20 Adiutorium nostrum in nomine Domini

20 Sit nomen Domini benedictum.

20 Exorcizo te creatura salis ... qui te per Eliseum prophetam in aquam mitti iussit ... omnes daemonum tentationes.

20 Virtutis tuae invictam fortitudinem ... tutelam fidelissimam desiderantibus praestet.

20 Discede immunde spiritus ... copiam benedictionis inducas.

21 Per misericordiam ... benedictus

21 Humiliate vos benedictioni. Dominus sit semper vobiscum.

21 Dominus sit semper vobiscum. Et cum spiritu tuo.

21 Domine sancte Pater ... institutor et conditor omnium elementorum ... mala omnia te propitiante recedant.

21 Per misericordiam ... benedictus

21 Dominus sit semper vobiscum. Et cum spiritu tuo.

21 Commixtio salis et aquae

21 Aeterne omnipotens Deus qui nobis a te conditam ... ibi mansura consistat.

21 Per misericordiam ... benedictus

21 Dominus sit semper vobiscum. Et cum spiritu tuo.

21 Benedictio Dei Patris omnipotentis ... maneat super hanc creaturam salis et aquae.

21 Sparsit nos Deus hyssopo ... dealbabis nos.

21 Miserere mei Deus ... dele iniquitatem meam.

21 Ostende nobis

21 Beati qui habitant

21 Domine exaudi orationem meam

21 Exaudi nos ... mittere dignare ... in hoc habitaculo Dei.

22 Ecce super montes pedes evangelizantis pacem alleluia et annuntiantis bona alleluia celebra Iuda festivitates tuas alleluia et redde Domino vota tua alleluia.

22 Dominus dabit verbum evangelizantibus in virtute multa.

22 Gloria et honor Patri et Filio et Spiritui Sancto in saecula saeculorum amen.

22 Per omnia semper saecula saeculorum.

22

22 Deus qui per angelicos choros adventum Filii tui Domini nostri Iesu Christi annuntiare voluisti per angelorum praeconia gloria in excelsis Deo et in terra pax hominibus bone voluntatis adclamantibus demonstrasti concede ut in huius dominice resurrectionis festivitate pax terris reddita convalescat et fraterne delectionis caritate innovata permaneat.

22 Per misericordiam tuam Deus noster qui es benedictus et vivis et omnia regis in saecula saeculorum.

22 Dominus sit semper vobiscum

22 Deo gratias.

22 Ecce dominator Dominus exercituum confringet lagunculam in terrore et excelsi statura succindentur et sublimes humiliabuntur et subvertentur condensa saltus eius ferro et Libanus cum excelsis cadet. Et egredietur virga de radice Iesse et flos de radice eius ascendet et requiescet super eum spiritus Domini spiritus sapientie et intellectus spiritus consilii et fortitudinis spiritus scientie et pietatis et replebit eum spiritus timoris Domini. Non secundum visionem oculorum iudicabit neque secundum auditum aurium arguet sed iudicabit in iusticia pauperes et arguet in aequitate pro mansuetis terrae. Et percuciet terram virga oris sui et spiritu labiorum suorum interficiet impium. Et erit iusticia cingulum lumborum eius et fides cinctorium renum eius. Habitabit lupus cum agno et pardus cum hedo accubabit. Vitulos et leo et ovis simul morabuntur et puer parvulus minabit eos. Vitulus et ursus pascentur simul requiescent catuli eorum et leo quasi bos comedet paleas. Et delectabitur infans ab ubere super foramina aspidis et in caverna reguli qui ablactatus fuerit manum suam mittet. Non nocebunt et non occident in universo monte sancto meo quia repleta est terra scientia Domini sicut aque maris operientis. In die illa radix Iesse qui stat in signum populorum ipsum gentes deprecabuntur et erit sepulchrum eius gloriosum.

23 Dominus sit semper vobiscum.

23 Qui dat nivem sicut lanam nebulam velut cinerem spargit qui emittit crystallum suam sicut frusta panis ante faciem frigoris eius qui subsistet

23 Mittit verbum suum et liquefaciet ea flat spiritus eius et fluent aquae.

23 Silentium facite.

23 Deo gratias.

23 Certus sum ego ipse de vobis quoniam et ipsi pleni estis dilectione repleti omni scientia ita ut possitis alterutrum monere. Audatius autem scripsi vobis fratres ex parte tanquam in memoriam vos reducens propter gratiam quae data est mihi a Deo ut sim Minister Christi Iesu in gentibus sanctificans Evangelium Dei ut fiat oblatio gentium accepta et sanctificata in Spiritu Sancto. Habeo igitur gloriam in Christo Iesu ad Deum. Non enim audeo aliquid loqui eorum que per me non efficit Christus inobedientiam gentium. In verbo et factis in virtute signorum et prodigiorum in virtute Spiritus Sancti ita ut ab Ierusalem per circuitum usque ad Illiricum repleverim evangelium Christi. Sic autem predicavi hoc evangelium non ubi nominatus est Christus ne super alienum fundamentum aedificarem sicut scriptum est. Quibus non est annunciatum de eo videbunt et qui non audierunt intelligent. Propter quod et impediebar plurimum venire ad vos et prohibitus sum usque adhuc. Nunc vero ulterius locum non habens in his regionibus cupiditatem autem habens veniendi ad vos ex multis iam praecedentibus annis cum in Hispaniam proficisci coepero spero quod praeteriens videam vos et a vobis deducar illuc si vobis ex parte primum fruitus fuero. Nunc igitur proficiscar in Ierusalem ministrare sanctis. Probaverunt enim Macedonia et Achaya collationem aliquam facere in pauperes sanctorum qui sunt in Ierusalem. Placuit enim eis et debitores sunt eorum. Nam si spiritualium eorum participes facti sunt gentiles debent et in carnalibus ministrare eis. Hoc igitur cum consummavero et assignavero eis fructum hunc proficiscar per vos in Hispaniam. Scio autem quoniam veniens ad vos in abundantia benedictionis Christi veniam

24 Dominus sit semper vobiscum.

24 Gloria tibi Domine.

24 Anno quintodecimo imperii Tiberii cesaris procurante Pontio Pilato Iudeam Tetrarcha autem Galilee Herode Philippo autem fratre eius Tetrarcha Ituree et Traconitidis regionis et Lisania Abiline Tetrarcha sub principibus sacerdotum Anna et Caipha. Factum est verbum Domini super Ioannem Zachariae filium in deserto. Et venit in omnem regionem Iordanis praedicans baptismum poenitentie in remissionem peccatorum sicut scriptum est in libro sermonum Isaiae prophetae. Vox clamantis in deserto parate viam Domini rectas facite semitas eius. Omnis vallis implebitur et omnis mons et collis humiliabitur. Et erunt prava in directa et aspera in vias planas et videbit omnis caro salutare Dei. Dicebat ergo ad turbas qui exierant ut baptizarentur ab ipso. Genimina viperarum quis ostendit vobis fugere a ventura ira Facite ergo fructus dignos poenitentie et ne coeperitis dicere patrem habemus Abraham. Dico enim vobis quia potens est Deus de lapidibus istis suscitare filios Abrahae. Iam enim securis ad radicem arboris posita est. Omnis ergo arbor non faciens fructum bonum excidetur et in ignem mittetur. Et interrogabant eum turbe dicentes. Quid ergo faciemus Respondens autem dicebat illis. Qui habet duas tunicas det non habenti. Et qui habet escas similiter faciat. Venerunt autem et publicani ut baptizarentur et dixerunt ad illum. Magister quid faciemus At ille dixit ad eos. Nihil amplius quam quod constitutum est vobis faciatis. Interrogabant autem eum et milites dicentes. Quid faciemus et nos Et ait illis. Neminem concutiatis neque calumniam faciatis et contenti estote stipendiis vestris. Existimante autem populo et cogitantibus omnibus in cordibus suis de Ioanne ne forte ipse esset Christus. Respondit Ioannes dicens omnibus. Ego quidem aqua baptizo vos veniet autem fortior me post me cuius non sum dignus solvere corrigiam calciamentorum eius ipse vos baptizabit in Spiritu Sancto et igni. Cuius ventilabrum in manu eius et purgabit aream suam et congregabit triticum in horreum suum paleas autem comburet igni inextinguibili. Multa quidem et alia exhortans evangelizabat populo.

25 Dominus sit semper vobiscum.

25 Mitte nobis Domine auxilium de sancto et de Sion tu erue nos alleluia.

25 Acceptabilis sit maiestati tuae omnipotens aeterne Deus haec oblatio quam tibi offerimus pro reatibus et facinoribus nostris et pro stabilitate sanctae catholicae et apostolicae fidei cultoribus per Christum Dominum nostrum. In nomine Patris et Filii et Spiritus Sancti. Amen.

25 In nomine Patris et Filii et Spiritus Sancti. Amen.

25 Offerimus tibi Domine calicem ad benedicendum sanguinem Christi filii tui deprecamurquae clementiam tuam ut ante conspectum divine maiestatis tuae cum odore suavitatis ascendat. Per eundem

26 Hanc oblationem quaesumus Domine placatus admitte et omnium offerentium eorum pro quibus tibi offertur peccata indulge. Per Christum.

26 In spiritu humilitatis et in animo contrito suscipiamur Domine a te et sic fiat sacrificium nostrum ut a te suscipiamur hodie ut placeat tibi Domine Deus. Veni Sancte Spiritus sanctificator sanctifica hoc sacrificium de manibus meis tibi praeparatum.

26 Adiuvate me fratres in orationibus vestris et orate pro me ad Deum.

26 Adiuvet te Pater et Filius et Spiritus Sanctus.

26

26 Regnabit Dominus in Ierusalem et in conspectu seniorum alleluia.

26 Haec dicit Dominus erit quasi pater habitantibus Ierusalem et qui inhabitant in Sion et dabo clavem domus David super humeros eius et aperietur et non est qui claudat Ierusalem alleluia.

26 In nomine Patris et Filii et Spiritus Sancti regnas Deus in saecula saeculorum amen.

26 Accedam ad te in humilitate spiritus mei loquar te quia multam spem fortitudinem dedisti me tu ergo fili David qui revelatus mysterio ad nos in carnem venisti clave crucis tuae secreta cordis mei adaperi mittens unum de seraphim qui candens carbo ille qui de altari tuo sublatus est sordentia labia mea emundat mentem et iubilet docendi materiam subministret ut lingua quae proximorum utilitati per caritatem servit ne erroris insonet casum sed veritatis resultet sine fine praeconium per te Deus meus qui vivis et regnas in saecula saeculorum amen.

27 Dominus sit semper vobiscum.

27 Adventum Domini nostri Iesu Christi fratres dilectissimi votis omnibus prestolantes Dei Patris omnipotentiam imploremus ut corda nostra purificet et corpora immaculata conservet. Det abilitatem fidelium mentibus fideliter quaerere quod saluti possit prodesse. Expectemus conscientia secura venturum quaem super omnem principatum et potestates credimus exaltatum. Simus etiam per singula momenta solliciti ut mereamur habere propitium quaem credimus et fatemur ad iudicandos nos vivos et mortuos in gloria esse venturum

27 Per misericordiam tuam Deus noster qui es benedictus et vivis et omnia regis in saecula saeculorum.

27 Oremus.

27 Hagios hagios hagios Domine Deus rex aeterne tibi laudes et gratias Domine Deus Rex aeterne tibi laudes et gratias.

27 Ecclesiam sanctam catholicam in orationibus in mente habeamus ut eam Dominus fide et spe et caritate propitius ampliare dignetur omnes lapsos captivos infirmos atquae peregrinos in mente habeamus ut eos Dominus propitius redimere sanare et confortare dignetur.

27 Praesta aeterne omnipotens Deus.

27 Purifica Domine Deus Pater omnipotens pectorum archana nostrorum cunctasquae propitius maculas ablue peccatorum ac presta Domine ut beneficio pietatis tuae nostris criminibus emundati metuendum terribilemquae adventum Domini nostri Iesu Christi Filii tui expectemus interriti. Sicquae te miserante hic percipere mereamur omnium veniam delictorum ut tuum in futuro iudicium nobis sentiamus omnino mitissimum et dexterae tuae participes facti a te mereamur perpetuae vitae percipere premium tuumquae consequamur invictum infinitum et fortissimum regnum.

27 Per misericordiam tuam Deus noster in cuius conspectu sanctorum aposolorum et martyrum confessorum atque virginum nomina recitantur.

28 Offerunt Deo Domino oblationem sacerdotes nostri papa Romensis et reliqui pro se et pro omni clero ac plebibus Ecclesiae sibimet consignatis vel pro universa fraternitate item offerunt universi presbyteri diaconi clerici ac populi circumastantes in honorem sanctorum pro se et suis.

28 Offerunt pro se et pro universa fraternitate.

28 Facientes commemorationem beatissimorum apostolorum et martyrum gloriose Sancte Marie Virginis Zacharie Ioannis Infantum Petri Pauli Ioannis Iacobi Andreae. Philippi Thomae Bartholomei Matthei Iacobi Symonis et Iude Matthiae Marci et Lucae

28 Et omnium martyrum.

28 Item pro spiritibus pausantium Hilarii Athanasii. Martini Ambrosii Augustini Fulgentii Leandri Isidori David Iuliani Item Iuliani Petri Item Petri Ioannis Servi Dei Visitani Viventi Felici Cipriani Vincentii Gerontii Zachariae Cenapoli Dominici Iusti Saturnini Salvati Item Salvati Bernardi Reimundi Ioannis Celebruni Gundisalvi Martini Roderici Ioannis Guterii Sancii Item Sancii Dominici Iuliani Philippi Stephani Ioannis Item Ioannis Felicis.

28 Et omnium pausantium.

28 Te quaesumus Domine Iesu Christe ut dilectio adventus tui ita in nobis permaneat ne a te corda nostra unquam recedant. Sicquae nos iam in aeternam advocationem ascribe ut ad futurum non confundamur cum ad iudicandum veneris orbem.

28 Quia tu es vita vivorum sanitas infirmorum ac requies omnium fidelium defunctorum in aeterna saecula saeculorum

28 Domine Deus omnipotens qui pro humani generis redemptione coaeternum tibi coequalemquae filium angelica annuntiatione per Mariae Virginis uterum usquae ad nos voluisti transmittere atquae ante ipsius Filii tui adventum Ioannem dignatus es destinare praeconem. Ut per eius veridicam in deserto heremi praedicationem populus poenitens veternorum facinorum acciperet veniam per novi autem hominis Dei regnum evangelizantis divinae Trinitatis plenam mundus consequi mereretur ineffabilem gratiam. Dona nobis in hoc tempore adventus unigeniti tui eandem pacis gratiam quam in praeterita largire dignatus es saecula et illis nos in occursu fidei socies numerandos quos in fidei primordio a Ioanne in Iordane poenitentiae undis aquarum ablutos a te postremo per Filium in Spiritu Sancto et igni cognoscimus baptizatos.

29 Quia tu es vera pax nostra et caritas indisrupta vivis tecum et regnas cum Spiritu Sancto unus Deus in saecula saeculorum.

29 Gratia Dei Patris omnipotentis pax ac dilectio Domini nostri Iesu Christi et communicatio Spiritus Sancti sit semper nobis.

29 Et cum hominibus bonae voluntatis.

29 Quomodo astatis pacem facite.

29 Pacem meam do vobis pacem meam commendo vobis non sicut mundus dat pacem do vobis.

29 Novum mandatum do vobis ut diligatis invicem.

29

29 Habete osculum dilectionis et pacis ut apti sitis sacrosanctis mysteriis Dei.

29

29 Introibo ad altare Dei mei.

29 Ad Deum qui laetificat iuventutem meam.

29 Aures ad Dominum.

29 Habemus ad Dominum

29 Sursum corda

29 Levemus ad Dominum

29 Deo ac Domino nostro Iesu Christo Filio Dei qui est in caelis dignas laudes dignasque gratias referamus.

29 Dignum et iustum est.

30 Dignum et iustum est. Nos tibi gratias agere Domine sancte Pater aeterne omnipotens Deus per Iesum Christum Filium tuum Dominum nostrum. Quaem Ioannes fidelis amicus precessit nascendo precessit in desertis heremi predicando precessit baptizando. Viam quoquae preparans iudicii ac redemptoris convocavit peccatores ad poenitentiam et populum salvatori adquirens baptizavit in Iordane peccata propria confitentes. Non homines innovando plenam conferens gratiam sed piissimi Salvatoris ammonens expectare presentiam. Non remittens ipse peccata ad se venientibus sed remissionem peccatorum ad futurum pollicens esse credentibus. Ut descendentibus in aqua poenitentie ab illo speraretur remedium indulgentie quaem venturum audiebant plenum dono veritatis et gratie. Baptizatus igitur ab eo Christus ex elemento visibili et spiritu invisibili. Ducebantur per obedientiam ad misericordiam per filium sterilis ad filium virginis. Per Ioannem hominem magnum ad Christum hominem Deum. Quaem cum Patre et Spiritu Sancto adorant angeli atquae archangeli throni dominationes et potestates ita dicentes

30 Sanctus sanctus sanctus Dominus Deus sabaoth pleni sunt caeli et terra gloria maiestatis tuae hosanna filio David hosanna in excelsis benedictus qui venit in nomine Domini hosanna in excelsis.

30 Vere sanctus et gloriosus Dominus noster Iesus Christus filius tuus. Quaem olim credimus incarnatum fuisse pro salute humani generis et nunc expectamus ad iudicium venturum in gloria claritatis cum omnibus sanctis ipse Dominus ac redemptor aeternus.

30 Adesto adesto Iesu bone pontifex in medio nostri sicut fuisti in medio discipulorum tuorum sanctifica hanc oblationem ut sanctificata sumamus per manus sancti angeli tui sancte Domine ac redemptor aeterne.

30 Dominus noster Iesus Christus in qua nocte tradebatur accepit panem et gratias agens benedixit ac fregit deditquae discipulis suis dicens.

31 Accipite et manducate. Hoc est corpus meum quod pro vobis tradetur.

31 Quotienscumque manducaveritis hoc facite in meam commemorationem.

31 Similiter et calicem postquam cenavit dicens.

31 Hic est calix novi testamenti in meo sanguine qui pro vobis et pro multis effundetur in remissionem peccatorum.

31 Quotienscumque biberitis hoc facite in meam commemorationem.

31 Amen

31 Quotienscumque manducaveritis panem hunc et calicem istum biberitis mortem Domini annuntiabitis donec veniet. In claritatem de caelis.

31 Amen

31 Domine Iesu Christe hanc hostiam vivam illustratione adventus tui sanctifica ut ex ea libantes mundemur a crimine et tuam gratiam mereamur percipere sine fine.

31 Te praestante sancte Domine quia tu haec omnia nobis indignis servis tuis valde bona creas sanctificas vivificas benedicis ac praestas nobis ut sit benedicta a te Deo nostro in saecula saeculorum.

31

32 Dominus sit semper vobiscum.

32 Fidem quam corde credimus ore autem dicamus.

32 Credimus in unum Deum Patrem omnipotentem. Factorem caeli et terrae. Visibilium omnium et invisibilium conditorem. Et in unum Dominum nostrum Iesum Christum Filium Dei Unigenitum. Et ex Patre natum ante omnia saecula Deum ex Deo. Lumen ex lumine. Deum verum ex Deo vero. Natum non factum. Omousion Patri hoc est eiusdem cum Patre substantie. Per quaem omnia facta sunt quae in caelo et quae in terra. Qui propter nos homines et propter nostram salutem descendit de caelis. Et incarnatus est de Spiritu Sancto ex Maria Virgine et homo factus est. Passus sub Pontio Pilato. Sepultus tertia die resurrexit. Ascendit ad caelos sedet ad dexteram Dei Patris omnipotentis. Inde venturus est iudicare vivos et mortuos. Cuius regni non erit finis. Et in Spiritum Sanctum Dominum vivificatorem et ex Patre et Filio procedentem. Cum Patre et Filio adorandum et conglorificandum. Qui locutus est per Prophetas. Et unam sanctam Catholicam et Apostolicam Ecclesiam. Confiteor unum baptisma in remissionem peccatorum. Expectamus resurrectionem mortuorum et vitam venturi saeculi. Amen.

32

32 Verbum Patris quod cum factum es ut habitares in nobis. Praesta nobis ut qui te venisse iam credimus ab omni peccatorum eruamur contagione cum praeceptionis tuae oraculis proclamaverimus e terris.

33 Pater noster qui es in caelis. Amen. Sanctificetur nomen tuum. Amen. Adveniat regnum tuum. Amen. Fiat voluntas tua sicut in caelo et in terra. Amen. Panem nostrum cottidianum da nobis hodie. Quia tu Deus es. Et dimitte nobis debita nostra sicut et nos dimittimus debitoribus nostris. Amen. Et ne nos inducas in temptationem. Sed libera nos a malo.

33 Liberati a malo confirmati semper in bono tibi servire mereamur Deo ac Domino nostro.

33 Pone Domine finem peccatis nostris da gaudium tribulatis praebe redemptionem captivis sanitatem infirmis requiemquae defunctis concede pacem et securitatem in omnibus diebus nostris frange audaciam inimicorum nostrorum et exaudi Deus orationes servorum tuorum omnium fidelium christianorum in hac die et in omni tempore. Per Dominum nostrum Iesum Christum filium tuum qui tecum vivit et regnat in unitate Spiritus Sancti Deus. Per omnia saecula saeculorum.

33 Vicit leo de tribu Iuda radix David alleluia.

33 Qui sedes super Cherubim radix David alleluia.

33 Sancta sanctis et coniunctio corporis Domini nostri Iesu Christi sit sumentibus et potantibus nobis ad veniam et defunctis fidelibus praestetur ad requiem.

33 Humiliate vos benedictioni.

33 Dominus sit semper vobiscum.

33 Illustret vos Unigenitus Filius Dei lumine adventus sui qui vos redimere non dedignatus est precio sanguinis proprii. R\. Amen. Accingat vos virtutibus pacis et ditet muneribus copiosis. R\. Amen. Ipsumquae Dominum semper habeatis protectorem quaem omnipotens Pater suscitavit de tribu Iuda victorem R\. Amen.

33 Per misericordiam ipsius Dei nostri qui est benedictus et vivit et omnia regit in saecula saeculorum.

34 Dominus sit semper vobiscum.

34 Gustate et videte quam suavis est Dominus alleluia alleluia alleluia

34 Benedicam Dominum in omni tempore semper laus eius in ore meo.

34 Redimet Dominus animas servorum suorum et non derelinquet omnes qui sperant in eum. Alleluia alleluia alleluia. Gloria et honor Patri et Filio et Spiritui Sancto in saecula saeculorum amen.

34 Gloria et honor Patri et Filio et Spiritui Sancto in saecula saeculorum amen.

34 Panem caelestem de mensa Domini accipiam et nomen Domini invocabo.

34 Memento pro mortuis

34 Domine Deus meus da mihi corpus et sanguinem Filii tui Domini nostri Iesu Christi ita sumere ut per illud remissionem omnium peccatorum merear accipere et tuo Sancto Spiritu repleri Deus noster qui vivis et regnas in saecula saeculorum. Amen

34 Ave in aevum sanctissima caro Christi imperpetuum summa dulcedo panem caelestem accipiam et nomen Domini invocabo.

34 Ave in aevum caelestis potus qui mihi ante omnia et super omnia dulcis es.

34 Corpus et sanguis Domini nostri Iesu Christi custodiat corpus et animam meam in vitam aeternam. Amen

34 Domine Deus meus Pater et Filius et Spiritus Sanctus fac me te semper quaerere et diligere et a te per hanc sanctam communionem quam sumpsi numquam recedere quia tu es Deus et praeter te non est alius in saecula saeculorum. Amen

34 Refecti corpore et sanguine te laudamus Domine alleluia alleluia alleluia.

35 Refecti Christi corpore et sanguine pariter quia sanctificati Deo Patri omnipotenti gratias referamus ut nos in eandem refectionem et sanctificationem habentes hic et in futuro saeculo gloriam percipiamus.

35 Per misericordiam tuam Deus noster qui es benedictus et vivis et omnia regis in saecula saeculorum.

35 Dominus sit semper vobiscum.

35 Sollemnia completa sunt in nomine Domini nostri Iesu Christi votum nostrum sit acceptum cum pace. Deo gratias.

35

35 Super montem altissimum ascende tu qui evangelizas Sion exalta in fortitudine vocem tuam qui evangelizas Ierusalem dic civitatibus Iuda alleluia alleluia.

35 Deus manifeste veniet et Deus noster et non silebit.

35 Per omnia semper saecula saeculorum.

35 Deus qui per angelicos choros adventum Filii tui Domini nostri Iesu Christi annuntiare voluisti qui per angelorum praeconia Gloria in excelsis Deo et in terra pax hominibus bonae voluntatis acclamantibus demonstrasti concede ut in huius dominicae resurrectionis festivitate pax terris reddita convalescat et fraternae dilectionis caritas innovata permaneat.

35 Per misericordiam tuam Deus noster qui es benedictus et vivis et omnia regis in saecula saeculorum.

35 Dominus sit semper vobiscum. Et cum spiritu tuo.

35 Audite qui scitis iustum populus meus lex mea in corde eorum. Nolite timere obprobrium hominum et blasphemias eorum ne metuatis. Sicut enim vestimentum sic comedet eos vermis et sicut lanam sic devorabit eos tinea. Salus autem mea in sempiternum erit et iusticia mea in generationes generationum. Consurge consurge induere fortitudinem brachium Domini consurge sicut in diebus antiquis in generationibus saeculorum. Numquid non tu percussisti superbum vulnerasti draconem Numquid non tu siccasti mare aquam abyssi vehementis Qui posuisti profundum maris viam ut transirent liberati Et nunc quid redempti sunt a Domino revertentur et venient in Syon laudantes et leticia sempiterna super capita eorum. Gaudium et leticiam obtinebunt et fugiet dolor et gemitus. Ego ego ipse consolabor vos. (Is 51)

36 Dominus sit semper vobiscum. Et cum spiritu tuo.

36 Excita potentiam tuam Domine et veni ad liberandum nos.

36 Qui regis Israel intende qui deducis velut ovem Ioseph appare.

36 Silentium facite.

36 Omnis anima potestatibus sublimioribus subdita sit. Non est enim potestas nisi a Deo. Quae autem sunt a Deo ordinata sunt. Itaquae qui potestati resistit Dei ordinationi resistit. Qui autem resistunt ipsi sibi damnationem acquirunt. Nam principes non sunt timori boni operis sed mali. Vis autem non timere potestatem bonum fac et habebis laudem ex illa. Dei enim minister est tibi in bonum. Si autem malum feceris time. Non enim sine causa gladium portat. Dei enim minister est vindex in iram ei qui malum agit. Ideo enim necessitati subditi estote non solum propter iram sed etiam propter constantiam et tributa prestantes. Ministri enim sunt Dei in hoc ipsum servientes. Reddite ergo omnibus debita. Cui tributum tributum. Cui vectigal vectigal. Cui timorem timorem. Cui honorem honorem. Nemini quicquam debeatis nisi ut invicem diligatis. (R 13)

36 Cum audisset Ioannes in vinculis opera Christi mittens duos de discipulis suis ait illi. Tu es qui venturus es an alium expectamus Et respondens Iesus ait illis. Euntes renuntiate Ioanni quae audistis et vidistis. Ceci vident claudi ambulant leprosi mundantur surdi audiunt mortui resurgunt pauperes evangelizantur. Et beatus est qui non fuerit scandalizatus in me. Illis autem abeuntibus coepit Iesus dicere ad turbas de Ioanne Quid existis in desertum videre Arundinem vento agitatam Sed quid existis videre Hominem mollibus vestitum Ecce qui mollibus vestiuntur in domibus regum sunt. Sed quid existis videre Prophetam Etiam dico vobis et plusquam Prophetam. Hic enim est de quo scriptum est. Ecce ego mitto angelum meum ante faciem tuam qui preparabit viam tuam ante te. Amen dico vobis non surrexit inter natos mulierum maior Ioanne Baptista. Qui autem minor est in regno caelorum maior est illo. A diebus autem Ioannis Baptiste usquae nunc regnum caelorum vim patitur et violenti rapiunt illud. Omnes enim prophete et lex usque ad Ioannem prophetaverunt. Et si vultis recipere ipse est Helias qui venturus est. Qui habet aures audiendi audiat. (Mt 11)

37 Dominus sit semper vobiscum. Et cum spiritu tuo.

37 Deus convertens vivificabis nos et plebs tua laetabitur in te.

37 Adiuvate me fratres in orationibus vestris et orate pro me ad Deum.

37 Adiuvet te Pater et Filius et Spiritus Sanctus.

37 Venient ad te populi multi alleluia et reges gentium per portas tuas ingredientur et vocaberis civitas Domini fidelis Sion ultra non eris derelicta alleluia alleluia.

37 Haec dicit Dominus dabo in pace principes tuos Sion et sacerdotes tuos in exsultatione et laetabuntur in salutare muri tui in aeternum et in saeculum saeculi.

37 Dominus sit semper vobiscum. Et cum spiritu tuo.

37 Accedentes ad mensam terribilis omnipotentis Dei cum summo gaudio Domino Deo nostro illibatas hostias offeramus fratres charissimi quia dignatus est Filii sui adventum per Ioannem Baptistam hominibus nunciare. Sic enim affatur. Venit et fortior me post me cuius non sum dignus corrigiam calciamenti solvere. Quos ego tingo in aqua baptismi ipse baptizat in Spiritu Sancto et igni. Quia ipse est filius Dei quaem princeps angelice milicie per uterum Virginis sacre in mundo annunciavit venire. Poscamus ergo Deum Patrem ut hec quae ob solemnitatem adventus Filii sui offerimus holocausta non discutiens nostra peccata in suo conspectu efficiat gratiosa.

38 Per misericordiam tuam Deus noster qui es benedictus et vivis et omnia regis in saecula saeculorum.

38 Iucundatur Domine et tripudiat terra quia Verbum caro factum habitat in sacrae Virginis membra. In cuius adventu omnis de captivitate redimitur terra quae detinebatur per transgressionem Ade in obscurata gehenna. Nunc moveatur mare et omnia quae in eis sunt montes exultent et omnia ligna silvarum quia Deus homo dignatur per uterum beatae Virginis Mariae de caelo in mundum venire. Per ipsius igitur adventum te deprecamur omnipotens Deus ut nostrae carnis fragilitatem a vinculis peccatorum absolvas et praesenti familiae tuae misericordia plenus occurras.

38 Per misericordiam tuam Deus noster in cuius conspectu sanctorum aposolorum et martyrum confessorum atque virginum nomina recitantur.

38 Domine Iesu Christe quem venturum esse credimus iudicem qui iam dudum in primo adventu gloriae tuae propter nostra scelera humilis venire dignatus es petimus ut dum adventus clementiae tuae secundus advenerit nostra nomina absterso peccato cum sanctis tuis facias praenotari.

38 Quia tu es vita vivorum sanitas infirmorum ac requies omnium fidelium defunctorum in aeterna saecula saeculorum.

38 Iesu virtus infirmitatis nostrae qui sine manibus precidentium lapis verus es abscisus a monte quo omnis latitudo repleta est terrae. Tu corda nostra reple dono pacis et gratiae ut qui incarnationis tuae celebramus solennia per pacis bonum future examinationis liberemur a poena.

39 Quia tu es vera pax nostra et caritas indisrupta vivis tecum et regnas cum Spiritu Sancto unus Deus in saecula saeculorum.

39 Dignum et iustum est vere aequum et salutare est Domini nostri Iesu Christi adventum in mirabilibus praedicare quem inter homines nasciturum caelestis nuntius nuntiavit. Virgo terrena dum salutaretur audivit Spiritus Sanctus in utero dum veniret creavit ut Gabriele pollicente Maria credente Dei verbo Spiritu cooperante sequaeretur salutationem Angelicam securitas promissionem perficeret veritas ut altissimi obumbrante virtute didicisset se esse fecunda virginitas. Ecce concipies in utero et paries filium Angelus praedicavit et quomodo fiet istud Maria respondit. Sed quia hec credendo non dubitando respondit implevit Spiritus Sanctus quod Angelus spopondit. Virgo ante conceptum Virgo semper futura post partum. Deum suum prius mente dehinc ventre concepit salutem mundi prima suscepit. Virgo plena gratia Dei et ideo vera mater Filii Dei quem adorant angeli Throni dominationes et potestates ita dicentes.

39 Sanctus sanctus sanctus Dominus Deus sabaoth pleni sunt caeli et terra gloria maiestatis tuae hosanna filio David hosanna in excelsis benedictus qui venit in nomine Domini hosanna in excelsis.

39 Vere Sanctus vere benedictus Dominus noster Iesus Christus Filius tuus. Qui cum in forma Dei esset semetipsum exinanivit formam accipiens servi cum incarnatus in utero Virginis abscondens divinitatem suam suscepit infirmitatem nostram ipse Dominus ac Redemptor aeternus.

39

39 Deus qui sic dilexisti mundum ut Filium tuum unigenitum dares pro mundo. Tu haec libamina tibi benedicenda assume et nobis tuae benedictionis dona largire. Ut qui ob mysterium incarnationis tuae haec tibi sacrificia veneranda litamus horum sacrificiorum propitiationibus ab omnibus criminibus expiemur.

39 Te praestante sancte Domine quia tu haec omnia nobis indignis servis tuis valde bona creas sanctificas vivificas benedicis ac praestas nobis ut sit benedicta a te Deo nostro in saecula saeculorum.

39 Dominus sit semper vobiscum. Et cum spiritu tuo.

40 Confortamini manus fatigate roboramini pusillanimes. Hilarescite nolite timere. Extollite ad Deum manus vestras et excitate corda. Quia ecce iam in proximo est redemptio nostra. Cuius incarnatio nos redemit cuius processio nativitatis illuminabit cuiusque etiam praeceptum nos docuit orare semper et dicere.

40 Pater noster qui es in caelis. Amen. Sanctificetur nomen tuum. Amen ... Sed libera nos a malo.

40 Sancta sanctis et coniunctio corporis Domini nostri Iesu Christi sit sumentibus et potantibus nobis ad veniam et defunctis fidelibus praestetur ad requiem.

40 Humiliate vos benedictioni. Dominus sit semper vobiscum.

40 Unigenitus Filius Dei qui incarnatus in mundo oculos illuminavit caecorum ipse spiritualem in cordibus nostris impertiat intellectum. Amen Quique natus de Virgine adimplevit legem impleat in nobis omne promissum gratiae suae. Amen. Ut eius sine confusione mereamini contueri faciem cuius incarnationis solemnitatem celebratis amanter. Amen.

40 Per misericordiam ipsius Dei nostri qui est benedictus et vivit et omnia regit in saecula saeculorum.

40 Gustate et videte quam suavis est Dominus alleluia alleluia alleluia

40 Refecti Christi corpore

40 In nomine Domini nostri Iesu Christi votum nostrum sit acceptum in pace.

40 Ecce revelabitur gloria Domini gentibus alleluia et videbit omnis caro alleluia quod os Domini locutum est alleluia alleluia.

40 Deus manifeste veniet et Deus noster et non silebit.

40 Deus qui per angelicos choros ... caritate innovata permaneat.

40 Audite me qui sequimini quod iustum est et quaeritis Dominum. Attendite ad petram unde excisi estis et ad cavernam laci de qua precisi estis. Attendite ad Abraham patrem vestrum et ad Sarram quae peperit vos quia unum vocavi eum et benedixi eum et multiplicavi eum. Consolabitur ergo Dominus Syon consolabitur omnes ruinas eius. Et ponet desertum eius quasi delicias et solitudinem eius quasi ortum Domini. Gaudium et laeticia invenietur in eo gratiarum actio et vox laudis. Attendite ad me popule meus et tribus mea me audite. Quia lex a me exiet et iudicium meum in lucem populorum requiescet. Prope est iustus meus egressus est Salvator meus et brachia mea populos iudicabunt. Me insulae expectabunt et brachium meum sustinebunt. Levate in caelum oculos vestros et videte sub terra deorsum. Quia caeli sicut fumus liquaescent et terra sicut vestimentum atteretur et habitatores eius sicut haec interibunt. Salus autem mea in sempiternum erit et iusticia mea non deficiet. (Is 51)

41 Ostende nobis Domine misericordiam tuam et salutare tuum da nobis.

41 Deus tu conversus vivificabis nos et plebs tua laetabitur in te.

41 Silentium facite.

41 Nolo vos ignorare mysterium hoc ut non sitis vobis ipsis sapientes quia caecitas ex parte contigit in Israel donec plenitudo gentium intraret et sic omnis Israel salvus fieret. Sicut scriptum est. Veniet ex Sion qui eripiat et avertat impietatem ab Iacob et hoc illis a me testamentum cum abstulero peccata eorum. Secundum evangelium quidem inimici propter vos secundum electionem autem charissimi propter patres. Sine poenitentia enim sunt dona et vocatio Dei. Sicut enim aliquando et vos non credidistis Deo nunc autem misericordiam consecuti estis propter illorum incredulitatem ita et isti nunc non crediderunt in vestram misericordiam ut et ipsi misericordiam consequantur. Conclusit enim Deus omnia incredulitate ut omnibus misereatur. O altitudo divitiarum sapientiae et scientiae Dei quam incomprehensibilia sunt iudicia eius et investigabiles viae eius. Quis enim cognovit sensum Domini aut quis consiliarius eius fuit Aut quis prior dedit illis et retribuetur ei Quoniam ex ipso et per ipsum et in ipso sunt omnia. Ipsi gloria in saecula saeculorum. (R 11)

41 Dominus noster Iesus Christus cum venisset Betphage ad montem Oliveti misit quos discipulos dicens eis. Ite in castellum quod contra vos est et statim invenietis asinam alligatam et pullum cum ea solvite et adducite mihi. Et siquis vobis aliquid dixerit dicite quia Dominus his opus habet. Et confestim dimittet eos. Hoc autem factum est ut impleretur quod dictum est per prophetam dicentem. Dicite filiae Sion ecce rex tuus venit tibi mansuetus sedens super asinam et pullum filium subiugalis. Euntes autem discipuli fecerunt sicut praecepit illis Iesus. Et adduxerunt asinam et pullum et imposuerunt super eos vestimenta sua et eum desuper sedere fecerunt. Plurima autem turba straverunt vestimenta sua in via. Alii autem cedebant ramos de arboribus et sternebant in via. Turbe autem quae praecedebant et quae sequaebantur clamabant dicentes Hosanna filio David benedictus qui venit in nomine Domini hosanna in altissimis. Et cum intrasset Ierusalem commota est universa civitas dicens. Quis est hic Populi autem dicebant. Hic est Iesus propheta a Nazareth Galileae. Et intravit Iesus in templum Dei et eiecit omnes ementes et vendentes in templo et mensas nummulariorum et cathedras vendentium columbas evertit. Et dicit eis. Scriptum est domus mea domus orationis vocabitur vos autem fecistis illam speluncam latronum. Et accesserunt ad eum ceci et claudi in templo et sanavit eos. Videntes autem principes sacerdotum et scribae mirabilia quae fecit et pueros clamantes in templo et dicentes. Hosanna filio David indignati sunt et dixerunt ei. Audis quid isti dicunt Iesus autem dixit eis. Utiquae. Nunquam legistis quia ex ore infantium et lactentium perfecisti laudem. Et relictis illis abiit foris extra civitatem in Bethaniam ibique mansit. (Mt 21)

42 Dominus sit semper vobiscum. Et cum spiritu tuo.

42 Cantate Domino canticum novum bene psallite in iubilatione.

42 Adiuvate me fratres in orationibus vestris et orate pro me ad Deum.

42 Ingressus est Daniel in domum Domini et elevavit sacrificium populo in loco sanctificationis eius dicens benedicite Dominum et confitemini ei alleluia.

43 Confortabit me similitudo filii hominis et dixit Daniel veritatem annuntio tibi ego sum Michael princeps magnus et dixi ad eum quomodo potest servus Domini loqui cum Domino suo et locutus est dicens.

43 Dominus sit semper vobiscum. Et cum spiritu tuo.

43 Confortentur quaeso Domine Iesu Christe in adventu tuo corda fidelium tuoque in nomine genua roborentur debilium tua visitatione curentur vulnera egrotorum tuoque tactu oculi illuminentur caecorum tuo regimine vestigia firmentur claudorum tuaque miseratione vincula absolvantur peccantium quosque perspicis adventum olim mysticae peractae incarnationis tuae nunc promptissima devotione suscipere hos facito in secundum iudicii tui adventum ad te exultantibus animis pervenire atque in amenitate paradisi iocundaturos inducere ut ab aeternis poenis tua clementia liberati viteque aaeternae participes facti gloriae tuae decantent laudis canticum coronati.

43 Domine Iesu Christe qui olim venisti occultus cum apparueris manifestus assiste propitius liberaturus populum tuum ab impiorum et a criminum iugo ut tibi plebs tua serviat in aequitate a quo liberantur ab omni malorum oppressione.

43 Christe Dei Filius cuius incarnatio reparavit mundum cuiusque nomen angelica est voce denunciatum. Tu offerentium nomina illuc asscribe quo ipse praecepisti in corpore. Ut quos hic adventus primi gratia redemisti in secundi adventus examinatione nulla exurantur poena supplicii sicque nunc pro defunctorum fidelium quiete exaudiamur quo te opitulante aeterno cum illis pariter fruamur consortio beatorum.

43 Domine Deus omnipotens Christe rex gloriae qui es pax certa et caritas sempiterna quaesumus nostra archana splendore tuae pacis irradia nostramque conscientiam caritatis tuae dulcedine redde purissimam ut pacifice pacis expectemus auctorem et in adversis huius mundi te semper custodem habeamus et protectorem. Quatenus tua custodia septi ita pacis studia certissime diligamus. Ut cum in gloriam adventus tui aequus retrïbutor adveneris aeterno potiamur gaudio exultationis.

44 Dignum et iustum est vere dignum et honorificum est Domine Iesu Christe Deus noster adventum gloriae tuae et incarnationis et nativitatis mysterium solemni devotione recolere nostraeque salutis insignia quae tantis sunt prolata virtutibus cum tripudio animi praedicare. Sed quis dignas valeat dignationi tuae rependere laudes Cuius opera nec mirabilia numerare possumus nec virtutes. Quantus tamen ipse vel qualis sis nullus credo audeat dicere quoniam quantitatem tui vel qualitatem humanae sapientiae non est datum scire. Sed cuius immensitatem humani sensus capacitas non valeat terminare unum solummodo est ut Trinitate Deitatis atquae omnipotentiae tuae simpliciter credamus et veraciter praedicemus. Tu itaque clementissime Deus vere credulitatis in sensibus nostris incrementum multiplica et imaginis ac similitudinis tuae formam magisque restaura ut te quem dudum venisse credimus pro remediis captivorum in secundo adventu tuo te in maiestate venturum sustinentes videre mereamur concessa nobis indulgentia peccatorum praesta unitas equalis et indivisa Trinitas Deus noster. Quaem caelorum multitudo et ineffabilis numerus quaem omnium angelorum militia cum senioribus et virtutibus cum thronis et dominationibus laudare non cessant. In cuius praeconium quadriga illa senarum remigio suffulta alarum intrinsecus et extrinsecus minutatim oculis liminata cum cherubin hymnum cantici novi concinnunt laudantes atque dicentes.

44 Sanctus sanctus sanctus Dominus Deus sabaoth pleni sunt caeli et terra gloria maiestatis tuae hosanna filio David hosanna in excelsis benedictus qui venit in nomine Domini hosanna in excelsis.

44 Vere Sanctus vere benedictus Dominus noster Iesus Christus Filius tuus qui non ex virili semine natus sed ex Spiritu Sancto a Deo Patre conceptus qui dedit mundo per incarnationem adventus sui novum fidei lumen reserans viam quae obstrusa fuerat homini primo prothoplausto ipse Dominus ac Redemptor aeternus.

45 Adesto adesto Iesu bone ... Dominus noster Iesus Christus in qua nocte tradebatur ... vobis tradetur.

45 Veni Domine et noli tardare relaxa facinora plebis tuae conferens omnibus vitae praemium repromisse. Ut sicut incarnatione tua olim reparati sumus ita quoque te ad iudicium venientem placabilem sentiamus. His quoque te quaesumus sacrificiis nostris ita sanctificationem tuam infunde quo ex his sumpturi nullo decidamus in crimine sed sanctificati tuum mereamur Domine adventum impavidi sustinere.

45 Te praestante sancte Domine quia tu haec omnia nobis indignis servis tuis valde bona creas sanctificas vivificas benedicis ac praestas nobis ut sit benedicta a te Deo nostro in saecula saeculorum.

45 Domine Iesu Christe qui pro nobis carnem de Virgine suscepisti et praecepta nobis tribuisti orandi tu quae nos te docente exposcimus propitiatus exaudi ut qui dies istos incarnationis tuae cum summa veneratione suscipimus dono Sancti Spiritus muniamur proclamantes in terris Pater noster qui es in caelis.

45 Pater noster qui es in caelis. Amen. Sanctificetur nomen tuum. Amen ... Sed libera nos a malo.

45 Sancta sanctis et coniunctio corporis Domini nostri Iesu Christi sit sumentibus et potantibus nobis ad veniam et defunctis fidelibus praestetur ad requiem.

45 Deus pacis sanctificet vos ad perfectum cuius incarnationis ovando celebratis mysterium. Amen. Idem quoque vos castificet mente et corpore qui se voluit nasci de Virgine. Amen. Ut integer spiritus vester anima et corpus sine quaerela servetur in adventum ipsius. Amen. Per misericordiam ipsius Dei nostri qui vivit et omnia regit in saecula saeculorum.

45 Dominus sit semper vobiscum. Et cum spiritu tuo.

45 Gustate et videte quam suavis est Dominus alleluia alleluia alleluia

45 Ecce super montes pedes evangelizantis pacem alleluia et annuntiantis bona alleluia celebra Iuda festivitates tuas alleluia et redde Domino vota tua alleluia.

45 Deus qui per angelicos choros ... caritate innovata permaneat.

46 A finibus terrae laudes audivimus gloriam iusti et dixi secretum meum mihi. Secretum meum mihi. Vae mihi. Praevaricantes praevaricati sunt et praevaricatione transgressorum praevaricati sunt. Formido et fovea et laquaeus super te qui habitator es terrae. Et erit qui fugerit a facie formidinis cadet in foveam et qui se explicaverit de fovea tenebitur laquaeo quia cataracte de excelsis apertae sunt et concucientur fundamenta terrae. Confractione confringetur terra contritione conteretur terra commotione commovebitur terra. Agitatione agitabitur terra sicut ebrius et auferetur quasi tabernaculum unius noctis. Et gravabit eam iniquitas sua et corruet et non adiiciet ut resurgat. Et erit in die illa visitabit Dominus super militiam caeli in excelso et super reges terrae qui sunt super terram. Et congregabuntur in congregatione unius fascis in lacum et claudentur ibi in carcere et post dies multos visitabitur. Et erubescet luna et confundetur sol cum regnaverit Dominus exercituum in monte Sion et in Ierusalem. Et in conspectu seniorum suorum fuerit glorificatus. (Is 24)

46 Dominus sit semper vobiscum. Et cum spiritu tuo.

46 Exsultabunt omnia ligna silvae ante faciem Dei quia veniet.

46 Cantate Domino canticum novum cantate Deo omnis terra.

46 Silentium facite.

46 In Christo omnes vivificabuntur. Unusquisque autem in ordine suo primitiae Christus. Deinde hi qui sunt Christi qui in adventum eius crediderunt. Deinde finis cum tradiderit regnum Deo et patri cum evacuaverit omnem principatum et potestatem et virtutem. Oportet autem illum regnare donec ponat omnes inimicos sub pedibus eius. Omnia enim subiecit sub pedibus eius. Novissime autem inimica destruetur mors. Cum autem dicat omnia subiecta sunt ei sine dubio praeter eum qui subiecit ei omnia. Cum autem subiecta fuerint illi omnia tunc ipse filius subiectus erit illi qui sibi subiecit omnia ut sit Deus omnia in omnibus. Alioquin quid facient qui baptizantur pro mortuis. Si omnino mortui non resurgunt ut quid et baptizantur pro illis. Ut quid et non periclitamur omni hora Quotidie morior propter vestram gloriam fratres quam habeo. In Christo Iesu Domino nostro. (1K 15)

47 Dominus sit semper vobiscum. Et cum spiritu tuo.

47 Dominus noster Iesus Christus loquaebatur discipulis suis dicens. Cavete a scribis qui volunt in stolis ambulare et salutari in foro et in primis cathedris sedere in synagogis et primos discubitus in cenis. Qui devorant domos viduarum sub obtentu prolixe orationis. Hi accipient prolixius iudicium. Et sedens Iesus contra gazophilacium aspiciebat quomodo turba iactaret es in gazophilacium. Et multi divites iactabant multa. Cum venisset autem una vidua pauper misit duo minuta quod est quadrans. Et convocans discipulos suos ait illis. Amen dico vobis quoniam vidua haec pauper plus omnibus misit qui miserunt in gazophilacium. Omnes enim ex eo quod abundabat illis miserunt. Haec vero de pecunia sua omnia quae habuit misit totum victum suum. Et cum egrederetur de templo ait illi unus ex discipulis suis. Magister aspice quales lapides et quales structure. Et respondens Iesus ait illi. Vides has magnas aedificationes Non relinquaetur lapis super lapidem qui non destruatur. Et cum sederet in monte Olivarum interrogabant eum separatim Petrus et Ioannes et Iacobus et Andreas. Dic nobis quando ista fient et quod signum erit quando haec omnia incipient consummari Et respondens Iesus coepit dicere illis. Videte ne quis vos seducat. Multi enim venient in nomine meo dicentes quia ego sum et multos seducent. Cum audieritis autem bella et opiniones bellorum ne timueritis. Oportet enim haec fieri sed nondum finis. Exsurget gens contra gentem et regnum super regnum. Et erunt terraemotus per loca et fames. Initium dolorum haec. Videte autem vosmetipsos. Tradent enim vos in conciliis et in synagogis vapulabitis et ante praesides et reges stabitis propter me in testimonium illis. Et in omnes primum oportet praedicari evangelium. Et cum duxerint vos tradentes nolite precogitare quid loquamini sed quod datum vobis fuerit in illa hora id loquamini. Non enim vos estis loquentes sed Spiritus Sanctus. Tradet autem frater fratrem in mortem et pater filium et consurgent filii in parentes et morte afficient eos. Et eritis odio omnibus propter nomen meum. Qui autem sustinuerit in finem salvus erit. Cum autem videritis abominationem desolationis stantem ubi non debet qui legit intelligat. Tunc qui in Iudea sunt fugiant in montes. Et qui super tectum ne descendat in domum nec introeat ut tollat quid de domo sua. Et qui in agro erit non revertetur retro tollere vestimentum suum. Vae autem praegnantibus et nutrientibus in illis diebus. Orate vero ut hyeme non fiant. Erunt enim dies illi tribulationis tales quales non fuerunt ab initio creature quam condidit Deus usque nunc neque fient. Et nisi breviasset Dominus dies non fuisset salva omnis caro. Sed propter electos quos elegit breviavit dies. Et tunc si quis vobis dixerit ecce hic est Christus ecce illic ne credideritis. Exsurgent enim pseudochristi et pseudoprophete et dabunt signa et portenta ad seducendos si potest fieri etiam electos. Vos ergo videte. Ecce praedixi vobis omnia. Sed in illis diebus post tribulationem illam sol contenebrabitur et luna non dabit splendorem suum. Et stelle caeli erunt decidentes et virtutes quae sunt in caelis movebuntur. Et tunc videbunt filium hominis venientem in nubibus cum virtute multa et gloria. Et tunc mittet angelos suos et congregabit electos suos a quatuor ventis a summo terrae usque ad summum caeli. A ficu autem discite parabolam. Cum iam ramus eius tener fuerit et nata fuerint folia cognoscetis quia in proximo sit estas. Sic et vos cum videritis haec fieri scitote quod in proximo sit in ostiis. Amen dico vobis quoniam non transiet generatio haec donec omnia ista fiant. Caelum et terra transibunt verba autem mea non transibunt. De die autem illa vel hora. Nemo scit neque angeli in caelo neque filius hominis nisi pater. Videte vigilate et orate. Nescitis enim quando tempus sit. Qui habet aures audiendi audiat. (Mc 12-13)

49 Qui regis Israel intende qui deducis Ioseph velut ovem

49 Adiuvate me fratres in orationibus vestris et orate pro me ad Deum.

49 Ecce ostendit mihi angelus Iesum sacerdotem magnum stantem ante faciem Domini et angelus Domini loquebatur ad eum dicens tu conservabis populum tuum et custodies eum.Usque in aeternum Alleluia alleluia

49 Locutus est angelus Zachariae dicens revertar ad Ierusalem in misericordia et domus mea restaurabitur et affluent civitates meae bonis et multiplicabo populum meum et salvabo eum

49 Dominus sit semper vobiscum. Et cum spiritu tuo.

49 Adventum Domini et Redemptoris nostri quem ab antiquis patribus patriarchis scilicet et prophetis vaticinantibus olim pronunciatum ac pro salute nostra dudum constat impletum omni quidem nos tempore condecet carissimi fratres cum gaudio merare sed praecipue in his diebus annua vice recurrentibus oportet nos votis solemnibus celebrare. Nam quia diem illum celeberrimum in quo pro nobis est de Virgine natus iam iamque revoluti anni circulo appropinquare sentimus dignum est ut adventum eius qui in eo natus est mente devotissima recolentes nunc iam festa solemnia alacres solemniter agamus.

49 Per misericordiam tuam Deus noster qui es benedictus et vivis et omnia regis in saecula saeculorum.

49 Deus qui Unigenitum tuum pro nobis in carne venturum ac de Virgine nasciturum propheticis vocibus promisisti et in novissimis temporibus quae promiseras adimplesti praesta quaesumus ut qui eum iam venisse mundumque redemisse credimus fatemur et praedicamus rursumque venturum ad iudicium speramus eius praesentiam cum venerit sine confusione cernamus.

50 Sanctorum tuorum Domine communicantes memoriae patriarcharum prophetarumque tuorum non sumus immemores ipsis enim renuntiantibus adventus tuus claruit mundo. Memoramus etiam apostolos tuos qui adventum tuum a prophetis patriarchisque praedicatum oculis suis cernere meruerunt. Facimus quoquae et tuorum Martyrum mentionem qui te Dominum redemptionem iam venisse confessi ad mortem usque sunt certati pro veritate. Fidelium praeterea tuorum in hac adhuc peregrinatione degentium nomina recensemus protestantes ut eorum vitae cursum et perfectionem consummes quos sanctos tuos apud te in caelesti habitaculo cautos perfectosque iam retines. Non obliviscimur quoque defunctos naturae nostrae ac fidei socios. Sed praecamur te Dominum amplissime pietatis ut eis refrigeria tribuas sempiterne quietis.

50 Quia tu es vita vivorum sanitas infirmorum ac requies omnium fidelium defunctorum in aeterna saecula saeculorum.

50 Christe Domine in cuius adventum pax est reddita terris ... inviolabiter facias custodire.

50 Introibo ad altare Dei.

50 Quia tu es vera pax nostra et caritas indisrupta vivis tecum et regnas cum Spiritu Sancto unus Deus in saecula saeculorum.

50 Dignum et iustum est vere et nobis per omnia expedibile tuam nos clementiam omnipotens Pater quibus possumus semper laudibus praedicare qui bonitate nos ingenuitateque condidisti ac serpentis antiqui fraude decepti gratuita miseratione a morte velis eripere qui filium tuum quem pro nobis in carne missurus eras ad terras venturum nasciturumque de Virgine longe antea praedixisti eius nativitatis adventum praetonantibus sanctis praenuntiasti ut expectatus diu qui fuerat repromissus magnum mundo faceret gaudium in plenitudine temporum praesentatus. Unde petimus et rogamus ut qui plasma tuum sicut vere pius et misericors perire non passus es sed per humilem adventum Filii tui Domini nostri quod perierat revocasti quod iam inventum et reparatum ac revocatum est sic protegas sic custodias sic sanes sic defendas sic liberes. Ut in illo adventu terribili quo iterato illos venturus est iudicare a quibus et pro quibus est iudicatus tales inveniat quos redemit ut in aeternum possideat quos pretio sui sanguinis acquisivit ut cum ignifluis affectibus redemptorum tecum et Sancto Spiritu sine fine laudetur parili concentu cum angelis et archangelis laudantibus atque ita dicentibus

51 Sanctus sanctus sanctus Dominus Deus sabaoth pleni sunt caeli et terra gloria maiestatis tuae hosanna filio David hosanna in excelsis benedictus qui venit in nomine Domini hosanna in excelsis.

51 Vere sanctus vere benedictus qui venit in nomine Domini rex Israel qui iam venit humilis et adhuc venturus est in maiestate terribilis. Qui iam venit ut iudicaretur in mundo et aduc venturus est ut iudicet mundum. Qui iam venit ut redimeret a morte quos ad vitam praedestinavit et adhuc venturus est ut remuneret quos redemit ipse Dominus ac Redemptor aeternus.

51 Adesto adesto Iesu bone ... Dominus noster Iesus Christus in qua nocte tradebatur ... vobis tradetur.

51 Facimus Domine Filii tui Domini nostri Iesu Christi commemorationem quod veniens ad nos humanam formam assumpsit quod pro hominibus quos creaverat redimendis passionem Crucis perpessus est. Quod superaturus atque conculcaturus debitam mortem nostram mortem ultra suscepit ipse indebitam quod infernum ex parte expoliavit relinquaendo impios et sanctos qui ibidem tenebantur resurgens secum in caelestibus sublevando. Quod rediens ad caelum viam nobis patefecit per quam conscendamus in caelum. Quod venturus sit iterum ad iudicium vivorum et mortuorum sceleratores et peccatores aeterno supplicio damnaturos suisque fidelibus sua praecepta servantibus aeternitatis suae gloriam collaturus. Per ipsum te ergo summe Pater exposcimus ut hanc tuae placationis hostiam quam tibi offerimus e manibus nostris placatus accipias eamque de caelis a sede placato vultu respiciens benedicas ut quotquot ex huius sumptu libaverimus salubritatem ac remedium anime et corporis hauriamus.

52 Summe summe et omnipotens Deus Pater ingenitus qui Unigeniti tui in assumptione carnis adventum reconciliationis nostrae voluisti esse remedium ut cum eo gratiam reciperemus adoptionis qui a te ante omnia saecula sine initio ineffabiliter genitus in natura deitatis tibi extat aequalis. Ut efficeremur tui adoptivi Filii qui servi ex nostro merito eramus indigni. Dignos quaesumus nos effice tante dignitatis solemnitate ut possimus ad te non immerito proclamare et dicere.

52 Pater noster qui es in caelis. Amen. Sanctificetur nomen tuum. Amen ... Sed libera nos a malo.

52 Humiliate vos benedictioni. Dominus sit semper vobiscum.

52 Adveniat super vos placidus gratiae supernae respectus. Non recedat a cordibus vestris qui nasci dignatus est ex utero Virginis matris. Quatenus in vestro maneat pectore placidus mansionem ibidem cum Patre et Spiritu Sancto perpetim habitaturus.

52 Per misericordiam ipsius Dei nostri qui est benedictus et vivit et omnia regit in saecula saeculorum.

53 Dominus sit semper vobiscum. Et cum spiritu tuo.

53 Gustate et videte

53 Refecti Christi corpore et sanguine pariter quia sanctificati Deo Patri omnipotenti gratias referamus ut nos in eandem refectionem et sanctificationem habentes hic et in futuro saeculo gloriam percipiamus.

53

53 Super montem altissimum

53 Emitte agnum dominatorem terrae de petra deserti ad montem filie Sion. Et erit sicut avis fugiens et pulli de nido advolantes. Sic erant filie Moab in transgressu Arnon ini consilium coge concilium. Pone quasi noctem umbram tuam in meridie. Absconde fugientes et vagos ne prodas habitabunt apud te profugii mei. Moab esto latibulum eorum a facie vastatoris. Finitus est enim pulvis consummatus est miser defecit qui conculcabat terram. Et preparabitur in misericordia solium et sedebit super eam in veritate in tabernaculo David. Iudicans et quaerens iudicium et velociter reddens quod iustum est. (Is 16)

53 Dominus sit semper vobiscum. Et cum spiritu tuo.

53 Ut inhabitet gloria in terra nostra misericordia et veritas occurrerunt sibi iustitia et pax complexerunt se.

53 Veritas de terra orta est

53 Silentium facite.

53 Rogamus vos corripite inquietos. Consolamini pusillanimes suscipite infirmos. Patientes estote ad omnes. Videte ne quis malum pro malo alicui reddat. Sed semper quod bonum est sectamini invicem et in omnes semper gaudete. Sine intermissione orate. In omnibus gratias agite. Haec enim voluntas Dei est in Christo Iesu in omnibus nobis spiritum nolite extinguere prophetiam nolite spernere. Omnia autem probate et quod bonum est retinete. Ab omni specie mala abstinete vos. Ipse autem Deus pacis sanctificet vos per omnia integer spiritus vester anima et corpus sine quaerela in adventu Domini nostri Iesu Christi servetur. (Th 5)

54 Dominus sit semper vobiscum. Et cum spiritu tuo.

54 Dominus noster Iesus Christus interrogatus a phariseis quando venit regnum Dei Respondit eis et dixit. Non veniet regnum Dei cum observatione nec dicent ecce hic aut ecce illic. Ecce enim regnum Dei intra vos est. Et ait ad discipulos suos. Venient dies quando desideretis videre unum diem filii hominis et non videbitis. Et dicent vobis. Ecce hic et ecce illic. Nolite ire neque sectemini. Nam sicut fulgur corruscans de sub caelo in ea quae sub caelo sunt fulget ita erit filius hominis in die sua. (L 17)

54 Dominus sit semper vobiscum. Et cum spiritu tuo.

54 Respice Domine de caelo et vide et visita vineam istam

54 Adiuvate me fratres in orationibus vestris et orate pro me ad Deum.

54 Apparebit tibi Dominus qui in caritate perpetua dilexit te virgo Israel Alleluia

54 Dominus Deus tuus adduxit te ad misericordiam et miserationem adhuc aedificaberis et aedificabis

54 Hilarescite quaeso dilectissimi fratres et laetabunda sursum attollite corda quia iam in proximo est redemptio vestra parate illi viam in cordibus vestris ut eo veniente remuneremini donariis sempiternis.

54 Per misericordiam ipsius Dei nostri qui est benedictus et vivit et omnia regit in saecula saeculorum.

54 Hagios

54 Ecclesiam sanctam catholicam

54 Praesta aeterne omnipotens Deus

54 In proximo quidem est Domine dies adventus tui sed quaesumus ut antequam venias expiari mereamur ab omni contagione delicti. Prius dilue rogamus in nobis omne quod in illa futura examinatione puniturus es ut cum iustus adveneris iudex non in nobis invenias quod condemnes.

54 Per misericordiam tuam Deus noster in cuius conspectu sanctorum aposolorum et martyrum confessorum atque virginum nomina recitantur.

55 Te quaesumus Iesu Domine Deus noster ut nos qui fideliter praestolamur adventum tuum non incurramus supplicium sempiternum quo adventu tuo et offerentibus venia et defunctis requies condonetur aeterna.

55 Quia tu es vera pax nostra et caritas indisrupta vivis tecum et regnas cum Spiritu Sancto unus Deus in saecula saeculorum.

55 Pax tua Redemptor ac Deus noster quae te nascente olim proclamata est ab angelis habitet in mentibus nostris quo eius fulti presidiis mereamur cum veneris tuae contuaeri praesenttiam visionis.

55 Quia tu es vera pax nostra et caritas indisrupta vivis tecum et regnas cum Spiritu Sancto unus Deus in saecula saeculorum.

55 Cuius incarnatio salus facta est mundi et passio extitit redemptio hominis procreati. Ipse igitur nos omnipotens Pater quaesumus perducat ad praemium qui redemit de tenebris infernorum. Ipse carnem nostram a delectis emaculet qui eam suscepit ex Virgine. Ipse nos lesos tuae restituat maiestati qui nos tibi per sanguinem suum reconciliavit. Ipse nos secundi adventus examinatione iustificet qui in primo contulit donum gratiae suae. Ipse ad iudicandum veniat mitis qui olim apparuit humilis. Ipse in iudicium ostendatur nobis mitissimus qui dudum venit occultus cui merito omnes angeli et archangeli non cessant clamare quotidie ita dicentes.

55

55 Vere Sanctus et gloriosus Dominus noster Iesus Christus Filius tuus. Qui nos et prioris adventus sui gratia reparavit et in secundo daturum se nobis regnum cum sanctis angelis repromisit ipse Dominus ac Redemptor aeternus.

55 Adesto adesto Iesu bone ... Dominus noster Iesus Christus in qua nocte tradebatur ... vobis tradetur.

55 Veni Domine relaxa facinora nostra et haec oblata tibi pro ipsis facinoribus benedicenda assume libamina. Ut horum perceptione expiemur a crimine et tui adventus gloriam mereamur interriti praestolare.

56 Te praestante sancte Domine quia tu haec omnia nobis indignis servis tuis valde bona creas sancticas vivificas benedicis ac praestas nobis ut sit benedicta a te Deo nostro in saecula saeculorum.

56 Dominus sit semper vobiscum. Et cum spiritu tuo.

56 Fidem quam corde credimus

56 Credimus in unum Deum

56 Venisse te Domine pro nostra in terra salute credimus ventutum te quoque ad iudicium sustinemus et ideo cum fiducia quae docuisti proclamamus e terris.

56 Pater noster

56 Humiliate vos benedictioni. Dominus sit semper vobiscum.

56 Adventus sui vos Dominus illustratione sanctificet. Amen. Vincula vestra dissolvat antequam veniat. Amen. Ut liberati a vinculis peccatorum interriti expectetis eius adventum. Amen.

56 Per misericordiam ipsius Dei nostri qui vivit et omnia regit in saecula saeculorum.

56 Dominus sit semper vobiscum. Et cum spiritu tuo.

56 Gustate et videte

56 Per misericordiam tuam Deus noster qui es benedictus et vivis et omnia regis in saecula saeculorum.

56 Dominus sit semper vobiscum. Et cum spiritu tuo.

56 Sollemnia completa sunt in nomine Domini nostri Iesu Christi votum nostrum sit acceptum cum pace.

56 Sanctus Dominus Deus omnipotens qui erat et est et venturus est alleluia alleluia

56 Deus manifeste veniet Deus noster et non silebit

56 Deus qui per angelicos choros ... caritate innovata permaneat.

56 Laetabitur deserta et invia et exultabit solitudo et florebit quasi lilium. Germinans germinabit et exultabit letabunda et laudans. Gloria Libani data est ei decor Carmeli et Saron. Ipsi videbunt gloriam Domini et decorem Dei nostri. Confortate manus dissolutas et genua debilia roborate. Dicite pusillanimes confortamini et nolite timere. Ecce Deus noster ultionem adducet retributionis Deus ipse veniet et salvabit nos. Tunc aperientur oculi cecorum et aures surdorum patebunt. Tunc saliet sicut cervus claudus et aperta erit lingua mutorum. Quia scisse sunt in deserto aquae et torrentes in solitudine. Et quae erat arida in stagnum et sitiens in fontes aquarum. In cubilibus in quibus prius dracones habitabant orietur viror calami et iunci et erit ibi semita et via sancta vocabitur. Non transibit per eam pollutus et haec erit vobis directa via ita et stulti non errent per eam. Non erit ibi leo et mala bestia non ascendet per eam nec invenietur ibi. Et ambulabunt qui liberati fuerint et redempti a Domino. Convertentur et venient et laudabunt Dominum in Sion cum laude et laetitia sempiterna super caput eorum. Gaudium et laeticiam obtinebunt. Et fugiet dolor et gemitus. (Is 35)

57 Dominus sit semper vobiscum. Et cum spiritu tuo.

57 Suscipiant Domine montes et colles populo tuo pacem iustitiam iudicabit egenos populo

57 Deus iudicium tuum dona regi et iustitiam tuam filio Regis ut iudicet populum tuum cum iustitia et pauperes tuos in iudicio

57 Silentium facite.

57 Rogamus vos per adventum Domini nostri Iesu Christi et nostrae congregationis in ipsum ut non cito moveamini a vestro sensu neque terraeamini. Neque per spiritum neque per sermonem neque per epistolam tanquam per nos missam quasi instet dies Domini. Ne quis vos seducat ullo modo. Quoniam nisi venerit discessio primum et revelatus fuerit homo peccati filius perditionis qui adversatur et extollitur supra omne quod dicitur Deus aut quod colitur ita ut in templo Dei sedeat ostendens se tanquam sit Deus. Non retinetis quod cum essemus apud vos haec dicebam vobis Et nunc quid detineat scitis ut reveletur in suo tempore. Nam ministerium iam operatur iniquitatis tantum ut qui tenet nunc teneat donec de medio fiat. Et tunc revelabitur ille iniquus quem Dominus Iesus interficiet spiritu oris sui et destruet illustratione adventus sui eum cuius est adventus secundum operationem Sathanae. In omni virtute signis et prodigiis mendacibus et in omni seductione iniquitatis his qui pereunt eo quia caritatem veritatis non receperunt ut salvi fierent. Ideo mittet illos Deus in operationem erroris ut credant mendatio ut iudicentur omnes qui non crediderunt veritati sed consenserunt iniquitati. Nos autem debemus gratias agere Deo semper pro vobis fratres dilecti a Deo quod elegerit nos Deus primitias in salutem in sanctificationem spiritus et fidem veritatis. In qua et vocavit nos per evangelium nostrum in acquisitionem gloriae Domini nostri Iesu Christi. (2Th 2)

58 Dominus sit semper vobiscum. Et cum spiritu tuo.

58 Initium sancti evangelii Iesu Christi sicut scriptum est in Isaia propheta Ecce mitto angelum meum ante faciem tuam qui preparabit viam tuam ante te. Vox clamantis in deserto parate viam Domino rectas facite semitas eius. Fuit Ioannes in deserto baptizans et praedicans baptismum poenitentie in remissionem peccatorum. Et egrediebatur ad illum omnis Iudeae regio et Hierosolimite universioet baptizabantur ab illo in Iordanis flumine confitentes peccata sua. Et erat Ioannes vestitus pillis cameli et zona pellicia circa lumbos eius. Et locustas et mel silvestre edebat et praedicabat dicens. Venit fortior me post me cuius non sum dignus procumbens solvere corrigiam calciamentorum eius. Ego baptizo vos in aqua ille vero baptizabit vos in Spiritu Sancto. (Mc 1)

59 Dominus sit semper vobiscum. Et cum spiritu tuo.

59 Venite exsultemus in Domino iubilemus Deo Salvatori nostro alleluia

59 Adiuvate me fratres in orationibus vestris et orate pro me ad Deum.

59 Adiuvet te Pater et Filius et Spiritus Sanctus.

59 Prope est dies Domini quia praeparabit Dominus sacrificium sanctificabit vocatos suos alleluia

59 Lauda filia Sion iubila tu Israel laetare et exulta filia Ierusalem abstulit Dominus iudicium tuum avertit inimicos tuos rex Israel Dominus in medio tui sanctificare

59 Sollemnia tui adventus mysteria celebrantes tibi Christe Domine supplices fundimus preces ut nos primitivi adventus incarnatione redemptos in secunda tua apparitione glorifices coronandos

59 Sincera nos quaesumus Domine tuae incarnationis semper fide corrobora ut in tua dilectionae firmatos nunquem nos expugnare valeat callidus inimicus

59 Omnipotens sempiterne Deus fidelium lumen rector animarum qui nos verbi tui incarnatione praeparatum materiae Virginis consecras. Veniat quaesumus super nos virtus Spiritus tui Sancti et misericordia Altissimi obumbret nos.

59 Caritatis tuae Domine in nos distribue unitatem et una perpetim dilectionis copula iungat quod unius fidei sacramenta locupletant.

59 Vere aequum et salutare est nos te Deum nostrum ac Dominum collaudare qui pietatis tuae magnitudinem a nostrae humilitatis inopia distulisti sed errorum nostrorum miseratus piacula Unigenitum tuum ob nostrae infirmitatis redemptionem misisti. Qui nobis vitae aeternae ianuam patefaceret et omnes pravi seductoris a nostris mentibus dominatum excluderet nosque suae opitulationis advocatione tibi Deo nostro per sancti operis exercicia reconciliaret. Cui merito omnes angeli et archangeli non cessant clamare cottidie una voce dicentes.

60 Sanctus sanctus sanctus Dominus Deus sabaoth pleni sunt caeli et terra gloria maiestatis tuae hosanna filio David hosanna in excelsis benedictus qui venit in nomine Domini hosanna in excelsis.

60 Veram tuae Trinitatis omnipotentiam Domine concinentes tui semper nominis confessione locupleta ut quod tibi cherubin ac seraphin incessabiliter iubilant Spiritus Sanctus nos igne perflagrans haec incorrupte mentis statuta nos tibi iubeas concinere. Quia tu es Dominus ac redemptor aeternus.

60 Praeceptorum tuorum Domine mysteria recolentes oblationis huius libamina sanctificare digneris ut tuae gloriae sanctificationae respersa abluat sumentium cordibus omne delictum

60 Exsurge Domine et praevale in virtute tua et ad nostram defensionem excita potentiam tuam respice propitius nostri cordis praesumptionem et ex praesentium calamitatum angustiis paternam nobis exhibe pietatem

60 Pater noster qui es in caelis. Amen. Sanctificetur nomen tuum. Amen ... Sed libera nos a malo.

60 Humiliate vos benedictioni. Dominus sit semper vobiscum.

60 Domine Iesu Christe qui discipulis tuis tuum spiritum tribuisti Ecclesiae tuae catholicae ipsius muneris dona largire. Amen. Ut quicunque ex aqua et Spiritu Sancto renati sunt te semper induant eius protectione muniti. Amen. Redundet in eis caritas diffusa per Spiritum Sanctum qui operiat ac superet multitudinem peccatorum. Amen.

60 Per misericordiam tuam Deus noster qui es benedictus et vivis et omnia regis in saecula saeculorum.

60 De profundis clamavi ad te Domine alleluia Domine exaudi vocem meam alleluia alleluia

60 Fiant aures tuae intendentes in vocem deprecationis meae

60 Per omnia semper saecula saeculorum

60 Gloria in excelsis Deo

60 Et in terra pax

60 Per omnia semper saecula saeculorum

60 Gloria nostra Deus noster qui in caelis ab angelis demonstraris et in perpetuum decantaris hic fideliter ac solemniter praedicaris praesta nobis amplissima pietate tua a malis propriis liberari et semper in tuis laudibus gloriari.

61 Per misericordiam tuam Deus noster qui es benedictus et vivis et omnia regis in saecula saeculorum.

61 Iustus si morte praeoccupatus fuerit ... et respectus in electo ipsius (Sap 4)

61 Dominus sit semper vobiscum. Et cum spiritu tuo.

61 Salvum me fac Domine quoniam ingresse sunt aquae usque ad animam meam

61 Infixus sum in limo profundi et non est substantia veni in altitudinem maris et tempestas demersit me

61 Silentium facite.

61 Confortare in gratia quae est in Christo Iesu quae audisti a me per multos testes. Haec commenda fidelibus hominibus qui idonei sunt et alios docere. Labora sicut bonus miles Iesu Christi. Nemo militans Deo implicet se negociis saecularibus ut ei placeat cui se probavit. Nam et qui certant in agone non coronantur nisi legitime certaverint. Laborantem agricolam oportet primum de fructibus accipere. Intellige quae dico dabit enim tibi Dominus in omnibus intellectum. Memor esto Iesum Christum resurrexisse a mortuis ex semine David secundum evangelium meum in quo laboro usque ad vincula quasi latro sed verbum Dei non est alligatum. Ideo omnia sustineo propter electos ut et ipsi salutem consequantur. In Christo Iesu Domino nostro. (2Th 2)

62 Dominus sit semper vobiscum. Et cum spiritu tuo.

62 Transfretemus trans stagnum et ascenderunt et navigaverunt in regionem Gerasenorum et cum egressus esset ad terram dixit discipulis suis. Nisi granum frumenti cadens in terra mortuum fuerit ipsum solum manet. Si autem mortuum fuerit multum fructum affert. Qui amat animam suam perdet eam. Et qui odit animam suam in hoc mundo in vitam aeternam inveniet eam. Si quis mihi ministrat me sequatur et ubi sum ego illic et minister meus erit. Si quis mihi ministraverit honorificabit eum Pater meus. Amen amen dico vobis non est servus maior Domino suo. Neque apostolus maior eo qui misit illum. Si haec scitis beati eritis si feceritis ea. Qui accipit sic quem misero me accipit. Qui autem me accipit accipit eum qui me misit. Ego sum via veritas et vita. Qui credit in me opera quae ego facio et ipse faciet et maiora horum faciet. Et quodcunque petierit in nomine meo hoc faciam ut clarificetur Pater in Filio. (J 12)

62 Dominus sit semper vobiscum. Et cum spiritu tuo.

62 De profundis clamavi ad te Domine Domine exaudi vocem meam

62 Adiuvate me fratres in orationibus vestris et orate pro me ad Deum.

62 Fulgebit iustus sicut splendor firmamenti et sicut stellae caeli dantes claritatem lucis ita et iustus spendebit in perpetua aeternitate alleluia

62 Fulgebit et tamquam scintillae in arundineto discurrunt iudicabit nationes et dominabitur populis et regnabit cum Domino

62 Dominus sit semper vobiscum. Et cum spiritu tuo.

62 Clementissimum et invictissimum clipeum Dominum nostrum Iesum Christum fratres carissimi deprecemur ut convenientibus nobis in hodierna Clementis sui solemnitate clementem et ineffabilem ab arce sui numinis in his quibus degimus saeculi praessuris perpetuum porrigere gaudium et evadere praestet inferni supplicium.

62 Clementissimo et per te clementi tuo Domine lacrimosas fundimus preces ut suo intercessu a te Deus qui sine initio clemens et pius quos iubes clementes in bonis actibus efficis. Praestetur Ecclesiae tuae pax indeficiens bonitas affluens clementia regens pietas benefaciens protectio exuberans lenitas mulcens patrocinium defendens mansuetudo corripiens tranquillitas iustificans visitatio salvans a misericordia subveniens et consueta subventio nobis miseris parcens quo mereamur repulsis adversariis tibi Domino deservire et ad tuam clementiam quandoque sine merito iustificati laetabundi attolli.

63 Clemens et clementissime Deus qui per Clementem romuleum episcopum plurimos tuae divinitati congregas aggeres martyrum et multimodam catervam accumulas confessorum dona pro tua miseratione spiritibus fidelium requiem defunctorum et nobis omnibus exoptatam remissionem omnium peccatorum.

63 Clemens et mitissime Domine qui pacem tuam per Clementem episcopum cordibus radicasti fidelium pace tua quae ipse es salvare intendas afflictas reliquias christianorum ut qui veram pacem pacifici praedicando durissimum et sensuale a diversis nationibus sufferimus iugum per te qui vera et firmissima pax es pervenire mereamur ad paradisi gaudium sempiternum.

63 Dignum et iustum est clementem et pium aequum et vere salutare est Domine sancte Pater inestimabili et incomprehensibili clementiae tuae perennes gratias agere qui beatissimo Clementi apostoli tui Petri discipulo nihilominus tertio eius in loco cathedrali honore sublimasti hanc gratiam conferre dignatus es ut suavissimo oris eius alloquio cultu relicto ydolorum et simulachrorum figmento quamplurimos populos ex toto orbe credulos signaverit crucis tuae tropheo. Ipse enim ad cultum vere fidei et ceremonias magistri Romuleos simul et Italicos convocans cives tyrannum Sisinium et similes sui coepit sustinere cruentissimos hostes quem ad instar Sauli quod sonat tentatio postea Pauli quod interpretatur mirabilis caecitate confusum cum Theodora coniuge praedicti Sisinii praedicatione pontificali Christiana effecta pariter orantes meruerunt saluti reddere caelitus castigatum. Unde et cum apud Augustum rei huius gestum per Mamertinum administratorem Romuleum fuisset delatum tali relatione ceptrum imperiale commonitum hoc Publium Tarquinium constat accipere in responsum ut eum trans pontum mare mittere non moretur in heremi crudele exilium. In quo cum vir Domini Iulianus cum ceteris Rome plebibus deplorantes sui pastoris absentiam devenissent et sanctos ibidem ex diuturno tempore causa nominis Christi ad metalla praecidenda impiissime tentos reperissent inter lues annosas et penales quas ibidem sustinebat pernicies. Hunc intollerabilem flendo et mugiendo dederunt responsum qui a clivoso miliario aque sibi deportarent laboriosissimum poculum. Ad haec sanctus Clemens solari incipiens ex divinis oraculis grave eorum exilium gratias agens Deo qui communicaverit necessitatibus orationis statim petit iuvaculum. Nec mora solus inter homines aspicit Dei agnum occultam aquae venam ostendere dextro pede levato. Qui ad instar Mosaycum inter cunctos manu propria non virgam apprehendens metuentem sed sarculum fidelium corda exculpentem modice fossorium in terra defixum affluentes inundaverunt gurgites aquarum. Ad hoc et tale miraculum omnis conveniens turba civitatum vicinium laudant et magnificant procul dubio Dominum quem olim spreverant concreti culturis demoniorum. Unde tabefactus de tantis miraculis diabolus seditiones ad interpellandum Traianum excitat populorum. Qui statim perfidum mittens Aufidium cum ancora ferri gravatum marinis fluctibus praecepit demergendum. Cumque eum discipuli com omnibus sanctis tali vidissent martyrio coronatum coeperunt per immensum mare ponere visum si forte prospicerent eum ad littora maris vagis fluctibus reciprocatum. Quod mare videns expavescens collidi Christi discipulum fere tria milia per septem quo mundus volvitur dies suum invium signum apparens demonstravit eius iudicii altissimum locum nitido sarcofago tumulatum. Quod hoc divino iussu praestitit beneficium ut annuali recursu in eius solemnitate hunc elementum martyri deferat famulatum. O quam mirabile testibus tuis Christe tribuisti adiutorium ut nihil sibi quod his non contuleris evenisse applaudeat plebs Iudeorum. Nihil Domine ante tuae incarnationis mysterium ulli mortalium praestitisti solacium quem non tuis sanctis post crucis exultationem praestiteris in emolumento. Unde merito omnes angeli et archangeli throni dominationes virtutes principatus et potestates cherubin ac seraphin in quorum sorte omnis constitit numerus electorum te glorificare et magnificare atque laudare non cessant ita dicentes.

65 Vere sanctus et clemens vere benedictus et iustus vere admirabilis et gloriosus Dominus Iesus Christus Filius tuus qui inestimabili clementiae suae dono nullum perire iubet sed omnes pietatis gremio convocat ad salutem Christus Dominus ac Redemptor aeternus.

65 Clementissime et sanctissime Domine sanctifica haec munera impuris manibus tibi delibata per quae et offerentium suscipias vota et ex his sumentium cuncta dimittas peccata.

65 Clemens immense et admirabilis Deus cui omnia elementa famulantur et omnes elationes maris deserviunt libera nos de aquis multis et de manu filiorum alienorum. Ut qui per te renati sumus ex aqua et Spiritu Sancto non patiamur ab ethnicis et irregeneratis divelli a sancto proposito. Sed arcum eorum inconvertibilem contere sagittas destrue pharetras retrude gladios perime lanceas divelle consilia quae in nos acuunt maligne confunde et in ipsos si credere noluerint ea ipse retorquendo converte atque semper fideli scuto nos protege. Qualiter qui hic propter nomen Filii tui novum quod in margarita fulgida id est in calculo candido scripsisti diversa a gentibus sustinemus opprobria portamus infanda ludibria illic pro fide qua credimus et pro ea usque ad mendicitatem et mortem distrahimur concedatur remissio peccatorum et potiatur infinitus locus iustorum cum ea quae Filio tuo docente didicimus proclamaverimus e terris.

66 Clemens et piisimus Dominus Clementis sui tuaeatur amminiculo et liberet ab omni peccato Amen. Clementie suae dono vos letificet in hoc saeculo et ab omni sorde purificatos restituat paradiso. Amen. Ut sicut Clemens papa per martyrii gratiam hostem vincendo gloriosus migravit e saeculo ita vos devicto diabolo futuro letemini de triumpho. Amen.

66 Per misericordiam ipsius Dei nostri qui vivit et omnia regit in saecula saeculorum.

66 Gustate et videte

66 Refecti Christi corpore

66 Gloriam et magnum decorem impones super eum in benedictione in saecula saeculi alleluia alleluia

66 Beatus vir qui timet Dominum in mandatis eius cupit nimis

66 Gloria in excelsis Deo

66 Gloria nostra Deus noster qui in caelis ab angelis demonstraris et in perpetuum decantaris hic fideliter ac solemniter predicaris praesta nobis amplissima pietate tua a malis propriis liberari et tuis semper laudibus gloriari.

66 Per misericordiam tuam Deus noster qui es benedictus et vivis et omnia regis in saecula saeculorum.

66 Dominus sit semper vobiscum. Et cum spiritu tuo.

66 Vir iste conservavit legem Dei excelsi et in tentatione inventus est fidelis. Et statuit ei Dominus testamentum aeternum et dedit illi sacerdotium gentis et beatificavit illum in gloria. Et circumcinxit illum zonam gloriae et induit illum in vasis virtutum. Qui curavit gentem suam et liberavit illam a pernitie. Qui praevaluit edificare civitatem qui adeptus est gloriam in conversatione gentis et ingressus domus et atrii amplificatus est. Quasi stella matutina in media nube et quasi luna plena in diebus suis lucet. Et quasi sol refulgens sic ille refulsit in templo Dei. Quasi arcus refulgens inter nebulas glorie et quasi flos rosarum in diebus verni. Quasi lilia quae sunt in transitu aque et quasi thus redolens in diebus estatis. Quasi ignis refulgens et thus ardens igni. Quasi vas auri solidum ornatum omni lapide precioso. Quasi oliva pullulans et cypraessus in altitudinem se tollens. In accipiendo ipsum stolam gloriae et vestiri consummatione virtutis. In ascensu altaris sancti gloriam dedit sanctitatis amictam. In accipiendo autem partes de manu sacerdotis et ipse stans iuxta aram circa illum corona fratrum. Quasi plantatio cedri in monte Libano sic circa illum steterunt quasi rami in palma. Porrexit manum suam in libatione et libavit de sanguine uve et fudit in fundamentum altaris odorem divinum excelso principi. Tunc exclamaverunt filii Aaron in tubis perductilibus sonaverunt et auditam fecerunt vocem in memoriam coram Deo. (Eccli 44)

67 Dominus sit semper vobiscum. Et cum spiritu tuo.

67 Posuisti super caput eius coronam de lapide precioso

67 Super salutare tuum Domine exsulatbit vehementer desiderium anime eius dedisti ei et voluntate labiorum eius non fraudasti ei.

67 Silentium facite.

67 Omnis scriptura divinitus inspirata utilis est. Ad docendum. Ad arguendum. Ad corrigendum. Ad erudiendum in iusticia ut perfectus sit homo Dei ad omne opus bonum instructus. Testificor coram Deo et Christo Iesu qui iudicaturus est vivos et mortuos et adventum ipsius et regnum eius. Praedica verbum. Insta. Opportune importune. Argue obsecra increpa in omni patientia et doctrina. Erit enim tempus cum sanam doctrinam non sustinebunt sed ad sua desideria coacervabunt sibi Magistros prurientes auribus et a veritate quidem auditum avertent ad fabulas autem convertentur. Tu vero vigila in omnibus labora. Opus fac evangelistae ministerium tuum impie. Ego enim iam delibor et tempus resolutionis mee instat. Bonum certamen certavi fidem servavi cursum consummavi. In reliquo reposita est mihi corona iusticie quam reddet mihi Dominus iustus iudex in die illa. Non solum autem mihi sed et his qui diligunt adventum eius. (2Th 3)

68 Dominus sit semper vobiscum. Et cum spiritu tuo.

68 Dominus noster Iesus Christus loquebatur discipulis suis et turbis dicens. Homo quidam nobilis abiit in regionem longinquam accipere sibi regnum et reverti. Vocatis autem decem servis suis dedit illis decem mnas. Et ait ad illos. Negociamini dum venio. Cives autem eius oderant illum et miserunt legationem post eum dicentes. Nolumus hunc regnare super nos. Et factum est ut rediret accepto regno iussit vocari servos quibus dedit pecuniam ut sciret quantum quis negociatus esset. Venit autem primus dicens Domine mna tua decem mnas acquisivit. Et ait illi. Euge serve bone quia in modico fidelis fuisti eris potestatem habens supra decem civitates. Et alter venit dicens Domine mna tua fecit quinque mnas. Et huic ait. Et tu esto supra quinque civitates. Et alius venit dicens. Domine ecce mna tua quam habui repositam in sudario. Timui enim quia homo austerus es tollis quod non posuisti et metis quod non seminasti. Dicit ei. De ore tuo te iudico serve nequam sciebas quia ego austerus homo sum tollens quod non posui et metens quod non seminavi et quare non dedisti pecuniam meam ad mensam et ego veniens cum usuris utique exegissem illam Et astantibus dixit. Auferte ab illo mnam et date illi qui decem mnas habet. Et dixerunt ei. Domine habet decem mnas. Dico autem vobis quia omni habenti dabitur et abundabit. Ab eo autem qui non habet et quod habet auferetur ab eo. Verumtamen inimicos meos illos qui noluerunt me regnare super se adducite huc et interficite ante me. Qui habet aurem audiendi audiat. (L 19)

69 Tu es sacerdos in aeternum secundum ordinem Melchisedech alleluia

69 Stans sacerdos ad altare in circuitu eius corona fratrum quasi germen cedrorum in Libano circumdederunt eum sicut arbores palmarum et obtulit oblationem Domino in conspectu universe Ecclesiae alleluia

69 Exaltatus est refulgens in templo Dei quasi stella matutina in media nube et sicut luna plena in diebus suis sicut arcus pacis illuminans in nubibus gloriae et sicut oliva germinans fructum accepit stolam sanctam

69 Magnum nobis semper festivum pontificis et martyris Saturnini fratres carissimi depensis fideliter precibus excolamus qui Salvatoris nostri praecepta custodiens non solum sacerdotium ac vitae beatitudinem meruit sed etiam tanti honoris officium felici martyrio consecravit. Ad cuius praesentiam tanto demonum sagacitas timore conticuit ut largis victimis invocati solita cultoribus suis responsa non redderent. Cuius rei gentilitas furore succensa comprehendere ad supplicium vesano furore non timuit quem in Dei confessione constantem evincere praesentis mortis interminatione non potuit. Proinde debemus in tanti martyris laudem Deo vivo et placationis hostiam adolere quo per hunc cunctis nobis impartiat quod rogatur qui per eum dedit populis quo solus in Trinitate Dominus crederetur. Amen.

69 Debitas tibi Domine aeterne referimus gratias et Iesu Christo filio tuo Domino nostro. In cuius similitudinem beatissimus Saturninus dum offert victimam ipse est victima. Dumque electus agit martyrium devotus implevit ut per eminentiam iustitiae atque victoriae et testis fieret et antistes. In quo proficiens fidei latitudo dum cathedram suscepit sanctitatis coronam rapuit passionis. Probus ad officium improbus ad triumphum. Dam ungitur consecrans dum occiditur consecratur. Prius fidei praedicans sermone post sanguine. Doctor ad altarium victor ad regnum. Erexit ad laudem quos erudiat ad salutem. Ambulans vere de virtutibus in virtutem. Ut qui conversatione contulerat intellectum conferret consummatione suffragium. Obtineat igitur Deus summe apud te dare miseris indulgentiam post delictum qui meruit post sacerdotium subire martyrium.

70 Domine Iesu Christe qui es ineffabilis bonitas et invicta potestas pro cuius nomine beatissimus Saturninus praesul et martyr dum litare aris demonicis renuit ad Capitolium a turbis attrahitur furentisque tauri supplicio consecratur. Tu eius meritis offerentium suscipe vota et omnes in commune pro tua iustificatione communica. Quo exauditi pro nobis requiem etiam apud te mereamur impetrare defuncti.

70 Christe Deus omnium gratiarum largitor qui primum ac summum Tolosanae civitatis sanctum Saturninum sacerdotem instituisti. Ad cuius praedicationem atque virtutem ita ora demonum siluerunt ut se consulentium cultoribus suis obstrusa veluti absentia probarentur. Tu ora nostra preconio vere praedicationis accinge et viciorum insolentium simultates a nostris pectoribus abiice. Ut ita pacis monumento convalescamus ad invicem quo dum ea quae praedicamus sermonibus opere impleverimus ad te qui es retributor iustissimus sine confusione perveniamus. Amen.

70 Dignum et iustum est optimum sane est nobisque speciali devotione praecipuum ut tibi Domine incessanter gratias dum martyres tuos mirabiliter excolimus referamus. Neque enim Domine diabolici furoris impetum humanae fragilitatis infirmitas sustineret nisi subiectum inimicorum tentationibus corpus anima spiritualis evinceret tuisque confirmata doctrinis imbecillum habitaculi sui domicilium fidei munimine roboraret. Nam cum praesentia antistitis tui et martyris Saturnini garrula demonum loquacitas siluisset neque solutis laxarent ora fallaciis ad aras demonum horrendo gentilis populi furore pertractus est et eum sacrificare mortis interminatione compulerunt. Ad cuius imperium repraessa demonum suorum fallacia siluissent qui cum correptum ad Capitolium ducerent et Sancti Spiritus dono praesentem peritur carnis exitium non paveret te unum in Trinitate Dominum confiteri in tanta perverse plebis seditione non timuit. Ad cuius constantiam acrior nefande vociferationis tumultus exarsit in necem beatissimi sacerdotis cunctus populus unico clamore conspirat. Cuius pedes protinus vinculis inligantes ad posteriora tauri quem victime procuraverant nefanda nectere temeritate non trepidant eumque acrioribus stimulis verberatum et multitudinis clamore succensum per gradus quibus Capitolium descendebatur turba praecipitat. Statimque inter ipsos primordii gradus confractis capitis compagibus soluta cerebri interna dissiliunt. Nec prius lacerum corpus trahi destitit quam ruptus fructuosis cursibus funis conlisa tumulo membra laxaret. Victricemque animam et gloriosa professione sublimem ad beate sedis amenitatem tendentem in Habrahe suscipiendam gremio securus emisit. Unde merito cunctus ille angelice congregationis exercitus in hac martyris tui congressione tuam Domine diebus ac noctibus virtutem magnificare non desinit proclamans atque ita dicens.

71 Vere sanctus gloriosus potens et admirabilis Dominus noster Iesus Christus filius tuus cuius confessionem in martyribus illatus furor non admittit cuiusque amorem insanientium cruciatio non extinguit. Huius itaque nomen beatissimus Saturninus martyr tuus et ante supplicium praedicavit et inter supplicia non denegavit. Cum persequentium circumdatus obicibus coactusque sacrificare demonibus renuit te unum et verum Deum voce clara se testatus est credere pro quo etiam et animam posuit usque ad mortem per ipsum Dominum ac Redemptorem aeternum.

72 Oblatum tibi hoc sacrificium Deus Pater in huius martyris tui Saturnini solemnitate serenus accepta et illius invisibilis gratie tua benedictione sanctifica. Et sicut idem martyr participatione tua gracidus praesentia sua demonifica fecit simulacra silere ita nos horum sacramentorum perceptione extirpemus in nobis omnem diabolice temptationis horrorem.

72 Ecce dilectissimi fratres fide relata cognovimus beatissimum Saturninum et gladii pontificalis Sacerdotio functum et ad terga tauri illigatum pedibus martyrio consecratum. Unde omnipotentem Deum qui ei geminam coronam sacerdotis scilicet et martyrii largitus est deprecemur. Ut vel fides nos apud Deum commendet qui supplicium nullum patimur propter fidem. Ut spes nos non destituat miseros quos non efficit effusio sanguinis gloriosos. Atque recreati per momenta divinis consolemur sermonibus cum ad Deum proclamaverimus e terris.

72 Christus Dominus cuius nomen beatissimus Saturninus inter furores gentium clara voce confessus est confiteatur nomina vestra coram Patre suo et coram angelis eius. Quique in praedictum martyrem habitans simulacris demonicis ademit responsum ipse orationibus vestris aperiat suae pietatis auditum. Ut cum eo post illud saeculum vitam retineatis perpetuam ob cuius amorem praesentis diei celebratis solemnia.

73 Per misericordiam ipsius Dei nostri qui vivit et omnia regit in saecula saeculorum.

73 Gustate et videte

73 Gustantes Domine suavitatis

73 Sancta crux antequam te Dominus ascenderet timorem terrenum habuisti modo vero amorem caelestem obtines alleluia alleluia

73 Domine probasti me et cognovisti me tu cognovisti sessionem meam et resurrectionem meam. Modo vero amorem caelestem obtines alleluia alleluia.

73 Gloria in excelsis Deo

73 Gloria nostra Deus noster qui in caelis ab angelis demonstraris et in perpetuum decantaris hic fideliter ac sollemniter praedicaris praesta nobis amplissima pietate tua a malis propriis liberari et semper in tuis laudibus gloriari.

73 Per misericordiam tuam Deus noster qui es benedictus et vivis et omnia regis in saecula saeculorum.

73 Iustus si morte praeoccupatus fuerit

73 Magnificabit Dominus sanctum suum Dominus exaudiet me dum clamavero ad eum

73 Cum invocarem te exaudisti me Deus iustitiae meae in tribulatione

73 Bonum facientes ne deficiamus tempore enim suo metemus non deficientes. Ergo dum tempus habemus operemus bonum ad omnes homines maxime autem ad domesticos fidei. Videte qualibus literis scripsi vobis manu mea. Quicumque volunt placere in carne hi cogunt vos circumcidi tantum ut crucis Christi persecutionem non patiantur. Neque enim qui circumciduntur legem custodiunt sed volunt vos circumcidi Ut in vestra carne glorientur. Mihi autem absit gloriari nisi in cruce Domini nostri Iesu Christi per quem mihi mundus crucifixus est et ego mundo. In Christo enim Iesu neque circumcisio aliquid valet neque praepucium sed nova creatura. Et quicunque hanc regulam secuti fuerint pax super illos et misericordia et super Israel Dei. De cetero nemo mihi molestus sit. Ego autem stigmata Domini nostri Iesu Christi in corpore meo porto. Gratia Domini nostri Iesu Christi cum spiritu vestro. (G 6)

74 Si quis vult post me venire abneget semetipsum et tollat crucem suam et sequatur me. Qui enim voluerit animam suam salvam facere perdet eam. Qui enim perdiderit animam suam propter me inveniet eam. Quid enim prodest homini ut mundum universum lucretur se autem ipsum perdat et detrimentum sui faciat Nam qui me arguerit et meos sermones hunc filius hominis erubescet cum venerit in maiestate sua et Patris et sanctorum angelorum. Dico autem vobis vere sunt aliqui hic astantes qui non gustabunt mortem donec videant regnum Dei. (Mt 16)

74 Loquebar de testimoniis tuis in conspectu regum et non confundebar alleluia

74 Fulgebit iustus

74 Anniversaria beati Andreae apostoli et martyris natalitia celebrantes consideremus dilectissimi fratres quanta mentis alacritate idem vir sanctus sequi coeperit Salvatorem. Nam sicut evangelia sacra testantur dum secus mare ambulans hunc et Petrum vocare Dominus dignaretur audita voce vocationis Christi terrena omnia relinquentes cunctaque simul vitia vitae veteris respuentes a mundanarum iam rerum curis expediti et liberi atque ab omnium vitiorum nexibus absoluti Salvatoris ac Domini vestigia sunt secuti. Horum ergo nos exemplis accensi sequamur Christum contemnamus mundum cum suis opibus transiturum. Nulla nos cupiditas mundana retineat nec periturarum amor rerum a Salvatoris nostri nos amore disiungat quatenus sanctorum sequendo vestigia pervenire mereamur ad gaudia sempiterna.

74 Supplices te rogamus clementissime Deus ut sancto tuo Andrea apostolo ac martyre obtinente tuae cognitionis gratiam uberiori copia atque eminentiori perspicacia consequamur. Nec enim hoc rogantes eodem interveniente nos adepturos esse diffidimus quem tanto tuae dilectionis calore succensum agnoscimus ut non solum eis qui eo praedicante in te credebant salutaria verbi pocula ministraret sed ipsum quoque impiissimum Aegeam persecutorem ut ab idolorum vanissimo cultu recederet piis adhortationibus admoneret. Verum quia nefarius ille ac perfidus gratiam tuae cognitionis quam caeca superbaque mente contempsit quia non meruit utique non accepit. Praesta nobis humillibus famulis tuis ut qui te Dominum tuo dono credentes agnoscimus et agnoscentes fatemur a te numquam penitus recedamus sed dum tibi soli subicimur tibique fideliter inhaeremus aeternitatis tuae munera sortiamur.

75 Nominibus sanctorum martyrum offerentiumque fidelium atque eorum qui ab hoc saeculo transierunt a ministris sacri ordinis recensitis te Dominum Deum nostrum per intercessum sancti tui Andreae apostoli et martyris deprecamur ut et martyrum patrocinia nobis semper opitulentur et offerentium obsequia a te clementer accipiantur ac defunctorum fidelium animabus caelestium receptacula mansionum et sempiternae quietis tutamina tribuantur perenniter.

75 Redemptor noster et Domine omnipotens Christe Iesu qui per sanguinem crucis tuae omnia pacificare dignatus es sive quae in caelis sunt sive quae in terris dum discordiam quae inter angelos et homines per culpam primi parentis contracta fuerat verum hominem assumendo ac pro hominibus moriendo per crucis tuae trophaeum resolvisti et pacem inter caelestes terrestresque creaturas factor et reparator hominum atque angelorum conditor reformasti acclines te et cum omni humilitate deposcimus ut per obtentum sancti apostoli et martyris tui Andreae pacem tuam quae exsuperat omnem sensum non solum hominum sed etiam ipsorum angelorum in nostris cordibus perenniter exsultare concedas.

76 Dignum et iustum est nos tibi gratias agere te semper benedicere teque laudare summe et omnipotens Deus Pater a quo beatus Andreas apostolus insuperabili protectione munitus convertens ad fidem populos gloriam crucis Christi praedicavit intrepidus et crucis cruciamenta pro crucifixo Domino suscepit laetus atque securus. Dumque passionis tuae cruciatibus laetaretur de persecutoris sui tantummodo interitu condolebat eundemque persecutorem ut aeternas poenas evaderet exhortabat. Sed quia plerumque malis hic magis damnationis cumulus augmentatur quo veritatis eius praedicatio non tacetur unde apostolus et martyr salutaria hortamenta illi non tacuit inde persecutor immanis maiori crudelitatis atrocitate saeviens in necem apostoli quasi more phrenetici ad vindictam medici consulentis exarsit atque antidotum saluti congruum quo illi medicus obtulit quasi vitam medici perempturus ipse medico furens aeger bibendum dedit dum patibulum gloriosae crucis quod omni laude praedicans apostolus extulit persecutor crudelis eundem apostolum subire praecepit. Sed laetus gaudensque hoc medicus sumpsit quod aeger insanabilis non credendo abiecit nesciens miser quia hoc antidotum licet in gustu parum persentiatur amarum in sumptu tamen dulce est ac iucundum dum per hoc et salus habita perenniter habenda servatur et salus amissa numquam penitus amittenda recipitur. Per eum quem tecum et cum Spiritu Sancto unum Deum collaudant angeli et archangeli omnesque supernae virtutes sine intermissione dicentes.

76 Sanctus sanctus sanctus Dominus Deus sabaoth pleni sunt caeli et terra gloria maiestatis tuae hosanna filio David hosanna in excelsis benedictus qui venit in nomine Domini hosanna in excelsis.

76 Vere sanctus et vere benedictus Redemptor noster et Dominus Iesus Christus qui amarum passionis poculum ideo quasi verus medicus praegustavit ut et amissam nostrae salutis nobis copiam restauraret et nos ad hoc sumendum quod prior ipse sumpserit provocaret.

77 Credimus pariter et fatemur ac purae credulitatis impulsu tacere non sinimur te Dominum Redemptoremquem nostrum pro nobis miseris in cruce fuisse suspensum descendisse etiam in infernum ut nos resurgens elevares ad caelum reliquisse etiam nobis exemplum ut te sequentes Dominum passiones toleremus in mundo. Quo exemplo beatus Andreas discipulus tuus ac martyr et apostolus informatus crucis pro te supplicium devota mente portavit. Fac nos quaesumus ipso intercedente hoc tui Corporis Sanguinisque mysterium Spiritus tui rore sanctificatum ad nostrarum remedium sumere animarum.

77 Deus a quo Unicus tuus in hunc mundum missus ac pro nobis in cruce suspensus nostrae redemptionis pretium dedit sanguinem suum ut reconciliati per eius mortem filiorum apud te promereremur adoptionem eiusdem nostri mediatoris obtentu nobis nec merentibus tribue ut possimus te Patrem fiducialiter appellare et orationem quam ipso docente didicimus ad te non solum vocibus sed et meritis proclamare et dicere.

77 Sanctus Andreas apostolus qui pro crucifixo Domino ac Redemptore nostro est in cruce suspensus coram ipso vobis Domino gratiae providus exsistat semper patronus. Et ob cuius celebrandam sollemnitatem alacer est hodie vester conventus sit pro peccatis vestris ante Deum intercessor assiduus. Ac sicut hic sanctus virtute fretus Domini crucifixi per crucis victoriam diabolum superavit ita vos per mortificationem crucis cuncta vitia conculcetis.

78 Per misericordiam ipsius Dei nostri qui vivit et omnia regit in saecula saeculorum.

78 Dominus sit semper vobiscum. Et cum spiritu tuo.

78 Gustate et videte

78 Alleluia ortus conclusus soror mea fons signatus emissiones tuae alleluia. Paradisus cum pomorum fructibus

78 Specie tua et pulchritudine tua intende prospere procede et regna

78 Gloria in excelsis Deo

78 Gloria nostra Deus noster qui in caelis ab angelis demonstraris et in perpetuum decantaris dum hic sollemniter ac fideliter praedicaris praesta nobis amplissima pietate tua a malis propriis liberari et semper in tuis laudibus gloriari.

78 Per misericordiam tuam Deus noster qui es benedictus et vivis et omnia regis in saecula saeculorum.

78 Sapientia laudabit animam suam et in Domino honorabitur. In medio populi sui gloriabitur et in ecclesiis altissimi aperiet os suum et in conspectu virtutis illius honorabitur. In medio populi exaltabitur et in plenitudine sancta admirabitur. In multitudine electorum habebit laudem et inter benedictos benedicetur dicens. Quasi cedrus exaltata sum in Libano et quasi cypraessus in monte Sion et quasi palma exaltata sum in Cades et quasi plantatio rose in Iericho. Quasi oliva speciosa in campis et quasi platanus dilatata sum iuxta aquam. In plateis sicut cinamomum et affaltum aromatizans odorem dedi quasi mirrha electa dedi suavitatem odoris. Quasi storax et galbanus et ungula et gutta et quasi Libanus non incisus. Vaporavi habitationem meam et quasi balsamum non mixtum odor meus. Ego quasi terebintus expandi ramos meos et rami mei honoris et gratie. Ego quasi vitis fructificavi odorem suavitatis et flores mei flores honoris et honestatis. Ego mater pulcre dilectionis et timoris et agnitionis et sancte spei. In me gratia omnis vitae et veritatis. Transite ad me omnes qui concupiscitis me et a generationibus meis implemini. Spiritus enim meus super mel dulcis et hereditas mea super mel et favum. Memoria mea in generatione saeculorum. Qui edunt me adhuc esurient et qui bibunt me adhuc sitiunt. Qui audient me non confundentur et qui operantur in me non peccabunt. Qui elucidant me vitam aeternam possidebunt. (Eccli 24)

79 Audi filia et vide quia concupivit Rex decorem tuum et ipse est Deus tuus

79 Lingua tua calamus scribe velociter scribentis diffusa est gratia in labiis tuis propterea benedixit te Deus in aeternum

79 Silentium facite.

79 Qui gloriatur in Domino glorietur non enim qui seipsum commendat ille probatus sit sed quem Deus commendat. Utinam sustineretis modicum quid insipientiae meae sed et supportate me aemulor enim vos Dei emulatione. Despondi enim vos uni viro virginem castam exhibere Christo. Timeo autem ne sicut serpens Evam seduxit astutia sua ita corrumpantur sensus vestri ut excidant a simplicitate et charitate quae est in Christo. Nam si is qui venit alium Christum praedicat quem non praedicavi vobis aut alium spiritum accipitis quem non accepistis aut aliud evangelium quod recepistis recte pateremini. et extimo enim nihil me minus fecisse in vobis a magnis apostolis. Et si imperitus sum sermone sed non scientia. In omnibus autem manifestus sum vobis per fidem quae est in Christo Iesu Domino nostro. (2K 10)

79 Simile est regnum caelorum thesauro abscondito in agro quem qui invenit homo abscondit et pre gaudio illius vadit et vendit universa quae habet et emit agrum illum. Iterum simile est regnum caelorum homini negotiatori quaerenti bonas margaritas. Inventa autem una preciosa margarita abiit et vendidit universa quae habuit et emit eam. Iterum simile est regnum caelorum sagenae missae in mare et ex omni genere piscium congreganti. Quam cum impleta esset educentes et secus litus sedentes elegerunt bonos in vasa sua malos autem foras miserunt. Sic erit in consummatione saeculi. Exibunt angeli et separabunt malos de medio iustorum et mittent eos in caminum ignis. Ibi erit fletus et stridor dentium. Intellexistis haec omnia Dicunt ei. Etiam. Ait illis. Ideo omnis scriba doctus in regno caelorum similis est patrifamilias qui profert de thesauro suo nova et vetera. (Mt 13)

80 Dominus sit semper vobiscum. Et cum spiritu tuo.

80 Lauda filia Sion laetare et exsulta filia Ierusalem

80 Adiuvate me fratres in orationibus vestris et orate pro me ad Deum.

80 Sicut cedrus exaltata sum in Libano et quasi cypraessus in monte Sion quasi mirrha electa dedi suavitatem odoris alleluia

80 Sicut storax et galbanus et onyx et gutta et quasi Libanus non incisus vaporavi habitationem meam. Ego quasi terebinthus expandi ramos meos et rami mei honoris et gratiae ego quasi vitis fructificavi suavitatem odoris. In me spes omnis vitae et virtutis. Transite ad me omnes qui concupiscitis me et a generationibus meis implemini spiritus enim meus super mel dulcis. Quasi myrrha electa dedi suavitatem odoris alleluia.

80 Omnes qui sub impugnantium certamine vitiorum aut vulnerati turpiter aut perempti de carnis fragilitate conquerimur quique ignaviam mentis excusatione corporeae imbecillitatis occulimus et propositum respiciamus Eulaliae virginis et triumphum. Quae nec sexui subiecta nec corpori virile contemnendo contagium fit virilis in qua non fuit corruptelae portio ut esset gratiae plenitudo. Quam crudelitatem fide libidinem castitate vincentem et ornavit virginem admiratio castitatis et coronavit martyrem gloria passionis. Quae dum et vitiis repugnat et gladiis dum et ferrum spernit et coitum et credulitatis suae hostem perculit et aetatis. Huius ergo intercessu omnipotentiam summi Patris oremus ut sicut ab eo eius invicta virginitas locari meruit in regione caelorum ita nobis concessa venia delictorum concedatur locus in regione vivorum.

81 Laetetur in te Domine quaeso virginitas et huic proxima congaudeat continentia. Non sexum quaerunt huiusmodi bella sed animum non mucronis confidentiam sed pudoris non etiam personas discussuras sed causas. Impune inter armatas transit acies Innocens conscientia quae superaverit crimine superat et metalla. Facile vincit alios quisquis se vicerit et cum laudabile sit viros rem fecisse virtutum maioris tamen praeconii est fecisse virginem rem virilem. Profanum sacra ingreditur puella concilium et solum Deum gestiens infert violentiam passioni. Nec deest lictor tam impudens quam crudelis qui sponsam - secure dixerim - Christi fornicantium verberibus oculorum supplicio libidinante torqueret ut quae poenas in adulterio non luebat saltem poenas adulteras sustineret. Nudum quod gravius carnifex putat exspectantium oculis corpus exponit et per divaricatas viscerum partes ictuum sulcos cursus fusi sanguinis antecedit. Periit tuum tortor inique commentum sola patiuntur tormenta ludibrium. Habet quidem virginem nostram nuditas sed pudica. Discat ergo discat uterque sexus ex virgine non pulchritudinem colere sed virtutem fidem amare non formam placiturus Domino non decoris spectare iudicium sed pudoris. Sed quia tuum est Christe totum quod haec virgo vicerit tuum quod meruit tuumque etiam quod peregit nec enim tela repellimus adversantium nisi tuae divinitatis beneficio sublevemur nunc praesta nobis ut sicut haec beatissima martyr tua pugnando praemium adepta est castitatis ita nos commissorum nostrorum a te dimissis contagiis adipiscamur praemia tuae promissionis.

82 Domine sancte Pater aeterne omnipotens Deus in cuius nomine beatae Eulaliae virginis ac martyris tuae sollemnia celebramus quae dum ad confessionem duceretur non illam mortis timor intravit nec vultus pallor obsedit non ira terruit comminantis non dira vox non cruenta manus non etiam torvus aspectus a proposita passione submovit. Tu nobis martyris huius gaudentibus de triumpho et ad te convertendi aditum praebe et sanctae conversationis tribuito dignitatem concedens per hanc oblationem a nobis tibi oblatam et offerentibus perennis gratiae lucrum et defunctis aeternae repausationis solatium.

82 Deus aeterne cuius gratia protecta virgo Eulalia inter flammas non erubuit confiteri quod ex flamma tui amoris haurire promeruit tu nos eius precatu inter mundi huius flammarum procellosa discrimene protege et tuae pacis multiplici incremento adimple quo et hic bene vivamus et ad te de hac vita remuneraturi secura conscientia properemus.

82 Quia tu es vera pax nostra et caritas indisrupta vivis tecum et regnas cum Spiritu Sancto unus Deus in saecula saeculorum.

82 Dignum et iustum est Domine Deus qui tam prudentem virginem fidei sociatam apice gloriae consecrasti tibi gratias agere ut per quem facta est mater Maria fieret martyr Eulalia. Illa pariendi affectu felix ista moriendi. Illa implens incarnationis officium ista rapiens passionis exemplum. Illa credidit angelo ista restitit inimico. Illa electa per quam Christus nasceretur ista assumpta per quam diabolus vinceretur. Digna vere Eulalia martyr et virgo placitura Domino suo quae Sancto Spiritu protegente tenero sexu bellum forte sudaverit et ultra opinionem humanae virtutis ad tolerantiam se poenarum zelo tui amoris obtulerit quae in specie pretiosi unguenti sanguinem suum sub testimonio bonae confessionis effuderit et incorrupta flammis viscera in odorem suavissimi thymiamatis adoleverit. Vadit ad tribunal cruenti praesidis nec quaesita in qua tunc solus fuit animus incontinens ad secretum cum locus competens ad triumphum lucratura regnum contemptura supplicium inventura quaesitum visura confessum. Non trepida de poena non ambigua de corona non defessa de eculeo non diffisa de praemio. Interrogatur confitetur occiditur coronatur. Ingentique miraculo maiestas tua exhalatum virginis spiritum quem assumpsit per flammam suscepit per columbam ut hoc prodigio in caelis martyr ascenderet quo in terris Filium Pater ostenderat. Siquidem nec inhonorum patiuntur elementa corpusculum quod deciduis nix aspersa velleribus et virtutis vigorem et virginitatis gestata candorem elueret vestiret absconderet. Sic superni velaminis operimento caelum funeri praestat exsequias ut per misericordiam Redemptoris daret animae sedem pro sepultura redderet dignitatem. Cui merito omnes Angeli et Archangeli Throni Dominationes et Potestates non cessant clamare atque dicere.

83 Vere sanctus vere benedictus Dominus noster Iesus Christus Filius tuus pro cuius nomine beatissima martyr Eulalia cremandum corpus suum obtulit flammis suscipiens candentis olei supplicium in mammillis ac per reliqua suppliciorum genera finem faciens passionis. Illa etenim aculeo imposita crucique appensa te unum verum Deum in Trinitate professa est in voce suae confessionis et laudem tui amoris. Ob hoc te petimus immensa bonitas summe Deus ut qui eam de tot poenarum generibus triumphare fecisti nos eius precibus et hic in saeculo protegendo salvifices et peracto luctamine mundi sanctis tuis efficias coheredes.

84 Deus qui ferventis supplicium plumbi ante oculos illatum Eulaliae virginis tuae frigidum effecisti tu e caelis ignem illum tui amoris emitte qui numquam novit frigescere. Quo et hanc in honorem martyris tuae oblatam tibi sanctifices hostiam et cordibus nostris consequentis gratiae spiritualem impertias medicinam.

84 Recensito dilectissimi fratres symbolo nostrae credulitatis Eulaliae virginis intueamur robur fidei vel aetatis quae inter flammas iam in consummatione suppliciorum unum et verum Deum in Trinitate praedicat adorandum. Et ideo accedamus ad eum cum lacrimis ad quem illa accesit cum consummato supplicio passionis conquerentes apud eum de infirmitate nostra qui eius roboravit infantiam petentes ab eo quod praecepit ut ipse tribuat quod promisit invocantes eum ea pietatis intentione parcendum miseriae nostrae qua miseratione nos docuit orare semper et dicere.

84 Iesus Christus Dominus qui martyrem suam Eulaliam coronavit post flammam ipse in vobis malae cupiditatis restinguat incendia. Et qui eius corpusculum nivei candoris velavit amictu ipse vos a peccato purificet et delicto. Quique eius spiritum caelesti locavit in regno praemium vobis tribuat sempiternum.

84 Gustate et videte

84 Alleluia. Christi generatio sic erat Cum esset desponsata Mater eius Maria a Ioseph antequam convenirent inventa est in utero habens de Spiritu Sancto alleluia.

84 Spiritus Sanctus superveniet in te et virtus altissimi obumbrabit tibi

85 Gloria in excelsis Deo

85 Gloria tibi Deus tibi semper gloria cuius assumptorem hominem vidimus quasi gloriam Unigeniti a Patre plenum gratia et veritate. Praesta ergo nobis Domine amplissime tuae pietatis gratiam et coaeternum tibi permanentem in gloria deitatis.

85 Per misericordiam tuam Deus noster qui es benedictus et vivis et omnia regis in saecula saeculorum.

85 Facta est super me manus Domini et elevavit me spiritus et duxit me ad portam quae respiciebat ad viam orientalem. Et ecce gloria Dei Israel ingrediebatur et vox erat Dei quasi vox aquarum multarum et terra splendebat a maiestate eius. Et cecidi super faciem meam et maiestas Domini ingressa est Domini domum et audivi loquentem ad me de domo. Et vir qui stabat iuxta me dixit ad me. Fili hominis locus solii mei et locus vestigii pedum meorum ubi habito in aeternum. Post haec converti me ad viam porte sanctuarii quae respiciebat ad Orientem quae erat clausa. et dixit Dominus ad me. Porta ista quam vides clausa non aperietur et vir non transibit per eam quoniam Dominus Deus Israel ingredietur per eam et erit clausa principi. Et princeps ipse sedet in ea ut comedat panem coram Domino. Rursumque vidi et ecce gloria Domini implevit domum Dei. Et audivi vocem dicentis. Benedicta gloria Domini. De loco sancto suo. (Ez 43)

85 Mater Sion dicet homo et homo factus est in ea et ipse fundavit eam excelsus

85 Dominus narravit scripturas populorum suorum et principum eorum qui fuerunt in ea.

85 Silentium facite.

85 Gaudete in Domino semper iterum dico gaudete. Modestia vestra nota sit omnibus hominibus Dominus prope est. Nihil soliciti sitis sed in omni oratione et obsecratione cum gratiarum actione petitiones vestrae innotescant apud Deum. Et pax Dei quae exuperat omnem sensum custodiat corda vestra et intelligentias vestras in Christo Iesu. De cetero fratres quaecunque sunt vera quaecunque pudica quaecunque iusta quaecunque sancta quaecunque amabilia quaecunque bone fame. Si qua virtus. Si qua laus haec cogitate quae et didicistis et accepistis et audistis et vidistis in me. Haec agite et Deus pacis erit vobiscum. (Ph 4)

86 Liber generationis Iesu Christi filii David filii Abraham Abraham genuit Isaac. Isaac autem genuit Iacob. Iacob autem genuit Ioseph virum Mariae de qua natus est Christus. Omnes ergo generationes ab Abraham usque ad David generationes quatuordecim. Et a David usque ad transmigrationem Babylonis generationes quatuordecim et a transmigratione Babylonis usque ad Christum generationes quatuordecim. Christi autem generatio sic erat. Cum esset desponsata mater eius Maria Ioseph antequam convenirent inventa est in utero habens de Spiritu Sancto. Ioseph autem vir eius cum esset iustus et nollet traducere eam voluit occulte dimittere eam. Haec autem eo cogitante ecce angelus Domini in somnis apparuit ei dicens Ioseph fili David noli timere accipere Mariam coniugem tuam quod enim in ea natum est de Spiritu Sancto est est. Pariet autem filium et vocabis nomen eius Iesum ipse enim salvum faciet populum suum a peccatis eorum. Hoc autem totum factum est ut adimpleretur quod dictum est a Domino per Isaiam prophetam dicentem Ecce virgo in utero habebit et pariet filium et vocabunt nomen eius Emmanuel quod est interpretatum nobiscum Deus. (Mt 1)

86 A dextris tuis Domine adsistit regina in vestitu deaurato circumamicta varietate alleluia.

86 Confortamini et iam nolite timere ecce enim Deus noster retribuit iudicium. Ipse veniet et salvos nos faciet alleluia.

86 Audite itaque domus David non pussillum certamen praestare hominibus quoniam Dominus praestat certamen Ecce virgo in utero concipiet et pariet filium et vocabitis nomen eius Emmanuel. Ipse veniet et salvos nos faciet alleluia.

87 Erigamus quaeso fratres carissimi in sublime oculos nostros visuri nostri gloriam Salvatoris quomodo virginem dignatur ut concipiat quomodo matrem remuneratur ut pariat. Ipse et munus factus et filius qui et infusus confert quod deerat et effusus non aufert quod donarat qui nec gerentem honore fraudat nec genetricem labore contristat qui et nascendi abiurgat gemitum et nati consignat affectum. Neque enim fas erat ut haberet illa suspiria quae omnium gaudia pariebat aut origo exsultationis nosceret vim doloris. In recessu pectoris sermonem credulitas calefacit indubitatumque verbum instringit auditus et ad virtutem Dei spem repromissionis fides secura conglutinat. Sic concepit animus quod credidit sic complevit spiritus quod elegit ut in Redemptore nostro non distaret hominis veritas sed potestas. O ineffabilia divinitatis opera. Sic interior portio additae virtutis sensit augmentum ne exterior statum integritatis amitteret Unigenitus Filius Dei in maternis visceribus pariendi viam nec invenit nec reliquit. Sic conceptus atque editus signat virginis uterum non designat. In quo quantum ad remedium salutis nostrae pertinet ipsa natura victoria est. Nam adversarium non minus partus superat quam conflictus cum in conceptione mysterii didicit regnaturum. Talis itaque homo habet vitae potestatem qua alios muneretur qui eam non accepit aliunde qua utitur. Nec mirum est eum nascendo recipere quos creavit qui antequam nasceretur habuit quos redemit.

87 Domine Iesu Christe qui ita Verbum caro factus es ut et conceptionem tui virginalis uterus Altissimi obumbratione susciperet et ad pariendum te porta materni corporis non pateret sollemnitatis huius obsequia propitius suscipe ac nostrorum quoque cor dignatus ingredere. Tibi soli sit pervium cui soli id esse cupimus praeparatum ut cum nostrarum mentium puritatem bene placitam tibi ipse perfeceris operis tui custos et perpetuus habitator esse digneris.

88 Aeterne Dei Filius qui virgineae matris uterum sic intrasti ne rumperes sic aperuisti ne signata ullo modo violares suscipe benignus hoc sacrificium quod tibi ob Incarnationis tuae dedicamus mysterium tribuens per hoc et vivis animae corporisque salutem et defunctis aeternae repausationis felicitatem.

88 Christe Verbum summi Patris qui caro factus es ut habitares in nobis illabere sensibus nostris quo omnes qui tuae Incarnationis mysterio sumus redempti perpetua maneamus pacis societate connexi.

88 Dignum et iustum est nos tibi omnipotens Pater gratias agere si debitoribus quid reddere debeant dignatus fueris praerogare per Iesum Christum Filium tuum Dominum nostrum. Ex te Deo Patre sine initio natum tibique indifferenter atque indemutabiliter coaeternum ac per omnia coaequalem non adoptione sed genere nec gratia sed natura. Qui in utero sanctificatae ac sanctae Virginis clementer illapsus et sine ullo sorde peccati ineffabiliter natus hunc diem nobis quem devotissime celebramus instituit et homo redimendis hominibus factus de secreto uteri virginalis immaculatus emicuit. Nuntiatus est concipiendus ab angelo conceptus fidei singularis arcano et natus sine ullo peccato. Cuius fuit solius sine ulla corruptione nova et inusitata conceptio et sine dolore de matre virgine inviolabilis paritudo. Huic solum possibile fuit sine semine mirabiliter concipi et sine corruptione feliciter nasci. Propter quod eundem Salvatorem nostrum Unigenitum tuum tecum semper et cum Spiritu Sancto regnantem Caeli caelorum et angelicae Potestates sine cessatione collaudant ita dicentes

89 Vere sanctus vere benedictus Dominus noster Iesus Christus Filius tuus. Ipse est qui castitatem contulit Virgini et virginitatis decus non abstulit Matri qui et pro nobis ex eadem dignatus est nasci et pro nostra redemptione non abhorruit suscipere mortem.

89 Nuntiamus Domine quod credimus nec tacemus te totis visceribus deprecantes ut qui Genetrici praestitisti ut mater esset et virgo tribuas Ecclesiae tuae ut sit fide incorrupta et castitate fecunda. Atque haec libamina ita tuae gratiae dulcedo sanctificet ut sumentibus et salutem corporum et delictorum veniam praestent.

89 Deum cuius magnitudo divinitatits capi non potest quique sine initio Deus summus et Pater est deprecemur dilectissimi fratres ut idem Pater qui nasci Filium suum voluit ex utero virginis matris mundet nos ab omni inquinamento carnis et sanguinis. Quo sicut divina obumbratione concepit Virgo ut pareret ita nos divina inspiratione accensi conceptum Sancti Spiritus quem ipso Domino nostro Iesu Christo docente accepimus proferamus publice et dicamus.

90 Dominus Iesus Christus qui in saeculorum fine processit ex Virgine cor vestrum virginitatis incorruptae nitore clarificet. Et qui nuntiante angelo Virginis ingressus est uterum eiusdem vos mysterii et instruat et muniat sacramento. Quique hodie virgineae festum conceptionis devotissime celebratis ad nativitatem nostri Redemptoris exsultantibus animis et mundo corde perveniatis.

90 Per misericordiam ipsius Dei nostri qui vivit et omnia regit in saecula saeculorum.

90 Gustate et videte

90 Gratias tibi agimus Domine Deus et te Deum benedicimus de die in diem qui nos in hac die sanctae sollemnitatis tuae perducere dignatus es fac nos diem istum annuntiationis per multa curricula annorum in pace et tranquillitate suscipere cum fideli populo tuo.

90 Dominus sit semper vobiscum. Et cum spiritu tuo.

90 Sollemnia completa sunt in nomine Domini nostri Iesu Christi votum nostrum sit acceptum cum pace.

90 Gloriam et magnum decorem

90 Gloria nostra Deus noster

90 Iustus si morte praeoccupatus fuerit

90 Dominus sit semper vobiscum. Et cum spiritu tuo.

90 Posuisti super caput eius coronam de lapide precioso

90 Super salutare tuum Domine exultabit vehementer. Desiderium animae eius tribuisti ei et voluntate labiorum eius non fraudasti eum

90 Silentium facite.

90 Gaudeo in passionibus pro vobis et adimpleo ea quae desunt passionium Christi in carne mea pro corpore eius quod est Ecclesia. Cuius factus sum ego minister secundum dispensationem Dei quae data est mihi in vos ut impleam verbum Dei mysterium quod absconditum fuit a saeculis et generationibus. Nunc autem manifestum est sanctis eius quibus voluit Deus notas facere divitias glorie sacramenti huius in gentibus quod est Christus in vobis spes glorie quem nos adnunciamus. Corripientes omnem hominem et docentes in omni sapientia ut exhibeamus omnem hominem perfectum in Christo Iesu in quo et laboro certando secundem operationem eius quam operatur in me in virtute. Cui est honor et gloria in saecula saeculorum. (Kol 1)

91 Thomas unus ex duodecim qui dicitur Didimus non erat cum eis quando venit Iesus. Dixerunt ei alii discipuli vidimus Dominum. Ille autem dixit eis nisi videro in manibus eius fixuram clavorum et mittam digitum meum in locum clavorum et mittam manum meam in latus eius non credam. Et post dies octo iterum erant discipuli eius intus et Thomas cum eis. Venit Iesus ianuis clausis et stetit in medio et dixit eis. Pax vobis. Deinde dicit Thomae infer digitum tuum huc et vide manus meas et affer manum tuam et mitte in latus meum et noli esse incredulus sed fidelis. Respondit Thomas et dixit Dominus meus et Deus meus. Dixit ei Iesus quia vidisti me Thoma credidisti. Beati qui non viderunt et crediderunt. (J 20)

91 Loquebar de testimoniis tuis in conspectu regum et non confundebar

91 Fulgebit iustus

91 Ad Deum fratres carissimi puras mentes erigite eiusque pietatem suppliciter implorate ut qui per primum nos redemit adventum a labe peccati ipse nos sic in aevo degere faciat ut in secundo adveniens in supernis coronandos attollat. Sicque patrocinante nobis suffragio beatissimi apostoli sui Didymi et hic per eius exempla vitam ducentes eius mereamur esse sequipedes et illic felicitatis eius inveniamur consortes.

92 Te te igitur summe et admirabilis Deus totis praecordiis deprecamur ut qui beatissimo Thomae et sagacitatem in inquirendo accomodas et fidem credentibus inspiras nobis et indulgentiam peccaminum tribuas et donis tuis inspirando praevenias. Quique sanctissimi Thomae dubitatione nos roboras eius quaesumus merito nos in fide ita stabiles operibus solida ut iudicante te dignos invenias quos coronandos aetherea sustollas in atria. Quatenus et fidelium servorum tuorum acceptes libamina quae hodierno die plebs tibi mente offerunt grata et pro quibus te submisso obsecrant capite tuae pietatis clementiam esse adeptos congaudeant.

92 Deus qui tuum Thomam egregium praedicis architectum et in foro non dedignas ambulare venalium tu nos ex illis lapidibus effice vivis a quibus illa visio pacis instauratur caelestis qualiter candore castitatis niveo renitentes sanctorum qui nos in Domino iam praecesserunt possimus esse in participatione aequales ut qui pro peccatoribus ab illa sublimi sede descendisti ad terram precibus nostris placatus assistas omnibus requiem defunctis fidelibus praestans.

92 Clementissime Deus qui in pacis unitate laetaris scilicet qui auctor es pacis et pax ab angelicis conclamatus es choris concede per huius intercessionem athletae ut ipsius dilectionis vinculo quo discipulos ad caelos remeans conglobasti ipso nos almifico nexu in tua et proximi dilectione constringas.

92 Dignum et iustum est dignum satis et pulchrum est aequum vere et salutare est nos tibi Domine sancte Pater aeterne omnipotens Deus in quantum est praestitum iugiter gratias Agere et Iesu Christo Filio tuo Domino nostro indesinenter humilia vota deferre. Qui ut nos erigeret usque ad alta caelorum regna non est dedignatus humiliter moriens penetrare infernum ut tecum eis praestaret frui aeternae vitae dulcedine pro quibus gustaverat fellis amaritudinem eosque susciperet aula caeli laureatos diademate pro quibus ille sustulit coronam spinarum in capite. Illis etenim datum est glorioso cursu sanctis comitantibus angelis feliciter scandere caelum pro quibus ille caesus flagellis crucis ascendit patibulum. Lancea latus suum verberari permisit ex quo profluxerunt nova et inaudita miracula sanguinis et aquae mira insignia. Per aquam enim ostendens nobis sanctificationem baptismi per sanguinem vero decus martyrii. Ipsarum ipse ferens signa plagarum ianuis clausis ad discipulos intravit eosque pacifice salutans ut non timerent admonuit quibus de resurrectione sua ineffabile gaudium intulit. Sed cunctatur his noster patronus Didymus apostolus cuius hodie festum devotissime incolimus qui tunc forte a Domino cum aliis non fuit inventus resurrectionem dominicam credere recussavit nisi fixuras clavorum et latus vulneratum manu propria attractaret. Ipsique haesitanti discipulo pius Magister cicatrices sui corporis demum veniens palpabiles exhibuit qui iam praedicta ludibria pro nobis innocens pertulit. Ex quo solidata mens apostoli clara voce Dominus meus et Deus meus exclamavit. Cui nulla cunctatio in corde remansit qui Dominum suum et Redemptorem totius mundi tangendo cognoscere meruit. Multum namque profuit nobis eius dubietas momentanea qua tam evidenter insinuavit cunctis Redemptoris nostri resurrectionem gloriosam. Ipse quoque Dominus se videndo credens beatus esse astipulat sed oculis credens cordis eum per fidem cernentes beatiores pronuntiat. Nos enim impares merito et inferiores licet iustorum dignitate credimus tamen corde fatemur et ore ipsum Dominum nostrum Iesum Christum iudicare vivos et mortuos terribiliter venturum esse de caelis qui pro salute humani generis olim ab impiis iudicium sustinuit in terris. Ideoque rogamus corde contrito et corpore terra tenus prostrato ut in illo examinis die non puniamur cum reprobis descensuri in averni foveam sed cum sanctis omnibus celebrari mereamur caelesti in gloria. Ut tibi Domino Deo Patri et Iesu Christo Filio tuo Domino nostro simul cum Spiritu Sancto personaliter trino Domino et unius Deitatis natura simplo omnis numerositas et celsitudo angelica una cum turma Sanctorum fulgida hunc hymnum dulciflua modulatione sine cessatione proclamant ita dicentes.

93 Vere sanctus vere benedictus Dominus noster Iesus Christus qui est Filius tuus natura non adoptione neque gratia sed generatione. Qui in utraque natura unus Filius creditur et tertia in Trinitate persona tecum et cum Spiritu Sancto unus Deus creditur et adoratur Christus Dominus ac Redemptor aeternus.

93 Concede nobis Domine interventu apostoli tui Thomae et remissionem peccaminum et bonae vitae inspiratae nobis peragere cursum. Ut et sacrificia in huius sollemnitate passionis acceptes et sumentibus ea sanctificationis gratia tuae illustres.

93 Christe qui beatissimis Apostolis tuis orandi praecepta instituis praesta ut suffragio apostoli tui Thomae digni effecti ipsa tua deifica verba proclamantes mereamur exaudiri e terris.

93 Christus Dominus qui apostolo suo Thome ... aeteerno premio muneremini

93 Per misericordiam ipsius Dei nostri qui vivit et omnia regit in saecula saeculorum.

93 Gustate et videte

93 Alleluia benedictus qui venit in nomine Domini alleluia alleluia.

93 Deus Dominus et illuxit nobis.

93 Gloria in excelsis Deo

93 Hodie nobis thesaurus natus est. Hodie nobis lucerna Virginis quam Spiritus Sanctus ignivit verum lumen apparuit. Hodie caecorum medicus natus est. Hodie Paraliticorum sanitas. Hodie debilium firmamentum infirmantium virtutes. Hodie resurrectio mortuorum Salvator noster advenit. Hodie nobis inter noctem ignitam lux nova apparuit. Hodie nobis Salvator advenit quem prophetae praedixerant ex Maria Virgine nasciturum. Hodie nobis praesepio positus perpetuus panis lucis ostenditur qui dixit ego sum panis verus qui de caelo descendi. Si quis autem de pane isto manducaverit non esuriet in aeternum. Praesta nobis Domine per gloriam nativitatis tuae a malis propriis liberari et in tuis laudibus semper gloriari.

95 Primo tempore alleviata est terra Zabulon et terra Neptalim et in novissimo aggravata est via maris trans Iordanem Galileae gentium. Populus qui sedebat in tenebris vidit lucem magnam habitantibus in regione umbre mortis lux orta est eis. Multiplicasti gentem sed non magnificasti laeticiam. Laetabuntur coram te sicut qui laetantur in messe. Et sicut exultant victores quando dividunt spolia Iugum enim oneris eius et virgam humeri eius et sceptrum exactoris eius superasti sicut in die Madian quia omnis violenta praedatio cum tumultu et vestimentum mixtum sanguine erit in combustione et cibus ignis. Parvulus enim natus est nobis filius datus est nobis et factus est principatus eius super humeros eius. Et vocabitur nomen eius admirabilis consiliarius Deus fortis. dominator pater futuri saeculi princeps pacis Multiplicabitur eius imperium et pacis eius non erit finis. Super solium David sedebit et super regnum eius. Ut confirmet illud et corroboret in iudicio et in iustitia amodo et usque in sempiternum. Zelus Domini exercituum faciet hoc. (Is 9)

95 Dominus sit semper vobiscum. Et cum spiritu tuo.

96 Dominus dixit ad me Fililus meus es tu tu ego hodie genui te.

96 Pete a me et dabo tibi gentes hereditatem tuam et possessionem tuam terminos terrae.

96 Silentium facite.

96 Multiphariae multisque modis olim Deus locutus est patribus nostris in prophetis. Novissimis diebus locutus est nobis in filio suo quem constituit heredem universorum. Per quem fecit haec saecula. Qui cum sit splendor glorie et figura substantie eius portansque omnia verbo virtutis suae purgationem peccatorum faciens sedet ad dexteram maiestatis in excelsis. Tanto melior angelis effectus quanto differentius pre illis nomen hereditavit. Cui enim dixit aliquando angelorum. Filius meus es tu ego hodie genui te Et rursus ego ero illi in patrem et ipse mihi erit in filium. Et cum iterum introducit primogenitum in orbem terrae dicit. Et adorent eum omnes angeli Dei. Et ad angelos quidem dicit. Qui facit angelos suos spiritus et ministros suos flammam ignis. Ad filium autem. Thronus autem tuus Deus in saeculum saeculi. Virga aequitatis virga regni tui. Dilexisti iusticiam et odisti iniquitatem propterea unxit te Deus Deus tuus in aeternum oleo laeticiae prae participibus tuis. Et tu in principio Domine terram fundasti et opera manuum tuarum sunt caeli ipsi peribunt tu autem permanebis et omnes sicut vestimentum veterascent. Et velut amictum mutabis eos et mutabuntur. Tu autem idem ipse es et anni tui non deficient. (H 11-12)

96 Factum est autem cum essent ibi impleti sunt dies ut pareret et peperit filium suum primogenitum et pannis eum involvit et reclinavit eum in praesepio quia non erat ibi locus in diversorio. Et pastores erant in regionem eandem vigilantes et custodientes vigilias noctis super gregem suum. Et ecce angelus Domini stetit iuxta illos et claritas Dei circumfulsit illos et timuerunt timore magno. Et dixit illis angelus. Nolite timere. Ecce enim evangelizo vobis gaudium quod erit omni populo Quia natus est vobis hodie Salvator qui est Christus Dominus in civitate David et hoc vobis signum. Invenietis infantem in pannis involutum et positum in praesepio. Et subito facta est cum angelo multitudo militiae caelestis laudantium Deum et dicentium. Gloria in altissimis Deo et in terra pax hominibus bone voluntatis et factum est ut discesserunt ab illis angeli in caelum pastores loquebantur ad invicem dicentes. Transeamus usque in Bethleem et videamus hoc verbum quod factum est quod Dominus ostendit nobis. Et venerunt festinanter et invenerunt Mariam et Ioseph et Infantem positum in praesepio. Videntes autem cognoverunt de verbo quod dictum erat illis de puero hoc et omnes qui audierunt mirati sunt de his quae dicta erant a pastoribus ad ipsos. Maria autem conservabat omnia verba haec conferens in corde suo. Et reversi sunt pastores glorificantes et laudantes Deum in omnibus quae audierant et viderant sicut dictum est ad illos. (L 2)

97 Redemptionem misit Dominus populo suo mandavit in aeternum testamentum suum sanctum et terribile nomen eius.

97 Adiuvate me fratres in orationibus vestris et orate pro me ad Deum.

97 Parvulus natus est nobis et Filius datus est nobis et factus est principatus super humeros eius. Alleluia alleluia.

97 Ecce nunc tempus acceptabile ecce nunc dies salutis. Lux a terra prodiit exeamus a tenebris. Advocatus e caelo descendit quod oportet agamus. Redemptor mundi apparuit pro libertate clamemus. Venit ad aegrotos medicus vulnera proferamus. Panis vivus credentibus datus est hunc sumamus. Fons perennis fidelibus ortus est animas impleamus. Cuius misericordia virtute et gratia in illo fidei processu iustitiae cultu confessionis gradu castitatis affectu stare nos faciat in quo animas nostras floruisse sibi non aruisse convincat. Atque in illo statu illum vita nostra delectetur nobisque fructificet in quo se generis non criminis nostri permanens Deus in nobis nasciturus inseruit et pro nobis moriturus apparuit. Amen. Concedente gratia miserationis illius cuius regnum et imperium iuge et gloriosum in saecula saeculorum. Amen.

98 Te Domine Christe Iesu te Deum pluraliter homines salvantem et hominem in Deo singulariter potentem invocamus laudamus rogamus ut adsis parcas miserearis ignoscas des in corde vota quae compleas des in ore verba quae exaudias des in opere facta quae benedicas. Non petimus renovari nobis sicut in hac die olim acta est corporalem nativitatem tuam sed petimus incorporari nobis invisibilem divinitatem tuam. Quod praestitum est carnaliter sed singulariter tunc Mariae nunc spiritaliter praestetur Ecclesiae ut te fides indubitata concipiat te mens de corruptione liberata parturiat te semper anima virtute Altissimi obumbrata contineat. Ne discedas a nobis sed procedas ex nobis. Sis revera Emmanuel noster nobiscum Deus. Digneris manere in nobis et pugnare pro nobis. Te enim pugnante nos vincimus. Solve nos quaesumus pannis putribus peccatorum qui te pro peccatis nostris dignatus es putredine ligari pannorum. Lac tuum Ecclesiae tuae parvulos nutriat. Adeo infirmos delicatus olerum cibus pascat ut ad percipiendum fortiorem ac solidum cibum validiores cotidie vires crescant. Et ita noverimus defaecatam voluntatem et fidem habere firmissimam ut iugiter enitamur auxilio tuo ad vitam pervenire perfectam.

98 Famuli tui indigni et exigui sacerdotes tremendae maiestatis tuae spiritales victimas immolantes offerimus tibi Deus hostiam immaculatam quam maternus uterus impolluta virginitate produxit pudor edidit sanctificatio genuit integritas fudit hostiam quae immolata vivit et vivens iugiter immolatur hostiam quae sola Deum placare praevalet quia Deus est. Hanc tibi summe Pater offerimus pro sancta Ecclesia tua pro satisfactione saeculi delinquentis pro emundatione animarum nostrarum pro sanitate omnium infirmorum ac requie vel indulgentia fidelium defunctorum ut mutata sorte tristium mansionum felici perfruamur societate iustorum.

99 Excelsum te Deum pariter atque humilem hominem Iesum Christum acclines servuli deprecamur ut pacem quam ascensurus ad caelos tui characteris notitia commendasti dones augmentes perficias atque custodias. Atque ita fiat pax in virtute tua et abundantia in turribus tuis ne officia osculi sint tegmina virus occulti sed quia decantantibus Angelis pacem tribuisti hominibus bonae voluntatis in hoc die tui natalis efficias nos nuntios et filios pacis.

99 Dignum et iustum est nos omnipotentiae tuae et pietati referre quas posse donaveris laudes clementissime Pater quia post multa tempora in hac die ante non multa tempora qui tibi vel sibi semper erat nobis natus est Christus Iesus. Unigenitus tuus factus est ancillae suae filius Dominus matris suae partus Mariae fructus Ecclesiae qui ab illa editur ab ista suscipitur qui per illam pusillus egreditur per istam mirificus dilatatur. Illa salutem populis creavit haec populos. Illa utero vitam portavit haec lavacro. In illius membris Christus infusus est in istius aquis Christus indutus est. Per illam qui erat nascitur per istam qui perierat invenitur. In illa redemptor gentium vivificatur in ista gentes vivificantur. Per illam venit ut peccata tolleret per istam tulit peccata propter quae venit. Per illam nos ploravit per istam nos curavit. In illa infans in ista gigans. Ibi eiulat hic triumphat. Per illam crepundia gestavit per istam regna subiecit. Illam parvuli iucunditate demulsit istam sponsi credulitate despondit. Exstant denique pretiosi amoris incorrupta commercia. Dedit sponsus sponsae suae munera aquas vivas id est Christus Ecclesiae quibus semel ad placendi meritum lavaretur. Dedit oleum laetitiae pro odorifero unguento chrismatis quo ungeretur. Vocavit eam ad mensam suam adipe frumenti satiavit illam vino suavitatis implevit. Iustitiae imposuit ornamentum donavit deauratum virtutum varietate vestitum. Animan suam pro illa posuit susceptae et calcatae mortis spolia in dotem illi regnaturus victor exhibuit. Se ipsum illi in cibo ac potu indumentoque concessit. Promisit ei se illi daturum regnum aeternum. Ipsam pollicitus est statuendam in dexterae suae parte reginam. Concessit et ipsi quod concessum est genitrici impleri non violari parere non corrumpi illi semel et isti semper sedere tamquam sponsam in thalamo pulchritudinis et multiplicare filios gremio pietatis foetosam esse prole non faetidam voluptate. Sic et ipsa in ipso per ipsum dives effecta sponso ac Domino suo humilia refert munera hoc ei de proprio suo offerendo quod credidit hoc de exemplo quod eum redamavit hoc de dono ipsius id ipsum potuisse quod voluit id ipsum voluisse quod potuit. Dedit illi tamquam rosas martyres velut lilia virgines quasi violas continentes. Haec ad illum per ministros voluntatis eius apostolos confecta operi sui pensa transmisit. Unde nunc a dextris eius felici et gloriosa perennitate consistens eum tecum omnipotens Pater et cum Spiritu Sancto regnantem cum omnibus angelis confitendo collaudat et dicit.

100 Sanctus sanctus sanctus Dominus Deus sabaoth pleni sunt caeli et terra gloria maiestatis tuae hosanna filio David hosanna in excelsis benedictus qui venit in nomine Domini hosanna in excelsis.

100 Vere sanctus vere benedictus Dominus noster Iesus Christus Filius tuus qui venit e caelis ut conversaretur in terris caro factus est ut habitaret in nobis Christus Dominus ac Redemptor aeternus.

101 Haec Domine dona tua et praecepta servantes in altare tuum panis ac vini holocausta proponimus rogantes profusissimam tuae misericordiae pietatem ut eodem spiritu quo te in carne virginitas incorrupta concepit has hostias Trinitas indivisa sanctificet ut cum a nobis fuerint non minori trepidatione quam veneratione perceptae quidquid contra animam male vivit intereat et quidquid interierit nullatenus reviviscat.

101 Quod via ut sequeremur ostendit quod vita ut loqueremur edocuit quod veritas ut teneremus instituit tibi summe Pater cum tremore cordis proclamemus e terris.

101 Dominus Iesus Christus qui olim pro nobis hodie dignatus est nasci ipse vos sua nativitate purificet. Et qui infantiam sumens humanitatis vilibus indutus est pannis caelestium virtutum vos vestiat indumentis. Sitque vestrorum cordibus interior pastus qui in praesepio positus credentibus se voluit monstrari vescendus.

101 Per misericordiam ipsius Dei nostri qui vivit et omnia regit in saecula saeculorum.

101 Dominus sit semper vobiscum. Et cum spiritu tuo.

101 Gustate et videte

101 Gratias tibi agimus Domine Deus et te Deum benedicimus de die in diem qui nos in hac die sancte solemnitatis tuae perducere dignatus es fac nos diem istum nativitatis tuae per multa curricula annorum in pace et tranquillitate suscipere cum fideli populo tuo.

101 Per misericordiam tuam Deus noster qui es benedictus et vivis et omnia regis in saecula saeculorum.

101 Dominus sit semper vobiscum. Et cum spiritu tuo.

101 Sollemnia completa sunt in nomine Domini nostri Iesu Christi votum nostrum sit acceptum cum pace.

102 Fremebant cordibus suis adversus Stephanum. Stridebant dentibus in eum. Ipse autem plenus Spiritu Sancto intendens in caelos vidit gloriam Dei alleluia alleluia alleluia.

102 Beatus vir qui timet Dominum in mandatis eius cupit nimis

102 Gloria in excelsis Deo

102 Laudamus te Domine cum angelis benedicimus te cum virtutibus sanctis. Glorificamus cum potestatibus supernis. Et qui per te Opificem nostrum nos subsistere non haesimus recte honore tui nominis per officium creaturae creatricem tuam potentiam non negamus. Pro qua re nostrum facito bonae voluntati tuae placere servitium et vel in caelis cum angelis vel in terris cum hominibus pacifice gloriari in tuae glorificationis assensu.

102 Per misericordiam ipsius Dei nostri qui vivit et omnia regit in saecula saeculorum.

102 Iustus si morte praeoccupatus

102 Posuisti Domine

102 Silentium facite.

102 Crescente numero discipulorum in Ierusalem factum est murmur graecorum adversus hebreos eo quod despicerentur in ministerio cottidiano vidue eorum a ministris hebreorum. Convocantes autem apostoli multitudinem discipulorum dixerunt. Non est aequum vos relicto verbo Dei ministrare mensis. Eligite ergo fratres viros ex vobis boni testimonii septem plenos Spiritu Sancto et sapientia quos constituamus super hoc opus. Nos vero orationi et ministerii verbis instabimus. Et placuit sermo coram omni multitudine et elegerunt Stephanum plenum fide et virtute et Spiritu Sancto et Philippum et Prochorum et Nicanorem et Thimonem et Parmenam et Nicolaum advenam Antiochenum. Hos statuerunt ante conspectum apostolorum. Et orantes imposuerunt eis manus et verbum Domini crescebat et multiplicabatur numerus discipulorum in Ierusalem valde. Multa etiam turba sacerdotum obediebat fidei. Stephanus autem plenus gratia et fortitudine faciebat signa in populo. Surrexerunt autem quidam de Synagoga quae appellabatur Libertinorum et Cirenensium et Alexandrinorum et eorum qui erant a Cilicia et Asia disputantes cum Stephano et non poterant resistere sapientie et spiritui qui loquebatur. Propter quod arguerentur ab eo cum omni fiducia. Tunc summiserunt viros qui dicerent se audisse eum dicentem verba blasphemiae in Moysen et Deum. Commoverunt itaque plebem et seniores et scribas et concurrentes rapuerunt eum et adduxerunt eum in concilio. Et statuerunt testes falsos dicentes. Homo iste non cessat loqui verba adversus locum sanctum hunc et legem. Audivimus eum dicentem quoniam Iesus Nazarenus hic destruet locum istum et mutabit traditiones quas tradidit nobis Moyses et intuentes eum omnes qui sedebant in concilio viderunt faciem eius tanquam faciem angeli. Dixit autem princeps sacerdotum Stephano. Si haec ita se habent Qui ait. Dura cervice et incircumcisi corde et auribus vos semper Spiritui Sancto restitistis sicut patres vestri ita et vos. quem prophetarum non sunt persecuti patres vestri Et occiderunt eos qui prenunciabant de adventu iusti cuius vos nunc proditores et homicide fuistis. Qui accepistis legem in dispositione angelorum et non custodistis ut viveretis. Audientes autem haec dissecabantur cordibus suis. Et stridebant dentibus in eum. Cum autem esset plenus Spiritu Sancto intendens in caelum vidit gloriam Dei et Iesum stantem a dextris Dei. Et ait. Ecce video caelos apertos et filium hominis stantem a dextris virtutis Dei. Exclamantes autem voce magna continuerunt aures suas et impetum fecerunt unanimiter in eum. Et eiicientes eum extra civitatem lapidabant et testes deposuerunt vestimenta sua secus pedes adolescentis qui vocabatur Saulus. Et lapidabant Stephanum invocantem et dicentem Domine Iesu suscipe spiritum meum. Positis autem genibus clamavit voce magna. Domine ne statuas illis hoc peccatum. Et cum hoc dixisset obdormivit in Domino. Saulus autem erat consentiens neci eius. Facta est autem in illa die persecutio magna in Ecclesia quae erat Ierusalem et omnes dispersi sunt per regiones Iudee et Samariae praeter apostolos qui remanserunt in Ierusalem. Curaverunt autem Stephanum viri timorati et fecerunt planctum magnum super illum. Saulus autem devastabat Ecclesiam per domos intrans viros ac mulieres tradebat in custodiam. Illi igitur qui dispersi erant pertransibant evangelizantes verbum Dei. (Act 6)

104 Dominus noster Iesus Christus loquebatur discipulis suis dicens super cathedram Moysi sederunt scribae et pharisaei. Omnia ergo quaecunque dixerint vobis servate et facite secundum vero opera eorum nolite facere. Dicunt enim et non faciunt. Alligant autem onera gravia et importabilia et imponunt in humeros hominum digito autem suo nolunt ea movere. Omnia vero opera sua faciunt ut videantur ab hominibus. Dilatant enim philateria sua et magnificant fimbrias. Amant autem primos recubitus in cenis et primas cathedras in synagogis et salutationes in foro et vocari ab hominibus rabbi. Vos autem nolite vocari ab hominibus rabbi. Unus est enim magister vester omnes autem fratres estis. Et patrem nolite vocare vobis super terram unus est enim pater vester qui in caelis est. Vae vobis scribae et pharisaei hypocrite quia mundatis quod de foris est calicis et parapsidis intus autem pleni estis rapina et immundicia. Pharisaeae caece munda prius quod intus est calicis et parapsidis ut fiat id quod de foris est mundum. Vae vobis scribae et pharisaei hypocrite quia similes estis sepulchris dealbatis quae foris parent hominibus speciosa intus vero plena sunt ossibus mortuorum et omni spurcicia. Sic et vos foris quidem paretis hominibus iusti intus autem pleni estis hypocrisi et iniquitate. Ve vobis scribae et pharisaei hypocrite qui aedificatis sepulchra prophetarum et ornatis monumenta iustorum et dicitis. Si fuissemus in diebus patrum nostrorum non essemus socii eorum in sanguine prophetarum. Itaque testimonium estis vobismetipsis quia filii estis eorum qui prophetas occiderunt et vos implete mensuram patrum vestrorum. Serpentes genimina viperarum quo fugietis a iudicio gehenne Ideo dico vobis. Ecce ego mitto ad vos prophetas et scribas et ex illis occidetis et crucifigetis et ex eis flagellabitis in sinagogis vestris et persequemini de civitate in civitatem ut veniat super vos omnis sanguis iusti qui effusus est super terram a sanguine Abel iusti usque ad sanguinem Zachariae filii Barachiae quem occidistis inter templum et altare. Amen dico vobis venient haec omnia super generationem istam. Ierusalem Ierusalem quae occidis prophetas et lapidas eos qui ad te missi sunt quotiens volui congregare filios tuos quemadmodum gallina congregat pullos suos sub alas et noluisti Ecce relinquetur domus vestra deserta. Dico enim vobis non me videbitis amodo donec dicatis. Benedictus qui venit in nomine Domini Rex Israel. (Mt 2)

105 Dominus sit semper vobiscum. Et cum spiritu tuo.

105 Exsultabit iustus in gloria et gaudebit in laeticia sempiterna

105 Ego Daniel intellexi numerum annorum in quo factus est sermo Domini. Tibi autem Domino Deo nostro propitiatio et misericordia alleluia.

105 Dum aspicerem in nubibus caeli ecce quasi filius hominis amictus auro purissimo veniebat principatus ei honor et regnum.

105 Primum licet hominibus dilectissimi fratres sub eandem passionis formam crux Christi in qua cunctorum martyrum primitie continentur impraesserit sed tamen in similitudine carnis peccati conformis nobis extitit non equalis. Nam inter homines nostrae pravitatis nostraeque conditionis nativitatis legis vel sortis primus hanc viam Stephanus martyr intravit duriciam ardui itineris vicit palmam propositi muneris occupavit qui Deum et hominem sequeretur ostendit. Ante ipsum quidem Christus sed tamen primus ipse post Christum. Hic homo fecit adiutus a Deo quod ibi homo perfecit unitus in Deo. Ille servo previus iste conservis. Ille generaliter pro magisterio iste specialiter pro magistro. Hic egit suum martyrium ille multorum. Iste in se non ingloriosus ille pro omnibus gloriosus. Perfecta igitur fides honoret testem laudet auctorem et sua cuique debita discretis reddat officiis et zelo imitationis accensa et adiutorio proficiat et exemplo si distincte et Domino serviat et patrono.

106 Te Domine Iesu Christe benedicimus teque laudamus qui tam beatum tamque perfectum martyrem tuum Stephanum tui imitatione fecisti ut quod etiam in reliquis sanctis rarum atque difficile est sic persecutionis tormenta portaret ut ultionis vota de persequentibus non haberet et eorum impunitatem intrepide in persecutione peteret quorum impietatem inter saxa sentiret. Utique cum illi lapides mitterent super eum ille pro eis preces fundebat ad Deum Domine Iesu ne statuas illis hoc ad peccatum. Certabat impatientia cum indulgentia. Illi vulnera inferre iste odia non referre. Illi doloribus non cedere iste pro hostibus supplicare. Postremo erat in benignitate martyris quod non erat in voluntate carnificis nolle hos punire per quos se videbat coronari. Haec igitur tam gloriosa pietas tam perfecta benignitas quae pro illis preces fundebat credentium populorum vota commendet fidelium spe confortet sperantium necessitates adiuvet supplicantium culpas excuset et pro Ecclesiae unitate et pace catholicae plebis invigilet. Hic semper pro subiectis dum rogat obtineat qui pro inimicis dum lapidaretur orabat.

107 Domine Iesu Christe qui beatissimo primoque martyri tuo Stephano post ictus lapidum concessisti praemium sempiternum tu sereno vultu respice hoc sacrificium nostrum et praesta nobis famulis tuis ut prece huius martyris tam viventibus quam defunctis donetur indulgentia criminum per quem olim confutata est infidelitas iudaeorum.

107 Deus qui Stephanum plenum gratia et virtute levitici ordinis ministerio per apostolorum tuorum electionem vel impositionem manuum consecrasti tu praesta nobis ut qui asciti sumus in sortem tuae vocationis simus filii pacis tenoremque retineamus perfectae dilectionis. Quo gratia tua quae in Stephano martyre verae praedicationis iecit fundamina in nobis sincerae pacis et caritatis multiplicet nutrimenta.

107 Dignum et iustum est pulchrumque satis et aptum nos tibi in die sancti martyris tui Stephani annuo nobis circulo revoluto laudis hostias immolare sacrificium sollemne persolvere. Quem ita Domini nostri Iesu Christi Filii tui gratia elegit doctrina erudiit potentia confirmavit ut inter levitas praemium inter discipulos regnum inter martyres teneat principatum. Qui veritatis verbo errantes confidentius arguendo ibi studeret ponere causam ubi intelligeret pendere victoriam ut obiecto in faciem iudaeis impietatis elogio si non corriperet devios non timeret iratos sciens in alterutrum fructuosam praedicationem esse iustitiae si aut illis suscepta paenitentia placeret oblatio sanitatis aut sibi excitata invidia fieret occasio passionis. Erat ibi Christi et proximorum in tali voluntate dilectio aut de emendatis gaudium optare cognatis aut de illatis praemium exspectare suppliciis. Suum quidem honorem alieno crimine non quaerebat sed videbat utrumque sibi sine gloria non futurum si aut per veritatem ipse alios praedicando acquireret aut se pro veritate quispiam persecutor occideret. Agnoscebat locum suum cogitabat officium quia altare se esse noverat semetipsum hostiam praeparabat. Plenus Spiritu Sancto sacramenta ructabat volens calicem bibere quem tradebat. Stabat inter populos qui servis non parcere Domini morte didicerant aut qui magis usque ad Domini necem servorum morte pervenerant. O ingens dominicae desiderium caritatis. Quid est nisi occidi velle pro Domino et occisi amorem inter homicidas impavida devotione fateri Noverat se illi moriendo iungendum cui se dolebat supervivendo disiunctum. Tenebat Magistri praecepta quae didicerat non sibi dignum esse discipulum qui se non portata cruce sequeretur. Volebat pervenire quo erat qui cupiebat levare quod iusserat nec fallit sua opinio iam paratum. Ecce illi qui in Christo tamquam in lapidem offenderunt in Stephanum cum lapidibus irruerunt. Hoc Impius furor iecit quo caecus error impegit. Inde obruerant docentem unde ceciderant non credentes. Qui illis factus est petra scandali Stephano factus est corona martyrii. Cui merito tibi inter gloriosos Angelos caelestesque Virtutes hymnum laudis debitae sine cessatione proclamat atque dicit.

108 Sanctus sanctus sanctus Dominus Deus sabaoth pleni sunt caeli et terra gloria maiestatis tuae hosanna filio David hosanna in excelsis benedictus qui venit in nomine Domini hosanna in excelsis.

108 Vere sanctus vere in altissimis gloriosus Dominus noster Iesus Christus Filius tuus a quo Stephanus martyr primus atque levita coronari promeruit passione suscepta dum et cum ceteris consecrandus apostolorum electione in ministerio eligitur septimus et singulariter pro Christo martyrium adeptus est primus. Qui Ideo lapidari se voluit saxeis Ictibus perfidorum ut facilius pervenire possit ad lapidem pretiosum Christum Dominum ac Redemptorem aeternum.

108 Omnipotens Deus Pater qui post oblationem Unigenitit tui in hostiam vivam Stephanum primum martyrem suscepisti tu nos ad eius exemplum facito esse victimam placationis et hostiam puritatis. Quo dum ipsi per contritionem spiritus immolamur haec libamina in ablutionem peccaminum a te sanctificata sumamus.

109 Aeterne Dei Filius Domine Deus quem Stephanus dum lapidaretur ut eius spiritum susciperes invocabat quemque positis genibus pro inimicis orabat tu nos facito et amicos in te fidenter diligere et pro inimicis te sinceriter postulare. Quo dum debentibus nobis ex corde dimittimus ea quae praecepisti fiducialiter proclamemus e terris.

109 Humiliate vos benedictioni. Dominus sit semper vobiscum.

109 Christus Dei Filius pro cuius nomine Stephanus martyr lapidatus est Innocens contra incursantium daemonum ictus vos efficiat fortiores. Quique eum pro inimicis orantem consummato martyrio provexit ad caelum conferat vobis ut sine confusione ad eum veniatis post transitum. Ut illuc laetatura post istud saeculum accedat anima vestra quo praedictus martyr spiritum suum suscipi exorabat.

109 Dominius sit semper vobiscum

109 Gustate et videte

109 Gustantes Domine suavitatis tuae dulcedinisque plenitudinem quaesumus ut sit nobis hoc in remissionem peccatorum et sanitatem mentium.

109 Per misericordiam tuam Deus noster qui es benedictus et vivis et omnia regis in saecula saeculorum.

109 Sollemnia completa sunt in nomine Domini nostri Iesu Christi votum nostrum sit acceptum cum pace.

109 Gloriam et magnum decorem impones super eum alleluia et dabis eum in benedictionem in saeculum saeculi alleluia alleluia.

110 Vitam petiit a te tribuisti ei longitudinem dierum in aeternum

110 Gloria in excelsis Deo

110 Hodie nobis thesaurus natus est

110 Sapientia iustum deduxit per vias rectas et ostendit illi regnum Dei et dedit illi scientiam sanctorum. Honestavit illum in laboribus et complevit labores illius. In fraude circumvenientium illum affuit illi et honestum fecit illum. Custodivit illum ab inimicis et a seductoribus tutavit illum. Et certamen fortium dedit illi ut vinceret et sciret quoniam omnium potentior est sapientia haec venditum iustum non dereliquit sed a peccatoribus liberavit illum. Descendit cum illo in foveam et in vinculis non dereliquit illum donec afferret illi sceptrum regni et potentiam adversus eos qui eum deprimebant et mendaces ostendit qui maculaverunt illum et dedit illi claritatem aeternam. Et reddidit iustis mercedem laborum suorum et deduxit illos in via mirabili et fuit illis in velamento diei et in luce stellarum nocte. Et transtulit illos per mare rubrum et transvexit illos per aquam nimiam. Dominus Deus noster. (Sap 10)

110 Factus est in pace locus eius et habitatio eius in Sion

110 Notus in Iudea Deus in Israel magnum nomen eius

110 Nolo vos ignorare de dormientibus ut non contristemini sicut et ceteri qui spem non habent. Si enim credimus quod Iesus mortuus est et resurrexit ita et Deus eos qui dormierunt per Iesum adducet cum eo. Hoc enim vobis dicimus in verbo Domini quod nos qui vivimus qui residui sumus in adventu Domini non preveniemus eos qui dormierunt. Quoniam ipse Dominus in iussu et in voce archangeli et in tuba Dei descendet de caelo et mortui qui in Christo sunt resurgent primi. Deinde nos qui vivimus qui relinquimur simul rapiemur cum illis in nubibus obviam Christo in aera et sic semper cum Domino erimus. (Th 4)

111 Simon Ioannis diligis me plus his Dicit ei. Etiam Domine tu scis quia amo te. Dicit ei. Pasce agnos meos. Dicit ei iterum. Simon Ioannis diligis me At ille etiam Domine tu scis quia amo te. Dicit ei. Pasce agnos meos. Dicit ei tertio. Simon Ioannis amas me. Et dicit ei Domine tu omnia nosti tu scis quia amo te. Dicit ei. Pasce oves meas. Amen amen dico tibi cum esses iunior cingebas te et ibas ubi volebas cum autem senueris extendes manus tuas et alius te cinget et ducet quo tu non vis hoc autem dixit significans qua morte clarificaturus esset Deum. Et hoc cum dixisset dixit ei. Sequere me. Conversus Petrus vidit illum discipulum quem diligebat Iesus sequentem qui et recubuit in cena super pectus eius et dixit. Domine hic autem quid Dicit ei Iesus sic eum volo manere donec veniam. Quid ad te Tu me sequere. Exivit ergo sermo iste inter fratres quia discipulus ille non moritur et non dixit Iesus non moritur sed sic eum volo manere donec veniam quid ad te Hic est discipulus qui testimonium perhibet de his et qui scripsit haec. Et scimus quia verum est testimonium eius. (J 21)

111 Deus meus es tu et confitebor tibi Deus meus es tu et exaltabo te

111 Adiuvate me fratres in orationibus vestris et orate pro me ad Deum.

111 Omnis qui me confessus fuerit coram hominibus dicit Dominus confitebor eum coram Patre meo alleluia

111 Et quicumque perdiderit animam suam propter me in vitam aeternam inveniet eam

111 Dominus sit semper vobiscum. Et cum spiritu tuo.

112 Considerantes dilectissimi fratres beatissimum Ioannem apostolum inter ceteros a Domino plus dilectum offeramus ipsi Christo Deo et Salvatori nostro singularis victimae hostiam ob ipsius sancti Apostoli sacratae assumptionis memoriam petentes ab eo ut hunc nobis concedat esse patronum quem suum voluit dilectum esse discipulum efficiatque eum ruentis aevi sustentatorem quem sui pectoris fecit recubam esse exaudiens illum pro membris totius Ecclesiae sanctae quem Matris suae voluit curam habere.

112 Genite ingeniti Filius Dei summi qui sacrum illud arcanum pectoris tui dilecto tuo Ioanni apostolo reserasti cum in sinu tuo recubans evangelii sui fluenta ex ipso pectoris tui fonte haurire promeruit tu nos intuere propitius ut per te abdita cognoscamus per te bona quae manifesta sunt impleamus reserans nobis pectoris tui occulta quibus possimus cognoscere et conditionis nostrae infirmitatem et ad tuae divinitatis pervenire cognitionem manifestans de te quid amemus Indicans de nobis quid corrigamus. Quo huius dilecti tui suffragiis moribus nostris in melius commutatis aufugiat pestis dispereat languor pellatur hostilis mucro quidquid adversum est fidei christianae intereat quidquid prosperum est convalescat arceatur fames sedentur lites haeresum obtrudantur fautores fecundetur frugibus terra vestiatur virtutibus anima atque cuncta nobis in commune proveniant bona. Quo tibi Deo nostro fideliter servientes et hic sine peccato utamur concessis et post deliciis fruamur aeternae pausationis.

112 Iesu Rex noster et Domine qui es vita mortalium et spes unica redemptorum suscipe hoc sacrificium quod tibi in honorem Ioannis apostoli tui dedicandum offertur ac praesta propitius ut sicut olim idem dilectus tuus praesenti in saeculo degens exanimata corpora revocavit ad vitam ita nunc suffragio suo et viventium torpentes animas suscitet ad virtutem et defunctorum spiritus liberet a poenali conditione. Quo per istum a te Deus tam vivi quam defuncti speciale se gaudeant invenisse remedium quem manere praedixisti donec venias incorruptum.

113 Domine quod pax multa sit diligentibus nomen tuum neque sit in illis scandalum sicut fatemur fuisse Ioannem apostolum tuum. Qui de pectoris tui arcano vividos alternae dilectionis rivulos hauriens praedicat omnibus in commune non solum sermone diligere sed opere et veritate. Cuius veridica praecepti sanctione commoniti te suppliciter quaesumus Fili Dei ut ea nos facias implere quae praedicat ea de te sentire quae ipse sentit ea veritate et te diligere et a te diligi mereamur qua ipse vel te dilexit vel a te constat esse dilectus. Ut in pace viventes et pacis gloriam amplectentes ad te perveniamus fructibus pleni pacis et copia benedictionis.

113 Dignum et iustum est omnipotens Deus tibi in omnibus et pro omnibus Sanctorum tuorum meritis ex tuis scilicet donis quantum possumus semper agere grates tuasque praedicare virtutes. Qui excelsus humilia respicis et attollis humiles in excelsis qui nobis post manifestationem in carne Redemptoris nostri Domini Iesu Christi et Salvatoris verbi praedicatores censu pauperes Spiritu Sancto locupletes apostolos destinasti. Inter quos gloriosissimus evangelista Ioannes doctrina vitaque insignis multum enituit. Qui in exordio evangelii sui in principio Verbum tuum apud te Deum esse perdocuit. Cui Dominus iam crucifixus quem caelibem elegerat matrem suam virginem commendavit eique revelatione mirifica quid mystice doceret ostendit. Quem sine sanguinis effusione efficiens gloriosum usque ad adventum suae claritatis conservat quique nunc tibi spiritu iunctus inter sanctorum angelorum innumeras legiones splendifico apostolorum in choro refulgens te Dominum cum Cherubim ac Seraphim sine cessatione collaudat et dicit

114 Sanctus sanctus sanctus Dominus Deus sabaoth pleni sunt caeli et terra gloria maiestatis tuae hosanna filio David hosanna in excelsis benedictus qui venit in nomine Domini hosanna in excelsis.

114 Vere sanctus vere pius vere inaestimabiliter gloriosus Dominus noster Iesus Christus Filius tuus qui profluentibus ex ventre suo fluminibus recumbentem in sinu suo dilectum Ioannem sic irrigavit sic docuit sic replevit ut cor ipsius illuc ad enarrandum incorruptibile principium ascendere posset quo alius non valuit penetrare. Hic vera de Verbo sentiens praedicamenta conscripsit cui idem unigenitus Filius tuus et matrem moriens commendavit et rursum eum materno honori consimilem reddidit cum uno eodemque munere et matrem glorificat et discipulum inter fratres exaltat cum matrem gloria pariendi honorat et discipulum recumbendi honore glorificat. O quam felix venter qui talem genuit prolem quam honorabile caput quod talius recubavit in pectore. Gloriosa quidem Maria quae genuit Christum sed et Ioannes qui recubuit supra Christum. O parile praemium in utrisque virginitatis quod sic commendatur in exitu finis cum in Maria nullo persecutionis mortisve congustata tormento latenter ex hac vita subducitur et Ioannes diem recessus suis ante praesciens effodiri ipse sibi praecipit loculum sepulcri. Hinc igitur quia pretiosa est in conspectu tuo Domine mors horum sanctorum tuorum te deprecamur ut haec holocausta nostra suscipiens nostris criminibus veniam praestes quo ad instar Apostoli tui et te incorrupto sequamur ex corde et tu ad nos veniens apud nos facias mansionem Deus noster ac Redemptor aeternus.

115 Christe Filius Dei qui elevatus in cruce discipulum matri matremque discipulo commendans passionis nostrae calicem ebibens consummasti tu nos placabiles efficito tibi ut tam oblationem quam oblatores ita respiciendo sanctifices vivificandoque tibi ipsi commendes quo Ioannem apostolum tuum dilectio tua fecit honorabilem inter fratres.

115 Vide vide Deus quibus gravati delictis obruimur qualiterque nobis ipsi cotidie efficimur et causa veneni et poena suplicii dum et cotidiano carnis nostrae veneno polluimur et de reparatione melioris vitae nullo modo cogitamus. Sed quia certum est quod hoc videas qui semper es Clemens et ideo per confessionem nos ad te reddituros exspectas adeo suggerimus ut apostolo tuo Ioanne intercedente qui invocato nomine tuo letale ebibens virus non solum ipse evasit sed etiam alios eodem extinctos poculo suscitavit procul a nobis efficias et incentivam carnis nostrae libidinem et virus persuasionis antiquae ut te fide colentes sicut Ioannem apostolum tuum non nocuit oblatum venenum ita nos non noceat latentium vitiorum virus occultum proclamantes atque ita dicentes.

115 Deus aeternus qui Ioannem apostolum suum prae ceteris plus dilexit discipulis efficiat vos suae participes caritatis. Quique per eum Drusianam suscitavit a somno mortis suscitet vos a torporibus vitae carnalis. Ut eum semper retineatis in pectore in cuius sinu ipse promeruit recubare.

115 Dominus sit semper vobiscum. Et cum spiritu tuo.

115 Gustate et videte

115 Gratias tibi agimus Domine Deus et te Deum benedicimus de die in diem qui nos in hac die sanctae sollemnitatis tuae perducere dignatus es fac nos diem istum sancti Ioannis apostoli tui et evangelistae per multa curricula annorum in pace et tranquillitate suscipere cum fideli populo tuo.

116 Per misericordiam tuam Deus noster qui es benedictus et vivis et omnia regis in saecula saeculorum.

116 Sollemnia completa sunt in nomine Domini nostri Iesu Christi votum nostrum sit acceptum cum pace.

116 Dabo sanctis meis primam sessionem alleluia in resurrectione aeterna et exquiram illos in gaudio meo et lux perpetua lucebit alleluia et aeternitas temporum preparata est alleluia alleluia

116 Domine probasti me et cognovisti me tu cognovisti sessionem meam et resurrectionem meam.

116 Hodie nobis thesaurus natus est

116 Vox in Rama audita est lamentationis fletus et luctus ploratus et ululatus multus. Rachel plorans filios suos et noluit consolari super eos quia non sunt. Haec dicit Dominus. Quiescat vox tua a ploratu et oculi tui a lachrimis quae est merces operi tuo ait Dominus. Et revertentur de terra inimici. Et erit spes novissimis tuis. ait Dominus. Et revertentur filii tui ad terminos suos. Audiens audivi Effraim transmigrantem. Castigasti me et eruditus sum quasi iuvenculus in domibus. Converte me et revertar quia tu es Deus meus. Postquam enim convertisti me egi poenitentiam et postquam ostendisti mihi percussi femur meum. Confusus sum et erubui quoniam sustinui obprobrium adolescentie mee si filius meus honorabilis mihi Effraim si puer delicatus quia ex quo locutus sum Deo adhuc recordabor eius. Idcirco conturbata sunt viscera mea super eum. Miserebor miserans eius ait Dominus omnipotens. (Jr 31)

117 Ex ore infantium et lactentium perfecisti laudem propter inimicos tuos ut destruas inimicum et defensorem

117 Quoniam videbo caelos tuos opera digitorum tuorum lunam et stellas quas tu fundasti

117 Gratia vobis et pax a Deo Patre nostro et Domino Iesu Christo. Benedictus Deus et Pater Domini nostri Iesu Christi Pater misericordiarum et Deus totius consolationis qui consolatur nos in omni tribulatione nostra ut possimus et ipsi consolari eos qui in omni praessura sunt per exhortationem qua exhortamur et ipsi a Deo. Quoniam sicut abundant passiones Christi in nobis ita et per Christum abundet consolatio nostra. Sive autem tribulamur pro vestra exhortatione et salute. Sive consolamur pro vestra consolatione. Sive exhortamur pro vestra exhortatione et salute quae operatur tolerantiam earundem passionum quas et nos patimur et spes nostra firma pro vobis. Scientes quoniam sicut socii passionum estis sic eritis et consolationis. (K2 1)

117 Oblati sunt Domino nostro Iesu Christo parvuli ut manus eis poneret et oraret. Discipuli autem increpabant eos. Iesus vero ait eis sinite parvulos et nolite eos prohibere ad me venire talium est enim regnum caelorum. Et cum imposuisset eis manus abiit inde. In illa hora accesserunt discipuli ad Iesum dicentes. Quis putas maior est in regno caelorum. Et advocans Iesus parvulum statuit eum in medio eorum. Et dixit. Amen dico vobis nisi conversi fueritis et efficiamini sicut parvuli non intrabitis in regnum caelorum. Quicunque humiliaverit se sicut parvulus iste hic est maior in regno caelorum. Et qui susceperit parvulum talem in nomine meo me suscepit. Qui autem scandalizaverit unum de pusillis istis qui in me credunt expedit ei ut suspendatur mola asinaria in collo eius et demergatur in profundum maris. Videte ne contemnatis unum ex his pusillis. Dico enim vobis quia angeli eorum semper vident faciem Patris mei qui in caelis est. Venit enim filius hominis salvare quod perierat. (Mt 18)

118 Dominus sit semper vobiscum. Et cum spiritu tuo.

118 Ambulabunt sancti gaudentes velut agni pleni pascue

118 Vidi sub ara Dei animas occisorum propter verbum Dei et martyrium suum et magno clamore dicebant salus Deo nostro alleluia alleluia.

118 Catholicam dilectissimi fratres religiosa fides admonet pietatem interemptis pro Christo infantibus cultum exhibere non luctum honoris impendere caeremonias non doloris sacramentis dare vota non lacrimis quia ipsum mortis causam habeant quem coronam ipsum odio constet interesse quem praemio. Recte enim in illis a credentibus laudabatur inter quos a persequentibus quaerebatur. Etiam nocentes Christum non putabant esse nisi inter innocentes cum tamen hoc non haberet veneratio pro fide sed aestimatio pro aetate. Quos incerto falsitas perdebat hos pro certo veritas acquirebat ubi crudelitas impietatis errabat ibi hostiam suam Salvatoris pietas agnoscebat. Scientes igitur illos sic melius moriendo crevisse et quod tunc annis defuit nunc meritis non deesse rogemus ut qui sub persecutorum manibus perire parvuli non dubitantur in supplicantium precibus dignentur intervenire perfecti.

118 Deus cuius misericordia per utrumque sexum per omnem currit aetatem ita plurimum infantibus affectum paternae pietatis indulgens ut parvulos nec ab Aegypto teneri sineres nec ab evangelio prohibere dum et in lege cum patribus evaderent mundum et in gratia cum perfectis vocarentur ad regnum atque institutione doctrinae innocentia expers mali forma induceretur exempli dona nobis famulis tuis ut malitiae viribus defaecatis in usum concupiscentiae carnalis invalidi docibilem servemus disciplinis spiritalibus voluntatem. Quo mens nec rigida nec superba sic sit blanda ne facilis sic innocens ne impudens sic humilis ne imbecillis quatenus maturo discretionis iudicio sic sufficiat probare quod placeat ut affectare nesciat quod delinquat atque ita salubrem sumat temperatiam moderante consilio ut et simplicitatem imitetur infantium et fortitudinem vindicet pugnatorum.

119 Deus omnipotentiae ac benignitatis Deus misericordiae atque pietatis qui bethlehemiticae plebi ac dominicae civitati pro temporalibus aerumniis gaudia aeterna tribuisti ut Rachel sancta plorans filios suos quae proferebat ex dolore luctum nollet ex consolatione solatium quia licet videretur de praesenti infantium amissione conterrita erat tamen beata ac de martyrum perpetuitate secura da cunctis Domine in hoc loco consistentibus et universae plebi istius loci ut sic habeant ex sanctae vitae conversatione palmam sicut habuerunt parvuli ex passione victoriam quo eorum meritis et salus viventium et defunctorum requies impetretur.

119 Deus qui martyrio innocentium parvulorum triumphalem hunc diem esse fecisti et exempla ad augendam Ecclesiae tuae fidem proficientibus tribuere dignatus es dum beatissimi infantes illi etiam passionem pro te hodie prompte vicerunt da huic populo nomini tuo consecrato per consimilis gratiae admirationem meritorum similium dignitatem ut qui hanc sanctorum infantium festivitatem pro honore nominis tui celebrant ad ipsorum infantium beatitudinem profectu fidei et pacis semper ascendant.

119 Dignum et iustum est omnipotens Pater nos tibi gratias agere semper et Iesu Christo Filio tuo Domino nostro cuius susceptae in carne nativitatis infantiam sic rex Impius ac profanus expavit ut cogeretur metuere quem non merebatur agnoscere et haberet conscientia deiecta tremendum quem non habebat superbia peritura subiectum. Hic ipsum specialiter perimere volens quo inveniri posset ignarus omnes infantes iussit interfici si fortuitu usque ad ipsius caput membris pereuntibus pervenirent et regalem necem vagantis gladii funera plebeia compingerent. Sic decepti furoris insania fecit martyres esse per mortem qui adhuc confessores non erant per aetatem et ubi non accessit possibilitas iudicandi cessit felicitas pereundi. Christum igitur in omnium visceribus caeca lictoris manus mucrone quaerebat et cum non inveniret ignorantia quem interrogaret non discernebat impudentia quem feriret. Erat decretus ad occidendum qui non erat idoneus ad loquendum sed nihil laudis derogat infantibus non loquentibus plus est enim causa clamare quam lingua. Nec praeiudicat quod illis defuit sermo quos constat pelisse pro Verbo docuit esse vocem sanguinis mors fraterna. Infantiam quam intellectus non adiit exitus coronavit. O nefandi furoris immanitas. Ipso quo perimebatur vulnere portabatur occissus et tenerum pendebat cadaver in capulum plus lactis egerens quam cruoris. Sic dulcia Christi ubera parvulorum labia suxerunt et qui tunc non poterant discernere quid sitirent nunc habent in gaudio quod biberunt. Unde merito tibi Domine omnes angeli non cessant clamare ita dicentes.

120 Sanctus sanctus sanctus Dominus Deus sabaoth pleni sunt caeli et terra gloria maiestatis tuae hosanna filio David hosanna in excelsis benedictus qui venit in nomine Domini hosanna in excelsis.

120 Vere sanctus vere benedictus es Nazarene qui ex ore infantium perfecisti laudem ut non humana sed divina confessio nasceretur et immatura loquendi aetas agnosceret quem periti lege nescirent.

120 Tibi soli Christe Domine a nobis gloria et honor gratiarumque actio datur qui fecisti parvulos per ignotam temporis mortem pervenire ad aeternitatis beatae hereditatem qui glorificatus es melius in eorum sanguinis voce quam in aetatis professione apud quem non est quaesita cognitio rationis in quibus coronata est materia parvitatis. Tribue proinde nobis illis intervenientibus et deesse in quo male sumus et adesse in quo semper bene tecum vivamus.

121 Fratres carissimi martyrum parvulorum exempla incitent nos ad virorum fortium acta. Et sicut illorum vox sanguinis clamavit ad Deum ita nos unita pietatis voce exclamemus ad caelum et dicamus.

121 Dominus Iesus Christus cui parvulorum non vox aetatis sed effusio sanguinis laudem dedit clamorem vestrae confessionis miseratus attendat. Quique illos moriendi actione non expugnationis certamine coronavit ipse det vobis contra omnia spiritalia nequitiae gloriari spiritali victoria. Et qui illos non ex aetate sed ex sanguine consecravit ipse vos non pro opere condemnet sed pro sua miseratione iustificet.

121 Per misericordiam tuam Deus noster qui es benedictus et vivis et omnia regis in saecula saeculorum.

121 Gustate et videte

121 Gratias agimus tibi

121 Gloriam et magnum decorem

121 Hodie nobis thesaurus

121 Tetigit iustum tentatio mortis et commotio in heremo facta est multitudinis sed non diu permansit ira tua. Properans enim homo sine quaerela propugnavit proferens servitutis suae scutum orationem et per incensum deprecationem alligans. Restitit ire et finem imposuit necessitati ostendens quoniam tuus est famulus. Vicit autem turbas non virtute corporis sed armature potentieque verbo vexatorem subiecit iuramenta parentum commemorans cum enim iam catervatim cecidissent super alterutrum mortui interstetit et amputavit impetum et divisit illam quae ad vivos ducebat viam. In veste enim poderis quam habebat totus erat orbis terrarum et parentum magnalia in quatuor ordinibus lapidum erant sculpta et magnificentia tua in diademate capitis illius inscripta. (Sap 18)

121 Os iusti meditabitur sapientiam et lingua eius loquetur iudicium

121 Lex Dei eius in corde ipsius et non supplantabuntur gressus eius

122 Hoc praeceptum commendo tibi fili Timotheae secundum praecedentes in te prophetias ut milites in illis bonam miliciam habens fidem et bonam conscientiam. Quam quidam repellentes circa fidem naufragaverunt ex quibus est Himineus et Alexander quos tradidi Sathanae ut discant non blasphemare. Obsecro igitur primum omnium fieri obsecrationes orationes postulationes gratiarum actiones. Pro omnibus hominibus pro regibus et pro omnibus qui in sublimitate sunt ut quietam et tranquillam vitam agamus in omni pietate et castitate. Hoc enim bonum est et acceptum coram Salvatore nostro Deo. Qui omnes homines vult salvos fieri et ad agnitionem veritatis venire. Dominus enim Deus unus et mediator Dei et hominum homo Christus Iesus. Qui dedit redemptionem semetipsum pro omnibus testimonium temporibus suis. in quo positus sum ego praedicator et apostolus et magister. Veritatem dico non mentior. Doctor gentium in fide et veritate. (1Th 1 )

122 Una dierum Dominus noster Iesus (J 12)

122 Beatus homo quem tu erudisti Domine et de lege tua docuisti eum.

122 Iustitiam tuam Domine non abscondi in corde meo veritatem tuam et salutare tuum dixi non celavi misericordiam tuam et veritatem tuam

122 In capite libri scriptum est de me ut faciam voluntatem tuam Deus meus volui et legem tuam in medio cordis mei bene nunciavi iusticiam tuam in Ecclesia magna

122 Laetare sterilis quae non paris gaude nimium quod habeas praemium non tantum per integritatem mentis sed et per dignitatem illibatae carnis. Magnum siquidem est praemium si servaveris pudicitiam corporis magnificentius si conserves et cordis. Intuere gloriam Iacobi qui dignus est nuncupari frater Domini estoque constans in Domino et eius mereberis copulari collegio. Illi etenim soli ingredi licuit Sancta Sanctorum et merito ut qui ex utero matris gestabat castimoniae puritatem adipisceretur in interiora templi veram a Domino claritatem. Ideoque hunc digne sustulit et passio ad paradisum et castitas exaltavit usque ad caelum. Nam si qui similia ascendunt certamina si illapsi viriliter dimicando permaneant parili exornantur corona.

123 Multa quidem erunt replicanda quantam habeat castimonia gratiam sed quod ex conservato pudore confertur a Domino humana lingua non valet proferre in medico cum et inaestimabile sit quod speratur et gloriosus quod acquiritur. Qui enim carnem mentemque suam gestat ut Ioannes et Iacobus pudicam pectoris Christi Domini esse merebitur recuba. Nec enim quispiam in sanctum pectus potent recumbere qui non suum domicilium mundum certaverit custodire illosque solum puto quod digne suscipiat Christus in requiem quos aut integritas mentis commendat aut cruoris effusio iuste delibat. Unde precamur te Christe Dei Filius et Salvator noster ut huius viri iusti suffragio Ecclesiam tuam liberes ab adversis qui eam eius dignatus es ampliare doctrinis.

123 Exsultans plebs tua Domine in hoc festo Iacobi apostoli tui summis te flagitat precibus ut sicut idem ab omnibus cognominari promeruit iustus ita nos mereamur in melius mutatis moribus remota vanitate et esse et appellari tam iustitiae cultores quam misericordiae sectatores obtinentes apud te dum vivimus et nobis pietatis tuae solatium et defunctis beatitudinis locum. Quo et hic misericordia tua in nobis miseris ostendatur et post iustificantis in nobis remuneratio declaretur.

123 Deus qui beatissimum Iacobum apostolum tuum a pharisaeis ex alto praecipitatum valentem efficis et robustum cum fides tua quae inter undas evexerat Petrum hunc ex alto salvaret elapsum tu Ecclesiam tuam inter procellosas commotionum saecularium undas pius gubernator tuaere et cotidianae gubernationis adminiculo ad portum salutis eam facito pervenire. Quo hic liberata a malorum pressuris ad te perveniat in abundantia pacis.

124 Dignum et iustum est aequum vere et iustum est nos tibi gratias agere Domine sancte Pater aeterne omnipotens Deus et Iesu Christo Filio tuo Domino nostro cuius ineffabilibus divitiis ditatus est nomine Iacobus qui semper vocitatus est iustus ut qui promissa iustis praemia populis praedicabat iusti nomen merito suggestaret. Nec defuit homini sancto pro nomine sacro martyrium a plebe impia irrogatum cum ab eis et templi sublimatur pinnaculo et inde deiectus pro nomine Fili tui lapidibus impressus obruitur. Qui dum tot tunderetur saxis quotque flagellis inter suprema supplicia advocat misericordiam tuae pietatis amicam non immemor praeceptorum Magistri et Domini persecutoribus ad percutiendum terga praebebat et parciturum te Dominum pro his flebili oratione rogabat. In huius ergo honore oblationes quas sancto nomini tuo offerimus omnipotens Deus libenter suscipe mitis atque placabilis nosque tuis semper facito inhaerere mandatis. Per ipsum quem collaudant omnes Angeli et Archangeli Throni Dominationes et Potestates ita dicentes.

124 Vere sanctus vere benedictus Dominus noster Iesus Christus Filius tuus qui fibram germinis sui in Iacobo tanta sublimitate gloria extulit ut eum et sacerdotio dignum et martyrem pro se efficeret gloriosum cum idem vir Dei sanctus et commissos praedicatione praesentes imbuit populos et passionis exemplo instruit secuturos. Is igitur Deus Pater Ecclesiam quam vivens edocuit verbo nunc regat suffragio. Cuique olim remunerandam praedicans exhibuit fidem nunc precibus impendat salutem ut eam tuaeatur auxilio indefesso ob cuius aedificationem meruit de consummato exsultare martyrio.

125 Conserva Deus in nobis tuae misericordiae donum qui in Iacobo et meritorum et nominis beneficium gratiae conservasti collatum cum non immerito cognominatus est iustus qui iustitiae operibus habebatur idoneus. Et ideo te rogamus et petimus ut in hac sollemnitate passionis eius hoc sacrificium serenus aspicias sanctifices et pietate solita benedicas sumentibusque ex eo donum sanctificationis impendas.

125 Sit Christe Deus Iacobus apostolus tuus apud te emundator facinoris nostri qui carne frater exstitit tibi sit pro nostris advocatus piaculis qui tibi fuit affinis sitque nobis patronus qui tuus fuit ex advocatione discipulus. Ut praecepta orandi quae in terris positus discipulis ostendisti hic tuus martyr tibi commendet prece qui ea a te propria percepit in aure. Quo effectum capiamus in his verbis cum ad Patrem proclamaverimus e terris.

125 Christus Dominus quem praedicare inter pharisaeorum cuneos Iacobus non veretur intrepidos vos pro sui nominis defensione efficiat ad loquendum. Eiusque precibus vos sustollat in caelum quem pro se passus est persequentium manibus praecipitari ex alto. Ut ad eum praesentem respuentes vitam remuneraturi perveniatis cum quo nunc idem apostolus collisis cerebris laetatur de consummata gloria passionis.

125 Per misericordiam tuam Deus noster qui es benedictus et vivis et omnia regis in saecula saeculorum.

125 Gratias tibi agimus

125 Dominus regnavit decorem induit alleluia.

125 Induit Dominus fortitudinem et praecinxit se.

125 Hodie nobis thesaurus

125 Audi me Iacob et Israel quem ego voco. Ego ipse ego primus et ego novissimus. Manus quoque mea fundavit terram et dextera mea mensa est caelos. Ego voco eos et stabunt simul. Congregamini omnes vos et audite quis de eis annuntiavit haec Dominus dilexit eum. Faciet voluntatem suam in Babylone et brachium suum in Chaldeis. Ego locutus sum et vocavi eum adduxi eum et directa est via eius. Accedite ad me et audite hoc non a principio in abscondito locutus sum ex tempore antequam fieret ibi eram. Et nunc Dominus Deus misit me et Spiritus eius. Haec dicit Dominus Redemptor tuus sanctus Israel. Ego Dominus Deus tuus docens te utilia gubernans te in via qua ambulas. Utinam adtendisses mandata mea facta fuisset quasi flumen pax tua et iusticia tua sicut gurges maris. Et fuisset quasi arena semen tuum et stirps uteri tui ut lapilli eius non interisset et fuisset nomen eius attritum a facie mea. Egredimini a Babylone fugite a Chaldeis. In voce exultationis annunciate et auditum facite hoc et ferte illum usque ad extremum terrae. Et dicite. Redemit Dominus servum suum Iacob. (Is 48)

126 Notum fecit Dominus salutare suum ante conspectum gentium revelavit iustitiam tuam

126 Viderunt omnes fines terrae salutare Dei nostri iubilate Domino omnis terra cantate et exultate et psallite

126 Gaudete in Domino. Eadem vobis scribere mihi quidem non pigrum vobis autem necessarium. Videte canes videte malos operarios videte concisionem. Nos enim sumus circumcisio qui spiritu deservimus et gloriamur in Christo Iesu et non in carne fiduciam habentes quamquam et ego habeam confidentiam in carne si quis alius videtur confidere in carne ego magis circumcisus octavo die ex genere Israel de tribu Beniamin. Hebreus ex Hebreis secundum legem Pharisaeus secundum emulationem persequens ecclesiam Dei secundum iusticiam quae ex lege est conversatus sine quaerela sed quae mihi fuerunt lucra Haec arbitratus sum propter Christum detrimenta. Verumtamen existimo omnia detrimentum esse propter eminentem scientiam Domini nostri Iesu Christi. (Ph 3)

126 Postquam consummati sunt dies octo ut circumcideretur puer vocatum est nomen eius Iesus quod vocatum est ab angelo priusquam in utero conciperetur. Et postquam impleti sunt dies purgationis eius secundum legem Moysi tulerunt illum in Ierusalem ut sisterent eum Domino. Sicut scriptum est in lege Domini quia omne masculinum adaperiens vulvam sanctum Domino vocabitur. Et ut darent hostiam secundum quod dictum est in lege Domini par turturum aut duos pullos columbarum. Et ecce homo erat in Ierusalem cui nomen Simeon et homo iste iustus et timoratus expectans consolationem Israel et Spiritus Sanctus erat in eo. Et responsum acceperat a Spiritu Sancto non visurum se mortem nisi prius videret Christum Domini. Et venit in spiritu in templum et cum inducerent puerum Iesum parentes eius ut facerent secundum consuetudinem legis pro eo. Et ipse accepit eum in ulnas suas et benedixit Deum et dixit. Nunc dimittis servum tuum Domine secundum verbum tuum in pace. Quia viderunt oculi mei salutare tuum. Quod parasti ante faciem omnium populorum. Lumen ad revelationem gentium et gloriam plebis tuae Israel. Et erat pater eius et mater mirantes super his quae dicebantur de illo. Et benedixit illi Simeon et dixit ad Mariam matrem eius. Ecce positus est hic in ruinam et resurrectionem multorum in Israel et in signum cui contradicetur et tuam ipsius animam pertransibit gladius ut revelentur ex multis cordibus cogitationes. Et erat Anna prophetissa filia Phanuel de tribu Aser. Haec processerat in diebus multis et vixerat cum viro suo annos septem a virginitate sua. et haec vidua usque ad annos octoginta quatuor quae non descendebat de templo ieiuniis et orationibus serviens nocte et die. Et haec ipsa hora superveniens confitebatur Domino et loquebatur de illo omnibus qui expectabant redemptionem Ierusalem. Et ut perfecerunt omnia secundum legem Domini reversi sunt in Galileam in civitate sua Nazareth. Puer autem crescebat et confortabatur plenus sapientia et gratia Dei erat in illo. (L 2)

128 Omnes gentes plaudite manibus iubilate Deo in voce laetitiae

128 Suscepimus Deus misericordiam tuam in medio templi tui secundum nomen tuum Deus ita et laus tua in finibus terrae alleluia alleluia

128 Iustitia plena est dextera tua laetetur mons Sion et exultent filiae Iudae alleluia

128 Deus qui nobis id prospicit convenire ut eum debeamus iugiter collaudare tota poscamus dilectissimi fratres mentis intentione ut concedat nobis hodierna die redemptoris et Domini nostri Iesu Christi Filii sui praeconiis sollemnibus exsultare ut mysterium incarnations eius pro nostrae salutis redemptione celebratum augeat in nobis gaudia nunquam ulterius finienda et vota multiplicet indisrupta ut dum officiis impensius mancipamur caelestium sacramentorum participium consequi mereamur.

128 Perfecta ingeniti Sapientia Patris mentibus caelesti munere illabere nostris contemnendo quod offendimus et condonando te inspirante quod quaerimus. Abscide quaesumus cordium nostrorum auriumque praeputia qui pro nobis dignatus es infantiae gestare crepundia ut quod in tua carne secundum legis litteram fieri circumcisione voluisti corporea id nostrae saluti competenter impendens ab omni superstitione voluptatum absterge nostra praecordia. Lac tuum nutriat parvulos qui fieri dignatus es pro nostra redemptione pusillus. Ut sicut in te cum ista praestares nullum sensit omnipotentia detrimentum ita et fides nostra tuo munere confortata nullum patiatur aliquando defectum sed ad solidum gratiae tuae perveniat fundamentum.

128 Domine Iesu Christe qui mortalitatis hominem sic assumpsisti ut mortem nostram consumeres sic iugum legis in tua carne suscepisti ut a nostra carne discuteres sic circumcisus in carne corporis es ut nos sine vulnere carnis in corde purgares atque utroque sexui proficeret circumcisio spiritualis cum ex virginitate genitricis ipse vir tamquam sponsus procederes et utrumque sexum in sacramento incarnationis amplecteres suscipiens scilicet virum natum ex femina. Unde veneranda illa senectus in Simeone atque Anna purgata iam aetas et defaecata sinceraque etiam in viro feminaque canities te suscipiens non destitit collaudare. Te quaesumus ut sacrum circumcisionis diem sollemnitate votiva nobis prosequentibus orationes supplicum placatus exaudias et offerentium sacrificia sanctificanda suscipias atque spiritus quiescentium quorum est facta commemoratio nominum in requiem electorum perducas.

129 Christe finis legis ad iustitiam omni credenti et bonorum omnium limes qui ex circumcisione et praeputio venientibus lapis effectus es angularis olim mysterio figurante cum Iacob capiti unctus est suppositus lapis quem et Abraham in se uno ostendit cum alios ex circumcisione alios ex fide sua venire portendit quatenus ex utraque gente unam in se faceret plebem te quaesumus te rogamus ut pro quibus praecepta legis implesti ut absolveres praeceptorum tuorum efficias effectores ut in pace tua acquisiti pace potiamur maiestatis tuae placabili.

129 Dignum et iustum est te ineffabilis immensaeque sapientiae Deum debitis collaudare praeconiis cum praecipue hoc die vel tempore transactam pro nobis circumcisionem tuae recordamur infantiae et sicut dignum est laudare virtutem tuae omnipotentiae non valemus. Non enim in te Domine aliquid superfluum in suscepto homine ipse creaveras quod necessario circumcidi debere mandares sed ut te Dominum legis natum fuisse sub lege nec legem destruxisse probares. Universa enim quae carnali populo figuris praetereuntibus adumbrata mandasti etiam in te ipso secundum litteram fieri permisisti. Quae tamen in nobis per evangelicam veritatem aetatemque perfectam sacramentis dignioribus perfecisti cum circumcisio nostri cordis non in cultro imprimitur sed votis spiritualibus celebratur. Illis nos exuens videlicet pellibus quibus Adam involutus Paradisi beatitudine extruditur moriturus ut continentiae virtus desideriis carnalibus amputatis non corporis pelle sed confusionis tegmine exuatur et reformetur paradiso virginitas mentis et corporis unde eliminata fuerat corruptio transgressoris. Pro quibus indiciis impensius commendandis adest ille mortificato in corpore grandaevus meritisque sanctissimus Simeon amplexumque senilibus ulnis ingentem parvulum salutare Domini se vidisse testatur. Sed et illa cuius nomen gratiam resonat continentiae candore resplendens consimili Anna praeconiorum officio Dominum confitetur. Offeruntur deinde in sacrificio par turturum vel pulli gemini columbarum ut in combinatione mundissimarum avium tam animae quam corporis puritatem litandam Deo exemplis evidentibus doceremur et in his sacrificiis quae acceptari desiderant non in imis haereant sed erigantur iugiter in supernis. Pro quibus omnibus mirabilibus omnes Angeli caelorumque Virtutes tibi Deo Patri et Filio et Spiritui Sancto cum Cherubim et Seraphim sine cessatione proclamant ita dicentes.

130 Sanctus sanctus sanctus Dominus Deus sabaoth pleni sunt caeli et terra gloria maiestatis tuae hosanna filio David hosanna in excelsis benedictus qui venit in nomine Domini hosanna in excelsis.

130 Vere incomparabiliter te esse sanctum Domine omnis profitetur a te condita creatura a quo et creantur et sanctificantur omnia. Hinc quaesumus ut quibus iussis praeceptisque ad instar sanctitatis tuae iubes esse nos sanctos ob circumcisionis Unigeniti tui diem cum oblatis sacrificiis sanctifices indignos.

130 Deus auctor omnium et conditor creaturarum qui et circumcisionem ex fide et praeputium per fidem iustificare dignatus es tu Ecclesiam tuam quae ex circumcisione vel praeputio veniens in te solidata consistit litatione hostiae huius et vitiis facito circumcidi et spiritali laetitia innovari benedicens et nobis famulis tuis et his sacrificiis oblatis qui solus pro cunctis factus hostia immolaris.

130 Unigenite Dei Filius qui nos non carne sed corde cupiens circumcidi omne praeceptum circumcisionis in suscepto homine adimplesti tu a cordibus nostris omne quod non tibi militat gladio verbi tui desecando abscide et virtutibus spiritalium actionum nos clementer accinge. Quibus potentialiter roborati ad te proclamare possimus ea quae nobis petenda instituisti ut dicamus.

131 Dominus Iesus Christus qui ut legem adimpleret in suscepta carne circumcisionem suscepit corpoream ipse cordium vestrorum abscidat illecebras. Et qui Simeonis iusti manibus est susceptus vos sibimet associet benedictione perpetua laetabundos. Ut tam corporis quam animae vitiis desecatis ad eum sine confusione perveniatis qui ad confirmandas promissiones Patrum minister factus est circumcisionis.

131 Per misericordiam ipsius Dei nostri qui vivit et omnia regit in saecula saeculorum.

131 Gratias tibi agimus Domine

131 Dominus regnavit decorem

131 Hic est iustus noster in quo sperabamus fidem praecinente propheta et ad quem pervenimus apparentem per gratiam proinde poscamus clementiam eius ut liberet nos et peccata populo suo dimittat qui pro nobis impendi dignatus est totus.

131 Per misericordiam tuam Deus noster qui es benedictus et vivis et omnia regis in saecula saeculorum.

131 Dominus sit semper vobiscum. Et cum spiritu tuo.

131 Audite insule et attendite populi de longe Dominus ab utero vocavit me de ventre matris meae recordatus est nominis mei. Et posuit os meum quasi gladium acutum in umbra manus suae protexit me et posuit me sicut sagittam electam. In pharetra sua abscondit me et dixit mihi. Servus meus es tu Israel quia in te glorificabor. Et ego dixi in vacuum laboravi sine causa et vane fortitudinem meam consumpsi. Ergo iudicium meum cum Domino et opus meum cum Deo meo. Et nunc dicit Dominus. Formans me ab utero servum sibi ut reducam Iacob ad eum et Israel non congregabitur. Et glorificatus sum in oculis Domini et Deus meus factus est fortitudo mea. Et dixit. Parum est ut sis mihi servus ad suscitandas tribus Iacob et feces Israel convertendas dedi te in lucem gentium ut sis salus mea usque ad extremum terrae.

132 Laus tua Deus in fines terrae iustitia plena est dextera tua

132 Laetetur mons Sion et exsultent filiae Iudae propter iudicia tua Domine

132 Abrahae promittens Deus quoniam neminem habuit per quem iuraret maiorem iuravit per semetipsum dicens. Nisi benedicens benedicam tibi et multiplicans multiplicabo te. Et sic longanimiter ferens adeptus est repromissionem. Homines enim per maiorem suum iurant et omnes controversiae eorum finis ad confirmationem est iuramentum. In quo abundantius volens Deus ostendere pollicitationes heredibus immobilitate consilii sui interposuit iusiurandum. Ut per duas res immobiles quibus impossibile est mentiri Deum fortissimum solatium habeamus qui confugimus ad tenendam propositam spem quam sicut ancoram habemus anime tutam ac firmam et incedentem usque in interiora velaminis. Ubi praecursor pro nobis introivit Iesus secundum ordinem Melchisedech pontifex factus in aeternum. Hic enim Melchisedech rex Salem sacerdos Dei summi qui obviavit Abrahae regresso a cede regum. Et benedixit ei cui decimas omnium divisit Abraham. Primum quidem qui interpretatur rex iustitiae. Deinde autem et rex Salem quod est rex pacis. Sine patre sine matre sine genealogia. Neque initium dierum neque finem vitae habens. Assimilatus autem filio Dei manens sacerdos in perpetuum. (H 6)

132 In principio erat verbum et verbum erat apud Deum et Deus erat verbum. Hoc erat in principio apud Deum. Omnia per ipsum facta sunt et sine ipso factum est nihil. Quod factum est in ipso vita erat. Et vita erat lux hominum et lux in tenebris lucet et tenebrae eam non comprehenderunt. Fuit homo missus a Deo cui nomen erat Ioannes. Hic venit in testimonium ut testimonium perhiberet de lumine. Ut omnes crederent per illum. Non erat ille lux sed ut testimonium perhiberet de lumine. Erat lux vera quae illuminat omnem hominem venientem in hunc mundum. In mundo erat et mundus per ipsum factus est et mundus eum non cognovit. In propria venit et sui eum non receperunt. Quotquot autem receperunt eum dedit eis potestatem filios Dei fieri his qui credunt in nomine eius. Qui non ex sanguinibus neque ex voluntate carnis neque ex voluntate viri sed ex Deo nati sunt. Et verbum caro factum est et habitavit in nobis. Et vidimus gloriam eius gloriam quasi unigeniti a patre plenum gratiae et veritatis. Ioannes testimonium perhibet de ipso et clamat dicens. Hic erat quem dixi qui post me venturus est ante me factus est qui prior me erat. Et de plenitudine eius nos omnes accepimus gratiam pro gratia quia lex per Moysen data est gratia et veritas per Iesum Christum facta est. (J 1)

133 Timebunt gentes nomen tuum Domine et omnes reges terrae gloriam tuam

133 Paratum panem de caelo praestitisti filiis tuis Domine omne delectamentum in se habentem odore suavitatis alleluia alleluia

133 Principium exorientis anni quod hodierna die cum ieiunii voto celebrandum suscipimus humili devotione fratres dilectissimi oblatis Deo muneribus dedicemus poscentes ut idem Christus qui est caput omnis principatus ac Dominus det nobis ita venientis anni spatia fideli mente transigere qualiter oculis pietatis eius mereamur in omnibus complacere.

133 Deus qui idem ipse es cuiusque anni non deficient praebe nobis ita hunc annum cum placita tibi servitutis devotione transigere qualiter et substantiis non privemur et divinis obsequiis devotione optabili obsequamur.

134 Christe qui es alpha et omega initium et finis tu benedicito his sacrificiis ob principium praesentis anni tibi oblatis et ita offerentium vocabula in libro vitae conscribens ut defunctis requiem praestes quo omnes qui initia huius anni cum tripudio laudationis attollimus reliquum excursum eius in tua servitute transigere mereamur.

134 Benedic Domine coronam anni benignitatis tuae ut et campi tui ubertate pinguedinis repleantur et nos qui in convalle plorationis consistimus abundantia pacis ac dulcedinis redundemus.

134 Dignum et iustum est nos tibi gratias agere Domine sancte Pater aeterne omnipotens Deus per Iesum Christum Filium tuum Dominum nostrum. Qui ante tempus natus ex te Deo Patre tecum pariter et cum Spiritu Sancto condidit tempora dignatus nasci et ipse sub tempore ex utero Virginis Mariae. Qui tamen cum sit sempiternus statutos annorum decrevit decursus per quos evolutus duceretur hic mundus distinguens annum certis atque congruentibus vicissitudinibus temporum quibus sol certa cursus sui dimensione anni orbem inconfusa varietate distingueret. Illi etenim Deo vivo hodie et finem anni et subsequentis initium oblatis muneribus dedicamus per quem et decursum annum transegimus et principium alterius inchoamus. Nunc igitur quia in unum nos ad supplicandum sancta et communis fecit hic devotio convenire tibi Deus Pater supplices fundimus preces ut qui nativitate eiusdem Filii tui praesentis temporis curricula consecrasti praebeas nobis hunc annum habere placabilem et dies eius in tua transigere servitute. Terram quoque fructibus reple animas corporaque facito morbis delictisque carere. Scandala remove contere hostem cohibe famen et omnes in commune noxiorum casuum eventus a nostris finibus procul extrude. Per Dominum nostrum Iesum Christum Filium tuum quem in unitate Trinitatis Throni Dominationes et Potestates sine cessatione collaudant ita dicentes.

135 Vere sanctus vere benedictus Dominus noster Iesus Christus Filius tuus quo inspirante ianuam praesentis anni in confessione intramus quove tacti compungimur ut reliquos excursus temporum in divinis obsequii transigere delectemur. Ipse est vere Salvator noster et Dominus Iesus Christus qui est et consecratio temporum et conditor saeculorum.

135 Vespertini huius sacrificii litatione placari te cupientes omnipotens Deus quaesumus ut appositum tibi hoc holocaustum ita placide acceptare digneris quo omnes qui a te sanctificari huius anni initia cupimus in sanctis eum nos transegisse actibus gratulemur.

135 Domine qui magnus dies es Angelorum parvus in die hominum Verbum Deus ante omnia tempora Verbum caro opportuno in tempore conditus sub sole conditor solis da nobis diei huius in tuis laudibus ecclesiasticae dignitatis sollemnem conventum. Ut qui initium anni talibus primitiis tibimet consecrasti totius temporis spatium tibi placitis excursibus atque operibus facias immolari. Quia te iubente oramus e terris.

135 Pater noster qui es in caelis. Amen. Sanctificetur nomen tuum. Amen ... Sed libera nos a malo.

135 Omnes qui initium praesentis anni laudibus excolendum attollitis Salvatoris nostri muniti praesidiis absque crimine ad finem usque perveniatis. Idem quoque redemptor noster ita contribuat vobis hunc annum habere placidum ac iucundum ut cor vestrum semper sibimet efficiat praeparatum. Ut benedicti ab eo qui fecit caelum et terram quod nunc inchoatis in lacrimis post in canticis spiritualibus expleatis.

136 Per misericordiam ipsius Dei nostri qui vivit et omnia regit in saecula saeculorum.

136 Gratias tibi agimus Domine

136 Conserva tempus et devita a malo pro anima tua. Non confundaris dicere verum. Est enim confusio adducens peccatum et est confusio adducens gloriam et gratiam. Nec accipias faciem adversus faciem tuam nec adversus animam tuam mendacium. Non reverearis proximum tuum in casu suo nec retineas verbum in tempus salutis. Ne abscondas sapientiam tuam in decore eius. In lingua enim cognoscitur sapientiae et sensus scientiae. Et doctrina in verbo veritatis et firmamentum in operibus iustitiae. Non contradicas veritati ullo modo et de mendacio ineruditionis tuae confundere. Non confundaris confiteri peccata tua et ne subiicias te omnino peccato. Noli resistere contra faciem potentis nec coneris contra ictum fluvii. Pro iustitia agonizare pro anima tua et usque ad mortem certare pro iustitia et Deus expugnabit pro te inimicos tuos. (Eccli 4)

136 Levans Balaam oculos vidit Israel commorantem per tribus suas. Et introeunte in se spiritu Dei assumpta parabola ait. Dixitque Balaam filius Beor. Dixit homo cuius obduratus est oculus. Dixit auditor sermonum Domini qui visionem omnipotentis intuitus est. Qui cadit et sic aperiuntur oculi eius. Quam pulchra tabernacula tua Iacob et tentoria tua Israel. Ut valles nemorose ut horti iuxta fluvium irrigui et tabernacula quae finxit Dominus. Quasi cedri iuxta aquas fluet aqua distillata eius et semen illius erit in aquas multas. Accubans dormivit sicut leo et quasi leena quam suscitare nullus audebit. Qui benedixerit tibi erit ipse benedictus qui maledixerit tibi in maledictione reputabitur. Sumpta igitur rursum parabola ait. Dixit Balaam filius Beor. Dixit homo cuius obturatus est oculus. Dixit auditor sermonum Dei. Qui novit doctrinam Dei altissimi et visiones omnipotentis videt qui cadens apertos habet oculos. Videbo eum sed non modo intuebor illum sed non prope. Orietur stella ex Iacob et consurget virga ex Israel. Et percutiet duces Moab vastabitque omnes filios Seth. Et erit Idumea possessio eius et hereditas Seyr cedet inimicis suis. Israel vero fortiter ait. De Iacob erit qui dominetur et perdat reliquias civitatis. Assumptaque parabola et iterum locutus est. En qui venturus est quando ista faciet Deus. Venient in trieribus de Italia superabunt Assyrios vastabuntque Hebreos et ad extremum etiam ipsi peribunt. Surrexitque Balaam et reversus in locum suum. Balaach quoque via qua evenerat iterum rediit. (Nu 23)

137 Propitius esto peccatis nostris propter nomen tuum Domine nequando dicant gentes ubi est Deus eorum

137 Propter honorem nominis tui Domine libera nos

137 Nolite seduci. Corrumpunt mores bonos colloquia mala. Evigilate iuste et nolite peccare. Ignorantiam enim Dei quidam habent. Ad reverentiam enim vobis loquor. Sed dicet aliquis. Quomodo resurgunt mortui Quali autem corpore veniunt Insipiens tu quod seminas non vivificatur nisi prius moriatur. Et quod seminas non corpus quod futurum est seminas. Sed nudum granum ut puta tritici aut alicuius ceterorum seminum. Deus autem dat illi corpus sicut voluit et unicuique seminum proprium corpus. Non omnis caro sed alia hominum alia pecudum alia volucrum alia autem piscium. Et corpora caelestia et corpora terrestria. Sed alia quidem caelestium gloria alia autem terrestrium. Alia autem claritas solis alia claritas lune alia claritas stellarum. Stella enim ab stella differt in claritate. Sic et resurrectio mortuorum. seminatur in corruptione surgit in incorruptione. Seminatur in ignobilitate surgit in gloria. Seminatur in infirmitate surgit in virtute seminatur corpus animale surgit corpus spirituale. Si est corpus animale et spirituale. Sicut scriptum est. Factus est primus homo Adam in animam viventem novissimus autem in spiritum vivificantem. Sed non prius quod spirituale est sed quod animale est. Deinde quod spirituale. Primus homo de terra terrenus. Secundus homo de caelo caelestis. Qualis terrenus tales et terreni. Qualis caelestis tales et caelestes. Igitur sicut portavimus imaginem terreni portemus et imaginem caelestis. (1K 15)

138 Deum nemo vidit unquam nisi Unigenitus Filius qui est in sinu patris ipse enarravit. Et hoc testimonium Ioannis quando miserunt Iudaei ab Ierosolimis Sacerdotes et Levitas ad eum ut interrogarent eum tu quis es Et confessus est et non negavit et confessus est quia non sum ego Christus. Et interrogaverunt eum. Quid ergo Helyas es tu Et dicit. Non sum. Propheta es tu Et respondit. Non. Dixerunt ergo ei. Quis es tu ut responsum demus his qui miserunt nos Quid dicis de te ipso Ait. Ego vox clamantis in deserto dirigite viam Domini sicut dixit Isaias propheta. Et qui missi fuerant erant ex pharisaeis. Et interrogaverunt eum et dixerunt. Quid ergo baptizas si tu non es Christus neque Helyas neque propheta Respondit eis Ioannes dicens. Ego baptizo in aqua medius autem vestrum stetit quem vos nescitis. Ipse est qui post me venturus est qui ante me factus est. Cuius ego non sum dignus ut solvam calciamenta. Haec in Bethania facta sunt trans Iordanem ubi erat Ioannes baptizans. Altero die vidit Ioannes Iesum venientem ad se et ait. Ecce agnus Dei ecce qui tollit peccata mundi. Hic est de quo dixi post me factus est qui prior me erat et ego nesciebam eum. Sed ut manifestetur in Israel propterea veni ego in aqua baptizans et testimonium perhibuit Ioannes dicens. Quia vidi spiritum descendentem quasi columbam de caelo et mansit super eum Sed qui misit me baptizare in aqua ille mihi dixit. Super quem videris spiritum descendentem et manentem super eum hic est qui baptizat in Spiritu Sancto. Et ego vidi et testimonium perhibui quia hic est filius Dei. (J 1)

139 Laudate Dominum de caelis laudate eum in excelsis

139 Vos qui transituri estis Iordanem aedificate altare Domino ex lapidibus quos ferrum non tetigit. Et offerte coram eo holocausta et hostias pacificas alleluia. Et offerte coram eo holocausta et hostias pacificas alleluia.

139 Principium ex orientis

139 Gustantes Domine suavitatis tuae dulcedinisque plenitudinem quaesumus ut sit nobis hoc in remissionem peccatorum et sanitatem mentium.

139 Per misericordiam tuam Deus noster qui es benedictus et vivis et omnia regis in saecula saeculorum.

139 In nomine Domini nostri Iesu Christi perficiamus cum pace

139 Vos qui in Christo baptizati estis Christum induistis alleluia

139 Benedicti vos a Domino qui fecit caelum et terram

139 Rex omnium saeculorum Christe Deus altissime qui in diebus Herodis regis de virgine natus Magis quaerentibus novo sidere es declaratus appareat in nobis virtutis tuae praesidium ad depellendos omnes principes tenebrarum quo sic maiestatis tuae sidus in nobis resplendeat ut ad te quaerendum nulli se nobis errorum obices interponant quo ad te videndum curramus et te viso iucundemur instanter.

139 Dominus sit semper vobiscum. Et cum spiritu tuo.

140 Surge illumina Ierusalem quia venit lumen tuum et gloria Domini super te orta est. Quia ecce tenebrae operient terram et caligo populos. Super te autem orietur Dominus et gloria eius in te videbitur. Et ambulabunt gentes in lumine tuo et reges in splendore ortus tui. Leva in circuitu oculos tuos et vide. Omnes isti congregati sunt venerunt tibi. Filii tui de longe venient et filiae tuae a latere surgent. Tunc videbis et afflues et mirabitur et dilatabitur cor tuum. Quando conversa fuerit ad te multitudo maris fortitudo gentium venerit tibi. Inundatio camelorum operiet te dromedarii Madian et Epha. Omnes de Sabba venient aurum et thus deferentes et laudem Domino annuntiantes. Argentum et aurum eorum cum eis nomini Domini Dei tui et sancto Israel qui glorificavit te. Et aedificabunt filii peregrinorum muros tuos et reges eorum ministrabunt tibi. In indignatione autem mea percussi te et in reconciliatione mea misertus sum tui. Et aperientur porte tuae iugiter die et nocte et non claudentur. Ut auferatur a te fortitudo gentium et reges eorum adducantur. Gens enim et regnum quod non servierit tibi peribit. Et gentes solitudine vastabuntur. Gloria Libani ad te veniet abies et buxus et pinus simul ad ornandum locum sanctificationis meae et locum pedum meorum glorificabo. Et venient ad te curvi filii eorum qui humiliaverunt te et adorabunt vestigia pedum tuorum. Non audietur ultra iniquitas in terra tua vastitas aut contritio in terminis tuis. Sed occupabit salus muros tuos et portas tuas laudatio. Non erit tibi Sol amplius ad lucendum per diem nec splendor Lunae illuminabit te. Sed erit tibi Dominus in lucem sempiternam et Deus tuus in gloriam tuam. (Is 60)

140 Omnis terra adoret te et psallat tibi

140 Psalmum dicam nomini tuo Altissime super filios hominum

140 Quicumque in Christo baptizati estis Christum induistis. Non est Iudaeus neque Graecus non est servus neque liber. Non est masculus neque femina. Omnes enim vos unum estis in Christo Iesu. Si autem vos Christi ergo Abrahae semen estis secundum promissionem heredes. Dico autem. Quanto tempore heres parvulus est nihil differt a servo cum sit Dominus omnium sed sub tutoribus et auctoribus usque ad prefinitum tempus a patre. Ita et nos cum essemus parvuli sub elementis huius mundi eramus servientes. At ubi venit plenitudo temporis misit Deus filium suum natum ex muliere factum sub lege ut eos qui sub lege erant redimeret ut adoptionem filiorum reciperemus. Quoniam autem estis filii Dei misit Deus spiritum filii sui in corda vestra clamantem abba pater. Itaque iam non est servus sed filius. Quod si filius et heres per Deum. (G 3)

141 Cum natus esset Iesus in Bethleem Iudae in diebus Herodis regis ecce Magi ab oriente venerunt Ierosolymam dicentes. Ubi est qui natus est rex Iudeorum Vidimus enim stellam eius in oriente et venimus adorare eum. Audiens autem Herodes rex turbatus est et omnis Ierosolima cum illo. Et congregans omnes principes sacerdotum et scribas populi sciscitabatur ab eis ubi Christus nasceretur. At illi dixerunt in Bethleem Iudae. Sic enim scriptum est per prophetam. Et tu Bethleem terra Iuda nequaquam minima es in principibus Iuda. Ex te enim exiet dux qui regat populum meum Israel. Tunc Herodes clam vocatis magis diligenter didicit ab eis tempus stellae quae apparuit eis. Et mittens illos in Bethleem dixit. Ite et interrogate diligenter de puero et cum inveneritis renuntiate mihi ut et ego veniens adorem eum. Qui cum audissent regem abierunt. Et ecce stella quam viderant in oriente antecedebat eos usque dum veniens staret supra ubi erat puer. Videntes autem stellam gavisi sunt gaudio magno valde. Et intrantes domum invenerunt puerum cum Maria matre eius. Et procidentes adoraverunt eum et apertis thesauris suis obtulerunt ei in munera. Aurum tus et mirrham. Et responso accepto in somnis ne redirent ad Herodem per aliam viam reversi sunt in regionem suam. Qui cum recessissent ecce angelus Domini apparuit in somnis Ioseph dicens. Surge et accipe puerum et matrem eius et fuge in Aegyptum et esto ibi usque dum dicam tibi. Futurum est enim ut Herodes quaerat puerum ad perdendum eum. Qui consurgens accepit puerum et matrem eius nocte et recessit in Aegyptum. Et erat ibi usque ad obitum Herodis. Ut adimpleretur quod dictum est a Domino per prophetam dicentem. Ex Aegypto vocavi filium meum. Tunc videns Herodes quoniam illusus esset a magis iratus est valde. Et mittens occidit omnes pueros qui erant in Bethleem et in omnibus finibus eius a bimatu et infra secundum tempus quod exquisierat a magis. Tunc adimpletum est quod dictum est per Ieremiam prophetam dicentem Vox in Rama audita est ploratus et ululatus multus Rachel plorans filios suos et noluit consolari quia non sunt. Defuncto autem Herode ecce angelus Domini apparuit in somnis Ioseph in Egypto dicens. Surge accipe puerum et matrem eius et vade in terram Israel defuncti sunt enim qui quaerebant animam pueri. Qui consurgens accepit puerum et matrem eius et venit in terram Israel. Audiens autem quod Archelaus regnaret in Iudea pro Herode patre suo timuit illuc ire. Et admonitus in somnis secessit in partes Galilaee et veniens habitavit in civitate quae vocatur Nazareth ut adimpleretur quod dictum est per prophetam quoniam Nazareus vocabitur. (Mt 2)

142 Laudate Dominum sol et luna laudate eum omnes stellae et lumen

142 Omnes de Saba venient portantes aurum thus et lapides pretiosos salutare Domini evangelizabunt alleluia alleluia.

143 Viri excelsi ad te transibunt et tui erunt servi consequentur te colligati in vinculis et adorabunt te quia in te est Deus et praeter te non est alius. Renovamini insulae Israel et salvamini a Domino in salute aeterna.

143 Omne dilectissimi fratres in laudem Dei Salvatoris redemptorisque nostri caritatis excitetur officium spei ponatur integritas fidei surgat devota confessio. Qui nobis per istam suam assumptae Matris nativitatem illam Ingeniti Patris dignatus est significare naturam qua Verbum caro factum est inde in agnitionem Dei locum generationis ostendit unde in virginem initium originis introduxit ea Christus proditus virtute qua genitus novoque sidere daret infantiae signum potentiae ministerium ignorantiae documentum. Et qui terram factus ex muliere lege parturitionis inviserat caelum indiscreto Patri iure cohaerens possideret. Novamque elementi quam creaverat claritatem habuit Deus in officio parvulus in testimonio mundus in nuntio reges in miraculo pastores in gaudio gentilitas in stupore credulitas in munere crudelitas in timore. In hac tremuerunt impii in hac exsultaverunt commoniti in hac adoravere subiecti. Hac illuminante qui fuerat salvandus occurrit hac terrente qui fuerat periturus expavit. Sic caelo nova lampade coruscante et illuminata fides est et caecata perfidia.

143 Deus qui nobis ad relevandos istius vitae labores diversa donorum tuorum solatia et gaudia contulisti quibus insignes annuis recursibus dies agimus et Ecclesiae tuae vota sollemnia praesenti festivitate celebramus. Unde et proxime natalem Domini salvatoris peregimus qui nobis natus in tempore est qui de te natus sine tempore omnium saeculorum et temporum est antecessor et conditor. Deinde subsecutum diem circumcisionis octavum Unigeniti luce signatum pari observantia recolentes sacrificiis sollemnibus honoravimus. Nunc Epiphaniae diem revelantem in homine divinitatem excolimus diversa Domini nostri Iesu Christi Filii tui in hoc mundo suum adventum manifestantia insignia praedicantes sive quod stellam ortus sui nuntiam misit e caelo quam stupentibus Magis usque ad cunabula suae carnalis infantiae praeviam fecit sive quod aquas baptismate suo ad omnium gentium lavationem Iordanis alveum sanctificaturus intravit ubi ipsum esse Filium unigenitum dilectum tuum Spiritu columbae specie advolante monstrasti et paterna insuper voce docuisti sive quod primum in Cana Galilaeae prodidit signum cum in convivio nuptiali aquas in vinum convertit alto et admirabili sacramento docens quod a saeculis sponsae sibi iungendus Ecclesiae advenerat et ad vinum prudentiae spiritalis saporis fidem veritatis esse mutandam. Itaque ex his tribus mirabilium tuorum causis fide hodiernae sollemnitatis edita Dominus noster Iesus Christus Filius tuus nihilominus tuae virtutis operatio et nostrae salutis praeparatio est. Propterea Domine secundum haec tria magna mirabilia maneat in nobis gratiae spiritalis integritas sapiat in cordibus nostris vinum prudentiae fulgeat in operibus stella iustitiae.

144 Ecclesiae tuae quaesumus Domine munera propitius intuere quibus iam non aurum thus et myrrha profertur sed hisdem muneribus Unigenitus tuus declaratus offertur immolatur et sumitur. Offerentibus quoque Domine gaudia tribue sempiterna et refrigerium quietis defunctis accumula.

144 Christe qui ad humana veniens humilis Deus in sidere declararis illabere sensibus nostris quo Ecclesia tua qua apparitionis tuae festum hodierna die ovando concelebrat in pace tua iugi tempore solidata consistat ut et hic opera caritatis instante devotione retentet et ad te remuneratura perveniat gaudens qui olim ad liberationem eius per admirabile sidus apparere dignatus es.

145 Dignum et iustum est omnipotentiam tuam Domine Iesu Christe per vitae nostrae vel maxima spatia vel minima momenta laudare maximeque in festivitate praesenti in qua multimoda mirabilium tuorum praeconia celebrantur ex totis praecordiis venerari. Et licet ea ipsa quae perstringere de pluribus pauca praesumimus sacramentis sint speciosiora quam factis eoque fiat ut quod mens non concipit lingua non pariat attamen si qua vel forinsecus admirationi fuere perspicua convenit memorare. Hodierno igitur die quod incarnationi tuae testimonium perhiberet igne rutilum luce lacteum contemplatione placidum exspectatione votivum novitate mirabile significatione terribile sidus apparuit. Cuius splendoris magnitudinem expavit subito Chaldaeorum cervicosa curiositas et in omni Babyloniorum ritu vetusta superstitione calcata Magi sagaces viderunt quantis iacerent in tenebris qui nisi discuterent visibilium luminum qualitatem nescissent lucis auctorem. Neque ultra supercilio gentis Assyriae colendos homines inter caelestia quaesierunt qui caelo indice adorandam divinitatem inter humana repererunt. Additur his quod Iordanis aquas sanctificaturus intrasti ad humilitatem exempli non ad necessitatem peccati. Et vox Patris de Filio testificantis audita est atque novum Adam Spiritus gratiae septiformis insedit hinc in quo baptizari Baptista possit ostendit. Nec hunc eundem Iordanem saeculis anterioribus illustratum esse plus dixerim cuius gurgitibus abruptis undifluis fluctibus qui praecesserunt in mare reconditis hinc exaltatis qui subsisterant et in aetera fastigiatis iuxta scenam liquentis elementi securas tribus per vada pulvirulenta transduxit. Insuper infudisti aquas hydriis aquis vinum atque ad tuae iussionis imperium botri distinguntur in aquis et vindemiae oriuntur ex hydriis. Nec minori miraculo quondam largitas tua flumen irriguum de visceribus aridae cautis elicuit sed non amplius est verbo liquorem siccis quam saporem liquidis indidisse. Quinque quoque panibus et pisce geminato quinque virorum millia intra deserta pavisti. Hoc potentialiter vi benedictionis operatus ut tantus populus qui magno impleri vix poterat parvo posset impleri ita in ore hominum cibus ipsa sui imminutione proficiens incrementum proprium inter detrimenta sumebat ut edulibus ampliatis fragmine crescenti frustorum plurima relata sint cophinis quae non fuerant illata convivis operante hoc omnipotentia tua ad manifestandam gloriam tuam. Cui merito omnes Angeli et Archangeli non cessant clamare cotidie ita dicentes.

146 Sanctus sanctus sanctus Dominus Deus sabaoth pleni sunt caeli et terra gloria maiestatis tuae hosanna filio David hosanna in excelsis benedictus qui venit in nomine Domini hosanna in excelsis.

146 Vere sanctus vere benedictus Deus qui observationem diei huius atque reverentiam toto orbe venerabilem tripliciter et acceptionis et luminationis et declarationis honore donasti. Appare in his sollemnitatibus et accepta orationem plebis tuae qui sollemnitatem hanc ipso Acceptionis nomine consecrasti. Illumina sacrificantem cultui tuo populum qui festa haec etiam vocabulo illuminasti. Declara cordibus nostris veritatis tuae lucem qui et per ipsam appellationem dedisti his sollemnitatibus claritatem.

146 Appare Domine cognoscere Domine sicut apparuisti manifestus in carne ortus ex virgine inventus a pastoribus cognitus in virtute declaratus in sidere adoratus in munere ostensus in flumine creditus in fide habitus in nube promissus in iudice ut sacratae sollemnitatis gratia ita suscipiat Ecclesia tua nunc gaudia ut praetulit quondam mysteria.

146 Christe Deus qui virginali prodiens ex utero novum hodie lumen apparuisti in mundo agnitus in stella adoratus per munera ciba nos favo mellis et sermonibus bonis orationibus iustis et responsionibus pietatis ut dulcedo auditus tui suavitas sit animae vel corporis nostri ut gustantes et videntes quam suavis es Domine nequaquam percogamur ad amaritudinem saeculi declinare sed caelestibus suspensi oraculis cordibus et vocibus per te Patrem impetremus e terris.

147 Pater noster qui es in caelis. Amen. Sanctificetur nomen tuum. Amen ... Sed libera nos a malo.

147 Humiliate vos benedictioni. Dominus sit semper vobiscum.

147 Iesus Christus rex noster qui profanum regem sua nativitate terruit ipse in vobis cum suis virtutibus regnet. Cuiusque signum stella radiante Magis apparuit eius vos gratia sine fine clarificet. Det vobis spiritalem intelligentiam qui aquarum naturam vini in suavitate fecit esse saporem. Et qui populorum millia exiguo panis fragmine satiavit corda vestra doctrinae suae alimento locupletet. Conferens vobis veram innocentiam qui Spiritus Sancti tranquillam simplicitatem demonstrare voluit per columbam.

147 Dominus sit semper vobiscum. Et cum spiritu tuo.

147 Verbum ante saecula ineffabiliter patris ore prolatum et in tempore hominem pro nobis ex virgine ortum humili prece poscamus ut invocationem nostram de monte sancto suo placatus exaudiat eiusque benedictio pectora credentium repleat. Ac sicut incerta secretorum sapientia manifestans ad se agnoscendum corda excitet nostra ita catholicam plebem alarum suarum protectione defendat eisque eum iudex venerit existat placabilis pro quibus redimendis in carne apparuit humilis

147 Per misericordiam tuam Deus noster qui es benedictus et vivis et omnia regis in saecula saeculorum.

147 Sollemnia completa sunt in nomine Domini nostri Iesu Christi votum nostrum sit acceptum cum pace.

148 Dominus regnavit decorem induit alleluia

148 Induit Dominus fortitudinem et praecinxit se

148 Per omnia semper saecula saeculorum

148 Te excelsa laus in altissimis decet tibi e terris gloria Ecclesia canit atque huius caterve concentu ad astra hymnum emittit. Rogamus omnipotens Deus ut sicut tuas solemniter porrigimus laudes ita precum nostrarum iubeas efficaciter suscipere voces.

148 Per misericordiam tuam Deus noster qui es benedictus et vivis et omnia regis in saecula saeculorum.

148 Consurge consurge induere fortitudine tua Sion induere vestimentis gloriae tuae Ierusalem civitas sancta. Quia non adiiciet ultra ut pertranseat per te incircumcisus et immundus. Excutere de pulvere consurge sede Ierusalem solve vincula colli tui captiva filia Sion quia haec dicit Dominus. Gratis venundati estis et sine argento redimemini. Quia ego ipse qui loquebar ecce adsum. Quam pulcri super montes pedes annunciantis et praedicantis pacem. annuntiantis bonum praedicantis salutem dicentis Sion regnabit Dominus Deus tuus. Quia oculum ad oculum videbunt cum converterit Dominus Sion. Gaudete et laudate simul deserta Ierusalem quia consolatus est Dominus populum suum redemit Hierusalem. Paravit Dominus brachium sanctum suum in oculis omnium gentium. Et videbunt omnes fines terre salutare Dei nostri. (Is 52)

148 Deus docuisti me a iuventute mea et usque ad senectam et summam senectutem ne derelinquas me Domine

148 Ne proiicias me in tempore senectutis cum defecerit virtus mea

149 Paulus servus Iesu Christi vocatus apostolus segregatus in evangelium Dei quod ante promiserat per prophetas suos in scripturis suis sanctis de filio suo qui factus est ex semine David secundum carnem qui praedestinatus est filius Dei in virtute secundum spiritum sanctificationis ex resurrectione mortuorum Iesu Christi Domini nostri. Per quem accepimus gratiam et apostolatum ad obediendum fidei in omnibus gentibus pro nomine eius in quibus estis et vos vocati Iesu Christi omnibus qui sunt Romae dilectis Dei vocatis sanctis. Gratia vobis et pax a Deo Patre nostro et Domino Iesu Christo. Primum quidem gratias ago Deo meo per Iesum Christum pro omnibus vobis quia fides vestra annunciatur in universo mundo. Testis enim mihi est Deus cui servio in spiritu meo in evangelio filii eius quod sine intermissione memoriam vestri facio semper in orationibus meis. Obsecrans si quomodo tandem aliquando prosperum iter habeam in voluntate Dei veniendi ad vos. Desidero enim videre vos ut aliquid impartiar gratie vobis spiritualis ad confirmandum vos id est simul consolari in vobis per eam quae invicem est fides vestra atque mea. Nolo autem vos ignorare fratres quia sepe proposui venire ad vos et prohibitus sum usque adhuc ut aliquem fructum habeam in vobis sicut et in ceteris gentibus Grecis ac Barbaris sapientibus atque insipientibus debitor sum. Itaque in me promptum est et vobis qui Romae estis evangelizare. Non enim erubesco evangelium. Virtus enim Dei est in salutem omni credenti ludaeo primum et Graeco. Iustitia enim Dei in eo revelatur ex fide in fidem. Sicut scriptum est. Iustus autem ex fide vivit. (R 1)

149 Dominus noster Iesus Christus cum factus esset annorum duodecim ascendentibus illis in Ierosolymam secundum consuetudinem diei festi consummatisque diebus cum redirent remansit puer Iesus in Ierusalem et non cognoverunt parentes eius. Existimantes autem illum esse in comitatu venerunt iter diei et requirebant eum inter cognatos. Et non invenientes regressi sunt in Ierusalem requirentes eum. Et factum est post triduum invenerunt in templo sedentem in medio doctorum audientem illos et interrogantem. Stupebant autem omnes qui eum audiebant super prudentia et responsis eius. Et videntes admirati sunt. Et dixit mater eius ad illum. Fili quid fecisti nobis sic Ecce pater tuus et ego dolentes quaerebamus te. Et ait ad illos. Quid est quod me quaerebatis Nesciebatis quia in his quae patris mei sunt oportet me esse. Et ipsi non intellexerunt verba quae locutus est ad illos. Et descendit cum eis et venit Nazareth et erat subditus illis. Et mater eius conservabat omnia verba haec in corde suo. Et Iesus proficiebat sapientia et aetate et gratia apud Deum et homines. (L 2)

150 Laudate Dominum quia benignus est Dominus psallite nomini eius quoniam suave est.

150 Formavit Dominus Deus hominem de limo terrae et inspiravit in faciem eius spiraculum vitae et factus est homo in animam viventem alleluia alleluia alleluia.

150 Plantaverat Dominus Deus paradisum voluptatis a principio in Eden ab Oriente in quo posuit hominem quem formaverat.

150 Dominicos dies dilectissimi fratres sanctae religionis legibus consecratos grandi diligentia mens ad sollemne officium parata concelebret non sint hinc studio despicabiles quod in numero sint frequentes nec eo exiguus eorum cultus quod assiduus sit recursus. Desiderabile enim debet esse omnibus tempus quo humana fragilitas tantae maiestatis mysterio iubetur assistere quo in offerendis sacrificiis Deus hominem dignatur assumere. Cum mortalibus immortalitas per fidem quaesita participat quae panis ac vini oblatione suscepta gratiae sanctificantis aspectum corporis Christi ac sanguinis munere fidelibus repraesentat et dum caelesti benedictione creatura visibilis animatur credentium viscera invisibilis Creator ingreditur qui ad hoc offerri sibi imperat quae dicavit aut acta restituat quae donavit ut ad salutem nostram et ista redeant quae requirit et ad beatitudinem illa proficiant quae promisit.

151 Per misericordiam ipsius Christi Dei nostri qui cum Patre et Spiritu Sancto unus Deus vivit et regnat in saecula saeculorum

151 Deus quem omni tempore colere et laudare sine intermissione debemus dona ut quatenus perpetim serviendi curam per negligentiam non implemus saltim dominicorum dierum festivitatem diligentius excolamus cedat cura saeculi pereat causa peccati convalescat potentia fidei vigeat gratia sacramenti sibi homo praestet quod tibi soli debet ut dum dominicorum dierum iucunditate perfruitur intolerabilium occupationum onere non prematur. Anima dominantibus sibi vitiis voluptatis suae lassa servitio in tristitia refectionem inveniat et quae libertatis suae arbitrio patitur quod laborat negotium bonis otium malis ponat sint excubiae precum feriae peccatorum salubriore se animus commutatione distendat ut in eo se reficiat si ad meliora convertat et bonorum actuum saltim habeat vicem si non habeat iugitatem.

151 Dicato sollemniter famulatu omnipotentiam tuam Domine supplices imploramus ut concesso nobis sanctorum omnium patrocinio oblationes populi tui clemens accipias et propitius benedicas praestes etiam prosperitatem vivis refrigerium et quietem defunctis et qui ad testimonium devotionis deferunt consecranda ad remedium salutis mereantur recipere consecrata.

151 Deus omnipotens qui docuisti omnia humilitatis bono et caritatis studio posse servari respice ad membra Ecclesiae tuae atque ea quae aemulatione discreta aut indignatione vitiata sunt in pacem revoca atque compone.

152 Dignum et iustum est omnipotens Deus nos tibi credulitatem cordis confessionem oris devotionem laudis oboedientiam voluntatis quam in potestate nostra ponere dignatus es exhibere atque utinam tam continue quam debite tanto studio acti quanto beneficio sublimati quam abundanti gratia vivimus tam cura perpetim serviremus ut qui totum accipimus aliquid redderemus. Per te hominem facis quamvis in opere non laboras inclinat pietas quam neccessitas non fatigat tuis illis manibus gloriosis latum tractas limo imaginem divinitatis imponis vultus fingis membra discriminas flatum tui oris inspiras atque animam ratione secum exstante vivificas. Totam tamen ante mundi machinam parans cunctas futuri orbis delicias coacervas ad quas eum quem tibi amabilem non solum factum sed faciendum feceras introducas ut bonorum omnium copia serviret otioso et dominum se iudicio nosset esse non taedio auctori debiturus beatitudinem non labori ponitur lex praecepti ne mens fieret ignara consilii dicitur quid praeceperit quid vitaret ne nesciret quid esset si non metueret quid didicisset. Sed quamvis iubentis imperium temeritas plectenda transiret et concupiscentias culpam secuta sit mortis poena rediit tamen in damnatum pietatis affectus maior fuit misericordia liberare eum voluisse quam fieri et plus indulgentiae praestitisti remittere iniuriam quam contractare reatum quia non tantum debuerat ut exsisteret qui non erat quantum debuit ut evaderet qui nolebat non parcis Filio parcis reo traditur morti volens crucifigitur quiescens secura divinitate vel conscia quod sic pietas redimendo eriperet ut non consumeret impietas Redemptorem. Cui merito omnes angeli et archangeli non cessant clamare cotidie ita dicentes.

153 Hosanna in excelsis. Quanta nobis omnipotens Pater hoc sacrificium reverentia metuendum quo adeundum tremore quo honore sit celebrandum. Istae dominicis laudibus perenniter servientes caelestium voces admonent potestatum quibus nos agere officii sui similitudinem contestantur ut ad faciendam Dei voluntatem eos pro nostris viribus imitemur quos ad predicandam Dei maiestatem nostris vocibus imitamur. Ad instar superni altaris hoc nobis ad quod accedimus constitutum panem nobis angelorum accipere manducandum cum illorum statum meritis gloriosum nostris peccatis obsitum noverimus illi et numquam peccant et semper laudant nos et crebro peccamus et raro laudamus rei per frequentiam criminum rei per negligentiam gratiarum sed ab his nos conscientiae peccatricis debitis. Unici tui hostia in sanguine suo tibi oblata mundavit illa nobis etiam post redemptionem delinquentibus hac spe et confessione subveniat quae etiam usque ad ultimum iudicii diem solum in Spiritu non peccantibus revertendi aditum reseravit ut qui ad redimendos nos se dedit pretium ad excusandos nos se faciat advocatum.

153 Praeceptorum tuorum memores Domine oblationum tibi sacrificia dependentes supplices flagitamus ut infundas his hostiis sancti tui Spiritus largitatem ut cum a te benedicta sumimus omnino nos benedictione refectos et a criminum vinculis liberatos omnibus modis gaudeamus.

153 Diligentes Deum fratres carissimi pietatis eius in nos petamus operari dilectionem ut divinae virtutis dono repleti orationem dominicam in qua spes est nostrae salutis sic dicere mereamur e terris.

153 Pater noster qui es in caelis. Amen. Sanctificetur nomen tuum. Amen ... Sed libera nos a malo.

154 Humiliate vos benedictioni. Dominus sit semper vobiscum.

154 Multiplicet vos Dominus copia benedictionis et confirmet propitius in spe regni caelestis. Id vos in praesenti saeculo diligere libeat quo a caelestis paradisi hereditate non dividat. Atque his repleamini beneficiis quibus omnipotenti Deo in perpetuum placeatis.

154 Per misericordiam ipsius Dei nostri qui vivit et omnia regit in saecula saeculorum.

154 Refecti Christi corpore sanguineque pariter sanctificati Deo Patri omnipotenti gratias referamus ut in eadem refectione sanctificationem habentes hic in futuro saeculo gloriam percipiamus.

154 Per misericordiam tuam Deus noster qui es benedictus et vivis et omnia regis in saecula saeculorum.

154 In nomine Domini nostri Iesu Christi perficiamus cum pace

154 Dominus regnavit decorem

154 Hic est iustus noster in quo sperabamus

154 Ecce ego creo caelos novos et terram novam et non erunt in memoria priora. Et nos ascendent super cor sed gaudebitis et exultabitis usque in sempiternum in his quaeego creo. Quia ecce ego creo Ierusalem exultationem et populum eius gaudium. Et exultabo in Ierusalem et gaudebo in populo meo. Et non audietur in eo ultra vox fletus et vox clamoris. Non erit ibi amplius infans dierum et senex qui non impleat dies suos. Nam puer centum annorum morietur et peccator centum annorum maledictus erit. Et aedificabunt domos et habitabunt et plantabunt vineas et comedent fructum earum. Non aedificabunt et alius habitabit. Non plantabunt et alius comedet. Secundum enim dies ligni erunt dies populi mei et opera manum eorum inveterabunt electis meis. Non laborabunt frustra neque generabunt filios in conturbatione. Quia semen benedictorum Domini est et nepotes eorum cum eis. Eritque antaequam clament ego exaudiam. Adhuc illis loquentibus ego audiam dicit Dominus omnipotens. (Is 65)

155 Dominus sit semper vobiscum. Et cum spiritu tuo.

155 Paratum cor meum Deus paratum cor meum cantabo et psallat tibi gloria mea

155 In me sunt Deus vota mea quae reddam laudationes tibi quia liberasti animam meam de morte oculos meos a lacrimis pedes meos a lapsu ut placeat tibi.

155 Non regnet peccatum in vestro mortali corpore ut obediat is concupiscentiis eius. Sed neque exhibeatis membra vestra arma iniquitatis peccato sed exhibete vos Deo tamquam ex mortuis viventes et membra vestra arma iustitiae Deo. Peccatum enim in vobis non dominabitur. Non enim sub lege estis sed sub gratia. Quid ergo Peccavimus quoniam non sumus sub lege sed sub gratia Absit. Nescitis quoniam cui exhibuistis vos servos ad obediendum servi estis eius cui obedistis sive peccati ad mortem sive obeditionis ad iustitiam. Gratias autem Deo quod fuistis servi peccati obedistis autem ex corde in eam formam doctrine in qua traditi estis. Liberati autem a peccato servi facti estis iustitiae. In Christo Iesu Domino nostro. (R 6)

155 Dominus noster Iesus Christus regressus est in virtute spiritus in Galilaeam. Et fama exiit per universam regionem de illo. Et ipse docebat in synagogis eorum et magnificabatur ab hominibus. Et venit Nazareth ubi erat nutritus et intravit Secundum consuetudinem suam die sabbati in synagogam et surrexit legere. Et traditus est ei liber Isaiae prophetae. Et ut revolvit librum invenit locum ubi scriptum erat. Spiritus Domini super me propter quod unxit me evangelizare pauperibus misit me. Praedicare captivis remissionem et cecis visum. Dimittere confractos in remissionem praedicare annum Domini acceptum et diem retributionis. Et cum plicuisset librum reddidit ministro et sedit. Et omnium in synagoga oculi erant intendentes in eum. coepit autem dicere ad illos quia hodie impleta est haec scriptura in auribus vestris. Et omnes testimonium illi dabant et mirabantur in verbis gratiae quaeprocedebant de ore ipsius. (L 4)

156 Dominus sit semper vobiscum. Et cum spiritu tuo.

156 Laudate Dominum in tympano et choro laudate eum in cordis et organo

156 Aedificavit Noe altare Domino et sumpsit ex omni pecude mundo et ex omni ave munda et obtulit hostias ad altare et immolavit et cremavit et odoratus est Dominus odorem suavitatis alleluia

156 Locutus est Dominus ad Noe dicens egredere de archa tua tu et omnis cognatio tua et cuncta animantia quaesunt apud te ex omni carne tam in volucribus quam in bestiis universis reptilibus quaeerant super terram crescite et multiplicamini super eam et egressus est Noe

156 Si credimus fratres carissimi divinum esse quod agimus studium affectumque placendi hominibus omnibus modis respuamus. Offeramus Deo si non acceptabiles hostias voces saltim patientiae lacrimosas. Non debemus hic quasi nullo reatu obnoxii impudenter assistere sed velut in praesentia metuendi Iudicis cum timore saltim diebus dominicis convenire ne idcirco Deum latuisse quae gerimus suspicemur quod in praesenti non puniamur cum ideo forsitan ad poenas posteras differamur quia momentanea emendatione corrigi non meremur. Si igitur filii sumus dulciora sint nobis verbera paterna quam melle. Si servi solliciti panem dominicum non debemus comedere otiosi. Haec nostrum singuli quique prout universitati congruit cogitantes aut debemus plangere si defecimus aut de aliis sollicitudinem gerere per gratiam Domini qua valemus.

156 Deus sine principio qui fecisti aeterna principiis perpetua condidisti sine conditione perpetuus te fusis ex affectu mentis precibus imploramus ut concessa nobis in praesenti saeculo venia dignos misericordiae aeterna nos facias illudque nobis dum misereris indulgeas unde in nobis propter quod semper miserearis invenias.

157 Attende Domine omnipotens devotionem populorum fidelium et propitius accipe hoc munus oblatum. Sit nobis oramus ita sanctorum tuorum commemoratio in suffragium ut eorum meritis impetremus et remedium viventium et requiem defunctorum.

157 Deus bonorum omnium copia et sanctorum indeficiens caritas praesta nobis omnibus in bona voluntate concordiam ut tua semper pacifici sequamur et faciamus praecepta.

157 Dignum et iustum est vereaequum et salutare est nos semper pietati tuae gratias agere omnipotens Deus et omnium sollemnitatum in tuo nomine mysteria celebrare et offerre tibi hoc sacrificium quod nulla possunt digne praeconia collaudare ad offerendum populo facile delectabile ad sumendum. Non hic balatus ovium non mugitus bovum non volatilium vox sub ictu mortis dolorem incurrit non horror est sanguinis non fastidii cruditas sed tam mirabilis atque stupenda est hostia ut incruenta sit cum viva sumatur nam licet verum corpus edatur et sanguis manifestissimus hauriatur nullus tamen horror incutitur cum salus animarum in spiritali cibo et poculo ministratur. Benedictus enim Dominus noster Iesus Christus Filius tuus in nomine tuo veniens haec tibi sacrificia deferri mandavit cuius nos praecepta tenentes et iussa meminimus et gesta memoramus. Quem merito tecum et cum Spiritu Sancto laudant caelestia pariter ac terrena Cherubim quoque ac Seraphim incessabili voce proclamant ita dicentes.

157 Vere sanctus vere benedictus Dominus noster Iesus Christus Filius tuus ille patriarcharum fides ille plenitudo legis ille umbra veritatis ille praedicatio prophetarum ille apostolorum magister ille omnium credentium pater ille debilium firmamentum ille infirmantium virtus ille redemptio captivorum ille hereditas redemptorum ille viventium salus ille morientium vita qui sacrificandi novam legem sacerdos Dei verus instituit hostiam se tibi placitam et ipse obtulit et a nobis iussit offerri.

158 Vitam nostram Domine Unigeniti tui mortem votiva confessione promerentes resurrectionem eius et ascensionem in caelis fide indubitata fatemur venturum quoque rursum ac pro meritis singulos iudicaturum reatu licet trepidi sed tua freti misericordia praestolamus. Ob hoc ergo quaesumus famulantes ut oblationem hanc Spiritus tui sancti permixtione sanctifices et corporis ac sanguinis Filii tui Domini nostri plena transfiguratione conformes ut hostia qua nos redemptos esse meminimus mundari a sordibus facinorum mereamur nec nos transfixos vulnere a tua reprobes curatione medicus es aegri sumus misericors es nos miseri ergo quia tibi nostra non abscondimus vulnera per ista quibus placaris sana nos sacrificia.

158 Praeceptorum Domini memores fratres carissimi orationis dominicae verba dicturi maiestatem eius deprecemur acclines ut peccatorum nostrorum misericorditer obliviscens dono gratia suae corpora nostra cordaque sanctificet quatenus omnium criminum labe purgati libera voce dicamus e terris.

158 Humiliate vos benedictioni. Dominus sit semper vobiscum.

158 Omnipotentis Dei nostri benedictione repleamini cuius estis sanguine pretioso redempti. Eius vos indeficiens gratia repleat cuius ineffabilis plasmavit potentia. Et quibus in hoc mundo praestitit conditionem nascendi in regno aeterno tribuat mansionem sine fine vivendi.

159 Dominus sit semper vobiscum. Et cum spiritu tuo.

159 Refecti Christi corpore sanguineque pariter sanctificati Deo Patri omnipotenti gratias referamus ut in eadem refectione sanctificationem habentes hic in futuro saeculo gloriam percipiamus.

159 Caelum sedes mea est et terra scabellum pedum meorum. quaeista domus quam aedificabilis mihi et quis iste locus quietis meae Omnia haec manus mea fecit et facta sunt universa ista dicit Dominus. Ad quem autem respiciam nisi ad pauperculum et contritum spiritu et trementem sermones meos. Qui immolat bovem quasi qui interficiat virum. Qui mancat pecus quasi qui excerebret canem. Qui offert oblationem quasi qui sanguinem suillum offerat. Qui recordatur turis quasi qui benedicat idolo haec omnia elegerunt in viis suis et in abominationibus suis anima eorum delectata est. Unde et ego eligam illusiones eorum et quaetimebant adducam eis. Quia vocavi et non erat qui responderet. Locutus sum et non audierunt. Feceruntque malum in oculis meis et quae nolui elegerunt. Audite verbum Domini qui tremitis ad verbum eius. Dixerunt fratres vestri odientes vos et abiicientes propter nomen meum. Glorificetur Dominus et videbimus in leticia vestra ipsi autem confundentur. Laetamini cum Ierusalem et exultate in ea omnes qui diligitis eam. Gaudete cum ea in gaudio universi qui lugetis super eam ut suggatis et repleamini ab ubere consolationis eius. Ut mulgeatis et deliciis affluatis ab omnimoda gloria eius. Quia haec dicit Dominus. Ecce ego declinabo super eam quasi fluvium pacis et quasi torrentem inundantem gloriam gentium quam suggetis. Ad ubera portabimini et super genua blandietur vobis. Quomodo si cui mater blandiatur ita ego consolabor vos et in Ierusalem consolabimini. Videbitis et gaudebit cor vestrum et ossa vestra quasi herba germinabunt. (Iz 66)

160 Dominus sit semper vobiscum. Et cum spiritu tuo.

160 Adiutor meus esto Domine ne derelinqas me et ne despicias me Deus salutaris meus

160 Quoniam pater meus et mater mea dereliquerunt me Dominus autem assumpsit me

160 Humanum dico propter infirmitatem carnis vestrae. Sicut enim exhibuistis membra vestra servire immundicie et iniquitati ad iniquitatem. Ita et nunc exhibete membra vestra servire iustitiae in sanctificationem. Cum enim servi essetis peccati liberi eratis iustitiae. Quem enim fructum habuistis tunc in quibus nunc erubescitis Nam finis illorum mors est. Nunc vero liberati a peccato servi autem facti Deo habetis fructum vestrum in sanctificationem finem vero vitam aeternam. Stipendia enim peccati mors. Gratia autem Dei vita aeterna. In Christo Iesu Domino nostro. (R 6)

160 Dominus noster Iesus Christus loquebatur discipulis suis et turbis dicens. Generatio haec generatio nequam est. Signum querit et signum non dabitur illi nisi signum Ione prophetae. Nam sicut Ionas fuit signum Ninivitis ita erit et filius hominis generationi isti. Regina austri surget in iudicio cum viris generationis huius et condennabit illos quia venit a finibus terrae audire sapientiam Salomonis et ecce plusquam Salomon hic. Viri Ninivite surgent in iudicio cum generatione hac et condemnabunt illam quia poenitentiam egerunt a praedicatione Ione et ecce plusquam Ionas hic. Nemo lucernam accendit et in absconso ponit neque sub modio sed super candelabrum ut qui ingrediuntur videant lumen. Lucerna corporis tui est oculus tuus si oculus tuus fuerit simplex totum corpus tuum lucidum erit. Si autem nequam fuerit etiam corpus tuum tenebrosum erit. Vide ergo ne lumen quod in te est tenebrae sint. Si ergo corpus tuum totum lucidum erit non habens aliquam partem tenebrarum erit lucidum totum et sicut lucerna fulgoris illuminabitur. haec cum loquaretur rogavit illum quidam pharisaeus ut pranderet apud se. Et ingressus recubuit. Pharisaeus autem coepit intra se reputans dicere quare non baptizatus esset ante prandium Et ait Dominus ad eum. Nunc vos pharisaei quod deforis est calicis et parapsidis et catini mundatis quod autem intus est vestrum plenum est rapina et iniquitate. Stulte nonne qui fecit quod deforis est etiam id quod deintus est fecit Verumtamen quod superest date elemosynam. Et haec omnia munda sunt vobis. (L 11)

161 Dominus sit semper vobiscum. Et cum spiritu tuo.

161 Laudabo nomen Dei mei cum cantico magnificabo eum in laude

161 Aedificavit Abraham altare in locum quem ostenderat ei Deus et obtulit super illud Isaac filium suum et elevans oculos vidit post tergum arietem quem accepit et obtulit holocaustum pro filio alleluia

161 Dixit Dominus ad Abraham tolle filium tuum unigenitum quem diligis Isaac et vade in terram visionis et offeres mihi illud holocaustum super unum montium quem ostendero tibi. Tunc Abraham consurgens concidit ligna ad holocaustum et abiit ad locum quem ostenderat et Deus.

161 Ad obtinendam Domini misericordiam fratres dilectissimi tota mentis nostrae dirigatur oratio et unitae voluntatis societate vel votis ad Deum a quo audiri cupimus exclamemus ut Ecclesia catholica utilitatum nostrarum mater atque virtutum ita omnium desideria in suo amore contineat ut omnibus bene desiderata dispenset. Sit confessione una dilatatione numerosa singularis sacramento non loco diffusa sit non divisa sit in sacerdotibus gloriosa in doctoribus circunspecta in fraternitate pacifica in ministris sancta in ministeriis illibata in virginibus incorrupta in viduis fructuosa in credentibus foecunda in gentibus libera in languentibus medica in paenitentibus absoluta in errantibus clemens in egentibus dives in pauperibus humilis in divitibus liberalis. Sicque bonis omnibus repleatur ut in nobis potens facta pro nobis et redimat quos requirit et custodiat quos redemit.

162 Deus cuius ineffabilis est clementia profunda pietas infinita miseratio inaestimabilis magnitudo qui sic irasceris ut corrigas castigas ut revoces corripis ut emendes invitas ut diligas flagellas ut parcas preces populi tui libenter amplectere et propitius intuere et quoniam quid mereamur vel quid patiamur agnoscis per te nobis tribue quod rogaris ut ab omnibus tentationibus inimici quibus adversus animam nostram illius sine cessatione grassatur invidia virtutis tuae dextera liberati in regnum tuum mereamur admitti.

162 Adesto Domine supplicationibus nostris et famulorum tuorum oblationibus praesentiam tuae virtutis intersere nullius sit vacua postulatio nullius sit irritum votum ut quod singuli obtulerunt ad nominis tui honorem et cunctis viventibus proficiat ad salutem et defunctis omnibus praestetur ad requiem.

162 Adesto Domine Deus Pater omnipotens precibus nostris et plenitudinem nobis tribue caritatis et pacis ut nos omnes qui de misericordia tua confidimus in spe semper et caritate sine fine vivamus.

162 Dignum et iustum est aeterne omnipotens Deus nos te semper laudare tibique quantas possumus indesinenter gratias agere qui cum unigenito Filio tuo Domino nostro et Spiritu Sancto unus es Deus in personarum trinitate et unus es Dominus in trinitate. Quod enim de gloria tua revelante te credimus hoc de Filio tuo Domino nostro Iesu Christo hoc etiam de Spiritu Sancto sine ulla discretione sentimus ut in confessione verae sempiternaeque deitatis et in personis proprietas et in maiestate unitas et in deitate adoretur aequalitas. Per te enim unum verumque Deum constantiam fides accipit per te virtutem sumit infirmitas et quidquid est in persecutionibus saevum quidquid in morte terrible nominis tui facis confessione feliciter superari unde merito tibi omnes angeli et archangeli clamare non cessant ita dicentes.

163 Sanctus sanctus sanctus Dominus Deus sabaoth pleni sunt caeli et terra gloria maiestatis tuae hosanna filio David hosanna in excelsis benedictus qui venit in nomine Domini hosanna in excelsis.

163 Vere sanctus es Domine et Sanctorum omnium sanctitate praeclarior quem caelestium et terrestrium creatura suum Dominum confitetur et laudat tu enim es propitiatio peccatorum et omnium fidelium.

163 Sanctifica Domine oblatae hostiae munus et votis fidelium adesto propitius ut et quae offeruntur acceptes et offerentes propitiatus sanctifices.

163 Deum vitae nostrae auctorem fratres carissimi et creatorem rerum omnium Dominum agnoscentes pietatem eius supplici confessione ac sedula obsecratione poscamus ut et peccatis nostris clementer ignoscat et ex toto cordis affectu ad se semper clamare nos faciat ita dicentes.

163 Pater noster qui es in caelis. Amen. Sanctificetur nomen tuum. Amen ... Sed libera nos a malo.

163 Humiliate vos benedictioni. Dominus sit semper vobiscum.

163 Benedictio vos Domini comitetur ubique sibique vos semper faciat adhaerere. Ipse vos benedictione sua salvificet qui dignatus est plasmare potenter. Atque ita vos praestet feliciter vivere ut sanctorum meritis efficiat coheredes.

163 Per misericordiam ipsius

163 Dominus sit semper vobiscum. Et cum spiritu tuo.

163 Gustate et videte

163 Gustantes Domine suavitatis tuae dulcedinisque plenitudinem quaesumus ut sit nobis hoc in remissionem peccatorum et sanitatem mentium.

164 In nomine Domini nostri Iesu Christi perficiamus cum pace

164 Ecce dies veniunt dicit Dominus et feria domui Israel et domui Iuda fedus novum. Non secundum pactum quod pepigi cum patribus vestris in die qua apprehendi manum eorum ut ducerem eos de terra Aegypti. Pactum sive testamentum quod irritum fecerunt et ego dominatus sum eorum dicit Dominus. Sed hoc erit pactum quod feriam cum domo Israel. Post dies illos dicit Dominus dabo legem meam in visceribus eorum et in corda eorum adscribam eam. Et ero eis in Deum et ipsi erunt mihi in populum. Et non docebit ultra vir proximum suum et vir fratrem suum dicens cognosce Dominum. Omnes enim cognoscent me a minimo eorum usque ad maximum ait Dominus. Quia propitiabor iniquitati eorum et peccati eorum non ero memor amplius. (Jr 31)

164 Dominus sit semper vobiscum. Et cum spiritu tuo.

164 Ubi sunt misericordiae tuae antiquae Domine sicut iurasti David in veritate tua

164 Quoniam dixisti Domine in aeternum aedificabitur veritas tua disposuisti testamentum electis tuis

164 Silentium facite.

164 Scimus quod lex spiritualis est ego autem carnalis sum venundatus sub peccato quod enim operor non intelligo. Non enim quod volo hoc ago sed hoc illud quod odi facio. Si autem quod nolo illud facio consentio legi quoniam bona est. Nunc autem iam non ego operor illud sed quod habitat in me peccatum. Scio enim quod non habitat in me hoc est in carne mea bonum. Nam velle adiacet mihi perficere autem bonum non invenio. Non enim quod volo hoc facio sed quod nolo malum hoc ago. Si autem quod nolo illud facio non ego operor illud sed quod habitat in me peccatum. Invenio autem legem volentem mihi facere bonum quoniam mihi malum adiacet. Condelector enim legi Dei secundum interiorem hominem. Video autem alteram legem in membris meis repugnantem legi mentis meae et captivantem me in lege peccati quae est in membris meis. Infelix ego homo quis me liberabit de corpore mortis huius Gratia Dei vita et pax per Iesum Christum Dominum nostrum. (R 7)

165 Omnis qui dixit verbum suum in filium hominis remittetur illi. Ei autem qui Spiritum Sanctum blasphemaverit non remittetur ei. Cum autem induxerint vos in synagogas ad magistratus et ad potestates nolite solliciti esse qualiter aut quid respondeatis aut quid dicatis. Spiritus enim Sanctus docebit vos in ipsa hora quae oporteat dicere. Ait autem homo de turba. Magister dic fratri meo ut dividat mecum hereditatem. At ille dixit ei o homo quis me constituit iudicem aut divisorem super vos Dixitque ad illos. Videte et cavete ab omni avaritia quia non in abundantia cuiusquam vita eius est ex hisquaepossidet. Dixit autem similitudinem ad illos dicens. Hominis cuiusdam divitis uberes fructus ager tulit et cogitabat intra se dicens. Quid faciam quia non habeo quo congregem fructus meos Et dixit. Hoc faciam. Destruam horrea mea et maiora faciam et illuc congregabo omniaquaenata sunt mihi et bona mea et dicam animae meae. Anima habes multa bona reposita in annos plurimos. Requiesce comede bibe et epulare. Dixit autem illi Deus. Stulte hac nocte animam tuam repetent a teque autem parasti cuius erunt Sic est qui sibi thesaurizat et non est in Deo dives. Dixitque ad discipulos suos. Ideo dico vobis nolite solliciti esse anime quid manducetis neque corpori quid vestiamini. Anima plus est quam esca et corpus quam vestimentum. Considerate corvos quia non seminant neque metunt quibus non est cellarium neque orreum et Deus pascit illos quanto magis vos pluris estis illis Quis autem vestrum cogitando potest adiicere ad staturam suam cubitum unum Si ergo neque quod minimum est potestis quid de ceteris solliciti estis Considerate lilia quomodo crescunt neque laborant neque nent. Dico autem vobis quia nec Salomon in omni gloria sua vestiebatur sicut unum ex istis. Si autem fenum quod hodie in agro est et cras in clibanum mittitur Deus sic vestit quanto magis vos pusilli fidei. Et vos nolite quaerere quid manducetis aut quid bibatis et nolite in sublime tolli. haec enim omnia gentes mundi querunt. Pater autem vester scit quoniam his indigetis. Verumtamen querite primum regnum Dei etiustitiam eius et haec omnia adiicientur vobis. (L 12)

166 Dominus sit semper vobiscum. Et cum spiritu tuo.

166 Firmetur manus tua Deus et exaltetur dextera tua

166 Aedificavit Moyses altare Domino offerens super illud holocaustomata inferens victimas fecit sacrificium matutinum in odorem suavitatis Domino Deo. In conspectu filiorum Israel alleluia.

166 Locutus est Dominus ad Moysen dicens ascende ad me in montem Sina stabis super cacumen eius audiens Moyses ascendit in montem ubi constituit ei Deus et descendit ad eum Dominus in nube et adstitit ante faciem eius. Videns Moyses procidens adoravit dicens obsecro Domine dimitte peccata populi tui et ait ad eum Dominus faciam secundum verbum tuum.

166 Accedentes ad Domini mysterium fratres carissimi debemus deferre ad publicum crimina si ad iudicium nolumus sustinere tormenta debemus hominibus humiliari si volumus coram angelis gloriari debemus lugere in saeculo si volumus regnare cum Christo debemus honorem temporalem spernere si volumus sempiternam gloriam obtinere. Non nobis haec verbis sunt quaerenda sed meritis non labiis pronuntianda sed lacrimis non vestium aienda abiectione sed mentium non sola crinium nuditate sed criminum. In religionis professione testimonium habeat non habitus sed proventum. Non ovium velleribus luporum est occultanda rapacitas quo simulata innocentia credulum dum palpat eviscerat. Non candidis parietibus fetidi cadaveris est vestienda corruptio quo mentita species admirantem dum exteriori nitore provocat interiori peste corrumpat. Non parvi mellis crate fellis claudenda pernities quo fucate suavitatis illecebra dum gustantem insidioso sapore blanditur amicitia laborum amaritudo sit viscerum. Timeamus Deum occultum in conscientia testem et publicum in examinatione censorem. Non illa quaerit pro ignorantia confessionem sed pro misericordia confitentem et qui potest in occulto scelere habere notitiam non vult in prodito proferre vindictam. Sic sic absolvet pietas humiles et punit severitas contumaces.

167 Per misericordiam ipsius

167 Portamus Domine onera iniquitatum nostrarum curva cervice corde contrito et vix tandem in supplicio nostro didicimus paenitere qui reatum nostrum nolebamus ante cognoscere. Sed tu Domine qui mansuetas fecisti in vivario feras et refrigerasti in fornacis medio flammas alleva manum tuam in adiutorium nostrum et tutissimum nobis praesta defensionis tuae in afflictione suffragium ut quos peccatorum pondus inclinat misericordiae tuae virtus attollat. Et quoniam propter peccata nostra ad terram corruimus per infatigabilem bonitatem tuam misericorditer sublevemur ut quos diversarum iniquitatum arguunt actiones indulgentia pietatis tuae faciat innocentes.

167 Omnipotens sempiterne Deus qui nos ad aeternam vitam confessione tui nominis et sacramento baptismatis clementer invitas votis nostris quaesumus praesentiam tuae virtutis intersere et offerentium munera dignanter intende ut et his sanctificationis gratiam et defunctis tribuas requiem sempiternam.

168 Deus pacis conditor et caritatis individuae attributor praesta quaesumus omnes vinculo caritatis adstringi et concordiae benignitate coniungi ut et pacifici pacis perseverantiam teneant et discordes dono tuae misericordiae ad caritatem sese convertant.

168 Quia tu es vera pax nostra et caritas indisrupta vivis tecum et regnas cum Spiritu Sancto unus Deus in saecula saeculorum.

168 Dignum et iustum est nos tibi gratias agere Domine sancte Pater aeterne omnipotens Deus per Iesum Christum Filium tuum Dominum nostrum qui tecum in origine mundi et cum Spiritu Sancto mundo praebuit lucem extendit caelum virtute fundavit aridam sapientia divisit aquas intellectu simulque in his universa creavit extremo hominem ad imaginis et similitudinis suae formam constituens spiraculo vitae rationabilis animavit. Et nunc Domine tu es humani generis conditor et omnium in te credentium in assumpto homine sanguinis effusione redemptor te metuunt potestates tibique omnes famulantur virtutes te duodenus senum coruscus ordo te etiam collaudat ineffabilis angelorum multiplex legio. Tibi cherubim ac seraphim senarum volatus stridore alarum aeternae laudis trigemina voce carmina concinentes incessanti voce canticum laudis exsolvunt ita dicentes

168 Sanctus sanctus sanctus Dominus Deus sabaoth pleni sunt caeli et terra gloria maiestatis tuae hosanna filio David hosanna in excelsis benedictus qui venit in nomine Domini hosanna in excelsis.

168 Vere sanctus vere gloriosus Domine Deus noster. Te in caelestibus spiritalia te in terrenis humana venerantur et dum in supernis maiestas gloriae tuae attollitur in imis potentia virtutis augetur. Hic proferuntur obsequia mentium illic gaudia relaxantur animarum. Christum igitur rogemus auctorem quem scimus nobis celebrandum esse post mortem.

168 Habemus quidem Domine relictum a te viaticum sed promissum nostri desiderii exspectamus affectum et qui corpus tuum illud accepimus ad edendum in quo es humiliatus in terra illud concupiscimus ad videndum in quo es exaltatus in gloria. Nunc enim videmus in speculo et enigmate tunc autem facie ad faciem tuam licebit gloriam contueri ubi enim nemo cibum requiret quia nullus esuriet nemo peregrinum suscipiet quia omnes in patria sua vivent nemo visitabit aegrotum ubi aeternae salutis permanebit hereditas nemo operiet nudum quia omnes luce perpetua vestientur nemo mortuum sepeliet ubi omnes sine termino vivent. Sed tu Domine hic ista quae a nobis sunt percipienda sanctifica ut haec sumentes ad praemia pervenire mereamur aeterna.

169 Te praestante sancte Domine quia tu haec omnia nobis indignis servis tuis valde bona creas sancti+cas vivificas + bene+dicis + ac praestas nobis ut sit benedicta a te Deo nostro in saecula saeculorum.

169 Pietatem Dei Patris poscamus fratres carissimi ut praestet nobis indignis servis suis corpus hoc Domini nostri Iesu Christi Filii sui ad remedium animae nostrae percipere et hunc sacrosanctum sanguinem eius sine ullo conscientiae reatu libare. Quatenus requiescente in cordibus nostris suae pietatis dilectione orationem quam apostolos suos docere dignatus est dicere mereamur e terris

169 Humiliate vos benedictioni. Dominus sit semper vobiscum.

169 Omnipotens Dominus peccatorum vestrorum maculas purget et sua vos benedictione sanctificet. Repleat vos Dominus spiritalium dono virtutum et perseverare faciat in bonis propositum vestrum. Sicque humilitatem vestram Dominus dignanter acceptet ut suae vos pietatis remuneratione locupletet.

169 Per misericordiam ipsius

169 Gustate et videte

169

169 Audite verbum Domini gentes et annuntiate in insulisquaeprocul sunt et dicite. Qui dispersit Israel congregavit eum et custodivit eum sicut pastor gregem suum. Redimet enim Dominus Iacob et liberabit eum de manu potentioris. Et venient et laudabunt in monte Sion. Et confluent ad bona Domini super frumento et vino et oleo et fetu pecudum et armentorum. Eritque anima eorum quasi hortus irriguus et ultra non esurient. Tunc letabitur virgo in choro iuvenes et senes simul. Et convertat luctum eorum in gaudium et consolabor eos et letificabo a dolore suo. Et inebriabo animas sacerdotum pinguedine et populus meus bonis meis implebitur ait Dominus omnipotens. (Jr 31)

170 Dominus sit semper vobiscum. Et cum spiritu tuo.

170 Adiutor meus es tu Domine suscipe me secundum verbum tuum ne confundas me ab expectatione mea Deus meus

170 Recedant a me maligni et praescrutabor mandata Dei mei adiuva me et salvus ero

170 Silentium facite.

170 Deus Filium suum mittens in similitudinem carnis peccati et propter peccatum damnavit peccatum in carne ut iustificatio legis impleretur in nobis qui non secundum carnem ambulamus sed secundum spiritum. Qui enim secundum carnem suntquaecarnis sunt sapiunt. Qui vero secundum spiritumquaesunt spiritus sentiunt. Nam prudentia carnis mors est. Prudentia autem spiritus vita et pax. Quoniam sapientia carnis inimica est in Deum. Legi autem Dei non subiicitur nec enim potest. Qui autem in carne sunt Deo placere non possunt. Vos autem in carne non estis sed in spiritu. Si tamen spiritus Dei habitat in vobis. Si quis autem Spiritum Christi non habet hic non est eius. Si autem Christus in vobis est corpus quidem mortuum est propter peccatum. Spiritus vero vivit propter iustificationem. Quodsi spiritus eius qui suscitavit Iesum a mortuis habitat in vobis qui suscitavit Iesum Christum a mortuis vivificabit et mortalia corpora vestra propter inhabitantem Spiritum eius in vobis. (R 8)

170 Cum videritis nubem orientem ab occasu statim dicitis nimbus venit et ita fit. Et cum austrum flantem videritis dicitis quia estus erit et fiet. Hypocrite faciem caeli et terrae nostis probare. Hoc autem tempus quomodo non probatis quid autem ex vobis non iudicatis quod iustum est Cum autem vadis cum adversario tuo ad principem in via da operam liberari ab illo ne forte tradat te ad iudicem et iudex tradat te exactori et exactor mittat te in carcerem. Dico tibi non inde exies donec etiam novissimum minutum reddas. Aderant autem quidam in ipso tempore nuntiantes illi de galileis quorum sanguinem Pilatus miscuit cum sacrificiis eorum Et respondens divit illis. Putatis quod hi Galilaei prae omnibus galileis peccatores fuerunt quia talia passi sunt Non. Dico vobis nisi penitentiam habueritis omnes mul peribitis sicut illi decem et octo supra quos cecidit turris in siloam et occidit eos. Putatis quia et ipsi debitores fuerunt preter omnes homines habitantes in Ierusalem Ideo dico vobis sed si non penitentiam egeritis omnes simul peribitis. Dicebat autem hanc similitudinem. Arborem fici habebat quidam plantatam in vinea sua. Et venitquaerens fructum in illa et non invenit. Dixit autem ad cultorem vineae. Ecce anni tres sunt ex quo venioquaerens fructum in ficulnea hac et non invenio. Succide ergo illam ut quid etiam terram occupat At ille respondens dixit illi Domine dimitte illam et hoc anno usque dum fodiam circa illam et mittam stercora siquidem fecerit fructum sin autem in futuro succido eam. Erat autem docens in synagoga eorum sabbatis. Et ecce mulierquaehabebat spiritum infirmitatis annos decem et octo. Et erat inclinata nec poterat omnino sursum respicere. Quam cum vidisset Iesus vocavit ad se et ait illi. Mulier dimissa es ab infirmitate tua et imposuit illi manum et confestim erepta est et glorificabat Deum. Respondens autem archisynagogus indignans quia sabbato curasset Iesus. Dicebat turbe sex dies sunt in quibus oportet operari in his ergo venite et curamini et non in die sabbati. Respondit autem ad illum Dominus et dixit. Hypocrite uniusquisque vestrum sabbato non solvit bovem suum aut asinum a praesepio et ducit adaquare Hanc autem filiam Abrahae quam alligavit Sathanas ecce decem et octo annis non oportuit solvi a vinculo isto die sabbati Et cum haec diceret erubescebant omnes adversarii eius et omnis populus gaudebat in universis quae gloriose fiebant ab eo. (L 12)

171 Dominus sit semper vobiscum. Et cum spiritu tuo.

171 Domine exaudi orationem nostram et clamor noster ad te perveniat

171 Deprecatus est populus faciem Dei et exaudivit illum Dominus et dedit eis salutem. Et immolavit sacerdos holocaustum matutinum in odorem suavitatis alleluia.

171 Oravit Ezechias in conspectu Domini dicens Domine Deus qui sedes super cherubin inclina aurem tuam et audi aperi oculos tuos et vide et salva nos de manu mortis ut sciant omnia regna terrae quia tu es Dominus

171 Rogaturi Deum secretorum omnium cognitorem fratres carissimi hoc primum rogemus ut det affectum quo eum ferventer oremus et munera pia ipsi offeramus ne nobis perfunctorie non veraciter supplicantibus extra hoc sit animus quod oramus ne intus sancti desiderii virtute vacui foris eloquii vanitate conspicui credamus sufficere honestas preces etiam si habeamus improbas voluptates. Det quoque hoc nostrum religionis veritate bonum esse quod diximus ne studio humanae laudis illecti aliud mente quam voce proferimus cupiamus et labia cordis officio destituta inutilem reddant velut cymbala sonitum aut aeramenta tinnitum sed illum in nobis amorem suum caelestis pietas dignetur infundere qui totam conscientiam linguamque possideat qui orationem cogitatione non deserat qui aliud quam significat non requirat pro quo nostra confessio talis ante Deum studeat fieri qualis inter homines vult videri.

171 Exaudi nos Domine Deus noster et humanae iniquitatis oblitus divinae solius misericordiae recordare exaudi quaesumus dum peccare nos pateris dum emendare nos praecipis dum rogare permittis dum patientia redditum quaerendae correctionis exspectas dum iustitia metum futurae discussionis insinuas dum misericordia locum evadendae mortis ostentas inveniant ante oculos tuos sacrificia nostra gratiam peccata veniam vulnera medicinam suspiria pietatem flagella consolationem lamenta temperiem tempora quietem officia dignitatem vota mercedem. Mereatur petitio effectum contritio solatium consecratio sacramentum oblatio sanctificatione pinguescat trepidatio securitate discedat benedictio salubritate proficiat ut in omnibus multiplici pietatis tuae gratia redundante erigas plebem dum laetificas sacerdotem.

172 Oblationem familiae tuae sereno quaesumus Domine vultu dignare respicere et petitionibus eorum fave clementer ut dono tuae clementiae muniti et vivi mereantur impetrare praesentis vitae suffragia et defunctis omnibus requies praestetur aeterna.

172 Deus qui unanimitatem amplecteris et in corde pacifico requiescis da quaesumus puram omnibus pacem da cunctis fidelibus mutuam caritatem tribue fidelia oscula sincera colloquia ut nec publicis quidquam inimicitiis liceat nec secretis atque odisse nesciat fratrem qui te suum caeperit amare factorem.

172 Quia tu es vera pax nostra et caritas indisrupta vivis tecum et regnas cum Spiritu Sancto unus Deus in saecula saeculorum.

172 Dignum et iustum est omnipotens Deus nos tibi gratias agere per Iesum Christum Filium tuum Dominum nostrum qui homo factus quod homo deliquerat amputavit et in deitate paterna indemutabilis mansit qui novissimus Adam effectus in Spiritu vivificavit quos Adam primus mortificaverat damnatione peccati. Denique et per oboedientiam aeterno Deo nos reconciliavit et Patri quos a consortio beatitudinis transgressio terreni removerat genitoris atque ille singulari remedio incarnationis suae passionisque sanguine innovatam reddidit creaturam unde nos debilis vetustas expulerat peregit haec omnia humiliatus in homine qui numquam probatur a paterna degenerasse virtute. Sic homo factus est ut hominibus subveniret et a paterna substantia numquam recederet permansit in divinitatis natura cum homines reconciliaret ex gratia similis effectus est nobis qui numquam est a paterna potestate dissimilis ac sic praefuit hominibus assumens humanitatem ut numquam naturalem amitteret deitatem. Cui merito omnes angeli laudare non cessant ita dicentes.

173 Sanctus sanctus sanctus Dominus Deus sabaoth pleni sunt caeli et terra gloria maiestatis tuae hosanna filio David hosanna in excelsis benedictus qui venit in nomine Domini hosanna in excelsis.

174 Vere sanctus vere benedictus Dominus noster Iesus Christus Unigenitus tuus primogenitus noster primogenitus in gratia unigenitus in natura primogenitus quia nemo ante ipsum unigenitus quia nemo post ipsum qui cum in forma Dei esset non rapinam arbitratus est esse se aequalem Deo sed semetipsum exinanivit formam servi accipiens perfectus in tuis et verus in nostris.

174 Facientes commemorationem passionis et mortis et resurrectionis Domini nostri Iesu Christi Filii tui precamur omnipotens Pater ut has hostias sancto altario tuo superpositas intendas propitius sanctifices et benedicas ac sumentibus ad salutem pertingere concedas.

174 Praesta Pater sancte per quem tu haec omnia nobis indignis.

174 Sit licet fratres carissimi peccatorum nostrorum plurima multitudo non tamen est de misericordia Domini diffidendum si totis ad eum nisibus convertamur quia ergo melius cordis humilitate et oris confessione placatur quam victimis humiliemus nos ante eum omnes et toto mentis affectu clamemus e terris

174 Humiliate vos benedictioni. Dominus sit semper vobiscum.

174 Benedicat vobis Dominus et propitius vos sanctificare dignetur. Fidem vestram roboret promissis donorum caelestium et spe nutriat incrementis praesentium gaudiorum. Ipse quoque vos glorificet praemio aeternitatis qui redimere dignatus est pretio passionis.

175 Per misericordiam ipsius

175 Dominus sit semper vobiscum. Et cum spiritu tuo.

175 Gustate et videte

175 Christi Domini nostri gratia satiati gratias agimus perpetuae Trinitati cuius sanguine sumus pretio magno redempti petimus itaque sacramentorum tuorum meritis ut de hoc saeculo nequam eripiamur illaesi.

175 Per misericordiam tuam Deus noster qui es benedictus et vivis et omnia regis in saecula saeculorum.

175 Dominus sit semper vobiscum. Et cum spiritu tuo.

175 Convertimini filii revertentes et sanabo aversiones vestras. Ecce nos venimus ad te tu es enim Dominus Deus noster. Vere mendaces erant colles et multitudo montium. Vere in Domino Deo nostro salus Israel. Confusio comedit laborem patrum nostrorum ab adolescentia nostra. Greges eorum et armenta eorum filios eorum et filias eorum. Dormiemus in confusione nostra et operiet nos ignominia nostra. Quoniam Domino Deo nostro peccavimus nos et patres nostri ab adolescentia nostra usque ad diem hanc et non audivimus vocem Domini Dei nostri. Si converteris Israel ait Dominus ad me convertere. Si abstuleris offendicula tua a facie mea non commoveberis et iurabis vivit Dominus in veritate et in iudicio et iniustitia. Et benedicent eum gentes ipsumque laudabunt. (Jr 3)

175 Dominus sit semper vobiscum. Et cum spiritu tuo.

175 Pone Domine custodiam ori meo et ostium circumstantiae labiis meis ut non declinet cor meum

175 Custodi me Domine a laqueo quem statuerunt mihi et a scandalis operantibus iniquitatem quia ad te Domine oculi mei in te speravi non tradas animam meam.

175 Silentium facite.

176 Obsecro vos per nomen Domini nostri Iesu Christi ut id ipsum dicatis omnes et non sint in vobis scismata. Sitis autem perfecti in eodem sensu et in eadem sententia. Significatum est enim mihi de vobis fratres mei ab his qui sunt Cloes quia contentiones inter vos sunt. Hoc autem dico quod unusquisque dicit. Ego quidem sum Pauli ego autem Apollo ego vero Cephae ego autem Christi. Divisus est ergo Christus. Numquid Paulus crucifixus est pro vobis aut in nomine Pauli baptizati estis Gratias ago Deo quod neminem vestrum baptizavi nisi Crispum et Caium. Ne quis dicat quod in nomine meo baptizati estis. Baptizavi autem et Stephane domum. Ceterum nescio si quem alium baptizaverim. Non enim misit me Christus baptizare sed evangelizare. Non in sapientia verbi ut non evacuetur crux Christi. (1K 1)

176 Si quis venit ad me et non odit patrem suum et matrem uxorem et filios fratres et sorores adhuc et animam suam non potest meus discipulus esse. Quis enim ex vobis volens turrem aedificare et non sedens prius computat sumptus qui necessarii sunt si habeat ad perficiendum ne postea quam posuerit fundamentum et non potuerit perficere omnes qui viderint incipiant illudere dicentes quia hic homo coepit aedificare et non potuit consummare aut quis rex iturus committere bellum adversus alium regem non sedens prius cogitat si posset cum decem milibus occurrere ei qui cum viginti milibus venit ad se Alioquin adhuc illo longe agente legationem mittens rogat eaquaepacis sunt. Sic ergo omnis ex vobis qui non renunciat omnibus quae possidet non potest esse meus discipulus. Bonum est sal Si autem sal quoque evanuerit in quo condietur neque in terra neque in exterquilino utile est sed foras mittetur. Qui habet aurem audiendi audiat. (L 44)

176 Dominus sit semper vobiscum. Et cum spiritu tuo.

176 Domini est terra et plenitudo eius orbis terrarum et universi qui habitant in ea

177 Aedificavit Gedeon altare Domino et vocavit nomen loci illius pax Dei alleluia et apparuit ei Dominus dicens tolle sacrificium et offeres super illud holocaustum mihi in odorem suavitatis alleluia alleluia alleluia

177 Alleluia venit angelus Domini ad Gedeon et dixit ad eum Dominus tecum virorum fortissime et ille respondens dixit ad eum si nobiscum est Dominus quare apprehenderunt nos omnia mala ubi sunt mirabilia eiusquaenarraverunt patres nostri in die qua eduxit eos de Aegypto et aspexit ad eum Dominus et duxit ad eum tu liberabis populum meum de manu inimicorum eius quia ego ero tecum et obtulit Gedeon victimas Domino.

177 Deum a quo averti cadere est ad quem converti resurgere a quo exire mori in quo manere vivere et consistere ad quem redire viviscere quem nemo quaerit nisi ratione commonitus nemo invenit nisi corde purgatus nemo amittit nisi errore deceptus intentis fratres carissimi precibus orando rogemus ut in nobis quaesitus exsistat neque cum fuerit invocatus abscedat sed sensibus nostris studio misericordiae suae se inserat.

177 Domine Deus qui te a nobis indesinenter rogari vis et clementer tribuis ut rogeris qui das votum optanti et pie viventi nihil denegas praeroga quod audias ut perficias quod acceptas da nobis quod ames in nobis ut digneris semper exaudiri pro nobis. Tribue vota fidelia sancta desideria prompta officia sedula mysteria verba supplicia grata eloquia praeconia indefessa sint purae preces petitiones commodae supplicationes iustae rogationes crebrae laudes assiduae ut ad salutem aeternam omnia praestes omnibus dum invocaveris ad omnibus.

177 Omnipotens sempiterne Deus adesto quaesumus precibus supplicantium tibi propitius et humilitatis nostrae oblationem attende placatus ac praesta Domine ut sacrificium hoc quod offerimus et nobis omnibus proficiat ad salutem et defunctis omnibus praestetur ad requiem.

177 Omnipotens Domine a quo est humilitatis bonum et caritatis studium da quaesumus nobis omnibus caritatis et humilitatis affectum ut humiles ac pacifici in caritate Dei et proximi vivere gratulemur.

178 Dignum et iustum est te Domine orare semper et invocare qui servorum tuorum precibus ab initio propitiatus annuis et placatus ostenderis quibus te invocantibus et beneficia praerogas et mirabilia patras indulgentiam non denegas benevolentiam praestas et providentiam demonstras. Sic Moyses manibus in crucis typum te orando porrectis in Amalec diabolum superavit sic Josue invocans Dominum in tanto nomine dum hostem prosternit diem tetendit ut Iesus noster lux vera venturus in excidio tenebrarum semper excresceret sic Samuel teste Christo Dei evangelicis intonans monitis populi dura praecordia precibus emissis turbines terruit tonitruaque concussit sic David hymnidicus orationum gratia psalmorum modulationem reddidit dulciorem sic Salomon extensis et ipse manibus dum orando crucis figuram expressit templum Domini dedicavit sic Asaph et Iosephat nobilissimi reges dum pie Dei populo praesunt hostium catervas immensas prece potius quam ense prostrarunt sic Ezequias flendo dum de morte rediit ad vitam solis occiduas horas convertit in ortum. Sic Elias quasi clavem aetheris ore gestaret oratione caelum clausit et reseravit sic Eliseus exanimes incumbendo alefaciens artus vivificavit oratione defunctum sic Ionas pelago dimersus ceto voratus nequaquam ab oratione cessavit quem in sinuosi ventris antro precantem nec belua potuit laedere nec procella sic tres orantes pueri incendia non sensere rotantia et crepitantium flammarum strepitum precum concentu vincere sic in lacu Daniel oratione leonum avidos rictus adaciaque ora restrinxit. Sic idem Dominus noster Iesus Christus fidelis in verbis suis et sanctus in omnibus operibus suis sequentibus se orandi normam in qua sit summa salus instituit sic orare apostolos et numquam deficere imperavit sic pie fideliterque poscentibus quidquid in oratione credentes petierint se praestaturum spopondit sic ante passionem orando non solum Patri discipulos comendavit sed etiam in passione pro inimicis oravit sic in dextera Dei exaltatus perpetim regnat et pro nobis iugiter interpellat. Quem tecum Pater in unitate Spiritus Sancti caelorum ille exercitus innumerabilis Creatorem laudat excolit precatur adorat glorificat honorat veneratur exaltat atque indefesso praeconio benedicit attollit confitetur ac dicit.

179 Sanctus sanctus sanctus Dominus Deus sabaoth pleni sunt caeli et terra gloria maiestatis tuae hosanna filio David hosanna in excelsis benedictus qui venit in nomine Domini hosanna in excelsis.

179 Vere sanctus vere benedictus Dominus noster Iesus Christus Filius tuus qui repudiata inmundorum contagione libaminum simplicem ritum novae sanctionis instituit docuitque discipulos suos inter haec sacrosancta sollemnia innocentia pura vivere et Deo soli hostiam laudis offerre.

179 Credentes Domine universa mirabilia Domini nostri Iesu Christi Filii tui atque incarnationis suae et divinitatis potentiam confitentes in tuis laudibus exsultamus tibique sacrificium laudis offerimus rogantes clementiam tuam summa Trinitas Deus et infinita maiestas ut haec oblatio quam in sancto altario tuo deferimus pro nostrorum expiatione facinorum sit tuis oculis placita sit semper accepta simulque effice illo sancto Spiritu superveniente septiformi benedicta quo ubique Deus manifestetur in ea ut te benedicente si quis ex ea libaverit te largiente et in hoc saeculo percipiat medicinam et in futuro consequatur vitam aeternam.

179 Simus ad Deum fratres carissimi pro salute nostra solliciti qui de meritorum nostrorum non sumus felicitate securi et quia omnibus opus est indulgentia Redemptoris ad impetrandam eius misericordiam omnes unanimiter clamemus e terris.

179 Humiliate vos benedictioni. Dominus sit semper vobiscum.

179 Clementissimus Dominus in cuius manu est universa prosperitas caritatis semper et pacis vobis tribuat incrementa. In bonis actibus unanimes atque concordes sitis ut a praeceptis Domini nullatenus devietis. In timore Domini mens vestra firma permaneat et eius vos misericordia perenniter regat.

180 Per misericordiam ipsius

180 Dominus sit semper vobiscum. Et cum spiritu tuo.

180 Gustate et videte

180

180 Verbum quod factum est ad Ieremiam a Domino dicens Sta in porta domus Domini et praedica ibi verbum istud et dic. Audite verbum Domini domus Iuda qui ingredimini per portas has ut adoretis Dominum. Hoc dicit Dominus exercituum domus Israel bonas facite vias vestras et studia vestra et habitabo vobiscum in loco isto. Nolite confidere in verbis mendacii dicentes. Templum Domini templum Domini templum Domini est. Quoniam si benedixeritis vias vestras et studia vestra. Si feceritis iudicium inter virum et proximum eius advene et pupillo et vidue non feceritis calumniam nec sanguinem innocentem effuderitis in loco hoc et post Deos alienos non ambulaveritis in malum vobismetipsis habitabo vobiscum in loco isto a saeculo et usque in saeculum. (Jr 7)

180 Dominus sit semper vobiscum. Et cum spiritu tuo.

180 Deus virtutum convertere nunc respice de caelo et vide et visita vineam istam

180 Extendisti palmites eius usque ad mare et usque ad flumen propagines eius quare Domine destruxisti maceriam vineae tuae et vindemiant eam omnes transeuntes viam devastavit eam aper de silva et singularis ferus depastus est eam

180 Silentium facite.

180 Nobis revelavit Deus per Spiritum suum sanctum. Spiritus enim omnia scrutatur etiam profunda Dei. Quis enim scit hominumquaesunt hominis nisi spiritus hominis qui in ipso est. Ita et qui Dei sunt nemo cognovit nisi spiritum Dei. Nos autem spiritum mundi non accepimus sed spiritum qui ex Deo est ut sciamus quae a Deo donata sunt nobisquaeet loquimur. Non in doctis humanae sapientiae verbis sed in doctrina spiritus spiritalibus spiritalia comparantes. Animalis autem homo non percipit ea quae sunt Spiritus Dei. Stulticia est enim illi et non potest intelligere. Quia spiritualiter examinatur. Spiritualis autem iudicat omnia et ipse a nemine iudicatur. Quis enim cognovit sensum Domini aut quis instruat eum. Nos autem sensum Christi habemus. Et ego fratres non potui vobis loqui quasi spiritualibus sed quasi carnalibus tanquam parvulis in Christo lac vobis potum dedi non escam. Nondum enim poteratis sed nec nunc quidem potestis adhuc enim estis carnales. Cum enim sit inter vos zelus et contentio nonne carnales estis et secundum hominem ambulatis cum enim quis dicit ego quidem sum Pauli alius autem ego Apollo nonne homines estis Quid igitur est Apollo Quid vero Paulus Ministri eius cui credidistis et unicuique sicut Dominus dedit. Ego plantavi Apollo rigavit et Dominus incrementum dedit. (1K 2)

181 Homo quidam habuit duos filios et dixit adolescentior ex illis patri. Pater da mihi portionem substantiequaemihi contingit. Et divisit illi substantiam suam. Et non post multos dies congregatis omnibus adolescentior filius peregre profectus est in regionem longinquam et ibi dissipavit substantiam suam vivendo luxuriose. Et postquam omnia consummasset facta est fames valida in regione illa et ipse coepit egere. Et abiit et adhesit uni civium regionis illius et misit illum in villam suam ut pasceret porcos. Et cupiebat implere ventrem de siliquis quas porci manducabant et nemo illi dabat. In se autem reversus dixit. Quanti mercenarii patris mei abundant panibus ego autem fame pereo Surgam et ibo ad patrem meum et dicam illi. Pater peccavi in caelum et coram te. Iam non sum dignus vocari filius tuus fac me sicut unum de mercenariis tuis. Et surgens venit ad patrem suum. Cum autem adhuc longe esset vidit illum pater ipsius et misericordia motus est. Et adcurrens cecidit supra collum eius et osculatus est illum. Dixitque ei filius. Pater peccavi in caelum et coram te iam non sum dignus vocari filius tuus. Dixit autem pater ad servos eius. Cito proferte stolam primam et induite illum et date annulum in manu eius et calciamenta in pedibus eius et occidite vitulum saginatum et manducemus et epulemur quia hic filius meus mortuus fuerat et revixit perierat et inventus est. Et coeperunt epulari. Erat autem filius eius senior in agro. Et cum veniret et appropinquaret domui audivit symphoniam et chorum et vocavit unum de servis et interrogavit quid haec essent. Et dixit illi. Frater tuus venit et occidit pater tuus vitulum saginatum quia salvum illum recepit. Indignatus est autem et nolebat introire. Pater illius egressus coepit rogare illum. At ille respondens dixit patri suo. Ecce tot annis servio tibi et nunquam mandatum tuum preterivi et nunquam dedisti mihi edum ut cum amicis meis epularer. Sed postquam filius tuus hic qui devoravit substantiam suam cum meretricibus venit occidisti illi vitulum saginatum. At ipse dixit illi. Fili tu mecum semper es et omnia mea tua sunt. Epulari autem et gaudere te oportebat quia hic frater tuus mortuus fuerat et revixit perierat et inventus est. (L 15)

182 Dominus sit semper vobiscum. Et cum spiritu tuo.

182 Dextera Domini fecit virtutem dextera Dei exaltavit me

182 Accepit librum Moyses coram altare Domini et recitavit in aures populi dicens hic est sanguis testamenti. In omnibus preceptisquaeconstituit vobis Dominus alleluia.

183 Convocavit Moyses omnem synagogam filiorum Israel et dixit ad eos haec sunt verba quae praecepit mihi Dominus ut faciatis ea et sumite vobis ipsis decimationem Domino et omnis qui suscipit ex toto corde offerat munera et si quis in vobis sapiens est et rectus corde veniens operetur

183 Deum qui est aeternitas angelorum ... quod ab illo fideliter postulamus

183 Deus une et immense qui tam misericorditer lapsorum defectum reparas quam potenter eorum quae non erant statum aedificas da Ecclesiae tuae sanctae catholicae et fidei plenitudinem quam illi dedisti semper perfecte tenere et his qui per lapsum opens in illa succumbunt ex miseratione reparationem adesse quo et aeternitatem per fidem acquirant et gloriae dignitatem per opus obtineant.

183 Aeternum te Dominum et indeficiens bonum acclines servi tui humiliter obsecramus ut qui et beatitudinem fidelibus et remissionem delinquentibus non nisi intra sanctam Ecclesiam conferri posse sanxisti des et viventibus in ea sine lapsu consistere et defunctis per eius supplicationem a debitis suppliciis liberari ut et viventium te lingua simul et vita glorificet et defunctorum requies aeterna exsultatione concelebret.

183 Pax indiscissa et praemium perpetuae pacis aeterne Deus qui et pacem angelis aeterno foedere collocasti et ad huius participium pervenire aditum etiam hominibus praebuisti dona nobis servis tuis et pacem temporis sequi et pacem aeternitatis habere ut dum in pacis voto transeunt tempora in pacis regno conquiratur possessio sempiterna.

183 Dignum et iustum est magnarum virtutum terribilis Deus et copiosarum miserationum ineffabilis Domine te benedicere te glorificare et vocibus quibus possumus perenni devotione laudare qui Ecclesiam tuam sanctam catholicam tanto eam tibi redemptionis eius mysteriorum celebritate iunxisti quanto et illam tibi coniungendam aeternitatis consilio definisti. Quae quoniam nescit alienae perfidiae contagio sauciari merito tibi inhaerens teque diligens atque sequens in suis praessuris te invocat teque rogat in huius sacrificii singularis sacramento per Sancti Spiritus acceptum pignus veram fiduciam tenens ut ab eius sinceritatis statu omnem contradictionem omnesque contradicentes avertas Obstruas ora adversus veritatem eius falsa loquentium et comminuas prorsus omne quod in contradictionis eius acie aut venenorum serpit aut falsum insurgit aut rectum substat aut exortum turbat aut quodlibet rectae fidei et sanctae operationis dignitatem impugnat non lingua verbis elata non manus gladiis plena non temptatio crebra vel valida non potestas quaelibet quocumque ictu nocendi pavenda vel noceat aut improbo convalescat. Sed elisis ac destructis adversantibus cunctis tanto tibi in hac vita tranquilla serviat libertate quanto tibi veritatis praeconio cum universitate militiae caelestis hunc laudis hymnum concinit et proclamat ita fideliter dicens.

184 Sanctus sanctus sanctus Dominus Deus sabaoth pleni sunt caeli et terra gloria maiestatis tuae hosanna filio David hosanna in excelsis benedictus qui venit in nomine Domini hosanna in excelsis.

184 Vere sanctus vere gloriosus vere multae pietatis Dominus unigenitus Iesus Christus Filius Dei vivi qui cum Patre manens aeternitatis tuae prospectu definieras unam tibi de gentibus congregandam Ecclesiam copulare cuius copulationis mysterium in hoc sacramento corporis et sanguinis tui vera exhibitione complesti ad inhaerendam tibi emundans illam aqua baptismatis exhilarans oleo unctionis satians pane corporis et laetificans vino effusi cruoris ipse Redemptor eius ipse pro ea factus pretium emptionis. Non dans pro ea quamlibet pretiosam rem quae tamen esset quacumque vetustate solvenda quoniam et haec quae emenda erat nec vetustatis putredine nec vilitatis sorde poterat quandoque fatescere sed vere teipsum dans aeternum atque immortalem ad mortem humilians emisti illam ita eruens eam a ditione mortis ut conformares eam ad immortalitatis tuae gloriam et beatitudinem sempiternam unde et haec talium beneficiorum indesinenter memor exsistens cum fide et gratulatione sincera tuae institutionis et suae redemptionis verba commemorat.

185 Deferentes altaribus tuis Domine oblationum vota non merita precamur multarum misericordiarum tuarum gloriam tuam ut illam quae se omnibus offert si sit qui eam mereatur accipere pietatis tuae omnipotentissimam bonitatem ut sit rationabile obsequium nostrum et fiat haec oblatio in remissionem peccatorum per viscera misericordiae caritatis divinae faciasque hanc hostiam vivam placentem tibi sanctam ac benedictam. Referatur in sacrificio iustitiae ex quo in excelsis suavitatis odor ascendat et holocaustum igne fidei ardens per membra populi dividendum quod omnium sanctorum nobis patrocinia acquirat et per eorum fortissimas preces firmamenta auxilii caelestis obtineat.

185 Sit iugis ad Deum fratres carissimi nostra humilitatis intentio et pro cotidianis peccatis indefessa precatio ut corde creduli et devotione strenui fideliter clamemus e terris.

185 Humiliate vos benedictioni. Dominus sit semper vobiscum.

185 Largitor gratiarum Dominus Iesus Christus benedictionis suae vobis remedia largiatur. Abstergat propitius mala omnia quae gessistis et tribuat veniam quam ab eo deposcitis. Eius concedente clementia et indulgentiam criminum et caelestis gloriae mereamini percipere regnum.

185 Per misericordiam ipsius

186 Dominus sit semper vobiscum. Et cum spiritu tuo.

186 Gustate et videte

186 Passionis dominicae calicem delibantes et sacrosancti corporis suavitatem gustantes gratias et laudes ei referamus in domo eius laeti et hilares ambulantes.

186 Per misericordiam tuam Deus noster qui es benedictus et vivis et omnia regis in saecula saeculorum.

186 Dominus sit semper vobiscum. Et cum spiritu tuo.

186 In nomine Domini nostri Iesu Christi perficiamus cum pace

186 Benedictus vir qui confidit in Domino et erit Dominus fiducia eius. Et erit quasi lignum quod transplantatur super aquas quod ad humorem mittit radices suas et non timebit cum venerit estus. Et erit folium eius viride et in tempore siccitatis non erit sollicitum nec aliquando desinet facere fructum. Maledictus homo qui confidit in homine et ponet carnem brachium suum ut a Domino recedat cor eius. Erit enim quasi mirice in deserto et non videbit cum venerit bonum. Sed habitabit in deserto et in terra salsuginis et inhabitabili. Pravum est cor hominis et inscrutabile quis cognoscet illud Ego Dominus scrutans cor et probans renes qui do unicuique iuxta viam suam et iuxta fructum adinventionum suarum. Perdix fovit quae non peperit fecit divitias et non in iudicio. In dimidio dierum suorum derelinquet eas et in novissimo suo erit insipiens. Solium gloriae altitudinis a principio locus sanctificationis nostrae. Expectatio Israel. Domine omnes qui te derelinquunt confundentur. Recedentes a te in terra scribentur quoniam dereliquerunt venam aquarum viventium Dominum. Propheta quoque et sacerdos abierunt in terram quam ignorabant. Numquid proiiciens abiecisti Iudam aut Sion abominata est anima tua Quare ergo percussisti nos ita ut nulla sit sanitas. Expectavimus pacem et non est bonum et tempus curationis et ecce turbatio. Cognoscimus Domine iniquitates nostras impietatem patrum nostrorum qua peccavimus tibi. Ne nos des in opprobrium propter nomen tuum neque facias nobis contumeliam. Solium gloriae tuae recordare ne irritum facias fedus tuum nobiscum. Tu autem in nobis es Domine et nomen tuum invocatum est super nos ne derelinquas. (Jr17)

187 Dominus sit semper vobiscum. Et cum spiritu tuo.

187 Deus iudex iustus fortis et patiens non iram inferens per singulos dies

187 Confitebor Domino secundum iustititiam eius psallam nomini Domini Altissimi

187 Silentium facite.

187 Vos estis corpus Christi et membra de membro et quosdam quidem posuit Deus in Ecclesia. Primum apostolos secundo prophetas tertio doctores deinde virtutes. Exinde gratias curationum. Opitulationes. Gubernationes. Genera linguarum. Numquid omnes apostoli Numquid omnes prophetae Numquid omnes doctores Numquid omnes virtutes Numquid omnes gratiam habent curationum Numquid omnes linguis loquentur Numquid omnes interpretantur Aemulamini autem carismata meliora et adhuc excellentiorem viam vobis demonstrabo. Si linguis hominum loquar et angelorum charitatem autem non habeam factus sum velut es sonans aut cimbalum tinniens. Et si habuero prophetiam et noverim mysteria omnia et omnem scientiam et habuero omnem fidem ita ut montes transferam caritatem autem non habuero nihil sum. Et si distribuero in cibos pauperum omnes facultates meas et si tradidero corpus meum ita ut ardeam charitatem autem non habeam nihil mihi prodest. Caritas patiens est benigna est. Caritas non emulatur non agit perperam. Non inflatur non est ambiciosa non querit quae sua sunt non irritatur non cogitat malum. Non gaudet super iniquitate congaudet autem veritati omnia suffert omnia credit omnia sperat omnia sustinet. Caritas nunquam excidit quae est in Christo Iesu Domino nostro. (1K 12)

188 Homo quidam erat dives qui habebat villicum et hic diffamatus est apud illum quia dissipasset bona ipsius. Et vocavit illum et ait illi. Quid hoc audio de te Redde rationem villicationis iam enim non poteris villicare. Ait autem villicus intra se quid faciam quia Dominus meus auferet a me villicationem. Fodere non valeo mendicare erubesco. Scio quid faciam ut cum amotus fuero a villicatione recipiant me in domos suas. Convocatis itaque singulis debitoribus Domini sui dicebat primo. Quantum debes Domino meo At ille dixit. Centum cados olei. Dixitque illi. Accipe cautionem tuam et scribe quinquaginta. Deinde alii dixit. Tu vero quantum debes Qui ait Centum coros tritici. Ait illi. Accipe litteras tuas et scribe octoginta. Et laudavit Dominus villicum iniquitatis quia prudenter fecisset quia filii huius saeculi prudentiores filiis lucis in generatione sua sunt. Ego dico vobis facite vobis amicos de mammona iniquitatis ut cum defeceritis recipiant vos in aeterna tabernacula. Qui fidelis est in minimo et in maiori fidelis est. Et qui in modico iniquus est et in maiori iniquus est. Si ergo in iniquo mammona fideles non fuistis quod vestrum est quis credet vobis Etsi in alieno fideles non fuistis et quod vestrum est quis dabit vobis Nemo potest duobus dominis servire. Aut enim unum odio habet et alterum diliget aut unum adherebit et alterum contemnet. Non potestis Deo servire et mammone. Audiebant autem omnia haec Pharisei qui erant avari et deridebant illum. Et ait illis. Vos estis qui iustificatis vos coram hominibus. Deus autem novit corda vestra quia quod hominibus altum est abhominatio est ante Deum. Qui habet aurem audiendi audiat. (L 16)

188 Dominus sit semper vobiscum. Et cum spiritu tuo.

188 Lauda Ierusalem Dominum conlauda Deum tuum Sion

189 Sacerdotes Domini et levitae et omnis Israel qui convenerant ad Dominum ambulant ante archam et immolabant victimas Domino Alleluia Alleluia Alleluia

189 Venerunt omnes seniores ex Israel et tulerunt arcam Domini et portaverunt in tabernaculum testimonii et omnia vasa sanctuarii quae erant in tabernaculum

189 Custodientes ordinem rei fratres carissimi primum ad Deum pro peccatis nostris preces fundamus quid cumpunctio cogitationum habeat quid vanitas saecularis gloriatur et torqueat confitentes quo saltim hic diaboli vincatur astutia ubi omnipotentis est Dei exoranda clementia.

189 Deus qui vastatoris antiqui perfidiam virtute Filii tui et Spiritus Sancti dona distribuendo vicisti et dedisti nobis de captivitate victoriam concede quaesumus ut qui nos impetere moliuntur tua etiam dextera refrenentur.

189 Offerentium Deus Pater quaesumus vota suscipito quo viventium oblatione suscepta defunctis fidelibus requies impetretur aeterna.

189 Effice nos Domine filios pacis quos fecisti esse filios tuae adoptionis ut pacifice viventes in terra ad promissa mereamur pervenire caelestia.

189 Dignum et iustum est aequum vere et salutare est nos tibi semper laudes et gratias agere Domine sante Pater aeterne omnipotens Deus una divinitas trina maiestas natura inseparabilis persona individua Deus unus et non solus unitas triplex trinitas simplex sapientia multiplex inconfusa coniunctio indivisa distinctio quem unum substantialiter confitemur et trinum personaliter nuntiamus Patrem et Filium et Spiritum Sanctum qui in uno trinus agnosceris et trinus in uno adoraris. Cui collaudant angeli et arcangeli una voce ita dicentes.

189 Sanctus sanctus sanctus Dominus Deus sabaoth pleni sunt caeli et terra gloria maiestatis tuae hosanna filio David hosanna in excelsis benedictus qui venit in nomine Domini hosanna in excelsis.

189 Hosanna in excelsis. Benedictus qui venit in nomine Domini Deus Dominus et illuxit nobis.

190 Sanctifica Domine mysterium exhilara ministrantem illustra templum orna altarium ordina populum cura morbum dona remedium proba votum ut omnes de diabolica astutia liberati non insidiantem timeant sed curantem.

190 Praeceptum orationis quod Christus suis commendavit discipulis nos quoque fratres cum gemitu cordis exclamemus e terris.

190 Humiliate vos benedictioni. Dominus sit semper vobiscum.

190 Deus conditor vester innovet in vobis dignitatem originis quam creavit. Idem quoque Redemptor conservet operationem gratiae quam redemit. Ipse omnium Iudex pro nullo vos reatu examinatione futura condemnet.

190 Per misericordiam ipsius

190 Gustate et videte

190

190 Dominus regnavit decorem induit alleluia alleluia

190 Induit Dominus fortitudinem et praecinxit se

190 Per omnia semper saecula saeculorum.

190 Te excelsa laus in altissimis decet tibi e terris gloriam Ecclesia canit atque huius caterva concentus ad astra hymnum emittunt. Rogamus ergo omnipotens Deus ut sicut tuas sollemniter porrigimus laudes ita precum nostrarum iubeas efficaciter suscipere voces.

190 Per misericordiam ... benedictus

190 Dominus sit semper vobiscum. Et cum spiritu tuo.

190 Audite audientes me et comedite bonum et delectabitur in crassitudine anima vestra. Inclinate aurem vestram et venite ad me audite me et vivet anima vestra. Et feriam vobiscum pactum sempiternum misericordias David fidelis. Ecce testem populis dedi eum ducem ac preceptorem gentibus. Ecce gentem quam nesciebas vocabis et gentesquaete non cognoverunt ad te current propter Dominum Deum tuum et sanctum Israel qui glorificavit te. Quaerite Dominum dum inveniri potest invocate eum dum prope est. Derelinquat impius vias suas et vir iniquus cogitationes suas et revertatur ad Dominum et miserebitur eius et ad Deum nostrum quoniam multus est ad ignoscendum. Non enim cogitationes meae cogitationes vestre neque viae vestrae viae meae dicit Dominus. Quia sicut exaltantur caeli a terra sic exaltate sunt viae meae a viis vestris et cogitationes meae a cogitationibus vestris. Et quomodo descendit imber et nix de caelo et illuc ultra non revertetur sed inebriat terram et infundit eam et germinare eam facit et dat semen serenti et panem comedenti sic erit verbum meum quod egredietur de ore meo. Non revertetur ad me vacuum sed faciet quodcumque volui et prosperabitur in his adquaemisi illud. Quia in laetitia egrediemini et in pace deducemini. Montes et colles cantabunt coram Deo laudem et omnia ligna regionis plaudent manu. Pro saliunca ascendet abies et pro urtica crescet myrthus. Et erit Dominus nominatus in signum aeternum quod non auferetur. (Iz 55)

191 Dominus sit semper vobiscum. Et cum spiritu tuo.

191 Deus virtutum convertere nunc respice de caelo et vide et visita vineam istam

191 Extendisti palmites eius usque ad mare et usque ad flumen propagines eius quare Domine detruxisti maceriam vinee tuae et vindemiant eam omnes transeuntes devastabit eam aper de silva et singularis ferus depastus est eam

191 Silentium facite.

191 Revelabitur ira Dei de caelo super omnem impietatem et in iustitiam hominum eorum qui veritatem in in iustitia detinent. Quia quod notum est Dei manifestum est in illis. Deus enim illis manifestavit. Invisibilia enim ipsius a creatura mundi per ea quae facta sunt intellecta conspiciuntur. Sempiterna quoque eius virtus ac divinitas ut sint inexcusabiles. Quia cum cognovisset Deum non sicut Deum glorificaverunt aut gratias egerunt sed evanuerunt in cogitationibus suis et obscuratum est insipiens cor eorum dicentes enim se esse sapientes stulti facti sunt et mutaverunt gloriam incorruptibilis Dei in similitudinem imaginis corruptibilis hominis et volucrum et quadrupedum et serpentium. Propter quod tradidit illos Deus in desideria cordis corum in immundiciam ut contumeliis afficiant corpora sua in semetipsis. Qui commutaverunt veritatem Dei in mendacium et coluerunt et servierunt creature potius quam creatori qui est Deus benedictus in saecula. Amen. Propter quod tradidit illos Deus in passiones ignominie. Nam femine eorum immutaverunt naturalem usum in eum usum qui est contra naturam. Similiter autem et masculi relicto naturali usu feminarum exarserunt in desideriis suis in invicem masculi in masculos turpitudinem operantes. Et mercedem quam oportuit erroris sui in semetipsos recipientes. Et sicut non probaverunt Deum habere noticiam tradidit illos Deus in reprobum sensum ut faciantquaenon conveniunt. Repletos omni iniquitate. Malicia fornicatione avaricia nequicia plenos invidia homicidiis contemptione dolo malignitate susurrones detractores Deo odibiles contumeliosos. superbos. elatos. sibi placentes. inventores malorum. Parentibus non obedientes. Insipientes. Incompositores. Sine affectione absque federe. Sine misericordia. Qui cumiustitiam Dei cognovissent non intellexerunt. Quoniam qui talia agunt digni sunt morte non solum qui ea faciunt. Sed et qui consentiunt facientibus. Propter quod inexcusabilis o homo es omnis qui iudicas in quo enim iudicas alterum te ipsum condemnas. Eadem enim agis quae iudicas. Scimus enim quoniam iudicium Dei est secundum veritatem in eos qui talia agunt. Existimans autem hoc o homo qui iudicas eos qui talia agunt et facis ea quia tu effugies iudicium Dei. An divitias bonitatis eius et patientie et longanimitatis contemnis Ignoras quoniam benignitas Dei ad penitentiam te adducit Secundum duritiam autem et impenitens cor thesaurizas tibi iram in die ire et revelationis iusti iudicii Dei qui reddet unicuique Secundum opera eius. His quidem qui secundum patientiam boni operis gloriam et honorem et incorruptionem quaerentibus vitam aeternam. His autem qui ex contemptione sunt et qui non acquiescunt veritati credunt autem iniquitati ira et indignatio. Tribulatio et angustia in omnem animam hominis operantis malum Iudaei primum et Graeci. Gloria autem et honor et pax omni operanti bonum Iudeo primum et Greco. Non est enim personarum acceptio apud Deum. Quicumque enim sine lege peccaverunt sine lege peribunt. Et quicumque in legem peccaverunt per legem iudicabuntur. Non enim auditores legis iusti sunt apud Deum sed factores legis iustificabuntur. Cum enim gentesquaelegem non habent naturaliter eaquaelegis sunt faciunt huiusmodi legem non habentes ipsi sunt lex qui ostendunt opus legis scriptum in cordibus suis. Testimonium reddentes illis conscientia ipsorum et inter se invicem cogitationum accusantium aut etiam defendentium in die qua iudicabit Deus occulta hominum secundum evangelium meum per Iesum Christum Dominum nostrum. (R 1-2)

192 Homo quidam erat dives et induebatur purpura et bysso et epulabatur cottidie splendide. Et erat quidam mendicus nomine Lazarus qui iacebat ad ianuam eius ulceribus plenus et cupiens saturari de micis quae cadebant de mensa divitis. Sed et canes veniebant et lingebant ulcera eius. Factum est autem ut moreretur mendicus et portaretur ab angelis in sinum Abrahae. Mortuus est et dives et sepultus est in inferno. Elevans autem oculos suos cum esset in tormentis vidit Abraham a longe et Lazarum in sinu eius et ipse clamans dixit. Pater Abraham miserere mei et mitte Lazarum ut intingat extremum digiti sui in aqua ut refrigeret linguam meam quia crucior in hac flamma. Et dixit illi Abraham fili recordare quia recepisti bona in vita tua et Lazarus similiter mala. Nunc autem hic consolatur tu vero cruciaris. Et in his omnibus inter nos et vos chaos magnum firmatum est. Ut hi qui volunt hinc transire ad vos non possint neque inde huc transmeare. Rogo ergo te pater ut mittas eum in domum patris mei. Habeo enim quinque fratres ut testetur illis ne et ipsi veniant in locum tormentorum. Et ait illi Abraham. Habent Moysen et prophetas audiant illos. At ille dixit. Non pater Abraham sed si quis ex mortuis ierit ad eos penitentiam agent. Ait autem illi. Si Moysen et prophetas non audiunt neque siquis ex mortuis resurrexerit credent. Qui habet aurem audiendi audiat. (L 16)

194 Dominus sit semper vobiscum. Et cum spiritu tuo.

194 Respice Domine de caelo et vide visitam vineam istam

194 Accepit librum Moyses

194 Ecce iam in proximo sunt dies illi salutis in quibus revoluto anni circulo per salutaris abstinentiae opus remedia cupimus suscipere pravorum actuum nostrorum. Etenim sicut ait apostolus hoc est acceptabile tempus et hi sunt dies salutis. In quibus spiritualis medela exquirenti adveniat anime et mala dulcia scrabra peccaminum evellantur a mente. Ut qui consuetudine noxia semper cogimur deorsum fluere tandem divina nos erigente clementia conemur sursum surgere. Ut horum dierum votiva exibentes susceptione et malorum nostrorum levemur a crimine et beatitudinis electorum mereamur compotes esse.

195 Quantum nos divina clementia fratres charissimi expectat ad penitentiam in hoc debemus cognoscere in quo dum nos prospicit prava sine termino agere scelerum nostrorum in huius vitae spacio terminationem dignetur concedere. Cum in ipsa etiam anni spacia statuta decrevit tempora in qua nos ad bonorum operum acta invitat. Ut caroquaese ad suae combustionis incendia crapulationi dedita immoderata grassatur ruina et indiscreto temulentia vicio non solum incenditur culpa sed etiam fuscata memoria creatoris sui obliviscitur benevolentiam a quo statim non recipit secundum culpam verum dum in utroque vicio refrenata consistit quid aliud agit nisi quod ab imis ad sursum ascendit. Qui dudum corporali gravedine onerata tetro herebi profundo devenerat mancipanda. Sed dum abstinentie miseratio coniungitur elemosyne tanquam pinnato more sive mens ipsa sive oratio elevatur in ethera. Et cum tanta superna beneficia nostra nobis non ambiant desideria saltim adornante nos gratia divina alacres debemus occurrere ad haec caelestia medicamenta. Ut concesso nobis penitendi spacio sic defleamus commissa ne iterum admittamus deflenda sed hoc seminemus in lachrimis quod metamus in gaudiis.

195 Recensita Domine tuorum fidelium nomina quis ut liber vitae aeternae contineat ut qui misericorditer cuncta regis ac moderas et vivis praestes feliciter vivere et defunctis eruas a tenebrosa infernali caligine.

195 Christe Dei Filius qui per supplicium susceptae crucis pacificasti omnia qui sunt in caelis et in terris quesumus ut nos pace illa locupletes in qua electos tuos consistere facis. Ut pacato mentis receptaculo sic tibi in cordibus nostris dignum preparemus hospitium. Ut semper ad nos venias et apud nos cum Patre mansionem facias. Et ita nos tibi peculiares efficias ut semper Spiritus Sancti gratiam in nos habitare concedas.

196 Dignum et iustum est aequum et salutare est nos tibi gratias agere Domine Deus noster. A quo indigni digne protegimur et protectionis munera caecato cordis oculo non pensamus dum saepe proni in culpa labimur et nihil iustum agimus ex quo surgamus. Cum ergo nos tua larga clementia et per digna patriarcharum invitat exempla et per prophetarum salubria docet oracula et per rutilantia incarnationis Domini nostri Iesu Christi illustrat miracula adhuc etiam et apostolorum eius melliflua praedicamenta nostra inserit corda. Ut aeternam amantes vitam desideria abiiciamus vana et ea saequamur quam inluminati sine fine manere scimus perpetua. Sic Enoch perniciosam pravorum execrans vitam delectabilia paradisi obtinet arva. Sic Noe iustitiam servans in opere rector arce factus est in diluvii tempestate. Sic Abraham divino precepto obediens dum domum reliquit et patriam amicus Dei effectus beatitudinem obtinet infinitam. Sic Isaac castimonie dono praefulgens in semine suo hereditat omnes gentes. Sic Iacob humilitatis et sufferentie gratia fretus promissum dilatavit paternum. Sic Ioseph prava suadenti obiecta repellens dum nepharium recusaret stuprum principari meruit in Aegypto. Sic Moyses negando se esse filium Pharaonis dum temporales respuit delectationes magis eligens cum populo Dei habere afflictionem extitit in miraculorum patratione. Dum et Aegyptum decem quassit plagis et virga equora divisit rubri maris. Producit limpha ex saxis et quadraginta dierum vel noctium spacia continuando ieiunii legem promulgat in populis. Sic Iosue dum hostes conterit populi Dei solis cursum retinet in climate caeli. Sic David dum misericors extat in gloria regni regnare cum Christo in sempiternum promeruit. Sic Helias et ipse quadraginta dierum vel noctium spacia ieiunans igneo curru evectus alacriter paradisum defertur. Sic Daniel propheta dum abstinentie inservit legibus profunda et secreta mysteria enarrat legibus. Sic etiam Salvator noster ac Dominus noster Iesus Christus ut temptatoris destrueret figmenta quadraginta dierum vel noctium ieiunavit spacia. Sic tristiciam animi obtinuit passionis tempore. Sic etiam sacrum corpus suae divinitatis conexum flagellis sputis clavis lanceis iaculis prebuit vulnerandum. Et hic in illo accessu adversitatis nostras diluit vaeternosas maculas pravitatis. Iam vero post haec quid apostolorum numerus doctrinis premisit virtutum sedule sancta ecclesia prodet in publicum. Sed quis nos ob hanc gratiam tibi clementissime Domine valeamus respondere nisi ut cum toto cordis affectu maiestatis tuae imploremus respectum. Ut non nos abiicias velut immundos qui nos agnoscimus nimis squaloribus esse pollutos sed exhibe nos ut tuos ministros qui sepe de immundis iubes efficere mundos. Ut alacres occurramus ad hos dies quos pro nostra purificatione tu ipse instituisti colendos et sic in eis iussa tuorum impleamus preceptorum ut semper te conlaudemus admixti in choro sanctorum proclamantes atque ita dicentes.

197 Sanctus sanctus sanctus Dominus Deus sabaoth pleni sunt caeli et terra gloria maiestatis tuae hosanna filio David hosanna in excelsis benedictus qui venit in nomine Domini hosanna in excelsis.

197 Vere sanctus vere benedictus es Domine Deus noster qui nos per penitentiam invitas ad veniam ut purificatis concedas vitam aeternam Christe Domine ac Redemptor aeterne

197 Christe Domine cuius passionis mortis et resurrectionis ideo facimus commemorationem quia per id nos agnoscim recepisse redemptionem qui in prothoplausti parentis improba consensione eramus condemnati in damnatione. Purifica nos ea miseratione qua dudum redemisti per sanguinis effusionem. Ut gratiam corporis et sanguinis tui suscepturi careamus noxia piaculi consueti suscipientes medelam salutis quod est mysterium nostrae redemptionis in visceribus nostris.

198 Exaudi nos Deus quoniam benigna est

198 Salvum me fac Deus

198 Gloria et honor Patri

198 Kyrie eleison. Christe eleison. Kyrie eleison

198 Prope sunt ecce fratres charissimi dies illi salutis in quibus nos convenit cum litatione ieiunium eleemosynam et pietatem conferre indigenti ut caro adterratur ieiuniis et misericordiae opera exibeantur afflictis ut dum in his operibus occupati manemus liberis semper vocibus ad Deum exclamemus e terris

198 Humiliate vos benedictioni. Dominus sit semper vobiscum.

198 Divina nos gratia benedictione superna locupletet qui vos prospicit proximos abstinentiae dies amabiliter praestolare. Ipse in cordibus vestris sibi beneplacitum praeparet habitaculum qui dies ipsos consecravit abstinentia ciborum. Ut tollentes crucem vestram sequamini eum qui sponte pro vobis suscepit mortis supplicium.

198 Per misericordiam ipsius

198 Dominus sit semper vobiscum. Et cum spiritu tuo.

198 Gustate et videte

198 Refecti Christi corpore et sanguine pariter qua sancificati Deo Patri omnipotenti gratias referamus ut nos in eadem refectionem et sanctificationem habentes hic et in futuro saeculo gloriam percipiamus.

198 Per misericordiam ... benedictus

198 Dominus sit semper vobiscum. Et cum spiritu tuo.

198 Missa acta est in nomine Domini Iesu Christi perficiamus cum pace

199 Pater noster

199 Et ne nos inducas

199 Deus misereatur nostri

199

199 Ostende nobis Domine misericordiam tuam

199 Et salutare tuum da nobis

199 Peccavimus cum patribus nostris

199 Iniuste egimus

199 Domine exaudi orationem meam

199 Et clamor meus ad te veniat

199 Dominus sit semper vobiscum

199 Et cum spiritu tuo

199 Oremus

199 Concede nobis quaesumus Domine praesidia militiae Christianae ... muniamur auxiliis.

199 Adiutorium nostrum in nomine Domini

199 Qui fecit caelum et terram

199 Dominus sit semper vobiscum

199 Et cum spiritu tuo

199 Deus qui non mortem sed paenitentiam desideras peccatorum ... consequi mereamur.

199 Omnipotens sempiterne Deus qui misereris omnium et nihil odisti ... accipere gloriam.

200 Benedictio Dei Patris omnipotentis et Filii et Spiritus Sancti descendat et maneat super hos cineres. Amen.

200 Immutemur habitu in cinere

200 Inter vestibulum

200 Gloria et honor Patri

200 Emendemus in melius

200 Adiuva nos Deus salutaris noster

200 Attende Domine et miserere

200 Gloria et honor Patri

200 Memento homo quia cinis es

200

200 Misereris omnium Domine Deus et nihil odisti eorumque fecisti dissimulans peccata hominum propter penitentiam et parcens illis quia tu es Dominus Deus noster

200 Miserere mei Deus miserere mei quoniam in te confidit anima mea

200 Per omnia semper saecula saeculorum

200 Converte nos salutaris noster et averte iram tuam a nobis ac super populum tuum pacem praesta quam loqueris ut plebs tua laetetur in te ac salutare tuum custodiat salutem intelligens vel misericordiam tuam tenporum prosperitate cognoscat vel benignitatem tuam fructum fecunditatis suscipiat

201 Per misericordiam tuam

201 Convertimini ad correptionem meam et proferam vobis spiritum meum et ostendam verba mea. Quia vocavi et renuistis. Extendi manum meam et non fuit qui aspiceret. Despexistis omne consilium meum et increpationes meas neglexistis. Ego quoque in interitu vestro ridebo et subsannabo cum vobis quod timebatis adveherit. Cum inruerit repentina calamitas et interitus quasi tempestas ingruerit quando venerit super vos tribulatio et angustia tunc invocabunt me et non exaudiam. Mane consurgent et non invenient me. Eo quod exosam habuerint disciplinam et timorem Domini susceperint nec adquieverint consilio meo et detraxerint universe correctioni meae. Comedent igitur fructus viae suae suisque consiliis saturabuntur. Aversio parvulorum interficiet eos et prosperitas stultorum perdet illos. (Prv 1)

201 Dominus sit semper vobiscum. Et cum spiritu tuo.

201 Ecce venient dies Domini magni eleemosyne et ieiunii estote parati benefacere oppressis viduis et orphanis

201 Quiescite agere perverse discite benefacere querite iudicium subvenite oppresso

201 Silentium facite.

201 Nemo cum tentatur dicat quoniam a Deo tentatur. Deus enim intentator malorum est. Ipse autem neminem tentat. Unusquisque vero tentatur a concupiscentia sua abstractus et inlectus. Deinde concupiscentia cum conceperit parit peccatum. Peccatum vero cum consummatum fuerit generat mortem. Nolite itaque errare fratres mei delectissimi omne datum optimum et omne donum perfectum de sursum est descendens a patre luminum apud quem non est transmutatio nec vicissitudinis obumbratio. Voluntarie genuit vos verbo veritatis ut simus initium aliquod creature eius. Scitis fratres mei dilectissimi sit autem omnis homo velox ad audiendum tardus autem ad loquendum et tardus ad iram. Ira enim viriiustitiam Dei non operatur. Propter quod abiicientes omnem immunditiam et abundantiam malitiae in mansuetudine suscipite insitum verbum quod potest salvare animas vestras. (Jc 1)

202 Dominus noster Iesus Christus ductus est in desertum a spiritu ut tentaretur a diabolo. Et cum ieiunasset quadraginta diebus et quadraginta noctibus postea esuriit. Et accedens tentator dixit ei. Si filius Dei es dic ut lapides isti panes fiant. Qui respondens dixit ei. Scriptum est. Non in pane solo vivit homo sed in omni verbo quod procedit de ore Dei. Tunc assumpsit eum diabolus in sanctam civitatem et statuit eum supra pinnaculum templi et dixit ei. Si filius Dei es mitte te deorsum. Scriptum est enim. Quia angelis suis mandavit de te et in manibus tollent te ne forte offendas ad lapidem pedem tuum. Ait illi Iesus rursum. Scriptum est. Non tentabis Dominum Deum tuum. Iterum assumpsit eum diabolus in montem excelsum valde et ostendit ei omnia regna mundi et gloriam eorum et dixit illi. haec omnia tibi dabo si cadens adoraveris me. Tunc dixit ei Iesus. Vade Sathana. Scriptum est enim. Dominum Deum tuum adorabis et illi soli servies. Tunc reliquit eum diabolus et ecce angeli accesserunt et ministrabant ei. (Mt 4)

202 Dominus sit semper vobiscum. Et cum spiritu tuo.

202 Memento nostri Domine in beneplacito populi tui visita nos Deus in salute tua

202 Adiuvate me fratres in orationibus vestris et orate pro me ad Deum.

202 Hii dies orationis sancti erunt vobis et humiliabitis animas vestras applicantes holocausta Domino Deo vestro

202 Appropinquantibus beatae Quadragesimae diebus oremus Deum dilectissimi fratres corpore et mente prostrati. Et licet omni vitae nostrae tempore eius operi cuius imaginem accepimus anima debeat mancipari tamen specialiter quandam observationem horum dierum esse debere Patrum edocemur exemplis qui non solum sermone sed et opere quod nobis imitandum esset egerunt. E quibus primus Moyses legislator occurrit qui in hoc numero dierum excelsi montis verticem conscendit nihil in his diebus nisi tantum verbo Dei pascebatur quod ex ore Dei procedebat. Secundus vero occurrit nobis Elias propheta qui unius escae virtute quadraginta diebus montium excelsa lustravit ubi sacri oris alloquium de Israelitarum salute audire promeruit. Tertius autem ipse Dominus noster Iesus Christus occurrit qui totis quadraginta diebus eremi secreta penetrans omnia diaboli tentamenta destruxit. Horum igitur exemplo edocti laborantes per hos dies quadraginta eiciamus a nobis malitiae fermentum quo azymi sinceritatis et veritatis inveniri postmodum mereamur.

203 Salutaris viae initium hodiernae solemnitatis sacrificio cupientibus consecrari occurrat Deus Pater Unigenitus Filius tuus qui olim callidi tentatoris astutiam trimoda suasione illicientem sacri oris alloquio reprobavit ac perculit. Ipse a nobis virulenta tentationum semina pellat ipse consensum malarum suggestionum a nobis detrudat ipse ariditatis nostrae inediam divinis pastibus foveat. Protegat nos contra huius tentatoris insidias lorica iustitiae et galea salutis aeternae. Exhibens de caelorum sedibus fragilitati nostrae fortitudinem cibi perennis quo ex hoc validius roborati indictum a crastino abstinentiae tempus incipientes petulantiae carnalis libitus in nobis decidant ira difugiat voracitas pereat temulentiae vitium evanescat. Secedant doli corpora salus habeat animas vis divina. Utraque servent in opere ieiunii pacem in actu virtutem et in voto constantiam in effectu disciplinam. Quo spiritaliter suscipientes praedictae abstinentia tempus per eum nobis salubriter efficiatur pervium per quem id ad expiationem novimus institutum.

204 Christe Dei Filius quo docente didicimus non in solo pane vivere sed in omni verbo quod tuo procedit ex ore praesta nobis ut qui magisterium tuum sequentes praesentis Quadragesimae initia hodierno die incipimus festivis consecrare in canticis optata remedia a te impetrare possimus tam viventibus quam defunctis. Quo et nobis serviendi tibi concedatur cum affectu effectus et illis a te praestetur aeternae beatitudinis locus.

204 Deus cui transferendus Elias quadraginta dierum ieiunium consecravit et spiritaliter donec ad caelestia mereretur ascendere ieiunavit prophetalem quaesumus gratiam dona populis christianis in qua superemus delectationes carnis et sanguinis. Fac in omnibus et per omnia continentes fac pacificos fac praecepta caelestia servantes quibus et in hoc sacrificio benignus appareas et humiliter te invocantibus propitiatus occurras.

204 Dignum et iustum est nos tibi gratias agere Trinitas Deus qui das escam omni carni et imples omnem animam benedictione. tuaere nos Domine qui non solum carnalibus cibis pascis sed et spiritalibus escis alis ut non in solo pane vivamus sed in omni verbo tuo vitalem habeamus alimoniam nec tantum epulando sed etiam ieiunando pascamur. Nam ut dapibus et poculis corpora sic ieiuniis et verbis tuis animae saginantur. Magnam enim in hoc munere corporibus salubritatem et sanitatem mentibus praebuisti iamque ab initio saeculi nobis ieiunium venerabile dedicasti quod si illa generis humani mater Eva interdictam sibi arborem custodiisset et immortalitatem retinuisset et patriam. Sed peccatum antiquae matris quod illicita ligni vetiti usurpatione commisit quaesumus ablue ieiuniis ut qui de paradiso per inoboedientiam Adae non abstinendo cecidimus nunc autem per oboedientiam Christi ieiunando surgamus. Qui nobis ex eadem materia calicem salutis remiscuit de quo mortis poculum biberamus ut quibus per cibum ligni acquisita mors venerat per crucis lignum salus perdita redderetur. Cui merito omnes Angeli et Archangeli non cessant clamare cotidie una voce dicentes.

205 Sanctus sanctus sanctus Dominus Deus sabaoth pleni sunt caeli et terra gloria maiestatis tuae hosanna filio David hosanna in excelsis benedictus qui venit in nomine Domini hosanna in excelsis.

205 Vere sanctus vere benedictus in altissimis Iesus Christus Filius tuus Dominus noster qui assumpta humanae fragilitatis natura non solum infidelium sterilitatem convertendo fecundavit verum etiam antiquissimum serpentem seductionibus blandis illecebrantem totiusque mundi copiam promittentem sterilitate cibi praemissa post ieiunia peracta sollemnia omnipotenti brachio supplantavit docens Discipulos suos Apostolos nostros non numerositate taurorum aut hircorum non vitulorum ubertate non agnorum pinguium victimis tuam placare clementiam posse sed puris mentibus lotisque innocentiae manibus sacrificia delibare tuae serenitati simplicia.

205 Adsunt Domine Deus dies illi quos colendo nobis documento tui exempli sub quadragenaria ieiuni decursione signasti. Proinde tuam pietatem poscimus et rogamus ut hodiernae sollemnitatis sacrificio delibutus largiaris supplicantibus famulis spiritalis alimoniae cibum et tuae sermocinationis edulium. Quo ad instar prophetae tui Eliae huius sacrificii libatione muniti ita a crastino laboriosa divinae institutionis salubriter expediamus ieiunia ut sermocinationis tuae mereamur potiri loquella.

206 Ecce Salvator noster et Domine qui per paginas Veteris Instrumenti offerri tibi decimas praecipimur anuales tibi dierum decimas consecrare conamur praelargissimam tuae pietatis clementiam implorantes ut in congressione viae huius instruas nos documentis iustitiae et praeceptionis legis tuae quibus instructi et hodierni diei suscepta sollemnia impleamus et devotissime a crastino instituta ieiunia inchoemus.

206 Humiliate vos benedictioni. Dominus sit semper vobiscum.

206 Christus Dei Filius qui quaterdecies diebus in abstinentia devolutis se tentari permisit ipse vos patiatur ullis tentationibus a sancto proposito submoveri. Quique eidem callido tentatori non in solo pane sed in verbo Dei hominem vivere posse respondit caelestis vos reficiat alimonia cibi. Ut dapibus satiati divinis indictas a crastino parsimoniae leges explere possitis.

206 Per misericordiam ipsius

206 Dominus sit semper vobiscum. Et cum spiritu tuo.

206 Gustate et videte

206 Gustantes Domine suavitatis tuae dulcedinisque plenitudinem quaesumus ut sit nobis hoc in remissionem peccatorum et sanitatem mentium.

206 Per misericordiam ... benedictus

206 Dominus sit semper vobiscum. Et cum spiritu tuo.

206 In nomine Domini nostri Iesu Christu perfisiamis cum pace

206 Ecce nunc tempus acceptabile alleluia

206 Dominus regnavit decorem induit induit Dominus fortitudinem et praecinxit se

206 Per omnia semper saecula saeculorum

206 Audiant simul te Domine omnes gentes et dives ac pauperes aurem tibi cordis accomodent. Ne timeamus in die mala neque fidei onere relicto iumentis insipientibus comparemur. Ut te solum intelligentia nostra assequens ambiat quem aeterno in gaudio cum sanctis omnibus laudans praemia sempiterna suscipiat.

207 Per misericordiam ... benedictus

207 Dominus sit semper vobiscum. Et cum spiritu tuo.

207 Audite audientes me et comedite bonum et delectabitur in crassitudine anima vestra. Inclinate aurem vestram et venite ad me audite me et vivet anima vestra. Et feriam vobiscum pactum sempiternum misericordias David fidelis. Ecce testem populis dedi eum ducem ac preceptorem gentibus. Ecce gentem quam nesciebas vocabis et gentesquaete non cognoverunt ad te current propter Dominum Deum tuum et sanctum Israel qui glorificavit te. Quaerite Dominum dum inveniri potest invocate eum dum prope est. Derelinquat impius vias suas et vir iniquus cogitationes suas et revertatur ad Dominum et miserebitur eius et ad Deum nostrum quoniam multus est ad ignoscendum. Non enim cogitationes meae cogitationes vestre neque viae vestrae viae meae dicit Dominus. Quia sicut exaltantur caeli a terra sic exaltate sunt viae meae a viis vestris et cogitationes meae a cogitationibus vestris. Et quomodo descendit imber et nix de caelo et illuc ultra non revertetur sed inebriat terram et infundit eam et germinare eam facit et dat semen serenti et panem comedenti sic erit verbum meum quod egredietur de ore meo. Non revertetur ad me vacuum sed faciet quodcumque volui et prosperabitur in his adquaemisi illud. Quia in laetitia egrediemini et in pace deducemini. Montes et colles cantabunt coram Deo laudem et omnia ligna regionis plaudent manu. Pro saliunca ascendet abies et pro urtica crescet myrthus. Et erit Dominus nominatus in signum aeternum quod non auferetur. (Iz 55)

207 Dominus sit semper vobiscum. Et cum spiritu tuo.

207 Daniel propheta tunc illi tres quasi ex uno ore hymnum canebant et benedicebant Dominum de fornace dicentes

207 Benedictus es Domine Deus patrum nostrorum et admirabilis et superexaltus in saecula amen. Et benedictum nomen maiestatis tuae illud sanctum. Benedictus es qui vides abyssos sedes super Cherubim et laudabilis. Benedictus es in solidamento caeli et laudabilis et gloriosus in saecula. Benedicite omnia opera Domini Dominum benedicite angeli Dei Dominum benedicite stelle caeli Dominum. Benedicite filii hominum Dominum benedicite sacerdotes Dei Dominum. Benedicite sancti et humiles corde Dominum. Benedicite Anania Azaria et Misael Dominum. Hymnum dicite et superexaltate eum in saecula. Quia liberavit nos ab inferis et de manu mortis salvavit nos et eripuit nos de medio camino ardentis flamme et e medio ignis eduxit nos. Quia liberavit nos ab inferis et de manu mortis salvavit nos et eripuit nos de medio camino ardentis flammae et e medio ignis eduxit nos.

207 Confitemini Domino quoniam bonus quoniam in saeculum misericordia eius

207 Ne memor fueris Deus iniquitatum nostrarum antiquarum cito apprehendat nos misericordia tua Domine

207 Quoniam pauperes facti sumus valde adiuva nos Deus salutaris noster

208 Indulgentiam postulamus Christe exaudi placare et miserere. Iesu unigenite Dei Patris Filius qui es immense bonitatis Dominus. Cuncti te gemitibus exorantes poscimus cunctique simul deprecantes quesumus. Tua iam clementia mala nostra superet tuo iam sereno vulto in nos respice. Remove propitius tuam iracundiam da peccatis finem da laboris requiem. Tranquillitatem temporum rerum abundantiam pacis quietem et salutis copiam. Illius Pontificis porrige presidium atque universo supplicanti populo. Remissionem omnium peccatorum quaesumus indulge clemens mala quae commisimus.

208 Exaudi orationem nostram Domine gemitusque nostros auribus percipe nos enim iniquitates nostras agnoscimus et delicta nostra coram te pandimus tibi Deus peccavimus tibique confitentes veniam exposcimus. Et quia recessimus a mandatis tuis et legi tuae minime paruimus. Convertere Domine super servos tuos quos redemisti sanguine tuo. Indulge quesumus nobis et peccatis nostris veniam tribue tuaeque pietatis misericordiam in nobis largire dignare.

208 Per misericordiam ... benedictus

208 Silentium facite.

208 Pro Christo legatione fungimur tamquam Deo exhortante per nos. Obsecramus pro Christo reconciliamini Deo. Cum qui non noverat peccatum pro nobis peccatum fecit ut nos efficeremur iustitia Dei in ipso. Adiuvantes autem exhortamur ne in vacuum gratiam Dei recipiatis. Ait enim. Tempore accepto exaudivi te et in die salutis adiuvi te. Ecce nunc tempus acceptabile ecce nunc dies salutis. Nemini dantes ullam offensionem ut non vituperetur ministerium nostrum sed in omnibus exhibeamus nosmetipsos sicut Dei ministros in multa patientia in tribulationibus in necessitatibus in angustiis in laboribus in plagis in carceribus in seditionibus in vigiliis in ieiuniis in castitate in scientia in longanimitate in suavitate in Spiritu Sancto in caritate non ficta in verbo veritatis in virtute Dei. Per arma iustitiae a dextris et sinistris. Per gloriam et ignobilitatem. Per infamiam et bonam famam. Ut seductores et veraces sicut qui ignoti et cogniti. Quasi morientes et ecce vivimus ut castigati et non mortificati. Quasi tristes semper autem gaudentes sicut egentes multos autem locupletantes. Tanquam nihil habentes et omnia possidentes in Christo Iesu Domino nostro. (2K 5 6)

209 Dominus noster Iesus Christus reliquit Iudaeam et abiit in Galilaeam oportebat autem eum transire per Samariam. Venit ergo in civitatem Samariae quae dicitur Sichar iuxta praedium quod dedit Iacob Ioseph filio suo. Erat autem ibi fons Iacob. Iesus ergo fatigatus ex itinere sedebat sic super puteum hora erat quasi sexta. Venit mulier de Samaria haurire aquam. Dicit ei Iesus. Da mihi bibere. Discipuli autem eius abierant in civitatem ut cibos emerent. Dicit ei mulier illa Samaritana. Quomodo tu Iudeus cum sis bibere a me poscis quaesum mulier Samaritana. Non enim coutuntur Iudei Samaritanis Respondit Iesus et dixit ei. Si scires donum Dei et quis est qui dicit tibi da mihi bibere tu forsitan petisses ab eo et dedisset tibi aquam vivam. Dicit ei mulier Domine neque in quo haurias habes et puteus altus est unde ergo habes aquam vivam. Nunquid tu maior es patre nostro Iacob qui dedit nobis puteum hunc et ipse ex eo bibit et filii eius et pecora eius. Respondit Iesus et dixit ei. Omnis qui biberit ex aqua quam ego dabo ei non sitiet in aeternum. Sed aqua quam ego dabo ei fiet in eo fons aque salientis in vitam aeternam. Dicit ad eum mulier. Domine da mihi hanc aquam ut non sitiam neque veniam huc haurire. Dicit ei Iesus. Vade voca virum tuum et veni huc. Respondit mulier et dixit. Non habeo virum. Dicit ei Iesus. Benedixisti quia non habeo virum. Quinque enim viros habuisti. Et hunc quem habes non est tuus vir. Hoc vere dixisti. Dicit ei mulier. Domine video quia propheta es tu patres nostri in monte hoc adoraverunt et vos dicitis quia Ierosolymis est locus ubi adorare oportet. Dicit ei Iesus. Mulier crede mihi quia venit hora quando neque in monte hoc neque in Ierosolymis adorabitis patrem. Vos adoratis quod nescitis nos adoramus quod scimus quia salus ex iudeis est. Sed venit hora et nunc est quando veri adoratores adorabunt patrem in spiritu et veritate. Nam et pater tales querit qui adorent eum. Spiritus est Deus et eos qui adorant eum in spiritu et veritate oportet adorare. Dicit ei mulier. Scio quia messias venit qui dicitur Christus. Cum ergo venerit ille nobis annuntiabit omnia. Dicit ei Iesus. Ego sum qui loquor tecum. Et continuo venerunt discipuli eius et mirabantur quia mulieri loquebatur. Nemo tamen dixit quid quaeris aut quid loqueris cum ea. Reliquit ergo idriam suam mulier et abiit in civitatem et dicit illis hominibus. Venite et videte hominem qui dixit mihi omnia quaecumque feci. Nunquid ipse est Christus Exierunt de civitate et veniebant ad eum. Interea rogabant discipuli dicentes. Rabbi manduca. Ille autem dixit eis. Ego cibum habeo manducare quem vos nescitis. Dicebant ergo discipuli ad invicem. Numquid aliquis attulit ei manducare Dixit eis Iesus meus cibus est ut faciam voluntatem eius qui misit me. Ut perficiam opus eius. Nonne vos dicitis quod adhuc quatuor menses sunt et messis venit Ecce ego dico vobis levate oculos vestros et videte regiones quia albe sunt iam ad messem. Et qui metit mercedem accipit et congregat fructus in vitam aeternam. Ut et qui seminat simul gaudeat et qui metit. In hoc est enim verbum verum quia alius est qui seminat et alius est qui metit. Ego misi vos metere quod vos non laborastis. Alii laboraverunt et vos in laboribus eorum introistis. Ex civitate autem illa multi crediderunt Samaritanorum propter verbum mulieris testimonium perhibentis quia dixit mihi omnia quaecumque feci. Cum venissent autem ad illum Samaritani rogaverunt eum ut ibi maneret et mansit ibi duos dies. Et multo plures crediderunt propter sermonem eius et mulieri dicebant. Quia iam non propter tuam loquelam credimus ipsi enim audivimus et scimus quia hic est vere Salvator mundi. (J 4)

211 Dominus sit semper vobiscum. Et cum spiritu tuo.

211 Alleluia. Attende popule meus legem meam

211 Multiplicabit vos Dominus sicut astra caeli diligite illum et observabitis praecepta eius ut discant filii vestri disciplinam Domini Dei alleluia

211 Locutus est Moyses universo Israeli dicens dum descenderem de monte et tabulas federis in manibus tenerem et vidissem vos reliquisse vias Domini quas vobis ostenderam proieci tabulas de manibus meis et confregi eas ad radicem montis et procidi ante Deum quadraginta diebus et quadraginta noctibus panem non comedens et aquam non bibens propter peccata quae fecistis ante Deum et timens pro vobis oravi ad illum et exaudivit me.

211 Solliciti quaeso dilectissimi fratres redemptionis nostrae perpendentes mysterium reddamus ut possumus Salvatori nostro gloriam offerentes ei hostiam vivam qui ex gentibus unam in se voluit congregari Ecclesiam. In muliere etenim illa Samaritana in qua dudum est gentilitas figurata nos ipsos advocatos ex gentibus agnoscamus et per illam Deo pro nobis contriti cordis hostiam immolemus. Novit ille suffragantibus assistere qui senescente iam saeculo dignatus est subvenire. Dabit precantibus efficaciam qui in se suscepit infirmitatem nostram. Attribuet postulationi effectum qui lassus sedit ad puteum. Componet nobis in oratione precem qui Samaritanae mulieri inspiravit ut crederet. Dabit in aeterna beatitudine praemium acquisitis qui misertus est cum voluit perituris.

212 Iesu Redemptor noster et Domine qui ad salvandum genus humanum sexta aetate saeculi venisti ad huius extremitatis nostrae profundum conserva atque sanctifica Ecclesiam tuam in unitate sanctae fidei quam olim a tenebrosa profunditate eruens putei tibi illam copulare voluisti per gratiam. Da cunctis in ea manentibus ut sicut ad te fide venerunt ita aeterno solatio potiantur ut per te introducamur ad regnum aeternae vitae per quem accepimus fidei illuminationem. Tribue nobis sitientibus aeternae fontis ita bibere potum ut nunquam sitiamus in aeternum. Expelle a cordibus nostris omnem profunditatem tenebrosam errorum nequando operiat super nos puteus os suum. Te te Christe inveniamus ad puteum relevantem qui nostro ex vitio quocumque lapsi fuerimus in crimine ut totiens relevemur tuae pietatis dono quotiens caecati labimur in delicto. Amove a cordibus nostris inveteratam vetustae vitae malitiam qui novitate Spiritus in Samaritanam illam fidei operatus es incrementa. Da quaesumus omnibus in commune Iesu bone ita dies istos sancti desiderii plenitudine gratiosos habere sicut illa promeruit dono sanctae fidei te in veritate cognoscere ut in horum celebritate dierum te custodiente non libidine polluamur non malitia sociemur non scandalis scindamur. Sed in sanctae fidei omnes unitate collecti ita Spiritus Sancti defensione protecti et illuminati mundemur a criminibus nostris qualiter ad sanctum Pascha pervenientes et ardenter suscipiamus mysterium nostrae redemptionis et veraciter reparatos nos gratulemur in statu aeternae lucis.

213 Christe Filius Dei vivi cuius virtutem mulier illa Samaritana praenoscere meruit cuius fidem casto corde suscepit cuius nomen abiens in civitatem celebre nuntiavit da nobis ut ea veritate nomen nostrum aeternis adscribatur in paginis qua veritate nomen gloriae tuae ob miraculum deitatis admirabile factum est Samariae in populis. Praesta etiam sancte Deus ut omnes qui fideli intentione fatemur et credimus nomen tuae sanctissimae Trinitatis numquam aeternis mancipemur suppliciis. Quique in eadem quam a te percepimus fide vocati sunt nullis flammarum adustionibus crucientur sed concede eis ut sicut in hac vita inconcussae statum verae fidei tenuerunt ita illius vitae gaudiis aeterno munere potiantur.

213 Salvator mundi Verbum Patris aeterni qui post acceptam fidem mulieris rogatus a samaritanis biduum apud eos facis ut in illorum duorum figura dierum mystice commendaretur duorum numerus praeceptorum caritas videlicet Dei et proximi munda cor nostrum omni crimine omnique ignorantiae caecitate. Qualiter mundissimam tibi in cordibus nostris praeparans mansionem tribuas nobis quod illis tribuisti proximi dilectionem veraciter retinere per quam possimus pervenire ad te et tuam omnimodo nosse dilectionem cum qua perveniamus ad gaudia vitae aeternae.

213 Dignum et iustum est nos tibi gratias agere Domine sancte Pater aeterne omnipotens Deus per Iesum Christum Filium tuum Dominum nostrum. Qui ad salvationem humani generis veniens e caelo sitiens atque fatigatus legitur sedisse ad puteum. Ille etenim in quo omnis plenitudo divinitatis corporaliter permanebat qui nostrae mortalitatis corpus assumpserat veritatem assumptae carnis quibusdam significationibus demostrabat. Fatigatum enim eum non aliter credimus ab itinere nisi infirmatum in carne. Exivit quippe ad currendam viam per significationem carnis assumptae. Ideo igitur etsi fatigatus ille in carne non tamen nos sinit infirmari in sua infirmitate. Nam quod infirmum est illius fortius est hominibus ideoque per humilitatem veniens eripere mundum a potestate tenebrarum sedit et sitivit quando aquam mulieri petivit. Ille enim humiliatus erat in carne quando sedens ad puteum loquebatur cum muliere. Sitivit aquam et exegit fidem ab ea. In ea quippe muliere fidem quam quaesivit quamque petivit exegit atque venientibus dicit de ea discipulis Ego cibum habeo manducare quem vos nescitis. Ille iam qui in ea creaverat fidei donum ipse poscebat aquae sibi ab ea porrigi potum quique eam dilectionis suae flamma cremabat ipse ab ea poculum quo refrigeraretur sitiens postulabat. Ob hoc nos ad tantarum virtutum miracula quid apponemus sancte immaculate et piissime Deus nisi conscientiam mundam et voluntatem dilectionis tuae omnimodo praeparatam. Tuo igitur Nomini offerentes victimam mundam rogamus atque exposcimus ut opereris in nobis salutem sicut in muliere operatus es fidem. Operare in nobis extirpationem carnalium vitiorum qui in illa idolatriae perculisti figmentum. Sentiamus quoque te in illa futura examinatione mitissimum sicut te promeruit invenire placatum. Opus enim tuum sumus qui nisi per te salvare non possumus. Subveni nobis vera Redemptio pietatis indeficiens plenitudo. Non perdas quod tuum est. Quibus dedisti rationis naturam da aeternitatis gloriam indefessam ut qui te in hac vita laudamus in aeterna quoque beatitudine multo magis glorificemus. Tu es enim Deus noster non nos abiicias a facie tua et iam respice quos creasti miseratione gratuita ut cum abstuleris a nobis omne debitum culpae et placitos reddideris aspectibus gratiae tuae eruti ab illa noxialis putei profunditate facinorum hydriam nostram relinquentes cupiditatum ad illam aeternam civitatem Ierusalem post huius vitae transitum convolemus et cum omnibus sanctis Nomen sanctum tuum celebremus proclamemus atque dicamus

215 Vere sanctus vere benedictus Dominus noster Iesus Christus Filius tuus cuius praesentia visionis mortificationem operatur sceleris. Non est enim homo qui eius contueatur faciem et suo possit remorari in crimine. Mulier quippe ista eius praesentiam cernens verborum quoque eius fluenta mirabiliter capiens postquam manifestissime cognovit Iesum reliquit hydriam vitiorum sicque abiens in civitatem non tacet quod experta erat de virtute eius miraculum. Sit gloria ipsi sit laus et honorificentia Domino nostro et Salvatori cuius potentia cedunt retinacula criminum ex quo etiam emendatior fit vita post lapsum. Reddamus ergo ei in quantum possumus contriti cordis sacrificium per quod se ipse testatus est posse inveniri placatum.

215 Deus qui in corde mulieris Samaritanae spiritum tuae sanctificationis dedisti quo te crederet quo te inspirata sentiret quo etiam posset tuae Maiestatis potentiam fideli intentione narrare. Emitte Spiritum tuum de sanctis caelis tuis quo sanctificentur oblata suscipiantur vota expientur delicta et cunctis ex hoc sumentibus donetur criminum indulgentia atque aeternae promissionis gaudia sempiterna.

215 Fons vitae perennis Iesu Filius Dei Patris in aeternum da nobis aquam vivam da sitientibus vitam aeternam ut et ipsi intra nos habeamus Regnum tuum. Tu nos Christe Iesu exaudi de summis cum Patrem sicut nos iussisti exoraverimus e terris

215 Unigenitus Christus Filius Dei qui Samaritanae mulieris sitiri dignatus est fidem ipse in vobis accendat sitim dilectionis suae. Idem Redemptor qui operatus est in illa quod ad Regnum vocaretur operetur in vobis quod ad aeternam remunerationem coronet. Quique discipulis orandi dedit praecepta ipse vos quocumque loco eum invocaveritis exaudiat.

216 Per misericordiam ipsius

216 Dominus sit semper vobiscum. Et cum spiritu tuo.

216 Qui venit ad me non esuriet qui credit in me non sitiet unquam

216 Ego sum lux mundi et qui sequitur me non ambulabit in tenebris sed habebit lucem vitae

216 Qui manducat meam carnem et bibit meum sanguinem in me manet et ego in illo

216 Repletum est gaudio os nostrum et lingua nostra in exsultatione

216 Reple Domine cor nostrum laetitia qui nobis dare dignatus es sacri corporis tui Eucharistiam ut qui escarum perceptione reficimur spiritualibus beneficiis adimpleri feliciter mereamur.

216 Per misericordiam ... benedictus

216 Dominus sit semper vobiscum. Et cum spiritu tuo.

216 In nomine Domini nostri Iesu Christi perficiam cum pace

216 Fili bonus reliquit heredes filios et nepotes et custoditur iusto substantia peccatoris multi cibi in novalibus patrum et aliis congregantur absque iudicio. Qui parcit virge odit filium suum. qui autem diligit illum instanter erudit. Iustus comedit et replet animam suam venter autem impiorum insaturabilis. Sapiens mulier aedificat domum suam insipiens extructam quoque destruet manibus. Ambulans recto itinere et timens Deum despicitur ab eo qui infami graditur via. In ore stulti virga superbie labia sapientium custodiunt eos. Ubi non sunt boves presepe vacuum est ubi autem apparent plurime segetes ibi manifesta fortitudo bovis. Testis fidelis non mentietur profert mendacium testis dolosus. Quaerit derisor sapientiam et non inveniet doctrina prudentium facilis. Vade contra virum stultum et nescit labia prudentiae. Sapientia callidi est intelligere viam suam et imprudentia stultorum errans. Stultus illudet peccatum et inter iustos morabitur gratia. Cor quod novit amaritudinem anime suae gaudio eius non miscebitur extraneus. Domus impiorum delebitur tabernacula autem iustorum germinabunt. (Prv 13)

217 Locutus est Dominus ad Moysen dicens scribe tibi verba haec quibus et tecum et cum filiis Israel pepigi fedus. Fuit ergo ibi eum Domino Moyses quadraginta dies et quadraginta noctes panem non comedit et aquam non bibit. Et scripsit in tabulas verba federis decem. Cumque descenderet Moyses de monte Sinai tenebat duas tabulas testimonii et ignorabat quod cornuta esset facies sua ex consortio sermonis Domini. Videntes Aaron et filii Israel cornutam faciem Moysi timuerunt prope accedere. Vocatique ab eo reversi sunt tam Aaron quam principes synagoge. Et postquam locutus est venerunt ad eum etiam omnes filii Israel. Quibus praecepit cuncta quae audierat a Domino in Monte Sinai. Impletisque sermonibus posuit velamen super faciem suam. Quod ingressus ad Dominum et loquens cum eo auferebat donec exiret. Et tunc loquebatur ad filios Israel omniaquaesibi fuerant imperata. (Ex 34)

217 Threnos Ieremiae prophetae ubi civitatis suae ruinas quadruplici plangit alphabeto ... et Ieremias propheta flens et lamentans lamentum hoc Deo et dixit

217 Quis dabit capiti meo aquam et oculis meis aperiet fontem lachrymarum ut plangam die ac nocte vulnera animae meae

217 Effundam lachrymas sicut aquas ante faciem Dei mei extollam ad eum manus meas pro remedio peccatorum meorum

218 Propter multitudinem iniquitatis meae quia multiplicate sunt peruaricatines

218 Nemo cum temptatur dicat (Jc 1)

218 Dictus est Iesus in desertum (Mt 4)

218 Dominus sit semper vobiscum. Et cum spiritu tuo.

218 Laudate Dominum quoniam bonus est psalmus Deo nostro sit iocunda laudatio

218 Praecinite Domino in confessione psallite Deo nostro in laude

218 Paenitentes orate flectite genua Deo deprecemur Dominum ut remissionem peccatorum et pacem nobis donare dignetur

218 Erigite vos in nomine Christi completa oratione vestra simul dicite amen

218 State locis vestris ad missam

218 Offerte Domino mundum sacrificium

218 Offerte Domino gloriam et honorem

218

218 Dies festos et dominicae passionis referentia consecratos advenisse fratres carissimi sentientes ambulemus in humilitate continentiam conservantes. Nemo saeculari voluptate pascatur neque rursus adversitate frangatur ut dum coeperimus temporalia sive bona sive mala contemnere tunc valeamus verissime quadraginta diebus et noctibus ieiunare post peractam vitae huius Quadragesimam recepturi vitam sine fine perpetuam. Nunc igitur Dominum nostrum tota mentis devotione poscamus ut ita nos sua nunc praeveniat gratia et misericordia protegat qualiter ad caelestia semper festinemus promissa.

218 Exaudi nos Domine sancte Pater aeterne omnipotens Deus et secundum magnam misericordiam tuam quam non negas pura mente petentibus orationes omnium acceptare propitius. Sanctifica ergo preces nostras quas supplices ad te humilesque effundimus et in affectum bonum nostri cordis desideria dignare convertere. Concede Domine ieiunium nostrum ita inculpabile apud te inveniri ut numquam diaboli laqueis teneamur adstricti sed a peccatis nostris immaculati inveniamur ac liberi. Quo tam anima quam corpore praeparati sancto altario tuo ministrare mereamur illaesi.

219 Coram altare tuum Domine et fidelium deferentur vota et ieiuniorum obsequia propter quod te humili prece rogamus ut huius ieiunii litatione ita acceptentur a te obsequia famulorum tuorum qualiter et universitas fidelium tuis reformetur ex donis et defunctorum animae amoenitate foveantur indultae beatitudinis.

219 Extingue in nobis Domine libitus omnes carnalis concupiscentiae per abstinentiae sacratae virtutem ut cum a nostris cordibus radicitus cuncta eraseris vitia tua in nobis permaneat caritas sempiterna.

219 Dignum et iustum est omnipotens Pater nos tibi gratias agere per Iesum Christum Filium tuum Dominum nostrum. In quo nihil suum princeps mortis invenit quia semper illum salutare ieiunium ieiunare cognovit ut volentibus vivere continenter et sobrie principalis fieret forma iustitiae tunc posse repelli docens malignos spiritus cum ieiuniis et orationibus spiritalis exercetur affectus. Unde merito eum crucifixum terra tremuit morientem corruptio non invasit resurgentem mundus credidit et ascendentem caelestis exercitus adoravit et reversurum vox angelica nuntiavit. Cui merito etiam omnes Angeli clamare non cessant ita dicentes.

219 Vere sanctus vere benedictus Dominus noster Iesus Christus Filius tuus qui quadraginta diebus et noctibus ieiunavit et postea esurivit tantorum quippe dierum ieiunando protelationem explens quia Deus erat et postea esuriens quia hominem verum assumpserat.

220 Offerentes tibi Domine oblationum vota celebrantesque ieiuniorum festa supplici corde et prompta voluntate de tua misericordia praesumentes rogamus ut haec hostia quae a nobis indignis offertur gratiam in conspectu tuae Maiestatis inveniat benedictionumque tuarum ubertate repleta dum nostris fuerit percepta visceribus cunctarum sordium squalores radicitus a nostris praecordiis pellat et remedium nostris mentibus corporibusque salutem acquirat.

220 Fiat misericordia tua Domine super nos sicut speravimus in te

220 Si nostis fratres carissimi Deum sibi decimas rerum velle offerri noveritis etiam hos dies de diebus vitae nostrae de expleto scilicet anno decimarum loco nos debere Deo persolvere ideoque praeteritorum veniam implorantes simus orationi et ieiunio insistentes unanimiter atque orationis Dominicae memores cordis simul et oris officio clamemus e terris.

220 Humiliate vos benedictioni. Dominus sit semper vobiscum.

220 Confirmet Dominus in timore sui nominis corda vestra et abstinentiae vestrae sanctificet obsequellam. Habitante quoque in vobis sanctificatione ieiunii ab omnibus mereamini criminibus expiari. Ut in vobis ei habitaculum mundissimum per abstinentiam praeparetis cuius fidei vexillum in fronte portatis.

220 Qui venit ad me non esuriet qui credit in me non sitiet umquam

220 Reple Domine cor

220 Qui facit misericordiam fenerat proximum et qui prevalet manu mandata servet fenera proximum in tempore necessitatis illius et iterum redde proximo in tempore suo necessitatem. Confirma verbum et fideliter age cum illo in omni tempore invenies quod tibi necessarium est. Multi quasi inventiones estimaverunt fenus et prestiterunt molestiam his qui se adiuvaverunt. Donec accipiat osculatur manum dantis et in promissionibus humiliat vocem suam et in tempore redditionis postulabit tempus et loquitur verba accidie et murmurationum et tempus causabitur. Si autem potuerit reddere adversatur solide et vix reddet dimidium et computabit illud quasi inventionem. Si autem fraudavit eum pecunia sua et possidebit eum inimicum gratis et convicia et maledicta reddet ei pro honore et beneficio reddet ei contumeliam. Verumtamen super humilem patiens esto et in elemosynam non pertrahas illum. Propter mandatum adsume pauperem et propter inopiam eius ne dimittas illum vacuum. Conclude elemosynam in corde pauperis et haec pro te exorabit ab omni malo. (Eccli 29)

221 Surrexit Iacob et impositis liberis et coniugibus suis super camellos et abiit. Tulitque omnem substantiam suam et greges et quicquid in Mesopotamia quesierat pergens ad Isaac patrem suum in terra Chanaam. Eo tempore Laban ierat ad tondendas oves et Rachel furata est idola patris fui. Noluitque Iacob socero confiteri quod fugeret. Cumque abisset tam ille quam omnia quae iuris eius erant et amne transmisso pergerent contra montem Galaad nuntiatum est Laban die tertio quod fugeret Iacob. Qui assumptis fratribus suis persecutus est eum dies septem et comprehendit eum in monte Galaad. Viditque in somnis dicentem sibi Deum. Cave ne quicquam aspere loquaris contra Iacob. Iamque Iacob extenderat in montem tabernaculum. Cum ille consecutus eum fuisset cum fratribus suis in eodem monte Galaad fixit tentorium et dixit ad Iacob. Quare ita egisti ut clam me abigeres filias meas quasi captivas gladio Cur ignorante me fugere voluisti nec indicare mihi ut prose quaerer te cum gaudio et canticis et timpanis et cithara Non es passus ut oscularer filios meos ac filias stulte operatus es. Et nunc valet quidem manus mea reddere tibi malum. Sed Deus patris vestri heri dixit mihi. Cave ne loquaris cum Iacob quicquam durius. Et si tu ad tuos ire cupiebas et desiderio tibi erat domus patris tui cur furatus es Deos meos Respondit Iacob. Quod inscio te profectus sum timui ne violenter auferres filias tuas. Quod autem furti me arguis apud quaemcumque inveniris Deos tuos necetur coram fratribus nostris. Scrutare quicquid tuorum erga me inveneris et aufer haec dicens ignorabat quod Rachel furata esset idola. Ingressus itaque Laban tabernacula Iacob et Lie et utriusque familiae non invenit. Cumque intrasset tabernaculum Rachelis illa festinans abscondit idolum subter stramenta camelli et sedit desuper. Scrutatique omne tentorium et nihil invenienti ait Ne irascatur Dominus meus quod coram te surgere nequeo quia iuxta consuetudinem feminarum nunc accidit mihi. Sic delusa sollicitudo quaerentis est. Tumensque Iacob cum iurgio ait. Quam ob culpam meam et ob quod peccatum sic exarsisti post me et scrutatus es omnem suppellectilem meam Quid invenisti de cuncta substantia domus tuae Pone hic coram fratribus meis et fratribus tuis et iudicent coram me et te. Idcirco viginti annos fui tecum oves tuae et capre non fuerunt steriles arietes gregis tui non comedi nec captum a bestia ostendi tibi. Ego damnum omne reddebam. Quidquid furti perierat a me exigebas. Die noctuque estu arebam et gelu fugiebatque somnus ab oculis meis. Sic per viginti annos in domo tua servivi tibi quatuordecim pro filiabus sex pro gregibus tuis. Immutasti quoque mercedem meam decem vicibus. Et nisi Deus patris mei Abraham et timor Isaac affuisset mihi forsitan nudum me dimisisses. Afflictionem meam et laborem manuum mearum respexit Deus et arguit te heri. Respondit Laban. Filii et filiae et greges tui et omniaquaecernis mea sunt. Quid possum facere filiis et nepotibus meis veni ergo et iniamus fedus ut sit testimonium inter me et te. Tulit itaque Iacob lapidem et erexit illum dixitque fratribus suis. Afferte lapides. Qui congregantes feceruntque tumulum comederuntque super eum. quem vocavit Laban tumulus testis. Et Iacob acervum testimonii uterque iuxta proprietatem lingue sue. Dixitque Laban. Tumulus iste testis erit inter me et te hodie. Et idcirco appellatus est nomen eius Galaad id est tumulus testis. Intueatur Dominus et iudicet inter nos quando recesserimus a vobis. Si afflixeris filias meas et si introduxeris uxores alias super eas nullus sermonis nostri testis est absque Deo qui presens respicit. Dixit rursus Iacob. En tumulus hic et lapis quem erexi inter me et te testis erit tumulus inquam iste et lapis sit in testimonium. Si aut ego transiero illum pergens ad te aut tu praeterieris malum mihi cogitans Deus Abraham Deus Nachor iudicet inter nos Deus patris eorum. Iuravit Iacob per timorem patris sui Isaac immolatisque victimis in monte vocavit fratres suos ut ederent panem. Qui cum comedissent manserunt ibi. Laban vero de nocte consurgens osculatus est filios ac filias suas et benedixit illis reversusque est in locum suum Iacob quoque abiit itinere quo coeperat. (Gn 31)

223 Deducant oculi mei lachrymas et palpebre meae fluant aquas quia vox lamentationis audita est super me

223 Propterea amare flebo angustia possedit me emarcuit cor meum tenebre stuperfecerunt me

223 Vae mihi quia defecit aia mea et sensus cordis mei turbati sunt in me

223 Silentium facite.

223 Nolite in personarum acceptione habere fidem Domini nostri Iesu Christi gloriae. Etenim si introierit in conventum vestrum vir aureum anulum habens in veste candida introierit autem et pauper in sordido habitu et intendatis in eum qui indutus est veste preclara et dixeritis ei tu sede hic bene. Pauperi autem dicatis tu sta illic aut sede sub scabello pedum meorum Nonne iudicastis apud vosmetipsos et facti estis Iudices cogitationum iniquarum Audite fratres mei dilectissimi. Nonne Deus elegit pauperes in hoc mundo divites in fide et heredes regni quod repromisit Deus diligentibus se Vos autem exhonorastis pauperem. Nonne divites per potentiam opprimunt vos et ipsi trahunt vos ad iudicium Nonne ipsi blasphemant bonum nomen quod invocatum est super vos Si tamen legem perfecistis regalem secundum scripturas diliges proximum tuum sicut te ipsum benefacitis. Si autem personam accipitis peccatum operamini redarguti a lege quasi transgressores. Quicumque autem totam legem servaverit offendat autem in uno factus est omnium reus. Qui enim dixit non mechaberis dixit et non occides. Quod si non mechaberis occides autem factus es trangressor legis. Propter quod sic loquimini et sic facite sicut per legem libertatis incipientes iudicari. Iudicium enim sine misericordia illi qui non fecit misericordiam. Superexaltat autem misericordia in iudicio. (Jc 2)

224 Domnus noster Iesus Christus loquebatur pharisaeis et turbis dicens. Operamini non cibum qui periit sed qui permanet in vitam aeternam quem filius hominis dabit vobis. Hunc enim pater signavit Deus. Dixerunt ergo ad eum. Quid faciemus ut operemur opera Dei Respondit Iesus et dixit eis. Hoc est opus Dei ut credatis in eum quem misit ille. Dixerunt ergo ei. Quod ergo tu facis signum ut videamus et credamus tibi quid operaris Patres nostri manna manducaverunt in deserto sicut scriptum est. Panem de caelo dedit eis manducare. Dixit ergo eis Iesus. Amen amen dico vobis non Moyses dedit vobis panem de caelo sed pater meus dabit vobis panem de caelo verum. Panis enim Dei est qui descendit de caelo et dat vitam mundo. Dixerunt ergo ad eum. Domine semper da nobis panem hunc. Dixit autem eis Iesus. Ego sum panis vitae. Qui venit ad me non esuriet. Et qui credit in me non sitiet unquam. Sed dixi vobis quia et vidistis me Et non credidistis. Omne quod dat mihi pater ad me veniet et eum qui venit ad me non eiiciam foras. Quia descendi de caelo non ut faciam voluntatem meam sed voluntatem eius qui misit me. (J 6)

225 Dominus sit semper vobiscum. Et cum spiritu tuo.

225 Laudate Dominum qui timetis eum in medio ecclesiae

225 Laudabunt Dominum qui requirerunt eum

225 Paenitentes orate flectite genua Deo deprecemur Dominum ut remissionem peccatorum et pacem nobis donare dignetur

225 Offerte Domino mundum

225 Omnipotens Deus tibi supplices fundimus preces qui operis tui damno in deceptione primi hominis non laetatus salubre victoriae gaudium praestitisti quo in declinando auctorem criminis ipsum peccati fomitem e mentibus posteritatis extirparet. Ut ille hostis in ieiunio haberet abstinentia vincente perniciem qui in edulio habuerat gula praecipitante virtutem praecipuo quoque ieiunii medicamine calcaretur suggestio perniciosa serpentis si praecepti custodia peremisset appetitum voluntatis et salutifero continentiae vigore suscepto atque edacitatis animi assentatione posthabita hic caput anguis extingueret qui principium erroris damnaret. Ergo Domine quia sine te nec evadere nos constat posse nec vincere tu in nobis operare pro nobis ut inter illum Adam qui periit in paradiso et inter illum qui vivit in eremo non nobis imitabilis sit ille qui prior sed iste qui melior ac magis muneris consideratione quam temporis ille ad imitandum primus sit qui secundus. Cuius sic in nobis exempli vivat utilitas ut in tempore quo est anima sanctificanda ieiunio liberati a victore temperie ita habeat natura abstinentiam ne per incontinentiam veniat ad ruinam.

225 Veni ad liberandum nos Domine Deus virtutum et quidquid in conceptum desiderii nostri illud pestilens animal nocendi arte sollicitum commentis blandientibus innodavit proposito terrore sententiae sub imperio crucis et testimonio redemptionis absolve. Ut nos in hac diversitate bonorum omnium quae creasti ad speciem paradisi constitutos dulcia visui mala non capiant et interdictae rei gustum mens fraude corrupta consilii non requirat. Sicque vigorem suum virilis animus id est spiritus probabili virtute custodiat ut deceptum femineae fragilitatis hortatum id est carnis libidinem non sequatur. Vocem tuam Domine qui peccat accipiat et nudum se coram tuis oculis expavescat atque in conscientiae suae agnitione confusus paenitentiae se velamine a facie tui terroris abscondat. Et ita arguentis increpatione perterritus et expavescat quod audivit ut corrigat quod deliquit.

226 Accipe Domine et ieiunantium fidem et offerentium pronam devotionem ut qui te cum voto ieiunii imploramus tam nobis quam defunctis fidelibus necessaria remedia impetremus.

226 Iesu collatio vitae perennis nostrum quaesumus ieiunium acceptabile fiat in oculis tuis quo huius ieiunii litatione et carnis nostrae inedia convalescat et anima donum perfectae dilectionis obtineat.

226 Dignum et iustum est aequum vere et salutare nos tibi semper gratias agere Domine sancte Pater aeterne omnipotens Deus qui postea quam plasmatum tuum fallacis cibi intemperans appetitus in transgressione praeceptionis abductum habitaculo iucunditatis extrusit ne succiduam prolem peccati ex traduce lex teneret verum nobis panem in Filio cuius esus vitam redderet contulisti. Qui de caelo descendens arcana fidelium gratia suae confessionis impleret et per verbi potentiam praestaret alimoniam nec sentiret expensam doceretque ita probabili ieiunio se quaerendum ut non escis servire nos cupiat sed praeceptis solumque si esset simplex fides victrix esset esuries et vivere se posset credere in verbo qui se redemptum nosset ex verbo. Ac fidei beneficio hoc sibi esset in cibo quod fuisset in pretio suique corporis oblatione vel sanguinis qui erat vita hoc daret ad vitam unde redimeret vitam et per hoc maneremus in illo per quod maneret in nobis. Sic potentiam retinens deitatis sic gratiam dilectionis ostendens ut per huius cibi substantiam in aeternum vellet vivere quos vocasset si in ipso vellent vivere quos pavisset. Cui merito omnes angeli et archangeli non cessant clamare cotidie ita dicentes

227 Vere sanctus vere gloriosus Dominus noster Iesus Christus Filius tuus qui subsistendi nobis in labore fortitudinem donat cum inediae nostrae ubertatem suae dulcedinis administrat.

227 Pelle Domine a corde nostro scandalum et oblatum tibi huius ieiunii suscipe sacrificium quo emendati delictis horum sacramentorum perceptione et parsimoniae apud te invenire mereamur mercedem et virtutum spiritalium consequi dignitatem.

227 Fiat misericordia tua Domine super nos sicut speravimus in te

227 Redemptor noster fortissime Deus qui inspicis contritionis nostrae affectum probabile tibi effice hoc ieiunium nostrum ut qui te Patrem habere dignoscimur paternitatis affectu a te exaudiri promereamur.

227 Humiliate vos benedictioni. Dominus sit semper vobiscum.

227 Sanctificet Dominus corda et corpora vestra et sibi vos faciat militare per abstinentiam. Eo quippe auxiliante ab illicitis abstinere possitis quo inspirante vos maceratione affligitis. Ab eo quoque reficiamini spiritalibus epulis qui nostris apud Patrem intercessor est pro peccatis.

227 Per misericordiam

227 Qui venit ad me non esuriet qui credit in me non sitiet umquam

228 Ego sum lux mundi et qui sequitur me non ambulabit in tenebris sed habebit lucem vitae

228 Qui manducat meam carnem et bibit meum sanquinem in me manet et ego in illo

228 Repletum est gaudio os nostrum lingua nostra in exultatone

228 Reple Domine cor nostrum laetitia qui nobis dare dignatus es sacri corporis tui Eucharistiam ut qui escarum perceptione reficimur spiritualibus beneficiis adimpleri feliciter mereamur.

228 Per misericordiam ... benedictus

228 Dominus sit semper vobiscum. Et cum spiritu tuo.

228 In nomine Domini nostri Iesu Christi perficiamus cum pace

228 In corde prudentis requiescit sapientia et indoctos quoque erudiet iustitia elevat gentem miseros facit populos peccatum. Acceptus est regi Minister intelligens iracundiam eius inutilis sustinebit. Responsio mollis frangit iram sermo durus suscitat furorem. Lingua sapientium ornat scientiam. Os fatuorum ebullit stultitiam. In omni loco oculi Dei contemplantur bonos et malos. Lingua placabilis lignum vitae quae immoderata est conteret spiritum. Stultus irridet disciplinam patris qui autem custodit increpationes astutior fit. Domus iusti plurima fortitudo et in fructibus impii conturbatio. Labia sapientium disseminabunt scientiam cor stultorum dissimile erit. Victime impiorum abominabiles Domino vota iustorum placabilia. (Prv 14)

228 Post duos annos vidit Pharao somnium. Putabat se stare super fluvium de quo ascendebant septem boves pulchre et grasse nimis et pascebantur in locis palustribus. Aliae quoque septem mergebant de flumine fede confecteque macie pascebantur in ipsa amnis ripa in locis virentibus. Devoraveruntque eas quarum mira species et habitudo corporum erat. Expergefactus Pharao rursum dormivit et vidit aliud somnium. Septem spice pullulabant in culmo uno plene atque formose. Aliae quoque totidem spice tenues et percusse uredine oriebantur devorantes omnem priorem pulchritudinem. Evigilans post quietem et facto mane pavore perterritus misit ad coniectores Aegypti cunctosque sapientes. Et accersitis narravit somnium nec erat qui interpretaretur. Tunc demum reminiscens pincernarum magister ait. Confiteor peccatum meum. Iratus rex servis suis me et magistrum pistorum retrudi iussit in carcerem principis militum. Ubi una nocte uterque vidimus somnium praesagum futurorum. Erat ibi puer hebreus eiusdem ducis militum famulus. Cui narrantes somnia audivimus quicquid postea rei probavit eventus. Ego enim redditus sum officio meo et ille suspensus est in patibulo. Protinus ad regis imperium eductum de carcere Ioseph totonderunt ac veste mutata obtulerunt ei. Cui ille ait. Vidi somnia nec est qui edisserat quae audivi te sapientissime coniicere. Respondit Ioseph. Absque me Deus respondebit prospera Pharaoni. Narravit ergo quod viderat. Putabam me stare super ripam fluminis et septem boves de amne conscendere pulcras nimis et obesis carnibusquaein pastu paludis virentia carpebant. Et ecce assequebantur aliae septem boves in tantum deformes et macilente ut nunquam tales in terra Aegypti viderim quae devoratis et consumptis prioribus nullum saturitatis dedere vestigium sed simili macie et squalore torpebant. Evigilans rursus sopore depressus vidi somnium aliud. Septem spice pullulabant in culmo uno plene atque pulcherrime aliae quoque septem tenues et percusse uredine oriebantur e stipula quae priorem pulcritudinem pariter devorabant. Narravi coniectoribus somnium et nemo est qui edisserat. Respondit Ioseph. Somnium regis unum est quod facturus est Deus ostendit Pharaoni. Septem boves pulcre et septem spice plene septem ubertatis anni sunt eandemque vim somnii comprehendunt. Septemque boves tenues atque macilente quae ascenderunt post eas et septem spice tenues et vento urente percusse septem anni sunt venture famis qui hoc ordine complebuntur. Et septem anni venient fertilitatis magne in universa terra Aegypti. Quos sequentes septem anni alii tante sterilitatis ut oblivioni tradantur cuncta retro abundantia. Consumptura est enim fames omnem terram. Et ubertatis magnitudinem perditura est inopie magnitudo. Quod autem vidisti saecundo ad eandem rem pertinens somnium firmitatis iudicium est eo quod fiat sermo Domini et velocius impleatur. Nunc ergo provideat rex virum sapientem et industrium et preficiat eum terrae Aegypti qui constituat praepositos per singulas regiones et quintam partem fructuum per septem annos fertilitatis qui iam nunc futuri sunt congreget in horrea et omne frumentum sub Pharaonis potestate condatur. Serveturque in urbibus et paretur future septem annorum fami quae oppressura est Egyptum et non consumetur terra inopia. Placuit Pharaoni consilium et cunctis ministris eius. Locutusque est ad eos. Num invenire possumus talem virum qui spiritu Dei plenus sit Dixit ergo ad Ioseph quia ostendit tibi Dominus Deus omnia quae locutus es numquid sapientiorem et similem tui invenire potero Tu eris super domum meam et ad tui oris imperium cunctus populus obediet. Uno tantum regni solio te praecedam. Dicensque rursus Pharao ad Ioseph. Ecce constitui te super universam terram Aegypti. Tulitque anulum de manu sua et dedit eum in manu eius vestivitque eum stola byssina et collo torquem auream circumposuit. Fecitque ascendere super currum suum secundum clamantem praeconem ut omnes coram eo genu flecterent et praepositum esse scirent universae terrae Aegypti. Dixit quoque rex ad Ioseph. Ego sum Pharao. Absque tuo imperio non movebit quisquam manum aut pedem in omni terra Aegypti. Vertitque nomen illius et vocavit eum lingua Aegyptiaca Salvatorem mundi. (Gn 12)

231 Dominus sit semper vobiscum. Et cum spiritu tuo.

231 Quam preciosa est misericordia tua domine Deus meus

231 Attrahe misericordiam tuam scientibus te et iustitiam tuam rectis corde

231 Ne veniat mihi pes suberbiae et manus impiorum non me commoveat

231 Miserere et parce clementissime Domine populo tuo quia peccavimus tibi

231 Prostati omnes lachrimas perducimus pandentes tibi occulta que admisimus a te deus veniam deposcimus

231 Orationes sacerdotum accipe et quaequem postulant afluenter tribue ac plebi miserere Domine

231 Futore tuum adduxisti super nos nostra delicta dira curvaverunt nos et absquem ulla spe defecimus

231 Traditi sumus malis que nescivimus et omne malum inruit super nos et invocamus et non audimur

231 Omnes clamamus omnes te requirimus te penitentes lachrymas prosequimur cuiusquem iram ipsi provocavimus

231 Te deprecantes te gementes poscimus te Iesu Christe prosternati petimus tua potestas iam sublevet miseros

231 Confessionem tuae plebis accipe quam lamentantes coram te effundimus et pro admissis corde ingemescimus

231 Pacem rogamus pacem nobis tribue ammove bella et nos omnes erue humili prece postulamus Domine

231 Inclina aurem Deus clementissime iam abluentur delictorum macule et a periculis tu benignus exime

231 Exaudi orationem nostram Domine

231 Silentium facite.

232 Quid prodest si fidem quis dicat se hebere opera autem non habeat. Num potest fides salvare eum Si autem frater aut soror nudi sunt et egeant victu cottidiano dicat aliquis ite in pace calefacimini et saturabimini et non dederitis autem eis quae necessaria sunt corpori quid proderit Sic et fides. Si non habeat opera mortua est in semetipsa. Sed dicit aliquis. Tu fidem habes et ego opera habeo. Ostende mihi fidem tuam sine operibus et ego ostendam tibi ex operibus fidem meam. Tu credis quoniam unus est Deus bene facis. Et daemones credunt et contremiscunt. Vis autem scire o homo inanis quoniam fides sine operibus ociosa est. Abraham pater noster nonne ex operibus iustificatus est offerens Isaac filium suum super altare. Vides quoniam cooperabatur operibus illius et ex operibus fides consummata est et suppleta est scriptura dicente. Credidit Abraham Deo et reputatum est illi adiustitiam et amicus Dei appellatus est. (Jc 2)

232 Dominus noster Iesus Christus cum exiret de templo vidit hominem cecum a nativitate. Et interrogaverunt eum discipuli sui. Rabbi quis peccavit hic aut parentes eius ut caecus nasceretur Respondit Iesus. Neque hic peccavit neque parentes eius sed ut manifestarentur opera Dei in illo. Me autem oportet operare opera eius qui misit me dum adhuc dies est. Veniet nox quando nemo potest operari. Quandiu in mundo sum lux sum mundi. Haec cum dixisset expuit in terram et fecit lutum ex sputo et linivit lutum super oculos eius et dixit ei. Vade et lava in natatoria Siloe quod interpretatur missus. Abiit ergo et lavit et venit videns. Itaque vicini et qui viderant eum prius quia mendicus erat dicebant. Nonne hic est qui sedebat et mendicabat Alii dicebant quia hic est. Alii autem. Naequaquam sed similis est ei. Ille autem dicebat quia ego sum. Dicebant ergo ei. Quomodo aperti sunt oculi tui Respondit. Ille homo qui dicitur Iesus lutum fecit et unxit oculos meos et dixit mihi. Vade ad natatoria Siloe et lava. Et abii et lavi et ecce video. Dixerunt ergo ei. Ubi est ille Ait. Nescio. Adducunt eum ad pharisaeos qui caecus fuerat. Erat autem sabbatum quando lutum fecit Iesus et aperuit oculos eius. Iterum ergo interrogabant eum pharisaei quomodo vidisset. Ille autem dixit eis. Lutum posuit mihi super oculos et lavi et video. Dicebant ergo ex pharisaeis quidam. Non est hic homo a Deo qui sabbatum non custodit. Alii dicebant Quomodo potest homo peccator haec signa facere Et scisma erat in eis. Dicunt ergo caeco iterum. Tu quid dicis de eo qui aperuit oculos tuos Ille autem dixit. Quia propheta est. Non crediderunt ergo Iudaei de illo quia cecus fuisset et vidisset donec vocaverunt parentes eius qui viderat et interrogaverunt eos dicentes. Hic est filius vester quem vos dicitis quia cecus natus est Quomodo ergo nunc videt Responderunt eis parentes eius et dixerunt. Scimus quia hic est filius noster et quia caecus natus est. Quomodo autem nunc videt nescimus. aut quis eius aperuit oculos nescimus. Ipsum interrogate aetatem habet ipse de se loquatur. Haec dixerunt parentes eius quia timebant Iudaeos. Iam enim conspiraverant Iudei ut si quis eum confiteretur Christum extra synagogam fieret. Propterea parentes eius dixerunt quia aetatem habet ipsum interrogate. Vocaverunt ergo rursus hominem qui fuerat cecus et dixerunt ei. Da gloriam Deo. Nos scimus quia hic homo peccator est. Dixit ergo ille. Si peccator est nescio unum scio quod caecus cum essem modo video. Dixerunt ergo illi. Quid fecit tibi quomodo aperuit oculos tuos Respondit eis. Dixi vobis. iam audistis. Quid iterum vultis audire Numquid et vos vultis discipuli eius fieri Maledixerunt ei et dixerunt. Tu discipulus illius sis nos autem Moysi discipuli sumus. Nos scimus quia Moysi locutus est Deus. Hunc autem nescimus unde sit. Respondit ille homo et dixit eis. In hoc enim mirabile est quia vos nescitis unde sit et aperuit oculos meos. Scimus autem quia peccatores Deus non exaudit. Sed si quis Dei cultor est et voluntatem eius facit hunc exaudit. A saeculo non est auditum quis aperuit oculos caeci nati. Nisi esset hic a Deo non poterat facere quicquam. Responderunt et dixerunt ei. In peccatis natus es totus et tu doces nos Et eiecerunt eum foras. Et audivit Iesus quia eiecerunt eum foras. Et cum invenisset eum dixit ei. Tu credis in filium Dei Respondit ille et dixit. Quis est Domine ut credam in eum Et dixit ei Iesus. Et vidisti eum et qui loquitur tecum ipse est. At ille ait. Credo Domine et procidens adoravit eum. (J 9)

234 Dominus sit semper vobiscum. Et cum spiritu tuo.

234 Laudabo nomen Dei mei cum cantico magnificabo eum in laude

234 Laudent illum caeli ac terra et mare et omnia quae in eis sunt

234 Paenitentes orate flectite genua Deo deprecemur Dominum ut remissionem peccatorum et pacem nobis donare dignetur

234 Hii dies exorationis sancti erunt vobis et humiliabitis animas vestras applicantes holocausta Domino Deo vestro

234 Omnis anima quaecunquem non se observaverit exterminabitur de populo suo isti enim vobis sunt dies

234 Erigamus quaeso dilectissimi fratres corda nostra ad consideranda divini Mysterii sacramenta. Lectio etenim sancti Evangelii quae hodierna die ad audiendum vos fecit esse devotos efficiat etiam aeternitatis fructibus opulentos. Et sicut auditu eam fide Integra percepistis ita quoque fideli devotione quiddam in illa mysticum requiratis. Ea quippe quae fecit Dominus noster Iesus Christus obstupenda atque miranda et opera fuerunt et signa quia et operatio exstitit in virtute et signum in visione. Si ergo quid significet hoc quod factum est cogitemus omne genus humanum significat iste caecus. Hanc enim piaculi caecitatem transductam ducimus ex homine primo de quo non solum originem trahimus nationis sed et pondus iniquitatis. Ideoque si ex illo lumen amisimus quod nostro ex merito in nobis reparare non possumus ecce adest Iesus ultroneus ad sanandum qui cor contritum exspectat et humiliatum qui lacrimantibus dare promittit aeternae consolationis remedium. Deferamus nos ei vota mundemus corda proferamus suspiria. Offeramus Deo victimam mundam lacrimis pedes eius rigemus et cum internis rugitibus supplicemus ut iam auferat a nobis tenebras nostri cordis et ita in nobis firmet vim suae dilectionis ne ullatenus ad lapsus redeamus propriae caecitatis.

235 Deus qui humanarum mentium lux aeterna tu paternis iniquitatibus obscuratos illumina ut restauret gratuita gratia quidquid perdidit vitiata natura ut qui in nobis aliquando tenebrae fuimus in te semper lucidi esse possimus. Nulla nobis amplius delictorum nebula dominetur nulla nox iniquitatis te in nobis iugiter lucente nascatur. Esto famulis tuis perpetuus dies in quo ambulantes non erremus ulterius sed proficiamus in melius viam Christi tui dilatato corde currentes et vestigia Salvatoris cum eo qui caecus natus est amplectentes. Haec est enim victima salutaris haec oblatio sacrificii singularis adorare Unigenitum tuum in veritate nostri corporis natum et spreta sinagoga malignantium cognoscere te in gentibus exaltatum.

235 Iesu redemptor humani generis restaurator aeternae lucis praesta nobis famulis tuis ut sicut abluti sumus originali peccato per tinctionem baptismatis cuius significationem habuit piscina illa quae oculis lumen praestitit caecis ita quoque nos secundo lacrimarum baptismate purifices a delictis sicque mereamur praecones effici laudis tuae sicut caecus ille annuntiator factus est gratiae. Et sicut ille ad confitendum te verum Deum adimpletus est fide ita nos quoque repleamur boni opens confessione. Atque tanta excellentia pietatis occurras te invocantibus pius ut per haec libamina quae tibi offerimus et vivi obtineamus remedium salutare et defuncti percipere mereantur aeternum gaudium sine fine.

236 Deus qui tanta pace et dilectione hunc mundum dilexisti ut per Unigenitum Filium tuum cuncta terrestria caelestibus sociares miseratione gratuita quae caecitate primi hominis facta fuerant inter se dissidentia da nobis ut qui obscuritate nostrorum criminum a proximi dilectione avertimur te in nobis perpetualiter lucente ita in Nominis tui dulcedine solidemur quatenus et amicos in te et inimicos propter te aeterne dilectionis vinculo amplectamur.

236 Dignum et iustum est nos tibi gratias agere Domine sancte Pater aeterne omnipotens Deus per Iesum Christum Filium tuum Dominum nostrum. Qui illuminatione suae fidei tenebras expulit mundi et fecit filios esse gratiae qui tenebrantur sub legis iusta damnatione. Qui ita in iudicium in hunc mundum venit ut non videntes viderent et videntes caeci essent qualiter et hii qui in se tenebras confitebantur errorum perciperent lumen aeternum per quod carerent tenebris delictorum et hii qui de meritis suis arrogantes lumen in semetipsis habere se iustitiae extimabant in se ipsis merito tenebrescerent qui elati superbia sua et de iustitia confisi propria ad sanandum Medicum non quaerebant. Per Iesum enim qui se ostium esse dixit ad Patrem poterant introire sed quia de meritis elevati sunt improbe in sua remanserunt nihilominus caecitate. Proinde humiles venientes nec de nostris meritis praesumentes aperimus ante altare tuum sanctissime Pater vulnus proprium tenebras nostrorum fatemur errorum conscientiae nostrae aperimus arcanum. Inveniamus quaesumus Domine in vulnere medicinam in tenebris lucem aeternam innocentiae puritatem in conscientia. Cernere etenim totis viribus volumus faciem tuam sed impedimur caecitate cordis tenebra consueta. Caelos aspicere cupimus nec valemus dum caecati tenebris peccatorum nec hos pro sancta vita attendimus qui propter excellentiam vitae caeli nomine nuncupati sunt. Occurre igitur Iesu nobis in templo tuo orantibus et cura omnes in hac die qui in virtutibus faciendis noluisti sabbatum custodire. Ecce nunc ante gloriam Nominis tui aperimus vulnera nostra. Tu appone nostris infirmitatibus medicinam succurre nobis ut promisisti precantibus qui ex nihilo fecisti quod sumus. Fac collirium et tange oculos nostri cordis et corporis neutrique labentur in tenebrarum erroribus consuetis. Ecce pedes tuos rigamus fletibus non nos abiicias humiliatos o Iesu bone a vestigiis tuis qui humilis venisti in terris. Audi iam nostrorum omnium precem ut evellens nostrorum criminum caecitatem videamus gloriam faciei tuae in illa pacis aeternae beatitudine proclamantes atque ita dicentes.

237 Vere sanctus vere dies sempiternus vere lucifer verus Dominus noster Iesus Christus Filius tuus. Qui sic luce divinitatis suae claruit mundo ut eum a tenebrarum eriperet dominatu et nos qui aliquando eramus tenebrae efficeremur in eo verum lumen qualiter eum cognosceremur per illuminationem fidei suae qui pro nobis omnibus animam suam tradidit usque ad mortem.

237 Tange quaesumus Iesu Filius Dei tenebras cordis nostri digitis tuis ut te in nobis lucente peccatorum eluamur a tenebris qualiter ea quae tibi offerimus luce perlustres aeternae sanctificationis et nos ita mundes a vitiorum illecebris ut sanctificati percipere mereamur Eucharistiam corporis et sanguinis tui in visceribus nostris.

238 Fiat misericordia tua Domine super nos sicut speravimus in te

238 Iesu praeceptor occurre nobis ambulantibus viam cupientibus pervenire ad Patriam ut praecedente nobis luce tua ambulemus in viam rectam nec oberremus in tenebram istius noctis horrendam te in nobis relucente qui es via veritas et vita. Da igitur nobis ut sicut caecus ille per confessionem vera credulitatis obtinuit donum indultae salutis ita nos adipiscamur in tuis verbis effectum piae petitionis cum ea quae nos docuisti proclamaverimus e terris.

238 Humiliate vos benedictioni. Dominus sit semper vobiscum.

238 Omnipotens Iesus Christus Dominus qui virtute potentiae suae caecis oculis praestitit medicinam ipse oculos vestros ab omni vanitate avertat. Et qui illi praestitit se in veritate cognoscere ipse corda vestra in sui Nominis dilectione confirmet. Quique se per hoc miraculum ostendit mirabilem populis ipse vos ita dono impleat sanctae virtutis qualiter ad aeternam vitam sine macula pervenire possitis.

238 Per misericordiam ipsius

238 Ego sum ostium dicit Dominus si quis per me introierit salvabitur et ingredietur et regredietur et pascua inveniet

238 Qui manducat meam carnem et bibit meum sanquinem in me manet et ego in illo

238 Repletum est gaudio nostrum et lingua nostra exultatone

238 Reple Domine corde nostrum

239 Diligenter agnosce vultum pecoris tui tuosque greges considera. Non enim habebis iugiter potestatem sed corona tribuetur tibi in generatione et generatione. Aperta sunt prata et apparuerunt herbe virentes et collecta sunt fena de montibus. Agni ad vestimentum tuum et hedi agri praetium. Sufficiat tibi lac caprarum in cibos tuos et in necessaria domus tuae et ad victum ancillis tuis. Fugit impius nemine persequente iustus autem quasi leo confidens absque terrore erit. Propter peccata terrae multi principes eius et propter hominis sapientiam et horum scientiam quae dicuntur vita ducis longior erit. Vir pauper calunnians pauperi similis est imbri vehementi in quo paratur fames. Qui derelinquunt legem laudant impium qui autem custodiunt succenduntur contra eum. Viri mali non cogitant iudicium qui autem requirunt Dominum animadvertunt omnia. Qui declinat aures suas ne audiat legem oratio eius erit execrabilis. Qui decipit iustos in via mala in interitu suo corruet et simplices possidebunt terram. (Prv 27)

239 Postquam creverat Moyses egressus ad fratres suos vidit afflictionem eorum et virum AAegyptium percutientem quemdam de Hebreis fratribus suis. Cumque circumspexisset huc atque illuc. et nullum adesse vidisset percussum Aegyptium abscondit sabulo. Egressus die altera conspexit duos Hebreos rixantes dixitque ei qui faciebat iniuriam. Quare percutis proximum tuum Qui respondit quis te constituit iudicem aut principem super nos Numquid occidere me tu vis sicut occidisti Aegyptium Timuit Moyses et ait. Quo palam factum est verbum istud Audiensque Pharao sermonem huncquaerebat occidere Moysen. Qui fugiens de conspectu eius moratus est in terra Madian et sedit iuxta puteum. Erant autem sacerdoti Madian septem filiae quae venerant ad hauriendas aquas. Et impletis canalibus adaquare cupiebant greges patris sui. Superveneruntque pastores et eiecerunt eas. Surrexitque Moyses indefensis puellis et adaquavit oves earum quae cum revertissent ad Raguel patrem suum dixit ad eas. Cur velocius venistis solito. Responderunt. Vir Aegyptius liberavit nos de manu pastorum insuper et hausit aquam nobiscum potumque dedit ovibus. At ille. Ubi est inquit quare dimisistis hominem Vocate eum ut comedat panem. Iuravit ergo Moyses ut habitaret cum eo. Accepitque Sephoram filiam eius uxorem quae peperit filium quem vocavit Gersam dicens. Advena fui in terra aliena. Post multum vero temporis mortuus est rex Aegypti et ingemiscentes filii Israel propter opera vociferati sunt. Ascenditque clamor eorum ad Deum ab operibus et audivit gemitum eorum ac recordatus est federis quod pepigerat cum Abraham Isaac et Iacob respexit filios Israel et cognovit eos. Moyses autem pascebat oves Ietro cognati sui sacerdotis Madian. Cumque minasset gregem ad interiora deserti venit ad montem Dei Oreb. Apparuitque ei Dominus in flamma ignis de medio rubi et videbat quod rubus arderet et non combureretur. Dixit ergo Moyses. Vadam et videbo visionem hanc magnam quare non comburatur rubus. Cernens autem Dominus quod pergeret ad videndum vocavit eum de medio rubi et ait. Moyses. Moyses. Qui respondit. Adsum. At ille. Ne approprieris inquit huc. Solve calciamentum de pedibus tuis locus enim in quo stas terra sancta est. Et ait. Ego sum Deus Patris tui Deus Abraham Deus Isaac et Deus Iacob. Abscondit Moyses faciem suam non enim audebat aspicere contra Deum. Cui ait Dominus. Vidi afflictionem populi mei in Aegypto et clamorem eius audivi propter duriciam eorum qui presunt operibus. Et sciens dolorem eius descendi ut liberarem eum de manibus Aegyptiorum et educerem de terra illa in terram bonam et spaciosam. In terra quae fluit lacte et melle ad locum Chananei et Cethei et Amorrei et Pherisei et Etei et Iebusei. Clamor ergo filiorum Israel venit ad me vidique afflictionem eorum quomodo ab Aegyptiis opprimuntur. Sed veni mittam te ad Pharaonem ut educas populum meum filios Israel de Aegypto. Et dixit Moyses ad Deum. Quis ego sum ut vadam ad Pharaonem et educam filios Israel de Aegypto Qui dixit ei. Ego ero tecum. Et hoc habebis signum quod miserim te. Cum eduxeris populum meum de Aegypto immolabis Deo super montem istum. Ait Moyses ad Deum. Ecce ego vadam ad filios Israel et dicam eis. Deus patrum vestrorum misit me ad vos Si dixerint mihi quod est nomen eius quid dicam eis Dixitque Deus ad Moysen. haec dices filiis Israel. Ego sum qui sum ait. Sic dices filiis Israel. Qui est misit me ad vos Dixitque iterum Deus ad Moysen haec dices filiis Israel. Dominus Deus patrum vestrorum Deus Abraham Deus Isaac et Deus Iacob misit me ad vos. Hoc nomen mihi est in aeternum et hoc memoriale meum in generatione et generatione. (Ex 2)

241 Dominus sit semper vobiscum. Et cum spiritu tuo.

241 Ecce ego deprecabor Deum et placabilis mihi erit et videbo faciem eius in exsultatione

241 Consumpta est caro mea a suppliciis ab hominabilis est mihi panis contabuit cor meum et ossa mea emarcuerunt

241 Erue me a corruptione et illumina in lucem viventium

241 Silentium facite.

241 Fructus iustitiae in pace seminatur facientibus pacem. Unde bella et lites in vobis Nonne ex concupiscentiis vestrisquaemilitant in membris vestris Concupiscitis et non habetis occiditis et zelatis et non potestis adipisci. Litigatis et belligeratis et non habetis propter quod non postulastis. Petitis et non accipitis eo quod male petatis et in concupiscentiis vestris consummamini. Adulteri nescitis quod amicitia huius mundi inimica est Dei Quicumque ergo voluerit amicus esse saeculi huius inimicus Dei constituitur. Aut putatis quia inaniter scriptura dicat ad invidiam concupiscit Spiritus qui habitat in vobis Maiorem autem dat gratiam. Propter quod dicit Deus superbis resistit humilibus autem dat gratiam. Subditi igitur estote Deo. Resistite autem diabolo et fugiet a vobis. Appropiate Deo et appropinquabit vobis. Emundate manus peccatores et purificate corda duplices animo miseri estote. Lugete et plorate. Risus vester in lucto convertatur et gaudium in merore. Humiliamini in conspectu Domini et exaltabit vos. (Jc 3)

242 Dominus noster Iesus Christus loquebatur phariseis et turbis dicens. Ecce voluntas eius qui misit me patris ut omne quod dedit mihi non perdam ex eo sed resuscitem illud in novissimo die haec est enim voluntas patris mei qui misit me ut omnis qui videt filium et credit in eum habeat vitam aeternam. Et ego resuscitabo eum in novissimo die. Murmurabant ergo Iudei de illo quod dixisset ego sum panis qui de caelo descendi et dicebant. Nonne hic est Iesus filius Ioseph cuius nos novimus patrem et matrem Quomodo ergo dicit hic quia de caelo descendi Respondit ergo Iesus et dixit eis. Nolite murmurare in invicem. Nemo potest venire ad me nisi pater qui misit me traxerit eum. Et ego resuscitabo eum in novissimo die. Est scriptum in prophetis. Et erunt omnes docibiles Dei. Omnis qui audivit a Patre et didicit venit ad me. Non quia patrem vidit quisquam nisi is qui est a Deo hic vidit patrem. Amen amen dico vobis quia qui credit in me habet vitam aeternam. (J 6)

242 Dominus sit semper vobiscum. Et cum spiritu tuo.

242 Laudabo nomen Domini cum cantico et magnificabo eum in laude

242 Paenitentes orate flectite genua Deo deprecemur Dominum ut remissionem peccatorum et pacem nobis donare dignetur

242 Offerte Domino mundum

242 Omnipotenti Deo fratres carissimi totis sensibus supplicemus qui superbis resistere et humilibus dare gratiam repromisit ut nos in horum dierum observatione quos ieiuniorum dispositus ordo vel traditio dedicavit humiliatos corpore et contribulatos corde dignanter intendat et quibus praestitit humiliationis sensum his augmentet humilitatis obsequium.

243 Domine misericordiarum et Deus summae perfectaeque bonitatis qui peccatorum propitiationem ieiuniis et orationibus et eleemosynis quaerendam et obtinendam esse monstrasti respicere dignare ad hanc humilitatis nostrae confessionem ut qui inclinamur conscientia nostra erigamur misericordia tua.

243 Intuere piissime Domine ieiunii nostri devotissimam precem et offensis nostris propitiatus ignosce quo et humiliatio abstinentiae nostrae tibi gloriam deferat et oblatio huius sacrificii requiem defunctis impertiat.

243 Piissime Deus arentes ieiunio dilectionis et pacis tuae refice incremento ut qui tuae adoptionis filii sumus et scandalis careamus et sincero alternae pacis osculo sociemur.

243 Dignum et iustum est nos tibi semper gratias agere Domine sancte Pater aeterne omnipotens Deus per Iesum Christum Dominum nostrum qui est vita pereuntium animarum refectio abstinentium salus debilium et consolatio contritorum. Qui corpora fessa in labore sustentat qui animam in periciilis salvat et omnium humilium precibus quaesitae suffragationis remedia subministrat. Per ipsum ergo nos Deus Pater sanctifica per quem nobis donare dignatus es vitam. Per ipsum apud te sit nostri ieiunii parsimonia acceptabilis qui nos tibi reconciliavit per oblatum sui sacrificium corporis ut ligno crucis suae in huius mundi procellosa fluctuatione portemur et ad eum repulsis vitiis ac repleti virtutibus veniamus. Cui merito omnes angeli et archangeli non cessant clamare cotidie una voce dicentes.

244 Sanctus Sanctus Sanctus

244 Vere sanctus vere gloriosus vere benedictus Dominus noster Iesus Christus Filius tuus qui sanat contritos corde et maerentes erigit sospitate qui cor contritum et humiliatum non spernit in nobis qui per spiritalis parsimoniae abstinentiam et animam salvat et corpus liberat a ruina.

244 Emitte Christe Filius Dei de sanctis caelis tuis copiam tuae benedictionis quo et ieiunium nostrae devotionis gratum efficiatur in oculis tuis et haec libamina benedictione sanctificentur tuae virtutis.

244 Fiat misericordia tua Domine super nos quemadmodum speravimus in te

244 Ad fontem lucis et originem bonitatis te summe Deus concurrentes precamur ut arentem ieiunio carnem tuae foveas castitatis amore affectumque nobis dones petitionis. Exaudi nos de caelis cum ad te proclamaverimus e terris.

244 Humiliate vos benedictioni. Dominus sit semper vobiscum.

244 Omnipotens Deus inediam vestram reficiat miseratione gratuita. Respiciat petitionis vestrae clamorem cum eum afflictionis invocaveritis in tempore. Ut ad eum puras semper manus cum cordibus extendatis a quo vobis dari solatium ieiunii litatione deposcitis

244 Dominus sit semper vobiscum

244 Qui venit ad me non esuriet qui credit in me non sitiet umquam

244 Reple Domine cor nostrum

244 Omnipotens sermo tuus Domine exiliens de caelo a regalibus sedibus durus debellator in medio exterminii terram prosilivit. Gladius acutus in simulatum imperium tuum portans et stans replevit omnia morte et usque ad caelum attingebat stans in terram. Tunc continuo visus somniorum malorum turbaverunt illos et timores supervenerunt insperati. Et alius alibi proiectus semivivus propter quam moriebatur eam demonstrabat mortis. Visiones enim quae illos turbaverunt haec praemonebant ne inscii quare mala patiebantur perirent. Tetigit autem tunc et iustos tentatio mortis et commotio in heremo facta est multitudinis sed non diu permansit ira tua. Properans enim homo sine quaerela propugnabit proferens servitutis suae scutum orationem et per incensum deprecationem allegans. Restitit ire et finem imposuit necessitati ostendens quoniam tuus est famulus.

245 Cum dimisisset Pharao populum non eos duxit Dominus per viam terrae Philistiim quae vicina est reputans ne forte peniteret eum si vidisset adversum se bella consurgere et reverteretur in Aegyptum sed circumduxit per viam desertiquaeest iuxta mare Rubrum. Et armati ascenderunt filii Israel de terra Aegypti. Tulitque Moyses ossa Ioseph saecum eo quod adiurasset filios Israel dicens. Cum visitaverit vos Deus afferte ossa mea hinc vobiscum. Profectique de Socoth castrametati sunt in Etham in extremis finibus solitudinis. Dominus autem praecedebat eos ad ostendendam viam per diem in columna nubis et per noctem in columna ignis ut dux esset itineris utroque tempore. Nunquam defuit columna nubis per noctem coram populo. Locutus est Dominus ad Moysen dicens loquere filiis Israel et dices ad eos. Reversi castrametentur in regione Phiairoth quae est inter Magdalum et mare contra Beelsephon. In conspectu eius castra ponetis super mare dicturusque est Pharao super filiis Israel Coartati sunt in terra conclusit eos desertum. Et indurabo cor eius ac persequentur vos et glorificabor in Pharaone et in omni exercitu eius scientque Aegyptii quia ego sum Dominus. Fecerunt ita. Et nuntiatum est regi Aegypti quod fugisset populus. Immutatumque est cor Pharaonis et servorum eius super populum et dixerunt Quid voluimus facere ut dimitteremus Israel ne serviret nobis Iunxit ergo currum et omnem populum suum assumpsit saecum. Tulitque sexcentos currus electos et quicquid in Aegypto curruum fuit et duces totius exercitus. Induravitque Dominus cor Pharaonis regis Aegypti et persecutus est filios Israel. At illi egressi erant in manu excelsa. Cumque perse quaerentur Aegyptii vestigia praecedentium repererunt eos in castris super mare omnisque equitatus et currus Pharaonis et universus exercitus erat in Phiaroth contra Belsephon. Cumque appropinquasset Pharao levantes filii Israel oculos viderunt Aegyptios post se et timuerunt valde. Clamaveruntque ad Dominum et dixerunt ad Moysen. Forsitan non erant sepulchra in Aegypto ideo tulisti nos ut moreremur in solitudine quid hoc facere voluisti ut educeres nos ex Aegypto Nonne iste est sermo quem loquebamur ad te in Aegypto dicentes recede a nobis ut serviamus Aegyptiis. Multo enim melius est servire eis quam mori in solitudine. Et ait Moyses ad populum. Nolite timere. State et videte magnalia Domini quae facturus est hodie. Aegyptios enim quos nunc videtis nequaquam ultra videbitis usque in sempiternum. Dominus enim pugnabit pro vobis et vos tacebitis. (Ex 13)

246 Dominus sit semper vobiscum. Et cum spiritu tuo.

246 Quis est homo ut immaculatus sit et ut iustus appareat ecce inter sanctos nemo immaculatus et caeli non sunt mundi in conspectu eius

246 Quanto magis omnis homo qui bibet quasi aquas iniquitatum memento quod sicut lutum feceris me et in pulverem deduces me

246 Signasti quasi in sacculo delicta mea sed curasti iniquitatem meam

246 Silentium facite.

247 Nolite ingemiscere in alterutrum ut non iudicemini. Ecce Iudex ante ianuam adsistit. Exemplum accipite fratres laboris et patientie exitus mali et longanimitatis. Prophetas qui locuti sunt in nomine Domini ecce beatificamus qui sustinuerunt. Sufferentiam Iob audistis et finem Domini vidistis quam misericors est Dominus et miserator. Ante omnia autem fratres mei nolite iurare neque per caelum neque per terram neque per aliud quodcumque iuramentum. Sit autem verbum vestrum est est non non ut non sub iudicio decidatis. Affligitur aliquis vestrum oret equo animo et psallat. Infirmatur quis ex vobis inducat presbyteros Ecclesiae et orent super eum ungentes eum oleo in nomine Domini et oratio fidei salvabit infirmum et allevabit eum Dominus. Etsi in peccatis sit dimittentur ei. Confitemini ergo alterutrum peccata vestra. et orate pro invicem ut salvemini. Multum enim prevalet deprecatio iusti assidua. Helias homo erat similis nobis passibilis et oratione oravit ut non plueret super terram. Et non pluit annos tres et menses sex. Et rursum oravit et caelum dedit pluviam et terra fructum suum. Fratres mei si quis ex vobis erraverit a veritate et converterit quis eum scire debet quoniam qui converti fecerit peccatorem ab errore viae suae salvat animam eius a morte et cooperit multitudinem peccatorum.

247 Ego sum panis vitae. Patres vestri manducaverunt in deserto manna et mortui sunt. Hic es. panis de caelo descendens. et si quis ex ipso manducaverit non morietur. Ego sum panis vivus qui de caelo descendi. Qui manducaverit ex hoc pane vivet in aeternum. Et panis quem ego dabo caro mea est pro mundi vita. Litigabant ergo Iudei ad invicem dicentes. Quomodo potest hic nobis carnem suam dare ad manducandum Dixit ergo eis Iesus. Amen amen dico vobis. Nisi manducaveritis carnem filii hominis et biberitis eius sanguinem non habebitis vitam in vobis. Qui manducat meam carnem et bibit meum sanguinem habet vitam aeternam et ego resuscitabo eum in novissimo die. (J 6)

248 Dominus sit semper vobiscum. Et cum spiritu tuo.

248 Laudabo nomen Domini cum cantico et magnificabo eum in laude

248 Paenitentes orate flectite genua Deo deprecemur Dominum ut remissionem peccatorum et pacem nobis donare dignetur

248 Offerte Domino mundum

248 Deum Regem omnipotentem catholicae legis et religionis auctorem consona fratres carissimi oratione poscamus ut preces nostras religiosaque ieiunia quae corpore humiliato corde contrito famulantes offerimus illo quo primum voluit quove primum docuit amore suscipiat. Nos quoque famulos suos ab omni genere peccatorum absolutos et liberos paradiso reddat et caelo.

248 Deus cui militare consuevit abstinentia corporalis ut expugnetur nequitia spiritalis supereminentem nostris cordibus infunde dulcedinem qua beatae vitae desiderent mansionem. Nulla ieiunantibus iracundiae repentinae amaritudo subripiat nullaque cogitationum noxiarum sentina remaneat. Memor esto sacrificii quod offerimus et concede propitius misericordiam quam rogamus.

248 Offerentium Domine suscipe votum nostrumque ieiunium coram te facito esse acceptum. Quo nostra delens peccata propitius ita defunctis fidelibus veniam praestes ut beatorum consortio eos sine fine laetifices.

248 Familiae tuae quaesumus omnipotens Deus absolve peccata mentesque purifica ut venerabiles ieiunii dies congrua devotione repetentes pacem et misericordiam quam fideliter poscimus impetrare feliciter mereamur.

248 Dignum et iustum est aequum vere et salutare est nos tibi gratias agere omnipotens Pater et Iesu Christo Filio tuo Domino nostro in quo ieiunantium fides alitur spes provehitur caritas roboratur. Ipse enim est panis vivus et verus qui est substantia aeternitatis et esca virtutis. Verbum enim tuum est per quod facta sunt omnia qui non solum humanarum mentium sed ipsorum quoque panis est angelorum. Huius panis alimento Moyses famulus tuus quadraginta diebus ac noctibus legem suscipiens ieiunavit et a carnalibus cibis ut tuae suavitatis capacior esset abstinuit de verbo tuo vivens et valens cuius et dulcedinem bibebat in spiritu et lucem accipiebat in vultu. Inde nec famem sensit et terrenarum oblitus est escarum quia et illum gloriae tuae glorificabat aspectus et influente Spiritu Sancto sermo pascebat interius. Hunc etiam panem ministrare non desinis et ut eum indeficienter esuriamus hortaris. Cuius carne dum pascimur roboramur et sanguinem dum potamus eluimur. Cui merito omnes angeli et archangeli non cessant clamare cotidie ita dicentes

249 Vere sanctus vere benedictus Dominus noster Iesus Christus Filius tuus qui dono pietatis indultae refovet miseriam carnis nostrae quam affligit desudatio abstinentiae interdictae. Ipse est enim a quo et nunc in labore reficimur et post mercedem repromissa beatitudinis exspectamus.

249 Omnipotens Deus Pater qui Filium tuum pro nobis omnibus tradidisti non parcens illi ut per illum parceres nobis ignosce nostris peccatis et ieiunium quod offerimus fiat tibi victima salutaris. Virtus quoque tua de caelis descendens quaesumus ut et nos ob perceptionem horum Sacramentorum purificet et haec ipsa libamina quae tibi offerimus sanctificationis dono perlustret.

250 Fiat misericordia tua Domine super nos sicut speravimus in te

250 Miserere nostri fili David ne decidamus in via nec laboris subruamur aerumna ne sine fructu perveniamus ad Patriam ut parsimoniae nostrae propitiatus ex victimis exaudias vocem nostrae confessionis cum ad te proclamaverimus e terris.

250 Humiliate vos benedictioni. Dominus sit semper vobiscum.

250 Iesus Filius Dei qui est panis vivus inediam vestram donis spiritalibus repleat. Mentem consilio salutari praemuniat carnem vitiis eluat vota acceptet ieiuniumque benedicendo sanctificet. Ut eius dono omni actu mereamini esse felices cui abstinentiae defertis humillimas preces.

250 Dominus sit semper vobiscum

250 Qui venit ad me non esuriet qui credit in me non sitiet umquam

250 Reple Domine cor nostrum

250 Suavis est homini panis mendacii et postea implebitur os eius calculo. Cogitationes consilii roborantur et gubernaculis tractanda sunt bella. Et qui revelat mysterium et ambulat fraudulenter et qui dilatat labia sua ne commiscearis. Qui maledicit patri suo et matri extinguetur lucerna eius in mediis tenebris. Hereditas ad quam festinatur in principio in novissimo benedictione carebit. Ne dicas reddam malum pro malo. expecta Dominum et liberabit te. Abhominatio est apud Deum pondus et pondus. statera dolosa non est bona. A Domino diriguntur gressus hominis. Si quis autem hominum intelligere poterit viam suam. Ruina est homini devotare sanctos et post vota retractare. Dissipat impios rex sapiens et incurvat super eos fornicem. Lucerna Domini inspiraculum hominis qui investigat omnia secreta ventris. Misericordia et veritas custodiunt regem et roborabitur clementia thronus eius. (Prv 20)

251 Videns Balaac filius Sephor omnia quae fecerat Israel Ammorreo et quod pertimuissent eum Moabite et impetum eius ferre non possent dixit ad maiores natu Madian. Ita delevit hic populus omnes qui in nostris finibus commorantur quomodo solet bos herbas usque ad radices carpere. Ipse erat eo tempore rex in Moab. Misit ergo nuncios ad Balaam filium Beor ariolum qui habitabat super flumen terrae filiorum Ammon ut vocaret eum et diceret. Ecce egressus est populus ex Aegypto qui operuit superficiem terrae sedens contra me. Veni igitur et maledic populo huic quia fortior me est si quo modo possim percutere eum et eiicere de terra mea. Novi enim quod benedictus sit cui benedixeris et maledictus in quem maledicta congesseris. Perrexerunt seniores Moab et maiores natu Madian habentes divinationis pretium in manibus. Qui cum venissent ad Balaam et narrassent ei omnia verba Balaac ille respondit. Manete hic hac nocte et respondebo quicquid mihi dixerit Dominus. Manentibus illis apud Balaam venit Deus et ait ad eum. Quid sibi volunt homines isti apud te Respondit. Balaac filius Sephor rex Moabitarum misit ad me dicens. Ecce populus qui egressus est de Aegypto operuit superficiem terrae. Veni et maledic eis si quomodo pugnans possim abigere eum. Dixit Dominus ad Balaam. Noli ire cum eis neque maledicas populo quia benedictus est. Qui mane consurgens dixit ad principes. Ite in terram vestram quia prohibuit me Dominus ire vobiscum. Reversi principes dixerunt Balaac. Noluit Balaam venire nobiscum. Rursum ille multo plures et nobiliores quam ante miserat misit. Qui cum venissent ad Balaam dixerunt. Sic dicit Balaac filius Sephor. Ne cuncteris venire ad me paratus sum honorare te et quicquid volueris dare. Veni et maledic populo isti. Respondit Balaam. Si dederit mihi Balaac plenam domum suam auri et argenti non potero immutare verbum Domini Dei mei ut vel plus vel minus loquar. Obsecro ut hic maneatis etiam hac nocte ut scire queam quid mihi rursum respondeat Dominus. Venit ergo Dominus ad Balaam nocte et ait illi. Si vocare te venerunt homines isti surge et vade cum eis. Ita dumtaxat ut quod tibi precepero facias. Surrexitque Balaam mane et stravit asinam profectusque est cum eis et iratus est Dominus. Stetitque Angelus Domini in via contra Balaam qui sedebat asinam et duos pueros habebat secum. Cernens asina Angelum stantem in via evaginato gladio avertit se de itinere et ibat per agrum. Cumque verberasset Balaam asinam et vellet ad semitam reducere stetit Angelus in angustis duarum maceriarum quibus vineae cingebantur. Quem videns asina iunxit se parieti et attrivit sedentis pedem. At ille iterum verberabat eam et nihilominus Angelus ad locum angustum transiens ubi neque ad dexteram neque ad sinistram poterat deviari obvius stetit. Cumque vidisset asina stantem angelum concidit sub pedibus sedentis. Qui iratus vehementius cedebat fuste latera eius. Aperuit Dominus os asine et locuta est asina. Quid feci tibi cur percutis me ecce iam tertio Respondit Balaam. Quia commeruisti et inlusisti mihi utinam haberem gladium ut te percuterem. Dixitque asina. Nonne animal tuum sum cui semper sedere consuevisti usque in presentem diem. Dic quid simile unquam fecerim tibi At ille ait. Nunquam. Protinus aperuit Dominus oculos Balaam et vidit Angelum stantem in via evaginato gladio adoravitque eum pronus in terram. Cui Angelus. Cur inquit tertio verberasti asinam tuam Ego veni ut adversarer tibi quia perversa est via tua mihique contraria. Et nisi asina declinasset de via dans locum resistenti te occidissem et illa viveret. Dixit Balaam Peccavi. Nesciens quod tu stares contra me. Et nunc si displicet tibi ut vadam revertar. Ait Angelus. Vade cum istis et cave ne aliud quam precepero tibi loquaris. Fuit igitur cum principibus. Quod cum audisset Balaac egressus est in occursum eius in oppido Moabitarum quod situm est in extremis finibus Armon. Dixitque Balaac ad Balaam. Misi nuncios ut vocarent te cur non statim venisti ad me An quia mercedem adventui tuo reddere nequeo Cui ille respondit. Ecce adsum. Numquid loqui potero aliud nisi quod Deus posuerit in ore meo. Perrexerunt ergo simul et venerunt in urbem quae in extremis regni eius finibus erat. Cumque occidisset Balaac oves et boves misit ad Balaam et princeps qui cum eo erant munera. Mane autem facto duxit eum ad excelsa Baal et intuitus est extremam partem populi. Dixit Balaam ad Balaac. Aedifica mihi hic septem aras et para totidem vitulos eiusdemque numeri arietes. Cumque fecisset iuxta sermonem Balaam imposuerunt simul vitulum et arietem super aram. Dixitque Balaam ad Balaac. Sta paulisper iuxta holocaustum tuum donec vadam si forte occurrerit mihi Dominus et quodcumque imperaverit loquar tibi. Cumque abiisset velociter occurrit ei Deus locutusque est ad eum Balaam. Septem inquit aras erexi et imposui vitulum et arietem desuper. Dominus autem posuit verbum in ore eius. Et ait. Revertere ad Balaac et haec loqueris. Reversus invenit Balaac stantem iuxta holocaustum suum et omnes principes Moabitarum. Assumptaque parabola sua dixit. De Aram adduxit me Balaac rex Moabitarum de montibus orientis. Veni inquit et maledic Iacob et propera et detestare Israel. Quomodo maledicam cui non maledixit Deus qua ratione detester quem Deus non detestatur De summis silicibus videbo eum et de collibus considerabo illum. Populus solus habitavit et inter gentes non reputabitur. Quis dinumerare possit pulverem Iacob et nosse numerum stirpis Israel Moriatur anima mea morte iustorum et fiant novissima mea horum similia. (Nu 22)

254 Dominus sit semper vobiscum

254 Genua mea infirmata sunt

254 Ieiunio et caro mea immutata est propter misericordiam

254 Et ego factus sum obprobrium illis viderunt me et moverunt capita sua

254 Adiuva me Domine Deus meus et salcum me fac in tua misericordia

254 Libera me quia egens sum et pauper ego et cor meum conturbatum est intra me

254 Rogamus te rex saeculorum Deus sancte iam miserere peccavimus tibi

254 Audi clamantes Pater altissime et quae precamur clemens attribue exaudi nos Domine

254 Bone Redemptor supplices quaesumus de toto corde flentes requirimus adsiste propitius

254 Emitte manum Deus omnipotens et invocantes potenter protege exalto piissime

254 Fertilitatem et pacem tribue remove bella et famen cohibe Redemptor sanctissime

254 Indulge lapsis indulge perditis dimitte noxia ablue crimina acclivos tu libera

254 Assistant bona descedant hostes pessimae incumbunt clades inopia tu Christe nos libera

254 Gemitus vide fletus intellige extende manum peccantes redime

254 Hanc nostram Deus hanc pacem suscipe supplicum voces placatus suscipe et parce Piissime

254 Exaudi orationem nostram Domine

254 Petrus apostolus Christi Iesu electis advenis dispersionis Ponti Galiciae Cappadociae Asiae et Bithyniae secundum praescientiam Dei Patris in sanctificatione spiritus in obedientiam et aspersionem sanguinis Iesu Christi gratia vobis et pax adimpleatur. Benedictus Deus et Pater Domini nostri Iesu Christi qui per magnam misericordiam suam regeneravit nos in spem vitae aeterne per resurrectionem a mortuis Iesu Christi. In hereditatem incorruptibilem et immarcescibilem conservatam in caelis in vobis qui in virtute Dei custodimini per fidem in salutem paratam revelari in tempore novissimo. In quo exsultabitis modicum nunc si oportet contristari in variis tentationibus. Ut probatio vestre fidei multo preciosior sit auro quod per ignem probatur inveniatur in laudem et gloriam et honorem in revelationem Iesu Christi. Quem cum non videritis diligitis in quem nunc quoque non videntes creditis credentes autem exsultatis laeticia inenarrabili et glorificata reportantes finem fidei vestrae salutem animarum vestrarum. De qua salute exquisierunt atque scrutati sunt prophetae qui de futura in vobis gratia Dei prophetaverunt. Scrutantes in quod vel quale tempus significaret qui in eis erat spiritus Christi praenuntians eas quae in Christo sunt passiones et posteriores glorias quibus revelatum est quia non sibimetipsis vobis autem ministrabant ea quae nuntiata sunt vobis per eos qui evangelizaverunt vobis Spiritu Sancto misso de caelo in quem concupiscunt angeli prospicere. (1P 1)

255 Erat quidam languens Lazarus a Bethania de castello Mariae et Marthae sororis eius. Maria autem erat quae unxit Iesum unguento et extersit pedes eius capillis suis cuius frater Lazarus infirmabatur. Miserunt ergo sorores eius ad eum dicentes Domine ecce quem amas infirmatur. Audiens autem Iesus dixit eis. Infirmitas haec non est ad mortem sed pro gloria Dei ut glorificetur filius Dei per eum. Diligebat autem Iesus Martham et sororem eius Mariam et Lazarum. Ut ergo audivit quia infirmatur tunc quidem mansit in eodem loco duos dies. Deinde post haec dixit discipulis suis. Eamus in Iudeam iterum. Dicunt ei discipuli. Rabbi nunc quaerebant te Iudaei lapidare et iterum vadis illuc Respondit Iesus. Nonne duodecim hore sunt diei. Si quis ambulaverit in diem non offendet quia lucem huius mundi videt Si autem ambulaverit in noctem offendet quia lux non est in eo haec ait et post haec dixit eis. Lazarus amicus noster dormit sed vado ut a somno suscitem eum. Dixerunt ergo discipuli eius. Domine si dormit salvus erit. Dixit autem Iesus de morte eius illi autem putaverunt quia de dormitione somni diceret. Tunc ergo dixit eis Iesus manifeste. Lazarus mortuus est et gaudeo propter vos ut credatis quoniam non eram ibi sed eamus ad eum. Dicit ergo Thomas qui dicitur Didimus ad condiscipulos. eamus et nos et moriamur cum eo. Venit itaque Iesus et invenit eum quatuor dies iam in monumento habentem. Erat autem Bethania iuxta Ierosolymam quasi stadiorum quindecim. Multi autem ex Iudeis venerunt ad Martham et Mariam ut consolarentur eas de fratre suo. Martha ergo ut audivit quod Christus venit occurrit illi. Maria autem domi sedebat. Dixit ergo Martha ad Iesum. Domine si fuisses hic frater meus non fuisset mortuus sed nunc scio quia quecunque poposceris a Deo dabit tibi Deus. Dicit illi Iesus. Resurget frater tuus. Dicit illi Martha. Scio quia resurget in resurrectione in novissimo die. Dicit ei Iesus. Ego sum resurrectio et vita. Qui credit in me etiamsi mortuus fuerit vivet. Et omnis qui vivit et credit in me non morietur in aeternum. Credis hoc Ait illi. Utique Domine ego credidi quia tu es Christus filius Dei qui in hunc mundum venisti. Et cum haec dixisset abiit et vocavit Mariam sororem suam silentio dicens. Magister adest et vocat te Illa ut audivit surrexit cito et venit ad eum. Nondum enim venerat Iesus in castellum sed erat adhuc in illo loco ubi occurrerat ei Martha. Iudaei ergo qui erant cum ea in domo et consolabantur eam cum vidissent Mariam quia cito surrexit et exiit secuti sunt eam dicentes quia vadit ad monumentum ut ploret ibi. Maria ergo cum venisset ubi erat Iesus videns eum cecidit ad pedes eius et dixit ei. Domine si hic fuisses non esset mortuus frater meus. Iesus ergo ut vidit eam plorantem et Iudaeos qui erant cum ea plorantes fremuit spiritu et turbavit se ipsum et dixit. Ubi posuistis eum Dicunt ei. Domine veni et vide. Et lacrimatus est Iesus. Dixerunt ergo Iudaei. Ecce quomodo amabat eum. Quidam autem dixerunt ex ipsis. Non poterat hic qui aperuit oculos ceci facere ut hic non moreretur Iesus ergo rursum fremens in semetipso venit ad monumentum. Erat autem spelunca et lapis superpositus erat ei. Ait Iesus. Tollite lapidem. Dicit ei Martha soror eius qui mortuus fuerat. Domine iam fetet quatriduanus enim est. Dicit ei Iesus. Nonne dixi tibi quia si credideris videbis gloriam Dei Tulerunt ergo lapidem. Iesus ergo elevatis oculis sursum dixit. Pater gratias ago tibi quoniam audisti me. Ego autem sciebam quia semper me audis. Sed propter populum qui circumstat dixi ut credant quia tu me misisti. Haec cum dixisset voce magna exclamavit. Lazare veni foras. Et statim prodiit qui fuerat mortuus ligatus pedes et manus institis et facies illi sudario erat ligata. Dicit eis Iesus. Solvite eum et sinite abire. Multi ergo ex Iudaeis qui venerant ad Mariam et viderunt quae fecit crediderunt in eum Quidam autem ex ipsis abierunt ad Phariseos et dixerunt eis quae fecit Iesus. Collegerunt ergo Pontifices et Pharisaei concilium et dicebant. Quid faciemus quia hic homo multa signa facit Si dimittimus eum sic omnes credent in eum et venient Romani et tollent nostrum locum et gentem. Unus autem ex ipsis Caiphas cum esset pontifex anni illius dixit eis. Vos nescitis quicquam nec cogitatis quia expedit vobis ut unus moriatur homo pro populo et non tota gens pereat. Hoc autem a semetipso non dixit sed cum esset pontifex anni illius prophetavit quia Iesus moriturus erat pro gente. Et non tantum pro gente sed ut filios Dei qui erant dispersi congregaret in unum. (J 11)

258 Dominus sit semper vobiscum

258 Confitebor Domino nimis in ore meo et in medio multorum laudabo eum

258 Quoniam astitit a dexteris pauperis ut salvam faceret a persequentibus animam meam

258 Paenitentes orate flectite genua Deo deprecemur Dominum ut remissionem peccatorum et pacem nobis donare dignetur

258 Serviamus Domino Deo nostro et iuris nostri sit offerre holocausta et victimas et pacificas hostias

258 Conforamini et estote soliciti ut custodiatis cuncta quae scripta sunt in volumine legis Moysi

258 Ecce dilectissimi fratres audivimus verba dominicae lectionis. Avide percipiamus illa in praecordiis nostris quia quaedam sunt in ea figuraliter intelligenda de nobis. Lazarum etenim quem suscitatum a Domino ex mortuis sanctum nobis Evangelium recensivit nos sumus omnes caeno voluptatum et miseriae ita sordentes. Qui dum peccatis originalibus aggravamur aliisque quod ipsi pati nolumus impertimur legem quoque priscam atque Evangelium contemnendo transcendimus et propria nos voluntate quatriduanos in delicti sepulturam deiicimus quaternis diebus quodammodo retenti in monumento sub morte quasi quaterna divinarum legum devicti transgressione. Quid ergo nobis agendum est dilectissimi fratres nisi ut credamus illum qui Martham et Mariam de resurrectione laetificavit fraterna ut ille nos eximat a tumuli dimersione obnoxia et voce sua ut Lazarum attrahat ad superna.

258 Oppitulare Iesu precibus supplicantium et fletus lugentium verte in gaudium. Ipsi etenim ad te Domine cum Martha clamamus ut adsis nobis praesentia deitatis ne umquam decidamus sub pressura damnationis. Iam solve nostrorum pedum ligamenta facinorum ut et manus nostrae resolutae restituant tibi sacrificium laudis et os nostrum in decantando tibi non obstruatur sudario adversitatis.

259 Christe Iesu qui es resurrectio mortuorum et vita omnibus nobis subveniat misericordia tua et sicut in occultis consiliis tuis Lazarum quatriduanum revocasti ad vitam ita quoque miserationibus consuetis et vivis morum correctionem attribuas post ruinam et defunctis aeternae mansionis gaudia indefessa.

259 O virtus et refugium spei Salvator noster Iesu Christe Filius Dei vivi qui veniens ad Lazarum suscitandum spiritu fremis lacrimas producis in te ipso quoque turbaris da nobis ut ad evadendos laqueos perniciosae deceptionis fremitum det in nobis spiritus tuae dulcedinis. Lacrimemus in nobis et effectum a te optabiliter capiamus. Turbemur quoque a te pro te et ita nos in compunctionis et pacis unione connecti ut per eam pacem quae tu es videamus te in gloria veniamus ad praemia repromissa et laudemus cum Lazaro Maiestatem tuam.

259 Dignum et iustum est nos tibi semper gratias agere Domine sancte Pater aeterne omnipotens Deus per Iesum Christum Filium tuum Dominum nostrum. Ille etenim discipulos ut per diem ambularent instituit ac duodenarias horas esse diei sub sacramento praedixit. Vere illum credimus esse diem a quo illuminatae sunt horae. Nam cum dies noster Iesus Christus natus est mundo per susceptam humanitatem ex tunc coeperunt horae id est dies suo Domino nostro aptius cohaerere et illuminatae sunt horae ab increata Filii luce. Ob hoc Iesu bone per te qui dies et lucifer verus es introire ad Patrem quaerimus. Non nos patiaris offendere sed fac nos coram Patre tuo sicut promisisti aeternae vitae pascua invenire ut aperiens nobis omnibus ianuam veniendi ad te videamus faciem tuam in aeterna exsultatione et cantemus tibi cum omni militia Angelorum canticum redemptionis nostrae proclamantes atque dicentes.

260 Vere sanctus vere benedictus atque gloriosus Dominus noster Iesus Christus Filius tuus cuius nos gratia liberavit a pondere legis et fecit filios esse adoptionis qui ad suscitandum veniens Lazarum tollite lapidem clamat ut pressuram auferret ab eo damnationis quem iam foetidum reddiderat horrenda actio sepulchralis. Tollite ab eo ait Iesus pondus legis quod eum deprimit in morte ut succurrat illi gratia vocis meae. Gratia quippe Dei est cum vocem eius audivimus ut cum Lazaro rectis Iesum gressibus assequamur.

260 Domine Iesu Christe Unigenite Filius Dei Patris qui Lazarum suscitaturus elevatis sursum oculis Patri tuo gratias agis praesta nobis famulis tuis ut eo fremitu spiritus quo illum suscitasti ad vitam ea quoque modificatione digneris haec oblata tibi sanctificare libamina. Ut percipientes gratiam corporis et sanguinis tui in visceribus nostris habeamus partem tecum in saeculis sempiternis.

260 Fiat misericordia tua Domine super nos sicut speravimus in te

260 O Iesu bone amabilis et admirabilis auctor suscipe sacrificium servorum tuorum. Et qui praestitisti Lazaro ut audiens vocem tuam surgeret a sepulcro praesta nobis ut te auditu capientes interno resurgamus per gratiam a proprio sceleris nostri profundo. Quo vocem piae orationis qua nos Patrem exorare docuisti in terris sicut eam nunc coram te fideliter prompserimus ita quoque effectum ipsius petitionis a te percepisse gratulemur quo iubente dicimus.

260 Humiliate vos benedictioni. Dominus sit semper vobiscum.

261 Iesus Christus Filius Dei qui mortuum Lazarum vitae reddidit pristinae ipse vos novae vitae sanctificatione perlustret. Et qui illum solutis manuum ac pedum nexibus abire praecepit ipse vestrorum compedum resoluto ligamine rectis vos semper faciat semitis ambulare. Quique per tantae rei miraculum manifestam fecit populis gloriam suam ipse vos introducat ad gaudia sempiterna.

261 Per misericordiam ipsius Dei nostri qui est benedictus

261 Hic est panis de caelo descendens si quis ex ipso manducaverit non morietur sed habebit vitam aeternam et ego suscitabo eum novissimo die. Si quis sitit veniat ad me et bibat. Qui credit in me flumina de ventre eius fluent aquae vivae

261 Sic dilexit Deus mundum ut Filium suum daret pro mundo ut omnis qui credidit in eum non pereat

261 Repletum est gaudium

261 Reple Domine cor nostrum

261 Civitatem fortium ascendet sapiens et destruet robur fiducia eius. Qui custodit os suum et linguam suam custodit ab angustiis animam suam. Superbus et arrogans vocatur indoctus qui in ira operatur superbiam. Desideria occidunt pigrum noluerunt enim quicquam manus eius operari. Tota die concupiscit et desiderat qui autem iustus est tribuit et non cessabit. Hostiae impiorum abominabiles quia offeruntur ex scelere. Testis mendax peribit vir obediens loquetur victoriam. Vir impius procaciter affirmat vultum suum qui autem rectus est corrigit viam suam. Non est sapientia non est prudentia non est consilium contra Dominum. Aequus paratur ad diem belli Dominus autem salutem tribuat. (Prv 20)

261 Post mortem Iosue consuluerunt filii Israel Dominum dicentes. Quis ascendet ante nos contra Chananeum et erit dux belli Dixitque Dominus. Iudas ascendet. Ecce tradidi terram in manu eius. Et ait Iudas Simeoni fratri suo. Ascende mecum in sorte mea et pugna contra Chananeum et ego pergam tecum in sorte tua. Et abiit cum eo Simeon. Ascenditque Iudas et tradidit Dominus Chananeum ac Ferezeum in manus eorum et percusserunt in Bezech decem millia virorum. Inveneruntque Adonibezech et in Bezech et pugnaverunt contra eum ac percusserunt Chananeum et Ferezeum. Fugit autem Adonibezech quem persecuti comprehenderunt cesis summitatibus manuum eius ac pedum. Dixitque Adonibezech septuaginta reges amputatis manuum ac pedum summitatibus colligebant sub mensa mea ciborum reliquias. Sicut feci ita reddidit mihi Dominus. Adduxeruntque eum in Ierusalem et ibi mortuus est. Oppugnantes ergo filii Iuda Ierusalem coeperunt eam et percusserunt in ore gladii tradentes cunctam incendio civitatem. Et postea descendentes pugnaverunt contra Chananeum qui habitabat in montanis et ad meridiem in campestribus. Pergensque Iudas contra Chananeum qui habitabat in Hebron cui nomen fuit antiquitus Chariatharbe et percussit Sesai et Haiman et Tholmai atque inde profectus abiit ad habitatores Dabir cuius nomen vetus erat Cariatsepher id est civitas litterarum. Dixitque Caleph. Qui percusserit Cariathsepher et vastaverit eam dabo ei Axam filiam meam uxorem. Cumque coepisset eam Othoniel filius Cene frater Caleph minor dedit ei Axam filiam suam coniugem. Quam pergentem in itinere monuit vir suus ut peteret a patre suo agrum quae cum suspirasset sedens in asino dicit ei Caleph. Quid habes At illa respondit. Da mihi benedictionem quia terram arentem dedisti mihi da et irriguam aquis. Dedit ergo Caleph irriguum superius et irriguum inferius. Filii autem Cinei cognati Moysi ascenderunt de civitate palmarum cum filiis Iuda in desertum sortis eius quod est ad meridiem Arach et habitaverunt cum eo. Abiit autem Iudas cum Simeone fratre suo et percusserunt simul Chananeum qui habitabat in Sephat et interfecerunt eum. Vocatumque est nomen urbis Orma id est anathema. Coepitque Iudas Gazam cum finibus suis et Adascalonem atque Accaron cum terminis suis. Fuitque Dominus cum Iuda et montana possedit nec poterat delere habitatores vallis quia falcatis curribus abundabant. Dederuntque Caleph Hebron sicut dixerat Moyses. Qui delevit ex ea tres filios Enach. Iebuseum autem habitatorem Ierusalemnon deleverunt filii Beniamin. Habitavitque Iebuseus cum filiis Beniamin in Ierusalemusque in praesentem diem. Domus quoque Ioseph ascendit in Bethel fuitque Dominus cum eis. Nam cum obsiderent urbemquaeprius Luza vocabatur viderunt hominem egredientem de civitate dixeruntque ad eum. Ostende nobis introitum civitatis et faciemus in te misericordiam. Qui cum ostendisset eis percusserunt urbem in ore gladii. Hominem autem illum et omnem cognationem eius dimiserunt. Qui dimissus abiit in terram Ethim et aedificavit ibi civitatem. Vocavitque eam Luzamquaeappellatur usque in praesentem diem. (Jdc 1)

263 Dominus sit semper vobiscum

263 Peccavi quid factam o custos hominum quare me posuisti contrarium tibi et factus sum mihimetipsi gravis.

263 Cur non tollis peccatum meum et quare non aufers iniquitatem meam ecce nunc in pulvere dormiam et si mane me quesieris non subsistam.

263 Parce ergo mihi nihil enim sunt dies mei

263 Silentium facite.

263 Eratis sicut oves errantes sed conversi estis nunc ad pastorem et episcopum animarum vestrarum. Similiter et mulieres subdite sint viris suis. Ut siqui non credunt in verbo per mulierum conversationem sine verbo lucrificentur. Considerantes in timore castam vestram conversationem quarum si non extrinsaecus capillorum implicatio et circumdatio auri aut indumenti vestimentorum cultus sed qui absconditus corde est homo in incorruptibilitate quiete et modesti spiritus qui est in conspectu Dei locuplex. Sic enim aliquando et sancte mulieres sperantes in Deo ornabant se subiecte viris suis. Sicut Sara obediebat Abrahae Dominum eum vocans. Cuius estote filiae benefacientes et non timentes ullam perturbationem. Viri similiter cohabitantes secundum scientiam quasi infirmiori vaso muliebri impartientes honorem tamquam coheredibus gratiae vitae ut non impediantur orationes vestre. In fine autem omnes unanimes compatientes. Fraternitatis amatores misericordes humiles. Non reddentes malum pro malo nec maledictum pro maledicto sed contrario benedicentes. Quia in hoc vocati estis ut benedictionis hereditatem possideatis. (Pet 1)

264 Dominus noster Iesus Christus loquebatur discipulis suis et turbis dicens caro enim mea vere est cibus et sanguis meus vere est potus. Qui manducat meam carnem et bibit meum sanguinem in me manet et ego in illo. Sicut misit me vivens pater et ego vivo propter patrem. Et qui manducat me et ipse vivet propter me. Hic est panis qui de caelo descendit. Non sicut manducaverunt patres vestri manna et mortui sunt. Qui manducat hunc panem vivet in aeternum. haec dixit in synagoga docens in Capharnaum. Multi ergo audientes ex discipulis eius dixerunt. Durus est hic sermo quis potest audire eum Sciens autem Iesus apud semetipsum quia murmurarent de hoc discipuli eius dixit eis. Hoc vos scandalizat Si ergo videritis filium hominis ascendentem ubi erat prius spiritus est qui vivificat caro autem non prodest quicquam. Verba quae ego locutus sum vobis spiritus et vita sunt sed sunt quidam ex vobis qui non credunt. Sciebat enim ab initio Iesus qui essent credentes et qui traditurus esset eum et dicebat. Propterea dixi vobis quia nemo potest venire ad me nisi fuerit ei datum a Patre meo. Ex hoc multi discipulorum eius abierunt retro et etiam non cum illo ambulabant. Dixit ergo Iesus ad duodecim. Nunquid et vos vultis abire Respondit ergo Simon Petrus. Domine ad quem ibimus Verba vitae aeterne habes. Et nos credimus et cognovimus quia tu es Christus filius Dei. (J 6)

265 Dominus sit semper vobiscum

265 Confitebor Domino nimis in ore meo in medio multorum laudabo eum

265 Paenitentes orate flectite genua Deo deprecemur Dominum ut remissionem peccatorum et pacem nobis donare dignetur

265 Offerte Domino

265 Si gustatis dilectissimi fratres quam suavis est Dominus quamque in omittendis iniquitatibus sit piissimus ad eum ex fide accedite et votum vestri ante altare suum persolventes exposcite ut deleat delicta nostra et conferat gratiam suam qualiter et abstinentiae vestrae votum accumulet et desideria nostrae petitionis clementer iubeat acceptare.

265 Memento Domine miserationum tuarum quas contritis semper mentibus clementer impendis ut tui nos auxilii gratia prosequente tale tibi spiritalis continentiae ieiunium persolvamus in quo non inveniantur nostrae voluntates a tua voluntate dissimiles.

265 Deus cuius nomen magnum est atque mirabile tu et nomina offerentium in libro vitae ascribe et defunctorum animas aeternae quietis amaenitatibus refove quo abstinentiae nostrae suscipiens precem omnibus in commune a te concedatur donum indulgentiae sempiternae.

265 Deus qui ieiunantium humilitate placaris et humiliantium se tibi precibus libenter inflecteris exaudi quaesumus preces nostras et diversorum turbinum quibus quatimur tempestate discussa pacem nobis tuae serenitatis infunde ut quam peccatorum nostrorum nimietate perdidimus tuae pietatis indulgentiam consequamur.

266 Dignum et iustum est nos tibi gratias agere Domine sancte Pater aeterne omnipotens Deus qui paras adinventiones tuas sapienter et disponis omnia suaviter. Qui ascendisti super occasum Dominus nomen est tibi. Tu es panis vivus et verus qui descendisti de caelo ut dares escam esurientibus immo ut ipse esses esca viventium qui es nobis in pane quo corda firmantur ut in virtute panis huius per hos dicatos Nomini tuo dies sine impedimento carnis et sanguinis ieiunare valeamus te ipsum panem habentes. Qui pauperes tuos caelestibus saturas panibus qui Moysi et Eliae per quadragenos dies ieiunia inchoantibus quadragenum numerum dedicasti. Deinde etiam ipse ieiunans eundem numerum nobis dierum ieiunii sollemnitate signasti ut quod ipse in nostri corporis infirmitate pro nobis iugiter in quadraginta diebus et noctibus explesti nos vel minutatim eundem numerum dierum adimplentes calculi distributa observantia vespertinis semper orationibus terminemus. Te nos adiuvante et salvante cui merito omnes angeli et archangeli non cessant clamare cotidie una voce dicentes.

266 Vere sanctus vere in altissimis gloriosus cuius melior est misericordia super vitam qui dives es in misericordia. Ille etenim ieiunis visceribus spiritalis alimoniae epulum donat et animabus vitio abstinentibus gratiae caelestis dona subministrat.

266 Sanctifica Domine quod per manus nostras tibi cum abstinentiae contritione litamus ut benedictionis tuae foveamur ex donis qui Maiestati tuae cum ieiunii contritione offerimus hoc sacrificium laudis.

266 Fiat misercordia tua Domine super nos sicut speravimus in te

266 Deus qui nos spe repromissae beatitudinis foves et panem illum caelorum e sedibus porrectum nostrae abstinentiae ariditati impertis atque concedis tu pius nobis in praesenti ieiunii aerumna consolationem attribue et orantibus atque clamantibus ad te verba doctrinae tuae patulae pietatis accomoda aurem.

267 Humiliate vos benedictioni. Dominus sit semper vobiscum.

267 Iesus Salvator ac Dominus noster emundet vos per abstinentiae puritatem ab omni delicti contagione. Quique est vestrarum redemptio animarum sit remuneratio vestrorum ieiuniorum. Ut ab eo donetur vobis aeterna gloria a quo vos sanctificari vultis per abstinentiam.

267 Per misericordiam ipsius Dei nostri qui est benedictus

267 Qui venit ad me non esuriet qui credit in me non sitiet umquam

267 Repletum est cor nostrum

267 Reple Domine cor nostrum

267 Non zeles mulierem sinus tui ne ostendat super te maliciam doctrine nequam. Non des mulieri potestatem animae tuae ne ingrediatur in virtute tua et confundaris. Ne respicias mulierem multivolam ne forte incidas in laqueis eius. Averte faciem tuam a muliere composita et non circum inspicias speciem alienam. Propter speciem mulieris multi perierunt et ex hoc concupiscentia quasi ignis exardescit. Omnis mulier quae est fornicaria quasi stercus in via computatur. Speciem mulieris aliene multi admirati reprobi facti sunt colloquium enim illius quasi ignis exardescit. Cum aliena muliere non sedeas omnino nec adcubes cum ea super cubitum. Et non alterceris cum ea in vino ne forte declinet cor tuum in illa et sanguine tuo labores in perditionem. Non te praetereat narratio seniorum ipsi enim didicerunt a patribus suis quoniam ab ipsis disces doctrine intellectum.

268 Abiit Samson in Gazam. Et vidit ibi meretricem mulierem ingressusque est ad eam. Quod cum audissent Philistiim et percrebuisset apud eos intrasse Samson urbem circumdederunt eum et positis in porta civitatis custodibus et ibi tota nocte cum silentio praestolantes ut facto mane exeuntem occiderent. Dormivit autem Samson usque ad noctis medium. Et inde consurgens apprehendit ambas porte fores cum postibus suis et sera. Impositisque humeris portavit ad verticem montis qui respicit Hebron. Post haec amabat mulierem quae habitabat in valle Sorech et vocabatur Dalida. Veneruntque ad eam principes Philistinorum atque dixerunt. Decipe eum et disce ab illo in quo tantam habeat fortitudinem et quomodo eum superare valeamus et vinctum affligere. Quod si feceris dabimus tibi mercedem singuli mille centum argenteos. Locuta est ergo Dalida ad Samson. Dic mihi obsecro in quo sit tua maxima fortitudo et quid sit quo ligatus erumpere nequeas. Cui respondit Samson. Si septem nervis funibus necdum siccis et adhuc humentibus ligatus fuero infirmus ero ut ceteri homines. Attuleruntque ad eam Satrape Philistinorum septem funes ut dixerat. Quibus vinxit eum latentibus apud se insidiis in cubiculo finem rei expectantibus. Clamavitque ad eum Philistiim super te Samson. Qui rupit vincula quomodo si erumpat quis filum de stuppa et tortum putamine cum odore ignis acceperit. Et non est cognitum in quo esset fortitudo eius. Dixitque ad eum Dalida. Ecce inlusisti mihi et falsum locutus es. Statim nunc indica mihi quo ligari debeas. Cui ille respondit. Si ligatus fuero novis funibus qui nunquam fuerunt in opere infirmus ero et aliorum hominum similis. Quibus rursum Dalida vinxit eum et clamavit. Philistiim super te Samson in cubiculo insidiis praeparatis. Qui ita rupit vincula quasi fila telarum. Dixitque Dalida rursum ad eum. Usquequo decipis me et falsum loqueris Ostende de quo vinciri debeas. Si inquit septem crines capitis mei cum licio plexueris et clavum his circum ligatum terrae fixeris infirmus ero. Quod cum fecisset Dalida dixit ad eum. Philistiim super te Samson. Qui consurgens de somno extraxit clavum cum crinibus et licio. Dixitque ad eum Dalida. Quomodo dicis quod amas me cum animus tuus non sit mecum Per tres vices mentitus es mihi et noluisti dicere in quo sit tua maxima fortitudo. Cumque molesta ei esset et per multos dies iugiter adhaereret spatium ad quietem non tribuens defecit anima eius et ad mortem usque lassata est. Tunc aperiens veritatem rei dixit ad eam. Ferrum nunquam ascendit super caput meum quia Nazareus idest consecratus sum de utero matris meae. Si rasum fuerit caput meum recedet a me fortitudo mea et deficiam eroque ut ceteri homines. Videns illa quod confessus ei esset omnem animam suam misit ad principes Philistinorum atque mandavit. Ascendite adhuc semel quia nunc mihi aperuit cor suum. Qui ascenderunt assumpta pecunia quam promiserant. At illa dormire fecit eum super genua sua et in sinu suo reclinare caput. Vocavitque tonsorem et rasit septem crines eius et coepit abigere eum et a se repellere. Statim enim ab eo fortitudo discessit. Dixitque. Philistiim super te Samson. Qui de somno consurgens dixit in animo suo. Egrediar sicut antea feci et me excutiam nesciens quod Dominus recessisset ab eo. Quem cum apprehendissent Philistiim statim eruerunt oculos eius et adduxerunt eum in Gazam vinctum catenis et clausum in carcere molere fecerunt Iamque capilli eius renasci ceperant et principes Philistinorum convenerunt in unum ut immolarent hostias magnificas Dagon Deo suo et epularentur dicentes. Tradidit Dominus inimicum nostrum Samson in manus nostras. Quod etiam populus videns laudabant Deum suum eademque dicebant. Tradidit Deus noster in manus nostras adversarium qui delevit terram nostram et occidit plurimos. Laetantesque per convivia sumptis iam epulis praeceperunt ut vocarent Samson ut ante eos luderet. Qui adductus de carcere ludebat ante eos. Feceruntque eum stare inter duas columnas. Qui dixit puero dimitte me ut tangam columnas quibus omnis imminet domus ut recliner super eas et paululum requiescam. Domus autem plena erat virorum ac mulierum et erant ibi omnes principes Philistinorum ac de tecto et solario circiter tria millia utriusque sexus spectabant ludentem Samson. At ille invocato Domino ait. Domine Deus memento mei et redde mihi nunc pristinam fortitudinem Deus meus ut ulciscar me de hostibus meis. Et pro amissione duorum luminum unam ultionem recipiam. Et apprehendens ambas columnas quibus imminebat domus alteramque earum dextera et alteram leva tenens ait. Moriatur anima mea cum Philistiim. Concussisque fortiter columnis cecidit domus super omnes principes et ceteram multitudinemquaeibi erat. Multoque plures interfecit moriens quam antea vivus occiderat. Descendentes autem fratres eius et universa cognatio tulerunt corpus eius et sepelierunt in terra sua in Asthaol in sepulchro patris sui Manue. Iudicavitque Israel viginti annis. (Jdc 17)

270 Dominus sit semper vobiscum

270 Audite obsecro offies et videte dolorem meum quia iratus est super me Deus propter multitudinem iniquitatis meae

270 Complevit furorem suum in me et effudit iram indignationis suae et oppressit me amaritudine

270 Sed et cum clamavero ad eum exclusit orationem meam.

270 Subditi estote senioribus. Omnes autem invicem humilitatem insinuate quia Deus superbis resistit humilibus autem dat gratiam. Humiliamini igitur sub potenti Dei manu ut vos exaltet in tempore visitationis suae omnem solicitudinem vestram proiicientes in eum quoniam ipsi cura est de vobis. Sobrii estote. Vigilate quia adversarius vester diabolus tanquam leo rugiens circuit quaerens quem devoret cui resistite fortes in fide nihil verentes. Scientes eandem passionem ei qui in mundo est vestre fraternitati fieri. Deus autem omnis gratiae qui vocavit vos in aeternam suam gloriam in Christo Iesu modicum passus ipse perficiet. Confirmabit solidabit ipsi imperium in saecula saeculorum. (Pet 5)

271 Dominus noster Iesus Christus venit in templum et omnis populus venit ad eum. Et sedens docebat eos. Adducunt autem scribae et pharisaei mulierem in adulterio deprehensam et statuerunt eam in medio et dixerunt ei. Magister haec mulier modo deprehensa est in adulterio. In lege autem Moyses mandavit nobis huiusmodi lapidare tu ergo quid dicis Haec autem dicebant tentantes eum ut possent accusare eum. Iesus autem inclinans se deorsum digito scribebat in terra. Cum autem perseverarent interrogantes eum erexit se et dixit eis. Qui sine peccato est vestrum primus in illam lapidem mittat. Et iterum se inclinans scribebat in terra. Audientes autem unus post unum exibant incipientes a senioribus et remansit solus et mulier in medio stans. Erigens autem se Iesus dixit ei. Mulier ubi sunt qui te accusabant Nemo te condemnavit quae dixit. Nemo Domine. Dixit autem Iesus. Nec ego te condemnabo. Vade et amplius iam noli peccare.

271 Dominus sit semper vobiscum

271 Confitebor Domino nimis in ore meo in medio multorum laudabo eum.

271 Paenitentes orate flectite genua Deo deprecemur Dominum ut remissionem peccatorum et pacem nobis donare dignetur

271 Offerte Domino mundum

271 Unguentes oleo misericordiae caput cordis interni fratres carissimi et mentis faciem spiritalis aquae nitore mundantes acceptabile Deo sacrificium praecepti evangelici memores offeramus. Ut non vultu sed corde contrito non hominibus appareamus ieiunantes sed Domino nec hypocritarum more facies nostras tristis squalor exterminet sed contribulato corde exsultatio pura laetificet ut intrinsecus humiles et extrinsecus hilares ieiunium quale ipse Dominus praecepit impleamus.

272 Omnipotens sempiterne Deus qui nos humilitatis formam exemplis Unigeniti tui docuisti ut quod ille ieiuniorum continuatione complevit nos per dierum partes et intervalla virium imitemur da quaesumus nostrae fragilitati firmitatem da infirmis conatibus effectum ut exclusis delectationum carnalium suadellis placabile tibi contriti cordis holocaustum in odorem suavitatis valeamus offerre.

272 Deus qui sanare omnibus modis peccata populi tui cupiens observantiam ieiuniorum sanitatem ieiunantium esse dixisti da ut ieiunium nostrum sit et salvatio animarum et humiliatio corporum veniamque obtineat omnium delictorum. Atque ita exomologesis haec populo tuo prosit ut pro universae Ecclesiae membris et pro totius mundi corpore tibi supplicantes exaudiamur ut dum pro omnibus preces effundimus salutem viventium et requiem defunctorum impetrare facilius mereamur.

272 Da nobis quaesumus omnipotens Deus ieiuniorum magnifica sacramenta et dignis semper tractare mysteriis et puris pacifisque praecordiis celebrare.

272 Dignum et iustum est nos tibi gratias agere Domine sancte Pater aeterne omnipotens Deus per Iesum Christum Filium tuum Dominum nostrum qui est via veritas et vita principium verbum sapientia plenitudo innocentia caritas et lux ex assumpto deiectus in proprio gloriosus exemplum patientiae conditor creaturae esuriens non fame umbratili sed humana necessitate ieiunii ubi certa ad desiderium panis ambitione tentantem substantia Deitatis invenit et cum nihil falsum finctumve perpatuit fallenti facta est veritas ipsa confussio. Ipse esurientium cibus esuriit ipse inanes animas satiabit in sua aeternitate perennis et pro nostra immortalitate mortalis. Quem collaudant omnes angeli ita dicentes.

273 Vere sanctus vere benedictus Dominus noster Iesus Christus Filius tuus qui nobis praecepta salutaris abstinentiae dedit per quem adiuncta oratione et incursus daemonum pelleremus et mundati a vitiis in sanctitate et iustitia serviremus.

273 Descendat Domine de sedibus tuis benedictio tua qua et nostri ieiunii oblatio sanctificetur et te haec libamina benedicente a nobis sanctificata sumantur.

273 Fiat misercordia tua super nos sicut speravimus in te

273 Exaudi Domine vocem precis nostrae et huius ieiunii litationem propitiatus acceptare dignare quo semper te propitium habeamus cum te Patrem piissimum invocaverimus ita dicentes.

273 Humiliate vos benedictioni. Dominus sit semper vobiscum.

273 Omnipotentis Domini vos gratia protegat famemque vestram spiritali cibo reficiat et cum sanctis omnibus coheredes efficere iubeat. Sitim quoque vestram iustitiae fluminibus irriget atque novum dulcedinis suae animis vestris infundat saporem. Ut tam carne contriti quam spiritu sanctificati ab eo mereamini caelesti dono repleri.

273 Per misericordiam ipsius

273 Qui venit ad me

273 Repletum est gaudium nostrum

273 Reple Domine cor nostrum

274 Si habes benefac et Deo bonas oblationes offer. Memor esto quoniam mors non tardat et testamentum inferorum iam demonstratum est tibi. Testamentum enim huius mundi mortem operatur. Ante mortem benefac amico tuo et secundum vires tuas extendens da pauperi. Non defrauderis in die bona et particula boni doni non te pretereat. Nonne aliis relinques dolores et labores tuos. In divisione sortis da et accipe et iustifica animam tuam ante obitum tuum operare iustitiam quoniam non est apud inferos invenire cibum. Omnis caro sicut fenum veterascit et sicut folium fructificans in arbore viridi. Alia generat et alia decidit. Sic generatio carnis et sanguinis. Alia finitur et alia nascitur. Omne opus corruptibile in fine deficiet et qui illud operatur ibi cum ipso. Et omne opus electum iustificabitur et qui operatur illud iustificabitur.

274 Fuit vir unus de Ramathaim Sophim de monte Effraim et nomen eius Helcana filius Ieroboam filii Heliu filii Thau filii Suph Eufratheus et habuit duas uxores. Nomen uni Anna et nomen secunde Fenenna. Fueruntque Fenenne filii Anne autem non erant liberi. Et ascendebat vir ille de civitate sua statutis diebus ut adoraret et sacrificaret Domino exercituum in Silo. Erant ibi autem duo filii Heli Ofni et Finees sacerdotes Domini. Venit ergo dies ut immolaret Helcana. Deditque Fenenne uxori suae et cunctis filiis eius et filiabus partes. Anne autem dedit partem unam tristis quia Annam diligebat. Dominus autem concluserat vulvam eius. Affligebat quoque eam emula eius et vehementer angebat. In tantum ut exprobraret quod conclusisset Dominus vulvam eius. Sicque faciebat per singulos annos. Cum redeunte tempore ascenderent templum Domini et sic provocabat eam. Porro illa flebat et non capiebat cibum. Dixit ergo ei Helcana vir suus. Anna cur fles et quare non comedis et quamobrem affligitur cor tuum Numquid non ego melior sum tibi quam decem filii Surrexit autem Anna postquam comederat in Silo et biberat et Heli sacerdote sedente super sellam ante postes templi Domini. Cum esset amaro animo oravit Domino flens largiter et votum vovit dicens. Domine exercituum si respiciens videris afflictionem famulae tuae et recordatus mei fueris nec oblitus ancille tuae dederisque serve tuae sexum virilem dabo eum Domino omnes dies vitae eius et novacula non ascendet super caput eius. Factum est ergo cum illa multiplicaret preces coram Domino et Heli observaret os eius. Porro Anna loquebatur in corde suo tantumque labia illius movebantur et vox penitus non audiebatur. Estimavit igitur eam Heli temulentam dixitque ei. Usquequo ebria eris Digere paulisper vinum quo mades. Respondens Anna nequaqua Domine mi inquit nam mulier infelix ego sum. Vinum et omne quod inebriari potest non bibi sed effudi animam meam in conspectu Domini. Ne putes ancillam tuam quasi unam de filiabus Belial quia ex multitudine doloris et meroris mei locuta sum usque in praesens. Tunc Heli ait ei. Vade in pace Dominus Deus Israel det tibi petitionem quam rogasti eum. Et illa dixit. Utinam inveniat ancilla tua gratiam in oculis tuis. Et abiit mulier in viam suam et comedit vultusque eius non sunt amplius in diversa mutati. Et surrexerunt mane et adoraverunt coram Domino. Reversique sunt et venerunt in domum suam in Ramatha. Cognovit autem Helcana Annam uxorem suam et recordatus est eius Dominus. Et factum est post circulum dierum concepit Anna et peperit filium vocavitque nomen eius Samuel eo quod a Domino postulasset eum. (1Sam)

275 Dominus sit semper vobiscum

275 Tu es patientia mea Domine spes mea a iuventute mea

275 Deus quis similis tibi quia ostendisti mihi tribulationes multas et malas et conversus consolatus es me

275 Qui custodiebant animam meam consiliati sunt in unum dicentes persequimini et comprehendite eum quia non est qui liberet eum. Deus meus ne elonges a me.

276 Quia firmamentum meum et refugium meum es tu Deus meus eripe me de manu contra legem agentis et iniqui quia tu es patientia mea.

276 Vide Domine humilitatem meam quia erectus est inimicus. Miserere Pater iuste et omnibus indulgentiam dona.

276 A Patre missus veni perditos requirere et hoste captivatos sanguine redimere plebs dira abiecit me

276 Praedictus a prophetis natus sum ex virgine assumpsi formam servi dispersos colligere venantes coeperunt me.

276 Mihi pro bonis mala reddita sunt plurima adversum me dederunt iniqua consilia venditum pecunia

276 Spineam coronam posuerunt capiti sputis sordidato inluserunt impii afflictum crudeliter

276 Cum noxiis latronibus suspensum patibulo amaro cibo pastum et acerbo poculo traditum supplicio

276 Quos veni liberare hi accusaverunt me flagellis verberatum cruci affixerunt me lancea percusserunt me

276 Qui impio latroni dimisisti scelera tu solve vincula nostra et relaxa crimina salva nos cruce tua.

276 Traditus sum sepulchro confregi portas inferi eieci vinculatos et reduxi ad superos ostendi in victima

276 Dimitte illis noxia pater clementissime cuncta dele peccata et relaxa crimina ignorantium quid faciant.

276 Exaudi orationem nostram Domine

276 Silentium facite.

276 Simon Petrus servus et apostolus Iesu Christi his qui coaequalem nobiscum adepti sunt fidem iniustitia Dei nostri et Salvatoris Iesu Christi gratia vobis et pax adimpleatur in regeneratione Dei et Christi Iesu Domini nostri. Sicut omnia nobis divinae virtutis suae quae ad vitam et pietatem pertinent donata sunt per cognitionem eius qui vocavit nos in propria gloria et virtute. Per quem maxima et preciosa vobis promissa donavit ut per haec efficiamini divine consortes nature fugientes eiusque in mundo est concupiscentiae corruptionem. Sed et vos solicitudinem omnem subinferentes. Ministrate in fide vestra virtutem. In virtute vero scientiam. In scientia autem continentiam. In continentia autem patientiam. In patientia vero pietatem. In pietate autem amorem fraternitatis. In amore vero fraternitatis caritatem. haec enim cum vobis presto sint et superent non vacuos nec sine fructu vos constituent in Domini nostri Iesu Christi agnitione. Cui enim non praesto sunt haec caecus est et manu tentans oblivionem accipiens purgationis veterum suorum delictorum. Quapropter fratres mei magis satagite ut per bona opera certam vestram vocationem et electionem faciatis. Haec enim facienes non peccabitis aliquando. Sic enim abundanter ministrabitur vobis introitus in aeternum regnum Dei nostri et Salvatoris Iesu Christi. (2Pt)

277 Proximus erat dies festus Iudaeorum Scenophegia. Dixerunt autem ad Iesum fratres eius. Transi hinc et vade in Iudeam ut et discipuli tui videant opera tua quae facis. Nemo enim in occulto quid facit et querit ipse in palam esse. Si haec facis manifesta te ipsum mundo. Neque enim fratres credebant in eum. Dixit ergo eis Iesus. Tempus meum nondum advenit tempus autem vestrum semper adest paratum. Non potest mundus odisse vos. Me autem odit quia ergo testimonium perhibeo de illo quia opera eius mala sunt. Vos ascendite ad diem festum hunc. Ego non ascendam ad diem festum istum quia meum tempus nondum impletum est haec cum dixisset ipse mansit in Galilaea. Ut autem ascenderunt fratres eius tunc et ipse ascendit ad diem festum non manifeste sed quasi in occulto. Iudei autem quaerebant eum in die festo et dicebant. Ubi est ille. Et murmur magnum de eo erat in turba. Quidam enim dicebant quia bonus est. Alii autem dicebant non sed seducit turbas. Nemo tamen palam loquebatur de illo propter metum Iudaeorum. Iam autem die festo mediante ascendit Iesus in templum et docebat. Et mirabantur Iudaei dicentes Quomodo hic litteras scit cum non didicerit Respondit eis Iesus et dixit. Mea doctrina non est mea sed eius qui misit me. Si quis voluerit voluntatem eius facere cognoscet de doctrina utrum ex Deo sit an ego a me ipso loquar Qui a semetipso loquitur gloriam propriam quaerit. Qui autem quaerit gloriam eius qui misit illum hic verax est et in iustitia in illo non est. Nonne Moyses dedit vobis legem et nemo ex vobis facit legem Quid me quaeritis interficere Respondit turba et dixit. Demonium habes quis te quaerit interficere Respondit Iesus et dixit eis. Unum opus feci et omnes miramini. Propterea Moyses dedit vobis circumcisionem non quia ex Moyse est sed ex patribus et in sabbato circumciditis hominem. Si circumcisionem accipit homo in sabbato ut non solvatur Lex Moysi mihi indignamini quia totum hominem sanum feci in sabbato Nolite iudicare secundum faciem sed rectum iudicium iudicate.

278 Dominus sit semper vobiscum

278 Gaudebunt labia mea dum cantavero tibi et anima mea quam redemisti.

278 Sed et lingua mea annunciabit iusticiam tuam tota die laudem tuam

278 Dum confusi et reveriti fuerint omnes qui querunt animam meam

278 Paenitentes orate flectite genua Deo deprecemur Dominum ut remissionem peccatorum et pacem nobis donare dignetur

278 Sacrificium Deo spiritus contribulatus cor contritum et humiliatum Deus non despicit

278 Benefac Domine in bona voluntate tua Sion ut aedificentur muri Ierusalem

278 Exspectantes beatam illam spem passionis ac resurrectionis Filii Dei fratres carissimi et manifestationem gloriae beati et Salvatoris Domini nostri Iesu Christi resumite virium fortitudinem et non quasi futuro terreamini de labore qui ad Paschalis Dominicae cupitis anhelando pervenire celebritatem. Sacratae etenim Quadragesimae tempore mediante arripite de futuro labore fiduciam qui praeteriti ieiunii iam transegisti aerumnam. Dabit Iesus lassis fortitudinem qui pro nobis dignatus est infirmare. Tribuet perfectionem futuri qui initio donavit praeteriti. Aderit in auxilio filiis qui suae nos cupit praestolari gratiam passionis.

279 Deus conditor et reparator vitae humanae repara in nobis quod lassatur ex nobis nec tamen reparari potest a nobis. Da igitur ut qui ad horum medietatem dierum te annuente pervenimus ad Paschalis gaudii dies te propitiante celebrius accedamus. Reficiamur quaesumus bone Deus pane lacrimarum in hac ieiunii via ut deponentes veteris hominis indumenta expiati mereamur sacrosanctum pervenire ad Pascha. Crea in nobis desiderium visionis tuae quo excellente in cordibus nostris et praesentibus non terreamur laboribus et beatae spei praemia avidius praestolemur.

279 Ecce Iesu his diebus salutaris abstinentiae mediatis deferimus tibi hoc sacrificium nostrae redemptionis. Ob hoc te poscimus ut per huius sacrificii oblationem gratissimam et vivis donorum tribuantur spiritalium incrementa et defunctis fidelibus requies concedatur aeterna.

279 Christe cuius doctrina in templo mediante die festo admirabilis visa est fac nos in doctrinis tuis iugi meditatione manere atque ea semper ex ipsis memoriae nostrae commendabilia esse quae et ad amorem nos fraternum absque ullius simultatis vitio pertrahant et in tui dilectionis desiderio ardentiori succedant.

279 Dignum et iustum est nos tibi gratias agere Domine sancte Pater aeterne omnipotens Deus per Iesum Christum Filium tuum Dominum nostrum. Ille quippe diei festi tempore mediante ascendit in templum docere cuius doctrinam admirabantur turbae occultam divinitatis in eo nescientes virtutem. Quomodo enim sic loqueretur litterarum elementa nesciens admirabantur videntes hominem et Deum omnimode nescientes. Ecce omnes admirabantur nec tamen omnes convertebantur. Omnibus quidem erat in verbis Domini admiratio sed non omnibus in factis eius credulitatis inerat plenitudo. Unde quia ignoraverunt ignorati sunt et quia Deum in carne positum videntes non cognoverunt ignorantiae suae obcaecati malitia in suis tenebris remanserunt. Nos igitur quamlibet eundem Dominum nostrum Iesum Christum Filium tuum corporalibus oculis non viderimus in carne veraciter tamen scimus credimus et fatemur eum tecum et cum Spiritu Sancto unum Deum in Trinitate assumptamque carnem nostrae mortalitatis pro pignore salutis nostrae futurae deportasse in caelos. Ob hoc te quaesumus sancte et piissime Deus ut haec nos confessio perducat ad gloriam haec credulitas eruat a morte secunda haec spes et in his aerumnis lugentibus consolationem exhibeat et in aeternum gaudia conferat sempiterna. Ut cum post vitae huius excursum pervenerimus ad supernae vocationis bravium destinatum et viderimus pignus carnis nostrae glorificatum esse in Deo glorificentur corpora nostra a capite sicut glorificatorum caput nostrum viderimus in gloria divinitatis suae sicque et nos qui sumus membra capitis nostri Iesu Christo Domino nostro pro acceptis muneribus gratiae suae hymnum concelebremus redemptionis nostrae proclamantes atque dicentes.

280 Vere sanctus vere benedictus unigenitus Filius tuus Dominus noster qui passione crucis suae allevat pondus iniquitatis nostrae et dat finem piaculis per oblationem sacrificii singularis ut de talibus spei robore solidati cum magna fiducia ea quae non reprobet salubriter impetremus et ea quae diligit gratissime deferamus. Ponamus interim in illo spem nostram confidentes de misericordia sua. Ipse enim qui hos ieiuniorum dies fecit nos pietatis suae beneficiis mediare faciet ad calicem passionis suae et nunc immaculatos accedere et ad sanctum Pascha ablutis delictorum sordibus pervenire.

281 Iesu Dei Filius qui noster factus es advocatus qui sine tempore natus a Patre in tempore processisti ex Virgine accipe hoc sacrificium quod tibi offerimus praesentis Quadragesimae tempore mediante. Ut a te sanctificentur oblata a te nostra expientur delicta a te quoque donetur omnibus aeternae promissionis felicitas exoptata.

281 Tu Domine da escam nobis in tempore opportuno aperi manum tuam et imple omnem animam benedictione.

281 Christe qui es omnium creaturarum conditor et redemptor repara quae sunt in nobis lassa virtutis tuae potentia ut qui te duce retroactae abstinentiae dies peregimus futura quae supersunt ieiuniorum obsequia te adiuvante celerius impleamus. Quo te et in bonorum principiis laus a nobis debita subsequatur et in mediis vel ultimis obsequelis honorificentiae tibi gratiae deferantur. Accipe igitur quaesumus huius ieiunii tempore mediante prolatam a nobis hanc praeceptionis tuae orationem tribuens nobis per illam et praesentibus non deiici in aerumnis et futuris relevari de gaudiis.

281 Christus Dei Filius qui mediante die festo admirabilis visus est docens in templo ipse vos emundet ab omni contagione peccaminum. Det vobis in his mediatis ieiuniorum obsequiis obtinere quae poscitis ut cum fructu bonorum operum ad sacrosanctum Pascha pervenire possitis. Cuius presidio retroactorum dierum transegistis ieiunia eius quoque opitulatione quae restant parsimoniae perficiatis obsequia.

281 Per misericordiam ipsius Dei nostri qui est benedictus

281 Amen dico vobis si manducaveritis carnem Filii hominis et biberitis eius sanguinem habebitis vitam in vobis. Qui venit ad me non esuriet et qui credit in me non sitiet unquam.

282 Ego sum lux mundi qui sequitur me non ambulabit in tenebris sed babebit lumen vitae

282 Repletum est gaudium nostrum et lingua nostra in exultatione

282 Reple Domine cor nostrum

282 Lex sapientis fons vitae ut declinet a ruina mortis. Doctrina bona dabit gratiam in itinere contentorum vorago. Astutus omnia agit cum consilio qui autem fatuus est aperit stultitiam. Nuntius impii cadit in malum legatus fidelis sanitas. Egestas et ignominia ei qui deserit disciplinam qui autem acquiescit arguenti glorificabitur. Desiderium si compleatur delectat animam detestantur stulti eos qui fugiunt mala. Qui cum sapientibus graditur sapiens erit amicus stultorum efficitur similis. Peccatores sequentur malum et iustis retribuentur bona. (Pvr 13)

282 Dixit Samuel ad universum populum Israel. Ecce audivi vocem vestram iuxta omnia quae locuti estis ad me et constitui super vos regem. Et nunc rex gradietur ante vos ego autem senui et canui. Porro filii mei vobiscum sunt itaque conversatus coram vobis ab adolescentia mea usque ad diem hanc. Ecce praesto sum. Loquimini de me coram Domino et coram Christo eius. Utrum bovem cuiusquam tulerim an asinum si quempiam calunniatus sum si oppressi aliquem. Si de manu cuiusque munus accepi et contemnam illud hodie restituamque vobis. Et dixerunt Non es calunniatus nos neque oppressisti neque de manu alicuius quippiam tulisti dixitque ad eos. Testis est Dominus adversum vos et testis Christus eius in hac die quia non inveneritis in manu mea quippiam. Et dixerunt. Testis. Et ait Samuel ad populum. Dominus qui fecit Moysem et Aaron et eduxit patres nostros de terra Aegypti. Nunc ergo state ut iudicio contendam adversum vos coram Domino de omnibus misericordiis Domini quas fecit vobiscum et cum patribus vestris. Quorum ingressus est Iacob in Aegyptum et clamaverunt patres vestri ex Aegypto et conlocavit eos in loco hoc. Qui obliti sunt Domini Dei sui et tradidit eos in manu Sisare magistri militiae Asor et in manu Philistinorum et in manu regis Moab et pugnaverunt adversum eos. Postea autem clamaverunt ad Dominum et dixerunt. Peccavimus quia dereliquimus Dominum et servivimus Baalim et Astaroth. Nunc ergo erue nos de manu inimicorum nostrorum et serviemus tibi. Et misit Dominus Ierobaal et Badam et Barach et Iephte et Samuel et eruit vos de manu inimicorum vestrorum per circuitum et habitastis confidenter. Videntes autem quod Naas rex filiorum Ammon venisset adversum vos dixistis mihi. Nequaquam sed rex imperabit nobis. Cum Dominus Deus vester regnaret in vobis. Nunc ergo presto est rex vester quem elegistis et petistis ecce Dominus dedit vobis regem. Si timueritis Dominum et servieritis ei et audieritis vocem eius et non exasperaveritis os Domini eritis vos et rex vester qui imperat vobis sequentes Dominum Deum vestrum. Si autem non audieritis vocem Domini sed exasperaveritis os Domini erit manus Domini super vos et super patres vestros. Sed et nunc state et videte rem istam grandem quam facturus est Dominus in conspectu vestro. Numquid non messis tritici est. Hodie invocabo Dominum et dabit voces et pluvias et scietis et videbitis quod grande malum feceritis vobis in conspectu Domini petentes super vos regem. Et clamavit Samuel ad Dominum et dedit Dominus voces et pluviam in die illa. Et timuit omnis populus Dominum nimis et Samuelem. Dixitque universus populus ad Samuelem. Ora pro servis tuis ad Dominum Deum tuum ut non moriamur. Addidimus enim universis peccatis nostris malum ut peteremus nobis regem. Dixit autem Samuel ad populum. Nolite timere vos fecistis universum malum hoc. Verumtamen nolite recedere a tergo Domini et servire Domino in omni corde vestro et nolite declinare post vana quae non proderunt vobis neque eruent vosquaevana sunt et non derelinquet Dominus populum suum propter nomen suum magnum quia iuravit Dominus facere vos sibi populum. Absit autem a me hoc peccatum in Domino ut cessem orare pro vobis et docebo vos viam bonam et rectam. Igitur timete Dominum et servite ei in veritate et ex toto corde vestro. (1Sam 7)

284 Dominus sit semper vobiscum

284 Vide Domine et considera quoniam factus sum vilis vide afflictionem meam quia erectus est inimicus

284 Aperuerunt super me inimici ora sua et exprobrantes percusserunt maxillam meam sibilaverunt et fremuerunt dixerunt devoremus eum

284 Ipse autem gemens et conversus retrorsum

284 Silentium facite.

284 Novit Dominus pios de tentationibus eripere iniquos vero in diem iudicii cruciandos reservare. Magis autem eos qui post carnem in concupiscentiam immundiciae ambulant damnationemque contemnunt. Audaces. Sibi placentes. Maiestatem non metuunt. Blasphemantes. Ubi angeli fortitudini et virtute cum sint maiores non portant adversum se a Domino execrabile iudicium. Hi vero velut irrationabilia pecora naturaliter in captionem et in perniciem in his quae ignorant blasphemantes in corruptione sua peribunt. Percipientes mercedem iniustitiae estimantes voluptates diurnas delicias. Quo inquinati et commaculati deliciis affluentes et in conviviis suis luxuriantes vobiscum. Oculos habentes plenos adulteriis et indesinenter delictis inlicientes animas instabiles. Cor exercitatum avaritiae habentes maledictionis filii dereliquerunt rectam viam erraverunt secuti viam Balaam filii Beor qui mercedem iniustitiae dilexit. Increpationem vero habuit suae vesaniae subiugale mutum in hominis voce loquens perhibuit prophetie insipientiam. Hi sunt fontes sine aqua et nebule turbinibus exagitate quibus caligo tenebrarum reservatur. Superbia autem vanitatis loquentes inliciunt in desideriis carnis luxuriae eos qui paululum effugerunt qui in errore conversantur. Libertatem aliis promittentes cum ipsi sint servi peccati. A quo enim quis superatus est huius et servus est. Si enim refugientes coinquinationes mundi in agnitionem Domini nostri et Salvatoris Iesu Christi et rursus impliciti superantur facta sunt eis posteriora deteriora prioribus. Melius enim erat illis non cognoscere viam iustitiae quam post agnitionem retrorsum converti a tradito sibi sancto mandato. Contigit enim illis res veri proverbii canis reversus ad suum vomitum et sus lota in volutabro ceni. Hanc ecce vobis charissimi saecundam scribo epistolam in quibus excito vestram in commonitione sinceram mentem ut memores sitis eorum quae praedixi verborum sanctorum prophetarum et apostolorum vestrorum praeceptorum Domini et Salvatoris nostri.

285 Ego sum lux mundi. Qui sequitur me non ambulabit in tenebris sed habebit lucem vitae. Dixerunt ergo pharisei. Tu de te ipso testimonium perhibes testimonium tuum non est verum. Respondit Iesus et dixit eis. Et si ego testimonium perhibeo de me ipso verum est testimonium meum quia scio unde veni et quo vado. Vos autem nescitis unde venio aut quo vado. Vos autem secundum carnem iudicatis ego non iudico quaemquam et si iudico ego iudicium meum verum est quia solus non sum sed ego et qui me misit Pater. Et in lege vestra scriptum est quod duorum hominum testimonium verum est. Ego sum qui testimonium perhibeo de me ipso et testimonium perhibet de me qui misit me Pater. Dicebant ergo ei. Ubi est Pater tuus Respondit Iesus. Neque me scitis neque Patrem meum. Si me sciretis forsitan et patrem meum sciretis. Haec verba locutus est in Gazophilatio docens in templo. Et nemo apprehendit eum quia necdum venerat hora eius. Dixit ergo eis iterum Iesus. Ego vado et quaeritis me et in peccato vestro moriemini. Quo ego vado vos non potestis venire. Dicebant ergo Iudaei Numquid interficiet semetipsum Quia dicit quo ego vado vos non potestis venire. Et dicebat illis. Vos de deorsum estis ego de superius sum. Vos de hoc mundo estis ego non sum de hoc mundo. Dixi ergo vobis quia moriemini in peccatis vestris. Si enim non credideritis quia ego sum moriemini in peccato vestro. Dicebant ergo ei Tu quis es Dixit eis Iesus. Principium qui et loquor vobis. Multa habeo de vobis loqui et iudicare sed qui misit me verax est et ego quae audivi ab eo haec loquor in mundo et non cognoverunt quia Patrem eis dicebat Deum. Dixit ergo eis Iesus. Cum exsaltaveritis Filium hominis tunc cognoscetis quia ego sum et a me factum est nihil. Sed sicut docuit mihi pater haec loquor. Et qui misit me mecum est et non relinquet me solum quia et ego quae placita sunt ei facio semper. Haec illo loquente multi crediderunt in eum. (Jn 8)

286 Dominus sit semper vobiscum

286 Gaudebunt labia mea cum cantavero tibi et anima mea quam redemisti

286 Paenitentes orate flectite genua Deo deprecemur Dominum ut remissionem peccatorum et pacem nobis donare dignetur

286 Offerte Domino

286 Omnis conventus dominicae plebis et coadunatio christianae religionis effundite coram Domino corda vestra pandite proba solvite vota. Nam ille acceptabit huius ieiunii votum qui inspicit petitionis vestrae affectum. Tantum est ut ita humiliemini sub manu Dei potentis qualiter vos exaltet in hoc tempore tribulationis.

286 Iesu Filius Dei qui contriti cordis sacrificio placaris nostris quaesumus parce offensis. Da nobis et abstinendi devotionem et abstinentiae promereri virtutem. Quo et voluntate habeamur idonei et corporali robore inveniamur condigni.

286 Offerentium tibi Deus Pater vota sanctificans sic ieiunantium precibus adesto propitius ut defunctis fidelibus aeternae concedatur beatitudinis locus.

287 Pace tua Domine poscimus muniantur intima pectoris nostri quae et ieiunantibus fiat in permixtione sanctificationis et non ieiunantibus maneat in expiatione facinoris.

287 Dignum et iustum est nos tibi semper gratias agere Domine sancte Pater aeterne omnipotens Deus per Iesum Christum Filium tuum Dominum nostrum. Cui per ieiunium spiritales effecti liberius copulamur Angelisque suis coniungimur. Per ieiunium enim et orationem sacramenta mysteriorum caelestium revelantur et tela daemoniorum fortissimo devincuntur. Eo quippe et vivificatur anima et corpora atteruntur superba quo homo exterior exhibens abstinentiae votum interior facilius per orationem penetrat caelum. Unde quia tu es summus Deus per quam ista et ordinatim aguntur et admirabili potentia exercentur te acclini ex oratione praecamur ut per ieiunium hoc quod agimus vel orationem quam coram te fundimus eiiciantur a nobis cuncta in commune tentamenta daemoniorum ut nullis sordati malis tuis deserviendo praeceptis proclamemus tibi semper atque dicamus.

287 Vere admirabilis et sanctus Dominus noster Iesus Christus Filius tuus qui nobis instituit nostrum coram hominibus non ostendere ieiunium ne labentis vitae transitoria laude bona male uteremur. Nec iam esset his retributio futura quos hic subsecuta fuisset merces vanitatis admissa. Ob hoc perlargissime te Deus Pater exposcimus ut te propitiante et ieiunium nostrum habeatur a vanitate disiunctum et merces nobis non hic ore hominum sed post in concilio perlargiatur sanctorum.

287 Ante te Domine effundentes desiderium cordis nostri praecamur ut ita haec quae offerimus benedicas qualiter ex his potantes et repulsa inedia convalescat et concessa speciali virtute caelesti desiderio inardescant.

287 Tu Domine da escam

288 Domine Iesu Christe cuius in fame pascimur verbo cuius in siti recreamur alloquio. Tu et ieiunium nostrum sanctifica tuae gratiae incremento et vocem nostram exaudi e summo caelo qua te iubente dicimus e terris.

288 Humiliate vos benedictioni. Dominus sit semper vobiscum.

288 Omnipotenti Domino sociemini per ieiunii puritatem et copulemini per mentis affectionem. Eum quoque habeatis in munere quem consortem videmini habere in labore. Ut ab eo remuneretur ieiunium vestrum a quo in vobis collatum est fidei incrementum.

288 Per misericordiam ipsius Dei

288 Qui venit ad me non esuriet

288 Repletum

288 Reple Domine

288 Sicut noxius est qui mittit lanceas ac sagittas in mortem sic vir qui fraudulenter nocet amico suo. Et cum fuerit deprehensus dicet ludens feci. Cum defecerint ligna extinguitur ignis et susurrone subtracto iurgia conquiescunt. Sicut carbones ad prunas et ligna ad ignem sic homo iracundus provocat rixas. Verba susurronis quasi simplicia et ipsa perveniunt usque ad intima ventris. Quomodo si argento sordido ornare velis vas fictile sic labia tumentia cum pessimo corde sociata. Labiis suis intelligitur inimicus cum in corde tractaverit dolum. Quando submiserit vocem suam ne credideris ei quoniam septem nequitiae sunt in corde illius. Qui operit odium fraudulenter revelabitur malicia eius in concilio. Qui fodit foveam incidit in eam et qui revolvit lapidem revertetur ad eum. Lingua fallax non amat veritatem et os lubricum operatur ruinas. Qui se iactat et dilatat iurgia concitat qui autem sperat in Domino salvabitur. (Prv 26)

289 Dixit David ad Ionatham. Fac misericordiam in servum tuum quia fedus Domini me famulum tuum inire fecisti. Si autem in me est aliqua iniquitas tu me interfice et ad patrem tuum ne introducas me. Et ait Ionathas. Absit hoc a me. Neque enim fieri potest ut si certo cognovero completam patris mei esse maliciam contra te non adducerem tibi. Responditque David ad Ionathan. Quis annuntiabit mihi si quid forte responderit tibi pater tuus dure de me Et ait Ionathas ad David. Veni egrediamur in agrum. Cumque exissent ambo in agrum ait Ionathas ad David. Domine Deus Israel si investigavero sententiam patris mei crastino vel perendie et aliquid boni fuerit super David et non statim misero ad te et notum tibi fecero haec faciat Dominus in Ionatham et haec augeat. Si autem perseveraverit patris mei malicia adversum te revelabo aurem tuam et dimittam te ut vadas in pace. Et sit Dominus tecum sicut fuit cum patre meo et si vixero facias mihi misericordiam Domini. Si ante mortuus fuero non auferas misericordiam tuam a domo mea usque in sempiternum. Aut si non fecero quomodo eradicaverit Dominus inimicos David unumquemque de terra auferat Ionatham de domo sua et requirat Dominus de manu inimicorum David. Pepigit ergo fedus Ionathas cum David et addidit Ionathas deierare David eo quod diligeret illum sicut animam suam ita diligebat illum. Dixitque Ionathas. Cras Kalende sunt et requireris requiretur enim sessio tua usque perendie. Descendens ergo festinus et veniens in locum ubi celandus es in die quo operari licet et sedebis iuxta lapidera cui nomen est Ezel et ego tres sagittas mittam iuxta eum et iaciam quasi exercens ad me signum. Mittamque et puerum dicens ei. Vade affer mihi sagittas. Si dixero puero - ecce sagitte intra te sunt tolle eas tu veni ad me quia pax tibi est et nihil mali vivit Dominus. Si autem sic locutus fuero puero ecce sagitte ultra te sunt vade quia dimisit te Dominus. De verbo quod locuti fuimus ego et tu sit dominus inter me et te usque in sempiternum. Absconditus est ergo David in agro et venerunt Kalende et sedit rex ad comedendum panem. Cumque sedisset rex super cathedram suam secundum consuetudinem quae erat iuxta parietem surrexit Ionathas et sedit et Abner ex latere Saul vacuusque apparuit locus David. Et non est locutus quicquam Saul in illa die. Cogitabat enim quod forte evenisset ei et non esset mundus nec purificatus. Cumque inluxisset dies saecunda post Kalendas rursum vacuus apparuit locus David. Dixit autem Saul ad Ionatham filium suum. Cur non venit filius Isai nec heri nec hodie ad vescendum Et respondit Ionathas Sauli. Rogavit me obnixe ut iret in Bethlehem Et ait. Dimitte me. quoniam sacrificium solenne in civitate unus de fratribus meis accersivit mihi. Nunc ergo si inveni gratiam in oculis tuis vadam cito et videbo fratres meos. Ob hanc causam non venit ad mensam regis. Iratus autem Saul adversus Ionathan dixit ei. Fili mulieris ultro virum rapientis numquid ignoro quia diligis filium Isai in confusionem tuam et in confusionem ignominiose matris tuae Omnibus enim diebus quibus filius Isai vixerit super terram non stabilis eris tu neque regnum tuum. Itaque iam nunc mitte et adduc eum ad me quia filius mortis est. Respondens autem Ionathas Sauli patri suo ait. Quare morietur quid fecit Et arripuit Saul lanceam ut percuteret eum. Et intellexit Ionathas quod diffinitum esset patri suo ut interficeret David. Surrexit ergo Ionathas a mensa in ira furoris et non comedit in die secunda Kalendarum panem. Contristatus est enim super David eo quod confodisset eum pater suus. Cumque inluxisset mane venit Ionathas in agro iuxta placitum David et puer parvulus cum eo et ait ad puerum suum. Vade et affer mihi sagittas quas ego iacio. Cumque puer cucurrisset iecit aliam sagittam trans puerum. Venit itaque puer ad locum iaculi quod miserat Ionathas et clamavit Ionathas post tergum pueri et ait. Ecce ibi est sagitta. Porro ultra te. Clamavitque iterum Ionathas post tergum pueri dicens. Festina velociter ne steteris. Collegit autem puer Ionathe sagittas et attulit ad Dominum suum. Et quid ageretur penitus ignorabat. Tantummodo enim Ionathas et David rem noverant. Dedit ergo Ionathas arma sua puero et dixit ei. Vade et defer in civitatem. Cumque abiisset puer surrexit David de loco qui vergebat ad austrum. Et cadens pronus in terram adoravit tertio. Et osculatus alterutrum fleverunt pariter David autem amplius. Dixit ergo Ionathas ad David. Vade in pace quecumque iuravimus ambo in nomine Domini dicentes. Dominus sit inter me et te et inter semen meum et semen tuum usque in sempiternum. Et surrexit David et abiit. Sed et Ionathas ingressus est civitatem. (1Reg 20)

291 Nunc ecce oppressit me dolor meus et ad nihilum redacti sunt artus mei fratres mei testimonium dicunt contra me et suscitatus falsiloquus adversus faciem meam

291 Aperuerunt contra me inimici ora sua et exprobrantes percusserunt maxillam meam satiati sunt paenis meis conclusit me Deus in manus impiorum.

291 Collegit furorem suum in me et comminans mihi infremuit contra me.

291 Silentium facite.

291 Adveniet autem dies Domini sicut fur in qua caeli magno impetu transcurrent. Elementa vero calore solventur et terra et quae in ipsa sunt opera exurentur. His ergo pereuntibus quales oportet esse vos in sanctis conversationibus et pietatibus expectantes et properantes ad praesentiam diei Domini per quem caeli ardentes solventur et elementa ignis ardore tabescent. Novos vero caelos et novam terram secundum promissa ipsius exspectamus in quibus iustitia inhabitat. Quapropter charissimi haec expectantes satagite immaculati et inviolati apud eum inveniri in pace et Domini nostri longanimitatem salutem arbitramini. Sicut et carissimus frater noster Paulus secundum datam sibi sapientiam scripsit vobis sicut et in omnibus epistolis loquens in eis de his in quibus sunt quedam difficilia intellectu quae indocti et instabiles depravant sicut et ceteras scripturas ad suam ipsorum perditionem. Vos igitur fratres praescientes cavete ne insipientium errore seducti excidatis a propria infirmitate. Crescite vero in gratia et in cognitione Dei nostri et Salvatoris Iesu Christi. Ipsi gloria et nunc et in die aeternitatis. (2Pt 3)

292 Dominus noster Iesus Christus dicebat ad eos qui crediderunt ei Iudaeos. Si permanseritis in sermone meo vere discipuli mei eritis. Et cognoscetis veritatem et veritas liberabit vos. Responderunt ei. Semen Abrahae sumus et nemini servivimus unquam. Quomodo tu dicis liberi eritis Respondit eis Iesus. Amen amen dico vobis quia omnis qui facit peccatum servus est peccati. Servus autem non manet in domo in aeternum filius manet in aeternum. Si ergo filius vos liberaverit vere liberi estis. Scio quod filii Abrahae estis sed queritis me interficere quia sermo meus non capit in vobis. Ego quod vidi apud Patrem meum loquor. Et vosquaevidistis apud Patrem vestrum facitis. Responderunt et dixerunt ei. Pater noster Abraham est. Dicit eis Iesus. Si filii Abrahae estis opera Abrahae facite. Nunc autem quaeritis me occidere hominem qui veritatem vobis locutus sum quam audivi a Deo hoc Abraham non fecit. Vos facitis opera Patris vestri. Dixerunt itaque ei. Nos ex fornicatione non sumus nati unum Patrem habemus Deum. At illis Iesus. Si Deus Pater vester esset diligeretis utique me. Ego enim a Deo processi et veni. Neque enim a meipso veni sed ille me misit. Quare loquellam meam non cognoscitis Quia non potestis audire sermonem meum. Vos ex patre diabolo estis et desideria patris vestri vultis facere. Ille homicida erat ab initio et in veritate non stetit quia non est veritas in eo. Cum loquitur mendacium ex propriis loquitur quia mendax est et pater eius. Ego autem qui veritatem dico non creditis mihi. Quis ex vobis arguet me de peccato Si veritatem dico quare non creditis mihi Qui ex Deo est verba Dei audit. Propterea vos non auditis quia ex Deo non estis. Responderunt Iudaei et dixerunt ei Nonne bene dicimus nos quia samaritanus es tu et demonium habes Respondit Iesus. Ego daemonium non habeo sed honorifico Patrem meum et vos inhonorastis me. Ego autem non quaero gloriam meam est qui quaerat et iudicet. Amen amen dico vobis siquis sermonem meum servaverit mortem non videbit in aeternum. Dixerunt ergo Iudaei. Nunc cognovimus quia daemonium habes. Abraham mortuus est et prophetae et tu dicis siquis sermonem meum servaverit non gustabit mortem in aeternum. Numquid tu maior es patre nostro Abraham qui mortuus est et prophetae mortui sunt. Quem te ipsum facis Respondit Iesus. Si ego glorifico me ipsum gloria mea nihil est. Est Pater meus qui glorificat me quem vos dicitis quia Deus vester est et non cognovistis eum. Ego autem novi eum et si dixero quia non scio eum ero similis vobis mendax. Sed scio eum et sermonem eius servo. Abraham pater vester exultavit ut videret diem meum et vidit et gavisus est. Dixerunt ergo Iudaei ad eum. Quinquaginta annos nondum habes et Abraham vidisti. Dixit eis Iesus. Amen amen dico vobis antaequam Abraham fieret ego sum. Tulerunt ergo lapides ut iactarent in eum. Et nemo extendit in illum manus quia nondum venerat hora eius. (Jn 8)

293 Dominus sit semper vobiscum

293 Gaudebunt labia mea cum cantavero tibi et anima mea quam redemisti

293 Paenitentes orate flectite genua Deo deprecemur Dominum ut remissionem peccatorum et pacem nobis donare dignetur

293 Offerte Domino

293 Omni cura fratres carissimi ieiuniorum nobis est observanda devotio et tanquam cum Allophylis cotidiana congressio diebus ac noctibus pugna cum diabolo quia quem in opere decipere non valuit cogitationibus pravis subvertit et quem tentare non potuit vigilantem falsis illusionibus sollicitat dormientem. Nemo ergo ieiunium violet nemo contemnat ut cum Dominus noster Iesus Christus advenerit satiet quos invenerit vigilantes.

294 Audivimus et cognovimus Domine per abstinentiam sacri ieiunii quanta virtutum praemia collata sint Patribus nostris. Ex hoc tuae Maiestati Moyses adscriptus est fidelis amicus. Ob hoc Elias raptus igneis curribus obsequentibus flammis paradiso deputatus est vivus. Per huius quoque Quadragesimae perpetuitatem ieiunii temptator a Christo devictus est inimicus. Ex hoc Ioannes enituit in deserto praecipuus. Ob hoc te quaesumus sanctissime Deus ut hoc salutiferum opus praestes nobis iugiter frequentare per quod ad promissa mereamur praemia futurae beatitudinis pervenire.

294 Pro delictis nostris ieiunio humiliatis corporibus tuam quaesumus Deus gratiam nobis concede placatus quo tam vivis quam defunctis remedia possimus impetrare salutis.

294 Dilatetur omnipotens Deus anima nostra in perpetuam pacem et caro obsequatur tibi per abstinentia parsimoniam ut utraque tibi fideliter serviendo caritatis tuae remuneretur ex dono.

294 Dignum et iustum est vere aequum et salutare est nos tibi semper gratias agere aeterne omnipotens Deus per Iesum Christum Filium tuum Dominum nostrum qui gloriosum de diabolo triumphum ieiunus obtinuit et certandi formam militibus propriis suo exemplo monstravit. Quadraginta igitur diebus et quadraginta noctibus Deus et Dominus omnium ieiunavit ut et verum Deum hominem suscepisse monstraret et quod Adam per escam perdiderat suo ieiunio repararet. Aggreditur itaque diabolus Virginis filium Dei quoque nesciens Unigenitum. Et licet veternosa calliditate iisdem machinis quibus Adam primum deiecerat etiam secundum seducere se crederet obtinere tamen hoc non valuit nec fortissimo bellatori in nulla potuit omnino fraude subripere. Ille etenim quadraginta diebus ac noctibus ieiunavit et postea esuriit qui quadraginta dudum annorum temporibus innumeras pane caelesti multitudines saginavit. Hic est qui virtute propria fretus cum diabolo tenebrarum principe dimicavit et eo prostrato victoriae trophaeum ad caelos magnifice deportavit. Unde et merito tibi omnes angeli et archangeli proclamare non cessant ita dicentes.

295 Vere sanctus vere benedictus Dominus Christus Iesus Filius tuus a quo et abstinentium vita et contritorum remunerantur obsequia qui est refectio abstinentium et panis indeficiens Angelorum. Nunc igitur quia ipse est per quem datur esca esurientibus te Deus Pater exposcimus et rogamus ut per eum nobis concedas et digne tibi soli per ieiunium complacere et dignissime tibi hostiam in nobis abstinentiae immolare.

295 Oblatis tibi Domine libaminibus sacrificiorum respice humilitatis nostrae ieiunium ut haec oblata sanctifices et sumentium ariditatem tuae benedictionis ubertate sustentes.

295 Tu Domine da escam nobis in tempore opportuno aperi manum tuam et imple omnem animam benedictione.

295 Satis dulcis est sollemnitas ieiuniorum qua vivi homines perducuntur ad caelum. Dona ergo nobis Christe Deus semper illa sectari per quae a te mereamur facillime exaudiri quia te iubente dicimus.

295 Humiliate vos benedictioni. Dominus sit semper vobiscum.

295 Deus apud quem est misericordia copiosa efficiat vos sibi per ieiunium vasa mundissima. Quique est indeficiens ex substantia divinitatis natura ipse spiritalibus deliciis reficiat infirmitatem vestram. Ut corda vestra eum semper esuriant atque sitiant ad quem vota vestrae abstinentiae clamant.

296 Per misericordiam ipsius Dei

296 Qui venit ad me non esuriet

296 Repletum est

296 Reple domine

296 Deus non derelinquet misericordiam suam et non corrumpet neque delebit opera sua neque perdet ab stirpe nepotes electi sui et semen eius qui diligit Dominum non corrumpetur. Dedit autem reliquum Iacob et David de ipsa stirpe et requievit Salomon cum patribus suis. Et reliquit post se de semine suo gentis stulticiam et imminutum a prudentia Roboam qui avertit gentem consilio suo. Et Ieroboam filium Nabat qui fecit peccare Israel et dedit Effrem viam peccandi et plurima redundaverunt peccata ipsorum valde. Tunc mota sunt corda et manus ipsorum et doluerunt quasi parturientes mulieres. Et invocaverunt Dominum misericordiae et patentes manus extulerunt ad caelum et sanctus Dominus Deus audivit vocem ipsorum. Non est commemoratus peccatorum illorum neque dedit illos inimicis suis. Usque dum perveniret ad eos defensio et ab omnibus peccatis eorum liberavit eos Dominus. (Eccl 47)

296 Venerunt Ziphei ad Saul in Gabaa dicentes. Ecce David absconditus est in colle Achille qui est ex adverso solitudinis in via. Et surrexit Saul et descendit in desertum Ziph et cum eo tria millia virorum de electis Israel utquaereret David in deserto Ziph. Et castrametatus est Saul in Gabaa Achille quod erat ex adverso solitudinis in via. David autem habitabat in deserto. Videns autem quod venisset Saul post se in desertum misit exploratores et didicit quod venisset certissime. Et surrexit David clam et venit ad locum ubi erat Saul. Cumque vidisset locum in quo dormiebat Saul et Abner filius Ner princeps milicie eius Saulem dormientem in tentorio et reliquum vulgus per circuitum eius ait David ad Abimelech Cetheum et Abisai filium Sarvie fratrem Ioab dicens. Quis descendet mecum ad Saul in castra Dixitque Abisai. Ego descendam tecum. Venerunt ergo David et Abisai ad populum nocte et invenerunt Saul iacentem et dormientem in tentorio et hastam fixam in terra ad caput eius. Abner autem et populus dormientes in circuitu eius. Dixitque Abisai ad David. Conclusit Deus hodie inimicum tuum in manus tuas. Nunc ergo perfodiam eum lancea in terram semel et saecundo opus non erit. Et dixit David ad Abisai. Ne interficias eum quis enim extendit manum suam in Christum Domini et innocens erit Et dixit David vivit Dominus quia nisi Dominus percusserit eum aut dies eius venerit ut moriatur aut in infernum descedens perierit propitius sit mihi Dominus ne extendam manum meam in Christum Domini. Nunc autem tolle hastam quae est ad caput eius et scyphum atque abeamus. Tulit ergo hastam et scyphum aque qui erat ad caput Saul et abierunt. Et non erat quisquam qui videret et intelligeret et vigilaret sed omnes dormiebant quia sopor Domini irruerat super eos. Cumque transisset David ex adverso et stetisset in vertice montis de longe et esset grande intervallum inter eos clamavit David ad populum et ad Abner filium Ner dicens. Nonne respondebis Abner Et respondens Abner ait. Quis es tu qui clamas et inquietas Regem Et ait David ad Abner. Nunquid non vir tu es et quis alius similis tui in Israel Quare ergo non custodisti Dominum tuum regem ingressus est enim unus de turba ut interficeret Dominum tuum regem. Non est bonum hoc quod fecisti. Vivit Dominus quia filii mortis estis vos qui non custodistis Dominum vestrum Christum Domini. Nunc ergo vide ubi sit hasta regis et ubi scyphus a quae qui erat ad caput eius. Cognovit autem Saul vocem David et dixit. Numquid vox tua est haec fili mi David Et ait David. Vox mea domine mi rex. Et ait. Quam ob causam Dominus meus persequitur servum suum Quid feci aut quod est malum in manu mea Nunc ergo audi oro Domine mi rex verba servi tui. Si Dominus incitat te adversum me odoretur sacrificium. Si autem filii hominum maledicti sunt in conspectu Domini qui eiecerunt me hodie ut non habitem in hereditate Domini dicentes vade servi diis alienis. Et tunc non effundatur sanguis meus in terra coram Domino quia egressus est rex Israel ut querat pulicem unum sic persequitur perdix in montibus. Et ait Saul. Peccavi. Revertere fili mi David naequaquam ultra male tibi faciam eo quod preciosa fuerit anima mea in oculis tuis. Hodie apparet quod stulte egerim et ignoraverim multa nimis. Et respondens David ait. Ecce hasta regis transeat unus de pueris et tollat eam. Dominus autem retribuet unicuique secundum iustitiam suam et fidem. Tradidit enim te Dominus in manu mea et nolui levare manum meam in Christum Domini. Et sicut magnificata est anima tua hodie in oculis meis sic magnificetur anima mea in oculis Domini et liberet me de omni angustia. (1Rg 226)

297 Dominus sit semper vobiscum

297 Ne derelinquas me Domine Deus meus ne discesseris a me (Ps 21)

297 Quia anima mea completa est inlusionibus et non est salus in carne mea.

297 Quoniam ego ad flagella paratus sum et dolor meus contra me est semper.

297 Et multiplicati sunt qui me oderunt iniuste qui retribuebant mala pro bonis detrahebant mihi quoniam sequebar iustitiam et proiecerunt me dilectum tanquam mortuum abominatum.

297 Insidiati sunt mihi adversarii mei magis gratis. Tu pater sancte miserere et libera me.

297 Portatus sum ut agnus innocens ad victimam captus ab inimicis ut avis in muscipulam magis gratis.

297 Aperuerunt omnes ora sua contra me dentibus fremuerunt quaerentes deglutire me magis gratis.

297 Sibilantes clamabant et movebant capita tractantes de me falsa proferre testimonia magis gratis.

297 Suspensum cruci damnant fixum clavis ferreis venditum a Iudeis pro triginta argenteis magis gratis.

297 In latere confossus gladio horrifico illico fluit latex cum sanguine innoxio magis gratis.

297 Omnes inundaverunt quasi aque super me dimersum in sepulchro adposuerunt lapidem magis gratis.

298 Confusa palluerunt concta caeli sidera dies obtenebratur cum vidit pati Dominum magis gratis.

298 Sic Iudaeorum turba caeca diffidentia deposcunt a Pilato milites pro custodia magis gratis.

298 Tunc milites dividunt vestem meam sortibus cernentes in me flagra iniusta et sevissima magis gratis.

298 Intende pie Pater et succurre miseris pro quibus tam acerbis afficior suppliciis magis gratis.

298 Exaudi orationem nostram Domine

298 Silentium facite.

298 Quod erat ab initio quod audivimus quod vidimus oculis nostris quod perspeximus et manus nostrae contrectaverunt de verbo vitae et vita manifestata est nobis et vidimus et testamur et annunciamus vobis vitam aeternam quae erat apud Patrem et apparuit nobis. Quod ergo vidimus et audivimus adnunciamus vobis ut et vos societatem habeatis nobiscum et societas nostra sit cum Patre et Filio eius Iesu Christo. Et haec scribimus vobis ut gaudium vestrum sit plenum et haec est annuntiatio quam audivimus ab eo et annuntiamus vobis. Quoniam Deus lux est et tenebrae in eo non sunt ulle. Si dixerimus nos societatem habere cum eo et in tenebris ambulamus mentimur et non facimus veritatem. Si autem in luce ambulamus sicut et ipse in luce est societatem habemus cum eo et sanguis Iesu Christi filii eius mundet nos ab omni peccato. (1J)

298 Dominus noster Iesus Christus loquebatur pharisaeis et turbis dicens. Amen amen dico vobis. Qui non intrat per ostium in ovile ovium sed ascendit aliunde ille fur est et latro. Qui autem intrat per ostium pastor est ovium. Huic ostiarius aperit et oves vocem eius audiunt et proprias oves vocat nominatim et educit eas. Et cum proprias oves omiserit ante eas vadit et oves illum sequuntur quia sciunt vocem eius. Alienum autem non sequuntur sed fugiunt ab eo quia non noverunt vocem alienorum. Hoc proverbium dixit Iesus illi autem non cognoverunt quid loqueretur eis. Dixit ergo eis iterum Iesus. Amen amen dico vobis quia ego sum ostium ovium omnes quotquot venerunt fures sunt et latrones sed non audierunt eos oves. Ego sum ostium. Per me siquis introierit salvabitur et ingredietur et regredietur et pascua inveniet. Fur non venit nisi ut furetur et mactet et perdat Ego veni ut vitam habeant et abundantius habeant. Ego sum pastor bonus. Bonus autem pastor animam suam dat pro ovibus suis. Mercenarius autem et qui non est pastor cuius non sunt oves proprie videt lupum venientem et dimittit oves et fugit et lupus rapit et dispergit oves. Mercenarius autem fugit quia mercenarius est et non pertinet ad eum de ovibus. Ego sum pastor bonus et cognosco meas et cognoscunt me meae. Sicut novit me pater et ego agnosco Patrem et animam meam pono pro ovibus meis. Et alias habeo ovesquaenon sunt ex hoc ovili et illas oportet me adducere et vocem meam audient et fiet unus grex et unus pastor. (Jn 10)

299 Dominus sit semper vobiscum

299 Eripe me Domine ab homine malo a viro iniquo libera me

299 Qui cogitaverunt malicias in corde suo tota die constituebant praelia

299 Acuerunt linguas suas sicut serpentes venenunt aspidum sub labiis eorum

299 Custodi me Domine de manu peccatoris ab hominibus iniquis libera me

299 Paenitentes orate flectite genua Deo deprecemur Dominum ut remissionem peccatorum et pacem nobis donare dignetur

299 Isti sunt dies quos debetis custodire temporibus suis quartadecima die ad vesperum Pascha Domini est et in quinta decima solemnitatis celebrabitis altissimo Deo vestro.

299 Locutus est Moyses filiis Israel dicens in die octavo venturo sumite vobis ramos palmarum et exultate in conspectu Domini et Secundum legem quod vobis praecepi.

299 Deus qui mystico olim praesagio famulo tuo Moysi inter alias praeceptorum tuorum caerimonias etiam horum dierum sollemnia in monte Sinai propitius ostendisti ut octavo die venturo sumerent diversarum arborum fructus ramos quoque palmarum et exsultarent in conspectu Domini Dei sui cum hymnis. Concede nobis famulis tuis ut innocentiae et fidei veritate sinceri tuis semper coram altaribus assistamus. Sicque tibi parsimoniam corporum offeramus ut actuum plenitudinem perfectis apud nos moribus retentemus.

300 Omnipotens Deus qui per abstinentiam sacri ieiunii immensa patribus nostris virtutum praemia condonasti praesta nobis famulis tuis ut eorum mereamur esse sequipedes quorum exemplis ad meliora producti et carnalium illecebris maneamus invicti et in tuis iugiter insistamus praeceptis indefessi.

300 Deus qui omnium nomina temporumque mensuras pia semper largitate dispensas Sanctorum tuorum nos quaesumus recitatis nominibus purifica precibus absolve a criminibus et salutaris continentiae dita muneribus ut per hoc sacrae festivitatis ieiunium sincerissimum tibi nostri cordis offeramus holocaustum. Hanc igitur fidelium tuorum oblationem propitio ac sereno vultu Domine dignare respicere ut decurrente iam ieiuniorum nostrorum tempore haec nos oblatio et a praeteritis delictorum sordibus abluat et a futuris ut caveamus te miserante custodiat ut occursuri obviam tuae maiestati non pedum passibus sed contriti cordis nostri gressibus conclamare tibi puro mentis affectu gloria in excelsis Deo cum Hebraeorum pueris mereamur.

300 Fidei nostrae omnipotens Deus crescit augmentum si sedulum ieiuniorum nostrorum tuae maiestati solvimus votum. Ac per hoc pervenire poterimus ad tuae claritatis occursum si pacifici semper manentes a nobis custodita fuerit parcimonia ieiuniorum quibus opprimimur et tollantur omnia pondera vitiorum. Pacem itaque perfectam nobis omnibus benignus concede ut quam tui iam Sancti fruuntur in caelis nos quoque meditemur iugiter in terris.

300 Dignum et iustum est vere sanctum et pulchrum est nos tibi semper hic et ubique gratias agere laudesque referre per Unigenitum Filium tuum Dominum nostrum. Qui hoc sacrum ieiunii tempus famulis tuis Moysi et Eliae propitius olim concessit. Per quod unus legem accepit alius igneo curru transvectus paradisi secreta rimavit. Ipse quoque mediator Dei et hominum Dominus noster Iesus Christus Filius tuus quod dudum servis concessit hoc in suae maiestatis clementia postea consecravit. Per hoc ieiunium Ninivitis venia datur per hoc ieiunium leonum ora concluduntur. Per hoc ieiunium Amoraeus devincitur. Per hoc ieiunium clades a terra depellitur. Per hoc ieiunium Aman superbus in ligno suspenditur. Per hoc ieiunium populus Dei a necis periculo liberatur. Per hoc ieiunium Sancti ad caelestia regna perveniunt. Per hoc ieiunium peccatores ad veniam revocantur. Per hoc ieiunium fugantur daemonia comprimuntur vitia crescunt virtutes. Per hoc ieiunium Angelis copulatur sancta virginitas. Per hoc ieiunium impartitur viduis continentia. Per hoc ieiunium potentibus inspiratur iustitia et omnibus coniugatis prudentia. Praesta ergo nobis omnipotens Deus ut mortificato corde et corpore. et hic legem tuam splendide observemus et illic cum sanctis tuis intra paradisi aulam sollemniter gaudeamus consona voce proclamantes ac dicentes

301 Vere sanctus. Vere haec est illa praeclara et admirabilis supernarum creaturarum aeterna laudatio quae in caelestibus sine defectu psallitur ab Angelis et hic sollemniter decantatur a populis. Illic collaudant caelestia hic adorant terrestria. Illic sanctis tuis aeterna retribuis praemia hic fidelibus largam praestas misericordiam. Illa non deseris ista non despicis quia Redemptorem nostrum piissime Pater pro totius mundi salute ad nos misisti.

301 Recitatis Domine Unigeniti tui sacramentorum praeceptis simulque praeclara passionis et resurrectionis et in caelos ascensionem memoriam facientes maiestatem tuam supplices rogamus ac petimus. Ut in his sacrificiis benedictionum tuarum plenitudo descendat et infundas in eis imbrem Spiritus tui Sancti de caelis. Ut fiat hoc sacrificium secundum ordinem Melchisedech fiat hoc sacrificium secundum ordinem Patriarcharum et Prophetarum tuorum. Ut quod ab illis typice facientibus unigeniti Filii tui significantibus adventum tua maiestas acceptare dignata est sic hoc sacrificium respicere et sanctificare digneris quod est verum corpus et sanguis Domini nostri Iesu Christi Filii tui qui pro nobis omnibus factus est Sacerdos et hostia. Hanc itaque hostiam tu piissime Pater de tuae claritatis respectu sanctifica ut sumentibus eam et hic delictorum veniam et aeternam in caelis conferas vitam.

302 Tu Domine das escam nobis in tempore opportuno. Aperi manum tuam et imple omnem animam benedictione.

302 Omnes fratres carissimi qui conditos nos ac redemptos Domini pietate gaudemus orationis dominicae memores precibus indefessis eiusdem Domini misericordiam imploremus clamantes e terris

302 Humiliate vos benedictioni. Dominus sit semper vobiscum.

302 Benedictionis gratia vos semper protegat et ab omni malo defendat. Mundet vos Dominus ab omni crimine peccatorum et sibi placere faciat in aeternum. Ubique vos Dominus placatus occurrat et suae benedictionis opem dignanter attribuat.

302 Per misericordiam

302 Amen dico vobis ego sum panis vitae qui de caelo descendi siquis ex ipso manducaverit non morietur in aeternum et qui biberit ex aqua quam ego dabo ei non sitiet unquam sed fiet in eo fons aquae salientis in vitam aeternam.

302 Sicut misit me vivens Pater et ego vivo propter Patrem et qui manducat me ipse vivet propter me.

302 Repletum est gaudium nostrum et lingua nostra in exultatione.

302 Reple Domine cor nostrum

303 Quando sederis ut comedas cum principe diligenter adtende quae posita sint ante faciem tuam. Et statue cultrum in gutture tuo si tamen habes potestatem in animam tuam. Ne desideres de cibis eius in quo est panis mendacii. Noli laborare ut diteris sed prudentie tuae pone modum. Ne erigas oculos tuos ad opes quas non potes habere quia facient sibi pennas quasi aquile et volabunt in caelum. Ne comedas cum homine invido et ne desideres cibos eius. Quoniam in similitudinem arioli et coniectoris estimat quod ignorat. Comede et bibe dicet tibi et mens eius non est tecum. Cibos quos comederas evomes et perdes pulchros sermones tuos. Ingrediatur ad doctrinam cor tuum et aures tuae ad verba scientie. Noli subtrahere a puero disciplinam si enim percusseris eum virga non morietur. Tu virga percuties eum et animam eius de inferno liberabis. (Prv 23)

303 Venit Absalon ad regem David et ait ad eum. Ecce tondentur oves servi tui veniat oro rex cum servis suis ad servum suum. Dixitque rex ad Absalon. Noli fili mi. noli rogare ut veniamus et gravemus te. Cum autem cogeret eum et noluisset ire benedixit ei. Et ait Absalon. Si non vis venire veniat obsecro nobiscum saltim Annon frater meus. Dixitque ad eum rex. Non est necesse ut vadat tecum. Cogit autem Absalon et dimisit cum eo Annon et universos filios regis. Praeceperat autem Absalon pueris suis dicens. Observate cum temulentus fuerit Annon vino et dixero vobis percutite eum et interficite nolite timere. Ego enim sum qui precipio vobis. Roboramini et estote viri fortes. Fecerunt ergo pueri Absalon adversus Annon sicut preceperat eis Absalon. Surgentesque filii regis ascenderunt singuli mulas suas et fugerunt. Cumque adhuc pergerent in itinere fama pervenit ad David dicens. Percussit Absalon omnes filios regis et non remansit ex eis saltem unus. Surrexit itaque rex et excidit vestimenta sua et cecidit super terram et omnes servi ipsius qui assistebant ei exciderunt vestimenta sua. Respondens autem Ionadab filius Semmae fratris David dixit. Ne estimet Dominus meus rex quod omnes pueri filii regis occisi sunt Annon solus mortuus est quoniam in odio Absalon erat positus ex die qua oppressit Thamar sororem eius. Nunc ergo ne ponat Dominus meus rex super cor suum verbum istud dicens omnes filii regis occisi sunt quoniam Annon solus mortuus est. Fugit autem Absalon et levavit puer speculator oculos suos et aspexit et ecce populus multus veniebat per iter devium ex latere montis. Dixit autem Ionadab ad regem. Ecce filii regis adsunt iuxta verbum servi tui sic factum est. Cumque cessasset loqui apparuerunt filii regis et intrantes levaverunt voces et fleverunt. Sed et rex et omnes servi eius fleverunt ploratu magno nimis. Porro Absalon fugiens abiit ad Tholomai filium Amiur regem Gessur luxit ergo David filium suum multis diebus. Absalon autem cum fugisset et venisset in Gessur fuit ibi tribus annis. Cessavitque rex David persequi Absalon eo quod consolatus esset super Annonis interitu. Intelligens autem Ioab filius Sarvie quod cor regis versum esset ad Absalon misit Thecuam et tulit inde mulierem sapientem dixitque ad eam. Lugere te simula et induere veste lugubri et ne ungaris oleo ut sis quasi mulier plurimo iam tempore lugens mortuum et ingredieris ad regem et loqueris ad eum sermones huiuscemodi. Posuit autem Ioab sermones in ore eius. Itaque cum ingressa fuisset mulier Thecuites ad regem cecidit coram eo super terram et adoravit et dixit. Serva me rex. Et ait ad eam. Quid cause habesquaerespondit. Heu mulier vidua ego sum mortuus est enim vir meus et ancille tuae erant duo filii. Qui rixati sunt adversum se in agro nullusque erat qui eos prohibere posset et percussit alter alterum et interfecit eum. Et ecce consurgens universa cognatio adversum ancillam tuam dicit Trade eum qui percussit fratrem suum ut occidamus illum pro anima fratris sui quem interfecit et deleamus heredem. Et querunt extinguere scintillam meamquaerelicta est ut non supersit viro meo nomen et reliquie super terram. Et ait rex ad mulierem. Vade in domum tuam et ego iubebo pro te. Dixitque mulier Thecuites ad Regem in me Domine mi rex sit iniquitas et in domo patris mei. Rex autem et thronus eius sit innocens. Et ait rex. Qui contradixerit tibi adduc eum ad me et ultra non addet ut tangat te.quaeait. Recordetur Rex Domini Dei sui et non multiplicentur proximi sanguinis ad ulciscendum et nequaquam interficiat filium meum. Qui ait. Vivit Dominus quia non cadet de capillis filii tui super terram. Dixit ergo mulier. Loquatur ancilla tua ad Dominum meum regem verbum. Et ait. loquere. Dixitque mulier. Quare cogitasti istiusmodi rem contra populum Dei et locutus est rex verbum istud ut peccet et non reducat electum suum. Omnes morimur et quasi aqua dilabimur in terram quae non revertuntur. Nec vult perire Deus animam sed retractat cogitans ne penitus pereat qui abiectus est. Nunc igitur veni ut loquar ad Dominum meum regem verbum hoc presente populo et dixit ancilla tua. Loquar ad regem si quo modo faciat rex verbum ancille sue. Et audivit rex ut liberaret ancillam suam de manu omnium qui volebant delere me et filium meum de hereditate Dei. Dicat ergo ancilla tua ut fiat verbum Domini mei regis quasi sacrificium sicut enim angelus Dei sic est Dominus meus rex ut nec benedictione nec maledictione moveatur. Unde et Dominus Deus tuus est tecum. Et respondens rex dixit ad mulierem. Ne abscondas a me verbum quod te interrogo. Dixitque mulier. Loquere Domine mi rex. Et ait rex. Numquid manus Ioab tecum est in omnibus istis Respondit mulier et ait. Per salutem anime tuae Domine mi rex nec ad dexteram nec ad sinistram est ex omnibus his quae locutus est Dominus meus rex. Servus enim tuus Ioab ipse precepit mihi et ipse posuit in os ancille tuae omnia verba nec ut verterem figuram sermonis huius. Servus tuus Ioab praecepit istud. Tu autem Domine mi rex sapiens es sicut habet sapientiam angelus Dei ut intelligas omnia super terram. Et ait rex ad Ioab. Ecce placatus feci verbum tuum. Vade igitur et revoca puerum Absalon. Cadensque Ioab super faciem suam in terram adoravit et benedixit regi et dixit Ioab. Hodie intellexit servus tuus quia inveni gratiam in oculis tuis Domine mi rex fecisti enim sermonem servi tui. Surrexit ergo Ioab et abiit in Gessur et adduxit Absalon in Ierusalem . Dixit autem rex. Revertatur in domum suam et faciem meam non videat. Reversus est itaque Absalon in domum suam et faciem regis non vidit. Porro sicut Absalon vir non erat pulcher in omni Israel et decorus nimis a vestigio pedis usque ad verticem non erat in eo ulla macula. Et quando tondebat capillum semel autem in anno tondebatur quia gravabat eum cesaries ponderabat capillos capitis sui ducentis siclis pondere publico. Nati sunt autem Absalon filii tres et filia una nomine Thamar eleganti forma. haec fuit in matrimonio Roboam filio Salomonis et peperit ei Abiam. Mansitque Absalon in Ierusalem duobus annis et faciem regis non vidit. Misit itaque ad Ioab ut mitteret eum ad regem. Qui noluit venire ad eum. Cum quae secundo misisset et noluit venire dixit servis suis. Scitis agrum Ioab iuxta agrum meum habentem messem order. Ite igitur et succendite eum igni. Succenderunt ergo servi Absalon segetem igni. Et venientes servi Ioab scissis vestibus dixerunt succenderunt servi Absalon partem agri igni. Surexitque Ioab et venit ad Absalon in domum suam et dixit. Quare succenderunt servi tui segetem meam igni Et respondit Absalon ad Ioab. Misi ad te obsecrans ut venires ad me et mitterem te ad regem ut diceres ei. Quare veni ad te de Gessur melius mihi erat ibi esse. Obsecro ergo ut videam faciem regis. Quod si memor est iniquitatis meae interficiat me. Ingressus itaque Ioab ad regem nunciavit ei omnia. Vocatusque est Absalon et intravit ad regem et adoravit super faciem terrae coram eo osculatusque est rex Absalon. (Ml 213)

308 Dominus sit semper vobiscum.

308 Nunc ecce derident me inimici mei nunc in eorum canticum versus sum abominantur me et longe fugiunt a me et faciem meam conspuere non verentur.

308 Ad dexteram calamitatis meae illico surrexerunt pedes meos subverterunt et oppresserunt quasi fluctibus semitas meas.

308 Quapropter in memet ipso arescit anima mea et possident me dies afflictionis.

308 Silentium facite.

308 Non novum mandatum scribo vobis sed mandatum vetus quod habuistis ab initio. Mandatum vetus est verbum quod audistis. Iterum mandatum novum scribo vobis quod est verum et in ipso et in nobis. Quoniam tenebre transierunt et lumen verum iam lucet. Qui dicit se in luce esse et fratrem suum odit in tenebris est usque adhuc. Nam qui diligit fratrem suum in lumine manet et scandalum in eo non est. Qui autem odit fratrem suum in tenebris est et in tenebris ambulat et nescit quo eat quoniam tenebre obcecaverunt oculos eius. Scribo vobis filioli quoniam remittuntur vobis peccata propter nomen eius. (1J 2)

308 Dominus noster Iesus Christus loquebatur pharisaeis et turbis dicens. Propterea me pater diligit quia ego pono animam meam ut iterum sumam eam. Nemo tollit eam a me sed ego pono eam a me ipso. Potestatem habeo ponendi animam meam et potestatem habeo iterum sumendi eam. Hoc mandatum accepi a Patre meo. Dissensio itaque facta est inter Iudaeos propter sermones hos. Dicebant enim multi ex ipsis daemonium habet et insanit quid eum auditis Alii dicebant haec verba non sunt daemonium habentis. Numquid daemonium potest caecorum oculos aperire Facta sunt autem encenia in Ierosolymis et hiems erat. Et ambulabat Iesus in templo in porticum Salomonis. Circumdederunt ergo eum Iudaei et dicebant ei. Quousque animam nostram tollis Si tu es Christus dic nobis palam. Respondit eis Iesus. Loquor vobis et non creditis. Opera quae ego facio in nomine Patris mei haec testimonium perhibent de me. Sed vos non creditis quia non estis ex ovibus meis oves meae vocem meam audiunt et cognosco eas et sequuntur me et ego vitam aeternam do eis et non peribunt in aeternum et non rapit eas quisquam de manu mea. Pater meus quod dedit mihi maius omnibus est et nemo potest rapere de manu Patris mei. Ego et pater unum sumus. Sustulerunt lapides Iudei ut lapidarent eum. Respondit eis Iesus. Multa bona opera ostendi vobis a Patre meo propter quod opus me lapidatis Responderunt ergo Iudaei. De bono opere non lapidamus te sed de blasphemia. Et quia tu homo cum sis facis te ipsum Deum. Respondit eis Iesus. Nonne scriptum est in lege vestra quia ego dixi Dii estis Si illos dixit Deos ad quos sermo Dei factus est et non potest solvi scriptura quem Pater sanctificavit et misit in hunc mundum. Vos dicitis quia blasphemas quia dixi filius Dei sum. Si non facio opera Patris mei nolite credere mihi si autem facio et mihi non vultis credere operibus credite ut cognoscatis et credatis quia in me est Pater et ego et in Patre. (J 10)

309 Dominus sit semper vobiscum.

309 Eripe me Domine

309 Paenitentes orate flectite genua Deo deprecemur Dominum ut remissionem peccatorum et pacem nobis donare dignetur

309 Offerte Domino

309 Memores delictorum nostrorum fratres carissimi peccata nostra coram Domino defleamus seminantes in lacrimis quod metamus in gaudiis. Simus in oratione assidui in ieiuniis prompti in eleemosynis liberales ut promissae retributionis gloriam devota fide et fructuosa operatione mereamur percipere.

310 Deus cui cor mundum et corpus placet intactum cuique puritas mentis et sinceritas non displicet carnis subiuga quaesumus per abstinentiae rigorem animae carnem atque per affectum timoris et dilectionis animam tibi associa. Ut tu solus domineris in omnia nobis qui conditor noster esse agnosceris. Posside ergo et redime nos Domine ut qui hoc ieiunium studiose agimus te retribuente satietate incorruptibili tuae gloriae perfruamur.

310 A te Deus piissime benedicantur ieiunantium vota sacrificiorumque libamina. Acceptentur quoque orationes fidelium ac suspiria contritorum ut votiva abstinendi devotio et cunctos in commune fideles sanctificet et defunctis omnibus requiem praestet.

310 Foveat omnipotens Deus caritas tua ieiunantium ariditatem internam ut dono affluamus dilectionis qui tibi afflicte immolamus hostiam carnis.

310 Dignum et iustum est aequum et salutare est nos te magnificare in diebus sanctificationis tuae et venerabile nomen sanctum tuum Domine sancte Pater aeterne omnipotens Deus. Quoniam hoc est tempus acceptabile hii sunt dies salutis in quibus Moyses famulus tuus ut legem tuam mereretur accipere dies quadraginta in Sinai monte ieiunavit. Similiter et Iesus Salvator noster Christus in deserto ieiunatis quadraginta diebus et quadraginta noctibus omnia diaboli tentamenta destruxit nobisque exemplum abstinentiae reliquit. Nunc igitur quia te docente Domine beati sunt qui esuriunt et sitiunt iustitiam quoniam ipsi saturabuntur praecamur ut in vigiliis ac ieiuniis carnis desideria et universas mundi concupiscentias te propitiante a nostris corporibus abscindamus. Quo ab omnibus vitiis ac voluptatibus profanis nos omnibus modis caveamus ut in diebus ieiuniorum non inveniantur voluntates nostrae sed tuam Domine per singulos dies operemur in omnibus voluntatem proclamantes atque ita dicentes.

311 Vere sanctus vere benedictus Dominus noster Iesus Christus Filius tuus qui nos et vitiis abstinere et cibis docuit. Ab illo quippe et abstinendi docemur exemplis et abstinentiae remuneramur ex donis. Proinde te Deus Pater rogamus ut per illum sit in nobis et in praesenti huius mundi labore consolatio et in aeterna vita donetur beatitudinis plenitudo.

311 Deus qui es sanctificator oblationum et sustentatio abstinentium tu benedictione gratiae tuae et appositum sacrificium sanctifica et ieiunantium pectora ab omni contagione delictorum emunda. Quo haec oblata uberius benedicens horum perceptione inediam nostrae debilitationis sustentes internaque sanctifices.

311 Tu Domine da escam nobis in tempore opportuno. Aperi manum tuam et imple omnem animam benedictione.

311 Christe Deus qui ieiunii non renuis votum qui nobis per te magnum abstinendi praebuisti exemplum quique docuisti te per orationem petere per lectionem quaerere eleemosynis etiam vel lacrimis propulsare accipe nostram petitionem quae in nobis et amorem dilectionis enutriat et lacrimas nostras tibi commendabiles reddat. Ut qua te petierimus orando te nos invenisse gratulemur quaerendo cumque lacrimando pulsaverimus a te exaudiri promereamur.

311 Humiliate vos benedictioni. Dominus sit semper vobiscum.

311 Christus Dei Filius ob cuius exemplum corporale ieiunium exercetis animas vestras virtutum repleat sacramentis. Idem quoque Dominus cordibus vestris atque corporibus ieiunio aridis vitam tenere tribuat sanctitatis. Ut cum abstinentia servantes unanimitatem spiritus in vinculo pacis perveniatis ad eum recipientes ab illo praemium aeterna salvationis.

312 Per misericordiam

312 Qui venit ad me

312 Repletum est gaudium

312 Reple Domine cor nostrum

312 Laudemus viros gloriosos et parentes nostros in generatione sua. Dilectus a Domino Samuel propheta Domini renovavit imperium et unxit principes in gente sua. Et post haec dormivit et notum fecit regi et ostendit illi finem vitae sue. Post haec surrexit Nathan propheta in diebus David regis et quasi adeps separatus est a carne sic David a filiis Israel. In leonibus lusit quasi cum hedis in ursis similiter fecit sicut agnis ovium. In iuventute sua numquid non occidit gigantem et sustulit obprobrium de gente Ubi invocavit Dominum potentem et dedit dexteram eius tollere hominem fortem in bello et exaltare cornu gentis sue. De omni corde suo laudavit Dominum et dilexit Deum qui fecit illum ut laudaret sanctum nomen Domini et amplificaret mane diei sanctitatem. Christus purgavit peccata ipsius exaltavit in aeternum cornu ipsius et dedit illi testamentum regum et sedem glorie in Israel. Post ipsum surrexit filius sensatus et propter illum deiecit omnem potentiam inimicorum. Salomon imperavit in diebus pacis cui subiecit Deus omnes hostes ut conderet donum in nomine suo et pararet sanctitatem in sempiternum. Quaemadmodum eruditus est in iuventute sua et impletus est quasi flumen sapientia. (Eccli 44 47 46)

312 In illis diebus ait David. Benedictus Dominus Deus Israel qui dedit hodie sedentem in solio meo. Videntibus oculis meis. Territi sunt et surrexerunt omnes qui invitati fuerant ab Adonia et ivit unusquisque in viam suam. Adonias autem timens Salomonem surrexit et abiit in tabernaculum Domini tenuitque cornu altaris. Et nuntiaverunt Salomoni dicentes. Ecce Adonias timens regem Salomonem tenens cornu altaris dicens. Iuret mihi hodie rex Salomon quod non interficiat servum suum gladio. Dixitque Salomon. Si fuerit vir bonus non cadet nec unus quidem capillus eius in terra. Sin autem malum inventum fuerit in eo morte morietur. Misit ergo rex Salomon et eduxit eum ab altari. Et ingressus adoravit regem Salomonem. Dixitque ei Salomon vade in domum tuam. Appropinquaverunt autem dies David ut moreretur. Praecepitque Salomoni filio suo dicens. Ecce ego ingredior viam universe terrae. Confortare et esto vir. Et observa custodias Domini Dei tui ut ambules in viis eius et custodias ceremonias eius et precepta eius et testimonia et iudicia sicut scriptum est in lege Moysi ut intelligas universa quae facis et quocumque te verteris. Ut confirmet Dominus sermones suos quos locutus est de me dicens si custodierint filii tui vias meas et ambulaverint coram me in veritate in omni corde suo et in omni anima sua non auferetur tibi vir de solio Israel. Tu quoque nosti quae fecerit mihi Ioab filius Sarvie quae fecerit duobus principibus exercitus Israel Abner filio Ner et Amase filio Lether quos occidit et effudit sanguinem belli in pace et posuit cruorem in baltheo suo qui erat circa lumbos eius et in calciamento suo quod erat in pedibus eius. Facias ergo ei iuxta sapientiam tuam et non deduces caniciem eius pacifice ad inferos. Sed et filiis Berzelai Galaditidis reddes gratiam eruntque comedentes in mensa tua. Occurrerunt enim mihi quando fugiebam a facie Absalon fratris tui. Habes quoque apud te Semei filium Iera filii Iemini de Baurim qui maledixit mihi maledictione pessima quando ibam ad castra. Sed quia descendit mihi in occursum cum transirem Iordanem et iuravi ei per Dominum dicens non te interficiam gladio. Tu noli pati eum esse innoxium. Vir autem sapiens es et scies quid facies ei deducesque canos eius cum sanguine ad infernum. Dormivit igitur David cum patribus suis et sepultus est in civitate David. Dies autem quibus regnavit David super Israel quadraginta anni sunt. In Hebron regnavit septem annis et in Ierusalemtriginta tribus annis. Salomon autem sedit super thronum David patris sui et firmatum est regnum eius nimis. (3Rg 1 3)

314 Dominus sit semper vobiscum.

314 Tu Domine demonstrasti mihi et ego cognovi ostendisti mihi studia inimicorum adversum me.

314 Quasi agnus mansuetus qui portatur ad victimam et nunc cognovi quae super me cogitaverunt mala.

314 Ne propitieris iniquitati eorum et peccata eorum non deleantur.

314 Silentium facite.

314 Si Deus dilexit nos et nos debemus alterutrum diligere Deum nemo vidit unquam. Quodsi diligimus invicem Deus in nobis manet et caritas eius in nobis perfecta est. In hoc intelligimus quoniam in eo manemus et ipse in nobis quoniam de Spiritu Sancto dedit nobis. Et nos vidimus et testificamur quoniam pater misit filium suum Salvatorem mundi. Quisquis confessus fuerit quod Iesus est filius Dei Deus in eo manet et ipse in Deo. Et ipsi cognovimus et credimus caritati quam habet Deus in nobis. Deus charitas est et qui manet in caritate in Deo manet et Deus in eo. In hoc perfecta est caritas Dei in nobis ut fiduciam habeamus in diem iudicii ut sicut ille est et nos simus in hoc mundo. Timor non est in charitate sed perfecta caritas foras mittit timorem quoniam timor penam habet. Qui autem timet non est perfectus in caritate. Nos ergo diligamus Deum quoniam Deus prior dilexit nos. Si quis dixerit quoniam diligo Dominum et fratrem suum oderit mendax est. Qui enim non diligit fratrem suum quem videt Deum quem non videt quomodo potest diligere Et hoc mandatum habemus ab eo ut qui diligit Deum diligat et fratrem suum. Omnis qui credit quod Iesus Christus ex Deo natus est et omnis qui diligit genitorem diligit eum qui ex eo natus est. In hoc cognoscimus quoniam diligimus filios Dei cum Deum diligimus et mandata eius servamus. (1J 4 5)

315 Dominus noster Iesus Christus loquebatur pharisaeis et turbis dicens. Ambulate dum lucem habetis ut tenebre vos non comprehendant. Et qui ambulat in tenebris nescit quo vadat. Dum lucem habetis credite in lucem ut filii lucis sitis. haec locutus est Iesus et abscondit se ab eis. Cum autem tanta signa fecisset coram eis non credebant in eum ut sermo Esaie impleretur quem dixit. Domine quis credidit auditui nostro et brachium Domini cui revelatum est Propterea non poterant credere quia iterum dixit Esaias excecavit oculos eorum et cor ut non videant oculis et non intelligant corde et convertantur et sanem illos. haec dixit Isaias quando vidit gloriam eius et locutus est ad eos de eo. Verumtamen et ex principibus multi crediderunt in eum. Sed propter pharisaeos non confitebantur ut de synagoga non eiicerentur. Dilexerunt enim gloriam hominum magis quam gloriam Dei. Iesus autem clamavit et dixit. Qui credit in me non credit in me sed in eum qui misit me. Ego lux in mundum veni et omnis qui credit in me in tenebris non manet. Et siquis audierit verba mea et non custodierit ea ego non iudico eum. Non enim veni ut iudicem mundum sed ut salvificem mundum. Qui spernit me et non accipit verba mea habet qui iudicet eum. Sermo quem locutus sum ille iudicabit eum in novissimo die. Quia ego a me ipso non sum locutus sed qui misit me pater ipse mihi mandatum dedit quid dicam et quid loquar. Et scio quia mandatum eius vita aeterna est. (J 12)

315 Dominus sit semper vobiscum.

315 Eripe me Domine

315 Paenitentes orate flectite genua Deo deprecemur Dominum ut remissionem peccatorum et pacem nobis donare dignetur

315 Offerte Domino

315 Salvatoris nostri et Domini fratres dilectissimi praecepto deservientes vigilanter attendamus ne iustitiam nostram coram hominibus ostendamus nec ieiuni videamur ab eis qui nos possunt demulcere oleo transitoriae laudis. Nunc igitur quia intus est qui coronet si tamen inveniat quem remuneret prout possumus intus in corde nostro sic nos Domino nostro in omni virtute spiritali exhibeamus ut intra nos semper habeatur regnum ipsius.

316 Christe qui incursionem malorum spirituum superari posse per ieiunium docuisti tu a carne nostra petulantiam libidinis pelle et gulae libitum refrenando compesce ut corpus nostrum tibi per abstinentiam subiiciatur quod per ingluviem mancipatum est illecebris vitiorum.

316 Deus immortalis atque aeterne tu votis offerentium propitiatus occurre ut sacrificii huius litatione sic ieiunii nostri acceptetur praecatio qualiter quiescentibus defunctis donetur beatitudinis plenitudo.

316 Christe qui es origo et auctor purae dilectionis pacem tuam quaesumus permisce parsimoniis nostris quo tibi et per ieiunium obsequamur et per dulcedinem copulemur.

316 Dignum et iustum est nos tibi semper gratias agere Domine sancte Pater aeterne omnipotens Deus per Iesum Christum Filium tuum Dominum nostrum cuius iuvamine fessum corpus reficitur cuius verbo anima fecundatur cuius Daniel ille trium hebdomadarum diebus ieiunans visione est roboratus. Per ieiunium quippe eius faciem videre promeruit cuius in captivitate leges nullo modo violavit. Igitur quia haec et alia non humano merito sed solius aguntur divinae gratiae dono te Deus quaesumus ut sis nobis et illuminatio et salus. Quo te nobis inspirante et intellegere possimus quid agere debeamus et intellecta subsequente nos gratia tua opere impleamus qualiter tibi cum omni militia Angelorum proclamemus atque dicamus.

317 Vere sanctus vere benedictus Dominus noster Iesus Christus Filius tuus qui et consolatio nobis est in labore et promissor possessionis aeternae. Per eum te igitur flagitamus omnipotens Pater ut eo intercedente sanctificans ieiunia nostra dones nobis vitam aeternam quem pro nobis oblatum suscepisti in hostiam vivam.

317 Hoc sacrificium ieiunii litatione dicatum quaesumus Deus Pater sanctifica ut ex eo libantibus sit correctio morum sit indulgentia criminum concedatur etiam et caelestis gloriae summa virtutum.

317 Tu Domine da escam nobis in tempore opportuno aperi manum tuam et imple omnem animam benedictione.

317 Memento Domine quod terra sumus et aspice contritionem nostri spiritus ut qui carnis infirmitate ad terram prosternimur ad caelos castigatione spiritalis ieiunii sublevemur. Et quia ex nostro est ut cadamus ex tuo sit ut surgamus.

317 Humiliate vos benedictioni. Dominus sit semper vobiscum.

317 Omnipotens Dominus qui vos per abstinentiam facit esse devotos efficiat caritate mundissimos. Quique cibos ieiunii inspiravit votum habere tribuat apud se mercedem beatitudinis obtinere. Ut sitis spiritu fructificantes qui carnales per ieiunium cupitis extinguere voluntates.

317 Per misericordiam

317 Qui venit ad me non efuriet.

317 Repletum est gaudium.

317 Reple Domine cor nostrum

317 Adiutorium nostrum in nomine Domini.

317 Sit nomen Domini benedictum.

317 Domine Iesu Christe qui ante mundi principium cum Patre et Spiritu Sancto regnas et regni tui non erit finis. Qui pro mundi salute in plenitudine temporum veniens sicut per legem et prophetas fueras promissus et veniente te in civitatem Ierusalem ad diem festum turbae multae occurrerunt tibi gaudentes acceperuntque ramos palmarum clamantes Hosanna filio David. Ideo et nos supplici obsecratione deposcimus maiestatem tuam ut qui pro nostra venisti redemptione solvas nos a vinculis peccatorum nostrorum. Amen. Morbos omnes expelle. Amen. Infirmitates cura. Amen. Aerum temperiem presta. Amen. Securitatem temporum cum remissione peccatorum omnibus nobis dona. Hos quoque ramos et flores palmarum quos populus tuus per manus servitutis nostrae accepturus est hodie tua benedictione sanctifica. Ut quicumque ex eis acceperint tua in omnibus repleantur gratia et salutis consaequantur medelam. Et sicut pro huius diei solemnitate laetantur ita eorum habitacula tua benedictione repleas corporaque et animas ab omni contagione mundas efficias atque spiritualium eis tribuas charismata gratiarum. Amen. Ut paschalia festa te auxiliante cum omni alacritate suscipere mereantur.

318 Pater noster

318 Humiliate vos benedictioni. Dominus sit semper vobiscum.

318 Dominus Iesus Christus qui per legem et prophetas veniens assumpsit formam hominis ipse vos benedicat et sua protectione custodiat. Et qui huius diei festivitatem elegit tribuat vobis suam gratiam ut numquam sitis servi peccati. Corda quoque vestra et corpora ab omni delicti mundet contagione ut participes efficiamini cum Sanctis omnibus in regno aeterno.

319 Sparsit nos Deus

319 Pueri Hebraeorum tollentes ramos olivarum.

319 Pueri Hebraeorum vestimenta prosternebant.

319 Dum appropinquaret Dominus.

319 Cum audisset populus.

319 Veniente Domino

319 Ceperunt omnes.

319 Gloria laus et honor.

319 Attollite portas principes vestras et elevamini porte aeternales et introibit Rex gloriae

319 Quis est iste rex gloriae.

319 Dominus fortis et potens.

319 Attolite portas.

319 Quis est iste rex gloriae.

319 Dominus potens in praelio.

319 Attolite portas.

319 Quis est iste rex gloriae.

319 Dominus virtutum ipse est rex gloriae.

319 Ingrediente Domino.

319 Ave rex noster.

319 Fili David Redemptor mundi.

319 Circumdederunt

319 Cum appropinquasset Iesus Ierosolimis (Mt 21)

320 Alme Pater omnipotens rerum omnium creator et Domine cuius super aethera sedis est quem nullus cernit et omnis laudat in excelsis angelica dulci fragore potestas qui ut genus humanum a discrimine mortis erueres et paradisi gaudiis participem faceres unicum filium tuum Dominum nostrum Iesum Christum ineffabili pietate plenum ad terras mittere es dignatus ut priscae legis sacramenta et prophetica adimpleres vaticinia sedens super pullum asinae Hierusalem civitatem intraret et ab omni populo laudis concentum consona voce hosanna clamantibus audiret. Ob hoc et nos indigni eius in laude cum omni laetitia concinentes te supplices quaesumus te humiles flagitamus ut nos amminiculo dexterae tuae a cunctis malis liberare digneris.

320 Ingrediente Domino.

320 Sparsit nos Deus

320 Ingrediente Domino in sanctam civitatem sedens super pullum asine festinans pervenire ad passionem ut adimpleret legem et prophetas pueri Hebreorum cum ramis et palmis vestimenta prosternebant intonabile hymnum novum cantantes Hosanna in altissimis Deo.

320 Cum appropinquaret Dominus Ierosolymam misit duos ex discipulis suis dicens ite in castellum quod est contra vos invenietis pullum asine alligatum super quem nemo hominum sedit solvite et adducite mihi si quis vobis interrogaverit dicite ei. Opus Domino est. Solventes adduxerunt ad Iesum imposuerunt illi vestimenta et sedit super eum. Alii expandebant vestimenta sua in via alii ramos de arboribus externebant et qui sequebantur clamabant Hosanna benedictus qui venit in nomine Domini benedictum regnum patrisnostri David Hosanna in excelsis miserere nobis fili David.

320 Cum audisset turba quae venerat ad diem festum quia venit Iesus Christus acceperunt ramos palmarum et exierunt obviam ei et clamabant Hosanna benedictus qui venit in nomine Domini. Constituite diem sollemnem in frondosis usque ad cornu altaris. Benedictus qui venit in nomine Domini.

320 Gloria in excelsis Deo et in terra pax hominibus bonae voluntatis. Hosanna Filio David. Benedictus qui venit in nomine Domini. Gloria et honor Patri et Filio et Spiritui Sancto in saecula saeculorum. Amen. Gloria in excelsis Deo et in terra pax hominibus bonae voluntatis. Hosanna filio David. Benedictus qui venit in nomine Domini.

320 Alme Pater omnipotens rerum omnium creator et Domine cuius super aethera sedis est quem nullus cernit et omnis laudat in excelsis angelica dulci fragore potestas qui ut genus humanum a discrimine mortis erueres et paradisi gaudiis participem faceres unicum filium tuum Dominum nostrum Iesum Christum ineffabili pietate plenum ad terras mittere es dignatus ut priscae legis sacramenta et prophetica adimpleres vaticinia sedens super pullum asinae Hierusalem civitatem intraret et ab omni populo laudis concentum consona voce hosanna clamantibus audiret. Ob hoc et nos indigni eius in laude cum omni laetitia concinentes te supplices quaesumus te humiles flagitamus ut nos amminiculo dexterae tuae a cunctis malis liberare digneris.

321 Iudicium patris audite filii dilecti et sic facite ut salvi sitis. Deus autem honoravit patrem in filiis et iudicium matris exquirens in filios. Qui diligit Deum exorabit pro peccatis et continebit se ab illis. In oratione dierum exaudietur et sicut qui thesaurizat ita et qui honorificat matrem suam. Qui honorat patrem iocundabitur in filiis. Qui honorat patrem suum vitam vivet longiorem. Et qui obaudit patri refrigeravit matrem. Qui timet Deum honorat parentes et quasi dominis serviet his qui se genuerunt in opere et sermone et in omni sapientia. Fili honora patrem tuum ut superveniat tibi benedictio a Deo et benedictio illius in novissimo manet. Benedictio patris firmat domos filiorum. Maledictio autem matris eradicat fundamenta. Ne glorieris in contumelia patris tui non est enim tibi gloria sed confusio gloria enim hominis ex honore patris et dedecus filiis pater sine honore. Fili suscipe senectam patris tui et ne contristes eum in vita illius. Et si defecerit sensu da veniam et ne spernas eum in tua virtute. Elemosyna enim patris non erit in oblivione nam pro peccato matris restituetur tibi bonum. Et iniustitia aedificabitur tibi et in die tribulationis memorabitur tui. Sicut in sereno glacies solventur tua peccata. (Eccli 3)

321 Erigite vos. Dominus sit semper vobiscum.

321 Locutus est Dominus ad Moysen dicens. Loquere filiis Israel et dices ad eos. Ponite haec verba mea in cordibus et in animis vestris et suspendite ea pro signo in manibus et inter oculos vestros conlocate. Docete filios vestros ut illa meditentur. Quando sederis in domo tua et ambulaveris in via et accubueris atque surrexeris scribes ea super postes et ianuas domus tuae ut multiplicentur dies tui et filiorum tuorum in terram quam iuravit Dominus patribus tuis ut daret quamdiu caelum imminet terrae. Si enim custodieritis mandata quae ego praecipio vobis et feceritis ea ut diligatis Dominum Deum vestrum et ambuletis in viis eius adherentes ei disperdet Dominus omnes gentes istas ante faciem vestram et possidebitis eas quae maiores et fortiores vobis sunt. Omnis locus quem calcaverit pes vester vester erit. A deserto et Libano a flumine magno Eufrate usque ad mare occidentale erunt termini vestri nullus stabit contra vos. Terrorem vestrum et formidinem dabit Dominus Deus vester super omnem terram quam calcaturi estis sicut locutus est vobis. En propono hodie in conspectu vestro benedictionem et maledictionem. Benedictionem si obedieritis mandatis Domini Dei vestri quia ego hodie precipio vobis. Maledictionem si non audieritis mandata Domini Dei vestri sed recesseritis de via quam ego nunc ostendi vobis et ambulaveritis post deos alienos quos ignoratis. Cum introduxerit te Dominus Deus tuus in terram ad quam pergis habitandam pones benedictionem super montem Garizin maledictionem super montem Hebal qui sunt trans Iordanem post viam quae vergit ad solis occubitum in terram Chananei qui habitat in campestribus contra Galgalam quae est iuxta vallem tendentem et intrantem procul. Vos enim transibitis Iordanem ut possideatis terram quam Dominus Deus vester daturus est vobis et habeatis ac possideatis illam. Videte ergo ut impleatis cerimonias atque iuditia quae ego hodie ponam in conspectu vestro ut benedicat vobis Dominus Deus vester. (Dt 2)

322 Dominus sit semper vobiscum.

322 Venite venite filii audite me timores Domini docebo vos.

322 Benedicam Dominum in omni tempore semper laus eius in ore meo.

322 In Domino laudabitur anima mea audiant mansueti et laetentur.

322 Magnificate Dominum mecum et exaltemus nomen eius in unum.

323 Carissimi accipite regulam fidei quod symbolum dicitur. Et cum acceperitis in corde scribite et cottidie apud vosmetipsos dicite. Antequam dormiatis antequam procedatis vestro symbolo vos munite. symbolum nemo scribit ut legi possit. Sed ad recessendum ne forte deleat oblivio quod non tradidit lectio sit vobis quod ex vestra memoria. Quod audituri estis hoc credituri. Et quod credituri hoc etiam lingua reddituri. Ait enim apostolus Corde creditur adiustitiam oris confessio fit ad salutem. Hoc enim symbolum quod retenturi estis et credituri.

323 Credo in Deum Patrem omnipotentem. Et in Iesum Christum filium eius unicum Dominum nostrum. Natum de Spiritu Sancto ex utero Marie Virginis. Passus sub Pontio Pilato. Crucifixus et sepultus tertia die resurrexit vivus a mortuis. Ascendit in caelum. Sedet ad dexteram Dei patris omnipotentis. Inde venturus iudicaturus vivos et mortuos. Credo in sanctum Spiritum Sanctam Ecclesiam catholicam sanctorum communionem remissionem omnium peccatorum. Carnis huius resurrectionem et vitam aeternam amen.

323 Ut facile memorie vestre possint inherere quae dicta sunt textum symboli ordinemque repetamus.

323 Credo in Deum Patrem omnipotentem

323 Tertio quoque textum symboli recenseamus ut quia fidem divinae Trinitatis symbolum in se continet ipse numerus repeticionis cum sacramento conveniat Trinitatis.

323 Credo in Deum Patrem omnipotentem

323 Hanc sanctae fidei regulam quam vobis nunc tradidit sancta mater Ecclesia firmissima vestrae mentis retinete sententia nec aliquis in corde vestro dubitationis scrupulus oriatur. Quia si quod absit in hoc vel tenuiter dubitatur omne fidei fundamentum subruitur et animae periculum generatur. Et ideo si aliquem vestrum inde quippam genera movet putet quia hoc intelligere non possit vera tamen credat ista omnia quae audivit. Deus autem omnipotens ita cor vestrum illuminet ut credendo et intelligendo quae dicimus et fidem rectam custodiatis et sanctis operibus fulgeatis ut per haec ad beatam vitam pervenire possitis. Praestante Domino nostro Iesu Christo.

324 Dominus sit semper vobiscum.

324 Gratia vobis et pax a Deo Patre nostro et Domino Iesu Christo. Qui dedit semetipsum pro peccatis nostris ut eriperet nos de praesenti saeculo neque secundum voluntatem Dei et Patris nostri cui est gloria in saecula saeculorum amen. Miror quod sic tam cito transferimini ab eo qui vos vocavit in gratiam Christi in aliud evangelium quod non est aliud nisi sunt aliqui qui vos conturbant et volunt subvertere evangelium Christi. Sed licet nos aut angelus de caelo evangelizet vobis praeterquam evangelizavimus vobis anathema sit amen. Sicut praedixi et nunc iterum dico. Si quis vobis evangelizaverit praeter id quod accepistis anathema sit amen. Modo enim hominibus sua Deo audeo aut quaero hominibus placere Si adhuc hominibus placerem Christi servus non essem. Notum enim vobis facio fratres evangelium quod evangelizatum est a me quia non est secundum hominem neque enim ego ab homine accepi illud neque didici sed per revelationem Iesu Christi. (G 1)

324 Proximum erat Pascha Iudaeorum. Et ascenderunt multi de regione ante Pascha ut sanctificarent se ipsos quaerebant ergo Iesum et conloquebantur ad invicem in templo stantes. Quid putatis quia non veniet ad diem festum Dederant autem pontifices et pharisaei mandatum ut si quis eum cognovisset ubi esset indicarent et apprehenderent eum. Iesus ergo ante sex dies Paschae venit Bethaniam ubi fuit Lazarus mortuus quem suscitavit Iesus. Fecerunt autem ei cenam ibi et Martha ministrabat. Lazarus autem unus erat de discumbentibus cum eo. Maria ergo accepit libram unguenti nardi pistici pretiosi et unxit pedes Iesus et extersit capillis suis pedes eius et domus impleta est ex odore unguenti. Dixit ergo unus ex discipulis suis Iudas Iscariothes qui erat eum traditurus. Quare hoc unguentum non venditur trecentis denariis et datum est egenis. Dixit autem hoc non quia de egenis pertinebat ad eum sed quia fur erat et loculos habebat et quae mittebantur exportabat. Dixit ergo Iesus sinite illam ut in die sepulturae meae servet illud. Pauperes enim semper habebitis vobiscum me autem semper non habebitis. Cognovit ergo turba multa ex Iudaeis quia illic est et venerunt non propter Iesum tantum sed ut et Lazarum viderent quem suscitavit a mortuis. Cogitaverunt autem principes sacerdotum ut et Lazarum interficerent quia multi propter illum abibant ex Iudaeis et credebant in eum. In crastinum autem turba multa quae venerat ad diem festum cum vidissent quia venit Iesus Ierosolymam acceperunt ramos palmarum et processerunt obviam ei et clamabant. Hosanna benedictus qui venit in nomine Domini rex Israel. (J 11 12)

325 Dominus sit semper vobiscum.

325 Confitemini Domino quoniam bonus quoniam in saeculum misericordia eius.

325 Confitemini Deo deorum.

325 Confitemini Domino dominorum.

325 In tempore illo proximum erat Pascha et ascenderunt multi Ierosolymam de regione ut sanctificarent seipsos. Clamantes Hosanna. Benedictus qui venit in nomine Domini.

325 Venit Iesus Bethaniam ante sex dies Paschae cum discipulis suis et fecerunt illi cenam magnam et discumbentibus cum eo accepit Maria libram ungenti nardi pistici preciosi et unxit pedes Iesu domus enim impleta est ex odore unguenti.

325 Catholicam fidem fratres carissimi cordis integritate servantes Deum Patrem Deum Filium Deum fateamur et Spiritum Sanctum. Neque tamen Deos plures affirmare gentiliter audeamus sed in tribus unum Deum fiducialiter adoremus. Una quippe est Trinitas essentia nec est altera creatrix et aeterna substantia. Nullus ergo ibi differentes potestates ubi unam potestatem permanere cognovimus temeraria disputatione confingat. Nullus impares gradus ubi summa aequalitas reperitur interserat. Non est Pater Filio quia generavit antiquior neque Filius est gignente posterior. Non est etiam donatoris et doni vel potestas separata naturaliter vel voluntas. Simul individua Trinitas condidit tempora simul pereuntia restauravit. Simul Pater et Filius et Spiritus Sanctus ad fideles veniunt simul impios deserunt simul super humiles requiescunt. Istam proinde fidem delectemur usque ad sanguinem vindicare si volumus Dei Patris heredes exsistere ut hac fidei firmitate muniti ad caeleste regnum perveniamus illaesi.

326 Deus fidelis qui fidelia promissa confirmas dum vocatas gentes ex fide iustificas tu cognitionem nobis tribue Trinitatis ut pacifici conversemur inter filios unitatis. Quo istius sanctae confessionis sacrificio competenter oblato visitationem tuam mereamur ex alto.

326 Offerentium quaesumus Domine vota multiplica et omnes in commune verae credulitatis instrumento perlustra. Sicque nobis per hoc sacrificium quod tibi cum voto fidei dedicamus adesto placatus ut et viventibus veniam et defunctis requiem impetremus aeternam.

326 Deus qui es unitas sancta et Trinitas indivisa adauge in nobis fidei donum et beatae caritatis affectum quo utroque a te ditati ex munere heredes efficiamur promissionis aeternae.

326 Dignum et iustum est omnipotens Pater nos tibi semper gratias agere per Iesum Christum Filium tuum Dominum nostrum. Quem tu clementissime Pater ante saecularia tempora genuisti nec divisionem vel mutationem generando sensisti sed essentialiter totus in Filio totus in te ipso sine ulla diminutione mansisti nihil tibi retrahens cum condidisse omnia cognoscaris. Ut exsistens Unigenitus ab Ingenito consubstantialis coaeternus et aequalis unam tecum divinitatis plenitudinem possideret una etiam perpetuitate gauderet et unius dominationis aequalitate regnaret simul cum Spiritu Sancto coregnante qui procedens de utroque non est genitus nec creatus sed creator universitatis et Dominus. Ipse enim creavit carnem Christi quando pro salute gentium crucem voluit pati. Quem a te pro pignore caelestis hereditatis accipimus cuius nomen in baptismate confiteri salutiferum credimus ut renati ad imaginem Trinitatis computari mereamur filii Dei Patris omnipotentis. Quem tecum et cum Spiritu Sancto unum Deum in baptismate salutiferum credimus per quem haec sacrificia sanctificari deposcimus per quem tibi e terris ad instar caelesti Militiae proclamamus ita dicentes.

327 Hoc cantant angeli hoc resonant caeli Benedictus qui venit in nomine Domini. Benedictus quod venit regnum patris nostri David. Hosanna in excelsis.

327 Christe Dei Filius quem olim ob hodiernae sollemnitatis festum turba multiplex Hebraeorum cum ramis et palmis ovantibus animis susceperunt concede nobis ut sicut illi praesentia tua gavisi sunt ita haec sacrificia pietatis tuae sanctificentur obtutu. Quo ex his libantes ita per veram ratamque dilectionem vivam tibi praeparemur in hostiam ut securi accedamus ad tuae Passionis sacratissimam cenam.

327 Tu Domine da escam nobis in tempore opportuno aperi manum tuam et imple omnem animam benedictione.

327 Emunda Domine conscientias nostras fidei catholicae confessione sincera et cordis contritione continua ut semper a te exaudiamur e caelis cum pro nostris delictis ad te proclamaverimus e terris.

327 Humiliate vos benedictioni. Dominus sit semper vobiscum.

327 Respiciat vos placata divinitas et sensum vobis sapientiae salutaris infundat. Catholicae fidei vos documentis enutriat et in sanctis operibus perseverabiles reddat. Gressus vestros ab errore convertat et viam pacis vobis ostendat.

328 Per misericordiam ipsius Dei

328 Memento nostri Domine dum veneris in regno tuo.

328 Beati pauperes spiritu quoniam ipsorum est regnum caelorum.

328 Gaudete et exsultate quoniam merces vestra copiosa est in caelis.

328 Repletum est guadio os nostrum et linga nostra

328 Reple Domine cor nostrum leticia qui nobis dare dignatus es sacri corporis tui Eucharistiam. Ut quia escarum perceptione reficimur spiritualibus beneficiis adimpleri feliciter mereamur.

328 Per misericordiam tuam Deus noster qui es benedictus et vivis et omnia regis in saecula saeculorum.

328 Dominus sit semper vobiscum. Et cum spiritu tuo.

328 In nomine Domini nostri Iesu Christi perficiamus cum pace

328 Magnus et sanctus est Deus in saxis grandis virtutis valde fortis. Impetum fecit contra gentem hostilem et in descensum perdidit contrarios. Ut cognoscant gentes potentiam eius quia contra Deum pugnare non est facile. Qui suscitavit prophetam Heliam quasi ignem et verbum ipsius quasi fax ardens. Qui induxit in illos famem et irritantes illum invidia pauci facti sunt non poterant enim sustinere precepta Domini. Verbum Domini exaltavit caelum et deiecit a se ignem terrae. Sic amplificatus est Helias in mirabilibus suis et quis potest similiter gloriari tibi Qui sustulisti mortuum ab inferis de sorte mortis in verbo Domini Dei. Qui deiecisti reges ad perniciem et confregisti facile potentiam ipsorum et gloriosos delicto suo. Qui audis in Sinai iudicium et in Horeb iudicia defensionis. Qui ungis reges ad penitentiam et prophetas facis successores post te. Qui receptus es in turbine ignis in curru equorum igneorum. Qui inscriptus est in iudiciis temporum linire iracundiam Domini. Et conciliare cor patris ad filium et restituere tribus Iacob. Beati sunt qui te viderunt et in amicitia tua decorati sunt. Nam nos qui vita vivimus tantum post mortem non erit tale nomen nostrum. Helias qui in turbine tectus est et in Eliseo completus est spiritus eius. In diebus suis non pertimuit principem et potentia nemo vicit illum. Nec superavit illum verbum aliquod et mortuum prophetavit corpus eius. In vita sua fecit monstra et in morte mirabilia opera eius. (Eccli 46)

329 Factum est cum levare vellet Dominus Heliam per turbinem in caelum ibant Helias et Heliseus de Galgalis. Dixitque Helias ad Eliseum. Sede hic quia Dominus misit me usque Bethel. Cui ait Eliseus. Vivit Dominus et vivit anima tua quia non derelinquam te. Cumque descendissent Bethel egressi sunt filii prophetarum qui erant in Bethel ad Eliseum et dixerunt ei. Numquid nosti quia hodie Dominus tollet Dominum tuum a te Qui respondit. Et ego novi silete. Dixit autem Helias ad Eliseum. Sede hic quia Dominus misit me in Ierico. Et ille ait. Vivit Dominus et vivit anima tua. quia non derelinquam te. Cumque venissent Ierico accesserunt filii prophetarum qui erant in Ierico ad Eliseum et dixerunt ei. Numquid nosti quia hodie Dominus tollet Dominum tuum a te Et ait. Et ego novi silete. Dixit autem Helias ad Eliseum. Sede hic quia Dominus misit me usque ad Iordanem. Qui ait. Vivit Dominus et vivit anima tua quia non derelinquam te. Ierunt ergo ambo pariter et quinquaginta viri de filiis prophetarum secuti sunt eos. Qui et steterunt e contra longe illi autem ambo stabant super Iordanem. Tulitque Helias pallium suum et involvit illud et percussit aquasquaedivise sunt in utraque parte et transierunt ambo per siccum. Cumque transissent Helias dixit ad Eliseum. Postula quod vis ut faciam tibi antaequam tollar a te. Dixitque Eliseus. Obsecro ut fiat duplex spiritus tuus in me. Qui respondit. Rem difficilem postulasti. Attamen si videris me quando tollar a te erit quod petisti. Si autem non videris non erit. Cumque pergerent et incedentes sermocinarentur ecce currus igneus et equi ignei diviserunt utrumque et ascendit Helias per turbinem in caelum. Eliseus autem videbat et clamabat. Pater mi. Pater mi. Currus Israel et auriga eius. Et non vidit eum amplius. Apprehenditque vestimenta sua et scidit illa in duas partes. Et levavit pallium Helie quod ceciderat ei. Reversusque stetit super ripam Iordanis et pallio Heliae quod ceciderat ei et dixit. Ubi est Deus Heliae etiam nunc Percussitque aquas et divise sunt huc atque illuc et transiit Eliseus. Videntes autem filii prophetarum qui erant in Ierico de contra dixerunt. Requievit spiritus Heliae super Eliseum. Et venientes in occursum eius adoraverunt eum proni in terram. Dixeruntque illi. Ecce cum servis tuis sunt quinquaginta viri fortes qui possint ire et quaerere Dominum tuum ne forte tulerit eum spiritus Domini et proiecerit eum in uno montium aut in una vallium. Qui ait. Nolite timere. Coegeruntque eum donec acquiesceret et diceret mittite. Et miserunt quinquaginta viros. Qui cum quesissent tribus diebus non invenerunt et reversi sunt ad eum. At ille habitabat in Ierico. Dixitque eis. Numquid non dixi vobis nolite mittere Dixerunt quoque viri civitatis ad Eliseum. Ecce habitatio civitatis huius optima est sicut tu ipse Domine perspicis sed aque pessime sunt et terra sterilis. At ille ait. Afferte mihi vas novum et mittite in illud sal. Qui cum adtulissent egressus ad fontem aquarum misit in eum sal et ait. haec dicit Dominus. Sanavi aquas has et non erit ultra in eis mors neque sterilitas. Sanate sunt ergo aque usque ad diem hanc iuxta verbum Elisei quod locutus fuerat. (Mal)

331 Dominus sit semper vobiscum.

331 Cogitaverunt adversum me. Ne derelinquas me Domine

331 Eripe me Domine ab homine malo a viro iniquo libera me.

331 Silentium facite.

331 Scribo vobis filioli. Quoniam remittuntur vobis peccata propter nomen eius. Scribo vobis patres quoniam cognovistis eum qui ab initio est. Scribo vobis iuvenes quoniam vicistis malignum. Scribo vobis infantes quoniam cognovistis patrem. Scribo vobis adolescentes quia fortes estis et verbum Dei in vobis manet et vicistis malignum. Nolite diligere mundum nec eaquaein mundo sunt. Si quis diligit mundum non est caritas patris in eo. Quoniam omne quod est in mundo concupiscentia carnis et concupiscentia oculorum est et superbia vitae quae non est ex patre sed ex hoc mundo est. Et mundus transit et concupiscentia eius. Qui autem facit voluntatem Dei manet in aeternum quomodo Deus manet in aeternum. (1J 2)

331 Scitis quia post biduum pascha fiet et filius hominis tradetur ut crucifigatur. Tunc congregati sunt principes sacerdotum et seniores populi in atrium principis sacerdotum qui dicebatur Caiphas et consilium fecerunt ut Iesum dolo tenerent et occiderent. Dicebant autem. Non in die festo ne forte tumultus fieret in populo. Cum autem esset Iesus in Bethania in domo Simonis leprosi accessit ad eum mulier habens alabastrum unguenti preciosi et effudit super caput eius recumbente ipso. Videntes autem discipuli indignati sunt dicentes. Ut quid perditio haec potuit enim hoc venundari multo et dari pauperibus Sciens autem Iesus ait illis quid molesti estis mulieri Opus bonum operata est in me. Nam semper pauperes habebitis vobiscum me autem non semper habebitis. Mittens autem in corpus meum ad sepeliendum me fecit. Amen dico vobis ubicumque praedicatum fuerit evangelium hoc in toto mundo dicetur et quod hoc fecit in memoriam eius. Tunc abiit unus de duodecim qui dicitur Iudas Iscarioth ad principes sacerdotum et ait illis. Quid vultis mihi dare et ego vobis illum tradam At illi constituerunt ei triginta argenteos. Et exinde quaerebat opportunitatem ut eum traderet. (M 26)

332 Dominus sit semper vobiscum.

332 Diligam te Domine fortitudo mea

332 Domine firmamentum meum et refugium meum et liberator meus.

332 Ingressus Dominus Iesus in domum discubuit. Et ecce mulier habens alabastrum unguenti pretiosi stans retro secus pedes eius et osculabatur eos et lacrimis suis rigans et capillis suis extergebat eos et ungebat unguento.

332 Quod cum vidissent qui cum eo erant dicebant intra se Hic si propheta esset sciret mulierem qua tangit eum quia peccatrix est. Sciens Dominus cogitationes eorum dixit ad eos Quid molesti estis mulieri quia bonum opus operata est in me. Propter quod dico vobis remissa sunt ei peccata multa quia dilexit multum.

332 Accesuri in crastinum dilectissimi fratres ad dominicam cenam hodie faciem Iesu Domini ac Redemptoris nostri praeveniamus in confessione cum omni fiducia petentes ab illo cum lacrimis ut expiatos nos ab omnibus criminibus nostris faciat in crastinum accedere ac calicem suae sacratissimae passionis.

332 Non nos abiicias Iesu bone in crastinum per inveteratae vestis abiectionem a convivio mensae tuae. Hodie dona nobis nuptialis dignitatis vestimentum cum quo cras laeti accedamus ad tuae passionis epulum praeparatum. Hodie sit in nobis vera confessio et cras peccatorum celerrima subsequatur remissio. Hodie accipe vota cras votorum tribue praemia. Hodie nos propina gustu tuae dulcedinis et in crastinum attribue tuae plenitudinem caritatis.

333 Conditor et Redemptor humani generis Christe Filius Dei Patris concede nobis famulis tuis ut hodie tam viventibus quam defunctis criminum donetur remissio qualiter cras omnibus in commune sit exsultationis omnimoda plenitudo.

333 Praepara nos tibi Salvator noster ac Domine per pacis bonum in hostiam vivam ut qui in crastinum sumpturi sumus dominicam cenam nulla ad invicem convellamur discordia sed fructu pleni tuae dilectionis sumamus in crastinum flumina caritatis quae profluentia decurrunt e visceribus tuis.

333 Dignum et iustum est nos tibi semper gratias agere omnipotens Domine sancte Pater aeterne Deus per Iesum Christum Filium tuum Dominum nostrum. Qui pati pro impiis voluit et pro sceleratis indebite condemnari. Qui latroni deprecanti omisit delictum promittens ei voluntate gratissima paradisum. Cuius mors delicta nostra detersit et resurrectio iustificationem nobis exhibuit. Ob hoc te Deus noster exposcimus ut hodie dimittas nobis peccata nostra et cras reficias nos dulcedine tua. Hodie nostrorum peccaminum confessionem accepta et cras donorum spiritalium tribue incrementa. Hodie quidquid odis a nostris corporibus abiice et cras nos refice vulneribus crucis tuae. Hodie os nostrum reple gaudio et lingua nostra exsultatione qualiter nunc et usque in saeculum laudemus te piissimum Salvatorem proclamantes atque ita dicentes.

333 Vere gloriosus et pius Dominus noster Iesus Christus Filius tuus. Qui suam pro nobis posuit animam et tribuit mundo novam per effusionem sui sanguinis vitam. Ipsi ergo hodie humiliatum cor in laudis sacrificio immolamus petentes ab eo ut hodie vel cras seu cunctis diebus vitae nostrae ablutis criminibus calicem supplicii sui expiati bibere mereamur.

334 Sanctifica summe Deus haec libamina quae tibi offerimus voluntate devota ut hodie perceptione sui sumentibus exhibeant omnium criminum expiationem et cras mundatis cordibus praeparent exundantem tuae dulcedinis ubertatem.

334 Tu Domine da escam nobis in tempore opportuno aperi manum tuam et imple omnem animam benedictione.

334 Iesu Redemptor piissime cura vulnera nostra stigmate crucis tuae. Hodie nos oratio quam ipse docuisti reddat idoneos et cras passio tua efficiat in tuae mortis unione connexos. Hodie bone Christe exaudi nos de caelis cum ea quae nos docuisti proclamaverimus e terris.

334 Humiliate vos benedictioni. Dominus sit semper vobiscum.

334 Unigenitus Filius Dei Patris hodie nos sibi in vivam praeparet hostiam et cras in sui dilectione consolidet corda vestra. Hodie nos sanctificet ad perfectum et cras merito accedere faciat ad convivium suum. Hodie omittat pius peccata vestra et cras ostendat vobis passionis suae abscondita sacramenta.

334 Per misericordiam ipsius

334 Qui venit ad me non esuriet

334 Repletum est gaudium nostrum et lingua nostra

334 Deus mortem non fecit nec laetatur in perditione vivorum. Creavit enim ut essent omnia et sanabiles esse voluit nationes orbis terrarum. Et non est in illis medicamentum exterminii nec inferorum regnum in terra viventium. Iustitia enim immortalis est iniustitia enim mortis est acquisitio. Impii autem verbis et manibus accerserunt illam estimantes illam amicam defluxerunt. Et sponsionem posuaerunt super illam quoniam digni sunt quia sunt ex parte illius. Dixerunt apud se cogitationes non recte exiguum et cum tedio tempus vitae nostrae et non est refrigerium in fine hominis et non est qui agnitus sit reversus ab inferis. Venite ergo et fruamur bonis quae sunt et utamur creatura tanquam in iuventute celeriter. Circumveniamus ergo iustum quoniam inutilis est nobis et contrarius operibus nostris et improperat nobis peccata legis et diffamat in nos peccata discipline nostrae. Promittit scientiam Dei se habere et filium Dei se nominat. Factus est nobis in contradictione cogitationum nostrarum gravis est nobis etiam ad videndum. Quoniam dissimilis est aliis et vita eius et immutate sunt viae eius tanquam nugaces estimati sumus ab illo et abstinet se a viis nostris tanquam ab immunditiis. Et profert novissima iustorum et gloriatur patrem Deum se habere. Videamus si sermones eius veri sunt et tentemus quae ventura sunt illi et sciemus quae erunt novissima illius. Si enim verus est filius Dei suscipiet illum et liberabit eum de manu contrariorum. Contumelia et tormento interrogemus eum et sciemus reverentiam illius et probemus patientiam ipsius. Morte turpissima condemnemus eum erit enim respectus ex sermonibus illius. haec cogitaverunt et erraverunt excecavit enim illos malitia ipsorum et nescierunt sacramenta Dei. Nec mercedem speraverunt iustitiae nec iudicaverunt honorem animarum sanctarum. Quoniam Deus creavit hominem inestimabilem et ad imaginem suae similitudinis fecit illum. Qui confidunt in illum intelligunt veritatem et fideles in dilectione acquiescent illi. Quoniam donum et pax est electis illius impii autem secundum quod cogitaverunt correptionem habebunt. Qui neglexerunt iustum et a Domino recesserunt. Mulieres eorum insensate sunt et nequissimi illorum filii maledicta creatura eorum. Ex iniquis autem omnes filii qui nascuntur testes sunt nequicie adversus parentes in interrogatione sua. Placens Deo factus est dilectus et vivens inter peccatores translatus est. Populi autem videntes et non intelligentes nec ponentes in praecordiis suis talia. Quoniam misericordia Dei et gratia in sanctos illius et respectus in electos ipsius. (Pro 1)

336 Haec dicit Dominus. Quid est quod dilectus meus in domo mea fecit scelera multa Numquid carnes sancte auferent a te malicias tuas in quibus gloriata es Olivam. Uberem. Pulchram. Fructiferam. Speciosam vocabit Dominus nomen tuum. Ad vocem loquele grandis exarsit ignis in ea et combusta sunt fructeta eius. Et Dominus exercituum qui plantavit te et locutus est super te malum pro malis domus Israel et domus Iuda quae fecerunt sibi ad invitandum me libantes Baalam. Tu autem Domine demonstrasti mihi et ego cognovi. Nunc ostendisti mihi studia eorum et salvam fecisti a persequentibus animam meam. Et ego quasi agnus mansuaetus qui portatur ad victimam et nunc cognovi quia super me cogitaverunt consilia. Dixerunt venite mittamus lignum in panem eius et eradamus eum de terra viventium et nomen eius non memorabitur amplius. Tu autem Domine Sabaoth qui iudicas iuste et probas renes et corda. Videam ultionem tuam ex eis. Tibi enim revelavi causam meam. Propterea haec dicit Dominus ad viros qui quaerunt animam tuam et dicunt non prophetabis in nomine Domini et non morieris in manibus nostris. Propterea haec dicit Dominus exercituum. Ecce ego visitabo super eos et iuvenes eorum morientur gladio et filii et filie illorum morientur in fame et reliquie non erunt ex eis. Inducam enim malum super viros illos et annum visitationis eius. Iustus quidem tu es Domine si disputem tecum. Veruntamen iuste loquar ad te. Quare via impiorum prospera facta est bene est omnibus qui prevaricantur et inique agunt Plantasti eos et radicem miserunt proficiunt et faciunt fructum. Prope es tu ori eorum et longe a renibus eorum. Et tu Domine nosti me et vidisti me et probasti cor meum. Congrega eos quasi gregem ad victimam et sanctifica eos in die occisionis. Usquequo lugebit terra et herba omnis regionis siccabitur propter maliciam habitantium in ea Consumptum est animal et volucre quoniam dixerunt non videbit novissima nostra. Si cum peditibus currens laborasti quomodo contendere poteris cum equis Cum autem in terra pacis secura non fueris quid facies in superbia Iordanis Nam et fratres tui et domus patris tui etiam ipsi pugnaverunt adversum te clamaverunt post te plena voce. Ne credas eis cum locuti fuerint tibi bonum. Reliqui domum meam. Dimisi hereditatem meam. Dedi dilectam animam meam in manu inimicorum eius. Facta est mihi hereditas mea quasi leo in silva dedit contra me vocem suam ideo odivi eam. Numquid avis discolor hereditas mea mihi Numquid avis distincta per totum Venite congregamini omnes bestiae terrae properate ad devorandum. Peccatum Iuda scriptum est in stilo ferreo in ungue adamantino exaratum super latitudinem cordis eorum. Pastores multi demoliti sunt vineam meam conculcaverunt partem meam dederunt portionem meam desiderabilem in desertum solitudinis. Posuaerunt eam in dissipationem luxitque super me. Desolatione desolata est omnis terra quia nullus qui recogitet corde. Super omnes vias deserti venerunt vastatores quia gladius Domini devorabit ab extremo terrae usque ad extremum eius. Non est pax universae carni dicit Dominus omnipotens. (Jr 11)

337 Dominus sit semper vobiscum.

338 Dominus regit me et nihil mihi deerit in loco pascue ibi me conlocavit.

338 Super aquam refectionis educavit me animam meam ibi convertit.

338 Deduxit me super semitam iustitiae propter nomen suum.

338 Nam etsi ambulavero in medio umbrae mortis non timebo mala quoniam tu mecum es.

338 Virga tua et baculus tuus ipsa me consolata sunt.

338 Parasti in conspectu meo mensam adversus eos qui tribulant me.

338 Impinguasti in oleo caput meum et calix meus inebrians quam praeclarus est.

338 Et misericordia tua subsequatur me omnibus diebus vitae meae. Et ut inhabitem in domo Domini in longitudinem dierum.

338 Silentium facite.

338 Convenientibus ergo vobis in unum iam non est Dominicam cenam manducare. Unusquisque enim suam cenam praesumit ad manducandum. Et alius quidem esurit alius quidem ebrius est. Numquid domos non habetis ad manducandum et bibendum aut Ecclesiam Dei contemnitis. et confunditis eos qui non habent Quid dicam vobis Laudo vos in hoc non laudo. Ego enim accepi a Domino quod et tradidi vobis. Quoniam Dominus Iesus in qua nocte tradebatur accepit panem et gratias agens fregit et dixit. Accipite et manducate hoc est corpus meum quod pro vobis tradetur hoc facite in meam commemorationem. Similiter et calicem postquam cenavit dicens. Hic calix novum testamentum est in meo sanguine hoc facite quotiescunque biberitis in meam commemorationem. Quotiescunque enim manducaveritis panem hunc et calicem istum biberitis mortem Domini annunciabitis donec veniat in claritatem de caelis. Itaque quicunque manducaverit panem vel biberit calicem Domini indigne reus erit corporis et sanguinis Domini. Probet autem se homo et sic de pane illo edat et de calice bibat. Qui enim manducat et bibit Indigne iudicium sibi manducat et bibit non diiudicans corpus Domini. Ideo inter vos multi infirmi et imbecilles et dormiunt multi. Quodsi nosmetipsos iudicaremus non utique iudicaremur. Dum iudicamur autem a Domino corripimur ut non cum hoc mundo damnemur. Itaque fratres mei dum convenitis ad manducandum invicem exspectate. Siquis esurit domi manducet ut non in iudicium conveniatis. Cetera autem cum venero disponam vobis. (1Cor 11)

339 Venit dies Paschae in quo oportebat immolari Pascha. Et misit Iesus duos ex discipulis suis Petrum et Ioannem dicens eis. Euntes parate nobis pascha ut manducemus. Et illi dixerunt ei. Ubi vis paremus Dixit autem ad eos. Ecce introeuntibus vobis in civitatem occurret vobis homo amphoram aquae portans sequimini eum in domum qua introierit. Et ingressi ianuam dicite patrifamilias domus. Dicit tibi Magister. Tempus meum in proximo est apud te facio Pascha. Ubi est ergo diversorium ubi Pascha cum discipulis meis manducem Et ipse vobis ostendet cenaculum grande stratum ibi parate nobis. Euntes autem discipuli venerunt in civitatem et invenerunt sicut dixerat illis Iesus et paraverunt Pascha. Vespere autem facto discubuit Iesus et duodecim apostoli cum eo et ait illis. Desiderio desideravi hoc pascha manducare vobiscum antequam patiar. Dico autem vobis quia ex hoc non manducabo illud donec impleatur in regno Dei. Et accepto calice gratias egit et dixit. Accipite et dividite inter vos. Dico autem vobis quod non bibam de generatione vitis usque in diem illum quo illud bibam vobiscum novum in regno Patris mei. Acceptoque pane gratias agens dedit eis dicens. Hoc est corpus meum quod pro vobis tradetur hoc facite in meam commemorationem. Similiter postquam cenavit accipiens calicem gratias egit et dedit illis dicens. Hic est calix novum testamentum in sanguine meo qui pro vobis et pro multis effundetur in remissionem peccatorum. Sciens vero quoniam venit hora eius ut transiret de hoc mundo ad Patrem. Cum dilexisset suos qui erant in hoc mundo usque in finem dilexit eos. Et cum sciret quia omnia dedit ei pater in manus et quia a Deo exivit et ad Deum vadit surgit a cena et ponit vestimenta sua. Et cum accepisset linteum precinxit se. Deinde misit aquam in pelvim et coepit lavare pedes discipulorum et extergere linteo quo erat praecinctus. Venit ergo ad Simonem Petrum et dicit ei Petrus. Domine tu mihi lavas pedes Respondit Iesus et dixit ei. Quod ergo facio tu nescis modo scies autem postea. Dicit ei Petrus. Non lavabis mihi pedes in aeternum. Respondit ei Iesus. Si non lavero te non habebis partem mecum. Dicit ei Simon Petrus. Domine non tantum pedes sed manus et caput. Dicit ei Iesus. Qui lotus est non indiget lavari sed est mundus totus. Et vos mundi estis sed non omnes. Sciebat enim quisnam esset qui traderet eum propterea dixit non estis mundi omnes. Postquam ergo lavit pedes eorum accepit vestimenta sua. Et cum recubuisset iterum dixit eis. Scitis quid fecerim vobis Vos vocatis me Magister et Domine et benedicitis. Sum etenim. Si ergo ego lavi pedes vestros Dominus et Magister vester et vos debetis alter alterius lavare pedes. Exemplum enim dedi vobis ut quemadmodum ego feci vobis ita et vos faciatis. Amen amen dico vobis non est servus maior Domino suo neque apostolus maior eo qui misit eum. Si haec scitis beati eritis si feceritis ea. Non de omnibus vobis dico. Ego enim scio quos elegerim sed ut impleatur scriptura. Qui manducat mecum panem levabit contra me calcaneum suum. Amodo dico vobis antequam fiat ut credatis cum factum fuerit quia ego sum. Verumtamen ecce manus tradentis me mecum est in mensa et filius quidem hominis secundum quod deffinitum est vadit. Vae autem homini illi per quem filius hominis tradetur bonum erat ei si natus non fuisset homo ille. Amen amen dico vobis quia unus ex vobis tradet me. Et contristati sunt discipuli. Aspiciebant autem ad invicem hesitantes de quo diceret. Erat ergo recumbens unus ex discipulis eius in sinu Iesu quem diligebat valde. Innuit ergo huic Simon Petrus et dicit ei. Quis est de quo dicit Itaque cum recubuisset ille supra pectus Iesu dicit ei. Domine quis est Respondit Iesus Ille est cui ego intinctum panem porrexero. Et cum intinxisset panem dedit Iude Simonis Iscariothis. Et post bucellam introivit in ullum Satanas. Et dicit ei Iesus. Quod facis fac citius. Hoc autem nemo scivit discumbentium ad quid dixerit ei. Quidam enim putabant quia loculos habebat Iudas eo quod diceret ei Iesus eme ea quae opus sunt nobis ad diem festum aut ut egenis aliquid daret. Respondit autem Iudas qui tradidit eum dicens. Nunquid ego sum Rabbi Dixit ei Iesus. Tu dixisti. Et cum accepisset bucellam exivit continuo. Erat autem nox. Cum ergo exisset surrexit Iesus a cena cum discipulis suis et hymno dicto exierunt in montem Oliveti et ait illis Iesus. Omnes vos scandalum patiemini hac nocte in me. Scriptum est enim. Percutiam pastorem et dispergentur oves gregis. Postquam autem resurrexero praecedam vos in Galileam. Respondit Petrus et ait illi. Etsi omnes scandalizati fuerint in te ego autem numquam scandalizabor. Nam paratus sum et in custodiam et in mortem ire et animam meam pro te ponere. Respondit ei Iesus. Animam tuam pro me pones Amen dico tibi quoniam hac nocte antequam gallus cantet ter me negabis. At ille abundantius loquebatur dicens. Etiam si oportuerit me mori tecum non te negabo. Similiter et omnes discipuli dixerunt. Tunc venit Iesus cum eis in villam quae dicitur Gethsemani et dixit discipulis suis. Sedete hic donec vadam illuc et orem. Et assumpto Petro et duobus filiis Zebedei coepit contristari et mestus esse. Tunc ait illis tristis est anima mea usque ad mortem. Sustinete hic et vigilate. Ipse vero discessit ab eis quantum lapidis iactus. Et ponens genua sua procidit in faciem super terram orans et dicens. Pater omnia possibilia tibi sunt si vis transfer calicem hunc a me. Verumtamen non sicut ego volo sed sicut tu vis. Et venit ad discipulos suos et invenit eos dormientes. Et ait Petro. Simon dormis Sic non potuisti una hora vigilare mecum Vigilate et orate ut non intretis in tentationem. Spiritus quidem promptus caro autem infirma. Iterum secundo abiit et oravit dicens. Pater mi si non potest calix iste transire nisi bibam illum fiat voluntas tua. Exsurgens ab oratione venit ad discipulos suos et invenit eos dormientes pre tristitia. Erant autem oculi eorum gravati et nesciebant quid ei responderent. Et relictis illis iterum abiit tertio. et oravit. Sublevatisque oculis in caelum dixit. Pater venit hora clarifica filium tuum ut filius tuus clarificet te. Apparuit autem illi angelus de caelo confortans eum Et factus est sudor eius sicut gutte sanguinis defluentis in terram. Tunc venit ad discipulos suos et dixit illis. Dormite iam et requiescite ecce appropinquavit hora et filius hominis tradetur in manus peccatorum. Surgite eamus ecce appropinquavit qui me tradet. Et egressus est cum eis trans torrentem Cedron ubi erat hortus in quem introivit ipse et discipuli eius. Sciebat autem et Iudas qui tradebat eum ipsum locum quia frequenter Iesus convenerat illuc cum discipulis suis. Iudas ergo cum accepisset cohortem venit illuc et cum eo turba multa cum gladiis et fustibus missi a principibus Sacerdotum et senioribus populi. Dedit autem eis signum dicens. quem osculatus fuero ipse est tenete eum et ducite. Iesus itaque sciens omnia quae ventura erant super eum dixit eis. quem quaeritis Responderunt. Iesum Nazarenum. Dicit illis. Ego sum. Stabat autem et Iudas qui eum tradebat cum illis. Ut ergo dixit ego sum. abierunt retrorsum et ceciderunt in terram. Iterum interrogavit eos dicens quem quaeritis Illi autem dixerunt Iesum Nazarenum. Respondit Iesus. Dixi vobis ego sum. Cum autem dixisset ego sum accessit ad eum Iudas et dixit. Ave Rabbi et osculatus est eum. Iesus autem dixit ei. Ad quid venisti amice Iuda osculo filium hominis tradis Si me quaeritis sinite hos abire ut adimpleretur sermo quem dixit. Quia quos dedisti mihi neminem ex ipsis perdidi. Simon itaque Petrus habens gladium eduxit eum et percussit servum principis sacerdotum et amputavit auriculam eius dextram. Dixit ergo Iesus Petro. Remitte gladium tuum in vaginam. Omnis enim qui gladio fuerit operatus gladio peribit. An putas quia non possum rogare Patrem meum et exhibebit mihi modo plusquam duodecim millia legiones angelorum Quomodo ergo implebuntur Scripturae Quia sic oportet fieri. Et contingens auriculam servi Dominus sanavit eam. Ait autem his qui ad eum venerant. Quasi ad latronem venistis cum gladiis et fustibus comprehendere me Quotidie eram apud vos in templo docens et non tenuistis me. Sed haec est hora vestra et potestas tenebrarum. Hoc totum factum est ut complerentur Scripturae prophetarum. Cohors igitur et tribunus et ministri Iudaeorum comprehenderunt Iesum et ligaverunt eum et adduxerunt eum ad Annam primum. Erat enim socer Caiphae qui erat pontifex anni illius. Erat autem Caiphas qui consilium dederat Iudeis quia expedit unum hominem mori pro populo. Tunc discipuli omnes relinquentes Iesum fugerunt. Adolescens autem quidam sequebatur illum amictus sindone super nudo et tenuerunt eum. At ille relicta sindone nudus fugit. Sequebatur autem Iesum Simon Petrus et alius discipulus. Discipulus autem ille notus erat pontifici et introivit cum Iesu in atrium pontificis. Petrus autem stabat ad ostium foris. Exiit autem discipulus ille alius qui erat notus pontifici et dixit ostiarie et introduxit Petrum. Dixit ergo Petro ancilla ostiaria. Numquid et tu ex discipulis es hominis istius Negavit ille dicens. Non sum. Stabant autem servi et ministri ad prunas quoniam frigus erat et calefaciebant se. Erat autem cum eis et Petrus stans et calefaciens se. Princeps igitur sacerdotum interrogavit Iesum de discipulis suis et de doctrina eius. Respondit Iesus. Ego palam locutus sum mundo ego semper docui in synagoga et in templo in quo omnes Iudyei conveniunt et in occulto locutus sum nihil. Quid me interrogas Interroga eos qui audierunt quid locutus sum eis. Ecce sciunt hi quae dixerim ego. haec autem cum dixisset unus assistens ministrorum dedit alapam Iesu dicens. Sic respondes pontifici Respondit illi Iesus. Si male locutus sum testimonium perhibe de malo. Si autem bene quid me cedis Misit ergo illum vinctum ubi scribae et pharisaei convenerant. Petrus autem sequebatur a longe usque in atrium principis sacerdotum. Et ingressus intus sedebat cum ministris ut videret finem rei. Summi vero sacerdotes et omne consilium quaerebant adversus Iesum testimonium ut eum morti traderent nec inveniebant. Multi falsum testimonium dicebant adversus eum et convenientia testimonia non erant. Novissime autem venerunt duo falsi testes et dixerunt. Nos audivimus eum dicentem. Ego dissolvam templum manufactum et per triduum non manufactum aedificabo. Et non erat conveniens testimonium illorum. Exurgens autem summus sacerdos in medio dixit ad Iesum. Non respondes quicquam ad ea quae tibi obiiciuntur ab his Ille autem tacebat et nihil respondit. Dixitque ei summus sacerdos. Adiuro te per Deum vivum ut dicas nobis si tu es Christus filius Dei Dixit illi Iesus Tu dixisti. Verumtamen dico vobis amodo videbitis filium hominis sedentem a dextris virtutis Dei et venientem (0413D)in nubibus caeli. Tunc summus Sacerdos scindens vestimenta sua ait. Quid adhuc desideramus testes Ecce nunc audisti blasphemiam Quid vobis videtur At illi dixerunt. Reus est mortis. Tunc expuerunt in faciem eius et colaphis eum cederunt. Et velantes faciem alapis eum cedebant et dicebant. Prophetiza nobis Christe quis est qui te percussit Et multa alia blasphemantes dicebant in eum. Erat autem Petrus in atrio deorsum. Qui adstabant autem dixerunt ei. Et tu ex discipulis eius es nam et loquela tua manifestum te facit. Iterum negavit ille cum iuramento dicens. Nec vidi eum. Et intervallo facto quasi hore unius dicit unus ex servis principis sacerdotum cognatus illius cuius absciderat Petrus auriculam. Nonne ego te vidi in horto cum illo Tunc Petrus coepit detestari et iurare quia non novisset hominem. Et statim gallus cantavit. Conversus autem Iesus respexit Petrum. Et quia dixerat ei priusquam gallus cantet ter me negabis. Egressus foras Petrus flevit amare. Et recordatus est verbi Domini quod locutus fuerat ad eum.

345 Dominus sit semper vobiscum.

345 Deus laudem meam ne tacueris quia os impii et os dolosi contra me apertum est

345 Locutus fuit de me verba mendacii verbis odii circumdederunt me et expugnaverunt me gratis

345 Pro eo quia eos diligebam adversabantur ego autem orabam pro eis

345 Posuaerunt adversum me mala pro bonis et odium pro delectione mea

345 Constitute super eum diabolum et Satan stet a dextris eius

345 Cum iudicatur exeat condemnatus et oratio eius fiat in peccatum

345 Tu autem Domine fac mecum misericordiam propter nomen tuum quia suavis est misericordia tua libera me.

346 Adiuvate me fratres in orationibus vestris et orate pro me ad Deum.

346 Adiuvet te Pater et Filius et Spiritus Sanctus.

346 Aedificavit Moses altare sub monte ex duodecim lapidibus et misit de filiis Israel et obtulerunt holocaustomata et immolaverunt hostias pacificas Deo

346 Dixit Dominus ad Moysen ecce ego veniam ad te in columna nubis ut audiat populus loquentem me ad te et credat tibi in sempiternum. Descende nunc testare populo purifica illos hodie et cras lavent vestimenta sua et sint parati in diem tertium tertia autem die descendet Dominus in monte Sina coram omni populo. Descendens Moyses ad populum purificavit illos.

346 Diligamus et sequamur fratres carissimi iustitiam sempiternam manducare cupientes dominicam cenam. Veniente enim patrefamilias in exteriores tenebras reprobatus conviva proiicitur et sine nuptiali veste repertus damnatur. Nemo pravis cogitationibus sordidatus adveniat nemo sacramenta simulator accipiat. Imitemur potius patientiam Salvatoris a quo sic videmus toleratam esse fraudulentiam traditoris ut maligna cogitantem rerum omnium praescius Dominus Iesus Christus secum cenare permitteret ne sanctificato pane fraudaret. Imitemur eius humilitatem qui discipulorum pedes humiliter lavit imitemur bonitatem eius qui neganti Petro fructuosas lacrymas donavit. Caveamus inquietos fratres corporaliter declinare et caritatem humilitatemque omnibus delectemur simpliciter exhibere. Sacrificium paenitentiae ieiunantes orantesque solvamus ut securi semper ad caeleste convivium festinemus.

346 Occurrentes Domine cum coetu totius populi ut sollemne Paschae celebremus initium nos propitiatus attende supplicantes humiliter et orantes ut qui ab huius mundi operibus fatigati et corporis amictu sordentes ad tuam sacratissimam convenimus cenam expurgatos nos ab omni cibo malitiae in novam converte prosapiem ut cum tua gratia et victu terreno et caelesti pane mereamur in tuo salutari convivio.

347 Per misericordiam tuam Deus noster qui es benedictus et vivis et omnia regis in saecula saeculorum.

347 Pietatis tuae Christe Domine rogamus clementiam ut haec ad altare tuum nomina recitata liber vitae contineat fiatque hoc cenae tuae sacrificium defunctis ad requiem et viventibus ad salutem.

347 Pax nostra omnipotens Christe sincere nobis osculum pacis attribue ut non cum Iuda proditore rei sed tuae mereamur pacis haberi discipuli.

347 Pacem meam do vobis pacem meam commendo vobis non sicut mundus dat pacem do vobis

347 Dignum et iustum est nos tibi Domine sancte Pater aeterne omnipotens Deus gratias agere et Iesu Christo Filio tuo. Cuius nos humanitas colligit humilitas erigit traditio absolvit poena redemit crux salvificat sanguis emaculat caro saginat. Qui seipsum pro nobis hodie tradidit et culpae nostrae vincula relaxavit. Qui ad commendandam fidelibus bonitatis suae humilitatisque munificentiam etiam traditoris sui non dedignatus est pedes abluere cuius iam manus praevidebat in scelere. Sed quid mirum si dum ministerium formae servilis voluntarie morti vicinus adimplet posuit vestimenta sua qui cum in forma Dei esset semetipsum exinanivit Quid mirum si praecinxit se linteo qui formam servi accipiens habitu est inventus ut homo Quid mirum si misit aquam in pelvem unde lavaret pedes discipulorum qui in terra sanguinem suum fudit quo immunditias dilueret peccatorum Quid mirum si linteo quo erat praecinctus pedes quos laverat tersit qui carne qua erat indutus evangelistarum vestigia confirmavit Et linteo quidem ut se praecingeret posuit vestimenta quae habebat ut autem formam servi acciperet quando semetipsum exinanivit non quod habebat deposuit sed quod non habebat accepit. Crucifigendus sane suis expoliatus est vestimentis et mortuus involutus est linteis. Et tota illa eius passio credentium est facta purgatio. Passurus igitur exitia praemisit obsequia non solum eis pro quibus subiturus venerat mortem sed etiam illi qui fuerat eum traditurus ad mortem. Tanta quippe est humanae humilitatis utilitas ut eam suo commendaret exemplo divina sublimitas. Quia homo superbus in aeternum periret nisi illum Deus humilis inveniret ut qui perierat superbia deceptoris servaretur humilitate piissimi Redemptoris. Cui merito omnes angeli et archangeli non cessant clamare cotidie una voce dicentes.

348 Vere sanctus vere benedictus Dominus noster Iesus Christus qui traditus ac mortuus est propter peccata nostra et resurrexit propter iustificationem nostram.

348 Praedicamus Domine nec tacemus pro nostra te redemptione traditum et mortuum et sepultum ad caelos ascendisse post transitum et ad iudicandum in fine venturum. Unde petimus ut haec oblata sanctifices et sumentium pectora propitiatus emacules.

348 Dominus Iesus misit discipulos suos et dixit ad eos Euntes parate nobis Pascha ut manducemus quia desiderio desideravi hoc Pascha manducare vobiscum antequam patiar.

348 Cenantibus autem illis accepit Iesus panem et benedixit deditque discipulis suis et dixit Accipite et comedite. Quia desiderio desideravi hoc Pascha manducare vobiscum antequam patiar.

349 Accepit et calicem postquam cenavit deditque discipulis suis et dixit Accipite ex hoc omnes hic est enim sanguis meus novi testamenti qui pro multis effundetur in remissionem peccatorum. Non bibam amodo cum illud bibam vobiscum in regno Patris mei.

349 Cogitationes et delicta nostra cernentes non cruentas tibi Domine victimas immolamus sed simplicibus votis tibi sempiterni Sacerdotis corpus offerimus. Memorare itaque Domine quid pro nobis pertulerit qui peccata nostra portavit. Indue ergo nos iustitiae stola ut in cena tua sine veste nuptiali nullus accumbat gaudiisque caelestibus Novi Testamenti convivium floreat. Procul absit dolus quo deceptus est malus ille discipulus. Sit omnibus fides vera spes certa et caritas pura. Ut spiritualibus alimentis non damnetur conscientia sed per pacis caritatisque tuae dulcedinem ab omnibus emundati vitiis ad te proclamemus e terris.

349 Humiliate vos benedictioni. Dominus sit semper vobiscum.

349 Christus Dominus qui pro salute omnium hodie se tradi permisit ipse vos suae gratiae dono locupletet. Et qui per bucellam panis suum prodidit traditorem ipse vos sui panis perceptione sibimet faciat complacere. Quique discipulorum pedes eluere dignatus est hodie ipse vos ab omnibus delictis emaculet et coetui discipulorum associet.

349 Per misericordiam ipsius Dei nostri

349 Memor esto nostri Christe in regno tuo et dignos fac nos de resurrectione tua.

349 Desiderio desideravi hoc pascha manducare vobiscum antequam patiar.

349 Euntes parate nobis pascha ut manducemus.

349 Ecce introeuntibus vobis in civitatem occurret vobis homo amphoram aquae portans sequimini eum in domum in qua introierit et ingressi ianuam dicite patrifamilias domus.

350 Dicit tibi magister tempus meum in proximo est ubi est ergo diversorium ubi pascha cum discipulis meis manducem.

350 Et ipse vobis ostendet cenaculum grande stratum ibi parate nobis.

350 Euntes autem discipuli venerunt in civitatem et invenerunt sicut dixerat illis Iesus et paraverunt Pascha.

350 Vespere autem facto discubuit Iesus et duodecim apostoli cum eo et ait illis

350 Dico enim vobis quia ex hoc non manducabo illud donec impleatur in regno Dei

350 Accepit panem et benedixit ac fregit deditque discipulis suis et ait illis.

350 Accipite et manducate hoc est corpus meum quod pro vobis tradetur hoc facite in meam commemorationem

350 Similiter et calicem postquam cenavit dicens accipite et gratias egit deditque illis dicens

350 Bibite ex hoc omnes hic est enim sanguis meus novi testamenti qui pro multis effundetur in remissionem peccatorum

350 Repletum est gaudio os nostrum et lingua nostra in exaltatione

350 Corpus Domini nostri Iesu Christi quod accepimus et sanctus sanguis eius quem potavimus adhereat in visceribus nostris aeterne omnipotens Deus ut non veniat nobis ad iudicium nec ad condennationem sed proficiat ad salutem et ad remedium animarum nostrarum in vitam aeternam.

350 Per misericordiam ipsius Dei nostri

350

351 Pro hymno audiendo locis vestris accedite.

352 Quomodo ad latronem cum gladiis et fustibus venistis comprehendere me vobiscum fui docens et non tenuistis me unus ex vobis traditurus est me.

352 Responderunt discipuli dicentes numquid ego Domine qui mecum ait manum mittit in parapside ille me traditurus est hodie. Psalm Deus laudem meam ne tacueris. Usque ubi dicit. Et eiiciantur de habitationibus suis.

352 Deus laudem meam ne tacueris

352 Scrutetur fenerator

352 Et dilexit maledictione

352 Maledicent illi et tu benedices

352 Responderunt discipuli ... in parapside ille me traditurus est hodie

352 Quas tibi Domine Iesu Christe pro cruce lacrimas Quae pro sanguinis effusione suspiria vel lamenta reponamus quae premia quae vota reddamus Ecce nunc caperis pro nobis poenis cruciandus indebitis. En caperis expuendus expueris. Flagellandus flagellaris. Crucifigendus crucifigeris. Deridendus derideris. Acceto propinandus propinaris. Consumandus consumaris. Mirabiliter surrecturus. Parce nobis Christe Domine parce rogamus per admirabilem sancte passionis ac resurrectionis tuae virtutem. Et sicut paradisi civem reddidisti latronem ita per crucis tuae victoriam omnem a malo liberes mundum atque universam redimas hominum creaturam. Ut nos quos conscientiarum obscuritas postravit in luctum resurrectionis claritas attollat in gaudium.

353 Expia quaesumus Domine nostrorum cunctas facinorum culpas ut deposito veteris hominis indumento per magnificentissimae tuae passionis exemplum divinae resurrectionis tuae innovati laetitiae caelestibus nos sentiamus operibus illustrari.

353 Eramus cum pace

353

353 Bone Magister lava me ab iniustitia mea et a peccato meo munda me

353 Si enim ego lavi pedes vestros Magister et Dominus exemplum enim relinquo vobis ut quemadmodum ego facio et vos similiter faciatis.

353

353 Unigenite Dei Patris Filius qui pro mundi salute nostrae humilitatis assumere dignatus es carnem qui misericorditer hominem quem formaveras deceptum a persuasione diaboli per humilitatis tuae gratiam ad paradisi iterum fecisti revocare ianuam qui discipulorum tuorum pedes non dedignasti lavare ut nos imitando exemplum salutare tecum faceres conregnare. Petimus clementiam tuam omnipotens Deus ut nostrorum deleas facinora peccatorum quatenus abluti a delictis mereamur sanctis effici participes in regno caelorum.

354

354 O sancta Crux in qua Salus nostra pependit per te introibimus ad Patrem veniam mereamur per te apud Christum habeamus indulgentiam et veniam

354 Si dormieris salvus eris quiescis et suavis erit somnus tuus. Ne paveas repentino terrore et irruentes tibi potentias impiorum. Dominus erit in latere tuo ut custodiat pedem tuum ne capiaris a malo. (Prv 3)

354 Erigite vos

354 Dominus sit semper vobiscum. Et cum spiritu tuo.

354 Popule meus quid feci tibi aut in quo contristavi te responde mihi. Quia eduxi te de terra Aegypti parasti crucem mihi.

354 Audite quae Dominus loquitur surge et contende iudicium adversus montes et audiant colles vocem tuam

355 Quia eduxi te

355 Audite montes iudicium Domini et fortia fundamenta terra quia iudicium Domini cum populo suo et cum Israel altercabitur dicens.

355 Quia eduxi te

355 Popule meus quid feci tibi aut in quo te contristavi aut in quo tibi molestus fui responde mihi. quia eduxi te de terra Aegypti et de domo servitutis liberavi te et misi ante faciem tuam Moysen Aaron et Mariam.

355 Parasti crucem mihi

355 Si affiget homo Deum quia vos confixistis me et dixistis in quo confiximus te invaluerunt super me verba vestra et confixistis me gens tota

355 Parasti crucem mihi

355 Quid dignum offeram Domino curvabo genua Deo excelso numquid offeram ei holocaustomata aut vitulum anniculum numquid placari poterit Dominus in millibus arietum aut in multis millibus hircorum pinguium

355 Parasti crucem mihi

355 Numquid dabo primogenitum meum pro scelere meo fructum ventris mei pro peccato animae meae

355 Parasti crucem mihi

355 Indicabo tibi homo quid sit bonum aut quid Dominus quaerat a te utique facere iudicium et diligere misericordiam et sollicitum ambulare cum Deo tuo.

355 Parasti crucem mihi

355 Haec dixit Dominus. Ecce intelliget servus meus exaltabitur et elevabitur et sublimis erit valde. Sicut obstupuerunt super te multi sic gloriosus erit inter viros aspectus eius et forma eius inter filios hominum. Iste asperget gentes multas super ipsum continebunt reges os suum. Quia quibus non est nuntiatum de eo viderunt et qui non audierunt contemplati sunt. Domine quis credidit auditui nostro et brachium Domini cui revelatum est Et ascendet sicut virgultum coram eo et sicut radix de terra sitienti. Non est species ei nec decor. Et vidimus eum et non erat aspectus et desideravimus eum despectum et novissimum virorum. Virum dolorum et scientem infirmitatem et quasi absconditus vultus eius et despectus unde nec reputavimus eum. Vere languores nostros ipse tulit et dolores nostros ipse portavit. Et nos putavimus eum quasi leprosum et percussum a Deo et humiliatum. Ipse autem vulneratus est propter iniquitates nostras et attritus est propter scelera nostra. Disciplina pacis nostrae super eum et livore eius sanati sumus. Omnes nos quasi oves erravimus unusquisque in viam suam declinavit et Dominus posuit in eo iniquitates omnium nostrorum. Oblatus est quia ipse voluit et non aperuit os suum. Sicut ovis ad occisionem ducetur et quasi agnus coram tondente se obmutescet Et non aperiet os suum. De angustia et de iudicio sublatus est generationem autem eius quis enarrabit quia abscissus est de terra viventium. Propter scelus populi mei percussi eum et dabit impios pro sepultura sua et divitaes pro morte sua. Eo quod iniquitatem non fecerit neque dolus fuerit in ore eius. Et Dominus voluit conterere eum in infirmitate. Si posuaerit pro peccato animam suam videbit semen longevum et voluntas Domini in manu eius dirigetur. Pro eo quod laboravit anima eius videbit et saturabitur. In scientia sua iustificabit ipse iustus servus meus multos et iniquitates eorum ipse portabit. Ideo dispersi ab eis plurimos fortium dividet spolia. Pro eo quod tradidit mortem animam suam et cum sceleratis deputatus est. Et ipse peccata multorum tulit et pro transgressoribus rogavit. (Is 52)

356 Pro susceptione matutina vicesimus primus in finem psalmus ipsi David

356 Deus Deus meus intende in me quare me dereliquisti

356 Longe a salute mea verba delictorum meorum

356 Deus meus clamabo per diem nec exaudies et nocte et non ad insipientiam mihi

356 Silentium facite.

356 Ego autem sum vermis et non homo opprobium hominum et abiectio plebis

356 Omnes qui videbant me subsanabant me locuti sunt labiis et moverunt caput

356 Speravit in Domino eripiat eum salvum faciat eum quoniam vult eum

357 Silentium facite.

357 Quoniam tu es qui eduxisti me de ventre spes mea ab uberibus matris meae

357 In te iactatus sum ex utero de ventre matris meae Deus meus es tu ne discedas a me.

357 Quoniam tribulatio est proxima et non est qui adiuvet.

357 Silentium facite.

357 Circumdederunt me vituli multi tauri pingues obsederunt me

357 Aperuerunt in me os suum sicut leo rapiens et rugiens

357 Sicut aqua effusus sum et dispersa sunt omnia ossa mea

357 Silentium facite.

357 Factum est cor meum tamquam cera liquescens in medio ventris mei

357 Exaruit sicut testa virtus mea et lingua mea adhesit faucibus meis et in pulverem mortis deduxisti me

357 Quoniam circumdederunt me canes multi concilium malignantium obsedit me

357 Silentium facite.

357 Foderunt manus meas et pedes meos dinumeraverunt omnia ossa mea.

357 Ipsi vero consideraverunt et conspexerunt me diviserunt sibi vestimenta mea et super vestem meam miserunt sortem

357 Tu autem Domine ne elongaveris auxilium tuum a me ad defensionem meam Deus meus respice

357 Silentium facite.

357 Eripe a framea animam meam et de manu canis unicam meam

357 Libera me Domine de ore leonis et a cornibus unicornium humilitatem meam.

357 Narrabo nomen tuum fratribus meis in medio ecclesiae laudabo te Domine

357 Silentium facite.

357 Non est bona gloriatio vestra. Nescitis quia modicum fermentum totam massam corrumpit Expurgate vetus fermentum ut sitis nova conspersio sicut estis azimi. Etenim Pascha nostrum immolatus est Chritus. Itaque epulemur. Non in fermento veteri neque in fermento malitiae et nequitiae sed in azimis sinceritatis et veritatis. Scripsi vobis in epistola ne commisceamini fornicariis. Non itaque fornicariis huius mundi aut avaris aut rapacibus aut idolis servientibus. Alioquin debuerat de hoc mundo exire. Nunc autem scripsi vobis non commisceri. Si is qui frater nominatus est fornicator aut avarus aut idolis serviens aut maledicus aut ebriosus aut rapax cum eiusmodi nec cibum sumere. Quid enim mihi de his qui foris sunt iudicare Nonne de his qui intus sunt vos iudicatis Nam eos qui foris sunt Deus iudicabit. Auferte malum ex vobis ipsis. Audet aliquis vestrum habens negotium adversus alterum iudicari apud iniquos et non apud sanctos An nescitis quoniam sancti de hoc mundo iudicabunt et si a vobis iudicabitur mundus indigni estis qui de minimis iudicetis Nescitis quoniam angelos iudicabimus quanto magis saecularia Saecularia igitur iudicia si habueritis contentibiles qui sunt in ecclesia illos constituite ad iudicandum. Ad verecundiam vestram dico. Sic non est inter vos sapiens quisquam qui possit iudicare inter fratrem suum sed frater cum fratre iudicio contendit et hoc apud infideles Iam quidem omnino delictum est in vobis quod iudicia habetis inter vos. Quare non magis iniuriam accipitis Quare non magis fraudem patimini Sed vos iniuriam facitis et fraudatis et hoc fratribus. An nescitis quia iniqui regnum Dei non possidebunt Nolite errare neque fornicarii neque idolis servientes neque adulteri neque molles neque masculorum concubitores neque fures neque avari neque ebriosi neque maledici neque rapaces regnum Dei possidebunt. Et haec quidem fuistis sed abluti estis sed sanctificati estis. In nomine Domini nostri Iesu Christi et in spiritu Dei nostri.

358 Mane facto cena pura quod est ante sabbatum concilium fecerunt summi sacerdotes et seniores populi de Iesu ut interficerent eum. Et vinctum eum duxerunt et tradiderunt Pontio Pilato presidi. Tunc Iudas traditor cum videret quoniam ad iudicium iam perductus est penitentia motus revocavit triginta argenteos summis sacerdotibus et senioribus dicens. Peccavi quia tradidi sanguinem iustum. Cui dixerunt. Quid ad nos Tu videris. Et proiecta pecunia in templo abiit et laqueo se suspendit. Sacerdotes autem accepta pecunia illa dixerunt. Non licet mittere illam in corbonam quia precium sanguinis est. Sed consilio accepto emerunt agrum figuli in sepulturam peregrinorum. Propter quod appellatus est ager ille Aceldemach hoc est ager sanguinis usque in hodiernum diem. Tunc impletum est quod dictum est per Ieremiam prophetam dicentem. Et acceperunt triginta argenteos pretium estimati quod estimaverunt filii Israel et dederunt eos in agrum figuli sicut praecepit mihi Dominus. Iesus autem stetit ante praesidem et interrogavit eum preses dicens. Tu es rex Iudaeorum Respondit Iesus. Tu dicis quia rex sum. Ego ad hoc natus sum et ad hoc veni in hunc mundum ut testimonium perhibeam veritati. Omnis qui de veritate est audit vocem meam. Pilatus autem produxit foras Iesum et sedit pro tribunali in loco qui dicitur Licostratus hebraicae autem Gabatha. Erat autem praeparatio pasche hora quasi sexta. Et ait Iudaeis Pilatus. Ecce rex vester. At illi clamaverunt dicentes. Tolle crucifige eum. Ait illis Pilatus regem vestrum vultis ut crufigam Responderunt principes sacerdotum. Nos non habemus regem nisi cesarem. Sedente autem illo pro tribunali misit ad eum uxor sua dicens. Nihil tibi et iusto illi multa enim passa sum hodie in somnis propter eum. Principes autem sacerdotum et seniores persuaserunt turbis ut peterent Barrabam Iesum autem perderent. Respondit Pilatus et dixit illis quem vultis ex duobus dimittam vobis Illi autem dixerunt. Barrabam. Dicit illis Pilatus. Quid ergo faciemus de Iesu qui dicitur Christus Dicunt omnes. Crucifigatur. Dicit illis Pilatus. Quid enim mali fecit Illi autem magis clamabant dicentes. Crucifigatur crucifigatur. Cum vidisset autem Pilatus quia nihil proficit sed magis tumultus fit accepit aquam et lavit manus coram populo dicens. Innocens ego sum a sanguine iusti huius vos videritis. Et respondens universus populus dixit. Sanguis huius super nos et super filios nostros. Tunc dimisit illis Barrabam Iesum autem flagellis cesum tradidit eis ut eum crucifigerent. Tunc milites presidis cum accepissent Iesum in praetorio congregaverunt ad eum totam cohortem et vestierunt eum clamidem coccineam et purpura circumdederunt eum. Et intexentes coronam de spinis imposuaerunt super caput eius et arundinem in dextera eius. Et pedibus eius provoluti irridebant eum dicentes. Ave rex Iudaeorum. Et conspuentes in faciem eius accipiebant arundinem et percutiebant caput eius. Iesus autem portans ipse sibi crucem pervenit in locum qui appellatur Calvarie quod dicitur hebraicae Golgotha ubi eum crucifixerunt. Et cum eo duos latrones hinc atque illinc medium vero Iesum. Scripsit autem et titulum Pilatus et posuit supra crucem. Erat autem scriptum. Iesus Nazarenus rex Iudaeorum. Hunc ergo titulum multi legerunt Iudaeorum quia prope civitatem erat locus ubi eum crucifixerunt. Tunc dixerunt Pilato. Noli scribere rex Iudaeorum sed quia ipse dixit rex sum Iudaeorum. Respondit Pilatus. Quod scripsi scripsi. Milites ergo cum crucifixissent Iesum acceperunt vestimenta eius et fecerunt quatuor partes unicuique militi partem. De tunica autem quae de superiori parte non consutilis sed per totum textilis fuit dicunt ad alterutrum. Non scindamus eam sed sortiamur de illa cuius sit. Ut scriptura impleretur quae dicit. Diviserunt sibi vestimenta mea et super vestem meam miserunt sortem. Et milites quidem haec fecerunt. Praetereuntes autem blasphemabant eum moventes capita et dicentes. Vah qui destruis templum et post triduum edificas illud. Salvum fac temetipsum et descende de cruce. Similiter autem et unus de latronibus qui cum illo simul crucifixi erant blasphemabat illum dicens Nonne tu es Christus Libera te et nos. Respondens autem alius increpabat illum dicens. Nec sic times Deum cum in eadem damnatione es Nos quidem iuste digna enim factis nostris recipimus hic vero nihil mali fecit. Et dicebat ad Iesum. Domine memor esto mei cum veneris in regno tuo. Dicit ei Iesus. Amen dico tibi hodie mecum eris in paradiso. A sexta autem hora tenebre facte sunt in totam terram usque in horam nonam. Circa nonam autem horam exclamavit Iesus voce magna dicens. Heloi Heloi lamazabathani. Hoc est Deus meus Deus meus quare me dereliquisti Quidam autem ex eis qui illic adstabant cum audirent dicebant. Heliam clamat iste. Et continuo unus cucurrit ex eis et accepta spongia accepto plena circumdata arundine potum dabat ei. Ut scriptura impleretur quae dicit. Dederunt in escam meam fel et in siti mea potaverunt me accepto. Iesus autem exclamans voce magna dixit. Pater in manus tuas commendo spiritum meum et tradidit spiritum. Et ecce velum templi scissum est in duas partes a sursum usque deorsum. Et terra mota est et petre disrupte sunt et monumenta aperta sunt. Et multa corpora sanctorum dormientium resurrexerunt. Et exeuntes de monumentis venerunt in civitatem sanctam Ierusalem et apparuerunt multis. Centurio autem et qui cum illo custodiebant Iesum cum vidissent terraemotum et illa omnia quae facta sunt timuerunt nimis dicentes. Vere Dei filius est iste. Iudei ergo quoniam cena pura erat ne remanerent in cruce corpora sabbato erat enim magnus dies illius sabbati rogaverunt Pilatum ut frangerentur crura eorum et tollerentur. Venerunt ergo milites et primi quidem fregerunt crura et alterius similiter qui simul crucifixi erant cum illo. Ad Iesum autem cum venissent ut viderunt eum mortuum non fregerunt crura eius sed unus ex militibus lancea latus eius pupugit et exivit continuo sanguis et aqua. Et qui vidit testimonium perhibuit et verum est testimonium eius. Et nos credimus quia verum est ut credentes vitam habeamus in nomine eius.

362 Tunc venit quidam homo dives ab Arimathia nomine Ioseph qui et ipse discipulus erat Iesu. Hic accessit ad Pilatum et petiit corpus eius. Tunc Pilatus iussit reddi corpus. Et accepto corpore Iesu involvit eum in sindone munda et posuit eum in monumento suo novo quod exciderat in petra. Et advolvit lapidem magnum ad ostium monumenti et abiit. Tunc convenerunt principes sacerdotum et pharisaei ad Pilatum dicentes. Domine recordati sumus quia seductor ille dixit adhuc vivens post tertium diem resurgam. Iube ergo custodiri sepulchrum in diem tertium ne forte veniant discipuli eius nocte et furentur illum et dicant plebi quia surrexit a mortuis et erit novissimus error peior priore. At illis Pilatus. Habetis custodes ite custodite sicut scitis. Illi autem euntes munierunt sepulchrum signantes lapidem cum custodibus.

362 Paenitentes orate flectite genua Deo deprecemur Dominum Deum nostrum ut indulgentiam criminum et remissionem peccatorum nobis donare dignetur

362 Erigite vos orate fectite genua Deo deprecemur Dominum Deum nostrum ut lapsis manum porrigat et praesidium quod ab eo requirit clementer impertiat

362 Paenitentes orate

362 Erigite vos orate flectite genua Deo deprecemur Dominum Deum nostrum ut reminiscentes mala quae gessimus deinceps vitaemus insidias inimici ut quos diaboli persuasione sua ab altario Dei subtraxerat patrona revocet effusio lacrImarum

362 Paenitentes orate

362 Erigite vos completa oratione vestra omnes pari voce indulgentiam a Domino postulemus.

362 Indulgentia similiter et omnis clerus vel populus non plusquam trecentis vicibus

362 Tu pastor bone animam tuam pro ovibus posuisti

363

363 Peccavimus tibi Deus recedentes a te nobis confusio tibi clementia et propitiatio

363 Tu pastor bone animam tuam pro ovibus posuisti

363 Deprecemur Dominum ut remissionem peccatorum et pacem nobis propitius donare dignetur.

363 Te deprecamur Domine

363 Indulgentia

363 Nos Patri reconciliet

363 Indulgentia

363 Christi confirmet gratia

364 Indulgentia

364 Confirmet Sancto Spiritu

364 Indulgentia

364 Pestem et famen

364 Indulgentia

364 Medelam egris conferat

364 Indulgentia

364 Captivos reddat patrie

364 Indulgentia

364 Vices aerum temperet

364 Indulgentia

364 Te deprecamur Domine

364 Indulgentia

364 Erigite vos

364 Unigenite Filius Dei Patris qui caelum redditurus gratiam in terris dignatus es nasci ut nos elevares ad caelos qui ideo in ligno crucis manus proprias extendisti ut nos ad lignum vitae propitius revocares de quo Adam gustare non meruit posteaquam crimen praevaricationis incurrit. Crux ergo tua Deus vitae arbor est in aeternum vivificet quemcumque ex ea gustaverit. Tuam ergo clementiam petimus ut auferantur ab oculis tuis mala nostra praeterita et bona futura nascantur huius mundi lux infida neglegatur et perennitatis tuae a nobis aeternitas requiratur.

364 Per misericordiam tuam Deus noster qui vivis cum Deo Patre et regnas cum Spiritu Sancto in saecula saeculorum.

364 Per misericordiam tuam Deus noster qui vivis cum Deo Patre et regnans cum Spiritu Sancto in saecula saeculorum

364 Parce Deus quia spraevidmus praecepta tua qui das post peccata indulgentiam

364 Miserere mei Deus secundum magnam

364 Tu pastor bone animam tuam pro ovibus posuisti

364 Miserere mei Deus quia omnia potes tu enim dissimulas peccata hominum propter paenitentiam

364 Deprecemur Dominum ut remissionem peccatorum et pacem nobis propitius donare dignetur.

364 Te precamur Domine

364 Restituat paradiso

364 Claustra caelorum reseret

364 Removeat supplicium

364 Extinguat gehenne incendia

364 Defunctis donet requiem

364 Locum quietis conferat

364 Sanctis consortes faciat

365 Popule meus quid feci tibi aut in quo contristavi te. Responde mihi quia eduxi te de terra Aegypti in signis magnis et prodigiis excelsis et parasti crucem Salvatori tuo.

365 Hagios o Theos

365 Sanctus Deus

365 Quia eduxi te per desertum quadraginta annis et manna cibavi te et introduxi in terram satis optimam parasti crucem Salvatori tuo.

365 Hagios o Theos

365 Quid ultra debui facere tibi et non feci. Ego quidem plantavi vineam meam speciosissimam et tu facta es mihi nimis amara aceto namque sitim meam potasti et lancea perforasti latus Salvatori tuo

365 Ecce lignum crucis

366 In quo Salus mundi pependit venite

366 Ecce lignum crucis

366 In quo Salus mundi pependit venite

366

366 Domine Iesu Christe adoro te in crucem ascendentem et spineam coronam portantem in capite deprecor te ut ipsa crux liberet me de angelo percutiente. Domine Iesu Christe adoro te in cruce vulneratum felle et aceto potatum. Deprecor te ut tua vulnera sint remedium animae meae. Domine Iesu Christe in sepulchro te adoro positum. Deprecor te ut tua mors sit vita mea. Domine Iesu Christe adoro te venturum ad iudicium et iudicaturum vivos et mortuos. Deprecor te ut in tuo sancto adventu non intres in iudicium cum me indigno et misero peccatore sed pro tua magna clementia peccata mea dimittas mihi qua iuste iudices.

366 Crucem tuam adoramus Domine

367 Super omnia ligna cedrorum tu sola excelsior in qua vita mundi pependit in qua vita mundi pependit in qua Christus triumphavit et mors mortem superavit in aeternum

368 Unigenite Filius Dei Patris de quo ante tam innumeros annos propheta cantavit hunc versum In medio duorum animalium cognosceris. Cognitus plane es non solum inter duos latrones pendens in ligno vel duorum testamentorum in medio verum etiam fuga solis occasu diei concussione terrarum. Tu Christe descendisti ad inferos et sanctos sepulcra laxarunt. Pietatem ergo tuam quaesumus ut intelligere possimus quantum nobis resurgens praestabis in regno qui nos moriens resuscitasti cum gloria de inferno.

368

369 Eruti a malo stabiliti semper in bono tibi adherere mereamur Deo et Domino nostro Iesu Christo. Da veniam peccatis nostris et requiem famulis tuis omnibus fidelibus defunctis. Frange et percute omnes insidias inimicis nostris. Defende nos ab omnibus operibus malis et confirma in cunctis bonis. Accipe ieiunium vel votum nostrum et exaudi orationem nostram in his diebus et in totis temporibus. Tribue nobis pacem et securitatem pietatem et sinceram charitatem ac gratiam per misericordiam tuam stigmate passionis tuae Deus noster filius Dei qui vivis cum Deo Patre et regnas cum Spiritu Sancto in Trinitate unus Deus permanens in saecula saeculorum.

369 Dominus sit semper vobiscum. Et cum spiritu tuo.

369 Eamus cum pace

369

370 Exaudi nos lumen indeficiens Domine Deus noster unici luminis lumen fons luminis lumen auctor luminum quae creasti et illuminasti lumen angelorum tuorum sedium dominationum principatuum potestatum et omnium intelligibilium quae creasti lumen sanctorum tuorum. Sint lucernae tuae animae nostrae accedant ad te et illuminentur abs te luceant veritate ardeant caritate luceant et non tenebrescant ardeant et non cinerescant. Benedic hoc lumen o lumen quia et hoc quod portamus in manibus tu creasti tu donasti. Et sicut nos per haec lumina qua accendimus de hoc loco expellimus noctem sic et tu expelle tenebras de cordibus nostris. Simus domus tua lucens de te lucens in te. Sine defectu luceamus et te semper colamus. In te accendamur et non exstinguamur.

370 Per misericordiam ... benedictus

370 Dominus sit semper vobiscum. Et cum spiritu tuo.

370 In nomine Domini nostri Iesu Christi sanctificatum permanet cum pace

370

370 Veniat quaesumus omnipotens Deus super hoc incensum larga tuae benedictionis infusio et hunc nocturnum splendorem invisibilis regnator accende ut non solum sacrificium quod in nocte hac litatum est archana luminis tui ammixtione refulgeat sed in quocumque loco huius sanctificationis mysterio fuerit deportatum expulsa diabolice fraudis nequicia virtus tuae maiestatis assistat.

371 Benedictio Dei Patris omnipotentis et Filii et Spiritus Sancti descendat et maneat super hoc lumen et incensum istud.

371 Lumen verum inluminans omnem hominem in hunc mundum venientem

371 Populus qui sedebat in tenebris vidit lucem magnam. Habitantibus in regione umbre mortis lux orta est eis. Illuminans.

371 Populus qui sedebat

371

371 Offerimus tibi Domine cerei huius rutilantis speciem divino igne succensam quem per multimodam materiam nutu tuo produci iussisti apibus. Eum indignis manibus nostris oblatum accendimus precantes bonitatem tuam ut emissione Spiritus Sancti tui qui quondam in similitudinem ignis divisionemque linguarum in apostolorum tuorum corda perspicuus fulgensque apparuit eum benedicere et sanctificare digneris. Et sicut hic cereus exuberans largo visione noctis huius iugulat cecitatem et devotissimae plebis tuae resplendet obtutibus ita et nos Domini nostri Iesu Christi Filii tui splendore repleti internis mentibus fulgeamus et peccatorum cecitate detersa lux in nobis sempiternae fidei perseveret.

372 Prima tibi et principalia Deus Pater omnipotens haec luminum munera in exordio venerande huius noctis offerimus et ob honorem dominicae resurrectionis lucernam et cereum claritatis aptavimus quam Unigenitus Filius tuus Dominus noster Iesus Christus adventus sui faciat mysteriis illuminatam. Per quem te Deus supplices exoramus ut hoc sanctum luminis munus libens accipias pervigilem in nos devotionem flagrantia spiritali succendas. Simulque omnipotens Deus commendamus pio dilectionis affectu sanctos fratres nostros et condiacones A. et A. tuae maiestatis laudes inenarrabiles narrare cupientibus. Ut eis scientie ac sapientie de tuis thesauris accomodes plenitudinem. Ut quicquid itaque mente conceperunt aut sensu excogitaverunt vel certe meditationibus crebris memoriter tenuerunt oblivionis caligine depulsa titubationisque formidine calcata dicant voce canora et oratione depromant luculentissima. Nihil quaesumus in eis humanitatis operetur fragilitas sed totum eis subministret tuae clementiae largitas. Dona eis post pallores genuum rubicundam sinceritatem lingue volubilitatem lacertorum firmissimam soliditatem. Ut in omnibus tuorum beneficiorum adiutorium sentientes benedictionem lucernae cereique immurmurent ac depromant maximam laudem.

372 Per misericordiam ... benedictus

372 Dominus sit semper vobiscum. Et cum spiritu tuo.

372 In nomine Domini nostri Iesu Christi votum vestrum sit acceptum cum pace

372 Dignum et iustum est vere dignum et sanctum est nos tibi semper gratias agere laudesque referre Domine sancte Pater omnipotens et Christe Deus qui mihi tribuas ut in tuis laudibus semper resonent fauces meae qui erigis a terra inopem et ab stercore exaltas pauperem. Da directum et bene sonantem in ore meo ministrari sermonem. Omnipotentem Deum substantiae vitalis exordium creaturae universalis auctorem Dominum salutarem opificem vocalis Ecclesiae personet canora laudatio ut ipsi rependat lingua ministerium de cuius imperio sumpsit officium. Dignum est ut sponsi coruscantis adventum accensis praestoletur fidelis turba luminibus ne nuptialis habitaculi respuat habere consortes quos sub veterum umbraculo peccatorum praevenerit dormientes. Quid dignius quidve sublimius quam ut tibi vigilet in spe aeternitatis resuscitata mortalitas cui totum ex origine totum debet ex munere vel quod formatur ex nihilo vel quod reparatur ex perdito Tu vas quod pronum culpa dederat in ruinam figuli miserantis affectu de favillis cineribusque collectum spiritu vivificante salvasti ut faceres ex adoptione liberos quos retinere videras ex praevaricatione captivos. Tu novellae vitis germina fecunda plantasti ut antiquorum tabesceret suavitas amara pomorum. Nunc de cibo sumitur vita non labitur. Solvit gratia quos vinxit illecebra. De arbore creata nox criminis sed de ligno genita lux salutis. Vetuisti opera manuum tuarum clemens operator interfici perpetuae mortis excidio. Paradisi ianuam quam piaculum letale damnaverat dextera mysterii caelestis aperuit id perfectae iudicans esse pietatis ut quibus ad vitam fueras largitus introitum tribueres et regressum. Mortificantur ex lapsu qui vivificantur ex pretio. Redempti clementius quam creati. Namque ibi Deus operatur ut faceret hic passus est ut prodesset. Induit carnem sed non exuit maiestatem nostram substantiam expetens sed propriam non relinquens. Cum corpore editus sed intemerato pudore conceptus. Temporalis ex Virgine sed coaeternus in Patre. Humilians divina ut possit elevare terrestria. Cui tanti fuit salvatio ut ne nos perderemus caelum ille pateretur infernum. Suscepit mors quem tenere non potuit amplificata successu sed evacuata spolio. Exsultavit in raptu sed occidit in trophaeo. In se refusa defecit extremitas postquam vitae appetere tentavit auctorem et dum ambit illicita perdidit acquisita. Adest nox lumine donata perpetuo dominicis sanctificata victoriis quae recidivum mundi sortita natalem debellata funeris regione triumphos Christi resurgentis excepit quae transgressionis maculas fluentis lavacri salutaris abstersit quae veternosa criminis indumenta tactu liquidi resolvit elementi in qua mercem sanguinis repraesentat unda baptismatis et dum vetus culpa decidit novus homo consurgit.

374 Deus qui filios Israel educis ex Aegypto palpabiles Aegypti tenebras relinquendo Deus qui duce luminis gratia pondus horrendae noctis exterminas Deus qui praecedente angelo tuo in columna nubis in diem eodemque in columna ignis in noctem posteriora servante curam nostrae salutis exsequeris teque nobis in eo praestas in quo lucere nos lumine scientiae tuae iubes. Fac nos divinitatis tuae fieri consortes et larga tua pietate ex invisibilibus bonis visibilia dona concede quae nos et offerri doceant et tuam in omnibus compleri faciant voluntatem.

374

375 Aequum et iustum est vere Domine satis dignum et pulchrum est in quantum nos munere tuo illustras tibi semper gratias agere apud quem est fons vitae in cuius lumine videbimus lumen. Praevia tot tantisque virtutibus circa tuae maiestatis resplendens altaria serenat lux cerei. Praemittunt indicia ignium miracula secutura lympharum. Nuntiatur ex lumine quid nascatur ex fonte. Patescunt actu quae fuerant figurata mysterio. Instar columnae veteris fomes iste praefulget aquis populum docet esse salvandum per quas et liberatio tribuitur ad salutem et regeneratio donatur ad requiem. Ascendat Domine in conspectu gloriae tuae obsecratio devota famulorum. Visitentur benedictionis dono quae sacro dedicantur obsequio. Non hic thureis adoletur flamma virgultis nec in sabaeicis proscinduntur ligna nemoribus quae suavitatem cinnami rorantis exhalant. Sed cera famulatur ex lumine quae non polluitur ex parente. Cuius natura de flore cuius ortus ex virgine. Cui illa dat genetrix nativitatis originem quae corruptionis nescit errorem. Papyrus quin etiam niveo adoperta sub tegmine flammarum exsequitur incrementa. Neque hoc sine caelestis agitur operatione virtutis quod favet ignibus res nutrita gurgitibus. Agnoscunt cuncta te Dominum tibique se sciunt deberi quod nata sunt. Dedisti pie opifex creaturae sensum quo suum possit intellegere et honorare factorem. Intende propitius Domine ad huius cerei devotissimam servitutem ut qui flammam gignere cernitur usuale tuae benedictionis serenatus ex lumine cunctis sit expedibilis ad salutem. Resolvat gravium fomenta languorum. Asperitates casuum remedii tranquillitate confringat. Omnia votis largiatur humanis qui de tuis benedictionem sumpsit officiis. Tribue etiam Domine sancte Pater omnipotens Deus ut diei huius sollemnia sacrae paschalis in quo Redemptoris nostri gloria praedicatur et gratia cum antistite nostro N. episcopo cum glorioso principe N. cum presbyteris diaconibus clero atque omni populo sub multorum curriculo celebrare mereamur annorum. Ad te ascendat. Pax in caelo. Pax in terra. Pax et plenitudo tua Domine super nos descendat. Pax regibus et potestatibus saeculi huius. Pax Ecclesiae tuae catholicae quae est in hoc loco constituta et per universum orbem terrarum in pace diffusa.

376 Exspectati temporis dilectissimi fratres festa sollemnitas et annuum per saecula sacrae resurrectionis arcanum votivae noctis advenit. Hoc illud est quod in perennem memoriam consecratum credentibus populis altissima de caelis gratia spiritualis attribuit. Hilares vigilias gloriosis laudibus perferamus diem vincentes qua funalibus crebris Ecclesia sancta resplendens coruscat in lumine praeconia dominicae passionis indefessis precibus celebremus intendentes auditu lectionibus sanctis ac sedulis obsecrationibus patientiam non negantes ut ille regalis solii habitator altissimus a sede arcis aethereae populo suo qui sollemnia redditurus ad haec festa convenit per Spiritum suum Sanctum clementer illapsum placabilis ac propitiatus aspiret.

376 Per misericordiam tuam Deus noster qui vivis et omnia regis in saecula saeculorum.

376 Dominus sit semper vobiscum. Et cum spiritu tuo.

376 In principio creavit Deus caelum et terram. Terra autem erat inanis et vacua et tenebrae erant super faciem abyssi et spiritus Domini ferebatur super aquas. Dixitque Deus. Fiat lux. Et facta est lux. Et vidit Deus lucem quod esset bona et divisit lucem a tenebris. Appellavitque lucem diem et tenebras noctem. Factumque est vespere et mane dies primus. Dixit quoque Deus. Fiat firmamentum in medio aquarum et dividat aquas ab aquis. Et fecit Deus firmamentum divisitque aquas quae erant sub firmamento ab his quae erant super firmamentum. et factum est ita. Vocavitque Deus firmamentum caelum. Et factum est vespere et mane dies secundus. Dixit vero Deus. Congregentur aque quae sub caelo sunt in locum unum et appareat arida. Factumque est ita. Et vocavit Deus aridam terram congregationesque aquarum appellavit maria. Et vidit Deus quod esset bonum et ait. Germinet terra herbam virentem et facientem semen et lignum pomiferum faciens fructum iuxta genus suum. Cuius semen in semetipso sit super terram. Et factum est ita. Et protulit terra herbam virentem et afferentem semen iuxta genus suum lignumque faciens fructum et habens unumquodque semen secundum speciem suam. Et vidit Deus quod esset bonum factumque est vespere et mane dies tertius. Dixit autem Deus. Fiant luminaria in firmamento caeli et dividant diem ac noctem ut sint in signa et tempora et dies et annos ut luceant in firmamento caeli et illuminent terram. Et factum est ita. Fecitque Deus duo magna luminaria. Luminare maius ut praeesset diei et luminare minus ut preesset nocti et stellas. Et posuit eas in firmamento caeli ut lucerent super terram et preessent diei ac nocti et dividerent lucem a tenebris. Et vidit Deus quod esset bonum et factum est vespere et mane dies quartus. Dixit etiam Deus. Producant aquae reptilae animae viventis et volatile super terram sub firmamento caeli. Creavitque Deus cete grandia et omnem animam viventem atque motabilem quam produxerant aque in species suas et omne volatile secundum genus suum. Et vidit Deus quod esset bonum benedixitque eis dicens. Crescite et multiplicamini et replete aquas maris. Avesque multiplicentur super terram. Et factum est vespere et mane dies quintus. Dixit quoque Deus. Producat terra animam viventem in genere suo iumenta et reptilia et bestias terrae iuxta species suas. Factumque est ita. Et fecit Deus bestias terrae iuxta species suas et iumenta et omne reptile in genere suo. Et vidit Deus quod esset bonum et ait. Faciamus hominem ad imaginem et similitudinem nostram ut presit piscibus maris et volatilibus caeli et bestiis universe terrae omnique reptili quod movetur in terra. Et creavit Deus hominem ad imaginem et similitudinem suam ad imaginem Dei creavit illum masculum et feminam creavit eos. Benedixit quae illis Deus et ait. Crescite et multiplicamini et replete terram et subiicite eam et dominamini piscibus maris et volatilibus caeli et universis animantibus quae moventur super terram. Dixitque Deus. Ecce dedi vobis omnem herbam afferentem semen super terram et universa ligna quae habent in semetpsis sementem generis sui ut sint vobis in escam et cunctis animantibus terrae omnique volucri caeli et universis quae moventur in terra et in quibus est anima vivens ut habeant ad vescendum Et factum est ita. Viditque Deus cuncta quae fecit et erant valde bona. Et factum est vespere et mane dies sextus. Igitur perfecti sunt caeli et terra et omnis ornatus eorum. Complevitque Deus die septimo opus suum quod fecerat. Et requievit die septimo ab universo opere quod patrarat. Et benedixit Deus diei septimo et sanctificavit illum. Quia in ipso cessaverat ab omni opere suo quod creavit Deus ut faceret. (Gen 1)

378 Pro solemnitate Paschali flectamus genua. Levate.

378 Pro sollemnitate paschali flexis genibus te Pater omnipotens obsecramus ut mors Unigeniti tui Domini nostri qui vitam omni contulit mundo toti gratiam conferat populo christiano. Resurrectio quoque eius nos ad caelestia sublevet et a corruptione vitae huius ereptos immortalitati aeterna consociet.

378 Per misericordiam ... benedictus

379 Noe cum quingentorum esset annorum genuit Sem Cham et Iapheth Cumque coepissent homines multiplicari super terram et filias procreassent videntes filii Dei filias hominum quod essent pulchrae acceperunt sibi uxores ex omnibus quas elegerant Dixitque Deus Non permanebit spiritus meus in homine in aeternum quia caro est eruntque dies illius centum viginti annorum Gigantes autem erant super terram in diebus illis postquam enim ingressi sunt filii Dei ad filias hominum illaeque genuerunt isti sunt potentes a saeculo viri famosi Videns autem Deus quod multa malitia hominum esset in terra et cuncta cogitatio cordis intenta esset ad malum omni tempore poenituit eum quod hominum fecisset in terra Et tactus dolore cordis intrinsecus Delebo inquit hominem quem creavi a facie terrae ab homine usque ad animantia a reptili usque ad volucres caeli poenitet enim me fecisse eos Noe vero invenit gratiam coram Domino Hae sunt generationes Noe Noe vir iustus atque perfectus fuit in generationibus suis cum Deo ambulavit Et genuit tres filios Sem Cham et Iapheth Corrupta est autem terra coram Deo et repleta est iniquitate Cumque vidisset Deus terram esse corruptam omnis quippe caro corruperat viam suam super terram dixit ad Noe Finis universae carnis venit coram me repleta est terra iniquitate a facie eorum et ego disperdam eos cum terra Fac tibi arcam de lignis laevigatis mansiunculas in arca facies et bitumine linies intrinsecus et extrinsecus Et sic facies eam trecentorum cubitorum erit longitudo arcae quinquaginta cubitorum latitudo et triginta cubitorum altitudo illius Fenestram in arca facies et in cubito consummabis summitatem eius ostium autem arcae pones ex latere deorsum coenacula et tristega facies in ea Ecce ego adducam aquas diluvii super terram ut interficiam omnem carnem in qua spiritus vitae est subter caelum universa quae in terra sunt consumentur Ponamque foedus meum tecum et ingredieris arcam tu et filii tui uxor tua et uxores filiorum tuorum tecum Et ex cunctis animantibus universae carnis bina induces in arcam ut vivant tecum masculini sexus et feminini De volucribus iuxta genus suum et de iumentis in genere suo et ex omni reptili terrae secundum genus suum bina de omnibus ingredientur tecum ut possint vivere Tolles igitur tecum ex omnibus escis quae mandi possunt et comportabis apud te et erunt tam tibi quam illis in cibum Fecit igitur Noe omnia quae praeceperat illi Deus Dixitque Dominus ad eum Ingredere tu et omnis domus tua in arcam te enim vidi iustum coram me in generatione hac Ex omnibus animantibus mundis tolle septena et septena masculum et feminam de animantibus vero immundis duo et duo masculum et feminam Sed et de volatilibus caeli septena et septena masculum et feminam ut salvetur semen super faciem universae terrae Adhuc enim et post dies septem ego pluam super terram quadraginta diebus et quadraginta noctibus et delebo omnem substantiam quam feci de superficie terrae Fecit ergo Noe omnia quae mandaverat ei Dominus Eratque sexcentorum annorum quando diluvii aquae inundaverunt super terram Et ingressus est Noe et filii eius uxor eius et uxores filiorum eius cum eo in arcam propter aquas diluvii De animantibus quoque mundis et immundis et de volucribus et ex omni quod movetur super terram duo et duo ingressa sunt ad Noe in arcam masculus et femina sicut praeceperat Dominus Noe Cumque transissent septem dies aquae diluvii inundaverunt super terram Anno sexcentesimo vitae Noe mense secundo septimodecimo die mensis rupti sunt omnes fontes abyssi magnae et cataractae caeli apertae sunt et facta est pluvia super terram quadraginta diebus et quadraginta noctibus In articulo diei illius ingressus est Noe et Sem et Cham et Iapheth filii eius uxor illius et tres uxores filiorum eius cum eis in arcam ipsi et omne animal secundum genus suum universaque iumenta in genere suo et omne quod movetur super terram in genere suo cunctumque volatile secundum genus suum universae aves omnesque volucres ingressae sunt ad Noe in arcam bina et bina ex omni carne in qua erat spiritus vitae Et quae ingressa sunt masculus et femina ex omni carne introierunt sicut praeceperat ei Deus et inclusit eum Dominus deforis Factumque est diluvium quadraginta diebus super terram et multiplicatae sunt aquae et elevaverunt arcam in sublime a terra Vehementer enim inundaverunt et omnia repleverunt in superficie terrae porro arca ferebatur super aquas Et aquae praevaluerunt nimis super terram opertique sunt omnes montes excelsi sub universo caelo Quindecim cubitis altior fuit aqua super montes quos operuerat Consumptaque est omnis caro quae movebatur super terram volucrum animantium bestiarum omniumque reptilium quae reptant super terram universi homines et cuncta in quibus spiraculum vitae est in terra mortua sunt Et delevit omnem substantiam quae erat super terram ab homine usque ad pecus tam reptile quam volucres caeli et deleta sunt de terra Remansit autem solus Noe et qui cum eo erant in arca Obtinueruntque aquae terram centum quinquaginta diebus Recordatus autem Deus Noe cunctorumque animantium et omnium iumentorum quae erant cum eo in arca adduxit spiritum super terram et imminutae sunt aquae Et clausi sunt fontes abyssi et cataractae caeli et prohibitae sunt pluviae de caelo Reversaeque sunt aquae de terra euntes et redeuntes et coeperunt minui post centum quinquaginta dies Requievitque arca mense septimo vigesimo septimo die mensis super montes Armeniae At vero aquae ibant et decrescebant usque ad decimum mensem decimo enim mense primo die mensis apparuerunt cacumina montium Cumque transissent quadraginta dies aperiens Noe fenestram arcae quam fecerat dimisit corvum qui egrediebatur et non revertebatur donec siccarentur aquae super terram Emisit quoque columbam post eum ut videret si iam cessassent aquae super faciem terrae Quae cum non invenisset ubi requiesceret pes eius reversa est ad eum in arcam aquae enim erant super universam terram extenditque manum et apprehensam intulit in arcam Expectatis autem ultra septem diebus aliis rursum dimisit columbam ex arca At illa venit ad eum ad vesperam portans ramum olivae virentibus foliis in ore suo intellexit ergo Noe quod cessassent aquae super terram Expectavitque nihilominus septem alios dies et emisit columbam quae non est reversa ultra ad eum Igitur sexcentesimo primo anno primo mense prima die mensis imminutae sunt aquae super terram et aperiens Noe tectum arcae aspexit viditque quod exsiccata esset superficies terrae Mense secundo septimo et vigesimo die mensis arefacta est terra Locutus est autem Deus ad Noe dicens Egredere de arca tu et uxor tua filii tui et uxores filiorum tuorum tecum Cuncta animantia quae sunt apud te ex omni carne tam in volatilibus quam in bestiis et universis reptilibus quae reptant super terram educ tecum et ingredimini super terram crescite et multiplicamini super eam Egressus est ergo Noe et filii eius uxor illius et uxores filiorum eius cum eo Sed et omnia animantia iumenta et reptilia quae reptant super terram secundum genus suum egressa sunt de arca Aedificavit autem Noe altare Domino et tollens de cunctis pecoribus et volucribus mundis obtulit holocausta super altare Odoratusque est Dominus odorem suavitatis.

380 Pro bis qui variis necessitatibus detenti Pasche interesse non possunt. Flectamus genua. Levate.

380 Deprecamur te Pater aeterne omnipotens Deus pro his qui diversis necessitatibus detenti sollemnitati paschali interesse non meruerunt ut quia gaudio praesentium sunt exsortes mereantur Sanctorum meritis adesse participes. Ut sicut passio unigeniti Filii tui Domini nostri pro multorum salute occurrit ita et haec celebritas annuae festivitatis et praesentibus tribuat gloriam et absentibus conferat veniam.

380 Per misericordiam ... benedictus

380 Loquutus est Dominus ad Abraham dicens Abraham Abraham. At ille respondit Adsum Ait illi. Tolle filium tuum unigenitum quem diligis Isaac et vade in terram visionis atque offeres eum ibi in holocaustum super unum montium quem monstravero tibi. Igitur Abraham de nocte consurgens stravit asinum suum ducens secum duos iuvenes et Isaac filium suum. Cumque concidisset ligna in holocaustum abiit ad locum quem praeceperat ei Deus. Die autem tertio elevatis oculis vidit locum procul. Dixitque ad pueros suos. Exspectate hic cum asino ego et puer vadam illuc usque properantes. Postquam adoraverimus revertemur ad vos Tulit quoque ligna holocausti et imposuit super Isaac filium suum. Ipse vero portabat in manibus ignem et gladium. Cumque duo pergerent simul dixit Isaac patri suo Pater mi At ille respondit. Quid vis fili Ecce inquit ignis et ligna ubi est victima holocausti Dixit autem Abraham. Deus providebit sibi victimam holocausti fili mi. Pergebant ergo pariter veneruntque ad locum quem ostenderat ei Deus. In quo aedificavit altare et desuper ligna composuit. Cumque conligasset Isaac filium suum posuit eum in altare super struem lignorum. Extenditque manum et arripuit gladium ut immolaret filium suum. Et ecce angelus Domini de caelo clamavit dicens Abraham Abraham. Qui respondit Adsum. Dixitque ei. Non extendas manum tuam super puerum neque facias illi quicquam. Nunc cognovi quod timeas Deum et non pepercisti filio tuo unigenito propter me. Levavitque Abraham oculos viditque post tergum arietem inter vepres herentem cornibus suis. quem adsumens obtulit holocaustum pro filio. Appellavitque nomen loci illius Dominus videt. Unde usque hodie dicitur in monte Dominus videbit. Vocavit autem Dominus Abraham secundo de caelo dicens. Per memetipsum iuravi dicit Dominus quia fecisti rem hanc et non pepercisti filio tuo unigenito propter me benedicam tibi et multiplicabo semen tuum sicut stellas caeli et velut arenam quae est in littore maris. Possidebit semen tuum portas inimicorum suorum et benedicentur in semine tuo omnes gentes terrae quia obedisti voci meae. Reversus est Abraham ad pueros suos abierunque Bersabae simul et habitavit ibi.

381 Pro sacerdotibus ac ministris flectamus genua. Levate.

381 Sacerdotes tuos Domine indue iustitiam et ministri tui laetentur. Illos doctrinis et vitae exemplis munifica hos sanctitatis cultu officiique locupleta. Ut dum utrique a te augmenta virtutum perceperunt sine offensione tuis altaribus famulentur.

382 Per misericordiam ... benedictus

382 Loquutus est Dominus ad Moysen et Aaron in terra Aegypti dicens. Mensis iste vobis principium mensium primus erit in mensibus anni. Loquimini ad universum cetum filiorum Israel et dicetis eis. Decima die mensis huius tollat unusquisque agnum per familias et domos suas. Sin autem minor est numerus ut sufficere possit ad vescendum agnum adsumet vicinum suum qui iunctus est domui eius iuxta numerum animarum quae sufficere possunt ad esum agni. Erit autem agnus absque macula masculus anniculus. Iuxta quem ritum tolletis et hedum et servabitis eum usque ad quartamdecimam diem mensis huius. Immolabitque eum universa multitudo filiorum Israel ad vesperum. Et sument de sanguine ac ponent super utrumque postem et insuper liminaribus domorum in quibus comedent illum. Et edent nocte illa carnes assas igni et azymos panes cum lactucis agrestibus. Non comedetis ex eo crudum quid nec coctum aqua sed assum tantum igni. Caput cum pedibus eius et intestinis vorabitis nec remanebit ex eo quicquam usque mane. Siquid residui fuerit igni comburestis. Sic autem comedetis illum. Renes vestros accingetis et calciamenta habebetis in pedibus tenentes baculos in manibus et comedetis festinanter. Pascha enim Domini est.

382 Pro unitate fidei catholicae flectamus genua. Levate.

382 Ecclesia tua Christe quae late per totum orbem diffusa est omnes per tuam gratiam in unitatis gremio colligat et quamvis semetipsam in gentium varietate diffundat fidei tamen divisionem non sentiat. Dissolve haereses et schismata quae subvertere cupiunt fidem quae nituntur corrumpere veritatem. Ut sicut tu in caelis atque in terra unus atque idem dignosceris Dominus ita tibi in unitate fidei serviat cunctarum gentium populus.

383 Quinta progenie ascenderunt filii Israel de terra Aegypti. Dixitque Dominus ad Moysen. Quid clamas ad me Dic filiis Israel ut proficiscantur. Tu autem eleva virgam tuam et extende manum super mare et divide illud ut gradiantur filii Israel in medio maris per siccum. Ego autem indurabo cor Aegyptiorum et persequentur vos. Et glorificabor in Pharaone et in omni exercitu eius in curribus et in equitibus eius. Et scient Aegyptii quia ego sum Dominus cum glorificatus fuero in Pharaone et in curribus atque equitibus eius. Tollensque angelus Domini qui praecedebat castra Israel abiit post eos. Et cum eo pariter columna nubis priora dimittens post tergum. Stetitque inter castra Aegyptiorum et castra Israel. Et erat nubes tenebrosa et inluminans noctem ita ut ad se invicem toto noctis tempore accedere non valerent. Cumque extendisset Moyses manum super mare abstulit illud Dominus flante vento vehementi et urente tota nocte et evertit in siccum. Divisaque est aqua et ingressi sunt filii Israel per medium maris sicci. Erat enim aqua quasi murus ad dexteram eorum et levam. Persequentesque Aegyptii ingressi sunt post eos omnis equitatus Pharaonis currus eius et equites per medium maris. Itaque advenerat vigilia matutina et ecce respiciens Dominus super castra Aegyptiorum per columnam ignis et nubis interfecit exercitum eorum et subvertit rotas curruum ferebanturque in profundum. Dixerunt ergo Aegyptii Fugiamus Israelem Dominus enim pugnat pro eis contra nos. Et ait Dominus ad Moysen. Extende manum super mare et revertantur aque super Aegyptios super currus et equites eorum. Cumque extendisset Moyses manum contra mare reversum est primo diluculo ad priorem locum. Fugientibusque Aegyptiis occurrerunt aque et involuit eos Dominus in mediis fluctibus. Reverseque sunt aque et operuerunt currus et equites cuncti exercitus Pharaonis qui sequentes ingressi fuerant mare nec unus quidem superfuit ex eis. Filii autem Israel perrexerunt per medium maris sicci et aque eis erant quasi pro muro a dextris et a sinistris. Liberavitque Dominus in die illo Israel de manu Aegyptiorum et viderunt Aegyptios mortuos super littus maris. Et manum magnam quam exercuerat Dominus contra eos. Timuitque populus Dominum et crediderunt Domino et Moysi servo eius. Tunc cantavit Moyses canticum hoc Deo et dixit.

384 Cantemus Domino gloriose enim honorificatus est. Aequum et ascensorem proiecit in mare. Adiutor et protector mihi fuit Dominus in salutem. Hic Deus meus et honorificabo eum Deus patris mei et exaltabo eum.

384 Sumpsit Maria soror Aaron prophetissa timpanum in manu sua et exierunt cum ea universe mulieres cum timpanis et choris. Preibat autem eas Maria dicens.

384 Cantemus Domino gloriose enim honorificatus est

384 Flectamus genua. Levate.

384 Pro virginibus flectentes genua te Pater omnipotens postulamus ut hanc illustrem portionem gregis Christi tui in qua maxime gaudet catholica Ecclesia ampliori fecunditate enutrias ut quanto plus numerosior incorruptorum numerus exstat tanto gaudium Ecclesiae matris augeatur.

384 Verbum Domini quod vidit Isaias filius Amos propheta super Iudam et Ierusalem. Et erit in novissimis diebus preparatus mons domus Domini in vertice montium et elevabitur super colles. Et fluent ad eum omnes gentes et ibunt populi multi et dicent. Venite ascendamus ad montem Domini et ad domum Dei Iacob. Et docebit nos vias suas et ambulabimus in semitis eius. Quia de Sion exibit lex et verbum Domini de Ierusalem. Et iudicabit gentes et arguet populos multos. Et conflabunt gladios suos in vomeres et lanceas suas in falces. Non levabit gens contra gentem gladium nec exercebuntur ultra ad praelium. Et nune ingredimini in petris et abscondite vos in terra a facie timoris Domini et a gloria maiestatis eius. Cum surrexerit confringere terram et incurvabitur altitudo virorum et exaltabitur Dominus in die illa. Illa etiam die Domini proiiciet homo idola argenti sui et simulacra auri sui quae fecerat sibi ut adoraret vana et nociva. Dominus autem ad iudicium veniet cum senioribus populi sui et principibus eius. In die illa erit germen Domini in magnificentia et in gloria et fructus terrae sublimis et exultatio his qui salvati fuerint de Israel. Et erit omnis qui relictus fuerit in Sion et residuus in Ierusalem sanctus vocabitur omnis qui scriptus est in Ierusalem. Si abluerit Dominus sordem filiorum Sion et sanguinem Ierusalem laverit de medio eius spiritus iudicii et spiritus ardoris. Et creabit Dominus super omnem locum montis Sion et ubi invocatus est nubem per diem et fumum et splendorem ignis flammantis per noctem. Super omnem enim gloriam protectio et tabernaculum erit in umbraculum diei ab estu et in securitatem et abscontionem a turbine et pluvia. Tunc cantavit Isaias propheta canticum hoc Deo. Et dixit. (Is 2)

385 Cantabo nunc dilecto meo canticum dilecte vineae me. Vinea facta est dilecto in cornu et in loco uberi. Et maceria circumdedi et circumfodi et plantavi vineam Soreth et aedificavi turrim in medio eius. Et torcular fodi in ea et sustinui ut faceret uvas fecit autem spinas. Et nunc homo Iuda et qui habitatis Ierusalem iudicate inter me et vineam mea. Vinea enim Domini Sabbaoth domus est Israel et domus Iuda novellum dilectum. Sustinui ut faceret iudicium fecit autem iniquitatem et non iustitiam sed clamorem.

386 Pro his qui eleemosynas faciunt flectamus genua. Levate.

386 Deprecamur te Domine pro his qui misericordiae fructibus egentium subsidia conferunt ut mereantur ex hac terrena dispensatione caelestem percipere remunerationem ut quidquid in usibus indigentium conferunt proficiat illis ad fructum caelestium praemiorum.

386 Facta est super me manus Domini et eduxit me in spiritu Dominus. Et dimisit me in medio campi qui erat plenus ossibus et circumduxit me per ea in giro. Erant autem multa valde super faciem campi siccaque vehementer. Et dixit ad me. Fili hominis putasne vivent ossa ista Et dixi. Domine Deus tu nosti. Et dixit ad me. Vaticinare de ossibus his et dices eis. Ossa arida audite verbum Dei. haec dicit Dominus Deus ossibus his. Ecce ego intromittam in vobis spiritum et vivetis et dabo super vos nervos et subcrescere faciam super vos carnes et subextendam in vobis cutem et dabo vobis spiritum et vivetis et scietis quia ego sum Dominus. Et prophetavi sicut praeceperat mihi. Factus est autem somnus prophetante me et ecce commotio. Et accesserunt ossa ad ossa unumquodque ad iuncturam suam. Et vidi et ecce super ea nervi et carnes ascenderunt et extensa est in eis cutis desuper et spiritum non habebant. Et dixit ad me. Vaticinare ad spiritum vaticinare fili hominis et dices ad spiritum haec dicit Dominus Deus. A quatuor ventis venit spiritus et insufla super interfectos istos et revivescant. Et prophetavi sicut praeceperat mihi. Et ingressus in ea spiritus et vixerunt. Steteruntque super pedes suos exercitus grandes nimis valde et dixit ad me. Fili hominis ossa haec universa domus Israel est. Ipsi dicunt. Aruerunt ossa nostra et periit spes nostra et abscisi sumus. Propterea vaticinare et dices ad eos. haec dicit Dominus Deus. Ecce ego aperiam tumulos vestros et educam vos de sepulcris vestris populus meus et inducam vos in terram Israel et scietis quia ego sum Dominus. Cum aperuero sepulcra vestra et eduxero vos de tumulis vestris populus meus et dedero spiritum meum in vobis et dixeritis et requiescere vos faciam super humum vestrum.

387 Pro peregrinantibus et navigantibus flectamus genua. Levate.

387 Concede Pater omnipotens cunctos peregrinantes patriae fieri reduces et quoscumque turbulenti maris provehit fluctus ad tranquillitatis revoca portum. Mereantur in hac sollemnitate utrique et terrae exilium et maris evadere exitium ut commune huius laetitiae votum cunctis generale sit gaudium.

387 Visio quam vidit Habacuc propheta. Usque quo Domine clamo ut non exaudies vociferabor ad te vim patiens et non salvabis Quare ostendisti mihi iniquitatem et laborem videre predam et iniustitiam contra me Et factum est iudicium et contradictio potentior. Propter hoc lacerata est lex et non pervenit usque ad finem iudicium quia impius prevalet adversus iustum. Propterea egredietur iudicium preversum. Aspicite in gentibus et videte et admiramini et obstupescite quia opus factum est in diebus vestris quod nemo credet cum narrabitur. Quia ecce ego suscitabo Caldeos gentem amaram et velocem ambulantem super latitudinem terrae ut possideant tabernacula non sua. Quia lapis de pariete clamabit et lignum quod inter iuncturas edificiorum est respondebit. Vae qui edificat civitatem in sanguinibus et preparat urbem in iniquitate. Numquid non haec a Domino sunt exercituum laborabunt enim populi in multo igni et gentes in vacuum et deficient. Quia replebitur terra ut cognoscant gloriam Domini quasi aque operientis mare. Quid prodest sculptile quia sculpsit illud fractor suus et conflavit illud imaginem falsam Quia speravit in figmento fictor eius ut faceret simulacra muta. Vae qui dicit ligno expergiscere surge lapidi iacenti. Numquid ipse docere poterit Ecce iste coopertus est auro et argento et omnis spiritus non est in visceribus eius. Dominus autem in templo sancto suo sileat a facie eius omnis terra. Tunc cantavit Habacuc propheta canticum hoc Deo et dixit. (Hab 1)

388 Domine audivi auditum tuum et timui consideravi opera tua et expavi. In medio duorum animalium cognosceris dum appropinquaverint anni innotesceris. Deus a Libano veniet et sanctus a monte opaco et condenso. Operuit caelos virtus eius et laudis eius plena est terra.

388 Pro aegrotis flectamus genua. Levate.

388 Miserere Domine his quos corporalis aegritudinis valitudo involvit. Sana cunctos in nobis mentis corporisque languores atque omnibus solitam impertire medelam ut tibi cuncti in salute ministerium expleant fidei tibique referant laudes qui solus et peccata cordis emundas et languorem corporum sanas.

388 Factum est verbum Domini ad Ionam filium Amathi dicens. Surge vade contra Ninnivem civitatem grandem et predica in ea quia ascendit malitia eius coram me. Et surrexit Ionas ut fugeret in Tharsis a facie Domini. Et descendit Ioppem et invenit navem euntem in Tharsis et dedit naulum eius. Et descendit in ea ut iret cum eis in Tharsis a facie Domini. Dominus autem misit ventum magnum in mari et facta est tempestas magna in mari et navis periclitabatur. Conterriti sunt naute et clamaverunt viri ad Dominum suum et miserunt vasa quae erant in navi in mare ut alleviaretur ab eis. Et Ionas descendit ad interiora navis et dormiebat sopore gravi. Et accessit ad eum gubernator et dixit ei. Quid tu sopore dormieris Surge invoca Deum tuum si forte cogitet Deus de nobis et non pereamus. Et dixit vir ad collegam suum. Venite et mittamus sortes et sciamus quare malum hoc sit nobis. Et miserunt sortes et cecidit sors super Ionam. Et dixerunt ad eum. Indica nobis cuius causa malum istud sit nobis Quod est opus tuum quae terra tua quis vel ex quo populo es tu Et dixit ad eos. Hebreus ego sum et Dominum Deum caeli ego timeo qui fecit mare et aridam. Et timuerunt viri timore magno et dixerunt ad eum. Quid hoc fecisti Cognoverunt ergo viri quod a facie Domini fugerat quia indicaverat eis. Et dixerunt ad eum. Quid faciemus tibi et cessabit mare a nobis Quia mare ibat et intumescebat. Et dixit ad eos. Tollite me et mittite in mari et cessabit mare a vobis. Scio enim ego quoniam propter me tempestas haec grandis super vos est. Et remigabant viri ut reverterentur ad aridam et non valuerunt quia mare ibat et intumescebat super eos. Et clamaverunt viri ad Dominum et dixerunt quaesumus Domine ne pereamus in animam viri istius et ne des super nos sanguinem innocentem quia tu Domine sicut voluisti fecisti. Et tulerunt Ionam et miserunt in mari et stetit mare a fervore suo et timuerunt viri timore magno et immolaverunt hostias Domino et voverunt vota. Et praeparavit Dominus piscem grandem ut deglutiret Ionam. Et erat Ionas in ventre piscis tribus diebus et tribus noctibus. Et oravit Ionas ad Dominum Deum suum de ventre piscis et evomuit in aridam. Et factum est verbum Domini ad Ionam secundo dicens Surge et vade ad Ninnivem civitatem magnam et predica in ea praedicationem quam ego loquor ad te. Et surrexit Ionas et abiit in Ninnivem iuxta verbum Domini. Et Ninnive erat civitas magna itinere trium dierum. Et coepit Ionas introire civitatem itinere diei unius et clamavit et dixit. Adhuc quadraginta dies et Ninnive subvertetur. Et crediderunt viri Ninnivitae in Deum et praedicaverunt ieiunium. Et vestiti sunt saccis a maiore usque ad minorem. Et pervenit nuntius ad regem Ninnivae et surrexit de solio suo et abiecit vestimentum suum a se et indutus est sacco. Et sedit in cinere et clamavit dicens. In Ninnive ex ore regis et principum eius dicens. Homines et iumenta et boves et pecora non gustent quicquam nec pascantur et aquam non bibant. Et operiantur saccis homines et iumenta et clament ad Deum in fortitudine. Et convertatur vir a via sua mala et ab iniquitate quae est in manibus eorum. Quis scit si convertatur et ignoscat Deus et revertatur a furore ire suae et non peribimus Et vidit Deus opera eorum quia conversi sunt a via sua mala. Et misertus est Dominus super maliciam quam locutus fuerat ut faceret eis et non fecit. Et afflictus est Ionas afflictione magna et iratus est. Et oravit ad Dominum et dixit. Obsecro Domine numquid non hoc verbum est meum cum adhuc essem in terra mea Propter quod praeocupavi ut fugerem in Tharsis. Scio enim quia tu Deus clemens et misericors es patiens et multae miserationis ignoscens super malitiam. Et nunc Domine quaeso tolle animam meam a me quia melior est mihi mors quam vita. Et dixit Dominus. Putasne bene irasceris tu Et egressus est Ionas de civitate et sedit contra orientem civitatis. Et fecit sibimet umbraculum et sedebat subter illud in umbra donec videret quid acciderit civitati. Et preparavit Dominus Deus hederam et ascendit super caput Ione ut esset umbra super caput eius et protegeret eum laboraverat enim et laetatus est Ionas super hederam laeticia magna. Et praeparavit Dominus Deus vermem ascensu diluculi in crastinum et percussit hederam et exaruit. Et cum ortus fuisset Sol praecepit Dominus vento calido et urenti et percussit Sol super caput Ione et estuabat. Et petivit animae suae ut moreretur et dixit. Melius est mihi mori quam vivere. Et dixit Dominus ad Ionam. Putasne bene irasceris tu super hederam Et dixit. Bene irascor ego usque ad mortem. Et dixit ei Dominus. Tu doles super hederam in qua non laborasti neque fecisti ut cresceret quae sub una nocte nata est et una nocte periit. Et ego non parcam Ninnive civitati magne in qua sunt plusquam centum viginti millia hominum qui nesciunt quid sit inter dexteram et sinistram suam et iumenta multa Sed parcam et misereboreis quia magnum est nomen meum.

391 Pro paenitentibus flectamus genua. Levate.

391 Cunctorum paenitentium Pater suscipe fletus et quos hactenus diabolus variis vitiorum sordibus inquinavit respectu pietatis tuae purifica. Tribue cunctis praeterita peccata deflere et futura non admittere ab illis misericordia tua praeveniente mundentur ab istis tua custodiente gratia liberentur.

391 Per misericordiam tuam Deus noster qui vivis et omnia regis in saecula saeculorum.

391 Nabuchodonosor rex fecit statuam auream altitudine cubitorum sexaginta latitudine cubitorum sex. Et statuit eam in campo Duran provincie Babylonis. Itaque Nabuchodonosor rex misit ad congregandos Satrapes et magistratus et iudices duces et tirannos et perfectos omnesque principes regionum ut convenirent ad dedicationem statue quam erexerat Nabuchodonosor rex. Tunc congregati sunt Satrape magistratus et iudices et tiranni et optimates qui erant in potestatibus constituti et universi principes regionum ut convenirent ad dedicationem statue quam erexerat Nabuchodonosor rex. Stabant autem in conspectu statue quam posuaerat Nabuchodonosor rex et praeco clamabat valenter. Vobis dicitur populis tribus et linguis in hora qua audieritis sonitum tubae et fistulae et citharae sambucae et psalterii et symphoniae et universi generis musicorum cadentes adorate statuam auream quam constituit Nabuchodonosor rex. Si quis autem non prostratus adoraverit eadem hora mittetur in fornacem ignis ardentis. Post haec igitur statim ut audierunt omnes populi sonitum tubae fistulae et citharae sambucae et psalterii et symphoniae et omnis generis musicorum cadentes omnes populi et tribus et lingue adoraverunt statuam auream quam constituit Nabuchodonosor rex. Statimque in ipso tempore accedentes viri Chaldei accusaverunt Iudeos. Dixeruntque Nabuchodonosor regi rex in aeternum vive. Tu rex posuisti decretum ut omnis homo qui audierit sonitum tubae fistulae et citharae sambucae et psalterii et symphoniae et omnis generis musicorum prosternat se et adoret statuam auream. Siquis autem non procidens adoraverit mittatur in fornacem ignis ardentis. Sunt autem viri Iudei quos constituisti super opera regionis Babylonie Sidrac Misac et Abdenago. Viri isti contempserunt rex decretum tuum deos tuos non colunt et statuam auream quam erexisti non adorant. Tunc Nabuchodonosor rex in furore et in ira praecepit ut adducerent Sidrac Misac et Abdenago. Qui confestim adducti sunt in conspectum regis. Pronuntiansque Nabuchodonosor rex ait eis. Vere Sidrac Misac et Abdenago Deos meos non colitis Et statuam auream quam constitui non adoratis Nunc ergo si estis parati quacumque hora audieritis sonitum tubae fistulae et citharae sambucae et psalterii et symphoniae et omnis generis musicorum prosternite vos et adorate statuam auream quam feci. Quodsi non adoraveritis eadem hora mittemini in fornacem ignis ardentem. Et quis est Deus qui eripiat vos de manu mea Respondentes Sidrac Misac et Abdenago dixerunt regi. Nabuchodonosor rex non oportet nos de hac re respondere tibi. Ecce enim Deus noster quem colimus poterit eripere nos de camino ignis ardentis et de manibus tuis o rex liberare. Quod si noluerit notum sit tibi rex quia deos tuos non colimus et statuam auream quam erexisti non adoramus. Tunc Nabuchodonosor rex repletus est furore et aspectus faciei eius immutatus est super Sidrac Misac et Abdenago. Et praecepit ut succenderetur fornax septuplum quam succendi consuaeverat. Et viris fortissimis de exercitu suo iussit ut legatis pedibus Sidrac Misac et Abdenago mitterent eos in fornacem ignis ardentem. Et confestim viri illi vincti cum brachiis suis et tiaris et calciamentis et vestibus missi sunt in medium fornacis ignis ardentis nam iussio regis urgebat. Fornax autem succensa erat nimis. Porro viros illos qui miserant Sidrac Misac et Abdenago interfecit flamma ignis. Viri autem ii id est tres Sidrac Misac et Abdenago ceciderunt in medio camino ignis ardentis. Et non cessabant qui miserant eos succendere fornacem napta stuppa pice et malleolis. Et effundebatur flamma super fornacem cubitis quadraginta novem et erupit et incendit quos reperit iuxta fornacem de Caldeis. Angelus autem Domini descendit cum Azaria et sociis eius in fornacem. Et excussit flammam ignis de fornace et fecit medium fornacis quasi ventum roris flantem. Et non tetigit eos omnino ignis neque contristavit nec quicquam molestie intulit. Tunc ii tres quasi ex uno ore laudabant et glorificabant et benedicebant Dominum de fornace dicentes

393 Benedictus es Domine Deus patrum nostrorum et laudabilis et superexaltatus in saecula amen. Benedicite omnia opera Domini Dominum hymnum dicite et superexaltate eum in saecula amen. Benedicite Sacerdotes Domini Dominum hymnum dicite et superexaltate eum in saecula. Benedicite sancti et humiles corde Dominum hymnum dicite. Benedicite Anania Azaria et Misael Dominum.

393 Tunc Nabuchodonosor rex obstupuit et surrexit propere et ait optimatibus suis. Nonne tres viros misimus in medium ignis compeditos Qui respondentes dixerunt regi. Vere rex. Respondit et ait. Ecce ego video quatuor solutos et ambulantes in medio ignis et nihil corruptionis in eis est et species quarti similis filio Dei. Tunc accessit Nabuchodonosor rex ad ostium fornacis ignis ardentis et ait. Sidrac Misac et Abdenago servi Dei excelsi egredimini et venite. Statimque egressi sunt Sidrac Misac et Abdenago de medio ignis. Et congregati Satrape magistratus et iudices et potestates regis contemplabantur viros illos quoniam nihil potestatis habuisset ignis in corporibus eorum et capillus capitis eorum non esset adustus et sarabela eorum non fuissent imminuta et odor ignis non transisset per eos. Et erumpens Nabuchodonosor ait. Benedictus Deus eorum Sidrac videlicet Misac et Abdenago qui misit angelum suum et eruit servos suos qui crediderunt in eo et verbum regis immutaverunt. Et tradiderunt corpora sua ne servirent et ne adorarent Deum excepto Deo suo. A me ergo positum est hoc decretum ut omnis populus et tribus et lingue quaecumque locuta fuerit blasphemiam contra Deum Sidrac Misac et Abdenago dispereat et domus eius vastetur. Neque enim est Deus alius qui possit ita salvare. Tunc rex promovit Sidrac Misac et Abdenago in provincia Babylonis. Nabuchodonosor rex omnibus populis gentibus et linguis qui habitant in universa terra pax vobis multiplicetur. Signa et mirabilia fecit apud me Deus excelsus. Placuit ergo mihi predicare signa eius quia magna sunt et mirabilia eius quia fortia. Et regnum eius regnum sempiternum et potestas eius in generatione et generationem.

394 Pro pace populi et regum. Flectamus genua. Levate.

394 Pro regibus saeculi huius atque principibus tibi Pater flectentes genua obsecramus ut tribuas illis moderamen iustitiae amorem pacis virtutem pietatis studium bene regendae plebis ut in correctione et rectitudine eorum pax simul et requies fidelium proveniat populorum.

395 Sicut cervus sitiens desiderat ad fontes aquarum ita desiderat anima mea ad te Deus.

395 Sitivit anima mea ad Deum vivum quando veniam et apparebo ante faciem Dei.

395 Pater de caelis

395 Sancte Michael. Ora pro nobis. Sancte Gabriel. ora. Sancte Raphael. ora. Sancte Cherubin. ora. Sancte Seraphin. ora. Omnes sancti Angeli et Archangeli Dei. Orate pro nobis. Omnes sancti beatorum spirituum ordines. Orate pro nobis. Sancte Ioannes Baptista. ora. Omnes sancti Patriarche et Prophete. Orate pro nobis. Sancte Petre. ora. Sancte Paule. ora. Sancte Andrea. ora. Sancte Iacobe. ora. Sancte Ioannes. ora. Sancte Thoma. ora. Sancte Iacobe. ora. Sancte Philippe. ora. Sancte Bartholomee. ora. Sancte Mathee. ora. Sancte Simon. ora. Sancte Thadee. ora. Sancte Mathia. ora. Sancte Barnaba. ora. Sancte Luca. ora. Sancte Marce. ora. Omnes sancti Apostoli et Evangeliste. orate. Omnes sancti Discipuli Domini. orate. Omnes sancti Innocentes. orate. Sancte Stephane. ora. Sancte Line. ora. Sancte Laurenti. ora. Sancte. Sancte. Sancte Vincenti. ora. Sancte Clemens. ora. Eugeni. ora. Sancte Sebastiane. ora. Sancte Fabiane. ora. Sancte Christophore. ora. Genesi. ora. Sancte. Sancte. Sancte. Sancte. Sancte. Romane. ora. Sancte Blasi. ora. Zoyle. ora. Sancte Antonine. ora. Saturnine. ora. Sancte Georgi. ora. Iuste et Pastor. ora. Sancte Germane. ora. Fernande. ora. Omnes sancti Martyres. orate. Sancte Silvester. ora. Sancte Hilari. ora. Sancte Martine. ora. Sancte Augustine. ora. Sancte Ieronime. ora. Sancte Ambrosi. ora. Sancte Gregori. ora. Sancte Leander. ora. Sancte Isidore. ora. Sancte Illefonse. ora. Sancte Iuliane. ora. Sancte Nicolae. ora. Sancte Benedicte. ora. Sancte Egidi. ora. Sancte Francisce. ora. Sancte Dominice. ora. Sancte Antoni. ora. Sancta. Sancta. Sancta. Sancta. Sancte Bernarde. ora. Omnes sancti Confessores. orate. Sancta Maria Magdalena. ora. Sancta Anna. ora. Sancta Felicitas. ora. Sancta Perpetua. ora. Sancta Agnes. ora. Sancta Cecilia. ora. Cristina. ora. Iusta. ora. Sancta Rufina. ora. Leocadia. ora. Sancta Eulalia. ora. Sancta Marina. ora. Columba. ora. Sancte. Sancta. Sancta Barbara. ora. Sancta Lucia. ora. Sancta Agatha. ora. Sancta Eufemia. ora. Fides. Fides virgo et martyr Agennensis de qua Tamaius in Martyrologio Hispano et Baronius Fides. ora. Quiteria. ora. Omnes sancte virgines. orate. Omnes sancti et sancte Dei. orate.

397 Exorcizo te creatura aquae per Deum Patrem omnipotentem rerumque omnium conditorem qui te pro generatione humani generis et per officium nostrae humilitatis consecrare praecepit et per lesum Christum Dominum nostrum Dei et hominis filium qui super te pedibus ambulavit et se pro nostra salute in te a Ioanne baptizari ostendit et Spiritum Sanctum qui super eum in specie columbae in Iordanae apparuit ut excluso a te omni malo spiritus nequitiae his qui in te vel ex te perfusi a nobis et in nomine trinae Maiestatis baptizati fuerint percepta divina gratia in numero fidelium mereantur adscribi.

397 Per misericordiam tuam Deus noster

397 Humiliate vos benedictioni. Dominus sit semper vobiscum

397 Deus qui solus habes immortalitatem eamque ne solus possideres nobis quoque renovata per Iesum nativitate tribuisti cum humano generi post admissam transgressionem pristine originis dignitatem reformare in melius per baptismatis tinctionem voluisti. Adsiste quaesumus ad invocationem nominis tui. Amen. Sanctifica fontem hunc sanctificator generis humani. Amen. Fiat locus iste dignus in quem Spiritus sanctus influat. Sepeliatur hic ille Adam vetus resurgat novus. Amen. Moriatur hic omne quod carnis est resurgat omne quod est spiritus. Amen. Exuantur sordidissimis vitiis et discisis criminibus amictus ut splendoris et immortalitatis tuae indumenta sumantur. Amen. Quicumque in Christo baptizantur induant Christum. Amen. Quicumque hic renuntiant diabolo da eis triumphare de mundo. Amen. Quicumque in hoc loco confessus fuerit tu eum recognoscas in regno. Amen. Sic in hunc fontem extinguantur crimina ne resurgant. Amen. Sic invalescant aquae istius beneficia ut aeterni ignis extinguantur incendia. Amen. Mittant fontes altaribus tuis quos altaria regnis tuis emittant. Amen. Totus hic horror mortis intercidat. Amen. Quicumque hic se sibi negaverit te lucrifaciat. Amen. Quicumque hic tuus esse coeperit tuus esse non desinat. Amen. Ut per ministerium nostrum tibi consecratus aeternis ad te virtutibus aeternis premiis consecretur. Amen. Per misericordiam ipsius Dei nostri qui est benedictus et vivit et omnia regit in saecula saeculorum. Amen.

398 Te deprecamur Domine sancte Pater aeterne omnipotens Deus qui intonas super aquas ut exultent deserta Iordanis. Et vox tua praeparet cedros ut hanc aquam benedicas ad gratiam. Et perfusi famuli tui nova restituantur infantia ut remissis sordibus delictorum participes fiant vitae aeterne et regni caelorum. Amen.

398 Signo te sacratissime fons unctione sacri chrismatis in nomine Patris et Filii et Spiritus sancti regnantis Dei in saecula saeculorum.

398 Dominus sit semper vobiscum

398 Abiecti et humiles licet vitiorum labae sordentes te Pater Domine gloriae te Deum omnipotentem deprecamur pro tua miseratione adesto benignus. Tu libens adspirator ut has simplices aquas tua sanctificatione benedicas et ex tuis sedibus angelum tuum sanctum dirigas qui eas sanctificet ut qui in tuo et in Iesu Christo filio tuo et Spiritu Sancto in Trinitatis nomine in hac fluenta descenderint in quo sanctificato oleo chrisme mixto et aquae benedictione perpetuitatis confirmati a cunctis mundi vitiis repurgentur et in hoc lavacro sancto remissionem peccatorum suscipiant et salutem consequantur aeternam.

399 Per misericordiam tuam Deus noster

399 Et benedictio Dei Patris omnipotentis et Filii et Spiritus Sancti descendat super istum fontem.

399 Cantemus Domino gloriose enim honorificatus est est aequum et ascensorem proiecit in mare

399 Adiutor et protector factus est mihi in salutem

399 Hic Deus meus et honorificabo eum Deus Patris mei et exaltabo eum

399 Propitius esto esto. Parce nobis Domine. Ab omni malo. Libera nos Domine. Ab insidiis diaboli. Libera. A periculo mortis. Libera. Ab omni mala voluntate. Libera. A dannatione perpetua. Libera. A morte subitanea et aeterna. Libera. A fulgure et tempestate. Libera. Per Passionem et sanctam Crucem tuam. Libera. Per admirabilem Ascensionem tuam. Libera. Per gratiam Sancti Spiritus Paracliti. Libera. In die iudicii. Libera. Peccatores. Te rogamus audi nos. Ut pacem nobis dones. Te rogamus Ut Ecclesiam tuam regere et defensare digneris. Te rogamus. Ut fontem istum benedicere et consecrare digneris. Te rogamus. Fili Dei. Te rogamus. Fili Dei. Te rogamus. Fili Dei. Te rogamus. Agnus Dei qui tollis peccata mundi. Parce nobis Domine. Agnus Dei qui tollis peccata mundi. Exaudi nos Domine. Agnus Dei qui tollis peccata mundi. Miserere nobis.

399

400 Pro competentibus flectamus genua. Levate.

400 Concede Domine omnes qui nunc fidei meruerunt cognoscere veritatem salutaris lavacri percipere innovationem. Sicque eos a cunctis peccatorum sordibus baptismi unda purificet ut ultra eos pravi opens inquinamenta non maculent.

400 Per misericordiam tuam Deus noster

400 Silentium facite.

400 Quid ergo dicemus Permanebimus in peccato ut gratia abundet Absit. Qui enim mortui sumus peccato quomodo adhuc vivimus in illo An ignoratis quia quicumque baptizati sumus in Christo Iesu in morte ipsius baptizati sumus Consepulti enim sumus cum illo per baptismum in morte. Ut quomodo resurrexit Christus a mortuis per gloriam patris ita et nos in novitate vitae ambulemus. Si enim complantati salvi facti sumus similitudini mortis eius simul et resurrectionis erimus. Hoc scientes quia vetus homo noster simul crucifixus est ut destruatur corpus peccati ut ultra non serviamus peccato. Qui enim mortuus est iustificatus est a peccato. Si enim mortui sumus cum Christo credimus quia simul etiam vivemus cum illo. Scientes quod Christus resurgens ex mortuis iam non moritur mors illi ultra non dominabitur. Quod enim mortuum est peccato mortuum est semel. Quod autem vivit vivit Deo. Ita et vos extimate vos mortuos quidem esse peccato viventes autem Deo in Christo Iesu Domino nostro. (R 6)

401 Dicant qui redempti sunt a Domino in aeternum et in saeculum saeculi

401 Populus qui sedebat in tenebris vidit lucem magnam

401 Vespere autem sabbati quae lucescit in prima Sabbati venit Maria Magdalena et altera Maria videre sepulchrum. Et ecce terraemotus factus est magnus. Angelus enim descendit de caelo et accedens revolvit lapidem et sedebat super eum. Erat autem aspectus eius sicut fulgur et vestimenta eius sicut nix. Prae timore autem eius exterriti sunt custodes et facti sunt velut mortui. Respondensque angelus dixit mulieribus. Nolite timere vos. Scio enim quod Iesum qui crucifixus est quaeritis non est hic surrexit enim sicut dixit. Venite et videte locum ubi positus erat. Et cito euntes discipulis dicite quod surrexit et ecce praecedet vos in Galilaeam ibi eum videbitis. Ecce praedixi vobis. Et exierunt mulieres cito de monumento cum timore et gaudio magno currentes nuntiare discipulis suis. Et ecce Iesus occurrit illis dicens. Avete. Illi autem accesserunt et tenuerunt pedes eius et adoraverunt eum. Tunc ait illis Iesus. Nolite timere. Ite dicite fratribus meis ut eant in Galilaeam ibi me videbunt. quae cum abiissent ecce quidam de custodibus venerunt in civitatem et nuntiaverunt principibus sacerdotum omnia quae facta fuerant. Et congregati cum senioribus consilio accepto pecuniam copiosam dederunt militibus dicentes. Dicite quia discipuli eius nocte venerunt et furati sunt eum vobis dormientibus. Et si hoc auditum fuerit a preside nos suadebimus ei et securos vos faciemus. At illi accepta pecunia fecerunt sicut erant docti. Et divulgatum est verbum istud apud Iudaeos usque in hodiernum diem. Undecim autem discipuli abierunt in Galilaeam ubi constituerat illis Iesus. Et videntes eum adoraverunt. Quidam autem dubitaverunt. Et accedens Iesus locutus est eis dicens. Data est mihi omnis potestas in caelo et in terra. Euntes ergo docete omnes gentes baptizantes eos in nomine Patris et Filii et Spiritus Sancti docentes eos servare omnia quaecumque mandavi vobis. Et ecce ego vobiscum sum omnibus diebus usque ad consumationem saeculi.

402 Dominus sit semper vobiscum

402 Ego sum primus et ego novissimus et fui mortuus et ecce sum vivens in saecula saeculorum.

402 Alleluia. Angelus Domini descendit de caelo et accedens revolvit lapidem ab ostio monumenti alleluia alleluia.

402 Alleluia. Erat respectus eius sicut fulgur et vestimenta eius candida quasi nix et dixit mulieribus nolite timere.

402 Istam istam noctem qui tenebris fidebat aspiciat istius cernat splendoris decorem qui carceris minabatur horrorem. Mundum illuminat lux ista non diabolum. Libet Christe ergastulis tua virtute confractis spoliatis insultare custodibus et saevientis tyranni contemptam irridere iactantiam. Dulcior semper captivis est restituta libertas. Quis tuam exhausit iudaee vigilans sepulturam Soporem passus es an timorem Fraude deceptus es an virtute Non tuam inertiam miser accuses non fuisti negligens sed crudelis. Adhuc certe caecitatem tuam pertinax excusares si depositum tuum vel inferna servassent. Agnosce infelix agnosce quid feceris. Corpus illud morientis affectum habuit non defectum. Visceribus illis non infirmitas fuit clausa sed pietas. Quod pependit ex homine est quod resurrexit ex numine. Nihil dubites nihil mireris hospitium Domino suo terra esse potuit non sepulcrum. Mea tunc cum illis manibus delicta figebas tuam necem meamque salutem cum osculandis si liceret corporaliter plantis clavis transverberantibus consuebas. Tuum facinus caelum tremuit sol expavit tellus ingemuit et testantia factoris sui potentiam terribile quoddam montium praerupta sonuerunt. Inferi vim pleni Deo corporis non tulerunt. Clamabant elementa de vivo tartara de defuncto. Oportuit talia fieri miracula credituris talia dari signa salvandis ut opera suum correpta nossent artificem in qua se homo perditum nisi fuisset inventus nesciret.

403 Esurientes corpus tuum Domine ac sanguinem sitientes ut hoc nobis in remissionem peccatorum sumendum tribuas deprecamur quia nostra virtus et salus sit si tamen non quod indigni sumus irascaris. Sed facis vinci gaudio metum et cedere exsultationi terrorem. Nemo enim est in hoc numero concilioque fidelium qui non accedere ad mensam tuam in hac gloriosa per totum mundum nocte desideret. Ut si firmus est habeat custodiam si infirmus est medicinam. Sic igitur quaesumus apud te Domine placitum sit cunctis donare quod cupiunt ut digneris parcere quod praesumunt. Quis non optet illa carne animam suam tangere pascere confortare in quam se per gratiam credat esse transfusum quae corruptionem non vidit et vim mortis passione mortis absorbuit Quis non ambiat propter te sumere de tuo quod te videat propter nos assumpsisse de nostro Indita hac ex pietate fiducia ut quod in defunctis dignatus est vivificare mortuum in reis dignetur purificare correptum.

403 Christe redemptio nostra qui olim noctem istam tuae resurrectionis illuminasti potentia precamur ut in hac qua ipse vivus surrexisti a mortuis et expiationem criminum vivis et requiem iubeas praestare defunctis.

403 Deus qui neophytos tuos maiori animarum quam vestium nitore vestisti ut plus acciperent quam habere se noverint praesta ut sicut donum tuum eorum intellectum exsuperat ita in eis ultra aetatem fides cum intellegentia placitis tibi operibus coalescat. Nobis quoque per mortem Iesu Christi Filii tui pacis dona largire et veniam culparum attribue.

404 Dignum et iustum est sancte Pater omnipotens aeterne Deus pietatem tuam omni quidem tempore sed in hac nocte vel die profusius exsultantibus animis collaudare. Nox enim ista non tenebrarum sed luminis mater est in qua exortus est in aeternum dies resurrectionis nostrae Dominus Iesus Christus. Ille verus Agnus qui abstulit peccatum mundi. Qui non in figura venturi alio offerente mactatus est sed in corpore veritatis adveniens adimplevit figuras carnalium sacrificiorum approbavit et prophetias oraculorum caelestium seque vivam et veram hostiam novissimis saeculorum temporibus idem Sacerdos et sacer Agnus exhibuit elevatisque in cruce manibus et sacrificium vespertinum pependit in ligno et beneficium matutinum surgens praebuit e sepulcro. Unde venerandi sacra aemulatione mysterii in aeternam modo vitam filii lucis oriuntur quos matutino partu per gratiam spiritualem hac nocte progenerat mater Ecclesia sine corruptione concipiens et cum gaudio pariens exprimens in se utique formam virginis genetricis absque ullo humanae contagionis fecunda conceptu. In cuius matutinis resurgente Christo mors occidit delictorum et exorta est vita credentium. Propter quod ei caelestia atque terrestria cantant canticum novum cum omni exercitu Angelorum et cum Cherubim ac Seraphim sine cessatione sic dicunt.

404 Vere Sanctus et verus Iesus filius Dei qui ascendit patibulum crucis ut omnes vires suas mors in sua perderet morte. Descendit ad inferos ut hominem veteri errore deceptum et regno peccati servientem victor abstraheret serasque portarum potenti manu confringeret et secuturis suae resurrectionis gloriam demonstraret.

405 Habentes ante oculos omnipotens Pater sancte tante passionis triumphos supplices exoramus ut pascha hoc quod nobis Dominus noster Iesus Christus filius tuus hostiam vivam constituit atque complevit fiat nobis in protectionem salutis et vitae. Ut sanctificatus his solennitatibus populus altaribus tuis oblationis suae munera placitura consignet. Fiat nobis Eucharistia pura atque legitima in nomine Unigeniti tui. Ut cum nostris fuerit percepta pectoribus fidem nutriat mentem sanctificet atque confirmet.

405 Hic est panis verus Dei qui de caelo descendit et vitam tribuit mundo qui manducaverit ex eo permanet in aeternum et panis quem ego dabo caro mea est pro mundi vita. Qui credit in me non esuriet neque sitiet unquam ecce disponam vobis sicut disposuit mihi Pater regnum ut edatis et bibatis super mensam meam in regno alleluia.

405 Excellentissimam in hac nocte tuae resurrectionis celebrantes solemnitatem in qua ipse nobis dies novo de tumulo surgens vaeternosam antique noctis caliginem caelestem convertisti in claritatem te quibus possumus lacrimosis rugitibus imploramus ut qui nos redemisti praetio tui sanguinis instituta a te precepta acceptes nostrae orationis. Sit indulgentia criminum concedatur etiam et caelestis glorie summa virtutum. Memento Domine quod terra sumus et accipe contritionem nostri spiritus. Ut qui carnis infirmitate ad terram prosternimur ad caelos castigatione spiritali ieiuniis sublevemur. Et quia ex nostro est ut cadamus ex tuo sit ut surgamus quia te iubente dicimus.

405 Vicit Leo de tribu Iuda radix David alleluia.

405 Qui sedes super cherubin radix David alleluia.

406 Humiliate vos benedictioni. Dominus sit semper vobiscum

406 Christus Dominus qui ascendit patibulum crucis sua vos redemptione conservet. Detque vobis suae dulcedinis sapientia renovari qui se amaro permisit fellis poculo propinari. Ut cuius laudes Ecclesia cuncta celebravit ovando eius conservari mereatur magno crucis vexillo.

406 Per misericordiam ipsius Dei nostri qui est benedictus et vivit et omnia regit in saecula saeculorum

406 Gaudete populi et laetamini angelus sedit super lapidem Domini ipse vobis evangelizavit. Christus surrexit a mortuis Salvator mundi et explevit omnia suavitate gaudete populi et laetamini.

406 Erat autem aspectus eius sicut fulgur et vestimenta eius sicut nix et dixit

406 Et exierunt mulieres cito de monumento cum timore et gaudio magno currentes nunciare discipulis eius quia resurrexit

406 Refecti Christi corpore et sanguine te laudamus Domine alleluia. alleluia alleluia

406 Corpus Domini nostri Iesu Christi quod accepimus et sanctus sanguis eius quem potavimus adhereat visceribus nostris aeterne omnipotens Deus ut non veniat nobis ad iudicium nec ad condennationem sed proficiat ad salutem et ad remedium animarum nostrarum in vitam aeternam.

406 Dicant qui redempti sunt a Domino in aeternum quos redemit de manu inimici in aeternum et in saeculum saeculi

406 Populus qui sedebat in tenebris et umbra mortis vinctos in mendicitate et ferro

406 Quia contrivit portas ereas et vectes ferreos confregit

406 Dominus sit semper vobiscum

406 Ego sum primus et ego novissimus et fuit mortuus et ecce sum vivens in saecula saeculorum

407 Dignus es Domine Deus noster accipere librum et solvere signacula eius quoniam occisus es et redemisti nos Deo in sanguine tuo ex omni tribu et lingua

407 Dominus sit semper vobiscum

407 Angelus Domini descendit de caelo et accendens revolvit lapidem ab ostio monumenti alleluia alleluia

407 Erat aspectus eius sicut fulgur et vestimenta eius candida quasi nix et dixit mulieribus nolite timere

407 Excellentissimam in hac nocte tuae resurrectionis

407 Christus Dominus qui ascendit patibulum crucis sua vos redemptione

407 Locutus est angelus Domini mulieribus dicens scio quod crucifixum quaeritis surrexit sicut dixit venite et videte ubi positus erat Dominus

407 Cantate Domino canticum novum quia mirabilia fecit

407 Dominus noster Iesus Christus Filius tuus qui solus verbo virtutis cuncta moderans et omnia crucis stigmata portans vectes ferreos comminuit portarumque erearum claustra perfregit tartari profunda descendit sedentibus in umbra mortis ignote lucis claritate resplenduit et Sol iustitiae de tumulo corpore suscitato procedens radiis suis tenebras nostras mirabiliter illustravit.

407 Per misericordiam tuam Deus noster qui es benedictus et vivis et omnia regis in saecula saeculorum

407 Sollemnia completa sunt in nomine Domini nostri Iesu Christi votum nostri sit acceptum cum pace.

407 Domine Iesu Christe qui per Moysen famulum tuum et typicam praefigurationem ob tui ostensionem sanctum Pascha in agni assi atque imaculati immolatione renibus accinctis baculisque in manibus cum lactucis agrestibus populum tuum celebrare iussisti quique etiam per Samuelem vatem formidante populo tuo applicandum te in agnum lactentem piam ac sinceram tibi orationis hostiam offerri precepisti. Offerimus etiam et nos indigni famuli tui A. post sacra solemnia huius diei paschalis hanc creaturam agni quam nobis exactis ieiuniorum diebus preparandis paulisper corporibus indulgere iussisti. Precamur ut eum per nos famulos tuos ac ministros ore sancto tuo benedicas et dextera tua sanctifices amen. Sicque illum nobis percipere iubeas ut baculos spei habentes in manibus renibus accinctis turpibus rebus renovati in novitate vitae sic amaritudines saeculi praetereuntis omittamus ne retro respicientes a tramite iustitiae recedamus amen. Sicque vitam presentem tuis actibus finiamus ut te pretectorem ac defensorem nostrum semper in oculis habeamus amen. Ut ad terram beatam quam illis promisisti per figuram nobis reserasti per gratiam te duce cum operum bonorum fructu exultantes perveniamus.

408 In nomine Domini nostri Iesu Christi sanctificatus hic agnus permaneat.

408 Libera nos Filius Dei Salvator noster alleluia alleluia alleluia

408 Cantate Domino canticum novum quia mirabilia fecit.

408 Gloria in excelsis Deo

408 Sanctus Deus qui sedes super cherubin solus invisibilis sanctus fortis qui in excelsis glorificaris vocibus angelicis sanctus immortalis qui solus es immaculatus Salvator miserere nobis alleluia

408 Dignus es Domine Deus noster accipere gloriam et honorem et virtutem

408 Quoniam omnes gentes venient et adorabunt in conspectu tuo Domine et dicent

408 Benedictio et honor et gloria virtus et potestas tibi Deo nostro in saecula saeculorum

409 Benedictus es Domine

409 Tibi gloriam concinimus Domine Deus noster tuamque potentiam postulamus ut sicut pro nobis peccatoribus dignatus es mori et clarificatus secundo post tertium diem apparuisti in gloria resurrectionis ita per te absoluti in te mereamur habere perpetuum gaudium ita ut nobis praecessit verae resurrectionis exemplum.

409 Te excelsa laus in altissimis decet tibi e terris gloriam Ecclesia canit atque huius catervae concentus ad astra hymnum amittunt. Rogamus ergo te omnipotens Deus ut sicut tuas sollemniter porrigimus laudes ita precum nostrarum iubeas efficaciter suscipere voces.

409 Per misericordiam tuam Deus noster

409 Apocalypsis Iesu Christi quam dedit illi Deus palam facere servis suis quae oportet fieri cito. Et signavit mittens angelum suum servo suo Ioanni qui testimonium perhibuit verbo Dei et testimonium Iesu Christi quaecumque vidit. Beatus qui legit et qui audit verba prophetiae et servat ea quae in ea scripta sunt. Tempus enim prope est. Ioannes septem ecclesiis quae sunt in Asia. Gratia vobis et pax ab eo qui est et qui erat et qui venturus est et a septem spiritibus qui in conspectu throni eius sunt et ab Iesu Christo qui est testis fidelis primogenitus mortuorum et princeps regum terrae. Qui dilexit nos et lavit nos a peccatis nostris in sanguine suo. Et fecit nos regnum et sacerdotes Deo et Patri suo. Ipsi gloria in saecula. Ecce venit cum nubibus et videbit eum omnis oculus et qui eum pupugerunt. Et plangent se super eum omnes tribus terrae. Ego sum Alpha et O principium et finis dicit Dominus Deus. Qui est et qui erat et qui venturus est omnipotens. (Ap 1)

409 Dominus sit semper vobiscum

410 Haec est dies quam fecit Dominus exsultemus et laetemur in ea.

410 Dextera Domini fecit virtutem dextera Domini exaltavit me.

410 Aperite mihi portas iustitiae Deo gratias.

410 Silentium facite.

410 Stans Petrus in medio plebis locutus est eis dicens. Viri fratres liceat audenter dicere ad vos de patriarcha David quoniam defunctus est et sepultus et sepulchrum eius est apud nos usque in hodiernum diem. Propheta igitur cum esset et sciret quia iureiurando iurasset illi Deus de fructu lumbi eius sederet super sedem eius. Praevidens locutus est de resurrectione Christi quia neque derelictus est in infernum neque caro eius vidit corruptionem. Hunc Iesum resuscitavit Deus cuius nos omnes testes sumus. Dextera igitur Dei exaltatus est promissione Spiritus Sancti accepta a Patre effudit hoc donum quod vos videtis et auditis. Non enim David ascendit in caelum. Dixit autem ipse. Dixit Dominus Domino meo sede a dextris meis donec ponam inimicos tuos scabellum pedum tuorum. Certissime ergo sciat omnis domus Israel quia et Dominum meum et Christum fecit Deus hunc Iesum quem vos crucifixistis. His autem auditis compuncti sunt corde et dixerunt ad Petrum et ad reliquos apostolos. Quid faciemus viri fratres Petrus vero ad illos paenitentiam inquit agite et baptizetur unusquisque vestrum in nomine Iesu Christi in remissionem peccatorum vestrorum et accipietis donum Spiritus Sancti. Vobis enim est repromissio et filiis vestris et omnibus qui longe sunt quoscumque advocaverit Dominus Deus vester. (Act 2)

410 Una Sabbati Maria Magdalene venit mane cum adhuc tenebre essent ad monumentum et vidit lapidem sublatum ab ostio monumenti. Cucurrit ergo et venit ad Simonem Petrum et alium discipulum quem amabat Iesus et dixit eis. Tulerunt Dominum de monumento et nescimus ubi posuerunt eum. Exiit ergo Petrus et ille alius discipulus et venerunt ad monumentum. Currebant autem duo simul et ille alius discipulus praecucurrit citius Petro et venit prior ad monumentum. Et cum se inclinasset vidit posita linteamina non tamen introivit. Venit ergo Simon Petrus sequens eum et introivit in monumentum. Et vidit linteamina posita et sudarium quod fuerat super caput eius non cum linteaminibus positum sed separatim involutum in unum locum. Tunc ergo introivit et ille discipulus qui venerat prius ad monumentum et vidit et credidit. Nondum enim sciebat scripturam quia oportebat eum a mortuis resurgere. Abierunt ergo iterum ad semetipsos discipuli Maria autem stabat ad monumentum foris plorans. Dum ergo fleret inclinavit se et perspexit in monumentum et vidit duos angelos in albis sedentes unum ad caput et unum ad pedes ubi positum fuerat corpus Iesu. Dicunt ei illi. Mulier quid ploras Et dixit eis. Quia tulerunt Dominum meum et nescio ubi posuerunt eum. haec cum dixisset conversa est retrorsum et vidit Iesum stantem et nesciebat quia Iesus esset. Dicit ei Iesus. Mulier quid ploras quem quaeris Illa extimans quia hortulanus esset dicit ei Domine si tu sustulisti eum dicito mihi ubi posuisti eum et ego eum tollam. Dicit ei Iesus. Maria. Conversa illa dicit ei. Rabboni quod dicitur magister. Dicit ei Iesus. Noli me tangere nondum enim ascendi ad Patrem meum. Vade autem ad fratres meos et dic eis. Ascendo ad Patrem meum et ad Patrem vestrum et ad Deum meum et ad Deum vestrum. Venit Maria Magdalene annuntians discipulis suis quia vidi Dominum et haec dixit mihi. (J 20)

411 Dominus sit semper vobiscum

411 Redemptionem misit Dominus populo suo mandavit in aeternum testamentum suum sanctum et terribile nomen eius.

411 Ecce Agnus Dei qui tollit peccata mundi alleluia

411 Dicant qui redempti sunt a Domino quos redemit de manu inimici.

411 De regionibus congregavit eos a solis ortu et occasu ab aquilone et mari.

412 Laetetur caelum et exsultet terra rideat mare sol fulgeat serenitas rediit pestis fugiit tempestas desiit cessit obscuritas aerem crux purgavit tellurem sanguis abstersit lignum correxit. Affixus Deus hominem sic redemit sed quantum ad immutabilitatem maiestatis exspectat munere non labore. Quia cum perditionis nostrae miseratione consulens doluisset non ad hoc corporeae imaginem vilitatis assumpsit quasi contra degeneris adversarii tyrannidem suis non posset aliter subvenire. Sed praeit quod eisdem prophetarum vaticinia erant complenda miraculis. Eo magis ut liberandis esset indubitata cognitio quod in primi transgressoris offensa mors operata est non imbecillitate artificii sed iniquitate peccati quod male utenti pereundi causa non fuit fragilitas sed voluntas quod originem supplicii non opens habuit corruptela sed criminis quod condicionem poena non census statuit sed consensus quod labendi vitium contumatia fuit creati non negligentia creatoris. Te ipsum mihi interrogare liceat. Redimente Domino meo iam auctor extranee qua te primum diabolus parte corrupit Numquid in facientis manibus rimam corporis tui factura contraxerat Fueras certe stabilis membris si non fuisses instabilis in praeceptis. Animum tuum tentator obtinuit in quo tibi maior portio credita fuerat dignitatis. Iudicium tuum in quo fueras dimissus exegit. Vides non Domini sed tui fuisse arbitrii quod periisti. Dicam omnipotens Deus fassus veteris hominis pravitatem non tamen de praesentis statu libertatis ingratus. Non fuisset captivitatis obnoxius si libertatis dominus non fuisset. Et in hoc utique clemens arbiter et tuae potestatis eminentiam et praesumptionis nostrae licentiam confitentes petimus et rogamus ut ita praeceptionis tuae consentientes facias esse iudicio ut nobis ultra nec liceat peccare nec liceat.

413 Benedic anima mea Domino et tota fidelis Christo plebs gaudia religiosae gratulationis exsequere. Amisit vetustas opprobrium mors aculeum custodia reum catena damnatum. Non nobis in praeiudicio caro rebellis assurgat non in dominatum sanguis parricidalis iure criminis intumescat. Homo est qui perdidit Deus homo factus est qui redemit. Maiorem tibi exegit Domine pietatem nostra calamitas quam perdiderat protoplaustorum effusa libertas. Tunc servi dicebantur futuri nunc filii. Tunc oboedientibus immortalitas promittebatur nunc augetur et dignitas. Tunc portio habenda cum deliciis nunc communio futura cum Angelis. Tunc cum creatura vivendum nunc cum Creatore regnandum. Tunc evitandus diabolus nunc et subiciendus edicitur. Tunc erat admonitio de cautela praecepti nunc hortatio de pompa iudicii. Tunc proponebatur in lege metus nunc in voluntate suggestus. Tunc non licuit paradisum habere per culpam nunc caelum sperare datur per gratiam. Melius ergo multoque melius crevimus post ruinam. Propter quod humillimi sine cessatione rogamus ut donec nos tua curatione perficias nostris tuam vulneribus non subtrahas medicinam.

413 Auditis nominibus offerentium te pietatis Dominum deprecamur ut digneris nobis oratus assistere adesse quaesitus aperire pulsatus. Offerentium nomina caelestibus adscribas in paginis promissionem tuam manifestes in sanctis misericordiam ostendas in perditis. Et quia imbecilla est nostrae infirmitatis oratio ut quid orare oporteat nesciamus advocamus in suffragio precum nostrarum receptos in caelesti collegio patriarchas repletos divino Spiritu prophetas martyres confessionis floribus coronatos apostolos ad officium praedicationis electos. Per quos oramus te Dominum nostrum ut omnes metu territos inopia afflictos tribulatione vexatos morbis obrutos suppliciis deditos debitis obligatos indulgentia tuae remissionis absolvas. Spirituum quoque pausantium memor esse digneris ut illis criminum suorum indulgentia relaxata ad sinum patriarcharum liceat pervenire.

414 Domine Iesu Christe sanctorum claritas meritorum et vera beatificatarum felicitas animarum dona ut qui tuae resurrectionis diem laetando colimus et litando resurgere ipsi per gratiam tuam bene sancteque vivendo et paci tuae consentiendo ante nostrum obitum mereamur. Et sicut tibi pro tantae festivitatis officio amictus in nobis candidos exhibemus ita per indulgentiam tuam dealbati supra nivem atque mundati et geminae dilectionis dulcedine satiati universi criminis nigredine careamus.

414 Pacem meam do vobis pacem meam commendo vobis non sicut mundus dat pacem do vobis

414 Novum mandatum do vobis ut diligatis vos invicem.

414 Si manseritis in me et verba mea in vobis manserint quodcumque petieritis Patrem in nomine meo petite et fiet vobis.

414 Introibo ad altare Dei mei.

414 Aures ad Dominum

414 Habemus ad Dominum. Sursum corda. Levemus ad Domitum. Deo ac Domino Iesu Christo

414 Dignum et iustum est nos tibi gratias agere Domine Sancte Pater aeterne omnipotens Deus et Iesu Christo Filio tuo Domino nostro qui tecum simul et cum Spiritu Sancto hanc diem gemino luminis decore sanctificans et luci eam dedicavit pariter et saluti. In hanc non extantia creans in hanc creata redimendo salvificans. Hanc in conditione temporum primam hanc in reparatione hominis efficiens gloriosam. In ea lucem istam visibilem creans in ea hodierne resurrectionis gloriam manifestans. In hac quippe ipse solutis doloribus inferni devicto diabolo triumphavit cum mortem moriens vicit et sanguine suo terraena caelestibus reconciliavit. Unde merito illi omnes angeli omnesque sancti non cessant clamare cottidie ita dicentes. Te caeli caelorum. Te potestates. Te throni et virtutes laudant. Tibi cetus angelorum in excelsis concinunt hymnum. Tibi cherubin ac seraphin incessabili voce proclamant dicentes

415 Hagios Hagios Hagios Kyrie. O Theos. Sanctus Sanctus Sanctus Dominus Deus Sabaoth. Pleni sunt caeli et terrae gloria maiestatis tuae hosanna filio David. Benedictus qui venit in nomine Domini hosanna in excelsis. Hagios Hagios Hagios Te Domine laudat omnis virtus caelorum et exercitus angelorum. Tibi hymnum depromunt melliflua carmina sanctorum. Tibi psalant choreae virginum et cetus confessorum. Tibi genua curvant caelestia. Terraestria. Et inferna. Laudant te regem omnium saeculorum. Hosanna in excelsis.

415 Vere sanctus vere benedictus Dominus noster Iesus Christus filius tuus quem die tertia deflevimus mortuum et hodie gaudemus virtute propria ab inferis suscitatum. Qui per mortem suam diabolum non virtute sed iustitia vicit et per gloriam resurrectionis suae viam revertendi ad caelum peccatoribus patefecit.

415 Precamur nunc Domine sancte Pater aeterne omnipotens Deus ut quemadmodum Dominus noster Iesus Christus Filius tuus illa ineffabilium gratiarum actione semetipsum tibi pro nobis offerens mortem nostram susceptururs auditus est ita nunc et nos qui ipsum et vitam eius quaerimus exsequendo ministerialiter quae instituit audiamus. Ut hic tibi panis cum hoc calice oblatus in Filii tui Corpus et Sanguinem te benedicente ditescat ac largo oris tui perfusus Spiritu indulgentiam nobis omnium peccatorum largiatur et gratiam et collatae a se salutis dono donec in semetipso perficiat custodiam semper adhibeat indefessam.

416 Dominus sit semper vobiscum. Et cum spiritu tuo. Fidem quam corde credimus ore autem dicamus

416 Fidem quam corde credimus ore autem dicamus

416 Credimus in unum Deum

416 Christe Iesu bone qui ad Patrem de cruce clamasti tu nos in hac die qua ipse de tumulo surrexisti ad te clamantes exaudi. Quo resurrectionis tuae hylaritate gaudentium ora repleantur iubilo laudis et corda effectum percipiant exorationis. Cum nunc exoraverint ea quae precepisti clamantes atque ita dicentes e terris.

416 Vicit leo de tribu Iuda radix David alleluia

416 Qui sedes super cherubin radix David alleluia.

416 Humiliate vos benedictioni. Dominus sit semper vobiscum

416 Dominus Iesus Christus qui pro totius mundi salute moriens hodie resurrexit a mortuis ipse vos resurrectione sua mortificet a delictis. Quique per crucis patibulum mortis destruxit imperium beatae vitae vobis tribuat participium. Ut qui resurrectionis eius diem cum laetitia praesenti celebratis in saeculo Sanctorum mereamini in caelesti regione consortium.

416 Per misericordiam ipsius Dei nostri qui est benedictus et vivit et omnia regit in saecula saeculorum

416 Gaudete populi et laetamini

416 Refecti Christi corpore

416 Expletis Domine in hac sancta sollemnitate nostrae servitutis officiis gratias tibi laudesque deferimus dono tuae miserationis adiuti. Precantes te Deus ut a peccatis nos abluas et in tuis semper laudibus exsultare concedas.

416 Per misericordiam ipsius Dei nostri qui est benedictus et vivit et omnia regit in saecula saeculorum

417 Exultemus et laetemur hodie resurrexit rex aeternae gloriae nostra resurrectio benedicat omnis caro Domino.

417 Exsultandi et laetandi tempus est Pascha nostrum immolatus agnus est qui nostras mysterias expurgavit illi demus gratias.

417 Dicite in nationibus alleluia Dominus regnavit a ligno alleluia. Et correxit orbem terrae alleluia alleluia.

417 Cantate Domino canticum novum cantate Domino omnis terra.

417 Te excelsa laus

417 Angelo Ephesi ecclesiae scribe. haec dicit qui tenet septem stellas in dextera sua qui ambulat in medio candelabrorum aureorum. Scio opera tua et laborem et patientiam tuam et quia non potes sustinere malos et tentasti eos qui se dicunt apostolos esse et non sunt et invenisti eos mendaces et patientiam habes et sustinuisti propter nomen meum et non defecisti. Sed habeo adversus te pauca quia caritatem tuam primam reliquisti. Memor esto itaque unde excideris et age penitentiam et prima opera fac. Sin autem venio tibi et movebo candelabrum tuum de loco suo nisi penitentiam egeris. Sed hoc habes quia odis facta Nicolaitarum quae et ego odi. Qui habet aurem audiat quid spiritus dicat ecclesiis. Vincento dabo edere de ligno vitae quod est in paradiso Dei mei. (Ap 2)

417 Dominus sit semper vobiscum

417 Magnus Dominus noster et magna virtus eius et sapientiae eius non est numerus

417 Laudate Dominum quoniam bonus est psalmus Deo nostro iucunda sit laudatio

417 Exsurgens Petrus in medio fratrum Viri fratres oportet impleri scripturam quam praedixit Spiritus Sanctus per os David de Iuda qui fuit dux eorum qui comprehenderunt Iesum qui conumeratus erat in nobis et sortitus fuerat sortem ministerii huius. Hic itaque acquisivit agrum de mercede iniquitatis et suspensus crepuit medius et diffusa sunt omnia viscera eius. Et notum factum est omnibus habitantibus Ierusalem ita ut appellaretur ager ille Acheldemach hoc est ager sanguinis. Scriptum est enim in libro psalmorum. Fiat commoratio eius deserta et non sit qui habitet in ea et episcopatum eius accipiat alius. Oportet ergo ex his viris qui nobiscum congregati sunt in omni tempore quo intravit et exivit inter nos Dominus Iesus incipiens a baptismate Ioannis usque ad diem qua assumptus est a nobis testem resurrectionis eius nobiscum fieri ex istis. Et statuerunt duos viros. Ioseph qui dicitur Barsabas qui cognominatus est iustus et Mathiam. Et orantes dixerunt. Tu Domine qui corda omnium nosti ostende quem elegeris ex bis duobus unum accipere locum ministerii huius et apostolatus de quo praevaricatus est Iudas ut iret in locum suum. Et dederunt sortes eis et cecidit sors super Mathiam et annumeratus est cum undecim apostolis. (Act 1)

418 Dominus noster Iesus Christus postea quam resurrexit a mortuis apparuit primo Mariae Magdalene de qua eiecit septem daemonia. Illa vadens nuntiavit his qui cum eo fuerant lugentibus et flentibus. At illi audientes quia viveret et visus esset ab ea non crediderunt. Post haec autem duobus ex his ambulantibus ostensus est in alia effigie cuntibus in villam. Et illi euntes nuntiaverunt ceteris nec illis crediderunt. Novissime autem recumbentibus illis undecim apparuit et exprobravit incredulitatem eorum et duriciam cordis quia his qui viderant eum resurrexisse non crediderunt. Et dixit eis. Euntes in mundum universum predicate evangelium omni creature. Qui crediderit et baptizatus fuerit salvus erit. Qui vero non crediderit condennabitur. Signa autem eos qui crediderint haec sequentur. In nomine meo demonia eiicient linguis loquentur novis. Serpentes tollent. Et si mortiferum quid biberint non eis nocebit. Super egros manus imponent et bene habebunt. Et Dominus quidem Iesus postquam locutus est eis assumptus est in caelum et sedit a dextris Dei. Illi autem profecti predicaverunt ubique Domino cooperante et sermonem confirmante sequentibus signis. (Mc 16)

419 Dominus sit semper vobiscum

419 Haec est dies quem Dominus exultemis et epulemur in ea

419 In Pascha Domini erit vobis sollemnitas septem diebus quarum dies prima venerabilis erit

419 Tunc pontifex offeret oblationem pro peccato ut expietur pro vobis propter holocaustum sempiternum quod semper offertis

419 In aeternum dilectissimi fratres permanet benedictio Christi filii Dei quam idem secundus homo gentibus contulit ut transgressio primi hominis nihil noceret parvulis renascentibus periret iuvenibus evacuaretur in senibus. Secunda ergo dies ex quo resurrexit resurrectio mortuorum celebratur eodem iubente cum leticia populorum fidelium. Proinde non dominetur amplius iniquitas quibus gratiam superne vocationis indulsit secunda nativitas. Ipse etenim Iesus Christus Dominus noster secundum multitudinem miserationum suarum praestare solus credentibus potest ut secunda in nobis mors non habeat potestatem.

419 Pridie te Dominum ab inferis surrexisse plenissima fide cognitione facientes ovanti voto deposcimus ut qui olim in hac die fluida in caelis aquarum elementa distinguens in earum medio firmamentum fieri elegisti ita nos efficias firmamentum tuae Ecclesiae ut angelis tuis mereamur consimiles esse. Quo mortis ac resurrectionis tuae victoria roborati quae sursum sunt semper quaerentes ita vivamus ut te opitulante caeleste firmamentum effecti credentes tibi ad desideranda caelestia inflammemur.

419 Clarum nobis Domine post resurrectionem Filii tui maius solitu lumen aethereum iubar elatum et perpetue illius noctis horrore discusso temporalium licet diem cum aeterna iam luce radiantem testificata virtutum tuarum gloria celebramus. Tu ergo omnipotens Deus Pater Domini nostri Iesu Christi orantis populi tui in caelum vota surgentia placidus ac serenus acceptans munimina tribue spei dona concede. Offerentibus quoque tribue pacem et defunctis aeterne pausationis quietem.

420 Deus qui honorem pristinum reddidisti per crucis opprobrium quibus noluisti mortis inferre supplicium repromissa nobis benedictionum caelestium largire subsidia ne paschalis adimatur repente laetitia da regeneratis ex spiritu bonam vitam donec veniamus feliciter ad gloriam sempiternam. Sit in oculis tuis aceptabile quod offerimus sit salubre quod poscimus quo per sanguinem Crucis tuae in pace tua spe solidati vivamus.

420 Dignum et iustum est nos tibi omnipotens Pater et Unigenito Christo Filio tuo Domino nostro gratias agere qui eo usque descendit humilians semetipsum quousque suum latitantem reperit fugitivum non ut inventum perimeret sed ut a vinculis diabolicae dominationis ereptum proprio dominio misericorditer reformaret. In quo descendentis intelligentia dignationem voluntaria mortis non obnoxiae necessitatis ostendit quia non invitus attrahitur qui inferos itinere descendentis ingreditur. Cui enim sine exigentiis instantia descendere vacat redire subiacet dum delectat. Resurrexit ergo tertia die vivus a mortuis qui inventus est solus liber inter mortuos. Implens prophetae vaticinium tanto ante praedictum vivificabit nos post duos dies in die tertio suscitabit nos et vivemus in conspectu eius. Secundum quam praefigurationem et Iona ventre piscis tribus diebus detentus egreditur ut Trinitatis sibimet cooperantis mysterium quod solius Filii persona susciperet nosceretur. Resurrexit ergo vivus a mortuis quia non erat subditus leto qui erat vacuus a delicto nec poterat mors tenere captivum quem non invenerat transgressoris debitis obligatum. Surgit vivus a mortuis qui locum mortis iure redemptoris adiit non scelere peccatoris. Haerebat in omnipotentis adventum mortem suam timens mortis impietas et vitae Dominum occasus sui formidine confusa miratur. Metuit fortiorem quem intellegit innocentem timebat vindicem quem non probaverat debitorem. Quia scriptum erat ero mors tua o mors ero morsus tuus inferne. His igitur omnibus quemadmodum veracium vatum praeconia tonuerunt probabiliter adimpletis non solum caeli caelorum cum omni beatorum exercitu Angelorum verum etiam qualiumcumque peregrinantium fidelium studia famulorum cum Seraphim hymno debitae confessionis exsultant et dicunt

421 Vere sanctus et vere benedictus es Deus Pater omnipotens qui Dominum nostrum Iesum Christum Filium tuum in assumptione humanitatis mortem fecisti subire ut nostrorum solveret vincula peccatorum et triumphans de inferis liber remearet ad solium tuum.

421 Hoc agentes apud te Pater sancte redemptricem nostram Unigeniti tui mortem sicut ipse praecepit usque in adventum ipsius nuntiamus. Nos eum pro nobis annuntiamus mortuum esse tu commoriendi tribue dignitatem. Nos eum resurrexisse credimus tu praesta ut cotidianis nostris liberemur a lapsibus. Nos eum credimus et annuntiamus ad iudicium esse venturum tu praesta talem conversationem ut eius terribilem adventum propitium mereamur. Hanc quoque oblationem ut accepto habeas et benedicas supplices exoramus sicut accepto habuisti munera Abel pueri tui iusti et sacrificium patriarchae patris nostri Abrahae et quod tibi obtulit summus sacerdos tuus Melchisedech. Descendat hic quaeso invisibiliter benedictio tua sicut quondam in patrum hostiis visibiliter descendebat. Ascendat odor suavitatis in conspectu divinae maiestatis tuae ex hoc sublimi altario tuo per manus Angeli tui et deferatur in ista sollemnia Spiritus tuus Sanctus qui tam adstantis quam offerentis populi et oblata pariter et vota sanctificet. Ut quicumque ex hoc Corpore libaverimus sumamus nobis medelam animae ad sananda cordium vulnera ad expellendas de cogitationibus cordis nostri omnes imagines vanitatis ad eradicanda funditus odia vel vitia terrena ad plantandam perpetuam caritatem quae operit multitudinem peccatorum. Ut vere hic Sanguis sacer Filii tui Domini nostri ita peccata nostra diluat potatus sicut quondam nos redemit effusus.

422 Congregati universi fratres carissimi qui in peccatorum mole depressi et mundanis onerati cogitationibus suspiramus consideremus qualiter noster mediator ignominiosam deportans ad mortem sustulit manibus crucem nihil persequentibus aut interrogantibus inimicis respondens sed humilitate piissima dum pro nostris laboraret iniquitatibus tacens. Ob hoc ergo quia mitis et humilis corde est discamus in hoc quid oporteat fieri. Mortificemus cum vitiis membra nostra crucifigamus desideria carnalia resurgamus in anima sicut ille iustus surrexit in gloria. Quia tunc paschalis unanimiter potent honorari sollemnitas cum haec sacrificia eidem Deo summo vitae nostrae commendaverit probitas qui nos in terris positus sic docuit orare et dicere.

422 Vicit leo

422 Humiliate vos benedictioni. Dominus sit semper vobiscum

422 Exsurgat in vobis Dominus et omnes vestri dispereant inimici. Veteris hominis indumentum in expoliatione criminum deponatis et induamini novitatem spiritus in decore virtutum. Quique mortem sua morte devicit ipse vos de secundae mortis potestate defendat. Et qui resurgens vitam praebuit mundo ipse vos de praesenti et futuro liberet malo. Ut qui spem resurrectionis per Christi victoriam suscepistis aeternitatem beatitudinis eiusdem dono capiatis.

423 Per misericordiam ipsius Dei nostri qui est benedictus et vivit et omnia regit in saecula saeculorum

423 Gaudete populi et laetamini

423 Refecti Christi corpore

423 Expletis Domine

423 Dicite in nationibus

423 Tibi gloriam concinimus

423 Angelo Smyrnae ecclesiae scribae haec dicit primus et novissimus qui fuit mortuus et vivit. Scio tribulationem tuam et paupertatem sed dives es et blasphemaris ab his qui se dicunt Iudaeos esse et non sunt sed sunt synagoga Satanae. Nihil horum timeas quae passurus es. Ecce missus est diabolus ex vobis in carcerem ut tentemini et habebitis tribulationem diebus decem. Esto fidelis usque ad mortem et dabo tibi coronam vitae. Qui habet aurem audiat quid spiritus dicat ecclesiis. Qui vicerit non ledetur a morte secunda. (Ap 2)

423 Dominus sit semper vobiscum

423 Ego dormivi et quievi et resurrexi. Quoniam Dominus suscitavit me.

423 Non timebo millia populi circumdantis me.

423 Silentium facite.

423 Erant perseverantes in doctrina apostolorum et communicatione fractionis panis et orationibus in Ierusalem. Fiebat autem omni animae timor. Multa quoque prodigia et signa per apostolos fiebant in Ierusalem et metus erat magnus in universis. Omnes etiam qui credebant erant pariter et habebant omnia communia. Possessiones et substantias vendebant et dividebant illa omnibus prout cuique erat. Quotidie quoque perdurantes unanimiter in templo et frangentes per domos panem sumebant cibum cum exultatione et simplicitate cordis conlaudantes Deum et habentes gratiam ad omnem plebem Dominus autem augebat qui salvi fierent quotidie in idipsum. (Act 2)

424 Post resurrectionem Domini nostri Iesu Christi duo viri ibant in castellum quod erat in spacio stadiorum sexaginta ab Ierusalem nomine Emaus. Et ipsi loquebantur ad invicem de his omnibus quae acciderant. Et factum est dum ambularent et secum quaererent et ipse Iesus apropinquans ibat cum illis. Oculi autem illorum tenebantur ne eum agnoscerent. Et ait ad illos. Qui sunt hi sermones quos confertis ad invicem et estis tristes Et respondens unus cui nomen Cleophas dixit ei. Tu solus peregrinus es in Ierusalem et non cognovisti quae facta sunt in illa his diebus Quibus ille dixit. quae Et dixerunt. De Iesu Nazareno qui fuit vir propheta potens in sermone coram Deo et omni populo et quomodo tradiderunt eum summi sacerdotes et principes populi in dannatione mortis et crucifixerunt eum. Nos autem sperabamus quia ipse esset redempturus Israel. Et nunc super haec omnia tertia dies est hodie quod haec facta sunt. Sed et mulieres quaedam ex nostris terruerunt nos quae ante lucem fuerant ad monumentum. Et non invento corpore eius venerunt dicentes se etiam visionem angelorum vidisse qui dicunt eum vivere. Et abierunt quidam ex nostris ad monumentum et ita invenerunt sicut mulieres dixerunt ipsum vero non viderunt. Et ipse dixit ad eos. O stulti et tardi corde ad credendum in omnibus quae locuti sunt prophetae nonne haec oportuit pati Christum et ita intrare in gloriam suam Et incipiens a Moyse et prophetis interpretabatur illis in omnibus scripturis quae de ipso erant. Et appropinquaverunt castello quo ibant et ipse se finxit longius ire et coegerunt eum dicentes. Mane nobiscum Domine quoniam ad vesperum iam declinat dies et intravit cum illis. Et factum est dum recumberet cum illis accepit panem et benedixit ac fregit et porrigebat illis. Et aperti sunt oculi eorum et cognoverunt eum et ipse evanuit ex oculis eorum. Et dixerunt ad invicem. Nonne cor nostrum ardens erat in nobis dum loqueretur in via et aperiret nobis scripturas Et surgentes eadem hora regressi sunt in Ierusalem et invenerunt congregatos undecim et eos qui cum ipsis erant dicentes. Quod surrexit vere Dominus et apparuit Simoni. Et ipsi narrabant quae gesta erant in via et quomodo cognoverunt eum in fractione panis. (L 24)

425 Dominus sit semper vobiscum

425 Iubilate Domino omnis terra servitae Domino in laetitia

425 Sollemnem habebitis istum diem festum Domino et offeretis septem diebus fructum holocausti in odorem suavitatis Domino alleluia alleluia.

425 Occurramus omnes dilectissimi fratres qui carere mortis dominio delectamur ut triumphum Christi post mortem prosequamur. Ecce visitatis inferis redit rursus ad carnem quam resurgens efficit immortalem. Nihil ipsi passionis irrogatae violentia nocuit totum tamen nobis gloriosa virtus resurrectionis indulsit. Ille numquam deterior in humanitate suscepta nos misericorditer meliorem fecit divinitate collata. Gaudeamus igitur gaudiis christianis non sepeliamur voluptatibus vanis. Nihil habeat nostra festivitas indecorum. Debet populorum fidelium multitudo de sepulcris procedere vitiorum debet etiam dealbata per gratiam parere oculis renatorum debet imitationem suis infantibus praebere virtutum. Tunc est enim sine fermento malitiae paschalis oblatio si in azymis sinceritatis et veritatis epuletur religiosa devotio.

426 Deus qui dominicae resurrectionis temporali sollemnitate laetificas quos ad gaudia sempiternae festivitatis inflammas hodiernae quaesumus congregationis attende conventus et celeriter postulantibus tribue quidquid sanctus exoptat affectus. Dona singulis temperantiam repelle tristitiam fac regeneratos perenniter in fide consistere fac fideles in caritate proficere. Discant illi vehementer servare per gratiam quod dedisti discant isti diligere quod cotidiana dilectione servasti.

426 Iesu Dei Filius qui pro nobis voluntarie moriens saeva inferorum ergastula potentiali brachio penetrans confregisti tu fidelium defunctorum spiritus a locis poenalibus exime et aeternae eos amenitatis simul et muneris iucundidate sustolle. Et quia ex latere tuo te moriente novi profluxit laticis unda qua in his diebus paschalibus horum renatorum est progenies consecrata te poscimus et rogamus ut et in illis sacrae regenerationis puritatem conserves et in nobis confessionum emolumenta multiplices. Quo et illi collatum sibi baptismi donum teneant absque culpa et nos in eandem quam violavimus gratiam redintegremur saltem ex venia post ruinam.

426 Deus qui fideles semper adiuvas populos et regeneratos tibi consecras parvulos inchoatas in hoc populo perfice sanitates repellendo adversarias potestates ut virtute huius sacrificii dum superbus inimicus eliditur resurrectionis tuae celebritate adoptivus in pace populus amplietur.

426 Dignum et iustum est nos tibi gratias agere Domine sancte Pater aeterne omnipotens Deus per Iesum Christum Filium tuum Dominum nostrum. Qui in via discipulos ambulantes et a via fidei recedentes alloquens ipse factus est eisdem credentibus via. Dolentesque tamquam mortuum vivens veritas increpavit nec agnoscere permisit antequam crederent quibus Scripturas aperire dignatus est cum timerent suae gratiam visionis differendam iudicans ad officia caritatis ut quid hospitalitas mereretur ostenderet et exemplum benefaciendi hospitalibus daret. Ideo die tertio manifestus a ipse in Trinitate fuerat homo Deus ab Angelis adorandus. Ideo iam confracto pane praecognitus ipse fuerat inter sacra venerandaque altaris mysteria comedendus. Cui merito omnes angeli et archangeli non cessant clamare cotidie una voce dicentes.

427 Dignus es Domine Iesu Christe aeternis Angelorum et hominum collaudari praeconiis qui terrena cupiens caelestibus sociari humanum genus pretio tui sanguinis redemisti. Etenim pro nobis omnibus mortem crucis excipiens latus illud tui corporis sacri confossum lancea aperitur et continuo duo illa magnifica sacramenta sanguis scilicet et aqua fluxerunt. Sanguis ille plane qui in remissionem effusus est peccatorum et aqua quae salutare temperans poculum et lavacrum pariter praestat et potum. Hac et originalis primoplastorum noxa detergitur et reconciliationis gratia exhibetur. His proinde fluminibus ex latere tuo fluentibus quibus olim nos regeneratos ac salvatos meminimus pro noviter regeneratis infantibus postulamus ut te opitulante ita fidei nutrimento proficiant ut cum bonorum operum effectu nobiscum pariter ad te remuneraturi perveniant.

427 Paschalium gaudiorum deliciis delectati offerimus tibi Domine sancte Pater Corpus et Sanguinem Filii tui quod ipse placatus benedicendum assumens largiaris nobis quaesumus cum regeneratis infantibus conscientiae puritatem ita habere dum vivimus ut ex hoc post vitae huius excursum cum eisdem a te pariter coronemur. Quo omnes qui nunc tuae resurrectionis victorias ovando excolimus in resurrectionis ultimae die huius hostiae litatione salvemur.

428 Ad terribilem thronum altaris cursu concito Pater omnipotens properantes vestigia Agni viventis cum lacrimis osculantes unguentorum ac fletuum libamenta offerimus. Poscimus itaque piissime Deus ut paenitentiae fletibus omnium peccata laventur et indulgentiali unguento ossa ecclesiastici corporis solidentur. Quo possimus omnes cum renatis infantibus respirare et cum mortuis suscitatis Ierusalem caelestem medullata portantes sacrificia introire. Quo iubente oramus e terris.

428 Vicit leo de tribu Iuda

428 Christus Dominus ex cuius latere profluxit sanguis et aqua horum sacramentorum participatione et neophitos enutriat fide et vos a peccatis emaculet. Ad instar quoque renatorum infantium ita pretium redemptionis vestrae sumatis ut parem cum illis innocentiam retineatis. Quo rationabiles ac sine dolo effecti dies istos paschalis laetitiae mereamini celebrare illaesi.

428 Per misericordiam ipsius Dei nostri qui est benedictus et vivit et omnia regit in saecula saeculorum

428 Gaudete populi et laetamini

428 Refecti Christi corpore

428 Expletis Domine

429 Dicite in nationibus

429 Tibi gloriam concinimus

429 Angelo Pergami ecclesiae scribae haec dicit qui habet rompheam ex utraquae parte acutam. Scio ubi habitas ubi sedes est Satanae et tenes nomen meum et non negasti fidem meam. Et in diebus Antipas testis meus fidelis qui occisus est apud vos ubi Satanas habitat. Sed habeo adversus te pauca habes illic doctrinam Balaam qui docebat Balac mittere scandalum coram filiis Israel edere et fornicari. Ita habes et tu tenentes doctrinam Nicolaitarum. Similiter penitentiam age si quominus venio tibi cito et pugnabo cum illis in gladio oris mei. Qui habet aurem audiat quid Spiritus dicat ecclesiis. Vincenti dabo edere manna absconditum et dabo ei calculum candidum et in calculo nomen meum scriptum quod nemo scit nisi qui accipit. (Ap 2)

429 Dominus sit semper vobiscum

429 Deus noster in caelo et in terra omnia quaecumque voluit fecit

429 In exitu Israel de Aegypto domus Iacob de populo barbaro.

429 Silentium facite.

429 Petrus et Ioannes ascendebant in templum ad horam orationis nonam. Et claudus ex utero matris suae baiulabatur quem ponebant cottidie ad portam templi quae dicitur spetiosa ut peteret eleemosynam ab introeuntibus in templum. Is cum vidisset Petrum et Ioannem ingressuros in templum rogabat ut eleemosynam acciperet. Intuens autem in eum Petrus cum Ioanne dixit. Aspice in nos. At ille intendebat in eos sperans se aliquid accepturum ab eis. Petrus autem dixit. Argentum et aurum non est mihi quod autem habeo hoc tibi do. In nomine Iesu Christi Nazareni surge et ambula. Et apprehensa manu eius dextera allevavit eum. Et protinus consolidate sunt bases eius et plante. Et exiliens stetit et ambulabat et introivit cum illis in templum ambulans et saliens et laudans Deum. Et vidit eum omnis populus ambulantem et laudantem Deum. (Act 3)

430 Dominus noster Iesus Christus postea quam resurrexit a mortuis stetit in medio discipulorum suorum et dixit eis. Pax vobiscum amen. Ego sum nolite timere. Conturbati vero et conterriti extimabant se visum videre et dixit eis. Quid turbati estis et cogitationes ascendunt in corda vestra Videte manus meas et pedes. Palpate et videte quia spiritus carnem et ossa non habet sicut me videtis habere. Et cum hoc dixisset ostendit eis manus et pedes. Adhuc autem illis non credentibus et mirantibus prae gaudio dixit. Habetis hic aliquid quod manducetur At illi obtulerunt ei partem piscis assi et favum mellis. Et cum manducasset coram eis sumens reliquias dedit eis et dixit ad eos. Haec sunt verba quae locutus sum ad vos cum adhuc essem vobiscum. Quoniam necesse est impleri omnia quae scripta sunt in lege Moysi et prophetis et psalmis de me. Tunc aperuit illis sensum ut intelligerent scripturas et dixit eis. Quoniam sic scriptum est et sic oportebat Christum pati et resurgere a mortuis die tertia. (L 24)

430 Dominus sit semper vobiscum

430 Quis Deus magnus sicut Deus noster tu es Deus qui facis mirabilia

430 Erit hic vobis dies memorialis alleluia et diem festum celebrabitis solennem Domino in progenies vestras legitimum sempiternum diem alleluia alleluia.

430 Dominum nostrum Iesum Christum perditorum quaesitorem inventorum reducem mortuorum vivificatorem qui pro redemptione captivorum solus ipse solam incorruptam carnem animamque mortalium suscepit portavit posuit et resumpsit quique naturae gloriae iustitiae potentiae suae iure Deus in hoc corpore pro nobis vixit pertulit obiit resurrexit toto animarum affectu verborum famulatu studiorum impendio fratres carissimi deprecemur. Ut ad contuenda mirabilia de lege sua visum nostrae mentis enubilet aciem cordis expurget et in eo quo nos vivere praecepit spiritu revelet. Faciatque se intellegentiae nostrae in sua invisibilitate visibilem dans pium in fidei veritate congressum in rationis informatione colloquium. Gratia nobis opitulante laetificet. Verba nostra ad se directa suscipiat non interrogantes nos audiat sed rogantes. Largitate nobis muneris pro sermonis vice respondeat qui non dedignatus tangi dignetur illabi velit infundi qui non valet comprehendi. Sicque per totam Ecclesiam credentibus creditus credituris credendus appareat ut nullis per caecitatem erroris aut ignorantibus lateat aut dubitantibus evanescat. Nec videndi stultitiam nec credendi moram commotus accuset sed ita sanctarum Scripturarum secreta mysteria indita nobis sapientiae facultate imprimens profectum doctor aperiat et in virtute caelestis panis benedicti Corporis sui fragmenta distribuat ut in vivificatione animarum divini verbi et cibi alimonia concurrente nec instructionis nobis desit copia nec salutis.

431 Credimus Domine Iesu Christe Unigenite a Patre divinitati tuae credimus corporeae assumptioni credimus passioni applaudemus redeunti ab inferis prostrata morte invictissimae maiestati rogantes te per ipsius diei magna et mirabilia sacramenta ut sicut nos resurrectio tua non habet dubios ita nos nostra per misericordiam tuam habeat absolutos et eo modo exsultemus te fuisse regressum quomodo non ambigimus rediturum. Sicque nos sine poena iubeas manere dum venis ut ad veniam facias pervenire cum veneris.

432 Domine Iesu Christe qui es testis fidelis primogenitus mortuorum tu requiem dona spiritibus fidelium defunctorum quo verus Pontifex per hoc sacrificium populi delicta omittens sicut olim te moriente mortua corpora surrexerunt ita nunc in hac resurrectionis tuae festivitate sepulti in aeternam requiem transferatur.

432 Unigenite Filius Dei qui pro nobis voluntarie sanguinem effudisti quo terrestria cum caelestibus pacificasti facito nos ita redemptionis nostrae ac resurrectionis tuae venerare mysterium ut in pace quae tu es perenniter vivere mereamur.

432 Dignum et iustum est valde tibi debitum valde nobis congruum omnipotens Pater te cum Filio tuo nostroque Domino Iesu Christo aequali religionis fide pietatis substantia potestatis virtute laudare. Ut ibi sit par officiositas ubi est probata par dignitas. In quo per assumptionem corpoream virtutis caritas confirmanda est non paupertas quia non se honore subiciens sed amore affectum voluit probare non meritum mundoque tibi pereunte non quo augeretur quaesiit sed quo obsequeretur invenit. Terrena suscipiens sed caelestia non deponens. Ingressurus uterum non egressurus a solio. Certus se in inferioribus non posse decrescere qui in superibus non poterat invenire quo cresceret. Mitti contentus qui venire dignatus est. Et per hanc aequalitatem non duo potentes sed una potentia sed quia solius deitatis est inaequalem Filium non habere. Per eundem te homo tuus audivit sensit credidit probavit agnovit. In hoc mediator suscepit iniuriam in quo habuit officinam. Pro hoc Deus dignatus est carne vestiri quam non dedignatus est fabricare. Sic per dignationem Domini qui fuit dignus artificio fit idoneus vestimento. Neque enim dissimilem potuit habere redemptorem qui talem meruit habere factorem in quo transeuntibus veteribus nova sunt omnia quibus dies fuit insidiosa facta est ecce nox libera. Nec timet commutationem temporum qui dominatione caruit tenebrarum. Unde evidentissime liquet communem in Christo esse Dei hominisque substantiam quae corrupta restaurat cuius humanum genus crux salvat sanguis innovat caro vivificat. Summa etenim est praerogativa virtutis sanctificasse poenas gloria sustinentis. Cui merito omnes angeli et archangeli non cessant clamare cotidie una voce dicentes.

433 Haec te vox Domine mixta luce comitatur quae cum in supernis dominicae perennitatem laudis exerceat celebrationem tanti nominis invexit in terris ut huiusmodi praeconia si homines tacerent saxa clamarent. Viderunt te inferi Deus viderunt te et tremuerunt a voce tonitrui dicentes absorta est mors in victoria tua ubi est mors aculeus tuus Propter quod attonita paululum stetere supplicia miserorum nec habebant tormenta cruciatum sic vicisse cernentia crucifixum. Et iudicem suum ipsa etiam poena contremuit quia natura terribilium tenebrarum praesentia tui fulgoris hebetata iam tunc timuit iudicari. Exsultaverunt sancti in gloria laetantes in cubilibus suis quod auctorem promissae sibi lucis agnoscerent. Quorum tu Domine stipatus agminibus et tibi tantum noti splendoris candore perfusus sacrificia per te instituta sanctifica non invocantis merito sed instituentis magisterio vel exemplo. Ut cunctis rite perfunctis Salvatore nostro ab inferis iam regresso et mors se lugeat victam et vita tripudiet restitutam.

433 Resurgente Christo resolutis inferni doloribus etiam nos Deus Pater omnipotens solutis peccatorum delectationibus resurgere concede propitius ut mortificationis nostrae sacrificium tibi principaliter offeramus. Reconciliet te quaesumus Domine pro peccatoribus sanguis iusti et humilitas Domini nostri. Haec est hostia quae pependit in ligno haec est caro quae resurrexit de sepulcro. Quod pro nobis obtulit sacerdos noster in veritate hoc conferimus in panis et vini suavitate. Cognosce precamur omnipotens Deus victimam qua intercedente placatus es et suscipe in adoptionem quibus Pater per gratiam factus es. Sit quoque Domine sanctificatio et benedictio tua defensio et mundatio nostra ut et peccatorum nobis veniam tribuas et praeceptis tuis semper oboedientes efficias.

434 Respice Domine tuorum fidelium multitudinem quam per adoptionis gratiam Filio tuo facere dignatus es coheredem. Erue cunctos de faucibus vorantis gehennae pro quibus idem Redemptor clementissimus tribus diebus latuit in inferioribus terrae. Tolle a nobis mortis durae perniciem et beatae resurrectionis quam in fine speramus redde mercedem. Quia te iubente oramus e terris.

434 Vicit leo

434 Humiliate vos benedictioni. Dominus sit semper vobiscum

434 Dominus Iesus Christus qui pro nostris delictis et crucem pertulit et sepulcrum incorrupte vos faciat observare redemptionis vestrae mysterium. Et qui pro vobis moriens resurrexit die tertio de sepulcro sanguine suo vos purificet a delicto. Ut sicut ei consepulti estis baptismate ita eo vobis omnia delicta donante partem mereamini in prima resurrectione habere.

434 Per misericordiam ipsius Dei nostri qui est benedictus et vivit et omnia regit in saecula saeculorum

434 Gaudete populi et laetamini

435 Refecti Christi corpore

435 Expletis Domine

435 Dicite in nationibus

435 Te excelsa laus

435 Angelo Tiathirae ecclesiae scribae. Haec dicit filius Dei qui habet oculos ut flammam ignis et pedes eius similes auricalco. Novi opera tua et caritatem et fidem et ministerium et patientiam tuam et opera tua novissima plura prioribus. Sed habeo adversum te quia permittis mulierem Gezabel quae se dicit prophetam docere et seducere servos meos fornicari et manducare de idolotitis. Et dedi illi tempus ut penitentiam ageret et non vult paenitere a fornicatione sua. Ecce mitto eam in lectum et qui mechantur cum ea in tribulationem maximam nisi paenitentiam egerint ab operibus eius et filios eius interficiam in morte. Et scient omnes ecclesiae quia ego sum scrutans corda et renes et dabo unicuique vestrum secundum opera vestra. Vobis autem dico et ceteris qui Tiathire estis quicunque non cognoverit altitudinem Satanae quemadmodum dicunt non mittam super vos aliud pondus. Tandem in quod habetis tenete donec veniam. Et qui vicerit et qui custodierit usque in finem opera mea dabo illi potestatem super gentes et reget illas in virga ferrea. Tanquam vas figuli confringentur sicut et ego accepi a Patre meo dabo illi stellam matutinam. Qui habet aurem audiat quid spiritus dicat ecclesiis. (Ap 2)

435 Dominus sit semper vobiscum

435 Dominus virtutem populo suo dabit Dominus benedicet plebem suam in pace

435 Vox Domini super aquas Deus maiestatis intonuit Dominus super aquas multas

435 Silentium facite.

436 Petrus ait ad plebem viri Israelite quid miramini in hoc aut nos quid intuemini quasi nostra virtute aut potestate fecerimus hunc ambulare Deus Abraham et Deus Isaac et Deus Iacob Deus patrum nostrorum qui glorificavit filium suum Iesum quem vos quidem tradidistis et negastis ante faciem Pilati iudicante illo dimitti vos autem sanctum et iustum negastis et magis petistis virum homicidam vobis donari auctorem vero vitae interfecistis quem Deus suscitavit a mortuis cuius nos testes sumus et in fidem nominis eius hunc quem videtis et nostis confirmavit nomen eius et fides qui per eum est dedit integram sanitatem istam in conspectu omnium vestrorum. Et nunc fratres scio quia per ignorantiam fecistis hoc malum sicut et principes vestri. Deus autem qui praenuntiavit per os omnium prophetarum pati Christum suum implevit sic. Paenitemini igitur et convertimini ut deleantur vestra peccata. (Act 3)

436 Dominus noster Iesus Christus postea quam resurrexit a mortuis dixit discipulis suis. Oportebat Christum pati et resurgere a mortuis die tertia et praedicari in nomine eius paenitentiam et remissionem peccatorum in omnes gentes incipientes ab Hierosolima. Vos autem estis testes eorum et ego mittam promissum Patris mei in vobis. Vos autem sedete in civitate quoadusque induamini virtutem ex alto. Eduxit eos autem foras in Bethaniam. Et elevatis manibus suis benedixit eis. Et factum est dum benediceret illis recessit ab eis et ferebatur in caelum. Et ipsi adorantes reversi sunt in Ierusalem cum gaudio magno et erant semper in templo laudantes et benedicentes Deum. (L 24)

436 Dominus sit semper vobiscum

436 Qui emittit fontes in convallibus per medium montium pertransibunt aquae

437 Alleluia quasi carmen musicum Quam suave est et dulce sono canitur alleluia alleluia

437 Aquae eius de sanctuario egredientur et erunt fructus et folia eius ad medicinam omnibus

437 Habeant dilectissimi fratres vota cautelam festa diligentiam gaudia disciplinam. Exsultare decet quod resurreximus sed timere convenit ne cadamus. Inter novam vitam veteremque mortem oportet scire quid evasimus oportet eligere quid amemus. Non enim error sed contemptus est peccare commonitum. Maior post veniam poena sequitur contumaces gravius est captivos fieri iam redemptos. Habet ista pietas potestatem habet potestas ista terrorem habet terror iste vindictam. Non enim fuisset pius in hominem nisi prius iratus fuisset in daemonem. Confortamur gratia doni si non corrumpamur lege peccati. Ratio parcendi est praevisio corrigendi. Non mutatur indulgentia si non renovetur offensa. Qui nobis quod peccavimus indulsit ne ultra peccaremus admonuit. Profuit clementia si proficit disciplina sed necdum daemonem gehenna suscepit. Violentiam peccatum perdidit non naturam dimicandi est facultas non securitas otiandi. Expoliatus adversarius non extinctus gravius necesse est ut frendeat in amissis quibus praeerat dominando subiectis. Accepimus castra per fidem arma per crucem signa per carnem vexilla per sanguinem. Restat causa certaminis. Qui enim necessitatem auferre noluit pugnae spem voluit probare victoriae. Praecessit quidem in adoptione donum sed adhuc restat in conversatione iudicium. Hic promissio est de munere illic vicissitudo futura est post laborem. Sit itaque ille ante oculos nostros domini miserantis affectus quod in taxatione nostra non argenti pondus non auri talentum dedit non gratiarum fudit ornatum sed se convitio subdidit se patibulo se sepulcro sustinens carneam iniuriam sepulturae. Nihil maius potuit dare nihil melius ut utique sit probandum quod diligentius non sibi servire voluit qui pretiosius nos redemit. Ergo ut in nobis redemptionis suae beneficia dignetur perficere instanter nos convenit ac perseveranter orare.

438 Omnes qui redemptionis nostrae causam colimus perditionis operam respuamus. Quique diem veneramur munerum noctem criminum non sequamur. Qui putavimus traduci imputandum esse quod vivimus. Ad aeternam nobis vitam quasi quidam pelagus data est temporalis navigatio ut inter bonorum et iniquitatis excursum aut peccatum pereat aut peccator ut aut excurrat fides circumspecta navigium aut incurrat securitas incauta naufragium. Satis est quod per tot saeculorum spatia genitalium funes traximus peccatorum quod in gulae scopulos per iudiciariae arboris stateram vento praecipitante mendacii libertatis statum inutilis gubernator illisit. Lignum nos decepit in diabolo lignum reparavit in Christo. Abyssi unda nos mersit baptismi unda nos redemit. Pio igitur Domini subiciamur imperio humilia mite iugum colla suscipiant norunt quippe reficere onera ista portantes quibus data est ex liberalitate absolutio reddatur ex humilitate condicio. Inclina ergo precamur Christe Iesu tibi animas nostras ut tuum potius quam nostrum sequamur arbitrium. Quia melius est libertatem per diligentiam quaerere quam per confidentiam non habere.

438 Aeterne Dei Filius qui pro nobis mortem excipiens crucis vivus tertia die resurrexisti a mortuis placatus suscipe haec apposita tibi paschalium sacrificiorum libamina. Haec tibi et offerentium devotionem et sepultorum spiritus obnoxie commendent quo per resurrectionis tuae victoriam et in viventibus mors vitiorum intereat et in defunctis poenalis combustio evanescat.

439 Deus Pater omnipotens qui tanta caritate mundum dilexisti ut pro eo Unigenitum tuum volueris crucifigi pretioso nos Filii tui sanguine redemptos ita opulentos caritatis fructibus effice ut per hoc et in resurrectione prima habeamus partem et potestatem non timeamus mortis secundae.

439 Dignum et iustum est vere salutare nobis atque conveniens gratias agere laudes impendere intellegere munera vota deferre tibi omnipotens Pater et Iesu Christo Filio tuo Domino nostro. Qui pietati tuae per adoptivi hominis passionem quasi quasdam in praesenti populi acquisitione manubias cum non exierit e caelo exhibuerit e triumpho et cum non habuerit divinitas immutabilis pugnam habuerit fragilitas assumpta victoriam. Magis irridens diabolum carnem carne vincendo ut ipse Zabulus et in eodem homine se probaret postquam offenderat esse degenerem in quo putabat postquam deceperat fortiorem. Ne vel id sibi licuisse crederet improbus appetitor si non peccatum quo fidebat peccati similitudo damnasset. Quae quidem Domine acquisitio non acquirentis hausit potestatem sed acquisitis contulit dignitatem quia nec damnum sentit immutatio nec lucrum recipit plenitudo. Neque enim Deo in se aut debiti cura manebat aut praemii sed ut quod virtutibus prodesse non poterat laudibus non periret. Neque enim egere potuit caelorum Dominus possessione terrarum sed ut quae tui esset opens portio praeconium adderet non profectum. Id utique recipis quod fecisti quod perdiderat pietas non potestas quia misericordis est Domini id solum iuris aestimare proprii quod merui non puniri. Vide igitur Unigeniti tui in nobis Pater affectum quamvis idoneum in creatura aestimari potuerit creatori. Et scilicet merito quantum ad usum pertinet extraneum dici posse quidquid indignum est extraneum utique non opere sed honore. Ergo ut tibi reddat tua suscepit aliena utique ut repetam non facturae alterius sed naturae. Hoc modo te nobis Pater absentem ostendit per eundem se nobis maiestas tua etiam non visa monstravit. Ipse docuit quae tibi esset gloria in caelis potentia in aquis sapientia in terris virtus in abyssis claritas in Angelis voluntas in patriarchis dignitas in prophetis sublimitas in evangelistis pietas in Apostolis auctoritas in praeceptis placabilitas in templis festivitas in holocaustis largitas in ministris quis tibi zelus in discipulis cultus in subditis respectus in miseris affectus in parvulis horror in idolis amor in sanctis terror in perditis favor in confessione splendor in baptismate honor in cruce sapor in fide odor in chrismate. Cui merito omnes angeli et archangeli non cessant clamare cotidie una voce dicentes.

440 Dignus est Domine Iesu ab omnibus accipere gloriam et honorem qui pro nobis dignatus es improperium passionis suscipere. Dignus es praedicari per mundum qui per crucem pereunti subvenire dignatus es mundo. Dignus es paternae dexterae aequalitate sustolli qui pro servulis non es dedignatus occidi. Dignus es a caelestibus et terrestribus in veritate cum Patre et Spiritu Sancto adorari qui caelum et terram ab initio cum Patre creasti. Digne quoque illud adeptus es quod esset super omne nomen qui supernam moriendo ac resurgendo praeparasti humano generi mansionem. Totum tibi omnipotens Pater quod sibi redemit acquiris cui totum quod in te est nihil amittendo naturaliter tradidisti.

440 Iesu Salvator omnium qui propter salutem humani generis voluntarie suscipiens exitium crucis pro nobis Deo Patri oblatus es in sacrificio laudis ad has hostias benedicendas propitiatione iube respicere qua olim humanum genus respiciens proprio redemisti cruore. Quo omnes qui tuae mortis ac resurrectionis in hos dies triumpho attollimur his muniti paschalibus epulis in vivam tibi hostiam praeparemur.

441 Ecce Iesu bone qui nos Patri tuo per sanguinem tuum reconciliasti pro nobis patiendo innocens crucem et solus inventus inter mortuos liber tuum sicut ipse docuisti deitatis natura et nostrum adoptionis gratia Patrem poscentes affectu quo possumus imploramus ut resurgentes a malorum nostrorum sepulcris a tuis Christe non recedamus vestigiis proclamantes e terris.

441 Vicit leo de tribu Iuda radix David alleluia.

441 Humiliate vos benedictioni. Dominus sit semper vobiscum

441 Christus Dominus ac Redemptor vester qui solutis doloribus inferni potentialiter surrexit a mortuis liberos ac solutos vos efficiat a peccatis. Quique sui corporis terruit resurrecturus custodes resurrectionem suam munificet venerantes. Ut et hic vos pretio sui sanguinis dignos efficiat et ultimae resurrectionis tempore glorificandos attollat.

441 Per misericordiam ipsius Dei nostri qui est benedictus et vivit et omnia regit in saecula saeculorum

441 Gaudete populi et laetamini

441 Refecti Christi corpore

441 Expletis Domine

441 Dicite in nationibus

441 Te excelsa laus

441 Angelo Sardis ecclesiae scribe haec dicit qui habet septem spiritus Dei et septem stellas. Scio opera tua quia nomen habes quod vivas et mortuus es. Esto vigilans et confirma in te cetera quae moritura erant. Non enim inveni opera tua plena coram Domino meo. In mente ergo habe qualiter haec coeperis et audieris et serva et paenitentiam age. Si ergo non vigilaveris veniam tanquam fur et nescies qua hora veniam ad te. Sed habes pauca nomina in Sardis qui non inquinaverunt vestem suam et ambulabunt mecum in albis quia digni sunt. Qui vixerit sic vestietur vestimentis albis et non delebo nomen eius de libro vitae. Et confitebor nomen eius coram Patre meo et coram angelis eius. Qui habet aurem audiat quid spiritus dicat ecclesiis. (Ap 31–6)

442 Dominus sit semper vobiscum

442 Deus memor fuit nostri et benedixit nobis.

442 Benedixit domum Israel benedixit et domum Aaron. Benedixit omnes timentes Dominum pusillis cum magnis.

442 Silentium facite.

442 Ait Petrus ad plebem paenitemini igitur et convertimini ut deleantur vestra peccata. Et cum venerint tempora refrigerii a conspectu Domini et miserit eum qui praedicatus est vobis Dominum Iesum Christum quem oportet caelum suscipere usque in tempus restitutionis omnium quae locutus est Dominus per os sanctorum suorum a saeculo prophetarum. Moyses quidem dixit ad patres nostros. Quia prophetam vobis suscitabit Dominus Deus vester de fratribus vestris tanquam me ipsum audite iuxta omnia quaecumque locutus fuerit vobis. Erit autem omnis anima quae non audierit prophetam illum exterminabitur de plebe. Et omnes prophetae a Samuele et deinceps qui locuti sunt et adnunciaverunt dies istos. Vos estis filii prophetarum et testamenti quod disposuit Deus ad patres vestros dicens ad Abraham. In semine tuo benedicentur omnes familiae terrae. Vobis primum Deus suscitavit filium suum misit eum benedicentem vobis ut convertat se unusquisque a nequitia sua. (Act 319–26)

443 Dominus noster Iesus Christus postea quam resurrexit a mortuis manifestavit se discipulis suis ad mare Tiberiadis. Manifestavit se autem sic. Erant simul Simon Petrus et Thomas qui dicitur Didimus et Nathanael qui erat a Cana Galilaeae et filii Zebedei et alii ex discipulis eius duo. Dicit eis Simon Petrus. Vado piscari. Dicunt ei. Venimus et nos tecum. Et exierunt et ascenderunt in nave et illa nocte nihil coeperunt. Mane autem jam facto stetit Iesus in littore non tamen cognoverunt discipuli quia Iesus esset. Dicit ergo eis Iesus. Pueri numquid pulmentarium habetis Responderunt ei. Non. Dicit eis. Mittite in dexteram navigii rete et invenietis. Miserunt ergo rete. Et non valebant illud trahere a multitudine piscium. Dicit ergo discipulus ille quem diligebat Iesus Petro. Dominus est. Simon Petrus cum audisset quia Dominus est tunica succinxit se erat enim nudus et misit se in mare. Alii autem discipuli navigio venerunt. Non enim longe erat a terra sed quasi cubitis ducentis trahentes rete piscium. Ut ergo descenderunt in terram viderunt prunas positas et piscem superpositum et panem. Dicit eis Iesus. Afferte de piscibus quos prendidistis nunc. Ascendit Simon Petrus et traxit rete in terram plenum magnum piscibus centum quinquaginta tribus. Et cum tanti essent non est scissum rete. Dicit eis Iesus. Venite prandete et nemo audebat discumbentium interrogare eum tu quis es scientes quia Dominus est. Et venit Iesus et accepit panem et dabat eis et piscem similiter. Hoc jam tertio manifestatus est Iesus discipulis suis cum surrexisset a mortuis. (J 211-14)

443 Dominus sit semper vobiscum

443 Memento nostri Domine in beneplacito populi tui visita nos Deus in salutem

443 Isti sunt dies festi Domino alleluia et hic sancta vocabitis

444 Possidebitis terram vestram dicit Dominus et ego dabo vobis eam in possessionem terram manantem lac et mel

444 Procellosum mare fluctuantis saeculi fratres carissimi transeuntes lignum crucis fiducialiter ascendamus et secundis Sancti Spiritus flatibus vela fidei committamus. Super litus namque Christus assistens gloriosam sine macula Ecclesiam figuravit quando magnis piscibus indisruptum rete complevit. Nec a parte dextera iussit deviare navigium quia tunc solorum bonorum portendebat indicium. Subsequamur igitur sacramenti admirabilis veritatem diligentes ac tenentes principaliter unitatem. Nullus ad schismata nefanda prosileat vel dominica retia necdum littori praesentatus abrumpat ut connumerati inter mysticos pisces cibus esse Domini qui nos ex profundo est dignatus eruere mereamur et spiritaliter membra eius effecti sacrificiis salutaribus expiemur.

444 Ecce Iesu mediator Dei et hominum Christe Redemptor ac Domine hominem illum quem cum Patre et Spiritu Sancto unus Deus sexto die ad tuam condidisti imaginem sexta demum aetate per assumptam visitans carnem reformationem mentis eidem tribuisti per evangelii veritatem. Proinde in hoc die tam pro condicione quam pro redemptione humani generis hanc tibi offerimus victimam sacrificii singularis in quo ipse pro nostra salute ligno confixus es crucis aceto potaris lancea latere perfodiris inferna moriens penetrans resurgendo spolians. Pro quibus mysteriis ac miraculis hunc diem apud tuam clementiam sacrificiis commendantes petimus a te Redemptore pio et Domino ut hodierni mysterii recordatus spolians nos veterem hominem cum actibus suis induas illo qui secundum Deum creatus est in iustitia et sanctitate veritatis. Decidant in nobis carnalium libitus voluptatum et intereant extinctae passiones variae vitiorum. Qui nobis te dedisti esse in munere non nos sinas nobis ipsis esse ulterius in dolore ut in novitate vitae ambulantes sicut tuo redempti sumus ex sanguine ita cruci tuae affixi perenniter et perditionis ab inceps respuamus errorem et concessae dignitatis retineamus absque crimine libertatem.

445 Redemptio nostra et salus Christe Domine Deus qui nostri moriens pro peccatis resurrexisti pro iustificationibus nostris tu resurrectionis tuae celebritate laetantibus occurre benignus morte tua redemptos tuis semper facito inhaerere vestigiis tuisque perenniter inservire praeceptis ut sicut se tecum baptismate consepultos exsultant ita se tibi opere placituros exhibeant. Virtus quoque illa divinitatis quae olim te carne moriente novo inferis refulsit ex lumine nunc defunctis te opitulante promicet ad quietem quo paschalium gaudiorum a te hac oblatione suscepta et vivi resurgant a vitiis et defuncti eruantur a poenis.

445 Ad viventis Iesu sepulcrum voto hilari concurrentes et Christi resurgentis linteamina contemplantes obsecramus benignissime Pater omnipotens Deus ut dum tantae sollemnitatis mysteriis celebramus nihil nobis adversitatis eveniat nihil tristitiae aut calamitatis occurrat sed cunctos fideles ob dierum paschalium festa iucunditas aeterna possideat. Eorum quoque suffragantibus meritis qui cum unico Filio tuo vivi meruerunt resurgere de sepulcris concordia in nobis vigeat caritatis ut hoc sacrificium laudis placabili pietate suscipiatur e manibus nostris.

445 Dignum et iustum est sanctum et salutare est nos te gloriosissime Pater Domini nostri Iesu Christi inenarrabilibus triumphis attollere completisque erga nos promissorum suorum beneficiis in quantum se mens parvulorum te inspirante repleri senserit propensius collaudare ut et cui plus dimissum est amplius diligat et potiora iam foederato accumulet qui tanta necdum credenti donavit. Postquam igitur Verbum caro factum habitavit in nobis fecitque prius cuncta quae docuit perfectum divinis operibus virum necessariae nobis sibique voluntariae tradidit passioni ut quemadmodum mundo huic praedicationis suae claritate effulserat ne errorum irretitus tenebris fluctuaret ita etiam infernali carcere mancipatis sua resolvendis descensione succurreret. Ne se regnum mortis usque in finem saeculi dilataret et spolia quae quondam praedo attraxerat fraudulentus ad caelos secum reveheret innocens crucifixus et liberaret virtute iustitiae quos humilitatis suae redimerat passione. Emisso itaque Spiritu et paternis ut scriptum est manibus commendato hospitium divinitatis immensae quem virginea conceperant atque ediderant viscera virgo interim sepultura suscepit. Sed mansit illic nihilominus incorruptum quia non fuerat ex Adam nati seminis corruptione conceptum. Iudaeis quoque petentibus custodes monumento deputantur a praeside quorum testimonio et fides firmaretur credentium et confunderetur impietas perfidorum. Quid enim illi obesse potuit humana custodia cui et dum requiesceret caeleste vigilavit excubium et cum resurgeret Deus inerat Verbum Quod immaculatae animae inseparabiliter copulatum adiit exterruit subegit edomuit vinxit cunctas huius aeris in lacu novissimo potestates. Illico mors hebetata contremuit seseque peremptam acrius quam stimulaverat sensit quaeque se humani generis dominam iactabat ancillam mox crucis se effectam Christo triumphante lugebat. Fracta est confestim virtus saeva carnificum et ad nihilum redacta est exhausta grassatio cruentorum. Inclinata est harum principum tenebrarum Christi humilitate superbia et diabolica malitia divini Agni est simplicitate restincta. Amisit e manibus subito quod se crudelissimus hostis credebat perpetim possessurum cernens humanum genus per hominem Deum paradiso unde praevaricatione Adae eliminatum fuerat restitutum. Propter quod ei cum Patre et Spiritu Sancto regnanti omnes Angeli et Archangeli non cessant clamare ita dicentes.

447 Vere gloriosus et admirabilis Dominus noster Iesus Christus Filius tuus qui plasmatis sui praevidens miseratus occasum captivum hominem a destinata mortis sententia compassus exemit formam accipiens servi contubernium carnis assumpsit ne opens ratio suo moreretur auctori. Ipse quippe hominem dignatus induit humiliatus erexit traditus redemit crucifixus absolvit innovavit resurgens consecravit ascendens.

447 Deus Pater omnipotens qui Unigenitum tuum non habentem peccatum pro nobis peccatum fecisti cum pro delicto totius mundi eum tibi offerri in verum sacrificium voluisti tu hoc sacrificium propitiatus benedicendum assume et caelestis sanctificationis aspergito largitate. Quo ex hoc sumentes redemptionis nostrae in his diebus celebrantes mysterium et operibus sepeliamur mortiferis et actibus resurgamus perpetuae sanctitatis.

447 Redemptos primitus Domine quos occisi redemptoris sanguis innocens comparavit nunc propitius visita quos anniversaria resurrectionis eius sollemnitas congregavit. Repleamur universi benedictione dulcedinis liberati de molestia sempiternae formidinis ut cum Christo resurgentes a peccatis omnibus eruamur et futurae vitae gaudia consequamur. Quia te iubente oramus e terris.

448 Vicit leo de tribu Iuda radix David alleluia.

448 Humiliate vos benedictioni. Dominus sit semper vobiscum

448 Christus Dei Filius qui sua vos redemit morte suae vos etiam resurrectionis celebritate sanctificet. Quique pro salute mundi amaro potatus est poculo passionis ac resurrectionis suae innovet sacramento. Ut resurrectionis eius cum Maria vel caeteris discipulis veraciter praedicantes ad beatam vitam perveniatis indemnes.

448 Per misericordiam ipsius Dei

448 Gaudete populi et laetamini

448 Refecti Christi corpore

448 Expletis Domine

448 Dicite in nationibus

448 Te excelsa laus

448 Angelo Laoditae ecclesiae scribe haec dicit testis fidelis et verus qui est principium creaturae Dei. Scio opera tua quia neque frigidus es neque calidus. Sed quia tepidus es neque frigidus es neque calidus es. Incipiam te eiicere ex ore meo quia dicis quia dives sum et locupletatus et nullius egeo et nescis quia tu es miser et miserabilis et pauper et caecus et nudus. Suadeo tibi iam emere a me aurum ignitum probatum ut locuplex fias et vestimentis albis induaris. Et non appareat confusio nuditatis tuae. Et collirio inunge oculos tuos ut videas. Ego quos amo arguo et castigo. Emulare ergo et paenitentiam age. Ecce sto ad ostium et pulso. Siquis audierit vocem meam et aperuerit ianuam introibo ad illum et cenabo cum illo et ipse mecum. Qui vicerit dabo et sedere mecum in throno meo sicut et ego vici et sedeo cum Patre meo in throno eius. Qui habet aurem audiat quid spiritus dicat ecclesiis. (Ap 314–22)

449 Dominus sit semper

449 Quam magnificata sunt opera tua Domine. Omnia in sapientia fecisti

449 Repleta est terra creatura tua Domine

449 Angelus Domini locutus est ad Philippum dicens. Surge et vade contra meridianum ad viam quae descendit ab Ierusalem in Gazam et est deserta et surgens abiit. Et ecce vir Ethiops eunuchus potens Caudacis reginae Ethiopum qui erat super omnes gazas eius venerat adorare in Ierusalem et revertebatur sedens super currum suum legensque prophetam Isaiam. Dixit autem spiritus Philippo. Accede et adiunge te ad currum istum. Accurrens autem Philippus audivit illum legentem Isaiam prophetam. Ex dixit. Putas ne intelligis quae legis Qui ait. Et quomodo possum si non aliquis ostenderit mihi has scripturas Rogavit quae Philippum ut ascenderet secum. Locus autem scripture quem legebat erat hic. Tanquam ovis ad occisionem ductus est et sicut agnus coram tondente se sine voce sic non aperuit os suum in humilitate indicium eius sublatum est. Generationem autem illius quis enarrabit Quoniam tolletur a terra vita eius. Respondens autem eunuchus dixit. Obsecro te de quo propheta haec dicit De se an de alio Aperiens autem Philippus os suum et incipiens ab scriptura ista evangelizavit illi Iesum. Cum autem iter facerent venerunt ad quoddam stagnum. Et ait eunuchus Philippo. Ecce aqua quid est quod prohibet me baptizare Dixit autem Philippus. Si credis ex totis praecordiis tuis licet et respondens dixit. Credo filium Dei esse Iesum Christum. Et iussit stare currum et descenderunt ambo in aquam et baptizavit eum Philippus. Et cum ascendissent ab aqua spiritus Domini rapuit Philippum ab eo et amplius non vidit eum eunuchus. Ibat enim viam suam gaudens. Philippus autem inventus est advenisse in Azoto. Unde revertens evangelizabat per totas civitates usque dum venisset in Cesaream. Respondeat Chorus. Amen. (Act 826–40)

450 Dicit Simoni Petro Simon Ioannis diligis me plus his Dicit ei. Etiam Domine tu scis quia amo te. Dicit ei. Pasce agnos meos. Dicit ei iterum. Simon Ioannis diligis me Ait illi. Etiam Domine tu scis quia amo te. Dicit ei. Pasce agnos meos. Dicit ei tertio. Simon Ioannis diligis me Contristatus est Petrus quia dixit ei tertio amas me Et dicit ei. Domine tu omnia nosti. Tu scis quia amo te. Dicit ei. Pasce oves meas. Amen amen dico tibi cum esses iunior cingebas te et ibas ubi volebas. Cum autem senueris extendes manus tuas et alius te cinget et ducet quo tu non vis. Hoc autem dixit significans qua morte clarificaturus esset Dominum. (J 2115–19.)

450 Dominus sit semper

450 In die resurrectionis meae dicit Dominus congregabo gentes et colligam omnia regna terrae

450 Sacerdotes qui appropinquant Domino illi ponant sancta sanctorum et sacrificium pro peccato. Quia locus sanctus est alleluia alleluia

450 Alleluia claritas Dei veniebat per viam quae est ad orientem et vox eius sicut vox aquarum multarum et terra splendebat in circuitu alacritate

450 Omnes qui septiformis gratia Spiritu adoptati resurrectionis Christi celebratis sollemnia hunc diem septimum illustrem quiete dominica parili quae primum venerari vos condecet obsequella. In hoc quippe olim ipse Deus creatis expletisque omnibus quae mundana tenentur compage requievit ab opere quod paravit ut faceret. In hoc peractis quae creata sunt quies est illi in hoc pro redimendis in sepulcro moriens requievit. In hoc ab opere cessat in hoc sepultus suum opus quieti perpetuae donat. Hic terminus operum hic salus est redemptorum. Hic septimo consecratur ex numero hic legis veteris iubetur sanctificari praecepto. In hoc servitutis operam fugere in hoc otia sanctitatis praecipimur custodire in quo ipse Dominus sepulcri detentus loculo expoliavit inferna cum praedestinatam ex praedonis faucibus abstulit praedam. Unde indeptae gratiae Spiritu provocati rogemus dilectissimi fratres pastorem magnum et admirabilem Iesum Christum ut nos in hoc die ita concedat peccatorum servitutem atque operam fugere quo sanctitatis muniti quiete resurrectionis dominicae festum in huius diei septimi excursum et lacrimis queamus litare et munere sacrificiorum.

451 Deus qui delicta nostra Christi morte mortificas et iustificationem nostram Christo resurgente confirmas salutaris populi sacrificia misericorditer suscipe bonorum omnium desideria quae dedisti celeriter perfice. Sit hoc sabbatum illuminatio deliciis nostris ut cuncti cum regeneratis infantibus mereamur sacramentis vivificari paschalibus. Coruscet quaesumus in pane quod pependit in cruce micet in calice quod manavit ex latere. Fiat quaesumus acceptabile fiat annuae sollemnitatis intercessu mirabile.

451 Deus cuius operatio non habet laborem misericordia donat quietem salusque parturit salutem atque inimicam Deo procul effugat voluntatem sana nos et sanabimur salva nos et salvi erimus. Ut sabbatum nostrum spiritali benedictione sanctificatum paschalibus cognoscatur gaudiis esse perfectum. Quo mortis ac resurrectionis tuae laetitia functi et viventium salutem et defunctorum a te mereamur impetrare quietem.

452 Christe requies certa laborum et fessarum relevatio animarum qui septimo hoc die et creata perficiendo quiescis et humana redimendo in quiete sepulcri corporaliter degis facito nos ut qui tuae mortis ac resurrectionis in hoc die tibi sacrificium exhibemus servitutis operam respuamus. Repelle quaesumus a nobis fermentum malitiae et per caritatis opera in nostris cordibus requiesce quo in hoc sabbatum sarcinam criminum non portemus sed in otio sanctae pacis paschales tibi hostias immolemus.

452 Dignum et iustum est tibi semper cum Patre et Spiritu Sancto individua divinitate regnanti gratias agere Domine Iesu Christe qui nos tam mirabiliter condidisti tam clementer redemisti non laboribus in faciendo fatigatus. Fecit virtus potentiatiler quos redemit pietas clementer. Totum tibi est in veritate possibile quia hoc ipsum tibi excepto humanitatis privilegio cum Patre et Spiritu Sancto est essentialiter coaequale. Id tamen posse te manet quod velle te decet id est ut omnipotens cuncta facias facienda iustus aequitate censeas iudicanda misericors clementer perficias coronanda. Qui cum solo maiestatis terribili nutu nostrum potueris conterere vexatorem maluisti eum humanitatis abiectione prosternere ex hoc magis approbans nullam maiestatis tuae contrariam nobis subsistere aeriorum principum tyrannidem cum sic nostrorum infirmitate membrorum omnem inimici ad nihilum redigeris vanitatem. Etenim superbus tunc se ingemuit gravius corruisse cum se elisum sensit ab humilitate fuisse. Atque ideo tali divina sapientia antiqui serpentis astuciam consilio vinxit ne violenter addiceret sed legaliter catenaret ut qui transgressorem eo se ire possidere iactabat quo suis consentientem persuassionibus obligaverat sic eum iusto superatus iudicio redderet cum istum in quo suum nihil repererat occidisset. Quapropter amisit merito eum qui tollentem mundi peccata crucis supplicio Agnum non timuit mortificare divinum. Disruptis igitur cruce inferni catenis legibusque solutis ad caelos migrant cum Christo credentes in Christo et cruciandi permanent in inferno qui delectati sunt inviscerari diabolo. Redit ecce post biduum victor ex mortuis vivus qui ante hoc pro nobis est crucifixus. Innumeris captivorum ovantium stipatur agminibus qui passionis tempore etiam discipulorum suorum fuerat societate nudatus. Agitatur eo resurgente tremefacta funditus terra quo descendente concussa sunt et inferna. Cohors militum terrenorum caelestis regis terribili regressu perculsa diffugit et quem dudum illuserat velut reum iam et ipsa terribilem victa iudicem verum confitetur et Deum. Sanctorum corpora vivificata consurgunt habitaculum quod paulisper iacuerat resurgit gloriosum eodem resuscitante a quo anima derelicta in inferno non fuerat. Angeli proprio famulantur auctori. Splendificus universo mundo oritur dies. Tripudiant inspirato resurrectionis nuntio qui maestificati fuerant passionis eius vulnere repentino. Agnoscit Mater membra quae genuit. Maria Magdalena Angelo increpante resipuit ne viventem cum mortuis quaerere debuisset. Ad monumentum Petrus cum Ioanne cucurrit recentiaque in linteaminibus defuncti et resurgentis vestigia cernit. Latro Christum confessus possessor paradisi factus est primitivus. Impletum est quod fuerat de filio hominis tot ante saecula prophetatum ut scilicet peccatorum pro nobis manibus traderetur crucifigeretur moreretur inferna terribiliter penetraret superna doctrinis edomita subiugaret captivos clementer redimeret superbos deiceret humiles misericorditer exaltaret cum triumpho inenerrabili a mortuis resurgeret et cum Patre et Spiritu Sancto omnipotentialiter cunctis dominando regnaret. Cuius virtutis immensitate permota etiam septemplix illa regia beatorum innumeras lucifluarum mittit plebium catervas ad laudem ac suum quisque pio praeveniens officio locum debitum exsolvit carmen triumphanti Regi per aevum submissique adorant glorificatis vultibus Agnum suasque rutilantibus gemmis eximia proferunt cum laude coronas. Seraphim quoque divinae sedis terribilem vel innaccessibilem thronum alarum trino tegmine velantes sui famulatus unum te fatendo cum Patre et Spiritu Sancto Deum trina confesionis praeconio declarandum in sede siderea permanentem regnantemque in saecula saeculorum incessabili iugitate collaudant et dicunt.

454 Vere sanctus vere benedictus Dominus noster Iesus Christus Filius tuus per quem nobis veram destinasti salutem ut homo serpentis fraude deceptus illo resurgente mortem evaderet et vitam quam amiserat repararet. Egerat diabolus fraudem ut iugularet incautum sed curavit Dominus vulneratum dum fudit sanguinem pretiosum. Tunc enim vetito ligno letale vulnus accepit nunc vero per crucis lignum perpetua gaudia acquisivit. Deceperat quidem seducta mulier virum sed redemptus est venerabilium fixione clavorum quia eripuit nos Deus ab inferis et liberavit de manu mortis qui sedet ad dexteram Patris.

454 Ad tumulum vigilantes unici Redemptoris qui pro nostra redemptione sepultus et a mortuis est admirabiliter suscitatus cuius virtutem et gloriam serenata cordis acie contemplamur cum novelli gregis ovibus dulcissima in ara tua Domine pascua circumdamus universi pariter exorantes ut huius sacrati Corporis alimentum cruorisque suavissimum poculum ad praemium satietatis perpetuae nobis tribuas possidendum.

454 Devotione geminata carissimi fratres passo pro nobis Domino maestificati cordis hostias offeramus maeroris operibus fructum laetitiae comparantes ut dum paschale sacrificium sedulitatis studio agere procuramus in adventum ipsius strenue servitutis testimonium reportemus. Per ipsum quo iubente dicimus.

455 Vicit leo de tribu Iuda radix David alleluia.

455 Humiliate vos benedictioni. Dominus sit semper vobiscum

455 Dei Patris Filius qui peccata nostra per corpus suum cruci affixit suo carnes vestras affigat timori. Quique vos filios sibi redemptionis adoptavit ex gratia nulla vos patiatur se iudicante mancipari gehenna. Quo salvati per crucem ad futuram quandoque mereamini pervenire mercedem.

455 Per misericordiam ipsius Dei

455 Gaudete populi et laetamini

455 Refecti Christi corpore

455 Expletis Domine

455 Largire sensibus nostris quaesumus Domine omnipotens Pater ut sicut exterius inquinamenta manuum abluuntur sic per te mentium sordes misericorditer emundentur et crescat in nobis augmentum sanctarum virtutum.

455 Ave Maria

455 In nomine Patris et Filii et Spiritus Sancti. Amen.

455 Pone Domine galeam salutis in capite meo ad expugnandas et superandas omnes diabolicas fraudes omniumque inimicorum meorum seviciam superandam.

456 Indue me Domine vestimento salutis ac tunica iustitiae et indumento laetitiae circumda semper.

456 Praecinge Domine cingulo fidei et virtute castitatis lumbos mei corporis et extingue in eis humorem libidinis ut iugiter maneat in me tenor totius castitatis

456 Merear quaeso Domine deportare manipulum iustitiae et ferrae cum patientia ut illum cum exultatione deferendo cum tuis sanctis portionem accipiam.

456 Redde mihi Domine obsecro stolam immortalitatis quam perdidi in prevaricatione primi parentis et quia cum hoc ornamento quamvis indignus accedere ad tuum sanctum praesumo mysterium praesta ut cum eodem laetari merear in perpetuum.

456 Iugum tuum Domine suave est et onus tuum leve presta ut sic illud deportare valeam ut consequi possim tuam gratiam.

456 Pater peccavi in caelum et coram te iam non sum dignus vocari filius tuus. Fac me sicut unum de mercenariis tuis.

456 Quanti mercenarii in domo patris mei abundant panibus ego autem hic fame pereo surgam et ibo ad patrem meum et dicam ei.

456 Kyrie eleison Christe eleison Kyrie eleison

456 Pater noster

456 Ab occultis meis munda me Domine

456 Et ab alienis parce servo tuo.

456 Domine exaudi orationem meam

456 Et clamor meus ad te veniat.

456 Deus qui de indignis dignos de peccatoribus iustos et de immundis facis mundos munda cor meum et corpus meum ab omni sorde et cogitatione peccati et fac me dignum atque strenuum sanctis altaribus tuis ministrum et praesta ut in hoc altari ad quod indignus accedere praesumo acceptabiles tibi hostias offeram pro peccatis et offensionibus et innumeris cottidianis meis excessibus et pro peccatis omnium viventium et defunctorum fidelium et eorum qui se meis commendaverunt orationibus et per eum tibi meum sit acceptabile votum qui se tibi Deo Patri pro nobis obtulit in sacrificium qui est omnium opifex et solus sine peccati macula pontifex. Iesus Christus filius tuus Dominus noster.

457 Ave Maria.

457 In nomine Domini nostri Iesu Christi Amen.

457 Sancti Spiritus adsit nobis gratia.

457 Introibo ad altare Dei

457 Ad Deum qui laetificat iuventutem meam

457 Iudica me Deus

457 Et introibo ad altare Dei

457 Dignare Domine die isto

457 Sine peccato nos custodire

457 Confitemini Domino quoniam bonus

457 Quoniam in saeculum misericordia eius

457 Ora pro nobis sancta Dei Genitrix

457 Ut digni efficiamur

457 Confiteor omnipotenti Deo et beate Marie Virgini et sanctis apostolis Petro et Paulo et omnibus sanctis et vobis fratres manifesto me gravitaer peccasse per superbiam in lege Dei mei cogitatione locutione opere et omissione mea culpa mea culpa gravissima mea culpa. Ideo precor beatissimam Virginem Mariam et omnes sanctos et sanctas et vos fratres orare pro me.

457 Misereatur vestri omnipotens Deus et dimissis omnibus peccatis vestris perducat vos ad vitam aeternam

457 Indulgentiam absolutionem et remissionem ... tribuat vobis misericors Dominus

457 Deus tu conversus vivificabis nos

457 Et plebs tua laetabitur in te

457 Ostende nobis Domine misericordiam tuam

457 Et salutare tuum da nobis

457 Sacerdotes tui induantur iustitiam

457 Et sancti tui exsultent

457 Domine exaudi orationem meam

457 Et clamor meus ad te veniat.

457 Dominus vobiscum.

457 Aufer a nobis quaesumus Domine cunctas iniquitates nostras et spiritum superbie et elationis cui resistis et reple nos spiritu timoris et da nobis cor contritum et humiliatum quod non spernis ut ad sancta sanctorum puris mereamur mentibus introire.

458 In nomine Patris et Filii et Spiritus Sancti. Amen.

458 Salve crux preciosa quae in corpore Christi dedicata es et ex membris eius tanquam margaritis ornata salva presentem catervam in tuis laudibus iugiter congregatam.

458 Adoramus te Christe et benedicimus tibi

458 Quia per sanctam crucem tuam redemisti mundum

458 Exaudi nos Deus salutaris noster et per triumphum sanctae crucis a cunctis nos defende periculis.

458 Per virtutem sancte Crucis et per intercessionem beate Marie Virginis et beati Petri apostolorum principis et omnium sanctorum absolve quaesumus Domine nostrorum vincula delictorum et quicquid pro eis meremur propitiatus averte et ad beneficia recolenda quibus nos instaurare dignatus es tribue venire gaudentes.

458 Conscientas nostras

458 Adsit nobis Domine

458 In tuo conspectu quaesumus Domine haec nostra munera tibi placita sint ut nos tibi placere valeamus attollite portas principes vestras et elevamini porte aeternales et introibit rex gloriae. Quis est iste rex gloriae Dominus fortis et potens in praelio Dominus virtutum ipse est rex gloriae.

458 Dignare Domine mundare vas istud in quo sumere preciosum sanctum corpus tuum valeam. Qui cum Patre et Spiritu Sancto vivis et regnas Deus per omnia saecula saeculorum.

458 Misce quaesumus Domine in calice isto quod manavit ex latere tuo ut fiat in remissionem peccatorum nostrorum. Amen

458 Iube Domine benedicere

458 Ab illo benedicatur cuius Spiritus super aquas ferebatur

458 Ex latere Domini nostri Iesu Christi sanguis et aqua exiisse perhibentur haec ideo nos pariter commiscemus ut misericors Deus utrumque ad medelam animarum nostrarum sanctificare dignetur.

459 Benedictio Dei Patris omnipotentis et Filii et Spiritus Sancti descendat super hanc hostiam tibi Deo Patri offerendam.

459 Conforta me rex sanctorum summum tenens principatum da sermonem rectum et bene sonantem in os meum ut placeam tibi et omnibus circumstantibus.

459 Iube Domine benedicere. Dominus sit in corde meo et in ore meo et in labiis meis ad pronuntiandum sanctum evangelium divinum.

459 Munda cor meum corpusque ac labia mea omnipotens et misericors Deus qui labiae Isaiae prophetae calculo mundasti ignito. Ita et me tua gratissima miseratione mundare digneris ut sanctum evangelium valeam nuntiare.

459 Iube domine benedicere

459 Corroboret Dominus sensum tuum ac labia tua ut recte pronunties nobis eloquia sancta sua.

459 Ave Verbum divinum reformatio virtutum restitutio sanitatum.

459 Acceptabilis sit maiestati tuae omnipotens Deus haec nostra oblatio quam tibi offerimus pro reatibus et facinoribus nostris et pro stabilitate sanctae catholicae et apostolicae Ecclesiae.

459 Offerimus tibi Domine Iesu Christi Filii tui calicem humiliter implorantes clementiam tuam ut ante conspectum divinae maiestatis tuae cum odore suavitatis ascendat.

459 Hanc oblationem quaesumus omnipotens Deus placatus accipe et omnium offerentium et eorum pro quibus tibi offertur peccata indulge

460 Domine Deus omnipotens Pater benedic et sanctifica hoc sacrificium laudis quod tibi oblatum est ad honorem et gloriam nominis tui et parce peccatis populi tui et exaudi orationem meam et dimitte mihi omnia peccata mea.

460 Iube Domine benedicere.

460 Ab illo benedicatur in cuius honore cremabitur in nomine Patri et Filii et Spiritus Sancti

460 Placare Domine per hoc incensum mihi et populo tuo parcens peccatis nostris et quiescat ira et furor tuus presta propitius ut bonus odor simus tibi in vitam aeternam.

460 Centuplum accipias et vitam aeternam possidias in regno Dei

460 Adiutorium nostrum in nomine Domini

460 Sit nomen Domini benedictum.

460 Benedic Domine creaturam istam panis sicut benedixisti quinque panes in deserto ut omnes gustantes ex eo recipiant sanitatem tam anime quam corporis.

460 Benedictio Dei Patris omnipotentis et Filii et Spiritus Sancti descendat super hunc panem et super omnes ex eo comedentes.

460 Lavabo inter innocentes manus meas circumdabo altare tuum Domine ut audiam vocem laudis tuae et enarrem universa mirabilia tua. Ne perdas cum impiis Deus animam meam et cum viris sanguinum vitam meam.

460 Salve regina misericordiae

460 Post partum

461 Per gloriam nominis tui Christe Fili Dei vivi et per intercessionem sanctae Mariae Virginis et beati Iacobi et omnium sanctorum tuorum auxiliare et miserere indignis servis tuis et esto in medio nostri Deus noster qui vivis et regnas in saecula saeculorum.

461 Haec dicit Dominus ego tuli te et fui tecum alleluia. Et interfeci omnes inimicos tuos alleluia. Fecique tibi nomen grande alleluia alleluia

461 Beatus vir qui timet Dominum in mandatis eius cupit nimis

462 Per omnia semper saecula saeculorum.

462 Gloria in excelsis

462 Per omnia semper saecula.

462 Christe cuius virtus atque potentia tantum in apostolo tuo Iacobo emicuit ut in nomine tuo emissis ad se daemoniorum catervis potentialiter meruerit imperare tu Ecclesiam tuam ab adversantium impugnatione defende ut virtute Spiritus exsuperando adversa illius doctrinam opere compleat cuius hodie exemplum piae passionis honorat.

462 Deus qui per angelicos choros adventum Filii tui Domini nostri Iesu Christi annuntiare voluisti qui per angelorum praeconia gloriam in excelsis Deo et in terra pacem hominibus bone voluntatis ad clamantibus demonstrasti concede ut in huius dominicae resurrectionis festivitate pax terris reddita convalescat et fraterne dilectionis caritate innovata permaneat.

462 Gloria nostra Deus

462 Tibi semper Domine gloriam omnipotens Iesu Christe cuius in caelo et in terra laudes confessio permanet dum tibi gloria in excelsis decantatur et in terra pax hominibus nuntiatur. Bonam quaesumus voluntatem nobis famulis tuis et populis supplicantibus tribue ut ab omnibus nos mundes peccatis et pacem tuam perpetuam nobis propitius et omni populo largiaris.

463 Hodie nobis thesaurus natus est hodie nobis lux ex utero virginis quam spiritus ignivit verum lumen apparuit. Hodie cecorum medicus lumen natus est. Hodie paraliticorum sanitas. Hodie debilium firmamentum infirmantium virtus. Hodie resurrectio vivorum Salvator advenit. Hodie nobis inter noctem nubes ignita lucis apparuit. Hodie Salvator noster advenit quem prophetae ante promiserant ex Maria Virgine nascitur. Hodie nobis in praesepio positus perpetue christianis ostenditur Christus qui dixit ego sum panis verus Dei qui de caelo descendi. Siquis autem de pane isto manducaverit non esuriet in aeternum.

463 Laudamus te Domine cum angelis benedicimus te cum virtutibus sanctis. Glorificamus cum potestatibus supernis. Et qui per te Opificem nostrum nos subsistere non haesimus recte honore tui nominis per officium creaturae creatricem tuam potentiam non negamus. Pro qua re nostrum facito bonae voluntati tuae placere servitium et vel in caelis cum angelis vel in terris cum hominibus pacifice gloriari in tuae glorificationis assensum.

463 Tibi gloriam concinimus Domine Deus noster tuamque potentiam postulamus ut sicut pro nobis peccatoribus dignatus es mori et clarificatus secundo post tertium diem apparuisti in gloria resurrectionis ita per te absoluti in te mereamur habere perpetuum gaudium ita ut nobis praecessit vere resurrectionis exemplum.

464 Per misericordiam ... benedictus

464 Dominus sit semper vobiscum. Et cum spiritu tuo.

464 Iustus si morte praeoccupatus fuerit anima eius in refrigerio erit. Senectus enim venerabilis est non diuturna neque annorum numero computata. Cani sunt autem sensus hominis et etas senectutis vita immaculata. Placens Deo factus dilectus et vivens inter peccatores translatus est. Raptus est ne malitia mutaret intellectum eius aut afflictio deciperet animam illius. Fascinatio enim nugacitatis obscurat bona et instantia concupiscentiae transvertit sensum sicut malitia consumatus in brevi explevit tempora multa. Placita enim erat Deo anima illius propter hoc properavit educere illum de medio iniquitatum. Populi autem videntes et non intelligentes nec ponentes in praecordiis suis talia. Quoniam misericordia Dei et gratia in sancto illius et respectus in electo ipsius. (Sap 47–15)

464 Dominus sit semper.

464 Angelus Domini similiter descendit cum Anania et sociis eius in fornacem. Et excussit flammam ignis de fornace et fecit medium fornacis tanquam spiritus roris flantem. Et non tetigit eos omnino ignis nec contristavit nec quicquam moleste eis intulit. Tunc illi tres quasi ex uno ore laudabant et magnificabant et benedicebant Dominum de fornace dicentes. Domine Deus patrum nostrorum et laudabilis es et superexaltatus in saecula. Benedictus es. Benedicite omnia opera Domini Domino hymnum dicite et super exaltate eum in saecula. Amen. Benedicite Anania Azaria Misael Dominum Hymnus quia eripuit nos Deus ab inferis et de manu mortis salvavit nos et eripuit nos de medio camino ardentis flamen in medio ignis eduxit nos.

465 Confitemini Domino quoniam bonus quoniam in saeculum misericordia eius

465 Dominus sit semper vobiscum. Et cum spiritu tuo.

465 Posuisti Domine super caput eius coronam de lapide pretioso

465 Super salutare tuum Domine exultabit vehementer desiderium anime eius tribuisti ei et voluntate labiorum eius non fraudasti eum.

465 Silentium facite.

466 Supervenerunt ab Ierosolymis prophetae Antiochiam. Et surgens unus ex eis nomine Agabus significabat per spiritum famem futuram magnam in universo orbe terrarum quae facta est sub Claudio. Discipuli autem prout quisque habebat proposuerunt singuli in monasterium mittere habitantibus in Iudea fratribus. Quod et fecerunt mittentes ad seniores per manus Barnabae et Sauli. Eodem autem tempore misit Herodes rex manus ut affligeret quosdam de ecclesia. Occidit autem Iacobum fratrem Ioannis gladio. Videns autem quia placeret Iudeis apposuit apprehendere et Petrum. Erant autem dies azimorum. quem cum apprehendisset misit eum in carcerem tradens quatuor quaternionibus militum ad custodiendum volens post pascha producere eum populo. (Act 1127–30 121–4)

466 Dominus sit semper vobiscum. Et cum spiritu tuo.

466 Assumens iterum Iesus duodecim coepit illis dicere quae essent ei ventura. Quia ecce ascendimus Hierosolymam et Filius hominis tradetur in manus principibus sacerdotum et scribis et senioribus. Et condemnabunt eum morte et tradent eum gentibus et illudent ei. Et conspuent eum et flagellabunt eum et interficient eum et tertia die resurget. Et accedunt ad eum Iacobus et Ioannes filii Zebedei dicentes. Magister volumus ut quodcumque petierimus facias nobis. At ille dixit eis quid vultis ut faciam vobis Et dixerunt. Da nobis ut unus ad dexteram tuam et alius ad sinistram sedeamus in gloria tua. Iesus autem dixit eis. Nescitis quid petatis. Potestis bibere calicem quem ego bibiturus sum Aut baptismo quo ego baptizor baptizari At illi dixerunt. Possumus. Calicem quem ego bibo bibetis et baptismo quo ego baptizor baptizabimini. Sedere autem ad dextram meam vel sinistram non est meum dare vobis sed quibus paratum est. Et audientes decem indignati sunt de Iacobo et Ioanne. Iesus autem vocans eos ait illis. Scitis quia hi qui videntur principari gentibus dominantur eis et principes eorum potestatem habent ipsorum. Non ita est in vobis. Quicumque voluerit fieri maior erit minor et quicumque voluerit in vobis primus esse erit omnium servus. Nam et Filius hominis non venit ut ministraretur ei sed ut ministraret et daret animam suam redemptionem pro multis. (Mc 1032–45)

467 Dominus sit semper vobiscum. Et cum spiritu tuo.

467 Ecce servus meus suscipiam eum electus meus complacuit sibi in illo anima mea.

467 Deo gratias.

467 Fulgebit iustus sicut splendor firmamenti et sicut stellae caeli dantes claritatem lucis ita et iustus splendebit

467 In perpetua aeternitate

467 Acceptabilis sit maiestati tuae omnipotens aeterne Deus haec oblatio quam tibi offerimus pro reatibus et sacinoribus nostris et pro stabilitate santae catholicae et apostolicae fidei cultoribus.

467 In nomine Patris et Filii et Spiritus Sancti. Amen.

467 Offerimus tibi Domine calicem ad benedicendum sanguinem Christi Filii tui depraecamur quem clementiam tuam ut ante conspectum divinae maiestatis tuae cum odore suavitatis ascendat.

467 Hanc oblationem quaesumus Domine placatus admitte et omnium offerentium eorum pro quibus tibi offertur peccata indulge. Per Christum.

467 In spiritu humilitatis

468 Adiuvate me fratres in orationibus vestris et orate pro me ad Deum.

468 In nomine Patris et Filii et Spiritus Sancti. Amen.

468 Accedam ad te in humilitate spiritus mei loquar ad te quia multam spem in fortitudine dedisti mei tu ergo fili David qui revelato mysterio ad nos in carnem venisti clave crucis tuae secreta cordis mei adaperi mittens unum de seraphin qui cadenti carbone illo qui de altari tuo sublatus est sordentia labia mea emundat mentem enubilet docendique materiam subministret ut lingua que proximorum utilitati per caritatem servit nec erroris infonet casum sed veritatis resultet sine fine preconium per te Deus meus qui divis et regnas in saecula saeculorum amen.

468 Dominus sit semper vobiscum. Et cum spiritu tuo.

468 Christe cuius virtus atque potentia tantum in apostolo tuo Iacobo emicuit ut in nomine tuo emissis ad se daemoniorum catervis potentialiter meruerit imperare tu Ecclesiam tuam ab adversantium impugnatione defende ut virtute Spiritus exsuperando adversa illius doctrinam opere compleat cuius hodie exemplum piae passionis honorat.

468 Per misericordiam ... benedictus

469 Hagios Hagios Hagios Domine Deus rex aeterne tibi laudes et gratias.

469 Ecclesiam sanctam catholicam in orationibus in mente habeamus ut eam Dominus fide et spe et caritate propitius ampliare dignetur. Omnes lapsos captivos infirmos atque peregrinos in mente habeamus ut eos Dominus propitius respicere redimere sanare et confortare dignetur.

469 Praesta aeterne omnipotens Deus.

470 Vocantem nos ad se Iesum fratres dilectissimi agnoscentes qui beatissimum Iacobum apostolum suum retia componentem in navi ad se vocans eiusdem nos postmodum spiritualibus doctrinis admonet atque docet ut postulantes in fide nihil hesitemus omni mentis devotione cum lacrimis eundem Dominum flagitemus ut postulatio nostra apud eum ea nobis obtinere at adimplere quo in ipso apostolo docente cognovimus.

470 Per misericordiam tuam Deus noster in cuius conspectu sanctorum apostolorum et martyrum confessorum atque virginum nomina recitantur.

470 Offerunt Deo Domino oblationem sacerdotes nostri papa Romensis et reliqui pro se et pro omni clero et plebibus Ecclesiae sibimet consignatis vel pro universa fraternitate.

471 Offerunt pro se et pro universa fraternitate

471 Facientes commemorationem bentissimorum apostolorum et martyrum gloriosae sanctae Mariae virginis Zachariae Iohannis Infantium Petri Pauli Iohannis Iacobi Andreae Philippi Thomae Bartholomei Matthei Iacobi Symonis et Iudae Mathiae Marci et Lucae

471 Et omnium martyrum

472 Item pro spiritibus pausantium Ilarii Athanasii Martini Ambrosii Augustini Fulgentii Leandri Isidori David Iuliani item Iuliani Petri item Petri Iohannis servi Dei Visitani Viventi Felici Cipriani Vincentii Berontii Zachariae Cenapoli Dominici Iusti Saturnini salvati item salvati Bernardi Reymundi Iohannis Celebruni Gundisalvi Martini Roderici Iohannis Guterri sancii item sancti Dominici Iuliani Philippi Stephani Iohannis item Iohannis Felicis

473 Et omnium pausantium

473 Vivant in nobis Iesu Domine apostoli tui Iacobi praedicamenta doctrinae quibus docemur illum beatum esse qui inlatus tentationis valuerit equanimiter supportare quo dum praesentia mala patientissime toleraverimus in pace et caritate nunc et in aeternum tecum sine fine vivamus.

473 Quia tu es vera pax nostra et caritas indisrupta vivis tecum et regnas cum Spiritu Sancto unus Deus in saecula saeculorum.

473 Suscipe Iesu bone in hoc natali Iacobi apostoli tui offerentium vota et refrigerium praesta spiritibus defunctorum ut eo apud te intercedente et viventibus et defunctis tuae pietatis gratia impendatur cuius doctrina duodecim tribuum commemorantium edocetur.

473 Quia tu es vera pax nostra et caritas indisrupta vivis tecum et regnas cum Spiritu Sancto unus Deus in saecula saeculorum.

474 Gratia Dei Patris omnipotentis pax ac dilectio Domini nostri Iesu Christi et communicatio Spiritus Sancti sit semper cum omnibus nobis

474 Et cum hominibus bonae voluntatis

474 Quomodo astatis pacem facite

474 Pacem meam do vobis pacem meam commendo vobis non sicut mundus dat pacem do vobis

474 Novum mandatum do vobis ut diligatis invicem

474 Habete osculum dilectionis et pacis ut aptisitis sacrosanctis mysteriis Dei

474 Introibo ad altare Dei mei

475 Ad Deum qui laetificat iuventutem meam

475 Aures ad Dominum.

475 Habemus ad Dominum

475 Sursum corda

475 Levemus ad Dominum

475 Deo ac Domino nostro Iesu Christo Filio Dei qui est in caelis dignas laudes dignasque gratias referamus

475 Dignum et iustum est

475 Dignum et iustum est nos tibi semper gratias agere Domine sancte Pater aeterne omnipotens Deus per Iesum Christum Filium tuum Dominum nostrum in cuius nomine electus Iacobus cum ad passionem traheretur Paraliticum ad se clamantem curavit atque hoc miraculo cor illudentis sibi ita compulsit ut eum sacramentis instinctum fidei faceret ad gloriam pervenire martyrii. Sic ipse post in confessionem Filii tui capite deiecto interemptus occubuit. Perveniens ad eum in pace pro quo hanc sustinuit passionem. Ipse est enim Unigenitus tuus Filius qui dedit animam suam redemptionem pro multis. Per quem nostris tu Deus Pater iubeas parcere iam delictis. Cui merito exercitus militiae caelestis non cessant clamare ita dicentes.

476 Sanctus sanctus sanctus Dominus Deus Sabaoth pleni sunt caeli et terra gloria maiestatis tuae hosanna filio David hosanna in excelsis benedictus qui venit in nomine Domini hosanna in excelsis. Hagios hagios hagios. Kyrie o Theos.

476 Vere sanctus vere benedictus Dominus noster Iesus Christus Filius tuus quem Iacobus relicto rebedeo Patre ita secutus est ut eum obnixe diligendo fieret electus in vita mundus in conscientia probabilis in doctrina postremo ita scientiam commendans ex opere ut pro eo truncato interi erit capite quem pro se vel pro omnibus noverat animam posuisse Christum Dominum cui est honor et gloria in saecula saeculorum.

480 Adesto adesto Iesu bone pontifex in medio nostri sicut fuisti in medio discipulorum tuorum et sanctifica hanc oblationem ut sanctificata sumamus per manus sancti angeli tui sancte Domine et Redemptor aeterne.

480 Dominus noster Iesus Christus in qua nocte tradebatur accepit panem et gratias agens benedixit ac fregit deditque discipulis suis dicens.

480 Accipite et manducate. Hoc est corpus meum quod pro vobis tradetur.

480 Quotienscumque manducaveritis hoc facite in meam commemorationem

480 Similiter et caliem postquam cenavit dicens.

480 Hic est calix novi testamenti in meo sanguine qui pro vobis et pro multis effundetur in remissionem peccatorum.

480 Quotienscumque biberitis hoc facite in meam commemorationem.

480 Quotienscumque manducaveritis panem hunc et calicem iustum biberitis mortem Domini annunciabitis donec veniat in claritatem de caelis.

480 Subiuga Deus nostras tuo iugo cevices ut onus tuum quod amantibus leve est ita potabili devotione feramus sicut Iacobus apostolus tuus innexo collo suo fune ad passionem tractus est letabundus ut fanctificans haec quae tibi offerimus nos ipsos benedicas perceptione hostiae huius amen

480 Te praestante sancte Domine quia tu haec omnia nobis indignis servis tuis valde bona creas sancticas vivificas benedicis ac praestas nobis ut sit benedicta a te Deo nostro in saecula saeculorum.

481 Dominus sit semper vobiscum. Et cum spiritu tuo.

481 Fidem quam corde credimus ore autem dicamus.

481 Credimus in unum Deum patrem omnipotentem factorem caeli et terrae visibilium omnium et invisibilium conditorem et in unum Dominum nostrum Iesum Christum Filium Dei unigenitum et ex Patre natum ante omnia saecula Deum ex Deo lumen ex lumine Deum verum ex Deo vero natum non factum omousion Patri hoc eiusdem cum Patre substantiae per quem omnia facta sunt qui in caelo et quae in terra qui propter nos homines et propter nostram salutem descendit de caelis et incarnatus est de Spiritu Sancto ex Maria virgine et homo factus est passus sub Pontio Pilato sepultus tertia die resurrexit ascendit ad caelos sedet ad dexteram Dei Patris omnipotentis inde venturus est iudicare vivos et mortuos cuius regni non erit finis et in Spiritum Sanctum Dominum vivificantorem et ex Patre Filio procedentem cum Patre et Filio adorandum et conglorificandum qui locutus est per prophetas et unam sanctam catholicam et apostolicam ecclesiam confiteor unum baptismam in remissionem peccatorum expectamus resurrectionem mortuorum et vitam venturi saeculi amen.

482 Oremus apostolo tuo Iacobo Domine edocente praemonemur ut si quaesumus nostrum indiget sapientia postulet a te qui das omnibus affluenter et non improperas sed quem ad te pervenire cupimus per Christum qui est virtus tua et sapientia id agere praeobstamus poscentes clementiam tuam ut per eum qui apud te advocatus factus est noster et pervenire nos ad te facias et orationem quam ipso Domino instruente didicimus ad te introire permittas proclamantes e terris.

482 Pater noster qui es in caelis R. Amen. Sanctificetur nomen tuum R. Amen. Adveniat regnum tuum. R. Amen. Fiat voluntas tua sicut in caelo et in terra. R. Amen. Panem nostrum quotidianum da nobis hodie quia Deus es et dimitte nobis debita nostra sicut et nos dimittimus debitoribus nostris. R. Et ne nos inducas in temptationem. R. Sed libera nos a malo.

483 Liberati a malo confirmati semper in bono tibi servire mereamur Deo ac Domino nostro pone Domine finem peccatis nostris da gaudium tribulatis praebe redemptionem captivis sanitatem infirmis requiemque defunctis concede pacem et securitatem in omnibus diebus nostris frange audaciam inimicorum nostrorum et exaudi Deus orationes servorum tuorum omnium fidelium christianorum in hac die et in omni tempore per omnium nostrum Iesum Christum Filium tuum qui tecum vivit et regnat in unitate Spiritus Sancti Deus per omnia semper saecula saeculorum.

484 Sancta sanctis et coniunctio corporis Domini nostri Iesu Christi fit sumentibus et potantibus nobis ad veniam et defunctis fidelibus praestetur ad requiem.

485 Humiliate vos ad benedictionem

485 Dominus sit semper vobiscum.

485 Christus Deus Dei Patris Filius quem Iacobus relicto Patre in navi tota secutus est intentione cordis indesinenter vos faciat suis inherere vestigiis amen quique per hunc apostolum suum cultores demonum convertit ad fidem concedat vobis vana huius saeculi respuendo se in veritatem diligere R. Amen. Ut eius remuneremini praesidiis cuius hodie triumphum excolitis passionis. R. Amen. Quod ipse praestare dignetur per misericordiam tuam Deus noster qui es benedictus et vivis et omnia regis in saecula saeculorum

485 Dominus sit semper vobiscum. Et cum spiritu tuo.

485 Gustate et videte quam suavis est Dominus alleluia alleluia alleluia

485 Benedicam Dominum in omni tempore semper laus eius in ore meo alleluia alleluia alleluia

485 Redimet Dominus animas servorum suorum et non relinquet omnes qui sperant in eum alleluia alleluia alleluia

485 Panem caelestem de mensa Domini accipiam et nomen Domini invocabo

485 Domine Deus meus da mihi corpus et sanguinem Filii tui Domini nostri Iesu Christi ita sumere ut per illud remissionem omnium peccatorum merear accipere et tuo Sancto Spiritu repleri Deus noster qui vivis et regnas in saecula saeculorum amen

486 Ave in aevum sanctissima caro Christi in perpetuum summa dulcedo.

486 Ave in aevum caelestis potus qui mihi ante omnia et super omnia dulcis es.

486 Corpus et sanguis Domini nostri Iesu Christi custodiat corpus et animam meam in vitam aeternam amen.

486 Domine Deus meus Pater et Filius et Spiritus Sanctus fac me te semper quaerere et diligere et a te per hanc sanctam communionem quam sumpsi nun quam recedere quem tu es Deus et praeter te non erit alius in saecula saeculorum amen.

486 Refecti Christi corpore

486 Corpus Domini nostri Iesu Christi quod accepimus et sanctus sanguis eius quem potavimus adhaereat visceribus nostris aeterne omnipotens Deus ut non veniat nobis ad iudicium nec ad condemnationem sed proficiat ad salutem et ad remedium animarum nostrarum in vitam aeternam.

486 Per misericordiam

486 Dominus sit semper vobiscum.

486 Sollemnia completa sunt in nomine Domini nostri Iesu Christi votum nostri sit acceptum cum pace.

486 Refecti Christi corpore et sanguine pariter quia sanctificati Deo Patri omnipotenti gratias referamus ut nos in eadem refectione et sanctificatione habentes hic et in futuro saeculo gloriam percipiamus.

486 Gustantes Domine suavitatis dulcedinis plenitudunem quaesumus ut sit nobis hoc ad remissionem peccatorum et sanitatem mentium.

487 Christi Domini nostri gratia satiati gratias agimus perpetuae Trinitati cuius sanguine sumus pretio magno redempti petimus itaque sacramentorum tuorum meritis ut de hoc saeculo nequam eripiamur illesi.

487 Gratias tibi agimus Domine Deus et te Deum benedicimus de die in diem qui nos in hac die sancte solemnitatis tuae per ducere dignatus es fac ut diem istum nativitatis tuae conceptionis circumcisionis apparitionis resurrectionis ascensionis per multa curricula annorum in pace et tranquillitate suscipere mereamur cum fideli populo tuo.

487 Repletum est gaudio os nostrum et lingua nostra in exultatione

487 Reple Domine cor nostrum laetitia qui nobis dare dignatus es sacri corporis tui Eucharistiam ut quia escarum perceptione reficimur spiritualibus beneficiis adimpleri feliciter mereamur.

487 Vicit leo de tribu Iuda

487

487 Domine Deus omnipotens qui es vita et salus fidelium quem venturum iudicem credimus verum esto nobis propitius et qui hanc oblationem pro nostra nostrorumque salute vel pro expiatione nostrorum peccatorum in honorem sancti tui N. sanctorum tuorum N. sanctem quem virginis tuae N. sancti confessoris tui N. tibi obtulimus misericordiae tuae opem in nos diffundi sentiamus ut qui iam vivium dono tui muneris consequi mereamur premium sempiternum concedente divinitate tua Deus voster qui es vita vivorum et corona sanctorum in aeterna saecula saeculorum.

488 Passionis dominicae calicem delibantes et sacrosancti corporis suavitatem gustantes gratias et laudes ei referamus in domo eius leti et hilares ambulantes.

488 Deus sempiterne salus beatorum beatitudo inestimabilis concede quaeso ut ineffabili munere tuo sanctam ac beata quae sumpserunt sancti ac beati esse mereantur. R. Amen. Per ineffabilem tuae divinitatis potentiam Deus qui es benedictus in saecula saeculorum

488 Omnes qui huic tante assumptionis solemnitati convenistis et sacrosanctam communione mortalia corpora vivificastis mereamini per interventum sancte et gloriose genictricis Dei et hic ab omnibus malis eripi et in futuro cum Christo sine fine iocundari

488 Expletis Domine in hac sancta solemnitate nostrae servitutis officiis gratias tibi laudesque referimus dono tuae miserationis adiuti precantes te Deus ut a peccatis nos abluas et in tuis laudibus exultare concedas.

488 Deus cuius dilectione beata Barbara virgo et martyr omni terreno anteposuit praesta quaesumus ut cuius martyrii triumphum recolimus eius suffragiis ad caelestia regna pervenire possimus.

488 Dicite in nationibus alleluia Dominus regnavit a ligno alleluia et correxit orbem terrae alleluia alleluia

488 Cantate Domino canticum novum cantate Domino omnis terra et corre.

488 Tibi gloriam concinimus Domine Deus noster tuamque potentiam postulamus ut sicut pro nobis peccatoribus dignatus es mori et clarificatus secundo post tertium diem apparuisti in gloria resurrectionis ita per te absoluti in te mereamur habere perpetuum gaudium ita et nobis praecessit verae resurrectionis exemplum.

489 Per misericordiam tuam

489 Ego Ioannes fui in spiritum et vidi in dextera sedentis supra thronum librum scriptum intus et foris signatum sigillis septem et vidi angelum fortem praedicantem voce magna quis est dignus aperire librum et solvere signaluca eius et nemo poterat in caelo neque in terra neque subtus terram aperire librum neque aspicere illum et ego flebam multum quoniam nemo dignus iuventus est aperire librum nec videre eum et unus de senioribus dixit mihi ne fleveris ecce vicit leo de tribu Iuda radix David aperire librum et solvere septem signacula eius et vidi et ecce in medio throni et quatuorum animalium et in medio seniorum agnum stantem tamquam occisum habentem cornua septem et oculos septem qui sunt septem spiritus Dei missi in omnem terram et venit et accepit de dextera sedentis in throno librum et cum apervisset librum quatuorum animalia et viginti quattuor seniores ceciderunt coram agno habentes singuli cytharas et fialas aureas plenas odoramentorum quae sun orationes sanctorum et cantabant novum canticum dicentes dignus es accipere librum et aperire signacula eius quoniam occisus es et redemisti nos Deo in sanguine tuo ex omni tribu et lingua et natione et populo et fecisti nos Deo nostro regnum et sacerdotes et regnabimus super terram et vidi et audivi vocem angelorum multorum in circumitu throni et animalium et seniorum erat numerus eorum milia milium dicentium vocem magna dignus est agnus qui occisus est accipere virtutem et divinitatem et sapientiam et fortitudinem et honorem et gloriam et benedictionem et omnem creaturam quae in caelo et super terram et sub terra et quae sunt in mari omnes audivi dicentes sedenti in throno et agno benedictio et honor et gloria et potestas Deo nostro in saecula saeculorum (Ap 5)

489 Dominus sit semper vobiscum. Et cum spiritu tuo.

489 Domine Dominus noster quam admirabile est nomine tuum in universa terra

490 Quoniam elevata est magnificentia tua supra caelos ex ore infantium et lactentium perfecisti laudem.

490 Silentium facite.

490 In illis diebus ait Paulus ad plebem viri fratres filii generis Abraham et qui in vobis timent Deum vobis verbum salutis huius missus est qui enim habitant in Ierusalem et princpies eius hunc ignorantes et voces prophetarum quae per omne sabbatum leguntur iudicantes impleverunt et nullam causam mortis invenientes in eum petierunt Pilato ut interficerent eum cumque consumassent omnia quae de eo scripta erant deponentes eum de ligno posuerunt eum in monumento Deus vero suscitavit eum a mortuis qui visus est per dies multos his qui simul ascenderant cum eo de Galilaea in Ierusalem qui usque nunc sunt testes eius ad plebem et nos vobis annuntiamus ea quae de patribus nostris repromissio facta est quoniam hanc Deus adimplevit filiis nostris suscitans Iesum sicut et in psalmo scriptum est filius meus es tu ego hodie genui te quod autem suscitaverit eum a mortuis amplius non reversurum in corruptionem ita dixit quia dabo nobis sancta David fidelia Ideoque et alias dicit. Non dabis sanctum tuum videre corruptionem. David autem sua generatione cum administrasset voluntati Dei dormivit et adpositus est ad patres suos et vidit corruptionem. quem vero Deus suscitavit a mortuis non vidit corruptionem. Notum igitur sit vobis viri fratres quia per hunc Iesum vobis remissio peccatorum adnunciatur ab omnibus quibus non potuistis in lege Moysi iustificari in hoc enim omnis qui credit iustificabitur. (Act 13)

490 Illo in tempore una sabbatorum cum fores essent clause ubi erant discipuli propter metum Iudaeorum venit Iesus et stetit in medio et dixit eis. Pax vobis. Ex cum hoc dixisset ostendit eis manus et latus. Gavisi sunt ergo discipuli viso Domino. Dixit ergo eis iterum. Pax vobis. Sicut misit me pater et ego mitto vos. Hoc cum dixisset insufflavit et dixit eis Accipite Spiritum Sanctum. Quorum remiseritis peccata remittuntur eis. Et quorum retinueritis retenta erunt. Thomas autem unus ex duodecim qui dicitur Didimus non erat cum eis quando venit Iesus. Dixerunt ergo ei alii discipuli. Vidimus Dominum. Ille autem dixit eis. Nisi videro in manibus eius fixuras clavorum et mittam digitum meum in locum clavorum et mittam manum meam in latus eius non credam. Et post dies octo iterum erant discipuli eius intus et Thomas cum eis. Venit Iesus ianuis clausis et stetit in medio eorum et dixit. Pax vobis. Deinde dicit Thome. Infer digitum tuum huc et vide manus meas et affer manum tuam et mitte in latus meum et noli esse incredulus sed fidelis. Respondit Thomas et dixit. Dominus meus et Deus meus. Dicit ei Iesus. Quia vidisti me Thoma credidisti. Beati qui non viderunt et crediderunt. Multa quidem et alia signa fecit Iesus in conspectu discipulorum quae non sunt scripta in libro hoc. Haec autem scripta sunt ut credatis quia Iesus est Christus Filius Dei. Et ut credentes vitam habeatis in nomine eius. (J 2)

491 Dominus sit semper vobiscum. Et cum spiritu tuo.

491 Apparuit Dominus Iesus discipulis suis dicens pax vobis ego sum qui resurrexit nolite timere.

491 Alleluia celebravit David pascha et offerebat holocausta Domino et constituit sacerdotes in opere domus Domini alleluia alleluia

491 Alleluia congregati sun omnes filii Israel in loco sanctificationis ibi enim benedixerunt Dominum propterea vocaverunt nomen loci huius convalle benedictionis in opere domus Domini alleluia alleluia

491 Completo dilectissimi sacre solemnitatis salutarium dierum numero potuis quam peracto multisque Deo presulae lustratorum cursibus celebrando compotes obsequelle gerimus de perfectis spei titulum capiamus de futuris oremus ergo ut sic apud clementissimum Patrem nota nostra haec legatio praesentium festorum insinuet quo diutinum plebi suae huius vitae commertium annuae litationis rediviva gaudia subministrent

492 Ingeniti genitoris genite Filius qui in eo nobis diei huius octavi renovas cultum in quo te discipulorum aspectibus hodie praebuisti palpandum nam licet hic dies sit prior prae caeteris conditus octavus post semptem efficitur revolutus quo ipse sicut ammirabiliter e sepulcro surrexisti a mortuis ita ad discipuos in estimabiliter intrasti ianuis obseratis initium videlicet pasche ac finem exornans congruis sacramentis cum et resurrectio tua custodibus terrorem incuteret et manifestatio discipulorum corda dubia confortaret quaesumus ergo ut nos his sacramentis imbutos fides quam te credmus post istud saeculum tibi repraesentet inlesos nullum nobis de te scrupulum dubitationis errorisque aut ocium pariat aut quaesitio incauta enutriat serva in nomine tuo quos redemisti sanguine pretioso contemplandum te nostris sensibus praebe nostrumque cor dignatus ingredere esto semper in medio nostri qui hodie pacem nuntians discipulorum in medio astitisti quique in eis insufflasti spiritum vitae nobis largire eiusdem spiritus consolationem quod sacrum Pascha quod evolutis septem dierum cursibus immolavimus huius octavo diei curriculo praesenti sacrificio consumemus ut in hoc die a quo resurrectionis tuae coepimus ex colere mysterium praesentis Paschae peragamus legitimum sacramentum.

492 Dies istos Domine quos in laetitia celebramus Christi tui resurrectio gloriosa depinxit nobisque in generatione perpetua celebrandos doctrina apostolica derelinquit astantes ergo ante tuam maiestatem clementissime Pater Pascha legitimum frequentamus et ut nobiscum sit sponsus aeternus iugi obsecratione deposcimus eripe itaque nos et familiam tuam ab iniquitatibus cunctis ab scandalo et diebus malignis praepara nobis mensam venerandi altaris quam circundemus velut soboles magni regis ut offerentes propitiatorium libamem pro nobis et famulis tuis exaudiri apud te mereamur tam pro viventibus quam pro defunctis fidelibus.

493 Christe Dei Filius qui obseratis feris ad discipulos intras aeterna eos pace confirmas praebe in his solemnitatibus obsequenti catervae et simultatis vicium fugere et charitatis vere concordiam veraciter retinere quo tui discipuli per dilectionem effecti illis peracta pasche solemnia sacrificiis honoremus quibus ipsi purificari a nostris criminibus mereamur

493 Dignum et iustum est nos tibi gratias agere Domine sancte Pater aeterne omnipotens Deus pet Iesum Christum Filium tuum Dominum nostrum omnium magistrum et formam doctrinae praebentem deitatis ostendentem in divina virtute qui per infirmitatem carnis mori dignatus est et resurrexit per divinam Spiritus Sancti virtutem qio plurimis modis et multis argumentis se discipulis suis vivum exibuit ut videri tangi tractarique potuisset ne crederetur assumpti hominis carnem in inferis reliquisse qui octavo die resurrectionis suae pro metu iudeorum discipulis domi ianuis clausis apparuit et omnem diffidentiam ad nostrae credulitatis exempla destruxit hic cum improvisus in medo circumsedentium appareret putabant omnes se spiritum cernere qui possit calusis ianuis introire quorum cum corda turbata previderet illum super flua priori sollicitudine per negantem affari dignatus est ut latus perfossum lancea manibus attractaret et fixuras clavorum in suis palmis aspiceret ut non pernitiosa incredulitate tabescere sed celeri confessione gauderet isto proinde qui cum videret credidit beatiores illos qui non videssent credidissent difinita sententia declaravit vere fidelis Dominus in verbis suis et sanctus in omnibus operibus suis pati et resurgere se promisit et docuit et legis oracula non soluit se potuis adimplevit quis enim haec sufficienter poterit enarrare miracula quamliter homo verus corpore solidatus clausis claustris intraverit aut tremula moliaque aquarum orbita sicca planta discurrerit cui cum ianuam introiret non obsuit corporis pondus et cum Maria sicco pede transcurreret carnis non obstitit pondus ut vere summus in suis mirabilibus Deus et qui in utero virginali ingredi egredi quem potuit claustrus pudiciciae permanentibus ipse inferos penetravit inlefus et resurrexit sine ulla carnis corruptione securus cui merito omnes angeli et archangeli non cessant clamare cottidie una voce dicentes

494 Sanctus sanctus sanctus Dominus Deus sabaoth pleni sunt caeli et terra gloria maiestatis tuae hosanna filio David hosanna in excelsis benedictus qui venit in nomine Domini hosanna in excelsis.

494 Vere sanctus vere benedictus Dominus noster Iesus Christus Filius tuus qui cum clausa ostia dum discipulos visitaret introivit at Deus at cum de veritate corporis sui dubitantibus peteret panem et manducaret homo est verus iuventus illud faciens mirabiliter hoc misericorditer illud ad glorificandam potentiam divinitatis hoc ad afferendam substantiam carnis opportebat quippe eos illum in utraque natura conspicere quem mediatorem iubebantur Dei atque hominum predicare cui favum mellis simpliciter offerentes fidem suam locuti sunt donis mysticis nos docentes sit est enim ex duabus rebus simples favi confecta materia sic in naturis duabus una Christi creditur extitisse persona ipse Dominus ac Redemptor aeternus

494 Facimus Domine commemorationem Domini nostri Iesu Christi Filii tui qui nos morte sua redemit et resurrectione erexit quique hodie ad discipulos ianuis clausis intracit et uni eorum hesitanti corporea attractione se palpandum exibuit unde per ipsum te Deus Pater exposcimus ut illo spiritu haec oblata sanctifices quo olim in discipulos insufflasti credentes sicque nos participatione hostie hius percipiamus meritum sanctitatis sicut illi te insufflante adepti sunt verbum predicationis

495 Omnis conventus Dominice plebis qui ad peragenda paschalis laetitiae solemnia convenistis pace illa qua hodie dudum ianuis clausis intrante Domino discipulorum corda firmata sunt vestrorum etiam abdita pectorum roborentur quo in peragendis paschalium sacramentorum officiis pacificati per sanguinem crucis proclamemus e terris.

495 Vicit leo de tribu Iuda radix David alleluia.

495 Humiliate vos benedictioni. Dominus sit semper vobiscum.

495 Christus Dominus qui octavo post resurrectionem die obseratis ostiis suis se demonstravit discipulis ignorantiae obicibus abdicatis contemplandum se praebeat sensibus vestris. Quique illis hodie insufflando Spiritum contulit Sanctum in vos respiciendo caelestis gratiae conferat donum. Quo celebritatem paschalem pia consummantes devotione et fide probabiles et opere inveniamini apud Deum indesinenter felices.

495 Per misericordiam ipsius Dei nostri

495 Gaudete populi et laetamini

495 Refecti Christi corpore

495 Expletis Domine

495 Dicite in nationibus alleluia Dominus regnavit a ligno alleluia et correxit orbem terrae alleluia alleluia

495 Tibi gloriam concinimus Domine Deus noster tuamque potentiam postulamus ut sicut pro nobis peccatoribus dignatus es mori et clarificatus secundo post tertium diem apparuisti in gloria resurrectionis ita per te absoluti in te mereamur habere perpetuum gaudium ita et nobis percessit ve resurrectionis exemplum.

495 Per misericordiam tuam Deus noster

495 Angelo Philadelphiae Ecclesiae scribae. Haec dicit sanctus et verus qui habet claves David. Qui aperit et nemo claudit et claudit et nemo aperit. Scio opera tua ecce dedi coram te ostium apertum quod nemo potest claudere quia modicam habes virtutem et servasti verbum meum et non negasti nomen meum. Ecce dedi te synagogam Satanae qui dicunt se Iudaeos esse et non sunt sed mentiuntur. Ecce faciam illos et veniant et adorent ante pedes tuos et sciant quia ego dilexi te quoniam servasti verbum patientie meae. Ego servabo ab hora tentationis quae ventura est in orbem universum tentare habitantes in terram. Venio cito tene quod habes ut nemo accipiat coronam tuam. Qui vicerit faciam illum columnam in templo Dei mei et foras non egredietur amplius. Et scribam super illum nomen Dei mei et nomen civitatis Dei mei nove Ierusalem quae descendit de caelo a Deo meo et nomen meum novum. Qui habet aurem audiendi audiat quid spiritus dicat ecclesiis. (Ap 3 )

496 Dominus sit semper vobiscum. Et cum spiritu tuo.

496 Psallite Deo nostro psallite regi nostro psallite.

496 Quoniam rex omnis terrae Dominus psallite sapienter.

496 Silentium facite.

496 Factum est cum congregarentur principes sacerdotum et seniores et scribae in Ierusalem et Annas princeps sacerdotum et Caiphas et Ionathas et Alexander eo quod erant de genere sacerdotali. Et statuentes eos in medio interrogabant in qua virtute et in quo nomine fecistis hoc vos Tunc Petrus repletus Spiritu Sancto dixit ad eos. Principes populi et seniores Israel audite. Si nos hodie diiudicamur in benefacto hominis infirmi in quo iste salvus factus est notum sit hominibus et omni plebi Israel quia in nomine Iesu Christi Nazareni quem vos crucifixistis quem Deus suscitavit a mortuis in hoc iste stat coram vobis sanus hodie in alio autem nullo. Hic est lapis qui reprobatus est a vobis aedificantibus qui factus est in caput anguli. Et non est in alio salus nec enim nomen aliud est sub caelo datum hominibus in quo oporteat nos salvos fieri. (Act 4 )

496 Erat dies festus Iudaeorum et ascendit Iesus Hierosolymam. Est autem Hierosolymis probatica piscina quae cognominatur hebraice Bethsaida quinque porticus habens. In his iacebat multitudo languentium caecorum claudorum expectantium aquae motum. Angelus autem secundum tempus descendebat in piscinam et movebatur aqua et qui prior descendisset in piscinam post motionem aquae sanus fiebat a quacunque detinebatur infirmitate sua. Hunc cum vidisset Iesus iacentem et cognovisset quia iam multum tempus haberet dicit ei. Vis sanus fieri Respondit ei languidus. Domine hominem non habeo ut cum turbata fuerit aqua mittat me in piscinam. Dum venio enim ego alius ante me descendit. Dicit ei Iesus. Surge tolle grabatum tuum et ambula. Et statim sanus factus est homo et sustulit grabatum suum et ambulabat. Erat autem sabbatum in illo die. Dicebant Iudaei illi qui sanus fuerat factus. Sabbatum est non licet tibi tollere grabatum tuum. Respondit eis. Qui me fecit sanum ille mihi dixit tolle grabatum tuum et ambula. Interrogaverunt ergo eum. Quis est ille qui dixit tibi tolle grabatum tuum et ambula Is autem qui sanus fuerat affectus nesciebat quis esset qui dixit ei tolle grabatum tuum et ambula. Iesus autem declinavit a turba constituta in loco. Postea invenit eum Iesus in templo et dixit illi. Ecce sanus factus es iam noli peccare ne deterius tibi aliquid contingat. Abiit ille homo et nuntiavit Iudaeis quia Iesus est qui fecit eum sanum. Propterea persequebantur eum Iudei quoniam haec faciebat in sabbato. Iesus autem respondit eis. Pater meus usque modo operatur et ego operor. Propterea magis quaerebant eum Iudaei interficere quia non solum solvebat sabbatum sed et patrem suum dicebat Deum aequalem se faciens Deo. (J 5)

497 Dominus sit semper vobiscum. Et cum spiritu tuo.

497 Iubilate Deo omnis terra servite Domino in laetitia.

497 Alleluia temporibus illis postquam resurrexit Dominus Iesus exierunt mulieres cito de monumento cum timore magno nuntiare discipulis eius dicentes alleluia.

497 Alleluia ecce Iesus occurrit illis dicens avete illi autem accesserunt et tenuerunt pedes eius et adoraverunt eum.

497 Alleluia tunc ait illis Dominus dicens nolite timere ite nuntiate fratribus meis ut eant in Galilaeam ibi me videbunt quia sic oportebat Christum pati et resurgere a mortuis die tertia et sedere in gloriam suam egressae de monumento currebant.

498 Deum Dei Filium qui amore hominis in hominem non solum nasci dignatus est verum etiam crucifigi fratres carissimi deprecemur. Ut nos a passione carnalium vitiorum evictis etiam nequitiarum spiritualium mundi principibus ipse munere suo nos eripiat et vivere in crucis suae voluntaria crucifixione nos faciat eamque nobis quae sibi placeat servitutem attribuat quam nec oppressio tribulationis impediat nec iners securitas in torporem inducat.

498 Domine Iesu Christe qui vivificaturus occideris qui resurrecturus sepeliris dum morte tua mortuos solvis dum poenam superas crucifixus tu ad preces nostras illa qua totum pateris pietate converte et nostris iam calamitatibus finem pone. Sicque reddita nobis indulgentia miserere ut qui adversante gravium culparum impressione nos egisse sentimus iterum te ad nos misericordia parcente conversum redeunte quietis statu et meliorum rerum commodis potiamur.

498 Illuminatorem diei huius te Dominum Iesum Christum qui nos ad sacra resurrectionis tuae festa perduxisti per ipsa sacrorum sollemnium suffragia deprecamur ut sacrificia haec quae tibi sub sacramento divini Corporis offeruntur tam acceptabilia tibi nostro facias obsequio quam sunt divino instituta mysterio. Simulque universam Ecclesiam tuam sanctificatione perfundens et offerentibus remunerationem et sacrificantibus veniam et sumpturis salutem perpetuam largiaris.

498 Quaesumus Unigenite Dei Filius ut quos redemisti sanguine sacro pacis et caritatis munifices dono. Sicque omnes qui te veraciter resurrexisse fatemur resurgere post mortem non ad poenam sed ad gloriam mereamur.

498 Dignum et iustum est vere aequum et salutare est nos tibi gratias agere Domine sancte Pater aeterne omnipotens Deus per Iesum Christum Filium tuum Regem sempiternum tecumque regnantem qui tanta ac talia pro salute nostra dignatus est supportare. Iudicatus est a iudaeis qui iudicaturus est vivos ac mortuos. Ante tribunal praesidis stetit cuius metuenda tribunalia universi sunt caeli. Sputis faciem suam passus est deliniri qui sputo suo paulo ante aperuit oculos caeci nati. Spinis dignatus est coronari a quo meruerunt martyres coronis caelestibus decorari. Felle et aceto permixto dignatus est potari qui de petra durissima fecit populum melle saturari. Lancea latus suum sustinuit penetrari cuius gladio devicti sunt inferi. Manus et pedes clavis dignatus est infingi cuius manus fecerunt fabricam caeli. Depositus de cruce voluit sepeliri cuius verbo confestim suscitati sunt mortui. Se ipsum pro nobis iussit offerri ne ultra iam irrationabilium pecorum sanguis sacris altaribus funderetur. Ipse sacerdos dignatus est esse et hostia per quem cuncti credentes vitam consequerentur aeternam. Propter quod ei omnes angeli omnesque sancti non cessant clamare ita dicentes.

499 Vere sanctus vere benedictus Unigenitus tuus Dominus noster et medicus. Qui non solum aegritudinem nostram quam paradisi exsules dolebamus absolvit verum etiam mortem primi parentis errore contractam pro sua pietate miseratus divina potestate superavit dum nobis et formam morum vivendo praebuit et peccatorum remissionem moriendo concessit.

499 Christe qui pro nobis Deo Patri in sacrificium es oblatus qui sanguine tuo terrena caelestibus socians resurrectione tua nos doces sperare superna his sacrificiis propitiatus illabere hisque benedicturus descende. Sint haec quae tibi offerimus libamina ita plenitudine benedictionis tuae referta ut resurrectionis tuae festa celebrantibus optatam pariant medicinam.

500 Redemptor noster et conditor cuius in sepulcro caro non vidit corruptionem sed glorificata surrexit Dei Patris roborata virtute tu omnia corruptionem carnalium in nobis vulnera propitiatus interime et gloriosae castitatis cingulo nos adstringe quo devictis vitiorum carnalium incentivis ea quae nos docuisti exclamemus e terris.

500 Vicit leo de tribu Iuda radix David alleluia.

500 Humiliate vos benedictioni. Dominus sit semper vobiscum.

500 Crux Domini nostri Iesu Christi sit sublimitas vestra. Sanguis eius maneat in vos redemptio vera. Resurrectio ipsius sit vobis claritas sempiterna.

500 Per misericordiam ipsius Dei nostri

500 Gaudete populi et laetamini

500 Refecti Christi corpore

500 Expletis Domine

500 Dicite in nationibus alleluia Dominus regnavit a ligno alleluia et correxit orbem terrae alleluia alleluia

500 Tibi gloriam

500 Ego Ioannes fui in spiritu et vidi et ecce agnus stabat supra montem Sion et cum illo centum quadraginta quatuor millia habentes nomen eius et nomen patris eius scriptum in frontibus suis. Et audivi vocem de caelo tanquam vocem aquarum multarum et tanquam vocem tonitrui magni. Et vocem quam audivi sicut citharedorum citharizantium in citharis suis. Et cantabant canticum novum ante sedem et ante quatuor animalia et seniores. Et nemo poterat dicere canticum nisi illa centum quadraginta quatuor millia qui empti sunt de terra. Hi sunt qui cum mulieribus non sunt coinquinati virgines enim sunt hi sequuntur agnum quocumque ierit. Hi empti sunt ex omnibus primicie Deo et agno et in ore ipsorum non est inventum mendacium sine macula enim sunt. Et vidi alterum angelum volantem per medium caelum habentem evangelium aeternum ut evangelizaret sedentibus super terram et super omnem gentem tribum et populum dicens magna voce. Timete Dominum et date illi honorem quia venit hora eius iudicii et adoret eum qui fecit caelum et terram mare et fontes aquarum. (Ap 14)

501 Dominus sit semper vobiscum. Et cum spiritu tuo.

501 Iubilate Deo omnis terra psalmum dicite nomini eius date gloriam laudi eius.

501 Benedicite gentes Deum nostrum et obaudite voci eius.

501 Silentium facite.

501 Videntes principes sacerdotum Petri constantiam et Ioannis comperto quia homines essent sine litteris et idiote admirabantur et cognoscebant eos quoniam cum Iesu fuerant. Hominem autem videntes stantem cum eis qui curatus fuerat nihil poterant contradicere. Iusserunt autem eos foras extra concilium sedere et conferebant invicem dicentes. Quid faciemus hominibus istis Quoniam quidem notum signum factum est super eos omnibus qui habitant in Ierusalem manifestatum est non possumus negare. Sed ne amplius divulgetur in populum comminetur eis ne ultra loquantur in nomine hoc ulli hominum. Consentientibus autem omnibus et vocantes eos denunciaverunt ne omnino loquerentur neque docerent in nomine Iesu. Petrus vero et Ioannes respondentes dixerunt ad eos. Si iustum est in conspectu Dei vos potius audire quam Deum iudicate. Non enim possumus nos quae vidimus et audimus non loqui. At illi comminantes dimiserunt eos non invenientes quomodo punirent eos propter populum quia omnes clarificabant id quod factum fuerat in eo quod acciderat. Annorum enim erat quadraginta homo in quo factum est istud signum sanitatis. (Act 4 )

501 Dominus noster Iesus Christus cum venisset in Galilaeam exceperunt eum Galilaei cum omnia vidissent quae fecerat Hierosolymis in die festo et ipsi enim venerant in diem festum. Venit enim iterum Chanaam Galilaeae ubi fecit de aqua vinum. Erat quidam Regulus cuius filius infirmabatur Capharnaum. Hic cum audisset quia Iesus veniret a Iudea in Galilaeam abiit ad eum et rogabat illum ut descenderet et sanaret filium eius. Incipiebat enim mori. Dixit ergo Iesus ad eum. Nisi signa et prodigia videritis non creditis. Dicit ad eum Regulus. Domine descende priusquam moriatur filius meus. Dicit ei Iesus. Vade filius tuus vivit. Credidit ergo homo sermonem quem dixerat ei Iesus et ibat. Iam autem eo descendente servi occurrerunt ei et annuntiaverunt dicentes quia filius eius viveret. Interrogabat horam ab eis in qua melius habuerat. Et dixerunt ei. Quia heri hora septima reliquit eum febris. Cognovit ergo pater quia illa hora erat in qua dixerat ei Iesus filius tuus vivit. Et credidit ipse et domus eius tota. Hoc iterum secundum signum fecit Iesus cum venisset a Iudea in Chanaam Galilaee. (J 4 )

502 Dominus sit semper vobiscum. Et cum spiritu tuo.

502 Quis Deus magnus sicut Deus noster tu es Deus qui facis mirabilia.

502 Haec dicit Dominus qui erat et qui est et qui venturus est omnipotens primus et novissimus qui mortuus est et resurrexit et ecce vivens est lavit nos supra lignum sanguine suo ipsi gloria in saecula saeculorum alleluia.

502 Audivi voces angelorum multorum dicentium ante Agnum qui est primogenitus mortuorum et princeps regum terrae salus Deo nostro sedenti supra thronum et omnes angeli in circuitu stabant et seniores prostraverunt se et adoraverunt Dominum sedentem supra caelos clamantes voce magna.

502 Offeramus dilectissimi fratres panes propositionis qui desideramus accedere ad mensam Dei omnipotentis nec de morte Christi coram populis erubescere sed de gloriosa cupiamus resurrectione gaudere. Nulla nobis desperationis caligo nascatur sed lucernam fidei mens serenior contempletur. Ut per viam vitae temporalis simpliciter ambulantes quandoque Christus visitaverit non inveniat dubitantes nec arguat infideles. Demus potius hospitalitati competenter studium recepturi in caelestibus praemium. Mundi quoque eidem Christo cordis hospitium praeparemus et in nobis mansionem sapientiae fabricemus ut in fractione panis ab omnibus cognoscendus resurrectionem suam manifestare dignetur in aeterna Dei Patris gloria simpliciter adorandus. Dies enim laeta tunc transiet si sollemnitati devotio religiosa concordet.

503 Benedicte Deus et Pater universitatis et substantiae omnis creator condens unicuique naturae demutabilem legem et ipse liber a lege naturae mortem perimens diabolum infirmans malitiam extinguens sanctificationem tribuens immortalitatem perficiens et infirmitatem expellens atque immensitatem tuam capacem. fidelium tibi animarum accommodans sanctitati. Qui ad depellendos mundi huius errOres et omnem malignae potentiae naturam coarguendam Verbum et virtutem et sapientiam tuam Deum ac Dominum nostrum Iesum Christum Filium tuum consortem caducae carnis nostrae esse voluisti. Per quem tibi gratias agimus ob hunc verum et consummatum et ad salutem generis humani pretiosa sua passione perfectum Paschae diem in quo inferos adiit mortem vicit diabolum coarguit et leges tartari solvit in homine suo a quo mortis condicione discesserat coexcitaturus universae carnis quae in se esset generanda natura. Ob quod facito nos omnipotens Pater ut hunc sanctum in progenies et memorabilem in generationem diem confitentes non in amaritudine veterum azymorum neque in anterioris malitiae fermento sed in nova et sincera renatae innocentiae conspersione celebremus liberati et regenerati sanctificati et coronati.

503 Deus qui in electis tuis extinxisti funditus mortem cum mortem te inferni pronuntias esse illos solum ex averni claustris erueris quos tuos in fide et actibus recognoveris da praesenti christiano conventui resurrectionis tuae sollemnitate ovanti legis tuae praeceptis inviolabiliter inhaerere et indesinenter aestu tuae dulcedinis anhelare. Ut semper nos tuos operarios ipse cognoscas et aeternis poenis solutos secundae resurrectionis felicitate sustollas. Quo praesenti sacrificio et resurrectionis tuae gaudia celebrantibus se nobis maiestas tua invisa visibilem praebeat et defunctorum spiritibus ad requiem se ostendat.

504 Christe Deus qui inter iniquos suspendi passus es crucis sustinendo iniuriam dato nobis perfectae vitae tolerantiam ut caritate illa qua ipse mundum diligens pro eodem mortem subisti inveniamur ipsi te opitulante perfecti. Sicque passionis tuae exemplo illata toleremus scandala ut sanguine crucis tuae omnia pacificante capitis nostri mereamur effici membra.

504 Dignum et iustum est nos tibi gratias agere laudesque referre qui cum Spiritu Sancto regnando manes in Patre quique magno pietatis tuae admirandoque mysterio manifestatus in carne iustificatus in spiritu ostensus in Angelis praedicatus in gentibus creditus in hoc mundo assumptus in gloria de inferni nos periculis liberasti. Chrismatis et carismatis tuae dona dispertiens ad sacerdotales infulas et ad regiae nobilitatis insignia tamquam electum genus et populum acquisitionis invitas socians humano generi consortemque naturam carnis assumptione dignatus iustus pro iniustis pius pro impiis alieni reatus sorte suspensus reconciliasti nos Deo. Humilitate tua nos erigis contumeliis honoras vulneribus sanas morte vivificas. Quidquid in nobis mors habebat iuris evacuans obliterato quod adversum nos est deletoque chirographo in caelestis gratiae beatitudinem spem nostrae libertatis extendis. Victoriae tuae resurrectionisque primitiis ad dona nos aeternae beatitudinis provocasti. Volens redemptos in caelestibus collocare ad Deum Patrem vocationum nostrarum praecursor ascendis ut redemptor in terris propitiator in caelis addictos passione absolvas captivos advocatione defendas insuper ad communionem Corporis et Sanguinis tui non solum accipiendi sed etiam consecrandi per gratiam indultae sanctificationis admittas ut panis istius vinique institutas a te tibi ac Deo Patri hostias offeramus quae etsi non habeant veram creaturae diversitate materiam accipiant tamen debitam spiritali benedictione potentiam. Per quam originem quandam evangelicae imitationis adepti caelestium secretorum sacramenta discentes laudes quas tibi in gloria Patris cum Sancto Spiritu permanenti angeli et archangeli canunt nos quoque imitati caelestium beatitudinem persolvamus cum seraphim ita dicentes.

505 Vere sanctus vere benedictus Dominus noster Iesus Christus Filius tuus qui moriens saeva averni claustra destruxit et resurgens ianuas nobis regni caelestis aperuit.

505 Commemoramus Domine passionem Iesu Christi Domini nostri qui se tibi per crucis destinam in verum sacrificium offerens confractis averni obicibus cum glorificata carne tertia die rediens a mortuis vivus suis postmodum apparuit discipulis gloriosus. Et ideo per eius te mortem poscimus et rogamus ut his sacrificiis ita propitiatus illabi iubeas quo omnes pro quibus offertur et fermento malitiae careant et novitate Spiritus paschalium gaudiorum mereantur peragere sacramenta.

505 Omnipotens aeterne Deus qui Filium tuum pro nostra redemptione misisti verbo editum virginali utero procreatum ut carnem indueret et nos de peccatorum vinculis liberaret poenas crucis pertulit diversas tormenta sustinuit et nos sua passione salvavit simulque resurrectione redemit. Miserere igitur nostri ut orationem quam nos ipse docere dignatus es sic dicere mereamur.

506 Vicit leo de tribu Iuda radix David alleluia.

506 Humiliate vos benedictioni. Dominus sit semper vobiscum.

506 Omnipotens Deus qui aeterna dispensat in isto glorioso resurrectionis suae die vos uberius benedicat. Claritatis suae vos splendore perfundat et mentes vestras paschali laetitia repleat. Irrigentur pectora vestra dono Spiritus Sancti ac sicut terra sitiens satientur imbre caelesti. Ut conscientiae purgatos maculis paschalibus vos dignos efficiat sacramentis.

506 Per misericordiam ipsius Dei nostri

506 Gaudete populi et laetamini

506 Refecti Christi corpore

506 Expletis Domine

506 Dicite in nationibus alleluia Dominus regnavit a ligno alleluia et correxit orbem terrae alleluia alleluia

506 Tibi gloriam

506 Ego Ioannes fui in spiritu et vidi caelum apertum. Et ecce equus albus et qui sedebat super eum vocabatur fidelis et verax et iustitiam iudicat et puniet. Oculi autem eius sicut flamma ignis et in capite eius diademata multa habens et nomen scriptum quod nemo novit nisi ipse. Et vestitus erat vestem adspersam sanguine et vocatur nomen eius Verbum Dei. Et exercitus qui sunt in caelo sequebantur eum in equis albis vestiti bissinum album mundum et de ore ipsius procedebat gladius acutus et in ipso percutit gentes et ipse reget eos in virga ferrea. Et ipse calcat torcular vini furoris ire Dei omnipotentis et habet in vestimento et in femore suo scriptum rex regum et Dominus dominantium. (Ap 19)

506 Dominus sit semper vobiscum. Et cum spiritu tuo.

506 Psallite Deo nostro

507 Silentium facite.

507 Dimissi apostoli venerunt ad suos et annuntiaverunt eis quanta ad eos principes sacerdotum et seniores dixissent. Qui cum audissent unanimiter levaverunt vocem suam ad Dominum et dixerunt. Domine qui fecisti caelum et terram mare et omnia quae in eis sunt qui per Spiritum Sanctum per os patris nostri David pueri tui dixisti. Quare fremuerunt gentes et populi meditati sunt inania. Asstiterunt reges terrae et principes convenerunt in unum adversus Dominum et adversus Christum eius. Convenerunt vere in civitate ista adversus sanctum puerum tuum Iesum quem unxisti Herodes et Pontius Pilatus cum gentibus et populis Israel facere quae manus tua et consilium decreverunt fieri. Et nunc Domine Deus respice in minas eorum et da servis tuis cum fiducia loqui verbum tuum in eo cum manum tuam extendas sanitates et signa et prodigia fieri per nomen sancti filii tui Iesu Christi. Et cum orassent motus est locus in quo erant congregati. Et repleti sunt omnes Spiritu Sancto et loquebantur verbum Dei cum fiducia omni volenti credere. (Act 4)

507 Dominus noster Iesus Christus cum descendisset de navi excepit illum turba et erant omnes expectantes eum. Et ecce venit vir cui nomen Iairus et ipse princeps synagoge erat. Et cecidit ad pedes Iesu rogans eum ut intraret domum eius quia filia unica erat illi fere annorum duodecim et ecce moriebatur. Et contigit dum iret a turbis comprimebatur. Et mulier quaedam erat in profluxu sanguinis ab annis duodecim quae in Medicos erogaverat omnem substantiam suam nec ab ullo potuit curari. Accessit retro et tetigit fimbriam vestimenti eius. Et ait Iesus. Quis est qui me tetigit Negantibus autem omnibus dixit Petrus et qui cum illo erant. Praeceptor turbae te comprimunt et affligunt et tu dicis quis me tetigit Et dixit Iesus. Tetigit me aliquis Nam ego novi virtutem a me exisse. Videns autem mulier quia non latuit tremens venit et cecidit ante pedes eius et ob quam causam tetigerit eum nunciavit coram omni populo et quemadmodum sanata sit. At ipse dixit illi filia fides tua te salvam fecit vade in pace. Adhuc illo loquente venit quidam ad principem synagoge dicens ei quia mortua est filia tua noli vexare eum. Iesus autem audito hoc verbo respondit patri puelle. Noli timere crede tantum et salva erit. Et cum venisset ad domum non permisit intrare secum quemquam nisi Petrum et Ioannem et Iacobum et patrem et matrem puellae. Flebant autem omnes et plangebant illam. At ille dixit. Nolite flere non est mortua sed dormit et deridebant eum scientes quia mortua esset. Ipse autem tenens manum eius clamavit dicens. Puella surge et reversus est spiritus eius et surrexit continuo et iussit illi dare manducare. Et stupuerunt parentes eius. Quibus praecepit ne alicui dicerent quod factum erat. Convocatis autem duodecim apostolis dedit illis virtutem super omnia demonia eiicere et ut languores curarent. Et misit illos praedicare evangelium Dei et sanare infirmos. (L 8-9)

508 Dominus sit semper vobiscum. Et cum spiritu tuo.

508 Memento nostri Domine in beneplacito populi tui visita nos Deus in salute tua.

508 Stetit angelus ante aram dei habens turibulum aureum et datae sunt ei supplicationes multae ut darent de orationibus sanctorum ad altare Domini quod est ante thronum et ascendit fumus supplicationum de manu angeli in conspectu Dei alleluia alleluia alleluia.

508 Vidi librum in dextera Dei sedentis supra thronum scriptum intus et retro signatum signis septem et audivi angelum fortem praedicantem voce magna quis dignus est aperire librum et videre signa eius nec quisquam poterat neque in caelo neque in terra neque subtus terram aperire librum aut prospicere illum et ego flebam multum quod nemo dignus inventus esset qui aperiret librum aut videret illum et dixit mihi unus ex senioribus ne fleveris ecce vicit leo de tribu Iuda radix David aperire librum et septem signa eius.

509 Hic est dies quem fecit Dominus exsultemus et laetemur in eo. Hic est dies quem tenebrae comprehendere nequiverunt. Hic est dies quem alia non praecessit nox nulla concludit. Hic est dies in quo qui ambulat non offendit. Hic est dies quem nulla umquam delevit oblivio nec saeculorum vetustas obducit. Qui cum maneat semper in Patre nobis tamen hodie rediens ab inferis immortali refulsit ex lumine. Ipsum igitur possideamus in mente exaltemus in voce adoremus in spiritu glorificemus et portemus in corpore intentaque prece rogemus ne nos secundae patiatur mortis interitu comprehendi quos ereptos a primae mortis imperio per crucis et carnis suae passionem reddidit libertati.

509 Resuscita nos Domine a concupiscentiarum nostrarum sepulcris qui devicto diabolo resurrexisti triumphator a mortuis. Non in nobis patiaris perire bonorum tuorum notitiam quam dedisti qui in salute perditos excitasti. Constitue inter nos et inconvertibilem diabolum odium perfectum non quo nobis nocere te propitiante praevaleat sed quo agnitione tuae veritatis illuminatos supplantare ulterius non valeat. Eumque ita malorum eius crescente fastigio relinquamus ne umquam ad vomitum nostrarum sordium redeamus. Illoque virtutis tuae vigore expulso inerradicabilem mentibus nostris dilectionis tuae infunde dulcedinem donec ad satietatem plenitudinis veniamus beatae.

509 Facito nos omnipotens Deus ut carnali devicta concupiscentia veraciter gloriemur in cruce tua. Per illam et viventium probra et defunctorum abdicentur exitia per eam acceptentur oblationes fidelium per eam confusa ad Christum redeat infidelitas perfidorum. Quo nos qui te resurrexisse fideliter credimus ita ex nostris tibi actibus placeamus ut per hoc sacrificium placabilem te nobis ostendas et viventibus pacem et sepultis optatam conferas mansionem.

510 Super corpus benevoli redemptoris spiritales aquilae volitantes et resurgentis Domini claritatem radiante fidei obtutu cernentes debitas tibi offerimus Pater clementissime gratias et ideo deprecamur ut ad huius delectabilis mensae caelestes epulas invitati dono pacis aeterna in hoc paschali mereamur convivio recreari.

510 Dignum et iustum est vere praeclarum atque sublime est nos confessione pectoris vocis organo oris officio innumerabilium tuorum Deus munerum dona praeferre et amaritudinem nostrarum faucium beati eloquii sapore condire. Sed angustum est ad tam immensa praeconia pectus hominis et quo te quisque interius aspexerit maior semper accrescis quia semper novus semper antiquus es. Misisti in hunc mundum Filium tuum lege nascendi qui priusquam nasceretur in utero virginali tecum ante saecula cuncta formavit. Viderunt eum elementa nascentem quae cum disponerentur viderant ordinantem. Teneram eius populi mirantur aetatem quorum patres antiquam iam tunc intellexere virtutem. Quod si grande est pulchrumque mysterium res illa cum nascitur quanto magis miraculi est res illa cum moritur. Capta enim mors est corporis fraude et dum carne contectum Deum non agnovit interius latentem sub esca hamum fauce suscepit et in cruce clavis fixa congemuit. O quam praeclara Domine aviditatem draconis antiqui arte lusisti ut dum ei ostenderis corporis praedam ipse configeretur in ligno. Et spolians carne Verbum liber ad inferos pergis confractisque portarum claustris vinctos laxas e vinculis et inter mortuos liber tenebras nova luce perfundis. Non subiacebat maiestas tua Domine huic necessitati ut ista patereris sed nos eramus necessitas tua. Perierat enim Domine vita nostra nisi Filii tui morte fuisset inventa. Misisti super nostrorum criminum cautionem sanguinem Unigeniti Filii tui et delesti eam iure victoris. Vulneribus eius sanasti vulnera nostra ut nos redimeres per Filium tuum absque divinitatis iniuria ipsudque pretium hominis idem Deus factus est. Quid ergo faciemus nunc tam magno talique redempti pretio Quae nostra opera compensabit hoc pretium Qualiter serviemus tali Domino a quo nobis est promissa libertas et offertur hereditas Operare in nobis Domine quod tibi placeat et ut te possidere possimus ipse nos posside. Non discedimus a te vivificabis nos et nomen tuum invocabimus nomen illud quod est super omne nomen quod collaudant Angeli et Archangeli ita dicentes.

511 Vere sanctus vere benedictus Dominus noster Iesus Christus Filius tuus qui solus verbo virtutis cuncta moderans et omnia crucis destina portans vectes ferreos comminuit portarumque aerearum claustra perfregit tartari profunda descendit sedentibus in umbra mortis ignotae lucis claritate resplenduit et sol iustitiae de tumulo corpore suscitato procedens radiis suis tenebras nostras mirabiliter illustravit.

511 Confitemur Domine confitemur et credimus pro nostro scelere te et corporaliter mortis subisse supplicium et pro omnium salute prostrato mortis interitu triumphantibus Angelis caelestem Patris ex qua veneras ad mansionem reversum. Propter quod te Deus omnipotens rogamus et petimus ut oblata in conspectu tuo nostrae servitutis libamina ipse tibi acceptabilia facias et accepta discurrente sancto Angelo tuo nobis sanctificata distribuas ut dum corda nostra Corporis et Sanguinis Filii tui Domini nostri commixtione purificas petitiones nostras in odorem suavitatis accipias.

512 Inaestimabilem tuae magnificentiae bonitatem in huius resurrectionis Filii tui sollemnitate cum veneratione deposcimus Domine sancte Pater aeterne omnipotens Deus cuius bonitatis imago est Christus per quem nobis tale munus condonare dignatus es ut nos eius passione ac resurrectione ex servis filios adoptare. Per ipsum te Domine supplices exoramus ut nos ab omni infestatione adversarii tutos atque defensos custodias ut numquam tuum contristemus Spiritum Sanctum sed ipsum semper habeamus advocatum. Ut officiis misericordiae et humilitatis insistentes divitias caelestes ab eo in futuro percipere mereamur proclamantes.

512 Vicit leo de tribu Iuda radix David alleluia.

512 Humiliate vos benedictioni. Dominus sit semper vobiscum.

512 Christus Dominus qui vos redemit sanguine crucis suae mortificet in vobis concupiscentias carnis vestrae. Et qui moriens triumphavit ex inferis victores vos efficiat criminis. Quo sicut ille gloriosam resurgens assumpti hominis carnem reportavit in caelo ita vos in die resurrectionis assistatis ante oculos eius glorioso absque ullo peccato.

512 Per misericordiam ipsius Dei nostri

512 Gaudete populi et laetamini

512 Refecti Christi corpore

512 Expletis Domine

513 Dicite in nationibus alleluia Dominus regnavit a ligno alleluia et correxit orbem terrae alleluia alleluia

513 Tibi gloriam

513 Ego Ioannes fui in spiritu et ostendit mihi Dominus flumen aquae vive splendidum tanquam christallum procedentem de sede Dei et agni. In medio plante eius et ex utraquae parte fluminis lignum vitae afferens fructus duodecim per menses singulos reddentia fructum suum. Et folia ligni ad sanitatem gentium et omne maledictum non erit amplius et sedes Dei et agni in illa erunt et servi eius servient illi. Et videbunt faciem eius et nomen eius in frontibus eorum. Et nox ultra non erit et non negabit lumen lucerne neque lumen Solis. Quoniam Dominus Deus Israel illuminat illos et regnabunt in saeculum saeculi. (Ap 22 )

513 Dominus sit semper vobiscum. Et cum spiritu tuo.

513 Iubilate Deo omnis

513 Silentium facite.

513 Per manus apostolorum fiebant signa et prodigia multa in plebe. Erant unanimiter omnes in porticu Salomonis. Ceterorum autem nemo audebat coniungere se illis sed magnificabat illos populus. Magis autem augebator credentium in Domino multitudo virorum ac mulierum ita ut in plateis eiicerent infirmos et ponerint in lectulis et grabatis ut veniente Petro saltim umbra illius obumbraret quemquam eorum et liberarentur ab infirmitatibus suis. Concurrebat autem multitudo vicinorum civitatum Ierusalem afferentes aegrotos et vexatos ab spiritibus immundis qui curabantur omnes. Exsurgens autem princeps sacerdotum et omnes qui cum illo erant quae est haereses saduceorum. Repleti sunt zelo et iniecerunt manus in apostolos et pesuaerunt eos in custodiam publicam. Angelus autem Domini per noctem aperiens ianuas carceris educens eos dixit. Ite et stantes in templum loquimini plebi omnia verba vitae. Qui cum audissent intraverunt diluculo in templum et docebant. Audiens autem princeps sacerdotum et qui cum eo erant convocaverunt concilium et omnes seniores Israel et miserunt ad carcerem ut adducerent eos. Cum advenissent autem ministri et aperto carcere non invenissent illos renunciaverunt dicentes. Carcerem quidem invenimus clausum cum omni diligentia et custodes ad ianuam carceris stantes. Aperientes autem neminem intus invenimus. Audierunt autem hostros sermones seniores templi et principes sacerdotum ambigebant de illis quidnam esset istud. Adveniens autem quidam nunciavit eis quia ecce viri quos posuistis in carcerem in templo sunt stantes et docentes populum. Tunc abiit magistratus cum ministris et adduxit illos sine vi. Timebant enim populum ne lapidarentur. Et cum adduxissent eos statuerunt in concilio. Et interrogavit eos princeps sacerdotum dicens. Praecipiendo praecepimus vobis ne doceretis in nomine isto Et ecce replestis Ierusalem doctrina vestra et vultis inducere super nos sanguinem hominis istius Respondens autem Petrus et apostoli dixerunt. Obedire oportet Deo magis quam hominibus. Deus Patrum nostrorum suscitavit Iesum quem vos interemistis suspendentes in ligno. Hunc Deus principem et Salvatorem nostrum exaltavit dextera sua ad dandam paenitentiam Israel in remissionem peccatorum. Et nos sumus testes horum verborum et Spiritus Sanctus quem dedit Deus omnibus obedientibus sibi. (Act 5)

514 Egressus Iesus ad mare omnisque turba veniebat ad eum et docebat eos. Et cum praeteriret vidit Levi Alphei sedentem ad telonium et ait illi. Sequere me. Et surgens secutus est eum. Et factum est cum adcumberet in domum illius multi publicani et peccatores simul discumbebant cum Iesu et discipulis eius. Erant enim multi qui sequebantur eum. Et scribe et pharisaei videntes quia manducaret cum publicanis et peccatoribus dicebant discipulis eius. Quare cum publicanis et peccatoribus manducat magister vester Hoc audito Iesus ait illis Non necesse habent sani medicum sed qui male habent. Non enim veni vocare iustos sed peccatores et erant discipuli Ioannis et pharisaei ieiunantes et veniunt et dicunt illi. Cur discipuli Ioannis et pharisaei ieiunant tui autem non ieiunant Et ait illis Iesus. Numquid possunt filii nuptiarum quandiu sponsus cum illis est ieiunare quanto tempore habent secum sponsum non possunt ieiunare. Venient autem dies cum auferetur ab eis sponsus et tunc ieiunabunt in illis diebus. Nemo absumentum panni rudis adsuit vestimento veteri. Alioquin aufert supplementum novum a veteri et maior scissura fit Et nemo mittit vinum novellum in utres veteres. Alioquin disrumpet vinum utres et vinum effunditur et utres pereunt. Sed vinum novum in utres novos mitti debet. Qui habet aurem audiendi audiat. (Mc 2)

515 Dominus sit semper vobiscum. Et cum spiritu tuo.

515 Laudate Dominum quia benignus Dominus psallite nomini eius quoniam suave est.

515 Aspexi et vidi animas interemptorum propter verbum Dei omnes veste alba induti ante tribunal Agni et obtulerunt memoriam sanctorum in conspectu Domini alleluia alleluia.

515 Vidi in medio seniorum tribunal candidum et Agnum quasi occisum ante cuius conspectum guit caelum dicens mihi haec est resurrectio prima et quattuor animalium et seniores adoraverunt Deum.

515 Semper quidem dilectissimi fratres pia ad Dominum gratulatione et sollicita ad Deum suum respicere debet affectio. Sed nunc praecipue mens ardentior spes promptior fides praesenti mysterii recordatione vegetatior caelesti et religioso gaudio et modesta debet exsultare laetitia et usque ad praesentiam Domini affectum pii cordis extendere ut quicumque desidia aut inertia iacuit in hac die saltim ab actu et humilitate terrena Dominum suum imitaturus exsurgat. Hic est dies quem fecit Dominus rerum gloriae elementorumque principium vitae ac salutis exordium. Creatorem suum mundus hac die factus agnoscat et redemptum se homo eadem die liberatus intellegat. Laetentur caeli exsultet terra discant vivi viam mortis evadere. Lux splendidior incipiat esse sol clarior et ipse etiam resurrectionis tempus illustret qui horam refugerat passionis. Sit pro ecclesiis cunctis ac mysteriis omnibus Ecclesiae membris fidelis oratio absque dubitatione confidens interpellatio quo in hoc praesenti mysterio invocata pietatis miseratio sit futura praesentior.

516 Cum tibi omnipotens Pater omne quod in nobis vel creatoris ope vel munere redemptoris rationale potest esse et vividum iugi inservire famulatu rerum magnitudine provocetur hodierno praesertim vel die vel tempore ut affectiosius aliquid cum nihil egeas tuae bonitati votis ac studiis offerre possumus faenerare dignare quod conveniat reddidisse quia maioris multo est gratiae reformasse perditum quam fecisse futurum. Ut enim crearemur vel non crearemur non praecesserat culpa iudicem non praevenerat materia creatorem. At vero ut offensus postmodum ad misericordiam veritatis et vas peccatorum praecipitatione confractum tuis denuo manibus redderes solidatum quid nisi infinitus pietate immensus misericordia inenarrabilis bonitate in omni progenie et generatione praedicandus es et colendus Unde precamur ut quibus condicionis atque redemptionis praerogasti beneficia tribuas indulgentiam criminum manifestam.

516 Christe qui moriens peremisti imperium mortis at resurgens spem resurrectionis praebuisti indignis praesta nobis ut haec oblatio offerentium et mortificationem nostrorum operetur facinorum et a criminibus resurgendi nobis praeparet commeatum. Sit huius litatione gaudium in caelis securitas in terris indulgentia vivis requies defunctis ut in hoc die quo ipse victor rediisti ab inferis plenissimum amorem crucis impertias populis christianis.

517 Conserva Domine in pace tua quos redemisti effusi sanguinis unda libera ab scandalo pro quibus pependisti in ligno. Efficito caritatis opere dignos quos tibi praeeunte gratia adoptasti in filios. Ut quotquot resurrectionis tuae victorias celebramus Ultimo iudicii tempore resurgentes coronandi a dextris tuis cum ovibus collocemur.

517 Dignum et iustum est nos dominicae potestatis praeferre virtutem et in Filio paternae plenitudinis agnoscere maiestatem. Per quem cuncta restituis et universa restauras quem in hominis effigie misisti in saeculo ut amares in nobis quod diligebas in Filio. Impleta sunt quae propheticis vocibus ante mandaveras perfecta sunt cuncta quae de adventu eius ipse praedixeras. Hic namque est leo de tribu Iuda fortis in proelio. Hic catulus leonis victor resurgens a mortuis. Hic Agnus immaculatus diu quaesitus ad victimam. Hic lapis ab aedificantibus spretus postmodum admirabilis factus et in Ecclesiae capite constitutus. Hic dux militiae caelestis et princeps. Hic Ecclesiae Sponsus et Dominus. Hic in Noe non solum arcae sed Ecclesiae gubernator in Abraham fidelissimum patriarchalis privilegii fastigium in Isaac gloriosae hostiae sacramentum in Iacob summum patientiae documentum in sanctis omnibus totius iustitiae plenitudo. Cui merito omnes angeli et archangeli non cessant clamare cotidie una voce dicentes.

517 Vere sanctus vere benedictus Dominus noster Iesus Christus Filius tuus in quo crucifixo vera fuit infirmitas carnis et in quo vivente virtus vera latuit deitatis. Quod humanum est habens homo in veritate humanae naturae et quod divinum est habens Deus in veritate divinae substantiae. Hic comprehensibilis in vulnere hic impassibilis in virtute immortalis praedicatur in morte. Qui sic potuit moriendo mortem vincere ut mortem sentiret sed patiendo et a mortuis resurgendo vitam fidelibus condonaret.

518 Haec est pia et salutaris hostia Deus Pater qua tibi reconciliatus est mundus. Hoc est corpus illud quod pependit in cruce. Hic etiam sanguis qui sacro profluxit ex latere. Pietati tuae proinde gratias agentes ex hoc quod nos Filii tui morte redemeris et resurrectione salvaveris acclines mente te Deum pietatis oramus ut haec libamina Spiritus tui Sancti benedictione respergens sumentium visceribus sanctificationem accomodes quo purificati a criminum labe plenissime iucundemur in hoc resurrectionis dominicae die.

518 Erige nos ante conspectum tuum omnipotens Deus in quo vivimus cui sollemnes sumus cuius beneficio nostra salus est cuius donum nostra festivitas cuius munus vita credentium cuius redemptio resurrectio mortuorum. Adesto sacrificiis quae docuisti adesto gaudiis quae dedisti qui spem resurrectionis ac redemptionis nostrae Filii tui resurrectione signasti. Conserva in nobis inter omnia ac super omnia hoc munus tuum ut hunc resurrectionis dominicae diem dignis concinentes carminibus ad te e terris sic dicere mereamur.

518 Vicit leo de tribu Iuda radix David alleluia.

518 Humiliate vos benedictioni. Dominus sit semper vobiscum.

518 Christus Dominus qui exaltandus pependit in ligno coronaturus vos humilitatis attollat triumpho. Cuiusque in sepulcro caro non vidit corruptionem procul a vobis efficiat omnes libitus carnis vestrae. Ut cum eo sine fine vivatis quem resurrexisse fideliter creditis.

519 Per misericordiam ipsius Dei nostri

519 Gaudete populi et laetamini

519 Refecti Christi corpore

519 Expletis Domine

519 Vidi sedem magnam alleluia et qui sedebat super eam ipse vocatur testis fidelis et vox de throno exivit dicens adorate et collaudate Dominum omnes servi eius alleluia.

519 Accedite ad eum et illuminamini et facies vestrae non erubescent.

519 Salvator noster et Domine qui ascendens in caelos intuentium clarificatus apparere dignatus es oculis dum ita de quo ascenderas te venturum ad iudicium polliceris fac nos hodierne Ascensionis tuae festum pura cordium devotione suscipere ut ita in te semper ad melius vita nostra ascendendo proficiat qualiter te ad iudicium veniente inconfusibili contuitu te semper visionis aspiciat.

519 Per misericordiam tuam

519 Ego Ioannes fui in spiritu et vidi et ecce ostium apertum in caelo. Et vox prima quam audivi tanquam tube loquentis mecum dicens. Ascende huc et ostendam tibi quae oportet fieri post haec. Statim fui in spiritu et ecce sedes posita erat in caelo. Et supra sedem sedens. Et qui sedebat similis erat aspectui lapidis iaspidis et sardinis. Et iris erat in circuitu sedis similis visionis smaragdine. Et in circuitu sedis sedilia viginti quatuor. Et supra thronos viginti quatuor seniores sedentes circumamicti vestimentis albis et in capitibus eorum corone auree. Et de throno procedunt fulgura et voces et tonitrua et septem lampades ante thronum qui sunt septem spiritus Dei. Et in conspectu sedis tanquam mare vitreum simile cristallo. Et in medio sedis et in circuitu sedis quatuor animalia plena oculis ante et retro. Et animal primum simile leoni. Et secundum animal simile vitulo. Et tertium animal habens faciem quasi hominis. Et quartum animal simile aquile volanti. Et quatuor animalia singula eorum habebant alas senas. Et in circuitu plena sunt oculis et requiem non habent die et nocte dicentes. Sanctus Sanctus Sanctus Dominus Deus omnipotens qui est et qui erat et qui venturus est. Et cum darent illa animalia gloriam et honorem et benedictionem sedenti supra thronum viventi in saecula saeculorum. Procidebant viginti quatuor seniores ante sedem in throno et adorabant viventem in saecula saeculorum. Et mittentes coronas suas ante thronum dicentes. Dignus es Domine Deus noster accipere gloriam et honorem et virtutem quia tu creasti omnia et propter voluntatem tuam erant et creata sunt. (Ap 4)

520 Dominus sit semper vobiscum. Et cum spiritu tuo.

520 Ascendens in altum coepit captivitatem dedit dona hominibus.

520 Visi sunt ingressus tui Deus ingressus Dei mei regis qui est in sancto.

520 Silentium facite.

520 Primum quidem sermonem feci de omnibus o Theophile de quibus coepit Iesus facere et docere usque in diem qua precipiens apostolis per Spiritum Sanctum quos elegit et precepit praedicare evangelium quibus et prebuit se ipsum vivum post passionem suam in multis argumentis per dies quadraginta apparens eis et loquens de regno Dei. Et cum conversaretur cum illis precepit eis ab Hierosolymis ne discederent sed expectarent promissionem Patris quam audistis per os meum. Quia Ioannes quidem baptizavit aqua vos autem baptizabimini Spiritu Sancto quem accepturi estis non post multos hos dies. Igitur qui convenerant interrogabant eum dicentes. Domine si in tempore hoc restitues regnum Israel Dixit autem eis. Non est vestrum nosse tempora vel momenta quae Pater posuit in sua potestate. Sed accipietis virtutem supervenientis Spiritus Sancti in vos et eritis mihi testes in Ierusalem et in omni Iudea et Samaria et usque ad ultimum terrae. Et cum haec dixisset videntibus illis elevatus est et nubes suscepit eum ab oculis eorum. Cumque intuerentur in caelum euntem illum ecce duo viri adstiterunt iuxta illos in vestibus albis qui et dixerunt eis. Viri Galilaei quid statis aspicientes in caelum Hic Iesus qui adsumptus est a vobis in caelum sic veniet quemadmodum vidistis eum euntem in caelum. (Act 1)

521 Dominus noster Iesus Christus loquebatur discipulis suis dicens. Vado ad eum qui misit me et nemo ex vobis interrogat me quo vadis. Sed quia haec locutus sum vobis tristitia implevit cor vestrum. Sed ego veritatem dico vobis expedit vobis ut ego vadam. Si enim non abiero Paraclitus non veniet ad vos. Si autem abiero mittam eum ad vos. Et cum venerit ille arguet mundum de peccato et de iustitia et de iudicio. De peccato quidem quia non crediderunt in me de iustitia vero quia vado ad Patrem et iam non videbitis me. De iudicio autem quia princeps huius mundi iudicatus est. Adhuc multa habeo vobis dicere sed non potestis portare modo. Cum autem venerit ille Spiritus veritatis docebit vos omnem veritatem. Non enim loquetur a semetipso sed quaecunque audiet loquetur et quae ventura sunt adnunciabit vobis. Ille me clarificabit quia de meo accipiet et adnunciabit vobis. Omnia quaecunque habet Pater mea sunt propterea dixi quia de meo accipiet et annuntiabit vobis. Modicum et iam non videbitis me et iterum modicum et videbitis me quia vado ad Patrem. Dixerunt ergo discipuli eius ad invicem. Quid est hoc quod dicit nobis modicum et non videbitis me et iterum modicum et videbitis me quia vado ad Patrem Dicebant ergo. Quid est quod dicit modicum Nescimus quid loquitur. Cognovit autem Iesus quia volebant eum interrogare et dixit eis. De hoc quaeritis inter vos quia dixi vobis modicum et non videbitis me et iterum modicum et videbitis me quia vado ad Patrem. Amen amen dico vobis quia plorabitis et flebitis vos mundus autem gaudebit. Vos autem contristabimini sed tristicia vestra vertetur in gaudium. Mulier cum parit tristiciam habet quia venit hora eius. Cum autem peperit puerum iam non meminit pressure propter gaudium quia natus est homo in mundum. Et vos igitur nunc quidem tristitiam habetis iterum autem videbo vos et gaudebit cor vestrum. Et gaudium vestrum nemo tollet a vobis. (J 16)

522 Dominus sit semper vobiscum. Et cum spiritu tuo.

522 Ascendit Deus in iubilatione Dominus in voce tubae.

522 Vidi in caelo turbam quam dinumerare nemo poterat et clamabant voce magna salus Deo nostro ascendenti in throno et adorabant Deum dicentes honor et gloria et sapientia virtus et potestas data est Deo nostro in aeternum alleluia.

522 Audivi tamquam tubam loquentem mecum et dicentem ascende huc et ostendam tibi quae oportet fieri post haec et ecce sedes posita erat in caelo et supra sedem sedens similis aspectui lapidis iaspidis et supra sedem sedentes seniores amicti veste alba.

522 Placeat dilectissimi fratres saecularium cogitationum fasce deposito erectis in sublime mentibus subvolare et impositam aetheris fastigio assumpti hominis communionem sequacibus cordis oculis contueri. Ad incomparabilem nobis claritatem attonitis vocandus aspectus est. Iesus noster humilitatem nobis terrarum caelorum dignitate commutat acutus necesse est visus esse respicere quo sequamur. Hodie Salvator noster post adoptionem carnis sedem repetit deitatis. Hodie hominem suum intulit Patri quem obtulit passioni. Hunc exaltans in caelis quem humiliaverat in infernis. Hic visurus gloriam qui viderat sepulturam et qui adversus mortem mortis suae dedit beneficium ad spem vitae donavit resurrectionis exemplum. Hodie redit ad Patrem cum tamen sine Patris quae sibi aequalis est potestate non venerit. Hodie ascendit in caelum qui obsequia caelestium cum descenderet non amisit ita in paternitatis naturae unitate consistens ut cum homo caelum novus intraret novum tamen Deus hominem non haberet. Petamus igitur ab omnipotentia Patris per nomen Filii Salvatoris gratiae spiritalis ingressum aeternae beatitudinis donum beatae mansionis ascensum catholicae credulitatis augmentum haereticae infidelitatis excidium. Audiet profecto in confessione quos in perditione quaesivit. Astabit suis qui non destitit alienis. Aderit agnitus qui non defuit agnoscendus. Non patietur orphanos esse devotos qui filios facere dignatus est inimicos. Dabit effectum supplicationis qui promisit Spiritum sanctitatis.

523 Domine Deus virtutum qui transgressus occasum transcendisti super caelos caelorum ad orientem captiva spolia de captivitate duxisti ut genus humanum quod tua morte redimeras tuaque resurrectione vivificaveras tua ascensione glorificares et promissione ditares dona Ecclesiae tuae et ad te perveniendi iter prosperum et cotidianum de die in diem profectum ut magnificentiae tuae reddat quod tantam ei virtutem concesseris ut obtineat devicto hoste et libertatem de tuo auxilio et gloriam de triumpho.

523 Domine rex gloriae qui patefactis prophetarum oraculis tamquam elevatis aeternalibus portis paternam repetis sedem quia dum tua deitas eo quo numquam discessit regreditur humano generi caelorum aditus aperitur dona ut illic extendatur nostra intentio quo praecessit nostra redemptio nec inhaereamus captiva delectatione terrenis qui te regnantem confitemur in caelis. Quo prece humilitatis nostrae placatus ex illa maiestatis qua resides sede et viventes repleas donis et pausantium spiritus consoleris.

524 Deus qui assumptum hominem evecturus ad caelos inter praecipua mandatorum tuorum mysteria concordissimam pacem tuis sanctis reliquisti Apostolis suscipe illata sacro altario munera in hostiam pacificam largiente tua gratia reputanda nobisque tuis famulis tribue sectari per exterioris hominis osculum interioris hominis indisruptum pacis et gratiae sacramentum.

524 Dignum et iustum est omnipotens Pater nos tibi agere gratias per Iesum Christum Filium tuum Dominum nostrum. Qui post secundae nativitatis verissimum sacramentum post humanae passionis gloriosum triumphum post dignabilem susceptae mortis ad inferna descensum post vivificantem resumptae resurrectionis ad superna regressum post manifestatam mirabilium virtute potentiam post immensam infirmantium medicinam post celebratam in apostolorum communione doctrinam ad illam aequalem sibi maiestatis tuae sedem ereptam de inimici faucibus praedam reportans captivum diaboli suum socium tuum hospitem fecit dignum caeli habitatione constituit qui perfrui paradisi iucunditate non meruit. Opus tuum onus suum est cum nec illa labori nec ista sint ponderi. Qui inter profunda tenebrarum debitum alienae corruptionis exsolvit inter excelsa nubium praemium servandae incorruptionis indulsit. Tantis erga nos beneficiis sua pietate crescentibus ut parum putaret hominem terram recepisse quam perdidit nisi et caelum quod non habuerat accepisset multiplicatoque fenore interceptum usum beatius compensaret augmentum. Non sufficit abundantissimae bonitati quod ad cruciandam spoliati hostis invidiam faciendis virtutibus potestate permissa venire ad se super aquas discipulo cupienti famulantia contra naturam elementa subiecit dum gravem gradientis corporei ponderis molem nequaquam cedentium undarum dorsa portarent cum ad imperantis obsequium fieret itineris soliditas non liquo et aequor iussione libratum non mutaret cursum sed mutaret officium atque ad vocantis edictum euntes viae currerent et progredientis vestigia freta insignita sorberent immensumque pelagus accedentis limitem inviolata aequalitate nesciret et figentis pedem plenitudine in se manente non mergeret. Non in aliquam ratem materia gelu stricta concreverat nec fluminum more superiecta fluentis frigore tegumenta pendebant cum natalis illa mobilitas pervia et velis pateret et plantis inaestimataque profunditas simul et viatorem ferret et remigem maiori miraculo hominem pati iussa quam navem uberiori Dei laude gressibus adita quam ratibus. Ac nisi fides paululum pavefacta nutasset reversa in ipsum ad legem suam natura aequoris non fuisset qua credulitatis constantia recedente diffidentiam dubitantis minis appropinquantis periculi castigaret et circa praesumptae spei defectum verberantium paedagogo fluctuum quasi mersura distringeret Domini tamen auxilium metu discriminis invocantem tangeret tempestas magistra non tegeret. Fuerint licet magna ista vel grandia cedant tamen his beneficiis illa miracula quod invisibili Deo homo visibilis corporatus aerium iter non gradu superat sed volatu et Deus in carne manens per creaturam suam ventorum pinnis evehitur non membrorum. Nullus euntem conatus fatigat cui aura pro via est quem tamen non fert levitas sed potestas. Deficit nisus et currit ascensus. Ille coepit huius altitudinis gloriam qui crucis portavit iniuriam. Ille intravit in regno qui pependit in ligno. Ille consedit ad dexteram Patris qui causa nobis factus est pacis. Ipse illos ascendenti secum homini caelos aperuit quos ut propter hominem descenderet inclinavit. Cui merito omnes Angeli et Archangeli Throni Dominationes non cessant clamare ita dicentes.

526 Vere sanctus vere benedictus Iesus Christus Filius tuus Dominus noster qui sub hodiernae exspectatione virtutis redeundi ad te homini viam praestitit ipse dum via est qui indemutabili divinitatis suae in se manente substantia peracto incarnationis nativitatis passionis resurrectionis ascensionis officio eum in caelis regnaturus imponit quem in infernis liberaturus intravit nihil dubitationis volens relinquere nihil erroris si cum eo visibiliter ascenderet pro quo invisibiliter descendisset ut incredula plebs iudaicae multitudinis esset confusa dum reverteretur quae non fuerat confessa dum nasceretur et quae non meruit credere dum venisset posset erubescere dum rediret ut videret in Deum hominem quae Deum in homine non vidisset non quod paeniteret dum ostenditur sed ut erubesceret dum miratur.

527 Indicavimus plane nec unquam tacebimus passum te Christe pro redemptione miserorum resurrexisse pro salute felicium caelos ascendisse pro virtute meritorum venturum te esse iudicem mortuorum atque viventium. Quod scientes Domine ut nobis dies illa terribilis aliquantulum ex tua propitiatione mitior adveniat haec munera offerimus quae ut nobis in salutem percepta contingant supplices deprecam. Visitet ea Spiritus tuus Sanctus qui in similitudinem flammae Manoe dona suscepit. Visitet et vivificet ea Spiritus tuus Sanctus qui per vaporem incendii Eliae prophetae holocaustum assumpsit. Visitet et vivificet ea Spiritus tuus Sanctus qui ignearum divisione linguarum in apostolorum tuorum cordibus commeavit. Ut recepta in visceribus nostris et praesentem nobis et aeternam praestent salutem.

527 Quis loquetur potentias tuas Domine aut quis enarrare poterit omnes laudes tuas Ad humana descendisti caelestia non relinquens ad superna regressus humana non deserens. Ubique totus ubique mirabilis. Non interceptus carne ut non esses in Patre non ereptus ascensione ut non esses in homine. Respice ad orationem plebis tuae sancte Domine misericors Deus ut in hac die sacrae ascensionis tuae sicut data est tibi gloria in excelsis ita nobis gratia praestetur in terris qui nos orare docuisti et dicere.

527 Vicit leo

527 Humiliate vos benedictioni. Dominus sit semper vobiscum.

527 Iesus Christus Dominus pacem quam ad caelos remeans discipulis suis tradidit integram in vobis illibatamque conservet. Angelos quoque sanctos quos suo elegit obsequio vobis deputet in praesidium. Ut ipso auctore illic erigamini fide quo vos adsumendos speratis in requiem.

528 Per misericordiam ipsius Dei nostri

528 Gaudete populi et laetamini

528 Refecti Christi corpore

528 Gratias tibi agimus Domine Deus et te Deum benedicimus de die in diem qui nos in hac die sanctae sollemnitatis tuae perducere dignatus es fac nos diem istum annuntiationis per multa curricula annorum in pace et tranquillitate suscipere cum fideli populo tuo.

528 Per misericordiam tuam Deus noster

528 Sollemnia completa sunt in nomine Domini nostri Iesu Christi votum nostri sit acceptum cum pace.

528 Dicite in nationibus

528 Tibi gloriam concinimus

528 Ego Ioannes fui in spiritu et vidi turbam magnam quam dinumerare nemo poterat ex omnibus gentibus et tribubus et populis et linguis stantes ante thronum in conspectu agni amicti stollis albis et palme in manibus eorum et clamabant voce magna dicentes. Salus Deo nostro qui sedet super thronum et agno. Et omnes angeli stabant in circuitu throni et seniorum et quatuor animalia ceciderunt in conspectu throni in facies suas et adoraverunt Deum dicentes amen. Benedictio et claritas et sapientia et gratiarum actio et honor et virtus et fortitudo Deo nostro in saecula saeculorum amen. (Ap 7)

529 Dominus sit semper vobiscum. Et cum spiritu tuo.

529 Quis dabit mihi pennas sicut columbae et volabo ut requiescam.

529 Timor et tremor venerunt super me et contexerunt me tenebre et dixi.

529 Silentium facite.

529 Paulus et Barnabas commorabantur Listris. Et quidam vir in Listris infirmis pedibus sedebat claudus ex utero matris suae qui nunquam ambulaverat. Hic audivit Paulum loquentem qui intuitus eum et vidit quia haberet fidem ut salvus fieret dixit magna voce. Tibi dico surge super pedes tuos rectos. Et exilivit et ambulavit. Turbe autem cum vidissent quod fecerat Paulus levaverunt vocem suam Lycaonie dicentes. Dii similes facti hominibus descenderunt ad nos. Et vocabant Barnabam Iovem Paulum vero Mercurium quoniam ipse erat dux verbi. Sacerdos vero Iovis qui erat ante civitatem tauros et coronas ante ianuam afferens cum populo volebat sacrificare. Quod ubi audierunt apostoli Barnabas et Paulus conscissis tunicis suis exilierunt in turbas clamantes et dicentes. Viri quid haec facitis Et nos mortales sumus similes vobis homines annuntiantes vobis ab his vanis converti ad Deum vivum qui fecit caelum et terram mare et omnia quae in eis sunt. Qui preteritis generationibus dimisit omnes gentes ingredi in vias suas. Et quidem non sine testimonio semetipsum reliquit benefaciens de caelo dans pluvias et tempora fructifera implens cibo et leticia corda vestra. (Act 14)

529 Dominus noster Iesus Christus veniens ad discipulos suos vidit turbam magnam circa eos et scribas conquirentes cum illis. Et confestim omnis populus videns eum stupefactus est et expaverunt. Et occurrentes salutabant eum. Et interrogavit eos quod inter vos conquiritis Et respondens unus de turba dixit. Magister attuli filium meum ad te habentem spiritum immundum. Qui ubicunque eum apprehenderit allidit eum et spumat et stridet dentibus et arescit. Et dixi discipulis tuis ut eiicerent illum et non potuerunt. Qui respondens eis dicens. O generatio incredula quandiu apud vos ero quandiu vos patiar. Afferte illum ad me. Et tulerunt illum. Et cum vidisset eum statim spiritus conturbavit eum et elisus in terram voluptabatur spumans. Et interrogavit patrem eius quantum temporis est ex quo ei hoc accidit. At ille ait. Ab infantia. Et frequenter eum et in ignem et in aquam misit ut eum perderet. Sed siquid potes adiuva nos misertus nostri. Iesus autem ait illi. Si potes credere omnia possibilia sunt credenti. Et continuo exclamans pater pueri cum lachrimis aiebat. Credo Domine adiuva incredulitatem meam. Et cum videret Iesus concurrentem turbam comminatus est spiritui immundo dicens illi. Surde et immunde spiritus ego tibi precipio exi ab eo et ne amplius introeas in eum. Et clamans et multum discerpens exiit ab eo et factus est sicut mortuus ita ut multi dicerent quia mortuus est. Iesus autem tenens manum eius elevavit et surrexit. Et cum introisset in domum discipuli eius secreto interrogabant eum. Quare nos non potuimus eiicere eum Et dixit illis. Hoc genus in nullo potest exire nisi in orationem et ieiunio. (Mc 9)

530 Dominus sit semper vobiscum. Et cum spiritu tuo.

530 Misit ex alto et accepit me assumpsit me Deus Pater et conlocavit ad dexteram suam.

530 Tollite hostias et introite in atria Domini alleluia alleluia

530 Afferte Domino gloriam et honorem afferte Domino gloriam nomini eius.

530 Mysterio resurrectionis impleto et corporibus fratres carissimi cuncti exultemus et cordibus. Nec iam cum sepulchri custodibus sacri corporis defleamus excubias sed cum angelis qui redivivum nuntiant Salvatorem nostra gaudia misceamus. Etenim deinceps curam sibi funeris excusat impendi qui rediens ad Patrem vacuate mortis excubias vult privari. Simus sane de spei nostrae consummatione securi nam qui in altum remeans captivitatem duxit dabit dona hominibus quae promisit.

531 Christe Deus qui ascendendo in caelis praesentiam corporalem tuis subtraxisti discipulis permitte nos ut te spiritu diligamus quem in carne nunc videre nequimus et tamen ad iudicium fideliter exspectamus. Crea in nobis cor novum et spiritum rectum ut qui iam ascensionis tuae celebravimus festum promissum a te mereamur suscipere Spiritum Sanctum.

531 Ascendisse te in caelis ad Patrem Dei Filius creatura tua laetatur. Et ideo supplici te cordis contritione exposcimus ut et in nobis pollicitationem Spiritus impleas et in defunctis donum aeternae quietis impertias.

531 Deus qui ascendisti in altum captivam ducens captivitatem da dona hominibus pacis aeternae ut qui te humanis obtutibus ad caelos ascendens corporaliter subtraxisti in nostris cordibus digneris propitiatus infundi.

531 Dignum et iustum est nos tibi semper gratias agere Domine sante Pater aeterne omnipotens Deus per Iesum Christum Filium tuum Dominum nostrum. Qui nobis ideo praesentiam subtraxit nativitatis corporeae ut eum spiritaliter disceremus amare quique discipulis intra suarum mentium claustra tamdiu residere praecepit quosque supervenientis firmarentur praesentia Spiritus Sancti. Cui cum Patre et Filio uni Deo iugiter in sempiternum regnanti omnes Angeli famulantes una voce proclamant ita dicentes.

531 Vere sanctus et vere benedictus est Dominus noster Iesus Christus Filius Dei vivi qui Angelorum evectus ulnis ascendit in caelis et nunc sedet ad dexteram Patris.

532 Contueri tuam Christe cupientes praesentiam qui humana non deserens appetisti superna petimus et rogamus ut qui pignus assumptae carnis intulisti in caelis consolationem nobis Sancti Spiritus largiaris cuius nunc praesentia et apposita haec tibi oblata sanctifices et nostrorum cordium arcana perlustres.

532 Deus Dei Filius qui cum ad Patrem ascenderes venturum te iterum ad nos voce propria promisisti veni ad nos et apud nos facito mansionem manifestans teipsum nobis quibus praecepisti ad te proclamare e terris.

532 Vicit leo

532 Humiliate vos benedictioni. Dominus sit semper vobiscum.

532 Christus Dominus sit auxiliator vestri qui assumptus in caelis sedet nunc ad dexteram Patris. Corpus quoque vestrum nullis torpentibus patiatur passionibus mancipari qui illud glorificatum in caelis assumpsit. Ut qui ascendentis vidimus gloriam iudicantis non puniamur sententia.

532 Dominus sit semper vobiscum. Et cum spiritu tuo.

532 Gaudete populi et laetamini

532 Refecti Christi corpore

532 Expletis Domine

532 Spiritus timentium Domini quaeretur et in respectus illius benedicetur. Spiritum eorum salvantem illos diligit et oculi Domini super diligentes se.

532 Erigite vos. Dominus sit semper vobiscum.

532 Locutus est Dominus ad Moysen dicens. Congrega mihi septuaginta viros de senioribus Israel quos tu nosti quod senes populi sint ac magistri et duces eos ad tabernaculum federis faciesque illos stare tecum ut descendam et loquar tibi. Et auferam de spiritu tuo tradamque eis ut sustentent tecum onus populi et non tu solus graveris. Venit igitur Moyses et narravit populo verba Domini congregans septuaginta viros de senioribus Israel quos stare fecit circa tabernaculum. Descenditque Dominus per nubem et locutus est ad eum. Auferens de spiritu quod erat in Moyse et dedit septuaginta viris. Cumque requievisset in eis spiritus prophetaverunt nec ultra cessaverunt. Remanserunt autem in castris duo viri quorum vocabatur unus Heldat et alter Medat super quos requievit spiritus. Nam et ipsi descripti fuerant et non exierunt ad tabernaculum. Cumque prophetarent in castris cucurrit puer et nuntiavit Moysi dicens Heldat et Medat prophetant in castris. Statim Iosuae filius Nun minister Moysis et electus a pluribus ait. Domine mi Moyses prohibe eos. At ille. Quid inquit agis pro me Quis tribuat hoc ut omnis populus prophetet et det eis Dominus Spiritum Sanctum. (Nu 11)

533 Dominus sit semper vobiscum. Et cum spiritu tuo.

533 Propter gloriam nominis tui Domine libera nos et propitius esto peccatis nostris propter nomen tuum

533 Memento plebis tuae quam creasti ab initio animas pauperum tuorum ne obliviscaris in finem

533 Silentium facite.

533 Factum est cum Apollo esset Corinthi ut Paulus peragratis superioribus partibus veniret Ephesum et inveniret quosdam discipulos dixitque ad eos. Si Spiritum Sanctum accepistis credentes Aiunt illi ad eum. Sed neque si Spiritus Sanctus est audivimus. Ille vero ait. In quo ergo baptizati estis Qui dixerunt in Ioannis baptismate. Dixit autem Paulus. Ioannes baptizavit baptismo penitentiae populum dicens. In eum qui venturus esset post ipsum ut crederent hoc est in Iesum. His auditis baptizati sunt in nomine Domini Iesu. Et cum imposuisset illis Paulus manus venit Spiritus Sanctus super eos et loquebantur linguis et prophetabant. (Act 19)

534 Erat homo ex Phariseis Nichodemus nomine et ipse erat princeps Iudaeorum. Hic venit ad Iesum nocte et dixit ei Rabbi scimus quia a Deo venisti magister. Nemo potest haec signa facere quae tu facis nisi fuerit Dominus cum eo. Respondit Iesus et dixit ei. Amen amen dico tibi nisi quis renatus fuerit denuo non potest videre regnum Dei. Dicit ad eum Nichodemus. Quomodo potest homo nasci cum senex sit Numquid potest in ventrem matris suae iterato introire et nasci Respondit Iesus. Amen amen dico tibi nisi quis renatus fuerit ex aqua et Spiritu Sancto non potest introire in regnum Dei. Quod natum est ex carne caro est et quod natum est ex spiritu spiritus est. Non mireris quia dixi tibi oportet vos nasci denuo. Spiritus ubi vult spirat et vocem eius audis sed nescis unde veniat et quo vadat. Sic et omnis qui natus est ex spiritu. Respondit Nichodemus et dixit ei. Quomodo potest hoc fieri Respondit Iesus et dixit ei. Tu es magister in Israel et haec ignoras Amen amen dico tibi quia quod scimus loquimur et quod vidimus testamur et testimonium nostrum non accipitis. Si terraena dixi vobis et non creditis quomodo si dixero vobis caelestia credetis Et nemo ascendit in caelum nisi qui descendit de caelo filius hominis qui est in caelo. Et sicut Moyses exaltavit serpentem in deserto ita exaltari oportet filium hominis ut omnis qui credit in ipso non pereat sed habeat vitam aeternam. (J 3)

534 Dominus sit semper vobiscum. Et cum spiritu tuo.

534 Laudate Dominum de caelis laudate eum in excelsis

534 Tollite hostias

535 Semper quidem dilectissimi fratres crebrae orationes esse debent unanimitas caritas et simplex fraternae dilectionis affectio. Sed nunc praecipue omnis de nostris exhaurierida pectoribus est odiorum amaritudo cum Sancti Spiritus exspectatur infusio et advenienti Domino nitens est paranda possessio. Quia et patres doctoresque nostri in quorum corda vel viscera omnipotens Deus hoc donum promissae remunerationis infundit ut reminisceremur diem magnum unanimitate connexi dum exspectant Sancti Spiritus visitationem iam Deo obtulerant caritatem.

535 Imple nos Deus Spiritu Santo in quo signati sumus et a quo tangimur ut salvemur ut hodie nos idem Spiritus praeveniens in miseratione a delictis emundet et cras in muneris collatione glorificet. Hodie maculas abluat et cras dona distribuat. Hodie linguam nostram in voce confessionis aperiat et cras eandem faciat praedicare magnalia tua. Quo iam hodie per ipsum tacti ita eluamur a crimine ut cras dignanter in nostris iubeat cordibus introire.

535 Emitte Domine Spiritum adoptionis in quo clamemus tibi Abba Pater ut confiteamur quoniam tu es Unigeniti tui verus Pater et cognoscamus quia nullus ei similis est inter filios Dei. Quem non tibi adoptio sed generatio consubstantialem neque gratia similem sed natura signat aequalem. Per huius enim fidei inviolabile mysterium ut cum nostris qui iam a saeculo praecesserunt qui etiam ipsius Spiritus tui Sancti dono renati sunt quorumque ante altare tuum mentionem cum tremore facimus simul obviam in secundi adventus Domini nostri claritate feliciter occurramus.

535 Offerentium aeterne Deus susceptans oblationes effice nos spiritu ferventes et caritate locupletes quo unitatem Spiritus servantes in vinculo pacis illius dono iam impleamur in terris cuius infusionem advenire nobis exspectamus e caelis.

536 Dignum et iustum est ut te Deum et caelestia et terrena collaudent. Qui nos Spiritu tuo doces terrena respuere caelestia sectari carnem coerceri ieiuniis insolentem corda propurgari continua lamentatione non attolli in prosperis non deici in adversis veritatis sperare promissum Spiritus praestolare solatium Paracliti sustinere adventum. Ex hoc Domine tuorum promissorum nos gaudiis praeparantes rogamus ut descendat super nos gratiae tuae virtus et benedictio Sancti Spiritus. Quo innovati atque mundati eum tecum et cum Patre aequali deitate regnantem laudemus magnificemus atque ita dicamus.

536 Vere sanctus et vere benedictus es Domine Iesu Christe qui daturum te nobis illum Spiritum promisisti in munere quem tibi cum Patre novimus coaequalem exsistere.

536 Spiritus Sancte qui a Patre et Filio procedis his propitius illabere holocaustis quo qui a Patre es repromissus sanctificationem humanis cordibus exhibeas praesentatus repleasque sponsionis mercede quos te promissum inspicis exspectare.

536 Descendat Domine ad nos Spiritus Sanctus per quem et mundata pectora nostra cum eo ipse possideas et institutam a te orationem suscipias. Ut ita non per nos sed per illum nostra accipias postulata sicut per illum non per nos nostra deles facinora. Quo eo qui tecum et cum Patre regnat aequalis interpellante pro nobis per eum ad te proclamemus e terris.

536 Humiliate vos benedictioni. Dominus sit semper vobiscum.

536 Exspectantes se Spiritus efficiat immaculatos ... adventum amabiliter exspectamus

537 Dominus sit semper vobiscum. Et cum spiritu tuo.

537 Gustate et videte quam suavis est Dominus alleluia alleluia alleluia

537 Benedicam Dominum in omni tempore semper laus eius in ore meo alleluia alleluia alleluia

537 Redimet Dominus animas servorum suorum et non relinquet omnes qui sperant in eum alleluia alleluia alleluia

537 Refecti Christi corpore et sanguine te laudamus Domine alleluia alleluia alleluia

537 Gustantes Domine suavitatis dulcedinis plenitudunem quaesumus ut sit nobis hoc ad remissionem peccatorum et sanitatem mentium amen

537 Per misericordiam tuam

537 In nomine Domini nostri Iesu Christi perficiamus in pace

537 Vos qui in Christo baptizati estis Christum induistis alleluia

537 Benedicti vos a Domino qui fecit caelum et terram.

537 O Spiritus Sancte qui a Patre Filioque procedis doce nos facere veritatem ut qui de Patre Filioque accepisti promissionem invisibili nos his a quibus tam ineffabiliter procedis adsocies caritate.

537 Ego Ioannes fui in spiritu et audivi vocem dicentem mihi. haec verba fidelissima et vera sunt. Et Dominus Deus spiritum prophetarum misit angelum suum ostendere servis suis quae oportet fieri cito. Et ecce venio velociter. Beatus qui custodit verba prophetiae libri huius. Et ego Ioannes qui audivi et vidi haec et postquam audissem et vidissem cecidi ut adorarem ante pedes angeli qui nunc haec ostendebat. Et dixit mihi. Vide ne feceris conservus tuus sum et fratrum tuorum et eorum qui servant verba libri huius Deum adora. Et dixit mihi. Ne signaveris verba prophetiae libri huius tempus enim prope est. Qui nocet noceat adhuc. Et qui in sordibus est sordescat adhuc. Et iustus iustificetur adhuc. Ecce venio cito et merces mea mecum est reddere unicuique secundum opera sua. Ego sum primus et ego novissimus principium et finis. Beati qui lavant stollas suas ut sit potestas eorum in ligno vitae et fortes intrent in civitatem. Foris canes et venefici et impudici et homicide et idolis servientes et omnis qui amat et facit mendacium. Ego Iesus misi angelum meum testificari vobis haec in Ecclesiis. Ego sum genus et radix David stella splendida et matutina et sponsus et sponsa dicunt veni. Et qui audit dicat veni. Et qui sitit veniat et qui vult accipiat aquam vitae gratis. (Ap 22)

538 Emitte Spiritum tuum Deus et creabuntur et renovabis faciem terrae

538 Sit gloria Domini in saeculum saeculi laetabitur Dominus in operibus suis

538 Silentium facite.

538 Cum complerentur dies Pentecostes erant omnes apostoli pariter in eodem loco. Et factus est repente de caelo sonitus tanquam advenientis vehementis spiritus et implevit omnem domum ubi erant sedentes apostoli et apparuerunt illis dispertite lingue tanquam ignis. Seditque supra singulos eorum. Et repleti sunt omnes Spiritu Sancto et coeperunt loqui variis linguis prout Spiritus Sanctus dabat illis eloqui. Erant autem in Ierusalem habitantes Iudaei religiosi ex omni natione quae sub caelo est. Facta autem hac voce convenit multitudo et mente confusa est quoniam audiebat unusquisque lingua sua illos loquentes. Stupebant autem omnes et mirabantur dicentes. Nonne ecce omnes isti qui loquuntur Galilaei sunt Et quomodo nos audivimus unusquisque linguam nostram in qua nati sumus Parthi et Medi et Elamite et qui habitant Mesopotamiam et Iudeam et Cappadociam Pontum et Asiam Phrygiam et Pamphyliam Aegyptum et partes Libiae quae est circa Cirenen et advene Romani Iudaei quoque et Proseliti Cretes et Arabes audivimus loquentes eos nostris linguis magnalia Dei. Stupebant autem omnes et mirabantur ad invicem dicentes. Quidnam vult hoc esse Alii autem irridentes dicebant quia musto pleni sunt isti. Stans vero Petrus cum undecim discipulis levavit vocem suam et locutus est eis. Viri Iudaei et qui habitant Ierusalem universi hoc vobis notum sit et auribus percipite verba mea. Non enim sicut vos estimatis hi ebrii sunt cum sit hora diei tertia. Sed hoc est quod dictum est per prophetam Ioel. Et erit in novissimis diebus dicit Dominus effundam de spiritu meo super omnem carnem et prophetabunt filii vestri et filiae vestrae iuvenes vestri visiones videbunt et senes vestri somnia somniabunt. Equidem super servos meos et super ancillas meas in diebus illis effundam de spiritu meo et prophetabunt et dabo prodigia in caelo sursum et signa in terra deorsum sanguinem et ignem et vaporem fumi. Sol convertetur in tenebras et luna in sanguinem antequam veniat dies Domini magnus et terribilis. Et omnis quicumque invocaverit nomen Domini salvus erit. (Act 2)

539 Si diligitis me mandata mea servate et ego rogabo Patrem et alium Paraclitum dabit vobis ut maneat vobiscum in aeternum. Spiritum veritatis quem mundus non potest accipere quia non videt eum nec scit eum. Vos autem cognovistis eum quia apud vos manet et in vobis est. Non reliquam vos orphanos veniam ad vos. Adhuc modicum et mundus me iam non videt vos autem videtis me quia ego vivo et vos vivetis. In illo die vos cognoscetis me quia ego in Patre meo et vos in me et ego in vobis. Qui habet mandata mea et servat ea ille est qui diligit me. Qui autem diligit me diligitur a Patre meo et eo diligam eum et manifestabo ei me ipsum. Dicit ei Iudas non ille Iscariothes Domine quid factum est quia nobis manifestaturus es te ipsum et non mundo Respondit Iesus et dixit ei. Si quis diligit me sermonem meum servat et Pater meus diliget eum et ad eum veniemus et mansionem apud eum faciemus. Qui non diligit me sermones meos non observat. Et sermonem quem audistis non est meus sed eius qui misit me Patris. haec locutus sum vobis apud vos manens. Paraclitus autem Spiritus Sanctus quem mittet Pater in nomine meo ille vos docebit omnia et suggeret vobis omnia quaecumque dixero vobis. Pacem meam relinquo vobis pacem meam do vobis. Non quomodo mundus dat ego do vobis. Non turbetur cor vestrum neque formidet. (J 14)

540 Dominus sit semper vobiscum. Et cum spiritu tuo.

540 Da nobis Domine laetitiam salutaris tui et spiritu principali confirma nos

540 Completur hodie Pentecostes in quo descendit Spiritus Sanctus et apostolis infusus apparuit loquentibus variis linguis magnalia Domini alleluia

540 Factum est repente de caelo sonus tanquam advenientis spiritus vehementis et implevit omnem domum ubi erant sedentes apostoli et loquebantur magnalia Domini alleluia.

541 Quanta possumus fratres carisssimi fide attentione virtute gaudio exsultatione praeconio devotione obsequio puritate promissa nobis per Filium Dei Sancti Spiritus munera hodie transmissa praedicemus. Reseretur nostrorum compago viscerum purgentur corda credentium et pateant omnes sensus atque recessus animorum quia nequaquam immensi Dei laudem atque adventum pectora angusta narrare sufficiunt. Ille etenim consors Patris et Filii unius eiusdemque substantiae tertius in persona sed unus in gloria quem caelorum regna non capiunt quia non eum circumscribunt neque concludunt hodie ad angustum cordis nostri descendit hospitium. Et quis nostrum fratres dilectissimi tali se dignum hospite recognoscit Quis condigna advenienti exhibeat alimenta cum et Angelorum et Archangelorum et omnium Virtutum caelestium ipse sit vita Et ideo quia nos impares tali habitatore cognoscimus ipsi ut in nobis locum habitaculi sibimet praeparet supplicemus.

541 Oramus indefessis precibus omnipotentiam tuam Deus sancte Pater omnipotens ut repleas nos munere Unigeniti tui gaudio inenarrabili visitatione ac vivificatione tui atque eius Spiritus Sancti ut quos creasti vel redemisti per Filium perficere digneris per Spiritum Sanctum. Non quod seiuncta vel dissimilis sit tuae operatio Trinitatis sed quod personarum exsistentiam evidenter appareat inconfussa unius aequalitas deitatis. Hac igitur te Deus omnipotens inspirationis tuae confessione manifestatum fidelibus impende propitium daemonibus exerce terrificum persequentibus obvium paenitentibus placabilem peccatoribus patientem haereticis convictorem custodem virginibus defensorem viduis orphanis protectorem oppressis vindicem consolatorem maestis dubiis ducatorem. Sit nobis in eo indeficiens consolatio in quo tibi Filioque tuo est indivisa coniunctio et immensurabilis plenitudo sanctisque omnibus inexpugnabilis fortitudo tamque certa nobis sit de tua gubernatione fiducia ne umquam se sentiat anima muniminis tui praesidio destituta. Ita vigore tuo nostra adversus diabolum fragilitas muniatur ne ullatenus in certamine superetur. Sic corda te scientium posside sic conscientiam rege ut et consilio providi efficiamur et opere probi et prudentes sermone et ferventes inextinguibili caritate.

542 Domine qui virtute Spiritus tui et eorum qui veteris confusionis superbiae turrem aedificabant perturbasti auditum et surgentis Ecclesiae tuae novitatem diffusis linguis multiplicasti insignibus ut quod fuerat in condemnatione esset in munere atque inde construeres fidem unde destruxeras vanitatem da super hunc familiae tuae supplicem coetum Spiritus Sancti tui quem es pollicitus et largitus adventum qui in nobis et contrariae mollitionis studia adversa dispergat et meritum sanctificationis accumulet. Sisque munerator in promissione qui est promissus in munere. Quo Ecclesia tua eius igne succensa in ipso veram teneat fidem a quo omnem percipit veritatem. Ipseque offerentium nomina caelestibus scribat in paginis ac requiem dignetur praestare defunctis qui in unitate deitatis tecum permanet semper aequalis.

542 Quia tu es vita vivorum sanitas infirmorum ac requies omnium fidelium defunctorum in aeterna saecula saeculorum.

543 Mirabilium tuorum Domine ovantes insignia praedicamus. Et ideo illapsu illo Sancti Spiritus repleri nos cupimus qui bis a te olim fuit in discipulis distributus cum et ante ascensionem tuam in eorum cordibus indeptus proximi dilectionem et post e caelis emissus tenendam in illis tuam impresserit caritatem. Ex hoc te clementissime Deus oramus ut hoc quod his sacramentis figuratum fore cognoscitur in nostris cordibus impleatur. Quo spiritu ferventes et spiritalia diligentes et proximis connectamur in pace et tua ubertatim ferveamus dulcedine ut in caritate illa quae per Spiritum Sanctum nostris est diffusa in cordibus firmissima radicati consolationem promerentes Paracliti coronari mereamur in adventu iusti iudicii tui.

543 Dignum et iustum est omnipotens Deus pro possibilitate carnali munerum tuorum beneficia confiteri et indultum hodierno diei donum salutis aeternae anniversaria semper commemoratione celebrare. Etenim pro adventu Spiritus tui Sancti tacere quis audeat cum omnis per apostolos tuos etiam gentium barbararum lingua non taceat Quis enim enarrare valeat huius hodierno die ignis illapsum sic distributa discipulis genera universa linguarum ut nec latinus hebraeo nec graecus aegyptio nec scitha indo propria dum quisque et peregrina audiens loquitur lingua detrimentum vel alieni fecerit vel sui senserit intellectus Quaque virtute sit actum quod diremptis veritatis praeconibus per spatia immensa terrarum unus atque indivisibilis donum doctrinae caelestis pro potestate voluntaria partiretur Nihil agens unitati fidei dissonum quamvis multiplici sit scientiae distributione pulcherrimum et multimoda mirificum exstiterit varietate sermonum. Ostendens quia confessioni dominicae non impedit diversitas linguae nec interest quam vario quis sermone fateatur dummodo unus sit ille qui creditur. Obsecramus igitur Domine ut haec nostra confessio de cordibus filiorum promissionis emissa tibi Pater gloriae semper accepta sit et ad speranda ac promerenda ea quae tuis fidelibus promisisti sensus nostros divini Spiritus infusione benedicas atque sanctifices. Effusa etenim ad nostram indulgentiam tuae gloriae largitate inter innumera dona atque opera Sancti Spiritus nihil sublimius Ecclesiae exordiis collatum fuisse cognoscimus quam ut praeconum evangelii tui ora linguis universarum gentium loquerentur. Et hoc non nisi Sancti Spiritus tui gratia revelante qui nobis post resurrectionis Filii tui gloriam transactis septem hebdomadibus supervenit ostendens quia etsi Spiritus septiformis est tamen in uno gradu omnium concordantiam sibi virtutum summa consistit ac sicut septem unus in numeris est sic septem inveniuntur in singulis. Hii sunt sine dubio septem gradus templi tui per quos ad caelorum regna conscenditur. Hic est quinquagesimus remissionis annus olim in legis tropologiis praedicatus. Hic est fructus messis novae qui hodie mandatur offerri qui licet ante omnia saecula semper aeternus sit tamen nobis cum innotuit tunc novus effectus est. Nec illud sine mysterio esse significans quod post ascensionem Filii tui decima nobis die hoc munus infunditur ostendens quia cultoribus vineae hic est a patrefamilias denarius repromissus. Magnum autem et prae omnibus necessarium fuit hoc tui divini muneris signum quod cum super capita discipulorum ignea conscendisset forma linguarum de cordibus credentium nec dissonum aliquid faceret prodire nec tepidum sed praedicatores verbi tui ut intelligentia essent unanimes et caritate ferventes. O ignis exurendo fecundans fecundando multiplicans. Hunc igitur omnipotentem esse Dominum omnis intellectualis creatura vivificatione fatetur. Cuius etiam Cherubim et Seraphim ferventes copiosius igne speciali eius vocabulo sanctitatis divinae magnificantes aequalitatem atque omnipotentiam Trinitatis requiem non habentes sed tali numquam officio lassescentes caelestium exercituum praecinentibus choris perenni iubilatione decantant adorant atque magnificant ita dicentes

545 Vere sanctus Deus Pater sanctus Unigenitus Filius Sanctus quoque unus utriusque Spiritus. Huius ecce virtute inaestimabile discurrit evangeliorum toto orbe ardentium quadriga rotarum radiorumque flammigerantium rutilans fulgoribus axis gestatur animalium circumquaque corporibus oculatis. Cuius in rotis auriga ipse vitae Spiritus manens propriae potestatis imperio cunctum subiecit Christi pedibus mundum divinis scilicet perhibens testimonium virtutibus Patris unigenito Verbo quia caro factum est et habitavit in nobis. Hoc illud est paterni pignoris sibi simile munus quod se Filius pollicitus fuerat transmissurum dum suos ad Patrem regrediens orphanos diceret nullatenus relinquendos in eius scilicet praesentia suam Patrisque docens consistere maiestatem. Hoc illud unguentum est quo prae consortibus unctus est Christus a Patre cuiusque vetus illud crisma praetendebat figuris transeuntibus veritatem quo delibuti quoque sacerdotes prophetae constituebantur et reges unius veri regis et sacerdotis et prophetae imaginem praesignantes.

545 Suscipe quaesumus Spiritus Sancte omnipotens Deus sacrificia te auctore instituente decreta qui illibatae virginis in utero quondam membra in qua Verbum caro fieret quibus hoc rite sacrificium competeret immaculata formasti. In cuius haec similitudinem corporis et sanguinis munera ingerimus et ut plenitudinem debitae sanctificationis te ditificante obtineant supplicamus. Quia tu vere ille ignis es qui patrum nostrorum acceptans sacrificia divinitus consumpsisti. Quemadmodum Eliae quoque victimam aquis circumfluentibus natitantem cum lapidibus et lignis exurens etiam madefacti pulveris rivulos calore inconsummabili arefactos inaestimabiliter assumendo finisti simili nunc quaesumus has hostias dignatione suscipias divinitatis tuae igne salvifico omnium peccatorum nostrorum affectionem exurens atque ad percipiendam caelestis cibi potusque substantiam vivificans corda mortalium et in custodiam nostri deputans sanctorum multitudinem angelorum numquam nos eorum privari consortio patiaris.

546 Terra dedit fructum suum benedicat nos Deus Deus noster benedicat nos Deus alleluia.

546 Paraclite Spiritus qui cum Patre et Filio unus in Trinitate permanes Deus nostris hodie illabere sensibus ut te postulante pro nobis cum magna fiducia proclamemus e terris.

546 Humiliate vos benedictioni. Dominus sit semper vobiscum.

546 Sanctus Spiritus qui olim in hoc die super Apostolos igneis apparuit linguis cor vestrum cunctis emundet a vitiis. Et quo insidente cunctarum gentium verbis edocti sunt verborum spiritalium vobis detur instructio et mysticae intellegentiae omnimoda plenitudo. Quique fuit Apostolis doctrinae caelestis instructor culparum omnium vobis efficiatur indultor.

546 Dominus sit semper vobiscum. Et cum spiritu tuo.

546 Gustate et videte quam suavis est Dominus alleluia alleluia alleluia

546 Refecti Christi corpore

546 Gratias tibi agimus Domine Deus et te Deum benedicimus de die in diem qui nos in hanc diem sanctae solennitatis tuae perducere dignatus es fac nos diem istum Sancti Spiritus immissione per multa curricula annorum in pace et tranquillitate suscipere cum fideli populo tuo.

547 Per misericordiam tuam Deus noster

547 Sollemnia completa sunt in nomine Domini nostri Iesu Christi votum nostrum sit acceptum cum pace

547 Dominus regnavit decorem induit alleluia

547 Induit Dominus fortitudinem et praecinxit se

547 Te excelsa laus

547 Per misericordiam tuam Deus noster qui es benedictus

547 Facta est super me manus Domini et elevavit Spiritus Domini me et vidi et ecce vir qui indutus erat lineis qui habebat attramentarium in dorso suo respondit verbo dicens. Feci sicut praecepisti mihi. Et vidi et ecce in firmamento quod erat super caput Cherubin quasi lapis Saphirus et quasi species similitudinis solis apparuit super eum. Et dixit ad virum qui indutus erat lineis et ait. Sume ignem de medio rotarum quae sunt inter cherubin. Et ingressus vidi et ecce quatuor rote iuxta cherubin. Rota una iuxta cherub unum et rota alia iuxta cherub unum. Species autem erat rotarum quasi visio lapidis Chrysoliti. Stantibus illis stabant et cum elevatis elevabantur spiritus enim vitae erat in eis. Et egressa est gloria Domini a limine templi et stetit super cherubin. Et elevavit me spiritus et introduxit me ad portam domus Domini orientalem quae respicit solis ortum. Et ascendit gloria Domini de medio civitatis stetitque super montem qui est ad orientem urbis et gloria Dei Israel erat super ea. (Ez 9)

548 Dominus sit semper vobiscum. Et cum spiritu tuo.

548 Redde mihi laetitiam salutaris tui et spiritu principali confirma me

548 Cor mundum crea in me Deus et spiritum rectum innova in visceribus meis

548 Ne proiicias me a facie tua et Spiritum Sanctum tuum ne auferas a me

548 Memoriam vestri faciens in orationibus meis ut Deus Domini nostri Iesu Christi Pater gloriae det vobis spiritum sapientie et revelationis in agnitionem eius illuminatos oculos cordis vestri ut sciatis quae sit spes vocationis eius quae divitie glorie hereditatis eius in Sanctis et quae sit supereminens magnitudo virtutis eius cui credidimus. Secundum operationem potentiae virtutis eius quam operatus est in Christo. Suscitans eum a mortuis et constituens ad dexteram suam in caelestibus supra omnem principatum et potestatem et virtutem et dominationem et omne nomen quod nominatur. Non solum in hoc saeculo sed in futuro. Omnia subiecit sub pedibus eius et ipsum posuit caput supra omnem ecclesiam quae est corpus ipsius plenitudo eius qui omnia in omnibus adimpletur. Et vos cum essetis mortui delictis et peccatis vestris in quibus aliquando ambulastis secundum saeculum mundi huius secundum principem potestatis aeris huius spiritus qui nunc operatur in filios diffidentiae. In quibus et nos omnes aliquando conversati sumus in desideriis carnis vestrae facientes voluntatem carnis et cogitationum et eramus natura filii ire sicut et ceteri. Deus autem qui dives est in misericordia propter nimiam charitatem suam dilexit nos. Et cum essemus mortui peccato convivificavit nos in Christo. Cuius gratia salvi facti sumus et conresuscitavit et consedere fecit in caelestibus in Christo Iesu. Ut ostenderet in saeculis supervenientibus abundantes divitias gratiae suae in bonitate super nos in Christo Iesu. Gratia enim salvati per fidem et hoc non ex nobis. Dei enim donum non ex operibus est ut ne quis glorietur. Ipsius enim sumus factura creati in Christo in operibus bonis quae praeparavit Deus ut in illis ambulemus per Spiritum Sanctum qui datus est nobis. (E 1)

549 Dominus noster Iesus Christus perambulabat Ierico et ecce vir nomine Zacheus et hic erat princeps publicanorum et ipse dives. Et quaerebat videre Iesum quis esset et non poterat prae turba quia statura pusillus erat. Et praecurrens ascendit in arborem sicomorum ut videret eum quia inde erat transiturus. Et cum venisset ad locum suspiciens Iesus vidit illum et dixit ad eum Zacheae festinans descende quia hodie in domo tua oportet me prandere. Et festinans descendit et excepit illum gaudens. Et cum viderent omnes murmurabant dicentes quod ad hominem peccatorem divertisset. Stans autem Zacheus dixit ad Iesum. Domine ecce dimidium bonorum meorum do pauperibus et siquid aliquem defraudavi reddo quadruplum. Ait Iesus ad eum. Quia hodie salus domui huic facta est eo quod et ipse filius est Abrahae. Venit eum filius hominis quaerere et salvum facere quod perierat. (L 19)

549 Dominus sit semper vobiscum. Et cum spiritu tuo.

549 Spiritus tuus Domine deducat nos in viam rectam

549 Celebraverunt filii Israel diem festum benedicentes Deum qui liberavit eos misericordiae initium stillans super eos alleluia alleluia alleluia.

549 Alleluia vidi summum sacerdotem ante altare manus procedentem et orantem pro omni populo

549 Appropinquantes ad sacrosanctum Domini aeterni Regis altarium unanimes atque concordes fratres carissimi Dominum deprecemur aeternum ut delictis nostris ponat misericordiae suae terminum et preces nostras perducere dignetur ad suae maiestatis indulgentissimum regnum.

550 Summe atque ineffabilis Deus qui non vocis sed cordis auditor esse dignosceris qui mentes probas non aetates qui non in labiis sed in corde puro et timeri hortaris qui benigna consolatione nos ne pereamur amplecteris insuper et perditos sub alarum tuarum umbraculo colligis dignare cor nostrum a vitiorum maculis emundare ut ab omni inquinatione purgati et a saeculi voraginibus exempti habitaculum esse mereamur Spiritus Sancti.

550 Offerentium pius Christe suscipe vota sanctorumque tuorum nobis concede suffragia et defunctis in pace requiem largire lucifluam.

550 Deus qui fidelium pace laetaris dona servientibus tuis pacem omnesque eorum actus qui tibi servire cupiunt placabili miseratione compone.

550 Dignum et iustum est aequum vere et salutare est tibi laudis hostiam immolare Domine sante Pater aeterne omnipotens Deus per Iesum Christum Filium tuum Dominum nostrum cuius figuram Abel instituit agnus quoque legalis ostendit Abraham celebravit Melchisedech exhibuit sed verus Agnus et aeternus Pontifex Dominus noster Iesus Christus implevit. Pro quibus beneficiis cherubim exsultant seraphim quoque pennigera tripudiatione augustius gloriantur sex quaternus numerus seniorum bis bina animalia oculata bis ternis alis alata summoque in gaudio dilatata in caelestibus regnis egregiis vocibus unimodum carmen personant ita dicentes.

550 Te laudat Domine omnis virtus caelorum et innumerabilis multitudo sanctorum tibi omnis creatura famulatur et te sequitur beatorum exercitus angelorum.

551 Suscipe omnipotens Deus sacrificii huius sacra sollemnia et imposita haec altaribus tuis munera benedicere nobis et sanctificare dignare.

551 Inclinemus Deo fratres carissimi corda nostra cum lacrimis et confitentes peccata nostra clementissimo Conditori iugi obsecratione clamemus e terris.

551 Humiliate vos benedictioni. Dominus sit semper vobiscum.

551 Benedicat vobis omnipotens Dominus qui vos dignatus est plasmare de nihilo. Ipse sanet languores vestros qui vester est solus Dominus et Redemptor. Atque ipsi semper sit cura de vobis in quo omnis est plenitudo vestrae salutis.

551 Per misericordiam ipsius

551 Gustate et videte quam suavis est Dominus alleluia alleluia alleluia

551 Refecti Christi corpore

551 Christi Domini nostri gratia satiati gratias agimus perpetuae Trinitati cuius sanguine sumus pretio magno redempti petimus itaque sacramentorum tuorum meritis ut de hoc saeculo nequam eripiamur illaesi.

551 Per misericordiam tuam Deus noster

551 Sollemnia completa sunt in nomine Domini nostri Iesu Christi votum nostrum sit acceptum cum pace.

551 Cibavit eos ex adipe frumenti alleluia. Et de petra melle saturavit eos alleluia alleluia.

551 Exultate Deo adiutori nostro iubilate Deo Iacob

551 Per omnia semper saecula saeculorum

551 Gloria in excelsis Deo

551 Deus qui nobis sub sacramento mirabili passionis tuae memoriam reliquisti tribue quaesumus ita nos corporis et sanguinis tui sacra mysteria venerari ut redemptionis tuae fructum in nobis iugiter sentiamus.

552 Per misericordiam tuam

552 Beatus homo qui audit me et qui vigilat ad fores meos quotidie et observat ad postes ostii mei. Qui me invenerit inveniet vitam et hauriet salutem a Domino. Qui autem in me peccaverit ledet animam suam et omnes qui me odorent diligant mortem. Sapientia aedificavit sibi domum excidit colunnas septem immolavit victimas suas miscuit vinum et posuit mensam suam. Misit servos suos ut vocarent ad arcem et menia civitatis dicens. Si quis est parvulus veniat ad me et insipientibus locuta est. Venite comedite panem meum et bibite vinum quod miscui vobis. Relinquite infantiam et videte et ambulate per vias prudentiae. (Prv 8)

552 Dominus sit semper vobiscum

552 Potens est Deus parare mensam in deserto

552 Quoniam percussit petram et fluxerunt aquae et torrentes inundaverunt

552 Praecepit nubibus desuper et portes caeli aperte sunt et pluit illis manna

552 Silentium facite.

552 Ego enim accepi a Domino quod et tradidi vobis quoniam Dominus Iesus in qua nocte tradebatur accepit panem gratias et agens fregit et dixit. Accipite et manducate. Hoc est corpus meum quod pro vobis tradetur hoc facite in meam commemorationem. Similiter et calicem postquam cenavit dicens. Hic est calix novum testamentum in meo sanguine hoc facite quotiescunque biberitis in meam commemorationem. Quotiescunque enim manducaveritis panem hunc et calicem istum biberitis mortem Domini adnunciabitis donec veniat in claritatem de caelis.

552 Dominus noster Iesus Christus loquebatur discipulis suis et turbis dicens. Caro mea verus est cibus et sanguis meus verus est potus. Qui manducat meam carnem et bibit meum sanguinem in me manet et ego in illo. Sicut misit me vivens Pater et ego vivo propter Patrem. Et qui manducat me et ipse vivet propter me. Hic est panis qui de caelo descendit. Non sicut manducaverunt patres vestri manna et mortui sunt. Qui manducat hunc panem vivet in aeternum. (J 6)

553 Dominus sit semper vobiscum. Et cum spiritu tuo.

553 Tu es sacerdos in aeternum secundum ordinem Melchisedech

553 Paratum panem de caelo praestitisti filiis tuis Domine omne delectamentum in se habentem in odorem suavitatis alleluia alleluia.

553 Propitiare Domine cunctis iniquitatibus nostris et redime nos et de corruptione vitam nostram gravia sunt enim nostra delicta sed tu misericors a nobis debita prolonga fragella et cum suspensa fuerit iracundia tua corrigantur quae in nobis conspicis esse non recta.

553 Deus quem esurimus et sitimus tua quaesumus dulcedine satiemur ut hoc sacrificium quod tibi cum sollemnitate Corporis Christi offerimus et praesenti vita nos a delictis mundos efficiat et aeterna post cum Sanctis omnibus felicitate sustollat.

553 Acceptum habe pie Pater sacrificium populi offerentis quo et vivis gratiam et sepultis requiem largiaris aeternam.

553 Tuam Domine misericordiam qui das pacem assiduis praeconiis immolamus quia tu es pax vera qui pacificas universa et tua pace commemorantia omnia perseverant in opera bona.

553 Dignum et iustum est nos tibi gratias agere Domine sancte Pater aeterne omnipotens Deus qui paras adinventiones tuas sapienter et disponis omnia suaviter. Qui ascendisti super occasum Dominus nomen est tibi. Tu panis es vivus et verus qui descendisti de caelo ut dares escam esurientibus immo ut ipse esses esca viventium. Qui es nobis in pane quo corda firmantur ut in virtute panis huius per hos dedicatos nomini tuo dies sine impedimento carnis et sanguinis ieiunare valeamus te ipsum panem habentes quia pauperes tuos caelestibus saturas panibus. Cui merito omnes Angeli et Archangeli non cessant clamare cotidie ita dicentes.

554 Vere sanctus vere benedictus Dominus Iesus Christus Filius tuus qui repudiata immundorum contagione libaminum simplicem ritum novae functionis instituit. Docuitque discipulos suos inter sacrosancta sollemnia innocentia pura vivere et Deo soli hostiam laudis offerre.

554 Complentes igitur atque servantes praeceptum Unigeniti tui precamur omnipotens Pater ut his creaturis superpositis altario tuo spiritum sanctificationis infundas ut per transfusionem caelestis atque invisibilis Sacramenti panis hic transmutatus in carnem et calix transformatus in sanguinem sit offerentibus gratia sumentibus medicina.

554 Tu Domine da escam nobis in tempore opportuno. Aperi manum tuam et imple omnem animam benedictione.

554 Praeceptum orationis quod Christus suis commendavit discipulis nos quoque fratres cum gemitu cordis exclamemus e terris.

554 Vicit leo

554 Humiliate vos benedictioni. Dominus sit semper vobiscum.

554 Fides qua creditis Christum perducat vos ad regna caelorum. Spes qua speratis aeterna per patientiam vos faciat adversa sustinere praesentia. Caritas indeficiens et hic dulcedinem hominum et post consortium vobis praelargiatur angelorum.

554 Per misericordiam ipsius

555 Gustate et videte quam suavis est Dominus alleluia alleluia alleluia

555 Benedicam Dominum in omni tempore semper laus eius in ore meo alleluia alleluia alleluia

555 Redimet Dominus animas servorum suorum et non relinquet omnes qui sperant in eum alleluia alleluia alleluia

555 Refecti Christi corpore et sanguine te laudamus Domine alleluia alleluia alleluia

555 Corpus Domini nostri Iesu Christi quod accepimus et sanguis eius quem potavimus adhaereat visceribus nostris aeterne omnipotens Deus ut non nobis veniat ad iudicium neque ad condemnationem sed proficiat ad salutem et ad remedium animarum nostrarum in vitam aeternam.

555 Per misericordiam tuam

555 Sollemnia completa sunt in nomine Domini nostri Iesu Christi votum nostrum sit acceptum cum pace

555 Dominus regnavit

555 Te excelsa laus

555 Verbum quod factum est ad Ieremiam a Domino dicens. Surge descende in domum figuli et ibi audies verba mea. Et descendi in domum figuli et ecce ipse faciebat opus super rotam. Et dissipatum est vas quod ipse faciebat e luto manibus suis. Conversusque fecit ille vas alterum sicut placuerat in oculis eius ut faceret. Et factum est verbum Domini ad me dicens. Numquid sicut figulus iste non potero facere vobis domus Israel ait Dominus Ecce sicut lutum in manu figuli sic vos in manu mea domus Israel. Repente loquar adversus gentem et adversus regnum ut eradicem et destruam et disperdam illud. Si paenitentiam aegerit gens illa a malo suo quod locutus sum adversus eam agam et ego penitentiam super malo quod cogitavi ut facerem ei. Et subito loquar de gente et de regno ut aedificem et plantem illud. Si fecerit malum in oculis meis ut non audiat vocem meam paenitentiam agam super bono quod locutus sum ut facerem ei. Nunc ergo dic viro Iuda et habitatoribus Ierusalem dicens. haec dicit Dominus. Ecce ego fingo contra vos malum et cogito contra vos cogitationem. Revertatur unusquisque a via sua mala et dirigite vias vestras et studia vestra et habitabo vobiscum. (Jr 18)

556 Dominus sit semper vobiscum. Et cum spiritu tuo.

556 In toto corde meo Domine narrabo omnia mirabilia tua.

556 Laetabor et exsultabo in te psallam nomini tuo Altissime

556 Silentium facite.

556 Cum convenitis unusquisque vestrum psalmum habet. Doctrinam habet. Apocalypsim habet. Linguam habet interpretationem habet. Omnia ad aedificationem fiant. Sine lingua quis loquitur secundum duos aut ut multum tres et per partes et unus interpretetur. Si autem non fuerit interpres taceat in Ecclesia. Sibi autem loquatur et Deo. Prophetae duo aut tres dicant et ceteri diiudicent. Quodsi alii revelatum fuerit sedenti prior taceat. Potestis per singulos prophetare ut omnes discant et omnes exhortentur et spiritus prophetarum prophetis subiectus est. Non enim est dissensionis Deus sed pacis sicut in omnibus ecclesiis sanctorum doceo. Mulieres in ecclesiis taceant. Non enim permittitur eis loqui sed subditas esse sicut lex dicit. Siquid autem volunt discere domi viros suos interrogent. Turpe est enim mulieri loqui in ecclesia. An a vobis verbum Dei processit aut in vos solos pervenit Siquis videtur propheta esse aut spiritualis cognoscat quae scribo vobis quia Domini sunt mandata. Siquis autem ignorat ignorabitur. Itaquae fratres emulamini prophetare et loqui linguis nolite prohibere. Omnia autem honeste et secundum ordinem fiant. (1K 1)

557 Dominus noster Iesus Christus ambulans iuxta mare Galilaeae vidit duos fratres Simonem qui vocatur Petrus et Andream fratrem eius mittentes rete in mare erant enim piscatores. Et ait illis. Venite post me et faciam vos fieri piscatores hominum. At illi continuo relictis retibus secuti sunt eum. Et procedens inde vidit alios duos fratres Iacobum Zebedei et Ioannem fratrem eius in navi cum Zebedeo patre eorum reficientes retia sua et vocavit eos. Illi autem statim relictis retibus et patre secuti sunt eum. Et circuibat Iesus totam Galilaeam docens in synagogis eorum et praedicans evangelium regni et sanans omnem languorem et omnem infirmitatem in populo. Et abiit opinio eius in totam Siriam et obtulerunt ei omnes male habentes variis languoribus et tormentis comprehensos et qui demonia habebant et lunaticos et paraliticos et curavit eos. Et secute sunt eum turbae multae de Galilaea. (Mt 4)

557 Dominus sit semper vobiscum. Et cum spiritu tuo.

557 Lauda Ierusalem Dominum et conlaudant Deum tuum Sion

557 Alleluia offerent sacerdotes super altare holocausta vestra qui pro pace facient sacrificia et placabitur vobis Dominus Deus vester alleluia alleluia alleluia.

557 Alleluia sacerdotes et levitae qui custodierunt ceremonias sanctuarii mei dum errarent filii Israel a me ipsi accedent ad me ut ministrent mihi. Stabunt in conspectu meo ut offerant mihi sacrificium.

557 Appropinqunates ad sacrum

557 Gustate et videte

557 Refecti Christi corpore

557 Christi Domini nostri

558 Dominus regnavit

558 Te excelsa laus

558 Per misericordiam tuam

558 Clama ad me et exaudiam te et annuntiabo tibi grandia et firma quae nescis. Quia haec dicit Dominus exercituum Deus Israel ad domos huius urbis et ad domos regis Iudae quae destructae sunt et admonitiones et gladium venientium ut dimicent cum Caldeis et impleant eas cadaveribus hominum quas percussi in furore meo et in indignatione mea. Abscondens faciem meam a civitate hac propter omnem malitiam eorum. Ecce ego obducam eis cicatricem et sanitatem et curabo eos et revelabo illis deprecationem pacis et veritatis. Et convertam conversionem Ierusalem et edificabo eos sicut a principio et mundabo illos ab omni iniquitate sua in qua peccaverunt mihi. Et propitius ero iniquitatibus eorum in quibus dereliquerunt me et spreverunt me. Et erit mihi in nomen et in gaudium et in laudem et in exultationem cunctis gentibus terrae quae audierint omnia bona quae ego facturus sum eis et pavebunt et turbabuntur in omnibus bonis et in omni pace quam ego faciam eis. Haec dicit Dominus. Adhuc audietur in loco isto quem vos dicitis esse desertum eo quod non sit homo nec iumentum in civitatibus Iuda et foris Ierusalem quae desolate sunt absque homine et absque habitatore et absque pecore. Vox gaudii et vox laetitiae. Vox sponsi et vox sponse. Vox dicentium confitemini Domino exercituum quoniam bonus quoniam in saeculum misericordia eius. (Jr 33)

559 Dominus sit semper vobiscum. Et cum spiritu tuo.

559 Factus est Dominus refugium pauperum adiutor in oportunitatibus in tribulatione.

559 Sperent in te qui noverunt te quia non derelinques quaerentes te Domine

559 Silentium facite.

559 Fiduciam talem habemus per Christum ad Deum. Non quod sufficientes simus cogitare aliquid a nobis quasi ex nobis sed sufficientia nostra ex Deo est qui et idoneos nos fecit ministros novi testamenti. Non littere sed spiritus. Littera enim occidit spiritus autem vivificat. Quod si ministratio mortis litteris deformata in lapidibus fuit in gloria ita ut non possent intendere filli Israel in faciem Moysi per gloriam vultus eius quae evacuatur quomodo non magis ministratio spiritus erit in gloriam Nam si ministratio damnationis in gloria est multo magis abundat ministerium iustitiae in gloriam. Nam nec glorificatum est quod claruit in hac parte propter excellentem gloriam. Si enim quod evacuatur per gloriam est multo magis quod manet in gloria est. Habentes autem talem spem multa fiducia utimur. Et non sicut Moyses ponebat velamen super faciem suam ut non intenderent filii Israel in faciem eius quod evacuatur sed obtusi sunt sensus eorum usque in hodiernum diem. Id ipsum velamen in lectione veteris testamenti manet non revelatum quoniam in Christo evacuatur. Sed usque in hodiernum diem cum legitur Moyses velamen positum est super cor eorum. Cum autem conversus fuerit ad Deum auferetur velamen. Dominus autem spiritus est. Ubi autem spiritus Domini ibi libertas. Nos autem omnes revelata facie gloriam Domini speculantes in eandem imaginem transformamur a claritate in claritatem tanquam a Domini spiritu. Ideo habentes hanc administrationem iuxta quod misericordiam consecuti sumus. Ideo deficimus sed abdicamus occulta dedecoris. Non ambulantes in astutia neque adulterantes verbum Dei sed in manifestatione veritatis commendantes nosmetipsos ad omnem conscientiam hominum coram Deo. Quodsi etiam opertum est evangelium nostrum in his qui pereunt est opertum in quibus Deus huius saeculi excecavit mentes infidelium ut non fulgeat inluminatio evangelii gloriae Christi qui est imago Dei. Non enim nosmetipsos commendamus sed Iesum Christum Dominum. Nos autem servos vestros per Iesum. Quoniam Deus qui dixit de tenebris lumen splendescere ipse illuxit in cordibus nostris ad illuminationem scientie claritatis Dei in facie Iesu Christi Domini nostri. (1K 2)

560 Dominus noster Iesus Christus ascendit in naviculam et secuti sunt eum discipuli eius. Et ecce motus magnus factus est in mare ita ut navicula operiretur fluctibus ipse vero dormiebat. Et accesserunt et suscitaverunt eum dicentes. Domine salva nos perimus. Et dicit eis. Quid timidi estis modice fidei Tunc surgens imperavit ventis et mari et facta est tranquillitas magna. Porro homines mirati sunt dicentes qualis est hic quia venti et mare obediunt ei. (Mt 8)

560 Dominus sit semper vobiscum. Et cum spiritu tuo.

560 Aperiam in parabolis os meum loquar propositionis ab initio saeculi

560 In universis solennitatibus domus Domini offeret sacerdos sacrificium pro peccato et holocausta pacifica ad placandum Dominum pro populo Israel alleluia.

560 Mundabit sacerdos sanctuarium Domini et tollet de sanguine quod est pro peccato et ponet in postibus domus Domini et in quatuor angulis crepidinis altaris

560 Deum qui Ecclesiae suae fide et utilitate laetatur fratres carissimi deprecemur ut ita nos in ea perenniter conservando possideat quod ad aeterna gaudia introducat.

561 Deus qui Ecclesiam tuam inter adversa crescere voluisti molientium contra eam prosterne superbiam et veritatis tuae subiuga propitius unitati.

561 Acceptum habe pie Pater sacrificium populi offerentis quo et vivis gratiam et sepultis requiem largiaris aeternam.

561 Tribue nobis Domine pacis tuae solamen cum quo et hic tuti ab hoste et in aeternum vivere possimus beate.

561 Dignum et iustum est omnipotens Pater nos tibi gratias agere per Iesum Christum Filium tuum Dominum nostrum verum aeternumque pontificem et solum sine peccati macula sacerdotem. Cuius sanguine omnium corda mundante placationis tibi hostiam non solum pro delictis populi sed etiam pro nostris offensionibus immolamus ut omne peccatum quod carnis fragilitate contrahitur summo interpellante pro nobis antistite absolvatur. Cui merito omnes angeli non cessant clamare ita dicentes.

561 Vere sanctus vere benedictus Dominus noster Iesus Christus Filius tuus in cuius nomine etiam tibi Domine haec sacra libamina libamus orantes ut quod offerimus libens suscipias et Spiritus tui sancti infussione benedicas.

561 Benedic Domine huic hostiae in honorem tui nominis tibi oblatae et sumentium ex ea sanctifica mentem et purifica voluntatem.

561 Malorum nostrorum fratres carissimi memores lacrimosas orationes Domini dirigamus ad aurem quo mundati a vitiis libera ad eum voce proclamemus e terris.

561 Humiliate vos benedictioni. Dominus sit semper vobiscum.

562 Christus Dominus qui est vita mortalium auferat a vobis omnes maculas delictorum. Induat vos decore virtutum et donet vobis consortium beatorum. Ut probabiles fide et opere immaculati perveniatis ad aeternam hereditatem.

562 Per misericordiam ipsius

562 Gustate et videte

562 Refecti Christi corpore

562 Refecti Christi corpore sanguineque pariter sanctificati Deo Patri omnipotenti gratias referamus ut in eadem refectione sanctificationem habentes hic in futuro saeculo gloriam percipiamus.

562 Per misericordiam tuam

562 Missa acta est in nomine Domini Iesu Christi perficiamus cum pace

562 Dominus regnavit

562 Te excelsa laus

562 Qui dedit in mari viam et in aquis torrentibus semitam. Qui eduxit quadrigam etaequum agmen et robustum simul obdormierunt nec resurgent. Contriti sunt quasi lignum et extincti sunt. Ne memineritis priorum et antiqua ne intueamini. Ecce ego faciam nova et nunc orientur utique cognoscetis ea. Ponam in deserto viam et in invio flumina. Glorificavit me bestia agri dracones et structiones quia dedi in deserto aquas flumina in invio ut darem potum populo meo electo meo. Populum istum formavi mihi laudem meam narravit. Non me invocasti Iacob nec laborasti in me Israel. Non obtulisti mihi arietem holocausti tui et victimis tuis non glorificasti me. Non te servire feci in oblatione nec laborem tibi praebui in thure. Non emisti mihi argento calamum et adipe victimarum tuarum non inebriasti me. Verumtamen servire me fecisti in peccatis tuis praebuisti mihi laborem in iniquitatibus tuis. Ego sum ego sum ipse qui deleo iniquitates tuas propter me et peccatorum tuorum non recordabor amplius. (Is 43)

563 Dominus sit semper vobiscum. Et cum spiritu tuo.

563 Cantabo Domino qui bona tribuit mihi psallam nomini Domini altissimi

563 Ego autem in misericordia tua sperabo exultabit cor meum in salutari tuo

563 Silentium facite.

563 Christus nos redemit de maledicto legis factus pro nobis maledictum quia scriptum est Maledictus omnis qui pependit in ligno ut in gentibus benedictio Abrahae fieret in Christo Iesu ut pollicitationem spiritus accipiamus per fidem. Fratres secundum hominem dico tamen hominis confirmatum testamentum nemo spernit aut superordinat. Abrahae dictae sunt promissiones et semini eius. Non dicit et seminibus quasi in multis sed quasi in uno et semini tuo qui est Christus. Hoc autem dico testamentum confirmatum a Deo quae post quadringentos et triginta annos facta est lex. Non irritam fecit ad vacuandam promissionem. Nam si ex lege hereditas iam non est ex promissione. Abrahae autem per promissionem donavit Deus. Quid igitur lex propter transgressionem posita est donec veniret semen cui promiserat ordinata per angelos in manu mediator. Mediator autem unius non est. Deus autem unus est. Lex ergo adversus promissa Dei Absit. Si enim data esset lex quae posset vivificare vere ex lege esset iustitia. Sed conclusit scriptura omnia sub peccato ut promissio ex fide Iesu Christi daretur credentibus. Priusquam veniret fides sub lege custodiebamur conclusi in eam fidem quae revelanda erat. Itaquae lex pedagogus noster fuit in Christo ut ex fide iustificaremur. At ubi venit fides iam non sumus sub pedagogo. Omnes enim filii Dei estis per fidem quae est in Christo Iesu Domino nostro. (G 3)

564 Dominus noster Iesus Christus loquebatur discipulis suis dicens. Qui non est mecum contra me est. Et qui non congregat mecum spargit. Ideo dico vobis omne peccatum et blasphemia remittetur hominibus. Spiritus autem blasphemiae non remittetur eis. Et quicumque dixerit verbum contra filium hominis remittetur ei. Qui autem dixerit contra Spiritum Sanctum non remittetur ei nec in hoc saeculo nec in futuro. Aut facite arborem bonam et fructum eius bonum aut facite arborem malam et fructum eius malum. Si quidem ex fructibus arbor cognoscitur. Progenies viperarum quomodo potestis bona loqui cum sitis mali Ex abundantia autem cordis os loquitur. Bonus homo de bono thesauro profert bona. Et malus homo de malo thesauro profert mala. Dico autem vobis quoniam omne verbum otiosum quod locuti fuerint homines reddent rationem de eo in die iudicii. Ex verbis enim tuis iustificaberis et verbis tuis condemnaberis. Tunc respondebant ei quidam de scribis et pharisaeis dicentes. Magister volumus a te signum videre. Qui respondens ait illis. Generatio mala et adultera signum quaerit et signum non dabitur ei nisi signum Ione prophetae. Sicut enim fuit Ionas in ventre ceti tribus diebus et tribus noctibus sic erit filius hominis in corde terrae tribus diebus et tribus noctibus. Viri Ninivitae surgent in iudicio cum generatione ista et condemnabunt eam quia penitentiam egerunt in predicatione Ione et ecce plusquam Ionas hic. Regina Austri surget in iudicio cum generatione ista et condemnabit eam quia venit a finibus terrae audire sapientiam Salomonis et ecce plusquam Salomon hic. Cum autem spiritus immundus exierit ab homine ambulat per loca arida quaerens requiem et non invenit. Tunc dicit. Revertar in domum meam unde exivi. Et veniens invenit vacantem scopis mundatam et ornatam. Tunc vadit et adhibet septem alios spiritus secum nequiores se et intrantes habitant ibi et fiunt novissima hominis illius peiora prioribus. Sic erit generationi huic pessime. Adhuc eo loquente ad turbas ecce mater eius et fratres stabant foris quaerentes loqui ei. Dixit ei quidam. Ecce mater tua et fratres tui forisistant quaerentes te. At ille respondens dicenti sibi ait. quae est mater mea et qui sunt fratres mei Et extendens manum in discipulos suos dixit. Ecce mater mea et fratres mei. Quicunque enim fecerit voluntatem Patris mei qui in caelis est ipse meus est frater et soror et mater est. (Mt 9)

565 Dominus sit semper vobiscum. Et cum spiritu tuo.

565 Aperiam in parabolis os meum loquar propositionis ab initio saeculi

565 Sacerdotes Domini offerunt incensum Domino pro peccato pro delicto legitimum sempiternum est in generationibus alleluia. De sacrificiis Domini alleluia alleluia

565 Alleluia dixit Dominus ad Moysen sacerdos cum ad sacrosanctum accesserit offeret oblationem in odorem suavissimum Domino et ponet in tabernaculo testimonii.

565 Omnipotentem Dominum fratres carissimi deprecemur ut illam nobis ad se orandum precem inspiret quam ipse praemio immortalitatis remuneret.

565 Deus qui infirmitatis nostrae factus es particeps fac nos tui regni esse consortes ut quibus participari voluisti assumendo hominem participium conferas gloriae tuae.

565 Illabere Domine oblatis tibi sacrificiis et susceptis fidelium votis requiem iube praerogari defunctis.

565 Multiplica nos Domine humilitatis bono et caritatis studio ut viventes in pace fructum tibi exhibeamus iustitiae.

565 Aequum satis et iustum est omnipotens Pater ut tibi plebs tua deferat laudem quam unici Filii tui redemisti ex sanguine. Ut enim opus tuum usquequaque non teneretur captivum eundem Unicum tuum dedisti vicarium ut crucis perpessus iniuriam perditum hominem repararet ad vitam. Propter quod eum angelicae potestates non cessant laudare ita dicentes.

566 Vere sanctus vere benedictus Dominus noster Iesus Christus Filius tuus qui solus est vita mortalium et immortalitas redemptorum.

566 Sanctificetur quaesumus Domine haec oblata in honorem tui nominis victima ut libantes ex ea hereditatem capiamus aeternam.

566 Praeceptionis divinae memores dilectissimi fratres orationem quam Christus suos Patrem docuit semper orare discipulos nos quoque e terris proclamemus ad caelos.

566 Humiliate vos benedictioni. Dominus sit semper vobiscum.

566 Fides qua creditis Christum perducat vos ad regna caelorum. Spes qua speratis aeterna per patientiam vos faciat adversa sustinere praesentia. Caritas indeficiens et hic dulcedinem hominum et post consortium vobis praelargiatur sanctorum.

566 Per misericordiam ipsius

566 Gustate et videte

566 Refecti Christi corpore

566 Dominus regnavit

566 Te excelsa laus

566 Levate in excelsum oculos vestros et videte quis creavit haec. Qui educit in numero miliciam eorum et omnes ex nomine vocat. Prae multitudine fortitudinis et roboris virtutisque eius neque unum reliquum fuit. Quare dicis Iacob et loqueris Israel abscondita est via mea a Domino et a Deo meo iudicium meum transibit Nunquid nescis aut non audisti Deus sempiternus Dominus qui creavit terminos terrae non deficiet neque laborabit nec est investigatio sapientiae eius. Qui dat lasso virtutem et his qui non sunt fortitudinem et robur multiplicat. Deficient pueri et laborabunt et iuvenes in infirmitate cadent qui autem sperant in Domino mutabunt fortitudinem. Assument pennas ut aquile current et non laborabunt ambulabunt et non deficient. (Is 40)

567 Dominus sit semper vobiscum. Et cum spiritu tuo.

567 Ab occultis meis munda me Domine et ab alienis parce servo tuo

567 Si mei non fuerint dominati tunc immaculatus ero et mundabor a delicto magno

567 Silentium facite.

567 Hoc sentite in vobis quod et in Christo Iesu. Qui cum in forma Dei esset non rapinam arbitratus est esse se equalem Deo sed semetipsum exinanivit formam servi accipiens in similitudinem hominum factus et habitu inventus ut homo. Humiliavit semetipsum factus obediens usque ad mortem mortem autem crucis. Propter quod et Deus illum suscitavit et donavit illi nomen super omne nomen ut in nomine Iesu omne genu flectatur caelestium terraestrium et infernorum. Et omnis lingua confiteatur quia Dominus Iesus Christus in gloria est Dei Patris. Itaquae fratres mei sicut semper obedistis non in presentia mea tantum sed multo magis nunc in absentia mea cum metu et tremore vestram salutem operamini. Deus est enim qui operatur in vobis et velle et perficere pro bona voluntate. Omnia autem facite sine murmurationibus et hesitationibus ut sitis sine quaerela et simplices in adventu filii Dei sine reprehensione in medio nationis prave et preverse inter quos lucetis sicut luminaria in mundo verbum vitae continentes ad gloriam meam in die Christi. Quia non in vacuum cucurri neque in vacuum laboravi. Sed etsi immolor supra sacrificium et obsequium fidei vestre gaudeo et congratulor omnibus vobis. Idipsum et vos gaudete et congratulamini mihi. (Ph 2)

568 Dominus noster Iesus Christus cum venisset trans fretum in regionem Gerasenorum occurrerunt ei duo habentes daemonia de monumentis exeuntes sevi nimis ita ut nemo posset transire per viam illam. Et ecce clamaverunt dicentes. Quid nobis et tibi Iesu Fili Dei Venisti huc ante tempus torquere nos Erat autem non longe ab illis grex multorum porcorum pascens. Daemones autem rogabant eum dicentes. Si eiicis nos hinc mitte nos in gregem porcorum. Et ait illis. Ite. At illi exeuntes abierunt in porcos. Et ecce magno impetu abiit totus grex praeceps in mare et mortui sunt in aquis. Pastores autem fugerunt. Et venientes in civitatem nuntiaverunt haec omnia et de his qui daemonia habuerant. Et ecce tota civitas exiit obviam Iesu et viso eo rogabant eum ut transiret a finibus eorum. Et ascendens Iesus in naviculam transfretavit et venit in civitatem suam. Et ecce offerebant ei paraliticum iacentem in lecto. Videns autem Iesus fidem illorum dixit paralitico. Confide fili remittuntur tibi peccata tua. Et ecce quidam de scribis dixerunt intra se. Hic blasphemat. Et cum vidisset Iesus cogitationes eorum dixit. Ut quid cogitatis mala in cordibus vestris Quid est facilius dicere dimittuntur tibi peccata tua an dicere surge et ambula Ut autem sciatis quia filius hominis habet potestatem in terra dimittendi peccata. Tunc ait paralitico. Surge tolle lectum tuum et vade in domum tuam. Et surrexit et abiit in domum suam. Videntes autem turbe timuerunt et glorificaverunt Deum qui dedit potestatem talem hominibus. (Mt 8)

568 Dominus sit semper vobiscum. Et cum spiritu tuo.

568 Non nobis Domine non nobis sed nomini tuo da gloriam

568 Accedentes sacerdotes filii Levi ad altare quos elegit Dominus Deus tuus ut ministrent ei. Et benedicant in nomine eius alleluia.

568 Dixit Moyses ad sacerdotes levitici generis ad omnem Israel attende et audi Israel hodie factus est populus Domini Dei tui audiens vocem eius et faciens mandata eius atque iustitiam quam ego praecipio tibi.

569 Deum fratres carissimi prece flagitemus continua ut illam nobis tribuat in oratione fiduciam quae impetret postulata.

569 Exaudi Domine devotam tuae familiae precem et oblatum tibi hoc sacrificium in remissionem nostrorum peccaminum propitiatus assume.

569 Aspira Domine offerentium votis propitius et requiem defunctis concede benignus.

569 Solve Christe Deus nostrorum criminum nodos et in pace quam ipse docuisti fac nos semper esse connexos.

569 Dignum et iustum est Deus Pater omnipotens te et terrestrium et caelestium creaturarum praeconio laudis attolli qui nos Unigeniti tui sanguine redemisti quique nos tibi per eius mortem reconciliasti ut regni sui essemus heredes qui corporis nostri factus est particeps. Cui merito omne angeli et archangeli non cessant clamare cotidie ita dicentes.

569 Vere sanctus vere benedictus Dominus noster Iesus Christus Filius tuus quem caelestia pariter et terrena collaudant qui est Agnus Dei et tollit peccatum mundi.

569 Offerentes tibi Deus sacrificium laudis rogamus ut oblata acceptes et oblatores sanctifices quatenus libantes ex ea hereditatem capiant aeternam.

569 Oremus Dominum dilectissimi fratres ut nos efficiat coram se exorabiles quo puras manus cum conscientiis ad eum levemus proclamantes e terris.

569 Humiliate vos benedictioni. Dominus sit semper vobiscum.

569 Sit vestri Dominus adiutor in omnibus. Preces vestras exaudiat et peccata dimittat. Quae poscitis conferat et quae pavescitis procul a vobis repellat.

569 Per misericordiam ipsius

569 Gustate et videte

570 Refecti Christi corpore

570 Gustantes Domine suavitatis tuae dulcedinisque plenitudinem quaesumus ut sit nobis hoc in remissionem peccatorum et sanitatem mentium.

570 Per misericordiam tuam

570 In nomine Domini nostri Iesu Christi perficiamus cum pace

570 Dominus regnavit

570 Te excelsa laus

570 Iudicate mane iudicium et eruite oppressum de manu calumniantis ne forte egrediatur ut ignis indignatio mea et succendatur et non sit qui extinguat propter malitiam studiorum vestrorum. Et ego ad te habitatricem vallis solide atque campestrium. Qui dicitis quis percutiet nos et quis ingredietur domos nostras Ego visitabo super vos iuxta fructum studiorum vestrorum dicit Dominus. Et succendam ignem in saltum eius et devorabo omnia in circuitu eius. haec dicit Dominus. Descende in domum regis Iuda et loqueris ei verbum hoc et dices. Audi verbum Domini rex Iuda qui sedes super solium David tu et servi tui et populus tuus qui ingredimini per portas istas. haec dicit Dominus. Facite iudicium et iustitiam et liberate oppressum de manu calumniatoris et advenam et pupillum et viduam nolite contristari neque opprimatis inique et sanguinem innocentem ne effundatis in loco isto. Si enim facientes feceritis verbum istud ingredientur per portas huius reges sedentes de genere David super thronum eius ascendentes super currus et equos ipsi et servi et populus eorum. Factum est verbum Domini ad me et locutus sum ad vos de nocte consurgens et loquens et non audistis. Et misit Dominus ad vos omnes servos suos prophetas. Consurgens diluculo mittensque non audistis neque inclinastis aures vestras ut audiretis. haec enim dicit Dominus. Revertimini unusquisque a via sua mala et a pessimis cogitationibus vestris. Et habitabitis in terra quam dedit Dominus vobis et patribus vestris a saeculo et usque in saeculum. Et nolite ire post deos alienos ut serviatis eis adoretisque eos neque me ad iracundiam provocetis in operibus manuum vestrarum. Et non affligam vos neque auferam a vobis misericordiam meam dicit Dominus. (Jr 21)

571 Dominus sit semper vobiscum. Et cum spiritu tuo.

571 Delicta iuventutis meae et ignorantie ne memineris Domine.

571 Secundum magnam misericordiam tuam memor esto mei

571 Nemo vos seducat. Siquis videtur inter vos sapiens esse in hoc saeculo stultus fiat ut sit sapiens. Sapientia huius mundi stulticia est apud Deum. Scriptum est enim. Comprehendam sapientes in astutia eorum. Et iterum. Dominus novit cogitationes sapientium quoniam vane sunt. Itaquae nemo glorietur in hominibus omnia enim vestra sunt. Sive Paulus sive Apollo sive Cephas sive mundus sive vita sive mors sive praesentia sive futura omnia enim vestra sunt. Vos autem Christi Christus autem Dei. Sic nos existimet homo ut ministros Christi et dispensatores ministeriorum Dei. Hic iam quaeritur inter dispensatores ut fidelis quis inveniatur. Mihi autem pro minimo est ut a vobis iudicer aut ab humano die sed neque me ipsum iudico. Nihil enim mihi conscius sum sed non in hoc iustificatus sum. Qui autem iudicat me Dominus est. Itaquae nolite ante tempus iudicare quoadusque veniat Dominus qui et inluminabit abscondita tenebrarum et manifestabit consilia cordium et tunc laus erit unicuique a Deo. (1K 3)

571 Loquebatur discipulis suis dicens. Exiit qui seminat seminare. Et dum seminat quaedam ceciderunt secus viam et venerunt volucres et comederunt ea. Alia autem ceciderunt in petrosa ubi non habebant terram multam et continuo exorta sunt quia non habebant altitudinem terrae. Sole autem orto estuaverunt et quia non habebant radicem aruerunt. Alia autem ceciderunt in spinis et creverunt spine et suffocaverunt ea. Alia autem ceciderunt in terram bonam et dabant fructum aliud centesimum aliud sexagesimum aliud trigesimum. Et accedentes dixerunt ei. Quare in parabolis loqueris eis Qui respondens ait illis. Quia vobis datum est nosse mysteria regni caelorum illis autem non est datum. Vos autem audite parabolam seminantis. Omnis qui audit verbum regni et non intelligit venit malus et rapit quod seminatum est in corde eius hic est qui secus viam seminatus est. Qui autem super petrosa seminatus est hic est qui verbum audit et continuo cum gaudio accipit illud. Non habet autem in se radicem sed est temporalis. Facta autem tribulatione et persecutione propter verbum continuo scandalizatur. Qui autem est seminatus in spinis hic est qui verbum audit et sollicitudo saeculi istius et fallacia divitiarum suffocat verbum et sine fructu efficitur. Qui vero in terram bonam seminatus est hic est qui verbum audit et intelligit et fructum affert. Et facit aliud quidem centesimum aliud sexagesimum porro aliud trigesimum. Qui habet aures audiendi audiat. (Mt 13)

572 Dominus sit semper vobiscum. Et cum spiritu tuo.

572 Non nobis Domine

572 Offerte sacerdotes ad altare Dei nostri holocausta et orate ut sunt dies vestri sicut dies saeculi super terram et dabit vobis Dominus fortitudinem alleluia.

572 Domine propter nomen tuum ne perdas thronum honoris tui memor esto noli dissipare testamentum tuum quod est nobiscum super terram.

572 Ecclesiae tuae preces quaesumus Domine placatus intende ut destructis adversitatibus universis secura tibi serviat libertate.

572 Omnipotens sempiterne Deus qui nos sacra Evangelii tui institutione confirmas praesta quaesumus ut cuncti fideles tui veraciter apprehendant quae ex eius praedicatione suscipiunt.

572 Mirabilia tua quaesumus Domine circa nos clementer operare quae ideo semper immensa sunt dum indulgentiam reis et beneficia largiaris indignis.

572 Da fidelium tuorum mentibus Deus ut studeant oboedire caelestibus disciplinis et ordinem pacis sequi divinitus instituti.

572 Dignum et iustum est vere dignum et sanctum est nos tibi semper hic et ubique gratias agere sacrificia spiritualia celebrare Domine sancte Pater aeterne omnipotens Deus per Iesum Christum Filium tuum Dominum nostrum per quem maiestatem tuam collaudant angeli adorant dominationes tremunt potestates caeli caelorumque virtutes ac beata seraphim socia exsultatione concelebrant. Cum quibus et nostras voces admitti iubeas deprecamur supplici confessione dicentes.

573 Vere sanctus vere benedictus Dominus noster Iesus Christus Filius tuus qui divino Spiritu procreatus uteri virginalis viscera habitare dignabili adiectu voluit et hoc caducum corpus induere ut nos in terra peccatores servaret

573 Agentes itaque pietati tuae maximas gratias omnipotens Deus petimus et rogamus ut collata suscipias suscepta benedicas benedicta sanctifices sanctificata distribuas et nobis famulis tuis misericordiam largiaris.

573 Divino magisterio edocti et salutaribus monitis instituti audemus dicere quia iubere dignatus es.

573 Humiliate vos benedictioni. Dominus sit semper vobiscum.

573 Benedicat vobis Dominus et custodiat vos. Ostendat Dominus faciem suam vobis et misereatur vestri. Convertat Dominus vultum suum ad vos et det vobis pacem.

573 Per misericordiam ipsius

573 Gustate et videte

573 Refecti Christi corpore

573 Dominus regnavit

573 Te excelsa laus

573 Vae qui aedificat domum suam in iustitia et cenacula sua non in iudicio. Amicum suum opprimet frustra et mercedem eius non reddet. Qui dicit aedificabo mihi domum latam et cenaculum spaciosum. Qui aperuit sibi fenestras et facit laquearia cedrina pingitque sinopide. Nunquid regnabis quoniam conferes te cedro Pater tuus nunquid comedit et bibit et fecit iudicium et iustitiam Tunc cum bene erat ei iudicavit causam pauperis et egeni in bonum suum. Nunquid non ideo quia cognovit me dicit Dominus Tui vero oculi et cor ad avaritiam et sanguinem innocentem fundendum et ad calumniam et ad concursum mali operis Propterea haec dicit Dominus. Vae pastoribus qui dispergunt et dilacerant gregem pascuae meae dicit Dominus. Idcirco haec dicit Dominus Israel ad pastores qui pascunt populum meum. Vos dispersistis gregem meum et eiecitis eos et non visitatis eos. Ecce ego visitabo super vos malitiam studiorum vestrorum dicit Dominus. Ecce ego congregabo reliquias populi mei ab omnibus terris ad quas eieceram illum. Et convertam ad rura sua et crescent et multiplicabuntur. Et suscitabo super eos pastores et pascent eos. Non formidabunt ultra et non pavebunt et nullus quaeretur ex numero dicit Dominus. (Jr 22)

574 Dominus sit semper vobiscum. Et cum spiritu tuo.

574 Circumdabo altare tuum Domine ut clara voce voce enarrem laudem tuam

574 Domine dilexi decorem domus tuae et locum habitationis gloriae tuae

574 Silentium facite.

574 Verbum crucis pereuntibus quidem stultitia est. His autem qui salvi fiunt idest nobis virtus Dei est. Scriptum est enim. Perdam sapientiam sapientium et prudentiam prudentium reprobabo. Ubi sapiens Ubi scriba Ubi conquisitor saeculi huius Nonne stultam fecit Deus sapientiam huius mundi Nam quia in Deum sapientia non cognovit mundus per sapientiam placuit Deo per stultitiam praedicationis salvos facere credentes. Quoniam Iudaei signa petunt et Graeci sapientiam quaerunt. Nos autem praedicamus Christum crucifixum Iudaeis quidem scandalum gentibus autem stultitiam. Ipsis autem vocatis Iudeis atque Graecis Christi Dei virtutem et Dei sapientiam. Quia quod stultum est Dei sapientius est hominibus. Et quod infirmum est Dei fortius est hominibus. Videte enim vocationem vestram fratres quia non multi sapientes secundum carnem non multi potentes non multi nobiles. Sed quae stulta sunt mundi elegit Deus ut confundat sapientes. Et infirma mundi elegit Deus ut confundat fortia. Et ignobilia mundi et contemptabilia elegit Deus et quae non sunt ut ea quae sunt destrueret. Ut non glorietur omnis caro in conspectu eius. Ex ipso autem vos estis in Christo Iesu vocati qui factus est nobis sapientia a Deo et iustitia et sanctificatio et redemptio. Ut quemadmodum scriptum est. Qui gloriatur in Domino glorietur. Et ego cum venissem ad vos fratres veni non in sublimitate sermonis aut sapientiae annuntians vobis testimonium Christi. Non enim iudicavi scire me aliquid inter vos nisi Christum Iesum et hunc crucifixum. Et ego infirmitate et timore et tremore multo fui apud vos. Et sermo meus et praedicatio mea non in persuasibilibus humane sapientiae verbis sed in ostensione spiritus et virtutis ut fides vestra non sit in sapientia hominum sed in virtute Dei. Sapientia autem loquimur inter perfectos. Sapientia vero non in huius saeculi neque principum huius saeculi qui destruuntur. Sed loquimur Dei sapientiam in ministerio quae abscondita est quam praedestinavit Deus ante saecula in gloriam nostram quam nemo principum huius saeculi cognovit. Si enim cognovissent nunquam Dominum glorie crucifixissent. Sicut scriptum est. Quod oculus non vidit nec auris audivit nec in cor hominis ascendit quae praeparavit Deus iis qui diligunt illum. (1K 1)

575 Simile factum est regnum caelorum homini qui seminat bonum semen in agro suo. Cum autem dormirent homines venit inimicus eius et superseminavit zizania in medio tritici et abiit. Cum autem crevisset herba et fructum lecisset tunc apparuerunt zizania. Accedentes autem servi patris familias dixerunt ei. Domine nonne bonum semen seminasti in agro tuo unde ergo habet zizania Et ait illis. Inimicus homo hoc fecit. Servi autem dixerunt ei. Vis imus et colligimus ea Et ait. Non ne forte colligentes zizania eradicetis simul cum eis et triticum. Sinite utraquae crescere usque ad messem. Et in tempore messis dicam messoribus colligite primum zizania et alligate ea in fasciculos ad comburendum. Triticum autem congregate in horreum meum. Aliam parabolam proposuit eis dicens. Simile est regnum caelorum grano sinapis quod accipiens homo seminavit in agro suo. Quod minimum quidem est omnibus seminibus cum autem creverit maius est omnibus oleribus et fit arbor ita ut volucres caeli veniant et habitent in ramis eius. Aliam parabolam locutus est eis. Simile est regnum caelorum fermento quod acceptum mulier abscondit in farine satis tribus donec fermentatum est totum. haec omnia locutus est Iesus in parabolis ad turbas. Et sine parabolis non loquebatur eis. Ut impleretur quod dictum est per prophetam dicentem. Aperiam in parabolis os meum eructabo abscondita a constitutione mundi. Tunc dimissis turbis venit in domum. Et accesserunt ad eum discipuli eius dicentes. Domine edissere nobis parabolam zizaniorum agri. Qui respondens ait. Qui seminat bonum semen est filius hominis. Ager autem est mundus. Bonum vero semen hi sunt filii regni. Zizania autem filii sunt nequam. Inimicus autem qui seminavit ea est diabolus. Messis vero consummatio saeculi est. Messores autem angeli sunt. Sicut ergo colliguntur zizania et igne comburuntur sic erit in consummatione saeculi. Mittet filius hominis angelos suos et colligent de regno eius omnia scandala et eos qui faciunt iniquitatem et mittent eos in caminum ignis ibi erit fletus et stridor dentium. Tunc iusti fulgebunt sicut sol in regno Patris eorum. Qui habet aurem audiendi audiat. (Mt 13)

576 Dominus sit semper vobiscum. Et cum spiritu tuo.

576 Qui posuit fines tuos pacem et adipe frumenti satiat te

576 Alleluia oblatio Domini est odor suavissimus victima Dei alleluia alleluia alleluia

577 Alleluia locutus est Dominus ad Moysen dicens pones altare ante arcam testimonii coram propitiatorio ubi loquar ad te et ponet incensum sacerdos super eum delectabile fragrans.

577 Omnipotentem Deum qui humanum genus condidit ad gloriam et post ruinam reparavit ad vitam fratres carissimi humiliter exoremus. Ut impleat reparationis perfectionem qui originis condidit dignitatem.

577 Deus omnipotens qui angelicam humanamque naturam creans aliud praesciendo iudicii reprobatione condemnas aliud praedestinando veritatis assumptione glorificas. Tribue nobis te per redemptionis humane sacramentum habere propitium et societate felicitatis angelice perpetuis laudibus attolere gloriosum.

577 Accipe Domine offerentium munera atque vota ut qui tibi sacrificium quod te singulariter placare potest confidentia piae servitutis offerimus et sacrificii ipsius propitiatione in tuam rediisse nos gratiam uberius exultemus.

577 Deus perennis pax cuius electum munus pacis est premium. Quique pacificos esse tuos filios docuisti infunde nobis dulcedinem pacis. Ut omne quod discordiae est funditus evanescat et omne quod pacis est aeterna in nos suavitate dulcescat.

577 Dignum satis vere est et omni dignitate conspicuum tibi dare gloriam et honorem omnipotens Deus Pater qui cum filio tuo et cum Spiritu amborum unus in Trinitate aequalis Deus creasti non stantem hominem et in assumptione carnis unius persone redimisti perditum hominem reparator occurrens in eius occasum qui bone conditionis perdiderat statum. Proinde in hac tantundem victima salutari confidentiam habentes obsecramus et petimus ut quia dies temporalis declinat ad vesperum et status mundi properat ad occasum et vivere corruptibiliter nostrum tendit ad terminum repares nos in tempore. Veniant dies ad laudem tuam sustentes et defectum mundi per spem beatitudinis repromissum concedas et in diem extremum vitae praesentis pervenire ad indulgentiam consequendam. Ut quia et diei et mundi et vitae nostrae finis proximo venit in cunctis hoc sacrificium singulare nobis ad remedium se indesinenter dignetur opponere ut nec occasus diei prae successione tenebrarum nos vel polluat vel anxios reddat vel proximus finis mundi reos secum ad interitum ducat nec brevitas vitae nostrae immundos usquequaquae detineat sed quod deficit dies in consolationem nostram renovata lux reparet et quod mundus tendit ad finem spes futuri regni confoveat. Ut quod vivere nostrum resolutionis suae sustinet debitum transitus pacis et leticia consequatur aeterne beatitudinis. Ut quicquid in occasu nostro est haec salutaris victima in aeterne salutis flatum reducat et in nos redemptionis nostrae ministerium fiat et nos tibi domus perennis gloriae hymnum ita dicentes.

578 Vere bone Deus vere pie Domine Deus te solum gloria decet. Qui pro nobis te ipsum a te ipso uno heredeque Christo ante saecula filio Dei et in fine saeculorum filio hominis super aram crucis Deo Patri expiationem peccatorum nostrorum offerri voluisti docens nos celebritate sacramenti huius et pia fide et munda operatione gratissima frequentare. Largire ergo ut quicquid in occasu diei quicquid in defectu mundi quicquid in resolutionis defectu labimur pietas tua et indesinenti consolatione confoveat et ad aeterne exultationis participationem adducat Christe Domine ac redemptor aeterne.

578 Completis nostrae redemptionis et tuae gratiae documentis. Referentes tibi gratias benedicimus te Domine Iesu Christe fili Dei vivi qui sanas vulnera peccatorum nostrorum qui ad vitam reparas nostrum occasum qui spem beatitudinis dedisti nobis in consolationis pignore Spiritum Sanctum qui dabis aeternam mansuaetudinem in regione vivorum dum ergo illam resurgendi tempus adducit hic nos dignare in die consolari laboris immundi non perire pernicie et in transitu nostro ad te venire in tuae dilectionis dulcedine et in tua laude atque benedictione tecum persistere sine fine.

579 Omnipotentem Deum fratres carissimi deprecemur ut propinquante termino saeculi sollicitiores nos efficiat momento omnis diei. Ut adsumens hostiam quam ei in hoc fine diei offerimus severitatem a nobis futuri examinis arceat quam timemus quod fiducialiter ad eum praeconio oris et vocis proclamemus e terris.

579 Humiliate vos benedictioni. Dominus sit semper vobiscum.

579 Omnipotens Deus det vobis misericordiam quae conferat vitam. Inspiret petitionem quae obtineat salutem. Donet dulcedinem suae dilectionis quae vos extollat in laudem suae aeternitatis.

579 Per misericordiam ipsius

579 Gustate et videte

579 Refecti Christi corpore

579 Praesta Domine omnipotens ut qui per fiduciam tuae pietatis propter redemptionem animarum nostrarum ad gloriosi corporis et sanguinis tui salutare munus accessimus non ex reatu penam sumamus sed veniam criminum et spem aeternitatis terminum adipisci mereamur.

579 Per misericordiam tuam

579 Missa acta est in nomine Domini Iesu Christi perficiamus cum pace

579 Dominus regnavit decorem induit alleluia.

579 Induit Dominus fortitudinem et praecinxit se.

579 Te excelsa laus

579 Audite me

579 Dominus sit semper vobiscum. Et cum spiritu tuo.

579 Ne memor fueris Deus iniquitates nostras antiquas cito apprehendat nos misericordia tua Domine.

579 Quoniam pauperes facti sumus valde adiuva nos Deus salutaris noster.

580 Silentium facite.

580 Revelabitur ira Dei

580 Erant appropiquantes ad Dominum Iesum publicani et et peccatores ut audirent illum. Et murmurabant pharisaei et scribae dicentes quia hic peccatores recipit et manducat cum illis. Et ait ad illos parabolam istam. Quis ex vobis homo qui habet centum oves et si perdiderit unam ex illis nonne dimittit nonaginta novem in deserto et vadit ad illam quae perierat donec inveniat illam Et cum invenerit illam imponit in humeros suos gaudens. Et veniens domum convocat amicos et vicinos dicens illis. Congratulamini mihi quia inveni ovem quam perdideram. Dico vobis quod ita gaudium erit in caelo super uno peccatore penitentiam agente quam supra nonaginta novem iustis qui non indigent penitentia. Aut quae mulier habens dracmas decem si perdiderit dracmam unam nonne accendit lucernam et everrit domum et quaerit diligenter donec inveniat Et cum invenerit convocat amicas et vicinas dicens. Congratulamini mihi quia inveni dracmam meam quam perdideram. Ita dico vobis. Gaudium erit in caelo coram angelis Dei super uno peccatore paenitentiam agente. (L 15)

580 Dominus sit semper vobiscum. Et cum spiritu tuo.

580 Alleluia éauda Ierusalem Dominum conlauda Deum tuum Sion.

580 His dies exorationis sancti erunt vobis et humiliabitis animas vestras applicantes holocausta Domino alleluia.

580 Omnis anima quaecunque se non observaverit exterminabitur de populo suo isti enim vobis sunt dies.

580 Inter sacra mysteria constituti et latentissimo nostrae conscientiae testimonio vulnerati sic peccata praeterita defleamus ut praesentia non agamus et futura sollicite caveamus gravis quippe poena subsequitur quando ibi rursus offensa contrahitur ubi venia postulatur nullus ergo pravis cogitationibus aliquando consentiat nemo saecularium voluptatum delectamenta perficiat repellamus mala colloquia et cum velocitate divina compleamus imperia. Sit in nostris operibus castitas in sermonibus gravitas in oratione compunctio sub religione devotio. Lacrimarum sacrificium nostro sacrificio iungamus ut in bono satiari nostra desideria gaudeamus.

581 Iterata legatione rogamus ut tu Deus Pater omnipotens servos atque ancillas tuas propitia maiestate custodias ut ab infestantis inimici insidiosis laqueis liberatos diu noctuque defendas ne nos occultus inimicus corde et corpore opprimat ne terrena cogitatione decipiat sed vera lux Filii tui faciat spiritali luce pervigiles. Ecclesiam quoque tuam fundamentum veritatis contra omnes mundi impetus contra haereticae pravitatis scandalum caelesti tranquillitate gubernes et regas et omnes qui in sublimitatibus agunt catholica fide fundatos ordinatione compositos pietate praecipuos patientia mites pace quietos efficias universumque mundum propitia bonitate conserves.

581 His nostris quaesumus placare libaminibus clementissime Deus et offerentium votis adesto propitius haec tibi litat in Ecclesia tua sancta catholica tuorum officiositas sacerdotum in honore et commemoratione sanctorum tuorum pro removendo universae cladis interitu ac tribuenda salute populorum pro totius quoque mortis occasu vel requie et indulgentia peccatorum ut et illos in pace refrigeres et nobis omnibus inmaculatae vitae subsidium praestes.

581 Placabilis Domine qui es pax certa et caritas indisrupta pacem nobis omnibus largire plenissimam ut pacifici tua servantes praecepta ad vitam mereamur pervenire perpetuam.

581 Dignum et iustum est nos tibi semper gratias agere Domine sancte Pater aeterne omnipotens Deus per Iesum Christum Filium tuum Dominum nostrum cuius divinitatis immensitas sic immutabiliter circumplectitur omnia ut in singulis creaturis permaneat tota et in omnibus habitet universa non minoratur in minimis non augetur in magnis non concluditur tempore non astringitur quantitate non initio coepta non termino finienda a quo totus homo creatus est ad iustitiam sine peccato et reparatus est post ruinam sacrificio eiusdem Christi mundissimo. Per ipsum quem in unitate Trinitatis collaudant caelestia pariter et terrena hymnum dulci modulatione proclamantia atque dicentia.

582 Utinam ad hoc opus mens humana per misericordiam tuam illuminata sufficiat ut Domini nostri Unigeniti tui per quem facti ac redempti sumus qui saeculorum est conditor credentium liberator doctrinam recolamus et gratiam qui humiliatus usque ad mortem mortem autem crucis pati pro nobis valuit et tecum regnare non distulit idem hostia et sacerdos verus.

582 Complentes igitur atque servantes praecepta Unigenit tui praecamur omnipotens Pater ut his creaturis superpositis altario tuo Spiritum sanctificationis infundas ut per transfusionem caelestis atque invisibilis sacramenti panis hic transmutatus in carnem et calix transformatus in sanguinem sit offerentibus gratia et sumentibus medicina.

582 Accepturi fratres carissimi intra mortalia viscera caeleste sacrificium et intra cubiculum humani pectoris hospitem Deum mundemus conscientias nostras ab omni labe vitiorum ut nihil sit in nobis subdolum vel superbum sed in humilitatis studium et caritatis assensum per escam et sanguinem dominici corporis fraternitas copuletur ut cum magna fiducia dicere mereamur e terris.

582 Humiliate vos benedictioni. Dominus sit semper vobiscum.

582 Intendat Dominus ad orationem vestrae humilitatis et det vobis omnibus praemium sempiternae salutis. omni loco et tempore propitium Dominum habeatis et in eius laudibus semper exsultetis. omnibus peccatis vestris Dominus clementer ignoscat et pervenire vos feliciter faciat ad gloriam sempiternam.

583 Per misericordiam ipsius

583 Gustate et videte

583 Refecti Christi corpore

583 Praesta Domine omnipotens

583 Habe fiduciam in Domino ex toto corde tuo et ne innitaris prudentiae tuae. In omnibus viis tuis cogita illum et ipse diriget gressus tuos. Ne sis sapiens apud temetipsum. Time Dominum et recede a malo. (Prv 3)

583 Erigite vos. Dominus sit semper vobiscum

583 Locotus est Dominus as Moysen dicens. Loquere ad omnem cetum filiorum Israel et dices ad eos. Ego enim sum Dominus Deus vester. Si in praeceptis meis ambulaveritis et mandata mea custodieritis et feceritis ea dabo vobis pluvias temporibus suis et terra gignet germen suum et pomis arbores replebuntur. Apprehendet messium tritura vindemiam et vindemia occupabit sementem. Et comedetis panem vestrum in saturitate et absque pavore habitabitis in terra vestra. Dabo pacem in finibus vestris dormietis et non erunt qui exterraeant. Auferam malas bestias et gladius non transibit terminos vestros. Persequemini inimicos vestros et corruent coram vobis. Persequentur quinque de vestris centum alienos et centum ex vobis decem millia. Cadent inimici vestri in conspectu vestro gladio. Respiciam vos et crescere faciam multiplicabimini et firmabo pactum meum vobiscum. Comedetis vetustissima veterum et vetera novis supervenientibus proiicietis. Ponam tabernaculum meum in medio vestri et non abiiciet vos anima mea. Ambulabo inter vos et ero vester Deus. Vos eritis populus meus et ego Dominus Deus vester qui sanctifico vos. (Lv 26)

584 Propitius esto peccatis nostris propter nomen tuum nequando dicant gentes ubi est Deus eorum

584 Propter honorem nominis tui Domine libera nos.

584 Silentium facite.

584 Ecce tertio paratus sum venire ad vos et non ero gravis vobis. Non enim quaero quae vestra sunt sed vos. Neque enim debent filii parentibus thesaurizare sed parentes filiis. Ego autem libentissime impendam et superimpendar pro animabus vestris. An putatis quod excusemus nos apud vos Coram Deo in Christo loquimur. Omnia autem carissimi propter vestram aedificationem. Timeo enim ne forte cum venero non quales volo inveniam vos sed ego inveniar a vobis qualem non vultis. Ne forte contentiones emulationes animositates dissensiones detractiones susurrationes inflationes seditiones sint inter vos. Ne iterum cum venero humiliet me Deus apud vos et lugeam multos ex his qui ante peccaverunt et non egerunt paenitentiam super immunditiam et fornicationem et impudicitiam quam gesserunt. Ecce tertio hic venio ad vos et in ore duorum vel trium testium stabit omne verbum. Praedixi et praedico ut praesens vobis et nunc absens his qui ante peccaverunt et ceteris hominibus quoniam si venero iterum non parcam. An experimentum quaeritis eius qui in me loquitur Christi Quia in vobis non infirmatur sed potens est in vobis. Nam et crucifixus est ex infirmitate sed vivit ex virtute Dei. Nam et nos infirmi sumus in illo ex virtute Dei in vobis. Vosmetipsos tentantes si estis in fide ipsi vos probate. An non cognoscitis vosmetipsos quia Iesus Christus in vobis est Nisi forte reprobi estis. Spero autem quod cognoscitis quia nos non sumus reprobi. Oramus autem Deum ut nihil mali faciatis. Non ut nos probati pereamus sed ut vos quod bonum est faciatis. (2K 11)

585 Accesserunt ad Dominom Iesum Christum discipuli eius dicentes. Desertus est locus et hora iam praeteriit. Dimitte turbas ut euntes in castella emant sibi escas. Iesus autem dixit eis. Non habent necesse ire date illis vos manducare. Responderunt ei. Non habemus hic nisi quinque panes et duos pisces. Qui ait eis. Afferte illos mihi huc. Et cum iussisset turbam discumbere supra fenum acceptis quinque panibus et duobus piscibus aspiciens in caelum benedixit et fregit et dedit discipulis panes discipuli autem turbis. Et manducaverunt omnes et saturati sunt et tulerunt reliquias duodecim cophinos fragmentorum plenas manducantium autem fuit numerus quinque millia virorum exceptis mulieribus et parvulis et magnificabant Deum Israel. (Mt 15)

585 Dominus sit semper vobiscum. Et cum spiritu tuo.

585 Laudate Dominum de caelis laudate eum in excelsis.

585 Custodietis custodienda sanctorum et custodias altaris et iam non erit ira super filios Israel alleluia.

585 Adest ieiunium divina nobis fratres dilectissimi auctoritate praeceptum quod Ieremiae vatis testimonio declaratur cum praecipiente sibi Domino noni mensis praedicato ieiunio per ministrum collectis in Ierusalem populis volumen sacrum relegendum innotuit. Ex quo admoniti vitam corrigerent et paratam sibi caelestis vindictae sententiam temperarent. Nos igitur talibus doctrinae informati exemplo congregati in unum corporali concursu votorum etiam coadunemur affectu. Revocemus ante oculos mala quae fecimus criminum abdita publicemus. Ieiuniis addicta caro marcescat ne aeternam amaritudinem sentiat in vindictam. Cito ille flectetur ad veniam si nostrae poenitudinis praespexerit vota. Praecemur ergo ut in hoc die contriti cordis votum accipiat et nobis omnibus peccata dimittat.

585 Deus qui olim in hoc tempore israelitico populo per Ieremiam vatem salubre pietatis consilium contulisti quo pristinos errores abicerent ne patientem per vindictam cognoscerent quem prius per monita non audissent convocatum in Ecclesia tua sacerdotum ac populorum conventum placatus attende. Agnoscimus mala quae fecimus sed veniam postulamus. De vindicta solliciti causas publicamus delicti ne puniamur iustitia si non confiteamur errata. Quia ergo pius es miserere lugentibus parce peccantibus indulge poenitentibus. Non nos interimas pro peccato adest enim nostra confessio. Quia voluptuose contra te egimus amaricati ieiunio ad te reddimus. Unde quamlibet sint immensa mala quae gessimus sed tu multo plus immensae pietatis es Dominus quem rogamus. Dato ergo te nobis per gratiam ne redeamus ad culpam et deficiamus in poena. Ut indultae nobis pietatis beneficio parcens et nostro donet pluviam semini et corda nostra repleas seminibus verbi tui. Quo et correpta floreat nostra moribus vita et famis non atteramur aerumna.

586 Accipe Deus Ecclesiae tuae lamentabilem precem quae huius instituti ieiunii hodierno die agit celebritatem. Suscipe confessionem qua miseris placatus ignoscas et preces quibus defunctis miseratus indulgeas. Ut in hoc die humiliationis nostrae et ieiunia poenitentium accipias et sepultorum vincula miseratus absolvas.

586 Scindentes corda nostra et non vestimenta tuam Deus summe imploramus clementiam ut qui hoc die in hoc loco convenimus deflere mala quae gessimus et caelestis flammae ignaculo concrememur. Quo dum vis caritatis tuae in cordibus nostris exestuat peccati a nobis potentia detrudatur exusta.

586 Dignum et iustum est nos tibi Deo gratias agere et spiritales hostias immolare qui non contines in ira misericordias tuas qui peccata hominum miseratus dissimulas. Mira quidem dispensatione disciplinae atque misericordia erga nos te et iustum pariter et misericordem ostendis cum et culpas insequeris admonendo et vindictam abrogas miserando. Quos enim ferire poteras iuste corrigendos admones pietate iratum te primum indicas ne iudicium per vindictam exerceas. Sic quippe olim delinquentis populi ac gentium conversationem expectans hunc diem ieiunio dedicatum vatis tui testimonio declarasti cum ad correctionem prioris populi idem propheta tuus audita ex ore tuo conversionis monita in volumine coarctavit atque confluenti in Ierusalem multitudini recensendo innotuit ut aversus a te Israel reverteretur ab iniquitatibus suis et non tuis ulcisceretur iudiciis. Salubri quippe illos pietatis dignatus es subvenire consilio quos confessionis volebas sublevare remedio. Praemittebas quippe vocem ut averteres ultionem minabaris sententiam ut temperares vindictam publicabas iram reversus ad veniam ieiunium praedicabatur ut iniquitas solveretur. Nam cum ad vindictam movereris iustitia per eam tamen qua monebas temperabas misericordiam. Nulla te nostrorum scelera vincunt nulla crimina a pietate divertunt. Unde quia tantae pietatis Dominus es ut non solum dissimulata non punias sed etiam ad regnum correcta perducas te quaesumus ut contritionis nostrae confessionis accipias et delictis pius ignoscas. Inflecte cor nostrum ad diligendas iustitias tuas et exhorrendas iniquitates nostras ut Ecclesiae tuae placatus suffragio et eum cuncta quae rogaris attribuas per quem nos in unius sanctae fidei soliditate conservas. Ipse enim quippe est Dominus noster unigenitus Filius tuus cui merito omnes angeli non cessant clamare ita dicentes.

587 Vere sanctus vere benedictus es Domine Deus noster in cuius manu est ultionis censura et sanitatis medela. Qui paenitentibus parcis qui lacrimosis indulges qui gementes exaudis qui ieiunantium contritionem comprobas qui votum contriti cordis acceptas. Quiescat iam quaesumus indignatio tua et placare super haec sacrificia tibi oblata ut totius delicti nostri delens chirographum institutum a te hoc nostrum ieiunium acceptetur.

588 Multae sunt aversiones nostrae quibus impediti a te recessimus nec oculos ad caelum sublevare audemus. Sed tu qui inspicis nos deici conscientia nostra alleva nos miseratione gratuita ut hoc sacrificium pro delictis nostris miseratus accipiens ab omni nos crimine propitiatus emundes.

588 Fiat misericordia tua Domine super nos sicut speravimus in te

588 Erubescimus Domine te Patrem vocibus appellare qui filiorum amissimus dignitatem. Sed quia paterno affectu nos salvas cum de propriis delictis non iudicas ideo etsi indigni paternae tamen precem fundimus pietati petentes ut in hoc nostrae aflictionis tempore nostrum iubeas peccatum omittere. Quo etsi meritis nequimus saltim affectu cordis te Patrem invocemus atque dicamus

588 Humiliate vos benedictioni. Dominus sit semper vobiscum.

588 Omnipotens Deus qui ob indictum hoc ieiunium nostra pandimus crimina ab omni vos delicto immunes efficiat. Suscipiens vestrae abstinentiae precem numquam vos patiatur a suo dividi corpore. Ut sicut admonitio eius praevenit qua divinae animadversionis evasistis sententiam ita miseratio subsequatur qua perducamini ad coronam.

588 Per misericordiam ipsius

588 Dominus sit semper vobiscum. Et cum spiritu tuo.

588 Gustate et videte

588 Refecti Christi corpore

588 Refecti Christi corpore et sanguine pariterquem pariterque sanctificati Deo Patri omnipotenti gratias referamus ut nos in eadem refectione et sanctificatione habentes hic et in futuro saeculo gloriam percipiamus.

588 Per misericordiam tuam

588 In nomine Domini nostri Iesu Christi perficiamus cum pace

589 Dabo sanctis meis primam sessionem alleluia in resurrectionem aeterna et exquiram illos in gaudio meo et lux perpetua lucebit eis alleluia alleluia et aeternitas temporum praeparata est eis alleluia alleluia.

589 Domine probasti me et cognovisti me tu cognovisti sessionem meam et resurrectionem meam.

589 Sancti tui itaque Domine Iulianus et Basilissa ut rosa germinaverunt in te qui es verus dies et ut germen olivae per noctem meruerunt in certamine adipisci praemium salvationis aeternae. Eorumque labor fuit in poena quorum manet merces in gloria. Et nos qui Sanctorum tuorum meritis Impares sumus illorum intercessione te iuvante tuo in regno mereamur esse consortes.

589 Per misericordiam ... benedictus

589 Dominus sit semper vobiscum. Et cum spiritu tuo.

589 Iustorum animae in manu Dei sunt

589 Transivimus per ignem et aquam et induxisti nos in refrigerium.

589 Probasti nos Deus sicut probatur argentum posuisti tribulationes in dorso nostro.

589 Silentium facite.

589 Sancti per fidem vicerunt regna Operati sunt iustitiam adepti su ( sic ) repromissiones. Obturaverunt ora leonum. Extinxerunt impetum ignis. Effugaverunt aciem gladii. Convaluerunt de infirmitate. Fortes facti sunt in bello. Castra verterunt exterorum acceperunt mulieres de resurrectione mortuos suos. Alii autem distenti sunt non suscipientes redemptionem ut maiorem invenirent resurrectionem. Alii vero ludibria et verbera experti insuper et vincula et carceres. Lapidati sunt. Secti sunt. Tentati sunt. In occisione gladii mortui sunt. Circumierunt in melotis et in pellibus caprinis. Egentes angustiati. afflicti quibus dignus non erat mundus. In solitudinibus errantes in montibus et in speluncis et in cavernis terrae. Et hi omnes testimonio fidei probati non acceperunt repromissionem a Deo pro nobis melius aliquid providentiae ut ne sine nobis consummarentur. Ideoque et nos tantam habentes impositam nubem testium deponentes omne pondus et circumstans nos peccatum per patientiam curramus ad propositum nobis certamen. Aspicientes in auctorem fidei et consummatorem Iesum qui proposito sibi gaudio sustinuit crucem confusione contempta atque in dextera sedis Dei sedet. (H 11)

590 Ecce ego mitto vos sicut oves

590 Dominus sit semper vobiscum. Et cum spiritu tuo.

590 Gaudete iusti in Domino rectos decet laudatio alleluia.

590 Omnes viri atque mulieres mente devota obtulerunt donaria ut fierent opera quae iusserat Dominus per manum Moysi cunctis filiis Israel voluntariae alleluia.

590 Accedentes ad Domini nostri Iesu Christi sacratissimam mensam fratres carissimi oportet nos spiritali iucunditate laetari qua sancti martyres Iulianus et socii eius meruerunt a Domino coronari. Eorum labor fuit in poena quorum merces manet in gloria. Propter caelestem quippe coronam praesenti sustinuerunt in saeculo poenam et per poenam pervenerunt feliciter ad coronam contempserunt vitam quam communis mors terminat ut possiderent vitam quam pretiosa mors inchoat. Hi enim ne vivendo morerentur moriendo vivere voluerunt ne timendo mortem denegarent vitam sed ut amando vitam contemnerent vitam. Ut negaretur Christus vitam promittebat iniquus sed non qualem Christus. Credentes ergo quod a Salvatore promittebatur riserunt quod a persecutore comminabatur. His namque duobus modis inimicus illicit quoscumque deceperit ut aut cruciando capiat aut blandiendo decipiat. Sed quia fideles animae nec terrendo frangi potuerunt nec illicendo decipi ob hoc maluerunt Christo crucifigi quam saeculo reservari. Quorum merita etsi indigni non sufficimus honorare in suffragio tamen nostrae orationis exposcamus omnipotentem Deum principaliter exorantes ut illa suarum gratiarum diversitas tribuat reis indulgentiam piis tutelam laicis compunctionem clericis disciplinam virginibus castimoniam infirmis medicinam. Ut qui Sanctorum eius sumus meritis impares ipsorum intercessione coniuvante in regno suo mereamur esse consortes.

591 Caelestis gratiae largitor omnipotens Deus individua Trinitas te in spiritalibus laetitiae adoramus obsequiis qui Sanctorum tuorum mentibus et insinuas omne quod cupiunt et tribuis omne quod poscunt cum in martyrii certamine constituti acquisierunt de supplicio gloriam de morte victoriam se sibi negantes ne tibi Deus postmodum negarentur Iulianus interea et socii eius animas suas promptissima devotione perdentes ut eas in aeternum te restituente recipiant. Etenim separare eos a caritate Christi nec mors nec vita praevaluit qui ad illustris pugnae certamen sublimati fallacias et minas mundi fortissima congressione vicerunt vilissimamque iudicantes huius temporis vitam pro testamentis dominicis pretiosas animas tradiderunt. Oramus ergo Indite Deus ut eorum illustribus meritis nobis ob facinora peccatorum veniam condonare digneris.

591 Deus omnipotens et aeterne quo iuvante athleta tuus Iulianus mortuum promeruit suscitare ab inferis invocato nomine Trinitatis tu pietate solita et offerentium suscipe vota et sopita corda a mortali actu exsuscita. Tribue quoque his sacrificiis largam tuae benedictionis impensionem quo et vivi reviviscant in operibus bonis et defuncti carne suppliciis exuantur aeternis.

592 Trinitas vera et indivissa Deus summe et trine qui inter Iulianum et Basilissam magnum et spiritale connubii foedus statuisti quo una coniuncti in gratia spiritu non carne fructificarent praesta nobis ut et spiritu ambulemus et desideria carnis non perficiamus respuentes iurgia amplectentes ac perficientes ea quae ipse docuisti caritatis praecepta. Ut dum caritas Dei quae data est per Spiritum Sanctum se in nostris diffuserit cordibus exemplo martyrum Iuliani et Basilissae tuis inhaerendo vestigiis coronemur.

592 Dignum et iustum est vere aequum et salutare est omnipotens Deus nos tibi gratias agere spiritalia sacrificia celebrare per Iesum Christum Filium tuum Dominum nostrum cuius temporalem heri celebravimus apparitionem et hodie celebramus triumphalem militis sui Iuliani martyris passionem. Heri enim rex noster Magis advenientibus demonstratus est trabea carnis indutus hodie eius miles carne est mortalitatis exutus. Dudum iam de aula uteri virginalis egrediens Christus heri novo sidere est demonstratus in mundo hodie martyr de tabernaculo corporis exiens triumphator migravit ad caelum. Ille sempiternae maiestatis deitate servata servile cinctorium carnis assumens in huius saeculi campo pugnaturus intravit iste depositis corruptibilibus indumentis ad caeli perenne palatium regnaturus ascendit. Ille descendens apparuit carne velatus iste conscendit cum sociis sanguine laureatus. Heri Gloria in excelsis Deo apparente Domino sancti Angeli cecinerunt hodie cum suis comitibus Iulianum laetantem in suo consortio susceperunt. Heri alacriter advenientes Magi adoraverunt in praesepio Christum Salvatorem infantem hodie immensitas caeli suscepit martyrem Iulianum per omnia triumphantem. Christo munera obtulerunt hic Christus factus est munus. Illorum oblatio munerum mystice fidelibus Dominum Iesum Christum Deum et hominem demonstravit istius credulitas in confessione Dominum Christum Deum et hominem non negavit. Illi admoniti per aliam viam Herodem illudentes reversi sunt isto orante daemonum simulacra subversa sunt. Dominus ergo noster cum sit altissimus pro nobis humilis venit sed inanis venire non potuit. Attulit namque secum donum caritatis quo perduceret homines ad consortium deitatis. Caritas ergo quae ad terras deposuit Christum ipsa martyrem Iulianum de terris elevavit ad caelum. Caritas quae praecessit in Domino ipsa subsequenter refulsit in servo. O admiranda ubique potentia Salvatoris. Ostendit in matre virginitatis aeternae miraculum demonstravit in martyre Iuliano invictae caritatis indicium integritas quippe intemerata permansit in Virgine dilectionis virtus integra permansit in martyre. Propter quod meruit eo tempore caelorum regna conscendere quo Christus Dominus in hoc mundo oculis carnaliter dignatus est apparere. Ipse quem in unitate Trinitatis caelestia pariter et terrena sine cessatione collaudant ita dicentes.

593 Vere sanctus vere in sanctis suis gloriosus Dominus noster Iesus Christus Filius tuus cuius potentia virtutis pro nomine suo certantibus Iuliano athletae sociisque suis tantum donum attribuit laudis ut omnia quae vellent fiducialiter in eo ac per eum facere possent. Illum etenim praedicti martyres credendo atque sequendo ardentibus dimersi in cupis illaesi post ignes rutilante claritate resplenduere fulgoris. E quibus Iulianus admirabili virtutum specialiter praepollens in nomine eius cuidam se cedenti oculum evulsum reformat corpus exanime suscitat praesentiaque sua in pulverem redigit idolorum vanissima simulacra. Huius sane martyris dimicationem atque victoriam elementa ipsa testata sunt humana laudaverunt caelestia per emissam desursum vocem potentialiter intonarunt. Per hos ergo martyres quibus tantam praestitisti magnificentiam laudis indivisa Trinitas Deus sit tibi gloria sit nobis obsequentibus peccatorum venia exoptata ut quorum passionibus collaudaris eorum precibus delecteris exaudiendo eos pro nobis qui pro omnibus ipse incarnari voluisti in terris.

594 Ecce Domine dilecti tui Iuliani vel spiritalis coniugis suae Basilissae miraculorum insignia praedicantes has hostias divinitati tuae benedicendas offerimus qui se tibi exhibentes in sacrificium verum alios tibi exemplo suo in holocaustum veri sacrificii litaverunt cum et per Iulianum multorum monachorum millum patrem et per Basilissam sanctarum virginum choros tuaentem copiosam utriusque sexus monachorum scilicet ac virginum in caelesti gloria susceperis congregationem. Ex hoc igitur immensam bonitatis tuae potentiam obsecramus ut qui per utrosque electa animarum munera suscepisti per nos humiles tuos hanc hostiam pro nostris peccatis oblatam suscipias impendens et benedictionem oblatis et expiationem sumpturis.

594 Christe amator castitatis et collator aeternae possessionis qui beatissimum martyrem Iulianum ad te pro corpore exanimato clamantem exaudire dignatus es precibus eius per caelestem vocem sine mora respondens quod eundem dilectum tuum in nullo contristari volueris in quo sic ipse cum Patre et Spiritu Sancto laetabaris tu nobis concede ut ita in veritate vivamus ne Sanctum Spiritum contristemus in quo signati sumus quo ab eo per momenta compuncti et recreati per eum tibi relatura exhibeamus verba quae ipse nos docuisti ut dicamus.

594 Humiliate vos benedictioni. Dominus sit semper vobiscum.

594 Omnipotens Dominus qui Iulianum et Basilissam ita gratiae suae opibus praemunivit ut sic spiritalis coniugii copulo necterentur ne carnis commixtione illatenus miscerentur ipse vos ad eorum exemplum efficiat castimoniae dono sublimes et in diligendo se fervore Sancti Spiritus coaequales. Et sicut per illos effecit sibi vasa mundissima sic carnali in vobis voluptate devicta plurimos exemplo vestro accedant ad caelestia regna. Quique in eis donum contulit perfectae virginitatis ipse vos omnibus purificet a delictis. Ut eos in commune omnes mereamur in illa beatitudine habere socios quos in hac vita cernimus etsi immeriti habere comites vel patronos.

595 Per misericordiam ipsius

595 Gustate et videte quam suavis est Dominus alleluia alleluia alleluia

595 Benedicam Dominum in omni tempore semper laus eius in ore meo

595 Redimet Dominus animas servorum suorum non derelinquet omnes qui sperant in eum alleluia alleluia alleluia.

595 Refecti Christi corpore et sanguine te laudamus Domine alleluia alleluia alleluia

595 Domine Deus omnipotens qui es vita et salus fidelium quem venturum iudicem credimus verum esto nobis propitius. Et qui hanc oblationem pro nostra nostrorumque salute vel pro expiatione nostrorum peccatorum in honorem Sanctorum martyrum tuorum Iuliani et Basilissae tibi obtulimus misericordiae tuae opem in nos diffundi sentiamus. Ut qui iam refecti sumus ad mensae tuae convivium dono tui muneris consequi mereamur praemium sempiternum.

595 Per misericordiam tuam

595 Missa acta est in nomine Domini nostri Iesu Christi perficiamus cum pace

595

596

596 Omnes filii Dei et probati milites Christi hunc diem beatissimi Sebastiani laudibus attollamus votis colamus piisque affectibus consecremus rogantes praelargissimam Domini pietatem ut huius praedicti martyris prece eluamur a cunctis illecebris vitiorum cuius praedicamento sanctorum corda excitata sunt ad triumphum.

596 Deus qui per beatissimum Sebastianum martyrem tuum tuorum fidelium animos roborasti dum tibi illum latentem sub chlamyde terreni imperii militem perfectum exhibuisti fac nos semper in tuis laudibus militare os nostrum perarma documento iustitiae cor illustra tuae dilectionis amore atque cargem nostram erutam libidine clavis tuae crucis affige.

596 Solve Salvator noster et Domine nostrorum vincula peccatorum qui olim resolvisti per Sebastianum martyrem tuum os ancillae tuae Zoe ad loquendum ut nomina tam offerentium quam defunctorum quae nostro sunt ore prolata aeterna sint in annotatione affixa quo sicut illa per praedicamentum praedicti Martyris te meruit cognoscere Christum sic nos mereamur eodem pro nobis suffragante paenitentiae percipere fructum.

596 Martyris tui Sebastiani precibus aeterne omnipotens Deus nobis pacis dona largire per eum donans nobis habere integritatem purae dilectionis per quem tuos accendisti martyres ad amandam gloriam aeternae felicitatis.

596 Dignum et iustum est nos tibi gratias agere Domine sancte Pater aeterne omnipotens Deus per Iesum Christum Filium tuum Dominum nostrum qui sic os martyris sui Sebastiani veritatis armavit praeconio ut et nutantium in fide animas confortaret et obstrusum beatissimae Zoe sermonis ostium aperiret. In utroque quippe laudabilis quia et in utroque praestabilis. Nam absconsum se militem exhibens Christo Sanctorum animas veritatis confortabat ex verbo quo nec momentaneis tribulationibus cederent nec blandimentis carnalibus animos subiugarent. Et hoc quidem ut se militem occultaret absconditum non suum aufugiendo supplicium sed pro roborandis hoc agebat nutantium animis bellatorum eo sibi a Domino credens dona tribui cumulantia quo non solus meruisset pertingere ad coronam. Proinde te quaesumus altissime summe Deus ut interventu huius martyris tui Sebastiani precibus nostris adesse digneris omitte culpam tribue gratiam languorem expelle vitae commoda tribue imperti pacem petulantiam quoque nostrae carnis extingue bonae vitae studiis nos atque actibus refove et perennitatis nobis felicitatem attribue. Ut gloriam tuam quam tuus martyr Sebastianus laudat in munere nos quoque laudemus ex confessionis propriae voce proclamantes atque dicentes.

597 O quam gloriosum est nomen Filii tui Deus Pater in sanctis in quo beatus hic martyr Sebastianus cum sociis martyribus suis et obstrusa mutorum ora resolvit et contractionibus podagricae nodositatis medelam infundit.

597 Sanctifica Domine hanc nostrae oblationis hostiam puram quam tibi in honorem martyris tui Sebastiani offerimus dedicandam ut quotquot ex ea libaverimus illo repleamur documento virtutum quo per hunc martyrem confortata sunt in fide corda nutantia beatorum.

597 Erigite fratres oculos ad caelum petentes a Deo perenne auxilium qui hunc beatissimum Sebastianum martyrem suum insutum ictibus sagittarum post exceptum supplicium aeternum convocavit ad regnum. Clamate ad illum et nullo modo detis ei silentium nam ostendet in nobis indulgentiae pietatem si pia eum invocaverimus ex voce proclamantes atque ita dicentes.

598 Humiliate vos benedictioni. Dominus sit semper vobiscum.

598 Salvator noster ac Dominus pro cuius amore Sebastianus martyr confixus est vulneribus sagittarum procul a vobis efficiat omnes sagittas aerearum potestatum. Quique animam eius intercidentium manu vocavit ad regnum ipse vos e mundo vocet ad supernae vocationis bravium gloriosum. Ut cum eo in illa die pariter de visione Domini gaudeatis cuius hic hodie festum amabiliter celebratis.

598 Per misericordiam ipsius

598 Gustate

598 Refecti Christi.

598 Domine Deus omnipotens

598 Beatissimi martyris sui Luciani presbyteri agonem divina virtute perfectum votis solemnibus fratres dilectissimi celebremus. Ut qui triumphalem palmam pro fidei munimento Christo opitulante promeruit obtinere patrocinii nobis suum intercessum apud eum cuius iam praesentia gratulatur dignetur impendere. Et ipse nobis peccatorum tribuat veniam qui eidem contulit immortalitatis coronam.

598 Iteratis precibus te Dominum Deum nostrum suppliciter deposcimus cuius honor sanctitas est quem diligere salus est quem amare perfectio. Concede in omnem Ecclesiam tuam sancti martyris tui Luciani presbyteri lucere vestigia ut te regente omnium gressus ea nos via perducat ad vitam quae martyrem tuum extulit ad coronam.

598 Deus qui sancto ac beatissimo martyri tuo Luciano presbytero id muneris contulisti ut qui propter te peregit inlate passionis liberaliter cursum huius multitudinis mereretur occursum. Praesta nobis ut eius suffragio offerentium vota suscipias et requiem defunctis impertias. Donans nobis ita tui martyris Luciani presbyteri imitari fidem ut consimilem a te post transitum mereamur percipere mercedem.

599 Dona nobis omnipotens Deus martyris tui Luciani presbyteri celebrantibus festum sincere pacis et charitatis affectum. Ut qui in honorem eius tibi sacrificium deferimus laudis nobis a te impetremus donaria caritatis.

599 Dignum et iustum est omnipotens Deus ut pro virtutibus martyris tui Luciani presbyteri tibi laudes dicamus et honoremus nomen sanctum tuum studiis animorum. Qui tantum fidei robur tuo militi prestitisti ut corpori flamma cederet ferrum stuperet in pectore et suis vincerentur tela vulneribus. Tantus enim in eo extitit amor nominis tui ut non avidi morsus ferarum non rabies ursorum non leonum insatiabilis furor eidem metum mortis incusserit non laceratum ferro corpus animos inclinavit non scissum sulcis latus fidem professe virtutis exclusit nec ille sanguinis fluxus ungularum stidore revocatus vocem supplicationis exegit. Haec est corona martyris tui Luciani presbyteri. Haec est caelestis pompa virtutum. Fortiora sunt vulnera martyris tui Luciani presbyteri quam tela carnificis. Rogamus ergo te Domine ut sicut eius virtutibus victoris praestitisti triumphum ita nobis favorem auxilii tui perpetuum largiaris et praestes nobis hunc in solacium quem praebere dignatus es in exemplum. Per te cui merito omnes angeli et archangeli non cessant clamare cotidie ita dicentes.

599 Vere sanctus vere benedictus Dominus noster Iesus Christus Filius tuus qui martyri suo Luciano presbytero et dimicandi virtutem et regnandi tribuit potestatem. Quo illi esset consors in regno pro quo animam tradidisset supplicio. Haberetque eum in munere quem consortem habuisset in passione. Vere solus ipse est Dominus et Salvator noster Iesus Christus qui et sanctis confert praemium et peccatoribus paenitentiae fructum.

600 Oblatas tibi omnipotens Deus ob honorem martyris tui Luciani presbyteri victimas propitius attende ut qui iusti tui memoriam facientes votivum sacrificium exhibemus nostrorum criminum a te indulgentiam consequi mereamur.

600 Cum ex lege tua Domine noverimus in memoria aeterna esse iustum non pro illius sed pro nostri commendatione hoc tibi offerimus holocaustum. Petentes ut qui eius animam fecisti in passione victricem nostrum votum efficias in confessione victorem quo eodem suffragante clamorem nostrae accipias vocis.

600 Humiliate vos benedictioni. Dominus sit semper vobiscum.

600 Christus Dominus qui martyri suo Luciano presbytero patientiae contulit votum patientiam vobis tribuat contra omnes inlecebras viciorum. Ut qui illi donavit peracta passione coronam vobis conferat peracto luctamine mundi gaudia repromissa. Ut qui in hoc die tanti martyris ovantes solennia celebratis cum eodem post transitum conlocati in caelestibus sedilus gaudeatis.

600 Per misericordiam ipsius

600 Gustate et videte

600 Refecti Christi corpore

600 Domine Deus omnipotens

600 Agnescentes dilectissimi fratres beatissimam Agnetem virginem plus animo valuisse quam corpore plus fide quam germine plus etiam spirituali robore quam etate. quae Christum sibi specialem sponsum suo in corpore vindicans nec persuasione seducitur nec muneribus inclinatur quo carnalis coniugii copula necteretur. Omnipotenti Domino supplicemus ut idem qui spirituali copula sponsus huius est virginis in suis nos delectari semper faciat amplexibus castitatis.

601 Deus qui nudatum corpus Agnetis virginis tuae caelestis stolae obtexisti ex tegmine vestiatur quaesumus Ecclesia tua claris vestibus innocentiae et iustitiae claritate quo in ea et sacerdotum vita nitore praepolleat et utriusque sexus conditio ea quae postulaverit adipiscatur.

601 Conditor et reparator humani generis Christe Filius Dei qui capiti virginis tuae quod iam erat caelesti rore perfusum magnam contulisti gratiam capillorum quo suis videretur ad honorem crinibus tecta quae propriis fuerat ad contumeliam vestimentis exuta tu pius offerentium accipe vota defunctis requiem praesta et cunctos in commune eiusdem virginis prece fac pervenire ad aeternam salvationem.

601 Quanta sit dilectio tuae caritatis Deus in sanctis in hac virgine evidentibus probamus indiciis quae amplexibus tuis castis astricta etiam generosi hominis execravit personam cum oblata sibi ab eo pro nectendo coniugio repulit ornamenta. Da igitur nobis sola tui nominis dilectione fervere ut tantum in tua pace laetantes tua in nobis semper dilectio vivat tuaque semper caritas requiescat.

601 Dignum et iustum est nos tibi semper gratias agere omnipotens Deus per Iesum Christum Filium tuum Dominum nostrum qui huic virgini et martyri suae factus est lux nova cum eam in tenebris perlustrare non destitit constitutam. Illa etenim aethereo ac perpetuo eiusdem Filii tui lumine circumfulta ad se in lupanar intrantibus geminis miraculis effecta est gloriosa cum et hi qui tremuerunt divino lumine sani regressi sunt de illa et improbus filius praefecti morte mulctatus est immatura. Obscenis quippe cupiditatibus ac ludibriis acti utrique intrarunt sed non utrique viso lumine gloriam Deo dederunt. O quantum valet pietas Redemptoris quae et illorum corda mortua ante tetigit quam perirent et istum per culpam prostratum in morte vitae reddidit pristinae. Hinc te Deus Pater exposcimus visita nos iam gratiae tuae dono qui in isto mundo degimus tenebroso. Libera nos de mortalibus actibus et erue a suppliciis sempiternis. Refice quoque nos tuae crucis vulneribus ut cum te in illa die sine confusione viderimus proclamemus ad te ita dicentes

602 Vere sanctus vere benedictus Deus noster Iesus Christus Filius tuus qui Agnetem sponsam suam et pretioso vestiario induit et luce ei perpetua in tenebris refulsit. Ipse est enim lumen verum splendor caelestium siderum via errantium salus debilium remuneratio virginum et corona immarcesibilis beatorum.

602 Exemplo beatissimae virginis tuae Deus Pater quae se tibi in vivam obtulit hostiam dum nec de nuditate confunditur nec ceteris illatis suppliciis deterretur has tibi pro nostrorum criminum venia offerimus victimas quas tu quaesumus omnipotens Deus bonitate solita benedicas impertiendo et his sacrificiis gratiam et nostris offensis veniam copiosam.

602 Sit nobis ad Deum dilectissimi fratres deprecandi pura devotio et confitendi omnimoda plenitudo. Vestiet enim nos ille vestimento iustitiae qui sponsam suam Agnetem induit stola claritatis aeternae. Abluet maculas sceleris nostri qui per eam ab inferis iuvenem suscitavit. Dabit effectum orationis nostrae si nos devotissime ad se prospexerit clamare et dicere.

602 Humiliate vos benedictioni. Dominus sit semper vobiscum.

602 Copulet sibi Dominus animas vestras nexu perpetuo qui beatam Agnetem sibi sociavit foedere sempiterno. Per eam quoque obtineatis apud Deum vestrorum veniam criminum per quam iuvenis ille promeruit suscitari a tenebris inferorum. Ut ipsius post hanc vitam mereamini adunari consortiis cuius nunc festum devotissime celebratis.

603 Per misericordiam ipsius

603 Gustate et videte

603 Refecti Christi corpore

603 Domine Deus omnipotens

603 De profundis clamavi ad te Domine alleluia. Domine exaudi vocem meam alleluia alleluia alleluia

603 Fiant aures tuae infendentes in orationem meam

603 Domine Deus praesta propitius ut beatissimus Vincentius martyr tuus vincat suis meritis nostra flagitia qui non suis sed divinis viribus saevientium potuit superare supplicia. Ut qui dudum in illis vicit impietatis atrocitatem in nobis malae cupiditatis superet voluntatem.

603 Per misericordiam tuam

603 Creans te Iacob et formans te Israel. Noli timere quoniam redemi te et vocavi te nomine tuo meus es tu. Cum transieris per aquam tecum ero et flumina non operient te. Cum ambulaveris in igne non combureris et flamma non ardebit in te. Quia ego Dominus Deus tuus sanctus Israel Salvator tuus. Ex quo honorabilis factus es in oculis meis et gloriosus ego dilexi te. Ego dabo homines pro te et populos pro anima tua. Noli timere quoniam tecum ego sum haec dicit Dominus. Faciens et formans te ab utero auxiliator tuus. Noli timere serve meus Iacob rectissime quem elegi. Effundam enim aquam super sitientem et fluentem super aridam. Effundam enim spiritum meum super semen tuum et benedictionem meam super stirpem tuam. Et germinabunt inter herbas quasi salices iuxta fluentes aquas. (Is 43)

603 Dominus sit semper vobiscum. Et cum spiritu tuo.

603 Sanctus iste quem elegisti et assumpsisti Domine inhabitavit in tabernaculis tuis.

603 Te decet hymnus Deus in Sion et tibi reddetur votum in Ierusalem quia ad te omnis caro veniet exaudi Deus deprecationem meam.

604 Silentium facite.

604 Libenter enim suffertis insipientes cum sitis ipsi sapientes. Sustinetis autem siquis vos in servitutem redegit. Siquis devorat. Siquis accipit siquis extollitur siquis in faciem vos cedit. Secundum ignobilitatem dico quasi nos infirmi fuerimus. Inquo quis audet in insipientiam dico. Audeo et ego. Hebraei sunt et ego. Israelite sunt et ego. Semen Abrahae sunt et ego. Ministri Christi sunt ut minus sapiens dico plus ego. In laboribus plurimis in carceribus abundantius. In plagis supra modum in mortibus frequenter. A Iudeis quinquies quadragenas una minus accepi. Ter virgis cesus sum. Semel lapidatus sum. Ter naufragium feci. Nocte et die in profundum maris fui. In itineribus sepe. Periculis fluminum periculis latronum periculis ex genere periculis ex gentibus periculis in civitate periculis in solitudine periculis in mare periculis in falsis fratribus. In labore et erumna. In vigiliis multis. In fame et siti. In ieiuniis multis. In frigore et nuditate. Praeter ea quae extrinsecus sunt instantia mea cotidiana sollicitudo omnium ecclesiarum. Quis infirmatur et ego non infirmor Quis scandalizatur et ego non uror Si gloriari oportet quae infirmitatis meaesunt gloriabor. Deus et Pater Domini nostri Iesu Christi sancti qui est benedictus in saecula saeculorum. (2K 11)

604 Homo quidam nobilis

604 Dominus sit semper vobiscum. Et cum spiritu tuo.

604 Salvum me fac Domine quoniam introierunt aquae usque ad animam meam.

604 Haec dicit Dominus formans te ex utero auxiliator tuus noli timere serve meus rectissime quem elegi quia ego secum sum alleluia alleluia.

605 Effundam spiritum meum super te et super semen tuum benedictionem meam et germinabitur inter herbas quasi salices iuxta fluentes aquas.

605 Cunctorum licet dilectissimi fratres gloriosas martyrum passiones quas distincta regionibus loca meruerunt una fides faciat omnibus indiscreto honore venerabiles meritoque eis non sit dispar reverentia colendi quibus par fuit causa moriendi tamen proprium sibi quiddam in ipso celebritatis officio civilis amor vindicat et cognata provincia ad illam gratiae dignitatem naturae iungit religionem. Quia maior fit laetitiae ambitus in quo et patriae servit affectus quodque nos sancto beatissimoque Vincentio cuius ita sumus ut noster est iure debemus. Qui genitalis soli alumnam plebem et patrocinio erexit et titulo. Magnus confidentia divina protectionis exsistens qui vernaculos populos ornaturus assereret asserturus ornaret qui eorum devotionem Deo ingereret quorum obsidem se dedisset. Ut inter diversas mundi partes quae semine apostolicae praedicationis suscepto perfectam frugem in martyribus obtulerunt haec quoque huius ope muneris gratia non careret et domesticum sanctorum municipatum in illa caeli statione non perderet habens in prorogandis accipiendisque reliquiis et ipsa quod redderet. Hunc ergo amplius propria venerentur quem peregrina mirantur ut pro eis se potentiorem ostendat in beneficiis pro quibus amabiliorem se agnoscit in gaudiis suoque interventu et Incolam laetificaturus et advenam aequale tuitionis auxilium reddat pro cineribus mundo civibus pro sepulchro. Amoveat a regione plagam a religione perfidiam. Et qui fuit Ecclesiae victor patriae sit defensor et in eo sit fidei protectio ne laboret in quo fuit infidelitatis contradictio ne noceret. Et quoniam huius virtutis tu Deus Pater omnipotens auctor esse dignosceris clementiam tuam imploramus acclines ut qui martyri tuo Vincentio victoriae dedisti coronam nobis peccatoribus indulgentiam de tua larga pietate concedas.

606 Convertere Domine ad preces familiae tuae quas pro tuo honore per eum deferimus per cuius confessionem et mortem te praedicatum incredulis sine cunctatione cognovimus. Ideoque clementia patientiae tuae ita nostris adsit petitionibus ut nostris per eum patiatur se imprecari orationibus. Quidquid enim per eum speratur a te Domine exspectatur. Ipse nobis de te quod in se redundat exhibeat ipse ad te preces nostras portitor deferat ipse nobis placabilitatem tuam intercessor obtineat. Te autem alme Vincenti vernule martyr cuncta cohors alumna lacrimabili prece circumdat te huius catervae toga submissa flagitat mente. Universis de te pluralis devotio singulis in se diversa necessitudo est. Alius ovans vota persolvit alius plorans maestitudinis questus exponit. Tua sanctitas et vota suscipiat et taediosis sucurrat. Beatitudo enim tua omnibus anxiis remedia te fenerare compellit. Obtinendi namque pro singulis apud Dominum Iesum Christum et nostrum est fidere sine cunctatione opem ferre quod posceris et tuum est libenter praestare quae imploraris. Tuo freti intercessu recurrant ad paenitentiam lapsi ad indulgentiam rei ad laetitiam maesti ad medelam languidi suos ad cespites exsules ad portum tranquillitatis naufragi regiones ad proprias peregrini ad redemptionem captivi ad sospitatem cives ad quietem hospites. Tuo obtentu iugis adhaereat regibus clementia potestatibus patientia militibus modestia. Tuo interventu assuescant avari misericordiam luxuriosi continentiam petulantes pudicitiam. Tuo suffragio perfruantur caeci corde fidei lucem hebraei catholicam fidem erectionem opressi solutionem vincti correctionem devii salitem inconvulsibilem furiosi. Tuo adiuti auxilio ambiant teneantque clerici sanctitatem monachi custodiam religiosi castimoniam perfectissimam laici honestatem. Teque intercedente perfectum habeat sapientia intellectum terra proventum anima lucrum vita iudicium.

607 Inter patriarcharum inclitae memoriae titulos prophetarumque sublimes vaticinio fasces atque martyrum illustres sacram per mortem triumphos eximium in agone caelesti probatumque tuum athletam sanctum Vincentium amore vernulo plebs alumna veneratur. Ob cuius annuam festivitatem te quaesumus omnipotens Christe ut offerentium nomina volumen vitae contineat et aeternis sedibus tua mansuros clementia censeat atque praecedentium nos in pace dominica animas pax perpetua confoveat et requies aeterna possideat.

607 Christe cuius magnitudo potentiae Vincentii martyris tui corpus quod vesano Datiani furore fuerat marinis proiectum in fluctibus undis advehentibus honorandum revocavit litoribus tu nos eodem martyre suffragante a procelloso istius saeculi profundo manu pietatis in supernis attolle. Ut qui inimico impellente in hoc mare excrescentibus delictis cecidimus per caritatem quae est coopertio peccatorum ad portum salutis quandoque perveniamus laetaturi cum omnibus invicem quos dilectio tua iungit in hac praesenti martyris tui sollemnitate.

607 Deus cuius tunica desuper totum contexta unitate fidei pacisque sacramentum designat concede causa obsequele quam pro tuo nomine huic deferimus tunice pacem in te Ecclesiae tuae pacem populis et gentibus pacem nobis omnibus praesenti in caterva convenientibus quam ipse instituisti et quam discipulos tuos servare mandasti et sine qua neminem tibi placere docuisti. Praesta Pater perpetuae per Iesum Christum Filium tuum Dominum nostrum qui es vera pax nostra et caritas indisrupta vivens tecum et regnans cum Spiritu Sancto in Trinitate unus Deus in saecula saeculorum.

608 Dignum et iustum est iustum et dignum est nos tibi agere gratias omnipotens Deus. Pro cuius nomine ille noster gloriosus toto orbe Vincentius levitici honoris gradu potissimus in stola miles tuus albae vestis habitu candidatus furentem in Christo rabidi hostis insaniam interritus adiit modestus sustinuit securus irrisit sciens paratus esse ut resisteret nesciens elatus esse quod vinceret cum in sede sua numeroso fultum comite terribilibus praesidem verbis ferocientem confidentia provocantem contemnens praedicatione tui nominis referiret et ad iram contempti verecundiae dolor cresceret quod despectus sui ipse esset arbiter qui minister ipse testis fieret qui satelles illudque concilium sanctum miraretur per quod persequens minaretur. Videbat namque alto defossas in visceribus verberum scrobes et in savientis supplicio ferientis manum plus vulneris invenire quam corporis nudaque ossa non iam carnem ictibus praeferre sed sanguinem solumque vigentem spiritum eo stultitiam exprobare iudicis quo potentiam probaret victoris. Carceris quaeruntur angustiae et obstrusus omnino locus quo detruderetur eligitur non iam qui pestem persecutionis augeret sed qui laudem confessionis absconderet credens quod causam confessionis averteret si personam quae se spreverat absentaret minusque Datianus erubesceret si Vincentium populus non videret. Contusa substernuntur testa quo iaceat quorum ad nocendum natura hinc acuitur si frangatur ut reddita membra tormentis ea sustinerent fragmina quae secarent atque in vim se acuminis mole sua superiacens urgeret. Sed fallitur iudicii sui opinione crudelitas. Nam Maiestas tua famulo suo amplius in confesione comitata infert novam veteribus tenebris lucem et tabernaculum sibi amici sui reddidit ergastulum. Fovet laceros artus medica Dei manus et ad venustiorem soliditatem suppletis plagarum fossis sulcatorum laterum damna compensat. Insolita tanti luminis claritate obstupuere custodes. Vocem hymnun Domino concinentis mens pallidi ianitoris expavit currit exanimis metu minister ad praesidem gravius referentis relatio nuntii percussura quam gladii cum nec posset ex magnitudine rei tacere quod viderat et non auderet domino dicere quod volebat. Mox in sermone narrantis tremor occupat dolor lacerat furor inflammat mortis poena subtrahitur cui pompa carceris invidetur. Profana inferendi exitus complementum suspendit industria non volens parcere si desistat sed timens coronare si puniat profertur ex illo caelestis gratiae secum atque in se cohabitantis recessu et pulchrior si adhuc sit passurus et fortior. Sed ubi desiderium viri ad regnum Dei animae oblatione tendentis intelligit hoc detrahendum meritis credidit quod tormentis quodque titulum contraheret laudis si numerum incideret quaestionis nec tantam gloriam iustitia redderet si vitam poena non tolleret. Sulcatis per ungulam costis et patentibus seiuncta nervorum crate compagibus lenis ac blandioris strati fulcra substituit. Et cum deficere eum odio sanctae confessionis exoptet tamen eum vivere adhuc mendacio suae miserationis infamat ac si amoto paululum modicumque carnifice animam quietus exhalet dicatur non occissus fuisse sed mortuus quasi non eum poena consumpserit in quo et poena consumpta est. Gratias ergo tibi Domine Iesu bone quod anima tuo digna consortio quae pertinax tulit supplicium ei mendax fuit obsequium et quae fuit contenta quod fureret hoc sit dedignata quod parceret. Sic redeuntem ad Dominum suum caelestis suscepit aula Vincentium ut eodem in supernis penetralibus iam recepto Datiano corpus eius vinceret quem Datianus etiam in corpore non vicisset. Comperto sancti transitu ex eius sibi promittit expiatione vindictam cuius gemit ex virtutis perfectione victoriam. Exponi semesa comedentibus furore suo membra litoribus avibus mandat et canibus ut tali pastu eorum impleret ventrem quorum gereret mentem. His tamen parcentibus ille deterior ut maiori meritorum miraculo eorum consuetudo mutaretur quorum natura non tollitur. Mittitur avis generaliter inhumatis inimica corporibus quae eo persequatur improba quo alatur sed quo in laudem Dei cresceret gratiam victoribus rependentibus prohibitas appositi corporis dapes ieiuna servaret ac ne hoc quasi spreta fecisset non solum non contingeret sed vetaret. Eo enim nimirum obtinens Vincentius ne comedatur quo Elias meruit suscipere transmittente quod comedat. Haud procul aura corporis lupus cadaver odoratur quod cum iam forte contiguum excubiis avis discreta rostro penna unguibus retroageret faciem ingruentis verberat. Siccas fere fauces positae retorsere cervices et reciduo post tergum capite iacentibus in collo auribus mansueto lumine strictis dentibus rictum reportat id in similitudinem paenitentis ostendens quod spectaculi auxisset pompam non corpori fecisset iniuriam. Vicit Datianum etiam bellua intellectu cum in Datiano belluam Vincentius vicisset spiritu. O impudens furor et stulta vesania corvus obsequitur lupus veneratur Datianus irascitur. Ad occulendam igitur eius laudem non iam secretum elegit sed profundum credens sibi ad delitescendam martyris gloriam non iam claustra fidem servatura sed maria. Quasi te Domine elementa prohiberent cui abdita patuissent et cum illa quae ipse obstruxerat penetrasses ista quae tu fundaveras non adires. Datur nautis mergendum corpus in fluctibus ut in auxilium suum aequora proficerent cui ad vincendum militem tuum terra defecerat. Proicitur enavigatis magna freti parte fervoribus cum et sacco premeretur et saxo. Quem inter sorbentes undas potens brachii tui manus secuta quae spiritum intulit ad caelum corpus retulit ad sepulchrum. Hoc te in praeconio tui victoris addente quod allatum in altum mersus emergeret et laudabilius sursum ascenderet qui deorsum amplius descendisset. Sed non in longum est in submersi mora laetata gentilitas. Protinus eiecto in litoris quiete Vincentio insultationis suae passa naufragium vidit non praedam fluctibus se dedisse sed sarcinam quem vehendum mare accepit non tenendum eumque sic evomeret ne voraret. Ita Domine ad te Vincentius tuus illatus est caelo et solo probatus et pelago ut cum multiplices pugnas expediret secuta victoria venerabiles reliquias digna servaverit sepultura. Te concedente cui merito omnes Angeli non cessant clamare ita dicentes.

611 Vere sanctus vere benedictus Dominus Deus noster Iesus Christus Filius tuus qui est gloria sanctorum et corona martyrum promissionis largitor et pollicitationis indultor amicus apostolorum et gratia triumphatorum tutela certantium et victoria dimicantium exhortator ad vitam et incitator ad praemia quo inspirante fidelis tuus Vincentius non ignorabat athleta fortissimus levitico honore perfunctus quod et praemium possit accipere ex merito passionis et bravium ex officio dignitatis qui erat de victoria fidus et de corona non dubius. Ideoque hunc non laminae ignitaeque sartagines non eculei sublimesque catastae non ungulae ferreaeque manus non ergastulae carceresque densis suppleti tenebris non stridor catenarum ac ponderatio gravis cuiusque metalli non foci fragor et strepentis passim copia salis patentibus visceribus iniecta internis nec fragmen testulae nudo adhibitum corpori Datiani quiverunt subicere iussioni. Et cum in tantum persecutoris vecordia ferocisset ut inhumatum corpus fluctibus deputaret repente muneris ossa pretiosi ambientibus terris salvum unda famulanter restituit. Quapropter ob hoc divino nutu maris profunda tetigerunt ut ex aequalibus officiis etiam ipsum possit servire naufragium. Tua sunt Domine ista miracula qui fortis et potens es ac invictus in proelio Unde precamur ut istic ubi nobis reposita est eius reliquiarum portio erecta sit patrocinii plenitudo.

612 Concede Domine tuis pro delicto supplicantibus famulis veniae proventum qui ob passionis praemium coronam beato Vincentio contulisti. Tribue quaesumus nostris intercessione medelam ulceribus cuius vulneribus mirifice carnificem superasti. Exstingue Sancti Spiritus rore nostrorum incentiva vitiorum qui iusti fide ignitas sartagines glaciasti. Depelle fidei munere nostrae infidelitatis caliginem qui profundi carceris noctem ob Sancti merita caelesti iubare radiasti. Et quia athletae tui Domine corpus exanime ferarum voracitas te obsistente vorare non valuit nobis tua protectione defensis nulla saltem suggestio inimici vestigium infigat delicti. Pelagus Christe tui testis factus feretrum eum te iuvante revexit ad litus supplicum tuorum cursus vitae te opitulante redeat ad salutem. Illum immaculatae conscientiae meritum et fidei virtute consummata passione religio te praesule perduxit ad caelum nos confessio flebilis te miserante eripiat ab inferno. Ut per hoc sacrificium quod tibi in honore praedicti martyris tui dedicandum offerimus cum martyribus tuae retributionis effulserit gloria eorum suffragio evasisse se peccatores gaudeant securi a poenis.

613 Deus qui levitam tuum Vincentium tanto virtutum munere decorasti ut mysterii sacri fretus officio qui Filium tuum Dominum nostrum secuturus esset in passione eiusdem Christi tui calicem ministraret prius credentibus in salutem tu nos facito coram te digne tractare suscepta ministeriorum officia quorum gestandam suscepimus obsequelam. Quo martyr tuus Vincentius divino auctus Spiritu qui persequentem Datianum obiectibus duris aggreditur cum contra eum Valerium episcopum suum leviter mussitasse conquereretur meritis suis tribuat omnibus in hac vita feliciorem excursum et in futura regione regnum beatitudinis infinitum. Ut sicuti eum inter poenas suscepisti te confitentem ita nunc iubeas exaudire pro nobis orantem cum ad te proclamaverimus e terris.

613 Humiliate vos benedictioni. Dominus sit semper vobiscum.

613 Deus lumen aeternum qui nova luce martyri suo Vincentio posito refulsit in carcere illuminescat in cordibus vestris ad aeternam remunerationem. Et qui corpus eius in medio mari dimersum marinis gurgitibus revocavit ad litus revocet vitam vestram ab interitu et noxiis actibus. Quique corvo obsequente dilatavit praedicti martyris gloriam devotionem vestram solita propitiatione suscipiat.

613 Per misericordiam ipsius

613 Gustate et videte

613 Refecti Christi corpore

613 Domine deus omnipotens qui es vita

613

613 Adest dilectissimi fratres praetiosae mortis Babylae triumque puerorum referentis anni gloriosa illa celebritatis recursio in qua licet omnibus exsultare conveniat condecet tamen ut eorum trophaea praedicare ora mortalium non desistant. Hic enim Babylas est qui praesulatus honore potissimus eruditor plebium caputque insigne et venerabile clericorum ex grege commisso partem sui laboris praeviam oblationem Christo Domino obtulit consecrandam cum aeterno trium infantium de profectu sollicitus quos studio docendi instruxerat pastorali sollicitudine ad passionem cohortat ut cum eis qui eius oboedierant verbo uno passionis potiretur triumpho. Proinde in horum amore totus noster excitetur affectus et lamentabilis exsurgat confessio. Id praecipue omnipotenti Domino supplicantes ut vita nostra et horum imitatione proficiat et ad sempiternam gloriam remuneratura perveniat.

614 Deus qui es collator dignitatum attributor bonorum et sanctificatio sacerdotum quo accinctus ac roboratus Babylas sacerdos tuus Ecclesiam tuam quam tuaendam acceperat exemplo erigit doctrinis erudit aditumque domus tuae Numeriano locum sanctum calcare volenti eximius palaestra repugnaturus obstrusit quo per hoc subiecto gregi obseratis ianuis maneret tuta custodia per quod a divinis foribus persequentis foret potestas eliminata. Assiste precibus supplicantis familiae tuae ut martyris tui prece inimici suggestio introeundi in nostris cordibus non habeat facultatem quo securi intra sinum sanctae Ecclesiae residentes ita claustris dominicis habeamur muniti ut correctis nobis non pateat ulterius via errandi quatenus per angustum gradientes iustitiae callem regionis aeternae mereamur latitudinem introire.

614 Ecce antistes verissimus et martyr tuus Babylas incomparabili illo tuae Christe dilectionis affectu permotus gliscit animo exsultat voto ac laudationis iucundatur tripudio quod pro tuo nomine boiarum ponderibus illigatus pedibusque revinctus in rota quasi luiturus quod professus fuerat iubetur urbe monstrari qui potius plus inde sumeret gaudii quod fuerat pro tuo nomine dignus esset contumeliam pati. Ob hoc in tanti martyris gloriosae celebritatis sollemnitate offerentes tibi Christe sacrificium humiliati cordis et vivorum vota offerimus et sepultis requiem flagitamus rogantes ut qui martyrem tuum liberum effecisti ab illatis suppliciis et viventes et defunctos a tormentis eruas et praesentibus et futuris.

615 Fortis est ut mors dilectio Christe tua quae animam a praesenti separat vita. Hanc in testis tui Babylae pectore nimium exuberasse fatemur qui ad passionem tractus trium puerorum quos nutrierat consortium sitiens maluit unita cum eis pro tuo nomine persecutoris morte mulctari quos salutaribus disciplinis erudiens suae unierat caritati. Proinde quia tu es huius dilectionis largitor te postulamus ut unita per te in pacis societate connexi exemplo martyrum tuorum et Invicem sine crimine vivamus et te ex bonis actibus in aeterna pace laudemus.

615 Dignum et iustum est nos tibi gratias agere Domine sancte Pater aeterne omnipotens Deus per Iesum Christum Filium tuum Dominum nostrum qui est laus perpetua sacerdotum corona infantium et sustentatio infirmorum. Per eum quippe sacratissimus Babylas martyr et praesul Numeriani impetum modestus calcavit infantium teneritudo non timuit sexus infirmior non expavit. Dux quippe praevius atque magister Babylas trium puerorum praesentiam expetiit per quam confutaretur iniusta verbositas Numeriani. Qui dum cum matre accersiti venerunt interrogati una cum matre Babylam sibi patrem esse testati sunt cum tamen mulier fecunda caritate divina non uterus sui partus exponeret sed divini Spiritus progeniem enarraret quae ex coitu genitoris vel genetricis non nascitur sed divinis profectibus utero caelestis vulvae formatur. Quin etiam matrem persequens furor ante filios quos non agnosceret verberari alapis mandat sed una trium infantium societas voce clamabat quod Babylas sibi esset dominus atque pater pro quo eorum mater talia sustineret. Illico caeduntur et parvuli pro quorum caesione mater ante Dominum orationis suae quaestus exponit illi respiciendam filiorum commendans aetatem pro quo eis illata esset mortis quaestio immaturae. Quem collaudant omnes Angeli ita dicentes.

616 Vere benedictus et sanctus et admirabilis Dominus noster Iesus Christus Filius tuus qui praedictum sacerdotem suum trino fultum comite coronavit et in eculei poenis positum non reliquit. Is igitur veri pontificatus peragens cursum lotis inter innocentes manibus verum divino sacrificium litavit altario dum se cum his quos nutrierat salutarem victimam per gladii animadversionem obtulit.

616 Omnipotens aeterne Deus per quem verus sacerdos tuus Babylas parvulis sibi in passione comitantibus tribus boiarum ponderibus adicitur vinculis arctioribus illigatur eculeoque suspenditur ut eo se tibi in verum sacrificium sacerdos venerabilis exhiberet quo numerosa tormentorum genera pro tuo Christe nomine pertulisset tu oblatis tibi sacrificiis benedicens exemplo Babylae sacerdotis tui carnales a nobis illecebras pelle et suffragio trium infantium gloria nos aeternitatis attolle.

616 Intendite dilectissimi fratres sacerdotis Babylae inconvulsae spei virtutem triumque puerorum robustiorem animi fidem quam valentem corporis qualitatem. Quos praedictus doctor egregius gladio continuo percutiendos sacris ulnis congeminando complectit gratias flebiliter referens Creatori quod eos quos de manu eius acceperat coronandos obtulerit illi. Horum igitur exemplum constantiae imitantes corrigamus mores in melius caritatem teneamus ad invicem per dilectionem acceptum ministerium expleamus et ad servitutem Dei ceteros inflammemus. Operari iustitiam delectemur noxia fugamus spiritu oremus atque dicamus.

617 Humiliate vos benedictioni. Dominus sit semper vobiscum.

617 Babylae precibus solvantur vestra peccata cuius virtute Numeriano domus Dei obserata sunt limina. Eius quoque suffragio animarum vos gaudeatis obtinuisse lucrum cuius documento trium puerorum societas meruit subire martyrium. Ut sicut iidem infantuli magistro subsequente gladii pro Christo parili animadversione truncati sunt sic vos unita vincti societate divinum semper peragatis obsequium.

617 Per misericordiam ipsius Dei

617 Gustate et videte

617 Refecti Christi corpore

617 Domine Deus omnipotens

617

617 Ad confitendum nomini Domini lingua nostra fratres dilectissimi meditetur iustitiam eius pro triumphis beati martyris Tyrsi qui hausto fideliter calice passionis prius eum meruit tenere quam nosse ac fructum gloriae participatione praevenire atque ante conspicere regnantem quam suscipere redimentem. Proinde precamur clementiam eius ut nos exaudiat et exauditis attribuat ut cuius honori speciale debitum proprii amoris impendimus eius patrocinii peculiare suffragium incolatus saltem consortio capiamus.

618 Caelestibus saturari dape cupientibus occurre omnipotens Deus qui beatissimo Tyrso tuo gentili adhuc misertus inter ceteras quas pro tuo nomine sustulit poenas paratum supplicium plumbi in adversarios eius oratione ipsius martyris retorsisti. Pro quo flebilibus te Deus rugitibus imploramus ut per hunc martyrem quo praedicti metalli supplicium detorsisti detergas massam totius nostri peccati atque te opitulante qui illatam poenam in se persequentes eiecit ministret sibi obsequentibus tutelam patrocinii indisrupti. Ut per eum famulantes obtineant veniam per quem persequentium est devicta audacia et per quem infidelitas poenali consumpta est igne per eum credulitas flamma ardeat caritatis divinae.

618 Deus qui tanta severitate iudicii tui ultor fuisti in persecutoribus beatissimi martyris Tyrsi tu pius ac benignus offerentium obsequiis delibutus sepultorum spiritibus aeterna refrigeria praebe ut ita praedicti martyris tui suffragio habeant fideles animae defunctorum praemium.

618 Salutis nostrae compendium expetentes omnipotens Deus precamur ut qui beatissimum athletam tuum Tyrsum sectoribus trahentibus serram in duabus partibus non permisisti secari nulla nos facias ad invicem malitiae simultate discindi. Quo sicut novem pene exemptis horis nec capillus motus est a sectoribus de capite martyris sic per omne tempus vitae nostrae nullis permoti scandalis septi semper maneamus munimine caritatis.

619 Dignum satis et iustum est ut tibi Domino nostro laudes et gratias in quantum possumus referamus qui beatissimum Tyrsum praevenisti in benedictione gratiae tuae ostendens illi in tenebris lumen et perfectionem gratiae post laborem. Etenim te opitulante plumbatis tunditur nec terretur crureque fracto potentius roboratur. Hunc graciliores lori ligaturae non dissipant hunc pertinax furor uncinis acutissimis non excaecat. Hic in frusta decerpi iussus gladio constans hic in parato sibi torrentis plumbi supplicio invenitur exsultans quod in illis retorserit virtus tua tormentum qui sibi venerant illaturi supplicium. Is quippe vir ad manifestandam gloriam potentiae tuae Deus carceris revinctus ergastulo mirabili progressu stipatus collegio educitur angelorum. Nam cum intempesta nocte loco quo detinebatur multitudo supernorum irrueret civium illico ostia carceris reserantur et subito novum refulsit illo in loco ad honorem martyris lumen quod onera catenarum eius dissolveret. Ductoribus delude angelis lumine praecedente baptismum tuum suscepturus iter aggreditur usque dum perveniret ad locum quo caelestis fontis lavacro tingeretur. Et merito talia suscepturus tali luminis claritate anteitur ut qui nivei fontis purificandus esset ex gurgite caelesti laetaretur obsequio praecedente. Innovatus post inde unda caelesti redditur carceri purificatus ex lavacro consummato potiturus triumpho. Hunc euntem quia custodes carceris non viderunt regredientem mirati sunt unde feroci animo concitati carcerem disrupturi prosiliunt vindictam cum gladiis illaturi. Sed mox illaesum quod fixerant ut repererunt sigillum illico procax insania mitigatur et suos vaginis gladios condiderunt proprios auditus suspendentes in canoram martyris vocem qua te idem athleta tuus novo carminis collaudaret ita proclamans atque dicens.

620 Vere sanctus vere benedictus in excelsis admirabilis et praeclarus Dominus noster Iesus Christus Filius tuus qui beatissimum martyrem suum Tyrsum prius martyrio consecravit quam lavacro prius fide quam regeneratione prius etiam supplicio quam baptismo ostendens illi inter poenas constantiam inter carceres lumina inter adversantes vindictam cum caesores suos ante poena consumeret quam ipsum poenaliter lacerarent ante caedentes deficerent quam caeso vitam extinguerent. Is etenim incomprehensibili sinus tui illustratus arcano trino persecutus iudice vita non caruit in qua tamen ludibriosum eorum finem ante praedixit. Sicque eos horribili mortis exitu citius praemisit ad poenam quam sibi extorquerent vitam. Deinde tuis adiutus omnipotens Pater iudiciis placito tibi tempore sacratum consignavit spiritum quem inter adversa mundi constantia servaverat illaesum pariter et invictum. Unde te in huius martyris sollemni festo rogamus ut precibus ipsius dones tibi confitentibus veniam.

620 Prospiciens de excelso sancto tuo summe Deus haec holocausta placatus attende qui beatissimum Tyrsum delatis angelorum obsequiis et in carcere visitasti et ex profundo maris eripuisti. Quo omnes nos qui ex his sacramentis libaverimus cunctis veniam impetrantes et inter istius mundi fluctus tuorum angelorum custodiis muniamur et remuneraturi a te de huius vitae carcere exeamus.

620 Deus cuius magnitudinis fuit ut contra naturam beatissimus martyr tuus liberam de sub aquis emitteret vocem cum constipato capite cervice tenus vase pelvis arctatus consisteret libera nos de aquis multis et de manu filiorum alienorum. Quo lingua nostra ab undis odiorum sit extera et in sola sibi tui nominis confessione sufficiat ita proclamans e terris.

621 Humiliate vos benedictioni. Dominus sit semper vobiscum.

621 Omnipotens Deus qui beatissimum Tyrsum ante fide praevenit quam lavacro et fidei dono et baptismi vos conservet ac munificet sacramento. Quique corpus eius nec Serra dividi passus est nec gladio desecari a gremio matris Ecclesiae nulla vos patiatur occasione divelli. Ut cum illis civibus post hanc vitam mereamini habere consortium quorum hic praedictus martyr meruit invenire obsequium.

621 Per misericordiam ipsius Dei

621 Gustate et videte

621 Refecti Christi corpore

621 Domine Deus omnipotens

621

621 Domine sancte Pater omnipotens aeterne Deus benedicere sanctificare digneris ignem istum quem nos indigni per invocationem Unigeniti tui Domini nostri Iesu Christi benedicere praesumimus tu clementissime Pater tua benedictione sanctifica et ad profectum humani generis pervenire concede.

622 Adiutorium nostrum

622 Sit nomen Domini benedictum

622 Domine exaudi

622 Dominus vobiscum

622 Omnipotens sempiterne Deus qui hodierna die Unigenitum tuum Israelitice legi carnaliter subiectum cum mysticis hostiarum oblationibus in templo praesentari fecisti quique iusti Simeonis longam expectationem ipsius visione atque ulnarum deportatione implesti da super hos cereos in honorem tui nominis consecrandos benedictio nem et praesta ut qui eos hodie ob amorem tui nominis gestaverint per sanctae Dei Genitricis intercessionem a praesentibus periculis eruantur.

622 Adesto supplicationibus nostris omnipotens Deus has candelas tua benedictione perfunde quatenus fidelis populus eas in manibus portans non solum exteriori lumine gaudeat sed caecitate cordis expulsa sic lumen quod in tenebris lucet apprehendat ut nequaquam a via veritatis deviet

622 Per omnia saecula saeculorum. Dominus vobiscuim. Sursum corba. Gratias agamus domino deo nostro.

623 Domine sancte Pater omnipotens aeterne Deus. Fons et origo totius luminis qui mundum illuminasti luminae tuae claritatis mittendo nobis Unigenitum per uterum intemerate Virginis Mariae et quem longe ante promisisti prophetarum oraculis temporibus novissimis ipsum misisti lucem populis sedentibus in tenebris et ambulantibus in regione umbre mortis et in ipso claritas ex orta est eis. Tu quoque benedictione tua digneris benedicere has candelas nomini tuo praeparatas qui nos transtulisti a potestate tenebrarum in lucem et regnum dilecti Filii tui per quem exortum est in tenebris lumen rectis corde et gaudium salutis aeternae. Et qui iustum Simeonem fideli replesti expectatione ut non videret prius mortem antequam Christum Domini videret indutum carne totius mundi lumen et salutare ipse nos lumine tuae claritatis sic repleas ut omnes infidelitatis tenebras a nobis repellas. Et sicut hodie servum tuum dimisisti in pace sic nos in pace sanctae Ecclesiae tuae digneris gubernare ut portum quietis aeterne valeamus intrare. Quatenus vere lucis perfusi radicis ubi in die iusti examinis laeticum hymni dicis angelorum choris videre valeamus faciem indefessi solis.

625 Venite et accendite

626 Lumen ad revelationem

626 Nunc dimittis

626 Domine Deus Pater omnipotens lumen indeficiens qui es conditor omnium luminum benedic hoc lumen tuum a fidelibus in honorem tui nominis portandum quatenus a te sanctificatum sit atque benedictum et ut luminae claritatis tuae accendamur et illuminemur propitius concedere digneris et veluti eodem igne quondam illuminasti Moysen famulum tuum ita illumina corda et sensus nostros ut ad visionem claritatis aeternae pervenire valeamus.

626 Simeon in templo elevavit vocem dicens ninc dimittis domine sernum tuum in pace. Quia viderunt oculi mei salutare populi tui.

626 Notum fecit Dominus salutare suum ante conspectum gentium revelavit iustitiam suam.

626 Per omnia semper saecula saeculorum

626 Gloria in excelsis Deo

626 Omnipotens Deus Pater et Domine largire credenti populo pacem et in templo tuo salutare tuum quem SImeon iustus ulnis suis accepit ut qui lumen ad relevationem gentium extitit indultor criminum sibimet credentium sentiatur.

626 Dominus sit semper vobiscum. Et cum spiritu tuo.

626 Ecce ego mitto angelum meum et preparabit viam ante faciem tuam. Et statim veniet ad templum suum dominator quem vos quaeritis et angelus testamenti quem vos vultis. Ecce veniet dicit Dominus exercituum. Et quis poterit cogitare diem adventus eius Et quis stabit ad videndum eum Ipse enim quasi ignis conflans et quasi herba fullonum. Et sedebit conflans et emundans argentum et purgabit filios Levi. Et colabit eos quasi aurum et quasi argentum. Et erunt Domino offerentes sacrificia in iustitia. Et placebit Domino sacrificium Iuda et Ierusalem sicut dies saeculi et sicut anni antiqui. Dicit Dominus omnipotens. (Ml 3)

627 Dominus sit semper vobiscum. Et cum spiritu tuo.

627 Vidimus gloriam domini gloriam quasi unigeniti a patre plenum gratia et veritate.

627 Sicut audivimus ita et vidimus in civitate Dei nostri in monte sancto eius.

627 Silentium facite.

627 Fratres gaudete in domino.

627 Postquam impleti sunt dies purgationis Mariae secundum legem Moysi tulerunt illum in Ierusalem ut sisterent eum Domino sicut scriptum est in lege Domini. Quia omne masculinum adaperiens vulvam sanctum Domino vocabitur. Et ut darent hostiam secundum quod dictum est in lege Domini par turturum aut duos pullos columbarum. Et ecce homo erat in Ierusalem cui nomen Simeon et homo iste iustus et timoratus expectans consolationem Israel et Spiritus Sanctus erat in eo. Et responsum acceperat a Spiritu Sancto non visurum se mortem nisi prius videret Christum Domini. Et venit in spiritu in templum. Et cum inducerent puerum Iesum parentes eius ut facerent secundum consuaetudinem legis pro eo. Et ipse accepit eum in ulnas suas et benedixit Deum et dixit. Nunc dimittis servum tuum Domine secundum verbum tuum in pace. Quia viderunt oculi mei salutarem tuum. Quod parasti ante facem omnium populorum. Lumen ad revelationem gentium et gloriam plebis tuae Israel. Et erat pater eius et mater mirantes super his quae dicebantur de illo. Et benedixit illi Simeon et dixit ad Mariam matrem eius. Ecce positus est hic in ruinam et resurrectionem multorum in Israel et in signum cui contradicetur. Et tuam ipsius animam pertransibit gladius ut revelentur ex multis cordibus cogitationes. Et erat Anna prophetissa filia Phanuel de tribu Asser. haec processerat in diebus multis. Et vixerat cum viro suo annos septem a virginitate sua. Et haec vidua usque ad annos octoginta quatuor quae non decedebat de templo ieiuniis et orationibus serviens nocte et die. Et haec ipsa hora superveniens confitebatur Domino et loquebatur de illo omnibus qui expectabant redemptionem Israel. Et ut perfecerunt omnia secundum legem Domini reversi sunt in Galileam in civitatem suam Nazareth. Puer autem crescebat et confortabatur plenus sapientia et gratia Dei erat in illo. (L 2)

628 Omnes gentes plaudite manibus iubilate Deo in voce laetitiae.

628 Suscepimus Deus misericordiam tuam.

628 Deus qui nobis id prespicit

628 Tu es Deus et in te est Deus et non est alius praeter te. Ab ore egressum verbum non regreditur quia utique natus Filius non ipse qui Pater est creditur dum tamen ipsum esse quod Pater est fateatur. Dona ergo nobis ut qui Verbum a te nasciturum misisti in carne nos in te renatos sic nunc a criminibus exuas ut tibi soli cum veneris sine fine coniungas.

628 Laudent te Domine caeli et terra quia misertus es populo tuo. Dum montes et colles coram te laudem fecisti clamare cum tota viventia in te approbasti. Concede ergo nobis ut laudes quas glorioso nomini tuo offerimus acceptas tibi semper ipse efficias. Ut qui mundum redempturus in salutis signo ostensus es mundum iterum iudicaturus non ultorem sed liberatorem te nostris oculis manifestes.

628 Domine Iesu Christe qui figuris crebescentibus in lege veteri nuntiatus in te impleta omnia ostendisti dum in te vero Deo et homine et purificatio secundum legem exprimitur et veritas nominis approbatur. Adesto plebi tuae ad te ex purificatione venienti et praesta incrementum muneris et gratia benedictionis multiplicetur in abundantia pacis.

629 Dignum et iustum est te ineffabilis immenseque sapientie Deum debitis collaudare praeconiis. Cum praecipue hoc die vel tempore transacta pro nobis circumcisione tuae recordemur infantie at sicut dignum est laudare virtutem tuae omnipotentiae non valemus non enim in te Domine aliquod superfluum in suscepto homine ipse creaveras quod necessario circumcidi debere mandares. Sed ut te Dominum legis natum fuisse sub lege nec legem destruxisse probares. Universa enim quae carnali populo figuris praetereuntibus adumbrata mandasti etiam in te ipso secundum litteram fieri permisisti quae tamen in nobis per evangelicam veritatem aetatemque perfectam sacramentis dignioribus perfecisti. Pro quibus indiciis impensius commendandis adest ille mortificato in corpore grandevus meritisque sanctissimus Simeon amplexumque senilibus ulnis ingentem parvulum salutare Domini se vidisse testatur. Sed et illa cuius nomen gratia resonat continentiae candore resplendens consimilis Anna praeconiorum officio Dominum confitetur. Offeruntur deinde in sacrificium par turturum vel pulli gemini columbarum. Ut in combinatione mundissimarum avium tam animae quam corporis puritatem litandam Deo exemplis evidentibus doceremur. Et in his sacrificiis qui se accepturi desiderant non his inserantur sed erigantur iugiter in supernis. Pro quibus omnibus mirabilibus omnes angeli caelorumque virtutes tibi Deo Patri et Filio et Spiritui Sancto cum Cherubin et Seraphin sine cessatione proclamant ita dicentes.

629 Vere inconparabitur

629 Vidimus gloriam tuam Domine gloriam quasi unigeniti a Patre unigenitum deitate primogenitum munere. Illic unicum Patris hic praecipuum inter fratres. Ibi cum Patre unum hic in fratribus primum. Illic aequaliter subsistentem et in sinu Patris manentem hic socios non derelinquentem. Largire ergo tui fieri participes regni quibus es propitiatus in mundo. Quibusque advenisti prius redemptor existe in futuro remunerator. Et his sacrificiis tibi oblatis qui solus pro cunctis factus hostia immolaris.

630 Iesu Domine cuius admirabile nomen angelus praedixit mater imposuit Simeon cognovit Anna laudavit. Salva populum tuum in universo mundo cuius extat nomen magnificum in caelo. Ut qui solus es potentia gloriosus sis etiam perditis miserationis indulgentia pius.

630 Humiliate vos benedictioni. Dominus sit semper vobiscum.

630 Dominus Iesus Christus qui ad confirmandas promissiones Patrum minister praesentationis voluit esse ipse cordium vestrorum immundicias dignetur auferre. Idem qui praecepto legis suae signum desecte carnis accepit omnes a vobis sordes sui amoris connexione depurget. Et qui vos filios Abrahae in se ipso qui est semen eius benedicere promisit hereditatis beata vos conlatione munificet.

630 Per misericordiam ipsius Dei

630 Gustate et videte

630 Refecti Christi corpore et sanguine te laudamus Domine alleluia alleluia alleluia

630 Beatam Domine illam iusti Simeonis vocem fac in nobis pari diligentia personare. Ut quia vidimus et credimus salutare tuum in pace cum iusseris dimittamur non quo a te dimissos finis vitae accipiat sed per te absolutos a debito in fine pax sempiterna possideat.

630 Per misericordiam tuam Deus noster

630 Sollemnia completa sunt in nomine Domini nostri Iesu Christi votum nostri sit acceptum cum pace.

630

631 Beatae Agathae virginis festum quod in Dei laudibus annuis recursibus suscipimus incolendum placationis Deo vivo fratres carissimi adoleamus libamina et ad commemorandam virginis gloriam et ad nostram commendandam miseriae obsequelam. Haec enim generosi ortus natalibus exornata atque speciei venustate decora non minus hostem fidei quam animae superando et pudicitiae consecrata est merito et sacrae passionis decorata triumpho. Ob hoc in tantae virginis gloriosae sollemnitatis recursu creatori nostro Iesu Christo Domino supplicemus ut qui eam sibi consecravit ex sanguine nos ex confessione iustificet.

631 Deus qui tantam famulae tuae Agathae contulisti constantiam ut nullis suasionibus cederet quo semetipsam petulco adversantis concubitu macularet quique eius meritis celsiorem gloriam virtutis accumulans cives suos a voracis ignis combustionibus liberas tu Ecclesiam tuam donis spiritalibus auge ut et virginitate praepolleat et nullis inimici propulsetur tentationibus ad ruinam sed carens incendiis voluptatum horrendis in te ardeat desiderio et obsequiali coalescat ex voto.

631 Per misericordiam tuam Deus

631 Generosa virginis tuae Agathae passionem famosissimam celebrantes petimus ut eius praesidio viventium apud te suscepta oblatio sepultos submoveat a tormento quo sicut praedictae virginis sepulcri cooperimentum immensa restinxit incendia sic patrona eius oratio defunctis adimens flammam aeterna eos refrigerii commoditate sustollat.

631 Christe Deus aeterna salvatio et salutis integerrima plenitudo pro quo ancilla tua ea desecta parte corporis cruciatur qua infantibus succus lactis ingeritur facito nos ut ubera suggentes matris Ecclesiae numquam praecidamur ab invicem quo alternae caritatis lacte potati aeternorum simus civium societate condigni.

632 Dignum vere et pulchrum est ut tibi Domino nostro ac Deo immensas laudum gratias referamus et spiritales hostias immolemus qui Agatham virginem tuam tuis amplexibus sociatam pudicitia ornas virginitate ditas morte glorificas dando ei de honestis moribus lucrum de virginitate trophaeum de passione triumphum. Etenim a te in illa glorificatus pudor virginalis exsultat nam carceris trusa angustiis sidereo visitata consolatur ex lumine eculeo imposita roboratur ex fide. Quae etiam dum non quaereretur de abscisione mammillae illico caelestem consequitur sanitatem. Ob cuius meritum te Deus sancte Pater poscimus ut per eam et nostra acceptetur oratio et votis obsequentium concedatur caelestis gratiae plenitudo. Per eum quem tecum et cum Spiritu Sancto unum Deum collaudant angeli omnesque supernae virtutes sine intermissione ita dicentes.

632 Vere sanctus vere benedictus Dominus noster Iesus Christus Filius tuus a quo gloriosis praedicta virgo meritorum titulis illustrata et vivens exemplo passionis emicuit et defuncta affines ab incendiis liberavit.

632 Excelse Domine qui beatae virginis Agathae et viventi et defunctae caelis nuntios emisisti quo et vivens ab illatis mederetur vulneribus et defuncta ex obitus sui memoria commendaretur praeclarius cum mores eius per caelestem nuntium ad memoriam futurorum conscripti marmore destinantur tu nobis attribue ut emissis angelorum tuorum custodiis et vita nostra liberetur a malis et sacrificia Spiritum suscipiant sanctitatis quo participatio holocaustorum praesentium et corporibus gratiam et animabus caelestem impertiat medicinam.

632 Deus collator iustitiae et castimoniae praerogator a quo praedicta famula tua visitatam se fore prospiciens et in vulneratis membris recepit sanitatem et noctis medio revincta carcere caelesti promeretur illustrari ex lumine tu luce illa Sancti Spiritus nostram irradians mentem ad videndum te et corpore valentes et animo puriores nos effice. Quo dum spiritalis affectus in interno se diffuserit corde fidelia ad te ora collaudando proclament.

633 Humiliate vos benedictioni. Dominus sit semper vobiscum.

633 Animarum vestrarum Dominus vulnera tergat qui beatissimae Agathae pro suo nomine abscissam non destitit curare mammillam. Atque cuius meritis ex affinibus removit ac restinxit incendia eius nunc opitulatione flammas a vobis malae cupiditatis retorqueat. Ut quae caelesti inscriptione liberatio annotata est patriae omnes in commune patrocinio indefesso conservet.

633 Per misericordiam ipsius Dei nostri

633 Gustate et videte

633 Refecti Christi corpore

633 Domine deus qui es vita et salus

633

633 Certatricis beatae Dorotheae fratres carissimi fidem famossisimam praedicantes holocaustorum oblationes pio Regi ac Domino offeramus qui huius famulae suae cor tanta sui amoris vulneravit ex gratia ut nullis illecta decipulis etiam illorum corda caelesti ad Deum suasione converterit a quibus illiciebatur tumentis aevi terroribus a Christicolarum proposito submoveri. Hanc ergo gloriosam unici Filii Dei sponsam quae et fidem verbo et virginitatem consecravit ex merito acclines precibus impetremus ut venerabilem passionis suae diem suscipientibus occurrat praestatura omnibus quae rogatur abdita vulnerum curans preces supplicantes iustificans ac vota nostra Salvatori nostro commendans quo per eam nobis et plenitudinis fructus et votorum concedatur effectus.

634 Deus desperantium salus errantium via et peccantium medicina qui beatissimas virgines Christetem et Callixtem quas virus hostis antiqui a proposito submoverat Christi tui praedicamentis simul ac precibus famulae tuae Dorotheae ad cultum christianae fidei revocasti pietas tua a nobis ita peccandi casum pellat ac peccandi causas removeat ut desperationis laqueos nec incurramus defluentes per vitia nec attingamus oberrantes per ignorantiam quo sicut illae post lapsum promotae sunt ad martyrii palmam ita nobis post crimina donetur te miserante corona.

634 Christe Domine attributor perennalis gratiae et collator qui virginum tuarum Christetis et Callixtae paenitentiam per gloriosam famulam tuam Dorotheam suscipiens igne eas examinando glorificas dum ipsa crematione torrentis ignis iam paene perditas eis restaurares coronas supplicum tuorum precibus benignus intendens et paenitentium intuere lamenta et offerentium sanctifica holocausta quo et per paenitentiam nos tibi facias complacere et per honestos mores tibi coniungere ut per quam praedictarum virginum tuarum paenitentiam dignatus fuisti suscipere per eam pius collator et viventibus et defunctis destines aeternam salvationem.

634 Deus qui virginis tuae Dorotheae fidem ita exuberantis constantiae dono glorificas ut catasta et vultu placida et animo ostenderetur iucunda tu nobis spiritalem confer laetitiam qua repleti atque muniti et delictorum sordibus careamus et pacis abundantia te concedente locupletemur.

634 Dignum et iustum est nos tibi gratias agere Domine sancte Pater aeterne omnipotens Deus per Iesum Christum Filium tuum Dominum nostrum in quo fidens praedicta virgo Dorothea laeto inter poenas ostenditur vultu et ovante exsultat aspectu. Ipsius etenim gratiae praeventu respecta ornatur fide adiuvatur et opera consecratur in passione. Haec quippe supremo triumphatura supplicio voti sui compos efficitur antequam gladio feriatur. Nam sponsionis suae completura promissum tria cum rosis mala quae Theophilo e paradiso sponsi sui se directuram promiserat subito caelitus allata sibi comminus intuetur eidemque cui promiserat per caelestem destinavit allatorem. His nempe vivis Domine Theophilus tuus nare illa spirituali et fidem pariter attrahit et odorem. Innovatur subito ex ostensione miraculi et continuo efficitur martyr praedicans nomen Christi tui quod ante irrisione deputans exhiberi sibi e paradiso mala aut rosas virginem poposcerat quod tamen fieri desperabat. Haec est immutatio dexterae Excelsi quae et electos inter poenas confortat et peccatores sine mora iustificat. O admiranda et praedicanda iudicia tua Deus. Ecce supernus hic nuntius e caelis utrorumque illaturis commodum destinatur quo tribus malis totidemque rosis et Dorotheae votis expetita concederet et Theophilum regno Christi faceret coheredem. Cui merito omnes angeli et archangeli throni dominationes et potestates non cessant clamare atque dicere.

635 Vere sanctus vere benedictus Dominus noster Iesus Christus Filius tuus qui voluntatem timentium se facit et orationes eorum exaudit quique admirabili clementia ita se diligentium desideriis favet ut eorum votis postulata non deneget. Etenim ingenita bonitas eius sacratissimam Dorotheam virginem exaudire non destitit imprecantem cum non solum de propriae passionis attollitur palma sed etiam de sororum quas Christo acquisierat tripudiatur corona.

635 Deus aeterne cui beatissima Dorothea virgo praevios conquisitionis suae manipulos destinavit cum Christetem et Callixtem sorores ante se in passione praemiserit et sic ipsa gladio consecrata successerit tu de tuis sanctis sedibus benedictionem his holocaustis impertiens concede supplicibus tuis ut haec oblatio praevia sanctificationem sumentibus conferat. Quo exemplo virginis tuae ita nostrorum actuum placitos tibi fructus ante nostrum obitum pius ipse suscipias ut nos sequentes in aeterna tabernacula introducas.

636 Satia nos Deus cibo iustitiae aeternitatis amore qui Teophilum martyrem tuum ad te converti fecisti ex aspectu delectabilis pomi. Quo sicut menti eius in tribus malis totidemque rosis sacramentum insinuans Trinitatis ad culmem eum perfectae fecisti pertingere passionis supplicio eum glorificans crucis sic nos odore caritatis tuae reficiens et actu fac tibi esse placibiles et corpore fortiores. Ut utraque virtute valentes post te in odorem unguentorum tuorum curramus et paternis affectibus imploratum te erga nos placabilem semper sentiamus cum ad te proclamaverimus e terris.

636 Humiliate vos benedictioni. Dominus sit semper vobiscum.

636 Redemptor noster ac Dominus Dorotheae vos virginis suffragio muniat qui per eam Christetis et Callixtae paenitudinis acceptavit lamenta. Ac sicut illae post lapsum ad salutis viam reversae sunt sic vos relictis superstitionibus mundi sequamini Christum. Ut eius sequendo vestigia exemplo Theophili odoris Christi repleamini gratia.

636 Per misericordiam ipsius Dei nostri

636 Gustate et videte

636 Refecti Christi corpore

636 Dominus Deus omnipotens

636

636 Adest dilectissimi fratres famosum illud beatae virginis Eulaliae festum quod annuis recursibus suscipimus incolendum in quo eadem martyr Barcinonensium civis et incola genitale solum quod meritorum titulis praetulit honore etiam illustravit sepulcri dum quod viva aedificat verbo effusi sanguinis docet exemplo. Haec enim laeta passionem prosiliens forum adiit intrepida et verbis tonantibus profanum iudicem correptura passioni se obtulit non quaesita. Recognoscamus ergo per vulnera martyrem per pietatis stadia genetricem obtentu precis intimae flagitantes ut qui eius fortiter tenello vicit in corpore victorem se in nobis praebeat efficacem. Et qui illi post flammas contulit caelum nobis post lapsum consortium tribuat angelorum.

637 Deus virtutum corona martyrum collator gratiarum suscipe tantillae plebis precum obsequia quae ob honorem virginis tuae Eulaliae tibi deferimus dedicanda. Tu enim eam ultra aetatem facis esse victricem quam nullis praecedentibus meritis iam olim feceras tui nominis confessorem. Sit ergo Domine eadem virgo sanctissima ante conspectum gloriae tuae nostrorum criminum et intercessor pariter et assertrix ut et diluenda proponat et proposita precibus diluat. Qualiter sic confessionem delictorum nostrorum accipiens ante te culpas singulorum ad emolumentum veniae asserat ut intercessorem pro his quae asserverit interponat. Sit in salvationem terrae sit in defensionem patriae. Gubernet civem eliminet hostem subruat pestem arceat famem morbos dissicet adversum omne repellat optataque perficiat. Sicque per eam fautorem te semper nostris precibus praebe ut et hic intercessione eius peccata nostra habeant finem et in futuro suis meritis mereamur invenire quietem.

637 Te te altissime Redemptor noster et Domine in tuis operibus collaudamus qui dum virginem Eulaliam ad nominis tui dilectionem accendis proditorem eam sui nominis facis ut eo robustior ad passionem consurgeret quo nomen suum furenti iudici non taceret. Quaesumus proinde ut quae nominis sui facta est proditrix in prolatione nostrorum nominum ante te non efficiatur elinguis ut quae vocabulum suum non tacuit iudici vocabula fidelium renotanda aeternae imprimat mansioni. Ut quotquot in illum credimus quem ipsa veraci corde professa est et praesentis vitae tutelam et in futuro cum defunctis fidelibus mereamur beatorum omnium promereri consortia.

638 Christe Dei Filius qui exanime beatae virginis corpus niveo candore vestisti dignare nos vestire iustitiae stolis et operibus sanctitatis ut per haec quae tibi offerimus munera sic niveo alternae dilectionis vestiamur amictu ut aeternae pacis lumine cum ea quae te professa est potiamur.

638 Dignum et iustum est nos tibi semper gratias agere omnipotens Deus per Iesum Christum Filium tuum Dominum nostrum qui discretis flammis martyrem Eulaliam probat dum clementer eam flammarum diversitate glorificat. Erat enim in pectore virginis flamma divini amoris flammis quoque urebantur et latera sed longe aliter flammailla erat quae flammis his temporalibus cedere nesciebat. Illa enim refrigerando fervescit haec excruciando plus deficit. Illa incorporeo vigore sempiterna perdurat haec corporea accessione occasum sui frequenter ostentat. Illa aeternitatem parat in mente haec plerumque defectum sui sentit in corpore. Illa semel concessa nescit frigescere haec si studiosius accendatur adustionis suae aliquando materiam caret. Illa caloris sui terminum nescit haec semper vigoris proprii statum amittit. Illa quos incenderit perire non sinit ista vel se ipsam cum nocentibus perimit vel innocentibus sese submittit. Illa semper pollicetur sine tempore refrigerii gloriam haec aliquando in tempore supplicii irrogat poenam. Illa istam semper superat et exstinguit ista illi saepe famulatum sui subicit ac deservit. Inde est ergo quod caelestis flamma temporalibus flammis victa non deficit sed victrix potius potestatem huius materialis ignis sibimet subicit ac submittit. Cum enim in virginis pectore divinum vicit incendium appositae forinsecus flammarum faculae defecerunt. Quia igitur tu Deus noster ignis consummens es qui nisi in corde eius flammigera combustione arderes victorem te in eius passionibus nullo modo demonstrares te quaesumus te rogamus ut facias nos simili accensione amoris tui serenos et sanctitatis perfectione idoneos ut qui in hoc die tantae martyris et passionem veneramur et sepulcrum a passionibus nostris vel sepulcris nostrorum criminum liberati perducamur ad caelum. Qualiter et hic in aeternum cum omni militia angelorum devotis tibi mentibus concinamus proclamantes atque ita dicentes.

639 Vere sanctus vere benedictus Dominus noster Iesus Christus Filius tuus cuius doni est quod Eulalia virgo caesa non trepidat cuius gratiae quod inter flammas non aestuat cuius muneris quod post obitum sic exsultat cum aeternam vultu iam quodammodo laetitiam perferens in hac adhuc substantia carnali ostenderet quanta illic animi pace gauderet cum hic beato confessori Felici sic aeterna per corpus felicitate subridet.

639 Omnipotens Deus qui illibatum Eulaliae virginis corpus intactum servas a flammis emitte in his hostiis spiritum sanctitatis qui et oblata sanctificet et oblatores propitiabili respectu perlustret.

639 Deus qui beatissimam Eulaliam antequam passionis gradum scanderet quid crederet quid oraret misericorditer docuisti dum in ea non facis perire quidquid a te edocta fortiter credidisset da nobis ut quod de te scimus et credimus ad aeternam profecisse nobis laetitiam gratulemur ut quodilla effusione promeruit sanguinis nos in his Filii tui Domini nostri mereamur adispisci verbis.

640 Humiliate vos benedictioni. Dominus sit semper vobiscum.

640 Christus Dominus qui Eulaliam virginem inter flammas fecit esse victricem faciat vos eius precibus et incentiva carnis vestrae devincere et perfectam devicto mundo victoriam in caelestibus reportare. Et qui insepultum virginis corpus nivalibus pruinis vestivit ad gloriam ipse corda vestra et corpora ad perfectionem sanctitatis accingat. Ut cum illa per confessionem mereamini palmam cuius nunc obsequentes celebratis sollemnia.

640 Per misericordiam ipsius Dei nostri

640 Gustate et videte

640 Refecti Christi corpore

640 Dominus Deus omnipotens

640 Omnipotentis Dei ineffabilem maiestatem mente devota exsultatione religiosa fide integra spe pura fratres carissimi laudando rogemus rogando laudemus qui nobis in sanctorum terraconensium Fructuosi Augurii et Eulogii beatissima passione magna Ecclesiae praesidia donavit et patriae. Quorum in amore Dei consors animus divissa vitae huius officia in unius gloriae societate collegit dum in ipso sacerdotii capite cohaerentia levitarum latera victimam Christo sanctificati in se corporis exhiberent et ad destruendum daemonum cultum veram Dei confessionem carnis suae suppliciis alligantes sanguine suo scriberent quod docerent atque inter edaces carceris ligaturas religionis inexpugnabili disciplina quo innovandam crederent spem et explendam servarent esuriem et potandi oblatione relicta qui Christi calicem biberent refectione saeculi non sitirent. Quibus ita nos rectissime supplicemus ut eorum valida ac pretiosa suffragia fidem in conversatione provehant Ecclesiam ab impugnatione defendant instituant sacerdotes ad laudem levitas ad officium reges ad pietatem populos ad quietem. Et cum illa eis in delectatione sit regio quae suscepit ista non sit in oblivione quae genuit habeat illa in collegio quod coronavit habeat ista in patrocinio quos transmisit.

641 Magna nobis hodie Domine succurrit te auctore immolandi fiducia qui adest Christi tui coheres examinatus igne sacerdos cuius sacrificium non spernas. Adsunt enim levitae sanctissimi qui amicti stolis Agni sanguine lotis altare tuum circumdare valeant et sacris muneribus honorare. Quibus quamlibet omnium in te credentium iniunxeris curam huic peculiarius loco et populo venerabilium reliquiarum praesentia consecrato ut assistere et opitulare iubeas rex summe precamur. Nunc tibi Fructuosus tuus in commendatione nostri ac totius plebis huius fructum suorum Ingerat meritorum. Nunc Augurius et Eulogius immaculati tui sanguinis ministrent poculum credentibus in salutem ut tam victricium ducum vel eruditi magisterio vel virtute defensi nec praesentium pro tuo nomine poenarum formidine terreamur nec futurorum bonorum extorres usquequaque reddamur.

641 Adesto nobis omnipotens Deus sanctorum tuorum Fructuosi Augurii et Eulogii triumphalem celebrantibus diem et laetitiam spiritalium tribue gaudiorum concedens eorum intercessione sepultis requiem offerentium animabus et corporibus sospitatem quorum sic fides membris igne decidentibus arsit ut sentirent corruptibilis naturae defectum et nescirent caelestis animi mutare propositum.

641 Deus une et trine simplex et iuste admirabilis et praeclare quem societasilla trina et indivisa sanctorum tuorum Fructuosi Augurii et Eulogii sic unita laudis voce inter flammas concelebrat ut quamlibet exusta ignibus membra deciderent eorum tamen animae divino flante Spiritu plus calerent concede nobis tuorum martyrum intercessione ut per cotidiana temporum incrementa tua in nostris cordibus dilectio coalescat caritas ferveat ac legis tuae meditatio convalescat ut odiorum sopitis iurgiis vigeat in nos flamma divina et exstinguantur malae cupidinis nutrimenta. Quo sicut praedicti martyres iniecti camino suis te in passionibus laudaverunt sic nos te opitulante ex omnium bonorum fructu tibi placere ante nostrum obitum mereamur.

642 Dignum et iustum est omnipotens Deus nos tibi ex toto corde gratias agere et unitatem Trinitatis tuae sub una trium martyrum passione laudare quorum aequalis fides similis fortitudo indiscreta confessio per dividuas personas graduum individuas et poenas rapuit et coronas. Quos inter gentiles errores velut quibusdam paleis quasi probatum aurum non minus caritatis divinae quam persecutionis inimicae flamma conflavit et in caelestibus thesauris massam eiusdem fornacis ignis condidit qui voravit. Libenter enim fidelium animarum ardor tuo amore succensus sanctificatorum corporum ferebat incendium quo se utique non exinaniri sed clarificari posse amplius confidebat. Et cum illo acrius Sancti Spiritus calore ferventes terrenae adustionis materia cingeretur exinde flammas sibi deputant in favillas. Sed faciebat hoc sustinendi virtus non urendi defectus cum infirmitatem carnis fides excederet non vim suam natura ignis amitteret. Imposita super ardentem ignis struem membra tabescentia liquescebant et contractae viscerum partes crescentibus in cumulum carbonibus inhaerebant. Inter ambustos torres mixtus cineri sanguis fumabat sed euntes ad Dominum animae plus calebant. In quibus pro societate corporis potuit dolor esse qui tangeret non potuit esse qui vinceret dum illis divini adiutorii virtute praestatur ut eius poenae superaverint crudelitatem cuius non timuerunt passionem. Digni admodum quos haebraeis pueris Azariae et comitibus eius similes vox divina signaret qui in camino Babylonii regis illaesi atque securi novo laudes tuas carmine decantantes angelico atque caelesti officio clamaverunt atque ita dixerunt.

643 Vere sanctus et admirabilis es Deus summe qui te in tribus sanctis perfecta Trinitatis Unitas demonstrasti non corporum visibilium dissimilitudine sed unita mentium voluntate non officiorum distantium ordine sed concertantium militum inseparabili caritate non aetatum alternantium tempore sed animorum persistentium indiscreta virtute. Condecet enim ut hi qui bella Domini proeliant sui secum regis exhibeant in abditis simulacra quia et illic certa sperabitur ex hoste victoria ubi armorum victricium signa fuerint comitata. Hi igitur cum principe glorioso levitae animo paterno consimiles effecti sunt continuo caelestis gloriae coheredes in quibus bonae voluntatis immutabilem manere concordiam furibundus carnifex cernens nihilque posse in eis praevalere poenarum conspiciens mox atrocibus exurendos deputat flammis. Sed eo fit militum tuorum fides ardentior quo fuit acrior sententia cruentorum. Quos tamen ita indisrupto sibimet vinculo tua caritas vinxit ut nec aestuantia camini dum traherentur procul conspecta formidarent incendia nec tristitia saltem dum illic proicerentur contraxerint ora. Quin potius solvendae stationis tempus adesse cernentes caelestium dapium desiderio tacti propere veniunt ad suae compendia mortis. Cumque mediis urerentur sacra corpora flammis acceptabilia Deo reddunt hymnis sonantibus vota. Necdumque fuerant ignibus divina sacrificia concremata et iam animae Angelorum ovantibus gregibus chorisque consertae perpetim conscendunt aetheria in arce volatu ut apud te Deum solverent servatam esuriem a quo se fidenter speraverant refici perpetua caritate.

644 Omnipotens Deus qui sanctis tuis Fructuoso episcopo Augurio et Eulogio diaconibus tantam virtutum gloriam tribuisti ut sic eorum corpora iniecta camino liquescerent ne animae doloribus carnis perarmatae divino Spiritu cederent sic exusta deciderent ignibus membra ne umquam silerent praeconum tuorum veracia verba sicque humanorum corporum exterminata sit species ne tamen aliquando a confessionis fervore friguerit ignea fides tu haec oblata tibi libamina calore Sancti Spiritus perflans benedicenda assume eorumque participatione fac nos caritate fervere delictisque frigescere quo in divino amore succensi sit in nobis ignis qui exurat peccata non qui augeat vitiorum carnalium incentiva.

644 Deus aeterne qui beatissimos martyres tuos Fructuosum Augurium et Eulogium igne examinasti eorumque animas perustis membris ad aeternam requiem perduxisti dum in illis tribus Trinitas vera inhabitas quos unitos in passione Unitas sancta coronas respice nos de excelso throno gloriae tuae dans nostris criminibus finem et terrae nostrae finibus pacem. Ardeamus spiritu sanctificemur ex actu. Operemus iustitiam teneamus et castimoniae disciplinam. Ut eo fervore cordis quo te praedicti martyres in medio ignis positi laudaverunt nos quoque institutionis divinae oraculum coram te depromere mereamur ita dicentes.

644 Humiliate vos benedictioni. Dominus sit semper vobiscum.

644 Deus unus et trinus qui se in unitate trium martyrum Fructuosi Augurii et Eulogii passione gloriosum ostendit glorificari se in nostris cordibus faciat et ad instar illorum in suae pacis unione connectat. Quique illis gloriam adauxit per passionum temporalium ignem calore Sancti Spiritus peccata vestra expurget. Ut in illo vestra semper spes maneat fixa in quo illis est aeterna post esuries refectio attributa.

645 Per misericordiam ipsius Dei nostri

645 Gustate et videte

645 Refecti Christi corpore

645 Dominus Deus omnipotens

645

645 Benedicam te dicit Dominus adscribam super te nomen meum novum et nomen civitatis magne nove Ierusalem alleliua

645 Benedicam te Domine qui fecisti caleum et terram

645 Deus Dei Filius qui in te solidissima petra exaltasti Petrum et per Petrum Ecclesiam effectus illi in tribulatione fiducia quo possit adversa cuncta superare praesentia porrige nobis auxilium dexterae tuae ut per eum qui in te post negationem redditus saluti meruit solidari per eum nos digneris a vitiorum tentationibus eruere ac fides nostra in nullo coram te apparens nutabunda et animas et corpora pertrahat ad superna.

645 Per misericordiam ... benedictus

645 Ecce in iustitia regnabit rex et principes eius in iudicio preerunt. Non caligabunt oculi videntium et aures audientium diligenter auscultabunt et cor stultorum intelliget scientiam et lingua balborum velociter loquetur et plane. Non vocabitur ultra is qui incipiens est princeps neque fraudulenter appellabitur maior. Stultus enim fatua loquitur et cor eius faciet iniquitatem ut perficiat simulationem et loquatur ad eum fraudulenter et vacuam faciat animam esurientis et potum sitienti auferat fraudulenti vasa pessima sunt. Ipse enim cogitationes concinabit ad perdendos mites in sermone mendacii cum loquitur pauperi iudicium. Princeps vero ea quae digna sunt principe cogitabit et ipse super duces stabit. Mulieres opulente surgite et audite vocem meam. Filiae confidenter percipite auribus eloquium meum donec effundatur super nos spiritus de excelso. Et erit desertum Charmel et Charmel in saltum reputabitur. Et habitabit in solitudine iudicium et iustitia in Charmel sedebit. Et erit opus iusticie pax et cultus iusticie silentium et securitas usque in sempiternum. Et sedebit populus in pulchritudine pacis et in tabernaculis fiduciae in requie opulenta Ait Dominus omnipotens. (Is 32)

646 Dominus sit semper vobiscum. Et cum spiritu tuo.

646 In manibus portabunt te ne unquem offendas ad lapidem pedem tuum

646 Quoniam angelis suis mandavit de te ut custodiant te in omnibus viis tuis

646 Silentium facite.

646 Seniores qui in vobis sunt obsecro consenior et testis Christi passionum qui et eius quae in futuro revelanda est glorie communicator. Pascite qui est in vobis gregem Dei providentes non coactae sed spontaneae secundum Deum. Neque turpis lucri gratia sed voluntariae. Neque ut dominantes in clericis sed forma facti gregis ex animo. Ut cum apparuerit princeps pastorum percipiatis immarcescibilem glorie coronam. Similiter adolescentes subditi estote senioribus. Omnes autem invicem humilitatem insinuate. Quia Deus superbis resistit humilibus autem dat gratiam. (1P 5)

647 Dominus noster Iesus Christus venit in partes Cesareae Philippi et interrogavit discipulos suos dicens. Quem dicunt homines esse filium hominis At illi dixerunt. Alii Ioannem Baptistam. Alii autem Eliam. Alii vero Ieremiam aut unum ex prophetis. Dicit illis Iesus. Vos autem quem me esse dicitis Respondens Simon Petrus dixit. Tu es Christus filius Dei vivi. Respondens autem Iesus dixit. Beatus es Simon Bariona quia caro et sanguis non revelavit tibi sed Pater meus qui in caelis est. Et ego dico tibi quia tu es Petrus et super hanc petram aedificabo Ecclesiam meam. Et porte inferi non praevalebunt adversus eam. Et tibi dabo claves regni caelorum. Et quodcumque ligaveris super terram erit ligatum et in caelis et quodcumque solveris super terram erit solutum in caelis. (M 16)

647 Dominus sit semper vobiscum. Et cum spiritu tuo.

647 Tu es sacerdos in aeternum sacerdotem ordinem Melchisedech

647 Ego Daniel intellexi numerum annorum in quo factus est sermo Domini tibi autem Domino Deo nostro propitiatio et et misericordia alleluia.

647 Dum aspicerem in nubibus caeli ecce quasi filius hominis amictus auro purissimo veniebat principatus ei honor et regnum.

647 Diem in quo beatissimo Petro apostolorum omnium principi Aeclesiae in se primum Christi electione fundatae et cathedra commisa est et caterva religiosis in laudem Dei quibus ipse docuit officiis celebremus. Pias illi preces et cantica festa reddentes ut primum nos longe sibi merito Impares satisque conversatione dissimiles eiusdem quod ipse digne complevit ministerii susceptores apud omnipotentem Deum tamquam Pius magister ab omni contagio delicti excuset. Deinde pro omni Ecclesia cuius ipse fundamentum factus est cuius principatum indeptus est intercedat. Dominicarum ovium curam bonus etiam nunc pastor impendat accepto privilegio potestatis ligata dissolvat praevalere nobis intercessionis suae studio portas inferi non permittat et ad regni caelorum nos atria de quo claves accipere meruit introducat.

648 Christe Filius Dei vivi qui apostolum tuum Petrum ita confessione iustificans revelasse illi Patrem tuum hanc ipsam tui intelligentiam esse docuisti cum alia atque alia de te omnibus incerta opinione narrantibus ille te non secundum carnem et sanguinem metuendo in veritate intelligeret crederet praedicaret huius te intercessione supplices deprecamur ut in desiderio nos ad te veniendi positos fides modica mundo turbante non subruat sed auxiliatricem dexteram ad liberandos nos prius quam ad dubietatem valida tentatione deducti mergi forsitan incipiamus extende. Ac si propter fragilitatem nostram quod titubamus increpites non tamen propter iniquitatem nostram ut pereamus expectes.

648 Sancte Domine qui apostolum tuum Petrum ad domum Cornelii centurionis accersitum ne gentilem hominem quasi immundum pollutumque respueret figuraliter monuisti cum in visione sopore modico quiescenti vas quoddam universorum animalium conmixtione completum quatuor initiis ab excelsa caeli parte depositum mactandi et comedendi lege proponeres eumque velut contaminationis edulium recusantem immundum dicere quod tu creaveras vetuisses significans scilicet in omnibus nationibus ecclesiae tuae conversam plebem apostolis praedicantibus cibum futurum quam tu a quatuor mundi partibus quatuor evangeliis invitatam in uno fidei receptaculo congregasti hanc quaesumus mundam in oculis tuis statue dignamque sanctis altaribus effice. Atque ita oblationes eius suscipe in sacrificium tuum et hostiam reputa ut ipsa tibi sacrificium ipsa sit hostia. Beatorum quoque angelorum patriarcharum prophetarum apostolorum martyrum omniumque Sanctorum qui de Ecclesiae corpore gloriosa Christi membra facti sunt sufragiis rogantibus nobis requiem fidelium spiritibus tribue defunctorum ut facta per caros suos commemoratio illis refrigerium conferat his proventum.

649 Iesus Filius Dei qui Petro apostolorum omnium principi plus te ceteris discipulis diligenti oves tuas sub testimonio tuae dilectionis commendas cum amorem eius erga te Dominum et te interrogante et illo respondente declaras tu eo suffragante Ecclesiam cuius ipse caput factus est ab scandalis libera et in pace conserva ut caritate ferveat fide crescat spe polleat atque sanctis operibus enitescat quo eius indefesso muniatur patrocinio cuius doctrina aedificata est vel exemplo.

649 Dignum et iustum est omnipotens Deus ut exaltent te in Ecclesia plebes et in cathedra seniorum te omnis spiritus praedicet uterque sexus collaudet et aetas tota concelebret. Per quem ad evacuandam saeculi inflationem et destruendam mundanae sapientiae vanitatem in sortem apostolicae sedis illa inclita imperiis et inter deos superstitiosis culta sacrificiis Roma succubuit cum illa horrentium numerositate templorum et diversorum numinum titulis praefixa statuis simulacra humilem Petri tui cathedram civitas legibus suis superba susciperet veramque Dei sapientiam philosophis rusticus praedicaret et in illo venerari disceret paenulam pauperis trabea consularis cum nationibus scelerata scelerum impunitate collectis id ostenderet in infami libertate iuris esse quod criminis quibus maxima esset religio romuleos colere manes fratris cruore perfusos. Hinc inquam ille vir retifex vel aedifex regere navem solitus ad officium capiendorum hominum et gubernandae plebis electus illum esse Deum docuit quem virgo peperit non quos lupa nutrivit. Fit caeli ianitor mundi piscator cui post humidum linum committitur regnum divinum. Statuitur Christi aedituus saeculi rusticanus cui artis fuit vela suspendere potestatis fit peccata dimittere. In carne ignobilis in electione sublimis. Illi aperienda sanctis conclavia decernuntur illum Christus participem sui consilii facit. Ille Christum amoris sui testem praesumit ipse primum futurum martyrem iubetur attrahere. Tanta a Domino caritate dilectus ut ab ore eius audiret inventum in ore capti piscis staterem dabis pro me et te. Iste est Petrus qui non habendo aurum neque argentum in eleemosynis sanitates pauperibus erogat de quo claudus ab utero matris egressus qui stipem iaciturus speravit salutem surrecturus accepit. Iste est Petrus qui Aeneam octo annorum paralysi compeditum in Iesu nomine vigori pristino fugata debilitate restituit. Iste est Petrus qui boni magisterii discipulam nomine Thabitam alendis ac vestiendis viduis servientem loto iam post vitam corpore quiescentem et delatis funeri exsequiis exanimem suscitavit cum in testimonio boni operis circumstantium pauperum fletus monstratis quae dare consueverat vestimentis offerent apostolo in effectum mirabilium suffragium lacrimarum. Iste est Petrus cuius vincula propter Dei nomen ligata manus solvit angelica cum in medio custodum fluentibus sponte nexibus catenarum excusis procul obicibus reserata carceris claustra patuerunt. Postremo iste est Petrus cuius lingua populos infirmos umbra curavit ut per divitem Dei gratiam hoc ageret umbra pontificis quod fimbria salvatoris. Ante cuius conspectum omnes angeli atque archangeli incessabiliter proclamant ita dicentes.

650 Vere sanctus es Domine Iesu Christe qui apostolum tuum Petrum firmissimam statuens petram aedificare tibi in ea sanctam pronuntiasti Ecclesiam cui portae inferi absque ambiguitate paterent. Caelorum etenim claves a te accipere meruit ut veniendi ad te desiderium habentes vitae portas aperiat et ad caeleste tuae maiestatis palatium introducat.

650 Ista sunt Domine holocausta dulcia ut mel de petra manantia apostoli tui Petri instituente doctrina ut a te magistro didicerat in commemorationem tuae passionis libanda. Fiant ergo quaesumus piisimo vultui tuo accepta tuaeque maiestatis dextera sanctificata. Sint placabilitate pinguia et tui oris eloquio benedicta. Sint in percipientibus firma munimina et infirmis exhibeant animae et corporis medicinam.

651 Salutare orandi praeceptum tuos Magister bene docuisti discipulos quorum principatum te iubente indeptus est Petrus ut reiecto orationis multiloquio tuum deitatis natura et nostrum adoptionis gratia Patrem audeamus invocare et dicere.

651 Humiliate vos benedictioni. Dominus sit semper vobiscum.

651 Dominus Iesus Christus qui apostolum suum Petrum et principem constituit apostolorum et claves illi tradidit regni caelorum praesentem benedicat clerum et populum. Illosque ad promerendam salutem apostoli sui Petri obumbret umbra qui eius ex devotione sollemnitatis venerantur cathedram. Ut qui ad eiusdem cathedrae concurrunt sollemnitatem levamen percipiant indulgentiae.

651 Per misericordiam ipsius

651 Gustate et videte

651 Refecti Christi corpore

651 Repletum est cor nostrum

651 Christe Dei Filius qui oves tuas sub testimonio dilectionis tuae Apostolorum omnium principi Petro commendans quo et te interrogante et illo respondente dignus probaretur pastor esse Ecclesiae fac nos veridice amatores tuos semper exsistere. Ut per eum cuius claves datae sunt regni per eum nos intrare mereamur ianuas paradisi.

651 Per misericordiam tuam

651 Sollemnia completa sunt in nomine Domini nostri Iesu Christi votum nostrum sit acceptum cum pace.

651 Gloriam et magnum decorem

652 Concede omnipotens Deus ut gloriosissimus apostolus tuus Mathias qui per Christum Dominum in Ecclesia devicit viriliter adversarium in Christo ecclesia destruat inimicum ut populo fidelium aeterna pace obtineat gaudium dum ad te quoquem securitas conquirit proventum

652 Per misericordiam tuam

652 Iustus si morte

652 Dominus sit semper vobiscum. Et cum spiritu tuo.

652 Os iusti meditabitur

652 Charissimi confortare

652 Una dierum Dominus noster

652

652 Largitorem aeterni muneris fratres carissimi supplices imploremus ut sacrificium quod offerimus hodie in honorem apostoli sui Matthiae propitiatus acceptare dignetur. Ac sic preces omnium clementer accipiat ut omnibus peccata dimittat. Et qui praestare dignatus est eidem Apostolo suo Deus Pater omnipotens olim victoriae palmam nunc quaesumus universis postulata concedat et aeternae vitae praemia dignanter attribuat.

652 In honorem beatissimi martyris tui Matthiae apostoli cuius hodie natalem gloriae celebramus his maiestatis tuae omnipotens Deus laudibus servientes sollemnia festa concinimus supplices te deprecantes ut cuius maeritis obsequimur eius te propitio ac donante apud clementiam tuam semper precibis adiuvemur.

652 Pietatem tuam petimus sempiterna Trinitas Deus et sancti tui Matthiae apostoli et martyris venerantes agonem supplices imploramus ut preces omnium peccata dimittas atque ita tibi sit offerentium devotio placita ut defunctis etiam requies praestetur aeterna.

652 Reple nos Domine tuae pacis et dulcedinis dono ut qui in hoc die amabiliter martyris tui Matthiae apostoli veneramur triumphum martyriali proficiamus affectu et quia eidem Sancto tuo impendimus obsequelae honorem eius precibus per te fructificemus in caritate.

653 Dignum et iustum est aequum et salutare est te inconfusa Trinitas et unius essentiae indivisa maiestas Deum Patrem et Filium et Spiritum Sanctum fontem beatitudinis aeternae laudare quem scimus nullius servitutis obsequiis indigere per quem beatissimus martyr tuus Matthias apostolus errores sapientia vicit terrores patientia superavit et idcirco tam magnum tamque magnificum est quod fecit. Secutus quippe agnum leonem vicit quando persecutor saeviebat leo fremebat. Sed quia agnus sursum attendebatur leo deorsum contemnebatur. Ipse enim intuebatur qui mortem morte destruxit in ligno pependit sanguinem fudit mundum redemit. Cui merito omnes Angeli et Archangeli non cessant clamare ita dicentes.

653 Vere sanctus et vere benedictus Dominus noster Iesus Christus Filius tuus qui hodierno die animam sui testis Matthiae apostoli devicto mundo evexit in caelum. Ut quae fuerat afflicta suppliciis gaudiis frueretur aeternis. Et quae dominicae imitatrix exstiterat passionis caelestis esset passionis particeps regni. Huius proinde meritis Deus summe terminum pone delictis et finem scandalis. Ut qui martyris tui Matthiae apostoli veneratores exsistimus remotis adversitatibus imitatores effici mereamur.

653 Haec tibi Domine tua servantes praecepta in altare tuum panis ac vini holocausta proponimus et in commemoratione Sancti tui Matthiae apostoli suscepta populi tui per has oblationes te iubente vota deferimus non nostris meritis sed obsequio suscepti officii rogantes profussisimam tuae misericordiae pietatem omnipotens Deus ut eodem spiritu quo te in carne virginitas incorrupta concepit has hostias Trinitas indivisa sanctificet.

653 Deus qui in sancti tui Matthiae apostoli corde flammam accendisti dilectionis tuae da mentibus nostris eadem fidei caritate fervere. Ut in cuius guademus triumphis eius provocemur exemplis ad te proclamantes e terris.

654 Humiliate vos benedictioni. Dominus sit semper vobiscum.

654 Precibus iusti sui Matthiae apostoli vos Dominus ab omni reatu vestro iustificet. Illius quoque vos efficiat imitari virtutem ad cuius dedicandam sollemnitatem vestram excitavit devotionem. Ut participes vos ei in illa aeternitate reddat in munere cuius amabiliter hic prospicit celebrare sollemnitatem.

654 Per misericordiam ipsius

654 Gustate et videte

654 Refecti Christi corpore

654 Domine Deus omnipotens qui es vita Gustate qui veni ad me

654 Repletum est cor

654

654 Sit dies haec nobis festa fratres sit sacratum gaudium quod cara duorum pectora fratrum fida sibi sodalitate coniuncta et in caelestis tirocinii pompa felicibus armis instructa et hostem vicere simul et mortem. Nunc nobis illud par nobile in precibus Emeterius et Celedonius suffragetur qui sibi regnum caelorum quaesierunt meritis tormentorum quorum corpora aeternis titulis vivacis memoriae consecrata Calagurritana custodit ecclesia. Et licet sacrarum passionum monumenta non exstent tanto tamen beatissimis martyribus plus honoris accidit quod persecutores sui maiorum virtutum prodi gesta timuerunt in promptu est enim fidelibus aestimare cuius fuerint passiones illae meriti quas peccavit gentilitas publicari. Non illas paginas neglegentia perdidit nec casu abolevit nec vetustas curiosa corrupit sed malitia persecutoris invidit. Non est usitatum profecto nec sollemni ac simplici peractum passione martyrium quorum prodi in posterum a gentibus formidatur exemplum sed prodeunt haec erubescentibus scriniis supressa monumenta et fidelis in conscientiis posterorum fama testatur plus quodammodo loquens tacendo et silentii sui habens testimonia maiora quam vocis.

655 Per misericordiam tuam

655 Adestote nunc gloriosissimi Christi testes anniversariis sacris rite solvendis et solitae dignationis intuitu inter mysteria vos dicanda miscete. Sedis enim vestra omne quod sacratum est et in omni ecclesia patrius incolatus. Peculiarem ergo a Christo Domino charismatum promeriti gratiam peculiarem nobis exhibete tutelam ut hic ubi fidelium effluunt lacrimae et pro remedio murmura silenda funduntur non diu graves incumbant gemitus nec suspiria iugiter trahenda perstridant. Hic non longis precibus curas secludat anxius et languorem deponat infirmus hic daemones non totis viribus saeviant et si quando maiore furore se efferunt conflictu minore vincantur. Per vos Ecclesia Domini credentes omnes aut pietatis gremio ambiat aut fortitudinis robore custodiat.

655 Suscipite gloriosissimi martyres sancti offerentium nomina sancto altario recitata et horum devotionem auribus divinae pietatis ingerite atque pro eisdem affectu intensissimo Trinitatis omnipotentiam implorate ut nomina suorum coram altario recensita viventium inserat libro septeni signaculis praesignato eorumque oblationem placida serenitate respiciens ratam acceptamque suscipiat pausantium animas requies perpetua teneat offerentes ex fructibus praesenti largitate multiplicet et in futuro aeterna eos remuneratione perlustret.

656 Pax superna quae exsuperas omnem sensum pax quae emissa de excelsis pacificasti cuncta in terris et in caelis discordantium remove furorem dissidentium repelle rancorem insidiantium disturba cogitationes atque ita omnes in una contrahe pace ut omnes sopito rixarum stimulo digne se interserant sollemnitatis praesentis gaudio crudamque simultatis crapulam dolumve reminiscendo ita horreant erubescendo ne repetant iterando. Quatenus paci tuae perpetim inhaerendo in te qui es finis et pax omnium permaneant perenniter habitando.

656 Dignum et iustum est omnipotens Deus noster nos tibi gratias agere et Iesu Christo Filio tuo Domino nostro pro cuius gloriosa confessione beatissimi martyres Emeterius et Celedonius relictis feliciter infelicibus castris ad nova proelia repente conversi sunt quos nec primaeva aetate fides insinuata perdocuit nec divinorum virtus operum nec sacrarum cognitio litterarum sed a te nutu abdito inspiratus martyrii ardor accendit. Deserunt aquilas vexilla convertunt proiciunt pila signa destituunt et ad caelestem procinctum quem prius non noverant incitantur. Primordia in terminis pronunt et quod est finis incipiunt initiis suis perfectionis summam rapiunt et fidem martyrii auspicantur. O vere milites Dei quibus potissimum visum est ictum excipere quam ferire propriis vulneribus corpus hostile perfodere sanguinem consecrare dum funditur animam servare dum perditur pectus protegere dum nudatur consequi gaudia per dolorem victoriam parare per mortem. Vobis ad ista venientibus ille caelestis militiae princeps a quo Iesu Nave est confirmatus occurrit non animo sequendus trepido nec visu addubitandus incerto sed agnitione clarus et nullius metu pavoris adorandus nec interrogandus vobis ostenditur sed credendus. Merito tam cito merito tam fortiter triumphastis numquam enim occumbit victus qui sic procedit armatus. Stupet hic subito hebes et bruta gentilitas ad novas acies veteranos milites advenisse. Mutata stipendia et sacramenta conversa incusat mutatam fidem fidelis infidelitate perfidia versat se variis in diversa consiliis heroas Dei promissis primum aggresura post poenis. Fervet gemino felle accensa vis iudicis gemunt saepius repetita supplicia et reducta sensuum ipsorum excruciabili dilatatione tormenta. Ingeniosae peccantium poenae et recrudescentium cicatricium sensim semper rescissa vestigia. Divisa per momenta cruciatus et miserae neces artificii languore lentatae. Stridula catenarum onera caeci carceris. Profundum paedorem excogitata acuminum stramenta et indormitabilium vexationum inquietam quietem nihil non cruentum in martyres potuit inferre qui suam saevitiam puduit publicare quia novorum martyrum virtus sollemnitate confessionis excessit furiam persequentis. Quamvis autem cauta versutia memoriam monumentorum tentaret abolere non potuit tamen cuncta subtrahere fraudantur annalia mirabilia perseverant delentur paginae mansere virtutes. Servavit fides maiora quam perdidit siquidem post decursas omnium conflictuum quaestiones cum per ultimam sententiam ducerentur tantum videbantur persecutoribus ad supplicium quantum martyribus ad triumphum. In conspectu omnium annulum atque orarium suum ad caelum subvehendum miserunt. Suscipiuntur obsequente flatu in favoris divini testimonio fidelium pignora ferculorum. Rarescunt diu sequentibus oculis stupefacta miracula et evanescente iam summi aeris spatio fraudatur inspectio destituta. Intrant astrorum secreta dignanter suscipienda donaria non pretio aestimanda sed merito. Annulus profert fidei signum orarium confessionis indicium. Martyrii munera utroque testata illud oris hoc cordis quia iuxta divinam sententiam et in corde fides est et in ore confessio. Haec circa martyres nostros dignationis divinae fuere principia sed nunc manent aeternumque manebunt potiora praemia consecuta. Cui merito omnes Angeli et Archangeli non cessant clamare cotidie una voce dicentes.

658 Vere benedictus et sanctus es Domine Deus noster propitiatio fidelium et redemptio animarum. Tu enim sanctus omnia sanctificas et sanctificata ad te conversa perlustras. Quem recte et vere totius caeli militia conclamat Sanctum cuiusque incorruptum ut sancti simus habemus praeceptum. Unde nos tibi rerum conditor quamlibet impuris offeramus hostiam meritis ad instar tui corporis et sanguinis in tuorum tamen gemino martyrum festo precibus deprecamur immensis ut ad tuorum sanctificationem servorum placido et sereno intuitu tuum mereamur cum benedictione respectum.

658 Intuere propitius summe clementissime Deus et de illa aethereae arcis quadriformis machinae sede haec libationum munera vultibus attende serenis geminumque Sanctorum martyrum tuorum Emeterii et Celedonii sacrificium recolens et triumphum haec quae in eorum annuo natali litantur solita benignitate sanctifica. Sit conformis in proprietate nominum corporis et sanguinis Iesu Christi Domini nostri placita acceptaque libatio ut quisque devotionis ausu esum ex his potumve libaverit sentiat promeruisse dignus custodiam languidus medelam contritus consolationem sibimet impertitam.

658 Ecce carorum fratrum sacra sollemnia celebrantes te Deum pietatis intentione rogamus ut quorum conditione corporum Iberam dedicas terram eorum precibus in pace omnem tuo sanguine redemptam tuaearis Ecclesiam quo eisdem suffragantibus a te promereamur audiri a quo praeceptum suscepimus exorandi ut dicamus.

658 Humiliate vos benedictioni. Dominus sit semper vobiscum.

658 Omnipotens Deus ad quem beatissimi Emeterius et Celedonius martyres ob confessionis fideique signaculum orarium atque annulum caelis subvehenda miserunt conservet vos utroque munere gratiarum. Ut per eos et fidei et confessionis virtute pollentes aeterni caelestis patriae habeamini cives quorum hodie geminum festum celebratis ovantes. Quo sicut alumna plebs de eorum gemina susceptione corporum gratulatur sic tota Ecclesia eorum se tuaeri ac defendi patrociniis gratuletur.

659 Per misericordiam ipsius

659 Gustate et videte

659 Refecti Christi corpore

659 Domine Deus omnipotens qui es

659 Repletum est gaudium nostrum

659

660

660 Dabo sanctis meis

660 Hi sunt Domine septem faculae huius Hesperiae finibus inditae ad effugandam eius tetrae noctis infidelitatem caelitus missae. Ob huius ergo muneris gratia a te nobis collata reficiat nos fragrantia odoris evangelicae doctrinae a thymiamate praeceptorum digne redolentium. Ex quo dogmate plenius referti id ipsum corda et mens nostra parturiat quod a te iudicii tempore remunerari merito digna petitio nostra efflagitat.

660 Multam gloriam fecit Dominus magnificentia sua a saeculo dominantes in potestatibus suit homines magni virtute et prudentia sua praediti nuntiantes in prophetis dignitatem prophetarum. Et imperantes in praesenti populo et virtute populi sanctissima verba. In puericia sua requirentes modos musicos et narrantes carmina scripturarum. Homines divites in virtute pulcritudinis studium habentes pacificantes in domibus suis. Omnes isti in generationibus gentis suae gloriam adepti sunt et in diebus suis habentur in laudibus. Qui de illis nati sunt requirunt nomen narrantes laudes eorum et sunt quorum non est memoria. Perierunt quasi non fuerint et nati sunt quasi non nati et filii ipsorum cum ipsis. Sed illi viri misericordes sunt quorum pietas non defuit et cum semine ipsorum perseverant bona hereditas nepotum illorum. Et in testamentis stetit semen illorum et filii illorum propter illos. Usque in aeternum manebit semen eorum et gloria eorum non derelinquetur. Corpora eorum in pace sepulta sunt et nomen eorum manebit in generatione et generatione. Sapientiam ipsorum narrent populi et laudem eorum nuntiet ecclesia. (Eccli 44)

661 Dominus sit semper vobiscum

661 In omnem terram

661 Fratres gratia vobis

661 Si manseritis in me

661 Caeli enarrant

661 Venite benedicti

661 Diem hunc dilectissimi fratres in quo memoria nostrorum vatum excolitur quorum praesentiam nostris urbibus auctoritate Apostolica destinatam fuisse agnoscimus devotis mentibus excolamus. Petentes a communi Domino et Salvatore nostro Iesu Christo ut quorum doctrina occiduae partis illustrata est terra eorum precibus a malis omnibus nostra expientur praecordia.

661 Christe Dei Filius qui per totum mundum discreta praedicantium praesidia mittens hos nostris partibus destinasti Doctores Torquatum videlicet Secundum Indaletium Ctesiphontem Euphrasium Caecilium et Hesychium quorum ignitis praedicationum iaculis error perfidiae Hispaniarum partibus illapsus abscederet exceptionis nostrae suscipe votum et hos nobis praepara in solatium quos Patronos sibi plebs vernula confitetur. Ut quorum praedicatione fidei flamma nostris terris invecta est eorum obtentu et cuncta repellantur incommoda et expiata coram te maneant corpora nostra.

662 Deus Dei Filius cuius nomen mirificum per ora praedicantium dilatatur da nobis Torquati tui precibus et comitum eius ut in odorem unguentorum tuorum post te usquequaque curramus. Qualiter obliviscentes ea quae retro sunt sic ad supernae vocationis bravium praecurramus ut de nominibus nostris caelesti pagina annotatis perenni gaudio exsultemus id nobis specialiter tribuens ut pro defunctis omnibus nos exaudias postulantes.

662 Ingeniti genite Iesu Filius Christe qui septiformi illo gratiarum Spiritu discipulos implens septem nostris partibus tubas septem videlicet Praesules destinare dignatus es qui septiformi gratiarum ubertate repleti caeca partis nostrae vel nubila sui praesentia enubilarent. Da in nobis serenum lumen iustitiae aeterni luminis pacem septenam Sancti Spiritus ubertatem. Quo tuae pacis commodo opulentius pleni gloriosae faciei tuae mereamur praesentia collaetari.

662 Dignum et iustum est nos tibi gratias agere aeterne omnipotens Deus. Cuius gloriosi nominis fidem Doctorum ductiles praeconant tubae et specialium locorum praedicandi privilegio gaudent ex quorum numero hos agnoscimus septem praesulatus gratia praeditos et nostris partibus ab Apostolis destinatos Torquatum videlicet Secundum Indaletium Ctesiphontem Euphrasium Caecilium et Hesychium. Quos ob fidem catholicae institutionis tradendam institutio Apostolica in Hispaniis destinat. Quorum properatio gloriosa et nostris urbibus iam vicina eo nos gaudiorum innovat cultu quo miraculorum est acta proventu. Nam dum missis discipulis in huius urbis convicinitate escarum emi parum aliquid praecepissent agunt asseclae praecepta sibi quae iussa sunt. Sed ecce subito dum idolis homines sacrificare conspiciunt agniti a perfidis religionis patulo cultu fervido cursu usque ad fluvium perfidorum turba prosequitur. Pons illic antiquo mole constructus dat utrisque partibus terminum. Nam ad instar antiquae historiae cum transfretanti Israel mare Rubrum salutis iter porrigitur sic nunc fugientibus discipulis beatorum pons ipse subito miraculo intercedente dissolvitur et fugientes Sanctorum populos salvans persequentes prorsus perfidos labiles mergit in undas. Illic ad transitum Israel unda maris dividitur hic ad salvandos Christi famulos ingentis molis constructura resolvitur. Illic marinis solum fluctibus persequentes intereunt hic persecutorum cunei dissoluta pontis mole in fluminis alveo dimerguntur. Illic Aegypti cum curribus suffocantur hic perfidi cum lapidibus submerguntur. Illic Israelitae dimersis hostibus in profundum Deo laudis canticum promunt hic simili laetitia populus gratulatur hymnum tibi cum sanctis Angelis et Archangelis proclamans atque dicens.

663 Vere sanctus vere benedictus Dominus noster Iesus Christus Filius tuus qui discreta terris beneficia tribuens nostrorum finium oblivisci non passus est cum sic septeno Pontificum documento nos imbuit ut septiformi gratia innovati has hostias illi pro tantis beneficiis exhibeamus devoti.

663 Deus omnipotens qui ad salvandum partis nostrae conventum septem misisti specula Sacerdotum eisdem intercedentibus Spiritum sanctum de tuis sanctis sedibus mitte quo et oblatis hostiis sanctificationem et nostris pectoribus profusissimam impertias sanctitatem.

663 Ecce dilectissimi fratres mecum oculos in sublime attollite hoc a Domino specialiter precaturi ut qui gratia fidei christianae cor beatae Lupariae dignatus est illustrare repente nos in hoc momento ab omni criminum labe dignetur efficaciter expurgare proclamantes ad te e terris atque dicentes.

664 Vicit leo

664 Humiliate vos benedictioni. Dominus sit semper vobiscum.

664 Christus Dominus qui septeno Praesulum numero occiduam partis plagam dignatus est visitare clementer ipse vos praesentia suae maiestatis illuminet. Qui hos ad salvationem destinavit Hispaniae ipse vos eorum praedicamentis simul et precibus dignetur luminosos efficere. Ut quorum praedicamenta suscipitis quorumque nunc memoriam facitis eorum post transitum participium habeatis.

664 Per misericordiam ipsius

664 Gaudete populi et laetamini

664 Refecti Christi corpore

664 Domine Deus omnipotens qui es vi.

664

664 Dicite in nationibus alleluia Dominus regnavit a ligno alleluia et correxit orbem terrae alleluia alleluia

664 Cantate Domino canticum novum cantate Domino omnis terra

664 Christe Dei Filius in cuius nomine per Crucis mysterium omne genu flectitur da nobis in Cruce tua copiosius exsultare. Ut in eius victoria et illaesi mare saeculi transeamus et ad te coronandi post nostrum transitum accedamus.

664 Per misericordiam tuam

664 Ego Iohannes fui in spiritu et ostendit mihi Dominus (Ap 22)

664 Dominus sit semper vobiscum. Et cum spiritu tuo.

664 Dominus regnavit a ligno aeternum correxit orbem terrae qui non commovebitur

665 Laetentur caeli et exultet terra

665 Silentium facite.

665 Aperiens Petrus os suum dixit. In veritate comperi quoniam non est personarum acceptor Deus sed in omni gente quae timet eum et operatur iustitiam acceptio est illi. Verbum enim suum misit filiis Israel enuncians pacem per Iesum Christum hic est enim omnium Dominus. Vos autem scitis quod factum est verbum per universam Iudeam incipiens enim a Galilaea post baptismum quo praedicavit Ioannes Iesum Nazareth quomodo unxit eum de Spiritu Sancto et virtute qui pertransiit benefaciendo et sanando omnes oppressos a diabolo quoniam Deus erat cum illo. Et nos testes sumus omnium quae fecit in regione Iudeorum et Ierusalem. Quem occiderunt suspendentes in ligno. Hunc Deus suscitavit tertia die et dedit ei manifestum fieri non omni populo sed testibus preordinatis a Deo nobis qui manducavimus et bibimus cum illo postquam resurrexit a mortuis per dies quadraginta. Et praecepit nobis praedicare populo et testificari quia ipse est qui constitutus est a Deo iudex vivorum et mortuorum. Huic omnes prophete testimonium perhibent remissionem peccatorum accipere in nomine eius qui credunt in eum. Adhuc loquente Petro verba hec cecidit Spiritus Sanctus super omnes qui audiebant verbum et obstupuerunt qui erant ex circumcisione fideles qui venerant cum Petro quia haec in nationes gratia Spiritus sancti effusa est. Audiebant illos loquentes linguis et magnificantes Deum. Tunc respondit Petrus. Numquid aquam quis prohibere potest ut non baptizarentur hi qui Spiritum Sanctum acceperunt sicut et nos Et iussit eos in nomine Iesu Christi baptizari. Tunc rogaverunt eum ut maneret apud eos aliquot diebus. Audierunt autem apostoli et fratres qui erant in Iudea quoniam et gentes receperunt verbum Dei et honorificabant Deum. (Act 10)

665 Dominus noster Iesus Christus perambulabat Hierico

665 Dominus sit semper vobiscum. Et cum spiritu tuo.

665 Tu es crux fidelis in qua pependit salus nostra

666 Haec dicit Dominus qui erat et qui est

666 Hierosolimis inventio sanctae Crucis ab Helena regina sub Constantino imperatore cuius et ipsa extitit mater. Inventionis autem preciosi ligni historia cognitu digna ita se habet. Adrianus qui undecimus Cesar et imperator Romae erat estimans se fidem christianam loci iniuria perempturam in loco passionis simulacrum Iovis consecravit et Bethlehem Adonidis fano profanatus est ut quasi radix et fundamentum Ecclesiae tolleretur si in his locis idola colerentur in quibus Christus natus est ut pateretur passus est ut resurgeret. Surrexit ut regnaret. Iudex vel rex ut iudicaret.

666 Helena tamen Regina divinis admonita visionibus Hierosolimam petiit atque ibi locum in quo sacrosanctum corpus Christi patibulo affixum pependerat ab incolis perquirit qui idcirco ad inveniendum difficilis erat quia ab antiquis persecutoribus simulacrum in eo Veneris fuerat defixum ut siquis christianorum in loco illo Christum adorare voluisset venerem videretur adorare et ob hoc infrequens et pene oblivioni datus fuerat locus. Sed cum ut supra diximus religiosa femina properasset ad locum caelesti sibi iudicio designatum cuncta ex eo prophana et polluta deturbans in altum purgatis terrae sordibus tres confuso ordine reperit cruces.

666 Deus amplius ineffabilis quam inestimabilis concede nobis unde te existimemus quantum de te natura humana sufficit et enarrare possimus. Aspira placatus votis et sacrificiis omnium. Et qui in die Crucis et passionis tuae sanctorum quiescentium de sepulcris corpora suscitasti non permittas ab inferno inferiori fidelium animas detineri sed in tuorum requie electorum facias collocari.

666 Christe Domine Dei atque hominum mediator qui per sanguinem Crucis tuae cuncta quae in caelis et quae in terris sunt pacificare dignatus es. Hoc per tropheum passionis tuae tua pietas egit quod et initio tuae secundum carnem nativitatis angelus nuntiavit omnisque caelestis exercitus proclamavit. Gloria semper Deo in excelsis et in terra pax hominibus bone voluntatis. Hoc et post triumphum Crucis tua placabilitas suis et commendavit discipulis et donavit. Ut in hoc hominibus tui ministri apparerent si perfectam pacem et concordiam invicem custodirent. Praesta igitur Domine ut ii qui vexillum crucis tuae in frontibus gestant puram atque sinceram cum fratribus retineant caritatem et nos in osculo sancto digneris reconciliare perenniter.

667 Dignum et iustum est aequum vere et salutare est nos tibi gratias agere Domine sancte Pater aeterne omnipotens Deus tibi sacrificiorum vota persolvere te in laudis praeconio indesinenter attollere et in conspectu admirande clementie tuae preteritorum temporum acta recolere. Ac de utriusque Ade illius scilicet habitatoris paradisi et istius redemptoris humani generis exempla proponere. Ille quidem prior iste melior. Ille terraenus iste caelestis. Ille de limo fictus iste de verbo conceptus. Tunc diabolo suadente Eva decipitur nunc angelo nunciante Maria clarificatur. Tunc per invidiam serpentis homo qui creatus fuerat perimitur nunc per misericordiam redimentis homo qui perierat liberatur. Ille per transgressionem legis paradisum amisit iste per passionem Crucis mundum adquisivit. Ille per indicte arboris gustum mortem incurrit iste per gloriose Crucis triumphum mortem devicit. Ille post admissum peccatum sub arbore absconditur iste propter delictum nostrum in Cruce levatur. Tunc post vetite arboris contagionem sol meridiae friguit nunc in nostrae Crucis manifestatione medio die sol occidit. Tunc homo mandatum non custodiendo de paradiso pellitur nunc latro Christum confitendo in paradiso introducitur. Unde rogamus et supplices quesumus clementissime Pater per inclite Crucis inenarrabile sacramentum per Domini nostri Iesu Christi filii tui ammirabile regnum in hodiernum diem in quo Crucis eius festivitatem inventionis celebramus nos cum leticia spiritali et modesta exultatione peragere concedas et inter caelestium virtutum laudes humilitatis nostrae voces suscipias supplici confessione dicentes.

668 Vere sanctus et benedictus Dominus noster Iesus Christus filius tuus. Qui se pro peccatis nostris crucifigendum impiorum manibus tradidit qui proprias manus in Cruce pro nobis extulit. Qui principatum et adversas potestates per Crucis mysterium abdicavit ac totius humani generis delicta in ipsa Cruce transfigens tibi se immaculatam hostiam obtulit et a nobis exiguis servis pro sui commemoratione indesinenter offerri precepit. Ipse Dominus ac redemptor aeternus.

668 Meminimus quidem omnipotens Pater et fideli mente retinemus Domini nostri Iesu Christi filii tui traditum nobis nativitatis eius innenarrabile sacramentum preclarum devicta per Crucem morte triumphum atque gloriosum ad caelos post Crucis passionem ascensum. Credimus etiam immensum et incomprehensibile consempiternum tecum eius et consubstantiale principium ipsum quoque venturum confitemur iudicem mortuorum atque viventium. Unde quesumus tremende clementissime Pater ut hanc hostiam in similitudinem corporis et sanguinis eius tibi oblatam per signum Crucis sanctifices et benedicas in signum Crucis suscipias et assumas nobisque famulis tuis eiusdem Crucis vexillo prenotatis placatus distribuas et benignus impercias.

668 Gratias tibi agimus omnipotens aeterne Deus et Domino nostro Iesu Christo filio tuo. Qui nos per sanguinem Crucis suae redemit qui pro delictorum nostrorum indulgentia ad te de Cruce clamavit. Qui discipulos suos antequam ad Crucis passionem veniret sic docuit orare et dicere.

668 Vicit leo de tribu Iuda radix David alleluia.

669 Humiliate vos benedictioni. Dominus sit semper vobiscum.

669 Christus Dominus qui extensis manibus pependit in ligno omni vos purificet a delicto. Repleatque vos vino prudentiae qui aceti poculum bibit appensus in Cruce. Ut per Crucem crucifixi solemnitatem inventionis sancte Crucis celebrantes nunc et in aeternum salvemini.

669 Per misericordiam ipsius

669 Gaudete populi et laetamini

669 Refecti Christi corpore

669 Christe Iesu qui mortalitatis nostrae forma suscepta mortis nostrae et Crucis voluisti sustinere iniuriam da nobis ut Crucis tuae munimine circumsepti devincamus omnes laqueos inimici.

669 Per misericordiam tuam

669 Sollemnia completa sunt in nomine Domini nostri Iesu Christi votum nostri sit acceptum cum pace.

669

670

670 Dabo vos nominatos in gloria alleluia in omnibus diebus vitae vestrae alleluia alleluia.

670 Benedicti vos a Domino qui fecit caelum et terram

670 Omnipotens sempiterne Deus praesta nobis ut obtentu beatorum martyrum tuorum Adriani atque Nataliae salvemur in mundo qui repausatio sanctis tuis exstiterunt in ergastulo. Et qui plagis beatorum exhibuerunt diligentiam peccantibus curam prorogent indefessis.

670 Per misericordiam tuam

670 Datio Dei permanet iustis et profectus illius successus habebit in aeternum. Mulieris bone beatus vir numerus annorum eius inestimabiles. Mulier fortis oblectat virum suum et annos vitae illius in pace implebit. Pars bona mulier bona in parte bona timentium Deum dabitur viro pro factis bonis. Gratia mulieris sedule delectabit virum suum et ossa illius impinguabit. Disciplina illius datum Dei mulier sensata et tacita non est immulatio erudite anime. Gratia super gratiam mulier sancta et pudorata omnis autem ponderatio non est digna continentis anime. Sicut sol oriens in mundo in altissimis Dei sic mulier bona species in ornamento domus est. Lucerna splendens super candelabrum sanctum species faciei super aetatem stabilem. Columne aureae super bases argenteas et pedes firmi super plantas stabilis mulieris. Fundamenta aeterna super petram solidatam et mandata Dei in corde mulieris sancte. (Eccli 11 26)

671 Dominus sit semper vobiscum. Et cum spiritu tuo.

671 Mirabilis Deus in sanctis suis

671 Manda Deus virtutem confirma Deus quod operatus es

671 Silentium facite.

671 Debitores sumus non carni

671 Nihil opertum

671 Dominus sit semper vobiscum. Et cum spiritu tuo.

671 Ambulabunt sancti in albis quoniam digni sunt et non delebo nomina eorum de libro vitae.

671 Regnum et potestas et magnitudo regni dabitur populo sanctorum alleluia

671 Consurget Michael princeps magnus et salvabitur omnis qui inventus fuerit in libro scriptus et qui ad iustitiam erudiunt multos fulgebunt quasi stellae in perpetua aeternitate pertransibunt plurimi et multiplex erit scientia populo sanctorum.

671 Adriani beatissimi atque Nataliae dilectissimi fratres hodierno die et praedicanda nobis et assequenda exempla sunt qui conceptu Sancti Spiritus pleni dum concessa inter se coniugii connubia servant Christo nupturi spiritalem thalamum in suis cordibus parant cum et in illo gloria fuerit dimicandi et in illa felicitas obsequendi. Illum fidelis virorum turba concelebret hanc femineus chorus hymnidicet. Illum viri ad vincendum in sui imitatione proponant hanc feminae in obsequendo imitabilem habeant. Sit in illo viris exemplum contemnendi humana sit in hac feminis famulandi probitas assequenda. Per illum viri assuescant mundum despicere per istam doceantur feminae suis viris obtemperare. Discant per illum viri subire certamina passionis discant per istam feminae oboedire passuris. Quorum utrorumque exemplis incitati atque virtutibus et per illum superemus vitia per quem devictae sunt poenae et per istam obsequii capiamus mercedem per quam Sanctorum curatae sunt plagae.

672 Aeterne ac inaestimabilis Deus summe in quo beatissima famula tua Natalia vehementi gaudio exsultavit cum sibi coniunctum beatissimum Adrianum ad te conversum tota fidei devotione cognovit tu nos in te credentes ac de te sperantes utrorumque precibus salva utrorumque etiam suffragatione iustifica. Ille nos exemplo suo fortiores efficiat haec et curandos regat et curatos sibi exhibeat. Per illum torpens ad virtutem animus excitetur per haec vulnerum abdita medeantur. Suscitandos ille suscipiat quos visitandos ista custodiat. Ille curatis gloriam haec curandis adhibeat medicinam. Colligat ille quos ista non reprobet curetque ista quos ille glorificet. Quo per utrosque sic curandis adhibeatur salvatio ut curatis donetur aeternae gloriae plenitudo.

672 Iesu Dei Patris Filius qui es et victoria martyrum et corona victorum in hoc sanctorum tuorum Adriani atque Nataliae festo concede offerentibus indulgentiam pro delIctis et sepultis beatorum adunari consortiis. Ut tam nos quam illi cum eis in futura vita mereamur habere partem cum quibus idem tuus beatissimus Adrianus a gentili conversus errore suam voluit annotari professionem.

672 Deus qui beatos martyres tuos Adrianum atque Nataliam coniugali foedere copulatos ad tantam gloriam provexisti ut et ille patiendi munere et haec locupletaretur obsequendi mercede praesta nobis ut devictis vitiorum carnalium incentivis atque perfecte coram te exhibentes nostrae mysterium servitutis muneribus ditemur a te pacis aeternae atque dulcedinis. Quo ita tibi placabiles simus caritatis ex opere ut illic post transitum qua idem sancti requiescunt iucundemur in pace.

673 Dignum et iustum est nos tibi semper gratias agere Domine sancte Pater aeterne omnipotens Deus per Iesum Christum Filium tuum Dominum nostrum. Qui beatissimo Adriano cum suis sociis et certandi confidentiam et remunerationis exhibuit gloriam quique tanto fidei ardore arcanum pectoris famulae suae Nataliae illustravit ut quae non excepit martyrium martyrii tamen consequi mereretur effectum cum martyrium quod perferri ab hoste non timuit ceteris sanctis praedicationis verbo amabile fecit. Illa quippe dum pietatis exhibuit cultum pietatis capit praemium. Et dum miserationis impendit solatium ad misericordiae pervenit usque effectum quia quibus quantisque compassionis atque solatii exhibuit verbum cum tot tantisque commune creditur suscepisse martyrium. Ac proinde digna et venerabilis femina sanctis omnibus obsequens cum omnibus patiens cum omnibus gaudens communiterque cum omnibus regna caelestia tenens exaudiatur pro nobis a te Deus Pater clemens atque sanctissime. Quo per eam et facinorum careamus illecebris et regnum teneamus cum tuis omnibus sanctis. Cui merito omnes Angeli et Archangeli Throni Dominationes et Potestates non cessant clamare atque dicere.

673 Vere sanctus vere benedictus Dominus noster Iesus Christus Filius tuus qui ita fervore ignis sui sanctorum corda inflammat ut sit illis omne quod cupiunt licitum liceatque eis implere quod cupiunt dum ea cupiunt implere quae sancta sunt. Etenim Natalia sanctorum vulnera curans eorumque in passionibus non in crudelitate sed compassione exsultans cum per ultimam mortis sententiam Adrianus cum sociis suis passuri essent lethale exitium cucurrit illa ad virum et desectam corporis eius manum sibi amoris usurpavit in signum ut ea pars membri in qua significabatur effectus operis esset illi pro mentione in solatio caritatis quo per hanc amor viri semper in eius viveret corde et veram quodammodo eius praesentiam retineret. Sit ex hoc gloria tibi Pater omnipotens qui tot beneficia ancilla tuae erga sanctos exhibita remuneraturus aspiciens lacrimisque eius ineffabili pietate respondens illorum eam glorioso coetui aggregasti quorum idem hic degens plagis curationem exhibuit.

674 Has tibi Domine in sollemnitate tuorum sanctorum Adriani atque Nataliae victimas offerentes acclini te supplicatione rogamus ut eorum intercedentibus meritis des veniam nostris peccatis ac benedictionem his impertias sacrificiis quo exemplo Nataliae quae viri sui sanguine se laetabatur perunctam nos quoque de corpore et sanguine Unigeniti Filii tui libantes consecutos nos gaudeamus Spiritus unctionem internam et misericordiam copiosam.

674 Deus qui peccatores sine merito salvas et iustos ex gratia praecedente glorificas quique Adrianum ex infidelitate revocasti ad fidem et Nataliam obsequiali coronasti ex munere nostris quaesumus in eorum festo et iniquitatibus parce et spiritali nos ardore succende. Quo spiritaliter accensi in intimis ad te proclamemus e terris.

674

674 Humiliate vos benedictioni. Dominus sit semper vobiscum.

674 Omnipotens Dominus respiciat vota vestra qui Adrianum martyrii palma et Nataliam obsequendi glorificavit ex gratia. Illorum quoque vos suffragio tuaeamini quorum plagis Natalia famulatus sui dependit obsequio. Ut praesentis diei sollemnitate ovantes et hic et in futuro eorum gaudii mereamini esse participes.

675 Per misericordiam ipsius

675 Gaudete populi et laetamini

675 Refecti Christi corpore

675 Domine Deus omnipotens qui

675

675 Dominus regnavit

675 Per omnia semper saecula saeculorum

675 Gloria. Benedictus Dominus Deus Israel

675 Domine Deus qui adventum unigeniti Filii tui Ioannem puerum praecurrere voluisti ut missus a te viam Christo incredulorum cordibus praepararet et sanando contribulatos corde et caecis restituendo luminis claritatem. Suffragio eius et caecitatem cordis nostri illumina et tribulationes cordium nostrorum in aeternum gaudium muta ut qui in nativitate unigeniti Filii tui gaudio christiano attollimur in adventu iudicii eius nullis paenarum vinculis contristemur.

675 Per misericordiam tuam

675 Consolamini consolamini popule meus dicit Dominus Deus vester. Loquimini ad cor Ierusalem et vocate eam quoniam completa est malitia eius dimissa est iniquitas illius. Suscepit de manu Domini duplicia pro omnibus peccatis suis. Vox clamantis in deserto parate viam Domino rectas facite semitas Dei nostri in solitudine. Omnis vallis exaltabitur et omnis mons et collis humiliabitur. Et erunt prava in directa et aspera in vias planas. Et revelabitur gloria Domini et videbit omnis caro pariter quod os Domini locutum est. Vox dicentis clama et dixi. Quid clamabo Omnis caro fenum et omnis gloria eius quasi flos agri. Et siccatum est fenum et cecidit flos. Verbum autem Domini Dei nostri stabit in aeternum. (Is 40)

676 Dominus sit semper vobiscum. Et cum spiritu tuo.

676 Expectabam Deum qui me salvum fecit a defectione et tempestate

676 Ecce elongavi fugiens et mansit in solitudine

676 Silentium facite.

676 Obsecro vos ego vinctus in Domino ut digne ambuletis vocatione qua vocati estis. Cum omni humilitate et mansuetudine. Cum patientia supportantes invicem in charitate soliciti servare unitatem spiritus in vinculo pacis. Unum corpus et unus spiritus sicut et vos vocati estis in una spe vocationis vestrae. Unus Deus una fides unum baptismum. Unus Deus pater omnium qui super omnes est et per omnia et in omnibus vobis. Unicuique autem vestrum data est gratia secundum mensuram donationis Christi in qua ipsi vocati estis. Propter quod dixit. Ascendens in altum captivam duxit captivitatem dedit dona hominibus. Quod autem ascendit quid est nisi quia et descendit primum in inferiores partes terrae. Qui descendit ipse est et qui ascendit super omnes caelos ut adimpleret omnia. Et ipse dedit quosdam quidem apostolos quosdam autem prophetas alios vero evangelistas alios autem pastores et doctores ad consummationem sanctorum in opus mysterii in aedificationem corporis Christi. Donec occurramus omnes in unitatem fidei et agnitionem filii Dei in virum perfectum in mensuram etatis plenitudinis Christi. (E 4)

676 Initium sancti Evangelii Iesu Christi Filii Dei

676 Dominus sit semper vobiscum. Et cum spiritu tuo.

677 Laudem Domini loquetur os meum et benedicat omnis caro nomen canstum eius

677 Vox clamantis in haeremo parate viam Domino rectas facite semitas Dei nostri alleluia alleluia

677 Alleluia. Spiritus Domini super me propter quod unxit me evangelizare hominibus misit me sanare contribulatos corde praedicare captivis redemptionem et caecis lumen reddere dicens

677 Universitatis potentissimum Creatorem fratres carissimi congregati sollemniter adoremus et praedestinati populi benignissimum Patrem coram ipso humiliati salubriter invocemus ut pro malis sicut solet bona retribuat et fideles suos in quacumque die tribulanter exaudiat nec permittat innocentes sub calumniis laborare sed dignetur universos velociter evadere donet regibus cum mansuetudine et veritate iustitiam largiatur populis cum tranquillitate concordiam servientes sibi dominos sine iracundia dominari conveniat ut vicissim servos ad oboediendum sine murmuratione compellat exhortetur etiam divites non amare divitias perituras sed per bona opera delectentur acquirere sempiternas. Ipse pauperes pascat ipse nudos vestiat ipse non habentes auxilium protegat. De conclusione captivitatis exsules reddat et de domo carceris suspirantes in vinculis liberet. Sit pupillis cotidianus adiutor sit benignus et misericors viduarum lacrimantium consolator. Beneficia pluviarum consueta non auferat ut inebriata terra pinguescat. Faciat nos in oratione promptissime vigilare et hoc sacrificium in remissionem peccatorum frequenter offerre.

677 Deus qui praesentium hominum vitam agnoscis diversarum necessitatum passiOnibus subiacere exaudi desideria supplicantium suscipe vota credentium. Si carorum salitem aut cordis aget morbus aut corporis manus medica dolorem maesti pestem pellat aegroti. Si iudicis aut ira vexat aut odium adsit potentia mitigatura praelatum liberatura subiectum. Si ad litem publicam discordes funesta intentio vocat dissidentium animos pax amica praeveniat. Si terreni itineris subeunda vexatio est angelum decerne custodem. Abigat daemones praedam bestiae errorem viae casum foveae insidias furis vim latronis. Si adire maria navigaturus exoptat tu invisibilis gubernator beneficio sentiendus ingredere ut nec mentem in peccatum cupiditas lucro praecipitata demergat nec navem in profundum tempestas vento excitata dissolvat. Tunc enim felicem substantiam pensabit quaestum si innocentia non fuerit passa naufragium.

678 Precamur Domine sancte Pater aeterne omnipotens Deus qui omnium corda perscrutas et vota perpendis ut non solum proditis petitionibus verum etiam occultis desideriis nostris benignus faveas et adesse digneris. Ad quaecumque enim poscenda concurrimus universa priusquam loquamur intelligis. Offerimus itaque obsecrationes nostras pro egestate inopum pro laboribus pupillorum pro iniuria vinctorum pro securitate viantium pro consolatione et requie fidelium defunctorum et pro his qui sulcandum navibus aequor arripiunt ut reddantur in adverso securi. Febres omnes passionesque a languentibus excludantur nec in aliquos inmundi spiritus tentatio potestatem accipiat sed cunctis caelesti protectione defensis salutaris tui medicina subveniat.

678 Deus qui dum sublimia deitatis ascendis observare nos pacem auctoritate evangelica praecipis da nobis placidus pacem tuam ut dum discordiae prona fugimus caelorum ardua conscendamus.

678 Dignum et iustum est nos tibi gratias agere Domine Deus noster qui labentem animam et antiquo ulceris dolore confectam non solum ad amissam revocas dignitatem et in pristino nitore restauras sed etiam in partem gloriae caelestis admittis donando culpam praevaricationis et remittendo perpetuae iniuriam mortis. Qui ut ista praestares non te nostrae parvitatis officiositas sed illa ingenitae bonitatis consuetudo commovit. Tu igitur vinctum afflictumque hominem captivitate depulsa libertati donasti et obnoxium lege moriendi vicario munere redemisti mittendo unicum Filium tuum Dominum nostrum qui compensatione commercii dum nos liberare contendit suum sanguinem fudit ita caelestis dignitas dum nos indignos prospicit contumeliis addicta subiacuit omnique se iniuriae subdidit dummodo hominem quem in nascendo susceperat moriendo servaret. Per quem te quaesumus et rogamus ut intendas super haec munerum sincera libamina quae in hoc altare tuum sacrificiorum more detulimus ut in conspectu tuo offerentium vota custodias et ut verus sacerdos veram hostiam meritis caelestibus benedicas ac de his temporalibus cibis immortalitatis sacramenta componas quae suae suavitatis gratia infirmitates corporum et languores compescant animarum. Per Dominum nostrum Iesum Christum Filium tuum cui merito omnes angeli atque archangeli non cessant clamare ita dicentes.

679 Vere sanctus atque in excelsis mirabilis Dominus noster Iesus Christus Filius tuus per quem tibi Deus Pater omnipotens famulantes offerimus sacrificium laudis et simplicem cordis nostri devotionem. Non enim hic horrido mugitu pecudum tristis hostia aut taurus occiditur aut hircus de gregibus immolatur sed hostia quam verus Dominus et sacerdos instituit omnipotens.

679 Altare tuum Domine manus tuae consecratione sanctifica teque ipsum mentibus nostris laetitiae et gratiae spe resurrectionis ostende omnibus tibi servientibus vota quae acceptare digneris inspirando largire populum tuum placabilis respice atque ad partem gratiae salutaris admitte confitentibus parce laetantibus fave ac tristes per indulgentiam consolare.

680 Orationem dicturi dominicam fratres carissimi nihil nostris mentibus cogitatio terrena subripiat nihilque turpe vel lubricum horrendae vanitatis occurrat sed paenitentes de praeteritis et petentes veniam de futuris cum timore et fiducia clamemus e terris.

680 Humiliate vos benedictioni. Dominus sit semper vobiscum.

680 Benedictionis Domini gratia vos semper protegat et ab omni malo defendat. Mundet vos Dominus ab omni crimine peccatorum et sibimet placere faciat in aeternum. Ubique vobis Dominus placatus occurrat et suae benedictionis opem dignanter attribuat.

680 Per misericordiam ipsius

680 Gustate et videte

680 Refecti Christi corpore

680 Credimus Domine Iesu quod praecursor tuus Ioannes quod prophetae in enigmate prophetaverunt ipse digito ostendit dicens. Ecce Agnus Dei ecce qui tollit peccatum mundi proinde quesumus et rogamus ut qui primi adventus tui venturum tempus praedicavit in secundi adventus tui tempore dum iudicare veneris vivos et mortuos nos ad dexteram tuam coronandos statuas.

680 Per misericordiam tuam

680 Missa acta est in nomine Domini nostri Iesu Christi perficiamus cum pace.

680 Angelus Domini dixit Zachariae alleluia ecce Elisabeth in utero accipiet alleluia et pariet filium et nomen eius Ioannes vocabitur alleluia alleluia

680 Tu puer propheta altissimi vocaberis praeibis enim ante faciem Domini parare vias eius

680 Gloria in excelsis Deo

680 Deus qui nos in nativitate praecursoris tui Ioannis voluisti gaudere fac nos plenum gaudium a te in futura examinatione percipere. Ut meritis eius qui adventum tuum in spiritu et virtute Eliae praecessisse cognoscitur et hic et in aeternum gaudiis collaetemur.

680 Per misericordiam tuam

681 Priusquam te formarem in utero novi te et antequam exires de vulva sanctificavi te et prophetam in gentibus dedi te et dixi. a. a. a. Domine Deus ecce nescio loqui quia puer ego sum. Et dixit Dominus ad me. Noli dicere quia puer ego sum. Quoniam ad omnia quae mittam te ibis et universa quecumque mandavero tibi loqueris. Ne timeas a facie eorum quia tecum ego sum et eruam te dicit Dominus. Et misit Dominus manum suam ad me et tetigit os meum. Et dixit Dominus ad me. Ecce dedi verba mea in ore tuo et constitui te hodie super gentes et super regna ut evellas et destruas et disperdas et dissipes et aedifices et plantes. Tu ergo accinge lumbos tuos et surge et loquere ad eos omnia quae ego precipio tibi. Ne formides a facie eorum. Nec enim timere faciam vultum illorum. Ego quippe dedi te hodie in civitatem munitam et in columnam ferream et in murum ereum super omnem terram regibus Iuda principibus eius et sacerdotibus eius et populo terrae. Et velabunt adversum te et non praevalebunt quia tecum ego sum ait Dominus ut liberem te. (Jr 1)

681 Dominus sit semper vobiscum. Et cum spiritu tuo.

681 Tu es Domine qui eduxisti me de ventre spes mea ab uberibus matris meae

681 In te iactatus sum ex utero de ventre matris meae tu es Deus meus in te est decantatio mea

681 Repleatur os meum Deus laude tua ut possim cantare gloriam tuam

681 Silentium facite.

681 Notum vobis facio evangelium quod evangelizatum est a me quia non est secundum hominem neque enim ab homine accepi illud neque didici sed per revelationem Iesu Christi. Audistis enim conversationem meam aliquando in Iudaismo quoniam supra modum persequebar Ecclesiam Dei et expugnabam illam et proficiebam in Iudaismo supra multos coetaneos in genere meo. Abundantius emulator existens paternarum mearum traditionum. Cum autem placuit ei qui me segregavit de utero matris meae et vocavit me per gratiam suam ut revelaret filium suum in me et evangelizarem illum in gentibus continuo non acquievi carni et sanguini. Neque veni in Hierosolymam ad antecessores meos apostolos sed abii in Arabiam et iterum reversus sum Damascum. Deinde post annos tres veni Hierosolymam videre Petrum et mansi apud eum diebus quindecim. Alium autem apostolorum vidi neminem nisi Iacobum fratrem Domini quae autem scribo vobis ecce coram Deo quia non mentior. Deinde veni in partes Siriae et Ciliciae. Eram autem ignotus facie ecclesiis Iudeae quae erant in Christo. Tantum autem auditum habebant quoniam qui persequebantur nos aliquando nunc evangelizant fidem quam aliquando expugnabant et in me clarificabant Deum. (G 1)

682 Elisabeth autem impletum est tempus pariendi et peperit filium. Et audierunt vicini et cognati eius quia magnificavit Dominus misericordiam suam cum illa et congratulabantur ei. Et factum est in die octavo venerunt circumcidere puerum et vocabant eum nomine patris eius Zachariam. Et respondens mater eius dixit. Nequaquam sed vocabitur Ioannes. Et dixerunt ad illam. Quia nemo est in cognatione tua qui vocetur hoc nomine. Innuebant autem patri eius quem vellet vocari eum. Et postulans pugillarem scripsit dicens Ioannes est nomen eius. Et mirati sunt universi. Apertum est autem confestim os eius et lingua eius et loquebatur benedicens Deum. Et factus est timor super omnes vicinos eorum et super omnia montana Iudee divulgabantur omnia verba haec. Et posuerunt omnes qui audierant in corde suo dicentes. Quis putas puer iste erit Etenim manus Domini erat cum illo. Et Zacharias pater eius impletus est Spiritu Sancto et prophetavit dicens. Benedictus Dominus Deus Israel quia visitavit et fecit redemptionem plebis suae. Et erexit cornu salutis nobis in domo David pueri sui sicut locutus est per os sanctorum qui a saeculo sunt prophetarum eius. Puer autem crescebat et confortabatur spiritu et erat in deserto usque in diem ostensionis suae ad Israel.

683 Dominus sit semper vobiscum. Et cum spiritu tuo.

683 Suavis sit Deo laudatio mea ego vero delectabor in Domino

683 Sacerdos Zacharias fuit de vice Abia et uxor illi de filiabus Aaron erant enim iusti ambo ante Deum incedentes in omnibus mandatis et iustificationibus Domini sine querela alleluia alleluia.

683 Apparuit Zachariae angelus Domini stans a dextris altaris dicens ne timeas Zacharia quoniam exaudita est deprecatio tua et uxor tua Elisabeth pariet tibi filium et vocabis nomen eius Ioannem et erit tibi gaudium et exultatio et multi in nativitate eius gaudebunt et erit magnus coram Domino.

683 Expectationis nostrae fratres carissimi Dominus Deus noster gaudia desiderata restituens natalem nobis praecursoris sui Ioannis verum lumen lucernae praeeuntis invexit cum festivitate reciprocantium etiam temporum ipsorum vernante laetitia qua se nobiscum in gaudio omnis creatura adventum Domini auditura diffudit. Et qui ad nativitatem praecursoris sui Ioannis annua nos festivitate revocavit ad suum quoque natalem cum profectu totius Ecclesiae suae et defectu nequitiae spiritualis simili dignatione nos provocet. Et qui tanti prophetae ortum prius nobis dignatus est nomine manifestare quam luce et ante ostendere electionis eius quam conceptionis initium supplicibus tribuat servulis adimplere praedicationis ipsius sacratissimum verbum. Quia scilicet praeco mirabilis praeparandus ac praevius prius ab eo praeconium laudis quam viam accipere meruit vocis atque ut ante ortum ab eo ostenderetur laudandus quem post ortum ipse ostenderet laudaturum. Precemur ergo corde prostrato et affectu humiliationis devoto ut aperiat in nobis Dominus Deus noster quidquid in cordibus nostris infidelitas claudit quidquid promissionum eius gratiam obscuritas lubrici timoris intercipit et concedat ut natalis angeli sui ante faciem suam missi os nostrum repleat confessione cor nostrum roboret fide cursum nostrum dirigat voce contemptum mortis instruat veritate agnitionisque innocentiam populo suo ipse impetret qui eum Agnum Dei in populorum exspectatione monstravit. Sit ergo laus eius in ore nostro ut qui vocis sollemnia solvimus verbi munera capiamus.

684 Inter laudes tuas et preces nostras omnipotens Deus interest hodie beatissimi Ioannis praestantissima in gaudiis populorum ordinata nativitas in qua nobis multiplicis gratiae tuae dona venerantibus dum in praeconium vocatur ille qui praestitit in suffragium quaeritur ille qui meruit. Qui nobis naturarum omnium creatorem necdum natus ostendit ut expers vitae suae fieret testis gloriae tuae haberetque prius cognitum lucis Dominum quam communis luminis usum. Qui in illis coagulati corporis rudimentis materni Uteri lege vivescens vocem dominicae matris salutantis exciperet et quodam ministerio devotionis exsiliens motu exsultanter responderet qui ad opus evangelii nasciturus matrem de officio necdum editus commoneret. Qui praedicaturus paenitentiam paternae diffidentiae errorem interceptae vocis dispendio castigaret et dubiae mentis incredulitatem prophetatus clauderet quo venturae salutis fidem prophetaturus aperiret. In huius ergo Domine natalicii diei sollemnitate gaudentes pacificas sacrificiorum tibi hostias immolamus ut sacerdotalis officii functionem sancti angeli visitatione dignatus acceptes faciasque promissa nos credere credita praedicare praedicata non perdere.

684 Christe Iesu qui virginali nasciturus de utero praecursorem tuum Ioannem senili fecisti exoriri ex alvo quem lucernam ardentem tuo constituisti in templo fac nos lucere in Ecclesia tua ardore fidei et instructione docendi caritatis opere et humilitatis perfectione orationis studio et castimoniae documento. Sicque nunc has oblationes offerentis populi fidelis accepta ut cunctis congrua largiaris remedia per eum et spiritale gaudium vivis et poenarum evasionem conferendo defunctis per quem tibi in cordibus incredulorum et via est praeparata et indultae gratiae primordia sunt ostensa.

685 Deus qui nobis per prophetiam praecursoris tui Ioannis obumbratarum significationum figuras aperta veritatis manifestatione monstrasti tribue nobis intelligentiae lumen et pacis perpetuae claritatem ut gratia succedente pro gratia sic gloriemur in novis ut in caritatis unitate constituti non abutamur antiquis dissensionibus.

685 Dignum et iustum est omnipotens Pater tibi gratias agere qui humanae salutis ita ex prima conditione sicut ex secunda reparatione sollicitus ne inopinatos nos causa tanti muneris inveniret ad manifestandum Filii tui adventum electissimum Ioannem nuntium destinasti qui nos de mirabilibus eius ipse iam per eum ex nativitate sua mirabilis commoneret et magnitudinem sequentium rerum rudes adhuc populos credere sui ostensione consuesceret. Nuntiaturus Christum per Angelum nuntiatur praedicaturus in populo praedicatur in templo ante notus honore quam tempore. Sic actum est tuae dispensationis effectu ut qui parentibus in incensi est oblatione promissus gentibus in agnitione luminis sit praemissus praecursurus Verbum silentium ponit incredulis et ante processum vitae suae futura infidelitatis damna muta patris voce loquebatur. Utique ut persuasione veteri loquebatur paternae traditionis obstructum in meliorem evangelii doctrinam fidelium linguam nomen novi heredis absolveret. Ecce exsultat in utero ut in parentis visceribus nativae gentis pectora venturi Regis praedicatione concuteret. Erumpit in gaudio ut desperatae promissionis taciturnitas filii veritate convicta in testimonium suscepti muneris exclamaret. Prophetat in spiritu testificat in evangelio ministrat in baptismo docet in populo deget in eremo proficit in deserto. Parat viae viam venturum nuntiat per quem venit et priorem sibi quem secuturum diceret non tacebat. Erat speculum luminis initium baptismatis testimonium veritatis ut in plenitudinem Christi signorum rem post rei signa monstraret. Nuntius salutis emulus passionis servit propheta baptismo Baptista martyrio ut Christum Dei Filium pro mundi redemptione venturum quem annuntiare se praedicatione sermonis ostenderet amare se effusione sanguinis comprobaret. Unde merito caeli caelorumque virtutes cum Angelis et Archangelis hymno tibi laudis debitae cum Seraphim exsultant ita dicentes.

686 Vere sanctus et vere benedictus es Domine Deus omnipotens Unitas distinctibilis et distinctio inseparabilis Unitas Trinitatis et Trinitas summae unitatis. Qui operibus tuis compatiens impassibilis eo usque misericordiam porrigis ut ad notescendum salutare tuum praemitteres Ioannem puerum tuum praevium viae lucernam himinis praeconem Iudicis vocem Verbi amicum Sponsi. Unde nos pro tuis donis eiusque bonis tibi litationis hostiam offerentes precamur ut acceptabiliter eam assumas et dignatione consueta benedicas atque offerentes conformes eius efficias quam tibi in commemorationem Iesu Christi Filii tui Domini nostri devota et prosternata servitute persolvimus.

686 Convaluisti Domine Iesu Christe in gratia et incredulis gentibus sedula testatione claruisti. Te annuntians beatissimus doctor ille Ioannes tam incomparabilis sanctitate quam singularis magisterii assertor fontem lavacri sitientibus dabat sed esse venturum te procul dubio nuntiabat. Ille descenderat aquis corpora purgaturus sperabaris tu Domine animas corporum redempturus. Ex huius enim voce cognovimus Unigenitum te Domine in corporis forma et carne conspicuum de quo nobis dixit Ecce agnus Dei ecce qui tollit peccatum mundi. Hic est enim cui et nomen antequam conciperetur dedisti quem et Spiritu Sancto priusquam nasceretur implesti qui sterilitatem matris conceptus abstersit et patris linguam natus absolvit. Oramus ergo te Domine ut hanc oblationem nostram respicere et benedicere digneris sicut benedicere dignatus es munus Abel iusti pueri tui.

687 Deus qui per beatissimum Ioannem praecursorem et martyrem tuum gentibus universis lumen baptismatis intulisti ut infidelitatem populorum quam prophanae observantiae ritus intulerat regeneratio caelestis aboleret. Praesta ut intercessio tanti vatis quae nobis est indulta per lavacrum purae conscientiae proficiat ad exemplum ut salutaribus edocti praceptis sic dicere mereamur e terris.

687 Humiliate vos benedictioni. Dominus sit semper vobiscum.

687 Dominus Iesus Christus qui in nativitate praecursoris sui Ioannis tribuit multis gaudium magnum det vobis devicta omni tentatione remissionem omnium peccatorum. Et eadem se praesule virtus nunc resultet in voce supplicum qui prolato Ioannis nomine os quondam reseravit paternum. Ac sicuti eo nascente matri est attributa fecunditas ita menti vestrae quo sibi fructificet fidei impertiatur ubertas.

687 Per misericordiam ipsius

687 Gustate et videte

687 Refecti Christi corpore

687 Deus qui sterili Elisabeth senique infructuoso Ioannem promissionis filium condonasti qui dum adhuc inclusus in eius utero portaretur Deum in hospitium Virginis habitantem sua salutatione prophetavit te petimus te rogamus ut qui praedicatione eius regni caelestis aperuisti credentibus ianuam suffragio eius nos perducas ad gloriam.

688 Per misericordiam tuam

688 Sollemnia completa sunt in nomine Domini nostri Iesu Christi votum nostri sit acceptum cum pace.

688

688 Dabo sanctis meis primam sessionem alleluia in resurrectione aeterna et exquiram illos in gaudio meo et lux perpetua lucebit eis alleluia et aeternitas temporum praeparata est alleluia alleluia

688 Benedicti vos a Domino qui fecit caelum et terram

688 Hi sunt Christe Domine amici tui Petrus et Paulus qui tradentes corpora sua ad mortem effecti sunt ductores gratiae fundatores Ecclesiae. Quos et Unitas precandi felicitas moriendi nec dividi passa est nec elidi. Quaesumus ergo ut qui illorum doctrina populos fecit esse credentes eorum prece nos efficias regni caelestis coheredes.

688 Per misericordiam tuam

688 Multam gloriam fecit Dominus

688 Dominus sit semper vobiscum. Et cum spiritu tuo.

688 In omnem terram exivit sonus eorum et in fines orbis terrae verba eorum

688 Non sunt loquelae neque sermones quibus non audiantur voces eorum

688 Silentium facite.

688 Gratia vobis et pax a Deo patre nostro et Domino Iesu Christo benedictus Deus et pater Domini nostri Iesu Christi qui benedixit

689 Si manseritis in me et verba mea in vobis manserint quodcumque volueritis petite et fiet vobis. In hoc clarificatus est Pater meus ut fructum plurimum afferatis et efficiamini mei discipuli. Sicut dilexit me Pater et ego dilexi vos manete in dilectione mea. Si praecepta mea servaveritis manebitis in dilectione mea sicut et ego praecepta Patris mei servavi et maneo in dilectione eius. Haec locutus sum vobis ut gaudium meum in vobis sit et gaudium vestrum impleatur. Hoc est praeceptum meum ut diligatis invicem sicut dilexi vos. Maiorem hac dilectionem nemo habet ut animam suam quis ponat pro amicis suis. Vos amici mei estis si feceritis quae ego praecipio vobis. Iam non dico vos servos quia servus nescit quid faciat Dominus eius. Vos autem dixi amicos quia omnia quecumque audivi a Patre meo nota feci vobis. Non vos me elegistis sed ego elegi vos et posui vos ut eatis et fructum afferatis et fructus vester maneat. Ut quodcumque petieritis Patrem in nomine meo det vobis.

689 Dominus sit semper vobiscum. Et cum spiritu tuo.

689 Caeli enarrant gloriam Dei et opera manuum eius annuntiat firmamentum

689 Venite benedicti Patris mei percipite regnum quod vobis paratum est ab origine mundi alleluia

689 Cum venerit Filius hominis in maiestate sua et omnes angeli cum eo tunc fulgebunt iusti sicut sol in regno Dei alleluia

689 Magnorum apostolorum Petri et Pauli non varias diversasque virtutes quas explicare digna praedicatione non possumus revolventes sed supremas et gloriossissimas passiones quas excolere annua devotione debemus fratres carissimi hodie celebrantes Deum qui ipsorum et sanctorum omnium summa laus est deprecemur ut sicut ipse principaliter in eorum est laudatione laudandus ita nobis libenter eorum intercessione qua placandum eum credimus sit placatus. Ecclesiam suam quam in illis elegit aedificavit replevit et docuit ipsis iugiter pro ea supplicantibus tuaeatur. Fundatam eam super solidissimam petram tempestatis procella non subruat. Nihil ei per tartareas haereticorum eversiones portae praevaleant inferorum quas ita humiliati tenebrarum principes tollant ut elevatis aeternalibus portis quasi in templum suum sic in nobis unus atque idem virtutum Dominus et rex gloriae caelestis introeat. Qui praepositas in terrore fidelium persequentium minas tremendae suae maiestatis obiectu radiantibus nova luce fulgoribus voce verbi perennis avertat sibique per ipsam in se credentes humani generis susceptionem inferri quod fideles suos pati pro suo nomine prospicit protestetur in se nostri causa dolores excipiens sibi fieri quidquid contra cultores christiani nominis impii moliuntur ostendat. Ut cunctis brachii sui magnitudine dominante omnes se nobiscum in confessione Petri et praedicatione Pauli vivere gratulentur.

690 Domine qui beatissimos apostolos tuos Petrum et Paulum diverso tempore vocationis beneficio elegisti et uno die passionis merito coronasti. Quorum admirabilis singulorum fides ante obitum mortis illatae unum fecit claves regni caelestis accipere alium usque ad caelum tertium penetrare cum ille censor credentium constitutus intromittendi illic probos et excludendi improbos ius teneret hic in excessu supra nubium raptus recessum ineffabilia divinorum secreta verborum futurus gentium Doctor hauriret quodque ne alii Sanctorum passi hoc isti meruere passuri. Hos nobis Domine facito esse patronos quos fecisti esse magistros ut eorum obtentu veniae nostrae suffragia sentiamus quorum in ducatu gratiae tuae instituta suscepimus. In Petro peccatorum nostrorum numerum amplificatae modus remissionis excedat in Paulo viam obstructam perfidiae Christi sermo lumine nobis veritatis aperiat. In illo nobis praestetur nutantis saeculi fluctibus non dimergi in isto antiqui serpentis morsibus non noceri. Ut nec naufragio malorum perditi nec vipereo veneno sauciati eodem auctore salvemur quo ille undas superavit hic viperas conculcavit.

691 Deus qui apostolis tuis quorum hodie sollemnitate gaudemus in sorte sanctificationis electis clariora nomina tu dedisti cum et ille Petrus diceretur hic Paulus ille Indito sibi vocabulo usus est hic mutato eorum nobis oratione ac favore concede ut a naturae utero segregati vim carnis et sanguinis superantes facta habeamus fidelium qui nomina tuorum accepimus filiorum. Ut in nobis et spiritalis addatur ambitus et carnalis mutetur affectus quibus mereamur sacerdotalium possidere instrumenta virtutum qui permittimur officia electorum agere sacerdotum. Has quoque catholicorum oblationes velut de captura et manu Petri pulmentarium tibi Christe gratifica et quasi ex ore Pauli cui loqui dignatus es benedictione ditifica. Omnibus eorum interventu salutaris laetitiae causa praestetur cunctosque necessaria ad Deum conversione convertendos ille pascat semper hic doceat cum aequalis gratiae vicario munere et ille sic docere possit et iste sic pascere. Pro spiritibus etiam defunctorum quorum nomina ore prolata sunt recitantium utrique pro culpis apud te intercessores exsistant.

691 Omnipotens conditor et Redemptor qui ad conversionem gentium et paenitentium reconciliationem duo magna luminaria Pauli litteras et Petri lacrimas posuisti ut a gratia tua nec illum persecutio quam amor legis intulerat nec istum negatio quam timor mortis exegerat faceret alienos. Da quaesumus resipiscere post ignorantiam flere post culpas gratiam recuperare post lacrimas asserant apud indulgentiam tuam errantium causas et Paulus cui non obfuit quod nescivit et Petrus cui non impediit quod negavit. Potest nos tua misericordia sic sanare ut vulnera illata non pareant sic restaurare ut elisos nos adversarius noster fuisse non gaudeat sic integros facere ut fortiores expertos esse debiles non agnoscat. Valeat maiestas tua absolutis nobis etiam conscientiam delere peccati si poenam noluerit reservare concordiam conferre unanimitatis et pacem temporis largire praesentis in te efficere caritate connexos et a mundi scandalis te propugnante remotos.

692 Dignum et iustum est omnipotens Pater nos tibi ingentes agere gratias pro multiplici apostolorum tuorum Petri et Pauli gloria quam eis per diversas munerum distributiones larga satis pietate donasti quos et Unigeniti tui discipulos et gentium fecisti esse magistros. Qui ob evangelii praedicationem cum caelorum praeficiantur in regnis carcerum clauduntur angustiis. Potestatem accipiunt peccata solvendi et ferri vinculis alligantur. Sanitates donant et aegritudines portant. Daemonibus imperant et ab hominibus flagellantur. Mortem fugant et fugiunt persequentes. Super mare ambulant et in labore desudant. Montes verbo transferunt et propriis victum manibus quaerunt. Iudicaturi angelos in quaestionem mittuntur. Cum Deo vivunt in mundo periclitantur. Postremo Christus eis serviens pedes lavat et facies eorum blasphemantium manus alapis colaphizant. Nihil sustinentibus poenae debit ad tollerantiam nihil superantibus victoriae non affuit ad coronam. Si recurramus quid ad testificandam fidei veritatem aerumnarum pertulerint in tormentis frequenter suis superfuere martiriis si in mirabilibus hoc per Christum fecere quod Christus si in passionibus hoc sustinuerunt illi necessitate mortali quod ille voluntate moriendi isti in eius viribus ille suis. Probantes doctrinae auctoritate similitudinem non aequalitate doctoris. Implevit Petrus suo tempore quod promisserat ante tempus. Posuit animam suam pro illo quem se non crediderat negaturum quia ad arduae sponsionis celeritatem animi a caritate praeventus non intellexit servum pro Domino dare non posee quod pro servo ante Dominus non dedisset. Similiter non renuit crucifigi sed aequaliter non praesumpsit appendi. Obiit ille rectus iste subiectus ille ut maiestatem ascendentis sublimitate praeferret iste ut fragilitatem descendentis humilitate monstraret. Nec Paulus affectu minori meminit quod sibi arrogaverat dicens Mihi vivere Christus est et mori lucrum. Gaudet insanientis ictibus percussoris domitas Christi iugo offerre cervices et pro corporis sui capite dare corporis sui caput. Diviserunt sibi passionis dominicae vestimentum duo milites Dei unus in patibulo alter in gladio Petrus in transfixione Paulus in sanguine. His igitur dispari mortis genere non dispari moriendi amore perfunctis exsultet in eorum doctrinis Ecclesia catholica in exsequiis religiositas universa in memoriis Urbs Roma in patrociniis omnis anima christiana. Haec autem omnia tu Domine operaris qui a Prophetis demonstraris ab Angelis adoraris et omni saeculo Apostolorum lumine declararis. Cui merito omnes Angeli et Archangeli non cessant clamare cotidie ita dicentes.

693 Hosanna in excelsis. Idem excelse in excelsis idem humilis in terrenis Christus Filius Dei. Qui nebulosa magicae artis in Simonis praesumptione prestigia apostolicae concertationis veritate prodita destruxisti. Quem frustra caelorum ascensum aeris molitionibus appetentem decepta daemonum illusione iactantia altius extulit gravius elidendum ut quo eum paulo longius sursum volandi audacia permissa sustolleret multo validius in deorsum volantis insania demissa disrumperet nescientem utique quod nisi laudatam Petri confessionem et nisi creditam Paulo fidem teneret caeli cuius claves Petrus habebat ianuam non intraret. Immemor etiam illius severitatis atque censurae qua Ananiam et Saphiram Sancto Spiritui mentientes praevaricationis et perfidiae reos praesentis mortis animadversione damnavit. Paris quoque Pauli in Evangelio potestatis ignarus qui doctrinae suae contradicentem Elymam magum iusta protinus caecitate percussit et seducentem Pytonis garrulum spiritum imperata illico discessione migravit. Totum illis caelestium athletarum viribus pro Iesu nomine pro Salvatoris divinitate pro Christi insinuatione pugnantibus divina est clementia praestitum.

694 Ob arcana mysterii tui Christe Domine Deus noster a te collata inspiratione poscentes deficit in contuitu acies in intellectu visus in relatione virtus in narratione sermo. Quis enim apte convenienterque possit edicere supermeminentem caritatem qua nos dignatus es redimere Qua ut ita dicam humili compulsus es incarnari descensione qua electos iussisti Apostolos omnibus ad salutiferam nationibus mittere conversionem qua eminentiores discipulis ceteris Petrum voluisti et Paulum efficere Sed quia haec immensa indignitate vitae et naturae corruptione digne non possumus replicare praesentis sollemnitatis officio tuam Omnipotens inaestimabilem poscimus maiestatem ut favore gemino Apostolorum tuorum patronorum scilicet nostrorum acceptum habeas et efficias ratum huius oblatum diei sacrificium. Quo sacratissima illa inarbitrabili gratia ita digneris illustrare ut omnium percipientium receptum in pectoribus sit in peccaminum expiationem in mentis et corporis incolumitatem in huius periculosissimae vitae custodiam et munitionem.

694 Pretiosam in conspectu tuo Domine mortem sanctorum Apostolorum annuis recursibus honorantes damus gloriam laudi tuae quia luminaria pretiosa a te vero lumine indeficiente succensa non solum dum leguntur sed dum coluntur illustrant. Quia hi sunt duo olivae et duo candelabra aurea in conspectu tuo. Atque in universam terram exiit sonus eorum quorum intercessionibus exoratus dum suscipis devotionis officium precum quaesumus largiaris affectum. Ob hoc quippe clamemus e terris.

695 Humiliate vos benedictioni. Dominus sit semper vobiscum.

695 Omnipotens Deus qui omne remedium pietatis tribuit miseris det vobis Petri lacrimis emundari ab omnibus culpae contagiis. Concedat doctrina Pauli percipere vos sapientiam Verbi. Ut ille per paenitentiam iste per doctrinam faciant vos pervenire ad vitam aeternam.

695 Dominus sit semper vobiscum. Et cum spiritu tuo.

695 Gustate et videte

695 Refecti Christi corpore

695 Domine Iesu Christe qui Petrum et Paulum viriliter certantes unum cruce alterum gladio dignatus es consecrare ut pro amore tui nominis fida dilectione et ille crucis exitium et hic gladii susciperet ictum da nobis ut similiter dilectionem tuam sequentes et per Petrum crucis intremus secretum et per Paulum spiritualis verbi semper gladio muniamur. Quo et per crucem Christi cruciatus evadamus inferni et per gladium Spiritus penetremus abdita caeli.

695 Per misericordiam tuam

695 Sollemnia completa sunt in nomine Domini nostri Iesu Christi votum nostri sit acceptum cum pace.

695

696

696 Omnia mandata tua ego custodivi Domine sine causa persecuti sunt me adiuva me alleluia alleluia alleluia

696 Eructavit cor meus verbum bonum dico ego opera mea regi

696 Domine Iesu Christe cui vrgo et martyr Marciana et integritate iungitur et sanguine sociatur dum tibi et castimoniam vovit et pro te sanguinem fudit presta famulis supplicantibus ut expiati a peccatis tibi ita adhereamus ne a te ulterius recedamus.

696 Per misericordiam tuam

696 Dominus lauda sterilis quae non paris decanta laudem et hymnum quae non pariebas. Quoniam multae filiae desertae magis quam eius quae habet virum dicit Dominus. Dilata locum tentorii tui et pelles tabernaculorum tuorum extende ne parcas. Longos fac funiculos tuos et clavos tuos consolida. Ad dexteram enim tuam et ad levam penetrabis et semen tuum gentes possidebit et civitates desertas hereditabit. Noli timere quia non confunderis neque erubesces. Non enim te pudebit quia confusiones adolescentie tuae oblivisceris et obprobrium viduitatis tuae non recordaberis amplius. Quia dominabitur tui qui fecit te Dominus exercituum nomen eius et redemptor tuus sanctus Israel Deus omnis terrae vocabitur. Quia ut mulierem derelictam et merentem spiritu vocavit te Dominus et uxorem ab adolescente abiectam dixit Dominus Deus tuus. Ad punctum in modico dereliqui te et in miserationibus magnis congregabo te. In momento indignationis meae abscondam faciem meam parumper a te et in misericordia sempiterna misertus sum tui dixit redemptor aeternus sanctus Israel Dominus omnipotens. (Iz 54)

697 Dominus sit semper vobiscum. Et cum spiritu tuo.

697 Psalmum dicam nomini tuo Deus in saecula ut reddam vota mea de die in diem

697 Quia factus es spes mea turris fortitudinis a facie inimici habitabo in tabernaculo tuo Deus in saecula

697 Silentium facite.

697 Vos qui aliquando eratis longe facti estis prope in sanguine Christi. Ipse est enim pax nostra qui fecit utraque unum et medium parietem maceriae sepis solvens inimicitias in carne sua. Legem mandatorum decretis evacuans ut duos condat in semetipsum in unum novum hominem faciens pacem et reconcilians ambos in uno corpore Deo per crucem interficiens inimicitiam in semetipsum et veniens evangelizavit pacem vobis qui longe fuistis et pacem his qui prope. Quoniam per ipsum habemus accessum ambo in uno spiritu ad patrem. Ergo iam non estis hospites et advene sed estis cives sanctorum et domestici Dei. Superaedificati super fundamentum apostolorum et prophetarum ipso summo angulari lapide Christo Iesu in quo omnis aedificatio constructa crescit in templum sanctum in Domino. In quo et vos coaedificamini in habitaculum Dei in Spiritu Sancto. (E 2)

697 Dominus noster Iesus Christus cum esset in Bethania

697 Dominus sit semper vobiscum. Et cum spiritu tuo.

697 Ne quando rapiat ut leo animam meam dum non est qui redimat neque qui salvum faciat

697 Alleluia magna facta est et praeclara filiae Sion in universa terra alleluia

697 Alleluia benedicta tu a Deo tuo in omni tabernaculo Iacob tu gloria Ierusalem tu laetitia Israel tu honorificentia populi tui

697 Fortissimum auxiliatorem debellantium aeternorum collatorem bonorum Iesum Christum Dominum nostrum continua supplicatione fratres carissimi imploremus cui ad praestandum donum gloriae nec exercituum adversitas nec imbecillitas infirmantium nec diversitas impedit sexum sed consummatio tota praestandi in potestate ipsius redundat collatoris ac Domini. Qui ad caelorum regna conscendere nos provocans tam castitatis munditiaeque doctrinam quam martyrii nobis praebuit gloriosa exempla. Hic namque ita ex utero virginali progressus Matrem post suum egressum custodivit intactam ut caro quae sancta foret perpetua perpetuam de qua processerat Virginem servaret et sanctam et quae sanctior utique futura erat post partum sanctitatis antea in se haberet commercium. Cuius haec quoque sacrata caelebs imitabilem cursum divino amore custodiens vim virilem in suo pectore gestans illi concupivit aequari virginitate quae genuit eum qui corporali pro nobis interemptus est passione. Nos ergo humiles et abiecti qui nostrae fragilitatis incuria huius sumus impares dono quibus de actu nulla est audacia saltem de paenitentia ut aliqua sit eius intercessione fiducia flebili cordis affectu Domino unanimes supplicemus ut qui nos speramus de nostris malis suppliciorum perpeti poenam de illius nobis sentiamus postulatione indultam esse criminum veniam et qui nostrorum scelerum admissione premimur per ipsius interventum apud Deum cuius amore tormenta sustinuit remissione peccatorum aliquantula sublevemur.

698 Domine Deus Iesu Christi Domini nostri ante cuncta principia Genitor et in fine saeculi demonstrator te supplices humili imploratione praecamur ut nobis in hunc diem sacratum virginis tuae Martianae collectis nulla diabolicae fraudis illecebrosa irruptio subrepat ut quae vim suae carnis vincendo sexum merui transgredi genitalem nos quoque sua tibi faciat esse placabiles prece. Et quae per carnis suae contemptum amori connexa est tuo nos suo associet te miserante consortio quaeve triumphalem palmam adepta est sui sanguinis effusione pro nobis apud te suffragetur in iudicii futuri examine ut nos debita non puniamur ex poena qui eius suffragio nostraque te placari credimus obsequella.

699 Unigenite Dei Filius qui beatissimam famulam tuam Martianam gemina muneris claritate vestisti ut virginitatis enitesceret merito et martyriali attoleretur triumpho praebe eam suffragatricem esse mortalibus cunctis quae merito sui laetatur in caelis. Quo per eam et vivis et defunctis commoda tribuas per quam nobis exempla castitatis insinuas.

699 Domine Iesu Christe ineffabilis pulchritudo iustitiae qui inter lilia pascis et candidissimis delectaris virginum choris qui desponsatam tibi Martiana fortissimam virginem tanto caritatis amore iunxisti ut eam tibi et virginem et martyrem consecrares praesta ut sicut illa in paradiso tuo immarcesibilibus sanctimoniae tuae atque martyrii sertis coronata triumphat ita nos assiduo eius patrocinio a colluvionibus peccatorum et illecebris carnalibus abstrahas ac defendas et sic tibi acceptos efficias ut aeternae indulgentiae compotes reddas et pacis tuae muneribus glorificandos attollas.

699 Dignum et iustum est vere satis iustum et pulchrum est nos semper te in tuis operibus collaudare aeterne Deus Pater omnipotens. Et cum non sit aequum ut pro sancta tua gloria a pollutis labiis nomineris iustum tamen est ut nec aetatis nec nexus infirmitas pro tuis immensis rebus a tuis unquam debeat conticescere laudibus. Qui inter omnia quae in huius mundi officium libens creasti hominem solum gloriosis tuis manibus ita formare iussisti ut tuae quoque similitudinis dignabili eum faceres pietate conformem ut ille interior habitus qui ea quoque similitudine est formatus quem ipse voluisti esse intelligibilem sensum exteriorem suum habitum tuo faceret oboedire praecepto et nequaquam uterque de tua laude sileret affectus dum utriusque in tua iussa servitutis consummaretur profectus. Quem utique interiorem sic tibi beata famula tua Martiana custodivit ut feceras ut non in aliquo degenerari in se pateretur nec minui quod crearas Filioque tuo Christo Domino nostro se praeparans in eius dilectione quam semper habuit roborata permansit quia illi se maluit moriendo coniungi cui se vivendo obtulerat consecrari. Ipsi sponsalicium custodivit pudorem cuius semper concupivit habere amorem. Ipsi suam servavit fidem cui se tota commisit devotione. Ipsius desideravit ornatum cuius in se tenuit semper amplexum quae parata ad nuptias venturum sperabat sponsum adepta est caelestis thalami dignitatem per suum martyrium. Dumque eum quem diligebat anima eius quaereret ab eo qui eam in promptuarium paradysi introducerat inventa est perfectam in se Christi retinens caritatem. Sanguinem non trepidavit suum effundi in terram. Dum Creatorem suum interioribus oculis videret intenta extenditur ligno uritur flammis laceratur ungulis. Stat mente immobilis voce fortis patientia laudabilis de praeteritis gaudens de futuris exsultans de pollicitis non formidans. Contemnit temporalem poenam dum gloriam indubitata fide sperat semper aeternam. Implentur sancto cruore ulcerosa laterum loca et per sulcos cruentos liquor decurrit immaculatus dumque ad similitudinem crucis exaltatur ligno animum immobiliter fixum tenet semper in caelo. Merito ergo per huius credimus intercessum tuum adesse nobis placatum aspectum quem nostris sceleribus facimus esse adversum. Per quod rogamus te ut malorum nostrorum non recorderis dum pietate solita parcis dumque ipsius semper ante te habes humillimas preces quibus pro nobis incessabiliter exoraris. Per ipsum Dominum nostrum Iesum Christum Filium tuum ante cuius conspectum sanctorum millia angelorum multitudo martyrum chorus virginum omnisque innumerabilis gloriosus exercitus beatorum non cessant clamare ita dicentes.

701 Vere sanctus semper et benedictus Dominus Deus omnipotens quem praevidebant sanctae tuae in suo conspectu qui a dextris eis fuisti ne unquam commoverentur. Teque laudat indesinenter omnis exercitus angelorum.

701 Te omnipotens Deus petimus et rogamus ut hanc oblationem quam tibi fideli et humili devotione offerimus suscipere digneris propitius et nostrae servitutis libamina ipse tibi facias acceptabilia. Ut accepta per mysterium sancti Spiritus nobis sanctificata tribuas postulatione nostrae salutis et in odorem suavitatis accipias.

701 Domine Iesu Christe cuius imperio rabidissimus leo non solum a nece beatissime virginis et martyris Marcianae abstinuit verum etiam feritate deposita eius immaculatum corpus adortus moleste contigere non presumit presta nobis ut nitore tui sancti Spiritus circumsepti immanitatem non timeamus leonis horrendi sed maiestatis tuae virtute repulsus semper a lesione nostra maneat alienus.

701 Humiliate vos benedictioni. Dominus sit semper vobiscum.

701 Omnipotens Dominus qui beatissimam Marcianam virginitatis ac pudicitie ornavit decore mentes vestras expiet ab omni mundane corruptionis contagione. Quique huic praestitit suam idolis non inclinare cervicem a vobis arceat spirituum malignorum tentationem. Ac sicut illa post victoriam letatur cum Christo ita eadem patrocinante reduces vos gaudeatis fieri paradiso.

701 Per misericordiam ipsius

701 Gustate et videte

701 Refecti Christi corpore

701 Domine Iesu Christe qui beatissimam Marcianam tibi testem et Virginem consecrasti dum te incorrupta sequitur et pro te gloriosa mactatur annue nobis precibus eius ut eadem suffragante quamvis indigni et castitatis donum et confessionis mereamur obtinere triumphum

702 Per misericordiam tuam

702 Missa acta est in nomine Domini noster Iesu Christi perficiamus cum pace

702

702 Vias tuas Domine pronunciavi et exaudisti me docuisti me Deus iustificationes tuas viam mandatorum tuorum cucurri Domine

702 Servavi mandata tua et testimonia tua Domine qui omnes viae meae in conspectu tuo

702 Domine Deus qui virginibus tuis glorioso amore flagrantibus concessisti et quaerere et invenire dilectum concede nobis ita a te ferventiori voto exquirere ut fructuosi laboris mereamur reportare mercedem.

702 Per misericordiam tuam

702 Mulierem fortem quis inveniet Procul et de ultimis finibus precium eius. Confidit in ea cor viri sui et spoliis eius non indigebit. Reddet ei bonum et non malum omnibus diebus vitae suae. Quesivit lanam et linum et operata est consilio manuum suarum facta est quasi navis institoris de longe portans panem suum. Et de nocte surrexit deditque predam domesticis suis et cibaria ancillis suis. Consideravit agrum et emit eum. De fructu manuum suarum plantavit vineam. Accinxit fortiter lumbos suos et roboravit brachium suum. Gustavit quia bona est negociatio eius non extinguetur in nocte lucerna illius. Manum suam misit ad fortia et digiti eius apprehenderunt fusum. Manum suam aperuit inopi et palmas suas extendit ad pauperes. Non timebit domui suae a frigoribus nivis omnes enim domestici eius vestiti sunt duplicibus. Stragulatam vestem fecit sibi byssus et purpura indumentum eius. Nobilis in portis vir eius quando sederit cum senatoribus terrae. Syndonem fecit et vendidit et cingulum tradidit Chananeo. Fortitudo et decor indumentum eius et ridebit in die novissimo. Os suum aperuit sapientiae et lex clementiae in lingua eius. Consideravit semitas domus suae et panem ociosa non comedit. Surrexerunt filii eius et beatissimam praedicaverunt vir eius et laudavit eam. Multe filie congregaverunt divitias tu autem supergressa es universas. Fallax gratia et vana est pulcritudo mulier timens Deum ipsa laudabitur. Date ei de fructu manuum suarum et laudent eam in portis opera eius. (Prv 31)

703 Dominus sit semper vobiscum. Et cum spiritu tuo.

703 Spem dedisti mihi Domine haec me consolata est in humilitate mea

703 Superbi inique agebant usquequaque a lege autem tua non declinavi memor fui iudiciorum tuorum Domine

703 Silentium facite.

703 Habemus thesaurum istum in vasis fictilibus ut sublimitas sit virtutis Dei et non ex nobis. In omnibus tribulationem patimur sed non angustiamur. Aporiamur sed non destituimur. Persecutionem patimur sed non derelinquimur. Deiicimur sed non perimus. Semper mortificationem Iesu Christi in corpore nostro circumferentes ut et vita Iesu in cordibus nostris manifestetur. Semper enim nos qui vivimus in mortem tradimur Iesu ut et vita Iesu manifestetur in carne nostra mortali. Ergo mors in nobis operatur vita autem in vobis. Habentes autem eundem spiritum fidei sicut scriptum est. Credidi propter quod locutus sum. Et nos credimus propter quod et loquimur. Scientes quoniam qui suscitavit Dominum Iesum et nos cum Iesu suscitabit et constituet vobiscum. Omnia enim propter vos ut gratia abundans per multas gratiarum actiones abundet in gloriam Dei. (2K 4)

704 Rogabat Iesum quidam pharisaeus ut manducaret cum illo. Et ingressus domum discubuit. Et ecce mulier quae erat in civitate peccatrix ut cognovit quod accubuit in domo pharisaei attulit alabastrum unguenti. Et stans retro secus pedes eius lacrimis coepit rigare pedes eius et capillis capitis sui tergebat et osculabatur pedes eius et unguento ungebat. Videns autem pharisaeus qui vocaverat eum ait intra se dicens. Hic si esset propheta sciret utique quae et qualis est mulier quae tangit eum quia peccatrix est. Et respondens Iesus dixit ad illum. Simon habeo tibi aliquid dicere. At ille ait. Magister dic et ait. Duo debitores erant cuidam feneratori unus debebat denarios quingentos alius quinquaginta. Non habentibus illis unde reddere donavit utrisque. Quis ergo eum plus diligit Respondens Simon dixit. Estimo quia is cui plus donavit. At ille dixit. Recte iudicasti. Et conversus ad mulierem dixit Simoni. Vides hanc mulierem Intravi in domum tuam aquam pedibus meis non dedisti. haec autem lachrymis coepit rigare pedes meos et capillis suis tersit. Osculum mihi non dedisti haec autem ex quo intravit non cessavit osculari pedes meos. Oleo caput meum non unxisti haec autem unguento unxit pedes meos. Propter quod dico tibi remittuntur ei peccata multa quoniam dilexit multum. Cui autem minus dimittitur minus diligit. Dixit autem ad illam. Remittuntur tibi peccata. Et coeperunt qui simul accumbebant dicere intra se. Quis est hic qui etiam peccata dimittit Dixit autem ad mulierem. Fides tua te salvam fecit vade in pace. (L 7)

705 Dominus sit semper vobiscum. Et cum spiritu tuo.

705 Audi filia et vide quia concupivit rex pulchritudinem tuam et ipse est Deus tuus

705 Offerte Domino holocausta et victimas vestras decimas et primitias manuum vestrarum. Vota atque donaria et comedite ex eis in conspectu Domini ut benedicat vobis Dominus Deus vester alleluia.

705 Locutus est Dominus ad Moysen dicens dabo populo meo talem habere mentem ut timeant me et custodiant mandata mea ut benedicam eis et filiis eorum in sempiternum. Vade et dic eis revertimini in tentoria vestra.

705 Devotissimam sanctarum ac beatissimarum Iustae et Rufinae martyrum fidem et famosissimas toto orbe victorias debito honore venerantes omni studio omnique intentione fratres carissimi Domino supplicemus ut sicut earum virtutibus gratulamur ita earum meritis copulemur. Neque nos desperare fas est martyrii nobis gloriam quocumque in tempore posse donari namque iracundiam cohibuisse insignis patientiae est cupiditatem frenare palma virtutis est et domuisse libidinem corona martyrii est. Per haec diabolus infestat per quae ista congreditur et plerumque plus valent occulta bella quam publica dum minus erubescunt quae sine teste operantur. Ad caelum itaque oculos animumque vertamus ut omnipotens Deus inspector cordis cognitorque secreti cum probaverit sibi placere quae quaerimus voluntatem nostram sibi pro passione deputet et vota pro sanguine.

705 Praesentia tuarum Domine martyrum Iustae et Rufinae sollemnia celebrantes quae mercimonio fictilium vasculorum contempto ad beatae usque passionis meruerunt gloriam pervenire te acclines oramus ut per eas apud te nostra accipiatur oratio quarum tu laetatus es de triumpho. Per eas evincamus cupiditatis incendia per quas ipse tortoris evicisti tormenta ipsisque nos intercedentibus corrige quarum te victorem ostendisti in passione. Ut quae tibi per gloriam meritorum effecta sunt vasa virtutum unusquisque nostrum apud te obtineant vas suum absque contagione possidere peccaminum.

706 Deus qui nos per Apostolum tuum propriis manibus victum quaerere praecepisti sanctarum tuarum Iustae et Rufinae precibus spiritalem nobis attribue victum et cotidianum piae miserationis subsidium ut hae virgines quae suis manibus et propriae saluti et indigentiae provisores inopum exstiterunt suis suffragiis tam viventibus quam defunctis congrua remedia largiantur.

706 Piissime redemptor et conditor universae carnis qui patientia tuarum virginum antiqui hostis contrivisti impulsum qui praedictarum virginum societatem turbare ex confractione ausus est vasculorum da nobis ut immobiliter in nostris cordibus radicatus infirma nostri corporis vasa fortia tibi per caritatis opera praeparemus quo nullis elisi iaculis adversantis indisruptae utamur muneribus pacis.

706 Dignum est iustum est aequum vere et salutare est nos tibi immensas agere gratias omnipotens Trinitas Deus qui martyres tuas Iustam et Rufinam victum sibi fictili commercio conquirentes nefandis idolorum monstruis dissipatis quae in honorem vanitatis offerri sibi proposita perurgebant eo usque ad consummationem martyrii perduxisti ut nulla insilientis catervae procacitate turbatae nullaque infestantis principis ferocitate mollitae postremo nec in ipsis poenarum atrocitatibus fractae te verum Deum Integra confessione clamando infula passionis ornatae regnis caelestibus iungerentur. Magnum est itaque ante passionem miraculum iam praemissum. Frangebantur itaque vasa fictilia quoniam caelestia per passionem parabantur immutari martyrum membra. Non fuit temporale commercium sed Christi negotium per quod possent emere sanctae martyres caelum. O furor sacrilegus. Se ipsum frangit in vasis et Christum facit triumphare de sanctis. Sua non sunt membra quae destruit quas cum aeterno rege vivere facit cum punit. Ecce innumerabiles non cessant poenae et sanctissimae virgines Christum Dominum non desinunt praeconari. Coctum adversarius dissipat quod a sanctis venditur lutum quia crudelitatem suam gehennae parabat exurendam incendio. Talis atrocitas veritate devincitur sic humllitas cum superbia dimicatur ut martyres quas per confractionem vasculorum diabolus condemnasse credebat perfecta consummatione martyrii caeleste regnum obtinuisse gemescat. Unde maiestatem tuam Pater piissime postulamus ut quemadmodum illis in congressione passionis donasti constantiam ita et nos vitiis carnalibus expiatos facias pervenire ad gaudia sempiterna. Propter quod ei omnes Angeli omnesque Sancti non cessant clamare ita dicentes.

707 Vere sanctus vere benedictus Dominus noster Iesus Christus Filius tuus quem sacrae virgines Iusta et Rufina vitae operibus pariles sociaque passionis consummatione felices ex illo quaestu pertenui fictilium vasculorum vestierunt in paupere collegerunt in hospite satiaverunt in sitiente. Sit igitur illi honor et indefessa laudatio qui horum munerum et inspirator est pariter et susceptor cum ipse his se egere pronuntiat qui solus haec in omnibus tribuendo inspirat. Ipse quippe horum inspirator dum hic in membris suis pie reficitur donata donantibus post multiplici foenore se tribuente largitur.

707 Ob honorem passionis famularum tuarum Iustae et Rufinae has tibi Deus Pater hostias immolantes precamur ut illarum interventu quae se tibi vasa mundissima exhibuerunt hoc tibi oblatum sanctifices holocaustum praestans supplicibus nobis ut quarum mercimonio dudum satiasti inopiam pauperum harum prece rata tibi efficias vota fidelium populorum.

708 Fac nos aeterne Deus ut unusquisque nostrum vas suum in honore et sanctificatione possideat qui virgines tuas Iustam et Rufinam ex conquaestu fictilium vasculorum passionis perduxisti ad gloriam quo emundatis conscientiis ad te proclamemus e terris.

708 Humiliate vos benedictioni. Dominus sit semper vobiscum.

708 Christus Dominus vos sibi placita efficiat vasa qui Iustam et Rufinam sibi efficit mundissima. Quique illas non passus est de fictilium fractione tristari numquam vos patiatur dissolutis compagibus internae mentis illudi. Quo fortes corde et corpore quarum nunc celebratis sollemnia perpetualiter percipiatis suffragia.

708 Per misericordiam ipsius

708 Gustate et videte

708 Refecti Christi corpore

708 Confirma in visceribus nostris misericordiae tuae munera omnipotens Deus ad augendam fidem nostram ad corroborandam spem ad illuminandam scientiam ad multiplicandam caritatem ad conservandam corporis et anime puritatem.

708 Per misericordiam tuam

708 Sollemnia completa sunt in nomine Domini nostri Iesu Christi votum nostri sit acceptum cum pace.

708 Omnia mandata tua

708 Domine Iesu Christe cui virgo et martyr Rufine

708 Lauda sterilis

708 Dominus sit semper vobiscum. Et cum spiritu tuo.

708 Laetabor ego super eloquia tua Domine sicut que invenit spolia multa

708 Iniquitatem odio habui et abhominatus sum legem autem tuam dilexi

708 Silentium facite.

708 Qui statuit in corde suo

709 Dominus noster Iesus Christus in quoddam castellum intravit et mulier quedam Martha nomine excepit illum in domum suam et huic erat soror Maria nomine quae etiam sedens secus pedes Domini audiebat verbum illius. Martha autem satagebat circa frequens ministerium quae stetit et ait. Domine non est cure eo quod solam reliquit me soror mea ministrare Dic ergo illi ut adiuvet me. Et respondens dixit illi Dominus. Martha Martha solicita es et turbaris erga plurima porro unum est necessarium Maria optimam partem elegit quae non auferetur ab ea. Et cum haec diceret extollens vocem quedam mulier de turba dixit illi. Beatus venter qui te portavit et ubera quae tu suxisti. At ille dixit. Utique beati qui audiunt verbum Dei et custodiunt illud. (L 10)

709 Dominus sit semper vobiscum. Et cum spiritu tuo.

709 Lauda animam mea Dominum laudabo Deum in vita mea alleluia

709 Munera accepta erunt

709 Adesto nunc precibus famulorum tuorum clementissime Deus in hac celebritate gloriosae martyris tuae Rufinae pro cuius invicto agone tuis altaribus sacrificiorum libamina offerimus et laudes cum exultatione cantamus. Tua est enim gratia non solum viros sed etiam feminas per fidei confessionem miris victoriis emicare atque subacta nature conditione hostem religionis agone iustitiae evincere. Huius ergo in laudibus festisque solennibus tuam clementiam flagitamus piissime Pater ut adsit nobis in suffragium gloriae eius auxilium perveniatque nobis passio eiusdem ad veniam quae illam aeternam comitatur ad gloriam.

709 Sacratissimam passionem martyris tuae Rufinae tempore recurso celebrantes aeterne Deus huiusmodi sacrificiis libamina tuis a te consecranda immolamus altaribus invocantes clementiam tuam ut hoc sacrificium per intercessionem beatissime martyris tuae Rufinae repropitiationis nostrae valeat coram te meritum obtinere. Atque ita pro nostris expiandis delictis huius libaminis ascendat oblatio sicut sanctae tuae Rufinae per tolerantiam passionis praecessit gloriosa vocatio

710 Recensitis nominibus sanctorum fideliumque viventium ac defunctorum tuam summe Pater clementiam flagitamus ut qui sanctis tuis pro laboribus praestas coronam defunctis conferas sortem quietis fidelibus repromissam nobis quoque pietatis tuae donum tribuas aeternorum.

710 Haec est fratres carissimmi Ecclesiae lex et Christiani nominis forma Deo atque hominibus pace coniungi corde copulari. Pax sit in ore pax sit in voluntate pax sit in moribus ac temporibus nostris. Ut dum per concordie vinculum unum sumus martyris tuae Rufinae meritis iustitiae fructibus decoremur et in compagem connexionemque Christi corporis maneamus.

710 Dignum et iustum est vere aequum et salutare est nos tibi omnipotens Deus gratias agere sacrificia spiritualia celebrare per Dominum nostrum Iesum Christum filium tuum. Cuius ob amorem martyr tua Rufina tanto vigore certaminis claruit ut oblata secum sui referentia ad palestram mirabilis prelii prestantior reperta viris invicto agone consisteret plus subiacens religioni quam sexui. Imbecillitatem carnis exuperans constantia mentis cuius compar praelii gloriosaque non dissimilis Rufina martyr pervenit ad premium passionis. Utreque paupercule mundo sed divitaes caelo. Nihil habentes sed omnia possidentes gestantes in vasis fictilibus thesaurum non corruptibilium metallorum sed caelestium praemiorum. Ex fragili quodam huius vitae usu supernas mercantes divitias ad passionem veloces ad tolerantiam fortes stadium mundi congresse vires diaboli zelo fidei conciderunt. Non robore corporis sed tuae auxilio potestatis. Infirmitas quippe earum natura illustres coronas adepte sunt quia nec fragilitas femine accessit nec virtus in dolore devicit. Quarumcumque tanta extiterunt insignia laudis ut eliso damonum simulacro te Deum clara voce praedicarent mundo. Colendum te creatorem cunctorum ostenderent et redemptorem confessione mirabili adtestarentur. Sequipedes Mariae more comites extiterunt contemnentes mundum et amantes Christum. Ille enim apostolis denuntiaverunt Iesum ab inferis resurgentem iste gentibus Christum in caelis regnantem. Atque ita dum pari funguntur officio pariter nunc collectantur regno et merito. Per ipsum cui merito omnes angeli non cessant clamare ita dicentes.

711 Vere sanctus semper et benedictus Dominus Deus omnipotens quem praevidebant sanctae tuae in suo conspectu qui a dextris eis fuisti ne unquam commoverentur. Te laudat indesinenter omnis exercitus angelorum.

711 Te omnipotens Deus petimus et rogamus ut hanc oblationem quam tibi fideli et humili devotione offerimus suscipere digneris propitius et nostrae servitutis libamina ipse tibi facias acceptabilia. Ut accepta per ministerium Sancti Spiritus nobis sanctificata tribuas postulationem nostrae salutis in odoremque suavitatis accipias.

711 Oremus Patrem dilectissimi sicut Magister docuit. Amica et familiaris oratio est Deum de suo rogare ad aures eius ascendere Christi orationem. Agnoscat Pater filii sui verba dum precem fundimus qui habitat intus in pectore ipse sit et in voce et cum ipsum habeamus apud Patrem advocatum pro peccatis nostris quando peccatores pro delictis nostris petimus advocati verba proclamemus clamantes atque ita dicentes.

711 Humiliate vos benedictioni. Dominus sit semper vobiscum.

711 Christus Dominus qui virginem suam Rufinam casto sibi desponsavit amore indissolubiliter vos sibi per suam caritatem adsociet. Quique in illam virginitatis contulit donum conferat in vobis suae gratiae complementum. Ut qui virginitate caretis ex meritis virginis Rufinae potiamini gaudiis.

712 Per misericordiam ipsius

712 Gustate et videte

712 Refecti Christi corpore

712 Domine Iesu Christe cui virgo et martyr Rufina et integritate iungitur et sanguine sociatur dum tibi et castimoniam vovit et pro te sanguinem fudit praesta famulis supplicantibus ut expiati a peccatis tibi ita adhereamus ne a te ulterius recedamus.

712 Per misericordiam tuam

712 Missa acta est in nomine Domini noster Iesu Christi perficiamus cum pace

712

712 In omni opere suo dedit confessionem sanctam alleluia verbus gloriae et in corde suo hymnum dixit alleluia

712 Confitebor tibi Domine in toto corde meo narrabo omnia mirabilia tua

712 Laudet te Domine lingua nostra annuntiando iustitias tuas. Et exaltent labia nostra praeconia veritatis ut non dissolvantur vaniloquio falsitatis. Sicque tibi confitendo remissis criminibus exsultemus ut in congregatione iustorum sacro agmine decantantes vitae beatae efficiamur heredes.

712 Per misericordiam tuam

712 Mulierem fortem

712 Dominus sit semper vobiscum. Et cum spiritu tuo.

712 Confitebor tibi Domine in vasis psalmorum veritatem tuam psallam tibi in cythara Deus sancte Israel

713 Sed et lingua mea annunciabit iusticiam tuam tota die laudem tuam

713 Silentium facite.

713 Hoc est verbum filii Dei quod praedicamus quia si confitearis in ore tuo Dominum Iesum et in corde tuo credideris quod Deus illum suscitavit a mortuis salvus eris. Corde enim creditur ad iustitiam oris autem confessio fit ad salutem. Dicit enim Scriptura. Omnis qui crediderit in eo non confundetur. Non enim est distinctio inter Iudeum et Graecum. Nam idem Dominus omnium dives in omnibus qui invocant illum. Omnis enim quicumque invocaverit nomen Domini salvus erit. (R 10)

713 Rogabat Iesum quidam phariseus

713 Dominus sit semper vobiscum. Et cum spiritu tuo.

713 Alleluia Deus meus es tu et confitebor tibi Deus meus es tu et exaltabo te

713 Munera accepta erunt super altare meum et domus orationis meae honorabitur alleluia

713 Laetetur anima mea in Domino induit enim me veste salutari et tunica iocunditatis tanquam sponsus imposuit mihi mitram ut sponsam decoravit me ornamento sicut terra quae producit flores suos et sicut paradisus germina sua.

713 Domine Iesu Christe qui ad agnitionem tui nominis Mariam Magdalenam ducere dignatus es et eam a nexu criminum tua bonitate solvere voluisti concede nobis famulis tuis de tua misericordia confidentibus ut tua pietate solita et per eius merita puro corde et mente devota ad tui nominis confessionem pervenire mereamur illaesi.

713 Christe Iesu qui mentes et corda purificas conscientias nostras petimus ab omni contagione peccati abstergas ut impollutis labiis confessionem veram de te plebi prodere conemur sicut beata Maria Magdalena nomen tuum confitendo meruit ab omnibus vitiis expiari ita nos indignos et per peccatum maculatos dignos et purificatos ad te per confessionem iubeas gratissime pervenire.

714 O bone Redemptor qui miserando parcis et parcendo remittis te diligentes ab omni periculo libera. Etiam fideli populo nomen tuum vere confitenti et Mariae Magdalenae festivitate congaudenti peccatorum omnium remissionem plenariam concede. Et sicut dignatus es post lacrymarum rigationem Magdalenam ab omni sorde peccaminum emundare ita nos purgatis mentibus et vitiis extirpatis consortes fieri facias tui regni caelestis.

714 Omnipotens et immense Deus qui Mariae Magdalenae placatus confessione ad te animam eius accedere iussisti in pace tu nos et pia peccatorum confessione salva et fraternae dilectionis unanimitate iustifica. Quo per Mariam Magdalenam et confessionis dono a vitiis emundemur et pacis unitate tuae visionis solatio potiamur.

714 Dignum et iustum est omnipotens Pater tibi in honorem tuae Mariae Magdalenae gratias agere per Iesum Christum Filium tuum Dominum nostrum. Cuius nec fides necessitate sexus variatur nec virtus teneritudine muliebrium artuum enervata dissolvitur. Invictum enim Ecclesiae Catholicae caput ita suis membris subrogavit virtutis augmentum ut non solum viros sui nominis testes in certamine victores per patientiam redderet verum etiam faeminis triumphalem coronam per tolerantiam condonaret. Sed in his omnibus Christus Dominus unigenitus tuus continuis laudibus est glorificandus qui est ubique laudabilis ubique mirabilis. Qui et Mariam matrem illibatam ab omni corruptione servavit et Mariam Magdalenam sui nominis fidelissimam testem in confessionem suscepit. Et sicut Mariam fecit Virginem permanere post partum ita Mariam Magdalenam victricem fecit post transitum. Quem collaudant omnes Angeli et Archangeli ita dicente.

715 Vere sanctus vere benedictus Dominus Deus noster qui caelestium non solum hymnum tibi vis offerri sed meritum et sanctorum Angelorum tam vota petere quam carmina admittere fac ut qui supernarum virtutum concentum in tua praedicatione sumimus etiam superioris vitae affectu ex correctione vivamus.

715 Precibus confessoris tuae Mariae Magdalenae omnipotens Deus hoc tibi oblatum a nobis sacrificium suscipe et tuae benedictionis perlustra sanctificatione. Ut dum ex his sumpserimus quidquid in confessione poposcerit lingua praelargiri dignetur tua miseratio consueta.

715 Deus qui beatae Mariae Magdalenae paenitentiam ita tibi placitam gratamque fecisti ut non solum ei peccata dimitteres sed etiam singulari tui amoris gratia cordis eius intima perlustrares da nobis tuae propitiationis abundantiam ut eius sollemnitate laetemur cuius precibus apud te a peccatorum nostrorum maculis emundemur.

715 Humiliate vos benedictioni. Dominus sit semper vobiscum.

715 Christus Dominus qui beatissimam Mariam Magdalenam se digne coram hominibus confiteri fecit confiteatur et nos coram Patre suo qui est in caelis. Et qui in ore suo accepta sibi confessionis contulit cantica ipse confessionem nostram remunerandam suscipiat. Ut exemplo beatissimae Mariae Magdalenae confitentis confitendo et laudando nomen Iesu Christi in saeculum participes eius quam confessi sumus mereamur esse in caelo.

716 Per misericordiam tuam

716 Gustate et videte

716 Refecti Christi corpore

716 Domine Deus omnipotens qui es vita et salus fidelium quem venturum iudicem credimus verum esto nobis propitius. Et qui hanc oblationem pro nostra nostrorumque salute vel pro expiatione nostrorum peccatorum in honorem sanctae Mariae Magdalenae tibi obtulimus misericordiae tuae opem in nos diffundi sentiamus. Ut qui iam refecti sumus ad mensae tuae convivium dono tui muneris consequi mereamur praemium sempiternum.

716 Per misericordiam tuam

716 Sollemnia completa sunt in nomine Domini nostri Iesu Christi votum nostri sit acceptum cum pace.

716

716 Plasmatorem generis humani fratres carisimi virginis filium pro virginibus deprecemur ut in utroque sexu contra carnis incentiva luctantes ne diabolicis compungantur stimulis clipeum suae pietatis opponat. Famulae vero suae Christinae precibus haec quae in fidem passionis suae offerimus sacrificia puritatis omnibus nobis ornamenta concedat.

716 Deus qui sanctam martyrem tuam Christinam caelesti igne succensam lumen omnibus per oblationem proprii corporis voluisti imitabilem demonstrare concede nobis ut sicutilla superando spiritualium nequitiarum bella nomini tuo claruit ita et nos devictis vitiorum criminibus perfecta cordium puritate tibi semper placere mereamur.

716 Accipe venerabilis martyr et virgo Christina etsi indigni cultoris officia tandem vel vota totius populi precantis attende ut quae es de meritorum tuorum remuneratione secura sis etiam de nostrorum criminum remissione solicita.

717 Deus qui virginum votis placaris qui in martyris oblatione laetaris dona nobis tibi offerre placentia ut sanctae martyris et virginis tuae Christinae consequamur auxilia et tuae propitiationis arbitrio tales efficiamur in diem quales nos e lavacro protulisti.

717 Aequum et iustum est dignum et iustum est nos tibi gratias agere Domine sancte Pater aeterne omnipotens Deus per Iesum Christum Filium tuum Dominum nostrum qui beatissimam virginem et martyrem suam Christinam diversis certaminibus dimicantem caelestibus muneribus cumulat. Arguitur quidem multis tormentis sed corona ipsius diversis margaritis ornatur in caelis. Praestat ei divinus amor audaciam quia ipse victor exsistit in pugna. In confessorem Dei sententia mutatur et devicto saeculo cum Patre et Filio et Spiritu Sancto gloriatur. Permanet eius merces gloriosa in caelestia regna et inter innumerabiles multitudines sanctorum laeta exsultat in gloria. Atque cum Angelis et Archangelis non cessant clamare ita dicentes

717 Deus qui nos caelestium non solum hymnum tibi vis offerri sed meritum et sanctorum angelorum tam vota petere quam carmina admittere. Qui supernarum virtutum concentum in tua praedicatione sumimus et etiam superioris vitae affectum fac ut ex correctione vivamus.

717 Haec igitur praecepta servantes sacrosancta munera nostrae salutis offerimus obsecrantes te clementissime omnipotens Deus ut infundere digneris Spiritum tuum Sanctum super haec libamina ut fiat nobis legitima Eucharistia in te filiique tui nomine et Spiritus Sancti benedicta in transformatione eiusdem corporis Domini nostri Iesu Christi filii tui edentibus nobis in vitam aeternam regnumque perpetuum.

718 Deus a quo docente nos Spiritu paterno tuo Sancto te nomine invocare praesumimus crea in nobis fidelium corda filiorum ut promisam hereditatem mereamur ingredi per debitam servitutem clamantes e terris

718 Humiliate vos benedictioni. Dominus sit semper vobiscum.

718 Respice Domine propitius hanc familiam tuam ac sereno vultu illustra. Preces eorum suscipe et hostias placatus assume. Brachio tuo extento defende et in gremio sanctae Ecclesiae facito permanere.

718 Per misericordiam ipsius

718 Gustate et videte

718 Refecti Christi corpore

718 Domine Deus omnipotens qui es vita

718

718 Simile est regnum caelorum decem virginibus

718 Dabo sanctis meis

718 Deus exultatio et palma sanctorum Christophori vel comitum eius martyrum tuorum exaudi nos supplices tuos et praesta ut quorum in tuo amore reliquias veneramur et emolumenta recolimus eorum meritis ab omnibus malis liberari et conservari mereamur.

718 Per misericordiam tuam

718 Iustorum animae in manu Dei sunt

718 Transivimus per ignem et aquam et induxisti nos in refrigerium

718 Probasti nos Deus sicut probatur argentum posuisti tribulationes in dorso nostro

718 Silentium facite.

719 Gratia vobis et pax a Deo Patre nostro et Domino Iesu Christo. Benedictus Deus et Pater Domini nostri Iesu Christi Pater misericordiarum et Deus totius consolationis qui consolatur nos in omni tribulatione nostra ut possimus et ipsi consolari eos qui omni pressura sunt per exhortationem qua exhortamur et ipsi a Deo. Quoniam sicut abundant passiones Christi in nobis ita et per Christum abundet consolatio nostra. Sive autem tribulamur pro vestra exhortatione et salute sive exhortamur pro vestra exhortatione quae operatur tolerantiam earundem passionum quas et nos patimur et spes nostra firma pro vobis. Scientes quoniam sicut socii passionum estis sic eritis et consolationis. (1K 2)

719 Ecce ego mitto vos sicut oves

719 Dominus sit semper vobiscum. Et cum spiritu tuo.

719 Ambulabunt sancti gaudentes velut agni pleni pascue

719 Omnes viri atque mulieres mente devota obtulerunt donaria ut fierent opera quae iusserat Dominus per manus Moysi cunctis filiis Israel voluntarie alleluia.

719 Adest Christe Domine reducto anni circulo votivus alumnae plebis conventus ad eximium sanctissimi Christophori tui martyris incliti festum te rerum omnium mirabilium conditorem cernuo poscentes affectu ut perspicuo illo claritatis tuae lumine mereatur lustrari per quod possit caligine ignorantiae carere et sidere divino lustrata manere. In eo enim quod omnipotens cuncta ex nihilo creans mirificus reperiris et dum ipsam creaturam variis dispositionum fictionibus conspicuam praebes miranda mirabiliter patras. Sed dum undique ad agnoscendum te Deum verum per catholicae fidei rudimenta in una copulando iungis Ecclesia haec nos eminentiora mirabilibus misericordiae prospicimus refecta muneribus. Dum enim praedictum hunc martyrem alienigenae gentis et speciei lustratum fide robustum mente invictumque efficis passione spei nostrae digna praebe subsidia gratiae tuae quia per alios in aliis dona largiris et in alios praebes unde aliorum indigentiam reples. Unde acclines quaesumus ut huius gloriosae palestrae tui praesidiis tuti ea quae vanitati saeculi dedita manent evellamus a mente ut victores maneamus conculcantes aereas potestates te pro nobis pugnante et semper in nobis manente et vincente. Sicque praecepta tua impleamus sollerter ut fructum tibi beneplacitum exhibentes dexterae tuae mereamur sine fine esse participes.

720 Haec est Domine Deus noster devota plebs votiva mentis annuae vicis devotum munus exhibendo convenit frui desiderans gloriosi martyris Christophori praesidio quem dignum tua agnoscit manere munificum gratia. Vere in Omnibus se tibi Christe Domine imitabilem praebuit cuius gratiam nominis sortiri promeruit. Ex sacro etenim lavacro tinctus Christophorus est apellatus quo Christum indutus et Christi gratia refectus Christique virtute firmatus Christi etiam exemplo exsisteret gloriosus ut quia princeps huius mundi diabolus dum a paradiso subtractum genus humanum per carnis illecebram gloriabatur subiectum sibi nequiter copulare suo dominatui deputatum velut victor dominans retineret advenientem quoque pro redemptione generis humani Christum Dominum quem dudum humanitate vestitum cernerat velut ceterum genus humanum suo conabatur dominio mancipari a quo captus et elisus omnium fidelium amisit coetum. Sic et Christophorus Christi virtute munitus Decium Caesarem a militibus suis expoliatum et a plebium agmine reddidit depopulatum. Hic Domine martyr tuus a te et fide illuminatus et nomine sublimatus sit nobis patronus assiduus sit defensor fortissimus et sic nos suo suffragio separet a mundi contagio ut tibi copulando societ in regno superno.

721 Nominis tui Christe gratia praeclarum militem tuum Christophorum munificas et eiusdem nominis virtute ditatum locupletas cum tibi per eum multitudinem fidelium aggregas populorum quos dignos martyrii nomine consecratos in perpetua exsultatione suscipis gloriosos. Proinde quaesumus te Domine Deus noster ut gratiam nominis tui in qua signati sumus inviolabiliter illam usque ad nostrum obitum conservemus ut gratia nobis succedente pro gratia et fidem tibi illibatam exhibeamus dum vivimus et vita aeternae praemia capiamus post transitum. Sic etiam quaesumus Domine praedicto martyre tuo suffragante concesa sit requies defunctorum ut mutata sorte tristium mansionum caelesti perfruantur societate iustorum.

721 Christe Dei Filius qui stigmata passionis tuae praeclaro munere dilatando diversa nationum genera unitati Ecclesiae tuae consocias aggregando inter quos beatum Christophorum alienigenae gentis et speciei et fidei tuae gratia ditas et nominis gloria decoras et passionis ornamento glorificas. Fac nos quaesumus ita unitati sanctae Ecclesiae tuae coniunctos exsistere ut numquam ab eius discedamus societate sed sic caritatis tuae munere in ea perpetim colligemur ut fide et opere tibi placere in perpetuum mereamur.

721 Dignum et iustum est vere Domine aequum et congruum est te Dominum Deum nostrum fontem aeternae beatitudinis et indeficientem gloriam sempiterni muneris collaudare qui tanto luminis dono lustrasti hunc mundum expellendo a cordibus fidelium principem tenebrarum et largiendo credentibus carismata gratiarum. A quo munere non solum eos vocas qui humanae conditionis integrae retinent formam sed etiam illos attrahis qui portentorum more dissimiles exstant ab humana conditione. Cum enim misericordiae tuae munus non possit lege constringi qui sicut inenarrabilis est gloria immensus potentia praeclarus gratia inaestimabilis misericordia. Omnibus enim praestas quod tibi indeficienter exstat et digna praebes indignis cum ipse largiendo non angustaris. Qui sanctum hunc martyrem tuum Christophorum et corporali ostensione terribilem et gratia muneris eminentem et gloria tui nominis demonstrasti potentem cuius initia fidei mirabilis coepit ut primum incognitae linguae loquellam acciperet et reserato vinculo oris promeret aliis eloquia praedicationis. Tu enim Domine in hoc martyre tuo hanc gratiam ostendisti virtutis qui primum per sapientiam os mutorum aperuisti et linguas infantium disertas fecisti. Sicque post hoc munere duplici eum locupletas dono dum militum ad se agmine intromisso et corpora cibo et corda pascit eloquio. Exsequitur post haec crudelis officia tormentorum in quo se semper aspiciens victum prius defecit mente quam iussione et haerens lingua gutturi sensumque mentis turbato omnis eius iussio quassatur in disposito. Frustratur denique crudelitate poenarum magistri sui diaboli suetum exsquirit laqueum ut per carnis delectamenta sanctam deciperet animam et in hoc sibi concessa sperabat frui victoria si illicitis eum motibus traheret ad luxuriam. Sed quid agit qui inaniter laborat cui iniquitates procurat Cum et a sua perniciosa dispositione foret evacuatus et eas quas ad decipiendum praeparaverat per martyrii gratiam Christo Domino praemisit laureandas. Iamque post haec sanctus martyr et militum sibi copulavit sodalitatem et reliquam fidelium multitudinem cruore martyrii purpuratam caelorum Domino praemisit in aulam. Cum quibus ipse post consummata gloria passionis inseparabili Trinitati et sempiternae Divinitatis gloriae hymnum dulci modulatione depromit ita fideliter dicens.

723 Vere sanctus vere benedictus es Domine Deus noster qui ex omnibus gentibus gloriosam tibi assumis Ecclesiam quae tuae passionis et resurrectionis gloriam et augmentum capit per fidem et gloriae suscipit retributionem cum tibi indesinenter beneplacitam exhibeat operationem.

723 Praeclaro Christe Domine illo tuae maiestatis instructi oraculo quo nos usque ad diem secundi adventus tui semper tuae passionis memorare iussisti quae est gloria nostrae redemptionis ut haec nos commemoratio tibi faciat manere connexos et a pravae actionis nexibus absolutos obtentu martyris tui Christophori fac nos sequaces esse gloriosissimae tuae passionis ut repleti gratia Spiritus Sancti carnem subiciamus animae et animam tibi ut purificato cordis receptaculo sumamus pretium nostrae redemptionis et ob hoc te sequamur ad gloriam resurrectionis.

723 Eximio eminentiae munere immensa tua pietas eminet Christe in quo saepe indignis digna largiris dum et praevenis misericordia nolentes et provehis laureandos in coelis. Quique sanctum tuum Christophorum martyrem dum iuxta quod in omnibus mansueta species manet dissimilis exstaret positione tanto fidei cremasti ardore ut tuo fretum munere et inimicis eum ostenderis in terrore et victorem illum faceres in passionis agone. Praebe nobis quaesumus similem te sequendo obtinere amorem ut qui nostro ex merito indigni sumus servi vocari eius suffragio te Patrem mereamur adoptivum haberi ut libera voce semper ad te clamemus e terris.

724 Humiliate vos benedictioni. Dominus sit semper vobiscum.

724 Christus Dei Filius a quo cuncta constat esse creata faciat vos in beneplacito sibi deputatos manere opere. Et qui beatum Christophorum ab humana specie dissimilem caelesti munere praestat esse locupletem faciat vos eius meritis sibi placabiles exsistere. Ut sicut per eius magnum certamen sibi aggregavit multitudinem sanctorum ita eius suffragio dignetur vestra abolere omnia contagia peccatorum.

724 Per misericordiam ipsius

724 Gustate et videte

724 Refecti Christi corpore

724 Domine Deus omnipotens qui convertis ignorantes et reducis ad viam veritatis de errore in scientiam et commutas fera in humana praesta misericordiam omnibus invocantibus nomen beatorum Christophori martyris tui atque comitum eius ut non tantum ab angustiis et tribulationibus huius saeculi eruantur sed ab illo loco in quo requies est amara et sempiternus dolor inhabitat.

724 Missa acta est in nomine Domini nostri Iesu Christi perficiamus cum pace

724

724 Gloriam et magnum decorem

724 Deus cuius honor sanctitas est quem diligere salus est et amare perfectio illabere in cordibus nostris et da in omni Ecclesia tua martyris tui Felicis lucere vestigia. Ut te regente omnium gressus ea nos via perducat ad vitam quae beatissimum martyrem tuum extulit ad coronam.

725 Per misericordiam tuam Deus

725 Beatus vir qui non est lapsus verbo

725 Dominus sit semper vobiscum. Et cum spiritu tuo.

725 Exsurge Domine et intende iudicio meo Deus meus et Dominus meus in causam meam

725 Effunde framea et conclude adversus eos qui me persequuntur dic animae meae salus tua ego sum

725 Silentium facite.

725 Confortare in gratia quae est in Christo Iesu

725 Una dierum Dominus

725 Dominus sit semper vobiscum. Et cum spiritu tuo.

725 Beatus homo

725 Fulgebit iustus

725 Omni cura omni studio omnique devotione fratres carissimi diem hunc quem beatissimus Felix effusione sanguinis sui pro Christi nomine felici martyrio consecravit divinis officiis celebremus. Qui Salvatoris nostri praecepta custodiens dum studio saecularium litterarum Caesaream deget perfectus in legem Domini sanctam Ierusalem felix intravit et quod in ista de ambitione humanae institutionis amisit in illa angelorum societatem divina contemplatione promeruit. In ista reliquit temporalem ac perituram stultitiae sapientiam in illa acquisivit aeternam in Deo manentem veram sapientiam. Huius igitur praesidio Dominum communi prece poscamus ut qui illum divinis ditavit virtutibus nobis per eum suis dignetur suffragare muneribus.

725 Deus qui beatissimum Felicem martyrem tuum ita Sancti Spiritus calore flammasti ut contemptu rerum praesentium te sequeretur et promissionis tuae donis caelestibus ditaretur. Qui in genitali solo tepescente persecutionis flamma dum miles tuus in quo pro tuo nomine certaretur inquireret et inexardescentem declinare a civitate in civitatem sciret zelo tui amoris armatus non ad otium se elegit abscondere sed in acie ubi certamen ageretur immittere. His itaque patriae cedens ponti fretra transcurrens te qui ubique totus es quaerens Gerundam usque pervenit. In qua ut bonus negotiator pretiosam margaritam quam distractis omnibus comparaverat cunctis fideliter ponebat per quam et fortes in fide construeret et dubios fidei fideliter reformaret non formidando de praesentibus poenis sed properando congaudens praemiis aeternis. Unde precamur te omnipotens Deus ut eius suffragio nos tuaearis de caelis cuius martyrium cultu tuo celebramus in terris.

726 Deus qui auctor felicitatis aeternae es Felicis sancti tui obtentu serenus accepta offerentis populi votum et cunctis tribue remedium postulatum. Sicque per illum Pius opitulator assiste precibus nostris ut defunctorum spiritus beatorum consortiis consoleris. Quo illo interveniente feliciter vivamus in saeculo qui nomine Felix et merito felici est pro te consecratus martyrio.

726 Iesu Dei Filius qui felices animas beatorum in caelestem Ierusalem feliciter locans felices eos qui in eius pace gaudent divina auctoritatis sententia prolata denuntias fac nos feliciter Felicis tui merito in ipsius supernae Ierusalem perenniter felicitate laetari atque illius de die in diem desideriis renovari. Ut sicut huius civitatis avidus negotiator hic sanctissimus exstitit Felix qui probitate morum potissimus et patria exsul et rebus tumentis saeculi sapientiam deserturus caelestes accumulans fructus ad illam conscendit cum his quos acquisierat coronatus ita quoque nos te opitulante strenui negotiatores in hac vita pacis et caritatis effecti sic omnia quae egerimus in tua et proximi dilectione agamus ut dignum conquaestum huic sanctae patriae coronaturi post nostrum transitum deportemus.

726 Dignum et iustum est satis nobis conveniens tibique dignum est vere ut gratias referamus tua creatura tuae maiestati Domine omnipotens Deus sempiterne per Iesum Christum Filium tuum Dominum nostrum si tamen fueris dignatus dignas inspirare quas tibi possimus grates persolvere. Nam nihil tibi dignum servitutis est nostrae nisi quod dignum effici posse dederis ipse. Unde cum in sanctis tuis cernimus mirabilem te mirabilia conspicimus a Sanctis fieri per te. Tu es enim qui facis mirabilia solus. Quis enim reticeat laudes tuas quas nec intellectu colligere nec lingua possumus dicere et tamen ostentatione sui compellimur non reticere Tu enim Felici tuo felicitatem conferens primum Christi tui eum agnitione illustrem dehinc lavacri unda praestantem post haec laudabilis vitae moderamine continentem postremo martyrii fecisti congressione admirabilem cunctis similiter insinuans posse te impertire si similiter cuncti gratiae tuae vellent adhaerere aut certe omnia merita dispensatione tua per distributionem munerum et multimoda actione sua non ostenderes a semetipsis discreta. Quid sunt enim bona merita nostra nisi dona tua Et ideo benedicimus te gratias agimus tibi magnificamus et collaudamus te. Creasti enim omnia bonitate redemisti miseratione amasti benignitate. Et cum in omnia opera tua ab operibus tuis intellegaris omnipotens minus de te profertur quam sentitur et plus est procul dubio quam sentiatur. Quid enim dignum loquatur caro de spiritu natura lutea de opifice suo mortalis de vita temporalis de aeterno. homo de Deo Sed quoniam in contemplatione tua deficit non modo vitiata sed illa superna et purgata creatura nihil conducibilius nobis esse credimus nisi in hac festivitate martyris tui Felicis felicitate felicis et nomine redempti unigeniti tui Domini nostri Iesu Christi sanguine vocum nostrarum praeconia cum supernis virtutibus noveno numero consecratis nos oves pascuae tuae recepti in denarium numerum ut continuemus clamante.

728 Vere sanctus gloriosus et admirabilis es Deus Pater omnipotens qui beatissimum martyrem tuum Felicem ita magisterio fecisti evangelicae praedicationis instructum ut dum relicta patria exsul te luminum Patrem quaereret et non obtecta modio sed super candelabrum lucerna fidei cunctis in Ecclesia perluceret saeviente fidei persecutione inimicum non quaesitus aufugeret sed quaerens cum quo certaretur inveniret. Qui cum comprehensus cruentis tribunalibus ob confessionem tui nominis sisteret et primum lenocinatione sermonum sanctum tuum suasionibus inimicus illecebrare tentaret pectus quod tu sera gratiae tuae firmaveras tela reserare non valuerunt ingerit itaque insatiata crudelitas squalorem carceris ferri pondera inediae tabem flagellorum sulca ungularum lacerationem maris naufragia totaque perversitate mentis terrere militem tuum attentat. Sed tu adiutor fortis dum in omnibus facis victorem Martyrem tuum deficientibus poenis fatetur se etiam adversarius victum ut sentiret se divino iudicio poenis subditum qui vanis superstitionibus deditus cogebat tormentis subdi Martyrem tuum. Insaniens itaque victa crudelitas sanctum interfici iubet carcere trusum sed Felix trimphator Dominum Deum confessus in terris felicem animam triumphantibus angelis praemisit in caelis.

728 Unigenite Deus noster qui pro beatissimi militis tui Felicis fide remuneraturus aspiciens non eum solo deseris non etiam pelago cum divinitatis tuae auxilio utribique munitus et in terra consistens adversarium conterit verbis et maria aggrediens fluidas suis submittit undas vestigiis quaesumus ut huius Martyris mollitus suffragio vitam nostram eluens caenoso eruas a profundo conferendo sanctificationem oblatis et perpetuam benedictionem sumpturis. Quo te Dominum nostrum et corde et labiis perenniter confiteamur mundissimis quem idem Martyr angelis immixtus collaudavit vocibus suis.

729 Omnipotens Domine qui es auctor felicitatis aeternae impetrante quaesumus sancto tuo Felice squalorem a nobis nostrae infelicitatis absterge ut apud te in aeternum cum ipso feliciter gaudeamus cuius congaudentes felicitati festa hodie sollemnia celebramus. Quia te praecipiente oramus.

729 Humiliate vos benedictioni. Dominus sit semper vobiscum.

729 Felices vos Dominus martyris sui Felicis intercessione efficiat et omnia mala a vobis depellat. Praesentem vitam feliciter agere concedat ac vobis benedictione perpetua benedicat. Nullum ex vobis infelicem esse permittat sed felicibus vobis feliciora semper occurrant.

729 Per misericordiam ipsius

729 Gustate et videte

729 Refecti Christi corpore

729 Praesta nobis omnipotens Deus beatissimi testis tui Felicis assiduum patrocinium ut eius quoque praeclarum assequi mereamur exemplum. Ut sentientes impensissime suffragantem sequamur fortissime proeliantem.

729 Per misericordiam tuam

729 In nomine Domini nostri Iesu Christi perficiamus cum pace.

729

730

730 Dominum Iesum Christum auctorem iustitiae et caelestis alimoniae largitorem fratres carissimi unanimes deprecemur ut nos in die electorum Iusti et Pastoris martyrum suorum iustitiae fructu locupletet et salutaris verbi sacramento reficiat. Iusti sui precibus peccatores iustificet et Pastoris patrociniis tuaeatur catholicum gregem atque ita utrorumque sanctorum preces suscipiat ut cunctorum supplicantium peccata dimittat. Det nobis in tanta festivitate laetitiam omnique christianae congregationi concordiam. Deprecantium se voces exaudiat languentium medelam infundat oppressis libertatem discordantibus tribuat pacem. Laborantium necessitatibus subveniat populorum vota multiplicet suscipiat oblata fideliter quae inspiravit offerenda clementer. Et quodcumque non facile praestatur indignis totum nobis pro suis quibus nihil abnegat impertiat sanctis.

730 Domine qui es iustus iustorum et pastor piissimus animarum qui Iustum et Pastorem innocentes in regno tuo martyres suscepisti tribue nobis innocentiam tenere dum vivimus et iustitiam custodire dum iudicamus ut etiam defuncti in consortio sanctorum tuorum sine fine vivamus. Quatenus eorum vestigiis inhaerentes non ab illis per mala opera efficiamur exteri qui te confitendo propter te mortui tibique sunt feliciter sociati. Ea fides te nobis reddat propitium quae illos gloriose provexit ad regnum. Illi tuam contemplantur cotidie gloriam nos flagitamus per momenta misericordiam. Illis collata est post mortem victoria nobis eorum interventu donetur facinorum indulgentia. Ut qui illos amicitiae tuae fecisti participes nos indignos eorum gaudiis efficias sine fine consortes.

731 Deus qui iustitiae vindex et pastor pius redemptarum ovium cognosceris esse propitiatus in hac sollemnitate tuorum infantium Iusti et Pastoris oblationes populi suscipe offerentis Iusti tui precibus miseros et Pastoris suffragio consolare defunctos. Quo iustitia pastoris summi concreta clementiae et caelesti pascat alimonia quos creavit et pietate iustificet quos redemit.

731 Fons pacis origo dulcedinis initium caritatis Christe Deus qui cara duorum parvulorum pectora fratrum Iusti scilicet et Pastoris tanto tuae dilectionis implesti amore ut ultra vires viriliter dimicarent qui adhuc lactentis teneritudine agebantur infantiae tribue nobis ut alterno connexi vinculo pacis nullis attentemur iaculis adversantis. Quo sic in nobis iustitia Iusti precibus floreat ut Pastoris consolatio se super nos in pace dilatata diffundat.

731 Dignum et iustum est aequum vere et salutare est nos tibi gratias agere sancte omnipotens Deus cuius potentia mundum regit atque clementia in omnibus mundi partibus opportuna sanctorum suffragia praebet. Postquam enim per orbem universum notitiam tui nominis regeneratis in te populis tradidisti martyres quoque qui te non solum voce sed et sanguine testificati sunt Ecclesiae tuae praesules per loca quamplurima velut pretiosissima ornamenta disposuisti ut fidelium congregatio quae peregrinatur in terris haberet consolationem in sanctis et quae praesentibus afficitur malis tuitionem inveniat vernaculis in patronis. Inter quos dum Iusti tui plena devotione adhaeret obsequiis Pastoris simul atque eiusdem se gubernari gaudet precibus indefessis. Quos ab occiduis partibus semper victuros immaculatos pueros elegisti ac propter nominis tui confessionem punitos velut acceptabiles tibi hostias assumpsisti. Ipse etenim laudem ex ore infantium et lactentium perfecisti qui in tuae infantiae rudimentis necdum loquendi habilem propter te punitam sanctorum aetatulam coronasti tuaeque dexterae tactu parvulis benedicens talium esse regnum caelorum voce veridica praedixisti. Nullus itaque sexus nullaque aetas exsors efficitur praemiis sempiternis quia omne humanum genus redemptum est pretio sanguinis tui. Propter quod Ecclesia catholica quae accepit arrham Paracliti tui haec tibi in sanctis offert pignora perceptura gloriam tui regni. Quorum meritis bonorum universitas adiuvatur horum memoriis nostra congregatio nostraque illustratur ex toto devotio quorumque ex progenie tanti nominis testes suscipiuntur in caelo eorum posteritati uberiora beneficia condonantur in saeculo. Quique iam a te Domine post victoriam coronati et in tua beatitudine constituti atque Angelorum coetibus aggregati te piissimum Redemptorem cotidie cum Cherubim ac Seraphim sine fine collaudant ita dicentes.

732 Vere sanctus vere benedictus Dominus noster Iesus Christus Filius tuus qui parvulorum suorum Iusti et Pastoris roboravit infantiam quo eorum tenera aetas persequentis posset sustinere tormenta quique in illis cum se invicem ad passionem exhortarentur fari dignatus est per gratiae donum qui non vigore corporis sed spiritus optatum continuo adepturi erant martyrium. Propter quod debitas illi tecum atque Sancto Spiritui gratias referentes qui solus abundans in dono gratiae ex ore infantium et lactentium perfecisti laudem precamur ut horum innocentiam mereamur tenere dum vivimus quorum hodie festa sollemnia celebramus.

732 Deus lactentium fides spes infantium caritas puerorum qui per innocentium tuorum Iusti et Pastoris laudem cunctos provocas ad salutem infunde in nobis quaesumus puritatem lactentis infantiae ut dum sensu iustitiae parvulis adaequamur in lla remuneratione fidelium pariter gloriemur. Sicque eorum interventu his hostiis benedicito ut ex his sumentes et peccaminum eluantur labe et purae confessionis potiantur dulcedine.

733 Exsultantes de tuorum parvulorum Iusti et Pastoris Deus Pater triumphis quorum lactentis infantiae aetas relictis scholae tabulis ad suscipiendum alacriter pervolavit bravium passionis tibi Creatori nostro et vota cum gaudiis et scelera pandimus cum lamentis poscentes tuam Piissime maiestatem ut qui illorum innocentiam consecrasti martyrio nostram miseriam repares innocentiae bono. Quo eorum adiuti suffragiis ad te proclamare mereamur e terris.

733 Humiliate vos benedictioni. Dominus sit semper vobiscum.

733 Deus qui pius redempti gregis est pastor et aeternae iustitiae praerogator sanctorum Iusti et Pastoris precibus vos tuaeatur a malo. Iusti sui obtentu faciat vos semitas tenere iustitiae et Pastoris prece super vos pius pastor invigilet. Quo utrorumque adiuti praesidiis sic perenniter fulgeatis iustitiae cultu ut sine confusione perveniatis ad pastorem animarum vestrarum.

733 Per misericordiam ipsius

733 Gustate et videte

733 Refecti Christi corpore

733 Suscipe Domine precem populi tui et directam in spiritu tuo supplicationem tamquam odoris incensi flagrantis assume.

733 Per misericordiam tuam

733 Missa acta est in nomine Domini nostri Iesu Christi perficiamus cum pace

733

734

734 Gloriam et magnum decorem

734 Domine Iesu Christe qui beatissimum Laurentium martyrem tuum amplius refulgere meritis quam flammis affici praestitisti ut fortissimus martyr plus amore quam ardore ferveret tribue ut scintilla fidei eius ita flammemur ne ab igne saeculi consummamur.

734 Per misericordiam tuam

734 Qui aurum diligit non iustificabitur. Et qui insequitur consummationem replebitur ex ea. Multi dati sunt auri casus et facta est in facie ipsius perdicio illorum. Lignum offensionis est aurum sacrificantium. Vae illis qui sequuntur illud et omnis imprudens disperiet in illo. Beatus dives qui inventus est sine macula et qui post aurum non abiit nec speravit in pecunia et thesauris. Quis est hic et laudabimus eum fecit enim mirabilia in vita sua. Quis probatus est in illo et perfectus est et erit illi gloria aeterna. Qui potuit transgredi et non est transgressus et facere mala et non fecit. Ideo stabilita sunt bona eius in Deo et eleemosynas illius enarravit Ecclesia sanctorum. (Eccli 31)

734 Dominus sit semper vobiscum. Et cum spiritu tuo.

734 Beatus vir qui miseretur et commodat disponet sermones suos in iudicio quia in aeternum non commovebitur.

734 Dispersit et dedit pauperibus iustitia eius manet in saeculum saeculi.

734 Silentium facite.

734 Qui parce seminat parce et metet. Et qui seminat in benedictionibus de benedictionibus et metet. Unusquisque prout destinavit in corde suo non ex tristitia aut necessitate. Hilarem enim datorem diligit Deus. Potens est enim Deus omnem gratiam abundare facere in vobis ut in omnibus semper omnem sufficientiam habentes abundetis in omne opus bonum. Sicut scriptum est. Dispersit dedit pauperibus iustitia eius manet in aeternum. Qui autem amministrat semen seminanti et panem ad manducandum praestabit et multiplicabit semen vestrum et augebit incrementa frugum iustitie vestre ut in omnibus locupletati abundetis in omnem simplicitatem qua operatur per nos gratiarum actionem Deo. Quoniam ministerium huius officii non solum supplet ea quae desunt sanctis sed etiam abundat per multas gratiarum actiones in Domino. Per probationem ministerii huius glorificantes Deum in obedientiam confessionis vestrae in evangelium Christi.

735 Nolite thesaurizare vobis thesauros in terra ubi erugo et tinea demolitur et ubi fures effodiunt et furantur. Thesaurizate autem vobis thesauros in caelo ubi neque erugo neque tinea exterminat et ubi fures non effodiunt nec furantur. Ubi enim est thesaurus tuus ibi et cor tuum est. Lucerna corporis tui est oculus tuus. Si fuerit oculus tuus simplex totum corpus tuum lucidum erit. Si autem oculus tuus nequam fuerit totum corpus tuum tenebrosum erit. Si ergo lumen quod in te est tenebre sunt ipse tenebre quante erunt Nemo potest duobus Dominis servire. Aut unum odio habebit et alterum diliget aut unum sustinebit et alterum contemnet. Non potestis Deo servire et mammone. Ideo dico vobis ne soliciti sitis animae vestrae quid manducetis neque corpori vestro quid induamini. Nonne anima plus est quam esca et corpus quam vestimentum Respicite volatilia caeli quoniam non serunt neque metunt neque congregant in horrea et Pater vester caelestis pascit illa. Nonne vos magis pluris estis illis Quis autem vestrum cogitans potest adiicere ad staturam suam cubitum unum Et de vestimento quid soliciti estis Considerate lilia agri quomodo crescunt non laborant neque nent. Dico autem vobis quoniam nec Salomon in omni gloria sua coopertus est sicut unum ex istis. Si autem fenum agri quod hodie est in agro et cras in clibanum mittitur Deus sic vestit quanto magis vos minime fidei Nolite ergo soliciti esse dicentes quid manducabimus aut quid bibemus aut quo operiemur Haec omnia gentes inquirunt. Scit enim Pater vester quia his omnibus indigetis. Quaerite autem primum regnum Dei et haec omnia adiicientur vobis.

736 Dominus sit semper vobiscum. Et cum spiritu tuo.

736 Videbant pauperes et laetentur quaerite Dominum et vivet anima vestra

736 Ego Dominus creavi te et dixi tibi puer meus es tu elegi te noli timere. Egeni et pauperes quaerunt te et tu exaltabis eos in Domino Deo tuo alleluia.

736 Vocavit te Dominus ad iustitiam et tenens manum tuam confortavit te et constituit te in lucem gentium aperire oculos caecorum ut populus direptus et vastatus invocans me.

736 Ad misericordiae opera exsequenda fratres carissimi christianas mentes hodierna sollemnitas excitabit quae beatum Laurentium facultates sibi ab antistite suo Sixsto sancto commisas ecclesiae sic misericorditer dispensasse narravit ut replens dexteram pauperum illic poneret quae custodienda susceperat ubi violentus persecutor intrare non poterat. Imitemur proinde martyris patientiam cuius beatam approbavimus vitam. Transferamus nos etiam universa quaeque diligimus ad aeterna tabernacula qui migrare disponimus de hac temporali vita. Ut cum dies tentationis advenerit nihil habeamus quod perdamus inviti sed spiritali gaudio sapienter accincti dimicemus fortiter usque ad effusionem sanguinis contra perfidiam reservantes constatiam veritatis per quam possimus devincere adversarium hostem in nomine Trinitatis. Haec est enim victima Deo semper accepta cuius per hoc sacrificium recordari compellimur quando eius salutaris hostiae perceptione mundamur.

737 Deus qui divinitatis tuae potentia clarens divinos ac caelibes Ecclesiae tuae Sixstum atque Laurentium elegisti gubernatores cum in uno sacerdotii summam in otero levitici ordinis contuleras gratiam intentis te precibus supplicamus ut in tanti diei sollemnitate conventum familiae tuae ipse respicias et postulatus celer occurras. Sixstus officii sui non immemor sanctificanda tibi nostra offerat vota similiter et Laurentius ministerii sui exsequens curam supplicantibus nobis subministret remedia postulata. Per illum discamus quod ipse egit pro te Domine cervices ponere per istum cremantis saeculi non subrui tempestate. Per illum maturae discretionis iudicio freti polleamus seniorum per istum valide iuventutis luctamen arripientes fide extinguamus incentiva libidinum. Quo sic per Sixstum sanctificandi tuis altaribus offeramur ut tradente nobis Laurentio calicem salutis in remissionem peccatorum sumere mereamur.

737 Clementissime creaturarum omnium Deus pro cuius nomine beatissimi Sixstus atque Laurentius martyres viriliter certaverunt et diverso moriendi genere coronati sunt cum et Sixstus tuo domitas iugo cervices carnificis gladio perempturus exhibuit et Laurentius combustum in craticula corpus suum versari praecipiens spiritum vitae inter flammas efflavit. Te quaesumus te rogamus ut horum precibus corpus nostrum tentationum flammis non ardeat cor divinis flatibus concalescat. Sicque Sixstus ex accepto sacerdotali privilegio ligata criminum nostrorum vincula resolvat ac defunctorum nexus oratidois favore disrumpat ut ministerii sui curam cunctis Laurentio impendente et vivi piacula et sepulti se noverint evasisse supplicia.

738 Deus qui beatissimi levitae tui Laurentii fidem nec igne subrui neque avaritia fecisti corrumpi cum et inter flammas invictus et inter nummos exsisteret a cupiditate intactus perspicuam tuae maiestatis potentiam imploramus ut fidem qua tibi credimus in nobis adaugeas caritatis opes impendas cupiditates interimas simultatum faces extinguas. Quo nec avaritia devicti nec odiis ad te veniamus illaesi illo caritatis tuae rore novandi quo idem martyr tuus decoctus igne meruit recreari.

738 Dignum et iustum est aequum et salutare est sancto nomini tuo sempiterna Trinitas fortissime Deus pro electorum tuorum certaminibus gloriosis aceptabilem tibi si pusillis possibile facias laudis hostiam immolare. Quidquid in his magnificum te operante peragitur merito totum tuis virtutibus deputatur. Huius siquidem pugnae congressio nisi te duce et praesule fuerint instituta nec iniri certamen poterit nec cum laude finiri. Idcirco Domine militum tuorum triumphalem victoriam celebramus quorum te et velle et perficere fuisse probamus. Adsunt igitur Domine horum dierum tempore tui nominis confessione insuperabiles facti et coronarum admirabilium splendoribus decorati Sixstus apostolorun tuorum cathedrae dignus ascensor eiusque archidiaconus Laurentius triumphi caelestis ardentissimus assecutor. Quibus licet biduana vel triduana fuerint intervalla te ut oportuit dispensante subeundi certaminis idem tamen in obtinendo promissionum caelestium bravio fidei viguit ardor. Et Sixstus quidem ut bos iugo dominicae mansuetudinis assuetus submisso occurrit capite percussori potentisque canitie fulgenti cervice renovatus ut aquila ad caelos iuventute volavit. Quique apostolorum choro donatus filium generosae mentis Laurentium expectabat quia sine eo proprii sanguinis victimam offerre nolebat cui cuncta mysteriorum ministeria transigenda commiserat. Qui cum de sua remansione patri querulus exstitisset ab eodem flere prohibitus quod post tres dies se sequeretur audivit nec debere de sua desertione causari praemonuit quoniam ei gloriosior diabolo saeviente irrisoque tyranno triumphus maneret. O martyrum tuorum Christe infatigabilis fortitudo. Quantum enim durioribus fuerint saeviente carnifice deputati tantum a te novarum virium augmenta tripudiant consecuti ut et sanctis tuis gloriam et inimicis cumules poenam. Una denique eademque iustitia et iudicem inferna cruentum et caeli suscipiunt innoxios viros. Qui eo usque dum exureretur robustior factus emicuit ut carnificem tali irrisione damnaret ut si cibus placeret quia iam assatus erat manducaret. Quibus verbis exemplum fidelibus contemnendae mortis insinuans victricem animam Patri et spiritum commendavit et post sudorem proelii Christi refrigeratus amplexu sub arae caelestis umbraculo requiescit. Cui merito caeli et omnes virtutes debita laude confessionis occurrunt aureorumque candelabrorum septifera coruscatione fruentes perpetuis vocibus cantum suavitatis extendunt. Archangelorum quoque exercitus in tuo nomine laetantes tripudiant et augustius triumphantes exsultant. Cherubim quoque ac Seraphim aureo gestientes volatu perstrepunt et suavisono carmine senarum alarum remigiis se pennigerantes extollunt. Bis bina denique animalia cum duodenorum felicium numero seniorum et egregia cantica meditantes clamare non cessant ita dicentes.

739 Hosanna in excelsis. Vere dignum satis et iustum est omni quidem tempore sed praecipue in honorem sanctorum tuorum nos tibi gratias agere consempiterna et consubstancialis et cooperatrix bonorum omnium Trinitas Deus et pro beatissimi martyris tui Laurentii celeberrimo die laudum hostias immolare. Cuius gloriosum passionis triumphum anni circulo revolutum Eclessia tua laeta concelebrat Apostolis quidem tuis in doctrina supparem sed in dominica confessione non imparem qui niveam illam stolam leviticam martyrii cruore purpureo decoravit. Cuius cor igne tuo quem veneras mittere super terram ita flammasti ut ignem istum visibilem non sentiret et appositas corpori flammas mentis intentione superaret ardentemque globum fide validus non timeret. Quique craticulae superpositus novum sacrificium tibi semetipsum castus minister exhibuit et veluti super aram holocausti more decoctus saporem Domino suavitatis ingessit. In qua extensus et desuper fixus subditis iacuit ac pependit incendiis et holocaustum pietatis cruda coxit impietas. Supra quam velut super altare corpus suum novi generis sacrificium celebrandus minister imposuit et levita praedicandus ipse sibi pontifex et hostia fuit et qui fuerat minister dominici corporis in offerendo semetipsum officio functus est sacerdotis. Tuam igitur Domine in eo virtutem tuamque potentiam praedicamus. Nam quis crederet corpus fragili compage glutinatum tantis sine te sufficere conflictibus potuisse Quis incendiorum aestibus humana aestimaret membra non cedere nisi flagrantior a te veniens interiorem hominen lampas animasset Cuius potentia factum est un laeta rore suo anima coctione proprii corporis exsultaret dum versari se martyr praecipit et vorari ne et paratam coronam uno moriendi genere sequeretur et si lenitate cruciatuum vitalis tardaret interitus non exsisteret gloriosius coronatus.

740 Memores mirabilium tuorum Domine quomodo levita tuus Laurentius nec nummis cessit nec flammis qui sic in creditis sibi facultatibus avaritiam vicit ut nullo modo posset inter flammas positus superari rogamus ut devictis in nobis facibus malarum cupiditatum a te sanctificata haec quae offeruntur horum precibus quorum hodie sollemnia celebramus sumantur.

740 Deus qui in veri holocausti hostiam igne examinatum levitam suscepisti Laurentium quo more holocausti decoctus ad te perveniret integer pro miseris rogaturus eius quaesumus suffragiis in nobis omnibus ignis caelestis faces accende ut purgata conscientia ad te mereamur proclamare et dicere.

740 Humiliate vos benedictioni. Dominus sit semper vobiscum.

740 Christus Dominus ad vota vestra respiciat pro quo et Sixstus machaera et Laurentius consumptus est flamma. Eoque favente sic per Sixstus grex catholicus tuaeatur ut per Laurentium salutaris calicis potatione salvetur. Quo et illo tuaente et isto suffragante sic illius accendamur exemplo et istius relevemur suffragio.

742 Dominus sit semper vobiscum. Et cum spiritu tuo.

742 Gustate et videte

742 Refecti Christi corpore

742 Domine Iesu Christe qui beatissimum Laurentium martyrem tuum respuentem vilissimum mundum aurum ostendisti purissimum quod ignis utique non consumeret sed probaret et quanto plus arderet tanto amplius rutilaret tribue nobis ut cupiditatis incendia non consumant quos tam fulgentia Martyris tui exempla clarificant.

742 Per misericordiam tuam

742 Sollemnia completa sunt in nomine Domini nostri Iesu Christi votum nostri sit acceptum cum pace.

742

742 Inter medios cleros pennae columbae deargentate alleluia. Et supra scapulas suas in viriditate auri alleluia alleluia.

742 Specie tua et pulchritudine tua intende prospere procede et regna

742 Tibi semper gloria Domine omnipotens Iesu Christe cuius in caelo et in terra laudis confessio permanet dum tibi gloria in excelsis decantatur et in terra pax hominibus nunciatur. Bonam quaesumus voluntatem nobis famulis tuis et populis supplicantibus tribue ut ab omnibus nos mundes peccatis et pacem tuam nobis propitius et omni populo largiaris.

742 Per misericordiam tuam

742 O pulcra Dei Virgo inter mulieres egredere et abi post vestigia gregum tuorum. Assimiliavi te amica mea pulchrae sunt gene tuae sicut turturis. Ecce tu pulchra es amica mea. Ecce tu pulchra es. Oculi tui columbarum. Surge propera amica mea et veni. Iam enim hiems transiit et recessit flores apparuerunt in terra. Surge ostende mihi faciem tuam et sonet vox tua in auribus meis. Vox enim tua dulcis et facies tua decora quae est ista quae descendit per desertum sicut virgula fumi ex aromatibus mirrhae et thuris et universi pulveris pigmentarii Quam pulchra es amica mea quam pulchra es oculi tui columbarum absque eo quod intrinsecus latet. Sicut turris David tota enim pulchra es et macula non est in te. Veni de Libano sponsa mea. Veni de Libano coronaberis. Hortus conclusus soror mea sponsa hortus conclusus. Fons signatus. Emissiones tuae paradisus malorum punicorum cum pomorum fructibus. Una est columba mea perfecta mea una est matris suae electa genitricis sue. Viderunt illam filie Ierusalem et beatissimam praedicaverunt reginae et concubinae laudaverunt eam quae est ista quae progreditur quasi aurora consurgens pulchra ut luna electa ut sol terribilis ut castrorum acies ordinata Quae est ista quae ascendit de deserto deliciis affluens enixa super dilectum suum Pone me ut signaculum supra cor tuum et quasi monile in brachio tuo et vera Dei permanet dilectio. (Sap 1)

743 Dominus sit semper vobiscum. Et cum spiritu tuo.

743 In manibus portabunt te neunquam offendas ad lapidem pedem tuum

743 Quoniam angelis suis mandavit de te ut custodiant te in omnibus viis tuis

743 Silentium facite.

743 De virginibus praeceptum

743 Dominus noster Iesus Christus in quoddam castellum intravit et mulier quaedam Martha nomine excepit illum in domum suam et huic erat soror Maria nomine. quae etiam sedens secus pedes Domini audiebat verbum illius. Martha autem satagebat circa frequens ministerium. quae stetit et ait. Domine non est tibi cure quod soror mea reliquit me solam ministrare Dic ergo illi ut adiuvet me. Et respondens dixit illi Dominus. Martha Martha sollicita es et turbaris erga plurima porro unum est necessarium. Maria optimam partem elegit quae non auferetur ab ea. Et cum haec diceret extollens vocem quaedam mulier de turba dicit illi. Beatus venter qui te portavit et ubera quae suxisti. At ille dixit. Utique. Beati qui audiunt verbum Dei et custodiunt illud.

744 Dominus sit semper vobiscum. Et cum spiritu tuo.

744 Lauda anima mea Dominum laudabo Deum in vita mea

744 Sicut turris David aedificata es et reprehensio non est in te. Quam speciosa et decora facta es in ornamento tuo et odor unguentorum tuorum sicut odor Libani super omnia aromata alleluia.

744 Sicut columbae sedentes super abundantia aquarum et sicut phialae aromatum gignentes unguentoria et sicut lilia distillantia mirrham et sicut cornatilia aurea plena Tharsis et sicut Libanus electus et sicut cedrus et sicut colunnae marmoreae positae super bases aureas formosae.

744 Omni studio omnique mentis intentione fratres carissimi Dominum deprecemur et in quantum inopiae possibile datur affari grates in quantum possumus agamur acclines illius divinitati qua inter omnia divinitus inspirata inter praecipua atque eminentiora humano generi dona digne largita non parum est quod tribuit Genitrici Filii sui gloriosae Mariae dumque Ideo eam post mysterium verae incarnationis nativitatis passionis ac patulae ad caelum ascensionis gloriosam arcessivit ad se gloria assumptionis. Sic vero unita carnis natura virginitate consimilis hodie una tantilla illius conditionis sedem adiit mirabiliter dietatis. Nec immerito quidem ibidem debuit cum Filio feliciter gloriari cui divinitus intemerato virginitatis pudore meruit invescerari. Ibi namque cum sacris virginibus iugiter iucundari cui etiam in unito carnis foedere incentivis naevis non potuit vitiari. Ibi nempe perenniter dicatis martyrum cuneis adunari dum eidem ineffabiliter univit cuius manu extenti sunt caeli cui illi per integritatem carnis et spem sincerissimi cordis attolli digne concessum est in caelestibus regnis.

745 Ingenite Pater summe qui tanta ac talia beneficii munera virgini gloriosae contulisti Mariae cuius verbo attestante angelo dicata cuius Spiritu illibate sistit foecunda cuius virtute divinitus obumbrata cuius iussu mundi salvationem noscitur paritura cuius voluntate virgo sistit ante partum cuius posse virgo manet post partum cuius imperio ipsi canduit diu castitas cuius miraculo immaculata virginitas. Indignis quaesumus Annue nobis eius favore tuaeri pie de nugis sine meruo emundari de propriis. Ac sicut illa hodie inter angelorum virginumque coros meruit assumi sive de dono illibatae carnis feliciter iucundari sic nos facias stimulo perfecte extirpato carnali beatiores ibidem misericorditer admiti fruituri nempe cum angelis ibidem perennius regno quibus hodie fuit per eam laetabunda assumptio ibidem semper sine termino mansuri ubi omnis caelestis exercitus gloria hodie tantae assumptionis gavisus indesinenter meruit iucundari.

745 Aeterne Deus summe acclines clementiam exoramus divinitatis tuae ut qui hodie inter angelorum florentissimas legiones prophetarum fulgentissimos fasces inter apostolorum titulos latiores martyrum atque virginum catervas dicatas gloriosam virginem assumpsisti Mariam per unigenitum tuum Filiumque suum Dominum nostrum ad superam et inenarrabilem caeli sedem quo nemo hominum creditur assumptus nullusque praeter illam attolli noscitur sexus dum non sola merito ibidem pervenire potuit nisi quod sola virgo post parturitionem mansit solaque caeli ac terrae dominum divinitus parturit et Deum caro factum ineffabiliter utero vehit. Te quaesumus te rogamus ut sicut illam tanti incircunscripti maneris fecisti dominam ita facias Ecclesiam tuam per universum orbem diffusam te Deo praesule omnium contra eam venientium respuere pravitatem nesciens in religione casum abdicans in conversatione deliquium. Sit quaesumus domine in regibus gloriosa in clericis dedicata in ministris sancta in martyribus prompta in virginibus illibata in continentibus foecunda in pauperibus affluens in pupillis exuberans in captivis et vinctis clemens in viduis continens in oppresis relevans disperatis solamen impertiens in lascivis refraenans in luxuriosis evacuans in obstinatis hebetans in disperatis pia in viventibus magistra in fidelibus defunctis requies exoptata.

746 Domine Iesu Christe qui ex Virgine natus unicus virginum permanes sponsus quarum tu coetui praebuisti ducatum ad caeli sedem ubi caput illarum esse voluisti assumendo matrem gloriosissimam Mariam virginem te quaesumus et rogamus ut obtentu illarum nigredine careamus omnium nostrorum facinorum. Divina namque illa et ineffabilis mansio quae virginem hodie sumpsit sic permansuros in ea nos dextera tuae virtutis censeat ut laetos gnaviter lumen speciei tuae ibidem sine fine instituat. Nam si discreta donorum merita ibidem praerogant loca summa et ineffabilia hodie adeptura noscitur virgo Maria per te Domine cui adsunt possibilia universa. Tu es itaque Domine qui omnia ista disponis qui etiam caelestia ac terrestria pretio pacificasti sacri livoris et filios dignatus es facere gratuitae bonitatis. Quia tu es vera pax nostra et caritas indisrupta vivis tecum et regnas cum Spiritu Sancto unus Deus in saecula saeculorum.

746 Dignum et iustum est sanctum et pulchrum est summe et ineffabilis Deus noster quantis possumus collaudare praeconiis etsi impotentes adsumus numen tuae claritatis pollutis contingere labiis sed in quantum ipse donaveris te benedicere et collaudare digne licebit nobis. Qui enim ab initio massam faciens fortiter electorum nonnullis ex illis miracula dari iussisti per vitam signa per mortem portenta per assumptionem. Alios namque potenter resuscitas post carnis defectum alios vero contranas per mentis excessum dumque alios reddidisti dissimiles per obitum ineffabilem soporum. O sacratissimum arcanum et inexprobabile provisum. Quod unumquemque illorum iam per disparem modum inter plurimos mire sublimavit ad caelos. Merito quidem et gloriosior virgo Maria caeli petivit intimum dum caeli et terrae sola visceribus sacris portavit Deum et Dominum. O ineffabilis castitas et immaculata virginitas qua novo et insolito sic enixa est more qua novo et ineffabili modo assumi in supernam meruit sedem. Visura cum Angelis ibidem perpetim Deum cuius Verbi in terra sacrum efecta est templum. Cui nullo modo ibidem incomprensibilis frustratur sedes sicuti incomprensibilis partus non denegatur in terris. Talius enim ibi divinitus ascendisse qualius in novo virginis partu hic similem non invenisse. Quid vero verius datur intelligi An Christus a qua natus est illuc ibidem ferre an Christus a quo dilectus est hic illuc mansisse Merito diuque merito ibidem gloriosior fore prae cunctis dum merito longeque dignissimo dignior invisceratur Deo prae plurimis. Hoc te Domine cooperante qui omnia quae velis facis et de nullo usquam nusquam ventilaris. Quem quoque tremunt potestates caelicolique admirantur cives. Cui multiplex caelica illa angelorum legio ceteraque Sanctorum omnium virginum martyrumque concio sive terrestris beatorum multitudo in hoc assumptionis gloriosae Virginis festo non cessant clamare ita dicentes.

748 Vere sanctus vere benedictus aeterne omnipotens Deus Iesus Christus Filius tuus qui tam visibilia quam invisibilia ab initio instituens finita vel infinita tecum et cum Spiritu Sancto potentialiter creans omnia felicius complevit et divinitus peregit. Extremo igitur inter primaevam vel ultimam saeculi seriem se cum in forma Dei esset exinaniens Deo aequalis nostrum dignatus est contiguum sumere pulverem non quo autem vires augeret potis sed quo vero pestem evacuaret mortis non quo autem ullo eguisset clypeo sed quo vero lethalia vulnera sanasset antidoto non quo autem infirmius fulciret propria sed quo vero potentius caelestia terrestria salvaret vel tartara non quo autem ullam passus esset inopia sed quo vero inopem gratia redderet divitem non quo autem imbecillis caelestes vel aereos domuisset exercitus sed quo vero fortissimus novos ibidem reseraret introitus. Unde hoc autem nusquam Domine omne confitemur peractum nisi et completum esset per Verbum caro factum quod non natura humana sed gratia adunivit assumptum. Accepit nempe quod fecerat in quo autem mirabili modo seseque factum praedixerat de quo mater Sion dicet Homo et homo in ea divinitus admirabiliterque est factus. Tale multoque vere creditur mirabile matrem creasse quale divinitus per eam transiens decus virgineum non adimisse dum ab illo creari ita est ut ab ipso concipi pari et numquam corrumpi. Haec autem Domine omnia si humanis viribus possint exsequi omnia divina nusquam probarentur oriri. Quis vero tandem huius sanctae mysterium approbare potent tantae Incarnationis Nativitatis Filii in caelum Ascensionis et Matris tam incomprensibilis illibatae Assumptionis nisi et recta de Patre et Filio atque Spiritu Sancto sinceriter credat et de matris Assumptione mirabiliter sentiat dum et incomprensibilia sunt utraque et inde credenda utraque quia vera confitemur utraque Haec fides verissima qua reconciliamur piissimo Deo et adoptamur perenniter in filiis.

749 Virgo Dei genetrix Maria cuius hodie veram assumptionem celebramus in sede superna quaesumus indigni et peccatores ibi ubi assumpta es novi miraculi gloria beatiores quandoque mereamur attolli prece hac tua dicata. Roget quaesumus ibidem pro nobis dignitas tui pudoris qui te de terris ineffabiliter sumpsit in caelis post somnum quietis et cursum consummatum vitae temporalis. Adsit rogamus ibidem pro nobis indignis prex tua semper suffragatrix quatenus hic per eam abluti ab omnibus facinorum contagiis mereamur angelorum compotes esse in caelestibus regnis.

749 Domine Iesu Christe qui sic virginem matrem honorificasti quousque assumptionis gratia eam coram te suffragratricem pro nobis effecisti incomparabilem indigni quaesumus divinitatis tuae clementiam quatenus per obtentum illius beatissimae Genetricis quam caelibem hodie fecisti in caelestibus regnis emundati ab universis contagiis audeamus exclamare et dicere e terris.

749 Humiliate vos benedictioni. Dominus sit semper vobiscum.

749 Exoratu virginis sacrae Mariae vestra sint merita et radicitus coram Christo abolita piacula. Et sicut illa hodie collaetatur in sede superna cum angelis sanctis sic vos gaudeatis acquisisse paradisum aeternae felicitatis. Quo anima simul et corpore sani et integri hinc exeuntes ad illam feliciter sedem digne perveniatis quo ipso miserante ab eo divelli nullatenus possitis.

750 Per misericordiam ipsius

750 Gustate et videte

750 Refecti Christi corpore

750 Omnes qui huic sanctae Assumptionis sollemnitati convenistis et sacrosancta communione mortalia corpora vivificastis mereamini per interventum sanctae et gloriosae Dei Genitricis et hic ab omnibus malis eripi et in futuro cum Christo sine fine iucundari.

750

750 Gloriam et magnum decorem impones super eum alleluia et dabis eum in benedictione in saeculum saeculi alleluia alleluia.

750 Vitam petivit a te et tribuisti ei Domine longitudinem dierum in aeternum et in saeculum saecli

750 Aeternum tuae virtutis nomen omnipotens Deus oramus ut nos martyris tui Bartholomaei apostoli et omnium sanctorum meritis socios fide pares devotione strenuos passione consimiles et in resurrectione felicium facias coaequari.

751 Per misericordiam tuam

751 Iustus si morte praeoccupatus fuerit

751 Dominus sit semper vobiscum. Et cum spiritu tuo.

751 Os iusti meditabitur sapientiam et lingua eius loquetur iudicium

751 Lex Dei eius in corde ipsius et non supplantabuntur gressus eius

751 Silentium facite.

751 Carissime confortare

751 Una dierum Dominus noster Iesus Christus

751 Dominus sit semper vobiscum. Et cum spiritu tuo.

751 Exsultabit iustus in gloria et gaudebit in laetitia sempiterna

751 Oravi Deum meum ego Daniel dicens Exaudi Domine precem servi tui illumina faciem tuam super sanctuarium tuum et propitius intende populum istum super quem invocatum est nomen tuum Deus alleluia.

751 Cum effunderem precem meam in oratione in conspectu Domini Dei mei pro peccato populi Israel et pro loco sancto eius in tempore sacrificii Gabriel cito pervolans tetigit me et locutus est mihi dicens Daniel vir desideriorum ab initio obsecrationis tuae ego egressus sum et veni ut dicam.

751 Pretiosissimam martyris Bartholomei apostoli solemnitatem fratres carissimi promptissima celebremus devotione suppliciter orantes Dei nostri misericordiam. Ut qui beatissimam praefati apostoli et martyris sui annua festivitate in hunc diem memoriam excolimus etsi aequari factis eius non possimus saltim ipso patrocinante imitari fidem eius per omnia valeamus.

751 In memoria aeterna beatissimi apostoli tui Bartholomei Domine laetamur tempore recurrenti magnificantes eius gloriam passionis et beatitudinis ipsius facta celebrantes quae a te accepit atque in te possedit largitore inexhausto retributore perpetuo fonte profluo thesauro sempiterno. Da nobis quaesumus veneratoribus suis eius peculiare suffragium et quibus dedisti nominis eius titulum praesta patrocinium indisruptum.

752 In honorem martyris tui Bartholomei apostoli votivum tibi Deus sacrificium exhibentes rogamus ut eius meritis et offerentibus veniam et sepultis requiem largiaris. Quo huius suffragatione te utrobique parciturum prebeas cuius te in passione victorem fuisse demonstras.

752 Deus qui sancto apostolo et martyri tuo Bartholomeo tantum ardorem tuae dulcedinis contulisti ut non cederet penalibus flammis habitans in eo tuae dilectio caritatis. Praesta nobis ut pacis bono accincti careamus scandalis expiemur delictis et aeterne semper praestolemur gloriam visionis.

752 Dignum et iustum est vere Domine quia dignum et pulchrum est nos tibi gratias agere per Iesum Christum Filium tuum Dominum nostrum qui gloriari se in corona martyris sui Bartholomei demonstravit et persequentis inimici furorem rabidum ad nihilum usquequaque redegit. Scindebatur quidem suppliciis pro Christo rege militis corpus variis generibus tormentorum sed anima eius fontibus rigabatur spiritualium gaudiorum aeternum evadens carcerem infernorum. Beatus Martyr cruciabatur in poenis ut immarcessibiles victoriae coronas potiretur in caelis vulnerabatur corpus eius in plagis sed agonia non frangebatur in eo spiritalis. Sua viscera diversis tradidit poenis ne Filium tuum Dominum nostrum Iesum Christum negare videretur in terris. Offerebat se Deo sacrificium castum ut posset centuplum de superioribus praemiis accipere fructum. Cui merito omnes Angeli et Archangeli non cessant clamare cotidie ita dicentes

753 Vere sanctus vere benedictus Dominus noster Iesus Christus filius tuus. Qui apostolum et martyrem suum Bartholomeum et vita probabilem et potissimum reddit passione. Cuius hodierna celebritas id nobis in affectum adducit quod idem apostolus et martyr tuus pro te sanguinem fudit suppliciis caruit vitam invenit. Cuius te ut nostris Deus parcas sceleribus suffragatione rogamus petentes ut hic martyr tuus qui veraciter huic crucifixus est mundo sit in auxilium populo Christiano.

753 Sanctifica Deus quod offerimus et tribue propitius quod rogamus ut qui passionem apostoli et martyris tui Bartholomei venerabiliter annua vice excolimus suffragio eius perenniter potiamur.

753 Dominum Deum nostrum fratres carissimi toto corde deprecemur et humili oratione poscamus ut festivitatem hanc quam hodierno die in honorem sancti ac beatissimi apostoli Bartholomei devotissime celebramus illustret et nos consortes sanctis effectos propositum nostrum vitamque consumet. Et cui sumus in hac nostra devotione fautores esse mereamur donante Christo participes proclamantes e terris.

753 Humiliate vos benedictioni. Dominus sit semper vobiscum.

753 Benedicat vobis omnipotens Dominus et tribuat per presentis martyris suffragia patrocinia sempiterna. Habeatis in martyris intercessione praesidium in recordationis die gaudium sempiternum. Ut qui ad festivitatem tanti martyris fide integra et mente devota venistis magna vobiscum gaudia et premia portetis.

753 Per misericordiam ipsius

753 Gustate et videte

753 Refecti Christi corpore et sanguine et laudamus Domine alleluya alleluya alleluya

754 Deus immense et gloriose quem in passionibus martyrum colimus in beatorum solemnitatibus veneramur atque in certaminibus vincentium collaudamus adesto precibus supplicantium interventu martyris tui Bartholomaei apostoli ut qui te pro admissis terribilem metuimus eius precibus exoratum in misericordia placitum inveniamus.

754 Missa acta est in nomine Domini nostri Iesu Christi perficiamus cum pace

754 Gloriam et magnum decorem

754 Praesta nobis Deus beatissimi martyris tui Genesii assiduum patrocinium ut eius quoque praeclarum assequi mereamur exemplum. Ut sentientes impensissime suffragantem sequamur fortissimum proeliantem.

754 Sapientia isutum deduxit

754 Dominus sit semper vobiscum. Et cum spiritu tuo.

754 In memoria aeterna erit iustus ab auditu malo non timebit

754 Paratum est cor eius sperare in Domino confirmatum est donec videat inimicos suos.

754 Silentium facite.

754 Qui tribuit vobis spiritum et operatur virtutem in vobis ex operibus legis an ex auditu fidei Sicut Abraham credidit Deo et reputatum est illi ad iustitiam. Cognoscite ergo quia qui ex fide sunt hi sunt filii Abragae. Providens autem scriptura quia ex fide iustificat gentes Deus praenuntiavit Abrahae quia benedicentur in eo omnes gentes. Igitur qui ex fide sunt benedicentur cum fideli Abraham. Quicumque enim ex operibus legis sunt sub maledicto sunt. Scriptum est enim. Maledictus omnis qui non permanserit in omnibus quae scripta sunt in libro legis ut faciat ea. Quoniam autem in lege nemo iustificabitur apud Deum. Manifestum est quia iustus ex fide vivit. Lex autem non est ex fide sed qui fecerit ea vivet in illis.

755 Si quis vult post me venire

755 Dominuis sit semper vobiscum

755 Beatus homo quem tu eruisti Domine et de lege tua docuisti eum alleluia

755 Ego servus tuus et filius ancille tuae dirupisti vincula mea tibi sacrificabo sacrificium laudis alleluia.

755 Fide pleni spe robusti voto alacres caritate ferventes praedicemus Genesii martyris victoriae gloriam. Qui gratia Christi Domini et Salvatoris nostri praeveniente respectus et interius se monentem audivit et exterius iubentem sibi contempsit cum in studio militiae saecularis exceptoris functus officio non eum qui mortifera sed eum qui vitalia praecepta iubebat audivit manum divino porrigens operi et auditum suo praeparans Conditori. Huius igitur exemplo reformari nos nostro cupientes Artifici cum his victimis omnipotenti Domino supplicantes et Martyris concinamus gloriam et nostrorum scelerum reseramus occulta. Dabit profecto ille quidquid a nobis fuerit in confessione rogatus qui praedictum Martyrem praevenit etiam non quaesitus.

755 Quid dignum tuae clementiae Domine Deus pro tam gloriosissimi martyris tui Genesii offerri ab infimis celebranda poterit dignitate Nisi ipse castrorum tuorum victoriosissimus miles tam triumphi sui non immemor merito quam supplicantium constrictus obsequio quas placere tibi optime comprobavit Ingerat laudes. Qui specialis gratiae tuae largitate praeventus prius te meruit invenire quam querere prius potuit diabolum vincere quam bellandi arte calcare prius pro te animam ponere quam ipsius fidei rudimenta subire. In quo anticipatum est perfectione quod fuerat currendum per ordinem. Cui prius moriendi pro te insinuasti desiderium quam revelasses baptismi sacramentum. Quem prius voluisti litare sanguinis sui victimam quam sacerdotis auscultare doctrinam. Unde quis nostrum comprehendere pusillus sensu praevaleat quanta illi apud te maneat gloria cui tanta in hoc saeculo fidelium tuorum deserviat obsequella Quique timorem mortis spiritus tui vehementia supergressus ita huic mundo eiusque illecebrosis renuntiarat pompis ut Principum quorum temporaliter cruentis subiacebat imperiis liberrime dedignatus sit superfluis parere praeceptis. Merito igitur dum baptismi inter medios lictores expeteret gratiam consummatam obtinuit sui sanguinis sanctificatus ablutione coronam. Sed nec defuit martyrio quod inerat in voto. Pro quibus donis ac beneficiis tuis et laudum tibi vota persolvimus et nostrorum scelerum abdita publicamus poscentes tuae pietatis clementiam ut qui cum baptismo sui sanguinis ablutum assumpsisti in caelos nos lacrimarum ablutione eluas a delictis.

756 Tuam Domine in hac martyris tui Genesii sollemnitate gloriam praedicamus quem et fidei indicem et consummatorem victoriae idem martyr promeruit invenire. Qui prius fidei voto quam regenerationis praeditus sacramento te unum et verum cultores daemonum dando repudium assecutus est Deum. Acclines te igitur precibus imploramus ut haec inspirata a te nostrorum omnium vota subsequatur misericordia tua faciasque ut quos praevenisti credulitate aeterna remuneres ex mercede huius martyris suffragio praeveniens defunctos ad requiem cuius cor praeventum est prius fide quam baptismatis tinctione.

757 Unigenite Dei Filius ex cuius latere duo illa mirifica sacramenta sanguinis scilicet et aqua fluxerunt quae huic Genesio martyri tuo ad susceptionem regenerationis collata sunt cum non solum Rhodani undis abluitur sed etiam sanguinis sui effusione novatur precibus ut adsis quaesumus supplicantium. Da regeneratis nobis vitam sine crimine ducere scandalis carere innovari tuae dulcedinis ubertate quo baptismum quod in peccatorum ablutione suscepimus in pace quae tu es inviolabiliter conservemus.

757 Dignum et iustum est nos tibi gratias agere Domine sancte Pater aeterne omnipotens Deus in honore sanctorum tuorum sed praecipue in sancti ac beatissimi martyris tui Genesii cuius hodie gloriosam de mundi hoste victoriam universalis Ecclesia festa exsultatione concelebrat. Qui adhuc catechumenus et necdum mysteriis undae salutaris ablutus sacrilegi commilitonis militiam detestans innocentibus ceris nefaria edicta nequaquam passus imprimere cruentas impio ex ore sententias respuit manu repudiavit auditu refugit officio et piam dexteram ab excipiendo tamquam sacrificando retraxit et annotare ceris sacrilega verba mens Deo devota contremuit. Qui incumbente persecutionis mole insequentibus ministris diaboli animam caelo praeparans corpus Rhodano dedit tamquam Iordanis in eo sacramentum requirens et ulteriori ripae martyrem portans ut illam sanguine hanc corpore illustraret. Sic itaque repletus gratia tua Domine fideli spiritu fidei instituta praeveniens nondum baptismum consecutus inter ipsa est religionis principia consecratus necdum manifestatis sibi Dei legibus et iam Deo plenus. Nondum sacramentorum conscius et in sacrificium iam ipse praeelectus necdum libertati donatus et iam pro Deo testis assumptus. Nondum publica professione vocatus ad gratiam et iam raptus est ad coronam. Prius enim adoptatus est quam renatus nondum quidem undam fontis ingressus sed egresso de se fonte perfusus. Abluitur sanguine regeneratur morte damnatione absolvitur gladio consecratur. Felix qui tali baptismo meruit baptizari per quod et originale peccatum deleret et numquam amitteret quidquid cruore huiusmodi condonaret nec ulla culpa in posterum macularet quod semel sanguinis unda diluerat. Qui in se ostium peccatorum fide clausit fide damnavit quique in se per undam sanguinis geminato munere baptismi sacramenta complevit qui non tinctus est fonte sed ablutus est passione. Donante Domino nostro Iesu Christo quem collaudant omnes Angeli atque Archangeli una voce dicentes.

758 Vere sanctus vere benedictus Dominus noster Iesus Christus Filius tuus quem praedictus Martyr adiit fide quaesivit ex opere assecutus est passione. Hic igitur te Deus Pater pro nobis obtineat cum rogaverit qui donum fidei priusquam te postularet accepit.

758 Confitemur nomini tuo Domine gemino vocis ac cordis obsequio celebrantes gratiam pro triumphis martyris tui Genesii. Qui perficiens in infirmitate virtutem aeternam vitam prius lavacro sanguinis quam regenerationis accepit non adoptatus baptismate sed assumptus non admiscendus neophytorum turbis sed consortiis angelorum. Huius igitur intercessionibus exaudi nos et adesto Domine benedicturus his oblationibus nostris ut te quem in sanctis colimus per sanctos tuos interpellare mereamur.

758 Deus qui nolentes praevenis fide atque credentes subsequendo facis non frustra credidisse quique beatissimum Genesium prius gratia praevenisti dulcedinis quam regeneratione baptismatis te suppliciter deprecamur ut iam praeveniamur miserationibus tuis quo ad te fiducialiter possimus clamare e terris.

759 Humiliate vos benedictioni. Dominus sit semper vobiscum.

759 Gratia Christi qui beatissimum Genesium martyrem praevenit fide vos subsequatur in munere. Et qui illum aquis Rhodani originali solvit a vinculo vos huius calicis vivificet sacramento. Atque qui illum fluvial consecravit ex gurgite vos mundiali non subruat tempestate.

759 Per misericordiam ipsius Dei

759 Gustate et videte

759 Refecti Christi corpore et sanguine te laudamus Domine alleluia alleluia alleluia

759 Sit Domine praecedente et orante martyre tuo Genesio in nobis famulis tuis ita te amandi prompta voluntas ut in nullo impediat carnis infirmitas sicque eodem docente a nobis calcetur mundi cupiditas ut eodem intercedente perveniat ad victoriam caritatis.

759 In nomine Domini nostri Iesu Christi perficiamus cum pace.

759 Deus Dei Fili quem Gerontius antistes toto corde confessus nomen tuum honorificando perductus est ad coronam da in ore nostro confessionem quae nos expurget a crimine. Ut quicquid in tuae laudis honore depromimus in lucro nobis prodesse aeterno munere sentiamus.

759 Domine Deus omnipotens qui es vita et salus fidelium quem venturum iudicem credimus verum esto nobis propitius et qui hanc oblationem pro nostra nostrorumque salute vel pro expiatione nostrorum peccatorum in honorem beatissimi confessoris tui Gerontii tibi obtulimus misericordiae tuae opem in nos diffundi sentiamus. Ut qui iam refecti sumus ad mensae tuae convivium dono tui muneris consequi mereamur praemium sempiternum.

760

760 Gloriam et magnum decorem

760 Deus Filius qui in cruce tua et salutem regibus donas et humiles tuos ad victoriam semper armas tempera iam tandem miseriarum nostrarum aerumnas. Ac ne gladio maligno nostrae feriantur cervices obtentu gloriosi praecursoris tui Ioannis Baptistae gladio verbi tui nos reddito efficaces.

760 Iustum si morte preoccupatus fuerit

760 Dominus sit semper vobiscum. Et cum spiritu tuo.

760 Educ Domine de carcere animam meam ad confitendum nomini tuo

760 Deus canticum novum cantabo tibi in psalterio decem chordarum psallam tibi quia liberasti seruum tuum Deus de gladio maligno.

760 Silentium facite.

760 Scio hominem in Christo ante annos quatuordecim sive in corpore sive extra corpus nescio Deus scit raptum eiusmodi usque ad tertium caelum. Et scio eiusmodi hominem sive in corpore sive extra corpus nescio Deus scit quoniam raptus est in paradisum. Et audivit archana verba quae non licet hominibus loqui pro eiusmodi gloriamur. Pro me autem nihil gloriabor nisi in infirmitatibus meis. Nam etsi voluero gloriari non ero insipiens. Veritatem enim dicam. Parco autem ne quis me existimet supra id quod videt me aut audit ex me. Et ne magnitudo revelationum extollat me datus est mihi stimulus carnis meae angelus Sathanae qui me colaphiset ut non extollar. Propter quod ter Dominum rogavi ut discederet a me infirmitas carnis et dixit mihi. Sufficit tibi gratia mea nam virtus in infirmitate perficitur sed gloriabor in infirmitatibus meis ut habitet in me virtus Christi. (2Kor 12)

761 Audivit Herodes tetrarcha famam Iesu et ait pueris suis. Hic est Ioannes Baptista quem ego decollavi ipse surrexit a mortuis et ideo virtutes operantur in eo. Herodes enim tenuit et alligavit eum et posuit in carcere propter Herodiadem uxorem fratris sui. Dicebat enim illi Ioannes non licet tibi habere eam. Et volens illum occidere timuit populum. Quia sicut prophetam eum habebant. Die autem natalis Herodis saltavit filia Herodiadis in medio et placuit Herodi. Unde cum iuramento pollicitus ei dare quodcumque postulasset ab eo. At illa praemonita a matre sua da mihi inquit in disco caput Ioannis Baptistae. Et contristatus est rex propter iuramentum autem et eos qui pariter recumbebant iussit dari. Misitque et decollavit Ioannem in carcere et adlatum est caput eius in disco et datum est puelle et tulit matri suae. Et accedentes discipuli eius tulerunt corpus eius et sepelierunt illud. Et venientes discipuli nuntiaverunt Iesu. Quod cum audisset Iesus secessit inde in navicula in locum seorsum. Et cum audissent turbe secute sunt eum pedestres de civitatibus. Et exiens vidit turbam multam et curavit languidos eorum. (M 14)

761

762 Lauda anima mea Dominum laudabo Deum in vita mea.

762 Iustitiam tuam Domine non abscondi in corde meo veritatem tuam et salutare tuum dixi nam zelavi misericordiam tuam et veritatem tuam a congregatione multa alleluia.

762 In capite libri scriptum est de me ut faciam voluntatem tuam Deus meus volui et legem tuam in medio cordis mei bene nuntiavi iustitiam tuam in Ecclesia magna.

762 Grandi nobis fide fratres carissimi et tota ad Deum conversione gloriosi Ioannis ornanda sanctitas celebranda sollemnitas est qui eo divinae electionis initiatur munere quo finitur in hoc recessit caelestis gloriae testimonio quo praecessit. Cui toto in virtutem Sancti Spiritus amore translato Christus fuit causa moriendi cui Christus fuit causa nascendi. Nullum sibi tempus in eo naturae infirmitas vindicavit cui in conceptu vaticinium in actu baptismum in obitu datum est implere martyrium. Per unam eandemque gratiam ostendit generatio quem promisit conversatio quem docuit passio quem amavit. Prophetat in utero praedicat in saeculo consummat in gladio. A iustitia eligitur de iustitia loquitur pro iustitia decollatur. Nec mirum quod virum tot sanctitatis meritis in Dei agnitionem dispositum quem non cohibuit uterus matris non terruit gladius imperantis et consequens fuit ut Herodi pro castitate non cederet qui patrem pro incredulitate distrinxit et percuteret verbo regem qui silentio percusserat sacerdotem. Hunc ergo honestatis legisque censorem mores improbi non tolerant prophanam petulantis conscientiam abiectum incesti facinus exacerbat et furor verecundia provocatus studet perdere quod docetur dum nescit corrigere quod vetatur. Putat latere posse culpam si ponet in prohibente custodiam. Tantus prophetae splendor in carceris claustra detruditur et pretiosus Deo sanguis meretricia saltationis mercede taxatur et inter gentilitiae voluptatis epulas fit spectaculum quo inter religiosae confessionis hostias credentibus gaudium credituris exemplum terris praesidium caelis fieret ornamentum.

763 Te Domine Iesu Christe in praecursoris tui nativitate laudamus te in eius praedicatione admirabiliter extollimus te in illius morte quantum humana valet pusillitas voce qua possumus honorificamus. Cuius nativitate ubera reserasti senilia et patris linguam quam incredulitas nexuerat absolvisti cuius praedicatione te adesse terris discipuli crediderunt et populi qui illis praestaret salutem saluberrimam audierunt cuius morte veritas patuit et mens belluina virus quod in se latebat occultare non valuit. Huius ergo precibus dignare inspirare nostris cordibus ut caelorum regnum appropinquare credentes te semper paenitendo rogemus tibi preces lacrimabili corde fundamus tua promissa confidenter speremus ut mundata mens nostra a pollutione delicti Spiritum Sanctum quem in columbae adventu sub illius manus suscepisti venire in nobis et manere eum sentiamus nobiscum ac Filium Dei te dilectissimum voce qua ipse audivit audiamus et aequalem Patri cum Spiritu Sancto confiteamur credamus et semper oremus.

763 Unigenite Dei Filius quem beatissimus Ioannes salutavit in utero demonstravit in eremo praecessit nascendo praeiit moriendo concede nobis tanti vatis suffragio ut in hoc die quo idem capite desectus occubuit nos te miserante capite nostro semel pro nobis mortuo a vitiis mereamur occidi et spiritalis dono gratiae innovari. Hic tibi sanctus vir obsequentis vota deferat plebis qui praeco factus est iudicis. Prece sua nostris lumen Ingerat tenebris qui lucerna exstitit luminis voxque illa pro defunctorum spiritibus se rogatura opponat quae Domino mortuis praeparavit in cordibus viam.

764 Gloriosum praecursoris tui Ioannis Christe Deus passionis festum hodierno die voto concinimus sacrificiis dedicamus qui iustitiam praedicans legis sententia mulctatur Herodis. Ob hoc te deprecamur et petimus ut idem qui terminus fuit prophetis finem ponat scandalis et qui fuit baptismatis initium pacis nobis praeroget complementum regatque conservos prece qui te Dominum praecessit in morte.

764 Dignum et iustum est aequum vere et iustum est nos tibi semper gratias agere Domine sancte Pater aeterne omnipotens Deus teque mirabilem in sanctis tuis Dominum praedicare eorumque memoriam sub tuis laudibus colere quorum fuit in conspectu maiestatis tuae et mors et vita pretiosa. Unde nos hodie passionem beatissimi Ioannis Baptistae et martyris tui annua sollemnitate recolentes altaribus tuae pietatis assistimus tibique laudum hostias immolamus. Ioannes enim tuus qui Domino nostro Iesu Christo unigenito tuo et in nativitate praevius et in passione praecursor sacerdotalis prosapiae genitus et propheta ille vocatur Altissimi. Cui emissum nomen de caelo est qui ipsum illum suae nativitatis ortum prophetiae praecessit officio et aeterni praesentiam Domini priusquam ipse vel Christus nasceretur agnovit atque intra viscera materna commotus in virtutem oraculi mentem parentis agitavit ad cuius nomen edendum muta diu sancti patris ora laxata sunt. Hic eremi distincte habitator et primus regnorum calestium praeco mundi fallentis illecebras abstinentiae virtute calcavit et Dominum maiestatis in corpore constitutum felici atque perfecto vaticiniorum fine monstravit. Talem profecto talem esse oportebat qui Dominum baptizaret et cui se sacra illa divinis germinis membra submitterent qui conceptam Sancto Spiritu carnem aquas potius abluentem fluvio auderet immergere. Sit igitur fas hunc talem sub tui nominis honore laudare cui tantae gloriae praestitisti agonem suffragia nobis eius tua bonitate largire. Sonet pro nobis vox illa sublimis quae parandas vias Domini et semitas eius rectas esse faciendas inter deserta clamavit. Loquatur lingua illa pro nobis quae nescit tacere iustitiam. Talis te pro hac plebe talis precetur qualem illum Iordanis fluenta viderunt cum a te Spiritum Sanctum in columbae specie super Unicum tuum descendentem videre promeruit. Ille pro populo tuo manus orent quas Christus dignatus est sanctificare dum tangitur. Asserat tuorum vota famulorum sanguis ille benedictus qui est fusus in carcere qui rubuit in disco qui ad te cum sanctis Omnibus clamat quos ex Abel nunc usque impie caesos aeterna pietatis tuae memoria conservat. Unde merito tibi omnes Angeli atque Archangeli confitentur gloriam tuam collaudant sine cessatione dicentes.

765 Vere sanctus vere benedictus Dominus noster Iesus Christus Filius tuus pro quo Ioannes Baptista et martyr mystico vaticinii sui praenuntiavit oraculo quod illum crescere se autem minui oporteret. His etenim verbis et suam pariter et Domini mortem vivens longe ante praedixit cum et idem Filius tuus elevatus in cruce et iste comminutus sit capite. Nam ille Dominus creaturae sublimitate praelatus est ligni iste animadversione decisus est gladii. Illius caput crux in altum porrexit istius cervicem mucro secus desecuit. Ille Spiritum emisit in cruce hic animam efflavit in carcere. Sed ille in luce qui vitam redditurus esset omnibus moritur iste in abditis qui nisi Christo moriente redempturus esset ex inferis iugulatur. Sic sic plane docuit ut per has mortes dissimilitudines sacramentorum patescerent qualitates quo et in illo divinitas se exaltata ostenderet et in isto humilitas se custodita monstraret.

766 Redempti Christe tui sanguinis pretio Praecursoris tui ut nobis parcas exoramus suffragio. Tu per eum et nobis et his benedicito hostiis per quem te manifestasti incredulis ut qui tuae fuit praevius mortis nostrae sit praerogator salutis.

766 Educ Domine de carcere animas nostras qui beatissimum Ioannem herodiano gladio consecrasti. Detur per eum nobis paenitentiae optio qui paenitudinis exstitit praedicator. Conservet in fide populos qui arguit de infidelitate superbos. Deferat ad te confessionem humilium qui redargutor factus est contemptorum. Quique nuntius exstitit Verbi gratiam nobis praeroget nuntiandi cum ad te nunc proclamaverimus e terris.

766 Humiliate vos benedictioni. Dominus sit semper vobiscum.

766 Beatissimus Ioannes cuius caput cruento regi hodie desectum inter pocula allatum est disco sit pro vobis omnibus apud Deum intercessor. Idem quoque qui fraternum prohibens violare connubium hodie in carcere peregit martyrium suis vos precibus faciat incentivam superare libidinum. Ut sicut idem dominicae Praecursor factus est mortis ita vestris intercessor exsistat praevius pro delictis.

766 Per misericordiam ipsius Dei

766 Gustate et videte

766 Refecti Christi corpore et sanguine te laudamus Domine alleluia alleluia alleluia

766 Educ Domine de carcere animas nostras qui sputa pro nobis perpessus es et flagella. Ut precibus iusti huius Ioannis Baptistae martyris tui ex hoc mundo educti de carcere triumpho crucis tuae debita post nostrum obitum tibi praeconia cum sanctis omnibus praecinamus cum laude assidua.

767 Per misericordiam tuam

767 Sollemnia completa sunt in nomine Domini nostri Iesu Christi votum nostri sit acceptum cum pace.

767

767 Gaude filia Sion dicit Dominus. Spiritus meus qui est in te et verba mea quae posui in corde tuo non recedant de ore tuo nec de ore seminis tui usque in sempiternum.

767 Lauda Ierusalem Dominum et collauda Deum tuum Sion

767 Gloria in excelsis Deo

767 Supplicationem servorum tuorum Deus miserator exaudi ut qui in nativitate Dei Genitricis et virginis Mariae congregamur eius intercessionibus a te de instantibus periculis eruamur.

767 Dominus possedit me

767 Dominus sit semper vobiscum. Et cum spiritu tuo.

767 Gloriose virginis Mariae ortum dignissimum recolamus. Cuius Dominus humilitatem respiciens et angelo nuntiante te concepit redemptorem mundi.

767 Beatissime virginis Mariae nativitatem devotissime celebremus.

768 Fratres gaudete in Domino semper

768 Liber generationis Iesu Christi filii David filii Abraham. Abraham genuit Isaac. Isaac autem genuit Iacob. Iacob autem genuit Ioseph virum Mariae de qua natus est Christus. Omnes ergo generationes ab Abraham usque ad David generationes quatuordecim. Et a David usque ad transmigrationem Babilonis generationes quatuordecim. Et a transmigratione Babilonis usque ad Christum generationes quatuordecim Christi autem generatio sic erat.

768 Dominum sit semper

768 Nativitas tua Dei Genitrix Virgo gaudium attulit universo mundo quia ex te ortus est sol iustitiae Christus Deus noster alleluia.

768 Alleluia magna facta es et praeclara filia Sion in universa terra alleluia.

768 Approbate consuetudinis mos est apud christianos sanctorum patrum dies natalicios observare diligenter et tunc precipue virtutes eorum assignatis litteris in Ecclesia recitare ad Dei laudem ex cuius munere sunt et ad instrumenta morum. Inter omnes autem sanctos memoria beatissime virginis eo frequentius agitur atque festivius quo maiorem gratiam apud Deum creditur invenisse. Unde post alia quedam ipsius antiquiora solemnia non fuit contenta devotio fidelium quin nativitatis solemnem diem superadderet hodiernum. Quesumus ergo ut suffragiis eius odore virtutum odores criminum fugiamus. Ut caelesti illo spiramine recreati a cunctorum vitiorum fetoribus exules reperiamur et sobrii.

768 Beata ergo Domini mater et perpetua Virgo Maria priusquam nasceretur oraculis enuntiata est et designata miraculis. Nata vero progenies divinitus ordinata privilegio virtutum insignis enituit Salvatorem edidit a quo glorificata in caelo nunquam terrigenis patrocinari desistit. Propositionem sequatur ordine suo narratio iamque referamus unum de praetaxatis oraculis ac inde paucis expediamur. Dixit aeternus ad veterem Deus ad serpentem inimicitias ponam inter te et mulierem et semen tuum et semen illius ipsa conteret caput tuum. Ut per hoc quod de te quae vera sunt credimus ad hoc quod te diligentibus tribuis ardentius veniamus.

769 Aeterne Dei Fili qui virgineae Matris uterum sic intrasti ne rumperes sic aperuisti ne signata ullo modo violares. Suscipe benignus hoc sacrificium quod tibi offerimus in honorem nativitatis Genitricis tuae. Tribuens per hoc et vivis anime corporisque salutem et defunctis aeterne reparationis felicitatem.

769 Christe verbum summi Patris qui caro factus es ut habitares in nobis illabere sensibus nostris. Quo omnes qui festivitatem nativitatis gloriosae virginis Mariae celebramus perpetue maneamus pacis societate connexi.

769 Dignum et iustum est nos tibi omnipotens Pater gratias agere si debitoribus quae reddere debeant dignatus fueris prerogare per Iesum Christum filium tuum Dominum nostrum. Ex te Deo Patre sine initio natum tibique indesinenter atque indemutabiliter coaeternum ac per omnia coaequalem. Non adoptione sed genere nec gratia sed natura. Qui in utero sanctificate ac sancte virginis illapsus et sine ulla sorde peccati ineffabiliter natus haec sola meruit ferre Deum post caelum et sola meruit Virgo inveniri post partum. haec sola meruit Deum et hominem Deum imperiis suis lacte uberis potat. Hunc diem nobis quem devotissime celebremus instituit. Propter quod eundem Salvatorem nostrum Unigenitum tuum tecum semper et cum Spiritu Sancto regnantem caeli caelorum et angelice potestates sine cessatione conlaudant ita dicentes.

770 Vere sanctus vere benedictus Dominus noster Iesus Christus Filius tuus. Ipse est qui castitatem contulit virginitatis decus non abstulit matri. Qui et pro nobis ex eadem dignatus est nasci et pro nostra adoptione non abhorruit suscipere mortem.

770 Nuntiamus Domine quod credimus nec tacemus. Te totis visceribus deprecantes ut qui nativitate Genitricis tuae prestitisti ut mater esset et virgo tribuas Ecclesiae tuae ut sit fide incorrupta per castitatem fecunda. Atque haec libamina ita tuae gratiae dulcedo sanctificet ut sumentibus et salutem corporum et delictorum veniam praestent.

770 Deum cuius magnitudo divinitatis capi non potest quique sine initio Deus summus et Pater est deprecemur dilectissimi fratres ut idem Pater qui nasci Filium suum voluit ex utero virginis matris mundet nos ab omni inquinamento carnis et sanguinis. Quo sicut divina inspiratione nata est virgo ita nos divina inspiratione accensi conceptum Spiritus Sancti quem ipso Domino Iesu Christo docente accepimus proferamus publice et dicamus.

770 Humiliate vos benedictioni. Dominus sit semper vobiscum.

770 Dominus Iesus Christus qui olim ex Virgine dignatus est nasci suae vos Genitricis intercessu sanctificet. Quique matrem servavit a corruptele contagio sinum vestri cordis emaculet a delicto. Et qui eam fecit virginem manere post partum caelum vobis tribuat possidere post transitum.

770 Per misericordiam ipsius Dei

770 Gustate et videte

771 Refecti Christi corpore et sanguine et laudamus Domine alleluia alleluia alleluia

771 Sumpsimus Domine celebritatis annue votiva sacramenta praesta quaesumus ut et temporalis nobis vitae remedia praebeant et aeterne.

771 Per misericordiam tuam

771 Sollemnia completa sunt in nomine Domini nostri Iesu Christi votum nostri sit acceptum cum pace.

771 Dicite in nationibus alleluia Dominus regnavit a ligno alleluia et correxit orbem terrae alleluia alleuia

771 Cantate Domino canticum quia mirabilia fecit.

771 Christe Dei Filius in cuius nomine per crucis mysterium

771 Ego Ioannes fui in spiritu et osendit mihi Dominus

771 Dominus sit semper vobiscum. Et cum spiritu tuo.

771 Dominus regnavit

771 Aperiens Petrus os suum dixit

771 Perambulabat Ierico

771 Dominus sit semper vobiscum. Et cum spiritu tuo.

771 Tu es crux fidelis in qua pependit salus nostra

771 Haec dicit Dominus qui erat qui est

771 Gloriemur in Cruce Domini nostri Iesu Christi fratres dilectissimi et tota mentis exsultatione laetemur et huius diei festivitatem cum grande reverentia et spiritali gaudio celebremus. In qua Cruce ipse Dominus noster et Salvator pro nostra salute pependit et de diabolo triumphavit. In istius namque altitudine Crucis primi hominis delicta suspensa sunt et manus illae quae vetitum ori porrexerunt cibum clavorum impressione transfixae sunt. Per hanc ergo Crucem malae concupiscentiae appetitum quod dulcedo arboris illexit amaritudo fellis coercuit et gulae desiderium quod suavitas pomi decepit aceti asperitas refrenavit. Per hanc igitur Crucem venenum quod serpens protoplastis hominibus propinavit medicamentum quod de Christi latere manavit a fidelium pectoribus expurgavit. Postremo per hanc Crucem hominem quem transgressio praecepti de paradiso expulit confessio nominis Christi sine dubio reformavit.

772 Domine Iesu Christe qui in patibulo Crucis suspensus Patrem ex forma servi quam susceperas hiisdem fuisti verbis deprecatus et ut quid te dereliquerit cum ab eo non recederes acclamasti et ut iniquis ac sceleratis persecutoribus veniam tribueret postulasti atque tu spiritum tuum in suis gloriosis tibi tantummodo cognitis susciperet manibus indicasti. Unde nos exigui famuli tui tuorum sermonum tramitem secuti tuam supplices imploramus clementiam ut quod tunc pro susceptae carnis humilitate a Patre expetere videbaris nunc cum eodem connexa semper divinitatis potestate consistens praestare digneris ut Ecclesiam tuam catholicam quam pretioso sanguine redemisti numquam derelinquas nobisque indignis in eadem concurrentibus et Crucis tuae sollemnia celebrantibus ut criminum indulgentiam concedas precamur atque ut animas nostras in conspectu tuo semper suscipias custodias et benedicas humillima prece deposcimus. Et qui latronis tecum in Cruce pendentis confessionem iustificare dignatus es omnium recte in te credentium fidem augeas multiplices et solita pietate conserves.

772 Deus amplius ineffabilus quia inextimabilis

772 Gustate et videte

773 Christe Iesu mortalitatis nostrae forma

773

773 Fili custodi sermones meos et praecepta mea reconde tibi. Serva mandata mea et vives.

773 Erigite vos. Dominus sit semper vobiscum.

773 Locutus est Dominus ad Moysen dicens. Loquere ad omnem coetum filiorum Israel. Et dices ad eum sancti estote quia ego sanctus sum Dominus Deus vester. Unusquisque patrem et matrem suam timeat et ego Dominus Deus vester. Cum messueris segetes terrae tuae non tondes usque ad solum superficiem terrae tuae nec remanentes spicas colligas. Neque in vinea tua racemos et grana decidentia congregabis sed pauperibus et peregrinis carpenda dimittes ego Dominus Deus vester. Non facies furtum non mentiemini nec decipiet unusquisque proximum suum. Non periurabis in nomine meo nec pollues nomen Domini Dei tui. Ego Dominus. Non facies calumniam proximo tuo nec opprimes eum. Non morabitur opus mercenarii apud te usque mane. Non maledices surdo nec coram caeco ponas offendiculum. Sed timebis Deum tuum. Quia ego sum Dominus. Non facies quod iniquum est nec iniuste iudicabis sed nec consideres personam pauperis nec honores vultum potentis iuste iudica proximo tuo. Non eris criminator et susurro in populo. Non stabis contra sanguinem proximi tui. Ego Dominus. Ne oderis fratrem tuum in corde tuo sed publice argue eum ne habeas super illo peccatum. Non quaeres ultionem nec memor eris iniurie civium tuorum. Diliges amicum tuum sicut te ipsum ego Dominus. Non declinetis ad magos neque ab ariolis aliquid sciscitemini ne polluamini per eos. Ego Dominus Deus vester. Coram cano capite consurge et honora personam senis et time Deum tuum. Ego sum Dominus. Si habitaverit advena in terra vestra et moratus fuerit inter vos ne exprobretis eum sed sit inter vos quasi indigena et diligetis eum quasi vosmetipsos. Fuistis enim et vos advene in terra Aegypti. Ego Dominus Deus vester. Nolite facere iniquum aliquid in iudicio et in regula et in pondere et in mensura. Iustus erit modius aequusque sextarius. Ego Dominus Deus vester qui sanctifico vos

774 Dominus sit semper vobiscum. Et cum spiritu tuo.

774 Propter gloriam nominis tui Domine libera nos et propitius esto peccatis nostris propter nomen tuum

774 Memento plebi tuae quam creasti ab inicio animas pauperum tuorum ne obliscaris in finem.

774 Silentium facite.

774 Videte quomodo caute ambuletis. Non quasi insipientes redimentes tempus quoniam dies mali sunt. Proptera nolite fieri imprudentes sed intelligentes quae sit voluntas Dei. Et nolite inebriari vino in quo est luxuria sed implemini spiritu loquentes vosmetipsi. In psalmis et hymnis et canticis spiritualibus cantantes et psallentes in cordibus vetris Domino. Gratias agentes semper pro omnibus vobis in nomine Domini Iesu Christi Deo et Patri.

774 Erant appropinquantes ad Dominum Iesum Christum

774 Dominus sit semper vobiscum. Et cum spiritu tuo.

774 Laudate Dominum de caelis laudate eum in excelsis alleluia.

774 Si in praeceptis meis ambulaveritis et custodieritis mandata mea et feceritis ea dicit Dominus dabo vobis pluviam temporibus suis et terra gignet germen suum et pomis arbores replebuntur alleluia alleluia.

774 Ecce dilectissimi fratres antiqui veteratoris invalescente graviter incentivo flagitiorum diversorum commititur facinus ostenditur ulcus propalatur infidelitatis immane deliquium. Quo et totius mundanae molis machina labefacta subruitur et Ecclesiae Catholicae vigor magna ex parte conteritur. Unde et totum potest id ipsum funditus evertere mundum si paenitentiae lamento nequaquam ad miserationem numen flectatur divinum. Et ideo per singulorum mensium cursum trium dierum ieiunia devotis cordibus celebrantes praeoccupemus faciem Dei in confessione ne ob scelus assiduum fragore caeli subruat mundum ne terra dissiliens universum absorbeat hominis genus neve varia illata clade generaliter dispereat orbis. Profecto etenim ille cito flectetur ad veniam si absque malitia contriti cordis prospexerit cotidiana peccamina.

775 Novimus novimus o summae pietatis Domine quot innumerosae exstent misericordiae tuae. Nam si quantis sedule criminibus sauciamur attenderes nullus esset qui tuam posset evadere ultionem. Sed quia es incomparabiliter pius ob hoc inaestimabiliter parcis errantibus. Et quantum es prae omnibus gloriosus tantum absque severitate intendis humanum. Proinde miserationi tuae fidentes omnipotentissimam tuam flagitamus clementiam ut Ecclesiae tuae fidem sub augmento corrobores commoditatem principibus nostris tribuas et aequitatem eis in iudicando atque mansuetudinem cumules populo tuo fideli miseratus veniam dones et cunctos profanatione diversorumque facinorum nota respersos corrigendo emacules atque indulgendo sanctifices. Quatenus gloriae aeternitatem per fidem acquirant et perpetuae felicitatis dignitatem per opus bonum obtineant.

775 Deus qui solus es mundus et respectu gratiae tuae de immundo efficis mundum absolve nos ab omni sorde facinorum. Quo brachio tuo iustificati et nostrorum omnium nomina adscribantur in caelo et fidelium defunctorum spiritus de poenali habitatione exempti transferantur in locum lucis ac refrigerii.

776 Christe Domine qui spiritus tui illapsu pacis bonum in tuorum cordibus efficacius contulisti discipulorum abice a nobis per visionem pacis tuae simultates cunctaque opera tenebrarum. Et quia frequenter nostrorum peccaminum mole offensus pace tua privamur ad tuae nos dulcedinis concordiam revoca et pacis foedus omnibus intemerato iure possidendum condona. Fraterna sacerdotes tuos semper caritate connecte cordisque eis et corporibus munditiam praelargire et per viam eos tuae deducito voluntatis. Quatenus datione donorum tuorum mereamur caritatis amplexibus in commune tibimet indisolubiliter sociari.

776 Dignum satis est omnipotens Deus vere satis pulchrum et inaestimabile gloriosum est nos incessabiliter tibi Deo nostro gratiarum copiam pandere et indesinenti iubilo in maiestatis tuae iudiciis exsultare. Indubie etenim liquet quia et quando irasceris errantes paterna pietate redargueris et quando placaris immeritis gratiae tuae donaria tribuis. Quis etenim maiestatem tuam condignis potent votis extollere Cuius sublimitas vel miseratio nulla potest ratione considerari. Numerosa etenim sunt operum carnalium scelera quae cum absque terrore patrantur nullus dignus est qui perhibente apostolo tuo regno caelesti potiatur. Nam fornicatio diversorum animas sauciat immunditia inquinat luxuria sordidat avaritia quae est idolorum servitus deturpat beneficia pervertunt contentiones disturbant profanatio nominis tui et iusiurandi transgressio graviter deicit. Et quamplurima alia quibus turbulentis motibus corda hominum lacinantur quae dum in perniciem nostri saepe crebrescunt mundo senescente aspicimus ollam peccatorum nostrorum igne succensam. Unde cernentes nos talibus incommodis circumseptos qui de vitae nostrae meritis coram te summe Pater pro solamine nostro loquamur uspiam reperire nequimus. Ligaverunt nos iniquitates nostrae et earum vinculis detinemur per omnia vincti. Nihil est ex nobis quod merito prosperetur nobis. Sed quia nos de tua pietate confidere iubes qui non vis mortem peccatoris sed ut convertatur et vivat ob hoc sperantes in tuo nomine non deficimus tolerantia bonae spei. Trium enim dierum per uniuscuiusque mensis curriculum exhomologesim facientes pro totius populi delictis hoc tibi libamen dedicamus sacrificii salutaris poscentes ut quidquid cotidianis diebus generaliter actu vel cogitatione offendimus miseratus ignoscas. Manuum etenim tuarum opificium sumus non nos in tua ira diiudices ut meremur. Principibus quoque nostris et potestatibus saeculi huius fidelibus commoditatem vitae simulque mansuetudinis temperantiam tribue et universo populo tuo christiano quidquid contra tuam voluntatem agit propitiatus omitte. De infidelium sane intimis profanationis nodos resolve et callidi hostis ab eis astutiam exclude atque eos qui nequaquam sunt transgressionis experti scelus ne aliquatenus perventatur custodias. Pestilentiam famem variaeque cladis incursum a nostris procul effice finibus quietem terrae opulentiam frugum et gratiae tribue dona atque infirmis salutare fomentum. Quatenus dum ea quae os nostrae mortalitatis a te piissime Pater expostulat largitioneque tua exstiterint attributa totius populi criminis noxa detersa caritatis dono tibimet glomerati mereamur fiducialiter cum omni virtutum caelestium frequentia proclamare.

778 Vere sanctus vere benedictus Dominus noster Iesus Christus Filius tuus. Qui et iuste peccatores flagellat et pietate solita a debitis angustiis liberat. Proinde cernui te precamur clementissime Deus ut et quae male sunt consueta a cordibus nostris procul expellas et per haec sacra libamina consecres nos tibimet in quibus habites vasa mundissima.

778 Illabere quaesumus omnipotens Deus super sacrificii huius libationem quam tibi deferimus et licet impuris hanc tibi manibus dedicemus ac meritis respectu tamen clementiae tuae in conspectu tuo maneat acceptabilis. Quo dum quisque devotione promptissima et edulium sacri corporis et sanguinis tui perceperit sentiat se dignus promeruisse custodiam indignus suorum criminum veniam languidus fomenti medelam contritus vel desesperatus spem consolationis sibimet impertitam et hi qui non habent substantiam bonorum operum a te mole dempta peccaminum sese gaudeant percepisse consortium beatorum.

778 Quid poterit o piissima Trinitas Deus noster condigne tibi infirmitas humanae fragilitatis tribuere quae tantis facinorum ponderibus praegravatur cotidie Et quia non est hora punctus atque momentum quo a nobis non offendaris Deus ideo coarctati angustiis ad domum tuae maiestatis tremendae concurrimus. Scelera nostra confessione oris proprii patefacimus adversum nos iniquitates nostras pronuntiamus vulnerum nostrorum infirmitates ostendimus et a te vero medico malagma nostris ulceribus adhiberi expostulamus. Unde quia tu es Agnus Dei qui tollis peccatum mundi ab hoc prostrati quaesumus tuae omnipotentiam deitatis ut quoties a nobis offenderis toties ignoscere digneris quia te praecipiente etsi indigni clamamus e terris.

778 Humiliate vos benedictioni. Dominus sit semper vobiscum.

779 Christus Dei Filius qui cum Patre et Spiritu Sancto deitatis obtinet unitatem ipse in hoc indictum abstinentiae ieiunium triduanum pro statu Ecclesiae Dei et totius populi salvatione votum vestrum clementer acceptet. Quique solus pro nostra salvatione patibulum pertulit crucis ipse cor vestrum emaculet ab omni appetitu vanitatis. Ut defaecati ab universali colluvione delicti praemio ab eo potiamini indeptae promissionis.

779 Per misericordiam ipsius

779 Gustate et videte

779 Refecti Christi corpore

779 Refecti Christi corpore sanguineque pariter sanctificati Deo Patri omnipotenti gratias referamus ut in eadem refectione sanctificationem habentes hic in futuro saeculo gloriam percipiamus.

779 Per misericordiam tuam

779 In nomine Domini nostri Iesu Christi perficiamus cum pace.

779 Gloriam et magnum decorem

779 Aeternum tuae virtutis nomen omnipotens Deus oramus ut nos martyris tui Cypriani episcopi et omnium sanctorum meritis socios fide pares devotione strenuos passione consimiles et in resurrectione felicium facias coaequari.

779 Per misericordiam tuam

779 Vir iste conservavit lege.

779 Dominus sit semper vobiscum. Et cum spiritu tuo.

779 Posuisti super caput eius coronam de lapide pretioso.

779 Super salutare tuum Domine exultavit vehementer desiderium animae eius dedisti ei et voluntatem labiorum eius non fraudasti ei.

780 Silentium facite.

780 Noli erubescere testimonium Domini nostri neque me vinctum eius. Sed collaborat evangelium secundum virtutem Dei qui nos liberavit et vocavit vocatione sancta. Non secundum opera nostra sed secundum praepositum suum et gratiam quae data est nobis in Christo Iesu ante tempora saecularia. Manifestata est autem nunc per illuminationem Salvatoris nostri Iesu Christi qui destruxit mortem illuminavit autem vitam et incorruptionem per evangelium in quo positus sum ego predicator et apostolus et magister gentium. Ob quam causam haec patior sed non confundor. Scio enim cui credidi et certus sum quia potens est custodire in illum diem. Formam habe sanorum verborum quae a me audisti in fide et dilectione in Christo Iesu. Bonum depositum custodi per spiritum qui habitat in nobis. (2T 1)

780 Dominus noster Iesus Christus loquebatur discipulis suis dicens. Vos estis lux mundi. Non potest civitas abscondi supra montem posita neque accendunt lucernam et ponunt eam sub modio sed super candelabrum ut luceat omnibus qui in domo sunt. Sic luceat lux vestra coram hominibus ut videant vestra bona opera et glorificent Patrem vestrum qui in caelis est. Nolite putare quoniam veni solvere legem aut prophetas. Non veni solvere sed adimplere. Amen dico vobis. Donec transeat caelum et terra iota unum aut unus apex non pretiribit a lege donec omnia fiant. Qui ergo solverit unum de mandatis istis minimis et docuerit sic homines minimus vocabitur in regno caelorum. Qui autem fecerit et docuerit hic magnus vocabitur in regno caelorum. (Mt 5)

780 Dominus sit semper vobiscum. Et cum spiritu tuo.

781 Tu es sacerdos in aeternum secundum ordinem Melchisedech.

781 Stans sacerdos ad altare in circuitu eius corona fratrum quasi germen cedrorum in Libano circumdederunt eum sicut arbores palmarum. Et obtulit oblationem Domino in conspectu universe Ecclesiae alleluia.

781 Exaltatus est et fulget in templo Dei quasi stella matutina in media nube et sicut Luna plena in diebus suis sicut arcus pacis illuminans in nubibus gloriae. Et sicut oliva germinans fructum accepit autem stolam sanctam.

781 Omnipotentem Deum fratres carissimi in honorem beatissimi martyris sui Cypriani supplices postulemus ut populorum concurrentium suscipiat vota ac singulis quibusque propria desideriorum sperata distribuat. Et sicut illi palmam victoriae triumphali titulo contulit qui coruscantis ferri aciem propter amorem nominis sui non est cunctatus excipere ut fulgidum maiestatis suae iubar eius reluceret in sensibus sic ipsius nunc nobis meritis atque universo populo suo aeterna exsultationis gaudia ut tribuere dignetur supplices deprecemur.

781 Praescipui excelse Deus triumphum Cypriani beatissimi martyris tui hodierno die votis attolimus sacrificiis honoramus qui dominico commissoque sibi gregi in suprema iam passione plus pastor relicturus exemplum bis denis temporalem comparavit aureis mortem sanguine potius malens subditis quam verbo scribere quae doceret. Te proinde in hac eius festivitate rogamus ut qui eum contemptu mortis fecisti esse felicem feliciores nos efficias actu beatae vitae quo omnia quae de eius virtutibus admiranda cognovimus effectu opens impleamus

781 Tuam proni Domine immensam quaesumus Maiestatem quem unum et verum Deum praedictus Martyr scientia pollens studio colens virtute flagrans passione triumphans commisae sibi catervae et verbo praedicavit et sanguine. Tribue nobis quod illi tribuisti et virtutibus salubriter erigi et adversitatibus non noceri quo huius Martyris beneficio fidelium favens votis requiem iubeas praestare defunctis.

782 Pacis tuae Deus nobis largire donaria qui in sancto Cypriano martyre tuo tantam tribuisti scientiae gratiam. Reple nos fructu tuae dulcedinis qui os eius caelestibus replesti doctrinis. Da in nobis abundantiam boni qui in illo contulisti scientiam tui ut sicut ille praedicata verbis sanguinis effusione complevit ita nos ea quae de tua pace scimus non solum verbo sed et opere praedicemus.

782 Dignum et iustum est aequum vere et iustum est nos tibi gratias agere omnipotens Deus qui sanctum martyrem tuum Cyprianum et sacerdotalibus Infulis redimitum et passione martyris coronatum in hunc diem ad te solita miseratione evocare dignatus es. Quem nulla saevorum principum interminatio pavefecit non lugubris et squalida ergastulorum obscuritas a proposito sanctae deliberationis retinuit non denique stricti ensis in iugulo descensurus mucro deterruit. Constantia inteprida fides indubia permanens perseverantia. Lacernum birrum quo indutus sacro tuo sancto semper astabat altario sui prostravit genibus percussoris propter te Domine adventum exspectans cui viginti aureos quasi mercedem opens sui mox dari decernit temporalem comparans mortem per quam lucraretur coronam vitae perpetuae. Trepida conatus manu stringere nequivit tempora manualibus nisi fratrum auxilio sacrum vinxisset Christoque iam deditum caput. Et licet humanae fragilitatis pavore turbatus sed constanter spe fidei suae confisus in te obtegit digitis lumina clausa suis ut non cernerent coruscum prius quam exciperet cervicibus gladium stricto itaque ferro suae parato neci non dubitavit subdere collum praesentis vitae iactura naturam superans mortalem ut immortalitatem vitae consequeretur aeternae. Per Iesum Christum Dominum nostrum cui merito omnes Angeli et Archangeli non cessant clamare cotidie ita dicentes.

783 Vere sanctus et pius es Domine Deus noster quem hodierno die praesentis sacrificii litatione laudamus in qua tanti pontificis tui Cypriani gloriosa universo orbe et perfecta in Christo consummatio celebratur. Qui iam in caritatis tuae arce consistens tam Magistri quam Domini praecedentis illuminata cordis acie inhaerendo vestigiis meruit eius particeps effici passionis ut postmodum consors fieret regni ac per hoc heres Dei et coheres fieret Christi. Hic namque populum sibi caelesti auctoritate commissum non solum doctrinae fontibus irrigavit sed etiam in confessione pii nominis fortiter perseverans sanguinis effusione decoravit. Veri pastoris electissimus imitator exsistens qui dum pro ovibus sibi commissis acceptabilia Deo sacrificia iugiter retulisset ut se ipsum quoque post haec possit ei cui hactenus ministraverat sacrificium acceptabile exhibere oratione continua flagitavit. Implens scilicet opere quae praedicaverat verbo nec in aliquo praevaricationis reus exsistens merito illi apostolo gentium atque magistro coaequatus est Paulo in quo Christus habitans velut e templi sui conclavibus loquebatur. Tibi igitur omnipotens Deus Sanctorum tuorum sunt deputanda praeconia cui cura est etiam certamina caelestibus praemiis destinata mirifice profligare. Hos tu iam in numero Sanctorum tuorum aggregatos aeternis divitiis locupletare dignatus est quos quia in te teque in illis Domine manere confidimus ut eos nobis miseris in patrocinium deputare digneris suppliciter postulamus.

784 Santifica Domine oblata tibi ab infimis qui solus glorificaris in sanctis ut in tanti viri sollemnitate ante altare tuum astantes illo repleamur caritatis tuae ardore quo idem vir plenus non solum mortem pro te capitalem praeoptavit suscipere sed ipsum quoque qui se percussurus esset voluntaria maluit remunerare mercede.

784 Ecce Domine redemptor noster et conditor hodierno die incumbente festo Cypriani martyris tui copiosius iucundamur et tamen pro ablutione nostrorum criminum suspiramus. Illius quippe gloriosos cineres retinet africana Carthago sed lingua toto paene claret in mundo. Unde quia hic vir etsi loculo teneatur in corpore beneficiis tamen patet ubique te rogamus et petimus ut eius nobis suffragio ea quae tibi debemus dimittas cuius nos doctrinis ut te oremus illustras.

784 Humiliate vos benedictioni. Dominus sit semper vobiscum.

784 Intercessu martyris Cypriani a vitiis omnibus liberemini qui viginti aureos suo obtulit percussori. Eius quoque foveamini indessinenter praesidiis cuius laetamini in doctrinis. Et qui vos verbis instruit ad vitam beneficiis perducat ad gloriam.

784 Per misericordiam tuam

784 Gustate et videte

784 Refecti Christi corpore et sanguine te laudamus Domine alleluia alleluia alleluia

784 Debitas tibi Domine aeterne referimus grates et Iesu Christo Domino nostro in cuius similitudinem beatissimus Cyprianus dum offert victimam ipse est victima. Dumque sacerdotium eligit martyrium devotus implevit. Obtineat Igitur apud te Deus summe miseris indulgentiam post delictum qui meruit post sacerdotium subire martyrium.

785 Per misericordiam tuam

785 Sollemnia completa sunt in nomine Domini nostri Iesu Christi votum nostri sit acceptum cum pace.

785

785 Omnes qui saecularium curarum turbinibus ferimus aut forsan allidimur quique illicientis aevi saepe laqueis irretimur earundem curarum paululum fasce deposito ad considerandam Domini vocationem alacriter sublevemur. Placeat iam earundem curarum sub opprimentibus oneribus paululum respirare placeat Christi vocationem in sanctis apostolis profligare et solerti cogitatu perpendere. Erigatur mentis oculus ad consideranda divinae gratiae munera et fidelium Christi servulorum pura citaque obsequia. Ecce enim iste Matthaeus apostolus sanctus et evangelista cuius insigne celebrat hodie festum Ecclesia una Christi voce vocationis audita mundi contempsit honores et floscula. Non solum sequitur eum quem se vocantem audivit sed eidem tanta ex vocatione sua repletus laetitia prandium facit. Gratuita venit ad illum gratia Christi et hinc ex publicano scriptor factus est evangelii ex publicanis quippe actibus conversus sequitur Christum et post praedicator sanctus effectus scripsit veraciter Evangelium. Unde igitur conversio fuit tam cita nisi Christi Domini cooperante gratia gratuita Hunc ideo Christum Dominum et Salvatorem omnium puro corde rogemus ut gratia sua qua dignatus est vocare apostolos nos sibi placabiles efficiat servos. Inspiret sui amorem praedicantibus apostolis quos elegit et scelerum diluat culpas his ipsis orantibus quos martyrio coronavit. Det pium orandi se votum et orationis commodet clementer effectum. His largiri dignetur et temporum pacem et criminum veniam quibus apostolis praedicantibus evangelii novam dare dignatus est legem. Hos ad se faciat feliciter pervenire pro quibus sanguinem dignatus est fundere. Ipsis tribuat beatitudinis praemium pro quibus in carne visitare dignatus est mundum ut omnes qui ipso moriente redempti sumus obtentu martyris sui Matthaei apostoli et evangelistae cuius hodie festum incolimus caeleste regnum ovantes intremus.

786 Dator et inspirator omnium munerum Christe Filius Dei qui apostolorum tuorum praedicatione universos terrarum situs illustras et evangeliorum amne quadrifluo rigas quique pro te mori posse martyribus tribuisti eosque pro ultronea morte coronas respice in hac festivitate martyris tui sancti Matthaei apostoli et evangelistae tuorum fidelium vota eosque illaesos aevi facito periculosi transire naufragia. Ut qui illum una vocationis tuae voce dignum tibi fecisti ministrum qui regalem tuam sequens prosapiem primus scriberet evangelium facias nos in te sequendum idoneos et in timore nominis tui perfectos. Instrue quaesumus nos eius doctrinis quem fore voluisti scriptorem primum evangelicae veritatis praedicationis. Reple nos eius meritis spiritali fervore qui praeconia veritatis tuae eius voluisti audiri ex ore. Da nobis amorem tui qui eidem dedisti gratiam Spiritus Sancti. Trahe nos ad te miserationibus consuetis qui illum evangelistam fecisti ex publicanis operibus. Illumina nostri cordis arcana qui illum ad telonem sedentem vocasti gratia gratuita. Eius interventu nobis adesto placatus qui tuus factus est in veritate discipulus. Exaudi illum pro nobis qui apud illum dum non egeres prandis. Ipse ad te nostra tibi placitura deferat vota cuius praedicatio in toto mundo facta est gloriosa. Non nostris nos patiaris puniri pro meritis qui illum replesti muneribus sanctis. Suscipe in eius honore nostrum obsequium qui illum post tanta praeconia fecisti martyrem gloriosum ut qui poenam meremur ex propriis in eius honore tibi oblatis iustificemur obsequiis. Qualiter dum eius meritis vota famulantium suscipis eius obtentu facias eidem obsequentes cum illo consortes in caelestibus regnis.

787 Via veritas et vita qui incarnari voluisti ut redimeres universa redime nos a chirographo delictorum sancti tui Matthaei apostoli et evangelistae necnon et martyris prece. Qui Eufranonem puerum invocatione nominis tui suscitavit a mortuis suscitet nos quaesumus a vitiorum nostrorum sepulchris quique dum Deus putaretur non se esse deum sed Dei servum veridica voce referre non distulit et ut putantes ad te Deum converterentur relicto simulacrorum errore instanter ac fortiter praedicavit ad te nobis redeundi post lapsus aditum praestet nosque in veritate quam praedicavit stabiles faciat. Suscitet mortuorum in sceleribus corda qui mortificata suscitavit celeriter puerilia membra. Timori tuo nos subdat qui virginum cuneos tuo servitio mancipavit. Conferat nobis tutelam et defunctis amoenitatis aeternae quietem quem inter omnes cum propriis condiscipulis duodecim tribuum constituere dignatus es iudicem.

787 Pax omnium Christe et cunctorum te diligentium caritas pura simultatum quaesumus radices a nobis abscinde nosque perenniter in tua pace consolida. Fac nos te amare in veritate fac tua sequentes et servantes praecepta. Odiorum vincula solve lites remove discordiam fuga dissidia pelle et quidquid perimit pacem procul a nobis propitius effuge. Pacem quam tuis discipulis commendasti in terris hanc infundere dignare pectoribus. Pax quam abs te traditam sanctus iste tuus Matthaeus apostolus et evangelista personavit in mundo nos tibi consignans consortes eidem facias in regno superno. Fidelium tuorum nullus per discordiam pereat eorumque odium perimendo nullum possideat sed ita omnes inviolabiliter in tua pace vivamus ut ad te post coronandi cum sanctis omnibus veniamus. Et ita pacis osculum demus ad invicem ut non fictam teneamus in cordibus caritatem ut aeterni regni mereamur apud te consequi mansionem.

788 Dignum et iustum est aequum et salutare est te inconfusa Trinitas et unius essentie indivisa maiestas Deum patrem et Filium et Spiritum Sanctum fontem beatitudinis aeterne laudare quem scimus nullius servitutis obsequiis indigere. Per quem beatissimus martyr tuus Mattheus apostolus et evangelista errores saeculi sapientia vicit terrores patientia superavit et idcirco tam magnum tamque magnificum est quod fecit. Secutus quippe agnum leonem vicit. Quando persecutor seviebat leo fremebat. Sed quia agnus sursum attendebatur leo deorsum contemnebatur. Ipse enim intuebatur qui mortem morte destruxit in ligno pependit sanguinem fudit mundum redemit. Cui merito omnes angeli et archangeli non cessant clamare cottidie ita dicentes.

788 Vere sanctus et vere benedictus Dominus noster Iesus Christus filius tuus. Qui hodierno die animam sui testis Matthei apostoli et evangelistae devicto mundo evexit in caelum. Ut quae fuerat afflicta suppliciis gaudiis frueretur aeternis. Et quae dominice imitatrix extiterat passionis caelestis esset particeps regni. Huius proinde meritis Deus summe terminum pone delictis et finem scandalis. Ut qui martyris tui Matthei apostoli et evangelistae veneratores existimus remotis adversitatibus imitatores effici mereamur.

789 Haec tibi Domine tua servantes praecepta in altare tuum panis ac vini holocausta proponimus et in commemoratione sancti tui Matthei apostoli suscepta populi tui per has oblationes te iubente vota deferimus non nostris meritis sed obsequio suscepti officii rogantes profussisimam tuae misericordiae pietatem omnipotens Deus ut eodem spiritu quo te in carne virginitas incorrupta concepit has hostias Trinitas indivisa sanctificet.

789 Domine Iesu Christe qui elegisti tua ex plebe Mattheum qui Levi sumit cognomen apostolum et evangelistam itaque in vertice Ecclesiae eum statuisti ex publicano a te Christe electum primum in Iudea quidem evangelizare fecisti et postmodum in Macedonia te praedicans pastorum sicque requiescit in montibus annue precibus nostris ut eius interventu nos futuro liberes a tormento. Ut verbum tuum quod ille gloriosis in mundo vocibus sparsit nos sanctificatum in receptaculum nostri pectoris conservemus qui nos docuisti orare et dicere.

789 Humiliate vos benedictioni. Dominus sit semper vobiscum.

789 Dominus Iesus Christus qui ingenti pietate apostolum suum Mattheum et evangelistam ex publicano fecit mirificum nos de adversis faciat semper victoriam promereri. Et qui illum exaltavit vocatione promptissima ab omni nos mundane conversationis dignetur eruere contagio. Et qui voce praedicationis et apostolatus gratia illum ditavit in mundo nos spiritualium gaudiorum munificet incremento.

789 Per misericordiam ipsius

789 Gustate et videte

789 Refecti Christi corpore et sanguine te laudamus Domine alleluia alleluia alleluia

789

790

790 Dabo sanctis meis.

790 Deus qui sanctis tuis Cosmae et Damiano geminas contulisti ante mortem coronas dando illis et in medendi arte effectum et victoriam suplicii te rogamus et petimus ut animae atque corpori nostro horum interventu salutem impertiens et vita nostra incentivorum careat morbis et desiderium concrescat spiritualibus documentis.

790 Per misericordiam tuam

790 Vos omnes sancti Dei vocabimini ministri Domini Dei nostri dicetur vobis fortitudinem gentium comeditis et in gloria eorum superbi estis. Pro confusione vestra dupplici et rubore laudabunt partem eorum. Propter hoc in terra sua duplicia possidebunt laetitia sempiterna erit eis. Quia ego Dominus diligens iudicium et odio habens rapinam in holocaustum. Et dabo opus eorum in veritate et fedus perpetuum feriam cum eis. Et scietur in gentibus semen eorum et germen eorum in medio populorum. Omnes qui viderint eos cognoscent illos quia isti sunt semen cui benedixit Dominus. (Is 66)

790 Dominus sit semper vobiscum. Et cum spiritu tuo.

790 Da nobis auxilium Domine in tribulatione.

790 In Deo faciemus virtutem et ipse ad nihilum deducet tribulantes nos.

790 Silentium facite.

790 Scimus quod diligentibus Deum omnia cooperantur in bonum his qui secundum propositum vocati sunt sancti. Nam quos praescivit et praedestinavit conformes fieri imaginis filii eius ut sit ipse primogenitus in multis fratribus. Quos autem predestinavit hos et vocavit. Et quos vocavit hos et iustificavit. Quos autem iustificavit illos et magnificavit. Quid ergo dicemus ad haec Si Deus pro nobis quis contra nos Qui etiam filio suo non pepercit sed pro nobis omnibus tradidit illum quomodo non etiam omnia nobis cum illo donabit Quis accusabit adversus electos Dei Deus qui iustificat quis est qui condemnet Christus Iesus qui mortuus est imo qui resurrexit qui sedet ad dexteram Dei qui etiam interpellat pro nobis. Quis nos separabit a caritate Christi Tribulatio An angustia An persecutio An fames An nuditas An periculum An gladius Sicut scriptum est. Quia propter te mortificati sumus tota die estimati sumus ut oves occisionis. Sed in his omnibus separamur propter eum qui dilexit nos. Certus sum enim quia neque mors neque vita neque angeli neque principatus neque instantia neque futura neque fortitudo neque altitudo neque profundum neque alia creatura poterit nos separare a caritate Dei quae est in Christo Iesu Domino nostro. (R 8)

791 Convocatis duodecim apostolis dedit illis virtutem.

791 Oblatis super aram unigeniti Filii Dei devota mente muneribus amicos Dei victores saeculi coheredes Christi spirituales medicos medendi cura industrios Cosmam et Damianum fratres dilectissimi deprecemur ut omnigenae infirmitati nostrae et medendi praerogent curam et visitandi non auferant gratiam. Quo per eos consolemur positi in dolore qui medicamento tacti iustitiae ad suscipiendam insuperabiles facti sunt passionem.

791 Deus sanator noster et medicus sempiternus qui Cosmam et Damianum inconcussos fide insuperabiles in virtute fecisti ut per suscepta vulnera vulneribus mederentur humanis qui ante passionem ex terreno medicamine salutem operati essent in populis hos quaesumus nostris infirmitatibus et custodes et medicos deputa. Per eos sanentur infirma per eos non recrudescant sanata. Per hos corpora per hos animae medicinam acquirant. Hi typicis animae aegritudinibus finem hi patulis celerem impendant aegrimoniis sanitatem. Hi putredines vulnerum orationibus desecent Hi manu precationis abdita vulneratorum expurgent. Hi virtutem invalidis robur fessis victum egenis subventionem viduis defensionem orphanis tuitionem largiantur pupillis. Hi miseriis humanis medelam illaturi occurrant hi pressuris hominum concita levigatione subveniant. Hi etiam sic nos a peccati morbo servent illaesos ut ad caelestem perducant patriam coronandos.

792 Recte Domine per hos martyres tuos populis attribuisti gratiam sanitatum qui insuperabiles in passione probati sunt. Ex hoc igitur tuam oblatis victimis clementiam imploramus ut haec oblatio et viventibus gratiae donum et sepultis aeternae quietis conferat refrigerium.

792 Mirabilis es Deus mirabilis et praeclarus qui sanctis Cosmae et Damiano effectus adiutor fortis non eos passus es adversantium interimi lapidibus vel sagittis. Nec enim fas erat ut sublimitate crucis erectos tela inimici redderent vulneratos. Pro quo pietatis tuae cum tremore audentes clementiam postulamus ut nos ita maiestas tua praemuniat quo nullis odiorum iaculis tacti tibi qui verus lapis es per pacis bonum mereamur sine fine coniungi.

792 Dignum et iustum est aequum vere et salutare est nos tibi gratias agere Domine sancte Pater aeterne omnipotens Deus per Iesum Christum Filium tuum Dominum nostrum. Qui sanctis gloriosisque martyribus Cosmae et Damiano geminas contulit ante mortem coronas dando illis et in medendi arte effectum et victoriam per supplicium. Hi namque curationum compotes facti hic fesso medentur alieno corpori illic infirma sua affigunt corpora cruci. Hic aliorum infirmitates curant illic proprias aegritudines tolerant. Alieno malagma conferunt vulneri se ultroneae subiciunt passioni. Alterorum cruciatus exurunt et spontaneis se passionibus tradunt. In aliis perimunt quod in se obvenisse laetantur. Aliorum salutem signis virtutum suam cumulantes stigmate passionum. Aliorum aegritudines verbo suas temporali expiantes supplicio illorum medicaminibus probis suas passionibus improbis aliorum morbis aquae tepentis potione medentur sibi marinis melius immersi gurgitibus consolantur. Per quos te Deus Pater rogamus et petimus ut animae atque corpori nostro horum interventu salutem impertiens et vita nostra incentivorum careat morbis et desiderium concrescat spiritualibus documentis. Per Dominum nostrum Iesum Christum Filium tuum cui merito omnes Angeli et Archangeli non cessant clamare cotidie una voce dicentes.

793 Vere sanctus vere benedictus Dominus noster Iesus Christus Filius tuus qui praedictos martyres suos et medicaminis arte industrios et crucis efficit patibulo gloriosos. In utroque igitur capitis sui imitantes exemplum et curationum enitent gratia et crucifixionis mulctati sunt poena. Sic sic delitescenda virtus martyrum quae terris occulitur in crucis porrecta patibulo exaltatur. Tenuit illic humilitas in abditis ne vanitati patesceret quod hic crux patule omnibus admirandum fore monstraret. Nec tamen hoc cruciatu martyrum elabitur vita quo sua mortificari Redemptor voluit membra ut quibus cruce crucifixi vita promittebatur in cruce positi non deficerent sed gauderent.

793 Facta Domine commemoratione martyrum tuorum Cosmae et Damiani qui pro te nervis caesi marinis fluctibus dediti flammis iniecti eculeo impositi cruci affixi et invicti per passionem et triumphatores exstiterunt per mortem te votis supplicibus imploramus ut in hoc eorum venerabili festo oblatas tibi victimas sereno vultu respicias sumentibusque ex eis Sancti Spiritus lumen infundas quo in hoc die passionis eorum sit populo fideli spiritualis laetitia et gaudia tribuantur aeterna.

794 Deus qui ad salutem humani generis Filium tuum destinasti ad terras cuius exemplum praedicti martyres et virtute miraculorum et passione ipsa secuti sunt respice nos horum propitiatus suffragio et confessionis propriae voto per hos infirmo nostro subveniens corpori quos spirituales medicos elegisti quo nostra his intervenientibus a te accipiatur oratio quibus curationum attributa est optio. Ut per hos medicamine divino compucti a te cum oraverimus mereamur ocius exaudiri.

794 Humiliate vos benedictioni. Dominus sit semper vobiscum.

794 Divina clementia vestris precibus faveat quae sanctos Cosmam et Damianum crucifixione glorificavit corporea. Hosque deputet in suffragio pereuntium quos praerogatores esse voluit sanitatum. Quo eorum precibus corruptionum loti a vulnere sanati corde et corpore regna cum illis mereamini caelestia possidere.

794 Per misericordiam ipsius

794 Gustate et videte

794 Refecti Christi corpore et sanguine te laudamus Domine alleluia alleluia alleluia

794 Deus sanator noster et medicus sempiterne qui Cosmam et Damianum inconcussos fide et insuperabiles in virtute fecisti ut per suscepta vulnera vulneribus mederentur humanis qui ante passionem ex terreno medicamine salutis opera essent in populis hos quaesumus nostris infirmitatibus et custodes et medicos deputa. Per eos sanentur infirma per eos acquiratur animae medicina.

794 Per misericordiam tuam

795 In nomine Domini nostri Iesu Christi perficiamus cum pace.

795 Dabo sanctis meis.

795 Laetifica Domine populum tuum in hac celebritate beatissimorum martyrum tuorum Fausti Ianuarii et Martialis ut qui de nostris peccatis contristamur eorum orationibus consolemur.

795 Per misericordiam tuam

795 Passi sunt iusti digne tormenta et per multitudinem bestiarum exterminati sunt. Pro quibus tormentis bene disposuisti populum tuum quibus dedisti concupiscentiam delectamenti sui. Novum saporem escam parans eis ortigometram. Ut illi quidam concupiscentes escam propterea quae illis ostensa et missa sunt etiam a necessaria concupiscentia averterentur. Hi autem in brevi inopes facti novam gustaverunt escam. Oportebat enim illis quidem sine excusatione supervenire in interitum exercentibus tirannidem. His autem tantum ostendere quemadmodum inimici illorum exterminarentur. Etenim dum pervenit illis seva bestiarum ira morsibus perversorum serpentium exterminabantur. Non in perpetuum permansit ira tua sed ad correctionem in brevi turbati sunt. Signum habentes salutis ad commemorationem mandati legis tuae. Qui enim conversus est non per hoc quod videbat sanabatur sed per te omnium salvatorem. (Sap 16)

795 Dominus sit semper vobiscum. Et cum spiritu tuo.

795 Transibimus per ignem et aquam et induxisti nos in refrigerium.

795 Probasti nos Deus sicut probatur argentum posuisti tribulationes in dorso nostro.

795 Silentium facite.

795 Gratia vobis et pax a Deo Patre nostro et Domino Iesu Christo. Benedictus Deus et Pater

796 Nihil opertum quod non reveletur.

796 Dominus sit semper vobiscum. Et cum spiritu tuo.

796 Ambulabunt sancti gaudentes velut agni pleni pascue alleluia.

796 Locutus est Daniel Ananie Azarie et Misael quaeramus misericordiam a facie Dei omnipotentis super sacramento isto. Tunc Danieli revelatum est mysterium et benedixit Deum alleluia.

796 Throni positi sunt et antiquus dierum sedit vestimenta eius quasi nix candida et capilli capitis eius sicut lana munda thronus eius flamma ignis rote eius ignis accensus fluvius igneus rapidusque egrediebatur a facie Dei millia millium ministrabant ei et decies millia centena millia assistebant ei iudicium sedit et libri aperti sunt.

796 Illustrem atque triumphalem passionis diem martyrum Dei Fausti Ianuarii et Martialis cum summa veneratione celebremus dilectissimi fratres Deum Patrem omnipotentem humiliter exorantes atque ante aulam sacrarii sui cum tremore astantes. Legatione quidem fungimur impositi officii pro nostris peccatis non idonei cogimur interpellare pro sceleribus populi delinquentis. Non est itaque nostrae praesumptionis quod agimus sed sui est imperii quod audemus. Rogemus ergo ut mundans me indignum famulum suum a delicto proprio veniam concedat confitenti populo suo et sanctificet hodie sacrificium in honore praedictorum martyrum suorum super suo altario positum.

796 Digna Domine Deus noster laus debetur martyribus tuis digna veneratio militibus certis dignum obsequium impendi debet fidelibus amicis. Tres hodie voluerunt mori ut viverent voluerunt occidi ut regnarent voluerunt crucifigi ut gehennae cruciatus evaderent et divitias regni caelestis perpetuo possiderent. O beatum consilium quod inter tormenta et poenas non est mutatum sed sic Faustus Ianuarius et Martialis toto animo et corde confortati sunt per Spiritum Sanctum ut hodie vincerent diabolum calcarent saeculum et mente et corpore sequerentur regem aeternum. Quorum expetimus interventum ut per ipsos praebeas te nobis Domine Deus noster propitium et infundas super nos multimodas misericordias benedictionum tuarum.

797 Deus qui unum in Trinitate possides nomen oblatas tibi in hoc tuorum trium martyrum festo has oblationes assume quo et offerentibus ad salutem et defunctis proficiant ad quietem.

797 Assistite nobis sancti martyres Dei in quibus trina et indivisa caritatis societas ignis est conflatione probata. Vestris quaesumus suffragiis praebete nostris finibus pacem et cunctis inconvulsibilem caritatem ut vestro interventu cuncta in pace permaneant quae in hoc die passionis vestrae copiose exsultant.

797 Dignum et iustum est aequum vere et salutare est nos tibi gratias agere Trinitas Deus per Iesum Christum Filium tuum Dominum nostrum. Qui semper impari numero gaudens in campo gloriosi certaminis tres hodie signiferos coronavit ut nullus illorum dissonaret a fide sed Martialis faceret quod Ianuarium vidisset Ianuarius sequeretur Faustum caelestia invadentem. Sic tres Trinitatis fide repleti tyrannicam superbiam calcaverunt vana idola spreverunt pompas saeculi contempserunt et ad caelestia regna ipso Domino nostro Filio tuo duce migraverunt. Tuum est Domine totum quidquid agitur bonum. Tu vincis in homine tu victor semper exsistis cum homine. Tu in tali praelio auctor es tu huius certaminis arma es tu in tam gloriosa pugna virtus es. Tu in omnibus vincis et magnitudinis victoriae palmam concedis. In praefatorum itaque Martyrum tuorum honore dignum maiestatis tuae laudis sacrificium offerentes sanctificetur quaesumus holocaustum tuo altario impositum per signum Filii tui per descensum Spiritus Sancti per praesentiam Angeli deputati. Sit tibi acceptum sit tibi gratum sit tibi sanctum venerabile gloriosum et pingue et vivum vitale et igneum. Unicuique nostrum cum degustaverimus carbo igneus efficiatur quod vidit Isaias propheta angelica manu forcipe abstractum ab ara. Labia nostra mundet immunda polluta peccatis nostra tibi sanctificet corda. Sit credentibus vita sit confitentibus venia sit tristibus laetitia sit aegrotantibus sanitas sit malagma valetudinem laborantibus sit mortem timentibus vita sit ab errore redeuntibus bona via et languori animae atque infirmitatis carnis a te Domino nostro confecta sancta et perpetua medicina. Per Dominum nostrum Iesum Christum Filium tuum cui merito omnes Angeli et Archangeli Throni Dominationes et Potestates non cessant clamare atque dicere.

798 Vere sanctus vere benedictus Dominus noster Iesus Christus Filius tuus cuius vestigia hi tres inconcusso gradu fidei secuti sunt martyres Faustus fautor patris legibus Ianuarius ianuam vitae adeptus ac Martialis martyr sacra improbando potissimus. Hi vere servi Christi et coheredes regni dum hic temporalis poenae damno mulctati sunt caelesti in regione locati palmae victoriae acceperunt.

798 Indivisa Trinitas et una Maiestas quae praedictorum trium martyrum hodie in passione laudaris et praesentium sacrificiorum litatione placandus ascisceris te vocibus votis et orationibus imploramus ut qui illis inexpugnabilem tribuisti devicto hoste victoriam haec nostra sanctifices propitiatus oblata.

798 Conserva nos Domine in timore nominis tui qui societatem trium martyrum tuorum Fausti Ianuarii et Martialis inimici persuasionibus non passus est dividi. Quique illorum animas post eculeum inter flammas suscepisti nostras voces post libitus carnis inter commotiones saeculi fluctuantis exaudi cum ea ad te nunc proclamaverimus qui nobis ipse instituisti.

799 Humiliate vos benedictioni. Dominus sit semper vobiscum.

799 Intercessu martyrum suorum Fausti Ianuarii et Martialis vos Trinitas tuaeatur altissima quae in illis tribus se demonstravit indivisa. Sicque Faustus vestris precibus faveat ut Ianuarius ianuas vobis aeternae vitae aperiat. Quo ita Martialis obtentu saeculi respuatis illecebras ut Christo iudicante immarcesfbiles percipiatis pro sancta conversatione coronas.

799 Per misericordiam ipsius

799 Gustate et videte

799 Refecti Christi corpore

799 Domine Iesu Christe cuius potentia sancti Martyres tui rotantem ignis impetum exstinserunt et iustitiam operati sunt peccatoribus nobis favorem tuae pietatis imperti. Ut per fidem qua sancti vicerunt regna per. eam peccatores caelestem mereamur obtinere coronam.

799 Per misericordiam tuam

799 Missa acta est in nomine Domini nostri Iesu Christi perficiamus cum pace

799 Dabo sanctis meis.

799 O Michael princeps exercitus angelorum veni quaesumus ad liberandas animas fidelium populorum. Ut et iusti iustitiam obtinendo in bonis semper fructificent et iniusti ad paenitentiam conversi veniam accipere non desperent. Sicque nos invicem provocemur in melius ut praemium consequi mereamur aeternum.

799 Per misericordiam tuam

799 Factus est proelium magnum in caelo. Michael et angeli eius proeliabantur cum dracone et draco pugnabat et angeli eius et non valuerunt neque locus inventus est eorum amplius in caelo. Et proiectus est draco ille magnus serpens antiquus qui vocatur diabolus et Satanas qui seducit universum orbem et proiectus est in terram et angeli eius cum illo missi sunt. Et audivi vocem magnam in caelo dicentem nunc facta est salus et virtus et regnum Dei nostri et potestas Christi eius quia proiectus est accusator fratrum nostrorum qui accusabat illos ante conspectum Dei nostri die ac nocte et ipsi vicerunt eum propter sanguinem agni et propter verbum testimonii sui et non dilexerunt animas suas usque ad mortem. Propterea laetamini et qui habitatis in eis. (Ap 12)

800 Dominus sit semper vobiscum. Et cum spiritu tuo.

800 Confitebuntur caeli mirabilia tua Domine et veritatem tuam in ecclesia sanctorum.

800 Quoniam quis in nubibus equabitur Domino aut quis similis erit Deo inter filios Dei.

800 Silentium facite.

800 Gratias agere debemus Deo semper pro vobis ita ut dignum est. Quoniam supercrescit fides vestra et abundat caritas uniuscuiusque omnium vestrum in invicem ita ut et nos ipsi gloriemur in vobis in ecclesiis Dei. Pro patientia vestra et fide in omnibus persecutionibus vestris et tribulationibus quas sustinetis in exemplum iusti iudicii Dei ut digni habeamini regno Dei pro quo hoc patimini. Si tamen est apud Deum retribuere tribulationem his qui vos tribulant et vobis qui tribulamini requiem vobiscum in revelationem Domini Iesu de caelo cum angelis virtutis eius et in flamma ignis dantis vindictam his qui non noverunt Deum et qui non obediunt evangelio Domini nostri Iesu Christi. Qui poenas dabunt in interitu aeternas a facie Domini et a gloria virtutis eius cum venerit glorificari in sanctis suis et ammirabilis fieri in omnibus qui crediderunt. Quia creditum est testimonium nostrum super vos in die illo. In quo etiam oramus semper pro vobis ut dignetur vos vocatione sua Deus noster et impleat omnem voluntatem bonitatis et opus fidei in virtute. Ut clarificetur nomen Domini nostri Iesu Christi in vobis et vos in illo secundum gratiam Domini nostri et Dei Iesu Christi. (2Th 1)

801 Dominus noster Iesus Christus loquebatur discipulis suis dicens. Cum venerit filius hominis in maiestate sua et omnes angeli cum eo tunc sedebit super sedem maiestatis suae et congregabuntur ante eum omnes gentes et separabit eos ab invicem sicut pastor segregat oves ab hedis. Et statuet oves quidem a dextris suis hedos autem a sinistris. Tunc dicet rex iis qui a dextris eius erunt. Venite benedicti Patris mei possidete paratum vobis regnum a constitutione mundi. Esurivi enim et dedistis mihi manducare. Sitivi et dedistis mihi bibere. Hospes eram et collegistis me. Nudus et cooperuistis me. Infirmus et visitastis me. In carcere eram et venistis ad me. Tunc respondebunt ei iusti dicentes. Domine quando te vidimus esurientem et pavimus Sitientem et dedimus tibi potum Quando autem te vidimus hospitem et collegimus te Aut nudum et cooperuimus te Aut quando te vidimus infirmum aut in carcere et venimus ad te Et respondens rex dicet illis. Amen dico vobis quandiu fecistis uni de his fratribus meis minimis mihi fecistis. Tunc dicet et his qui a sinistris eius erunt. Discedite a me maledicti in ignem aeternum qui praeparatus est diabolo et angelis eius. Esurivi enim et non dedistis mihi manducare. Sitivi et non dedistis mihi bibere. Hospes eram et non collegistis me. Nudus et non cooperuistis me. Infirmus et in carcere et non visitastis me. Tunc respondebunt ei et ipsi dicentes. Domine quando te vidimus esurientem aut sitientem aut hospitem aut nudum aut infirmum vel in carcere et non ministravimus tibi Tunc respondebit illis dicens. Amen dico vobis quandiu non fecistis uni de minoribus istis nec mihi fecistis. Et ibunt hi in supplicium aeternum iusti autem in vitam aeternam. (Mt 25)

802 Dominus sit semper vobiscum. Et cum spiritu tuo.

802 Respice Domine de caelo et vide et visita vineam istam.

802 Regnum et potestas et magnitudo regni dabitur populo sanctorum alleluia.

802 Consurget Michael princeps magnus et salvabitur omnis qui inventus fuerit in libro scriptus et qui ad iustitiam erudiunt multos fulgebunt quasi stelle in perpetua aeternitate pertransibunt plurimum multiplex erit scientia populo sanctorum alleluia.

802 Communi voto et affectu connexo superni regis fratres carissimi imploremus aspectum cuius magnitudinis eminentiam humana non potest depromere lingua quia et ipsa cordis receptacula tantilla pensatur ad noscenda supernae maiestatis iudicia. Hoc solum nostro conceditur desiderio ut ad sollemne officium ardenti concurramus ex voto et subnixo genu cordis petamus auxilium nostrae salutis quia ausum nobis praebent suffragia summi nuntii salutaris. Michaelis etenim archangeli hodierni diei sollemne dedicamus et excipimus festum quem devotus populus per ministerium alumnum obtinet immensi regis perfruendo aspectum. Huius nos suffragatione quaesumus Deus summe facito tibi placere cuius famulatum tuo efficis indefesso obsequio permanere ut quem elegisti principem militiae angelorum digneris praelargiri patronum ad tuaendas animas populorum.

802 Ecce fratres carissimi sollemnitas nobis hodie claruit summi nuntii quam olim quondam nostrorum meruit obtinere fides maiorum. Quia cum sit ministerio eminens angelorum non abhorrent animas aestuare nostrorum ut fruantur potius illius intercessione suorumque et sociorum. Nam in conditione omnium creaturarum individua Trinitas quae est una deitas sempiterna maiestas cum conderet angelorum agmina quae primi opens lux est appellata et eminentior angelus cum praeferretur ceteris superba turgidus voluntate et ruit profundior immanissima omni crudelitate. Cuius adversio sicut auctori culpae applicavit interitum ita permansuris in servitute donavit regnum beatitudinis indefessum tantoque solidior aucta est fides manentium quantoque crudelior est facta damnatio delinquentium. Amissa claritate interiit qui humilitatem servare nequivit et sublimis in gloria pollet qui in ministerio perfectior manet. Apostata etenim angelus ab aeterna beatitudine proiectus factus est humano generi insidians inimicus ne locum quem perdiderat gloria humana potiretur fragilis glutinatio plasmae. Prius enim decepit quam sexu fragilem vidit et per illam lethale virus rudi et incauto obtulit viro. Cuius protinus parens culpa iustae damnationis intulit poenam a quo disseminata ex illis progenies obnixe maneret districta. Sed vicit pietas Creatoris et callidis anguis suadellam decipulam et transgressoris admissa piacula. Redemit enim misericorditer quem dudum culpa damnaverat condecenter libero arbitrio heredem contutit caelo quem olim fore beatum plasmaverat in paradiso. Nam quia primus homo conditus angelorum fuerat societate locandus si non fuisset inoboediens factus. Postquam vero suadenti obtemperat et Creatoris iussa relinquit etiam consortium angelorum amisit. Quod quidem iam manet restauratum per Dei Patris omnipotentis Verbum unicum caro factum in cuius incarnatione angeli gloriam cecinerunt et omnes bonae voluntatis consimili laude secum sociandos denuntiaverunt. Horum etenim militia angelorum Michael eminentior manet in officio actionum ut ordinatim dispositi maneant in obsequio Conditoris et vota deferant populi communi omnium Creatori.

803 Recensita Domine tuorum nomina famulorum pietatis tuae imploramus misericordiae donum ut precum nostrarum portitorem tuum nuntium destines Michaelem ut petenda nos congrua doceat et petitionibus nostris ipse tibi intercessor assistat ut vivis impetrando tutelam et defunctis acquirat requiem sempiternam.

804 Christe Dei Filius qui dissidium pacis quod inter angelos et homines obiecerat nequam ille spiritus pravitatis tuae incarnationis mysterio restaurasti ut illi angeli numquam dilapsi reformatos per te ad gratiam homines conservos agnoscerent quos extorres pridem per culpam sentirent et qui se adorare prius non prohibebant postmodum ne fieret prolato clamore recusabant. Tanto itaque beneficio redempti quaesumus ne amplius in pristino lapsu decepti cadamus sed renovationem baptismi ita fide conservemus et opere ut Sanctorum angelorum tuorum societate semper studeamus connexi manere.

804 Dignum et iustum est satis dignum et pulchrum est te indivisa Trinitas et unius essentiae discreta personaliter una Deitas collaudare cuius imperio omnis subiacet creatura et creatrici tuae potentiae creditam exhibet obsequellam. Ex quibus nos nimiae exiguitatis pertenues adire cupimus si valere possumus ut a quo creati et recreati consistimus licet non ut debemus quia minus valemus sed tamen in quantum vires suppetunt laudationis munera deferamus. Nam cum Deus Pater cum Filio Sanctoque Spiritu ante saecula cuncta disponens primam in creaturarum conditione angelorum conderet electionem quae utique lucis nomine appellatur cum indefesse lucem luminis perfruitur sed primus in angelis conditus ab auctore suo munere et gloria decoratus dum non ei a quo acceperat deputavit quod pollebat sed suo turgidus sublevatus conatu ruit profundius sub omni quidquid constat esse creatum. Cuius vicem gloriae non superbiae Michael adeptus est cum humilitate ut celsa sublimaretur in arce qui Creatori suo totum quod erat noverat deputare. Nec adhuc infidelis ille apostata angelus se compescuit dudum damnatus et malitiae suae facinore accensus protoplastorum beatitudinem invidendo paene illos subdidit male suadendo quibus a gaudiis paradisi exclusis gavisum se fore arbitrabatur ad sufferenda supplicia sociis acquisitis. Sed rediit in illis affectus pietatis quos gravaverat plasma lutea corporalis ut ipse Creator reformaret ex lapso qui pridem iubens plasmaverat ex limo. Nam quia deceptorem illum ad probationem hominum supernae clementiae pollicetur se permittendum ut augmentato malitiae suae cumulo atrocius prematur divino iudicio. Ad cuius inferendam necem summum nuntium inquit mittere Michaelem ut eius districtius rigore intereat princeps superbiae qui firmatus humilitate et obsequio Conditoris statuit permanere e caelo missus iniquum hostem perimens submittebit in inferno et ipse victor exsultans victori plaudebit a quo victor manebit. Ecce quomodo superbia ruet et humilitas gliscet. Superbia damnata in inferno perimitur humilitas perfecta caelorum gloria sublimatur. Discat quaeso fratres vestra benignitas quantum valet perseverans humilitas quae dum se ad futurum in cunctis subicit Creatori eius auctus nomini participet Conditoris. Michael dicitur Quis sicut Deus eo quod nullus facere audeat quod fecit Deus dum ad bellandas aereas potestates ad vicem Domini mittitur cuius nominis participationem meruit ex adoptione. Attentius fratres carissimi si fas est pensate quantum in imo superbia iacet quantum in summo humilitas pollet nec reor vobis absque munere delatum quod vatum oraculis dudum manet dedicatum. Audite cognoscite cognita bonis operibus decorate sicque vosmetipsos exhibete Dei ministros ut illorum mereamini coetibus adunari quorum devote videmini sollemnitatem excolere. Dominus enim Deus noster consortium nobis pollicet angelorum tantum si ei placeamus de exhibitione bonorum operum. Ipse enim praestat operare digna indignis qui super omnia gloriosus regnat in caelis. Ante cuius conspectum omnes Angeli et Archangeli non cessant clamare dicentes.

806 Vere sanctus in sanctis vere in omnibus gloriosus Dei Filius cuius inenarrabilis exstat numerus angelorum quem togatorum immensitas collaudat sanctorum qui Michaeli tuo nuntio primatum gratiae contulisti et populi tui defensorem constituisti quaesumus praesenti in saeculo defensari et ad te post transitum beatorum numero adunari.

806 Recolentes Christe Deus gloriosae passionis tuae mysterium in quo debellatas aereas potestates triumphare nos crucis tuae vexillo de eorum nequitiis facis quia dum tu caput nostrum sublimaris in cruce obstrusus quondam nobis reseratur aditus vitae. Humanitas quippe tua ex terris assumpta coaeterna facta est Patri et Spiritui Sancto in saecula. Ad te nos cum gemitu proclamamus tibi et vota promimus et moestitias propalamus. Tu enim nosti quae desideramus a quo ex nihilo plasmati manemus nostro nos merito incusamus qui ad te oculos erigere non audemus. Ideo supplices flagitamus ut precum nostrarum portitorem Michaelem archangelum habere mereamur quo te favente pacem fideles obtineant semper. Per hunc temporum quietem et vitae meliorationem. Per hunc catholicae Ecclesiae firmitatem et increduli fidei sanctae percipiant credulitatem. Per hunc pontificalis ordo aucto culmine polleat et sublimatus apice gloriae virtutem meritis antecedat. Per hunc clerus foveat sanctitatem per hunc monachi firmissimam obtineant religiositatem. Per hunc principum moderata in populis iustaque decreta consistant. Per hunc plebium fidelitas catholicae fidei munimine coalescat. Per hunc coniugati continentiam virgines studeant obtinere perseverantiam. Per hunc turgida mens se colliget freno humilitatis per hunc acquirant solamen spei criminibus nimiis disperati. Per hunc ad paenitentiam lapsi ad veniam rei ad misericordiam saevi ad patientiam valiant iracundi. Per hunc vincti absolutionem captivi liberationem viduae habeant defensionem pupilli tuitionem. Per hunc tumentes marinorum fluctus blandum navigantibus praebeant cursum. Per hunc naufragi optatum tranquillumque inveniant portum. Per hunc exsul ad solium valeat remeare suum. Per hunc discordes pacem concordes possideant perseverantiam caritatis. Per hunc infirmi medellam defuncti requiem obtineant aeternam. Et ita per hunc tua pietas beneficia nobis concedat quaesita ut repulsa omnium adversantium illecebra caelesti nos faciat exsultare in patria.

807 Christum Dei Filium cuius testimonio instructi manemus eo quod unaquaeque anima ad suum tutamentum custodem habeat angelum deputatum quaesumus ut assidue nobiscum manente angelo pacis procul efficiatur refuga ille quondam angelus auctor iniquitatis ut corde et corpore purificati ad corporis et sanguinis sui sacramenta mereamur accedere beatificandi. Et sic aurem cordis suis inclinemus praeceptis ut semper ad eum fiducialiter clamemus e terris.

807 Humiliate vos benedictioni. Dominus sit semper vobiscum.

807 Benedicat vobis Dominus Iesus Christus Dei Filius rex aeternus et misereatur vestri. Mittat angelum suum sanctum Michaelem principem qui custodiat corda et corpora vestra. Maneat pax Domini nostri Iesu Christi vobiscum ut lumine pacis ambuletis et in numero sanctorum computati eritis.

807 Per misericordiam ipsius

807 Gustate et videte

807 Refecti Christi corpore et sanguine laudamus Domine alleluia alleluia alleluia.

808 Tuam clementissime Pater supplices exoramus clementiam ut hodierna sollemnia quae pro beatissimi tui archangeli veneratione suscepimus ipse tibi commendes. Et sicut illi coronam sanctae perfectionis tribuisti ita nobis eius intercessione omnium delictorum veniam et indulgentiam largiaris.

808 Per misericordiam tuam

808 Sollemnia completa sunt in nomine Domini nostri Iesu Christi votum nostri sit acceptum cum pace.

808

808 Eduxit eos Dominus in viam rectam alleluia ut irent in civitatem habitationis

808 Benedicti vos a Domino qui fecit caelum et terram

808 Deus qui sanctis tuis Servando et Germano tantam gratiam in passione dedisti ut insigniter apertum fidei vincerent hostem qui primum spiritualiter in se bella corporis sui devicissent praesta nobis auxilium de tua pietate firmissimum quo muniti atque praecincti et rebellantem spiritui carnem valeamus compescere et nos ipsos intrepidos studeamus bellis spiritualibus praeparare.

809 Per misericordiam tuam

809 Dominus sit semper vobiscum. Et cum spiritu tuo.

809 Sancti iter fecerunt per deserta

809 Dominus sit semper vobiscum. Et cum spiritu tuo.

809 Anima nostra sicut passer erepta est de muscipula venantium. Laquens contritus est nos salvati sumus.

809 Nisi quia Dominus erat in nobis dicat nunc Israel. Nisi quia Dominus erat in nobis. Cum insurgerent homines in nos forsitan vivos deglutissent nos.

809 Silentium facite.

809 Iustificati ex fide pacem habeamus ad Deum per Dominum nostrum Iesum Christum. Per quem accessum habemus per fidem in gratia in qua stamus et gloriamur in spe gloriae filiorum Dei. Non solum autem sed et gloriamur in tribulationibus scientes quia tribulatio patientiam operatur. Patientia autem probationem. Probatio vero spem. Spes autem nos non confundit. Quia caritas Dei diffusa est in cordibus nostris per Spiritum Sanctum qui datus est nobis. Ut quid enim Christus cum adhuc infirmi essemus secundum tempus pro impiis mortuus est iustus pro iniustis Vix enim pro iusto quis moritur. Nam pro bono forsitan et quis audeat mori Commendat autem Deus suam charitatem in nobis. Quoniam si cum adhuc peccatores essemus Christus pro nobis mortuus est multo ergo magis iustificati sanguine ipsius salvi erimus ab ira per ipsum. Si enim cum inimici essemus reconciliati sumus Deo per mortem filii eius multo magis reconciliati salvi erimus in vita ipsius. Non solum autem sed et gloriamur in Deo per Dominum nostrum Iesum Christum per quem nunc reconciliationem accepimus. (R 5)

810 Cum venerit filius hominis in maiestate sua et omnes angeli cum eo

810 Dominus sit semper vobiscum. Et cum spiritu tuo.

810 O Domine salvos nos fac o Domine bona prosperare alleluia

810 Venite benedicti Patris mei percipite regnum quod vobis paratum est ab origine mundi alleluia.

810 Cum venerit filius hominis in sede maiestatis suae et omnes angeli cum eo tunc fulgebunt iusti sicut sol in regno Dei.

810 Gloriosa martyrum Servandi et Germani fratres carissimi haec dies illuxit in qua ipsorum operatio fructuosa laboris supremo gladii ictu invecta est in supernis. Dominum Deum igitur in eorum passione laudantes rogemus ut qui illorum instructione quamplurima idolorum sacra comminuit nos eisdem intercedentibus calore fidei faciat ampliari.

810 Deus qui sanctis tuis Servando et Germano tantam gratiam in passione dedisti ut insigniter apertum fidei vincerent hostem qui primum spiritualiter in se bella corporis sui devicissent praesta nobis auxilium de tua pietate firmissimum quo muniti atque praecincti et rebellantem spiritui carnem valeamus compescere et nos ipsos intrepidos studeamus bellis spiritualibus praeparare.

810 Unigenite Dei Filius qui melius contritione cordis quam munerum oblatione placaris preces nostras respice effusas pro viventibus et defunctis ut in hoc die quo praedicti martyres pro te vibrantis gladii mucrone desecti sunt utroque a te congrua remedia nobis flagitantibus largiantur.

810 Deus qui martyrum tuorum corpora unius gloriae remuneratione indivise fruentia divisis in regionibus locans et Servandum gaditano situi donas et Germanum emeritensium civibus commodas praesta nobis ut gratiae tuae luce illuminati et corporaliter divisi unitatem retentemus dulcedinis et collecti in unum redundemus munere caritatis.

811 Dignum et iustum est aequum vere et salutare est nos tibi gratias agere Domine sancte Pater aeterne omnipotens Deus per Iesum Christum Filium tuum Dominum nostrum. Pro quo beati martyres Servandus et Germanus corporaliter lacessiti fames vincula carceresque vicerunt. Hos vita felix invictos reddidit in poena humiles in conscientia probabiles in doctrina. Hi praedicant idolorum sacra subverti et solum adorandum Filium Dei. Post primam igitur quam meruerunt de triumphato hoste victoriam rursus ad poenas rapiuntur atque supplicia. Non eos labor itineris non angustatio carceris non totius illatae terruerunt supplicia passionis sed ambo campum fidei constanter aggressi quod mercati sunt fide adepti sunt passione. Exceperunt quippe sacris coruscum cervicibus gladium et pro tuo Deus nomine viriliter animas posuerunt. Sicque parili alternoque mysterio dum divisi sacris illustrant corporibus terras indiviso meritorum suffragio et beneficia largiuntur populis et coronas. Unigeniti tui concedente clementia cui merito omnes Angeli non cessant clamare ita dicentes.

811 Vere sanctus vere benedictus Dominus noster Iesus Christus Filius tuus a quo et Servandus servaturus compos effectus est voti et Germanus germine nobilitatus est fidei. Ambo quippe dum fructibus germinarent iustitiae collatae e caelis reservati victoriae aeternam perducti sunt ad mercedem.

811 Intende pie Pater in oblatis sacrificiis et benignus aspira precibus nostris. Quique praedictorum martyrum praedicatione idolorum contrivisti funesta haec nostra tui opitulatione sanctifica holocausta.

812 In hac tuorum martyrum Servandi et Germani Christe Deus passionis die laetantes oblatis tibi victimis veniam te nostris dare flagitamus offensis poscentes ut qui eorum gladii animadversione non terruisti constantiam nostra eisdem intervenientibus et abluas crimina et suscipias postulata quia te iubente dicimus.

812 Humiliate vos benedictioni. Dominus sit semper vobiscum.

812 Servandi prece Christus Dominus in sui vos nominis timore conservet et Germani obtentu germinare vos faciat semine multiplicato iustitiae. Horum quoque et instrumento floreatis pariter et suffragiis qui divisi corpore indivisae fruuntur praesentia veritatis. Ut ad instar eorum amabiliter vestris divinum suscipiatis cervicibus iugum sicut illi suis pro Domino meruerunt suscipere gladium.

812 Per misericordiam ipsius

812 Gustate et videte

812 Refecti Christi corpore et sanguine te laudamus Domine alleluia alleluia.

812 Deus filius Christe qui melius contritione cordis quam munerum oblatione placaris respice Deus ad preces serstorum ( sic ) tuorum ut in hoc die quo praedicti martyres Servandus et Germanus pro te vibrantis gladii mucrone desecti sunt utroque a te congrua remedia nobis flagitantibus largiantur.

812 Per misericordiam tuam

812 Missa acta est in nomine Domini nostri Iesu Christi perficiamus cum pace

812

813 Dabo sanctis meis

813 Deus qui sanctis apostolis tuis Simoni et Iudae durum martyrii gradum scandere et velle tribuis et posse concedis tu das voluntatis initium tu operi largiris effectum. Exaudi nos famulos tuos et tu nobis da fervende devotionis initium et tribue bone consummationis effectum.

813 Dominus sit semper vobiscum. Et cum spiritu tuo.

813 Sanctorum apostolorum et martyrum Simonis et Iudae carissimi fratres sollemnia celebrantes Salvatori Deo ac Domino nostro exhibeamus sacrificium laudis eique abdita pandamus cordis simul et mentis ut qui in eorum habetur auctor victoria dignetur se pium ostendere precibus nostris. Hi enim sunt carissimi qui inter ceteros sanctorum aggeres in laudibus sunt habendi et colloquiis Domini ac Salvatoris nostri honore praecipue celebrandi qui etsi pro Domino non interiissent sanguine fuso sollemnes haberentur Domini sui doctrinae documento. At cum illis inaestimabilis et ineffabilis Spiritus Sancti datur infusio et Ecclesiam primitivam et instruunt et corrigunt verbo excellentior habetur illorum et mirabilis gloria et eorum laetior et vegetatior sancta Ecclesia suscipit incolenda sollemnia. Sed quantum ad rei magnitudinem et gratiae gloriam spectat parum est et Dominum et Magistrum suum corporaliter cernere et eius doctrinis per orbem universum mirabiliter fulgere quando usque adeo fidei gloria crevit ut dulce fuerit pro eodem Domino sanguinem fundere. Et quod pro universis facere viderint Magistrum hoc illi faciendo ceteris reliquerint faciendi exemplum. Sollicita igitur in eorum festivitatibus convenire debet fidelium toga et cum studio compunctionis eorum celebrare sollemnia. Excitentur corda suspiriis et mens illorum doctrinis hilarior compungatur in gaudiis. Ut qui tanta valuerunt mirabiliter consequi dignentur nobis iugiter adesse patroni. Et qui mirabiles effecti sunt per Christi doctrinam dignentur meritis tuaeri Ecclesiam.

814 Magister omnium apostolorum et ducator Ecclesiae Christe convenientibus nobis in honorem Sanctorum tuorum apostolorum et martyrum Simonis et Iudae propitius adesse dignare. Fac nos eorum doctrinae sequaces fac amabiles fac docibiles ut ab eis non inveniamur extorres quos fidei scimus egregios ducatores. Habeat cum illis spes nostra gloriae praemium qui postquam magistri doctrina fulserunt meruerunt obtinere martyrium. Fulgeat Ecclesia eorum doctrina quorum in illa habetur praedicatio gloriosa. Adsint miseris nobis in omnibus adiutores qui Ecclesiae mirabiles exstiterunt doctores. Doceant nos normam tenere iustitiae quorum praedicationibus fulget Ecclesia ut sol et luna. Erigant lapsos ad paenitentiam qui eximii facti sunt per doctrinam. Impetrent peccatoribus scelerum veniam qui doctrinis fundaverunt Ecclesiam. Conferant regibus modestiam virginibus perseverantiam clericis disciplinam laicis continentiam certantibus in fide constantiam qui quasi in mari navem praedicationibus gubernant Ecclesiam. Ut qui illorum victoriis excitati eorum sollemnia celebramus eorum meritis a criminibus absoluti ad te post transitum veniamus.

814 Fidelis Domine in verbis tuis et sancte in omnibus operibus tuis occurre nobis Pius Sanctorum tuorum Simonis et Iudae apostolorum sollemnia celebrantibus. Et qui illis dedisti potestatem eiciendi daemonia per Spiritum Sanctum tribue nobis ad te semper habere cor mundum et spiritum rectum. Detur abs te viventibus amor iustitiae et defunctis post evasionem Erebi sessio beatae vitae. Qui in temporali permanent vita illorum corrigantur doctrinis et qui iam exuti sunt carne illorum meritis mereantur annumerari cum sanctis.

815 Pax indeficiens Christe et origo dulcedinis qui pacem tuam tuis tradidisti discipulis dignare hanc amplissimam effundere pectoribus nostris ut non sicut mundus dat pacem pacifici conversantes mandata tua aut per odium aut per oblivionem relinquamus sed in dilectione Dei et proximi radicati in observatione mandatorum tuorum mereamur inveniri perfecti ut pacis osculum inter nos decurrens nos pacificos reddat et per pacem ad te venire sine crimine faciat. Dulcedo pacis odii in nobis amaritudinem vincat et caritas multitudinem peccatorum operiat ut pax tua quae tu ipse es exsuperans omnem sensum totius simultatis in nobis perimat vitium et timorem foris mittentis caritatis conferat gaudium. Ut precibus Apostolorum tuorum et Martyrum in pace perenniter custoditi per pacis concordiam habeamur beati.

815 Dignum et iustum est omnipotens Pater vere satis aequum et pulchrum est nos tibi gratias agere et Iesu Christo Filio tuo Domino nostro qui tecum et cum Spiritu Sancto unus in deitate consistens extremis mundi temporibus carnem pro redimendis servulis sumpsit et moriens ac resurgens nobis omnibus patientiae documentum reliquit. Qui sanctos apostolos discipulos suos ad praedicationis officium eligens patienter et humiliter docuit eisque sustinendo iniurias perfidorum patiendi norman monstravit. E quibus sunt isti quorum festa celebramus sancti Simon et Iudas qui et doctrinis veraciter sunt edocti et patientiae virtutibus mirabiles inventi sunt et perfecti. Qui daemonibus in idolis silentium ponunt et iterum ad derisionem pontificum idola colentium idola loqui praecipitant. Qui futuram esse pacem mundorum nuntiant et patienter stultorum contradictiones sustinent. Qui verbo daemones ligant et stultorum hominum iniurias tolerant. Qui per patientiam ne aliquid mali irrisores et adversarii paterentur exorant et Christi sequentes vestigia non malum pro malo reddere sed inimicos debere diligere praedicant. Qui caelo iam divites terrenas et terrenorum divitias spernunt et spiritu pauperes et beati has pauperibus distribui suggerunt. Omni gladio ancipiti penetrabilior amor Christi quis vel eorum qui sensu vigent hominum te eloqui possit Quis de omnibus quae in hominibus operaris vel pauca verbis texere valeat Tantus et talis es ut totus dici minime valeas et tamen de te per omnia silere prohibeas. Ex hominibus illico angelos facis et de temporalibus quam subito ad aeternum transducis. Ecce isti nostri apostoli sancti Simon et Iudas electi de mundo in mundum quasi mundum non noverint currunt et necessaria vitae retibus et mercimoniis requirentes traditas sibi divitias spernunt et non temporaliter divites sed pauperes fieri eligunt. Ad extremum ne alii moriantur ipsi feliciter mori cupiunt et Christi et Domini exempla sequendo in virtute potentes persecutoribus cedunt. Mortui pro Christo et vindicanda veritate feliciter vivunt et cum omnium turmis cum caelorum virtutibus exsultant et incessabiliter exclamant et dicunt.

816 Vere sanctus vere gloriosus es in sanctis tuis Christe Deus. Qui pro redimendis servulis passionis ludibria sustines et sustinentes sanctos perpetuitatis decore glorificas dans illis pro te et velle et posse voluntarie et mori et passionum tolerantia quasi diadematum pulchritudine decorari ut mundo dantes repudium te solum et vitae suae et mortis habeant lucem.

816 Amator et conservator sanctorum omnipotens Pater ecce super altare tuum in honorem sanctorum apostolorum Simonis et Iudae panis et vini ab Unigenito tuo Domino nostro holocausta instituta proponimus eaque Sancti Spiritus rore perfunde deposcimus. Dignetur quaesumus super illa illabi Spiritus Sanctus dignetur illa sanctificata suscipere illorum institutor tuus unigenitus Filius. Ut quotquot ex illis libaverimus non pro praesumptione sustineamus vindictam sed pro voto perfrui mereamur corona. Qualiter Christi Domini nostri Filii tui praeceptis sacrificiis communicantes ad conspectum gloriae tuae perveniamus indemnes.

817 Omnis conventus Ecclesiae qui tolerantiam et virtutem sanctorum apostolorum et martyrum Simonis et Iudae audistis mentis oculos mecum in intima ducite et quid contemptus mundi valeat pie perpendite. Ecce divitiae dantur et respuuntur ecce vindicandi de persecutoribus licentia conceditur et contemnitur. Et hinc est quod daemonibus imperandi facultas et finitur et obtinetur. Non alias namque diabolus vincitur quam cum mundus cum suis opibus temnitur. Respuamus igitur temporalia ut devicto diabolo praemia possimus perfrui sempiterna. Et orationem quam nos docuit habitator in caelis libere possimus clamare e terris.

817 Humiliate vos benedictioni. Dominus sit semper vobiscum.

817 Christus Dei Patris Unigenitus Filius qui sanctis Apostolis suis Simoni et Iudae potestatem dedit daemonibus imperandi gratia vos sua protegere et munire dignetur Spiritus Sancti. Et qui illis dedit ut contemptis divitiis temporalem appeterent paupertatem de praesenti et temporali vita feliciter vos duci iubeat ad beatam. Ut qui pro illius amore sanctorum suorum memoriam recolitis coram illo post cum eisdem in caelestibus gaudeatis.

817 Per misericordiam ipsius

817 Gustate et videte

817 Refecti Christi corpore et sanguine te laudamus Domine alleluia alleluia alleluia.

818 Deus sub cuius altare sanctorum apostolorum Simonis et Iudae animae placide requiescunt et stolam candidam caritatis accipiunt nos quoque famulos tuos in commilitonum numero fidelis promissor adiunge. Ut vita saltem nostra perveniat ad misericordiam si mors non pervenerit ad coronam.

818 Per misericordiam tuam

818 Missa acta est in nomine Domini nostri Iesu Christi perficiamus cum pace.

818

818 Dabo sanctis meis primam sessionem alleluia in resurrectione aeterna. Et requiram illos in gaudio meo. Et lux perpetua lucebit eis alleluia. Et aeternitas temporum praeparata est eis alleluia alleluia.

818 Benedicti vos a Domino qui fecit caelum et terram

818 Deus qui sacra omnium sanctorum tuorum pectora tanto fidei ardore flammasti ut carnis tormenta contemnerent dum ad te vitae auctorem toto vigore animi festinarent exaudi preces nostras et praesta ut frigescat in nobis viciorum inimica dulcedo et ferveat in nobis tuae caritatis infusa dilectio.

818 Per misericordiam tuam

818 Dominus sit semper vobiscum. Et cum spiritu tuo.

818 Ecce ego Ioannes vidi alterum angelum ascendentem ab ortu solis habentem signum Dei vivi et clamavit voce magna quatuor angelis quibus datum est nocere terrae et mari dicens Nolite nocere terrae et mari neque arboribus quoadusque signemus servos Dei nostri in frontibus eorum. Et audivi numerum signatorum centum quadraginta quatuor millia signati ex omni tribu filiorum Israel. Ex tribu Iuda duodecim millia signati. Ex tribu Ruben duodecim millia signati. Ex tribu Gad duodecim millia signati. Ex tribu Asser duodecim millia signati. Ex tribu Neptali duodecim millia signati. Ex tribu Manasse duodecim millia signati. Ex tribu Simeon duodecim millia signati. Ex tribu Levi duodecim millia signati. Ex tribu Isachar duodecim millia signati. Ex tribu Zabulon duodecim millia signati. Ex tribu Ioseph duodecim millia signati. Ex tribu Beniamin duodecim millia signati. Post haec vidi turbam magnam quam dinumerare nemo poterat ex omnibus gentibus et tribubus et populis et linguis stantes ante thronum et in conspectu agni amicti stolis albis et palme in manibus eorum. Et clamabant voce magna dicentes salus Deo nostro qui sedet super thronum et agno. Et omnes angeli stabant in circuitu throni et seniorum et quatuor animalium et ceciderunt in conspectu throni in facies suas et adoraverunt Deum dicentes Amen. Benedictio et claritas et sapientia et gratiarum actio honor et virtus et fortitudo Deo nostro in saecula saeculorum. (Ap 7)

819 Dominus sit semper vobiscum. Et cum spiritu tuo.

819 Sancti tui Domine sicut palma florebunt plantati in domo tua Domine.

819 Bonum est confiteri Domino et psallere nomini tuo altissime

819 Silentium facite.

819 Gratia vobis et pax a Deo Patre nostro et Domino Iesu Christo. Benedictus Deus et Pater Domini nostri Iesu Christi Pater misericordiarum et Deus totius consolationis qui consolatur nos in omni tribulatione nostra ut possimus et ipsi consolari eos qui in omni pressura sunt per exhortationem qua exhortamur et ipsi a Deo. Quoniam sicut abundant passiones Christi in nobis ita et per Christum abundet consolatio nostra. Sive autem tribulamur pro vestra exhortatione et salute sive exhortatione quae operatur in tolerantiam earundem passionum quas nos et patimur et spes nostra firma pro vobis. Scientes quoniam sicut socii passionum estis sic eritis et consolationis. (2K 1)

820 Dominus noster Iesus Christus videns turbas ascendit in montem. Et cum sedisset accesserunt ad eum discipuli eius. Et aperiens os suum docebat eos dicens. Beati pauperes spiritu quoniam ipsorum est regnum caelorum. Beati mites quoniam ipsi possidebunt terram. Beati qui lugent quoniam ipsi consolabuntur. Beati qui esuriunt et sitiunt iustitiam quoniam ipsi saturabuntur. Beati misericordes quoniam ipsi misericordiam consequentur. Beati mundo corde quoniam ipsi Deum videbunt. Beati pacifici quoniam filii Dei vocabuntur. Beati qui persecutionem patiuntur propter iustitiam quoniam ipsorum est regnum caelorum. Beati eritis cum maledixerint vobis et dixerint omne malum adversum vos mentientes propter me. Gaudete et exultate quoniam merces vestra copiosa est in caelis.

820 Dominus sit semper vobiscum. Et cum spiritu tuo.

820 Gaudete iusti in Domino rectos decet laudatio

820 Mirabilis Deus in sanctis suis. Deus Israel ipse dabit virtutem et fortitudinem plebi suae benedictus Deus alleluia alleluia.

820 Omnium sanctorum prelatis meritorum titulis in honorem nominis Christi fratres carissimi solemnia celebremus. Hi sunt enim a Deo Patre ante constitutionem mundi praedestinati atque praesciti quorum sanguis adeptus antequam fusus. Hi sunt qui nunc in locis beatorum inter palmas immarcescibilium coronarum amicti stolis perennibus praemiorum gaudiis caelestibus perfruuntur in regnis. Sumentes insignia quae divino perceperunt ex munere dona. Non enim conscientia nostra pro illis audaciam sumit orandi sed illos pro nobis excubantes optat audiri. Ut etsi palmam non meremur in gloria vel vitam habeamus in venia.

821 Agnoscentes Domine quid laudis sanctis tuis dederis quidve virtutis. Illos auctores rogamus ad veniam quos tibi familiares scimus ad gloriam. Illis indulgentiam credimus ex supplicii poena quibus te novimus ex hostibus indulsisse victoriam. Illos sequimur pro misericordia qui te secuti sunt pro corona. Ut per ipsos recipias intercessionis officium per quos insinuas devotionis exemplum. Ut non punias reos dum non repudias advocatos. Ut peccatoribus parcas dum martyribus nihil excusas. Ut indulgentiam largiaris in perditis dum amicitiam impertiris in sanctis. Ut intercessionis fortes habeat patrocinium quos confessio fideles habuit ad triumphum.

821 Si nos Domine in oratione nostra mali operis facta non premerent difficilem obtinendi viam preces quas findimus non haberent. Sed necesse est impossibile esse quod petitur quibus sit contemptibile quod iubetur. Nam tibi iniquitas abrogat quod praestare tua Deitas non laborat. Votorum nostrorum stadia vincunt negotia meritorum. Non habet efficax desiderium qui sit pervicax ad reatum dumque res peccato plena nos cruciat non habet fides opera vacua quod exspectat quae etsi sit confessa quod crederet non tamen operata est quod placeret. Sic nempe agitur ut dum observat instituta quod didicit non accipiet improvida quod poposcit. Da Igitur Domine ut dum in omnium sanctorum sacro altario hostiam immolamus nobis proficiat ad salitem et definctis fidelibus ad quietem.

821 Adestote Dei testes regni heredes Christi comites diabolique victores. Qui servorum conditione mutata amicorum familiaritate suscepta regni caelestis beatitudinem meruistis. Venerantibus favete supplicibus in salutem credentium potentiam merite sanctitatis ostendite. Nostrum est officium probare quod colimus vestrum obtinere suffragiis quod rogamus. Vobis proinde apud Deum intercedentibus populis donetur divina cognitio et pacis integerrima plenitudo.

822 Dignum et iustum est nos tibi gratias agere Domine Deus noster. Qui sacras tuorum sanctorum passiones toties triumphorum laudibus innovas quoties annuis vicibus representas. Ut in conversatione gestorum populi fidelis intentio dum ammonetur celebrare quod creditur videatur sibi expectare quod legitur. Seminatur incoruptione incorruptione fructificatur. Honore proficit quod dolore deficit. Vivit festivitati quod periit questioni. Persequentis impietas non resurgit vincentis felicitas non senescit. Sevitie non redditur iteratio gloriae non infertur oblivio. Crudelitas vitae confunditur credulitas coronata laudatur. Hoc de Christo omnes sancti velut de capite membra traxerunt mortificata sibi semel morte pro morte ut qui propter ipsum animam ponerent cum ipso beatitudinem non finirent. Cui merito omnes angeli non cessant clamare quotidie una voce dicentes.

822 Vere sanctus vere benedictus Dominus noster Iesus Christus Filius tuus. Qui omnium sanctorum passionem ponit ad cultum perducit ad primum. Porrigit ad exemplum proponit ad fidem glorificat laude exornat honore. Ut illorum mors dedicetur in laudibus quorum fuit vita commota virtutibus. Ut mentis adscribantur laudi quorum vita confixa est cruci. Ut quod perierat passione reviviscat in laude. Et quod affectum est contumeliis dedicetur obsequiis. Ut perpetuus vivat honor in sanctis et merces in miseris. Cum quicquid omnibus sanctis impenditur ad honorem obsequentibus proficiat ad salutem.

823 Deus cuius beneficii est fides sanctorum atque victoria quem in omnium sanctorum passiones colimus quia in illorum fide te praedicantes dum eorum merita complectimur tua dona veneramur adesto cunctis intercedentibus in huius litatione sacrificii qui illorum certaminibus adfuisti. Ac tribue precibus nostris ut quorum praestitisti nos celebrare festa insignia per eorum nos facias ambulare vestigia.

823 Tribue nobis Domine veritatis apprehendere viam et dimicandi tenere audaciam. Ut qui sanctorum festa excolimus per sanctos tuos te interpellare valeamus. Quo per eos te nobis parcendum ostendas per quos nobis affectum te rogandi insinuas. Ut effectum largiaris e caelis cum ad te cum gemitu proclamaverimus e terris.

823 Humiliate vos benedictioni. Dominus sit semper vobiscum.

823 Christus Dominus qui invictus victor in suorum sanctorum extitit passione pietate solita vos adiuvet in labore et consoletur in munere. Efficiatque vos sibi in conversatione placabiles qui illos reddidit in certamine victores. Ut quorum festa nunc venerantes excolitis cum eis partem in caelestibus habeatis.

823 Per misericordiam ipsius

823 Gustate et videte

823 Refecti Christi corpore et sanguine te laudamus Domine alleluia alleluia alleluia

823 Deus caritatis atque concordiae te per intercessionem omnium sanctorum tuorum deprecamur ut sicut illis triumphum victoriae praestitisti ita in nobis ignem tui amoris et sinceritatem cordis ipsis suffragantibus largiaris.

823 Per misericordiam tuam

823 Sollemnia completa sunt in nomine Domini nostri Iesu Christi votum nostri sit acceptum cum pace.

824

824 Iesu Deus noster et Domine qui illustrem meritis Martinum confessorem atque pontificem ita fecisti sapientiam custodire ut in gloria mereretur et in iucunditate consistere da nobis verae sapientiae intellectum et sanctae operationis studium. Ut pauperibus praerogantes substantiam facinorum nostrorum et evadamus vindictam.

824 Per misericordiam tuam

824 Immensum praeclarumque et omni laude dignissimum nomen Dei Patris omnipotentis fratres carissimi suppliciter exoremus ut hodierna sollemnia quae pro sancti ac gloriosissimi pontificis sui Martini evocationis veneratione suscepimus ipse sibi commendare dignetur. Tribuatque ut sicut illi hodierno quondam die pro innumeris abstinentiae vel confessionis suae virtutibus caelorum regna patefecit nobis quoque pro innumerabilibus peccatis consuetam misericordiam largiatur.

824 Eminentissimum nobis omnipotens Deus hunc diem venerabilem ac plena admiratione dignissimum sacerdotis tui Martini transitus consecravit. Qui exutus corpore caelum quod quaesivit in opere invenit ex munere qui saeculum calcavit vitiis regnum tuum intravit in gaudiis reddens tibi animam qualem dederas qualem feceras ex lavacro qualem tibi placere dixeras ex praecepto. Qui in pubescentis aetatis exordio iam tibi in adolescentia senescebat prius se perfectione quam professione monstrando ut ante rem sanctitatis impleret quam speciem religionis assumeret. Qui in frigore pauperem vestiendo amore tuo caluit et tibi vincebat miles alienus et tibi militabat victor iam tuus sic praeveniente gratia conscientiam ut nondum videretur elotus probaretur assumptus. Dignus valde cui te pro misericordia revelares ut et tantum munus virtute cognosceret et virtus remunerata plus cresceret cui cooperante gratia tua hoc fuerit instituere quod curare et per abundantem quam per te faciebat mirabilium suorum diversitatem magis familiare habuerit exemplis docere quam litteris. Qui in se crucis tuae rigore suscepto ita tibi verus cultor assisteret ut laudis tuae causas vitae meritis ampliaret idoneus quippe cui te per sacerdotii dignitatem Ecclesiae spem populorum salutem singularem quoque virtutem committeres familiarem. Qui per arduum continentiae fastigium et amicum tuae gratiae blandimentum futurorum praescius noveras in eo mentem humilem rem potentem. Hic igitur Deus tuum prece populum salvet qui tibi placuit opere iustificetque peccatores in vita qui iustificatus pervenit ad gloriam. Impetret ut a te non puniamur de nostris qui abs te meruit coronari de propriis.

825 Deus qui mirabilis es in sanctis tuis cuius cultui deputatur quidquid amicis tuis honoris impenditur intenta oratione te poscimus ut hunc diem quem sancti et incomparabilis viri Martini illustravit excessio prosperum nobis et posteris in rebus nationum propitiatus indulgeas tribuasque ut cuius veneratores sumus imitatores effici mereamur. Hunc etiam virum quem caelicolis adnumerandum martyribus aggregatum aetatis nostrae tempora protulerunt iubeas auxilium nostris ferre temporibus. Dubium enim non est quod sit martyr in caelo qui fuit confessor in saeculo cum sciatur non Martinum martyrio sed martyrium defuisse Martino. Oramus te Domine ut qui tantum potuit tuis se aequare virtutibus ut vitam mortuis redderet dignetur etiam defunctorum spiritus consolare qui potens fuit mortuos suscitare.

826 Multis coram te Deus Pater exsultantes in laudibus confessoris tui Martini hodierno die obitus memoriam facimus doctrinae recolimus operum memoramus. Qui licet totum vitae suae cursum gloriosa decoraverit pace finem tamen ineffabili caritatis bono reddidit et probabilem et illustrem cum vicinum sui cernens terminum finis pacem inter se discordantibus restituit clericis quo ad aeternam continuo vocaturus hereditatem exemplo Domini tenendam suis pacem discipulis commendaret. Huius ergo viri suffragiis pelle a nobis Deus quidquid iugulat pacem quidquid suscitat litem quidquid dividit unitatem et dona ut eidem consortes simus in praemio cuius hic dilectionis edocemur exemplo.

826 Dignum et iustum est vere aequum et iustum est nos tibi gratias agere Domine sancte Pater aeterne omnipotens Deus in depositionis anniversaria commemoratione sancti Martini episcopi et confessoris tui. Quem pro pietate tua et servitute sua tam beatum labore quam munere inter sanctorum omnium florentissimas legiones ac felicissimos martyrum choros et illustres eminentium seniorum cathedras dextri ordinis locum tenere confidimus. Quia bona arbor bonos fructus facit et bonus homo de bono thesauro cordis sui bona profert cumque in eodem evangelio ipse docueris Ex fructibus eorum cognoscetis eos. Hunc ergo inter iustos iuste numerandum testantur facta per saeculum signa post transitum opera dum vixit mirabilia postquam recessit cum praesertim ad unum sanctitatis culmen diversos mittat ascensus. Non una est virtutum via quae gloriae tuae ducit ad regnum. Quid enim minus est crucem ferre per tempora quam mortem subire per vulnera Quid inferius est mundum vincere quam gladium non timere Cum plus luctaminis habeat diuturnitas crucifixi quam celeritas interempti. Quid supereminet affectus maturius comsummatus quam diutius custoditus Non distat propter te mortificatus a mortuo cum in utroque sit gloriosum et abuti velle quod placeat et uti nolle quod liceat. Pugnam sustinere sine defectu an coronam rapere sine metu Propositum non mutare sub spatio an implere desiderium sub momento Par est ut credimus illecebris non acquiescere per rigorem quam suppliciis non cedere per dolorem. Ubi aequalis in dilectione animus est percussor deest fidei non confessor. Voluit triumphare dum militat qui militare non destitit dum consummat. Inter carnales poenas et spiritales insidias laboriosius est hostem occultum superare quam publicum quia non sit levius semper sperare quem caveas quam non formidare quem videas iugiter in procinctu providere cautelam quam fortiter in congressu servare constantiam. Non interest in angustia vivere serviturum aut in poena deficere feriendum cotidie declinare quod decipiat aut cum compendio ambire quod finiat. Postremo in agone martyrum ad destruendam fidem hoc semper proponitur quod horreat hic semper quod delectat. Ibi tormenta terrori hic etiam blandimenta discrimini. Ibi homo nititur expugnare per amara hic diabolus illaquare per dulcia. Ibi mors securitatem praestat hic securitas mortem facit. Ibi alienae irae impietas hic propriae naturae mobilitas inimica est. Sed in his omnibus nihil sibi sine adiutorio tuo arroget humana fragilitas. Tuis muneribus debet unusquisque deputare quod vicit quia tuis viribus portavit uterque quod pertulit. Horum tu verus arbiter Deus quos propter te nos supplices tui quaesumus ut sicut illi tibi accepti ita nos illis mereamur esse suscepti. De quibus hoc nobis sufficit credere quod una amoris tui causa per diversa merita discreto vel fine vel tempore feliciter afflicti veraciter probati potenter praediti clementer assumpti et aequaliter sint beati. Per ipsum cui merito omnes Angeli et Archangeli non cessant clamare cotidie una voce dicentes

828 Vere sanctus vere benedictus Dominus noster Iesus Christus Filius tuus qui solus servientium sibi et primordia consecrat et fines glorificanter exornat. Qui illorum commendat exitum signis quorum vitam ambitio exornaverit sanctitatis quique huius confessoris sui ita est glorificatus in opere ut non pateretur eum confundi inimicis in porta loquentem. Hic quippe vir cuius mundo vita in testimonium discipulis exstitit in exemplum vidit eminus se obviante consistere adversarium quem eo apertis oraculis exprobavit quo se continuo in sinu Abrahae recipi veridica inspectione praescivit. Hunc tu Deus summe coram te pro nostris facinoribus intercessorem statue quem dono gratiae tuae et vita illustrem et mortis interminatione constituisti insignem.

828 Placeat tibi Domine quod offerimus et sanctifica quae tibi sanctificanda litamus ut in hoc die quo beatissimus praesul Martinus glorioso transitionis evocatus est obitu donetur a te nobis omnibus indulgentia peccatorum.

828 Deus qui animam viri sancti ac confessoris tui Martini soluta carnali compage caelesti collocasti in requie ut tuorum consors exsisteret angelorum qui vita calcaverat mundum essetque paradisi possesor qui eremi exstiterat habitator haberetque caelestis gloriam vitae qui increpato diabolo triumphaverat in morte. Tu nos praedicti viri obitus memoriam celebrantes actu placabiles cogitatione facito esse felices quo nec opere nec cogitatione sordentes et corde et lingua proclamemus ad te ita dicentes

828 Humiliate vos benedictioni. Dominus sit semper vobiscum.

828 Christus Dominus qui per confessorem suum Martinum pacem discordanti restauravit ecclesiae faciat vos eodem intercedente omni peccato carere. Quique illum exprobrantem Zabulum admirabili glorificavit in transitu iustificet vos propriae vocationis in exitu. Ut in eius sinu post obitum receptos vos gaudeatis quo idem se recipi patulis praedixit oraculis.

829 Per misericordiam ipsius

829 Gustate et videte

829 Refecti Christi corpore et sanguine te laudamus Domine alleluia alleluia alleluia

829 Deus perennis salus beatitudo inestimabilis da quaeso ut qui ineffabli munere tuo sancta ac beata sumpserunt sancti ac beati esse mereantur.

829 Per misericordiam tuam

829 Sollemnia completa sunt in nomine Domini nostri Iesu Christi votum nostri sit acceptum cum pace.

829

829 Dabo sanctis meis

829 Laudamus te Domine

829 Iusti imperpetuo vivent et apud Dominum

829 Dominus sit semper vobiscum. Et cum spiritu tuo.

829 Sancti tui Domine sicut palma florebunt plantati in domo tua Domine

829 Bonum est confiteri Domino et psallere nomini tuo altissime

829 Silentium facite.

829 Nolumus vos ignorare de tribulatione nostra quae facta est in Asia. Quoniam supra modum gravati sumus supra virtutem ita ut tederet fios etiam vivere. Sed ipsi in nobis ipsis responsum mortis habuimus ut non simus fidentes in nobis sed in Domino qui suscitat mortuos. Qui de tantis periculis eripuit nos et eruit in quem speravimus quod et adhuc eripiet adiuvantibus et vobis in oratione pro nobis ut ex multarum personis facierum eius quae in nobis est donationis per multos gratie agantur pro nobis. Nam gloria nostra haec est testimonium conscientie nostrae. Quod in simplicitate et sinceritate Dei et non in sapientia carnali sed in gratia Dei conversati sumus in mundo abundantius autem ad vos. Non enim alia scribimus vobis quam quae legistis et cognovistis. Spero autem quod usque in finem cognoscetis sicut et cognovistis nos ex parte. Quia gloria vestra sumus sicut et vos nostra in die Domini nostri Iesu Christi. (2K 1)

830 Videns turbas ascendit in montem

830 Dominus sit semper vobiscum. Et cum spiritu tuo.

830 Gaudete iusti in Domino

830 Mirabilis Deus

830 Generalibus sanctorum exemplis ac beatorum martyrum Sperati vel comitum eius magisteriis eruditi aeterno regi Domino fratres carissimi supplicemus ut nobis quoque fidei calore concesso praestet etiam semper de inimicis nostris ferre triumphum. Eorumque nos quaesumus tu Deus Pater omnipotens imitatores efficias quibus et victoriae palmas et immortalitatis aeternae dedisti coronas.

830 Dignanter ad te Domine repetitas preces revolutae supplicationis admittas in hac quaesumus sanctorum martyrum tuorum Sperati vel comitum eius celebritate benignus indulge. Ac praesta precamur omnipotens Deus ut quidquid totius orbis Dominus palmo mensus amplecteris excelso etiam virtutis tuae brachio propitius tuaearis.

830 Martyrum tuorum Domine virtutibus congaudentes ... in pace refrigeres

831 Quoties in tuis laudibus Domine martyrum tuorum Sperati vel comitum eius passionum deferuntur insignia humanis toties occurrunt votis te miserante subsidia. Petimus ergo ut eisdem intercedentibus pacem tuam nobis dones in terris quam illi se gaudent te largiente possidere in caelis.

831 Dignum et iustum est omnipotens Domine nos in tuis laudibus iugiter exsultare tibique semper gratias agere. Qui tantum fidei robur Martyribus Confessoribus Virginibusque tuis largitus es ut impressis flammis corporibus non cederent virili animo poenarum ergastula vincerent et inde ultricia abdicarent tormenta unde sibi praeoptatam iam cernebant victoriam. Tantus est amor nominis tui Domine ut nihil ille mortis praevaluerit apparatus nec cesserit illata poena tortoribus. Non laceratum ferro corpus animos fidelium inclinavit non scissum sulcis latus fidem professam virtutis exclusit nec illis sanguinis fluxus ungularum stridore provocatus vocem supplicantis exegit. Haec est tuorum Martyrum Virginumque corona et virtutum caelestium palma quoniam fortiora sunt vulnera militum tuorum quam carnificum. Precamur ergo Domine Deus noster ut qui eorum virtutibus triumphum gloriae praestitisti nostris semper precibus placatus occurras. Ut nos quoque te laudemus in terris sicut illi iugiter laudant in caelis ita dicentes

831 Vere sanctus semper et benedictus tu Domine Deus omnipotens quem praevidebant Sanctus Speratus et socii eius in suo conspectu qui a dextris eis fuisti ne umquam commoverentur. Te laudant indesinenter omnis exercitus angelorum.

832 Mirabilem te in Sanctis tuis Domine confitentes ac resurrectionis Domini nostri Iesu Christi gloriam praedicantes per eorum te deprecamur piissimas preces quos in agone certaminis reddidisti victores ut de illo invisbili ac profluo fonte quo illi vitam aeternam potare non cessant spiritum sanctificationis emittas qui oblatum hoc sacrificium caelesti rore pinguescere faciat. Quod dum a te Domine sumpserimus sanctificatum tuoque munere fuerit visceribus nostris infusum omni nos benedictione refectos atque ab omni onere peccatorum absolutos nos semper sentiamus et liberos.

832 Peccatorum nostrorum conscii fratres carissimi suffragia sanctorum martyrum Sperati vel comitum eius instanter quaeramus. Et qui divino pro nostris meritis videmur egere auxilio omnes pariter clamemus atque dicamus.

832 Humiliate vos benedictioni. Dominus sit semper vobiscum.

832 Benedictio vos Domini comitetur semper in terris quae suorum martyrum Sperati vel comitum eius animas assumpsit in caelis. Quod ex ore nostro in officium benedictionis egreditur sanctorum meritis in vos divinitus compleatur. Quique ad hanc sollemnitatem hodie devotissime convenistis optata vobiscum gaudia reportetis.

832 Gustate et videte

832 Refecti Christi corpore et sanguine te laudamus Domine alleluia alleluia alleluia

832 Propitiare Domine supplicationibus nostris et exemplo martyrum tuorum Sperati vel comitum eius flammam in nobis accende caritatis. Et quorum nos iubes esse imitatores ita praesta esse participes.

832 Per misericordiam tuam Deus noster

833 Missa acta est in nomine Domini nostri Iesu Christi perficiamus cum pace.

833 Beatissimi Aciscli magnam sollemnitatem fratres carissimi celebrantes divina omnipotentiae maximas exsolvamus laudes post triumphum sui martyris grates et pro nostro certamine feliciter consummando pari affectu fundamus humillimas preces. Ejusque largissimam bonitatem suppliciter obsecremus ut sicut ei non solum contulit meriti dignitatem verum etiam martyrii incommutabilem tribuit caritatem ita etiam nos quos adoptionis suae gratissimo munere decoravit iustitia indutos faciat eius assequi dignitatem. Et peracto luctamine mundi indulgentiae beneficio concedat nitorem caritatis perpetuae adipiscere. Atque sicut eius muneris ut vitae huius ille praemia contemneret dum futurae perennem gloriam affectaret ita ipsius sit gratiae ut temporales corde fixo illecebras respuamus et sempiterna gaudia feliciter expectemus ut huius martyris apud Deum suffragiis muniamur ex cuius festivitate gloriosum incarnationis divinae inchoamus celebrare adventum.

833 Sempiterne atque in sanctis gloriose et admirabilis Deus respice quaesumus huius fidelis populi tui religiosissimum conventum in recordationem tui martyris Aciscli ad laudandum te unanimiter congregatum. Et cunctorum qui prospicis votum placidum accommoda paternae pietatis affectum. Reple singulorum corda dono spiritus principalis et a cunctis expelle vitium infructuosi timoris ut pro veritate discamus indubitanter animas ponere et ad caelestem gloriam obtinendam totis viribus festinare. Haec vero pura libamina sacrificii salutaris sereno obtutu respiciens ita nostris oramus precibus semper adesse digneris quo et pro obsequiis martyris tui Aciscli largus nobis remunerator exsistas et in die adventus tui faciem tuam nobis placatus ostendas.

834 Quam admirabilis est hodie Domine in oculis plebis tuae martyris Aciscli palma victoriae dum gloriosus hic dies festivitatis eius et adventus tui laudabilis exornatur et passionis ipsius titulis illustratur. Pro quo quaesumus Domine clementiam tuam ut effusus eius cruor tam offerentibus quam defunctis obtineat criminum veniam et adventus gloriae tuae illustret pectora nostra.

834 Pax tua Domine quaesumus servetur in famulis quae olim est habita plenissime in electis. Ut sicut per eam sanctus martyr tuus Acisclus et dilectione adventus tui flagrabat et passionis illatae verbera sustinebat ita quoque nos per eam et carnalium vitiorum illecebras evincamus et adventum incarnationis tuae devotionis mentibus celebremus.

834 Aequum et iustum est dignum et pulchrum est nos tibi semper gratias agere Domine sancte Pater aeterne omnipotens Deus per Iesum Christum Filium tuum Dominum nostrum. Qui sancto suo geminam Acisclo coronam donavit dum in eo et meriti honorem et martyrii dignitatem mirabiliter consummavit. Qui secutus est ingressu impigro Dominum Salvatorem et impios contempsit furore sacrilego saevientes. Currebat enim alacer per metas saeculi blandientis ut apprehenderet bravium perpetuae claritatis. Toleravit exilia sustinuit opprobria tantum ne fraudetur caelesti victoria. O beata passio sancti martyris qui caput calcavit tortuosi serpentis et hostiam obtulit sui beatissimi sanguinis. Elegit caput mortalibus membris infixum abscisioni subicere quo posset capiti sempiterno suum caput infigere et cum ceteris sanctis sanctam Domino gloriam decantare. Cui merito omnes Angeli et Archangeli non cessant clamare ita dicentes.

835 Vere sanctus vere benedictus et admirabilis Dominus noster Iesus Christus Filius tuus. Qui beatum martyrem suum Acisclum et virtutum floribus exornavit et passionis gloria exstulit. Quaesumus igitur Deus Pater ut eo suffragante detur nobis perseverantia bonae vitae ex cuius festivitate moris nostri est adventus Filii tui gloriam in laudibus inchoare.

835 Oblatum tibi hoc sacrificium illustratione quaesumus adventus tui omnipotens Deus sanctificetur. Quo mereamur omnes qui hunc diem martyris tui Aciscli annua celebritate excolimus nostrorum criminum veniam eo suffragante percipere et horum perceptione libaminum mundati a crimine regnum tuum admirabiliter praestolare.

835 Omnes nos qui terribilem adventum tuum Domine expectavimus refoveat et confortet ille veritatis spiritus quo martyr tuus Acisclus ad subeundae passionis certamen est roboratus. Ut sicut idem martyr tuus eodem spiritu in se permanente post consummatum supplicium meruit consortium beatorum ita nos eodem nunc pro nobis interpellante mereamur nostrorum obtinere veniam delictorum cum his quibus nos docuisti verbis exclamaverimus e terris.

835 Humiliate vos benedictioni. Dominus sit semper vobiscum.

835 Omnes qui beati martyris Aciscli festum excolitis et divinae incarnationis mysteria amodo celebranda in laudibus inchoatis benedicamini dono spiritus principalis. Amor adventus Dei emaculet vos ab omni delicto quo possitis post transitum martyris adunari consortio. Ut celebritas adventus Domini vos exuat a crimine et obsequium martyris aeternam vobis praeparet mansionem.

835 Gustate et videte

835 Refecti Christi corpore et sanguine te laudamus Domine alleluia alleluia alleluia

836

836 Sanguinem iustorum requiram ego dicit Dominus et habitabo cum eis in regno meo alleluia alleluia

836 Iusti autem in perpetuum vivent et apud Dominum est merces eorum.

836 Laus tua Domine in ecclesiis Sanctorum personet et fidelium pectora in te semper exsultent. Ut dum pro debito exsultant merito sancti laetentur in gaudio fideles populi. Quique vero laudem in tuo honore depromimus cum sanctis tuis promissa gaudia impetremus.

836 Per misericordiam

836 Vos omnes sancti Dei vocabimini ministri Dei nostri

836 Transivimus per ignem et aquam et induxisti nos in refrigerium

836 Probasti nos Deus sicut probatur argentum posuisti tribulationes in dorso nostro.

836 Gratia vobis et pax a Deo Patre nostro et Domino Jesu Christo

836 Beati pauperes quia vestrum est regnum Dei. Beati qui nunc esuritis quia saturabimini. Beati qui nunc fletis quia ridebitis. Beati eritis cum vos oderint homines et cum separaverint vos et exprobraverint et eiecerint nomen vestrum tanquam malum propter filium hominis. Gaudete in illa die et exultate ecce enim merces vestra multa est in caelis. Secundum haec enim faciebant prophetis patres eorum. Vos autem estis qui permansistis mecum in tentationibus multis. Et ego dispono vobis sicut disposuit mihi Pater meus regnum ut edatis et bibatis super mensam meam in regno et sedeatis super thronos iudicantes duodecim tribus Israel.

837 Beati qui habitant in domo tua Domine in saecula saeculorum laudabunt te.

837 Regnum et potestas et magnitudo regni dabitur populo sanctorum alleluia.

837 Consurget Michael princeps magnus et salvabitur omnis qui inventus fuerit in libro scriptus et qui ad iustitiam erudiunt multos fulgebunt quasi stellae in perpetuas aeternitates pertransibunt plurimi et multiplex erit scientia.

837 Annua celebritatis recursio hunc diem nobis fratres carissimi repraesentat et lacrimis sacrandum et hostiis libandum. In quo olim beatissimus martyr Romanus et miraculis claruit et suppliciis triumphavit. Ipse quippe fores domus Dei fortiter obserans ad victricia martyrii bella incitavit fidelium populorum catervas. Quo et fide Domini viriliter permanerent et inimicum fidei limen domus Dei ingredi non sinerent. Unde in honorem tanti martyris summi redemptoris clementiam flagitemus et pia ei vota reddamus. Nam idem qui dedit in martyre Romano repugnandi fiduciam quo non permitteret hostem Domini intrare in aulam dabit in nobis Spiritus Sancti virtutem invictam quo et adversarium nostrae animae superemus et eum in nostri cordis hospitio introire minime permittamus.

837 Deus qui beatissimi martyris tui Romani precibus affuisti ut paratum ad supplicium suum ignem sic caelestium extingueres pluviarum ex gurgite ne locus flammae ullo modo videretur accensae tu in nos eo apud te suffragante petulantiae divinis flatibus incentiva extingue ut semper nos ita stillent guttae tui amoris quo mereamur fructum capere aeternae felicitatis.

837 Rex noster et Domine qui ex ore Theodoli infantuli martyris tui fecisti in laudem dum linguam eius concessisti disertam per donum gratiae qui adhuc plene fari non poterat per aetatem da in ore nostro et sapientiae canticum et petitionis effectum. Ut qui in hoc die martyris tui Romani has tibi hostias immolamus tam viventibus quam defunctis indulgentiam criminum impetremus.

838 Fac nos aeterne Deus ea pace tibi coniungi qua sanctus Romanus martyr tuus accensus hostem fores ecclesiae tuae minime intrare permissit. Ut sicut ille per eam evicit temporale supplicium ita quoque nos ea in nobis permanente et mundi illecebras respuamus et devicto hoste aeterna gaudia praestolemur.

838 Dignum et iustum est nos tibi gratias agere Domine sancte Pater aeterne omnipotens Deus per Iesum Christum Filium tuum Dominum nostrum. Qui est admirabilis in sanctis suis et gloriosus fidelis in verbis suis. Praedixit quippe ille hos posse linguis eloqui novis qui signati in eum credidissent stigmate crucis. Quo caelestium dono verborum claruisse videmus etiam martyrem hunc Romanum qui recisis meatibus linguae novis adorsibus Dominum meruit collaudare. Furor namque sacrilegi persecutoris horrendus volens in martyrem Christi extinguere fidem radicibus desecavit loquacis eius organum linguae putans quod illius non posset fides remanere in corde cuius confessio prolata non fuisset ex voce. Sed non abegit ad ore martyris adorsum qui a corde eius non potuit dirimere ex parte proditum verbum. Ipse quippe verborum dator loquebatur in martyre in quo vivunt omnia per rationis conditionem. Namque elingui ori nunquam deest organum vocis si tamen habitet in eo cognitio veritatis. Ille etenim si praecipit mutata naturae lege tota membra omnesque humani artus possunt repercussos sonos formare verborum qui fecit ut sola in homine lingua loquatur. Unde Romanus hic martyr de amissione linguae non doluit cum in se Dominum loquentem audivit sed protinus medico desecante linguam ab intus protulit et in sacrificio eam Domini litandam offerre curavit ut haec quae erat praenuntia sensuum expertrix secretorum et totius corporis beneficium prima Deo in laudis hostia oferretur et sic reliqua subiecta membra corporis sequerentur. Proinde te Sancte Pater exposcimus ut ipse per os nostrum semper loquaris et corda nostra repleas spiritalibus documentis ut quidquid nunc coram te in confessione peccatorum nostrorum deposcimus tu accipias et dona futurae gratiae quae speramus impertias. Crea quoque in nobis cor rectum spiritum novum novaeque laudationis praeconium ut tam corde quam voce te cum omnibus sanctis collaudemus atque ita dicamus.

839 Vere sanctus vere benedictus in sanctis tuis vere inaestimabiliter gloriosus Dominus noster Iesus Christus Filius tuus. Ob cuius fidem fortissimam athleta tuus Romanus animam posuit et puerulus Theodolus furenti gladio lactantis infantiae collum subiecit. Pro quo Deus Pater soli tibi debetur honor virtutis et aeternae gloria potestatis quem et elinguis Romanus voce concelebrat et infantulus Theodolus adorandum piis documentis insinuat.

839 Christe redemptor nostrae mortalitatis qui caelestibus aquis emissis Romanum tuum olim liberasti a flammis immite nunc super hoc sacrificium imbres tuae benedictionis ut qui ex eo libaverint et peccatis careant et virtutum spiritualium copiam adipiscantur.

839 Memores dilectissimi fratres Romani beatissimi interritam fidem et inconcussae spei soliditatem qua se praedixit paratum sibi incendium nullis modis esse visurum cor nostrum armis spiritalibus perarmemus et ea quae a Deo postulaverimus posee nos promereri credamus. Nam idem qui tunc proprius affuit sui martyris voto erit procul dubio nostrae confessionis acceptor ut qui illi tribuit martyrii palmam non reiciat nostram in honore tanti martyris obsequelam. Extendamus ergo cum palmis ad aethera vocem et ea quae nos ipse instituit orare proclamemus e terris cum summa mentis intentione.

840 Humiliate vos benedictioni. Dominus sit semper vobiscum.

840 Redemptor noster ac Dominus qui elinguem Romanum fecit insigniter eloqui ipse ora vestra faciat dignis virtutum praedicamentis attolli. Quique imbre caelesti extinxit incendium amoris ipse ardentes in vos extinguat omnis appetitus carnis titillationes. Ut eo duce illaesi mereamini exire de mundo quo beatissimus Romanus promeruit de consummato triumphare martyrio.

840 Per misericordiam ipsius Dei

840 Gustate et videte

840 Refecti Christi corpore

840 Domine Deus omnipotens qui es vita et salus fidelium quem venturum iudicem credimus verum esto nobis propitius. Et qui hanc oblationem pro nostra nostrorumque salute vel pro expiatione nostrorum peccatorum in honorem sancti marytris tui Romani tibi obtulimus misericordiae tuae opem in nos diffundi sentiamus. Ut qui iam refecti sumus ad mensae tuae convivium dono tui muneris consequi mereamur praemium sempiternum.

840 Concedente divinitate tua Deus noster qui es vita vivorum et corona sanctorum in aeterna saecula saeculorum.

840 Solemnia completa sunt in nomine Domini nostri Iesu Christi votum nostrum sit acceptum cum pace.

840 Mirabilis in sanctis tuis Domine virtutum exaudi supplices tuos et peccatoribus nobis beatissimi confessoris tui Crispini patrocinia largiri caritatis perpetuae ubertatem adtribue. Ille coronam virtutis meruit nos eius suffragiis te donante veniam criminum et pacem perpetuae caritatis consequi mereamur.

840 Loquebar de testimoniis tuis alleluia in conspectu regum et non confundebar alleluia alleluia.

840 Beati immaculati in via qui ambulant in lege Domini.

841 Christe Domine qui sacrae virgini tuae Caeciliae tantam tribuis fortitudinem ut saeculum vinceret et carne pro te mori festinet intercessu eius flammam in nos tuae caritatis accende ut nec titillamenta nos carnis illiciant nec saeculi blandimenta decipiant.

841 Per misericordiam tuam

841 Longe Dominus

841 Spem tua

841 Gratias ago Deo Patri quia dignos fecit vos in partem sortis sanctorum in lumine quia eripuit nos de potestate tenebrarum et transtulit in regnum filii dilectionis suae in quo habemus redemptionem peccatorum qui est imago Dei invisibilis primogenitus omnis creature. Quia in ipso condita sunt universa in caelis et in terra visibilia et invisibilia. Sive Throni sive Dominationes sive Principatus sive Potestates. Omnia per ipsum et in ipso creata sunt. Et ipse est ante omnes et in illo constant omnia. Et ipse est caput corporis Ecclesiae qui est principium primogenitus ex mortuis ut sit in omnibus ipse primatum tenens. Quia in ipso complacuit omnem plenitudinem divinitatis habitare corporaliter et per eum reconciliare omnia in ipsum et vos cum essetis aliquando alienati et inimici sensu et in operibus malis nunc autem reconciliavit vos in corpore carnis eius per mortem exhibere vos sanctos et immaculatos et inreprehensibiles coram ipso. Cui est honor et gloria in saecula saeculorum.

841 Simile est regnum caelorum thesauro abscondito

841 Dominus sit semper vobiscum. Et cum spiritu tuo.

841 Lauda filia Sion laetare et exulta filia Ierusalem

841 Sicut turris David aedificata es et reprehensio non est in te. Quam speciosa et decora facta es in ornamento tuo et odor unguentorum tuorum sicut odor Libani super omnia aromata alleluia.

841 Sicut columbae sedentes super abundantia aquarum et sicut fialae aromatum gignentes unguentoria. Et sicut lilia distillantia mirrham et sicut ornatilia aurea plena Tharsis et sicut Libanus electus. Et sicut cedrus. Et sicut columne marmoreae positae super bases aureas formosae.

842 Venerabilem hunc diem passionis triumphatricis Caeciliae cum summa dedicemus dilectissimi fratres devotione in quo eadem virgo et castitate fecunda et effusione sanguinis martyrio est consecrata. Illa denique procul dubio potent apud Deum veniam nostris impetrare offensis quae suam tegens cilicio carnem multorum animas convertit ad fidem cum et sponsi carnalis connubii copulam repulit et sibi eundem cum cetera sanctorum multitudine passionis gloria sociavit. Precemur ergo nos omni cordis devotione per quos libido devicta per quos etiam hostis insani est persecutio superata ut sint apud Christum pro quo passi sunt interventores pro nobis. Sint refugium peregrinis absolutio vinculatis relevatio oppressis reditus peregrinis suffragium absolutis reparatio infirmis subsidium viduis ac defensio cotidiana pupillis. Non igitur apud Deum sua in aliquo confundentur in prece qui pro eo animas suas posuerunt usque ad mortem.

842 Omnipotens Unigenite Filius Dei Patris qui ad corroborandam fidem martyrum tuorum Valeriani Tiburtii atque Caeciliae splendificos aspectus angelicos destinasti ad terras per quos illis concretas liliorum ac rosarum floribus destinasti coronas tu nos eisdem intervenientibus apud te et vinculis piaculorum absolve et donis spiritalibus reple. Ut sicut illi te tua gratia praecedente martyrium ambiendo secuti sunt ita nos eadem praecedente atque subsequente et hic adipiscamur paenitentiae fructum et post consortium beatorum ut sine intermissione indulgeas miseris cum nihil excusas beatis ut iustifices paenitentes cum pro peccatoribus exaudieris Martyres exorantes ut illorum consortio adunemur in caelis quorum hic obsequimur patrociniis. Quo possit nobis tunc cum eisdem socia esse laetitia cum eos viderimus in gloria sempiterna.

843 Deus aeterne te quaesumus et rogamus ut famula tua Caecilia apud te exaudiri mereatur pro coetu omni christiano quae suo exaudita est pro sponso ut per eam tam vivi quam defuncti levamen obtineant indulgentiae per quam sponsus eius fidei tuae meruit cognoscere veritatem.

843 Christe Dei Filius qui per Angelum tuum destinato munere coronarum Valeriani Tiburtii atque Caeciliae corda corroboras ad credendum ut hoc illis esset et castimoniae signum et tuae dulcedinis incrementum rogamus te ut ad instar illorum ita pax tua semper in nobis habitet quo et faeculentae carnis valeamus pellere incentiva et dulcedinis tuae renovari ubertate multimoda.

843 Dignum et iustum est nos tibi gratias agere Domine sancte Pater aeterne omnipotens Deus per Iesum Christum Filium tuum Dominum nostrum. Qui in se credentes efficit validos et in se confidentes facit esse plena felicitate robustos in quo omnis qui credit non confunditur cum uterque sexus in eo valentissime roboratur in quo est et viris refugium et feminis victoriae triumphale trophaeum. Qui tantum in beatissima Caecilia sua virgine donum Sancti Spiritus contulit quo dum se in sanctis operibus perfectum exhiberet in virum virili animo et sponsum suum Christi suaderet ad fidem et cognati duritiam divinarum legum assertionibus emoliret. Ac ne hoc etiam parum esset in tantum egit verbo cum illis ut ardentes eos efficeret ad suscipiendam gloriam passionis. Quod factum evidentia eorundem sanctorum gesta declarant in quibus eos pro Christo Domino gladio desecatos comperimus et gloriosam virginem Caeciliam die integro et nocte tota termis inclusam nec ullo modo laesam fuisse fatemur. Servari quippe meruit in balnei calore quae gestabat Christum in pectore. Duae quippe ignium divisae faces ardebant una in virginis corde altera sub virginis pede una combustioni parata altera refrigerio dedita una minabatur supplicium pollicebatur altera regnum una morituris corporibus necem altera vivificaturo spiritui futuram praeparans libertatem una qua extinguitur vita altera qua pervenitur ad vitam in una refrigerabatur Christus in altera exardescebat persecutor horrendus. Sed cum vicit ignis concretus divinitus cessat qui fuerat exageratus humanitus sicque divina potentiae cessere persecutiones humanae. Sed quia erutam eam flammis cruore sui sanguinis consecratam ad te in pace accessiri iussisti praecamur sancte Deus ut per eam tribuas sacerdotibus concordiam ministris omnique clero parsimoniae disciplinam regibus vitam principibus modestiam virginibus castimoniam viduis continentiam pudicitiam nuptis atque omnibus in commune delictorum veniam largiaris. Per ipsum quem collaudant omnes Angeli et Archangeli Throni Dominationes et Potestates ita dicentes.

844 Vere sanctus vere benedictus Dominus noster Iesus Christus Filius tuus pro quo praedicti Martyres viriliter certando animas posuerunt et nunc caelestis gloriae participatione laetantur. Qui tanto se dulcedinis amore effudit in Caeciliae virginis corde ut funditus ab illa extirparet omnem carneae titillationis ardorem. Quo carnalem sponsi concubitum respuendo illi soli se exhiberet intactam qui per illam emollivit carnalis sponsi eius duritiem. Sit gloria et gratiarum actio Deo et Salvatori nostro qui hanc virginem suam illo implevit amore quo nec divortium seminatur et spiritalis plenitudo caritatis augetur.

844 Excelse caelorum Deus ac Domine qui martyris tui Valeriani voluntatem per Angelum sciscitare dignatus es ut per eundem quam voluisset insinuaret petitionem effectumque capere mereretur ex fide quod et obtinere promeruit enitendo pro fratris salvatione per eandem Angeli tui precem quaesumus ut nostris petitionibus accomodes aurem et per quem visitasti illorum iam credula pectora per eum corda nostra iubeas mederi infirma et per quem illorum suscepisti precamina per eum iubeas nostra sanctificare oblata. Ut qui e caelis directus illorum praesentatus est oculis nunc a te dirigatur benedicturus his sacrificiis nostris.

845 Attendite dilectissimi fratres quid sanctorum oratio valeat quidve pro impiis oppositae iustorum intercessiones obtineant cum orante Urbano et virginis Caeciliae vota implentur et Valeriani atque Tiburtii fides aucta martyrii gloria decoratur. Proinde extensis ad caelum palmis petamus nobis auxilium de supernis invocantes eum ex pietate Patrem quem terribilem venturum expavescimus Iudicem. Profecto etenim erit per illum nobis vita aeterna per quam virgo Caecilia non fuit in ardoribus concremata. Qui enim illos in martyrii certamine positos exaudivit exaudiet nos cum ad eum fuderimus clamorem gemitus nostri proclamantes atque ita dicentes.

845 Humiliate vos benedictioni. Dominus sit semper vobiscum.

845 Omnipotens Deus qui inter Valerianum atque Caeciliam spiritale sanxit esse connubium ipse in vos caelestis concordiae tribuat incrementum. Quique Tiburtium fratris prece perduxit ad fidem ipse per vos accendat plurimos ad diligendam aeternae gloriae mansionem. Ut horum semper foveamini praesidiis quorum nec patula exsultatione laetamini de triumphis.

845 Per misericordiam ipsius Dei

846 Gustate et videte

846 Domine Deus omnipotens qui es vita et salus fidelium quem venturum iudicem credimus verum esto nobis propitius. Et qui hanc oblationem pro nostra nostrorumque salute vel pro expiatione nostrorum peccatorum in honorem sanctae Caeciliae virginis et martyris tuae tibi obtulimus misericordiae tuae opem in nos diffundi sentiamus. Ut qui iam refecti sumus ad mensae tuae convivium dono tui muneris consequi mereamur praemium sempiternum.

846 Concedente divinitate tua Deus noster qui es vita vivorum et corona sanctorum in aeterna saecula saeculorum.

846 Dominus sit semper vobiscum. Et cum spiritu tuo.

846 Solemnia completa sunt in nomine Domini nostri Iesu Christi votum nostrum sit acceptum cum pace.

846

846 Speciosa facta es alleluia et odor vestimentorum tuorum super omnia aromata alleluia alleluia

846 Conceptio tua Dei Genitrix Virgo gaudium annuntiavit universo mundo

846 Per omnia semper saecula saeculorum

847 Gloria in excelsis Deo

847 Tibi semper Domine gloria omnipotens Iesu Christe cuius in caelo et in terra laudis confessio permanet dum tibi gloria in excelsis decantatur et in terra pax hominibus nuntiatur. Bonam quaesumus voluntatem nobis famulis tuis et populis supplicantibus tribue ut ab omnibus nos mundes peccatis et pacem tuam perpetuam nobis propitius et omni populo largiaris.

847 Dominus possedit me in initio viarum suarum antequam quicquam faceret a principio uncta sum a saeculo antequam terram faceret. Nec dum erant abyssi et ego iam concepta eram. Nec dum fontes aquarum eruperant nec dum montes gravi mole constiterant ante colles ego parturiebar. Adhuc terram non fecerat et flumina et cardines orbis terrae. Quando praeparabat caelos aderam quando certa lege et giro vallabat abyssos. Quando ethera firmabat sursum et librabat fontes aquarum. Quando circumdabat mari terminum suum et legem ponebat aquis ne transirent fines suos. Quando appendebat fundamenta terrae cum eo eram cuncta componens et delectabar per singulos dies ludens coram eo in orbe terrarum et deliciae meae esse cum filiis hominum. Nunc ergo filii audite me. Beati qui custodiunt vias meas. Audite disciplinam et estote sapientes et nolite abiicere eam. (Sap 8)

847 Specie tua et pulchritudine tua intende prospere proceda et regna

847 Propter veritatem et mansuetudinem et iustitiam deducet te mirabiliter dextera Dei.

847 Silentium facite.

847 In omnibus requiem quesivi et in hereditate Domini morabor. Tunc praecepit et dixit mihi creator omnium et qui creavit me requievit in tabernaculo meo. Et dixit mihi. In Iacob inhabita et in Israel hereditare et in electis meis mitte radices. Et sic in Sion firmata sum et in civitate sanctificata similiter requievi et in Ierusalem potestas mea. Et radicavi in populo honorificato et in parte Dei mei hereditas illius et in plenitudine sanctorum detentio mea. Quasi cedrus exaltata sum in Libano et quasi cypressus in monte Sion. Quasi palma exaltata sum in Cades et quasi plantatio rose in Hierico. Quasi oliva speciosa in campis et quasi platanus exaltata sum iuxta aquas. In plateis sicut cinamomum et balsamum aromatizans odorem dedi. Quasi mirrha electa dedi suavitatem odoris. (Eccli 24)

848 Loquente Domino Iesu ad turbas extollens vocem quedam mulier de turba dixit illi. Beatus venter qui te portavit et ubera que suxisti. At ille dixit. Quinimmo beati qui audiunt verbum Dei et custodiunt illud. (L 11)

848 Conceptio tua Dei Genitrix Virgo gaudium annuntiabit in universo mundo

848 Magna facta est et preclara filia Sion in universa terra alleluia

848 Benedicta tu a Deo tuo in omni tabernaculo Iacob. Tu gloria Ierusalem honorificentia populi tui

848 Exsurge gloria nostra Deus et eripe ab hoste captivos atque pro quibus magnificatus es usque ad caelos hos in te confidentes intuere placatus. Et ipse da in tribulatione auxilium qui nostrae salutis es complementum. Immaculatae Conceptionis gloriosae Virginis Mariae celebrantes festum sic nos tuaere subsidio gratiae ne nostro exigente merito tradamur inferno. Sicque remuneremur praemio ut confitentes producas in saeculo.

848 Deus qui navem Ecclesiae tuae per mundi istius pericula fluctuantem optimus nauta gubernas et ne infidelitatis procella obruatur vigilantissimus custos solicitas omnibus eius lavacro renatis tribue per intercessum Conceptionis gloriosae Virginis Mariae persecutionum tempestates in tui nominis confessione devincere et tibi placitum sacrificium nosmetipsos offerre. Quique mirabiliter proiiciuntur in profundum remigio dextere tuae perducantur in caelum.

849 Domine Iesu Christe laudabilis nimis et magne te implorantes exquirimus et quaerentes exposcimus interventu Conceptionis gloriosae Virginis Mariae fac nobiscum misericordiam propter nomen tuum et in quibus a te peccando recessimus per confessionem humilem redeamus. Et pietate qua redemisti captivos et misericordia adiuvasti oppressos ipsa nunc que gessimus dilue atque in partem dexterae tuae quos redemisti statue.

849 Domine qui es magnus et gloriosus da nobis famulis tuis indignis illam pacem quam tu dedisti discipulis tuis ut dum operum tuorum magnitudinem admiramur magnificentiam tuam debita confessione laudemus. Atque per intercessionem Conceptionis gloriosae Virginis Mariae tuae matris tribue nobis perfectum intelligentiae decus timoris obedientiam agere et mandata tua fidelia omni custodia cordis diligenter explere.

849 Dignum et iustum est omnipotens Pater tibi in honorem Conceptionis gloriose Virginis Mariae gratias agere per Iesum Christum filium tuum Dominum nostrum merito quidem et gloriosior Virgo Maria caeli petivit intimum dum caeli et terrae sola visceribus sacris portavit Deum et Dominum. O ineffabilis castitas o immaculata virginitas que novo ineffabili modo adsummi in superna meruit sede visura cum angelis ibidem perpetim Deum cuius Verbi in terra sacrum effecta est templum. Cui nullo modo ibidem incomprehensibilis frustratur sedes sicuti incomprehensibilis partus non denegatur in terris. Talium est enim divinitus ascendisse qualium in novo Virginis partu hic similem non invenisse. Quid vero verius datur intelligi hanc Christus elegit a qua natus est hic sic illam voluit mansisse. Merito diuque merito ibidem gloriosior fore pre cunctis dum merito longeque digno dignior invisceratur ex ea Salvator. Hoc te Domine cooperante qui omnia quae velis facis et de nullo nusquam ventilaris. Quem quoque tremunt Potestates caelicoleque ammirantur cives. Cui multiplex caelica illa angelorum legio catervaque Sanctorum omnium Virginum martyrumque concio sive terrestris beatorum multitudo in hoc Conceptionis gloriosae Virginis festo non cessant clamare ita dicentes

850 Vere sanctus vere benedictus aeterne omnipotens Deus misericors et pie qui decore virtutis glorificas iustos et sine opere iustificas peccatores. Qui confitentes in mundo beatificas et confessores in caelo glorificas tribue nobis interventu Conceptionis tuae cuius solemnia celebrantur tibi Domino confiteri pio cordis affectu. Ut propria pandentes piacula inherere mereamur Christo Domino ac redemptori aeterno.

850 Virgo Dei Genitrix Maria cuius hodie veram Conceptionem celebramus quaesumus indigni et peccatores ubi est novi miraculi gloria beatiores quandoque mereamur attolli preceque tua ditati. Roget quaesumus ibidem pro nobis dignitas tui pudoris quae te de terris ineffabiliter sumpsit in caelos et post somnum quietis et cursum consumatum vitae temporalis adsit rogamus ibidem pro nobis indignis plebs tua semper suffragatrix. Quatenus hic per eam abluti ab omnibus facinorum contagiis mereamur angelorum compotes esse in caelestibus regnis.

850 Domine Iesu Christe qui sic Virginem matrem honorificasti quousque Conceptionis eius gratia eam coram te suffragatricem incomparabilem invenimus indigni quaesumus divinitatis tuae clementiam quatenus per obtentum illius beatissime Genitricis emundati ab universis contagiis audeamus exclamare et dicere e terris.

851 Exoratu Virginis sacrae Mariae vestra sint merita radicitus coram Christo et abolita piacula. Et sicut illa conletatur in sede superna cum angelis sanctis sic vos gaudeatis adquisisse paradisum aeternae felicitatis. R\. Amen. Quo anima simul et corpore sani et integri hinc exeuntes ad illam feliciter et digne perveniatis sedem qua ipso miserante ab eo divelli nullatenus possitis.

851 Per misericordiam ipsius Dei nostri

851 Gustate et videte

851 Beata Dei Genitrix Virgo Maria cuius Conceptionem hodie celebramus quae in Sion gloriosa consistit quam ipse se dilexisse testatur et ex quo tibi non recessuram ultra misericordiam pollicetur da nobis meritis tuis ut amore divino flagrantes in futuro iudicio inveniamur indemnes.

851 Per misericordiam tuam Deus noster

851 Solemnia completa sunt in nomine Domini nostri Iesu Christi votum nostrum sit acceptum cum pace.

851 In omni opere suo dedit confessionem sanctam alleluia. Verbum gloriae et in corde suo hymnum dixit alleluia.

851 Confitebor tibi Domine in toto corde meo narrabo omnia mirabilia tua.

851 Deus qui scelera nostra figmentis operta denudas qui incerta dubiis et occulta cognitis consulta pietate traducis ut noxietate prodita aspergas nos rore misericordiae et velut nivem dealbes da viae correptionem averte quaesumus faciem tuam a peccatis nostris et omnes iniquitates nostras delens innova viscera nostra Spiritus tui Sancti infusione. Quo tali habitatore gaudentes aperiamus iugiter labia nostra ad annuntiandam laudem tuam.

851 Per misericordiam

852 Invenit gratiam in deserto populus qui remanserat gladio vadet ad requiem suam Israel. Longe Dominus apparuit mihi et in caritate perpetua dilexite. Ideo attraxi te miserans rursumque aedificabo te et aedificaberis Virgo Israel. Adhuc ornaberis tympanis tuis et egredieris in choro psallentium. Adhuc plantabis vineas in monte Samarie. Plantabunt plantantes et donec tempus veniat non vindemiabunt quia erit dies in qua clamabunt custodes in monte Effraim. Surgite ascendamus in Sion ad Dominum Deum nostrum. Quia haec dicit Dominus. Exultate in laetitia Iacob et hinnite contra caput gentium. Personate canite et dicite salva Domine populum tuum reliquias Israel. (Jr 31)

852 Confitebor tibi Domine in vasis psalmorum veritatem tuam psallam tibi in cithara Deus sancte Israel.

852 Sed et lingua mea annuntiabit iustitiam tuam tota die laudem tuam

852 Hoc est verbum fidei quod praedicamus quia si confitearis in ore tuo Dominum Iesum et in corde tuo credideris quod Deus illum suscitavit a mortuis salvus eris. Corde enim creditur ad iustitiam ore autem confessio fit ad salutem. Dicit enim Scriptura omnis qui crediderit in eo non confundetur. Non enim est distinctio Iudaei et Graeci. Nam idem Dominus omnium dives in omnibus qui invocant illum. Omnis enim quicumque invocaverit nomen Domini salvus erit.

852 Cum esset in Bethaniain domo Simonis leprosi

852 Dominus sit semper vobiscum. Et cum spiritu tuo.

852 Deus meus es tu et confitebor tibi. Deus meus es tu et exaltabo te

852 Munera accepta erunt super altare tuum et domus orationis meae honorabitur alleluia

852 Laetetur anima mea in domino induit enim me veste salutari et tunica iocunditatis tanquam sponso imposuit mihi mitram et ut sponsam decoravit me ornamento sicut terra quae producit flores suos et sicut paradisus germina sua.

853 Deus qui se invicem diligentibus neque malum pro malo reddentibus sed pro suis inimicis orantibus et amandus approprias et videndus precamur ut hodierni sacrificii clementer intendas libamina quibus rite mundati saecularium tentationum valeamus vitare discrimina talem gloriae coronam misericorditer accepturi qualem in confessione famulae tuae Leocadiae fideliter praestitisti. Postulamus igitur ut orationem eius pro nobis exaudias et laetitiam generalem tuis famulis in hac quaesumus celebritate concedas.

853 Praedicetur Domine credentibus populis beatae confessoris tuae Leocadiae fidelis patientia cuius prius est persequentibus inimicis praedicata iustitia. Gloriemur omnes fideliter triumphale eius natalitium celebrantes ut similiter efficiamur inter tribulationum temporalium tentamenta gaudentes. Auge singulis plenissimam fidem dona constantiam tribue caritatem atque ita quod corde credimus ore confiteamur ut cum tua confessore coronam iustitiae fiducialiter exspectemus.

853 Hilares Domine celebramus festa sollemnia confessoris tuae Leocadiae cuius fiducialis oratio superbum conteruit inimicum. Ob hoc namque in sede laetatur aeterna et gaudet felix in patria gloriosa. Ipsius meritis concede quaesumus nobis Domine aeternam caelestis patria sedem et hanc nostris e manibus suscipe placatus oblationem ut facta patrum fratrum carorumque nostrorum commemoratione eos in aeterna digneris beatitudine collocare.

853 Omnipotens immense Deus qui Leocadiae virginis tuae placatus confessione ad te animam eius accersiri iussisti in pace tua nos et pia peccatorum confessione salva et fraternae dilectionis unanimitate iustifica. Quo per hanc virginem et confessionis dono a vitiis emundemur et pacis unitate tuae visionis solatio potiamur.

854 Dignum et iustum est omnipotens Pater tibi in honore confessoris tuae Leocadiae gratias agere per Iesum Christum Filium tuum Dominum nostrum cuius nec fides necessitate sexuum variatur nec virtus teneritudine muliebrium artuum enervata dissolvitur. Invictum enim Ecclesiae catholicae caput ita suis membris subrogavit virtutis augmentum ut non solum viros sui nominis testes in certamine victores per patientiam redderet verum etiam feminis triumphalem coronam per tolerantiam condonaret. Implacabilis quippe carnificis furor exquisita supplicia membris muliebribus admovebat sed virilis in feminis virtus illata cruciamenta temnebat. Nec enim debuit fremitum viri formidare tortoris quae intimo palatio mentis praesenti fruebatur praesidio Salvatoris. Et quoniam invicti regis auxilio utebatur in corde cruciatus fortiter vincebat in corpore. Et in his omnibus Christus Dominus unigenitus tuus continuis laudibus est glorificatus qui est ubique laudabilis ubique mirabilis. Qui et Mariam matrem illibatam ab omni corruptione servavit et Leocadiam sui nominis fidelissiman testem in oratione suscepit et sicut Mariam fecit virginem permanere post partum ita Leocadiam victricem fecit esse post transitum. Quem collaudant omnes Angeli et Archangeli non cessant clamare cotidie ita dicentes.

854 Vere sanctus et vere benedictus Dominus noster Iesus Christus Filius tuus quem collaudat omnis conventus martyrum et attollunt humilium praeconia confessorum qui virginem suam Leocadiam carcerali vinculo trusam atque in oratione constitutam in confessione sui nominis spiritum emittentem suscepit ad se in gloriam aeternam.

855 Precibus confessoris tuae Leocadiae omnipotens Deus hoc tibi oblatum sacrificium suscipe et tuae benedictionis perlustra sanctificatione ut dum ex his sumpserimus quidquid in confessione poposcerit lingua praelargiri dignetur tua miseratio consueta.

855 Accipe Deus nostrorum confessionem labiorum omniumque ligamenta solve facinorum quo huius virginis tuae Leocadiae prece et vitiis careamus et muneribus ampliemur cum ad te proclamaverimus e terris.

855 Humiliate vos benedictioni. Dominus sit semper vobiscum.

855 Christus Dei Filius qui in confessione sui nominis spiritum suscepit Leocadiae vestram accipiat fidelem remuneraturus devotionem. Quique confessoris huius festum in canticis confessionum attollitis donis a Deo remuneremini sempiternis. Ut illic remuneratura perveniat devotio vestra quo beatissimae Leocadiae confessio perducta est muneranda.

855 Per misericordiam ipsius Dei nostri qui est benedictus

855 Gustate et videte

855 Domine Deus omnipotens qui es vita et salus fidelium quem venturum iudicem credimus verum esto nobis propitius. Et qui hanc oblationem pro nostra nostrorumque salute vel pro expiatione nostrorum peccatorum in honorem sanctae confessoris Leocadiae tibi obtulimus misericordiae tuae opem in nos diffundi sentiamus. Ut qui iam refecti sumus ad mensae tuae convivium dono tui muneris consequi mereamur praemium sempiternum.

855 Solemnia completa sunt in nomine Domini nostri Iesu Christi votum nostrum sit acceptum cum pace.

856 Loquebar de testimonis

856 Sicque desiderio compuncta psallentium festinavit mutare viam ut sequaeretur viam qua perveniret ad vitam. Viam utique saeculi relinquendo perducta est ad viam quae virginis processit ex utero. Unde quia eadem virgo sic deinceps assecuta est Christum ut nusquam repedaret ad saeculum sed magis fuso sanguinis sui cruore dignum pro Christo Domino dignoscitur suscepisse martyrium. Oportet nos in tanti diei veneranda festivitate singulari placationis hostia Christum Dominum exorare. Ut qui eam fecit triumphare de mundo eius precibus nos efficiat heredes in caelo.

856 Domine Iesu Christe pro cuius amore beatissima Eugenia et affectum parentum et copias oblita est facultatum cum relictis domo parentibus fratribus atque famulis aufugiens crinibus detonsis te sequendo adiungitur christianis tuis cupiens sua colla subiugare praeceptis tu Ecclesiae tuae precibus adesto mitis atque placabilis ut ad instar huius martyris tuae relinquamus saeculum contemnamus vanarum illecebras voluptatum affectus parentum atque curas rerum periturarum ut ad te diligendum te sequendum teque fruendum nullis obicibus impediti ita libentissime praesentis saeculi evincamus mala sicut haec virgo fallentis Melantiae valuit superare commenta.

856 Intuere propitius Domine offerentium vota et peccantium sana discrimina ac praesta nobis ut sicut nomen sexusque Eugeniae virginis cognitionem tui perspicui Eleni non latuit sacerdotis ita nomina nostra ex occultis iudiciis tuis aeternis iam annotentur in paginis. Quo in huis virginis ac martyris sollemnitate et vivis solatia et quiescentibus praestetur requies sempiterna.

856 Vox testimoniorum tuorum Domine quae Eugeniam virginem ad tuum provexit amorem cum christianorum cantu dignosceret omnes Deos gentium daemonia esse te autem solum Deum caelos fecisse inflectat corda nostra ad paenitentiam et corpora in divina servitute constringat. Pellat quoque a nobis simultatum scandala et alternae societatis enutriat incrementa. Quo per admonitionem legis tuae caelesti ad invicem potiamur dulcedine per quam haec virgo compuncta Sanctae Trinitatis promeruit cognoscere unitatem.

857 Dignum et iustum est nos tibi gratias agere Domine sancte Pater aeterne omnipotens Deus qui ita martyrem tuam Eugeniam amore castitatis armasti ut sericas vestes et paternas infulas crederet esse timendas. O sanctus Christi amor accensus per quem et saecularis pompae ornatus et parentum exstitit exclusus affectus. Elegit quoque gloriosa virgo abiectam in saeculo gerere vitam illo davidico carmine edocta Elegi abiectus esse in domo Domini magis quam habitare in tabernaculis peccatorum. Quam cum ille antiquissimus serpens viriliter pro coronae praemio cerneret agonizantem solitam suam per Melantiam ad instar Evae voluit erga eam exercere malitiam. Perfecta quidem deceptrix invenitur ad suadendam Evam sed novissimus noster Adam victor in virginis mente perfectior invenitur. Ducitur quoque ad supplicium cum suis venerabilis virgo comitibus cuius certamen Christus laetus spectaret sponsus. Introducuntur falsi accusatores sicut in Stephani martyris necem. Claruit concinnata falsitas quia immaculata inventa est sancta virginitas. Ingens facta est parentum laetitia quia de triumpho exsultat caelestis militia. Gloriosae enim virgini ad hoc concessa sunt temporum spatia ut ipsa multos secum provocaret ad caelestia regna quorum pariter castissimas tibi Domine animas in sacrificia consecrarentur munda. Quem in unitate Trinitatis adorant Angeli benedicunt Archangeli et universae metuunt Potestates consona voce incessabiliter clamantes atque dicentes

858 Vere sanctus vere gloriosus Dominus noster Iesus Christus Filius tuus qui est custos virginitatis et virginale decus immensi pudoris qui et in matre Maria virginitatem servavit et in martyre Eugenia integritatem virgineam contulit cum et illam virginem ipsa sui nativitate assignat et istam per deceptricia accusantis Melantiae verba virginem manifestat.

858 Domine Iesu Christe Fili Dei vivi qui tantam gratiam in virgine tua Eugenia contulisti ut sicut evidentia eius gesta declarant quemcumque in dolore positum visitasset et languoris ab eo pestis recederet et optata ad eum sanitas rediret tu hoc sacrificium tibi appositum ita tuae visitationis benedictione santifica ut ex eo sumentibus et criminum praestetur indulgentia et perpetuae salutis praelargiatur medela.

858 Videte videte dilectissimi fratres mirabilia operum Dei qualiter Eugenia virgo pro nomine Iesu martyrium sustinens nec undis subicitur nec ardoribus concrematur. Haec sane fides agebat pro qua Dominus noster praedixit quod in ea se rogantibus nihil difficile est. Unde hac fide quae per dilectionem operatur rogemus pii Patris clementiam ut nostras respiciat lacrimas diluat culpas impertiat gratiam et arceat quaque nobis videntur esse adversa. Si enim rogaverimus eam fiducialiter spes nobis est quod exaudiat nostri clamoris vocem cum ad eum ea quae Domino nostro Iesu Christo edocente didicimus proclamaverimus e terris.

858 Deus summus atque aeternus in cuius servitium Eugenia virili habitu detonsis crinibus se obtulit servituram faciat vos desectis atque recisis curis saeculi apprehendere vitam immaculatam. Quique eius virginitatem Melantia fallente manifestam effecit cuneis populorum ostendat in vobis divitias misericordiarum suarum. Atque cum illa post transitum mereamini partem habere quae pro Christo Domino suo meruit laureari cruore.

858 Per misericordiam ipsius Dei nostri qui est benedictus

859 Gustate et videte

859 Gustantes Domine suavitatis dulcedinis plenitudinem quaesumus ut sit nobis hoc in remissionem peccatorum et sanitatem mentium.

859 Per misericordiam tuam Deus noster

859 Missa acta est in nomine Domini nostri Iesu Christi perficiamus cum pace

859 Omnis unitas Ecclesiae sancte quae significata est in columba de qua dictum est. Una est columba mea perfecta mea. Una est matris suae manibus plaude iubilo cane exulta in omni corde. Quoniam pulsantis dilecti vocem mox ut haec Columba virgo et martyr dicentem sibi audire promeruit. Aperi mihi soror mea amica mea columba mea illico surrexit aperire dilecto. Inquiens pulcher es dilecte mi et decorus lectus noster floridus ac iocundus. Cuius in accubitu dum dilectus consisteret nardus virginis dedit odorem. Cum interrogata imperiali ex voce quem coleret Christum se testata est credidisse cum iam vulnerata fuerat caritate. In huius ergo virginis festum dilectissimi fratres et vota pandamus cum gaudiis et crimina cum lamentis. Ut haec virgo suis sanctam semper precibus tuaeatur Ecclesiam quae Iesu Christo Domino effecta est ex virginitate sponsa.

859 Deus Pater omnipotens super baptizatum Unigenitum tuum in aquis Iordanis Spiritum Sanctum in columbae specie ostendisti atque per ipsius Sancti Spiritus donum cor martyris ac virginis tuae Columbae tanto ardore tuae dulcedinis inflammasti ut usque ad consummationem meruerit pervenire martyrii. Effice nos quaesumus columbarum simplicitate puros malitia parvulos et prudentia serpentium circumspectos. Quo sicut haec virgo et simplicitate candida et virginitate munda ac prudentia circumspecta columba sine macula merito fuit sic nos eius intercessione purificati ac eiusdem martyris palma accincti mereamur ad te pervenire qui es redemptor aeternus.

860 Auditis nominibus offerentium pietatis Dominum depraecemur ut per intercessionem beatissimae virginis suae Columbae nobis dignetur oratus assistere adesse quaesitus aperire pulsatus.

860 Impetret quaesumus Domine fidelibus tuis auxilium oratio iuste martyris et virginis tuae Columbae ut in cuius hodie celebritate devoti sunt in eius fiant pace participes.

860 Dignum et iustum est aequum et iustum est nos tibi gratias agere Domine sancte Pater omnipotens Deus per Iesum Christum filium tuum Dominum nostrum. Qui beatissimam martyrem et virginem suam Columbam diversis certaminibus dimicantem caelestibus muneribus cumulavit. Arguitur quidem multis tormentis et corona ipsius diversis margaritis ornatur in caelum. Praestat enim divinus amor audaciam qua ipsa victrix existit in pugna. In confessorem Dei sententia mutatur et devicto saeculo cum Patre et Filio et Spiritui Sancto in perpetuum gloriatur. Cui merito omnes Angeli et Archangeli non cessant clamare quotidie ita dicentes.

860 Vere sanctus vere in altissimis gloriosus Dominus noster Iesus Christus Filius tuus qui certatricem pro nomine suo Columbam inter suprema supplicia emissa de caelis voce ad se vocat Veni quippe ait Columba aperti sunt tibi caeli. Ecce vox fit ad virginem similis quae super baptizatum Dominum exstitit singularis. Singularis plane vox illa quia illum dilectum Dei Filium nuntiabat communis vel similis quia ex ipso caeli climate processerat quae pretiosam mortem virginis populis commendabat. Hinc igitur quia nostris non debentur meritis talia te Deus quaesumus ut vox quam audivimus ab initio in nobis permaneat ut dum apparueris habeamus fiduciam et non confundamur in ea cum manifesta cunctis fuerit gloria tua.

861 Excellentissimam tuae maiestatis imploramus potentiam sancte Deus qui virginem tuam Columbam et in amphitheatro bestia obsequente glorificas et post in consummatione passionis emissa de caelis voce confirmas ut has tibi iubeas propitius oblatas hostias intueri atque caelestis benedictionis sanctifices largitate ac praestes ut omnes pro quibus haec offertur oblatio et lucrum tui sanguinis simus et pretium nostrae redemptionis plenissima devotione sumamus.

861 Deus Pater omnipotens qui in expiatione parturientium duos tibi offerri pullos praecipis columbarum tu precibus Columbae martyris tuae ab omni nos lava sorde pollutionum ut huius virginis suffragio a te possimus veniam promereri cum nunc orationem coram te deprompserimus Filii tui proclamantes atque ita dicentes.

861 Unigenitus Dei Filius qui virginem Columbam illaesam servavit a flammis ab omnium vitiorum vos immunes reddat illecebris. Precibus quoque huius Columbae virginis et columbarum innocentiam retentetis et zelo Sancti Spiritus ardeatis. Quo intra sinum unius Columbae et sine offensione permaneatis in saeculum et cum fructu bonorum operum perveniatis ad Christum.

861 Gustate et videte

861 Refecti Christi corpore et sanguine pariterque sanctificati Deo Patri omnipotenti gratias referamus ut vos in eadem refectione et sanctificatione habeatis hic et in futuro saeculo gloriam percipiatis.

861 Per misericordiam tuam Deus noster

861 In nomine Domini nostri Iesu Christi perficiamus cum pace.

862 Gloriam et magnum decorem impones super eum alleluia et dabis eum in benedictione in saeculum saeculi alleluia alleluia.

862 Vitam petiit ad te tribuisti ei longitudinem dierum in aeternum.

862 Gloria in excelsis Deo

862 Famulo tuo praestitisti honorem magnum dicit Dominus et omnes inimicos eius humiliavit et coronam dedit ei.

862 Praevenisti eum Domine in benedictione dulcedinis. Posuisti in capite eius coronam de lapide pretioso

862 Deus qui sanctam nobis huius diei sollemnitatem beatissimi martyris tui N. passione fecisti adesto familiae tuae precibus ut cuius hodie festa celebramus eius meritis intercessione ad ea quae imitare cupimus applicemur.

862 Beatus vir qui non est lapsus verbo ex ore suo et non est stimulatus in tristitia delicti. Felix qui non habuit animo suo tristiciam et non excidit ab spe sua. Beatus vir qui in sapientia morabitur et qui in iustitia meditabitur et in sensu suo cogitabit circumspectionem Dei. Qui timet Dominum faciet bona et qui continens est iusticie apprehendet illam. Et obviavit illi quasi mater honorificata et quasi mulier a virginitate suscipiet illam. Cibavit illum pane vitae et intellectus et aqua sapientiae salutaris potavit illum. Et firmabitur in illo et non flectetur. Et continebit illum apud proximos et in medio Ecclesiae aperuit os eius. Ac implevit illum spiritu sapientiae et intellectus et stola gloriae vestiet illum. Iocunditatem et exultationem thesaurizavit super eum et nomine aeterno hereditavit illum. (Eccli 14)

862 Dominus sit semper vobiscum. Et cum spiritu tuo.

862 Posuisti super caput eius coronam de lapide pretioso

862 Super salutare tuum Domine exultabit vehementer desiderium anime eius dedisti ei et voluntate labiorum eius non fraudasti eum

863 Bonum facientes non deficiamus. Tempore enim suo metemus non deficientes. Ergo dum tempus habemus operemur bonum ad omnes homines maxime autem ad domesticos fidei. Videte qualibus litteris scripsi vobis mea manu. Quicumque volunt placere in carne hi cogunt vos circumcidi tantum ut crucis Christi persecutionem non patiantur. Neque enim qui circumciduntur legem custodiunt sed volunt vos circumcidi ut in vestra carne glorientur. Mihi autem absit gloriari nisi in cruce Domini nostri Iesu Christi per quem mihi mundus crucifixus est et ego mundo. In Christo enim Iesu neque circumcisio aliquid valet neque praeputium sed nova creatura. Et quicumque hanc regulam prosecuti fuerint pax super illos et misericordia super Israel Dei. De cetero nemo mihi molestus sit. Ego autem stigmata Domini nostri Iesu Christi in corpore meo porto. Gratia Domini nostri Iesu Christi cum spiritu vestro. (G 6)

863 Si quis vult post me venire abnegat semetipsum

863 Dominus sit semper vobiscum. Et cum spiritu tuo.

863 Beatus homo quem tu erudisti Domine et de lege tua docuisti eum.

863 Fulgebit iustus sicut splendor firmamenti. Sicut stellae caeli dantes claritatem lucis ita et iustus splendebit in perpetua aeternitate alleluia.

863 Fulgebunt et tamquam scintille in arundineto discurrent iudicabunt nationes et dominabuntur populis et regnabunt cum Domino.

864 Largitorem aeterni muneris Deum fratres carissimi supplices imploremus ut sacrificium quod offerimus hodie in honorem martyris sui N. propitius acceptare dignetur ac sic preces omnium clementer accipiat ut omnibus peccata dimittat. Et qui praestare dignatus est eidem Martyri suo Deus Pater omnipotens olim victoriae palmam nunc quaesumus universis postulata concedat et aeternae vitae praemia dignanter attribuat.

864 In honorem beatissimi martyris tui N. cuius hodie natalem gloriae celebramus his maiestati tuae omnipotens Deus laudibus servientes sollemnia festa concinimus supplices te deprecantes ut cuius meritis obsequimur eius te propitio ac donante apud clementiam tuam semper precibus adiuvemur.

864 Pietatem tuam petimus sempiterna Trinitas Deus et sancti tui N. venerantes agonem supplices imploramus ut preces omnium clementer accipias et omnibus peccata dimittas. Atque ita tibi sit offerentium devotio placita ut defunctis etiam requies praestetur aeterna.

864 Reple nos Domine tuae pacis et dulcedinis dono ut qui in hoc die amabiliter martyris tui N. veneramur triumphum martyriali perficiamus affectu. Et qui eidem Sancto tuo impendimus obsequelae honorem eius precibus per te fructificemus in caritate.

864 Dignum et iustum est aequum et salutare est te inconfusa Trinitas et unius essentiae indivisa maiestas Deum Patrem et Filium et Spiritum Sanctum fontem beatitudinis aeternae laudare quem scimus nullius servitutis obsequiis indigere. Per quem beatissimus martyr tuus N. errores saeculi sapientia vicit terrores patientia superavit et idcirco tam magnum tamque magnificum est quod fecit. Secutus quippe Agnum leonem vicit. Quando persecutor saeviebat leo fremebat. Sed quia Agnus sursum attendebatur leo deorsum contemnebatur. Ipse enim intuebatur qui mortem morte destruxit in ligno pependit sanguinem fudit mundum redemit. Cui merito omnes Angeli et Archangeli non cessant clamare cotidie ita dicentes.

865 Vere sanctus et vere benedictus Dominus noster Iesus Christus Filius tuus. Qui hodierno die animam sui testis N. devicto mundo evexit in caelum ut quae fuerat afflicta suppliciis gaudiis frueretur aeternis. Et quae dominicae imitatrix exstiterat passionis caelestis esset particeps regni. Huius proinde meritis Deus summe terminum pone delictis et finem scandalis. Ut qui martyris tui N. veneratores exsistimus remotis adversitatibus eius gloriae participes effici mereamur.

865 Haec tibi Domine tua servantes praecepta in altare tuum panis ac vini holocausta proponimus et in commemorationem sancti tui N. suscepta populi tui per has oblationes te iubente vota deferimus non nostris meritis sed obsequio suscepti officii. Rogantes profusissimam tuae misericordia pietatem omnipotens Deus ut eodem spiritu quo te in carne virginitas incorrupta concepit has hostias Trinitas indivisa sanctificet.

865 Cum in Ecclesia tua Domine noverimus in memoria aeterna esse iustum non pro illius sed pro nostri commendatione hoc tibi offerimus holocaustum. Petentes ut qui eius animam fecisti in passione victricem nostrum votum efficias confessione victorem. Quo eodem suffragante clamorem nostrae accipias vocis quo iubente dicimus e terris.

865 Humiliate vos benedictioni. Dominus sit semper vobiscum.

865 Christus Dominus qui martyri suo N. patiendi contulit votum patientiam vobis tribuat contra omnes illecebras vitiorum. Et qui illi donavit peracta passione coronam vobis conferat peracto luctamine mundi gaudia repromissa. Ut qui in hoc die tanti Martyris ovantes sollemnia celebratis cum eodem post transitum collocati in caelestibus sedibus gaudeatis.

866 Per misericordiam ipsius

866 Gustate et videte

866 Refecti Christi corpore et sanguine te laudamus Domine alleluia alleluia alleluia

866 Fac nos Domine beatissimi martyris tui N. sequipedes ut eius muniti suffragio respuamus fallacias daemonum cuius instructi patrocinio videamus bona Domini in regione vivorum.

866 Per misericordiam tuam Deus noster

866 Sollemnia completa sunt in nomine Domini nostri Iesu Christi votum nostrum sit acceptum cum pace.

866 Haec dicit Dominus ego tuli te et fui tecum alleluia et interfeci omnes inimicos tuos alleluia fecique tibi nomen alleluia alleluia.

866 Beatus vir qui non timet Dominum in mandatis eis cupit nimis.

866 Gloria in excelsis Deo

866 Domine Deus praesta propitius ut beatissimus martyr tuus atque pontifex N. qui pro te viriliter dimicavit et tuo munere vicit ita nobis iugiter in tuo nomine adsit ut victores saeculo victo exsistamus peccati cotidianis abluat culpas qui tot tantasque supergressus est poenas. Ut qui pro Domino mirificus exstitit triumphator pro servis exsistat magnificus intercessor.

866 Tetigit iustum temptatio

866 Beatus vir qui non abiit in consilium impiorum sed in lege Domini fuit voluntas eius.

866 Et erit tamquam lignum quod plantatum est secus decursus aquarum et omnia quaecumque fecerit prosperabuntur.

867 Silentium facite.

867 Confortare in gratia

867 Una dierum

867 Dominus sit semper vobiscum. Et cum spiritu tuo.

867 Exsultabit iustus in gloria et gaudebit in laetitia sempiterna.

867 Ego servus tuus et filius ancillae tuae dirupisti vincula mea tibi sacrificabo sacrificium laudis alleluia.

867 Pretiosa in conspectu Domini mors sanctorum eius alleluia.

867 Beatissimi martyris tui atque pontificis N. agonem divina virtute perfectum votis sollemnibus fratres carissimi celebremus. Qui triumphalem palmam per fidei munimenta Christo opitulante promeruit obtinere patrocinii sui nobis intercessum apud eum cuius iam praesentia gratulatur dignetur intendere ut ipse nobis peccatorum tribuat veniam qui contulit immortalitatis coronam.

867 Iteratis precibus te Dominum Deum nostrum suppliciter deposcimus cuius honor sanctitas est quem diligere salus est quem amare perfectio est. Concede in omnem Ecclesiam tuam sancti martyris tui et pontificis lucere vestigia ut te regente omnium gressus ea nos via perducat ad vitam quae martyrem tuum extulit ad coronam.

867 Deus qui sancto ac beatissimo martyri tuo atque pontifici id muneris contulisti ut qui propter te peregit illatae passionis liberaliter cursum huius multitudinis mereretur occursum. Praesta nobis ut eius suffragio offerentium vota suscipias et requiem defunctis impertias dans omnibus nobis ita tui martyris imitari virtutem ut consimilem a te post transitum mereamur invenire mercedem.

867 Dona nobis omnipotens Deus martyris tui atque pontificis N. celebrantibus festum sincerae pacis et caritatis affectum ut qui in honorem eius tibi sacrificium deferimus laudis nobis a te impetremus donaria caritatis.

867 Dignum et iustum est omnipotens Deus ut pro virtutibus martyris tui atque pontificis N. tibi laudes dicamus et honoremus nomen sanctum tuum studiis animorum qui tantum fidei robur tuo militi praestitisti ut corpori flamma cederet ferrum stuperet in pectore et suis vincerentur tela vulneribus. Tantus enim in eo exstitit amor nominis tui ut non avidus morsus ferarum non rabies ursorum non leonum insaciabilis furor eidem metum mortis incuserit non laceratum ferro corpus animos inclinavit non scissum sulcis latus fidem professae virtutis exclusit nec ille sanguinis fluxus ungularum stridore revocatus vocem supplicationis exegit. Haec est corona martyris tui atque pontificis N. haec est caelestium pompa virtutum. Fortiora sunt vulnera Martyris quam tela carnificis. Rogamus ergo te Domine ut sicut eius virtutibus victoriae praestitisti triumphum ita nobis favorem auxilii tui perpetui largiaris et praestes nobis hunc in solatium quem praebere dignatus es in exemplum. Cui merito omnes Angeli et Archangeli non cessant clamare cotidie ita dicentes.

868 Vere sanctus vere benedictus Dominus noster Iesus Christus Filius tuus qui martyri suo atque pontifici N. et dimicandi virtutem et regnandi tribuit potestatem quo illi esset consors in regno pro quo animam tradidisset supplicio haberetque eum in munere quem consortem habuisset in passione. Vere solus ipse est Dominus et Salvator noster Christus Iesus qui et sanctis confert praemium et peccatoribus paenitentibus fructum.

868 Oblatas tibi omnipotens Deus ob honorem martyris tui atque pontificis N. victimas propitiatus attende ut qui Iusti tui memoriam facientes votivum tibi sacrificium exhibemus nostrorum criminum a te indulgentiam consequi mereamur.

868 Beatissimi martyris tui atque pontificis. N. natalicia honore debito venerantes dextere tuae opem exquirimus et gravati delictorum nostrorum pondere divinam potentiam tuam exposcere non metuimus. Quantoque fragilitas nostra vitiorum obice verberetur perpendere non valemus qui recedendo a te et per abrupta gradiendo facinorum cecitatem et peccatum incurrimus et te qui verum iusticie lumen es contemnendo caruimus. Adsiste quaesumus nunc Trinitas incommutabilis Deus familiae tuae precibus exoratus. Cunctorum in hac solemnitate suscipe vota cunctorumque pius crimina laxa. Ut omnium facinorum labe detersa caelestis patrie cunctis praemia tribue repromissa.

869 Humiliate vos benedictioni. Dominus sit semper vobiscum.

869 Petitiones vestras superna divinitas suppleat et desideria vestra martyris sui atque pontificis N. intercessione perficiat. Omnium preces clemens auditor assistat et cunctorum piacula bonitate propitia abluat. Sensus vestros nunc in bonis sibi adhaerere faciat et in futuro suorum vos gaudiis iungat.

869 Per misericordiam ipsius

869 Gustate et videte

869 Refecti Christi corpore et sanguine te laudamus Domine alleluia alleluia alleluia

869 Praesta nobis omnipotens Deus beatissimi testis tui atque pontificis N. assiduum patrocinium ut eius quoque praeclarum assequi mereamur exemplum. Ut sentientes impensissime suffragantem sequamur fortissime proeliantem.

869 Per misericordiam tuam Deus noster

869 Missa acta est in nomine Domini nostri Iesu Christi. Votum nostrum sit acceptum cum pace.

869 Dabis eum Domine in benedictione in saeculum saeculi alleluia. Laetificabis eum in gaudio cum vultu tuo alleluia alleluia alleluia.

869 Quoniam rex sperat in Domino et in misericordia Altissimi non commovebitur.

870 Deus qui es virtus indefessa et sanctorum inexpugnabile robur tuam in martyribus tuis constantiam praefer inter quos et sanctus martyr tuus N. patientia victrici nitescit tu ergo in eius agonibus laudantem Ecclesiam amplia felicitate perpetua ut quae fideli devotione honorat martyrem parilem cum eo te largiente obtineat sanctitatem.

870 Per misericordiam tuam Deus noster

870 Iustus si morte praeoccupatus fuerit

870 Dominus sit semper vobiscum. Et cum spiritu tuo.

870 In memoria aeterna erit iustus. Ab auditu malo non timebit.

870 Paratum est cor eius sperare in Domino confirmatum est donec videat inimicos suos.

870 Bonum facientes

870 Si quis vult post me venire

870 Dominus sit semper vobiscum. Et cum spiritu tuo.

870 Ecce servus meus suscipiam eum electus meus complacuit sibi in illo anima mea alleluia.

870 Iustitiam tuam Domine non abscondi in corde meo veritatem tuam et salutare tuum dixi.

870 Non celavi misericordiam tuam et veritatem tuam a congregatione multa alleluia.

870 Dominum Deum nostrum fratres carissimi concordi prece et humiliatione poscamus ut festivitatem nostram quam in honorem sancti ac beatissimi martyris sui N. devotissime celebramus illustret. Ut nos sancti eius meritis consortes effectos propositum nostrum vitamque consumet. Et cuius sumus hic nostra devotione fautores esse mereamur donante Christo participes.

870 Deus qui in sancti ac beatissimi martyris tui N. certamine gaudens eius victoriam usque ad martyrii gloriam sustulisti ut inter supplicia constitutus persecutores suos te donante despiceret. Exaudi Domine preces nostras per huius merita ut qui nos persecutionibus huius saeculi ventilamur ad superandas earum tentationum molestias Sancti Spiritus tui principali virtute confirmes.

871 Offerentibus nobis ob honorem sancti martyris tui N. par illius dedicatur oblatio. Ille suis persecutoribus obtulit corpus nos Deo iudici probata corda vovemus. Ut cum fuerit in nobis humilitatis proba devotio sicut hostia illius profuit ad coronam ita nostrum sacrificium prosit ad veniam.

871 Deus qui dissidentes ad concordiam clementer invitas et pacificorum mentes inhabitas. Pacem tuam nobis supplicantibus praesta ac nos in eius confessione confirma. Ut eam intercessione sancti martyris tui N. et veraciter habeamus et invicem nobis fideliter demus.

871 Dignum et iustum est et salutare et pulchrum est

871 Vere sanctus vere benedictus

871 Illabere Domine his sacrificiis ob honorem martyris tui N. oblatis donans nobis ut illius apud tuam clementiam commendemur suffragio cuius hodierno die attollimur de triumpho.

871 Deus qui in sancti tui N. corde flammam accendisti dilectionis tuae da mentibus nostris eadem fide et caritate fervere ut cuius gaudemus de triumphis eius provocemur exemplis quoniam ad te proclamamus e terris.

871 Humiliate vos benedictioni. Dominus sit semper vobiscum.

871 Precibus iusti sui N. vos Dominus ... celebrare sollemnitatem.

872 Per misericordiam ipsius Dei

872 Gustate et videte

872 Refecti Christi corpore et sanguine te laudamus Domine alleluia alleluia alleluia

872 Domine Deus omnipotens qui es vita et salus fidelium quem venturum iudicem credimus verum esto nobis propitius. Et qui hanc oblationem pro nostra nostrorumque salute vel pro expiatione nostrorum peccatorum in honorem sancti martyris tui N. tibi obtulimus misericordiae tuae opem in nos diffundi sentiamus. Ut qui iam refecti sumus ad mensae tuae convivium dono tui muneris consequi mereamur praemium sempiternum.

872 Dabo sanctis meis primam sessionem alleluia in resurrectione aeterna et exquiram illos in gaudio meo. Et lux perpetua lucebit eis alleluia. Et aeternitas temporum praeparata est alleluia alleluia.

872 Benedicti vos a Domino qui fecit caelum et terram

872 Gloria in excelsis Deo

872 Beatissimorum martyrum tuorum N. et N. praesidiis animati fida ad Dominum nostrum pergat oratio. Ut quorum in hoc saeculo gloriosum celebramus triumphum eorum in aeternum precibus adiuvemur.

872 Sancti iter fecerunt per deserta quae non habitabantur et in locis secretis fixerunt castra. Steterunt contra hostes et de inimicis se vindicaverunt. Sitierunt et invocaverunt te et data est illis aqua de petra altissima et requies sitis de lapide duro. Et reddidit iustis mercedem laborum suorum et deduxit illos in via mirabili. Et fuit illis in velamento diei et in luce stellarum tota nocte. Transtulit illos per mare rubrum et transtulit illos per aquam nimiam. Inimicos autem illorum dimersit in mare et ab altitudine inferorum eduxit illos. Ideo iusti tulerunt spolia impiorum et decantaverunt Domine nomen sanctum tuum et victricem manum tuam laudaverunt pariter. (Sap 11)

873 Dominus sit semper vobiscum. Et cum spiritu tuo.

873 Sancti tui Domine sicut palma florebunt plantati in domo tua Domine.

873 Bonum est confiteri Domino et psallere nomini tuo Altissime

873 Silentium facite.

873 Si terrestris domus nostra huius habitationis dissolvatur quam aedificationem habemus ex Deo domum non manufactam sed aeternam in caelis. Nam et hoc ingemescimus habitationem nostram quae de caelo est superindui cupientes si tamen vestiti et non nudi inveniamur. Nam et qui sumus in hoc tabernaculo ingemescimus gravati eo quod nolumus exspoliari sed supervestiri et absorbeatur quod mortale est a vita. Qui autem efficit nos in hoc ipsum igitur et scientes quoniam dum sumus in hoc corpore peregrinamur a Domino. Per fidem autem ambulemus et non per speciem. Audemus autem et bonam voluntatem habemus magis peregrinari a corpore et praesentes esse ad Deum. (2K 5)

873 Ecce ego mitto vos sicut oves in medio luporum. Estote ergo prudentes sicut serpentes et simplices sicut columbe. Cavete ergo ab hominibus. Tradent enim vos in conciliis et in synagogis suis flagellabunt vos et ad presides et reges ducemini propter me in testimonium illis et gentibus. Cum autem tradent vos nolite cogitare quomodo aut quid loquamini. Dabitur enim vobis in illa hora quid loquamini. Non enim vos estis qui loquimini sed spiritus patris vestri qui loquitur in vobis. Tradet autem frater fratrem in mortem et pater filium et insurgent filii in parentes et morte eos afficient et eritis odio omnibus hominibus propter nomen meum. Qui autem perseveraverit usque in finem hic salvus erit. (Mt 10)

874 Dominus sit semper vobiscum. Et cum spiritu tuo.

874 Ambulabunt sancti gaudentes velut agni pleni pascue alleluia.

874 Venite benedicti Patris mei percipite regnum quod vobis paratum est ab origine mundi alleluia.

874 Cum venerit filius hominis in maiestate sua et omnes angeli cum eo tunc fulgebunt iusti sicut sol in regno Dei alleluia.

874 Deum qui immortales gloriosissimorum martyrum N. et N. palmas triumphali cruore perfudit et beatam diei huius sollemnitatem suis pro se vincentibus dedicavit fratres carissimi suppliciter exoremus ut qui dedit nobis diei huius sollemnem excursum det plenum sollemnitatis affectum. Quique contulit hoc quo cultus festivitatis amplectitur donet votum quo patientiam Martyrum imitemur ut quidqui sancti sui hodierno perceperunt in munere nobis proficiat ad salutem.

874 Laudes tuas sancte omnipotens Deus ob gloriosas Martyrum passiones sacris titulis ampliantes sollemni tibi cum devotione persolvimus grates quas triumphus gloriae tuae passionis evexit resurrectionis aeternitas consecravit. Qui praemium immortalitatis te auxiliante suscipientes et nobis dederunt viam vitae et sibi paraverunt palmam victoriae. Horum nobis Domine obauditione da victoriam. Sit nobis eorum apud te patrona oratio quorum exspectante te Iudice fulgentibus Sanctorum choris coronata meruit esse confessio.

875 Deus cui acceptissimum ac iucundissimum sacrificium est sanctorum martyrum tuorum N. et N. fides atque devotio adesto familiae tuae supplici per sanctorum tuorum te suffragia deprecanti offerentium vota amplifica defunctis requiem dona et da ut qui se peccatorum suorum errore laeserunt placere tibi tuorum mereantur intercessione sanctorum.

875 Aequum et iustum est nos tibi gratias agere Deus angelorum Deus martyrum et inaestimabili gaudio praedicare passiones servorum tuorum triumphum felicium laetitiam angelorum. Quis enim huius altitudinis digne possit enarrare mysterium ubi de supplicio beatitudo nascitur de dedecore gloria procreatur de morte vita perficitur O mysticum religionis arcanum ubi interfici laus est et interfecisse damnatio. O sacratissimum bellum in quo alii videntur occidi et alter occiditur. O spiritale certamen in quo se percussor vulneratorum morte prosternit diabolus percutientem saevissimo furore succendit Christus autem percutiendis patientiae virtute succurrit. Cum percussore diabolus punitur cum percussis Christus esxultat diabolus ministrum suum secum praecipitat in gehennam Christus autem martyres suos ad regna perducit caelestia. Cui merito omnes angeli et archangeli non cessant clamare cotidie ita dicentes.

875 Vere sanctus et pius es Domine Deus noster qui tam iustus es ad retribuendum quam misericors ad donandum. Dum vis impendere pro meritis praemia merita facis esse pro praemiis et nobis dignaris deputare quod tribuis dum invenire desideras quos coronas. Nam cum dubium non sit tuum esse quod vivimus nostrum iube esse si vincimus. Sic athletis tuis datur post victoriam corona pro munere cum impugnanda sit virtus ex munere ipse praemium exhibens validus ipse caelum inferens gloriosus dans et pro munere laudem et pro devotione mercedem.

876 Audi Deus Pater omnipotens preces nostras et sacrificiis a te institutis totus illabere ac praesta ut interventu sanctorum martyrum tuorum N. et N. defensati sit nobis haec temporalis vita pacis bono foecunda sit mors confessione potissima et resurrectio cum sanctis omnibus gloriosa.

876 Deus bonorum omnium delectatio et claritas gloriosa sanctorum misericordiam tuam quaesumus ut nobis affectum dilectionis infundas. Atque interventu martyrum superno munere conquisito voluntati tuae semper acceptos efficias.

876 Humiliate vos benedictioni. Dominus sit semper vobiscum.

876 Sanctorum meritis tribuat vobis Dominus benedictionem semper virtutem et pacem. Gratia quae illos deduxit ad gloriam vobis praeveniat ad peccatorum omnium indulgentiam. Qui dedit eis de superato hoste victoriam ipse vobis tribuat carnalia vitia et mundi superare concupiscentiam.

876 Per misericordiam ipsius Dei nostri

876 Gustate et videte

876 Refecti Christi corpore et sanguine te laudamus Domine alleluia alleluia alleluia

876 Domine Deus omnipotens qui es vita et salus fidelium quem venturum iudicem credimus verum esto nobis propitius. Et qui hanc oblationem pro nostra nostrorumque salute vel pro expiatione nostrorum peccatorum in honorem sancti martyris tui N. tibi obtulimus misericordiae tuae opem in nos diffundi sentiamus. Ut qui iam refecti sumus ad mensae tuae convivium dono tui muneris consequi mereamur praemium sempiternum.

876 Per misericordiam tuam Deus noster qui es benedictus

877 Sollemnia completa sunt in nomine Domini nostri Iesu Christi votum nostrum sit acceptum cum pace.

877 Dabo vos nominatos in gloria alleluia.

877 Benedicti vos a Domino qui fecit caelum et terram.

877 Gaudium nostrum et salus nostra virtus atque iustitia Domine Deus omnipotens fac nos quaesumus placita tibi sanctorum martyrum tuorum N. et N. sorte gaudere et illic laudes tuas rectorum munere perpetim decantare.

877 Iustorum anime in manu Dei sunt et non tanget illos tormentum mortis. Visi sunt oculis insipientium mori et extimata est afflictio exitus illorum. Et ab itinere iusto abierunt in exterminium et quod a nobis est iter exterminii illi autem sunt in pace. Et si coram hominibus tormenta passi sunt spes illorum immortalitate plena est. Et in paucis vexati et in multis bene disponentur. Quoniam Deus tentavit illos et invenit illos dignos se. Tanquam aurum in fornace probavit illos et quasi holocausti hostiam accepit illos et in tempore erit respectus illorum. Fulgebunt iusti et tamquam scintille in arundineto discurrent iudicabunt nationes et dominabuntur populis et regnabit illorum Dominus in perpetuum.

877 Dominus sit semper vobiscum. Et cum spiritu tuo.

877 Transivimus per ignem et aquam.

877 Probasti nos Deus sicut probatur argentum posuisti tribulationes in dorso nostro.

878 Silentium facite.

878 Debitores sumus non carni ut secundum carnem vivamus. Si autem secundum carnem vixeritis moriemini. Si autem spiritu facta carnis mortificaveritis vivetis. Quicumque enim spiritu Dei aguntur hi filii Dei sunt. Non enim accepistis spiritum servitutis iterum in timore sed accepistis spiritum adoptionis filiorum Dei. In quo clamamus abba Pater. Ipse spiritus testimonium reddidit Spiritui Sancto quod sumus filii Dei. Si autem filii et heredes. Heredes quidem Dei coheredes autem Christi. Si autem compatimur ut et glorificemur. Existimo enim quod non sunt condigne passiones huius temporis ad futuram gloriam quae revelabitur in nobis. Nam expectatio creature revelationem filiorum Dei expectat. Vanitati autem creatura subiecta est non volens sed propter eum qui subiecit omnia in spem. Quia et ipsa creatura liberabitur a servitute corruptionis in libertatem gloriae filiorum Dei. (R 8)

878 Nihil opertum quod non revelabitur et occultum quod non sciatur. Quod dico vobis in tenebris dicite in lumine. Et quod in aure auditis praedicate super tectum. Et nolite timere eos qui occidunt corpus animam autem occidere non possunt. Sed potius eum timete qui potest animam et corpus perdere in gehennam. Nonne duo passeres esse veneunt et unum ex illis non cadet super terram sine voluntate Patris vestri. Vestri autem capilli capitis omnes dinumerati sunt. Nolite timere multis passeribus meliores estis vos. Ubi enim sunt duo vel tres congregati in nomine meo ibi sum in medio eorum. (Mt 10)

879 Gaudete iusti in Domino rectos decet collaudatio.

879 Mirabilis Deus in sanctis Israel ipse dabit virtutem et fortitudinem plebi sue. Benedictus Deus alleluia alleluia.

879 Montem Dei montem uberem mons coagulatus mons uber ut quid suspicamini montes coagulatos montem in quo placuit Deo habitare in eo.

879 Aeternae tuae virtutis nomen omnipotens Deus rogamus ut horum martyrum tuorum N. et N. et omnium sanctorum meritis socios fide pares devotione strenuos passione similes in resurrectione felicium nos facias caequari.

879 Inlares Domine celebramus sollemnia martyrum tuorum N. et N. quorum fiducia fidei superbum conterruit hostem. Ideo nunc in sede laetentur aeterna et gaudent felices in patria gloriosa.

879 Post martyrum praeconia post offerentium ministeria post quiescentium memoriam pacem tuam Domine poscimus pacem impertire benignus.

879 Pacem tuam apostolis tuis dedisti servandam. Praesta Domine ut pacem quam in tuo nomine labiis propinamus fixam in cordibus nostris in perpetuum teneamus.

879 Dignum et iustum est omnipotens Deus per Iesum Christum Filium tuum Dominum nostrum. Quem omnes martyres omnesque Confessores serenis vultibus intuentur. Pro cuius nominis confessione offerunt colla manibus impiorum ut iuvent in aeternum in congregatione sanctorum. Vapulant sed exsultant sciunt pro quo patiuntur sed pro quo patiuntur Deo adiuvante non sentiunt. Torquentur in terris sed gaudent in caelis. Unde merito cunctus illi Angelicae congregationis exercitus in hac martyrum tuorum N. et N. confessione tuam Domine diebus ac noctibus virtutem magnificare non desinunt ita dicentes.

880 Vere sanctus vere Dominus. Quia pleni sunt caeli et terra gloria maiestatis tuae hosanna in excelsis. Benedictus qui venit in nomine Domini.

880 Famuli ergo tui exigui sacerdotes hanc salutiferam hostiam tuis coram proponunt altaribus. Rogamus ut de tuis caelestibus thronis benignus inspicias placabilis pius suscipias sanctus sanctifices benedictus benedicenda respicias sanctificataque nobis famulis tuis attribuas.

880 Divino magisterio edocti et salutaribus moniti institutis audeamus dicere e terris.

880 Omnipotens Deus in cordibus vestris studium suae dilectionis operetur. Sensusque vestros sibi in veritate iubeat adherere. Ut remoti ab omni labe vitiorum sanctarum nobis tribuat incrementa virtutum.

880 Per misericordiam ipsius Dei

880 Dignos eos fecit Deus in parte fortis sanctorum qui eripuit eos de potestate tenebrarum et transtulit in regnum filii dilectionis suae.

880 Benedicti vos a Domino qui fecit caelum et terram.

880 Deus qui es in sanctorum martyrum tuorum N. et N. in firmitate mirabilis impende misericordiam tuam famulis tuis et quia humilitas servientium tibi semper est tentationum obiecta certamini eorum meritis premuniti oramus ut nobis infirmis indulgentiam largiaris

880 Per misericordiam tuam Deus noster

881 Iusti in perpetuum vivent et apud Dominum est merces eorum et cogitatio illorum apud altissimum. Ideo accipient regnum decoris et diadema speciei de manu Domini. Quoniam dextera sua teget eos et brachio suo defendet illos. Tunc stabunt in magna constantia adversus eos qui se augustiaverunt et qui abstulerunt labores eorum. Videntes turbabuntur terrore horribili et mirabuntur in subitatione insperate salutis. Dicent inter se penitentiam agentes et pre angustia spiritus gementes. Hi sunt quos habuimus aliquando in derisum et in similitudinem improperii. Nos insensati vitam illorum extimabamus insaniam et finem illorum sine honore. Ecce quomodo computati sunt inter filios Dei et inter sanctos sors illorum inventa est. (Sap 5)

881 Dominus sit semper vobiscum. Et cum spiritu tuo.

881 Mirabilis Deus in sanctis suis.

881 Manda Deus virtutem tuam confirma Deus quod operatus est.

881 Silentium facite.

881 Gratia vobis et pax a Deo Patre nostro et Domino Iesu Christo. Benedictus Deus et Pater Domini nostri Iesu Christi qui benedixit nos in omni benedictione spirituali in caelestibus in Christo sicut elegit nos in ipso ante mundi constitutionem ut essemus sancti et immaculati in conspectu eius. In caritate praedestinavit nos in adoptionem filiorum per Iesum Christum. In ipso secundum propositum voluntatis suae in laudem gloriae gratiae suae. In qua gratificavit nos in dilecto filio suo. In quo habemus redemptionem per sanguinem eius in remissionem peccatorum secundum divitias gratiae eius quae superabundavit in nobis. In omni sapientia et prudentia ut notum faceret nobis sacramentum voluntatis suae secundum beneplacitum eius quod proposuit in eo dispensationem plenitudinis temporum instaurare omnia in Christo quae in caelis et quae in terra sunt in ipso. In quo etiam sorte vocati sumus predestinati secundum propositum eius qui omnia operatur secundum consilium voluntatis suae ut simus in laudem gloriae eius qui ante speravimus in Christo. In quo et vos cum audissetis verbum veritatis evangelium salutis vestre in quo et credentes signati estis spiritu promissionis sancto. Qui est pignus hereditatis nostrae in redemptionem adquisitionis in laudem gloriae ipsius. (E 1)

882 Dominus noster Iesus Christus convocatis duodecim apostolis dedit illis virtutem et potestatem super omnia demonia et ut languores curarent. Et misit illos praedicare regnum Dei et sanare infirmos. Et ait ad illos nihil tuleritis in via neque virgam neque peram neque panem neque pecuniam neque duas tunicas habeatis. Et in quamcumque domum intraveritis ibi manete et inde ne exeatis. Et quicumque non receperint vos exeuntes de civitate illa etiam pulverem pedum vestrorum excutite in testimonium supra illos. Egressi autem circumibant per castella evangelizantes et curantes ubique. (L 9)

882 Iusti confitebuntur nomini tuo Deus et habitabunt recti cum facie tua.

882 Vidi sub ara Dei animas occisorum propter verbum Dei et martyrium suum et magnó clamore dicebant salus Deo nostro alleluia alleluia.

882 Dignus es Domine Deus noster accipere claritatem et honorem et omnem creaturam quae est in caelo et in terra et in mari omnes audivi dicentes.

882 Preces nostras quaesumus Domine propitiatus attende et ut digne famulemur altario sanctorum martyrum tuorum N. et N. quaesumus nos intercessione custodire digneris.

882 Propitiare Domine supplicationibus nostris et suffragantibus sanctorum tuorum meritis ea quibus nos evangelicis instruis praeceptis implere concede.

883 Deus apud quem perfecta sunt sacrificia fidelium pia vota et pure mentis obsequia. Tu ad preces familiae tuae placatus intende atque in sensus eorum per inspirationem tui amoris illabere.

883 Deus caritatis origo atque concordiae te per intercessionem martyrum tuorum. N. et N. petimus atque supplices deprecamur ut sicut illis triumphum gloriae praestitisti ita in nobis gloriae ignem tui amoris et sinceritatem cordis ipsis suffragantibus largiaris.

883 Dignum et iustum est vere aequum et salutare est nos tibi semper hic et ubique gratias agere Domine sancte Pater aeterne omnipotens Deus per Iesum Christum filium tuum Dominum nostrum. Per quem gratia tua revelante cognoscimus quantum apud te tuorum vita praeclara sit martyrum quorum etiam nos mors preciosa laetificat et tuaetur. Et ideo cum angelis et archangelis proclamamus ita dicentes.

883 Vere sanctus et vere benedictus Domine Deus noster. Qui es corona martyrum et perpetua claritas angelorum Christe Domine ac redemptor aeterne.

883 Deus qui sanctos tuos. N. et N. placita tibi devotione ascicis dum eis pro te moriendi ardorem adtribuis in oblatis tibi sacrificiis respice et sanctorum tuorum sollemnia excolentibus propitiatus indulge.

883 Supplices te omnipotens Deus deprecamur et sanctorum martyrum tuorum N. et N. precibus nos protege et ab omni malo custodire digneris.

883 Humiliate vos benedictioni. Dominus sit semper vobiscum.

883 Benedic Domine hos famulos tuos sanctorum martyrum tuorum N. et N. passione laetantes. Tribue eis Domine benedictionem quibus donare dignatus es legem. Ut tibi offerant sacrificium laudis et sibi reddant officia caritatis.

884 Per misericordiam ipsius Dei

884 Gustate et videte

884 Refecti Christi corpore et sanguine te laudamus Domine alleluia alleluia alleluia

884 Domine Deus omnipotens

884 In omni opere suo dedit confessionem sanctam alleluia verbum gloriae et in corde suo hymnum dicit alleluia.

884 Confitebor tibi Domine in toto corde meo narrabo omnia mirabilia tua.

884 Confessoris tui beatissimi N. annua recursione Domine memoriam sollemniter recolentes supernae gratiae aspersione locupleta. Ut qui nunc festa devoto prosequimur annissu eius quoque perpetim clementi regantur et protegantur intuitu.

884 Gloria in excelsis Deo

884 Dominus sit semper vobiscum. Et cum spiritu tuo.

884 Ecce servus meus suscipiam eum electus meus complacuit sibi in illo anima mea. Dedi spiritum meum super eum iudicium gentibus profert. Non clamabit neque accipiet personam neque audietur foris vox eius. Calamum quassatum non conteret et lignum fumigans non extinguet. In veritate educet iudicium non erit tristis neque turbulentus donec ponat in terra iudicium et legem eius insulae expectabunt. (Is 42)

884 Dominus sit semper vobiscum. Et cum spiritu tuo.

885 Confitebor tibi Domine in vasis psalmorum veritatem tuam psallam tibi in cithara Deus sancte Israel.

885 Sed et lingua mea annuntiabit iustitiam tuam tota die laudem tuam.

885 Factus est in pace locus eius et habitatio eius in Sion.

885 Notus in Iudea Deus in Israel magnum nomen eius

885 Silentium facite.

885 Nihil intulimus in hunc mundum haud dubium quia nec ferre quid possumus. Habentes autem alimenta et quibus tegamur his contenti simus. Nam qui volunt divites fieri incidunt in tentationem et laqueum diaboli et desideria multa inutilia et nociva quae mergunt hominem in interitum et perditionem. Radix omnium malorum est cupiditas. Quam quidam appetentes erraverunt a fide et inseruerunt se doloribus multis. Tu autem homo Dei haec fuge. Sectare vero iustitiam pietatem fidem caritatem patientiam mansuetudinem. Certa bonum certamen fidei. Apprehende vitam aeternam in qua vocatus es et confessus es bonam confessionem coram multis testibus. Praecipio tibi coram Deo qui vivificat omnia in Christo Iesu qui testimonium reddidit sub Pontio Pilato bonam confessionem ut serves mandatum sine macula inreprehensibile usque in adventum Domini nostri Iesu Christi. (1T 1)

885 Omnis qui confitebitur me coram hominibus confitebor et ego eum coram Patre meo qui est in caelis qui autem negaverit me coram hominibus negabo et ego eum coram Patre meo qui est in caelis. Nolite arbitrari quia veni mittere pacem in terram. Non veni pacem mittere sed gladium. Veni enim separare hominem adversus patrem suum et filiam adversus matrem suam et nurum adversus socrum suam et inimici hominis domestici eius qui amat patrem aut matrem plusquam me non est me dignus. Et qui amat filium aut filiam super me non est me dignus. Et qui non accipit crucem suam et sequitur me non est me dignus. Qui invenit animam suam perdet eam. Et qui perdiderit animam suam propter me in vitam aeternam inveniet eam. Qui recipit vos me recipit. Et qui me recipit recipit eum qui me misit. Qui recipit prophetam in nomine prophete mercedem prophetae accipiet. Et qui recipit iustum in nomine iusti mercedem iusti accipiet. Et quicunque potum dederit uni ex minimis istis calicem aque frigide tantum in nomine discipuli amen dico vobis non perdet mercedem suam. (Mt 10)

886 Dominus sit semper vobiscum. Et cum spiritu tuo.

886 Deus meus es tu confitebor tibi Deus meus es tu exaltabo te

886 Confitebor tibi Domine in toto corde meo in consilio iustorum et congregatione alleluia.

886 Omnis qui me confessus fuerit coram hominibus dicit Dominus confitebor eum coram Patre meo alleluia.

886 Et quicunque perdiderit animam suam propter me in vitam aeternam inveniet eam.

886 Diem hunc carissimi fratres omni nobis veneratione dignissimum in quo beatissimus confessor N. quod corde credidit ore professus ad aeternam gloriam vocatus est debitis laudibus honoremus omnipotentis Dei clementiam postulantes ut qui eum se confitentem hodie intulit caelis nos credentes ac confitentes se iustificet a delictis ut qui hodierno die confessoris veneramur sollemnia ad confessionis mereamur pervenire coronam.

886 Deus qui confessorum remuneras fidem et confitendi tibi praeparas voluntatem oblatas tibi in hoc festo confessoris tui N. hostias intuere ut qui eius memoriam facientes nostra tibi confitemur delicta Confessoris tui obtentu perducamur ad veniam.

886 Christe Dei Filius qui non victima pasceris sed purae mentis confessione placaris offerentium fac tibi acceptabile votum et defunctis dona consortium beatorum quo in huis confessoris tui N. commemoratione et confessiones a te acceptentur viventium et requies concedatur spiritibus sepultorum.

887 Deus qui confitentium es corona dissidentium perime iurgia dans omnibus nobis ita pacis tuae repleri ex munere sicut confessor tuus N. confessionis claruit dignitate.

887 Dignum et iustum est nos tibi gratias agere Domine sancte Pater aeterne omnipotens Deus per Iesum Christum Filium tuum Dominum nostrum qui est corona iustitiae arbor vitae palma victoriae. A quo confessorum directa fides non discreta martyrio sed unita martyriali promeretur decorari victoria cum etsi non sint adepti fuso sanguine martyrii necem non tamen sunt discreti a martyribus in virtute dum hostem quem illi patula dimicatione exsuperant isti interius calcant et quem illi exterius per vulnera aperta devincunt hunc isti introrsus perimunt spiritaliter resistentes et colluctantes adversus principes tenebrarum et illecebras aerium potestatum ut temporale tribulatione purgati quod martyres sanguine hoc isti ex confessione mereantur accipere. Quod etiam hunc virum vere beatum plenissima egisse devotione credimus et fatemur qui te dilexit in vita tenuit in conscientia praedicavit doctrina. Confessorum retinens gradum confessionis pervenit ad triumphum labiorum suorum confessione laudando potentiam Unigeniti Filii tui quem non erubuit in corpore coram hominibus confiteri. Ipsum Dominum et Salvatorem nostrum quem collaudant omnes Angeli atque Archangeli ita dicentes.

887 Vere sanctus vere Pius et admirabilis es Domine Deus noster qui hodierno die et confessoris tui N. innovas gloriam et confitentium excitas vota. Ut cum eidem qui tibi confessione placuit confitentes obsequimur nostrum potius excitemus affectum dum quidquid illi impendimus laudis nostrae sit causa salutis. Has ergo hostias in tanti viri commemoratione offerentes precamur ut qui eius hoc die animam in confessione tui nominis suscepisti nobis tribuas voluntatem te veraciter confitendi.

888 Confessoris tui N. memoriam facientes qui te inter adversa confiteri non destitit actu placuit oratione quaesivit perfectione invenit te quaesumus te rogamus ut his victimis tibi ob honorem eius oblatis clementer illabi iubeas et ex his sumentibus peccata dimittas atque confessionis gratia glorificandos attollas.

888 Christe Deus qui per apostolum tuum oris confessionem prodesse dixisti confessoris tui N episcopi precibus consule nostrae saluti...a te exaudiri ocius mereamur quo iubente dicimis Pater noster.

888 Humiliate vos benedictioni. Dominus sit semper vobiscum.

888 Dominus Iesus Christus qui est confessorum remuneratio confessoris sui N. suffragio vos sanctae confessionis munificet dono. Detque vobis confitendi votum qui eidem confessionis contulit praemium. Ut tanti Confessoris imitando exemplum ad caeleste mereamini pervenire promissum.

888 Per misericordiam ipsius

888 Gustate et videte

888 Refecti Christi corpore et sanguine te laudamus Domine alleluia alleluia alleluia.

888 Tuam clementissime Pater supplices exoramus clementiam ut hodierna sollemnia quae pro beatissimi confessoris tui N. veneratione suscepimus ipse tibi commendes. Et sicut illi coronam sanctae perfectionis tribuisti ita nobis eius intercessione omnium delictorum veniam et indulgentiam largiaris.

889 Per misericordiam tuam Deus noster

889 Sollemnia completa sunt in nomine Domini nostri Iesu Christi votum nostrum sit acceptum cum pace.

889 Dabo sanctis meis

889 Gloria in excelsis Deo

889 Deus qui nos sanctorum confessorum tuorum N. et N. confessionibus gloriosis circumdas et protegis da nobis et eorum imitatione proficere et intercessione gaudere.

889 Dominus sit semper vobiscum. Et cum spiritu tuo.

889 Iustorum animae in manu Dei sunt

889 Dominus sit semper vobiscum. Et cum spiritu tuo.

889 Sacerdotes eius induant salutari et sancti eius exultatione exultabunt.

889 Illuc producam cornu David paravi lucernam Christo meo.

889 Silentium facite.

889 Plures facti sunt sacerdotes secundum legem idcirco quod morte prohiberentur permanere. Iesus autem eo quod maneat in aeternum sempiternum habet sacerdotium. Unde et salvare in perpetuum potest. Accedens per semetipsum ad Deum semper vivens ad interpellandum pro nobis. Talis enim decebat ut nobis esset pontifex sanctus innocens impollutus segregatus a peccatoribus et excelsior caelis factus qui non habet cottidie necessitatem quaemadmodum sacerdotes prius pro suis delictis hostias offerre deinde pro populo haec enim fecit semel se offerendo. Dominus noster Iesus Christus.

889 Dominus noster Iesus Christus loquebatur discipulis suis dicens. Sint lumbi vestri praecincti et lucernae ardentes in manibus vestris. Et vos similes hominibus expectantibus Dominum suum quando revertatur a nuptiis ut cum venerit et pulsaverit confestim aperiant ei. Beati servi illi quos cum venerit Dominus invenerit vigilantes. Amen dico vobis quod precinget se et faciet illos discumbere et transiens ministrabit illis. Et si venerit in secunda vigilia et si in tertia vigilia venerit et ita invenerit beati sunt servi illi. Hoc autem scitote quoniam si sciret paterfamilias qua hora fur veniret vigilaret utique et non sineret perfodi domum suam. Ideoque et vos estote parati quia qua hora non putatis filius hominis veniet. (L 12)

890 Dominus sit semper vobiscum. Et cum spiritu tuo.

890 Sacerdotes tui induantur iustitiam et sancti tui exultent

890 Exultabunt sancti in gloria laetabuntur in cubilibus suis exultationes Dei in faucibus eorum

890 Sacra confessorum Deoque placentia fratres dilectissimi sollemnia celebrantes omnipotenti Deo vota solvamus precantes ut hos quos sui nominis esse voluit Confessores propitius apud se interventores placatus accipiat. Quo eorum preces nos peccatorum solvant a nexibus quorum linguae sunt in veritate confessae.

890 Deus qui laus es confessorum et corona certantium praebe nobis quidquid te nostrorum postulaverit confessio labiorum. Ut lingua nostra et confessorum praepolleat laude et confessionis sanctae fructificet opere.

890 Confessorum offerentium vel quiescentium recitatis vocabulis te Deum immensae exposcimus pietatis ut confessorum exoratus suffragiis et gratiam vivis et refrigerium iubeas largiri defunctis.

890 Ineffabilis bonitatis auctor et Domine qui confessorum tuorum linguam imples confessione et cor tua remuneras caritate. Dona nobis eorum meritis ut tuum confitentes nomen in terris pacem habeamus in diebus nostris.

891 Dignum et iustum est nos tibi gratias agere Domine sancte Pater aeterne omnipotens Deus per Iesum Christum Filium tuum Dominum nostrum. Qui Verbum caro factum est ut habitaret in nobis. Ille quippe cum Verbum sit Dei Patris linguam nostram admovens carnis ad confessionem sui nominis verba format in nobis. Nam sicut ex illo datur martyribus dimicandi fiducia ita per illum confessoribus confessionis conceditur gratia. Ut qui non subeunt ex sanguinis effusione victoriam habeant saltem ex confessione coronam. Cui merito omnes Angeli et Archangeli non cessant clamare cotidie ita dicentes.

891 Vere sanctus vere benedictus Dominus noster Iesus Christus Filius tuus. Qui es martyrum vita et confessorum corona confessionis collator et confessorum remunerator. Quique eorum animas in sui nominis confessione suscepit quos ante constitutionem mundi ad aeternam gloriam praedestinavit.

891 Singularis victimae oblatione te Deus ut placeris exposcimus quem confessorum remuneratorem ore fatemur. Ut eorum obtentu haec oblata sanctifices quorum lingua te in veritate confessa est.

891 Omnipotens Deus qui diversitates gratiarum in Ecclesia tua distribuens alios martyriali excellentia consecras alios gratia confessionis exornas. Dona nobis ut qui confessorum tuorum hodie sollemnia celebramus tibi placere ex confessione nostrorum actuum mereamur. Ut rogaturi ea quae Filio tuo docente didicimus exaudiamur cum clamaverimus.

891 Humiliate vos benedictioni. Dominus sit semper vobiscum.

891 Christus Dominus qui iustificatorum decore et paenitentium confessione induitur Confessorum suorum prece concedat vobis ita per confessionem male gesta deflere ut iustificationis fulgeatis decore. Quique se confitentem iustificat vos per paenitentiam provehat ad coronam. Ut qui nunc in Confessorum recordatione et vota promittis et lamenta in tribulatione cum eis gaudia obtineatis perpetua.

892 Per misericordiam ipsius Dei

892 Gustate et videte

892 Refecti Christi corpore et sanguine te laudamus Domine alleluia alleluia alleluia

892 Domine Deus omnipotens qui es vita et salus fidelium quem venturum iudicem credimus verum esto nobis propitius. Et qui hanc oblationem pro nostra nostrorumque salute vel pro expiatione nostrorum peccatorum in honorem sanctorum confessorum tuorum N. et N. tibi obtulimus misericordiae tuae opem in nos diffundi sentiamus. Ut qui iam refecti sumus ad mense tuae convivium dono tui muneris consequi mereamur praemium sempiternum.

892 Per misericordiam tuam Deus noster

892 Missa acta est in nomine Domini nostri Iesu Christi perficiamus cum pace

892 Inter medios cleros pennae Columbae deargantate alleluia et supra scapulas suas in viditate auri alleluia alleluia alleluia.

892 Specie tua et pulchritudine tua intende prospere procede et regna

892 Gloria in excelsis Deo

892 Domine Iesu Christe qui castimoniam diligis et virginitatem amplecteris sancta virgine tua N. intercedente pro nobis nostris ignosce piaculis. Et nobis ita in praesenti bonum tribue castitatis ut laetemur in futuro cum angelis sanctis.

893 Dominus sit semper vobiscum

893 Longe Dominus apparuit mihi et dixit. In caritate perpetua dilexi te ideo adtraxi te miserans rursumque aedificabo te et aedificaberis virgo Israel. Adhuc ornaberis timpanis tuis et egredieris in choro psallentium. Adhuc plantabis vineam in montibus Samariae plantabunt plantantes et donec tempus veniat non vindemiabunt. Quia erit dies in qua clamabunt custodes in monte Effraim surgite ascendamus in Sion ad Dominum Deum nostrum. Quia haec dicit Dominus. Exultate in laetitia Iacob et initae contra caput gentium. Personate canite et dicite. Salva Domine populum tuum reliquias Israel. (Jr 31)

893 Dominus sit semper vobiscum. Et cum spiritu tuo.

893 Specie tua et pulchritudine tua intende prospere procede et regna.

893 Propter veritatem et mansuetudinem et iustitiam et deducet et mirabiliter dextera tua.

893 Silentium facite.

893 Qui statuit in corde suo firmus non habens necessitatem potestatem autem habens suae voluntatis et hoc iudicavit in corde suo servare virginem suam benefacit. Igitur et qui matrimonio iungit virginem suam benefacit. Et qui non iungit melius facit. Mulier alligata est quanto tempore vir eius vivit. Quod si dormierit vir eius liberata est a lege viri. Cui vult nubat tantum in Domino. Beatior enim erit si sic permanserit secundum meum consilium. Cogito autem quod ego spiritum Dei habeam qui est in Christo Iesu Domino nostro. (K 7)

893 Dominus noster Iesus Christus cum esset Bethaniae in domo Simonis leprosi et recumberet venit mulier habens alabastrum unguenti nardi pistici pretiosi. Et fracto alabastro effudit super caput eius. Erant autem quidam indigne ferentes intra semetipsos et dicentes. Ut quid perditio ista unguenti facta est Poterat enim unguentum istud vendi plusquam trecentis denariis et dari pauperibus Et fremebant in eam. Iesus autem dixit. Sinite eam. Quid illi molesti estis Bonum opus operata est in me. Semper enim pauperes habebitis vobiscum et cum volueritis potestis illis benefacere me autem non semper habebitis. Quod habuit haec fecit praevenit ungere corpus meum in sepulturam. Amen dico vobis. Ubicumque praedicatum fuerit hoc evangelium in universum mundum et quod fecit haec narrabitur in memoriam eius. (Mc 14)

894 Dominus sit semper vobiscum. Et cum spiritu tuo.

894 Lauda filia Sion laetare et exulta filia Ierusalem

894 Sicut turris David aedificata est et reprehensio non est in te quem speciosa et decora facta es in ornamento tuo et odor unguentorum tuorum sicut odor libani super omnia aromata alleluia.

894 Deus qui sanctam virginem tuam N. igne succensam lumen praebere omnibus nationibus oblatione proprii corporis voluisti concede quaesumus nobis ut devictis vitiorum criminibus perfecta cordium puritate tibi semper placere mereamur.

894 Deus qui salutem tuis tribuis sanctis praesta ut qui virginis tuae N. celebramus sollemnia festa eius quaesumus interventu liberemur ab omnibus malis.

894 Auditis nominibus offerentium pietatis Dominum depraecemur ut per intercessionem beatissimae virginis suae N. nobis dignetur oratus assistere adesse quaesitus aperire pulsantibus.

894 Impetret quaesumus Domine fidelibus tuis auxilium oratio iustae virginis tuae N. ut in cuius hodie celebritate devoti sunt in eius fiant pace participes.

895 Dignum et iustum est aequum et iustum est nos tibi gratias agere Domine sancte Pater aeterne omnipotens Deus per Iesum Christum Filium tuum Dominum nostrum. Qui beatissimam virginem suam N. caelestibus muneribus cumulavit. Arguitur quidem multis tormentis et corona ipsius diversis margaritis ornatur in caelum. Praestat enim divinus amor audaciam qua ipsa victrix exstitit in pugna in Confessorem Dei sententia mutatur et devicto saeculo cum Patre et Filio et Spiritu Sancto in perpetuum gloriatur. Cui merito omnes Angeli et Archangeli non cessant clamare cotidie ita dicentes.

895 Vere sanctus vere benedictus in excelsis tu Domine Deus noster qui sanctae tuae N. arcana possidens ei virginitatis pudorem tribuisti dum et pudica in secreto et illic manet ut te promereatur. Annue precibus eius atque conscientiam nostram pudor possideat nec deserat fortitudo.

895 Rogamus te omnipotens Deus per intercessionem beatissimae virginis tuae N. ut his sacrificiis oblatis tuae benedictionis infundas gratiam plebi quoque tuae benignus tribuas opulentiam.

895 Non agnoscentes Domine meritum sed praeceptum audemus dicere te iubente e terris.

895 Humiliate vos benedictioni. Dominus sit semper vobiscum.

895 Dominus Iesus Christus qui virginem suam N. coronavit ipse in vobis malae cupiditatis extinguat incendia. Et qui eius corpusculum nivei candoris velavit amictu ipse vos purificet a delictis. Quique spiritum caelesti locavit in regno praemium vobis tribuat sempiternum.

896 Per misericordiam ipsius Dei

896 Gustate et videte

896 Refecti Christi corpore et sanguine te laudamus Domine alleluia alleluia alleluia

896 Deus largitor divitiarum caelestium et mirabilis parator munerum aeternorum qui beatissimam N. in saeculo pauperem elegisti sed pro te certando aeternis operibus sublimasti paupertatem spiritus nos sequi semper attribue qua possimus tuae maiestati per omnia complacere.

896 Per misericordiam tuam Deus noster

896 Sollemnia completa sunt in nomine Domini nostri Iesu Christi votum nostrum sit acceptum cum pace.

896 Offerentur regi virgines posteam proxime eius offerentur in leticia et exultatione adducentur in templum regi Domino.

896 Eructavit cor meum verbum bonum dico ego opera mea regi

896 Gloria in excelsis Deo

896 Deus qui virginalem pudicitiam et titulo sacrae passionis et vexillo beatas virgines et martyres tuas N. et N. glorificasti da nobis sic sacrae castitatis floribus exornari ut cum fructu bonorum superno beatitudinis consortium attingamus.

896 Dabo vos nominatos in gloria alleluia in omnibus diebus vitae vestrae alleluia.

896 Cantate Domino canticum novum quia mirabilia fecit.

896 Audite me divini fructus et quasi rosa plantata super rivos aquarum fructificate. Quasi Libanus odorem suavitatis habete florete flores quasi lilium date odorem et frondete in gratia et conlaudate canticum et benedicite Dominum in operibus suis date nomini eius magnificentiam et confitemini illi in voce labiorum vestrorum. In canticis labiorum et citharis et sic dicetis in confessione. Opera Domini universa bona valde. (Eccli 39)

897 Dominus sit semper vobiscum. Et cum spiritu tuo.

897 Laus tua Deus in fines terrae iustitia plena e dextera tua.

897 Laetetur mons Sion et exsultent filiae Iudae propter iudicia tua Domine.

897 Silentium facite.

897 De virginibus praeceptum Domini non habeo consilium autem do. Tamquam misericordiam consecutus a Domino ut sim fidelis. Existimo ergo hoc bonum esse propter instantem necessitatem. Quoniam bonum est homini sic esse. Alligatus es uxori noli quaerere solutionem. Solutus es ab uxore noli quaerere uxorem. Si autem acceperis uxorem non peccasti. Et si nupserit virgo non peccavit. Tribulationem tamen carnis habebunt huiusmodi. Ego autem vobis parco. Hoc itaque dico fratres tempus breve est reliquum est ut qui habent uxores tanquam non habentes sint. Et qui flent tanquam non flentes. Et qui gaudent tanquam non gaudentes. Et qui emunt tanquam non possidentes. Et qui utuntur hoc mundo tanquam non utantur. Praeterit enim figura huius mundi. Volo autem vos sine solicitudine esse. Qui sine uxore est solicitus est quae Domini sunt quomodo placeat Deo. Qui autem cum uxore est solicitus est quae sunt mundi quomodo placeat uxori et divisus est. Et mulier innupta et virgo cogitat quae Domini sunt ut sit sancta corpore et spiritu. (K 7)

897 Dominus noster Iesus Christus loquebatur discipulis suis in parabolis dicens. Simile erit regnum caelorum decem virginibus quae accipientes lampades suas exierunt obviam sponso et sponse. Quinque autem ex eis erant fatue et quinque prudentes. Sed quinque fatue acceptis lampadibus non sumpserunt oleum secum. Prudentes vero acceperunt oleum in vasis suis cum lampadibus. Moram autem faciente sponso dormitaverunt omnes et dormierunt. Media autem nocte clamor factus est ecce sponsus venit exite obviam ei. Tunc surrexerunt omnes virgines ille et ornaverunt lampales suas. Fatue autem sapientibus dixerunt. Date nobis de oleo vestro quia lampades nostrae extinguuntur. Responderunt prudentes dicentes. Ne forte non sufficiat nobis et vobis ite potius ad vendentes et emite vobis. Dum irent emere venit sponsus et quae parate erant intraverunt cum eo ad nuptias et clausa est ianua. Novissime veniunt relique virgines dicentes. Domine Domine aperi nobis. At ille respondens ait. Amen dico vobis nescio vos. Vigilate itaque et orate nescitis diem neque horam. Quia filius hominis veniet in maiestate sua. (Mt 25)

898 Dominus sit semper vobiscum. Et cum spiritu tuo.

898 Laetentur filiae Sion et exsultent filiae Ierusalem.

898 Suscepimus Deus misericordiam tuam in medio templi tui. Secundum nomen tuum Deus ita et laus tua in finibus terrae alleluia alleluia.

898 Iustitia plena est dextra tua laetetur mons Sion et exsultent filiae Iudae alleluia alleluia.

898 Inter beatissimorum martyrum gloriosas et admirabiles passiones maximum tenere locum sacras virgines et martyres Dei N. et N. gaudentes ob honorem nominis Christi fratres dilectissimi veneremur excolamus atque laudemus. Quae fragili sexu inimici potentiam superantes confessionis et virginitatis geminam rapuere coronam dum non minus hostem pudicitiae quam fidei superantes summum apud Dominum et virginitatis donum obtinuerunt et certaminis praemium. Unde nunc hodierna die in earum festivitate exsultantes supplices deprecemur ut eas suffragratrices petioni nostrae adhibeant et fidei quo et fidem exemplis erigant et petitionem beneficiis suppleant. Ut non immemores in Ecclesia Dei quid fuerint specialem obtineant virginibus sanctimoniam viduis perseverantiam continentiam coniugatis atque omni populo generalem favorem impertiant dum pro omnibus Christo Domino acceptabiles preces offerre non cessant.

899 Omnipotens Unigenite Christe Filius Dei Patris qui tam viris quam feminis trophaeo das triumphari certaminis cum et in illis virile robur in certamine adiuvas et in his minus valentem corporis fragilitatem exaltas ut hoc per te validus sexus valeat quod infirmus. Praesta nobis humillimis servis tuis ut has Virgines quae sibi apud te obtinuerunt victoriae palmam delictorum nobis impetrent veniam. Et quae iam suo sunt candidatae martyrio delinquentes muniant niveo castitatis umbraculo et quae tuo sunt indissolubiliter copulatae amori indisrupta soliditate nos tibi copulent fidei. Ut qui earum passionis diem integra devotione suscepimus ipsarum obtentu inter mundi procellosas turbines gubernemur.

899 Iesu Redemptor noster et Domine qui Virgo ex Virgine natus virginitatem in virginibus remuneras incorruptam in hoc festo tuarum Virginum acceptabile facito quod offertur. Acceptans viventium vota defunctos in pace refrigera ut qui tuarum Virginum obsequimur patrociniis earum nos sentiamus adiuvari suffragiis.

899 Deus qui sic virginitatem diligis ut tamen virginitatem oderis in qua non fuerit caritatis integritas dato nobis sic obtinere munditiam carnis ut repleri possimus abundantia pacis. Quo tuarum Virginum obtentu et pax in nobis vera permaneat et castitatis munditia coalescat.

899 Dignum et iustum est aequum et salutare est nos tibi semper laudes et gratias agere Domine sancte Pater aeterne omnipotens Deus per Dominum nostrum Iesum Christum. Cuius munere postquam virgo de virgine prodiit sexus fragilis fit vir lis fragilis efficitur fortis ut in quo fuit peccandi facilitas in eo sit vincendi felicitas et sumat coronam quae meruit poenam. Sumat nempe in progenie quod perdidit in radice ut captiva serpentis conterat nunc serpentem et nunc victrix triumphet quae dudum victa succubuit. Hoc per Christum Dominum Filium Virginis sanctae virgines ac martyres meruerunt ut non Evae essent participes sed Mariae nec corruptae parentis sed incorruptae sociae virginis in Christo maneant Christum diligant et concipiant Christum pariant et in Christo maneant. Quas ille implet utique non corrumpit fecundat non vitiat martyres matresque efficit et integras servat. Quas in tantum postquam virtus ex virgine prodiit fortes efficit ut virili mente veternosi anguis superba colla impolluto vestigio calcent ut ille hostis sub planta nunc Virginum gemat qui primam virginem suadellis mortiferis supplantarat. Dum nihil nunc proficiat tormentis qui prius praevaluerat blandimentis nihil agat poenis qui deceperat prius illecebris dum sexum imbecillem inimicus non superat bellicosus dum fragile corpusculum quod non tormentis caederet sed magis vinceret gemit seseque totiens victum victor antiquissimus obstupescit. Ob hoc Domine dum elatum adversarium ita prosternis redemptum populum consolaris cum inter numerosas sacratissimas virgines tuas has etiam virgines et martyres N. et N. de quarum triumpho gaudet Ecclesia apud te habeamus in omnibus assertrices quas diaboli pariter et saeculi esse voluisti victrices. Cui merito omnes Angeli et Archangeli non cessant clamare cotidie una voce dicentes.

900 Vere sanctus vere benedictus et Rex regum est Dominus noster Iesus Christus Filius tuus cui oblatae Virgines placent de pudoris integritate de opens consummatione de passionis certamine de dilectionis integritate. Ille quippe et virginitatis collator et Virginum remunerator est qui Virgo de Maria semper Virgine genitus et Virginum integritatem remunerat et corruptorum vulnera crucis suae vulnere sanat.

900 Sacrarum virginum excolentes sollemnia haec tibi Domine offerimus holocausta tuam postulantes clementiam ut qui saeptus virginum choris inter lilia pascis super haec libamina Spiritum tuae dirigas sanctitatis ut quod a nobis ob honorem virginum tuarum N. et N. acceperis hoc nobis sumendum ad nostrum criminum indulgentiam largiaris.

901 Deus qui virginum agmine saeptus quocumque ieris ab eisdem prosequeris collaudandus quae te illo virginitatis cantico laudant quod electi ceteri audire queunt promere nequeunt te votis supplicibus imploramus ut sic per ea quae nos te exorare docuisti emundes et cantici ipsius canentium numerositati associes ut per compunctionem hic deflendo quae gessimus per dilectionem quoque te Patrem invocemus atque dicamus.

901 Humiliate vos benedictioni. Dominus sit semper vobiscum.

901 Christus Dominus qui martyres suas N. et N. casto sibi desponsavit amore indissolubiliter vos sibi per caritatem associet. Quique in illis virginitatis contulit donum conferat in vobis gratiae complementum. Ut qui virginitatis nunc claretis ex meritis virginum suarum intercessu potiamini gaudiis. Quo etsi sint vobis discretae mansiones per meritum una tamen vos habeat beatitudo post transitum.

901 Per misericordiam ipsius Dei nostri

901 Gustate et videte

901 Refecti Christi corpore et sanguine te laudamus Domine alleluia alleluia alleluia.

901 Deus qui omnem virginum gloriam filiarum utique regis intrinsecus esse vis ut testimonium alienae laudis non appetant quas virtus interna laetificat annue nobis harum virginum precibus et humanas laudes fugere et boni opens intra nos testimonium reportare. Quo et virgines persistamus in fide et incorruptam ex hoc capiamus hereditatem.

901 Per misericordiam tuam Deus noster

901 Sollemnia completa sunt in nomine Domini nostri Iesu Christi votum nostrum sit acceptum cum pace.

902 Miserere nobis Domine alleluia miserere nobis alleluia alleluia

902 Ad te levamus oculos nostros qui habitas in caelis

902 Miserere nobis Domine miserere nobis et quem tu inspiras bonum quod petimus tribue propitius misericordiam quam ad te semper rogamus.

902 Oravit Esayas Dominum dicens Domine miserere nostri te enim expectavimus. Esto brachium nostrum in mane et salus nostra in tempore tribulationis. (Is 33)

902 Dominus sit semper vobiscum. Et cum spiritu tuo.

902 Convertere aliquantulum Domine.

902 Et repropitiare super servos tuos.

902 Silentium facite.

902 Deus spei repleat vos omni gaudio et pace in se credendo ut abundetis in spe et virtute Spiritus Sancti. (R 15)

902 Dominus sit semper vobiscum. Et cum spiritu tuo.

902 Dominus Iesus Christus loquebatur discipulis suis dicens. Petite et dabitur vobis. Querite et invenietis. Pulsate et aperietur vobis. Omnis enim qui petit accipit et qui querit invenit et pulsanti aperietur. (Mt 7)

902 Dominus sit semper vobiscum. Et cum spiritu tuo.

902 Domine exaudi orationem nostram et clamor noster ad te perveniat.

902 Laudabo nomen Dei mei cum cantico magnificabo eum in laude.

902 Elevavit sacerdos munera super altare dicens suscipe Deus sacrificium pro populo tuo sanctifica hereditatem tuam alleluia.

903 Offerte Domino mundum sacrificium.

903 Offerte Domino gloriam et honorem.

903 Kyrie eleison

903 Christe eleison Kyrie elesion

903 Omnipotens sempiterne Deus tuae gloriae maiestati supplici devotione deposco ut omnium malorum meorum vincula solvas cunctisque meis criminibus clementer ignoscas. Et quia me indignum et peccatorem ad ministerium tuum vocare dignatus es sic me idoneum tibi ministrum efficias ut sacrificium de manibus meis placide ac benigne suscipias. Electorumque sacerdotum tuorum me participem facias et de praeceptis tuis in nullo me oberrare permittas.

903 Attende Domine propitius meae servitutis obsequium et miserere viventium famulorum tuorum vel omnium christianorum ut cunctis eorum sceleribus amputatis ita sint tuae miserationis defensione protecti ut in observatione mandatorum tuorum mereantur esse perfecti. Quatenus et in hac vita universo facinore careant et in conspectum gloriae tuae quandoque sine confusione perveniant.

903 Deus tuorum supplicum vota et nomina quae tuo coram altario conspicis recensere in aeterne vitae libro conscribe. Miserere etiam indigno mihi et peccatori Domine vel omnibus pro quibus te supplex expostulo perpetuamque requiem tribue defunctis famulis tuis N. ut in Abrahae gremio conlocati et nunc penas evadant inferorum et resurrectionis tuae tempore cetibus eos sociari iubeas angelorum.

903 Deus qui caritatis es auctor et pure pacis et dilectionis amator. Suscipe offerentium oblationes et infirmorum omnium fidelium sana languores. Quo te medicante et plenitudinem salutis recipiant et tuis semper sani iussionibus pareant denique obnixius quaeso ut omnes metu territos inopia afflictos tribulatione vexatos morbis obrutos itineribus constitutos suppliciis deditos debitis obligatos vel quolibet merore contritos cunctos indulgentia tuae pietatis absolvat morum emendatio relevet et miseratio cottidiana confoveat.

904 Dignum et iustum est aequum vere et salutare est nos tibi gratias agere omnipotens Deus per Iesum Christum filium tuum Dominum nostrum. Verum pontificem et solum sine peccati macula sacerdotem. Qui lavit nos a peccatis nostris et fecit nos regnum et sacerdotes tibi Deo Patri suo ut iustificati in sanguine eius salvi simus ali ira per ipsum. Qui peccata nostra portavit in corpore suo super lignum ut a malis omnibus separati cum iustitia vivamus cuius sacro vulnere sanati sumus. Quique pacificavit omnia per sanguinem crucis suae sive quae in caelis sive quae in terris sunt ut in nomine eius omne genu flectatur caelestium terraestrium et infernorum et omnis lingua confiteatur quia ipse est in gloria Dei Patris. Per quem te aeterne Pater et Domine omnimoda intentione deposco per ipsum qui pependit in ligno propter salutem nostram qui factus est mediator tuus et noster ut nos ad te perduceret. Quique nos reconciliavit tibi per sanguinem crucis suae imo qui nobis hanc fiduciam dedit ut omne quod petierimus a te Patre in nomine suo des nobis. In ipsius dilecti filii tui comparis tibi per omnia et coaeterni Domini nostri Iesu Christi nomine te invoco ut omnibus malis meis innocens cunctas maculas criminum meorum abstergens finem delictis meis omnibus hodie ponens ab omnibus tentationibus sordidissimis vanis libidinibus et blasphemiis cor meum eluens atque spiritualibus donis replens et hanc oblationem quam tibi offero ego indignus propter remedia animarum fidelium et pro conversione infidelium atque pro Ecclesia tua sancta catholica quae est in oriente usque in occidentem septemtrione et meridie per universum orbem terrarum in pace diffusa benigne suscipias. Iam tandem Domine exaudi eam clementer sustenta eam in periculis protege in adversis et moderare in prosperis. Ut nihil contra eam praevaleat noxium dum in cunctis te meruit habere propitium. Itinerantium famulorum tuorum N. vel omnium christianorum adoptata desideria gressus perducere iubeas. Aegrotantibus famulis tuis N. vel omnibus fidelibus Christianis infirmis medelam sanitatis impercias. Locum lucis ac refrigerii animabus famulorum tuorum N. vel omnium fidelium christianorum defunctorum requiem tribuas. Nostrumque omnium humilitatem placatus intendas et ubique nos te protegente custodias. Ut eruti ab adversitatibus mundi et hic et in aeternum sanctificati te incessabiliter cum Angelis et Archangelis conlaudemus ita dicentes.

905 Vere sanctus vere benedictus es tu fili Dei vivi quia multum es incomparabiliter pius et inestimabiliter gloriosus. Et ideo tuae pietatis gloriam imploramus et hanc tibi placationis hostiam immolamus. Ut nostras nunc orationes exaudias crimina laxes et peccata dimittas. Vel quicquid a te secundum tuam voluntatem exposcimus velociter et clementer impercias. Quantenus nos a malis omnibus eruas et bonis repleri concedas Christe Domine ac Redemptor aeterne.

905 Credimus te Domine Iesu Christe nostram esse salutem nostramque redemptionem. Oramus te piissime Pater ut hanc oblationem acceptes atque sanctifices eamque apud tuam clementiam exposcimus digneris concedere et sumentium corda pietate solida a malis omnibus placatus emunda. Aufer a nobis Domine cuncta quae gessimus mala et concede nobis tempora quieta et pacifica. Bella omnia reprime et famem averte clades et omnes aegritudines populo tuo suspende. Mentes letifica captivos revoca confractos reintegra. Navigantes omnes ne pereant salva. Itinerantes in prosperitatem et salutem dirigere dignare frugum abundantiam tribue aerem prosperum concede et iram tuam ob id quod nobis in alimoniam tribuisti ut pius pater procul efficere iube. Ut in unum omnes scientes beneficia tua et agnoscentes mirabilia tua impavido animo conlaudare possimus gloriam tuam. Quo mereamur hic tibi Domine incessabiliter sine offensione servire et vitae aeternae hereditatem percipere sine fine.

906 Suscipiatur Domine sacrificium nostrum in conspectu tuo ut placeat tibi sicut speravimus in te.

906 Ignosce Domine qui dum pro aliis rogare te compellor et per immunda labia mea tuam sanctam communionem assume. Miserere mihi Domine mysterii tui secreta tractanti nec indignum me misericordia tua iudices dum pro aliis interpellare permittis ut absolutus a meis delictis et viventium famulorum tuorum. N. vel omnium fidelium christianorum in bonis tribuere digneris.

906 Erue libera protege muni salva ac defende nos ab operibus malis stabilire fac in cunctis bonis. Da finem peccatis nostris et requiem omnibus fidelibus defunctis medelam infirmis sanitatem egrotis pacem et securitatem omnibus fidelibus Christianis in hac die vel in omni tempore. Quia tuum est imperium et regnum qui vivis et omnia regis in saecula saeculorum. R\. Amen.

906 Humiliate vos benedictioni. Dominus sit semper vobiscum.

906 Benedicat vos Dominus noster Iesus Christus qui cunctorum est auctor mirificus. Precibus vestris occurrat placatus et bona quae poscitis de sede maiestatis suae conferat pius. Vobis vel famulis suis qui vivitis veniam tribuat in vestris et in eorum peccatis et defunctis fidelibus impertire dignetur locum lucis.

906 Per misericordiam ipsius Dei nostri

906 Gustate et videte

907 Qui venit ad me non esuriet qui credit in me non sitiet umquam

907 Repletum est

907 Refecti Christi corpore et sanguine te laudamus Domine alleluia alleluia alleluia

907 Corpus Domini nostri Iesu Christi quod accepimus et sanctus sanguis quem potavimus adhereat visceribus nostris aeterne omnipotens Deus. Ut non nobis veniat ad iudicium neque ad condemnationem sed proficiat ad salutem et ad remedium animarum nostrarum in vitam aeternam.

907 Per misericordiam tuam Deus noster

907 Missa acta est in nomine Domini nostri Iesu Christi perficiamus cum pace

907 Respice in me Deus et miserere mei alleluia alleluia

907 Da potestatem puero tuo et salvum fac Filium aniclae tuae.

907 Veniat super me Domine donum misericordiae tuae et ne in me ira tua desaeviat habeam te in remedium salvatorem quem pro piaculis meis metuo habere iudicem .

907 Inclina Domine aurem tuam et exaudi verba mea accelera ut eripias me.

907 Esto mihi in Deum protectorem et in domum refugii ut saluum me facias.

907 Oravit Thobias Dominum dicens. Iustus es Domine et omnia iudicia tua iusta sunt et omnes viae tuae misericordia et veritas et iudicium. Et nunc Domine memor esto mei ne vindictam sumas de peccatis meis neque reminiscaris delicta mea aut parentum meorum. Quoniam non obedivimus praeceptis tuis et traditi sumus in direptionem et mortem et improperium omnibus nationibus. Magna iudicia tua. Quia non egimus secundum precepta tua et non ambulavimus sinceriter coram te. Et nunc Domine secundum volutatem tuam fac mecum et praecipe in pace recipere spiritum meum. Quia cum iratus fueris misericordiam facis. Et in tempore tribulationis his qui invocant te peccata dimittis. (Tob 3)

908 Dominus sit semper vobiscum. Et cum spiritu tuo.

908 Delicta iuventutis meae Deus et ignorantiae ne menineris Domine.

908 Secundum magnam misericordiam tuam memor esto mei Domine.

908 Silentium facite.

908 Obsecro vos per Dominum nostrum Iesum Christum et per caritatem Spiritus Sancti ut adiuvetis me in orationibus pro me ad Deum ut liberer ab infidelibus qui sunt in Iudea et obsequii mei oblatio accepta fiat Hierosolimis sanctis. Et ut veniam ad vos cum gaudio per voluntatem Dei et refrigerer vobiscum. Deus autem pacis sit vobiscum et cum omnibus vobis. (R 15)

908 Dominus sit semper vobiscum. Et cum spiritu tuo.

908 Ego sum vitis vera et Pater meus agricola est. Omnem palmitem in me non ferentem fructum tollet eum et omnem qui fert fructum purgabit eum ut fructum plus afferat. Iam vos mundi estis propter sermonem quem locutus sum vobis manete in me et ego in vobis. (J 15)

908 Dominus sit semper vobiscum. Et cum spiritu tuo.

908 Miserere mei Domine miserere mei quem in te confidit anima mea alleluia.

908 Laudabo nomen Dei mei cum cantico magnificabo eum in laude

908 Quid dignum offeram Domino curua genua Deo excelso alleluia.

908 Sacrificium Deo Spiritus contribulatus cor contritum et humilitatum ne descipias Deus

908 Ad tuum altare concurro aeterne omnipotens Deus et prece qua valeo tuam misericordiam pro mea populique salute exposco offerens hoc sacrificium maiestati tuae quod grate digneris ipse suscipere eiusque interventu quia pius es petitioni meae effectum concede. Da menti meae intentionem quae suscipiat profundam bonitatem tuam. Da sic te petere pro populo ut tuo se gratuletur muniri praesidio. Da mihi lacrimas ex tuo affectu internas quae peccatorum possint exsolvere vincula et acquirere gratiam postulatam.

909 Audi Deus meus audi lumen oculorum meorum audi quae peto et da quae petam ut audias. Audi me praecantem pro populo tuo et hoc munus oblatum suscipere dignare placido vultu. Concede mihi et pro quibus te peto N. remedium flagitatum. Nam si despicis pereo si respexeris vivo. Si iustitiam meam intenderis mortuos fateor. Si misericordiam respexeris fetentem me suscitas de sepulchro. Suscipe ergo precem quam tibi defero et tribue remedium quod a te expeto.

909 Precanti mihi aurem adpone tuam omnipotens Deus et sacrificium accepta muneris huius. Corripe me in misericordia et non in ira. Quod odis in me procul fac a me et in tua voluntate intende in me. Hostem libidinis repelle a me et castitatis spiritum insere in me. Omne vicium mortifica in me et animam meam vivifica in te. Hoc da populo tuo petere ut petitio implacita numquam sit apud te. Hoc praesta quod semper ipse custodias. Offerentium munera sint oculis tuis placita eorumque vota ipse gratanter accepta defunctis famulis tuis. N. requiem tribue ut iudicii tempore alacres ad conspectum gloriae tuae valeant pervenire.

909 Deus qui es pacis auctor et caritatis magnificus dispensator intende cor meum cunctique populi igne caritatis et pacis qua cunctos vepres peccatorum exurat. Non exardescat cor meum in me sed refrigeretur in te. Totum tolle quod nocet ipsum presta quod docet. Tolle nocentia cuncta doce perseverantia bona. Salus esto infirmitati meae et verus suscitator anime meae. Ut ditatus dono tuo merear sociari electorum tuorum consortio.

910 Dignum et iustum est nos tibi gratias agere omnipotens Deus. Qui cum Domino nostro Iesu Christo Sanctoque Spiritu verus in Trinitate permanes unus. Qui humanas mentes ita igne tui amoris accendis ut fideliter a cunctis queraris. Doce me Domine patientiam ad sustinendum cuncta adversa. Doce me Domine scientiam scripturarum ut sic loquar ne superbiam sic taceam ne torpescam. Sic contine ut non cadam. Sic constringe ut numquam dimittas. Placita tibi sunt haec sacrificia eaque manu angeli tui ipse sanctifica. Populum tuum Deus ut bonus pastor guberna et famulorum tuorum. N. requiem dona et peccatorum vincula resolve gratia tua. Atque erutum a sordibus peccatorum collegio fac coheredem Cui merito omnes angeli et archangeli non cessant clamare ita dicentes.

910 Vere sanctus vere benedictus es tu Domine Iesu Christe qui et iustos aeternitatis praemio ditas et peccatores ne pereant per poenitentiam salvas. Gemitus mei precem placatus intende et postulantibus remedium benignus concede. Praecipitem me esse non sinas sed freno discipline tuae prestringe me. Quod animae est obvium repelle a me et prosperam misericordiae bonitatem largire in me. Ipsud vita mea te habeat sufficientem. Ipsud est sanitas mea te habeat medicinam. Vulnera mea patent tibi medicinam tuam ne deneges mihi. Infusione Sancti Spiritus tui repleantur munera huius sacrificii. Tu es Deus meus salvator et redemptor aeterne.

910 Haec hostia panis ac vini quae a me indigno tuo sunt imposita altario regalibus sedibus tuis aeterne omnipotens Deus intuere vultu placabili et benedic per manus angeli gloriosi. Accipe conversionem fletus in sacrificio acceptabili tuo et contritum fac cor ut suspiret in vulnere suo. Medicinam qua sanetur infunde et non deseratur vulnere. Sicque iugis petitio te medicum flagitat verissimum in quo nulla ambiguitas de suscepto quos suscipis cura quos curas sic contine ne dimittas. Ad exorandum clamor meus invalidus est sic eum suscita quod perveniat ad te. Crassam nubem sine de pectore ineo et sereno intuitu hominis nubilum rumpe adversum me. Ut sanatus per gratiam tuam merear tibi laudes persolvere placitas.

911 Domine ne ponas mala mea coram oculis tuis. Quia gravia sunt onera mea precor te Domine miserere mei.

911 Agnoscens omnipotens Deus flagitia quae gessi vulnera tibi ostendo cordis contriti. Si mala mea respexeris thartharea vix tormenta sufficiunt. Si pietate intenderis solita poteris me commutare in melius. Quid non mali ego corruptibilis creatura et quid non boni tu creator et creature fortissimus innovator Cecidi de manu tua vitio meo potens es artifex tibi iterum placitum figurare in melius. Quaeso omnipotens Deus dignum me ex indigno tibi efficere a mei peccati crimine ut merear tibi cum fideli populo tuo e terris clamare libera voce.

911 Humiliate vos benedictioni. Dominus sit semper vobiscum.

911 Dominus Iesus Christus qui est omnium consolator ipse nos benedictionis suae repleat dono. Et qui peccantes reducit ad viam salutis ipse nobis concedat gratiam quam ab eo postulamus. Quique nos subformavit opificio ipse nos purget a crimine post multa annorum curricula suo nos adtrahat in regno superno.

911 Per misericordiam ipsius Dei nostri

911 Gustate et videte

911 Refecti Christi corpore et sanguine te laudamus Domine alleluia alleluia alleluia

911 Qui venit ad me non esuriet qui credit in me non sitiet umquam

911 Repletum est gaudio os nostrum

911 Corpus Domini nostri Iesu Christi

912 Miserere mihi Domine alleluia miserere mihi alleluia.

912 Respice in me Deus et miserere mei.

912 Veniat super me Domine misericordia tua et salutare tuum secundum eloquium tuum.

912 Miserere mihi Domine miserere mei et quia tibi soli peccavi indulgentiam criminum et remissionem peccatorum a te consequi merear.

912 Per misericordiam tuam

912 Oravit Salomon Dominum dicens. Domine omnis homo qui cognoverit plagam cordis sui et expanserit manus suas in domo hac tu exaudies in caelo loco habitationis tuae. (3Rg 8)

912 Dominus sit semper vobiscum. Et cum spiritu tuo.

912 Disrumpe Domine vincula peccatorum meorum

912 Concola eum Domine in loco beatorum tuorum

912 Silentium facite.

912 Offeramus hostiam laudis semper Deo id est fructum labiorum nostrorum confitentium nomini eius. Beneficientie autem et communionis nolite oblivisci talibus enim hostiis promeretur Deus. (R 13)

912 Dominus noster Iesus Christus loquebatur discipulis suis dicens. Si manseritis in me et verba mea in vobis manserint quodcumque petieritis Patrem in nomine meo petite et fiet vobis. (J 15)

912 Dominus sit semper vobiscum. Et cum spiritu tuo.

912 Miserere mei Domine miserere mei quem in te confidit anima mea.

912 Confidebor tibi nimis in ore meo in medio multuorum laudabo eum.

912 Averte Domine faciem tuam a peccatis meis et omnes iniquitates meas dele.

912 Sacrificium Deo Spiritus contribulatus cor contritum et humilitatum ne descipias Deus.

912 Aurem misericordiae tuae pande pulsanti famulo tuo N. aeterne omnipotens Deus et eius precibus adesto propitius. Auge ei Domine fidem atque ei omnia peccata dimitte. Accepta sint in oculis tuis Domine vota huius et oblationem quam tibi offert inspice et per intercessum sanctorum tuorum N. imple petitiones eius et omnes ipsius exaudi orationes.

913 Pie Domine ad maiestatis tuae concurrimus thronum preces fundimus supplicantes ut deleantur scelera atque universa peccata famuli tui N. per hanc votivam oblationem sentiat indulgentiae tuae donum ut per intercessum sanctorum tuorum beneficium consequatur aeternum.

913 Offerimus Domine haec munera famuli tui N. ut in tuo gloriaetur nomine et eius vota propitius suscipias peccata dimittas salutem corporis et anime concedas requiem defunctis tribuas et caelesti regno consortes efficias.

913 Domine Deus omnipotens qui dixisti per Iesum Christum Dominum nostrum pacem meam do vobis pacem meam commendo vobis. Petimus Domine Deus noster ut pacem quam in tuo nomine propinamus fixam in cordibus nostris in perpetuum teneamus. Et hanc votivam oblationem quam tibi offert famulus tuus N. suscipere digneris. Et propitius peccata dimitte salutem concedas eius languores placatus semper abstergas.

913 Dignum et iustum est aequum vere et salutare est nos tibi gratias agere et laudes sacrificia spiritualia celebrare Domine sancte Pater aeterne omnipotens Deus per Iesum Christum Dominum nostrum. Qui factus mundi sacrificium expiavit effusione sanguinis sui peccata hominum. Ob hoc te deprecamur omnipotens Pater per ipsum qui pependit in ligno propter salutem nostram ut hanc oblationem quae pro famulo tuo N. a nobis offertur sanctificare digneris. Ut sicut sanctis pervenit ad coronam ita ei occurrat ad veniam. Ut mereatur per hoc sacrificium a cunctis emundari sordibus peccatorum et reconciliatum tibi per Iesum sereno vultu respicias atque ei omnia peccata dimittas. Severitatem iudicii tui ab eo suspendas et miserationis tuae clementiam super eum infundas. Praesta Pater perpetue per Dominum nostrum Iesum Christum filium tuum quem conlaudant angeli atque archangeli non cessant clamare quotidie una voce dicentes.

914 Vere sanctus vere benedictus Dominus noster Iesus Christus filius tuus Unigenitus tuus primogenitus noster. Primogenitus in gratia Unigenitus in natura. Primogenitus quia nemo ante ipsum. Unigenitus quia nemo post ipsum.

914 Recolentes Domine sancte Pater aeterne omnipotens Deus praeceptis tuis precamur inclitam tuae clementiae maiestatem et mysterium passionis Iesu Christi filii tui Domini nostri ut hic panis quem lignum crucis coxit et hic calix quem torcular passionis expressit benedictionem tuae divinitatis accipiant veramque salutem sumentibus praestent ut quicumque exinde sumpserimus specialem gratiam consequi mereamur.

914 Patientiam habe in me Domine quia tu fecisti me posuisti mihi nomen novum et dixisti mihi vade et revertere velociter quia pulvis es et in pulverem reverteris.

914 Exsultent in te Domine animae nostrae et placabili pietate suscipiantur a te vota nostra quaesumus resurrectio Unigeniti tui gaudium mentibus nostris tribuat et tristiciam de cordibus nostris expellat ut cum iocunditate et voce exultationis obsequia deferamus in conspectu maiestatis tuae. Ut orationem quam Dominus noster Iesu Christus filius tuus orare praecepit sic dicere mereamur e terris.

914 Humiliate vos benedictioni. Dominus sit semper vobiscum.

914 Vota vestra atque sacrificia clementis Dei gratiam benigne suscipiant. Orationes vestras exaudiat vestra peccata dimittat. Auferat a vobis omnia mala quae gessitis et tribuat gratiam quam ab eo deposcitis.

915 Per misericordiam ipsius

915 Gustate et videte

915 Refecti Christi corpore et sanguine te laudamus Domine alleluia alleluia alleluia

915 Qui venit ad me

915 Repletum est gaudio os nostrum

915 Corpus Domini nostri Iesus Christi

915 Angelus Domini bonus comitetur tecum alleluia et omnia bona praeparet itineri tuo et iterum cum gaudio revertaris ad nos alleluia.

915 Mittat tibi auxilium de sancto et de Sion tuaeatur te.

915 Viam iniquitatis amove a nobis Domine et de lege tua miserere nobis ut et peccandi a nobis consuetudinem tollas et recte vivendi perseverantiam tribuas.

915 Per misericordiam tuam Deus noster

915 State super vias et videte et interrogate de semitis antiquis quae sit via bona et ambulate in ea invenietis requiem animabus vestris ait Dominus omnipotens. (Jr 616)

915 Dominus sit semper vobiscum. Et cum spiritu tuo.

915 Iacta in Domino cogitatum tuum et ipse te enutriet

915 Revela Domino viam tuam spera in eum.

915 Silentium facite.

915 Eramus aliquando tenebre nunc autem lux in Domino sicut filii lucis ambulate in dilectione sicut et Christus dilexit nos. (E 58.2)

915 Petite et dabitur vobis quaerite et invenietis pulsate et aperietur vobis. Omnis enim qui petit accipit et qui quaerit invenit et pulsanti aperietur. (Mt 77–8)

915 Dominus sit semper vobiscum. Et cum spiritu tuo.

916 Eduxit Dominus populum suum in exsultatione et electos suos in laetitia.

916 Deprecatus est populus faciem Dei et exaudivit illum Dominus et dedit ei salutem et immolavit sacerdos holocaustum matutinum in odorem suavitatis alleluia.

916 Iesum Christum Dominum nostrum qui directa itinerantium via et commeantium salus est indefessa fratres carissimi prece flagitemus continue ut hunc famulum suum. N. qua egredietur via et corporali salute pollentem et spiritualibus consiliis efficiat fortiorem. Quo et divinis nutibus placeat et adgressum iter cum prosperitate expediat.

916 Adesto Domine precibus nostris et iter famulorum tuorum. N. in pace iube dirigere. Comitetur eis gratia tua infirmitas illis non accedat propria adversitas eis non impediat aliena. Sit eis in comitatu visitatio angelica qui eos a delictis expiet et ab adversis custodiat. Quo in omnibus tuo roborati auxilio gratia a te instruantur quid agant per te acta perficiant desiderata impleant ad destinata perveniant ad propria iterum cum prosperitate succedant.

916 Propitiare supplicationibus nostris et iter famulorum tuorum. N. praecedat gratia tua et subsequente tua pietate eis comitare. Ut de actu atque incolumitate sua misericordia tua pariter gaudeamus. Defunctorum spiritus et animas in locum refrigerii constitue et nobis servis tuis. N. indulgentiae fructus concede propitius.

916 Domine Deus patris nostri Abraam deduc viam famulorum tuorum ... ad desiderata pacis tuo fulti animo peragant

916 Dignum et iustum est nos tibi semper gratias agere Domine sancte Pater aeterne omnipotens Deus cuius habitatio in caritate et locus in pace est per quem nec corporali absentia catena dilectionis his scinditur nec sancti amoris cottidianus ardor dum deest fraterne dilectionis extinguitur sed potius in desiderio recordationis augetur. Pro quo te petimus et rogamus ut in nobis maneat vera puraque indefessis dilectio quae fraterne dilectione memoriae semper commendet absentes et de corde non excludat longius abeuntes. Dignare Domine prosperum facere iter famulorum tuorum. N. sicut prospere egit Thobias cui deputasti angelum Raphaelem. Custodi eos ac defende ab omnibus insidiis inimici sicut Ioseph a fraternis muscipulis eruens in conspectu regis gratiam tuitionis ei misericors condonasti. Per quem conlaudant te Domine angeli atque archangeli ita dicentes.

917 Vere sanctus vere benedictus es Domine Deus noster qui nec per spacia locorum nec per intervalla temporum ab his quos tuaeris discedis. Adesto quaesumus famulis tuis. N. in te ubique fidentibus et per omnem quam ituri sunt viam dux eis atque protector esse digneris. Nihil adversitatis eis noceat cuncta eis sint prospera ut sub opere tuae dexterae quod iusto petierint desiderio celeriter consequantur effectum.

917 Accipe Domine haec famulorum tuorum N. votiva sacrificia eos ubique protege manu tua et quia tu es via veritas et vita in veritate tua facito eos ambulare et a via recta nullo modo declinare. Tribue eis mansionem tribue et defensionem effectum actionis et profectum bone deliberationis. Ut nullis scandalis saeculi impediantur nullisque adversitatibus inimicorum fragantur sed in incolumitate omni manentes perveniant ad locum quem desiderant angelo tuo sancto protegente et praecedente.

917 Defensor iuste defende nos et libera nos de manu inimicorum nostrorum.

917 Attende Domine nostram propitius precem et iter famulorum tuorum in prosperitate et salute iube dirigere. Quo et illis et nobis prospera impetremus cum ad te nunc proclamaverimus dicentes e terris.

918 Humiliate vos benedictioni. Dominus sit semper vobiscum.

918 Dirigat Dominus viam famulorum suorum. N. nosque pro eis exaudiat supplicantes ut habeant iter rectum in Domino cor directum. Desiderata bona cum prosperitate expleant et ubicunque perrexerint gratiosi existant. Ut iter quod nunc adgrediuntur et in humilitate inchoant cum prosperitate miserante Domino perficiant.

918 Per misericordiam ipsius Dei nostri

918 Gustate et videte

918 Refecti Christi corpore et sanguine te laudamus Domine alleluia alleluia alleluia

918 Corpus Domini nostri Iesu Christi

918 A labiis iniquis et a lingua dolosa libera nos Domine alleluia

918 Memento congregationibus tuae quam creasti ab initio

918 Libera nos Domine a labiis iniquis et a lingua dolosa et presta ut nec peccatori adcusanti auditum prebeat nec plebs tua eius disciplinis acquiescat nec iram tuam suggestio fallax commoveat. Sed tua quaesumus ipsum inimicum humani generis callidum insidiatorem framea divina concide et pro miseriis pauperum succurre inclita bonitate.

918 Per misericordiam tuam Deus noster

918 Oravit Ester Dominum dicens. Memento Domine et ostende nobis in tempore tribulationis nostrae. Et da mihi fiduciam rex deorum et universe Domine potestatis. Tribue sermonem compositum in ore meo in conspectu leonis et transfer cor illius in odium hostis nostri. Nos autem libera a manu sua et adiuva me nullum alium habentem auxiliatorem nisi te Domine. (Esth 1412–14.)

918 Dominus sit semper vobiscum. Et cum spiritu tuo.

918 Da nobis Deus auxilium in tribulatione quia vana est salus hominis

919 In Deo faciemus virtutem et ipse ad nihilum deducet tribulantes nos

919 Silentium facite.

919 Benedictus Deus et Pater Domini nostri Iesu Christi Pater misericordiarum. et Deus totius consolationis qui consolatur nos in omni tribulatione nostra ut possimus et ipsi consolari eos qui in omni pressura sunt. Per exhortationem qua exhortamur et ipsi a Deo. Quoniam sicut abundant passiones Christi in nobis ita per Iesum abundat consolatio nostra. Sive autem tribulamur pro vestra exhortatione quae operatur in tolerantia earundem passionum quas et nos patimur et spes nostra firma pro vobis. Scientes quoniam sicut socii passionum estis sic eritis et consolationis. Non enim volumus ignorare vos fratres de tribulatione nostra quae facta est in Asia. Quoniam supra modum gravati sumus supra virtutem ita ut tederet nos etiam vivere. Sed ipsi in nobis responsum mortis habuimus sed in Deo qui suscitat mortuos qui de tantis periculis eripuit nos et eruet in quem speramus. Quoniam et adhuc eripiet adiuvantibus vobis per fidem quae est in Christo Iesu Domino nostro. (2K 13–11)

919 Amen amen dico vobis tristitia vestra vertetur in gaudium. Mulier cum parit tristiciam habet quia venit hora eius. Cum autem peperit puerum iam non meminit pressure propter gaudium quia natus est homo in mundum et vos igitur nunc quidem tristitiam habetis iterum autem videbo vos et gaudebit cor vestrum et gaudium vestrum nemo tollet a vobis. (J 1620.21–22)

919 Dominus sit semper vobiscum. Et cum spiritu tuo.

919 Convertere Domine luctum nostrum in gaudium et dolores nostros in laetitia alleluia

919 Sacrificium Deo spiritus contribulatus cor contritum et humiliatum Deus non despicies

919 Deum qui contritorum non despicit gemitum et maerentium non aspernatur affectum lacrimosis precibus fratres dilectissimi supplicemus ut hanc singularis victimae hostiam quam pro tribulatis servis tuis fidenter offerimus dignetur acceptare propitius tribuatque ut quidquid contra eos diabolica atque humana molivit adversitas ad nihilum redigat et consilio pietatis allidat. Ut in nullo de adversis laesi eidem mereantur illaesi offerre sacrificium.

920 Domine Iesu Christe qui nos per multas tribulationes perducis ad regnum tuum erudiens nos adversitatum iaculis adversantium acuens machinamentis oblatam tibi hanc oblationem quam tibi Ecclesia tua pro liberatione et consolatione servorum tuorum offert serenus accepta. Non eos fraus humana deiciat. Non tua deitas ex iudicio puniat. Non iniquitas propria non adversitas arguat aliena si quid tibi delinquunt ignosce si quid offendunt omnibus tu dimitte submove ab eis cruciatus mentis simul aegritudines cordis et corporis. Ut te compuncti corde requirant et ad te tacti non doleant per te sustentati adversa despiciant et a te correcti diligenter exquirant.

920 Offerentium tibi Deus nominibus recitatis postulamus misericordiam pietatis tuae ut servis tuis in pressuris interesse digneris. Non quo eos videndo damnes sed quo eos patiendo salvifices ut tuo roborati auxilio gratiae ab imminenti liberentur oppresione his quoque a nobis hostiis invocatus et defunctis concedas requiem postulamus.

920 Caritas illa quae per Spiritum Sanctum nostris est difussa visceribus te Deus Pater gemebunda lacrimatione exurat ut famulos tuos ab omni periculo cruciatu vel necesitate exemptos nobiscum facias in tranquillitate et pace semper manere statutos.

920 Dignum et iustum est nos tibi gratias agere Domine sancte Pater aeterne omnipotens Deus per Iesum Christum Filium tuum Dominum nostrum qui consolatur non in omni tribulatione nostra ut possimus et ipsi consolari eos qui in omni pressura sunt de illo fidentes et per illum in tentatione non deficientes. Ille nos armis iustitiae ille galea salutis munit atque circumdat ne attollamur in prosperis ne deiciamur in adversis ne immundorum spirituum iaculis ne adversantium nobis penetremur sagittis. Ut pressurae saeculi nos ad aeternam pertrahant gloriam ut tribulationes mundi dona nobis exaptent caelestia. Per quem te summe Deus rogamus ut precem Ecclesiae tuae attendere et propitiabili dignatione ad haec munera respicere iubeas quae tibi pro visitatione et relevatione pressurae servis tuis offerimus. Iam iam Domine respice super eos vultu placabili et misericordia singulari. Remove ab eis quod saevitia maioris promittit quod inimicorum pravitas intulit quod pravorum in consiliis adversitas alligavit. Quod ex iudicio imminet quod ex sententia pendet. Quod conspiratione machinatum quod accusatione convictum quod propriis iniquitatibus gestum quod alienis est fictionibus alligatum. Quod pressuris deicitur quod cruciatibus premitur quod coangustiis angustiatur. Non iustitiam tuam iniustitia eorum exerceas sed potius pietatem tuam in eorum iniustitia manifesto. Non in flagello prosternas non per mumurationem abicias non per tolerantiam perdas sed per misericordiam rege. Quo per te ab inimicorum iaculis tecti ac praesenti tribulatione exempti Deum in Trinitate consona voce proclamantes atque ita dicentes.

921 Vere sanctus vere benedictus Dominus noster Iesus Christus. Qui sic nos hic tribulationum censura contundit adversarium stimulis erudit lacerantium adversitatibus frangit ut post dolores veniamus ad requiem post labores inveniamus mercedem. Hic tibi Pater omnipotens haec sacrificia inferat hic tibi haec commendabilia reddat hic nostris precibus faveat hic servos tuos pro quibus haec tibi offerimus dona ab omnis pressuris absolvat ac redimat et gratiae eisdem quantocius multiplex solamen impertiat.

922 Deus qui tribulatos corde sanas et maestificatos actu iustificas hanc propitius hostiam dignanter attende quam tibi pro servorum tuorum offerimus liberatione. Tu et haec benignus accepta et illorum pro quibus offertur sana discrimina. Tribulationum eorum attende miseriam et coangustiarum illorum submove pressuram ut exuti ab omnibus quibus quatiuntur malis in tuis semper delectentur iudiciis.

922 Domine non ponas mala mea coram occulis tuis quia gravia sunt onera mea precor te Domine miserere mei.

922 Dimitte Deus peccata nostra et tribue nobis misericordiam tuam. Quo oris nostri alloquio deprecantium servorum tuorum humilitatem attendas vincula solvas delicta deleas tribulationem inspicias adversitatum pellas affectum e caelis cum ad te nunc proclamaverimus e terris.

922 Humiliate vos benedictioni. Dominus sit semper vobiscum.

922 Christus Dominus qui vos praecepto suo oboedientes pro servis suis liberationem coram se inspicit gemere faciat et vos illatis tribulationibus non perire. Frangat inimicorum vestrorum audaciam et tribulatione atque adversitate vobiscum eos perducat ad caelestia regna. Ut pressuris saeculi cum illo carentes et hic et in futuro mereamini esse felices.

922 Per misericordiam ipsius Dei nostri

922 Gustate et videte

922 Refecti Christi corpore et sanguine te laudamus Domine alleluia alleluia alleluia

922 Qui venit ad me

922 Repletum est gaudium

923 Corpus Domini nostri Iesu Christi

923 Divina ad te Domine fratres mei praeceptione commoniti ut invicem nos diligamus sicut proximos nostros ut nos ipsos diligamus alternatim famulum tuum N. sacerdotem fratrem nostrum te Dominum prece postulare debemus ut qui votivis oblationibus eum tibi propitiari confidunt nostris precibus in omnibus adiuvemur.

923 Suscipe Deus supplicantem famulum tuum N. fratrem nostrum sacerdotem votivum tibi munus oblatum est multiplici ob hoc eum locupleta fenore gratiarum. Ut qui te his honorat in spontaneis votis te largiente ditetur premiis infinitis.

923 Fave Deus famuli tui N. pro fratre meo fidelissimo votis et eum ab omnibus absterge peccatis. Quo huius sacrificii oblatione placatus et illius pro quo te poscimus vota acceptes et defunctos fideles in pace refrigeres.

923 Deus qui votivis semper precibus delectaris devotum famulum tuum presbyterum fratrem meum N. locupleta fenore pacis ut per hoc id quod offert tibi sit acceptum quod perpetuae pacis fuerit vinculo praemunitum.

923 Dignum et iustum est nos tibi omnipotenti Deo vota reddere quo placeris inspiras votiva nos inspiratione remuneras. Te ob hoc rogamus supplici prece ob hanc servi tui N. pro fratre meo oblationem Domine dignanter intendas et peccata deleas orationes accipias. Ut liberatus ab omni adversitate et hic et in aeternum sit sanctificatus cum angelis qui te sine fine collaudant ita dicentes.

924 Vere sanctus vere benedictus es Domine Deus omnipotens qui salubres inspiras res voti acceptores sacrificii.

924 Sanctifica Deus oblationem servi tui fratris mei. N. tibi haec sacrificia delibantis. Donans ei ut remissionem suorum accipiens criminum indesinenter tibi votis iugibus famuletur.

924 Domine non ponas mala mea coram oculis tuis quia gravia sunt onera mea precor te Domine miserere mei.

924 Orationem fratres carissimi dicturi dominicam propter haec votiva primum nos postulare convenit sacrifia ut divina bonitas oblatorem famulum suum N. presbyterum fratrem meum famulum suum oblatis praeveniat in benedictione dulcedinis nos quoque sequenter exaudiat ad se proclamantes e terris.

924 Humiliate vos benedictioni. Dominus sit semper vobiscum.

924 Fideli sermone servi sui N. pro fratre suo votum Dominus clementer acceptet et ab omnibus suis peccatis iustificet. Vota eius sacrificando multiplicet et orationes eius iubeat exaudire. Quo cum universitate electorum et pie sacrificium suum Domino reddat et se in omnibus eidem placiturum exhibeat.

924 Per misericordiam ipsius Dei nostri

924 Gustate et videte

924 Refecti Christi corpore et sanguine te laudamus Domine alleluia alleluia alleluia

924 Corpus Domini nostri Iesu Christi

924 Miserere mihi Domine alleluia quoniam infirmus sum sana me Domine alleluia alleluia.

924 Et anima mea turbata est valde sed tu Domine usquequo.

924 Miserere mihi Domine miserere mihi.

924 Ecce tempus est ut miserearis mihi.

924 Miserere mihi Domine miserere mihi et ne me infirmitas afferat in mortem. Sana me Domine ut anima turbata per culpam sit tranquilla per gratiam effunde medicinam aegroto et veniam presta delictis.

925 Per misericordiam tuam Deus noster qui es benedictus

925 Aegrotavit Ezechias rex usque ad mortem et introivit ad eum Isaias filius Amos prophetae et dixit. Haec dicit Dominus Deus. Praecipe domui tuae quia morieris enim et non vives. Qui convertit faciem ad parietem et oravit Dominum dicens. Obsecro Domine memento mei quomodo ambulaverim coram te in veritate et corde perfecto et quod placitum est coram te fecerim. Flevit itaque Ezechias fletu magno. Et antequam egrederetur Isaias mediam partem atrii factus est sermo Domini ad eum dicens. Revertere et dic Ezechiae duci populi mei haec dicit Dominus Deus David patris tui. Audivi orationem tuam et vidi lachrymas tuas et ecce sanavi te et adiiciam super dies tuos quindecim annos et sanabo te et de manu Assiriorum protegam te dicit Dominus exercituum. (Is 38)

925 Dominus sit semper vobiscum. Et cum spiritu tuo.

925 Exaltabo te Domine quoniam suscepisti me nec delectasti inimicos meos super me.

925 Domine Deus meus clamavi as te et sanasti me et eduxisti ab inferis animam meam salvasti me a descendentibus in lacum.

925 Silentium facite.

925 Tristatur aliquis vestrum oret aequo animo et psallat. Infirmatur quis in vobis inducat presbyteros Ecclesiae et orent super eum ungentes eum oleo sancto in nomine Domini et oratio fidei salvabit infirmum et allevabit eum Dominus. Et si in peccatis sit remittentur ei.

926 Cum venisset Iesus in domum Petri vidit socrum eius iacentem et febricitantem. Et tetigit manum eius et dimisit eam febris. Et surrexit et ministrabat ei. Vespere autem facto obtulerunt ei multos daemonia habentes et eiiciebat spiritus verbo et omnes male habentes curavit. (Mt 8)

926 Dominus sit semper vobiscum. Et cum spiritu tuo.

926 Veniat super me misericordia tua Domine salutare tuum secundum eloquium tuum.

926 Laudabo nomen Dei mei cum cantico et magnificabo eum in laude.

926 Deprecatus est populus faciem Dei et exaudivit illum Dominus et dedit ei salutem et immolavit sacerdos holocaustum matutinum in odorem suavitatis alleluia.

926 Sacrificium Deo spiritus contribulatus cor contritum et humiliatum Deus non despiciet.

926 Valde quidem pavescimus Domine ne illata nobis temporalis ad purgationem non expiet ultio dum murmurare non pertimescimus in flagello. Sed quia peccatis ingruentibus obcecamur tu corda nostra inradia afflatu intime visionis quo et iuste nobis a te credamus poenas infligi et cruciatione inlati supplicii ab omnibus mereamur criminibus expiari. Specialiter quoque te quaesumus omnipotens Deus pro famulo tuo N. ut quia culpas atque errata sua ante altare tuum aperit criminis beneficium sentiat corrigendi.

926 Iesu Salvator humani generis qui corpus in te suscipiens nostrae mortalitatis alios ad purgationem feriendo castigas alios ad damnationem flagellando reservas. Te suppliciter quaesumus et humili devotione precamur ut famulum tuum N. quem aegritudinis molestia quassat pietatis tuae miseratio resecatum absolvat. Da ei Domine quicquid pietati tuae deliquit in saeculo totum in eo puniat illata correptio. Dolorum eius ac febrium ita sana discrimina ut cum his etiam eius aboleantur piacula. Non indurando pena coerceat reum sed absolvat miseratio iam prostratum. Mitiga in eo Pater et Domine estus febrium putredines ulcerum contractiones nervorum atque cunctarum cruciationes infirmitatum. Sit in eo quaesumus ita respectus pie parcentis ut nec infirmitatum ulterius saucietur stimulis nec penam post transitum sentiat de commissis.

927 Deus in cuius libro sunt vocabula renotata mortalium concede nobis omnibus veniam delictorum. Et praesta nobis famulis tuis ut famulum tuum N. quem immensus languor excruciat miseratio tua reparet ad medelam. Et cui ambitio piaculi adduxit dolorem adducat etiam confessio salutis optabilem sanitatem.

927 Pacem tuam quaesumus Domine infunde in visceribus nostris qui eam discipulis tuis commendasti ascensurus in caelos. Quo ita cor nostrum satietate tuae abundet dulcedinis ut caritate Sancti Spiritus affluentes tolerabiliter sustineamus in hoc corpore pro nostris criminibus illata flagella cum te recogitaverimus sustinuisse pro impiis crucis dura exitia.

927 Dignum et iustum est nos tibi gratias agere Domine sancte Pater aeterne omnipotens Deus qui sic humanum genus et in hoc corpore tribulationis censura conteris ut in aedificio illo patriae caelestis nec securis habeat quod remordeat nec ascia quod contundat. Non tribulatio quod exurat non infirmitas quod excoquat. Non attritio quod deprimat non molestia quod consumat. Non periculum quod perimat non adversitas quod distendat. Non casus quod diruat non coangustatio quod obstrudat. Quod hic diversis est adversitatibus extra contusus atque expiatus homo ab erroribus merito iam ibi purus purum videat Deum. Quo ornamentis civitatis ipsius mereatur affigi post transitum habens locum sibi a Deo solius gloriae praeparatum. Pro quo te poscimus sancte Pater omnipotens Deus ut famuli tui (vel famulae tuae) N. culparum nodositates expurges et cunctas aegrimoniarum molestias expies. Removeantur ab eo (vel ab ea) febres corporum ad salutem et moriantur in eo (vel in ea) voluntates propriae ad libidinis evacuandam perniciem. Expelle ab eo (vel ab ea) ferocissimos corporum morbos aegrimoniarum virulenta pericula contractiones febrium atque universarum molestiarum perniciosa discrimina. Sicque cum eo (vel cum ea) misericordia consiliis age et ut hic illum (vel illam) infirmitas a lapsibus vitiorum expurget et reparatio visitationis tuae quantocius corroboret ad salutem. Expolietur criminibus in attritione flagelli et vestiatur virtutibus in expiatione delicti. Da ei Domine ut quidquid temporaliter flagellatur in corpore perpetuam ei proficiat ad salutem. Da ei tolerandi tuis in persecutionibus votum ut tolerantiae suae perficiat fructum. Sitque ei amabilius pro admissis criminibus in carne sustinere penuriam dum hoc sibi opitulari crederit ad coronam. Ut feliciter peragens huius vitae excursum ad te perveniat in ablutione peccaminum sortemque capiat in terra viventium. Praeconia tibi depromat laudum cum omni militia Angelorum ita proclamans atque dicens.

928 Vere sanctus vere benedictus Dominus noster Iesus Christus Filius tuus. Qui ideo delinquentibus occasionem tribuit corrigendi ut non sit in eis quod puniat censura Ob hoc te per ipsum pie Pater exposcimus ut hoc accipias pro sacrificio laudis quod famulus tuus (vel famula tua) N. atteritur virga correctionis.

928 Sana quaesumus Domine vulnera famuli tui N. aegritudinem perime peccata dimitte oblationem suscipe et sic eum flagella in saecula ut post transitum sanctorum mereatur adiuvari consortio.

929 Domine si vis potes me salvare.

929 Deus in cuius manu est correctionis iudicium et salvationis ac misericordiae votum quique flagellas peccatores ut redeant et occasionem admonendi tribuis ne recedant. Praesta nobis quaesumus supplicibus tuis ut eo momento famulo tuo (vel famulae tuae) N. integritas salutis a te dirigatur e caelis qua fide quo momento nos proclamaverimus e terris

929 Humiliate vos benedictioni. Dominus sit semper vobiscum.

929 Omnipotens Deus qui fidelissimum famulum suum N. corporali corripit vulnere ipse vos et illum a corporis mentisque aegritudinis expiet. Quique nostram in se suscepit infirmitatem ipse vobis et illi tribuat tolerantiae sine fine mercedem. Sicque omnes in commune eius pietas foveat ut nec correptione nostra salus desaeviat nec desperatione infirmitas illata succumbat.

929 Per misericordiam ipsius Dei nostri

929 Gustate et videte

929 Refecti Christi corpore et sanguine te laudamus Domine alleluia alleluia alleluia

929 Qui venit ad me

929 Repletum est gaudium

929 Corpus Domini nostri

929 Salvos nos faciat dextera tua alleluia et exaudi nos Domine Deus noster alleluia alleluia.

929 Ad te levamus oculos nostros qui habitas in caelis.

929 Miserere nobis Domine miserere nobis et quia tibi soli peccavimus indulgentiam criminum et remissionem omnium peccatorum a te consequi mereamur.

929 Per misericordiam tuam Deus noster

929 Ecce ego visitabo vos et suscitabo super vos verbum meum bonum et reducam vos ad locum istum. Ego enim scio cogitationes quas cogito super vos ait Dominus. Cogitationes pacis et non afflictionis ut dem vobis fidem et patientiam et invocabitis me et timebitis me et exaudiam vos. Quaerite me et invenietis cum quesieritis me in toto corde vestro inveniar a vobis ait Dominus omnipotens. (Jr 29)

930 Dominus sit semper vobiscum. Et cum spiritu tuo.

930 Salva plebem tuam et benedicito hereditatem tuam Domine.

930 Et rege eam et extolle usque in aeternum.

930 Silentium facite.

930 Augebatur credentium in Domino multitudo virorum ac mulierum ita ut in plateis eiicerent infirmos et imponerent in lectulis et grabatis ut veniente Petro saltim umbra illius obumbraret quempiam eorum. Concurrebat autem et multitudo vicinarum civitatum in Ierusalem afferentes egros et vexatos ab spiritibus immundis qui curabantur omnes. (Act 5)

930 Dominus noster Iesus Christus circumibat civitates et omnia castella docens in sinagogis eorum et praedicans evangelium regni et curans omnem languorem et omnem infirmitatem in populo. (Mt 4)

930 O Domine salvos nos fac o Domine bene prosperare.

930 Deprecatus est

930 Domine Iesu Christe qui es verus medicus et medicina caelestis propitiare nobis et fer opem nobis. Sana Domine omnem languorem et omnem infirmitatem in populo Aufer a nobis et animarum et corporum morbos pestes et valetudines universas absterge causisque etiam vulnerum propitiatus occurre ut dum iniquitates avertis aegritudines cures.

930 Corripe nos Domine in misericordia et non in furore qui et corripiendo parcis et parcendo remittis et miserando convertis. Ut et correctione tua corrigamur et indulgentia consolemur ut et disciplina erudiamur et medicina sanemur. Ut et fervore castiguemur et pietate salvemur. Placeat ergo tibi Domine liberare hos famulos tuos N. N. et parcendo eos corrigere ac corripiendo non perdere.

931 Recursis nominibus offerentium fratres dilectissimi preces fundamus ad Dominum ut oblatio quae offertur in sanctis proficiat ad salutem infirmis baptismate recreatis. Tuam vero Domine clementiam exoramus ut omnes metu territos inopia aflictos tribulatione vexatos morbis obrutos suppliciis deditos debitis obligatos indulgentia tuae pietatis absolvat.

931 Miserere nobis Domine miserere nobis dum non miseria miseros consumere sed misericordia liberare festinas. Necdum delicta absorbere sed expiare peccatores intendas. Sentiamus Domine manum tuam medentem potius quam percutientem foventem magis quam ferientem ut sic praesentia adhibeas flagella ut supplicia arceas sempiterna. Atque famulos tuos N. N. pietate paterna corripias non abicias erudias non confundas. Tribuasque propitius cunctis peccatorum ac temporum pacem et aegris integerrimam ac plenissimam sanitatem.

931 Dignum et iustum est aequum et salutare est nos tibi gratias agere Domine sancte Pater aeterne omnipotens Deus per Iesum Christum Filium tuum Dominum nostrum. Qui peccata nostra portavit in corpore suo super lignum cuius vulnere sancti sumus. Cuius attactu vis febrium mox recessit cuius sermone confestim surdus audivit cuius iussu mutus fari non distulit claudus cucurrit caecus vidit aegrotus relevatur debilis stetit surdus sincere audit laxavit nervos aridus aquosam alvum dessicavit hydropicus lectulum in quo iacebat detulit paralyticus luridam cutem amisit leprosus surrexit de sepulcro quatriduanus. Per ipsum te ergo Domine cum lacrimis postulamus ut sacrificii huius oblationem placatus acceptes et peccantibus veniam et languentibus conferas medicinam. Cui merito omnes angeli et archangeli non cessant clamare ita dicentes.

932 Vere sanctus vere benedictus Dominus noster Iesus Christus Filius tuus. Qui languores nostros ipse portavit et medicamentum nobis ex crucis suae confixione adhibuit. Quique solus valet fovere languida exhilarare tristia et sanare infirma.

932 Credimus Iesu Christe te esse salvatorem. Ob hoc petimus ut sacrificia nostra placatus accipias. Et aegritudinum morbos propitiabili medicina repellas.

932 Virtus nostra Domine esto firmamentum infirmis esto refugium et liberator oppresis. Esto brachium nostrum in mane et salus nostra in tempore tribulationis. Esto refugium et liberator oppresis.

932 Christe Domine qui es medicus salutaris tribue languidis famulis tuis subsidium medicinae caelestis. Ut dum corde vel corpore valemus incolumes cum fiducia tibi proclamemus e terris.

932 Humiliate vos benedictioni. Dominus sit semper vobiscum.

932 Salutiferam vobis Dominus de regnis caelestibus ... bona vobis vestrique concedat.

932 Per misericordiam ipsius

932 Gustate et videte

932 Refecti Christi corpore et sanguine te laudamus Domine alleluia alleluia alleluia

932 Qui venit ad me

932 Repletum est gaudium

932 Corpus Domini nostri

932 Erigite vos. Dominus sit semper vobiscum.

933 Tu es portio mea Domine alleluia in terra viventium alleluia alleluia.

933 Educ de carcere animam meam ad confitendum nomini tuo.

933 Clamavi ad te Domine et dixi tu spes mea es portio mea in terra viventium.

933 Educ de carcere animam meam ad confitendum nomini tuo.

933 Per omnia semper saecula saeculorum

933 Consolare Domine animam famuli tui episcopi N. patris nostri pro cuius memoria obtulimus munera huius sacrificii ut sicut Christo Filio tuo Domino nostro militavit in carne cum Sanctis omnibus resurgat in gloriam sempiternam.

933 Per misericordiam tuam Deus noster

933 Locutus est Iob dicens. Induta est caro mea putredine et sordibus pulveris cutis mea aruit et contracta est. Dies mei velocius transierunt quam a texente tela succiditur et consumpti sunt absque ulla spe. Memento quia ventus est vita mea nec revertetur oculus meus ut videat bona nec aspiciet me visus hominis. Breves dies hominis sunt numerus mensium eius apud te est constituisti terminos eius qui preteriri non poterunt. Quis mihi tribuat ut in inferno protegas me et abscondas me donec pertranseat furor tuus et constituas mihi tempus in quo recorderis mei et erit requies mihi. (Job 7)

933 Dominus sit semper vobiscum. Et cum spiritu tuo.

933 Domine exaudi me in tua iustitia et ne intres in iudicio cum servo tuo.

933 Expandi manus meas ad te Domine anima mea velut terra fine aqua cito exaudi me Domine.

933 Silentium facite.

933 Nolumus vos ignorare de dormientibus ut non contristemini sicut et ceteri qui spem non habent. Si enim credimus quod Iesus mortuus est et resurrexit ita et Deus eos qui dormierunt per Iesum adducet cum eo. Hoc enim vobis dicimus in verbo Domini quia nos qui residui sumus in adventum Domini non praeveniemus eos qui dormierunt. Quoniam ipse Dominus in iussu et in voce archangeli et in tuba Dei descendet de caelo et mortui qui in Christo sunt resurgent primi. Deinde nos qui vivimus qui relinquimur simul rapiemur cum illis obviam Christo in aera et sic semper cum Domino erimus. (1Th 4)

934 Amen amen dico vobis. Ego sum resurrectio et vita qui vivit et credit in me etsi mortuus fuerit vivet. Et omnis qui vivit et credit in me non morietur in aeternum. (J 11)

934 Dominus sit semper vobiscum. Et cum spiritu tuo.

934 Animam quiescentem de inferno erue Deus paradiso restitue alleluia.

934 Averte Domine faciem tuam a peccatis meis et omnes iniquitates meas dele alleluia.

934 Laudabo nomen Dei mei cum cantico et magnificabo eum in laude.

934 Sacrificium Deo spiritus contribulatus cor contritum et humiliatum Deus non despicies.

934 Kyrie eleison

934 Christe eleison. Kyrie Eleison. Dominus sit semper vobiscum.

934 Omnipotens sempiterne Deus tuam clementiam flagitamus propter animam famuli tui episcopi N. qui catholicam tenuit fidem et tibi ministravit quem de hoc saeculo ad aeterna saecula vocasti eius dimitte peccata vicia solita ut pietate tua ad immarcescibilem coronam inter sanctos tuos iubeas eum collocare.

934 Deus in cuius potestate animas omnium esse credimus deprecamur sanctam clementiam tuam ut animam famuli tui episcopi N. in locum patriarcharum ac sanctorum virorum adsocies et nos pro eo tuam maiestatem humiliter exoramus propitius exaudias ut adiutus pietatis tuae suffragio tribuas ei requiem. Nobisque famulis tuis remissionem peccatorum cum eo concedas.

935 Ineffabilem clementissime Pater tuam deprecamur clementiam et pietatem ut animam famuli tui episcopi N. pro quo hodierna die ante tuum venerabile altare exoramus ut digneris eum in libris caelestibus adscribere et siqua sunt ab eo contracta vicia ab oculis absterge simulque nostrorum defunctorum animabus requiem tribue et cum sanctis omnibus dona capere permitte. Ut cum die illo clementissimus unigenitus filius tuus Dominus noster Iesus Christus venerit eum ab omni scelere criminum purificatum inveniat.

935 Te supplices deprecamur omnipotens Deus pro anima famuli tui episcopi N. qui in dominica pace predecessit ut anime de saeculo cedenti lucida pax tribuatur. Beatis quoque cetibus sacerdotum et gaudiis interesse mereatur continue et cum illis videre Domini nostri Iesu Christi maiestatem.

935 Quia tu es vera pax nostra et caritas indisrupta qui vivit tecum et regnat cum Spiritu Sancto unus Deus in saecula saeculorum.

935 Aures ad Dominum.

935 Habemus ad Dominum

935 Sursum corda

935 Levemus ad Dominum

935 Deo ac Domino nostro Iesu Christo

935 Dignum et iustum est omnipotens Deus nos tibi gratias agere spiritualiaque sacrificia celebrare in omni tempore vel in hoc die quod tibi offerimus pro anima famuli tui episcopi N. qui es sacerdos verus et pontifex sempiternus. Qui auxilium fidei tribuis et spei praemium donas. Qui firmas dubios et patefacis obscura. Qui per Unigenitum tuum Dominum nostrum Iesum Christum haec omnia operaris et ab inferno inferiori animas omnium ad lucem aeternam adtrahis per ipsum te obsecramus omnipotens Deus ut episcopus tuus N. habeat veniam delictorum et dimitte crimina et eius peccata ut iustitiae induatur coronam. Ut mundatus ab omni crimine diem iudicii cum gaudio suscipere mereatur intrepidus. Praesta Domine quia te collaudant angeli atque archangeli non cessant clamare ita dicentes.

936 Vere sanctus vere benedictus et gloriosus Dominus noster Iesus Christus. Qui promissionum suarum bonis aeternorum nobis gaudia patefacit et vivere post obitum animas fidelium protestavit.

936 Suscipe et sanctifica omnipotens hanc hostiam quam pro anima sacerdotis tui episcopi N. tibi offerimus ut sacrificii oblatio ad refrigerium anime eius et gaudium te miserante proveniat.

936 Dominus sit semper vobiscum. Et cum spiritu tuo.

936 Requiem aeternam

936 Requiem aeternam det tibi Dominus lux perpetua luceat tibi et repleatur splendoribus anima tua et ossa tua reviviscant de loco suo.

936 Precamur Domine sancte Pater aeterne omnipotens Deus pro famulo tuo episcopo N. sacerdote tuo defuncto ut eum ab omnibus piaculis liberatum in illa tibi placentium sacerdotum numerositate adscribas et eorum illic coram te societate laetetur quem hic paris cura regiminis habuit.

936 Humiliate vos benedictioni. Dominus sit semper vobiscum.

936 Assit misericordia tua precibus nostris ut ex more solito sacerdotis tui episcopi N. exempti animam pietate tua refrigerii rore perfundas. Fruatur paradisi amenitate quietis opaca atque amenis vegetatus in loca nemoribus laureata. Ut in illam te auxiliante veniat regionem ubi exultans appareat cum exercitu angelorum.

936 Per misericordiam ipsius Dei nostri

937 Qui venit ad me non esuriet qui credit in me non sitiet umquam.

937 Ego sum lux mundi et qui sequitur me non ambulabit in tenebris sed habebit lucem vitae.

937 Qui manducat meam carnem et bibit meum sanguinem in me manet et ego in illo.

937 Repletum est gaudium os nostrum et lingua nostra exsultatione.

937 Pietatis immense Pater et Domine praesta supplicantibus nobis ut famulus tuus episcopus N. pater noster cuius hodie in hoc sacrificio memoriam agimus ab omni culpe nexu expiatus indemnis accipiat gratiam premii pro gratia sacramenti.

937 Per misericordiam tuam Deus noster

937 In nomine Domini nostri Iesu Christi. Anima eius per misericordiam Dei sine fine requiescat in pace.

937 Tu es portio mea

937 Deus aeterne quem in veritate fidei sunt animae nostrae sitientes velut terra animam famuli tui N. caelestis roris prefusione refrigera quo tristis loci habitatione mutata supernae regionis mereamur iucundari et laetari in patria.

937 Scio enim quod redemptor meus vivit et in novissimo die de terra surrecturus sum. Et rursus circundabor pelle mea et in carne mea videbo Dominum. Quem visurus sum ego ipse et oculi mei conspecturi sunt et non alius reposita est haec spes mea in sinu meo et hereditas mea in Deo meo. (Job 19)

937 Domine exaudi me in tua iustitia et ne intres in iudicio cum servo tuo.

938 Expandi manus meas ad te Domine anima mea velut terra sine aqua cito exaudi me Domine.

938 Nemo vestrum sibi vivit et nemo sibi moritur. Sive enim vivimus Domino vivimus. Sive enim morimur Domino morimur. Sive enim vivimus sive morimur Domini sumus. In hoc enim Christus mortuus est et resurrexit ut vivorum et mortuorum dominetur. (R 14)

938 Amen amen dico vobis. Quia qui verbum meum audit et credit ei qui me misit habet vitam aeternam et in iudicium non veniet sed transiet de morte ad vitam. (J 5)

938 Dominus sit semper vobiscum. Et cum spiritu tuo.

938 Animam quiescentem de inferno erue Deus paradiso restitue alleluia.

938 Averte Domine faciem tuam a peccatis meis et omnes iniquitates meas dele alleluia.

938 Laudabo nomen Dei mei cum cantico et magnificabo eum in laude.

938 Sacrificium Dei

938 Kyrie eleison

938 Christe eleison. Kyrie Eleison. Dominus sit semper vobiscum.

938 Omnipotens sempiterne Deus cui numquam sine spe sempiterne misericordiae supplicatur propitiare anime famuli tui sacerdotis N. pro qua tibi supplicamus ut eum qui de hac vita in tui nominis confessione decessit sanctorum tuorum numero facias aggregari.

938 Propitiare quaesumus Domine anime famuli tui sacerdotis N. pro qua tibi supplicamus et hostias placationis offerimus. Et quia in hac luce fidei mansit catholice eius retributio condonetur in vita futura.

938 Deus vitae dator et humanorum corporum qui te a peccatoribus exorari voluisti exaudi preces nostras quas speciali devotione propter animam famuli tui sacerdotis N. tibi lacrimabiliter fundimus. Ut liberare eam ab inferorum cruciatibus et collocare inter agmina sanctorum tuorum digneris. Veste quoque caelesti et stola immortalitatis indui ac Paradisi tui amenitate eum iubeas confoveri.

939 Obsecramus misericordiam tuam aeterne omnipotens Deus qui hominem ad imaginem tuam creare dignatus es ut spiritum et animam famuli tui sacerdotis N. quem rebus humanis exemptum ad te accersiri iussisti blande et misericorditer susceptum in pacis regione iubeas collocari. Quo omni labe purgatus peccaminum beatorum perfruatur sine fine consortio.

939 Dignum et iustum est omnipotens aeterne Deus in omnibus iudiciis tuis exultare teque in universis operibus conlaudare. Quamvis etenim humano generi mortis sit inlata conditio pectora nostra animosque conturbet clementie tuae dono spe future immortalitatis erigimur ac memores aeterne salutis non timemus lucis huius sustinere iacturam. Quoniam beneficio gratie tuae fidelibus vita non tollitur sed mutatur. Et anime corporeo ergastulo liberate horrent mortalia dum immortalia consequuntur. Unde quaesumus ut famulus tuus sacerdos N. in beatorum tabernaculis constitutus evasisse carnales angustias gloriaetur diemque iudicii fiducia voto glorificationis expectet proclamans et dicens

939 Sancte Deus cui omnia vivunt et cui non pereunt moriendo corpora nostra sed mutantur in melius. Te supplices deprecamur ut in adventu Unigeniti tui cum geminam iusseris sistere plebem iubeas famulum tuum sacerdotem N. a numero disgregare malorum et evadere aeterna cruciamina inferorum. Ut iuste indeptus praemia vitae semper inextinctam mereatur auram luminis possidere. Ac de ultione securus placidis laetetur in oris semper victurus semperque in luce futurus.

940 Tibi Domine commendamus animam famuli tui sacerdotis N. ut defunctus saeculo tibi vivat et siqua per fragilitatem mundane conversationis peccata admisit tu misericordiosissime Deus venia pietatis absterge.

940 Ne recordaveris peccatum eius Domine quando veneris iudicare saeculum per ignem.

940 Hanc igitur oblationem quam tibi pro requie famuli tui sacerdotis N. offerimus Domine quaesumus ut placatus accipias et tua pietate concedas ut mortalitatis nexibus absolutus in cathalogo electorum resuscitari mereatur ad vitam.

940 Humiliate vos benedictioni. Dominus sit semper vobiscum.

940 Christus Dominus oblatam a vobis ob remedium famuli sui sacerdotis N. suscipiat precem et vobis post transitum aeternam praeparet mansionem. Quique morte sua mortis destruxit imperium secundae mortis ab eo aufferat dominatum. Ut in die iudicii ab auditu malo salvatus cum electis omnibus regnum adipiscere mereatur securus.

940 Per misericordiam ipsius Dei nostri

940 Qui venit ad me non esuriet qui credit in me non sitiet umquam.

940 Repletum est gaudium os nostrum et lingua nostra exsultatione.

940 Precamur te Deus omnipotens ut defuncti animam intercedentem ac de tua pietate misericordiam sperantem sic a delictis omnibus absolvas ut nullam in aeterna confusione ob noxam teneatur.

940 Per misericordiam tuam Deus noster

940 In nomine Domini nostri Iesu Christi anima eius per misericordiam Dei sine fine requiescat in pace.

941 Tu es portio mea Domine alleluia in terra viventium alleluia alleluia.

941 Educ de carcere animam meam ad confitendum nomini tuo.

941 Clamavi ad te Domine et dixi tu spes mea es portio mea in terra viventium.

941 Educ de carcere animam meam ad confitendum nomini tuo.

941 Deus aeterne

941 Audi me Iob tu confortare in me semper et non derelinquam te. Et dicit Iob. Tu es Dominus Deus meus et nomen tuum invocatum est super me. Expecto Domine ne derelinquas me. (Job)

941 Dominus sit semper

941 Domine exaudi

941 Silentium facite.

941 Omnia autem in caritate fiant et Deus pacis et dilectionis erit vobiscum

941 Amen amen dico vobis. Quoniam qui audit verbum meum et credit ei habet vitam aeternam et in iudicium non veniet sed transiet de morte ad vitam. (J 5)

941 Dominus sit semper

941 Animam quiescentem de inferno erue Deus paradiso restitue alleluia.

941 Quid dignum offeram Domino curva genua Deo excelso alleluia.

941 Laudabo nomen Dei mei cum cantico et magnificabo eum in laude.

941 Offerte Domino mundum sacrificium offerte Domino gloriam et honorem mundum sacrificium.

941 Kyrie eleison

941 Christe eleison. Kyrie Eleison. Dominus sit semper vobiscum.

941 Deus vera pietas et pia veritas invicta clementia et bonitas sempiterna. Qui nos a morte volens eripere Dominum nostrum Iesum Christum mortem fecisti subire ut illius usque ad infernum descensus noster esset ad caelum ascensus te suppliciter postulamus ut spiritum famuli tui N. quem de huius saeculi aerumnosa ac peregrinatione praecepisti vocari universa delictorum concessa remissione in Abrahae gremio iubeas collocare.

942 Obsecramus piissime Pater ut famulum tuum N. quem superni fontis genitalis abluit unda edax non audeat contingere flamma. Et quem Unigeniti tui cruor redemit effusus non sinatur vermis vorare perpetuus sed caelici agminis deductione protectus feralia ultricium poenarum ergastula transgrediatur illaesus et paradisi tui potiatur suavitate securus.

942 Offerentium muneribus recensitis te Dominum summae poscimus pietatis ut haec oblata nostra benigne suscipiens et sincerae pacis dulcedinem tribuere vivis et requiem iubeas praestare defunctis.

942 Deus qui es omnium spirituum requies et pax pretiosa sanctorum quaesumus ineffabilem potentiam tuam ut remissa famuli tui N. omni offensa noxarum plenam pacis tuae gratiam consequatur.

942 Dignum et iustum est aequum vere et salutare est omnipotens Deus receptor animarum et indultor omnium criminum tibi in commemorationem famuli tui N. tibi gratias agere hostiam laudis offerre. Unde tremendam maiestatis tuae indeficientemque quaesumus pietatem ut famuli tui N. quorum hodie facimus commemorationem non tartareas tenebras aut triste chaos habitationem incurrat. Sed his tabernaculis conlocatus quibus gratiarum ubertas iocundo splendore inluminatur aeternam beatitudinem possideat ac sanctorum coetibus sociatus futuri iudicii diem cum voto gratulationis expectet et cum omnibus sanctis hymnum caelesti modulatione personet et dicat.

943 Vere sanctus vere benedictus Dominus noster Iesus Christus filius tuus qui mortem moriens superavit et resurgendi nobis ianuam patefecit.

943 Te Iesu bone venisse iam credimus te venturum quoque fideliter praedicamus. Unde petimus et rogamus ut famulus tuus N. ob cuius memoriam haec sacrificia veneranda litamus quando superni examinis tempore angelicus clangor concusserit mundum corpus quod corruptibile deposuit percipiat incorruptum et quod mortalitate vestitum glorificatae carnis trophaeum revehens Domino venienti laetus occurrat et inter victricium turmarum triumphales catervas coronatus incedat a dextris quoque misericordiam inventurus assistat et sanctorum tuorum consortio deputatus regnum caeleste sine fine possideat.

943 Ne recordaberis peccatum eius Domine quando veneris iudicare saeculum per ignem.

943 Hostiam tibi Domine placationis pro famulo tuo N. offerimus obsecrantes ut sacri huius libaminis interventu propitius locum ei lucis et refrigerium beatae quietis indulgeas nos quoque ad te proclamantes exaudias.

943 Humiliate vos benedictioni. Dominus sit semper vobiscum.

943 Dominus Iesus Christus qui se a peccatoribus exorari praecepit ipse quod rogetur inspiret et in hac speciali oblatione famulum suum N. ab inferorum cruciatibus liberet. Illum paradisi amoenitate confoveat et vos morum probitate componat. Illi post onera carnis locum beatitudinis conferat et vobis in longaevitate peregrinationis indulgentiam tribuat criminis.

944 Per misericordiam ipsius Dei nostri

944 Repletum est gaudium

944 Suscipe Domine animam famuli tui N. vestem caelestem indue eam et lava eam in fonte vitae aeternae. Ut inter gaudentes gaudeat et inter sapientes sapiat et inter martyres sedeat et inter prophetas et apostolos. Christus eum custodiat et inter angelos et archangelos claritatem Dei praevideat et noticiam iustorum agnoscat.

944 Erigite vos. Dominus sit semper vobiscum.

944 Tu es portio mea

944 Veniat super nos Domine misericordia tua et salutare tuum et eloquium tuum.

944 Educ me carcere anumam meam ad conditendum nomini tuo.

944 Per omnia semper saecula saeculorum

944 Suscipe propitius orationem nostram qui sedes ad dexteram Dei Patris omnipotentis et quia tu solus es advocatus in caelis piissimum Patrem interpella pro nobis.

944 Per misericordiam tuam Deus noster

944 Locutus est Iob dicens (Job 7)

944 Dominus sit semper vobiscum. Et cum spiritu tuo.

944 Domine exaudi me

944 Silentium facite.

945 Ecce misterium vobis dico. Omnes quidem resurgemus sed non omnes immutabimur. In momento in ictu oculi in novissima tuba. Canet enim tuba et mortui resurgent incorrupti et nos immutabimur oportet enim corruptibile hoc induere incorruptionem et mortale hoc induere immortalitatem. Cum autem mortale hoc induerit immortalitatem tunc fiet sermo qui scriptus est. Absorpta est mors in victoria ubi est mors victoria tua Ubi est mors aculeus tuus Aculeus enim mortis peccatum est. Virtus vero peccati lex. Gratias autem Deo qui dedit nobis victoriam. (2K 15)

945 Quoniam audit verbum meum

945 Dominus sit semper vobiscum. Et cum spiritu tuo.

945 Kyrie eleison

945 Christe eleison. Kyrie Eleison. Dominus sit semper vobiscum.

945 Aeternam Dei Patris omnipotentis misericordiam fratres carissimi mentis intentione deprecemur pro spiritu et anima famuli sui ut si quid in huius carnis fragilitate insidiante diabolo peccavit pietas Domini nostri resolvere et condonare dignetur ut in locum lucis ac refrigerii eum transire et constituere praecipiat.

945 Domine Deus omnipotens tuam beatitudinem lamentabili et humili prece deposcimus ut animam et spiritum famuli tui cuius hodie in conspectu tuo commemorationem facimus in lege iustitiae tuae pia maiestate corrobores.

945 Offerentium nominibus recensitis te Deum summae poscimus pietatis ut hanc oblationem nostram benignus suscipias et sincerae pacis dulcedinem tribuere vivis et requiem iubeas praestare defunctis.

945 Invocantes nomen sanctum tuum Domine deprecamur ut animam famuli tui in pace collocare digneris cui soli licet augere merita pacificare iurgia et donare peccata.

946 Aequum et iustum est nos tibi semper gratias agere per Iesum Christum Filium tuum Dominum nostrum. Per quem te petimus infinita Trinitas Deus ut animam famuli tui in pagina libri viventium ascribas. Non eum torqueat gehennae calamitas non includat carcer horrificus inferorum sed ad vicem Abrahae et Eleazari patriarcharum sinibus receptus cum ad iudicandum veneris recepto corpore obviam venienti Domino cum sanctis omnibus gratuletur. Cui merito omnes Angeli et Archangeli non cessant clamare cotidie ita dicentes.

946 Vere sanctus vere benedictus Dominus noster Iesus Christus qui es rector animarum et indultor omnium peccatorum tibi enim in commemoratione famuli tui N. has offerimus hostias ut adscribas in libro sanctorum et sortem primae resurrectionis obtineat.

946 Obtemperantes talibus institutis te poscimus omnipotens Pater ut ad sanctificationem huius hostiae spiritualis Spiritum Sanctum quem Filius tuus promisit immitas ut per eum sanctificati uuius divinitatis mereamur percipere Trinitatem ut cum iustus advenerit iudex eos in nobis fructus quibus gloriae praeparatur inveniat.

946 Deus palmator animarum libera eum

946 Te deprecamur omnipotens Deus ut propitius orationum nostrarum vota respicias et famulo tuo N. refrigerium miserationis infundas. Per Dominum nostrum Iesum Christum Filium tuum qui nos docuit orare et dicere e terris.

947 Humiliate vos benedictioni. Dominus sit semper vobiscum.

947 Summus excelsus Dominus qui vitam et mortis potestatem dispensat ipse et vivis conversationem corrigat et defuncto pro quo supplicamus requiem tribuat. Illis in carne contracta omnia peccata dimittat illi autem inspiramine suo viam salutis aperiat. Illis in resurrectione concedat gloriam isti etiam suam sine confusione praesentiam.

947 Per misericordiam ipsius Dei nostri

947 Qui venit ad me non esuriet qui credit in me non sitiet umquam.

947 Repletum est gaudio os nostrum et lingua nostra in exultatione.

947 Oramus te Domine sancte Pater aeterne omnipotens Deus pro spiritu et anima famuli tui N. ut ei tribuas requiem sempiternam. Ut cum dies ille resurrectionis ac remunerationis advenerit per hanc sacrosanctam communionem non cum impiis et peccatoribus sed cum sanctis et electis tuis eum adstare praecipias.

947 Omnipotens aeterne Deus et conditor omnium elementorum et perpetua claritas angelorum attende propitius et respice miseratus et nostras orationes exaudi placatus. Et hanc oblationem quam tibi offerimus in commemorationem famulorum tuorum quos post sacri baptismatis undam a te innocentia sua mundos accersire iussisti pius ac benignus accepta nostraque delens facinora a malis actibus placatus munda.

948 Tua sunt Domine omnia qui animas amas qui innocentia parvulos ad te vocas et peccatores iustificas. tuam ergo clementiam imploramus ut eis qui tibi placuerunt eorum nos consortes efficias. Ut animarum ad te viventium impetremus quietem et nobis praecantibus a te venia concedatur et gratia.

948 Illabere Domine his hostiis tibi oblatis et susceptis fidelium votis et requiem iube praerogare defunctis.

948 Pacem tuam Domine quam tenendam tuis commendasti apostolis nobis concede servandam miseris servis tuis. Ut eorum nos iungas consortiis quos ad te accersiri iussisti cum omnibus sanctis illi gloriaentur in paradisi amenitate et nos quandoque ad te mereamur pervenire in pace.

948 Dignum et iustum est aequum vere et salutare est nos tibi semper gratias agere Domine sancte Pater aeterne omnipotens Deus per Iesum filium tuum Dominum nostrum. Qui nos sui sanguinis praetio redemit et ab antiqui hostis imperio liberavit. Qui volens salvum facere quod perierat humanam non est dedignatus assumere formam. Qui per sacri baptismatis undam generari et dimitti omnia dixit peccata per paenitentiam ergo mundari promisit ex proprio. Per ipsum ergo te Pater invocamus omnipotens ut nobis semper invocatus assistas et hoc sacrificium propitiatus acceptes. Sit in conspectu oratum quod a nobis indignis tibi conspicis esse oblatum. Animas quoque parvulorum tuorum quas e saeculo a te mundari et vocari iussisti illorum Bethlemiticorum consortio iunge qui pro Iesu Christo filio tuo Domino nostro occisi eum quocumque ierit sequuntur in albis. Ut cum nos tibi eorum spiritus commendamus nostrorum criminum apud te veniam impetremus. Per ipsum Dominum nostrum Iesum Christum quem conlaudant Angeli atque Archangeli et non cessant clamare ita dicentes.

949 Vere sanctus et vere benedictus tu Deus Pater omnipotens et Iesus Christus filius tuus Dominus noster qui nobis salutaris fons gratiam tribuit et gloriam iterate nativitatis indulsit atque a diaboli laqueis exemptos innocentes suis conspectibus reddit.

949 Facientes commemorationem passionis mortis et resurrectionis tuae Christe o Domine redemptor omnipotens precamur ut has hostias in commemorationem parvulorum defunctorum tuorum N. sanct altario tuo impositas intendas propitius sanctifices et benedicas. Quae et pro quibus offeruntur impetremus quietem et nobis proficiant ad salutem.

949 Ierusalem civitas sancta suscipe quia non nobis saeculum obfuit nec perpetravimus malum de ventre matris nostrae continuit nos obitus ne videremus laborem et dolorem.

949 Deus probator conversationis et conditor qui innocentes coronas et peccatores iustificas praesta ut ab occultis nostris mundemur et cum fiducia tibi proclamemus e terris.

949 Humiliate vos benedictioni. Dominus sit semper vobiscum.

949 Ob recordationem diei fidelium parvulorum suorum N. benedicat vos omnipotens Dominus et propitietur in omnibus. Illos paradisi amenitate confoveat et vos sua protectione custodiat. Illis tribuat consortium beatorum et vobis omnibus indulgentiam peccatorum.

949 Per misericordiam ipsius Dei nostri

949 Qui venit ad me non esuriet qui credit in me non sitiet umquam.

949 Repletum est gaudium

949 Oramus te Domine

950 Erigite vos. Dominus sit semper vobiscum.

950 Fac cum servis tuis Domine misericordiam alleluia alleluia.

950 Ad te levavi oculos nostros qui habitas in caelis.

950 Veniat super nos Domine misericordia tua et salutare tuum et eloquium tuum.

950 Et respondebo exprobantibus mihi verbum quia speravi in sermonibus tuis.

950 Fac quaesumus Domine hanc cum servis tuis omnibus fidelibus defunctis misericordiam ut factorum suorum in penis non recipiant vicem qui tuam in votis tenuerunt fidei veritatem. Ut sicut hic vera fides eos adiunxit fidelium turmis ita eos illuc tua miseratio adsociet angelicis choris.

950 Per misericordiam tuam Deus noster

950 Orietur in tenebris lumen vobis et tenebrae vestrae erunt sicut meridies et requiem dabit vobis Dominus semper. Et replebit splendoribus animas vestras et ossa vestra liberabit. Et eritis quasi hortus irriguus et sicut fons aquarum cui non deficiunt aquae. Ait Dominus omnipotens. (Is 58)

950 Dominus sit semper vobiscum. Et cum spiritu tuo.

950 Dona Domine requiem famulis tuis.

950 Conloca eos Domine in loca beatorum tuorum.

950 Silentium facite.

950 Nemo vestrum sibi vivit et nemo sibi moritur. Sive enim vivimus Domino vivimus. Sive enim morimur Domino morimur. Sive enim vivimus sive morimur Domini sumus. In hoc enim Christus mortuus est et resurrexit ut vivorum et mortuorum dominetur. Tu autem qui iudicas fratrem tuum aut quare spernis fratrem tuum Omnes enim stabimus ante tribunal Christi. Scriptum est enim. Vivo ego dicit Dominus quoniam mihi flectetur omne genu et omnis lingua confitebitur Deo. (R 14)

951 Dominus Iesus Christus loquebatur discipulis suis

951 Dominus sit semper vobiscum. Et cum spiritu tuo.

951 Animas quiescentes de inferno que Deus paradiso restitue.

951 Offerimus tibi Domine sacrificium pro peccatis eorum qui cum pietate dormitionem acceperunt ut optimam habeant repositam apud te gratiam alleluia.

951 Laudate Dominum qui timetis eum in medio ecclesiae laudabunt Dominum qui requirunt eum.

951 Offerte Domino mundum sacrificium offerte Domino gloriam et honorem.

951 Kyrie eleison

951 Christe eleison. Kyrie eleison. Dominus sit semper vobiscum.

951 Domine Iesu Christe qui pro reparatione humani generis in hunc mundum a Deo Patre venire dignatus es deprecamur sanctam clementiam tuam per hoc sanctum sacrificium quod tibi a nobis offerre docuisti ut animas et spiritus famulorum tuorum N. et N. quos tibi commendamus ab aeterna poena interitu eruas. Et si quid in hoc corpore positi delictorum sunt lapsibus maculati pietate solita eis indulgeas et in requie electorum tuorum manere eos praecipias et omni populo tuo placatus veniam peccatorum concedas.

951

951 Omnipotentiam tuam Domine Iesu Christe apud quem multae sunt mansiones imploramus ut animas et spiritus famulorum tuorum N. et N. ab aestuantis ignis ardoribus eruas atque in locum lucis et refrigerii post dimissa crimina heredes constituas.

952 Miserator et misericors Domine Iesu Christe qui cum Deo Patre in sempiterna gloria permanes gloriam tuam per huius sacrificii interventum deposcimus ut animas et spiritus famulorum tuorum N. et N. Sancti Spiritus consolatione reficias et omnibus defunctis in pace tua quiescentibus requiem largiaris aeternam.

952 Pax aeterna Domine Deus noster pacis nobis copiam placatus concede atque fructum laetitiae sempiternae irradia ut famulis tuis N. et N. et omnibus fidelibus defunctis pro quibus hodie hanc tibi hostiam immolantes offerimus consolationis tuae beneficia conferas nostrorumque omnium peccata deleas et pacis concordiam nobis attribuas.

952

952 Dignum et iustum est nos tibi gratias agere et spiritualia sacrificia celebrare Domine sancte Pater omnipotens Deus per Iesum Christum Filium tuum Dominum nostrum. Qui pietate summa humanitatem praestitit mundo et morti exstitit morsus et multorum sanctorum animas eruit de inferno. Per ipsum te Pater omnipotens deprecamur ut hoc sacrificium quod pro remedio famulorum tuorum N. et N. tibi offerimus suscipere digneris propitius. Ut per intercessionem Sanctae Mariae Virginis et omnium sanctorum tuorum eos constituere iubeas in dexterae tuae partem et nos omnes qui te Deum confitemur in Trinitate miserationis tuae sentiamus opem. Quia tibi omnes Angeli et Archangeli non cessant clamare ita dicentes.

952 Vere sanctus vere benedictus es Domine Iesu Christe qui vivis praestas salutem et defunctos perducis ad requiem. Te ergo poscimus mentis intentione ut hoc sacrificium acceptans digneris sanctificare et famulorum tuorum N. et N. pro quibus tibi holocaustum offerimus locum lucis aeternae tribuas possidere nobis quoque te orantibus praesentis temporis concedas salutem et defunctis fidelibus aeterna fac perfrui luce.

953 Credimus te Domine Iesu Christe omnium esse virtutem rogamus te Deus piissime ut precem nostram iubeas exaudiri propitius et omnibus in te credentibus peccata iubeas dimitti et huius sacrificii munera per manus sancti Angeli tui iubeas sanctificari. Defunctorum quoque famulorum tuorum N. et N. qui in te credentes ab hac discesserunt luce locum tribue electorum in regione vivorum.

953 Memento congregationis tuae Domine quam creasti ab initio.

953 Deus te scimus vitam esse viventium et requiem defunctorum preces nostras placatus suscipe et cuncta nobis peccata dimitte defunctis famulis tuis N. et N. requiem tribue et nos ad te collaudandum idoneos effice ut fiducialiter praeconio oris et vocis proclamaverimus e terris.

953 Humiliate vos benedictioni. Dominus sit semper vobiscum

953 Benedicat vos Dominus noster Iesus Christus qui cunctorum est auctor ... locum perpetuae lucis.

953 Per misericordiam ipsius Dei nostri

953 Qui venit ad me non esuriet qui credit in me non sitiet umquam

953 Repletum est gaudium

953 Oramus te Domine sancte Pater aeterne omnipotens Deus pro spiritibus et animabus famulorum tuorum N. et N. ut eis tribuas requiem sempiternam. Ut cum dies ille resurrectionis ac remunerationis advenerit per hanc sacrosanctam communionem non cum impiis et peccatoribus sed cum sanctis et electis tuis eos adstare praecipias

954 Ave virginum speciosa virgo illaeso pudore Deus enixa.

954 Te angelorum hominumque catervae Dei venerantur parentem et conlaudabant.

954 Magnificent te Deus cunctae creaturae quarum conditor tam insignem hominis fabricam eiusdem carnis assumptione in alvo virginea Beatae Mariae recumbens illustrare dignatus es. Eius quaesumus interventu nobis mentis et corporis tribue pudicitiam qui eius nivei pudoris claustra illibata servasti post partum.

954 Pete tibi signum a Domino Deo tuo in profundum inferni sive in excelsum supra. Et dixit Achas non petam et non tentabo Dominum. Et dixit audite ergo domus David numquid parum vobis est molestos esse hominibus quia molesti estis Deo meo. Propter hoc dabit vobis Dominus ipse signum. Ecce virgo concipiet et pariet filium et vocabitur nomen eius Emmanuel. Butirum et mel comedet ut sciat reprobare malum et eligere bonum. (Is 7)

954 Intemerata viscera Maria digna caelesti consortio et qua in terris Deus carnem induit.

954 Et in caelis regiam aulam sibi Mariam fabricatus est.

955 Silentium facite.

955 Discipuli Domini nostri Iesu Christi reversi sunt Hierosolymam a monte qui vocatur Oliveti qui est iuxta Ierusalem sabbati habens iter. Et cum introissent in cenaculum ascenderunt ubi manebat Petrus et Iohannes et Iacobus et Andreas Philippus et Thomas Bartholomeus et Matthaeus Iacobus Alphei et Simon Zelotes et Iudas Iacobi. Hi omnes erant perseverantes unanimiter in oratione cum mulieribus et Maria matre Iesu et fratribus eius. (Act 1)

955 Dixit Maria mater Domini ad Iesum fili quid fecisti nobis Ecce pater tuus et ego dolentes quaerebamus te. Et ait ad illos. Quid est quod me quaerebatis Nesciebatis quia in his quae Patris mei sunt oportet me esse Et ipsi non intellexerunt verbum quod locutus est ad eos. Et ascendit cum illis et venit Nazareth. Et erat subditus illis. Et mater eius conservabat omnia verba haec in corde suo. (L 2)

955 Dominus sit semper vobiscum

955 Concinat Dei Genitricis laudes lingua pudica quae inviolabilis pudoris virgo peperit.

955 Virgo post partum Dei gratissima coniux gaude cunctorum mater fidelium.

955 Tibi sancte Pater omnipotens sempiterne Deus hostias immolamus Filii tui Domini nostri Iesu Christi matris munera recolentes. Cuius intercessione placatus nostrorum ablue sordes delictorum ut quae immaculata concepit virgoque peperit fidelium reatus intemerata precibus emundet.

955 Tendamus ad omnipotentis Dei misericordiam supplices palmas qui Virginis Mariae pudici decoris thalamum praeelegit quae unigenitum Filium suum mundi salutem pareret. Praestet beatissima Virgo et parens nobis protectionis auxilium. Ad cuius labia meliflua facile Pius inclinat aures Filius immensae clementiae auctor. O sponsa Dei Maria auditum pulsa clementem Patris ac Nati ut nostras miseratus ruinas pia lumina misericorditer flectat quo piacula mundet et crimina laxet et culparum pondera relevet iacentium poenarumque sarcinas tollat. Eia pudoris almi Virgo foecunda funde preces ad Filium ut nobis praestet auxilium. Labimur sine te suffragante Maria mergimur profunda scelerum abysso absque Filii tui remigio salutari porrige ergo pias lapsis manus. Confirma labantes languidos refove ac tibi laudum vota reddentes propitia exaudire digneris.

956 Omnipotens adorande tremendeque Deus qui providentia ineffabili rerum dirigis cursus cunctarum et pondere libras aquarum gurgites elementaque locis aptas quorum mixtione corpora subsistere iubes ut mirabilium tuorum non modo in magnis sed in parvis insignia ostendas. At maiestati tuae parum erat condidisse omnia quibus leges imponeres nisi hominis lapsum cui servirent reparando reformares. Quippe cecidisse Evam luctus nostri parentem quid posteris miserius nobis Verum gratiae plenitudine te Domine obumbrasse Mariam quid felicius Genuit illa flebiles et perituros concepit ista Deum hominem pristinae ruinae reparatorem. Cecidit homo infelicis culpae reus suscepit ex Maria hominem qui nos redimeret Deus. Speciosa Dei Patris sponsa atque Filium Dei paritura a saeculis praelecta oret pro nobis pia interventrix ut piaculis expiati Patrem cum Filio et Spiritu Sancto vocibus sinceris cum Maria laudemus atque sine fine cernui unum in Trinitate Deum adoremus in saecula saeculorum.

956 Te Deum Filium Dei summis gratiarum muneribus excolimus licet Incarnationis tuae sacratissimae mysteria recensere dignis clamoribus non sufficimus cum Virginis Matris tuae in alvo ad salutem humani generis foedera sunt inita eius ergo interventu nos caelo dignos efficere digneris qui eius claustrum pudicitia decorum subire non dedignatus hominum commercium caelestium spirituum consortium mirabili providentia inire fecisti. Per cuius sanctissima merita te supplices postulamus ut a contagiis terrenae foeditatis corda tuorum emacules et gratia tua mentes nostras visitando refundas quo pausantium animabus requiem et vivis pacem largiaris.

957 Miserere plebis tuae Domine miserere qui eximiae caritatis tuae clementia nostrae carnis mortalitatem sumere atque crucis eculeum subire voluisti quique Virginem Matrem pro nobis reatibus pendens in ligno Virgini discipulo commendasti placare quaesumus ob nostra facinora infensus ut tuae propitiationis abundantia pacis tuae commendatione mereamur in hac peregrinatione et adversa pati patienter et secundis sobria pace gaudere.

957 Vere dignum et aequum est summo immortalique Deo gratias immortales omni conatu agere et Iesu Christo aeterno Filio suo ex Virgine gloriosa beata Maria Spiritu Sancto obumbratione concepto atque denuo pro nostra salute nato qui ex semine David secundum carnem Virginem mundissimam de qua nasceretur propheticis oraculis se praefatum nasciturum elegerat. Virgo nempe regia non alta sapiens sed humilia respiciens ab angelo nuntiante salutata sed non corde exaltata quae ad laudes proprias turbata est non gaudio effusa quae prior fide in mente genuit quam in ventre Deum quem natum adorat creatorem quem Angelorum obsequia plusquam hominem testantur qui palam fit pastoribus quem sapientium obtusa corda non noverat astrum iubaris insoliti Reges docet et antecedit ducatum praebens ad Salvatorem qui vagiens in praesepe Regum sceptra curvavit et qui matri non intulit fastidia ventris eius suffudit mirabili iubilo mentem. In partu Virginem se laeta miratur in Filio se matrem Altissimi laetatur lactabat prolem Virgo per quam pascitur homo. Te igitur omnipotentem mirabilia opera exaltant quia maiora feceris redimendo quam creando. Condidisti nos in sapientia redemisti in misericordia quem decet hymnus quem merito Angelorum laudat exercitus et unanimiter spiritus iustorum laudantes adorant ita dicentes

958 Vere sanctus vere beatus Dominus noster Iesus Christus qui Matris sanctissimae misertus virginali eius pudicitiae virginem custodem destinavit quae in terris celebris hominibus ab Angelis celebrior in caelis colitur. Illa mysteriorum divinorum conscia parens apostolorum non ignara mali consolabatur aerumnas et Filii arcana fidelis et mystica discipulis revelabat. Cuius ex melle dulcior fluebat oratio cooperante Domini Matre Filii eius affluentia qui vivit et omnia regit cum Patre et Spiritu Sancto.

958 Illustratione tua Christe Iesu mentium nostrarum tolle caliginem nam Virginis Matris tuae meritis poscimus adiuvari oramusque ut eius patrocinio haec oblata sanctifices et sanctificata nostrorum tergant scelerum maculas et ad tua promissa nos dirigere digneris.

958 Deus virtutum sponsae tuae Ecclesiae indeficiens ... observatiam nos dirigere digneris et praesta ut puro corde quod praecipis oremus e terris.

958 Humiliate vos benedictioni. Dominus sit semper vobiscum

958 Misericors Deus per illam caritatem quam habuit erga virginem ... in gremio matris ecclesiae.

958 Per misericordiam Dei

958 Gustate et videte

959 Sumpsimus Domine tui corporis et sanguinis salutarem refectionem quaesumus ut interventu gloriosae Virginis Mariae adsit nobis mentis et corporis robur per hoc sacramentum ut ad vitam aeternam sit viaticum sempiternum. Perennitatis nostrae sumpsimus Verbi incarnati mysterium quod in utero Virginis Mariae nostrae carnis commercium assumere dignatum est ea igitur interveniente patrona aeternae in nobis vitae gratiam operare bone Iesu.

959

963 Adiutorium nostrum

963 Sit nomen Domini

963 Domine exaudi

963 Dominus sit semper

963 Benedic Domine creaturam istam panis sicut benedixisti quinque panes

963 Dominus sit semper

963 Benedictio Dei Patris omnipotentis

963

964

Index

Conspectus