| Assignment | Rubrics | Genre | Item | P.N |
|---|---|---|---|---|
| monk/1 | Orationes in monasterio monachorum | Or | Deus, qui renuntiantibus saeculo mansionem paras in caelo, dilata sanctae huius congregationis temporale habitaculum caelestibus bonis, ut fraternae teneantur conpagine caritatis, unanimes continentiae praecepta custodiant, sobrii, simplices, et quieti, gratis sibi datam gratiam fuisse cognoscant, concordet illorum vita cum nomine, professio sentiatur in opere. | 436 |
| monk/2 | Item alia | Or | Suscipe, Domine, preces nostras, et muro custodiae tuae hoc sanctum ovile circumda, ut omni adversitate depulsa, sit hoc semper domicilium incolumitatis et pacis. | 436 |
| monk/3 | Orationes pro fratribus in via dirigentibus | Or | Deus, qui diligentibus te misericordiam, tuam semper inpendis, et a servientibus tibi in nulla es regione longinquus, dirige viam famuli tui illius in voluntate <tua>, ut te protectore et te prae duce, per iustitiae semitas sine offensione gradiatur. | 437 |
| monk/4 | Item alia | Or | Exaudi, Domine, preces nostras, et iter famuli tui illius propitius comitare, atque misericordiam tuam, sicut ubique es ita ubique largire, quatenus ab omnibus adversitatibus tua opitulatione defensus, iustorum desideriorum potiatur effectibus. | 437 |
| monk/5 | Oratio pro redeuntibus de itinere | Or | Omnipotens sempiterne Deus, nostrorum temporum vitaeque dispositor, famulo tuo illo, continuae tranquillitatis largire subsidium, ut quem incolumem propriis laboribus reddidisti, tua facias protectione securum. | 437 |
| monk/6 | In Adventu fratrum supervenientium | Or | Deus humilium visitator, qui nos fraterna dilectione consolaris, praetende societati nostrae gratiam tuam, ut per eos in quibus habitas, tuum in nobis sentiamus adventum. | 438 |