Conspectus with ceremony exodiastic rites

Assignment Rubrics Genre Item P.N
LXX/H3/f4/Cinerum/exodiastic rites/1 Orationes ad visitandum infirmum Or Deus, qui famulo tuo Ezechiae ter quinos annos ad vitam donasti, ita et famulum tuum illum a lecto aegritudinis tua potentia erigat ad salutem. 453
LXX/H3/f4/Cinerum/exodiastic rites/2 Alia Or Respice, Domine, [super] famulum tuum illum in infirmitate sui corporis laborantem, et animam Refove quam creasti, ut castigationibus emendata, continuo se sentiat tua medicina salvatum. 454
LXX/H3/f4/Cinerum/exodiastic rites/3 Alia Or Deus, qui facturae tuae pio semper dominaris affectu, inclina aurem tuam supplicationibus nostris, et famulum tuum illum ex adversa valitudine corporis laborantem placatus respice, et visita in salutari tuo ac caelestis gratiae praesta medicinam. 454
LXX/H3/f4/Cinerum/exodiastic rites/4 Alia Or Deus, qui humano generi et salutis remedium et vitae aeternae munera contulisti, conserva famulo tuo illo tuarum dona virtutum, et concede, ut medelam tuam non solum in corpore, sed etiam in anima sentiat. 454
LXX/H3/f4/Cinerum/exodiastic rites/5 Alia Or Virtutum caelestium Deus, qui ab humanis corporibus omnem languorem et omnem infirmitatem praecepti tui potestate depellis, adesto propitius huic famulo tuo illo, ut fugatis infirmitatibus et viribus receptis, nomen sanctum tuum instaurata protinus sanitate benedicat. 454
LXX/H3/f4/Cinerum/exodiastic rites/6 Item alia Or Domine sancte Pater omnipotens aeterne Deus, qui fragilitatem condicionis nostrae infusa virtutis tuae dignatione confirmas, ut salutaribus remediis pietatis tuae corpora nostra et membra vegetentur, super hunc famulum tuum propitiatus intende, ut omni necessitate corporeae infirmitatis exclusa, gratia in eo pristinae sanitatis perfecta reparetur. 454
exodiastic rites/1 Oratio pro reddita sanitate Or Domine sancte Pater omnipotens aeterne Deus, qui benedictionis tuae gratiam aegris infundendo corporibus, facturam tuam multiplici pietate custodis, ad invocationem nominis tui benignus adsiste, et hunc famulum tuum illum, liberatum aegritudine et sanitate donatum, dextera tua erigas, virtute confirmes, potestate tuearis, Ecclesiae tuae sanctisque altaribus tuis cum omni desiderata prosperitate restituas. 456
exodiastic rites/2 Reconciliatio paenitentis ad mortem Or Deus misericors Deus clemens, qui secundum multitudinem miserationum tuarum peccata paenitentium deles, et praeteritorum criminum culpas venia remissionis evacuas, respice super hunc famulum tuum et remissionem sibi omnium peccatorum suorum tota cordis confessione poscentem deprecatus exaudi, renova in eo piissime Pater quicquid terrena fragilitate corruptum, vel quicquid diabolica fraude violatum est, et in unitate corporis Ecclesiae tuae membrorum perfecta remissione restitue, miserere, Domine, gemituum, miserere lacrimarum, et non habentem fiduciam nisi in tua misericordia, ad sacramentum reconciliationis admitte. 456
exodiastic rites/3 Alia Or Maiestatem tuam, Domine, supplices deprecamur, ut huic famulo tuo ill., longo squalore paenitentiae macerato, miserationis tuae veniam largiri digneris, ut nuptiali veste recepta, ad regalem mensam unde electus fuerat, mereatur introire. 457
exodiastic rites/1 Orationes in agenda mortuorum. Quando anima egred… Pf Pio recordationis affectu fratres carissimi, commemorationem facimus cari nostri illius quem Dominus de tentationibus huius saeculi assumpsit, obsecrantes misericordiam dei nostri, ut ipse ei tribuere dignetur placidam et quietam mansionem, et remittat omnes lubricae temeritatis offensas, ut concessa venia plenae indulgentiae, quicquid in hoc saeculo proprio reatu deliquit, totum ineffabili pietate ac benignitate sua deleat et abstergat. Quod ipse praestare dignetur, qui cum Patre et spiritu sancto vivit et regnat Deus, per omnia saecula saeculorum. Amen. 457
exodiastic rites/4 Item alia oratio Or Deus, cui omnia vivunt, et, cui non pereunt moriendo corpora nostra sed mutantur in melius, te supplices deprecamur, ut suscipi iubeas animam famuli tui illius per manus sanctorum angelorum tuorum, deducendam in sinum amici tui Abrahae patriarchae, resuscitandamque in novissimo magni iudicii die, et quicquid vitiorum fallente diabolo contraxit, tu pius et misericors ablue indulgendo. 458
exodiastic rites/5 Item alia Or Suscipe, Domine, animam serui tui illius quam de ergastulo huius saeculi vocare dignatus es, et libera eam de principibus tenebrarum et de locis poenarum, ut absoluta omnium vinculo peccatorum, quietis ac lucis aeternae beatitudine perfruatur, et inter sanctos et electos suos in resurrectionis gloriam, resuscitari mereatur. 458
exodiastic rites/6 Item alia oratio Or Non intres in iudicio cum servo tuo, Domine, ill., quoniam nullus apud te iustificabitur homo, nisi per te omnium peccatorum tribuatur remissio, non ergo eum tua, quaesumus, iudicialis sententia premat, quem tibi vera supplicatio fidei Christianae commendat, sed gratia tua illi succurrente mereatur evadere iudicium ultionis, qui dum viveret insignitus est signaculo Trinitatis. 458
exodiastic rites/7 Item alia Or Fac, quaesumus, Domine, hanc cum servo tuo defuncto illo misericordiam, ut factorum suorum in poenis non recipiat vicem, qui tuam in votis tenuit voluntatem, ut, sicut hic eum vera fides iunxit fidelium turmis, ita eum illic tua miseratio societ angelicis choris. 459
exodiastic rites/8 Alia Or Inclina, Domine, aurem tuam ad preces nostras quibus misericordiam tuam supplices deprecamur, ut animam famuli tui illius quam de hoc saeculo migrare iussisti, in pacis ac lucis regione constituas, et sanctorum tuorum iubeas esse consortem. 459
exodiastic rites/9 Item alia Or Absolve, Domine, animam famuli tui illius, ab omni vinculo delictorum, ut in resurrectionis gloria, inter sanctos tuos resuscitatus respiret. 459
exodiastic rites/10 Alia Or Annue nobis, Domine, ut animam famuli tui illius, remissionem quam semper optavit, mereatur percipere peccatorum. 459
exodiastic rites/1 Post haec continuatim canantur psalmi et postea d… W In memoria aeterna erit iustus. 459
exodiastic rites/2 W Ne tradas bestiis animas confitentium tibi. 459
exodiastic rites/3 W Pretiosa in conspectu Domini mors sanctorum eius. 460
exodiastic rites/4 W Non intres in iudicio cum servo tuo. 460
exodiastic rites/5 W Requiem aeternam dona ei Domine. 460
exodiastic rites/11 Incipiunt orationes post lavationem corporis. Or Deus vitae dator et humanorum corporum reparator, qui te a peccatoribus exorari voluisti, exaudi preces quas speciali devotione pro anima famuli tui ill. tibi lacrimabiliter fundimus, ut liberare eam ab inferorum cruciatibus, et collocare inter agmina sanctorum tuorum digneris, veste quoque caelesti et stola immortalitatis indui, et paradisi amoenitate confoveri iubeas. 460
exodiastic rites/12 Item alia Or Deus, qui humanarum animarum aeternus amator es, animam famuli tui illius quam vera dum in corpore maneret tenuit fides, ab omni cruciatu inferorum redde extorrem, ut segregata ab infernalibus claustris, sanctorum mereatur adunari consortiis. 460
exodiastic rites/13 Orationes ante sepulchrum prius quam sepeliatur. Or Obsecramus misericordiam tuam aeterne omnipotens Deus, qui hominem ad imaginem tuam creare dignatus es, ut spiritum et animam famuli tui illius, quem hodierna die rebus humanis eximi, et ad te accersire iussisti, blande et misericorditer suscipias, non ei Dominentur umbrae mortis, nec tegat eum chaos et caligo tenebrarum, sed exutus omnium criminum labe, in sinu Abrahae patriarchae collocatus, locum lucis et refrigerii se adeptum esse gaudeat, et cum dies iudicii advenerit, cum sanctis et electis tuis, eum resuscitari iubeas. 460
exodiastic rites/14 Item alia Or Deus apud quem mortuorum spiritus vivunt, et in quo electorum animae deposito camis onere plena felicitate laetantur, praesta supplicantibus nobis, ut anima famuli tui illius, quae temporali per corpus visionis huius luminis caruit visu, aeternae illius lucis solatio potiatur, non eum tormentum mortis attingat, non dolor horrendae visionis afficiat, non poenalis timor excruciet, non reorum proxima catena constringat, sed concessa sibi delictorum omnium venia optatae quietis consequatur gaudia repromissa. 461
exodiastic rites/2 Orationes post sepultum corpus Pf Oremus fratres carissimi pro spiritu cari nostri illius quem Dominus de laqueo huius saeculi liberare dignatus est, cuius corpusculum hodie sepulturae traditur, ut eum pietas Domini in sinu Abrahae et Isaac et Iacob collocare dignetur, ut cum dies iudicii advenerit, inter sanctos et electos suos eum in parte dextera collocandum resuscitari faciat, praestante Domino nostro Iesu Christo, qui cum Patre et spiritu sancto vivit et regnat Deus, per omnia saecula saeculorum. Amen. 461
exodiastic rites/15 Item alia Or Deus, qui iustis supplicationibus semper praesto es, qui pia vota dignaris intueri, da famulo tuo illo cuius depositioni hodie officia humanitatis exhibemus, cum sanctis atque fidelibus tuis, beati muneris portionem. 462
exodiastic rites/16 Item alia Or Debitum humani corporis sepeliendi officium fidelium more complentes, deum, cui omnia vivunt fideliter deprecemur, ut hoc corpus cari nostri illius a nobis in infirmitate sepultum, in ordine sanctorum suorum resuscitet, et eius spiritum sanctis ac fidelibus aggregari iubeat, cum quibus inenarrabili gloria et perenni felicitate perfrui mereatur, praestante Domino nostro Iesu Christo, qui cum Patre et spiritu sancto vivit et regnat Deus, per. 462
exodiastic rites/17 Alia Or Temeritatis quidem est, Domine, ut homo hominem, mortalis mortalem, cinis cinerem, tibi Domino Deo nostro audeat commendare, sed quia terra suscipit terram, et pulvis convertitur in pulverem, donec omnis caro in suam redigatur originem, inde tuam Deus piissime Pater lacrimabiliter, quaesumus, pietatem, ut huius famuli tui illius animam quam de huius mundi voragine caenulenta ducis ad patriam, Abrahae amici tui sinu recipias, et refrigerii rore perfundas, sit ab aestuantis gehennae truci incendio segregatus, et beatae requiei te donante coniunctus, et si, quae illi sunt, Domine, dignae cruciatibus culpae, tu eas gratiae mitissimae lenitate indulge, nec peccati recipiat vicem, sed indulgentiae tuae piam sentiat bonitatem, eumque finito mundi termino supernum cunctis inluxerit regnum, omnium sanctorum coetibus aggregatus, cum electis resurgat in parte dexterae coronandus. 462
exodiastic rites/18 Item alia Or Tibi, Domine, commendamus animam famuli tui illius, ut defunctus saeculo tibi vivat, et si qua per fragilitatem mundanae conversationis peccata ammisit, tu venia misericordissimae pietatis absterge. 463