| Genre | Lc |
|---|---|
| Standard full text | In diebus illis Saulus adhuc spirans minarum et caedis in discipulos Domini abiit ad principem sacerdotum et petiit ab eo epistulas in Damascum ad synagogas ut si quos invenisset huius viae viros ac mulieres vinctos perduceret in Ierusalem Et cum iter faceret contigit ut appropinquaret Damasco Et subito circumfulsit eum lux de caelo et cadens in terram audivit vocem de caelo dicentem sibi Saule Saule quid me persequeris Qui dixit Quis es Domine Et ille Ego sum Iesus Nazarenus quem tu persequeris Durum est tibi contra stimulum calcitrare Et ille tremens ac stupens dixit Domine quid me vis facere Et Dominus ad eum Surge et ingredere civitatem et dicetur tibi quid te oporteat facere Viri autem illi qui comitabantur cum eo stabant stupefacti audientes quidem vocem neminem autem videntes Surrexit autem Saulus de terra apertisque oculis nihil videbat Ad manus autem illum trahentes introduxerunt Damascum Et erat tribus diebus non videns et non manducavit neque bibit Erat autem quidam discipulus Damasci nomine Ananias Et dixit ad illum in visu Dominus Anania At ille ait Ecce ego Domine Et Dominus ad illum Surge et vade in vicum qui vocatur Rectus et quaere in domo Iudae Saulum nomine Tarsensem ecce enim orat Et vidit virum nomine Ananiam introeuntem et imponentem sibi manum ut visum recipiat Respondit autem Ananias Domine audivi a multis de viro hoc quanta mala sanctis tuis fecerit in Ierusalem et hic habet potestatem a principibus sacerdotum alligandi omnes qui invocant nomen tuum Dixit autem ad eum Dominus Vade quoniam vas electionis est mihi iste ut portet nomen meum coram gentibus et regibus et filiis Israel Ego enim ostendam illi quanta oporteat eum pro nomine meo pati Et abiit Ananias et introivit in domum et imponens ei manum dixit Saule frater Dominus Iesus misit me ad te qui apparuit tibi in via qua veniebas ut videas et implearis Spiritu Sancto Et confestim ceciderunt ab oculis eius tamquam squamae et visum recepit Et surgens baptizatus est Et cum accepisset cibum confortatus est Fuit autem cum discipulis qui habitabant Damasci per dies aliquot Et continuo ingressus synagogam praedicabat Iesum quoniam hic est Filius Dei Stupebant autem omnes qui audiebant et dicebant Nonne hic est qui expugnabat in Ierusalem eos qui invocabant nomen istud Et huc ad hoc venit ut vinctos duceret illos ad principes sacerdotum Saulus autem multo magis convalescebat et confundebat Iudaeos qui habitabant Damasci Affirmans quoniam hic est Christus |
| Bible | Act 9,1-22 |
| Frequency | Lc. 222 occurences, 0.2549%, 254pcm (extreme) |
| Diversity | Lc. 4 (low) |
| Assignments | Lc. Jan/25/Conversio Pauli/M2/Mass Propers (215) Lc. Jun/30/Commemoratio Pauli/M2/Mass Propers (6) Lc. Jan/25/Praeiectus/M2/Mass Propers (2) Lc. Jan/24/Conversio Pauli/M2/Mass Propers (1) |