| Assignment | Rubrics | Genre | Item | P.N |
|---|---|---|---|---|
| Pasc/D/Resurrectio Domini/victuals/meat/1 | In die Paschae benedictio carnium | Or | Deus universae carnis creator qui agnum in Aegypto Moysi et populo tuo in vigilia Paschae comedere praecepisti in figura Domini nostri Iesu Christi cuius sanguine omnia primogenita tibi de mundo redemisti et in nocte illa omne primogenitum in Aegypto percutere praecepisti servans populum tuum agni sanguine praenotatum dignare quaesumus benedicere et sanctificare has carnes agninas et quicumque ex fidelibus populis tuis ex eis comederint omni benedictione et caelesti gratia saturati repleantur in bonis. | 33 (31r) |
| Pasc/D/Resurrectio Domini/victuals/bacon/2 | Benedictio lardi | Or | Benedic Domine creaturam istam lardi ut sit remedium salutare generi humano et praesta per invocationem tui sancti nominis ut quicumque inde sumpserint corporis sanitatem et animae tutelam percipiant. | 33 (31r) |
| Pasc/D/Resurrectio Domini/victuals/poultry/3 | Super carnes avium | Or | Deus universae creaturae qui inter ceteras diversarum creaturarum species pro humani generis usu etiam volatilium genus ex aqua producere dignatus es ex quibus Noe de arca egrediens holocausta tibi offerens placuit et qui populum tuum ex Aegypto eductum per Moysen servum tuum munda ab immundis segregans edendi praeceptum dedisti te supplices rogamus ut has mundarum avium carnes benedicere et sanctificare digneris ut quicumque ex eis comederint benedictionis tuae abundantia repleantur et ad aeternae vitae gaudia pervenire mereantur. | 33 (31r) |
| Pasc/D/Resurrectio Domini/victuals/eggs/4 | Ovorum benedictio | Or | Subveniat quaesumus Domine benedictionis tuae gratia huic ovorum creaturae ut cibus salutaris fiat tuis fidelibus in gratiarum actione sumentibus. | 34 (32r) |
| Pasc/D/Resurrectio Domini/victuals/cheese/5 | Caseorum benedictio | Or | Dignare Domine quaesumus omnipotens Deus benedicere et sanctificare hanc creaturam casei quam ex adipe animalium producere dignatus es et concede propitius ut quicumque ex populis tuis fidelibus ex eis comederint vel gustaverint omni benedictione caelesti et gratia saturati repleantur in bonis. | 34 (32r) |
| Pasc/D/Resurrectio Domini/victuals/general/1 | W | Dominus vobiscum | 34 (32r) | |
| Pasc/D/Resurrectio Domini/victuals/general/2 | W | Benedicamus Domino | 34 (32r) | |
| Pasc/D/Resurrectio Domini/victuals/general | Ben | Benedictio Dei Patris ... descendat et maneat super has creaturas. | 34 (32r) | |
| Pasc/D/Resurrectio Domini/victuals/general/6 | Ad quaevis | Or | Creator et conservator generis humani dator gratiae spiritualis largitor aeternae salutis tu Domine Spiritum Sanctum super hanc creaturam N. emitte ut armata virtute caelestis dispensationis qui ex ea gustaverint proficiat eis ad aeternam salutem. | 34 (32r) |
| Pasc/D/Resurrectio Domini/victuals/general/7 | Ad omnia benedictio | Or | Deus qui per resurrectionem Filii tui Domini nostri Iesu Christi nobis gaudia contulisti auge et sanctifica collata nobis haec dona tuae largitatis mentesque nostras spiritualibus reple deliciis. | 34 (32r) |