in ipso, fonte vivo abluti ab omni sorde terreni pulveris, per immaculatum eius sanguinem ad Patrem, quo ipse transivit, et vos transeatis. Amen. Quod ipse. |
79 |
| Qu/H6/S/M2/Mass Propers/1 |
In Sancto Sabbato Paschae |
BenP |
Deus, qui, Ecclesiae suae utero intemerato novos populos producens, eam, virginitate manente, nova semper prole fecundat: fidei, spei et caritatis vos munere repleat, et suae in vos benedictionis dona infundat. Amen. Et, qui hanc sacratissimam noctem Redemptoris nostri resurrectione voluit illustrare, mentes vestras, peccatorum tenebris mundatas, virtutum copiis faciat coruscare. Amen. Quo eorum, qui modo renati sunt, innocentiam imitari certetis, et vascula mentium vestrarum exemplo praesentium luminum illustretis, ut cum bonorum operum lampadibus ad huius sponsi thalamum, cuius resurrectionem celebratis, cum prudentibus virginibus intrare possitis. Amen. Quod ipse praestare. |
79 |
| Qu/H6/S/M2/Mass Propers/2 |
Alia |
BenP |
Deus, qui vos per baptismum complantari voluit mortis suae similitudini: concedat, ut, deposita vetustate, complantemini etiam suae gloriosissimae resurrectioni. Amen. Praestet, ut mortuo in vobis veteri homine et crucifixo, destructo peccati corpore, ultra non serviatis peccato. Amen. Quatenus, consepulti cum illo per baptismum in morte, cum ipso etiam resurgatis per gloriam Patris in vitae novitate. Amen. Quod ipse praestare dignetur. |
80 |
| Pasc/H1/D/Resurrectio Domini/M2/Mass Propers/1 |
In dominica Paschae |
BenP |
Benedicat vobis Dominus, hodierna interveniente paschali sollemnitate, et ab omni miseratus dignetur vos defendere vetustate. Amen. Et, qui ad aeternam vitam Unigeniti sui resurrectione vos reparat, in ipsius adventu immortalitatis vos gaudiis vestiat. Amen. Ut, qui, expletis ieiuniorum, sive passionis dominicae diebus, paschalis festi gaudia celebratis, ad ea festa, quae non sunt annua, sed continua, ipso opitulante, exsultantibus animis, veniatis. Amen. Quod ipse praestare. |
81 |
| Pasc/H1/D/Resurrectio Domini/M2/Mass Propers/2 |
Alia |
BenP |
Deus, qui hodierna die eduxit de morte pastorem magnum ovium in sanguine testamenti aeterni: in finem vos eripiat de potestate tenebrarum et inferni. Amen. Et, qui praedestinavit eum ex resurrectione mortuorum secundum Spiritum sanctificationis, transferat vos in regnum Filii suae dilectionis. Amen. Ut, liberati per Christum, qui est primitiae resurrectionis, et primogenitus omnis creaturae, virtutes eius annuntietis, qui de tenebris vos vocavit in lumen suum admirabile. Amen. Quod ipse. |
81 |
| Pasc/H1/f2/M2/Mass Propers |
Feria secunda |
BenP |
Deus, qui suscitavit Iesum a mortuis: vivificet vos per ipsum ab operibus mortuis, ne, spiritu mortui, in foetore vitiorum computrescatis. Amen. Det vobis resurrectionis auctorem ore competenter laudare, desiderio meditari, dilectione quaerere, devotione retinere, qui post resurrectionem duobus discipulis, de se in via sermocinantibus, suam voluit praesentiam exhibere. Amen. Doceat vos ante omnia hospitalitatem amare, ut, qui susceptoribus suis in fractione panis agnitus est, in aeterna vos resurrectione, pro exhibita sibi hospitalitate, dignetur remunerare. Amen. Quod ipse. |
82 |
| Pasc/H1/f3/M2/Mass Propers |
Feria tertia |
BenP |
Deus, qui repromissionem, ad patres nostros factam, adimplevit in filiis: conservet in vobis dona suae gratiae, quos non corruptibilibus auro vel argento redemit de vana vestra conversatione. Amen. Det vobis firma fide perfectam corporum resurrectionem credere, cuius ipse, primitiae dormientium, formam se vobis voluit exhibere. Amen. Ut, qui in passione pro vobis piscis assus factus est, favo divinitatis suae vos satiet, ut, sicut in Adam omnes morimur, ita in Christo omnes vivificemur. Amen. Quod ipse praestare dignetur. |
83 (81v) |
| Pasc/H1/f4/M2/Mass Propers |
Feria quarta |
BenP |
Christus Iesus, qui discipulis, tota nocte in captura piscium frustra laborantibus, post resurrectionem suam mane apparuit in litore: dignetur vos ipse, sol iustitiae, de tenebris mortis ad resurrectionis lucem revocare. Amen. Attrahat vos de profundo aquarum ad soliditatem perpetui litoris, ut Salvatorem vestrum quandoque in terra viventium, non in fluctibus ambulantem, videatis. Amen. Quatenus, cum ipse Christus apparuerit, vita vestra, tunc et vos cum illo appareatis in gloria. Amen. Quod ipse praestare. |
84 (83r) |
| Pasc/H1/f5/M2/Mass Propers |
Feria quinta |
BenP |
Deus, qui peccatrici Mariae multum dimisit, ut multum diligeret: memores vos faciat superabundantis suae misericordiae, ut semper recogitetis, quantum eum debeatis amare. Amen. Doceat vos mulieris huius exemplo, Iesum iam non mortuum, sed viventem fideliter quaerere, et in inquisitione non lassescere, ut eum in die resurrectionis mereamini, sicuti est, videre. Amen. Ut ipse, Mediator Dei et hominum, sic infirmam in se naturam notam vobis faciat, ut, in deitate Patris coaequalis, etiam in cordibus vestris ad Patrem ascendat. Amen. Quod ipse. |
84 (83r) |
| Pasc/H1/f6/M2/Mass Propers |
Feria sexta |
BenP |
Deus, qui, in passione paulo minus minoratus ab angelis, gloria et honore a Patre coronatus est: det vobis, ut, sicut ipse, caput vestrum, de corruptione ad incorruptionem transiit, sic et vos, membra eius, cum ipso transeatis. Amen. Doceat vos ab infimis actionibus ad montem virtutum ascendere, ut ipsum, Deum deorum in Sion, mereamini facie ad faciem videre. Amen. Quatenus a vetustate carnis Adae ad spiritalem eius novitatem sic perfecte transmigretis, ut eum cum beatis spiritibus in Galilaea sua in spiritu et veritate quandoque adoretis. Amen. Quod ipse praestare. |
85 (83v) |
| Pasc/H1/S/M2/Mass Propers |
Sabbato |
BenP |
Deus, qui, a Iudaeis lapis reprobatus, factus est in caput anguli: faciat vos in ipso cum electis lapidibus in habitaculum suum coaedificari. Amen. Doceat vos mysterium incarnationis suae intelligere, et non contemnere in Deo naturam hominis, ut cum Petro in monumentum introeatis. Amen. Quatenus, dulcedinem eius gustantes, et ineffabilem gratiam suavitatis, non solum de petra, sed iam de firma petra oleum Sancti Spiritus sugatis. Quod ipse praestare. |
86 |
| Pasc/H2/D/M2/Mass Propers/1 |
Dominica prima post Albas |
BenP |
Deus, qui est vita mortalium, salusque peccatorum: auferat a vobis omnes maculas delictorum. Amen. Induat vos decore virtutum, sanctificet mentes, purificet voluntates, et donet vobis consortium sanctorum angelorum. Amen. Ut, probabiles fide, et immaculati opere, perveniatis ad aeternam gaudiorum caelestium hereditatem. Amen. Quod ipse praestare. |
86 |
| Pasc/H2/D/M2/Mass Propers/2 |
Alia |
BenP |
Christus Iesus, qui, pro nobis vulneratus, in testimonium perfectae resurrectionis vulnera sua attractanda praebuit discipulis: mortifera peccatorum vulnera sanet in vobis. Amen. Et, qui in dubitatione Thomae omnes, in futurum credentes, corroboravit in fide, det vobis ea, quae ex Evangelio auditis, fideliter credere, quibus eum non contigit corporaliter videre. Amen. Quatenus, dum in aeterna resurrectione corruptio incorruptelam induerit, sic a vita, quod mortale est, absorbeatur, ut nemo vestrum secunda morte moriatur. Amen. Quod ipse. |
87 |
| Pasc/H3/D/M2/Mass Propers/1 |
Dominica secunda |
BenP |
Deus, qui vos reconciliavit sibi per Christum: impleat in vobis suae reconciliationis mysterium. Amen. Praestet vobis, ut qui vivitis, iam non vobis vivatis, sed ei, qui pro omnibus est mortuus, et resurrexit. Amen. Ut, cum transierit iniquitas et tristitia, a claritate in claritatem transformati, gaudio ineffabili gaudeatis, quod nemo tollat a vobis. Amen. Quod ipse praestare dignetur. |
87 |
| Pasc/H3/D/M2/Mass Propers/2 |
Alia |
BenP |
Christus Iesus, qui vos, sicut oves errantes, in sanguine suo redemit, et ad pascua vitae revocavit, et cottidie revocat: contra invisibiles vos lupos tueatur, ut, nullo pereunte, omnes vos ad caelestes caulas perducat. Amen. Et, qui animam suam posuit pro ovibus suis, cognoscat vos in misericordia, ut et vos pastorem vestrum in veritate cognoscatis, et vocem eius in omnibus audiatis. Amen. Quatenus ipse pastor bonus in pascuis uberrimis accubare vos faciat in montibus Israel, ut in ipso iustitiae vivatis, iam peccatis mortui, cuius livore estis sanati. Amen. Quod ipse praestare. |
88 |
| Pasc/H4/D/M2/Mass Propers/1 |
Dominica tertia |
BenP |
Gratia sua vos Dominus locupletet, et caelesti benedictione multiplicet. Amen. Ab omni adversitate vos defendat, et pia semper miseratione custodiat. Amen. Petitiones vestras placatus intendat, et culparum omnium vobis indulgentiam clementer attribuat. Amen. Quod ipse praestare dignetur. |
89 |
| Pasc/H4/D/M2/Mass Propers/2 |
Alia |
BenP |
Concedat vobis Deus, ut mortificationem Iesu Christi in corpore vestro circumferatis, ut et vita eius manifestetur in vobis. Amen. Largiatur vobis, ut, qui cum eo ab elementis huius mundi mortui estis, nihil in hoc mundo, tamquam in eo viventes, decernatis. Amen. Ut, iam non cognoscentes Christum secundum carnem, in ipso sitis nova creatura, per quem vetera transierunt, et ecce, omnia facta sunt nova. Amen. Quod ipse praestare. |
89 |
| Pasc/H5/D/M2/Mass Propers/1 |
Dominica quarta |
BenP |
Praestet vobis Deus, ut, speculatores facti illius magnitudinis, per bonam operam certam vestram vocationem et electionem faciatis. Amen. Assit vobis fides cum virtute, scientia cum abstinentia, patientia cum pietate, amor fraternitatis cum caritate, ne sine fructu constituamini in futura cognitione. Amen. Ut, memores purgationis veterum delictorum, abundanter vobis ministretis introitum in aeternum regnum Domini nostri et Salvatoris, Iesu Christi. Amen. Quod ipse. |
89 |
| Pasc/H5/D/M2/Mass Propers/2 |
Alia |
BenP |
Deus, a quo omne datum optimum et omne donum perfectum est: interiorem hominem vestrum ab omnibus emundet spurcitiis, ut Spiritus eius dignanter inhabitet in vobis. Amen. Et, qui in caelis regnat, corda vestra ad ea, quae sursum sunt, erigat, ut, qui inter ministros eius censeri concupiscitis, etiam in corpore iam cum illo per desiderium sitis. Amen. Quatenus et hic, inter pressuras mundi, eundem Spiritum eius invisibiliter consolatorem habeatis, et eius inspiratione, ad contuendam Salvatoris vestri praesentiam, pertingatis. Amen. Quod ipse praestare. |
90 |
| Pasc/H6/D/M2/Mass Propers |
Dominica quinta |
BenP |
Omnipotens Deus factores verbi sui, non tantum auditores vos faciat, ut religionem vestram, quam professione praetenditis, honestis operibus astruatis. Amen. Doceat vos, quae expediunt, orare, et misericorditer tribuat, quae oratis, ut et hic, et in futuro orationum vestrarum fructum habeatis. Amen. Ut ipse petentibus, sicut pollicitus est, gaudium plenum tribuat, non ut exsultetis in rebus pessimis, sed ut prius ex repromissione, postea ex retributione gaudeatis. Amen. Quod ipse praestare dignetur. |
91 |
| Pasc/H6/f2/M2/Mass Propers |
Feria secunda |
BenP |
Deus, qui operatur in sanctis suis et velle, et proficere pro bona voluntate: devotionem vestram, ad exsequendam salutaris abstinentiae medicinam, sua excitet miseratione, corroboret benedictione. Amen. Quique castigat omnem filium, quem recipit, non vos patiatur in flagellis, quae meremur, in patientiae vitio titubare, sed ad suam faciat pietatem humili supplicatione confugere. Amen. Ut, qui fragilitatem humanae mutabilitatis, utpote Creator, agnoscit, auxilium suum bonis inchoationibus vestris accommodet, ut, ipso duce, quo incitatore, quae ad veram salutem pertinent, peragatis. Amen. Quod ipse. |
91 |
| Pasc/H6/f3/M2/Mass Propers |
Feria tertia |
BenP |
Omnipotens Deus, qui Ninivitarum culpas ita ferire disposuit, ut potius eligeret misereri conversis: vos, benedictione sua ditatos, digne faciat paenitere, quod male gessistis, et largiatur praemia, quae pie desideratis. Amen. Concedatque humilitati vestrae, ut ita corpora, amplectendo parsimoniam, epularum deliciis abstineant, quatenus mentes vestrae, esurientes et sitientes iustitiam, ab illecebris male blandientium ieiunent vitiorum. Amen. Accendat corda vestra timore casto et amore perfecto, ut evadatis mala, reis timenda, et adipiscamini bona perennia, beatis speranda. Amen. Quod ipse praestare. |
92 |
| Pasc/H6/f4/Ascensio Domini (Vigilia)/M2/Mass Propers |
Feria quarta in vigilia Ascensionis Domini |
BenP |
Deus, qui corruptibilem naturam hominis ad dexteram Patris iam incorruptibilem collocavit in caelis: compatiatur infirmitatibus vestris per id, quod vestri est similis, et quia Filius Dei est, interpellet pro nobis. Amen. Et, quia iudicium illi omne a Patre datum est, districtionem temperet iudicii per misericordiam, ut non paucos coheredes secum conscribat ad vitam. Amen. Quatenus, secundo iam iudicaturus veniens, ad regna caelorum vos transferat, pro quibus in mundum iudicandus advenerat. Amen. Quod ipse praestare. |
93 |
| Pasc/H6/f5/Ascensio Domini/M2/Mass Propers/1 |
In Ascensione Domini |
BenP |
Benedicat vobis omnipotens Deus, cuius Unigenitus hodierna die caelorum alta penetravit, et vobis, ubi ille est, ascendendi aditum patefecit. Amen. Concedat propitius, ut, sicut post resurrectionem suam discipulis visus est manifestus, ita vobis, in iudicium veniens, videatur esse placatus. Amen. Ut, qui eum consedere Patri in sua maiestate creditis, vobis eum manere usque in finem saeculi secundum suam promissionem sentiatis. Amen. Quod ipse praestare. |
93 |
| Pasc/H6/f5/Ascensio Domini/M2/Mass Propers/2 |
Alia |
BenP |
Deus, Dei Filius, qui hodierna die, videntibus discipulis, in alta caelorum ascendit: faciat vos de virtute in virtutem ascendere, ut in gloria sua illi et vos cum benedictionis filiis mereamini consedere. Amen. Conservet in vobis libertatem, sua morte redditam, qui, destructo mortis imperio, captivitatem vestram, hodie ascendens, duxit captivam. Amen. Adiuvet vos dona, quae ascendens hominibus dedit, non perdere, ut, redeuntem in nubibus, mereamini indemnes videre. Amen. Quod ipse praestare. |
94 |
| Pasc/H7/D/M2/Mass Propers/1 |
Dominica prima post Ascensionem Domini |
BenP |
Benedicat vos de caelis omnipotens Deus, qui per Crucem et sanguinem passionis suae vos venire dignatus est redimere in terris. Amen. Ipse vos renovet a vetustate peccati, qui pro vobis dignatus est crucifigi. Amen. Vosque ad caelestia suscitet, qui pro vobis inferni claustra penetravit. Amen. Quod ipse praestare. |
95 |
| Pasc/H7/D/M2/Mass Propers/2 |
Alia |
BenP |
Largiatur vobis Deus, ut boni aemulatores sitis, et Iesum Christum in cordibus vestris sanctificetis. Amen. Cum modestia et timore bonam habeatis conscientiam, ut in eo, quod detrahunt de vobis, confundantur, qui vestram bonam in Christo conversationem calumniantur. Amen. Quatenus, per bonae conscientiae interrogationem salvi facti, Iesum Christum, qui profectus est in caelum, subiectis sibi angelis et potestatibus et virtutibus, consequi mereamini. Amen. Quod ipse praestare. |
95 |
| Pasc/H7/S/Pentecostes (Vigilia)/M2/Mass Propers |
In vigilia Pentecostes |
BenP |
Benedicat vobis omnipotens Deus, ob cuius Paracliti Spiritus Sancti adventum mentes vestras ieiunii observantia praeparatis, et praesentem diem sollemnibus laudibus honoratis. Amen. Instar modo renatorum infantium talem innocentiam habeatis, ut templum Sancti Spiritus, ipso tribuente, esse possitis. Amen. Atque idem Spiritus veritatis ita vos hodie sua habitatione dignos efficiat, ut cras vestris mentibus se, vobiscum perpetim habitaturus, infundat, ut, peracto praesentis vitae curriculo, vos ad caelestia regna perducat. Amen. Quod ipse praestare dignetur, cuius regnum et imperium sine fine permanet. |
96 |
| Pent/H1/D/Pentecostes/M2/Mass Propers |
In sancto die |
BenP |
Deus, qui hodierna die discipulorum mentes Spiritus Paracliti infusione dignatus est illustrare: faciat vos eiusdem Spiritus donis exuberare. Amen. Et ille ignis, qui super discipulos apparuit, peccatorum vestrorum sordes expurget, et sui luminis infusione corda vestra illustret. Amen. Quique dignatus est diversitatem linguarum in unius fidei confessione adunare, in eadem vos faciat fide perseverare, et per hanc ad speciem suae celsitudinis pervenire. Amen. Quod ipse praestare dignetur. |
96 |
| Pent/H1/f2/M2/Mass Propers |
Feria secunda |
BenP |
Deus, qui vos in Spiritu suo abluit, sanctificavit et iustificavit: animam vestram et corpus sine querela in suum conservet adventum. Amen. Revelet vobis per eundem Spiritum mysterium absconditum, quod praedestinavit ante saecula in gloriam vestram, quod nemo principum huius saeculi cogitavit. Amen. Et, qui sic dilexit mundum, ut pro eo daret Filium suum Unigenitum, concedat vobis, ut, credentes in eum, non pereatis, sed vitam aeternam habeatis. Amen. Quod ipse praestare dignetur. |
97 |
| Pent/H1/f3/M2/Mass Propers |
Feria tertia |
BenP |
Deus, qui apostolos, Christi, Filii sui recessu quasi orphanos factos, adventu Spiritus Sancti reddidit consolatos: ipso vos semper inhabitante, ab omni malo faciat alienos. Amen. Et, qui eos charismate donavit omnium linguarum, vos ditet gratia cunctarum virtutum. Amen. Ut hic unanimes, uno ore honorificantes Deum, cum ipsis perveniatis ad regna caelorum. Amen. Quod ipse praestare. |
98 |
| Pent/H1/f4/M2/Mass Propers/1 |
Feria quarta |
BenP |
Deus, qui est ostium vitae: faciat vos ad hoc ostium non ficte, sed simpliciter venire, ut, non aliunde ascendentes, cum pastore mereamini per ostium introire. Amen. Dignos vos in misericordia sua efficiat, quos vocet ex nomine, ut nomina vestra ascribantur in libro vitae. Amen. Quatenus, ipso pastore praeduce, pascua vitae inveniatis, ubi nec lupum amodo, nec furem timeatis. Amen. Quod ipse praestare dignetur. |
98 |
| Pent/H1/f4/M2/Mass Propers/2 |
Alia |
BenP |
Deus, cui omnes docibiles sunt: doceat vos voluntatem suam facere, quos per gratiam fidei traxit ad se, et in dilectionem suam docuit animas levare. Amen. Pascat vos pane vitae, qui descendit de caelo, ut, caelestem vitam agentes, et beatorum spirituum puritatem aemulantes, iam per concupiscentiam non sitis in mundo. Amen. Quatenus, fideliter gustantes hunc panem, in aeternum in illo vivatis, et, cum temporalem vitam moriendo consummaveritis, immortalem resurgendo feliciter incipiatis. Amen. Quod ipse. |
99 (97v) |
| Pent/H1/f5/M2/Mass Propers |
Feria quinta |
BenP |
Omnipotens Deus exoneret vos saecularium desideriorum inutilibus sarcinis, ut in via Dei tanto agilius, quanto expeditius curratis. Amen. Doceat vos non superbe sapere, nec sperare in incerto divitiarum, ut, dum in caelo, non in terra thesaurizatis, non in pera, neque pecunia, sed in Domino fiduciam habeatis. Amen. Quatenus, sic utentes mundo, ut affluentibus divitiis corda non apponatis, in terra viventium ipsum Dominum, partem hereditatis vestrae, possideatis. Amen. Quod ipse. |
99 (97v) |
| Pent/H1/f6/M2/Mass Propers |
Feria sexta |
BenP |
Deus, qui conversis et paenitentibus remissionem peccatorum pollicitus est: doceat vos post lapsum non desperare, quia promissor vester inefficax non est remissionem, quam promiserat, donare. Amen. Et, qui mortificat et vivificat, deducit ad inferos et reducit, misericorditer vobis remittat in saeculo, ut animas vestras non derelinquat in inferno. Amen. Quatenus non legem, quae per Moysen, sed superabundantem gratiam, quae per Christum facta est, sic paenitendo experiamini, ut ad gloriam iustorum perveniatis, per indulgentiam iustificati. Amen. Quod ipse praestare. |
100 |
| Pent/H1/S/M2/Mass Propers |
Sabbato |
BenP |
Deus, fons aquae viventis: restinguat in vobis incentiva vitiorum et illecebras carnis, ne mortifero pravae dilectionis calore febricitetis. Amen. Det vobis fortitudinem animi, ut, quotiens spiritus, potestatem habens super vos, ascenderit, tentationibus impugnati, locum vestrum non deseratis. Amen. Et, qui tentationes utiliter permittit, salubriter reprimit, faciat in vobis nocivum saecularis concupiscentiae solem occidere, ut, sanatis cunctis languoribus animae, ipse auctor et incentor totius criminis, ultra locum non habeat in vobis. Amen. Quod. |
101 |
| Trin/H1/D/Pentecostes (Octava)/M2/Mass Propers |
In octava Pentecostes |
BenP |
Deus, qui vos de terreno Adam terrenos, de caelesti caelestes fecit: det vobis toto desiderio aemulari caelestia, ut, quod mortale est, absorbeatur a vita. Amen. Impleat vos ante et retro oculis circumspectionis, ut, qui per regenerationem filii diei facti estis et lucis, ad magistrum vitae non in nocte veniatis. Amen. Quatenus, absorpta victoria mortis, iam aequales angelis, Deo non mortuorum, sed vivorum carne pariter et spiritu vivatis. Amen. Quod ipse praestare dignetur. |
101 |
| Trin/H1/D/Trinitas/M2/Mass Propers/1 |
Dominica de sancta Trinitate |
BenP |
Omnipotens Deus, Trinitas unus et verus Deus, Pater et Filius et Spiritus Sanctus det vobis se desiderare fideliter, agnoscere veraciter, diligere sinceriter. Amen. Aequalitatem atque incommutabilitatem suae essentiae ita mentibus vestris infigat, ut ab ea numquam vos quibuscumque phantasiis aberrare permittat. Amen. Sicque vos in sui fide, spe et caritate perseverare concedat, ut per ea postmodum ad sui manifestationem visionemque inteminabilem introducat. Amen. Quod ipse. |
102 |
| Trin/H1/D/Trinitas/M2/Mass Propers/2 |
Alia |
BenP |
Omnipotens Deus, qui in vera sanctae Trinitatis fide et confessione salutis vestrae summam et fundamentum voluit consistere: faciat vos eiusdem fidei integritatem illibatam tenere, ut, in ipsa perfecte servientes, mereamini complacere. Amen. Det vobis de altitudine divitiarum sapientiae suae sic credere et confiteri personas tres individuae Trinitatis, ut unam divinitatis essentiam nec verbo, nec spiritu dividatis. Amen. Quatenus dum Patrem in Filio, et Filium in Patre manentem, et Spiritum Sanctum ex utrisque consubstantialiter procedentem veraciter creditis, et vos in ipso secundum evangelicam promissionem unum sitis. Amen. Quod ipse praestare dignetur. |
103 |
| Trin/H1/D/M2/Mass Propers/1 |
Dominica prima post octavam Pentecosten |
BenP |
Deus, qui, ad ostendendam caritatem, Filium suum misit veram pro peccatis nostris propitiationem: doceat vos, pro rependenda ei vicissitudine, alterutrum diligere, ut de amore proximi ad amorem Dei possitis proficiendo venire. Amen. Inspiret vobis, ut in eadem dilectione amicos vobis faciatis de iniquo mammona, ut, cum defeceritis, recipiant vos in aeterna tabernacula. Amen. Quatenus per eleemosynam, quae a morte liberat, et non permittit hominem in tenebras ire, de morte ad vitam, de tenebris ad lucem, de incendio ad refrigerium mereamini transire. Amen. Quod ipse. |
104 |
| Trin/H1/D/M2/Mass Propers/2 |
Alia |
BenP |
Concedat vobis omnipotens Deus, non superbe sapere, neque in incerto divitiarum sperare, sed in Deo vivo, qui omnia praestat, semper et ubique bonis operibus abundare. Amen. Praestet, ut, qui in vobis est humilis et pauper, in sua glorietur exaltatione, et, qui in vobis dives est, in sua glorietur humilitate. Amen. Largiatur vobis, ut divites facti in operibus bonis, facile tribuatis et communicetis, et ut, thesaurizantes vobis fundamentum bonum in futurum, se aeternae vitae speretis praemia redditurum. Amen. Quod ipse praestare. |
104 |
| Trin/H2/D/M2/Mass Propers/1 |
Dominica secunda |
BenP |
Deus, qui scit, quia vita vestra vapor est, ad modicum parens, et deinceps exterminabitur: concedat vobis, ut, inimici huius saeculi facti, amici Dei constituamini. Amen. Induat vos lorica caritatis et fidei et galea spei salutis, ut, qui diei estis, ab operibus tenebrarum vos invicem excitetis, et digne coram Deo et hominibus ambuletis. Amen. Ut, qui non positi estis in iram, sed acquisitionem salutis, cum beatis et electis Dei ad cenam nuptiarum Agni veniatis. Amen. Quod ipse praestare. |
105 |
| Trin/H2/D/M2/Mass Propers/2 |
Alia |
BenP |
Deus, qui vos ad cenam suam per patriarchas et prophetas, novissime per apostolos suos dignatus est invitare: saecularium vos curarum impedimentis dignetur exonerare, ut a talibus epulis nulla vos subtrahatis excusatione. Amen. Nulla vos sollicitudo, nullus terreni amoris affectus a Christo vestro dividat, ut nemo ex vobis sit, qui ad corporis illius unitatem non pertingat. Amen. Quatenus in resurrectione sic in conspectu eius appareatis in iustitia, ut, cum gloria eius coeperit manifestari, perpetua eius visione mereamini cum angelis satiari. Amen. Quod ipse praestare. |
106 |
| Trin/H3/D/M2/Mass Propers/1 |
Dominica tertia |
BenP |
Concedat vobis Deus divitias bonitatis eius et patientiae et longanimitatis adtendere, ut benignitas eius ad paenitentiam vos possit adducere. Amen. Non thesaurizetis vobis per duritiam et impaenitens cor iram in die irae et revelationis iusti iudicii Dei, qui reddet secundum opera sua omni homini. Amen. Ut, cum his, qui credunt iniquitati, ira venerit et indignatio et tribulatio et angustia, vos secundum patientiam boni operis honorem et gloriam et cum angelis congratulantibus vitam possideatis aeternam. Amen. Quod ipse praestare. |
106 |
| Trin/H3/D/M2/Mass Propers/2 |
Alia |
BenP |
Misericors Deus, qui, ut ovem perditam revocaret, de sinu Patris egressus est: neminem amodo ex vobis patiatur perire, quos per mortem suam, ad integrandum ovium suarum numerum, misericorditer voluit invenire. Amen. Et ipse, aeterna Dei sapientia, decimam in vobis drachmam dignetur in perpetuum servare, quam per assumptionem carnis, quasi ex lumine testae, dignatus est reparare. Amen. Quatenus, sicut iam in fide et regeneratione vestra fecit, ita nunc in paenitentia et perfecta vestra conversatione gaudium faciat suis angelis, ut eos et hic adiutores, et in futuro concives habeatis. Amen. Quod ipse. |
107 |
| Trin/QuT/f4/M2/Mass Propers |
In quattuor temporum, feria quarta |
BenP |
Deus, qui scrutator cordis est: ponat cordi vestro custodiam, et ostium circumstantiae labiis, ne vel peccatum vobis subrepat in vaniloquio, vel perversae vos cogitationes separent a Deo. Amen. Infundat vobis amorem et tenacem custodiam iustitiae, ut, dum infirmitatem vestram alter in altero recognoscitis, cum magno tremore terram terra iudicetis. Amen. Tribuat vobis simplicitatem, et ad omnes effectum bonae voluntatis, ne, dum ficto corde et duplicibus labiis in alterutrum detrahitis, Spiritus Sanctus, qui caritatis amator est, se subtrahat a vobis. Amen. Quod ipse praestare. |
108 |
| Trin/QuT/f6/M2/Mass Propers |
Feria sexta |
BenP |
Deus, qui fideles suos filios appellat et filias: sanet vos salutari medicamento, ne vacillantis fidei, ne vitiorum languoribus animae vestrae possint periclitari. Amen. Et, qui vita vestra est, visitet vos, in peccato mortuos, et de operibus mortuis ad lucem vitae suscitet redivivos. Amen. Quatenus ipsi, accusatores vestri et iudices, sic voluntarie corrigamini de excessibus praeteritis, ut de tenebrosis conscientiae latibulis, morticina vestra confitendo, foras eiiciatis. Amen. Quod ipse praestare. |
109 |
| Trin/QuT/S/M2/Mass Propers |
Sabbato duodecim lectionum |
BenP |
Deus, qui ad revelationem gentium salutare lumen processit in mundum: reddat vobis spiritales oculos ad contemplationem veri luminis, quos per Adam in concupiscentia pomi exsecrabilis miserabiliter perdidistis. Amen. Et, qui primitivam ecclesiam ex Iudaeis coadunavit et gentibus, ad agnitionem suam oculos utriusque populi aperiat, ut, exorto iam sole iustitiae, in tenebris nemo remaneat. Amen. Quatenus, illuminatorem vestrum sequentes, sic in via mandatorum eius ante faciem vestram incedatis, ut cum supernis animalibus non revertamini, nec ad dexteram vel sinistram exorbitetis. Amen. Quod ipse praestare. |
109 |
| Trin/H4/D/M2/Mass Propers/1 |
Dominica quarta |
BenP |
Omnipotens et misericors Deus misericordes vos faciat, ut vobis misericordiae suae dona dignanter infundat. Amen. Sicque proximos vestros vos iudicare doceat, ne quem vestrum districtae examinationis die condemnare debeat. Amen. Sed, imitatores patientiae Christi effectos, in futura suae revelationis gloria in aeternum vos dignetur constituere securos. Amen. Quod ipse praestare. |
110 |
| Trin/H4/D/M2/Mass Propers/2 |
Alia |
BenP |
Deus, qui misericordes misericordiam consequendos esse praedixit: misericordes vos faciat delinquentibus proximis, ut et vos in die irae non districtam iustitiam, sed superabundantem misericordiam inveniatis. Amen. Aperiat vobis interiores oculos, ut, primum accusatores vestri, sic peccata vestra grandia existimetis, ut proximorum peccata inhumana crudelitate non iudicetis. Amen. Quatenus, ad cor redeuntes, et vosmetipsos districta examinatione discutientes, sic de oculo vestro trabem laboretis eiicere, ut in oculo fratris festucam non semper attendatis inspicere. Amen. Quod ipse. |
110 |
| Trin/H5/D/M2/Mass Propers/1 |
Dominica quinta |
BenP |
Praestet vobis Deus, ut, cum domus vestra huius habitationis dissoluta fuerit, aedificationem ex Deo habeatis, domum non manu factam, sed aeternam in caelis. Amen. Vestiti, et non nudi inveniamini, ut habitationem vestram, quae de caelo est, superindui mereamini. Amen. Ut, dum per fidem ambulatis, et non per speciem, magis a corpore peregrinemini, ne in die Domini cum infidelibus a Christi contemplatione separemini. Amen. Quod ipse praestare. |
111 |
| Trin/H5/D/M2/Mass Propers/2 |
Alia |
BenP |
Deus, qui beatum Petrum apostolum de captura piscium ad capturam transtulit animarum: eius vos magisterio perducat ad soliditatem perpetui litoris, cuius retibus in salutem capti estis. Amen. Det vobis patientiam, fidem, spem et spiritum caritatis, ut unitatem Ecclesiae nec morum, nec verborum haeresibus scindatis. Amen. Quatenus latissima Ecclesiae sagena tales vos de fluctibus huius saeculi ad litus futurae resurrectionis pertrahat, quos cum electis piscibus in vasa electionis sors beatorum colligat, non quos reproba vita foras eiiciat. Amen. Quod ipse praestare. |
112 |
| Trin/H6/D/M2/Mass Propers/1 |
Dominica sexta |
BenP |
Deus, qui vitam aeternam, quam promisit ante tempora saecularia, suis temporibus manifestavit: inspiret vobis secundum communem fidem gratiam dilectionis et pacem. Amen. Faciat vos ad omne opus bonum semper esse paratos, neminem blasphemare, non esse litigiosos, sed modestos. Amen. Ut, qui salvi facti estis per lavacrum regenerationis et renovationis Spiritus Sancti, iustificati gratia ipsius, heredes secundum spem vitae aeternae inveniamini. Amen. Quod ipse praestare. |
112 |
| Trin/H6/D/M2/Mass Propers/2 |
Alia |
BenP |
Deus, qui vos a servitute legis liberavit: faciat opera vestra super legalem iustitiam abundare, quos opera legis perfecte coram illo non possunt iustificare. Amen. Doceat vos non solum non occidere, sed nec irasci proximis, ne de odio fratris homicidii praeiudicium sustineatis. Amen. Quatenus perfectio dilectionis ad omnes aeque secundum voluntatem Dei propagetur, ut plenae vestrae caritati plena in retributione beatitudo donetur. Amen. Quod ipse praestare. |
113 |
| Trin/H7/D/M2/Mass Propers/1 |
Dominica septima |
BenP |
Deus, qui non dedit vobis spiritum timoris, sed virtutis et dilectionis et sobrietatis: non secundum opera vestra, sed secundum propositum suum gratiam suam confirmet in vobis. Amen. Ut signaculo fundamenti Dei concludamini, et ab eo, qui, quae eius sunt, novit, praecogniti, ab iniquitate discedatis, quicumque nomen Domini fideliter invocatis. Amen. Non sitis pietatis speciem habentes, et virtutem eius abnegantes, sed, per gratiam Dei ab omni opere malo liberati, in regnum suum caeleste perducamini. Amen. Quod ipse praestare. |
114 |
| Trin/H7/D/M2/Mass Propers/2 |
Alia |
BenP |
Omnipotens Deus mittat in vos famem et sitim non temporalis alimenti, sed audiendi verba sua, ut nemo ex vobis spiritali periclitetur inedia. Amen. Praeparet ipse in conspectu vestro mensam, unde spiritalem sumatis alimoniam, quae sumentibus fastidium non generat, sed cum incremento epularum in cordibus fidelium ad caelestia semper anhelat. Amen. Quatenus, verum hoc manna comedentes, et de petra spiritali in hoc deserto bibentes, ad patriam repromissionis mereamini pervenire, ubi nec esurire in aeternum possitis, nec sitire. Amen. Quod ipse. |
114 |
| Trin/H8/D/M2/Mass Propers/1 |
Dominica octava |
BenP |
Deus, in cuius Spiritu omnes in unum corpus estis baptizati, sive servi, sive liberi: omnia ab hoc corpore auferat infidelitatis schismata, ut in ipsum pro se invicem sint membra sollicita. Amen. Si quid patitur unum membrum, omnia in vobis membra condoleant, sive gloriatur unum membrum, omnia in vobis membra congaudeant. Amen. Ut, qui, aemulando charismata meliora, corpus Christi estis effecti, excellentissimam viam caritatis ingredi mereamini. Amen. Quod ipse praestare. |
115 (114r) |
| Trin/H8/D/M2/Mass Propers/2 |
Alia |
BenP |
Omnipotens Deus det vobis cum astutia serpentium oculos columbinae simplicitatis, ut, si ex Deo sint, iusta discretione spiritus probare valeatis. Amen. Doceat vos ex fructibus suis arborem aestimare, ne in vestimentis ovium lupi rapaces valeant subintrare. Amen. Quatenus opera et non faciem iudicantes hypocritarum venena declinetis, ne, quasi tangentes picem, ex eorum vos conspersione coinquinetis. Amen. Quod ipse. |
116 (114v) |
| Trin/H9/D/M2/Mass Propers/1 |
Dominica nona |
BenP |
Praestet vobis Deus, ut, accedentes ad lapidem vivum, ab hominibus quidem reprobatum, a Deo autem electum, ipsi, tamquam lapides vivi, super illum aedificemini. Amen. Non sit vobis lapis offensionis, aut petra scandali, sed turris fortitudinis a facie inimici. Amen. Ut, effecti sacerdotium sanctum et domus spiritalis, hostias viventes Deoque acceptabiles offeratis. Amen. Quod ipse praestare dignetur. |
116 (114v) |
| Trin/H9/D/M2/Mass Propers/2 |
Alia |
BenP |
Omnipotens Deus confringat iugum huius saeculi de cervicibus vestris, ut non Deo et mammonae, sed una fide et uno spiritu ipsi soli libere serviatis. Amen. Det vobis dominari, non servire divitiis, ut, pauperibus erogantes, quod vobis superest, amicos vobis de iniquo mammona faciatis. Amen. Quatenus sic iugum peccati computrescat a facie olei, ut, dispersis pro Deo corruptibilibus divitiis, foramen acus etiam cameli penetretis. Amen. Quod ipse praestare. |
117 |
| Trin/H10/D/M2/Mass Propers/1 |
Dominica decima |
BenP |
Auferat a vobis Deus spiritum, qui nunc operatur in filiis diffidentiae, ne, conversantes in desideriis vestris, voluptatibus carnis et cogitationum videamini consentire. Amen. Muniat vos Spiritu Sancto promissionis, in quo et credentes signati estis, qui est pignus hereditatis vestrae in redemptionem acquisitionis. Amen. Ut, coaedificati in templum Dei vivi in Spiritu sanctificationis, non sitis spelunca daemonum, sed domus orationis. Amen. Quod ipse praestare. |
117 |
| Trin/H10/D/M2/Mass Propers/2 |
Alia |
BenP |
Omnipotens Deus det vobis per Spiritum suum visitationem suam cognoscere, et, in bonis operibus vigilantes, diem ultionis praevenire, ne, tamquam laqueus, vobis, in peccato dormientibus, valeat supervenire. Amen. Aperiat vobis auditum cordis, ut vocem post tergum monentis, dum tempus est, audiatis, et, peccata vestra erubescentes, non cum persecutoribus Domini retro, sed cum conversis fidelibus in faciem vestram cadatis. Amen. Quatenus eidem Domino et regi vestro, adhuc longe agenti, sic legationem mittatis contriti cordis et verae paenitentiae, ut tali satisfactione placatum eum inveniatis, quem iratum non potestis sustinere. Amen. Quod ipse praestare. |
118 |
| Trin/H11/D/M2/Mass Propers/1 |
Dominica undecima |
BenP |
Concedat vobis Deus, ut aemulationem Dei semper habeatis, per quam, sollicite incedentes, illi soli per omnia placeatis. Amen. Infundat vobis scientiam suae iustitiae, ne, illam ignorantes, vestram quaeratis constituere. Amen. Ut, qui gratia eius salvati estis, non ex vobis, ab illo, non a vobis commendemini, in illo, non in vobis gloriemini. Amen. Quod ipse. |
118 |
| Trin/H11/D/M2/Mass Propers/2 |
Alia |
BenP |
Omnipotens Deus, qui humilia respicit, et alta a longe cognoscit: spiritum vobis humilitatis tribuat, ne superbientes oculo reprobationis a longe cognoscat. Amen. Faciat vos in se confidere, et non de vestris meritis gloriari, ut, parvi in oculis vestris, ab illo mereamini exaltari. Amen. Auferat a vobis oculos sublimes pharisaei gloriantis, ne, dum vestris vos viribus stare creditis, in ipsa elevatione deiecti cadatis. Amen. Quod ipse praestare. |
119 |
| Trin/H12/D/M2/Mass Propers/1 |
Dominica duodecima |
BenP |
Annuat vobis Deus, ut regnum immobile suscipiatis, habentes gratiam, per quam illi cum metu et reverentia serviatis. Amen. Sint vobis mores sine avaritia contenti praesentibus, ut in illo ditemini, qui praestat omnia se fideliter ac digne petentibus. Amen. Beneficientiae et communionis non obliviscamini, ut talibus hostiis Deum promereamini. Amen. Quod ipse praestare. |
119 |
| Trin/H12/D/M2/Mass Propers/2 |
Alia |
BenP |
Omnipotens Deus digito suo aures cordis vestri aperiat, ut legem eius et mandata vitae libenter audiatis, et, quae audieritis, tenaci memoria retineatis. Amen. Solvat etiam vinculum vestrae linguae, ut ad aedificationem aliorum sermonem, spiritali sale conditum, possitis proferre. Amen. Quatenus, verbum Dei fideliter audientes, sic recto corde et lingua loquamini, ut, quod lingua loquitur, vita et moribus vestris non impugnetur. Amen. Quod ipse. |
120 |
| Trin/H13/D/M2/Mass Propers/1 |
Dominica decima tertia |
BenP |
Christus Iesus, qui est finis legis ad iustitiam omni credenti: inspiret vobis suam et proximi dilectionem, ut hereditate possideatis solis Christi fidelibus debitam benedictionem. Amen. Det vobis ab omnibus vitae praesentis periculis exui, et virtutum spiritualium ornamentis indui. Amen. Quo, illius adiutorio fulti, sic illi serviatis in terris, ut ei coniungi valeatis in caelis. Amen. Quod ipse praestare. |
121 |
| Trin/H13/D/M2/Mass Propers/2 |
Alia |
BenP |
Omnipotens Deus det vobis spiritum compassionis et viscera misericordiae, ut vulnera proximorum manu lenitatis noveritis adtrectare. Amen. Doceat vos non despicere proximum, qui, a visione pacis peregrinus, in latrones potuit incidere, ne frigidi a calore caritatis, in duritia cordis vestri vulneratum praetereatis. Amen. Quatenus, diligendo proximum, sic de inferiori ad superiorem caritatis gradum conscendatis, ut, caelestis Ierusalem municipes facti, beatis oculis in sua gloria in Sion Deum deorum videatis. Amen. Quod ipse. |
121 |
| Trin/H14/D/M2/Mass Propers/1 |
Dominica decima quarta |
BenP |
Tribuat vobis Dominus carnis desideria conterere, ut, in spiritu ferventes, possitis per viam salutis incedere. Amen. Emundet vos a leprae interioris contagio, ut digni inveniamini sanctorum consortio. Amen. Ut, hic mundatori vestro gratias agentes, ad caelestem Ierusalem perveniatis ovantes. Amen. Quod ipse praestare. |
122 |
| Trin/H14/D/M2/Mass Propers/2 |
Alia |
BenP |
Compungat vos omnipotens Deus peccatorum vestrorum vulnera voluntarie ipsi, vero sacerdoti et humiliter ostendere, ut virus, quod intus male latuerat, per confessionem foras salubriter erumpat. Amen. Sanet ipse in vobis, quicquid, suggerente diabolo, in animabus vestris carnis conspersio maculaverat, ut ipse conditor, quam dedit, imaginem suam in vobis recognoscat. Amen. Quatenus, eundem medicum et praeceptorem per omnia audientes, quicquid in mandatis decalogi deliquistis, sic perfecte corrigatis, ut, in decimum militiae caelestis ordinem conscripti, filiorum Dei characterem accipiatis. Amen. Quod ipse praestare. |
122 |
| Trin/H15/D/M2/Mass Propers/1 |
Dominica decima quinta |
BenP |
Omnipotens Deus cuncta a vobis adversa potenter excludat, et super vos suae benedictionis dona dignanter infundat. Amen. Corda vestra efficiat sacris intenta doctrinis, quo possint impleri beneficiis sempiternis. Amen. Quatenus, exsequenda intelligentes, et intellecta exsequentes, et inter adversa mundi inveniamini indemnes, et beatorum spirituum efficiamini coheredes. Amen. Quod ipse. |
123 |
| Trin/H15/D/M2/Mass Propers/2 |
Alia |
BenP |
Omnipotens Deus inspiret vobis omnem sollicitudinem vestram in ipsum, largitorem bonorum omnium, iactare, qui potens est omnia vobis ad sufficiendum donare. Amen. Contentos vos faciat praesentibus, et liberet a sollicitudine crastina, ut sufficiat diei malitia sua. Amen. Quatenus sic haec caduca in sumptum, non in praemium accipiatis in itinere, ut, finita via, non computentur vobis in retributione. Amen. Quod ipse. |
123 |
| Trin/H16/D/M2/Mass Propers/1 |
Dominica decima sexta |
BenP |
Omnes dies vestros Dominus in sua pace disponat, et suae vobis benedictionis dona concedat. Amen. Ab omnibus vos perturbationibus liberet, et mentes vestras in suae pacis tranquillitate consolidet. Amen. Quatenus, fidei, spei et caritatis gemmis ornati, et praesentem vitam transeatis illaesi, et ad aeternam perveniatis securi. Amen. Quod ipse praestare. |
124 |
| Trin/H16/D/M2/Mass Propers/2 |
Alia |
BenP |
Omnipotens Deus, qui, ut vos sanctificaret per suum sanguinem, extra portam passus est: voluntarie vos portantes eius improperium, extra castra exire faciat secum. Amen. Efferat vos, in peccato mortuos, confitendo de conscientiae latibulis, ut vivificatorem vestrum, in porta vobis occurrentem, inveniatis. Amen. Quatenus, vivificati ad gaudium matris Ecclesiae, per paenitentiam resurgatis, qui, delectationibus consentientes, in mortem peccati per consensum vos lapsos non ignoratis. Amen. Quod ipse praestare. |
124 |
| Trin/H17/D/M2/Mass Propers/1 |
Dominica decima septima |
BenP |
Omnipotens Deus dexterae suae perpetuo vos circumdet auxilio, et benedictionum suarum repleat dono. Amen. Ab omni vos pravitate defendat, et benedictione caelesti exuberare faciat. Amen. Quo, corpore ac mente mundati, talem illi exhibeatis servitutem, per quam eius consequi valeatis promissionem. Amen. Quod ipse. |
125 |
| Trin/H17/D/M2/Mass Propers/2 |
Alia |
BenP |
Deus, qui Filium suum, ab aeterno impassibilem, pro vobis ex tempore virum dolorum fecit, et scientem infirmitatem, medicante eodem Filio, sanet in vobis inflationem superbiae, ne ille rex vester sit, cuius oculus videt omne sublime. Amen. Restinguat in vobis immoderatam sitim avaritiae, ne, adepto, quod supra indigentiam prava concupiscentia quaesierat, etiam habendi desiderium ad perniciem animae deterius inardescat. Amen. Et ipse fons vitae spiritali medicamento sitim istam in cordibus vestris sic reprimat, ut, quibus dederit huiusmodi incendia sua virtute domare, det etiam aeternae Gehennae supplicia declinare. Amen. Quod ipse. |
125 |
| Trin/QuT/f4/M2/Mass Propers |
Feria quarta |
BenP |
Deus, qui credentibus omnia possibilia esse pollicitus est: faciat vos firmamentum fidei solide in omnibus et longanimiter tenere, sine qua ipsi est impossibile complacere. Amen. Adiiciat vobis ieiunii observantiam et voluntariam macerationem carnis, ut, redacto copore in servitutem spiritus, spiritales nequitias, quae per gulam vicerant, per abstinentiam revincatis. Amen. Quatenus, et foris ab epulis, et intus a delectationibus noxiis abstinentes, ad patriam illam salutaribus ieiuniis redeatis, de qua per concupiscentiam cibi vetiti hucusque miserabiliter exsulatis. Amen. Quod ipse. |
126 |
| Trin/QuT/f6/M2/Mass Propers |
Feria sexta |
BenP |
Deus, in cuius conspectu iustificari non potest omnis vivens: spontanee vos diligat illo suae dilectionis affectu gratuito, quo, pro nobis mortuus, cum inimici essemus, reconciliavit nos Deo. Amen. Et, qui misericordiam vult, et non legale sacrificium, debitores suos misericorditer absolvat ab omnibus accusantis conscientiae debitis, ut cum peccatrice femina dimissorem vestrum propensius diligatis. Amen. Quatenus, cum illa de praeteritis excessibus paenitentes, et plenam remissionem consecuti, eius exemplo etiam vos violentiam faciatis regno Dei. Amen. Quod ipse praestare. |
127 |
| Trin/QuT/S/M2/Mass Propers |
Sabbato |
BenP |
Christus Iesus, qui, apud Patrem pro nobis interpellans, pro peccatis vestris propitiatio factus est: vos, quos, de oleastro excisos, in bonam olivam voluit inseri, et in vinea sua plantari, nec succidi vos patiatur, nec eradicari. Amen. Et ipse vinitor circumfodiat, sarmenta luxuriae resecet, et ad radicem cordis mittat cophinum stercoris, ut de foetore ad pinguedinem spiritalium fructuum revirescatis. Amen. Quatenus, ab eo plantati secus decursus aquarum, non defluente folio, sic fructum detis in suo tempore, ut abiudicet vos ipse fructus vester ab igne. Amen. Quod ipse praestare. |
128 |
| Trin/H18/D/M2/Mass Propers |
Dominica decima octava |
BenP |
Emundet Dominus conscientias vestras ab omni malitia, et repleat sanctificatione perpetua. Amen. Vota vestra clementer intendat, et peccata omnia propitiatus indulgeat. [Amen. Quae pie optatis, miseratus attribuat, et, quae pavescitis, pius propugnator procul repellat. Amen. Quod ipse praestare.] |
128 |
| Aug/9/Laurentius martyr (Vigilia)/M2/Mass Propers |
[In vigilia sancti Laurentii] |
BenP |
[Deus, in quo vita vestra abscondita est, inspiret vobis, [ut] passiones huius temporis ad futuram gloriam, quae in vobis revelanda est], condignas non existimetis. Amen. Doceat vos beati Laurentii, martyris sui exemplo improperium pro nomine Iesu portare, quem neque mors, neque vita, neque instantia, neque futura a caritate divina poterant separare. Amen. Quatenus, in hoc saeculo bona opera seminantes cum lacrimis, vitam postea aeternam in exsultatione metatis. Amen. Quod ipse. |
129 |
| Aug/10/Laurentius martyr/M2/Mass Propers |
In die sancto |
BenP |
Deus, qui ignem suum misit in terras, ut ardeat: in eodem vos suae dilectionis igne vehementer accendat. Amen. Iam dominari peccatum non permittat in mortali vestro corpore, in cuius virtute beato Laurentio non carcer, non vincula, non eculeus, non incendia, non mors ipsa poterant praevalere. Amen. Quatenus eius exemplo sic animas vestras in hoc mundo perfecto odio habeatis, ut et Deus in vobis, et vos in Deo in vitam aeternam eas custodiatis. Amen. Quod ipse praestare. |
129 |
| Aug/15/Assumptio BMV/M2/Mass Propers |
In Assumptione sanctae Mariae |
BenP |
Deus, qui de intemerato utero beatae Virginis pro salute omnium, tamquam sponsus de thalamo, processit in mundum: det vobis, ut, qui eius hodie assumptionem devote colitis, sanctissima eius intercessione divinae super vos misericordiae viscera sentiatis. Amen. Dignos vos faciat divinae benedictionis gratia, quae originalem mulieris maledictionem evacuavit, inter mulieres singulariter benedicta. Amen. Quatenus, ipsa pro vobis interpellante, ingredi mereamini in illam requiem, quo illa hodie, exsultantibus angelis, gloriose meruit introire. Amen. Quod ipse praestare dignetur. |
130 |
| Aug/29/Ioannes Baptista (Decollatio)/M2/Mass Propers |
In Decollatione sancti Ioannis Baptistae |
BenP |
Deus, qui beatum Ioannem, praecursorem suum, pro zelo iustitiae agonem martyrii truncatione capitis voluit consummare: effundat super vos misericordiam suam, tam pretiosi martyris suffragantibus meritis, quo inter natos mulierum maior non surrexit. Amen. Sit ipse ad aures Dei vox vestra, cuius et erat vita incomparabilis, et mors in conspectu Domini pretiosa. Amen. Quatenus eius precibus et exemplis securim illam iudicii, pertingentem usque ad divisionem spiritus et animae, salubriter possitis declinare. Amen. Quod ipse. |
130 |
| Sep/8/Nativitas BMV/M2/Mass Propers/1 |
In Nativitate sanctae Mariae |
BenP |
Deus, qui per beatae Virginis Mariae partum genus humanum dignatus est redimere: sua vos dignetur benedictione locupletare. Amen. Eius quoque semper et ubique patrocinia sentiatis, ex cuius intemerato utero auctorem vitae suscipere meruistis. Amen. Ut, qui, ad eius celebrandam nativitatem, hodierna die convenistis, mentibus devotis spiritalium gaudiorum et aeternorum praemiorum vobiscum munera reportetis. Amen. Quod ipse. |
131 |
| Sep/8/Nativitas BMV/M2/Mass Propers/2 |
Alia |
BenP |
Benedicat vos Deus, interveniente sancta Genitrice sua, ex qua ipse, ut vos benedictionis filios faceret, secundum carnem natus est, qui est benedictus in saecula. Amen. Et, qui virgam hanc hodie suscitavit de radice Iesse, de qua ipse, flos noster, ascenderet, det vobis super omnia virgam hanc competenter honorare, ut fructum eius suavissimum mereamini ad salutem gustare. Amen. Quatenus omnes vos, qui in Nativitate eiusdem Genitricis suae debitae laudis obsequium impenditis, ipsa pro vobis orante, septiformis Spiritus gratiam mereamini accipere, quem super hunc florem creditis essentialiter requievisse. Amen. Quod ipse. |
132 |
| Sep/14/Exaltatio Crucis/M2/Mass Propers |
In Exaltatione sanctae Crucis |
BenP |
Deus, qui pro vobis maledictum factus est, ut vos a maledicto absolveret: per sanctam Crucem suam a veteri vos maledicto eripiat, et inter filios aeternae benedictionis ascribat. Amen. Et, qui, exaltatus a terra, omnia traxit ad se, corda vestra exaltet a terrenis desideriis, ut ad eum, qui sursum est, corde et animo suspiretis. Amen. Quatenus, qui eiusdem sanctae Crucis exaltationem colitis, in eadem Cruce gloriemini, et in illo, qui vita vestra est, semper vivatis. Amen. Quod ipse praestare. |
132 |
| Sep/29/Michael/M2/Mass Propers/1 |
In honore sancti Michaelis |
BenP |
Sancti Michaelis archangeli sui intercessione vos Dominus benedicat, et ab omni malo defendat. Amen. Eius vos efficiat suffragio caelestis regni participes, cuius sollemnitatis diem celebratis gaudentes. Amen. Quo, eius fulti munimine et interventione, ad promissae hereditatis gaudia possitis pervenire. Amen. Quod ipse praestare. |
133 |
| Sep/29/Michael/M2/Mass Propers/2 |
Item alia: |
BenP |
Omnipotens Deus contra spiritales nequitias praesidiis vos tueatur angelicis, qui eosdem beatos spiritus in ministerium misit propter eos, qui hereditatem cupiunt salutis. Amen. Et ille, caelestis militiae princeps, Michael legationem vestram hodie ad aures Domini Sabaoth perferat, ut super altare aureum in conspectu Domini bene redolens orationum vestrarum fumus ascendat. Amen. Quatenus ipse in virtute divina draconem diabolum cum angelis suis apostaticis devincat, qui contra fideles cottidie proeliatur, ut locus eius in vobis amplius non inveniatur. Amen. Quod ipse. |
134 |
| Oct/31/Omnes Sancti (Vigilia)/M2/Mass Propers |
In vigilia Omnium Sanctorum |
BenP |
Omnipotens Deus benedicat vos, omnium sanctorum suorum intercedentibus meritis, quorum communem hodie sollemnitatem devote praevenitis. Amen. Adiuvent vos ipsi eam, quam consecuti sunt, misericordiam consequi, ne vos, coheredes suos, neglegant, qui adhuc formidatis naufragium, quia ipsi feliciter iam pervenerunt ad portum. Amen. Quatenus, dum et vos suis precibus in sortem aeternae beatitudinis aggregant, celerius, impleto electorum numero, succedat resurrectio corporum, quam exspectant. Amen. Quod ipse. |
134 |
| Nov/1/Omnes Sancti/M2/Mass Propers/1 |
In festo Omnium Sanctorum |
BenP |
Omnipotens et misericors Deus, qui solus cuncta potentiae suae ambitu atque mirae dispensationis ordine complectitur: cursum vitae vestrae propitius moderetur. Amen. Ut ad beatorum spirituum stabilitatem per mandatorum ipsius observationem pertingatis et voluntatem. Amen. Quique sanctos suos martyrio fecit idoneos regno caelorum, vos paupertate spiritus dignetur efficere consortes eorum. Amen. Quod ipse. |
135 |
| Nov/1/Omnes Sancti/M2/Mass Propers/2 |
Item alia |
BenP |
Deus, qui vobis in hanc diem omnium sanctorum suorum celebritatem contulit: expergefaciat vos a somno torporis et negligentiae, ut, quicquid per annum in singulis singulorum nataliciis quoquo modo neglexistis, in communi eorum veneratione recuperetis. Amen. Et, qui, cordis et renum cognitor, innumera in vobis pro humana infirmitate videt peccatorum vulnera, multiplicatis horum intercessionibus, multa vobis indulgentiarum provideat medicamenta. Amen. Quatenus, tot intercessorum beneficiis a peccatorum sordibus abluti, et a servitute corruptionis iam liberi, mereamini cum his in numero signatorum inveniri. Amen. Quod ipse. |
136 |
| Nov/11/Martinus Turonensis/M2/Mass Propers |
In natali sancti Martini |
BenP |
Deus, qui beato Martino pro incomparabilis vitae meritis et regale sacerdotium contulit, et virtutibus eum atque miraculis magnificavit: eius vos et sanctissima intercessione sibi conciliet, et tam moribus, quam verborum institutis ad vitam informet. Amen. Doceat vos in suo praesule opera misericordiae etiam supra facultatem amare, ut, quem ille, adhuc catechumenus, vestitum vidit parte suae chlamydis, vos in novissimo coram hominibus et angelis iam non iudicem, sed retributorem videatis. Amen. Quatenus, duplicatam reportantes Domini vestri pecuniam, talem de commisso rationem reddatis, ut inenarrabile gaudium Domini vestri cum fidelibus eius servis introeatis. Amen. Quod ipse. |
136 |
| Nov/22/Caecilia/M2/Mass Propers |
In natali sanctae Caeciliae |
BenP |
Benedic hanc, quaesumus, Domine, beatae Caeciliae virginis interventu familiam, qui illam acquisisti fide, honorasti pudore, glorificasti certamine. Amen. Repleatur illo Spiritus tui igne, qui illi affuit, cum illam ignis torreret, cum ungula raderet, cum eculeus fatigaret, cum gladius iugularet. Amen. Ut, dum se abnegat, in te exsultat, tua protegatur dextera, cuius illa est elevatione erecta. Amen. Quod ipse. |
137 |
| Nov/30/Andreas apostolus/M2/Mass Propers |
In natali sancti Andreae |
BenP |
Deus, qui beatum Andream apostolum crucis triumpho levasti ad caelum: contra callidi serpentis venenum infunde cordibus nostris illius salutis, pro qua passus est, poculum. Amen. Quique, relictis retibus et navi, te secutus est Dominum, obtineat apud te, quaesumus, ut, a vano huius mundi libitu absoluti, te sequamur medicum securi. Amen. Secundo ut cum fulseris, blandus iustis, terrificus impiis, ipsius precibus tibi collocemur in dextris. Amen. Quod ipse. |
138 |
| Dec/6/Nicolaus/M2/Mass Propers |
In natale sancti Nicolai |
BenP |
Rege, Domine, corda plebis tuae per arma iustitiae, absterge ab illa lasciviam carnis iniquae, ut, quae optat, beato Nicolao, confessore tuo intercedente, obtineat, qui, te inspirante, tres eripuit virgines auri splendore ab obsceno stupri foetore. Amen. Obtineat, quaesumus, Domine, in tremendo tuo examine sententiam potius remissoris, quam iudicis, qui tres iuvenes pro tuo nomine defendit a crudeli censura comitis, iniuste illos damnantis. Amen. Ipsius precibus, Domine, inter varia huius mundi discrimina protegat nos tuae fortitudinis dextera, quae, suis protensa meritis, ne saevientis mergerentur fluctibus maris, te invocantibus affuit nautis. Amen. Quod ipse. |
138 |
| apostolus unus (vigilia)/M2/Mass Propers |
In vigilia unius apostoli |
BenP |
Dominus, qui veniet in sanctis milibus suis, facere iudicium, et arguere omnes impios: per intercessionem beati apostoli sui, N., conservet vos sine peccato, et constituat ante conspectum gloriae suae immaculatos. Amen. Conscribat vos per eius merita cives et domesticos civitatis supernae, qui aliquando promissionis Dei hospites fuistis et advenae. Amen. Ut, supra fundamentum apostolorum et prophetarum fundati, crescatis in templum sanctum sancti Dei, ipso Iesu Christo lapide angulari. Amen. Quod ipse. |
139 |
| apostolus unus/M2/Mass Propers |
In natali unius apostoli |
BenP |
Deus, qui vos scuto fidei, quam beatus N. apostolus professus est, voluit communiri: concedat vobis in eo exstinguere tela ignea nequissimi. Amen. Ut, dum descenderit pluvia, venerint flumina, flaverint venti, fundati supra petram, maneatis inconcussi. Amen. Quatenus, in mandatis eius capientes profectum, crescatis in gentem sanctam, genus electum, regale sacerdotium. Amen. Quod ipse praestare dignetur. |
140 |
| evangelista/M2/Mass Propers/1 |
In natali unius evangelistae |
BenP |
Deus, qui in quattuor paradisi fluminibus quattuor evangelistarum mysteria ab initio praesignavit, Sancti Spiritus vos illustratione fecundet, et vivi fontis emanatione laetificet. Amen. Quique evangelicae fluento doctrinae corda fidelium infudit et satiavit, hodierna interveniente sollemnitate, peccatorum vestrorum rubiginem tollat, et eiusdem fluminis adventatione communicet. Amen. Quo et superni muneris dono mens irradiata resplendeat, et, beati N. evangelistae intervenientibus meritis, gaudeat, et paradisi praemiis hilarescat. Amen. Quod ipse praestare. |
140 |
| evangelista/M2/Mass Propers/2 |
Alia |
BenP |
Omnipotens Deus, fons ille paradisi, per quem in quattuor fluminibus totus terrae ambitus est irrigatus: unitatem catholicae fidei in totam Ecclesiae latitudinem dignetur diffundere, quam in quattuor mundi terminos totidem veritatis testibus voluit derivare. Amen. Et, qui evangelistarum suorum mysterium, ostensis caeli animalibus, praefiguravit, faciat vos eorum exemplo pedibus solidis et rectis ante faciem vestram incedere, non post agnitionem veritatis retrorsum redire. Amen. Quatenus, ex eorum litteris liquorem vitae haurientes, omnem vitae vestrae ordinem sic ad ea, quae sursum sunt, componatis, ut ad eorum similitudinem in omni actione vestra circumspectionis oculos habeatis. Amen. Quod ipse. |
141 |
| apostoli plures (vigilia)/M2/Mass Propers |
In vigilia plurimorum apostolorum |
BenP |
Inspiret vobis omnipotens Deus per apostolicas intercessiones, ut patienter sufferatis huius temporis momentaneas passiones, per hoc consolantes invicem in hac valle plorationis, quia non sunt condignae ad futuram gloriam, quae revelabitur in vobis. Amen. Quatenus per eosdem, quos Mater Ecclesia in multa tristitia peperit, quique vos in Christo genuerunt, in regno congaudeatis, in quo, convivantes cum sponso, ulterius non lugeatis. Amen. Sic etiam, cantantes canticis spiritalibus, et psallentes in cordibus vestris, eorum annua festa praecedatis, ut eam, quae carnalis est, exuti maculatam tunicam, quandoque ad ea, quae perenniter sunt, continua perveniatis. Amen. Quod ipse. |
142 |
| apostoli plures/M2/Mass Propers/1 |
In natali plurimorum apostolorum |
BenP |
Deus, qui vos in apostolicis tribuit consistere fundamentis, benedicere vos dignetur beatorum apostolorum suorum, N., intercedentibus meritis. Amen. Defendat vos a cunctis adversis apostolicis praesidiis, qui vos eorum voluit ornari et munerari exemplis et documentis. Amen. Quo per eorum intercessionem perveniatis ad aeternae patriae hereditatem, per quorum doctrinam tenetis fidei integritatem. Amen. Quod ipse praestare. |
143 |
| apostoli plures/M2/Mass Propers/2 |
Item alia |
BenP |
Deus, qui per apostolicae praedicationis documenta et ministerium fidem suam disseminavit in orbem terrarum: beatorum apostolorum, N., et magisterio vitam vestram corrigat, et pio tueatur patrocinio, quorum natalem debitae devotionis celebratis officio. Amen. Faciat eos pro peccatis vestris apud se proficue intervenire, quorum verba in fines terrae voluit exire. Amen. Quatenus, qui fuistis aliquando hospites et peregrini, iam superaedificati supra fundamentum apostolorum et prophetarum, concives sanctorum esse mereamini et domestici Dei. Amen. Quod ipse. |
143 |
| martyr unus/M2/Mass Propers/1 |
In natali unius martyris |
BenP |
Beati martyris, N., intercessione vos Dominus benedicat, et ab omni malo defendat. Amen. Extendat in vos dexteram suae propitiationis, qui eum suscepit per supplicia passionis. Amen. Quo eius in caelo mereamini habere consortium, cuius devotis mentibus in terra celebratis triumphum. Amen. Quod ipse praestare. |
144 |
| martyr unus/M2/Mass Propers/2 |
Alia |
BenP |
Doceat vos omnipotens Deus aemulatione sui martyris, N., in hoc stadio legitime certare, ut, non quasi aerem verberantes, repositam iustitiae coronam mereamini reportare. Amen. Eius vos interventu reinduat tunica innocentiae, qui, spectaculum angelis factus et hominibus, stolam suam in sanguine Agni meruit dealbare. Amen. Quatenus eius meritis et exemplis sic vita vestra et omnis actio corrigatur, ut, sicut mors eius in conspectu Domini pretiosa est, ita et anima vestra in morte iustorum moriatur. Amen. Quod ipse. |
144 |
| martyres plures/M2/Mass Propers/1 |
In natali plurimorum martyrum |
BenP |
Benedicat vos Dominus beatorum martyrum suorum, N., suffragiis, et liberet a diabolicae fraudis perturbationibus universis. Amen. Commendet vos eorum intercessio gloriosa, quorum in conspectu eius mors est pretiosa. Amen. Ut, sicut illi per diversa genera tormentorum caelestis regni sortiti sunt hereditatem, ita vos eorum mereamini consortium per bonorum operum exhibitionem. Amen. Quod ipse praestare dignetur. |
145 |
| martyres plures/M2/Mass Propers/2 |
Alia |
BenP |
Deus, in cuius laudem et gloriam beati martyres, N., spectaculum facti sunt et angelis et hominibus: concedat vos, illorum fidei constantiam imitando, et patientiae eorum documenta sequi in omnibus. Amen. Longanimiter ad exemplum illorum sustineatis passiones huius temporis, ut futura gloria reveletur in vobis. Amen. Ut, cum creatura, quae vanitati subiecta est, liberabitur a servitute corruptionis, et vos per interventum illorum in libertatem gloriae filiorum Dei resurgatis. Amen. Quod ipse. |
146 |
| confessor unus/M2/Mass Propers/1 |
In natali unius confessoris |
BenP |
Omnipotens Deus det vobis copiam suae benedictionis, qui beatum N. sibi ascivit virtute confessionis. Amen. Et, qui illum fecit coruscare miraculis, exornet vos bonorum operum incrementis. Amen. Quo, eius exemplo eruditi, et intercessione muniti, cuius depositionis diem celebratis, huic in caelesti regione adiungi valeatis. Amen. Quod ipse. |
146 |
| confessor unus/M2/Mass Propers/2 |
Alia: |
BenP |
Omnipotens Deus conterat Satanam velociter sub pedibus vestris, beati N., confessoris sui, opitulantibus meritis, cuius felicem transitum hodie debita devotione celebratis. Amen. Largiatur vobis, ut simplices sitis in malo, sapientes autem et perfectos esse in bono. Amen. Ut, cum princeps pastorum apparuerit, immarcescibilem coronam gloriae recipiatis. Amen. Quod ipse. |
147 |
| confessores plures/M2/Mass Propers |
In natali plurimorum confessorum |
BenP |
Beatorum confessorum, N., meritis vos Dominus faciat benedici, et contra adversa omnia eorum intercessione muniri. Amen. Horum vos faciat suffragio felices, quorum festivitatis diem celebratis ovantes. Amen. Quo, eorum imitantes exempla, ad caelestia possitis pervenire promissa. Amen. Quod ipse. |
147 |
| virgo una/M2/Mass Propers/1 |
In natali unius virginis |
BenP |
Sanctificet Dominus Ecclesiam suam, qui beatam N. virginem acquisivit fide, honoravit pudore, glorificavit certamine. Amen. Repleat [vos] illo spiritu, qui martyri affuit, dum ignis torreret, dum ungula raderet, eculeus fatigaret. Amen. Ut, dum se abnegat, Christum persultat, illius collocetur in dextera, cuius est electione vocata. Amen. Quod ipse. |
148 |
| virgo una/M2/Mass Propers/2 |
Item alia |
BenP |
Christus Iesus, cui desponsi estis, uni viro virgo casta: custodiat vos meritis beatae N. virginis, ne sensus vestri corrumpantur, et excidant ab ea, quae est in ipso, simplicitate. Amen. Praestet vobis, ut, utentes hoc mundo, tamquam non utamini, solliciti, quomodo placeatis Deo, sancti sitis corpore et spiritu. Amen. Quatenus, cum figura mundi huius praeterierit, sanctimoniae vestrae studio Deum videre mereamini. Amen. Quod ipse. |
148 |
| virgines plures/M2/Mass Propers |
In natali plurimarum virginum |
BenP |
Omnipotens Deus, intercedentibus sanctis virginibus suis, N., vos dignetur benedicere, qui de antiquo hoste non solum per viros, verum etiam per feminas voluit triumphare. Amen. Et, qui illis voluit centesimi fructus donum decore virginitatis et agone martyrii conferre, vos dignetur et vitiorum squaloribus expurgare, et virtutum lampadibus exornare. Amen. Quatenus virtutum oleo ita pectorum vestrorum lampades possint impleri, ut cum eis caelestis sponsi thalamum possitis ingredi. Amen. Quod ipse. |
149 |
| in ordinatione episcopi/M2/Mass Propers/1 |
In ordinatione episcopi |
BenP |
Deus, ad quem respicit sacerdotum sollertia, regnantium victoria, populi disciplina, qui ob hoc praeponis pontifices, ut habeat clerus vigilantiam, Ecclesia reverentiam, plebs devota custodiam, pauperes alimoniam: dignare hoc in nobis caelesti fonte diffundere, quod, dispensante sacerdote, plebs possit pro salute haurire. Amen. Concedas agendi normam, loquendi fiduciam, vivendi temperantiam, monendi doctrinam. Amen. Ut, impendente pontifice studium, plebe praebente assensum, mereatur pastor consequi gratiam, grex medelam. Amen. Quod ipse praestare. |
149 |
| in ordinatione episcopi/M2/Mass Propers/2 |
Alia |
BenP |
Deus, qui populis suis indulgendo consulit, et amore dominatur: det Spiritum sapientiae, quibus tradidit regimen disciplinae, ut de profectu sanctarum ovium fiant gaudia aeterna pastorum. Amen. Et, qui dierum nostrorum numerum temporumque mensuras maiestatis suae potestate dispensat, propitius ad humilitatis nostrae servitutem respiciat, et pacis suae abundantiam nostris temporibus praetendat, nosque per eam feliciter incedere concedat. Amen. Collatis quoque in me per gratiam suam propitietur muneribus, et, quem fecit gradu episcopali sublimem, faciat operum sibi perfectione placabilem, atque in illum affectum dirigat cor plebis et praesulis, ut nec pastori oboedientia gregis, nec gregi desit umquam cura pastoris. Amen. Quod summa Trinitas praestare dignetur, quae quibuslibet, foris impendentibus ministerium, ipsa sola intrinsecus dare potest incrementum in saecula saeculorum. Amen. Quod ipse. |
150 |
| in synodo/M2/Mass Propers/1 |
In conventu episcoporum |
BenP |
Deus, qui post gloriosum ascensum suum numquam se deesse fidelibus suis promisit: largiatur sacerdotibus suis illam gratiam, qua sint perfecti regimine, ferventes in caritate. Amen. Indulgeat eorum obtentu peccatoribus populis veniam, qui iustis polliceri dignatus est coronam; erudiat eos sanctis dogmatibus, et multiplicet iustitiae fructus in eorum operibus. Amen. Ut, pastorum cura muniti, evadant supplicia Tartarea, et adipisci mereantur regni gloriam et gaudia sempiterna. Amen. Quod ipse. |
151 |
| in synodo/M2/Mass Propers/2 |
Quando fratres ad sua redeunt |
BenP |
Christus, Dei Filius, qui est initium et finis: complementum vobis tribuat caritatis. Amen. Et, qui vos ad expletionem huius fecit pervenire concilii, absolutos vos faciat ab omni contagione delicti. Amen. Ut, ab omni reatu liberiores effecti, absoluti etiam per donum Spiritus Sancti, felici reditu vestrarum sedium cubilia repetatis illaesi. Amen. Quod ipse praestare dignetur, cuius regnum et imperium sine fine permanet in saecula saeculorum. |
152 |
| in synodo, pro rege/M2/Mass Propers/1 |
Super regem in synodo |
BenP |
Omnipotens Deus, qui te voluit populi sui esse rectorem: ipse te caelesti benedictione sanctificet, et aeterni regni faciat esse consortem. Amen. Concedatque tibi contra omnes fidei Christianae hostes visibiles atque invisibiles victoriam triumphalem, et pacis ac quietis Ecclesiae sanctae felicissimum te fieri longe lateque fundatorem. Amen. Quatenus, te gubernacula regni tenente, populus, tibi subiectus, Christianae religionis iura custodiens, undique tutus, pace tranquilla perfruatur, et, te in concilio beatorum regum collocato, aeterna felicitate ibidem tecum pariter gaudere mereatur. Amen. Quod ipse. |
152 |
| in synodo, pro rege/M2/Mass Propers/2 |
Super regem tempore synodi |
BenP |
Benedicat tibi Dominus, custodiatque te, et, sicut te voluit super populum suum constituere regem, ita et in praesenti saeculo felicem, et aeternae felicitatis tribuat esse consortem. Amen. Clerum ac populum, quem sua voluit opitulatione tua sanctione congregari, sua dispensatione et tua administratione per diuturna tempora faciat feliciter gubernari. Amen. Quatenus, divinis monitis parentes, adversitatibus omnibus carentes, bonis omnibus exuberantes, tuo magisterio fideli amore obsequentes, et in praesenti saeculo pacis tranquillitate fruantur, et tecum aeternorum civium consortio potiri mereantur. Amen. Quod ipse. |
153 |
| in tempore belli/M2/Mass Propers/1 |
In tempore belli |
BenP |
Domine, Iesu Christe: rogamus te, pastor bone, qui temetipsum nostri causa dedisti pro pretio, defende nos tui sanguinis commercio. Amen. Ut et hic semper te sentiamus praevium, et in aeterna beatitudine, te remunerante, mereamur accipere praemium. Amen. Tu ergo nos, Domine, Iesu Christe, benedictionis rore perfunde, ut, in praesenti vita positi, de omnibus inimicis te habeamus ereptorem, et hic et in aeternum sentiamus protectorem. Amen. Quod ipse. |
154 |
| in tempore belli/M2/Mass Propers/2 |
Alia: |
BenP |
Omnipotens Deus Sabaoth, qui confortavit seras portarum Sion: ponat in finibus vestris pacem, et in virtute brachii sui inimicos vestros conterat, ut dormiatis, et non sit, qui exterreat. Amen. Auferat gladium, ne terminos vestros transeat, et insurgentes contra vos caelesti virtute potenter allidat. Amen. Ponat inimicos vestros, sicut stipulam ante faciem venti, ut hi in curribus, et hi in equis, vos autem in nomine Domini fiduciam et turrim fortitudinis habeatis. Amen. Quod ipse. |
154 |
| in tempore belli/M2/Mass Propers/3 |
Item alia: |
BenP |
Populi tui, Deus, institutor et rector: peccata, quibus expugnatur, averte, ut, semper tibi placitus, et tuo munimine sit securus. Amen. Da plebi tuae, Domine, piae semper devotionis affe{e}ctum, ut, quae prava sunt, respuens, sancta conversatione firmetur, et, a peccatis libera, nullis adversitatibus atteratur. Amen. Succurre, Domine, quaesumus, populo supplicanti, et opem tuam tribue benignus infirmis, ut, sincera mente devoti, et praesentis vitae remediis gaudeant, et futurae. Amen. Quod ipse. |
155 |
| contra mortalitatem/M2/Mass Propers |
Pro mortalitate |
BenP |
Deus, qui non mortem, sed paenitentiam desideras peccatorum: populum tuum, quaesumus, sub potentia manus tuae prostratum, ad te converte propitius, et ab imminente morte defende placatus. Amen. Ut, dum tibi devotus exstiterit, iracundiae tuae flagella ab eo amoveas, atque a mortifero vastatore defendas. Amen. Praesta, Domine, ut, sicut sanctus Michael archangelus in conspectu tuo gloriosus adsistit, ita et pro populo curet exorare, ut gratiam tuam semper mereatur habere. Amen. Quod ipse. |
156 |
| pro iter agentibus/M2/Mass Propers |
Pro iter agentibus |
BenP |
Deus, via et veritas et vita: bonum illum Tobiae angelum in comitatu vestro dirigat, qui itinera vestra, cogitationes et omnes actus in beneplacito eius disponat. Amen. Ducat vos per vias iustitiae et veritatis, ut, quasi filii lucis et diei, ambulantes in luce, et non in tenebris, adversantium offendicula non timeatis. Amen. Quatenus, ipso protectore et praeduce, sic viae et vitae huius cursum inoffense peragatis, ut, ad aeternam patriam redeuntes, in itinere non deficiatis. Amen. Quod ipse. |
156 |
| pro navigantibus/M2/Mass Propers |
Pro navigantibus |
BenP |
Hic populus tuus, Domine, tuo gubernetur auxilio, et brachio tuae maiestatis protegatur, ne eum pelagi furentis unda conturbet, nec a tempestatis facie terreatur. Amen. Navem eorum maiestatis tuae dextera tueatur, ut cor eorum fidei salutaris aug{u}mento impleatur, catholicae fidei anchora tenea{n}tur, ut undas pelagi saevientis securi pertranseant. Amen. Mercimonia divinae voluntatis peragant, ut fidem promissionis tuae percipere mereantur; manus eorum reple muneribus tuis, ut locum habeant in conversationibus sanctorum. Amen. Quod ipse. |
157 |
| pro monialibus/M2/Mass Propers |
Benedictio super ancillas Dei |
BenP |
Domine, Deus aeterne, qui utrumque sexum de interitu perpetuae mortis per Iesum Christum, Filium tuum, de Maria Virgine natum, misericorditer redemisti: has famulas tuas, devotis mentibus tibi servientes, omni benedictione spiritali benedicere dignare. Amen. Ut integram fidem habeant, et in praeceptis tuae legis semper perseverent, terrena et transitoria despiciant, aeterna et invisibilia intenta meditatione diligant. Amen. Ut, in numero sanctarum virginum permanentes, caelesti sponso cum lampadibus bonorum operum fiducialiter occurrere, ipso praestante, mereantur. Amen. Ipse vos benedicat de caelis, qui, per Crucem et sanguinem passionis suae vos redimere, dignatus est venire in terris. Amen. Quod ipse. |
158 |
| pro sponso et sponsa/M2/Mass Propers |
Super sponsum et sponsam |
BenP |
Deus omnipotens, qui ob reparationem perditae creaturae gemina distinxit hominem ratione: faciat vos capescere copulam benignitatis digne. Amen. Quique per Unigenitum gemina et consona testamenta veteris et novae legis spiritaliter voluit intelligi, spiritualem gratiam in huius nexionis vinculo faciat adipisci. Amen. Quo hic ditemini propagine filiorum, et, complendo servantes dilectionis donum, in futuro possideatis regna polorum. Amen. Quod ipse. |
159 |
| in synodo/M2/Mass Propers/1 |
In synodo prima die |
BenP |
Omnipotens Deus, qui dispersos Israel congregat: ipse vos hic et ubique custodiat. Amen. Et non solum vos custodiat, sed et ovium suarum idoneos custodes efficiat. Amen. Ut cum summo pastore Christo de gregum suorum pastione gaudeatis in caelo. Amen. Quod ipse praestare dignetur, cuius regnum et imperium sine fine permanet in saecula saeculorum. |
159 |
| in synodo/M2/Mass Propers/2 |
In secunda die |
BenP |
Dominus messis et corporalis et spiritualis: det vobis incrementa gratiae sacerdotalis. Amen. Ut, manu et lingua pauperes Christi recreantes, cum ipsis fiatis ovantes. Amen. Ut, ad dexteram Dei constituti, participium Agni Dei mereamini. Amen. Quod ipse praestare dignetur, qui, ante constitutionem mundi praedestinatos, et ante finem saeculi iustificatos, in fine mundi reddet glorificatos per infinita saecula saeculorum. Amen. Benedictio Dei. |
160 |
| in synodo/M2/Mass Propers/3 |
In tertia die |
BenP |
Cautos vos faciat Dominus contra peccata, a nobis vel a fratribus vestris admissa. Amen. Ut illa non neglegatis, sed studiose commendare curetis. Amen. Quatenus de lucro fraterno exsultetis cum Patre sempiterno. Amen. Quod ipse praestare dignetur, qui, in Trinitate unus, cuncta bona inchoat, perficit et conservat, et conservata sine fine remunerat in saecula saeculorum. Amen. |
160 |
| de cruce/M2/Mass Propers |
Benedictio de sancta Cruce, quando volueris |
BenP |
Oramus te, Iesu Christe, spes unica salutis humanae, ut per tuae Crucis signum vitale pectus nostrum munias, cor custodias, mentem clarifices, cogitationes purifices, totamque vitam ad tuum velle componendo sanctifices. Amen. Tua, quaesumus, Domine, crucifixio totum, quod in nobis tibi sit contrarium, consumat, iram exstinguat, linguam a vaniloquio compescat, carnalem aestum temperet, omnem mentis perturbationem pacificet, talesque tua nos efficiat clementia, ut tibi simus hostia viva. Amen. Ut, quando adveneris vivos ac mortuos mundumque omnem iudicare per ignem, obsecramus, ut tunc a flammis ultricibus sancta nos Crux eripiat, atque ab ira tua clementer defendat. Amen. Quod ipse praestare. |
161 |
| Confirmation/1 |
Oratio simul et benedictio pontificis ad confirma… |
Ben |
Spiritus Sanctus superveniat in vos, et virtus Altissimi sine peccato custodiat vos. Amen. |
162 |
| Confirmation/1 |
Oratio |
Or |
Omnipotens, sempiterne Deus, qui regenerare dignatus es hos famulos tuos vel famulas tuas, N., ex aqua et Spiritu Sancto, quique dedisti eis remissionem omnium peccatorum: emitte in eos septiformem Spiritum tuum Sanctum Paraclitum de caelis, Spiritum sapientiae et intellectus, Spiritum consilii et fortitudinis, Spiritum scientiae et pietatis; adimple eos Spiritu timoris tui, et consigna eos signo Crucis in vitam aeternam propitiatus. Per Dominum nostrum, Iesum Christum, Filium tuum, qui tecum vivit et regnat in unitate eiusdem Spiritus Sancti, Deus, per omnia saecula saeculorum. Amen. |
162 |
| Confirmation/1 |
|
F |
Quis vocaris? |
162 |
| Confirmation/2 |
Respondente patrino, dicat episcopus: |
F |
Confirmo te signo Crucis, et chrismate salutis, in nomine Patris, et Filii, et Spiritus Sancti. Amen. |
162 |
| Confirmation/1 |
|
W |
Pax tibi. Et cum spiritu tuo. |
162 |
| Confirmation |
Iterum, confirmatis omnibus, dicat hos versus epi… |
Ps |
Ecce, sic benedicetur homo, qui timet Dominum. |
163 |
| Confirmation/2 |
|
W |
Benedicat vobis Dominus ex Sion, ut videatis bona Ierusalem omnibus diebus vitae vestrae. |
163 |
| Confirmation/3 |
|
W |
Custodiat vos Dominus in timore suo sanctissimo. |
163 |
| Confirmation/4 |
|
W |
Qui vivit et regnat Deus in saecula saeculorum. Amen. |
163 |
| Confirmation/3 |
|
F |
Pax vobiscum. |
163 |
| Confirmation/2 |
Oratio |
Or |
Deus, qui apostolis tuis Sanctum dedisti Spiritum, et per eos eorumque successores ceteris fidelibus tradendum esse voluisti: respice propitius ad humilitatis nostrae famulatum, et praesta, ut eorum corda, quorum frontes sacro chrismate delinivimus, et signo Crucis designavimus, idem Spiritus Sanctus adveniens templum gloriae suae dignanter habitando perficiat. Per. |
163 |
| Confirmation/4 |
Finita oratione, dicat diaconus: |
F |
Humiliate vos ad benedictionem. Deo gratias. |
163 |
| Confirmation |
Confirmatis capita inclinantibus, benedictio sequ… |
BenP |
Effunde, quaesumus, Domine, super hos famulos tuos, N., caelestem benedictionem tuam, quibus per nos, exiguos, septiformem Spiritum Sanctum tuum tradere voluisti, atque eis gratiam eiusdem Spiritus Sancti et dona largire. Amen. Ut, qui sunt ex aqua et Spiritu Sancto renati, fiant eius protectione muniti. Amen. Redundet in eis gratia diffusa per Spiritum Sanctum, quae operiat ac superet omnem multitudinem peccatorum. Amen. Quod ipse praestare dignetur, qui cum Patre et Spiritu Sancto vivit et regnat. |
163 |
| Confirmation/2 |
|
Ben |
Benedictio Dei Patris et Filii et Spiritus Sancti descendat super vos. Amen. |
164 |
| Confirmation/5 |
Tunc dicat diaconus: |
F |
Ite in pace. Amen. |
164 |
| ordinations |
Ordo, qualiter in Romana ecclesia ecclesiastici e… |
Intr |
Intret oratio mea. |
165 |
| ordinations |
Ps. |
IntrV |
Domine, Deus salutis. Gloria. |
165 |
| ordinations/1 |
Et dicatur: |
F |
Kyrie, eleison ter, Christe, eleison ter, Kyrie, eleison; Kyrie, eleison; Kyrie, eleison. |
165 |
| ordinations |
Tunc episcopus et omnes consecrandi prosternant s… |
Lit |
Christe, audi nos.
Salvator mundi, adiuva nos.
Sancta Maria, ora pro nobis.
Sancte Michael.
Sancte Gabriel.
Sancte Raphael.
Omnes sancti angeli et archangeli, orate pro nobis.
[Omnes sancti beatorum spirituum ordines.]
[Sancte Ioannes Baptista.]
Omnes sancti patriarchae et prophetae, orate pro nobis.
Sancte Petre.
Sancte Paule.
Sancte Andrea.
Sancte Ioannes.
[Bartholomaee.]
Sancte Iacobe.
[Matthaee.]
Sancte Philippe.
[Thoma.]
[Simon, Barnaba, Thaddaee, Luca, Matthia.]
Sancte Iacobe.
[Marce, Simon.]
Omnes sancti apostoli et evangelistae, orate pro nobis.
Sancte Stephane protomartyr.
Sancte Adalberte.
Sancte Georgi.
[Sancte Clemens.]
[Sancte Laurenti.]
Sancte Gorgoni.
Sancte Vincenti.
[Sancte Mauriti cum sociis tuis.]
[Sancte Dionysi cum sociis tuis.]
Omnes sancti martyres, orate pro nobis.
Sancte Silvester.
Sancte Hilari.
Sancte Martine.
Sancte Nicolae.
Sancte Gregori.
[Hieronyme, Dominice.]
Sancte Ambrosi.
[Thoma.]
Sancte Augustine.
Omnes sancti confessores, orate pro nobis.
[Magdalena.]
Sancta Felicitas, ora pro nobis.
Sancta Perpetua.
Sancta Agatha.
Sancta Lucia.
Sancta Caecilia.
[Catherina.]
Sancta Scholastica.
[Margarita.]
Sancta Petronella.
Omnes sanctae virgines, orate pro nobis.
Omnes sancti, orate pro nobis.
Propitius esto, parce nobis, Domine.
A peccatis nostris libera nos, Domine.
Ab ira tua libera nos, Domine.
Ab omni malo libera nos, Domine.
Per adventum et nativitatem tuam libera nos, Domine.
Per crucem et passionem tuam libera nos, Domine.
Per mortem et sepulturam tuam libera nos, Domine.
Per resurrectionem et ascensionem tuam libera nos, Domine.
Per adventum Spiritus Sancti Paracliti libera nos, Domine.
In die iudicii libera nos, Domine.
Peccatores te rogamus, audi nos.
Ut pacem nobis dones, te rogamus, audi nos.
Ut sanitatem nobis dones, te rogamus, audi nos.
Ut indulgentiam peccatorum nostrorum nobis dones, te rogamus, audi nos.
Ut Ecclesiam tuam regere et defendere digneris, te rogamus, audi.
Ut pontificem nostrum in tuo sancto servitio confortare digneris, te rogamus, audi nos.
Ut fratres nostros, ad sacrum ordinem electos, in vera religione conservare digneris, te rogamus, audi nos.
Ut nos exaudire digneris, te rogamus, audi nos.
Fili Dei, te rogamus, audi nos.
Agnus Dei, qui tollis peccata mundi, parce nobis.
Agnus Dei, qui tollis peccata mundi, miserere nobis.
Agnus Dei, qui tollis peccata mundi, dona nobis pacem.
Christe, audi nos. Kyrie, eleison; Christe, eleison; Kyrie, eleison. |
166 |
| ordinations/1 |
Finita litania, postquam omnes surrexerint, unusq… |
Alloc |
Postulat haec sancta ecclesia, reverende pater, hos viros, ordinibus aptos, consecrari sibi a vestra paternitate. |
168 |
| ordinations/2 |
Responsio episcopi: |
F |
Vide, ut natura, scientia et moribus tales per te introducantur, immo per nos tales in domo Domini ordinentur personae, per quas diabolus procul pellatur, et clerus Deo nostro multiplicetur. |
168 |
| ordinations/3 |
At diaconus: |
F |
Quantum ad humanum spectat examen, natura, scientia et moribus digni habentur, et probi cooperatores effici in his, Deo volente, possunt. |
169 |
| ordinations/4 |
Tunc, iubente episcopo, archidiaconus accedat pro… |
F |
De domo sancti Adalberti eligimus illum ad ostiarium, ad eundem titulum. |
169 |
| ordinations/5 |
|
F |
De ecclesia sanctae Mariae illum ad lectorem, ad eundem titulum. |
169 |
| ordinations/6 |
|
F |
De ecclesia sancti Petri illum ad exorcistam, ad eundem titulum. |
169 |
| ordinations/7 |
|
F |
De coenobio sancti Hippolyti illum ad acolythum, ad eundem titulum. |
169 |
| ordinations/8 |
|
F |
De monasterio sancti Benedicti illum ad subdiaconum, ad eundem titulum. |
169 |
| ordinations/9 |
|
F |
De monasterio sanctae Margaritae illum ad diaconum, ad eundem titulum. |
169 |
| ordinations/10 |
|
F |
De domo sancti Adalberti illum ad presbyterum, ad eundem titulum. |
169 |
| ordinations/2 |
Tunc electi ascendant ad sedem pontificis, per no… |
Alloc |
Auxiliante Domino et Salvatore nostro, Iesu Christo, praesentes fratres nostri in sacrum ordinem electi sunt a nobis et clericis, huic sanctae sedi famulantibus, alii ad officium presbyterii, alii ad officium diaconii, vel subdiaconii, quidam vero ad ceteros ecclesiasticos gradus. Proinde admonemus et postulamus tam vos, clericos, quam ceterum populum, ut pro nobis et pro illis puro corde et sincera mente apud divinam clementiam intercedere dignemini, quatenus nos dignos faciat pro illis exaudiri, et eos unumquemque in suum ordinem eligere et consecrare per manus nostras dignetur. Si quis autem habet aliquid contra hos viros, et pro Deo et propter Deum cum fiducia exeat et dicat. Verumtamen memor sit condicionis suae. |
170 |
| ordinations/11 |
Tunc, innuente episcopo, redeant singuli ad loca,… |
F |
Ad ordinem cantorum ordinandi, accedite. |
171 |
| ordinations/1 |
Illi cum accesserint, det eis episcopus officium… |
Rub |
|
171 |
| ordinations/12 |
Ordo cantorum. Psalmistae, id est cantores, possu… |
F |
Videte, ut, quod ore cantatis, corde credatis, et quod corde creditis, operibus compleatis. |
171 |
| ordinations/13 |
Tunc recedant cantores, et episcopus surgat ad pr… |
F |
Oremus, |
171 |
| ordinations/14 |
et diaconus: |
F |
Flectamus genua, |
171 |
| ordinations/15 |
et post paululum: |
F |
Levate, |
171 |
| ordinations/1 |
sequatur oratio: |
Or |
Populum tuum, quaesumus, Domine, propitius respice. |
171 |
| ordinations/16 |
Tunc prima prophetia legatur, et, finita propheti… |
F |
Ad ordinem ostiariorum electi et ordinandi, accedite. |
171 |
| ordinations/17 |
Ordo ostiariorum. Ostiarii cum ordinantur, postqu… |
F |
Sic agite, quasi reddituri Deo rationem pro his rebus, quae ecclesiae vobis commissae clavibus includuntur. |
172 |
| ordinations/2 |
Et tradat eis archidiaconus ostium ecclesiae. |
Rub |
|
172 |
| ordinations/1 |
Praefatio ostiariorum: |
Pf |
Deum Patrem omnipotentem, fratres carissimi, suppliciter deprecemur, ut hos famulos suos, N., benedicere dignetur, quos in officium ostiariorum eligere dignatus est, ut sit eis fidelissima cura diebus ac noctibus ad distinctionem horarum certarum, ad invocandum nomen Domini, adiuvante eodem Domino nostro. |
172 |
| ordinations/18 |
Benedictio eorundem: |
F |
Oremus, |
172 |
| ordinations/19 |
et diaconus: |
F |
Flectamus genua, Levate. |
172 |
| ordinations/2 |
|
Or |
Domine, sancte Pater, omnipotens, aeterne Deus: benedicere dignare hos famulos tuos in officium ostiariorum, ut inter ianitores ecclesiae pareant tuo obsequio, et inter electos tuos partem tuae mereantur habere mercedis. Per. |
172 |
| ordinations/20 |
Tunc recedant ostiarii, et chorus cantet primum g… |
F |
Oremus, |
173 |
| ordinations/21 |
et diaconus: |
F |
Flectamus genua, Levate. |
173 |
| ordinations/3 |
Et dicatur oratio secunda: |
Or |
Deus, qui nos in tantis periculis. |
173 |
| ordinations/22 |
Et legatur secunda prophetia, qua finita, vocentu… |
F |
Ad ordinem lectorum ordinandi, accedite. |
173 |
| ordinations/23 |
Ordo lectorum. Lectores cum ordinantur, faciat de… |
F |
Accipite, et estote verbi Dei relatores, habituri, si fideliter et utiliter impleveritis officium vestrum, partem cum his, qui verbum Dei ministraverunt. |
173 |
| ordinations/2 |
Praefatio lectorum: |
Pf |
Oremus, dilectissimi, Deum Patrem omnipotentem, ut super hos famulos suos, N., quos in ordinem lectorum dignatur assumere, benedictionem suam clementer effundat, quatenus distincte legant, quae in Ecclesia legenda sunt, et eadem operibus impleant. |
174 |
| ordinations/24 |
Benedictio eorundem: |
F |
Oremus, |
174 |
| ordinations/25 |
et diaconus: |
F |
Flectamus genua, Levate. |
174 |
| ordinations/4 |
|
Or |
Domine, sancte Pater, omnipotens, aeterne Deus: benedicere dignare hos famulos tuos in officium lectorum, ut assiduitate lectionum sint apti pronuntiare verba vitae, et mentis ac vocis distinctione populo intelligibilia monstrare. Per. |
174 |
| ordinations/26 |
Tunc recedant lectores ordinati, et chorus cantet… |
F |
Oremus, |
174 |
| ordinations/27 |
et diaconus: |
F |
Flectamus genua, Levate, |
174 |
| ordinations/5 |
et dicatur oratio tertia: |
Or |
Protector noster, aspice nos, Deus. |
174 |
| ordinations/28 |
Et legatur tertia prophetia. Qua finita, vocet ar… |
F |
Ad ordinem exorcistarum electi et ordinandi accedite. |
175 |
| ordinations/29 |
Ordo exorcistarum. Exorcistae cum ordinantur, acc… |
F |
Accipite et commendate memoriae, et habetote potestatem imponendi manus super energumenos, sive baptizatos, sive catechumenos. |
175 |
| ordinations/3 |
Praefatio exorcistarum: |
Pf |
Deum, Patrem omnipotentem, fratres carissimi, suppliciter deprecemur, ut hos famulos suos, N., benedicere dignetur in officium exorcistarum, ut sint spiritales medici, ad abiiciendos daemones de corporibus obsessis cum omni nequitia eorum multiformi, adiuvante Domino nostro. |
175 |
| ordinations/30 |
Benedictio eorundem: |
F |
Oremus, |
175 |
| ordinations/31 |
et diaconus: |
F |
Flectamus genua, Levate. |
175 |
| ordinations/6 |
|
Or |
Domine, sancte Pater, omnipotens, aeterne Deus: benedicere dignare hos famulos in officium exorcistarum, ut per impositionem manuum et oris officium eos eligere digneris, ut potestatem et imperium habeant spiritum immundum coercendi, et probabiles sint medici Ecclesiae, gratia curationum et virtute [caelesti] confirmati. Per. |
175 |
| ordinations/32 |
Tunc recedant exorcistae ordinati, et chorus cant… |
F |
Oremus, |
176 |
| ordinations/33 |
et diaconus: |
F |
Flectamus genua, Levate, |
176 |
| ordinations/7 |
et dicatur quarta oratio: |
Or |
Preces populi tui, |
176 |
| ordinations/34 |
et legatur prophetia quarta. Qua finita, vocet ar… |
F |
Ad ordinem acolythorum electi et ordinandi, accedite. |
176 |
| ordinations/35 |
Ordo acolythorum. Acolythi cum ordinantur, primum… |
F |
Accipite ceroferarium cum cereo, ut sciatis vos ad accendenda luminaria ecclesiae mancipari. |
177 |
| ordinations/36 |
Deinde accipiant urceolum vacuum ab episcopo, dic… |
F |
Accipite urceolum, ad suggerendum vinum et aquam in Eucharistiam sanguinis Christi. |
177 |
| ordinations/4 |
Praefatio acolythorum: |
Pf |
Deum, Patrem omnipotentem, fratres carissimi, suppliciter deprecemur, ut hos famulos suos benedicere dignetur in ordinem acolythorum, quatenus, lumen visibile praeferentes manibus, lumen quoque spiritale moribus praebeant. |
177 |
| ordinations/37 |
Benedictio eorundem: |
F |
Oremus, |
177 |
| ordinations/38 |
et diaconus: |
F |
Flectamus genua, Levate. |
177 |
| ordinations/8 |
|
Or |
Domine, sancte Pater, omnipotens, aeterne Deus, qui ad Moysen et Aaron locutus es, ut accenderentur lucernae in tabernaculo testimonii: benedicere et sanctificare dignare hos famulos tuos, N., ut sint acolythi in Ecclesia tua. |
177 |
| ordinations/9 |
[Alia oratio:] |
Or |
Domine, sancte Pater, omnipotens, aeterne Deus, qui per Iesum Christum, Filium tuum, et apostolos eius in mundum hunc lumen claritatis [tuae] misisti, quique, ut mortis nostrae antiquum aboleres chirographum, gloriosissimae Crucis vexillo affigi, ac sanguinem et aquam ex latere illius pro salute humani generis effluere voluisti: benedicere dignare hos famulos tuos in officium acolythorum, ut ad accendendum Ecclesiae tuae lumen, et ad suggerendum vinum et aquam ad conficiendum sanguinem Christi, Filii tui, in offerenda Eucharistia sanctis altaribus tuis fideliter subministrent. Accende, Domine, eorum mentes et corda ad amorem gratiae tuae, ut, illuminati vultu splendoris tui, fideliter tibi in sancta Ecclesia deserviant. Per. |
177 |
| ordinations/10 |
[Alia oratio:] |
Or |
Omnipotens, sempiterne Deus, fons lucis et origo bonitatis, qui per Iesum Christum, Filium tuum, lumen verum, mundum illuminasti, eiusque passionis mysterio redemisti: benedicere dignare hos famulos tuos, N., quos in officium acolythorum consecramus, poscentes clementiam tuam, ut eorum mentes et lumine scientiae illustres, et pietatis tuae rore irriges, ut ita perceptum ministerium peragant, te auxiliante, quatenus ad aeternam remunerationem pervenire mereantur. Per. |
178 |
| ordinations/39 |
Tunc recedant acolythi ordinati, et chorus cantet… |
F |
Oremus, |
179 |
| ordinations/40 |
et diaconus: |
F |
Flectamus genua, Levate, |
179 |
| ordinations/11 |
et dicatur oratio quinta: |
Or |
Actiones nostras, |
179 |
| ordinations |
et legatur [per acolythum tunc ordinatum] quinta… |
Proph |
Angelus Domini descendit. |
179 |
| ordinations |
Qua finita, tres pueri cantent alta voce hymnum t… |
CantD |
Benedictus es, Domine, Deus Patrum nostrorum |
179 |
| ordinations/3 |
et respondeat chorus: Et laudabilis et gloriosus.… |
Rub |
|
179 |
| ordinations/41 |
His tribus versibus finitis, sileat chorus, et vo… |
F |
Ad ordinem subdiaconorum electi et ordinandi, accedite. |
179 |
| ordinations/42 |
Ordo subdiaconorum.Subdiaconi cum ordinantur, qui… |
F |
Videte, cuius ministerium vobis traditur, et ideo, si usque nunc fuistis tardi ad Ecclesiam, amodo debetis esse assidui. Si usque nunc somnolenti, amodo vigiles. Si usque nunc ebriosi, amodo sobrii. Si usque nunc fuistis aliquo vitio polluti, amodo puri debetis esse et casti. Ideo vos admoneo, ut vos ita exhibeatis, ut Deo placere possitis. |
180 |
| ordinations/4 |
Postea vero accipiant de manu archidiaconi urceol… |
Rub |
|
180 |
| ordinations/5 |
Praefatio subdiaconorum: |
Pf |
Oremus Deum ac Dominum nostrum, fratres carissimi, ut super hos famulos suos, N., quos ad subdiaconatus officium vocare dignatus est, infundat benedictionem et gratiam suam, ut, in conspectu suo fideliter servientes, praedestinata sanctis praemia consequantur, auxiliante Domino nostro. |
180 |
| ordinations/43 |
Benedictio eorundem. Oratio: |
F |
Oremus, |
180 |
| ordinations/44 |
et diaconus: |
F |
Flectamus genua, Levate. |
180 |
| ordinations/12 |
|
Or |
Domine, sancte Pater, omnipotens, aeterne Deus: benedicere dignare hos famulos tuos, N., quos ad subdiaconatus officium eligere dignatus es, ut eos in sacrario tuo sancto strenuos sollicitosque caelestis militiae instituas ministros, ut sanctis altaribus fideliter subministrent, et requiescat super eos Spiritus sapientiae et intellectus, Spiritus consilii et fortitudinis, Spiritus scientiae et pietatis, et reple eos Spiritu timoris tui, ut eos ministerio divino confirmes, ut, oboedientes facto atque dicto parentes, tuam gratiam consequantur. Per … in unitate eiusdem. |
181 |
| ordinations/5 |
Tunc recedant subdiaconi ordinati, et praedicti t… |
Rub |
|
181 |
| ordinations/6 |
Respondeat chorus: Et laudabilis. |
Rub |
|
181 |
| ordinations/7 |
Sicque finiatur totus hymnus. Dum autem sextus ve… |
Rub |
|
181 |
| ordinations/45 |
et quando cantatur: |
F |
Gloria Patri |
182 |
| ordinations/46 |
ultimus omnium metropolitanus, chorum ingrediens,… |
F |
|
182 |
| ordinations/47 |
Finito hymno, dominus pontifex versus ad populum… |
F |
Pax vobiscum, |
182 |
| ordinations/13 |
et dicat sine Flectamus genua sextam orationem: |
Or |
Deus, qui tribus pueris. |
182 |
| ordinations/48 |
Et legatur epistola a nuper consecrato subdiacono… |
F |
Ad ordinem diaconorum electi et ordinandi, accedite. |
182 |
| ordinations/8 |
Ordo diaconorum. Diaconi cum ordinantur, solus ep… |
Rub |
|
182 |
| ordinations/6 |
Praefatio diaconorum: |
Pf |
Oremus, dilectissimi, Deum Patrem omnipotentem, ut super hos famulos suos, N., quos ad officium diaconatus dignatur assumere, benedictionis suae gratiam clementer effundat, eisque donum consecrationis indulgeat, per quod eos ad aeterna praemia perducat. |
182 |
| ordinations/49 |
Benedictio eorundem: |
F |
Oremus, |
183 |
| ordinations/50 |
et diaconus: |
F |
Flectamus genua, Levate. |
183 |
| ordinations/14 |
|
Or |
Exaudi, Domine, preces nostras, et super hos famulos tuos, N., spiritum tuae benedictionis emitte, ut, caelesti munere ditati, et tuae gratiam maiestatis possint acquirere, et bene vivendi aliis exemplum praebere. Per … in unitate eiusdem Spiritus Sancti … per omnia saecula saeculorum. Amen. |
183 |
| ordinations/51 |
|
F |
Dominus vobiscum. [R.] Et cum spiritu tuo. Sursum corda. [R.] Habemus ad Dominum. Gratias agamus Domino, Deo nostro. [R.] Dignum et iustum est. |
183 |
| ordinations/1 |
|
VD |
VD … aeterne Deus. Honorum dator ordinumque distributor et officiorum dispositor, qui, in te manens, innovas omnia, et cuncta disponis per verbum et virtutem sapientiamque tuam, Iesum Christum, Filium tuum, Dominum nostrum, sempiterna providentia praeparans, et in singulis quibusque temporibus aptanda dispensans, cuius corpus, Ecclesiam videlicet tuam, caelestium gratiarum varietate distinctam, suorumque connexam distinctione membrorum, per legem mirabilem, totius fidei compagibus unitam, in augmentum templi tui crescere dilatarique largiris, sacri muneris servitutem in trinis gradibus ministrorum nomini tuo militare constituens, electis ab initio Levi filiis, qui, in mysticis operationibus domus tuae fidelibus excubiis permanentes, hereditatem benedictionis aeternae sorte perpetua possiderent: super hos quoque famulos tuos, quaesumus, Domine, placatus intende, quos, tuis sacrariis servituros, in officium diaconii suppliciter dedicamus. Et nos quidem, tamquam homines, divini sensus et summae rationis ignari, horum vitam, quantum possumus, aestimamus, te autem, Domine, ea, quae nobis sunt ignota, non transeunt, te occulta non fallunt, tu cognitor es secretorum, tu scrutator es cordium, tu illorum vitam caelesti poteris examinare iudicio, quo semper praevales et commissa purgare, et ea, quae sunt agenda, concedere. Emitte in eos, quaesumus, Domine, Spiritum Sanctum, quo, in opus ministerii fideliter exsequendi, septiformis tuae gratiae munere roborentur. Abundet in eis totius forma virtutis, auctoritas modesta, pudor constans, innocentiae puritas et spiritalis observantia disciplinae. In moribus eorum praecepta tua fulgeant, ut in illorum castitatis exemplo imitationem sancta plebs acquirat, et, bonum conscientiae testimonium proferentes, in Christo firmi et stabiles perseverent, dignisque successibus de inferiori gradu per gratiam tuam capere potiora mereantur. Per eundem … in unitate eiusdem. |
183 |
| ordinations/52 |
Quando episcopus diacono stolam imponat, dicat: |
F |
Accipe stolam tuam, imple ministerium tuum, potens est enim [Deus], ut augeat tibi gratiam. Qui vivit et regnat cum [Deo] Patre in unitate. |
185 |
| ordinations/53 |
Tunc det eis evangelium dicens: |
F |
Accipite potestatem legendi evangelium in ecclesia Dei, tam pro vivis quam pro defunctis in nomine Dei. |
185 |
| ordinations/54 |
Allocutio: |
F |
Commune votum communis oratio prosequatur, ut hi totius Ecclesiae prece, qui in diaconatus ministerium praeparantur, ordine leviticae benedictionis clarescant, et, spiritali conversatione praefulgentes, gratia sanctificationis eluceant. Praestante. |
186 |
| ordinations/15 |
Benedictio: |
Or |
Domine, sancte Pater, fidei, spei, gratiae profectuumque remunerator, qui caelestibus et terrenis ministris, ubique dispositis, per omnia elementa virtutis tuae diffundis effectum: hos famulos tuos, N., propitius dignare aspicere, ut, tuis obsequiis coadunati, sanctis altaribus ministri puri accrescant, et, indulgentia puriores, eorum gradu, quos apostoli tui in septenario numero, beato Stephano duce atque praevio Sanctoque Spiritu auctore, elegerunt, digni exsistant, et virtutibus universis, quibus tibi servire oportet, instructi, complaceant. Per … in unitate eiusdem. |
186 |
| ordinations |
Cum vero consecrati fuerint, induantur dalmatica,… |
Tr |
Laudate Dominum. |
187 |
| ordinations/55 |
Quo finito, unus ex nuper consecratis diaconibus,… |
F |
Ad ordinem presbyterorum electi et ordinandi, accedite. |
187 |
| ordinations/56 |
Ordo presbyterorum. Parato electo, qui presbyter… |
F |
Postulat Mater Ecclesia catholica, ut hos praesentes diaconos ad onus presbyterorum ordinetis. |
187 |
| ordinations/57 |
Pontifex autem interroget presbyteros, dicens: |
F |
Sunt digni? |
188 |
| ordinations/58 |
Respondeant presbyteri: |
F |
Digni. |
188 |
| ordinations/59 |
Iterum episcopus: |
F |
Sunt iusti? |
188 |
| ordinations/60 |
Respondeant presbyteri: |
F |
Iusti. |
188 |
| ordinations/61 |
Postquam episcopus ter ita interrogaverit, et pre… |
F |
Faciat illos Deus semper in servitio suo dignos et iustos permanere. Amen. |
188 |
| ordinations/62 |
Deinde interroget episcopus electos, dicens: |
F |
Vultis presbyterii gradum in nomine Domini accipere? |
188 |
| ordinations/63 |
Respondeant: |
F |
Volumus. |
188 |
| ordinations/64 |
Interroget: |
F |
Vultis in eodem gradu, quantum praevaletis et intelligitis, secundum canonum sanctiones iugiter manere? |
188 |
| ordinations/65 |
Respondeant: |
F |
Volumus. |
188 |
| ordinations/66 |
|
F |
Vultis episcopo vestro, ad cuius parochiam ordinandi estis, oboedientes et consentientes esse secundum iustitiam et ministerium vestrum? |
188 |
| ordinations/67 |
Respondeant: |
F |
Volumus, et hoc Deo et sanctis eius in praesenti ita promittimus, prout scimus et implere valemus. |
188 |
| ordinations/9 |
Tunc episcopus ponat manum super capita electorum… |
Rub |
|
188 |
| ordinations/7 |
Praefatio presbyterorum: |
Pf |
Oremus, dilectissimi fratres, Deum Patrem omnipotentem, ut super hos famulos suos, N., quos ad presbyterii munus elegit, dona caelestia multiplicet, et, quod eius dignatione suscipiunt, ipsius consequantur auxilio. Per. |
188 |
| ordinations/68 |
Consecratio presbyterorum: |
F |
Oremus, |
189 |
| ordinations/69 |
et diaconus: |
F |
Flectamus genua, Levate. |
189 |
| ordinations/16 |
|
Or |
Exaudi nos, quaesumus, Domine, Deus noster, et super hos famulos tuos benedictionem Sancti Spiritus et gratiae sacerdotalis effunde virtutem, ut, quos tuae pietatis aspectibus offerimus consecrandos, perpetuam muneris tui largitatem consequantur. Per … in unitate eiusdem … per omnia saecula saeculorum. Amen. |
189 |
| ordinations/70 |
|
F |
Dominus vobiscum. [R.] Et cum spiritu tuo. Sursum corda. [R.] Habemus ad Dominum. Gratias agamus Domino, Deo nostro. [R.] Dignum et iustum est. |
189 |
| ordinations/2 |
|
VD |
VD … aeterne Deus. Honorum auctor et distributor omnium dignitatum, per quem cuncta proficiunt, per quem universa firmantur, amplificatis semper in melius naturae rationalis incrementis, per ordinem congrua ratione dispositis. Unde et sacerdotales gradus atque officia levitarum sacramentis mysticis instituta, creverunt, ut, cum pontifices summos regendis populis praefecisses, ad eorum societatis et operis adiumentum sequentis ordinis viros et secundae dignitatis eligeres. Sic et in eremo per septuaginta virorum prudentium mentes Moysi spiritum propagasti, quibus ille adiutoribus usus in populo, innumerabiles multitudines facile gubernabat. Sic in Eleazarum et Ithamarum, filios Aaron, paternae plenitudinis abundantiam transfudisti, ut ad hostias salutares et frequentioris officii sacramenta ministerium sufficeret sacerdotum. Hac providentia, Domine, apostolis Filii tui doctores fidei comites addidisti, quibus illi orbem totum secundis praedicatoribus impleverunt. Quapropter infirmitati nostrae, Domine, quaesumus, haec adiumenta largire, qui, quanto magis fragiliores sumus, tanto his pluribus indigemus. Da, quaesumus, omnipotens Pater, in hos famulos tuos presbyterii dignitatem, et innova in visceribus eorum Spiritum veritatis et sanctitatis, ut acceptum a te, Deus, secundi meriti munus obtineant, censuramque morum exemplo suae conversationis insinuent. Sint providi cooperatores ordinis nostri, et eluceat in eis totius forma iustitiae, ut, bonam rationem dispensationis sibi creditae reddituri, aeternae beatitudinis praemia consequantur. Per … in unitate eiusdem Spiritus Sancti. |
189 |
| ordinations/71 |
Tunc reflectat stolam super humerum uniuscuiusque… |
F |
Accipe iugum Domini, iugum enim eius suave est, et onus eius leve. Stola innocentiae induat te Dominus. |
191 |
| ordinations/72 |
Dansque ei casulam dicat: |
F |
Accipe vestem sacerdotalem, per quam caritas intelligitur, potens est enim Deus, ut augeat tibi caritatem et opus perfectum, qui in Trinitate perfecta vivit et regnat, Deus, per omnia saecula saeculorum. |
191 |
| ordinations/3 |
Allocutio ad populum: |
Alloc |
Sit nobis, fratres, communis oratio, ut hi, qui in adiutorium et utilitatem nostrae salutis eliguntur, presbyteratus benedictionem divini muneris indulgentia consequantur, et ut Sancti Spiritus gratia sacerdotalia dona privilegio virtutum, ne impares loco deprehendantur, obtineant. |
191 |
| ordinations/17 |
Item, consecratio eorum: |
Or |
Deus, sanctificationum omnium auctor, cuius vera consecratio, cuius plena benedictio est: tu, Domine, super hos famulos tuos, quos presbyterii honore dedicamus, munus tuae benedictionis infunde, ut gravitate actuum et censura vivendi praebeant se esse seniores, his instituti disciplinis, quas Tito et Timotheo Paulus exposuit, ut, in lege tua die ac nocte iugiter meditantes, quod legerint, credant, quod crediderint, doceant, quod docuerint, imitentur; iustitiam, constantiam, misericordiam, fortitudinem in se ostendant, et, quod exemplo praebuerint, admonitione confirment, ut purum et immaculatum ministerii sui donum custodiant, et per obsequium plebis tuae panem et vinum in corpus et sanguinem Filii tui immaculata benedictione transforment, et inviolabili caritate in virum perfectum in mensuram aetatis plenitudinis Christi in die iusti et aeterni iudicii Dei conscientia pura, fide perfecta, Spiritu Sancto pleni persolvant. Per eundem … in unitate. |
192 |
| ordinations/1 |
Expletis autem benedictionibus, accipiens episcop… |
Ben |
Consecrare et sanctificare dignare, Domine, manus istas per istam unctionem et nostram benedictionem, ut, quae consecraverint, consecrentur, et, quaecumque benedixerint, benedicantur et sanctificentur in nomine Domini nostri, Iesu Christi. |
193 |
| ordinations/73 |
Respondeant: |
F |
Amen. |
193 |
| ordinations/74 |
Hoc facto, accipiens patenam cum oblatis et calic… |
F |
Accipite potestatem offere sacrificium Deo, missamque celebrare tam pro vivis, quam pro defunctis, in nomine Domini. |
193 |
| ordinations/2 |
Sequitur ultima benedictio: |
Ben |
Benedictio Dei Patris et Filii et Spiritus Sancti descendat super vos, ut sitis benedicti in ordinem sacerdotalem, offerentes placabiles hostias pro peccatis atque offensionibus populi omnipotenti Deo, cui est honor et gloria in saecula saeculorum. Respondeant: Amen. |
193 |
| ordinations/75 |
Tunc osculetur singulos, dicens: |
F |
Pax Domini sit semper vobiscum R. Et cum spiritu tuo. |
194 |
| ordinations |
Tunc accedat ad altare, et, versus ad populum, di… |
W |
Dominus vobiscum, |
194 |
| ordinations/76 |
et: |
F |
Oremus. |
194 |
| ordinations/10 |
Postea cantetur offerenda, et omnes, qui ibi ordi… |
Rub |
|
194 |
| church/1 |
Ordo ad dedicandam ecclesiam. Primum venit episco… |
F |
Oremus. |
195 |
| church/1 |
|
Or |
Virtutum caelestium Deus, de cuius gratiae rore descendit, ut ad mysteria tua, purgatis sensibus, accedamus: praesta, quaesumus, ut, in eorum traditione sollemniter celebranda, tibi placitum deferamus obsequium. Per. |
195 |
| church/1 |
Et fiant ibi litaniae. |
Lit |
[litania] |
195 |
| church/1 |
[Benedictio minor salis et aquae] Sequitur exorci… |
Ex |
Exorcizo te, creatura salis, per Deum vivum, per Deum verum, per Deum sanctum, per Deum, qui te per Elisaeum prophetam in aquam mitti iussit, ut sanaretur sterilitas aquae, ut efficiaris sal exorcizatum in salutem credentium, et sis omnibus, te sumentibus, sanitas animae et corporis, et effugiat atque discedat ab eo loco, quo aspersum fueris, omnis phantasia et nequitia vel versutia diabolicae fraudis, omnis spiritus immundus adiuratus. Per eum, qui vivit. |
195 |
| church/2 |
Benedictio salis: |
F |
Oremus. |
195 |
| church/2 |
|
Or |
Immensam clementiam tuam, omnipotens, aeterne Deus, humiliter imploramus, ut hanc creaturam salis, quam in usum generis humani tribuisti, benedicere et sanctificare tua pietate digneris, ut sit omnibus sumentibus salus mentis et corporis, et, quicquid {ex} eo tactum vel aspersum fuerit, careat omni immunditia omnique impugnatione spiritualis nequitiae. Per virtutem Domini nostri, Iesu Christi. |
195 |
| church/2 |
Benedictio aquae: |
Ex |
Exorcizo te, creatura aquae, in nomine Dei Patris omnipotentis, et in nomine Iesu Christi, Filii eius, Domini nostri, et in virtute Spiritus Sancti, ut fias aqua exorcizata, ad effugandam omnem potestatem inimici, et ipsum inimicum eradicare et explantare cum angelis suis apostaticis. Per virtutem Domini nostri. |
196 |
| church/3 |
Benedictio aquae: |
Or |
Deus, qui ad salutem humani generis maxima quaeque sacramenta in aquarum substantia condidisti: adesto invocationibus nostris, et elemento huic, multimodis purificationibus praeparato, virtutem tuae benedictionis infunde, ut creatura tua, mysteriis tuis serviens, ad abiiciendos daemones morbosque pellendos, divinae gratiae sumat effectum, ut, quicquid in domibus vel in locis fidelium haec unda resperserit, careat immunditia, liberetur a noxa, non illic resideat spiritus pestilens, non aura corrumpens. Discedant omnes insidiae latentis inimici, et, si quid est, quod aut incolumitati habitantium invidet aut quieti, aspersione huius aquae effugiat, ut salubritas, per invocationem sancti tui nominis expetita, ab omni sit impugnatione defensa. Per virtutem Domini nostri. |
196 |
| church/3 |
Hic mittatur sal in aquam: |
F |
Fiat commixtio et consecratio salis et aquae pariter in nomine Patris et Filii et Spiritus Sancti. |
197 |
| church/4 |
Benedictio salis et aquae: |
Or |
Deus, invictae virtutis auctor et insuperabilis imperii rex ac semper magnificus triumphator, qui adversae dominationis vires reprimis, qui inimici rugientis saevitiam superas, qui hostiles nequitias potenter expugnas: te, Domine, trementes ac supplices deprecamur ac petimus, ut creaturam hanc salis et aquae dignanter accipias, benignus illustres, pietatis tuae more sanctifices, ut, ubicumque fuerit aspersa, per invocationem sancti tui nominis omnis infestatio immundi spiritus procul pellatur, terrorque venenosi serpentis abiiciatur, et praesentia Sancti Spiritus nobis, misericordiam tuam poscentibus, ubique adesse dignetur. Per. |
197 |
| church/5 |
Tunc det orationem hanc ante tentorium: |
Or |
Aufer a nobis, quaesumus, Domine, iniquitates nostras, ut ad sancta sanctorum puris mentibus introire mereamur. Per. |
198 |
| church/6 |
Item, aliam in ingressu tentorii dicat: |
Or |
Fac nos, Domine, sanctorum tuorum tibi specialiter dicata membra contingere, quorum cupimus patrocinia incessanter habere. |
198 |
| church/1 |
Tunc elevent ipsas reliquias in feretro cum honor… |
Ant |
Surgite, sancti, de mansionibus vestris, loca, |
198 |
| church/2 |
[Tres circuitus cum stationibus ante ostium eccle… |
Ant |
Tollite portas, principes, vestras |
198 |
| church/1 |
Ps. |
AntV |
Domini est terra. |
198 |
| church/4 |
Et circumeant ecclesiam, eandem antiphonam per si… |
F |
Oremus, |
198 |
| church/5 |
et diaconus: |
F |
Flectamus genua, |
198 |
| church/6 |
postea: |
F |
Levate. |
198 |
| church/7 |
|
Or |
Omnipotens, sempiterne Deus, qui in omni loco dominationis tuae totus assistis, totus operaris: adesto supplicationibus nostris, et huius domus, cuius es fundator, esto protector; nulla hic nequitia contrariae potestatis obsistat, sed, virtute Spiritus Sancti operante, fiat hic tibi semper purum servitium et devota libertas. |
198 |
| church/7 |
Hoc finito, accedat pontifex ad ostium, percutien… |
F |
Tollite portas, principes, vestras, et elevamini, portae aeternales, et introibit rex gloriae. |
199 |
| church/8 |
Cui diaconus, deintus respondens, dicat: |
F |
Quis est iste rex gloriae? |
199 |
| church/9 |
Econtrario pontifex, respondens, dicat: |
F |
Dominus fortis, Dominus potens in proelio. |
199 |
| church/10 |
Et, recedens ab ostio, circumeat ipsam ecclesiam… |
F |
In circuitu tuo, Domine. |
199 |
| church/11 |
Tunc, iterum veniens ante ostium, dicat: |
F |
Oremus, |
199 |
| church/12 |
et diaconus: |
F |
Flectamus genua, |
199 |
| church/13 |
postea: |
F |
Levate. |
199 |
| church/8 |
Sequitur oratio: |
Or |
Omnipotens, sempiterne Deus, qui per Filium tuum, angularem scilicet lapidem, duos, e diverso venientes, ex circumcisione {videlicet} et praeputio, parietes, duos greges ovium sub uno eodemque pastore unisti: da famulis tuis per haec nostrae devotionis officia indissolubile vinculum caritatis, ut nulla divisione mentium, nullaque perversitatis varietate sequestrentur, quos sub unius regimine pastoris unus grex continet, uniusque, te custode, ovilis septa concludunt. Per eundem. |
199 |
| church/14 |
Post haec accedens, percutiat superliminare secun… |
F |
Tollite portas. |
200 |
| church/15 |
Et diaconus: |
F |
Quis est iste. |
200 |
| church/16 |
Et pontifex: |
F |
Dominus fortis, Dominus potens. |
200 |
| church/1 |
Deinde circumeat iterum ecclesiam, aquam spargend… |
R |
Fundata est domus Domini. |
200 |
| church/17 |
Et, cum venerit ante ostium, dicat: |
F |
Oremus, |
200 |
| church/18 |
et diaconus: |
F |
Flectamus genua, |
200 |
| church/19 |
postea: |
F |
Levate. |
200 |
| church/9 |
Sequitur oratio: |
Or |
Omnipotens, sempiterne Deus, qui sacerdotibus tuis prae ceteris tantam gratiam contulisti, ut, quicquid in tuo nomine digne perfecteque ab eis agitur, a te fieri credatur: quaesumus clementiam tuam, ut, quicquid visitaturi sumus, visites, quicquid benedicturi, benedicas, sitque ad nostrae humilitatis introitum sanctorum tuorum meritis fuga daemonum, angeli pacis ingressus. Per. |
200 |
| church/20 |
Et tunc, accedens ad ostium, percutiat tertio sup… |
F |
Tollite portas. |
200 |
| church/21 |
Et diaconus: |
F |
Quis est iste. |
200 |
| church/22 |
Respondeat pontifex: |
F |
Dominus virtutum, ipse est rex gloriae, |
200 |
| church/23 |
adiiciens: |
F |
Aperi. |
201 |
| church/1 |
[Ingressus pontificis et inscriptiones per pavime… |
W |
Pax huic domui et omnibus. |
201 |
| church |
Et clauditur ostium ecclesiae. Deinde incipit pon… |
H |
Veni, creator Spiritus. |
201 |
| church/1 |
Sacerdotibus feretrum tenentibus, usquedum pontif… |
Rub |
|
201 |
| church/2 |
Litania: |
Lit |
Kyrie, eleison. |
201 |
| church/24 |
Finita vero litania, cum surrexerit pontifex ab o… |
F |
Oremus, |
201 |
| church/25 |
et diaconus: |
F |
Flectamus genua, |
201 |
| church/26 |
postea: |
F |
Levate, |
201 |
| church/10 |
et dicat episcopus hanc orationem: |
Or |
Magnificare, Domine, Deus, in sanctis tuis, et in hoc templo, tibi aedificato appare, ut qui cuncta in filiis adoptionis operaris, ipse semper in tua hereditate lauderis. |
201 |
| church/2 |
Deinde incipiat pontifex de sinistro angulo eccle… |
Rub |
|
201 |
| church/3 |
Incipiensque similiter iterum de dextro angulo or… |
Rub |
|
201 |
| church/3 |
Interim canant, qui cum eo sunt, antiphonam: |
Ant |
O, quam metuendus est |
202 |
| church/2 |
Ps. |
AntV |
Benedictus |
202 |
| church/27 |
cum tot versiculis, quo[t] sunt necessarii, et cu… |
F |
Gloria Patri, |
202 |
| church/2 |
[Benedictio et aspersio aquae Gregorianae] Deinde… |
W |
Deus, in adiutorium |
202 |
| church/28 |
cum ..., absque Alleluia. |
F |
Gloria Patri |
202 |
| church/3 |
Deinde benedicat salem et aquam, dicens:. Exorcis… |
Ex |
Exorcizo te, creatura salis, in nomine Domini nostri, Iesu Christi, qui apostolis suis dixit: vos estis sal terrae, et per apostolum ait: cor vestrum sale sit conditum, ut sanctificeris ad consecrationem huius ecclesiae et altaris, ad expellendas omnes daemonum tentationes, et omnibus, qui ex te sumpserint, sis animae et corporis tutamentum et sanitas et protectio et confirmatio salutis. Per. |
202 |
| church/11 |
Benedictio salis: |
Or |
Domine, Deus, Pater omnipotens: benedic hanc creaturam salis, ad effugandum inimicum, et ei salubrem medicinam immitte, ut ad animae et corporis se sumentium proficiat sanitatem. Per. |
202 |
| church/4 |
Exorcizmus aquae: |
Ex |
Exorcizo te, creatura aquae, in nomine Patris et Filii et Spiritus Sancti, ut repellas diabolum a termino iustorum, ne sit in umbraculis huius ecclesiae. — Et tu, Domine, Iesu Christe: infunde Spiritum Sanctum in hanc ecclesiam tuam, ut perficiat sanitatem corporum animarumque adorantium te, [ut magnificetur in gentibus nomen tuum, et increduli corde convertantur ad te], et non habeant alium Deum praeter te, solum Deum. Qui vivis. |
202 |
| church/12 |
Benedictio aquae: |
Or |
Domine, Deus, Pater omnipotens, statutor omnium elementorum, qui per Iesum Christum, Filium tuum, Dominum nostrum elementum hoc aquae in salutem humani generis esse voluisti: te supplices deprecamur, ut, exauditis orationibus nostris, eam tuae pietatis respectu sanctifices, atque ita omnium spirituum immundorum ab ea recedat incursio, ut, ubicumque fuerit in nomine tuo aspersa, gratia tuae benedictionis adveniat, et mala omnia, te propitiante, procul recedeant. Per. |
203 |
| church/5 |
Benedictio cineris: |
Ex |
Exorcizo te, cinis, in nomine Dei Patris omnipotentis, et in nomine Iesu Christi, Filii Dei, et Spiritus Sancti, qui te per ignem in favillam converti praecepit: ut, sicut iussione Dei per sanctum famulum eius, Moysen, cinis vitulae, in populo aspersus, omnem congregationem Israel sanctificavit, ita et tu exorcizatus sis in nomine sanctae Trinitatis ad dedicationem huius basilicae, aspersus in eis, qui scrutinia sunt habituri; super stantes vel transituros diabolus non lateat, sed manifestetur et expellatur, ut puri et sinceri inveniantur. — Te petimus autem et rogamus, Pater omnipotens, ut, sicut Ninivitarum populus ad praedicationem Ionae prophetae, misericordiam tuam, Domine, exorantes, suorum veniam meruerunt peccatorum consequi, ita et hi, qui ad tuam gratiam percipiendam ad hanc basilicam venire desiderant, amputatis carnalibus maculis, per sacri baptismatis regenerationem suorum fidem constituant vitiorum. Per eundem. |
203 |
| church/29 |
Tunc misceatur sal et cinis, et faciat inde episc… |
F |
Haec commixtio salis et aquae cum cinere sit sanctificata ad consecrationem huius ecclesiae et altaris in nomine Patris et Filii et Spiritus Sancti. |
204 |
| church/13 |
Sequitur oratio: |
Or |
Deus, invictae virtutis auctor et insuperabilis imperii rex ac semper magnificus triumphator, qui adversae dominationis vires reprimis, qui inimici rugientis saevitiam superas, qui hostiles nequitias potenter expugnas: te, Domine, trementes ac supplices deprecamur ac petimus, ut hanc creaturam salis et cineris et aquae dignanter aspicias, benignus illustres, pietatis tuae more sanctifices, ut, ubicumque fuerit aspersa per invocati[onem] sancti tui nominis, omnis infestatio immundi spiritus procul pellatur, et praesentia Sancti Spiritus nobis, misericodiam tuam poscentibus, ubique adesse dignetur. Per. |
204 |
| church/30 |
Deinde ponit vinum in ipsam aquam, dicens: |
F |
Fiat commixtio aquae et vini ad consecrationem huius ecclesiae et altaris in nomine Patris et Filii et Spiritus Sancti. Amen. |
205 |
| church/1 |
Praefatio aquae cum vino mixti: |
Pf |
Deum omnipotentem, fratres carissimi, in cuius domo mansiones multae sunt, supplices deprecemur, ut habitaculum istud benedicere et sanctificare dignetur per aspersionem huius aquae cum vino mixtae, ut tenebras ab eo repellat, et lumen infundat, nullam saevienti adversario tribuat potestatem, sed propria sit domus Dei, ut nullam in ea inimicus habeat nocendi licentiam. |
205 |
| church/14 |
Benedictio aquae cum vino: |
Or |
Omnipotens, sempiterne Deus, creator et conservator humani generis et dator gratiae spiritualis atque largitor aeternae salutis: mitte Spiritum Sanctum tuum super hoc vinum cum aqua mixtum, ut, armatum caelestis defensione virtutis, ad consecrationem huius ecclesiae et altaris tui proficiat. Per … in unitate eiusdem. |
205 |
| church/1 |
Tunc, ingrediens episcopus ad altare, primo cum p… |
Ben |
Sanctificetur hoc altare in nomine Patris et Filii et Spiritus Sancti. Amen. |
206 |
| church/31 |
Et episcopus: |
F |
Pax tecum. Respondeant: Et cum spiritu tuo. |
206 |
| church/4 |
Deinde in dextera parte. Tunc in sinistra parte p… |
Ant |
Asperges me, Domine |
206 |
| church/3 |
cum psalmo: |
AntV |
Miserere mei, Deus. |
206 |
| church/5 |
Deinde circueat ipsam [intra] ecclesiam tribus vi… |
Ant |
Similabo eum viro sapienti |
206 |
| church/4 |
Ps. |
AntV |
Exsurgat Deus. |
206 |
| church/6 |
Secundo autem circuitu antiphona canitur: |
Ant |
Tu, Domine universorum |
206 |
| church/5 |
Ps. |
AntV |
Conserva me. |
206 |
| church/7 |
Tertio vero circuitu canitur antiphona: |
Ant |
Haec est domus Domini |
206 |
| church/6 |
Ps. |
AntV |
Qui habitat. |
206 |
| church/8 |
Deinde aspergat per medium ecclesiae in longum et… |
Ant |
Domus mea domus |
206 |
| church/7 |
Ps. cum Gloria. |
AntV |
Narrabo nomen tuum |
206 |
| church/32 |
[Consecratio basilicae] Qua finita, in medio eccl… |
F |
Oremus, |
206 |
| church/33 |
et diaconus: |
F |
Flectamus. |
206 |
| church/15 |
|
Or |
Deus, qui loca, nomini tuo dicanda, sanctifices: effunde super hanc orationis domum gratiam tuam, ut ab omnibus, hic invocantibus te, auxilium tuae misericordiae sentiatur. Per. |
206 |
| church/34 |
Iterum dicat: |
F |
Oremus, |
206 |
| church/35 |
et diaconus: |
F |
Flectamus, |
206 |
| church/36 |
postea: |
F |
Levate. |
206 |
| church/16 |
Sequitur oratio in consecratione basilicae: |
Or |
Deus sanctificationum, omnipotens dominator, cuius pietas sine fine sentitur, Deus, qui caelestia simul et terrena complecteris, servans misericordiam tuam populo tuo, ambulanti ante conspectum gloriae tuae: exaudi preces servorum tuorum, ut sint oculi tui aperti super domum istam die ac nocte. Hanc quoque basilicam, in honore sanctae et individuae Trinitatis et victoriosissimae Crucis et sancti illius sacris mysteriis institutam, clementissimus dedica, miseratus illustra, proprio splendore clarifica, omnemque hominem, venientem adorare te in hoc loco, placatus admitte, propitius respicere dignare, et propter nomen tuum magnum et manum fortem et brachium excelsum in hoc habitaculo supplicantes libens protege, dignanter exaudi, aeterna defensione conserva, ut, semper felices, semperque in tua religione laetantes, constanter in sanctae Trinitatis confessione et fide catholica perseverent. Per. |
207 |
| church/37 |
Deinde dicat excelsa voce: |
F |
Per omnia saecula saeculorum. [R.] Amen. |
207 |
| church/1 |
|
VD |
VD … aeterne Deus. Adesto precibus nostris, adesto sacramentis, adesto etiam piis famulorum tuorum laboribus nobisque misericordiam tuam poscentibus. Descendat quoque in hanc ecclesiam tuam, quam sub invocatione sancti nominis tui in honore sanctae Crucis, in qua coaeternus tibi Filius tuus, Dominus noster, Iesus Christus, pro redemptione mundi pati dignatus est, et sancti illius indigni consecramus, Sanctus Spiritus tuus, septiformis gratiae ubertate redundans, ut, quotienscumque in hac domo tua sanctum nomen tuum fuerit invocatum, eorum, qui te invocaverint, a te, pio Domino, preces exaudiantur. O, beata et sancta Trinitas, quae omnia purificas, omnia mundas, et omnia exornas. O, beata maiestas Dei, quae cuncta imples, cuncta contines, cuncta disponis. O, beata et sancta manus Dei, quae omnia sanctifi✠cas, omnia ben✠edicis, omnia locupletas. O, sancte sanctorum Deus: tuam clementiam humillima devotione deposcimus, ut ecclesiam per nostrae humilitatis famulatum in honore sanctae et victoriosissime Crucis et sancti illius pu✠rificare, bene✠dicere, conse✠crareque perpetua sanctificationis tuae ubertate digneris. Hic quoque sacerdotes sacrificia laudis offerant, hic fideles populi vota persolvant, hic peccatorum onera solvantur, fidelesque lapsi reparentur. In hac ergo, quaesumus, Domine, domo tua Spiritus Sancti gratia aegroti sanentur, infirmi recuperentur, claudi curentur, leprosi mundentur, caeci illuminentur, daemonia eiiciantur. Cunctorum hic debilium incommoda, te, Domine, annuente, pellantur, omniumque vincula peccatorum absolvantur, ut omnes, qui hoc templum, beneficia iuste deprecaturi, ingrediuntur, cuncta se impetrasse laetentur, ut, concessa misericordia, quam precantur, perpetuo miserationis tuae munere glorientur. Per. |
207 |
| church/9 |
[Unctiones et incensatio] Hac expleta, eat ad alt… |
Ant |
Introibo ad altare |
209 |
| church/8 |
Ps. |
AntV |
Iudica me. |
209 |
| church/38 |
Tunc faciat maltam de calce tegula cum aqua bened… |
F |
Dirigatur, Domine. |
209 |
| church/2 |
Tunc de oleo sanctificato faciat pontifex crucem… |
Ben |
Sanctificetur hoc altare in nomine Patris et Filii et Spiritus Sancti. Amen. |
209 |
| church/3 |
|
W |
Pax tecum. [R]. Et cum spiritu tuo. |
209 |
| church/10 |
Et dicant antiphonam: |
Ant |
Erexit Iacob |
209 |
| church/9 |
Ps. |
AntV |
Quam dilecta. |
209 |
| church/11 |
Item, canant aliam antiphonam: |
Ant |
Mane surgens |
210 |
| church/10 |
Ps. |
AntV |
Fundamenta. |
210 |
| church/12 |
Item ungat de oleo sancto ipsum altare, dicendo,… |
Ant |
Aedificavit Moyses |
210 |
| church/11 |
Ps. |
AntV |
Domine, refugium. |
210 |
| church/13 |
Hoc facto, sumat chrisma, et faciat similiter cru… |
Ant |
Unxit te Dominus oleo laetitiae prae participibus tuis |
210 |
| church/12 |
Ps. |
AntV |
Eructavit. |
210 |
| church/3 |
Interea alius sacerdos in circuitu altaris semper… |
Ben |
Sanctificetur hoc templum in nomine Patris et Filii et Spiritus Sancti. [A]men. |
210 |
| church/4 |
|
W |
Pax tecum. [R.] Et cum spiritu tuo. |
210 |
| church/14 |
Et schola interim dicat antiphonam: |
Ant |
Sanctificavit Dominus. |
210 |
| church/15 |
Antiphona: |
Ant |
Lapides pretiosi |
210 |
| church/13 |
Ps. |
AntV |
Lauda Ierusalem. |
210 |
| church/16 |
Tunc iterum redeat ad altare, et offerat incensum… |
Ant |
Ecce, odor filii mei, sicut odor agri pleni, quem benedixit Dominus. |
210 |
| church/2 |
[Consecratio altaris] Post haec dicat pontifex pr… |
Pf |
Dei Patris omnipotentis misericordiam deprecemur, dilectissimi fratres, ut hoc altare, sacrificiis spiritualibus consecrandum, vocis nostrae exoratus officio, praesenti benedictione sanctificet, et in eo semper oblationes famulorum suorum, studio suae devotionis impositas, benedicere et sanctificare dignetur, ut, spirituali placatus incenso, precanti familiae suae propitius exauditor exsistat. |
210 |
| church/39 |
Deinde dicat: |
F |
Oremus, |
211 |
| church/40 |
et diaconus: |
F |
Flectamus genua, |
211 |
| church/41 |
postea: |
F |
Levate. |
211 |
| church/17 |
Consecratio altaris: |
Or |
Deus omnipotens, in cuius honore altare hoc sub invocatione tui nominis consecramus: clemens et propitius preces nostrae humilitatis exaudi, et praesta, ut in hac mensa sint tibi libamina accepta, sint grata, sint pinguia, et Sancti Spiritus tui semper rore perfusa, ut omni tempore in hoc loco supplicantis tibi familiae tuae anxietates reveles, aegritudines cures, preces exaudias, vota suscipias, desiderata confirmes, postulata concedas, ut ad donum Dei gratiae sani illibatique pervenire mereantur. Per. |
211 |
| church/42 |
Deinde dicat excelsa voce: |
F |
Per omnia saecula saeculorum. [R.] Amen. Dominus vobiscum. [R.] Et cum spiritu tuo. Sursum corda. [R.] Habemus ad Dominum. Gratias agamus Domino Deo nostro. [R.] Dignum et iustum est. |
211 |
| church/2 |
Praefatio: |
VD |
VD … aeterne Deus. Et, ut propensiori cura et attentiori famulatu tibi servitutis officia deferamus, hoc praesertim in tempore, quo religiosarum mentium habitum ultra parietum ornatum delegisti, et in quo sanctorum tuorum illorum mentio habetur, per quorum reverentiam et honorem sacratissimo nomini tuo hoc altare dedicamus. Horum igitur, Domine, efflagitamus precibus: dignare hoc altare caelesti sanctificatione perfundere, et benedicere. Assistant angeli claritatis, et Spiritus Sancti illustratione perfulgeat. Sit illius quoque apud te gratiae, cuius fuit illud, quod Abraham, pater fidei, in nostrae figuram redemptionis filium immolaturus, exstruxit, quod Isaac in conspectu tuae maiestatis instituit, quod Iacob, Dominum magna videns visione, erexit, ut hic orantes exaudias, hic oblata sanctifi✠ces, hicque superposita ben✠edicas, hinc quoque {benedicas, et} benedicta distribuas. Sit ergo ecclesiae tuae titulus sempiternus, sit mensa caelesti spiritualique convivio praeparata. Tu ergo, Domine, proprio ore tuo hostias super eam impositas benedicito, atque omnibus nobis tribue, ut participatione earum vitam acquiramus sempiternam. Per. |
211 |
| church/18 |
Sequitur oratio: |
Or |
Domine, sancte Pater, omnipotens, aeterne Deus: clemens et propitius preces humilitatis nostrae exaudi, et respice ad huius altaris holocaustum, quod non igne visibili praebetur, sed, infusum Sancti Spiritus gratia, in odorem tuae suavitatis ascendat, et legitime se sumentibus Eucharistia medicabilis fiat, et ad vitam proficiat sempiternam. Per. |
212 |
| church/19 |
Alia: |
Or |
Maiestatem tuam, Domine, suppliciter imploramus, ut altare hoc, sacrae unctionis libamine, ad suscipienda populi tui munera, inunctum, potenter benedicere et sanctificare digneris, et, quod nunc a nobis indignis sub tui nominis invocatione in honore et nomine sancti illius tui sacrosancti chrismatis unctione delibutum est, placeat tibi, atque altare maneat perpetuum, ut, quicquid deinceps super eo oblatum sacratumve fuerit, dignum tibi fiat holocaustum, atque omnium hic offerentium sacrificia a te, pio Domino, benigne suscipiantur, et per ea peccatorum nostrorum vincula absolvantur, maculae deleantur, veniae impetrentur, gratiae acquirantur, quatenus una cum sanctis et electis tuis vitam percipere mereamur aeternam. Per. |
213 |
| church/17 |
Et dicatur antiphona: |
Ant |
Confirma hoc, Deus, quod operatus es in nobis. |
213 |
| church/3 |
[Consecratio tabulae] Deinde ungat oleo sancto ta… |
Pf |
Lapidem hunc, fratres dilectissimi, in quo unguentum sacrae unctionis effunditur, ad suscipienda populi sui munera et sacrificia, oremus, ut Dominus consecret et benedicat, et, quod unctum est a nobis, sit unctum in nomine eius, ut plebis oblata suscipiat, et altario, per sacram unctionem perfecto, dum propitiationem sacrorum imponimus, ipsi propitiatoris Dei esse mereamur. Per. |
214 |
| church/20 |
Benedictio tabulae: |
Or |
Supplices tibi, Domine, Deus Pater omnipotens, preces effundimus, ut metalli huius expolitam materiem, supernis sacrificiis imbuendam, ipse tuae benedictionis dotare ubertate digneris, qui quondam scripsisti lapideis legem in tabulis. Per. |
214 |
| church/43 |
Postea, tollens vocem, publice proclamet: |
F |
Per omnia saecula saeculorum. Amen. Dominus vobiscum. [R.] Et cum spiritu tuo. Sursum corda. [R.] Habemus ad Dominum. Gratias agamus Domino Deo nostro. [R.] Dignum et iustum est. |
214 |
| church/3 |
Praefatio: |
VD |
VD … aeterne Deus. Qui post offendicula lapsus[que] primi hominis instituisti, tibi offerri propitiatorii deliniamenta libaminis, ut culpa, quae processerat per superbiam, futuris temporibus expiaretur per munera, quibus honorarentur altaria, honorificaretur et templum. Assit igitur misericordiae tuae ineffabilis pietas, et super hunc lapidem opem tuae benedictionis infunde, ut, te largiente, referat praemium, quisquis intulerit votum, per eum, qui se angularem lapidem et saxum, sine manibus excisum, nominari voluit, Dominum nostrum. |
214 |
| church/21 |
Alia oratio: |
Or |
Deus omnipotens, universarum rerum rationabilis artifex, qui inter ceteras creaturarum, formas lapideum metallum ad obsequium tui sacrificii condidisti, ut legis libationi pararetur altare, annue dignanter, ut, quicquid hic oblatum sacratumque fuerit nomini tuo, assurgat religioni, proficiat spei, innitatur fidei, sitque honori. Per. |
215 |
| church/22 |
Benedictio linteaminum. [Oratio:] |
Or |
Domine, Deus omnipotens, qui ab initio hominibus utilia et necessaria creasti, vestimenta quoque pontificalia sacerdotibus et levitis tuis et ornamenta et linteamina facere famulum tuum, Moysen, per quadraginta dies docuisti, sive etiam ea, quae Maria texuit et fecit in usum tabernaculi foederis: sanctificare et benedicere consecrareque digneris haec linteamina in usum altaris tui, ad tegendum involvendumque corpus et sanguinem Filii tui, Domini nostri, Iesu Christi. Qui tecum vivit. |
215 |
| church/23 |
Benedictio linteaminum et aliorum in usum sacri m… |
Or |
Exaudi, Domine, preces nostras, et haec linteamina aliaque indumenta, necnon et vasa sancti altaris tui atque ecclesiae tuae cunctaque sacri ministerii usui praeparata benedicere et sanctificare digneris. Per. |
216 |
| church/24 |
Benedictio ad omnia vasa, linteamina et instrumen… |
Or |
Omnipotens, sempiterne Deus, rex regum et Dominus dominantium, sacerdos omnium, pontifex universorum, per quem una cum Patre Sanctoque Spiritu facta sunt universa, Christe Iesu: benedicere, consecrare et sanctificare digneris vasa haec cum his altaris linteaminibus ceterisque cunctis, et, quemadmodum officia tabernaculi testimonii olim cum arca oraculi, scilicet Cherubim clausa velis, columnas, candelabra, aureum altare, argenteas bases, tabulas deauratas, holocausta, hostias, aeneum altare cum basibus aeneis, tentoria, funes, oleum unctionis et cetera in figuram nostri temporis per manus sanctorum sanctificasti sacerdotum, ita nunc, manens in aeternum, summe sacerdos sacerdotum secundum ordinem Melchisedech, vasa haec et omnia instrumenta altaris huius ecclesiae, quae inter nostras palmas habentur, benedicas, purifices, consecres et confirmes, quibus inter nos aeternam unitatem in supremo meatu sine fine credimus constare. Per. |
216 |
| church/25 |
Benedictio ad omnia ornamenta in usum ecclesiae [… |
Or |
Omnipotens et misericors Deus, qui ab initio utilia et necessaria hominibus creasti, templaque, manu hominum facta, nomini tuo sancto dicari, tuaeque habitationis loca vocari voluisti, quique per Moysen, famulum tuum, vestimenta pontificalia et sacerdotalia seu levitica et alia quaeque diversi generis ornamenta ad cultum et decorem tabernaculi et altaris tui fieri decrevisti: exaudi propitius preces nostras, et omnia haec diversarum specierum ornamenta, in usum basilicae vel altaris ad honorem et gloriam tuam praeparata, benedicere et sanctificare per nostrae humilitatis servitutem digneris, ut divinis cultibus sacrisque mysteriis apta exsistant, hisque in confectione corporis et sanguinis Iesu Christi, Filii tui, Domini nostri dignis tibi pareatur famulatibus. Qui tecum. |
217 |
| church/26 |
Benedictio vestimentorum sacerdotalium seu leviti… |
Or |
Omnipotens, sempiterne Deus, qui per Moysen, famulum tuum pontificalia atque levitica vestimenta, ad explendum in conspectu tuo ministerium eorum, et ad decorem seu ad laudem nominis tui fieri decrevisti: adesto propitius invocationibus nostris, et haec indumenta sacerdotalia famuli et sacerdotis tui, desuper gratia tua irrigante, tua ingenti benedictione per nostrae humilitatis servitutem purificare, benedicere et consecrare digneris, ut divinis cultibus et sacris mysteriis apta exsistant, his quoque sacerdotes vel levitae tui induti, defensi ab omnibus inpulsionibus seu tentationibus malignorum spirituum esse mereantur, tuisque eos mysteriis apte et condigne servire et inhaerere, in hisque placide et devote tribue perseverare. Per. |
218 |
| church/27 |
Benedictio ad albas, planetas, stolas et cingula… |
Or |
Domine, Deus Pater, rex et magnificator, qui per sanctos patres nostros, qui in sacerdotali ordine placuerunt, diversi generis ornamenta et vestimenta sacerdotalia fieri, et his ornari sacerdotes, tibi servientes, iussisti: exaudi propitius orationem nostram, et has planetas famulorum tuorum seu poderes ac cingula orariaque dextera tua sancta benedicere et sanctificare digneris, quatenus haec vestimenta ministris tuis, levitis ac sacerdotibus, ad divinum cultum orandum explendumque proficiant, sanctisque altaribus tuis munde et ornate in his sacris vestibus ministraturi irreprehensibiles in actu et victu interius exteriusque appareant, tibique, soli Deo, puro corde et mundo corpore omnibus diebus vitae suae irreprehensibiliter, sanctorum patrum exempla sequentes, servire valeant, hisque sacris mysteriis secundum voluntatem tuam, quando tibi placuerit, expletis, caelestis regni gloriam cum omnibus sibi commissis percipere mereantur. Per. |
218 |
| church/28 |
Benedictio stolarum [Oratio:] |
Or |
Domine, Deus omnipotens, qui ab initio hominibus utilia et necessaria creasti, et vestimenta pontificalia aliaque ornamenta et linteamina sacerdotibus ac levitis in usum tabernaculi foederis fieri Moysi, famulo tuo, iussisti, eumque spiritu sapiente, ad id peragendum, replesti: hoc ornamentum in usum ministerii tui sanctificare, benedicere et consecrare digneris, atque ministros altaris tui, qui illud portaverint, septiformi Spiritu Sancto dignanter repleas, atque castitatis stola et indumento laetitiae sempiternae et beata facias cum bonorum operum fructu, ministeriis congruente, immortalitate vestiri. |
219 |
| church/29 |
Benedictio corporalis |
Or |
Omnipotens, sempiterne Deus: benedic linteamen istud, ad tegendum involvendumque corpus et sanguinem Filii tui, Domini nostri, Iesu Christi, qui tecum vivit. |
220 |
| church/30 |
Alia: |
Or |
Domine, Deus, qui iam sanctificare dignatus es hoc genus specierum, quando eo dignatus es involvi corpus Domini nostri, Iesu Christi, Unigeniti tui, in beata passione: concede, quaesumus, per eundem Dominum nobis, quamquam indignis famulis tuis, ut praesens linteum caelesti benedictione sanctum et aptum fiat dominico sepulcro, altari tuo, ut placabiliter possit in eo imponi corpus et sanguis eiusdem Domini nostri, Iesu Christi, qui est vita omnium fidelium, fideliter sumentium, et vivit et regnat tecum in unitate Spiritus Sancti … per omnia saecula saeculorum. Amen. |
220 |
| church/31 |
Alia: |
Or |
Clementissime Domine, cuius inenarrabilis virtus, cuius mysteria arcanis mirabilibus celebrantur: tribue, quaesumus, ut hoc linteamen tuae propitiationis benedictione sanctificetur, ad consecrandum super illud corpus et sanguinem Iesu Christi, Filii tui, Domini nostri, qui tecum. |
220 |
| church/4 |
[Consecratio patenae] Praefatio ad patenam consec… |
Pf |
Oremus, fratres carissimi, ut divinae gratiae benedictio consecret et sanctificet hanc patenam, ad conficiendum in ea corpus Domini nostri, Iesu Christi, patientis Crucem pro salute omnium nostrum. Qui cum Patre. |
221 |
| church/4 |
Inde faciat signum crucis de chrismate super eam,… |
Ben |
Consecrare et sanctificare digneris, Domine, hanc patenam per istam unctionem et nostram benedictionem in Christo Iesu, Domino nostro, qui vivit. |
221 |
| church/5 |
[Consecratio calicis] Praefatio calicis: |
Pf |
Oremus, dilectissimi fratres, ut Deus et Dominus noster hunc calicem, in usum ministerii sui consecrandum, caelestis gratiae inspiratione sanctificet, ut ei ad humanam benedictionem plenitudinem divini favoris accommodet. |
221 |
| church/5 |
Benedictio: |
Ben |
Dignare, Domine, calicem istum, in usum ministerii tui pia famuli tui devotione formatum, ea sanctificatione perfundere, qua Melchisedech, famuli tui sacratum calicem perfudisti, et, quod arte vel metalli officio non potest altaribus tuis esse dignum, tua fiat benedictione pretiosum atque sanctificatum. |
221 |
| church/6 |
Et faciat crucem in calice de chrismate per later… |
Ben |
Consecrare et sanctificare digneris, Domine, hunc calicem per istam unctionem et nostram benedictionem in Christo Iesu, Domino nostro. Qui vivit. |
222 |
| church/32 |
Sequitur oratio: |
Or |
Omnipotens, sempiterne Deus: manibus nostris, quaesumus, opem tuae benedictionis infunde, ut per nostram benedictionem hoc vasculum sanctificetur, a[c] corporis et sanguinis Domini nostri, Iesu Christi, novum sepulcrum Spiritus Sancti gratia perficiatur. Per eundem. |
222 |
| church/33 |
Alia: |
Or |
Deus, qui Moysi, famulo tuo, in Horeb monte, servanda populo tuo praecepta disponens, ut templum sanctum tuum qualiter aedificaretur, institueres, sacra quoque vasa, quae inferri altari tuo deberent, instar vasorum caelestium fieri docuisti: precamur, ut hunc calicem, in quo celebraturi sumus sacrosancta mysteria, emissione Spiritus Sancti tui caelesti benedictione sanctifices, gratum et acceptabilem habeas atque benedicas, ut, digne satiatus vasculo tuo, et acceptabilem tibi deferat famulatum, et digne tuis mysteriis consecretur. Per … in unitate eiusdem. |
222 |
| church/34 |
His igitur ita per ordinem gestis, cum redierit i… |
Or |
Domum tuam, quaesumus, Domine, clementer ingredere, et in tuorum cordibus fidelium tibi perpetuam construe mansionem, et praesta, ut domus haec, quae tua subsistit dedicatione sollemnis, tua fiat habitatione sublimis. Per. |
223 |
| church/18 |
[Depositio reliquiarum] Tunc accipiat pontifex fe… |
Ant |
Ingredimini, benedicti Domini. |
223 |
| church/19 |
Et, cum intraverint, extenso velo inter populum e… |
Ant |
Exsultabunt sancti |
224 |
| church/14 |
Ps. |
AntV |
Cantate Domino canticum. |
224 |
| church/35 |
Et, antequam recludantur reliquiae, dicat hanc or… |
Or |
Deus, qui omni loco dominationis tuae clemens ac benignus dedicator assistis: exaudi nos, quaesumus, et concede, ut inviolabilis huius loci permaneat consecratio, et beneficia tui muneris universitas Ecclesiae, quae supplicat, mereatur. Per. |
224 |
| church/44 |
Hac expleta, ponat chrisma in confossionem per an… |
F |
In nomine Patris et Filii et Spiritus Sancti. |
224 |
| church/5 |
|
W |
Pax tecum. [R.] Et cum spiritu tuo. |
224 |
| church/20 |
Deinde ponat tres portiones corporis Domini intro… |
Ant |
Sub altare Domini sedes accipistis |
224 |
| church/15 |
Ps. |
AntV |
Exsultabunt sancti. |
224 |
| church/36 |
[Oratio:] |
Or |
Deus, qui altaria, nomini tuo dicanda, sanctificas: praesta, quaesumus, ut, quod nostra fragilitas non meretur, intercessione beati illius huc Spiritus tui plenitudo descendat, qui et munera nostra sanctificet, et indulgentiam nobis tuae pietatis obtineat. Per. |
224 |
| church/45 |
Et, accipiens tabulam, desubtus confirmet eam cum… |
F |
In nomine Patris et Filii et Spiritus Sancti. |
225 |
| church/6 |
|
W |
Pax tecum. [R.] Et cum spiritu tuo. |
225 |
| church/37 |
Tunc ponat tabulam super reliquias, et det oratio… |
Or |
Deus, qui ex omni coaptatione sanctorum aeternum maiestati tuae condis habitaculum: da aedificationi tuae incrementa caelestia, ut, quorum hic reliquias pio amore amplectimur, eorum semper meritis adiuvemur. Per. |
225 |
| church/2 |
Deinde liniat eam cum calce, quae antea fuerat pr… |
R |
Isti sunt sancti, qui pro |
225 |
| church |
V. |
RV |
Tradiderunt. |
225 |
| church/46 |
Et, postquam fuerit linita, faciat cum chrismate… |
F |
In nomine Patris et Filii et Spiritus Sancti. |
225 |
| church/7 |
|
W |
Pax tecum. [R.] Et cum spiritu tuo. |
225 |
| church/21 |
Et mittat chrisma per quattuor cornua altaris, cr… |
Ant |
Corpora sanctorum |
225 |
| church/47 |
cum |
F |
Gloria Patri. |
225 |
| church/22 |
Tunc diaconi vestiant altare, et schola dicat ant… |
Ant |
Circumdate Sion, levitae, altare |
226 |
| church/16 |
cum psalmo: |
AntV |
Mirabilis Deus in sanctis |
226 |
| church/48 |
et: |
F |
Gloria Patri. |
226 |
| church/23 |
Alia: |
Ant |
In velamento. |
226 |
| church/49 |
Postea quoque offeratur incensum, versusque dicat… |
F |
Omnis terra adoret te, Deus. |
226 |
| church/50 |
|
F |
Kyrie, eleison. Pater noster. Et ne nos. |
226 |
| church/8 |
Preces: |
W |
Fundata est domus Domini super verticem. R. Bene fundata est super omnes. |
226 |
| church/9 |
|
W |
Dominus in templo sancto suo. R. Dominus in caelo. |
226 |
| church/10 |
|
W |
Domus mea, dicit Dominus. R. Domus orationis vocabitur. |
226 |
| church/11 |
|
W |
Exsultabunt sancti in gloria. R. Laetabuntur in cubilibus suis. |
226 |
| church/12 |
|
W |
Exsultent iusti. R. Et delectentur. |
226 |
| church/13 |
|
W |
Pretiosa est in conspectu. R. Mors sanctorum eius. |
226 |
| church/14 |
|
W |
Laetamini in Domino. R. Et gloriamini. |
226 |
| church/15 |
|
W |
Iusti confitebuntur. R. Et habitabunt. |
226 |
| church/16 |
|
W |
Fiat misericordia. R. Quemadmodum. |
226 |
| church/17 |
|
W |
Exsurge, Domine. R. Et libera nos. |
226 |
| church/18 |
|
W |
Domine, Deus virtutum. R. Et ostende. |
226 |
| church/19 |
|
W |
Domine, exaudi orationem. R. Et clamor. |
226 |
| church/20 |
|
W |
Dominus vobiscum. R. Et cum spiritu tuo. |
226 |
| church/38 |
Et dicat pontifex hanc orationem: |
Or |
Descendat, quaesumus, Domine, Deus noster, Spiritus tuus Sanctus super hoc altare, qui et populi tui dona sanctificet, et sumentium corda purificet. Per … in unitate. |
226 |
| church/39 |
[Oratio post velatum altare:] |
Or |
Omnipotens, sempiterne Deus: altare hoc, nomini tuo dicatum, caelestis virtutis benedictione sanctifica, et omnibus, in te sperantibus, auxilii tui munus ostende, ut hic et sacramentorum virtus, et votorum obtineatur effectus. Per. |
226 |
| Dedicatio Ecclesiae/M2/Mass Propers |
[Missa] Deinde revertatur pontifex in sacrarium,… |
Intr |
Terribilis est. |
227 |
| Dedicatio Ecclesiae/Mass Propers |
Et procedat pontifex cum ordinibus suis, sicut co… |
Rub |
|
227 |
| Confirmation |
De confirmatione puerorum |
Rub |
|
227 |
| Confirmation/1 |
Oratio: |
Or |
Omnipotens, sempiterne Deus, qui regenerare dignatus es · hos famulos tuos ex aqua et Spiritu Sancto, quique dedisti eis remissionem omnium peccatorum: emitte in eos septiformem Spiritum tuum Paraclitum Sanctum de caelis, Spiritum sapientiae et intellectus, Spiritum consilii et fortitudinis, Spiritum scientiae et pietatis; adimple eos Spiritu timoris tui, et consigna eos signo Crucis Christi, in vitam propitiatus aeternam. Per. |
227 |
| Confirmation |
Et, interrogantibus diaconibus nomina singulorum,… |
F |
Confirmo te in nomine Patris · et Filii · et Spiritus Sancti. R. Amen. |
227 |
| Confirmation/1 |
|
W |
Pax tecum. |
227 |
| Confirmation/2 |
Et cum spiritu tuo. Iterum, confirmatis omnibus,… |
W |
Ecce, sic benedicetur homo, qui timet Dominum. Benedicat vobis Dominus ex Sion, ut videatis bona Ierusalem omnibus diebus vitae vestrae. Custodiat vos Dominus in timore suo sanctissimo, qui vivit et regnat, Deus. R. Amen. |
227 |
| Confirmation/3 |
|
W |
Pax vobiscum. Et cum spiritu tuo. |
227 |
| Confirmation/2 |
Oratio: |
Or |
Deus, qui apostolis tuis Sanctum dedisti Spiritum, et per eos eorumque successores ceteris fidelibus tuis tradendum esse voluisti: respice propitius ad humilitatis nostrae famulatum, et praesta, ut eorum corda, quorum frontes sacro chrismate delinivimus, et signo crucis designavimus, idem Spiritus Sanctus adveniens · templum gratiae dignanter inhabitando perficiat. Per … in unitate. |
227 |
| Confirmation |
|
Ben |
Benedictio Dei Patris et Filii. |
227 |
| preparation and vesting for Mass/vesting/1 |
Cum exuit chlamydem: |
Or |
Exue me, Domine, veterem hominem cum actibus suis, et indue me novum hominem, qui secundum Deum creatus est in iustitia et sanctitate veritatis. Per Christum, Dominum. |
228 |
| preparation and vesting for Mass/vesting/2 |
Ad calceos oratio: |
Or |
Calcia, Domine, pedes meos in praeparationem Evangelii pacis, et protege me in velamento alarum tuarum. Per Christum, Dominum nostrum. |
228 |
| preparation and vesting for Mass/vesting/3 |
Dum pectit se: |
Or |
Corripe me, Domine, in misericordia, et increpa me, oleum autem peccatoris non impinguet caput meum. Per Christum, Dominum. |
228 |
| preparation and vesting for Mass/vesting/4 |
Dum lavat manus: |
Or |
Da nobis, quaesumus, omnipotens Deus, ut, sicut a nobis exterius abluuntur inquinamenta manuum nostrarum, ita a te interius mundentur pollutiones mentium, et crescant in nobis augmenta sanctarum virtutum. Per Christum, Dominum. |
228 |
| preparation and vesting for Mass/vesting/5 |
[Dum tergit manus:] |
Or |
Da, Domine, virtutem manibus nostris, ad abstergendam omnem maculam immundam, ut sine pollutione mentis et corporis servire tibi valeam. Per Christum, Dominum. |
228 |
| preparation and vesting for Mass/vesting/6 |
Ad humerale: |
Or |
Pone, Domine, galeam salutis super caput meum, ad expugnandam et superandam diabolicam fraudem in nomine Patris et Filii et Spiritus Sancti. Per Christum, Dominum. |
228 |
| preparation and vesting for Mass/vesting/7 |
Ad [albam]: |
Or |
Indue me, Domine, vestimento salutis et iustitiae et intellectu spirituali. Per Christum. |
228 |
| preparation and vesting for Mass/vesting/8 |
[Ad cingulum:] |
Or |
Praecinge, Domine, lumbos mentis et corporis mei, ut iugiter in eis maneat tenor sanctae caritatis. Per Christum, Dominum. |
228 |
| preparation and vesting for Mass/vesting/9 |
[Dum appendit balteum cingulo:] |
Or |
Accinge, Domine, gladium tuum super femur tuum, potentissime, ut viriliter possim contra inimicos meos dimicare spe firma caritatis aeternae. Per Christum. |
228 |
| preparation and vesting for Mass/vesting/10 |
[Dum ponit stolam cervici:] |
Or |
Stola iustitiae circumda, Domine, cervicem meam, et ab omni corruptione peccati purifica mentem meam. Per. |
228 |
| preparation and vesting for Mass/vesting/11 |
[Item alia:] |
Or |
Tollite iugum meum per vos, et discite a me, quia mitis sum et humilis corde, et invenietis requiem animabus vestris. Iugum tuum, Domine, suave est, et onus tuum leve omnibus, invocantibus te in veritate. Me per hoc iugum, quaeso, ab omni protege iniquitate. Per. |
228 |
| preparation and vesting for Mass/vesting/12 |
[Dum induitur tunica, dicat:] |
Or |
Indue me, Domine, tunica iustitiae et innocentiae, et da, ut pro (sic) me verba tua sancta resonantia plebs tua mentis auribus possit percipere, et in ipsas (sic) et per ipsa ad vitae aeternae fructum congaudeat pervenire. Per Christum. |
228 |
| preparation and vesting for Mass/vesting/13 |
Ad [dalmaticam:] |
Or |
Domine, Deus, indue me, quaeso, vestimento salutis, et indumento iustitiae atque laetitiae sempiternae circumda me semper. Per Christum, Dominum. |
228 |
| preparation and vesting for Mass/vesting/14 |
[Ad manipulum:] |
Or |
Manipulum innocentiae pone, Domine, super manum meam, et appone iustitiam pro iniquitate mea. Per Christum. |
228 |
| preparation and vesting for Mass/vesting/15 |
[Alia oratio:] |
Or |
Da mihi, Domine, sensum rectum et vocem puram, ut implere possim laudem tuam, ad promerendam misericordiam tuam magnam et sempiternam gratiam. Per Christum, Dominum. |
228 |
| preparation and vesting for Mass/vesting/16 |
Ad [crucem pectoralem:] |
Or |
Te obsecro, Domine, ut tua virtute meum pectus munias, animam confortes, cogitationem sanctifices. Per Dominum Iesum, qui pependit in te. Amen. |
228 |
| preparation and vesting for Mass/vesting/17 |
[Ad casulam:] |
Or |
Indue me, Domine, ornamento humilitatis et pacis, ut, undique munitus virtutibus, possim resistere vitiis et hostibus mentis et corporis. Per Christum, Dominum. |
228 |
| preparation and vesting for Mass/vesting/18 |
[Alia:] |
Or |
Creator totius creaturae, Deus: dignare me, indignum famulum tuum, indumentis laetitiae iustitiaeque induere, ut pura mente ante conspectum tuum astare merear. Per Christum Dominum. |
228 |
| preparation and vesting for Mass/vesting/19 |
[Ad chirothecam:] |
Or |
Indue, Domine, Deus omnipotens, manus meas iustitia et innocentia, ut, mente purgatus, digne tractare possim tua sancta mysteria. Per Christum Dominum. |
228 |
| preparation and vesting for Mass/vesting/20 |
[Ad anulum:] |
Or |
Anulum, Domine, tuae subarrationis infer digito meo pro signaculo tuae sanctissimae defensionis. Per Christum. |
228 |
| preparation and vesting for Mass/vesting/21 |
[Ad cidarim:] |
Or |
Pone, Domine, galeam salutis in capite meo, ad superandas et expugnandas omnes diabolicas catervas. Per Christum. |
228 |
| preparation and vesting for Mass/vesting/22 |
Ad baculum: |
Or |
Da, Domine, baculum iustitiae, virgam directionis, virgam regni tui, ut, te feriente, quos debeo, feriam, et, te parcente, quibus convenit, parcam. Per Christum, Dominum nostrum. Amen. |
228 |
| Mass ordinary/access |
|
W |
Adiutorium nostrum in nomine Domini. Qui fecit. |
228 |
| Mass ordinary/access |
|
Ps |
Iudica me, Deus, et discerne causam meam de gente non sancta, ab homine iniquo et doloso eripe me. Quia tu es, Deus, fortitudo mea, quare me reppulisti, et quare tristis incedo, dum affligit me inimicus? Emitte lucem tuam et veritatem tuam, ipsa me deduxerunt et adduxerunt in montem sanctum tuum et in tabernacula tua. Et introibo ad altare Dei, ad Deum, qui laetificat iuventutem meam. Confitebor tibi in cithara, Deus, Deus meus, quare tristis es, anima mea, et quare conturbas me? Spera in Deo, quoniam adhuc confitebor illi, salutare vultus mei et Deus meus. Gloria Patri et Filio et Spiritui Sancto etc. |
228 |
| Mass ordinary/access |
|
F |
Introibo ad altare Dei. Ad Deum qui laetificat. |
228 |
| Mass ordinary/confession |
|
W |
Confitemini Domino quoniam. Quoniam in saeculum. |
228 |
| Mass ordinary/confession |
|
F |
Confiteor Deo omnipotenti, et beatae Mariae etc. |
228 |
| Mass ordinary/confession |
|
Abs |
Misereatur tui omnipotens Deus etc. |
228 |
| Mass ordinary/confession |
|
Abs |
Indulgentiam et absolutionem et remissionem omnium peccatorum nostrorum, [spatium et] fructum verae paenitentiae et emendationem vitae per gratiam Sancti Spiritus tribuat nobis omnipotens Pater et misericors Deus. Amen. |
228 |
| Mass ordinary/access |
|
W |
Deus, tu conversus vivificabis nos. Et plebs tua. |
228 |
| Mass ordinary/access |
|
W |
Ostende nobis, Domine, misericordiam tuam. Et salutare. |
228 |
| Mass ordinary/access |
|
W |
Sacerdotes sancti (sic) induantur iustitiam. Et sancti tui. |
228 |
| Mass ordinary/access |
|
W |
Dominus vobiscum. Et cum spiritu. |
228 |
| Mass ordinary/access |
[Accedat ad altare:] |
Or |
Aufer a nobis, quaesumus, Domine, cunctas inquitates nostras, ut ad sancta sanctorum puris mereamur mentibus introire. Salvator mundi, qui vivis et regnas, Deus, per omnia saecula saeculorum. Amen. |
228 |
