| Qu/H6/f5/reconciliation of penitents/1 |
Orationes ad reconciliandum paenitentem feria V i… |
Or |
Adesto, Domine, supplicationibus nostris et me, qui etiam misericordia tua primus indigeo clementer exaudi, ut quem non electione meriti sed dono gratiae tuae constituisti operis huius ministrum, da fiduciam tui muneris exsequendi, et ipse in nostro ministerio, quod tuae pietatis est operare. |
452 |
| Qu/H6/f5/reconciliation of penitents/2 |
Item alia |
Or |
Praesta, quaesumus, Domine, huic famulo tuo dignum paenitentiae fructum, ut Ecclesiae tuae sanctae, a cuius integritate deviarat peccando, admissorum reddatur innoxius veniam consequendo. |
453 |
| Qu/H6/f5/reconciliation of penitents/3 |
Item alia |
Or |
Deus humani generis benignissime conditor et misericordissime reformator, qui hominem invidia diaboli ab aeternitate delectum unici Filii tui sanguine redemisti, vivifica hunc famulum tuum quem tibi nullatenus mori desideras, et, qui non derelinquis devium, assume correctum. Moveant pietatem tuam, quaesumus, Domine, huius famuli tui lacrimosa suspiria, tu eius medere vulneribus, tu iacenti manum porrige salutarem, ne ecclesia tua aliqua sui corporis portione vastetur, ne grex tuus detrimentum sustineat, ne de familiae tuae damno inimicus exsultet, ne renatum lavacro salutari, mors secunda possideat. Tibi ergo, Domine, supplices preces, tibi fletum cordis effundimus, tu parce confitenti, ut, sic in hac mortalitate peccata sua te adiuvante defleat, qualiter in tremendi iudicii die, sententiam damnationis aeternae evadat, et nesciat, quod terret in tenebris, quod stridet in flammis, atque ab erroris via, ad iter reversus iustitiae, nequaquam ultra vulneribus saucietur, sed integrum sit ei atque perpetuum, et, quod gratia tua contulit, et, quod misericordia reformavit. Per eundem. |
453 |
