The Digital Collection of Sources

Salve dies dierum

Layer	L
Fulltext	Salve dies dierum gloria dies felix Christi victoria dies digna iugi laetitia dies prima Lux divina caelis irradiat in qua Christus infernum spoliat mortem vincit et reconciliat summis ima Sempiterni regis sententia sub peccato conclusit omnia ut infirmis superna gratia subveniret Dei virtus et sapientia temperavit iram clementia cum iam mundus in praecipitia totus iret Insultabat nostrae miseriae vetus hostis auctor malitiae quia nulla spes erat veniae de peccatis Desperante mundo remedium dum tenerent cuncta silentium deus pater emisit filium desperatis Praedo vorax monstrum tartareum carnem videns non cavens laqueum in latentem ruens aculeum aduncatur Dignitatis primae condicio reformatur nobis in filio cuius nova nos resurrectio consolatur Resurrexit liber ab inferis restaurator humani generis ovem suam reportans umeris ad superna Angelorum pax fit et hominum plenitudo succrescit ordinum triumphantem laus decet Dominum laus aeterna Harmoniae caelestis patriae vox concordet matris ecclesiae alleluia frequentet hodie plebs fidelis Triumphato mortis imperio triumphali fruamur gaudio in terra pax et iubilatio sit in caelis
Text Source	AH 54:146 – Adamus de Sancto Victore

	Book	Part	Season	Week	Day	Feast	Genre	Mass	P.N
jump	FR Dol-de-Bretagne 1502, Missal, Missale Dolense \| 112	T	Pasc	H1	f6		Seq	M2	83 (71r)
jump	FR Rennes 1485 (about), Missal, Missale Redonense \| 556	T	Pasc	H1	f2		Seq	M2	144 (69v)
jump	FR Rennes 1485 (about), Missal, Missale Redonense \| 556	T	Pasc	H1	f3		Seq	M2	146 (70v)
jump	FR Rennes 1485 (about), Missal, Missale Redonense \| 556	T	Pasc	H1	f4		Seq	M2	148 (71v)
jump	FR Rennes 1485 (about), Missal, Missale Redonense \| 556	T	Pasc	H1	S		Seq	M2	151 (73r)
jump	FR Saint-Malo 1503, Missal, Missale Macloviense \| 86	T	Pasc	H1	f6		Seq	M2	87 ()
jump	FR Paris 1481, Missal, Missale Parisiense \| 79	T	Pasc	H2	D	Pasc	Seq	M2	197 (88)