| penance/1 |
Orationes pro peccatis |
Or |
Exaudi quaesumus Domine gemitum populi supplicantis et qui de meritorum qualitate diffidimus non iudicium sed misericordiam consequi mereamur. |
164 |
| penance/2 |
Alia |
Or |
Succurre Domine populo supplicanti et opem tuam tribue benignus infirmis ut sincera tibi mente devoti et praesentis vitae remediis gaudeant et futurae. |
164 |
| penance/3 |
Alia |
Or |
Exaudi quaesumus Domine supplicum preces et confitentium tibi parce peccatis ut pariter nobis indulgentiam tribuas benignus et pacem. |
164 |
| penance/4 |
Alia |
Or |
Deus qui iuste irasceris et clementer ignoscis afflicti populi lacrimas respice et iram tuae indignationis quam iuste meremur propitiatus averte. |
164 |
| penance/5 |
Alia |
Or |
Conserva quaesumus Domine populum tuum et ab omnibus quas meremur adversitatibus redde securum ut tranquillitate percepta devota tibi mente deserviat. |
164 |
| penance/6 |
Alia |
Or |
Afflictionem familiae tuae quaesumus Domine intende placatus ut indulta venia peccatorum de tuis semper beneficiis gloriemur. |
165 |
| penance/7 |
Alia |
Or |
Ab omnibus nos quaesumus Domine peccatis propitiatus absolve ut percepta venia peccatorum liberis tibi mentibus serviamus. |
165 |
| penance/8 |
Alia |
Or |
Precibus nostris quaesumus Domine aurem tuae pietatis accommoda et orationes supplicum occultorum cognitor benignus exaudi ut te largiente ad vitam perveniant sempiternam. |
165 |
| penance/9 |
Alia |
Or |
Praesta populo tuo Domine quaesumus consolationis auxilium et diuturnis calamitatibus laborantem propitius respirare concede. |
165 |
| penance/10 |
Alia |
Or |
Quaesumus omnipotens Deus ut qui nostris fatigamur offensis et merito nostrae iniquitatis affligimur pietatis tuae gratiam consequi mereamur. |
165 |
| penance/11 |
Alia |
Or |
Deus qui nos conspicis in tot perturbationibus non posse subsistere afflictorum gemitum propitius respice et mala omnia quae mereamur au er te. |
165 |
| penance/12 |
Alia |
Or |
Deus cui proprium est misereri semper et parcere suscipe deprecationem nostram et quos delictorum catena constringit miseratio tuae pietatis absolvat. |
165 |
| penance/13 |
Alia |
Or |
Da nobis quaesumus Domine de tribulatione laetitiam ut qui diu pro nostris peccatis affligimur intercedente beato illo martyre tuo in tua misericordia respiremus. |
165 |
| penance/14 |
Alia |
Or |
Exaudi Domine populum tuum tota tibi mente subiectum ut corpore et mente protectus quod pie credit tua gratia consequatur. |
165 |
| penance/15 |
Alia |
Or |
Subiectum tibi populum quaesumus Domine propitiatio caelestis amplificet et tuis semper faciat servire mandatis. |
165 |
| penance/16 |
Alia |
Or |
Purifica quaesumus Domine tuorum corda fidelium ut a terrena cupiditate mundati et praesentis vitae periculis exuantur et perpetuis donis firmentur. |
165 |
| penance/17 |
Alia |
Or |
Clamantium ad te quaesumus Domine preces dignanter exaudi ut sicut Ninivitis in afflictione positis pepercisti ita et nobis in praesenti tribulatione succurre. |
166 |
| penance/18 |
Alia |
Or |
Miserere iam quaesumus Domine populo tuo et continuis tribulationibus laborantem celeri propitiatione laetifica. |
166 |
| penance/19 |
Alia |
Or |
Auxiliare Domine quaerentibus misericordiam tuam et da veniam confitentibus parce supplicibus ut qui nostris meritis flagellamur tua miseratione salvemur. |
166 |
| penance/20 |
Alia |
Or |
Praesta quaesumus omnipotens Deus ut qui iram tuae indignationis agnovimus misericordiae tuae indulgentiam consequamur. |
166 |
| penance/21 |
Alia |
Or |
Tribulationem nostram quaesumus Domine propitius respice et iram tuae indignationis quam iuste meremur propitiatus averte. |
166 |
| penance/22 |
Alia |
Or |
Deus qui peccantium animas non vis perire sed culpas contine quam meremur iram et quam precamur super nos effunde clementiam ut de merore gaudium tuae misericordiae consequi mereamur. |
166 |
| penance/23 |
Alia |
Or |
Quaesumus omnipotens Deus afflicti populi lacrimas respice et iram tuae indignationis averte ut qui reatum nostrae infirmitatis agnoscimus tua consolatione liberemur. |
166 |
| penance/24 |
Alia |
Or |
Deus qui culpa offenderis paenitentia placaris preces populi supplicantis propitius respice et flagella tuae iracundiae quae pro peccatis nostris meremur averte. |
166 |
| penance/25 |
Alia |
Or |
Parce Domine parce populo tuo ut dignis flagellationibus castigatus in tua miseratione respiret. |
166 |
| penance/26 |
Alia |
Or |
Intende quaesumus Domine preces nostras et qui non operando iustitiam correptionem meremur afflicti in tribulatione clamantes respiremus auditi. |
166 |
| penance/27 |
Alia |
Or |
Praesta quaesumus omnipotens Deus ut qui offensa nostra per flagella cognoscimus tuae consolationis gratiam sentiamus. |
166 |
| penance/28 |
Alia |
Or |
Ne despicias omnipotens Deus populum tuum in afflictione clamantem sed propter gloriam nominis tui tribulantibus succurre placatus. |
166 |
| penance/29 |
Alia |
Or |
Exaudi Domine gemitum populi tui nec plus apud te valeat offensio delinquentium quam misericordia tua indulta fletibus supplicantium. |
167 |
| penance/30 |
Alia |
Or |
Omnipotens Deus misericordiam tuam in nobis placatus inpende ut qui te contemnendo culpa incurrimus confitendo veniam consequamur. |
167 |
| penance/31 |
Alia |
Or |
Deus refugium pauperum spes humilium salusque miserorum supplicationes populi tui clementer exaudi ut quos iustitia verberum fecit afflictos abundantia remediorum faciat consolatos. |
167 |
| penance/32 |
Alia |
Or |
Moveat pietatem tuam quaesumus Domine subiectae tibi plebis affectus et misericordiam tuam supplicatio fidelis optineat ut quod meritis non praesumit indulgentiae tuae largitate percipiat. |
167 |
| penance/33 |
Alia |
Or |
Deprecationem nostram quaesumus omnipotens Deus benignus exaudi et quibus supplicandi praestas affectum tribuae defensionis auxilium. |
167 |
| penance/34 |
Alia |
Or |
Averte quaesumus Domine iram tuam propitiatus a nobis et facinora nostra quibus indignationem tuam provocamus expelle. |
167 |
| penance/35 |
Alia |
Or |
Memor esto quaesumus Domine fragilitatis humanae et qui iuste verberas peccatores parce propitiatus afflictis. |
167 |
| penance/36 |
Alia |
Or |
Aures tuae pietatis quaesumus Domine precibus nostris inclina ut qui peccatorum nostrorum flagellis percutimur miserationis tuae (gratia) liberemur. |
167 |
| penance |
Oratio super paenitentem |
Or |
Da nobis Domine ut sicut publicani precibus et confessione placatus es ita et huic famulo tuo illa placare Domine et precibus eius benignus aspira ut in confessione flevili permanenti et petitione perpetua clementiam tuam celeriter exoretur sanctisque altaribus et sacramentis restitutus rursus caelestis gloriae mancipetur. |
178 |
