| places of a monastery/sacrarium/1 |
Oratio in sacrario |
Or |
Omnipotens et misericors Deus, qui sacerdotum ministerio ad tibi serviendum et supplicandum uti dignaris, quaesumus, immensam clementiam tuam, ut quicquid modo visitamus visites, quicquid benedicimus benedicas, sitque ad nostrae humilitatis introitum, sanctorum tuorum meritis, fuga daemonum, angeli pacis ingressus. |
480 |
| places of a monastery/vestiarium/2 |
Oratio ubi vestimenta conservantur |
Or |
Deus, qui famulantibus tibi mentis et corporis subsidia misericorditer largiris, praesta, quaesumus, ut, quae hic pietas tua in usus et necessaria corporum famulorum tuorum contulit, clementer abundare et conservare facias, ut his exterius utentes, interius indumento amicti iustitiae, devoti semper tibi existere mereantur. |
480 |
| places of a monastery/refectorium/3 |
Oratio in refectorio |
Or |
Omnipotens et misericors Deus, qui famulos tuos in hac domo alis refectione carnali, cibum vel potum te benedicente cum gratiarum actione percipiant, et hic et in aeternum, per te semper salui esse mereantur. |
480 |
| places of a monastery/dormitorium/4 |
Oratio in dormitorio |
Or |
Benedic, Domine, hoc famulorum tuorum dormitorium, qui non dormis neque dormitas, qui custodis Israel, famulos tuos in hac domo quiescentes post laborem custodi ab illusionibus phantasmaticis satanae vigilantes in praeceptis tuis meditentur, dormientes te per soporem sentiant, et hic et ubique defensionis tuae auxilio muniantur. |
481 |
| places of a monastery/cellarium/promptuarium/5 |
Oratio in cellario |
Or |
Omnipotens et misericors Deus, qui ubique praesens es, maiestatem tuam suppliciter deprecamur, ut huic promptuario gratia tua adesse dignetur, quae cuncta adversa ab eo repellat, et abundantiam benedictionis tuae largiter infundat. |
481 |
| places of a monastery/scriptorium/6 |
Oratio in scriptorio |
Or |
Benedicere digneris, Domine, hoc scriptorium famulorum tuorum et omnes habitantes in eo, ut quicquid hic divinarum scripturarum ab eis lectum vel scriptum fuerit, sensu capiant opere perficiant. |
481 |
| places of a monastery/hospitale/7 |
Oratio in hospitali |
Or |
Omnipotens et misericors Deus, qui es doctor cordium humanorum et magister angelorum, te humiliter, quaesumus, ut cordibus famulorum tuorum ob gratiam salutationis [tuae] locum hunc frequentantium semper adesse digneris, sit eorum sermo in timore tuo ignitus atque sale conditus, utilitate proximi plenus, ut cum hinc advenientes recesserint, de exemplo eorum, gloriam tui nominis praedicent. |
482 |
| places of a monastery/domus infirmorum/8 |
Oratio in domo infirmorum |
Or |
Omnipotens et misericors Deus, quaesumus, immensam pietatem tuam, ut ad introitum humilitatis nostrae hos famulos tuos hoc in habitaculo fessos iacentes, salutifere visitare digneris, et, sicut visitasti, Domine, Tobiam et Sarram socrum Petri puerumque centurionis, ita et isti pristina sanitate animae corporisque recepta, gratiarum tibi in ecclesia tua referant actionem. |
482 |
| places of a monastery/area/9 |
Oratio in area |
Or |
Multiplica, Domine, super nos misericordiam tuam et preces nostras propitius exaudire dignare, et, sicut exaudisti famulum tuum regem David, qui te in area hostias offerendo placuit, iram avertit, indulgentiam impetravit, ita veniat, quaesumus, super hanc aream speratae benedictionis ubertas, ut repleti frugibus tuis de tua semper misericordia gloriemur. |
482 |
| places of a monastery/granarium/hortus/10 |
Oratio in granario |
Or |
Omnipotens et misericors Deus, qui benedixisti horrea Ioseph, aream Gedeonis, et adhuc, quod maius est iacta terrae semina surgere facis cum fenore messis, te humiliter quaesumus, ut, sicut ad petitionem famuli tui Eliae non defuit viduae farina, ita ad nostrae parvitatis suffragia huic horreo famulorum tuorum non desit benedictionis tuae abundantia. |
483 |
| places of a monastery/pistrinum/11 |
In pistrino |
Or |
Sanctificetur istius officinae locus, Domine, et fugetur ab eo omnis inmundus spiritus per virtutem Domini nostri Iesu Christi, deturque omnibus in eo commorantibus sanitas, claritas, hilaritas, protegente ac conservante maiestate tua omnipotens Deus. |
483 |
| places of a monastery/coquina/12 |
In coquina |
Or |
Deus aeterne ante cuius conspectum adsistunt angeli et cuius nutu reguntur universa, qui etiam necessariis humane fragilitatis tua pietate consulere non desinis, te humiliter imploramus, ut habitaculum istius officine illa benedictione perfundas, qua per manus Elisaei prophetae in olla heremitica gustus amarissimos dulcorasti, et semper hic tue benedictionis copia redundante, laudes tibi referant serui tui, qui das aescam omni carni, et reples omne animal benedictione Salvator mundi. |
484 |
| places of a monastery/lardarium/13 |
Oratio in lardario |
Or |
Omnipotens et misericors Deus, qui necessitatem humani generis clementer praevidens adminicula temporalia contulisti humiliter imploramus, ut benedicere digneris hoc lardarium famulorum tuorum, ut, quod hic tuam misericordiam pie contulit nostro merito non depereat. |
484 |
| places of a monastery/caminata/14 |
Oratio in caminata |
Or |
Omnipotens sempiterne Deus, cuius sapientia hominem docuit, ut domus haec careret aliquando frigore a vicinitate ignis, te, quaesumus, ut omnes habitantes vel convenientes in ea, careant in corde infidelitatis frigore a fervore ignis Spiritus Sancti. Per dominum nostrum in unitate eiusdem. |
485 |
