144 Oportet primum haec fieri sed non statim finis ... possidebitis animas vestras.

144 Munera tibi Domine nostrae devotionis offerimus quae et pro cunctorum tibi grata sint honore iustorum et nobis salutaria te miserante reddantur.

144 Clementiam tuam suppliciter obsecrantes ut cum exsultantibus sanctis in caelesti regni cubilibus gaudia nostra coniungas et quos virtutis imitatione non possumus sequi debite venerationis contingamus affectu.

144 Omnipotens sempiterne Deus qui nos omnium sanctorum tuorum multiplici facis celebritate gaudere concede quaesumus ut sicut illorum commemoratione temporali gratulamur officio ita perpetuo laetemur aspectu.

145 Da quaesumus Domine fidelibus populis omnium sanctorum veneratione laetari et eorum perpetua supplicatione muniri.

145 Sic age quasi redditurus Deo rationem pro his rebus quaeque istis clavibus recluduntur.

145

145 Domine sancte Pater omnipotens aeterne Deus benedicere digneris hos famulos tuos ill. hostiarios ut inter ianitores ecclesiae parent obsequia et inter electos tuos partem tuae mereantur habere mercedis.

145 Domine sancte Pater omnipotens aeterne Deus benedicere digneris famulos tuos hos ill. in officio lectorum ut assiduitate lectionum distincti atque ordinati quorum modulis spiritali devotione grata resultet ecclesia.

146 Domine sancte Pater omnipotens aeterne Deus benedicere digneris famulos tuos ill. in officio exorcistarum ut per impositionem manuum et oris officium eos eligere digneris ut imperium habeant spirituum immundorum coercendi et probabiles sint medici ecclesiae gratiae curationum virtute confirmati.

146 Domine sancte Pater omnipotens aeterne Deus qui per Iesum Christum Filium tuum in hunc mundum lumen claritatis misisti qui in cruce passionis suae atque triumpho sanguinem et aquam dignatus est fundere et per apostolos suos in hoc saeculo lumen gratiae spiritalis emisit benedicere digneris hos famulos tuos ill. in officio acolythorum ut ad accen(den)dum claritatis ecclesiae tuae lumen et ad suggerendum vinum et aquam ad conficiendum sanguinis tui mysterium ad offerendum eucharistiam sanctis altaribus tuis fideliter subministrent. Accende Domine eorum mentes et corda ad amorem tui eosque caelestis gratia miserationis et virtute confirma.

147 Domine sancte Pater omnipotens aeterne Deus benedicere digneris famulos tuos hos quos ad subdiaconatus officium eligere dignatus es ut eos sacrario tuo sancto strenuos sollicitosque caelesti militia instituas ut sanctis altaribus fideliter subministrent. Et requiescat super eos spiritus sapientiae et intellectus spiritus consilii et fortitudinis spiritus scientiae et pietatis. Repleas eos spiritu timoris tui ut eos ministerio divino confirmes ut oboedientes in factis atque dictis tuam gratiam consequantur.

147 Oremus dilectissimi Deum Patrem omnipotentem ut super hos famulos suos quos in sacro ordine dignatus est assumere benedictionis suae gratiam clementer effundat eisque donum consecrationis indulgeat per quod eos ad praemia aeterna perducat.

147 Exaudi Domine preces nostras et super hos famulos tuos spiritum tuae benedictionis emitte ut caelesti munere ditati et tuae gratiam possint maiestatis acquirere et bene vivendi aliis exemplum praebere.

148 Adesto quaesumus omnipotens Deus honorum dator ordinum distributor officiorumque dispositor qui in te manens innovas omnia et cuncta disponens per verbum virtutem sapientiamque tuam Iesum Christum Filium tuum Dominum nostrum sempiterna providentia praeparas et singulis quibusque temporibus aptanda quaeque dispensas cuius corpus Ecclesiam tuam caelestium gratiarum varietate suorumque conexam distinctione membrorum per legem mirabilem totius compaginis unitam in augmentum templi tui crescere dilatarique largiris sacri muneris servitutem trinis gradibus ministrorum nomini tuo ministrare constituens electis ab initio Levi filiis qui mysticis operationibus domus tuae fidelibus excubiis permanentes hereditatem benedictionis aeternae sorte perpetua possiderent. Super hos famulos tuos quaesumus Domine placatus intende quos tuis sacrariis servituros in officium diaconii suppliciter dedicamus. Et nos quidem tamquam homines divini sensus et summae rationis ignari horum vitam quantum possumus aestimamus. Te autem Domine ea quae nobis sunt ignota non transeunt te occulta non fallunt tu cognitor secretorum tu scrutator es cordium tu eorum vitam caelesti poteris examinare iudicio quo semper praevales et amissa purgare et ea quae sunt agenda concedere. Emitte in eos Domine quaesumus Spiritum Sanctum quo in opus ministerii fideliter exsequendi septiformis gratiae munere roborentur. Abundet in eis totius forma virtutis auctoritas modestiae pudor constans innocentiae puritas et spiritalis observatio disciplinae. In moribus eorum praecepta tua fulgeant ut suae castitatis exemplo imitationem sanctae plebes acquirant et bonae conscientiae testimonium proferentes in Christo firmi et stabiles perseverent dignisque successibus de inferiori gradu per gratiam tuam capere poti ora mereantur.

149 Oremus dilectissimi Deum Patrem omnipotentem ut super hos famulos suos quos ad presbyterii munus elegit caelestia dona multiplicet.

149 Exaudi nos Domine Deus noster et super hos famulos tuos benedictionem Sancti Spiritus et gratiae sacerdotalis effunde <virtutem> ut quos tuae pietatis affectibus offerimus consecrandos perpetui muneris tui largitatem consequantur.

149 Domine sancte Pater omnipotens aeterne Deus honorum auctor et distributor omnium dignitatum per quem proficiunt universa per quem cuncta firmantur amplificatis semper in melius naturae incrementis per ordinem congrua ratione dispositum unde et sacerdotales gradus atque officia levitarum sacramentis mysticis instituta creverunt. ut cum pontifices summos regendis populis praefecisses ad eorum societatis et operis adiumentum sequentis ordinis viros et secundae dignitatis eligeres. Sic in heremo per septuaginta virorum prudentium mentem Moysis spiritum propagasti quibus ille adiutoribus usus in populo innumeras multitudines facile gubernaret. Sic et in Eleazaro et Ithamar paternae plenitudinis abundantiam transfudisti ut ad hostias salutares et frequentioris officii sacramenta ministerium sufficeret sacerdotum. Hac providentia Domine apostolis Filii tui doctores fidei comites addidisti quibus ill. orbem totum secundis praedicatoribus impleverunt. Quapropter infirmitati quoque nostrae Domine haec adiumenta largire qui quanto magis fragiliores sumus tanto his pluribus indigemus. Da quaesumus omnipotens Pater in hos famulos tuos presbyterii dignitatem innova in visceribus eorum spiritum sanctitatis acceptum a te Deus secundi meriti munus obtineant censuramque morum exemplo suae conversationis insinuent. Sint providi cooperatores ordinis nostri ut luceat in eos totius forma iustitiae ut bona rationis sibi creditae reddituri aeternae beatitudinis praemia consequantur.

150

150 Adesto supplicationibus nostris omnipotens Deus et quod humilitatis nostrae gerendum est ministerio tuae virtutis impleatur effectu.

150 Propitiare Domine supplicationibus nostris et inclinato super hunc famulum tuum cornu gratiae sacerdotalis et benedictionis tuae in eo effunde virtutem.

151 Deus honorum omnium Deus omnium dignitatum quae gloriae tuae sacris famulantur ordinibus. Deus qui per Moysen famulum tuum secreti familiaris affatu inter caetera caelestis documenta culturae de habitu quoque indumenti sacerdotalis instituens electum Aaron mystico amictu vestiri inter sacra iussisti ut intellegentiae sensu de exemplis priorum caperet secutura posteritas ne eruditio doctrinae tuae ulli umquam deesset aetati cum et apud veteres reverentiae ipsa significationum species obtineret et apud nos certiora essent experimenta rerum quam enigmata figurarum. Illius namque sacerdotii anterioris habitus nostrae mentis ornatus est et pontificalem gloriam non iam nobis honor commendat vestium sed splendor animarum. Quia et illa quae tunc carnalibus blandiebantur obtutibus ea potius quae in ipsis erant intellegenda poscebant. Sed idcirco huic famulo tuo quem ad summi sacerdotii ministerium elegisti hanc quaesumus Domine gratiam largiaris ut quicquid illa velamina in fulgore auri in nitore gemmarum in multimodi operis varietate signabant hoc in eius moribus actibusque clarescat. Comple in sacerdote tuo mysterii tui summan et ornamentum totius glorificationis instructum caelestis ungenti flore sanctifica. Hoc Domine copiose in eius caput influat hoc in [hioris subiecta decurrat hoc in totius corporis extrema descendat ut tui spiritus virtus et interiora eius repleat et exteriora circumtegat. Abundet in eo constantia fidei puritas dilectionis sinceritas pacis. Tribue ei cathedram episcopalem ad regendum Ecclesiam tuam et plebem universam. Sis ei auctoritas sis ei firmitas sis potestas. Multiplices super eum benedictionem et gratiam tuam ut ad exorandum misericordiam tuam tuo munere semper idoneus tua gratia possit esse devotus.

152 Haec hostia Domine emundet nostra delicta et sacrificium celebrandum subditorum tibi corpora mentesque sanctificet.

152 Hanc igitur oblationem servitutis nostrae sed et cunctae familiae tuae quam tibi offerimus etiam pro famulo tuo ill. quem ad episcopatus ordinem promovere dignatus es quaesumus Domine ut placatus accipias et propitius in eo tua dona custodias ut quod divino munere consecutus est divinis effectibus consequatur.

152 Haec nos Domine communio purget a crimine et caelestis remedii faciat esse consortes.

152 Deus qui non propriis suffragantibus meritis sed sola ineffabilis gratiae tuae largitate me familiae tuae praeesse iussisti: tribue tibi digne persolvere ministerium sacerdotalis officii et ecclesiasticis convenienter servire mysteriis plebemque commissam te in omnibus protegente gubernare concede.

153 Deus mundi creator et rector ad humilitatis meae preces placatus attende et me famulum tuum qui nullis suffragantibus meritis sed immensa largitate clementiae tuae caelestibus mysteriis servire tribuisti dignum sacris altaribus fac ministrum ut quod mea celebranda voce (de)promitur tua sanctificatione firmetur.

153 Ad gloriam Domine tui nominis annua festa repetentes sacerdotalis exordii hostiam tibi laudis offerimus suppliciter exorantes ut cuius ministerii vice tibi servimus inmeriti suffragiis eius reddamur accepti.

153 Hanc igitur oblationem quam tibi offero ego tuus famulus et sacerdos ob diem in quo me dignatus es ministerio sacro constituere sacerdotem obsecro Domine placatus suscipias. Unde maiestatem tuam supplex exoro ut quod in me largiri dignatus es propitius custodire digneris.

153 Repleantur consolationibus tuis Domine quaesumus tuorum corda fidelium pariterque etiam et ecclesiae praesule et suorum votorum plenitudine gratiarum referant actionem.

154 Domine Deus qui in regenerandis plebibus tuis ministerio uteris sacerdotum: tribue nobis perseverantem in tua voluntate famulatum ut dono gratiae tuae in diebus nostris et merito et numero sacratus tibi populus augeatur.

154 Huius sacrificii potentiam Domine quaesumus ut vetustatem nostram clementer extergat et novitatem nobis augeat et salutem.

154 Communicantes et diem sacratissimum celebrantes quo traditus est Dominus noster Iesus Christus. Sed et memoriam.

154 Hanc igitur oblationem famulorum famularumque tuarum quam tibi offerunt ob diem in qua[m] Dominus noster Iesus Christus tradidit discipulis suis corporis et sanguinis sui mysteria celebranda quaesumus Domine placatus accipias et tua pietate concedas ut per multa curricula annorum salvi et incolumes munera sua tibi Domino mereantur offerre. Per Christum Dominum nostrum. Quam oblationem.

154 Per quem haec omnia Domine

154 Emitte quaesumus Domine Spiritum Sanctum Paraclitum de caelis in hanc pinguedinem olei quam de viridi ligno producere dignatus es ad refectionem mentis et corporis. Et tua sancta benedictione sit omni ungenti gustanti tangenti tutamentum corporis animae et spiritus ad evacuandos omnes dolores omnem infirmitatem omnem aegritudinem mentis et corporis. Unde unxisti sacerdotes reges et prophetas et martyres. Chrisma tuum perfectum nobis a te Domine benedictum permanens in visceribus nostris in nomine Domini nostri Iesu Christi.

155 Per quem haec omnia Domine semper bona creas ... Per omnia saecula saeculorum. Amen.

155 Dominus vobiscum. Respondit: Et cum spiritu tuo.

155 Deus incrementorum et profectuum spiritalium remunerator qui virtute Sancti Spiritus tui imbecillarum mentium rudimenta confirmas te oramus Domine ut venturis ad beatae regenerationis lavacrum tribuas per unctionem istius creaturae purgationem mentis et corporis ut si qua illis adversantium spirituum inhaeserunt <reliquiae> ad tactum sanctificati olei huius abscedant. Nullis spiritalibus nequitiis locus nulla refugis virtutibus sit facultas nulla insidiantibus malis latendi licentia relinquatur sed venientibus ad fidem servis tuis et Sancti Spiritus operatione mundandis sit unctionis huius praeparatio illis utilis ad salutem quam etiam per caelestis regenerationis nativitatem in sacramento sunt baptismatis adepturi. Per Dominum nostrum Iesum Christum qui venturus est iudicare vivos et mortuos et saeculum per <ignem.>.

156 Per quem haec omnia Domine.

156 Dominus vobiscum ... Sursum corda

156 Qui in principio inter caetera bonitatis et pietatis tuae munera terram producere fructifera ligna iussisti inter quae pinguissimi liquoris ministrae oleae nascerentur quarum fructus sacro chrismati deserviret. Nam et David prophetico spiritu gratiae tuae sacramenta praenoscens vultus nostros in oleo exhilarandos esse cantavit. Et cum mundi crimina diluvio quondam expiarentur effuso in similitudinem divini muneris columba demonstrans per olivae ramum pacem terris redditam nuntiavit. Quod in novissimis temporibus manifestis est affectibus declaratum cum baptismatis aquis omnium criminum commissa delentibus haec olei unctio vultus nostros iucundos effecit atque serenos. Inde etiam Moysi famulo tuo mandatum dedisti ut Aaron fratrem suum prius aqua lotum per infusionem huius unguenti constitueret sacerdotem. Accessit adhuc amplior honor cum Filius tuus Iesus Christus Dominus noster lavacrum a Ioanne undis Iordanicis exegisset et ut Spiritu Sancto in columbae similitudine desuper misso unigenitum tuum in quo tibi optime complacuisse testimonio subsequentis vocis ostenderes hoc illud esse manifestissime comprobaveris quod eum oleo laetitiae prae consortibus suis ungendum David propheta cecinisset. Te igitur deprecamur Domine sancte Pater omnipotens aeterne Deus per Iesum Christum Filium tuum Dominum nostrum ut huius creaturae pinguedinem sanctificare tua benedictione digneris et Sancti Spiritus ei immiscere virtutem per potentiam Christi tui a cuius sancto nomine chrisma nomen accepit unde unxisti sacerdotes reges prophetas et martyres tuos ut sit his qui renati fuerint ex aqua et Spiritu Sancto chrisma salutis eosque aeternae vitae participes et caelestis regni facias esse consortes. Per eundem Dominum nostrum Iesum Christum Filium tuum.

157 Oremus. Praeceptis salutaribus moniti.

157 [Pater noster]

157 Libera nos quaesumus Domine.

157

157 Concede quaesumus Domine ut perceptum novi sacramenti mysterium et corpore sentiamus et mente.

157 Praesta quaesumus Domine ut sicut de praeteritis ad nova transimus ita vetustate reposita sanctificatis mentibus innovemur.

157 Respice omnipotens Deus de caelo plebem tuam pro cuius redemptione dignatus es nasci de virgine. Complectere hunc populum tuum in ecclesiae sinu qui nobis processisti Mariae de thalamo. Ut pietate sedula in te sit salus hominum propter quos homo factus es creator astrorum. Sit haec plebs tuis praeceptis oboedienter amabilis sicut est partus virginis in origine singularis. Ut cum dies tui Adventus effulserit invenias in illis quod recondas in horreo pro quibus dignatus es venire de caelo.

158 Descendat Domine a sedibus tuis super capita famulorum et famularum tuarum angelus sanctitatis ille qui in Iordane baptizante Ioanne in columba corporaliter visus est descendisse. Reple animas via iustitiae qui sermone tuo hodie ex aquarum sapore mutasti qui omnium iniquitatum huius plebis tuae maculam purget vitia mundet corda sanctificet. Infunde etiam super eos spiritalium dona virtutum ut nihil in eis inimicus aut fraude decipiat aut violentia subrepat. Sed per bonae conversationis perseverantiam hi qui adoptionem vocati sunt filiorum intrare in posse(sione)m mereantur heredum.

158 Benedicat vos Dominus qui se a vobis voluit benedici detque vobis fidem integram abstinentiam tam salubrem qua nec caro escis victa luxuriet nec mens afflicta degeneret. Nec insidians inimicus aut lautioribus epulis custodiam frugalitatis inrumpat aut amaris negotiis coronam orationis impediat. Sed ita sit vobis sanctificatum in divino timore ieiunium ut fidei providentia bonum spiritum faciens fortiorem ad Deum animam erigat ecclesiamque locupletet.

159 Deus maiestatis immensae Deus pietatis immodicae respice quaesumus super hos famulos et famulas tuas ne ulla umquam peccatorum contagione sordescant quos salutari et spiritali lavacro in vitam aeternam regenerare dignatus es. Sed omnibus inlecebris pravisque cupiditatibus expulsis nihil inlicitum cupiant nihil turpe desiderent innocentiae pariter ac patientiae virtute subnixi. Non tumescant prosperis non frangantur adversis nec tristitia eos secunda commutet.

159 Deus qui tartara fregisti resurgens aperuisti caelos ascendens ut populi illuc ascenderent per fidem ubi te apostoli cum gloria viderunt intrare. Respice ascendens in caelum propter quos descendere dignatus es ad infernum. Sit eis quod te exaltasti protectio quibus fuit unicum quod te humiliasti remedium. Et in die iudicii non sint in sinistro numero qui te adsidere ad patris dexteram confitentur in regnum.

159 Deus qui praesentem diem futurae remissionis munere figurasti quo gratia Sancti Spiritus inebriati apostoli mente una locuti sunt ore diverso: respice hanc ecclesiam quam ex gentibus congregare linguarum varietate signasti. Da consolationem inter pressuras saeculi qui nobis aequalem tibi consolatorem misisti. Ut te propitiante sit ipse plebis custodia qui praebuit beatis discipulis tunc doctrinam.

160 Benedicat vos Dominus Deus noster et (qui martyrum suorum Faustini et Iovittae praestitit) [et quorum praestitit] celebrare vos festa per eorum vos faciat ambulare vestigia. Tribuat vobis contra impetus adversantes inimici similem devotionem paremque constantiam. Ut sicut illi poenis ac doloribus restiterunt ita vos mundi illecebris et diversarum tentationum fraudibus non caedatis. Ille vos.

160 Benedic Domine hos populos tuos conspectui tuo supplici oratione curvantes. Fac eos ante conspectum tuum cum iustitia vivere et cum misericordia iudicari. Tribue eis in fide credulitatem in labore virtutem in affectu devotionem in actu prosperitatem in victu abundantiam in pace laetitiam in conversatione gratiam in luctatione victoriam. Ut in beneplacito conspectus tui tramite gradientes et hunc diem cum Felicitate percurrant et venturum cum hilaritate suscipiant. Ille vos benedicat de caelis qui per crucem et sanguinem suae passionis vos dignatus est venire redimere in terris. Ille vos benedicat protegat atque defendat cunctis diebus vitae vestrae et perducat vos ad regnum gloriae suae quem omnes gentes venturum expectant esse iudicem. Benedictio Dei Patris et Filii et Spiritus Sancti descendat super vos et pax Domini sit semper vobiscum. Amen.

161 Deus qui nos redemptionis nostrae annua expectatione laetificas: praesta ut unigenitum tuum quem redemptorem laeti suscepimus venientem quoque iudicem securi videamus.

161 Da nobis quaesumus omnipotens Deus ut sicut adoranda Filii tui natalicia praevenimus sic eius munera capiamus sempiterna gaudentes.

161 Da nobis Domine quaesumus unigeniti Filii tui recensita nativitate respirare cuius caelesti mysterio pascimur et potamur.

162 Deus qui hanc sacratissimam noctem veri luminis fecisti illustratione clarescere da quaesumus ut cuius lucis mysteria in terra cognovimus eius quoque gaudiis in caelo perfruamur.

162 Accepta tibi sit Domine quaesumus hodiernae festivitatis oblatio ut tua gratia largiente per haec sacrosancta commercia in illius inveniamur forma in quo est nostra substantia.

162 Quia per incarnati verbi mysterium nova mentis nostrae oculis lux tuae claritatis infulsit ut dum visibiliter Deum cognoscimus per hunc invisibilium amore rapiamur. Et ideo cum angelis et archangelis cum thronis et dominationibus cumque omni militia caelestis exercitus hymnum gloriae tuae canimus sine fine dicentes: Sanctus sanctus sanctus.

163 Communicantes et noctem sacratissimam celebrantes qua beatae Mariae intemerata virginitas huic mundo edidit salvatorem. Sed et memoriam venerantes eiusdem gloriosae semper Virginis Mariae Genetricis Dei et Domini nostri Iesu Christi.

163 Da nobis quaesumus Domine Deus noster ut qui nativitatem Domini nostri Iesu Christi nos frequentare gaudemus dignis conversationibus ad eius mereamur pertinere consortium.

163 Da quaesumus omnipotens Deus ut qui beatae Anastasiae martyris tuae sollemnia colimus eius apud te patrocinia sentiamus.

163 Da quaesumus omnipotens Deus ut qui nova incarnatione Verbi tui luce perfundimur hoc in nostro resplendeat opere quod per fidem fulget in mente.

164 Accipe quaesumus Domine munera dignanter oblata et beatae Anastasiae suffragantibus meritis ad nostrae salutis auxilium provenire concede.

164 Munera nostra quaesumus Domine nativitatis hodiernae mysteriis apta proveniant (et sicut) homo genitus idem refulsit Deus sic nobis haec terrena substantia conferat quod divinum est.

164 Qui ut de hoste generis humani maior victoria duceretur non solum per viros virtutem martyrii sed de eo etiam per feminas triumphasti. Et ideo.

164 Quia nostri salvatoris hodie lux vera processit quae clara nobis omnia et intellectu manifestavit et visu. Et ideo.

164 Satiasti Domine familiam tuam muneribus sacris eius quaesumus semper interventione nos refove cuius sollemnia celebramus.

165 Huius nos Domine sacramenti semper (novitas) natalis instauret cuius nativitas singularis humanam reppulit vetustatem.

165 Concede quaesumus omnipotens Deus ut nos Unigeniti tui nova per carnem nativitas liberet quos sub peccati iugo vetusta servitus tenet.

165 Oblata Domine munera nova Unigeniti tui nativitate sanctifica nosque a peccatorum nostrorum maculis emunda.

165 Praesta quaesumus omnipotens Deus ut natus hodie Salvator mundi sicut divinae nobis generationis est auctor ita et immortalitatis sit ipse largitor Iesus Christus.

166 Respice nos misericors Deus et mentibus clementer humanis nascente Christo summae veritatis lumen ostende.

166 Largire quaesumus Domine famulis tuis fidei et securitatis augmentum ut qui nativitate Filii tui Domini nostri gloriantur et adversa mundi te gubernante non sentiant et quae temporaliter celebrare desiderant sine fine percipiant.

166 Deus qui beatae virginis partum sine humana concupiscentia procreatum in Filii tui membra venientis paternis fecisti praeiudiciis non teneri praesta quaesumus ut huius creaturae novitate suscepta vetustatis antiquae contagiis exuamur.

166 Concede nobis omnipotens Deus ut salutare tuum nova caelorum luce mirabile quod ad salutem mundi hodierna festivitate processit nostris semper innovandis cordibus oriatur Iesus Christus.

167 Omnipotens sempiterne Deus qui hunc diem per incarnationem Verbi tui et partum beatae Mariae Virginis consecrasti: da populis tuis in hac celebritate consortium ut qui tua gratia sunt redempti tua sint adoptione securi.

167 Da nobis quaesumus Domine imitari quod colimus ut discamus et inimicos diligere quia eius natalicia celebramus qui novit etiam pro persecutoribus exorare.

167 Suscipe Domine munera pro tuorum commemoratione sanctorum ut quod illos passio gloriosos (fecit) nos devotio reddat innocuos.

167 In die sollemnitatis hodiernae qua sanctus Stephanus primitivus tuae fidei candidatus ob hoc infidelium persecutione lapidatus est ut confessionis sacrae lapis vivus existeret et quod insigni decoratus vocabulo praeferebat impleret corona martyrii.

168 Auxilientur nobis Domine sumpta mysteria et intercedente beato Stephano martyre tuo sempiterna protectione confirment.

168 Gratias agimus Domine multiplicatis circa nos miserationibus tuis qui et Filii tui nativitate nos salvas et beati martyris Stephani deprecatione sustentas.

168 Omnipotens sempiterne Deus qui primitias martyrum in beati levitae Stephani sanguine dedicasti: tribue quaesumus ut pro nobis intercessor existat qui pro suis etiam persecutoribus exoravit.

168 Praesta quaesumus omnipotens Deus ut beatus Stephanus levita magnificus sicut ante alios imitator dominicae passionis et pietatis enituit ita sit fragilitatis nostrae promptus adiutor.

168 Ecclesiam tuam Domine benignus illustra ut beati Ioannis evangelistae illuminata doctrinis ad dona perveniat sempiterna.

169 Suscipe munera Domine quae in eius tibi sollemnitate deferimus cuius nos scimus patrocinio liberari.

169 Beati apostoli tui et evangelistae Ioannis gloriosa natalicia celebrantes qui Domini nostri Iesu Christi Filii tui vocatione suscepta factus ex piscatore discipulus et ab unigenito tuo sic familiariter est electus et immensae gratiae muneribus approbatus ut eum idem Dominus in cruce iam positus vicarium suae matri virgini filium subrogaret quatenus beatae genetricis integritati probati dilectione discipuli virginitas deserviret. Nam et in caenae mysticae sacrosancto convivio super ipsum vitae fontem aeternum pectus scilicet recubuerat salvatoris. De quo perenniter manantia caelestis hauriens fluenta doctrinae tam profundis ac mysticis est revelationibus inspiratus ut omnem transgrediens creaturam excelsa mente conspiceret et evangelica voce proferret: quod in principio erat verbum et verbum erat apud deum et Deus erat verbum. Quem laudant angeli adorant dominationes.

169 Refecti cibo potuque caelesti Deus noster te supplices exoramus ut in cuius haec commemoratione percepimus eius muniamur et precibus.

170 Beati evangelistae Ioannis quaesumus Domine supplicatione placatus et veniam nobis tribue et remedia sempiterna concede.

170 Beati Ioannis evangelistae Domine precibus adiuvemur ut quod possibilitas nostra non obtinet eius nobis intercessione donetur.

170 Sit Domine quaesumus beatus Ioannes evangelista nostrae fragilitatis adiutor ut pro nobis tibi supplicans copiosius audiatur.

170 Deus cuius hodierna die praeconium innocentes martyres non loquendo sed moriendo confessi sunt omnia in nobis vitiorum mala mortifica ut fidem tuam quam lingua nostra loquitur etiam moribus vita fateatur.

171 Sanctorum tuorum nobis Domine pia non desit oratio quae et munera nostra conciliet et tuam nobis indulgentiam semper obtineat.

171 Pretiosis enim mortibus parvulorum quos propter nostri salvatoris infantiam bestiali saevitia Herodes funestus occidit immensa clementiae tuae dona cognoscimus. Fulget namque sola gratia magis quam voluntas et clara est prius confessio quam loquela ante passio quam membra idonea passioni existunt testes Christi qui eius nondum fuerant agnitores. O infinita benignitas cum pro suo nomine trucidatis meritum gloriae suae perire non patitur sed proprio cruore perfusis et salus regenerationis expletur et imputatur corona martyrii. Per Christum Dominum nostrum.

171 Votiva Domine dona percepimus per quae sanctorum nobis precibus et praesentis quaesumus vitae pariter et aeternae tribue conferre subsidium.

172 Deus qui licet sis magnus in magnis mirabilia tamen gloriosius operaris in minimis: da nobis quaesumus in eorum celebritate gaudere qui Filio tuo Domino nostro testimonium perhibuerunt etiam non loquentes.

172 Ipsi nobis Domine quaesumus postulent mentium puritatem quorum innocentiam hodie sollemniter celebramus.

172 Adiuva nos Domine quaesumus eorum deprecatione sanctorum qui Filium tuum humana necdum voce profitentes caelesti sunt pro eius nativitate gratia coronati.

172 Da quaesumus omnipotens Deus ut beati Silvestri confessoris tui atque pontificis veneranda sollemnitas et devotionem nobis augeat et salutem.

173 Sancti tui nos quaesumus Domine ubique laetificent ut dum eorum merita recolimus patrocinia sentiamus.

173 Praesta quaesumus omnipotens Deus ut de perceptis muneribus gratias exhibentes beneficia potiora sumamus.

173 Deus qui salutis aeternae beatae Mariae virginitate fecunda humano generi praemia praestitisti tribue quaesumus ut ipsam pro nobis intercedere sentiamus per quam meruimus auctorem vitae suscipere Iesum Christum Filium tuum Dominum nostrum.

173 Muneribus nostris quaesumus Domine precibusque susceptis et caelestibus nos munda mysteriis et clementer exaudi.

174 Da nobis quaesumus Domine Deus noster ut qui nativitatem Domini nostri Iesu Christi digne mysteriis frequentare gaudemus ad eius mereamur pertinere consortium.

174 Omnipotens sempiterne Deus dirige actus nostros in beneplacito tuo ut in nomine dilecti Filii tui mereamur bonis operibus abundare.

174 Concede quaesumus Domine ut oculis tuae maiestatis munus oblatum et gratiam nobis devotionis obtineat et effectum beatae perennitatis acquirat.

174 Per huius Domine operationem mysterii et vitia nostra purgentur et iusta desideria compleantur.

175 Corda nostra quaesumus Domine venturae festivitatis splendor illustret quo mundi huius tenebris carere valeamus et perveniamus ad patriam claritatis aeternae.

175 Tribue quaesumus Domine ut eum praesentibus immolemus sacrificiis et sumamus quem venturae sollemnitatis pia munera praeloquuntur: Iesum Christum Dominum nostrum.

175 Illumina quaesumus Domine populum tuum et splendore gratiae tuae cor eius semper accende ut salvatoris mundi stella famulante manifestata nativitas mentibus eorum et reveletur semper et crescat.

175 Deus qui hodierna die unigenitum tuum gentibus stella duce revelasti: concede propitius ut qui iam te ex fide cognovimus usque ad contemplandam speciem tuae celsitudinis perducamur.

176 Ecclesiae tuae quaesumus Domine dona propitius intuere quibus non iam aurum tus et myrra profertur sed iisdem muneribus declaratur immolatur et sumitur Iesus Christus.

176 Quia cum unigenitus tuus in substantia nostrae mortalitatis apparuit in nova nos mortalitatis suae luce reparavit. Et ideo.

176 Communicantes et diem sacratissimum celebrantes quo unigenitus tuus in tua tecum gloria coaeternus in veritate carnis nostrae visibiliter corporalis apparuit. Sed et memoriam.

176 Praesta quaesumus Domine Deus noster ut quae sollemni celebramus officio purificatae mentis intellegentia consequamur.

177 Deus illuminator omnium gentium da populis tuis perpetua pace gaudere et illud lumen splendidum infunde cordibus nostris quod trium magorum mentibus aspirasti.

177 Deus cuius unigenitus in substantia nostrae camis apparuit: praesta quaesumus ut per eum quem similem nobis foras agnovimus intus reformari mereamur.

177 Deus qui per huius celebritatis mysterium aeternitatis tuae lumen cunctis gentibus suscitasti: da plebi tuae redemptoris sui plenum cognoscere fulgorem ut ad perpetuam claritatem per eius incrementa perveniat per quem eadem sumpsit exordia.

177 Vota quaesumus Domine supplicantis populi tui caelesti pietate prosequere ut et quae agenda sunt videat et adimplenda quae viderit convalescat.

178 Oblatum tibi Domine sacrificium vivificet nos semper et muniat.

178 Supplices te rogamus omnipotens Deus ut quos tuis reficis sacramentis tibi etiam placitis moribus dignanter deservire concedas.

178 Concede quaesumus omnipotens Deus ut ad meliorem vitam sanctorum tuorum exempla nos provocent quatenus quorum sollemnia agimus etiam actibus imitemur.

178 Hostias tibi Domine pro commemoratione sancti Felicis tui confessoris offerimus suppliciter deprecantes ut sicut illi praebuisti sacrae fidei largitatem sic nobis indulgentiam largiaris et pacem.

178 Sanctorum precibus confidentes quaesumus Domine ut per ea quae sumpsimus aeterna remedia capiamus.

179 Adesto quaesumus Domine supplicationibus nostris et in tua misericordia confidentes ab omni nos adversitate custodi.

179 Oblata Domine munera sanctifica nosque a peccatorum nostrorum maculis emunda.

179 Augeatur in nobis Domine quaesumus tuae virtutis operatio ut divinis vegetati sacramentis ad eorum promissa capienda tuo munere praeparemur.

179 Preces populi tui quaesumus Domine clementer exaudi ut beati Marcelli martyris tui atque pontificis meritis adiuvemur cuius passione laetamur.

180 Suscipe quaesumus Domine munera dignanter oblata et beati Marcelli suffragantibus meritis ad nostrae salutis auxilium provenire concede.

180 Satiasti Domine familiam tuam muneribus sacris eius quaesumus semper interventione nos refove cuius sollemnia celebramus.

180 Da quaesumus omnipotens Deus ut qui beatae Priscae martyris tuae natalicia colimus et annua sollemnitate laetemur et tantae fidei proficiamus exemplo.

180 Hostia Domine quam sanctorum tuorum natalicia recensentes offerimus et vincula nostrae pravitatis absolvat et tuae nobis misericordiae dona conciliet.

181 Quaesumus Domine salutaribus repleti mysteriis ut cuius sollemnia celebramus eius orationibus adiuvemur.

181 Infirmitatem nostram respice omnipotens Deus et quia pondus propriae actionis gravat beati Fabiani martyris tui atque pontificis intercessio gloriosa nos protegat.

181 Hostias tibi Domine beati Fabiani martyris tui dicatas meritis benignus assume et ad perpetuum nobis tribue provenire subsidium.

181 Refecti participatione muneris sacri quaesumus Domine Deus noster ut cuius exsequimur cultum sentiamus effectum.

182 Deus qui beatum Sebastianum martyrem tuum virtute constantiae in passione roborasti ex eius nobis imitatione tribue pro amore tuo prospera mundi despicere et nulla eius adversa formidare.

182 Accepta sit in conspectu tuo Domine nostra devotio et eius nobis fiat supplicatione salutaris pro cuius sollemnitate defertur.

182 Sacro munere satiati supplices te Domine deprecamur ut quod debitae servitutis celebramus officio intercedente beato Sebastiano martyre tuo salvationis tuae sentiamus augmentum.

182 Omnipotens sempiterne Deus qui infirma mundi eligis ut fortia quaeque confundas concede propitius ut qui beatae Agnae martyris tuae sollemnia colimus eius apud te patrocinia sentiamus.

183 Hostias Domine quas tibi offerimus propitius suscipe et intercedente beata Agna martyre tua vincula peccatorum nostrorum absolve.

183 In exsultatione praecipuae sollemnitatis hodiernae qua beata Agnes pretiosam mortem sexus fragilitate calcata pro Christi confessione suscipiens cum praemio sanctae virginitatis consummavit palmam martyrii adepta est promissum sponsionis aeternitatis. Per Christum Dominum nostrum.

183 Refecti cibo potuque caelesti Deus noster te supplices exoramus ut in cuius haec commemoratione percepimus eius muniamur et precibus.

183 Adesto quaesumus Domine supplicationibus nostris ut qui ex iniquitate nostra reos nos esse cognoscimus beati Vincentii martyris tui intercessione liberemur.

183 Muneribus nostris quaesumus Domine precibusque susceptis et caelestibus nos munda mysteriis et clementer exaudi.

184 Quaesumus omnipotens Deus ut qui caelestia alimenta percepimus intercedente beato Vincentio martyre tuo per haec contra omnia adversa muniamur.

184 Omnipotens sempiterne Deus infirmitatem nostram propitius respice atque ad protegendum nos dexteram tuae maiestatis extende.

184 Haec hostia Domine quaesumus emundet nostra delicta et sacrificium celebrandum subditorum tibi corpora mentesque sanctificet.

184 Quos tantis Domine largiris uti mysteriis quaesumus ut effectibus nos eorum veraciter aptare digneris.

185 Deus qui nos annua beatae Agnae martyris tuae sollemnitate laetificas: da quaesumus ut quam veneramur officio etiam piae conversationis sequamur exemplo.

185 Super has quaesumus hostias Domine benedictio copiosa descendat quae et sanctificationem nobis clementer operetur et de martyrum nos sollemnitate laetificet.

185 Sumpsimus Domine celebritatis annuae votiva sacramenta: praesta quaesumus ut et temporalis nobis vitae remedia praebeant et aeternae.

185 Deus qui nos in tantis periculis constitutos pro humana scis fragilitate non posse subsistere da nobis salutem mentis et corporis ut ea quae pro peccatis nostris patimur te adiuvante vincamus.

186 Concede quaesumus omnipotens Deus ut huius sacrificii munus oblatum fragilitatem nostram ab omni malo purget semper et muniat.

186 Munera tua nos Deus a delectationibus terrenis expediant et caelestibus semper instituant alimentis.

186 Erudi quaesumus Domine plebem tuam et quae extrinsecus annua tribuis devotione venerari interius adsequi gratiae tuae luce concede.

186 Omnipotens sempiterne Deus maiestatem tuam supplices exoramus ut sicut unigenitus Filius tuus hodierna die cum nostrae camis substantia in templo est praesentatus ita nos facias purificatis tibi mentibus praesentari.

187 Exaudi Domine preces nostras et ut digna sint munera quae oculis tuae maiestatis offerimus subsidium nobis tuae pietatis impende.

187 Quaesumus Domine Deus noster ut sacrosancta mysteria quae pro reparationis nostrae munimine contulisti intercedente beata semper virgine Maria et praesens nobis remedium esse facias et futurum.

187 Deus qui inter cetera potentiae tuae miracula etiam in sexu fragili victoriam martyrii contulisti concede propitius ut cuius natalicia colimus per eius ad te exempla gradiamur.

187 Suscipe munera Domine quae in beatae Agathae martyris tuae sollemnitate deferimus cuius nos scimus patrocinio liberari.

188 Pro cuius nomine poenarum mortisque contemptum in utroque sexu fidelium cunctis aetatibus contulisti ut inter felicium martyrum palmas Agathen quoque beatissimam virginem victrici patientia coronares. Quae nec minis territa nec superata suppliciis de diaboli saevitia triumphavit quia in tuae deitatis confessione permansit. Et ideo.

188 Auxilientur nobis Domine sumpta mysteria et intercedente beata Agatha martyre tua sempiterna protectione confirment.

188 Indulgentiam nobis Domine beata Agatha martyr imploret quae tibi semper extitit et merito castitatis et tuae professione virtutis.

188 Praesta quaesumus omnipotens Deus ut semper rationabilia meditantes quae tibi placita sunt et dictis exsequamur et factis.

189 Hostias tibi Domine placationis offerimus ut et delicta nostra miseratus absolvas et nutantia corda dirigas.

189 Caelestibus Domine pasti deliciis quaesumus ut semper eadem per quae veraciter vivimus appetamus.

189 Praesta quaesumus omnipotens Deus ut qui beati Valentini martyris tui natalicia colimus a cunctis malis imminentibus eius intercessione liberemur.

189 Oblatis quaesumus Domine placare muneribus et intercedente beato Valentino martyre tuo a cunctis nos defende periculis.

189 Sit nobis Domine reparatio mentis et corporis caeleste mysterium ut cuius exsequimur actionem sentiamus effectum.

190 Preces populi tui quaesumus Domine clementer exaudi ut qui iuste pro peccatis nostris affligimur pro tui nominis gloria misericorditer liberemur.

190 Muneribus nostris quaesumus Domine precibusque susceptis et caelestibus nos munda mysteriis et clementer exaudi.

190 Fideles tui Deus per tua dona firmentur ut eadem et percipiendo requirant et quaerendo sine fine percipiant.

190 Deus qui conspicis quia ex nulla nostra actione confidimus: concede propitius ut contra adversa omnia doctoris gentium protectione muniamur.

191 Intende quaesumus Domine hostiam familiae tuae et quam sacris muneribus facis esse participem tribuas ad eius plenitudinem pervenire.

191 Sit nobis quaesumus Domine cibus sacer potusque salutaris qui et temporalem vitam muniat et praestet aeternam.

191 Preces nostras quaesumus Domine clementer exaudi atque a peccatorum vinculis absolutos ab omni nos adversitate custodi.

191 Haec hostia Domine quaesumus emundet nostra delicta et sacrificium celebrandum subditorum tibi corpora mentesque sanctificet.

191 Quaesumus omnipotens Deus ut qui caelestia alimenta percepimus per haec contra omnia adversa muniamur.

192 Concede nobis Domine praesidia militiae Christianae sanctis inchoare ieiuniis ut contra spiritales nequitias pugnaturi continentiae muniamur auxiliis.

192 Praesta Domine fidelibus tuis ut ieiuniorum veneranda sollemnia et congrua pietate suscipiant et secura devotione percurrant.

192 Fac nos quaesumus Domine his muneribus offerendis convenienter aptari quibus ipsius venerabilis sacramenti celebramus exordium.

192 Percepta nobis Domine praebeant sacramenta subsidium ut et tibi grata sint nostra ieiunia et nobis proficiant ad medelam.

193 Inclinantes se Domine maiestati tuae propitiatus intende ut qui divino munere sunt refecti caelestibus semper nutriantur auxiliis.

193 Inchoata ieiunia quaesumus Domine benigno favore prosequere ut observantiam quam corporaliter exhibemus mentibus etiam sinceris exercere valeamus.

193 Sacrificium Domine observantiae paschalis offerimus: praesta quaesumus ut tibi et mentes nostras reddat acceptas et continentiae promptioris nobis tribuat facultatem.

193 Spiritum nobis Domine tuae caritatis infunde ut quos uno caelesti pane satiasti tua facias pietate concordes.

193 Tuere Domine populum tuum et ab omnibus peccatis clementer emunda quia nulla ei nocebit adversitas si nulla Dominetur iniquitas.

194 Deus qui Ecclesiam tuam annua quadragesimali observatione purificas: praesta familiae tuae ut quod a te obtinere abstinendo nititur hoc bonis moribus exsequatur.

194 Sacrificium quadragesimalis initii sollemniter immolamus te Domine deprecantes: ut cum epularum restrictione carnalium a noxiis quoque voluptatibus temperemur.

194 Et te suppliciter exorare ut cum abstinentia corporali mens quoque nostra sensus declinet inlicitos. Et quae terrenae fragilitatis carnalibus epulis abnegamus humanae voluptatis pravis intentionibus amputetur ut ad sancta sanctorum fideliter salubriterque capienda competenti ieiunio valeamus aptari.

194 Tui nos Domine sacramenti libatio sancta restauret et a vetustate purgatos in mysterii salutaris faciat transire consortium.

195 Da nobis quaesumus omnipotens Deus et aeternae promissionis gaudia quaerere et quaesita citius invenire.

195 Adesto quaesumus Domine supplicationibus nostris et in tua misericordia confidentes ab omni adversitate custodi.

195 Converte nos Deus salutaris noster et ut nobis ieiunium quadragesimale proficiat mentes nostras caelestibus instrue disciplinis.

195 Accepta tibi sit Domine nostrae devotionis oblatio quae et ieiunium nostrum te operante sanctificet et indulgentiam nobis tuae consolationis obtineat.

195 Salutaris tui Domine munere satiati supplices exoramus ut cuius laetamur gustu renovemur effectu.

196 Absolve Domine quaesumus nostrorum vincula peccatorum et quicquid pro eis meremur propitiatus averte.

196 Respice Domine familiam tuam et praesta ut apud te mens nostra tuo desiderio fulgeat quae se carnis maceratione castigat.

196 Oblatis quaesumus Domine placare muneribus et a cunctis nos defende periculis.

196 Quaesumus omnipotens Deus ut illius salutaris capiamus effectum cuius per haec mysteria pignus accepimus.

196 Ascendant ad te Domine preces nostrae et ab Ecclesia tua cunctam repelle nequitiam.

197 Preces nostras quaesumus Domine clementer exaudi et contra cuncta nobis adversantia dexteram tuae maiestatis extende.

197 Devotionem populi tui quaesumus Domine benignus intende ut qui per abstinentiam macerantur in corpore per fructum boni operis reficiantur in mente.

197 Hostias tibi Domine placationis offerimus ut et delicta nostra miseratus absolvas et nutantia corda tu dirigas.

197 Tui Domine perceptione sacramenti et a nostris mundemur occultis et ab hostium liberemur insidiis.

197 Mentes nostras quaesumus Domine lumine tuae claritatis illustra ut videre possimus quae agenda sunt et quae recta sunt agere valeamus.

198 Aufer a nobis Domine quaesumus iniquitates nostras ut ad sancta sanctorum puris meramur sensibus introire.

198 Sacrificium Domine observantiae paschalis offerimus: praesta quaesumus ut tibi et mentes nostras reddat acceptas et continentiae promptioris nobis tribuat facultatem.

198 Repleti sumus Domine donorum participatione caelestium: praesta quaesumus ut eadem et sumamus iugiter et incessabiliter ambiamus.

198 De multitudine misericordiae tuae Domine populum tibi protege confidentem et corporaliter gubernatum piae mentis effectu his muneribus adsequendis effice promptiorem.

198 Esto Domine propitius plebi tuae et quam tibi facis esse devotam benigno refove miseratus auxilio.

199 Suscipe quaesumus Domine nostris oblata servitiis et tua propitius dona sanctifica.

199 Qui corporali ieiunio vitia comprimis mentem elevas virtutem largiris et praemia.

199 Praesta quaesumus Domine spiritalibus gaudiis nos repleri ut quae actu gerimus mente sectemur.

199 Exaudi nos misericors Deus et mentibus nostris gratiae tuae lumen ostende.

199 Populum tuum Domine quaesumus propitius respice atque ab eo flagella tuae iracundiae clementer averte.

199 Protector noster aspice Deus et qui malorum nostrorum pondere premimur percepta misericordia libera tibi mente famulemur.

200 Adesto quaesumus Domine supplicationibus nostris ut esse te largiente mereamur et in ter prospera humiles et inter adversa securi.

200 Preces populi tui Domine quaesumus clementer exaudi ut qui iuste pro peccatis nostris affligimur pro tui nominis gloria misericorditer liberemur.

200 Quaesumus omnipotens Deus vota humilium respice atque ad defensionem nostram dexteram tuae maiestatis extende.

200 Actiones nostras quaesumus Domine et aspirando praeveni et adiuvando prosequere ut cuncta nostra operatio et a te semper incipiat et per te coepta finiatur.

200 Deus qui tribus pueris mitigasti flammas ignium concede propitius ut nos famulos tuos non exurat flamma vitiorum.

200 Praesentibus sacrificiis Domine ieiunia nostra sanctifica ut quod observantia nostra profitetur extrinsecus interius operetur.

201 Maiestatem tuam suppliciter deprecantes ut mentibus nostris medicinalis observantiae munus infundas et qui neglegentibus etiam subsidia ferre non desinis beneficia praebeas potiora devotis.

201 Sanctificationibus tuis omnipotens Deus et vitia nostra curentur et remedia nobis aeterna proveniant.

201 Deus qui conspicis omni nos virtute destitui interius exteriusque custodi ut et ab omnibus adversitatibus muniamur in corpore et a pravis cogitationibus mundemur in mente.

201 Sacrificiis Domine praesentibus quaesumus intende placatus ut devotioni nostrae proficiant et saluti.

201 Refecti Domine pane caelesti ad vitam quaesumus nutriamur aeternam.

202 Praesta quaesumus omnipotens Deus ut familia tua quae se affligendo came ab alimentis abstinet sectando iustitiam a culpa ieiunet.

202 Haec hostia Domine placationis et laudis tua nos propitiatione dignos efficiat.

202 Haec nos communio Domine purget a crimine et caelestibus remediis faciat esse consortes.

202 Adesto supplicationibus nostris omnipotens Deus et quibus fiduciam sperandae pietatis indulges consuetae misericordiae tribue benignus effectum.

202 Perfice quaesumus Domine benignus in nobis observantiae sanctae subsidium ut quae te auctore facienda cognovimus te operante impleamus.

203 Sanctificationem tuam nobis Domine his mysteriis placatus operare quae nos et a terrenis purget vitiis et ad caelestia regna perducat.

203 Ut sacris Domine reddamur digni muneribus fac nos quaesumus tuis oboedire mandatis.

203 Propitiare Domine supplicationibus nostris et animarum nostrarum medere languoribus ut remissione percepta in tua semper benedictione laetemur.

203 Populum tuum Domine propitius respice et quos ab escis carnalibus praecipis abstinere a noxiis quoque vitiis cessare concede.

203 Hostias Domine quas tibi offerimus propitius respice et per haec sancta commercia vincula peccatorum nostrorum absolve.

204 Sumptis Domine sacramentis ad redemptionis aeternae quaesumus proficiamus augmentum.

204 Deus innocentiae restitutor et amator dirige ad te tuorum corda servorum ut Spiritus tui fervore concepto et in fide inveniantur stabiles et in opere efficaces.

204 Devotionem populi tui quaesumus Domine benignus intende ut qui per abstinentiam macerantur in corpore per fructum boni operis reficiantur in mente.

204 Sacrificia quaesumus Domine propitius ista nos salvent quae medicinalibus sunt instituta ieiuniis.

204 Tuorum nos Domine largitate donorum et temporalibus attolle praesidiis et renova sempiternis.

205 Da quaesumus omnipotens Deus populis Christianis et quod profitentur agnoscere et caeleste munus diligere quod frequentant.

205 Da quaesumus omnipotens Deus ut sacro nos purificante ieiunio sinceris mentibus ad sancta ventura facias pervenire.

205 Haec in nobis sacrificia Deus et actione permaneant et operatione firmentur.

205 Tibi enim sanctificare ieiunium quod nos ad animarum medelam castigatione corporum servare docuisti quia strictis corporibus animae saginantur in quo exterior homo noster affligitur dilatatur interior. Memento Domine in hoc ieiunio nostro miserationum tuarum quas peccatoribus pie semper ieiunantibus contulisti ut non solum a cibis sed a peccatis omnibus abstinentes grato tibi semper ieiunio placeamus.

205 Fac nos Domine quaesumus accepto pignore salutis aeternae sic tendere congruenter ut ad eam pervenire possimus.

206 Da quaesumus Domine populo tuo salutem mentis et corporis ut bonis operibus inhaerendo tuae semper 0virtutis mereatur protectione defendi.

206 Da quaesumus Domine nostris effectum ieiuniis salutarem ut castigatio carnis assumpta ad nostrarum vegetationem transeat animarum.

206 His sacrificiis Domine concede placatus ut qui propriis oramus absolvi delictis non gravemur externis.

206 Sacramenti tui Domine divina libatio penetrabilia nostri cordis infundat et sui participes potenter efficiat.

206 Familiam tuam quaesumus Domine continua pietate custodi ut quae in sola spe gratiae caelestis innititur caelesti etiam protectione muniatur.

207 Quaesumus omnipotens Deus vota humilium respice atque ad defensionem nostram dexteram tuae maiestatis extende.

207 Haec hostia Domine quaesumus mundet nostra delicta et sacrificium celebrandum subditorum tibi corpora mentesque sanctificet.

207 Cunctis nos Domine reatibus et periculis propitiatus absolve quos tanti mysterii tribuis esse participes.

207 Cordibus nostris quaesumus Domine rorem tuae gratiae benignus infunde ut sicut ab escis corporalibus abstinemus ita sensus quoque nostros a noxiis retrahamus excessibus.

208 Munus quod tibi Domine nostrae servitutis offerimus tu salutare nobis perfice sacramentum.

208 Praesta quaesumus omnipotens et misericors Deus ut quae ore contingimus pura mente capiamus.

208 Subveniat nobis Domine misericordia tua ut ab imminentibus peccatorum nostrorum periculis te mereamur protegente salvari.

208 Exaudi nos omnipotens et misericors Deus et continentiae salutaris propitius nobis dona concede.

208 Per haec veniat quaesumus Domine sacramenta nostrae redemptionis effectus qui nos et ab humanis retrahat semper excessibus et ad salutaria cuncta perducat.

209 Sacris Domine mysteriis expiati et veniam consequamur et gratiam.

209 Tua nos Domine protectione defende et ab omni semper iniquitate custodi.

209 Praesta nobis quaesumus Domine ut salutaribus ieiuniis eruditi a noxiis quoque vitiis abstinentes propitiationem tuam facilius impetremus.

209 Suscipe quaesumus Domine preces populi tui cum oblationibus hostiarum et tua mysteria celebrantes ab omnibus nos defende periculis.

209 Sanctificet nos Domine qua pasti sumus mensa caelestis et a cunctis erroribus expiatos supernis promissionibus reddat acceptos.

210 Concede quaesumus omnipotens Deus ut qui protectionis tuae gratiam quaerimus liberati a malis omnibus secura tibi mente serviamus.

210 Praesta nobis Domine quaesumus auxilium gratiae tuae ut ieiuniis et orationibus convenienter intenti liberemur ab hostibus mentis et corporis.

210 Praesenti sacrificio nomini tuo nos Domine ieiunia dicata sanctificent ut quod observantia nostra profitetur extrinsecus interius operetur effectus.

210 Gratia tua nos quaesumus Domine non derelinquat quae et nobis opem semper acquirat et veniam.

210 Adesto Domine famulis tuis et perpetuam largire poscentibus veniam ut his qui te auctore et gubernatore gloriantur et congrata restaures et restaurata conserves.

211 Ieiunia nostra quaesumus Domine benigno favore prosequere ut sicut ab alimentis in corpore ita a vitiis ieiunemus in mente.

211 Respice Domine propitius ad munera quae sacramus ut et tibi grata sint et nobis salutaria semper existant.

211 Maiestatem tuam propensius implorantes ut quanto magis dies salutiferae festivitatis accedit tanto devotius ad eius digne celebrandum proficiamus paschae mysterium.

211 Huius nos Domine perceptio sacramenti mundet a crimine et ad caelestia regna perducat.

211 Praesta quaesumus omnipotens Deus ut qui in tua protectione confidimus cuncta nobis adversantia te adiuvante superemus.

212 Praesta quaesumus omnipotens Deus ut qui se affligendo carne ab alimentis abstinent sectando iustitiam a culpa ieiunent.

212 Concede quaesumus omnipotens Deus ut huius sacrificii munus oblatum fragilitatem nostram ab omni malo purget semper et muniat.

212 Quaesumus omnipotens Deus ut inter eius membra numeremur cuius corpori communicamur et sanguini.

212 Praetende Domine fidelibus tuis dexteram caelestis auxilii ut te toto corde perquirant et quae digne postulant consequi mereantur.

213 Deus qui in deserti regione multitudinem populi tui tua virtute satiasti: in huius quoque saeculi transeuntis excursu victum nobis spiritalem ne deficiamus impende.

213 Sacrificiis praesentibus Domine quaesumus intende placatus ut et devotioni nostrae proficiant et saluti.

213 Da nobis misericors Deus ut sancta tua quibus incessanter explemur sinceris tractemus obsequiis et fideli semper mente sumamus.

213 Praesta quaesumus omnipotens Deus ut observationes sacras annua devotione recolentes et corpore tibi placeamus et mente.

214 Cunctis nos Domine reatibus et periculis propitiatus absolve quos tanti mysterii tribuis esse consortes.

214 Divini satiati muneris largitate quaesumus Domine Deus noster ut in huius semper participatione vivamus.

214 Deprecationem nostram quaesumus Domine benignus exaudi et quibus supplicandi praestas affectum tribue defensionis auxilium.

214 Sacrae nobis quaesumus Domine observationis ieiunia et piae conversationis augmentum et tuae propitiationis continuum praestent auxilium.

214 Accepta tibi sint quaesumus Domine nostri dona ieiunii quae et expiando nos tua gratia dignos efficiant et ad sempiterna promissa perducant.

215 Huius nos Domine perceptio sacramenti mundet a crimine et ad caelestia regna perducat.

215 Miserere Domine populo tuo et continuis tribulationibus laborantem propitius respirare concede.

215 Oratio ad collectam. Deus qui et iustis praemia meritorum et peccatoribus per ieiunium veniam praebes: miserere supplicibus tuis ut reatus nostri confessio indulgentiam valeat percipere delictorum.

215 Praesta quaesumus omnipotens Deus ut quos ieiunia votiva castigant ipsa quoque devotio sancta laetificet ut terrenis affectibus mitigatis facilius caelestia capiamus.

215 Supplices Domine te rogamus ut his sacrificiis peccata nostra mundentur quia tunc veram nobis tribuis et mentis et corporis sanitatem.

216 Sacramenta quae sumpsimus Domine Deus noster et spiritalibus nos repleant alimentis et corporalibus tueantur auxiliis.

216 Pateant aures misericordiae tuae Domine precibus supplicantum et ut petentibus desiderata concedas fac eos quae tibi sunt placita postulare.

216 Magnificet te Domine sanctorum tuorum Cosmae et Damiani beata sollemnitas quia et illis gloriam sempiternam et opem nobis ineffabili providentia contulisti.

216 In tuorum Domine pretiosa morte iustorum sacrificium illud offerimus de quo martyrium sumpsit omne principium.

217 Sit nobis Domine sacramenti tui certa salvatio quae cum beatorum Cosmae et Damiani meritis imploratur.

217 Populi tui Deus institutor et rector peccata quibus impugnantur expelle ut semper tibi placatus et tuo munimine sit securus.

217 Deus qui ineffabilibus mundum renovas sacramentis: praesta quaesumus ut Ecclesia tua aeternis proficiat institutis et temporalibus non destituatur auxiliis.

217 Munera nos quaesumus Domine oblata sanctificent et te nobis iugiter faciant esse placatum.

217 Haec nos quaesumus Domine participatio sacramenti et propriis reatibus indesinenter expediat et ab omnibus tueatur adversis.

218 Da quaesumus omnipotens Deus ut qui infirmitatis nostrae conscii de tua virtute confidimus sub tua semper pietate gaudemus.

218 Fiat quaesumus Domine per gratiam tuam fructuosus nostrae devotionis affectus quia tunc nobis proderunt suscepta ieiunia si tuae sint placita pietati.

218 Oblationibus quaesumus Domine placare susceptis et ad te nostras etiam rebelles compelle propitius voluntates.

218 Tua nos quaesumus Domine sancta purificent et operatione sua perficiant esse placatos.

219 Deus qui sperantibus in te misereri potius eligis quam irasci: da nobis digne flere mala quae fecimus ut tuae consolationis gratiam invenire mereamur.

219 Quaesumus omnipotens Deus familiam tuam propitius respice ut te largiente regatur in corpore et te servante custodiatur in mente.

219 Haec munera Domine quaesumus et vincula nostrae pravitatis absolvant et tuae nobis misericordiae dona concilient.

219 Adesto nobis Domine Deus noster et quos tuis mysteriis recreasti perpetuis defende praesidiis.

220 Sanctifica quaesumus Domine nostra ieiunia et cunctarum nobis propitius indulgentiam largire culparum.

220 Concede nobis Domine Deus noster ut haec hostia salutaris et nostrorum fiat purgatio delictorum et tuae propitiatio maiestatis.

220 Sacramenti tui quaesumus Domine participatio salutaris et purificationem nobis praebeat et medelam.

220 Da quaesumus Domine populo tuo salutem mentis et corporis ut bonis operibus inhaerendo tua semper mereatur protectione defendi.

221 Nostra tibi quaesumus Domine sint accepta ieiunia quae nos et expiando gratia tua dignos efficiant et ad remedia perducant aeterna.

221 Hostias tibi Domine deferimus immolandas quae et temporalem consolationem significent et promissa non desperemus aeterna.

221 Da quaesumus omnipotens Deus ut quae divina sunt iugiter exsequentes donis mereamur caelestibus propinquare.

221 Da nobis Domine quaesumus perseverantem in tua voluntate famulatum ut in diebus nostris et merito et numero populus tibi serviens augeatur.

222 Sanctificato hoc ieiunio Deus tuorum corda fidelium miseratus illustra et quibus devotionis praestas affectum praebe supplicantibus pium benignus auditum.

222 Annue misericors Deus ut hostias placationis et laudis sincero tibi deferamus obsequio.

222 Caelestis doni benedictione percepta supplices te Deus omnipotens deprecamur ut hoc idem nobis et sacramenti causa sit et salutis.

222 Adesto supplicationibus nostris omnipotens Deus et quibus fiduciam sperandae pietatis indulges consuetae misericordiae tribue benignus effectum.

222 Praesta quaesumus omnipotens Deus ut quos votiva ieiunia castigant ipsa quoque devotio sancta laetificet ut terrenis affectibus mitigatis facilius caelestia capiamus.

223 Purifica nos misericors Deus ut ecclesiae tuae preces quae tibi grata<e> sunt pia munera deferentes expiatae sint mentibus gratiores.

223 Caelestia dona capientibus quaesumus Domine non ad iudicium pervenire patiaris quod fidelibus tuis ad remedium providisti.

223 Populi tui Deus institutor et rector peccata quibus impugnatur expelle ut semper tibi placitus et tuo munimine sit securus.

223 Cordibus nostris quaesumus Domine benignus infunde ut peccata nostra castigatione voluntaria cohibentes temporaliter potius maceremur quam suppliciis deputemur aeternis.

223 Praesta nobis misericors Deus ut digne tuis servire semper altaribus mereamur et eorum perpetua participatione salvari.

224 Sumptis sacrificiis Domine perpetua nos tuitio non reliquat et noxia semper a nobis cuncta depellat.

224 Succurre quaesumus Domine populo supplicanti et opem tuam tribue benignus infirmis ut sincera tibi mente devoti et praesentis vitae remediis gaudeat et futurae.

224 Omnipotens sempiterne Deus qui humano generi ad imitandum humilitatis exemplum salvatorem nostrum carnem sumere et crucem subire fecisti concede propitius ut et patientiae ipsius habere documenta et resurrectionis consortia mereamur.

224 Concede quaesumus Domine ut oculis tuae maiestatis munus oblatum et gratiam nobis devotionis obtineat et effectum beatae perennitatis acquirat.

225 Praesta nobis omnipotens Deus ut quia vitiis subiacet nostra mortalitas tua nos et medicina purificet et potentia tueatur.

225 Da quaesumus omnipotens Deus ut qui in tot adversis ex nostra infirmitate deficimus intercaedente unigeniti Filii tui passione respiremus.

225 Haec sacrificia nos omnipotens Deus potenti virtute mundatos ad suum faciant puriores venire principium.

225 Praebeant nobis Domine divinum tua sancta fervorem quo eorum pariter et actu delectemur et fructu.

225 Adiuva nos Deus salutaris noster et ad beneficia recolenda quibus nos instaurare dignatus es tribue venire gaudentes.

226 Omnipotens sempiterne Deus da nobis ita dominicae passionis sacramenta peragere ut indulgentiam percipere mereamur.

226 Sacrificia nos quaesumus Domine propensius ista restaurent quae medicinalibus sunt instituta ieiuniis.

226 Repleti Domine sacri muneris gratia supplices exoramus ut quae gustu corporeo dulci veneratione contigimus dulciora mentibus sentiamus.

226 Tua nos misericordia Deus et ab omni subreptione vetustatis expurget et capaces sanctae novitatis efficiat.

226 Praesta quaesumus omnipotens Deus ut qui nostris excessibus incessanter affligimur per Unigeniti tui passionem liberemur.

227 Deus qui pro nobis Filium tuum crucis patibulum subire voluisti ut inimici a nobis expelleres potestatem: concede nobis famulis tuis ut resurrectionis gratiam consequamur.

227 Purifica nos misericors Deus ut ecclesiae tuae preces quae tibi gratae sunt pia munera deferentes fiant expiatis mentibus gratiores.

227 Largire sensibus nostris omnipotens Deus ut per temporalem Filii tui mortem quam mysteria veneranda testantur vitam nobis dedisse perpetuam confidamus.

227 Respice Domine quaesumus super hanc familiam tuam pro qua Dominus noster Iesus Christus non dubitavit manibus tradi nocentium et crucis subire tormentum.

227 Communicantes et diem sacratissimum celebrantes quo Dominus noster Iesus Christus pro nobis est traditus sed et memoriam venerantes.

228 Qui pridie quam pro nostra omnium salute pateretur hoc est hodie accepit panem.

228 Refecti vitalibus alimentis quaesumus Domine Deus noster ut quod tempore nostrae mortalitatis exsequimur immortalitatis tuae munere consequamur.

228 Deus a quo et ludas reatus sui proditor poenam et confessionis suae latro praemium sumpsit concede nobis tuae propitiationis effectum ut sicut in passione sua Iesus Christus Dominus noster diversa utrique intulit stipendia meritorum ita nobis ablato vetustatis errore resurrectionis suae gratiam largiatur.

228 Ipse tibi quaesumus Domine sancte Pater omnipotens aeterne Deus sacrificium nostrum-reddat acceptum qui discipulis suis in sui commemoratione hoc fieri hodierna traditione monstravit Iesus Christus.

229 Communicantes.

229 Hanc igitur oblationem servitutis nostrae sed et cunctae familiae tuae quam tibi offerimus ob diem in qua Dominus noster Iesus Christus tradidit discipulis suis corporis et sanguinis sui mysteria celebranda quaesumus Domine ut placatus accipias diesque.

229 Qui pridie quam pro nostra omnium salute pateretur hoc est hodie accepit panem in sanctas.

229 Oremus dilectissimi nobis pro ecclesia sancta Dei ut eam Deus et Dominus noster pacificare et custodire dignetur toto orbe terrarum subiciens ei principatus et potestates detque nobis quietam et tranquillam vitam degentibus glorificare Deum Patrem omnipotentem.

230 Oremus

230 Omnipotens sempiterne Deus qui gloriam tuam omnibus in Christo gentibus revelasti custodi opera misericordiae tuae ut ecclesia toto orbe diffusa stabili fide in confessione tui nominis perseveret.

230 Oremus et pro beatissimo papa nostro ill. ut Deus et Dominus noster qui elegit eum in ordinem episcopatus salvum atque incolumem custodiat ecclesiae suae sanctae ad regendum populum sanctum Dei.

230 Oremus

230 Omnipotens sempiterne Deus cuius iudicio universa fundantur respice propitius ad preces nostras et electum nobis antestitem tua pietate conserva ut Christiana plebs quae tali gubernatur auctore sub tanto pontifice credulitatis suae meritis augeatur.

230 Oremus et pro omnibus episcopis presbyteris diaconibus subdiaconibus acolitis exorcistis lectoribus ostiariis confessoribus virginibus viduis et pro omni populo sancto Dei.

231 Oremus

231 Omnipotens sempiterne Deus cuius Spiritu totum corpus Ecclesiae sanctificatur et regitur exaudi nos pro universis ordinibus supplicantes ut gratiae tuae munere ab omnibus tibi gradibus fideliter serviatur.

231 Oremus et pro Christianissimo imperatore nostro ill. ut Deus et Dominus noster subditas illi faciat omnes barbaras nationes ad nostram perpetuam pacem.

231 Oremus

231 Omnipotens sempiterne Deus in cuius manu sunt omnium potestates et omnia iura regnorum respice ad Christianum benignus imperium ut gentes quae in sua feritate confidunt potentiae tuae dextera comprimantur.

231 Oremus et pro cathecuminis nostris ut Deus et Dominus noster adaperiat aures praecordiorum ipsorum ianuamque misericordiae ut per lavacrum regenerationis accepta remissione omnium peccatorum et ipsi inveniantur in Christo Iesu Domino nostro.

232 Oremus

232 Omnipotens sempiterne Deus qui Ecclesiam tuam nova semper prole faecundas auge fidem et intellectum cathecuminis nostris ut renati fonte baptismatis adoptionis tuae filiis aggregentur.

232 Oremus dilectissimi nobis Deum Patrem omnipotentem ut cunctis mundum purget erroribus morbos auferat famem depellat aperiat carceres vincula dissolvat peregrinantibus reditum infirmantibus sanitatem navigantibus portum 0salutis indulgeat.

232 Oremus

232 Omnipotens sempiterne Deus maestorum consolatio laborantium fortitudo perveniant ad te preces de quacumque tribulatione clamantium ut omnes sibi in necessitatibus suis misericordiam tuam gaudeant adfuisse.

232 Oremus et pro hereticis et scismaticis ut Deus ac Dominus noster eruat eos ab erroribus universis et ad sanctam matrem ecclesiam catholicam atque apostolicam revocare dignetur.

233 Oremus

233 Omnipotens sempiterne Deus qui salvas omnes et neminem vis perire respice ad animas diabolica fraude deceptas ut omni heretica pravitate deposita errantium corda resipiscant et ad veritatis tuae redeant unitatem.

233 Oremus et pro perfidis iudaeis ut Deus et Dominus noster auferat velamen de cordibus eorum ut et ipsi agnoscant Iesum Christum Dominum nostrum.

233 Oremus

233 Omnipotens sempiterne Deus qui etiam iudaicam perfidiam a tua misericordia non repellis exaudi 0preces nostras quas pro illius populi obcaecatione deferimus ut agnita veritatis tuae luce quae Christus est a suis tenebris eruantur.

233 Oremus et pro paganis ut Deus omnipotens auferat iniqua de cordibus eorum et relictis idolis suis convertantur ad Deum verum et unicum filium eius [Iesum Christum Deum et Dominum nostrum cum quo vivit et regnat cum Spiritu Sancto Deus. Per.]

234 Oremus

234 Omnipotens sempiterne Deus qui non mortem peccatorum sed vitam semper inquiris suscipe propitius orationem nostram et libera eos ab idolorum cultura et aggrega ecclesiae tuae sanctae ad laudem et gloriam nominis tui.

234 Post pisteuis.

234 Nec te latet satana imminere tibi poenas imminere tibi tormenta diem iudicii diem supplicii sempiterni diem qui venturus est velut clibanus ardens in quo tibi atque angelis tuis praeparatus sempiternus erit interitus. Et ideo pro tua nequitia damnatae atque damnandae da honorem Deo vivo da honorem Iesu Christo filio eius da honorem spiritui sancto Paraclito: et recede ab his famulis et famulabus Dei quos hodie Deus et Dominus noster ad suam gratiam et benedictionem vocare dignatus est. In nomine Domini nostri Iesu Christi qui venturus est iudicare vivos et mortuos et saeculum per ignem.

234 Effeta.

235 Abrenuntias satanae? Abrenuntio.

235 Et omnibus operibus eius? Abrenuntio.

235 Et omnibus pompis eius? Abrenuntio.

235

235 In principio creavit Deus caelum.

235 Deus qui mirabiliter creasti hominem et mirabilius redemisti: da nobis quaesumus contra oblectamenta peccati mentis ratione persistere ut mereamur ad gaudia aeterna pervenire.

235 Factum est autem in vigilia matutina.

235 Deus cuius antiqua miracula etiam in praesenti quoque saeculo coruscare sentimus: praesta quaesumus ut sicut priorem populum ab Aegyptiis liberasti hoc ad salutem gentium per aquas baptismatis opereris.

236 Et apprehenderunt septem mulieres.

236 Deus qui nos ad celebrandum paschale sacramentum utriusque testamenti paginis imbuisti: da nobis intellegere misericordiam tuam ut ex perceptione praesentium munerum firma sit expectatio futurorum.

236 Haec est hereditas servorum Domini.

236 Deus qui Ecclesiam tuam semper gentium vocatione multiplicas: concede propitius ut quos aqua baptismatis abluis continua protectione tuearis.

236 Sicut cervus.

236 Concede quaesumus omnipotens Deus ut qui festa paschalia agimus caelestibus desideriis accensi fontem vitae sitiamus.

237 Deus qui hanc sacratissimam noctem gloria dominicae resurrectionis illustras conserva in nova familiae tuae progenie adoptionis spiritum quem dedisti ut corpore et mente renovati puram tibi exhibeant servitutem. Per eundem Dominum.

237 Suscipe Domine quaesumus preces populi tui cum oblationibus hostiarum ut paschalibus initiata mysteriis ad aeternitatis nobis medelam te operante proficiant.

237 Te quidem omni tempore sed in hac potissima nocte gloriosius praedicare cum Pascha nostrum immolatus est Christus. Ipse enim verus est agnus qui abstulit peccata mundi qui mortem nostram moriendo destruxit et vitam resurgendo reparavit. Et ideo cum angelis et archangelis cum thronis et dominationibus cumque omni militia caelestis exercitus hymnum gloriae tuae canimus sine fine dicentes: Sanctus.

238 Communicantes et noctem sacratissimam celebrantes resurrectionis Domini nostri Iesu Christi secundum carnem sed et memoriam venerantes inprimis gloriosae semper Virginis Mariae genetricis eiusdem Dei et Domini nostri Iesu Christi. Sed et beatorum.

238 Hanc igitur oblationem servitutis nostrae sed et cunctae familiae tuae quam tibi offerimus pro his quoque quos regenerare dignatus es ex aqua et Spiritu Sancto tribuens eis remissionem omnium peccatorum quaesumus Domine ut placatus accipias.

238 Spiritum nobis Domine tuae caritatis infunde ut quos sacramentis paschalibus satiasti tua facias pietate concordes.

238 Deus qui hodierna die per Unigenitum tuum aeternitatis nobis aditum devicta morte reserasti: vota nostra quae praeveniendo aspiras etiam adiuvando prosequere.

239

239 Concede quaesumus omnipotens Deus ut qui resurrectionis dominicae sollemnia colimus innovatione tui spiritus a morte animae resurgamus. Per eundem Dominum.

239 Praesta quaesumus omnipotens Deus ut qui resurrectionis dominicae sollemnia colimus ereptionis nostrae suscipere laetitiam mereamur.

239 Praesta quaesumus omnipotens Deus ut qui gratiam dominicae resurrectionis agnovimus ipsi per amorem spiritus a morte animae resurgamus.

239 Deus qui sollemnitate paschali mundo remedia contulisti: populum tuum quaesumus caelesti dono prosequere ut et perfectam libertatem consequi mereamur et ad vitam proficiat sempiternam.

240

240 Concede quaesumus omnipotens Deus ut qui peccatorum nostrorum pondere premimur a cunctis malis imminentibus per haec paschalia festa liberemur.

240 Concede quaesumus omnipotens Deus ut festa paschalia quae venerando colimus etiam vivendo teneamus.

240 Deus qui populum tuum de hostis callidi servitute liberasti preces eius misericorditer respice ed adversantes ei tua virtute prosterne.

240 Deus qui Ecclesiam tuam novo semper foetu multiplicas: concede famulis tuis ut sacramentum vivendo teneant quod fide perceperunt.

240 Suscipe Domine fidelium preces cum oblationibus hostiarum ut per haec piae devotionis officia ad caelestem gloriam transeamus.

241 Circumdantes altaria tua Domine virtutum et in ipsius agni immolatione gloriantes qui seipsum pro nobis obtulit immolandum et corpore eius et sanguine quo a peccatis redempti sumus ad aeternam vitam sacrificiis caelestibus pasceremur.

241

241 Concede quaesumus omnipotens Deus ut paschalis perceptio sacramenti continua in nostris mentibus perseveret.

241 Concede quaesumus omnipotens Deus ut qui paschalis festivitatis sollemnia colimus in tua semper sanctificatione vivamus.

241 Praesta quaesumus omnipotens Deus ut per haec paschalia festa quae colimus devoti semper in tua laude vivamus.

241 Deus qui conspicis familiam tuam omni humana virtute destitui paschali interveniente sollemnitate tui eam brachii protectione custodi.

242 Deus qui nos resurrectionis dominicae annua sollemnitate laetificas: concede propitius ut per temporalia festa quae agimus pervenire ad gaudia aeterna mereamur.

242 Sacrificia Domine paschalibus gaudiis immolamus quibus ecclesia mirabiliter et pascitur et nutritur.

242 Ab omni nos quaesumus Domine vetustate purgatos sacramenti tui veneranda perceptio in novam transferat creaturam.

242 Praesta quaesumus omnipotens Deus ut huius paschalis festivitatis mirabile sacramentum et temporalem nobis tranquillitatem tribuat et vitam conferat sempiternam.

242 Deus qui nos per paschalia festa laetificas concede propitius ut ea quae devote agimus te adiuvante fideliter teneamus.

243 Tribue quaesumus omnipotens Deus ut illuc tendat Christianae devotionis affectus in quo tecum est nostra substantia. Per eundem Dominum.

243 Deus qui diversitatem gentium in confessione tui nominis adunasti: da ut renatis fonte baptismatis una sit fides mentium et pietas actionum.

243 Suscipe quaesumus Domine munera populorum tuorum propitius ut confessione tui nominis et baptismate renovati sempiternam beatitudinem co(n)sequantur.

243

243 Exaudi Domine preces nostras ut redemptionis nostrae sacrosancta commercia et vitae nobis conferant praesentis auxilium et gaudia sempiterna concilient.

244 Deus qui nobis ad celebrandum paschale sacramentum liberiores animos praestitisti: doce nos et metuere quod irasceris et amare quod praecipis.

244 Da quaesumus omnipotens Deus ut Ecclesia tua et suorum firmitate membrorum et nova semper faecunditate laetetur.

244 Multiplica quaesumus Domine fidem populi tui et cuius per te sumpsit initium per te consequatur augmentum.

244 Omnipotens sempiterne Deus qui paschale sacramentum in reconciliationis humanae foedere contulisti da mentibus nostris ut quod professione celebramus imitemur affectu.

245 Hostias quaesumus Domine placatus assume quas et pro renatorum expiatione peccati deferimus et pro acceleratione caelestis auxilii Per Dominum.

245 Qui humanis miseratus erroribus de virgine nasci dignatus est et per passionem mortis a perpetua nos morte liberavit ac resurrectione sua aeternam nobis contulit vitam. Et ideo.

245

245 Respice quaesumus Domine populum tuum et quem aeternis dignatus es renovare mysteriis a temporalibus culpis dignanter absolve.

245 Deus per quem nobis et redemptio venit et praestatur adoptio: respice in opera misericordiae tuae ut in Christo renatis aeterna tribuatur hereditas et vera libertas Per eundem.

246 Adesto quaesumus Domine familiae tuae et dignanter impende ut quibus fidei gratiam contulisti et coronam largiaris aeternam.

246 Concede quaesumus omnipotens Deus ut qui festa paschalia venerando egimus per haec contingere ad gaudia aeterna mereamur.

246 Concede quaesumus Domine semper nos per haec mysteria paschalia gratulari ut continua nostrae reparationis operatio perpetuae nobis fiat causa laetitiae.

246 Redemptionis nostrae munere vegetati quaesumus Domine ut hoc perpetuae salutis auxilium fides semper vera perficiat.

248 Quaesumus Domine Deus noster ut sacrosancta mysteria quae pro reparationis nostrae munimine contulisti et praesens nobis remedium esse facias et futurum.

248 Largire quaesumus Domine fidelibus tuis indulgentiam placatus et pacem ut pariter ab omnibus mundentur offensis et secura tibi mente deserviant.

248 Deus qui nos exsultantibus animis Pascha tuum celebrare tribuisti: fac nos quaesumus et temporalibus gaudere subsidiis et aeternitatis affectibus gratulari.

248 Deus qui omnes in Christo renatos genus regium et sacerdotale fecisti: da nobis et velle et posse quae praecipis ut populo ad aeternitatem vocato una sit fides cordium et pietas actionum.

249 Deus qui credentes in te fonte baptismatis innovasti hanc renatis in Christo concede custodiam ut nullo erroris incursu gratiam tuae benedictionis amittant.

249 Deus qui pro salute mundi sacrificium paschale fecisti: propitiare supplicationibus nostris ut interpellans pro nobis pontifex summus nos per id quod nostri est similis reconciliet per id quod tibi est aequalis absolvat: Iesus Christus filius.

249 Deus qui ad aeternam vitam in Christi resurrectione nos reparas: erige nos ad considentem in dextera tua nostrae salutis auctorem ut qui propter nos iudicandus advenit pro nobis iudicaturus adveniat (idem) Iesus Christus Filius tuus Dominus.

249 Deus et reparator innocentiae et amator dirige ad te tuorum corda servorum ut de infidelitatis tenebris liberati numquam a tuae virtutis luce discedant.

250 Deus per cuius providentiam nec praeteritorum momenta deficiunt neque ulla superest expectatio futurorum: tribue permanentem peractae quae recolimus sollemnitatis effectum ut quod recordatione percurrimus semper in opere teneamus.

250 Clementiam tuam Domine suppliciter exoramus ut paschalis muneris sacramentum quod fide recolimus et spe desideramus intenti perpetua dilectione capiamus.

250 Redemptionis nostrae festa recolere quibus humana substantia vinculis praevaricationis exuta spem resurrectionis per renovatam originis dignitatem donavit.

250 Tua nos quaesumus Domine quae sumpsimus sancta purificent et operationis suae remedio nos perficiant esse placatos.

251 Gratiam tuam quaesumus Domine mentibus nostris infunde ut qui angelo nuntiante Christi Filii tui incarnationem cognovimus per passionem eius et crucem ad resurrectionis gloriam perducamur.

251 Accepta tibi sit quaesumus Domine haec oblatio plebis tuae quam tibi offerimus hodie ob incarnationem simul et passionem redemptoris nostri Iesu Christi te supplices deprecantes ut placatus accipias.

251 Quia per mirabile mysterium et inenarrabile sacramentum hodie unigenitum tuum virgo sacra concepit et caeli Dominum clausis portavit visceribus. O magna clementia deitatis quae virum non cognovit et mater est et post filium virgo est. Duobus enim gavisa est muneribus: miratur quod virgo concepit laetatur quod edidit redemptorem. Quem laudant angeli.

252 Deus qui divinis obsequiis angelorum magnificas dignitates extremitatem nostram ad respectum tuae visitationis illustra ut quod per illos facis nobis mirabiliter nuntiari facias nos misericorditer adipisci.

252 Protege Domine famulos tuos subsidiis pacis et beatae Mariae patrociniis confidentes a cunctis hostibus redde securos.

252 Deus qui in Filii tui humilitate iacentem mundum erexisti fidelibus tuis laetitiam concede perpetuam ut quos perpetuae mortis eripuisti casibus gaudiis facias sempiternis perfrui.

252 Benedictionem Domine nobis conferat salutarem sacra semper oblatio ut quod agit mysterio virtute perficiat.

253 Praesta nobis omnipotens Deus ut vivificationis tuae gratiam consequentes in tuo semper munere gloriemur. Per.

253 Praesta quaesumus omnipotens Deus ut qui sanctorum tuorum Tiburtii Valeriani et Maximi sollemnia colimus eorum etiam virtutes imitemur.

253 Haec hostia quaesumus Domine quam sanctorum tuorum natalicia recensentes offerimus et vincula nostrae pravitatis absolvat et tuae nobis misericordiae dona conciliet.

253 Sacro munere satiati supplices te Domine deprecamur ut quod debitae servitutis celebramus officio salvationis tuae sentiamus augmentum.

254 Deus qui errantibus ut in viam possint redire iustitiae veritatis tuae lumen ostendis: da cunctis qui Christiana professione consentur et illa respuere quae huic inimica sunt nomini et ea quae sunt apta sectari.

254 His nobis Domine mysteriis conferatur ut terrena desideria mitigantes discamus amare caelestia.

254 Qui humanis miseratus erroribus de virgine nasci dignatus est et per passionem mortis a perpetua nos morte liberavit ac resurrectione sua aeternam nobis contulit vitam. Et ideo cum angelis.

254 Sacramenta quae sumpsimus quaesumus Domine et spiritalibus nos expient alimentis et corporalibus tueantur auxiliis.

255 Mentem familiae tuae quaesumus Domine intercedente beato Laurentio martyre tuo et munere compunctionis aperi et largitate pietatis exaudi.

255 Deus qui culpas delinquentium districte feriendo percutis fletus quoque lugentium non recuses ut qui pondus tuae animadversionis cognovimus etiam pietatis gratiam sentiamus.

255 Parce Domine quaesumus parce populo tuo et nullis iam patiaris adversitatibus fatigari quos pretioso Filii tui sanguine redemisti.

255 Deus qui culpas nostras piis verberibus percutis ut nos a nostris iniquitatibus emundes da nobis et de verbere tuo proficere et de tua citius consolatione gaudere.

256 Adesto Domine supplicationibus nostris et sperantes in tua misericordia intercaedente beato Petro apostolo tuo caelesti protege benignus auxilio.

256 Praesta quaesumus omnipotens Deus ut qui in afflictione nostra de tua pietate confidimus contra adversa omnia tua semper protectione muniamur.

256 Haec munera Domine quaesumus et vincula nostrae iniquitatis absolvant et tuae nobis misericordiae dona concilient.

256 Vota nostra quaesumus Domine pio favore prosequere ut dum dona tua in tribulatione percepimus de consolatione nostra in tuo amore crescamus.

256 Praesta quaesumus omnipotens Deus ut intercedente beato Vitale martyre tuo et a cunctis adversitatibus liberemur in corpore et a pravis cogitationibus mundemur in mente.

257 Deus totius conditor creaturae famulos tuos quos fonte renovasti baptismatis quosque gratiae tuae plenitudine solidasti in adoptionis sorte facias dignanter adscribi.

257 Deus qui multiplicas Ecclesiam tuam in sobole renascendum: fac eam gaudere propitius de suorum profectibus filiorum.

257 Praesta quaesumus omnipotens Deus ut qui paschalia festa peregimus haec te largiente moribus et vita teneamus.

257 Suscipe munera quaesumus Domine exsultantis ecclesiae et cui causam tanti gaudii praestitisti perpetuum fructum concede laetitiae.

257 Accepta sit in conspectu tuo Domine nostra devotio et eius nobis fiat supplicatione salutaris pro cuius sollemnitate defertur.

257 Refecti participatione muneris sacri quaesumus Domine Deus noster ut cuius exsequimur cultum sentiamus effectum.

257 Deus qui fidelium mentes unius efficis voluntatis: da populis tuis id amare quod praecipis id desiderare quod promittis ut inter mundanas varietates ibi nostra fixa sint corda ubi vera sunt gaudia.

257 Deus qui nos per huius sacrificii veneranda commercia unius summae divinitatis participes effecisti praesta quaesumus ut sicut tuam cognoscimus veritatem sic eam dignis moribus adsequamur.

258 De tuo munere postulantes ut tempora quibus post resurrectionem Dominus noster Iesus Christus cum discipulis corporaliter habitavit pia devotione tractemus. Per quem maiestatem.

258 Adesto Domine Deus noster ut per haec quae fideliter sumpsimus et purgemur a vitiis et a periculis omnibus exuamur.

258 Deus qui nos annua apostolorum tuorum Philippi et Iacobi sollemnitate laetificas praesta quaesumus ut quorum gaudemus meritis instruamur exemplis.

258 Munera Domine quae pro apostolorum tuorum Philippi et Iacobi sollemnitate deferimus propitius suscipe et mala omnia quae meremur averte.

259 Quaesumus Domine salutaribus repleti mysteriis ut quorum sollemnia celebramus eorum orationibus adiuvemur.

259 Praesta quaesumus omnipotens Deus ut qui sanctorum tuorum Alexandri Eventii Theodoli natalicia colimus a cunctis malis imminentibus eorum intercessione liberemur.

259 Sacrificium laudis tibi Domine offerimus in tuorum commemoratione sanctorum: da quaesumus ut quod illis contulit gloriam nobis prosit ad salutem.

259 Pasce nos Domine tuorum gaudiis ubique sanctorum quia nostrae salutis augmenta sunt quoties illis honor impenditur in quibus tu mirabilis praedicaris.

260 Deus qui in praeclara salutiferae crucis inventione passionis tuae miracula suscitasti concede ut vitalis ligni pretio aeternae vitae suffragia consequamur. Qui cum patre vivis et regnas Deus in unitate Spiritus Sancti per omnia saecula.

260 Supplices Domine te rogamus ut his sacrificiis peccata nostra mundentur et devotas humilitatis nostrae preces misericordiae tuae praecedat auxilium et salutem quam per Adam in paradiso ligni clauserat temerata praesumptio ligni rursum fides aperiat.

260 Repleti alimonia caelesti et spiritali poculo recreati quaesumus omnipotens Deus ut ab hoste maligno defendas quos per lignum sanctae crucis Filii tui arma iustitiae pro salute mundi triumphare iussisti.

260 Deus a quo bona cuncta procedunt largire supplicibus ut cogitemus te inspirante quae recta sunt et te gubernante eadem faciamus.

261 Suscipe Domine fidelium preces cum oblationibus hostiarum ut per haec piae devotionis officia ad caelestem gloriam transeamus.

261 Ut mentes nostras bonis operibus semper informes quia sic erimus praeclari muneris prompta sinceritate cultores si ad meliora iugiter transeuntes paschale mysterium studeamus habere perpetuum. Per Christum Dominum nostrum.

261 Tribue nobis Domine caelestis mensae virtutis societatem et desiderare quae recta sunt et desiderata percipere.

261 Deus qui conspicis quia nos undique mala nostra conturbant praesta quaesumus ut beati Ioannis apostoli tui intercessio gloriosa nos protegat.

262 Muneribus nostris quaesumus Domine precibusque susceptis et caelestibus nos munda mysteriis et clementer exaudi.

262 Refecti Domine pane caelesti ad vitam quaesumus nutriamur aeternam.

262 Da quaesumus omnipotens Deus ut qui beati Gordiani martyris tui sollemnia colimus eius apud te intercessionibus adiuvemur.

262 Hostias tibi Domine beati Gordiani martyris tui dicatas meritis benignus assume et ad perpetuum nobis tribue provenire subsidium.

263 Quaesumus omnipotens Deus ut qui caelestia alimenta percepimus intercedente beato Gordiano martyre tuo per haec contra omnia adversa muniamur. Per.

263 Praesta quaesumus omnipotens Deus ut qui beati Pancratii martyris tui natalicia colimus a cunctis malis imminentibus eius intercessione liberemur.

263 Munera quaesumus Domine tibi dicata sanctifica et intercedente beato Pancratio martyre tuo per eadem nos placatus intende.

263 Beati Pancratii martyris tui Domine intercessione placatus praesta quaesumus ut quae temporali celebramus actione perpetua salvatione capiamus.

264 Concede quaesumus omnipotens Deus ad eorum nos gaudia aeterna pertingere de quorum nos virtute tribuis annua sollemnitate gaudere.

264 Super has quaesumus hostias Domine benedictio copiosa descendat quae et sanctificationem nobis clementer operetur et de martyrum nos sollemnitate laetificet.

264 Supplices te rogamus omnipotens Deus ut quos tuis reficis sacramentis tibi etiam placitis moribus dignanter deservire concedas.

264 Concede quaesumus omnipotens Deus ut qui hodierna die unigenitum tuum redemptorem nostrum ad caelos ascendisse credimus ipsi quoque mente in caelestibus habitemus.

265 Suscipe Domine munera quae pro Filii tui gloriosa ascensione deferimus: et concede propitius ut a praesentibus periculis liberemur et ad vitam perveniamus aeternam.

265 Qui post resurrectionem suam omnibus discipulis suis manifestus apparuit et ipsis cernentibus est elevatus in caelum ut nos divinitatis suae tribueret esse participes. Et ideo cum angelis et archangelis.

265 Communicantes et diem sacratissimum celebrantes quo Dominus noster unigenitus Filius tuus unitam sibi fragilitatis nostrae substantiam in gloriae tuae dextera collocavit sed et memoriam.

265 Praesta nobis quaesumus omnipotens et misericors Deus ut quae visibilibus mysteriis sumenda percepimus invisibili consequamur effectu.

265 Praesta quaesumus omnipotens Deus ut nostrae mentis intentio quo sollemnitatis hodiernae gloriosus auctor ingressus est semper intendat et quo fide pergit conversatione perveniat.

266 Adesto Domine supplicationibus nostris ut sicut humani generis salvatorem consedere tecum in tua maiestate confidimus ita usque ad consummationem saeculi manere nobiscum quemadmodum est pollicitus sentiamus.

266 Deus cuius Filius in alta caelorum potenter ascendens captivitatem nostram sua duxit virtute captivam tribue quaesumus ut dona quae suis participibus contulit largiatur et nobis Iesus Christus.

266 Omnipotens sempiterne Deus fac nos tibi semper et devotam gerere voluntatem et maiestati tuae sincero corde servire.

266 Sacrificia nos Domine immaculata purificent et mentibus nostris supernae gratiae dent vigorem.

267 Ut quia primum tuae pietatis indicium est si tibi nos facias toto corde subiectos tu spiritum nobis tantae devotionis infundas ut propitius largiaris consequenter auxilium.

267 Repleti Domine muneribus sacris da quaesumus ut in gratiarum actione semper maneamus.

267 Da quaesumus omnipotens Deus ut qui beati Urbani martyris tui aque pontificis sollemnia colimus eius apud te intercessionibus adiuvemur.

267 Haec hostia Domine quaesumus emundet nostra delicta et sacrificium celebrandum subditorum tibi corpora mentesque sanctificet.

268 Refecti participatione muneris sacri quaesumus domine deus noster ut cuius exsequimur cultum sentiamus effectum. Per.

268 Tentavit Deus Abraham.

268 Deus qui in Abrahae famuli tui opere humano generi oboedientiae exempla praebuisti concede nobis et nostrae voluntatis pravitatem frangere et tuorum praeceptorum rectitudinem in omnibus adimplere.

268 Scripsit Moyses canticum.

268 Deus qui nobis per prophetarum ora praecepisti temporalia relinquere atque ad aeterna festinare: da famulis tuis ut quae a te iussa cognovimus implere caelesti inspiratione valeamus.

269 Apprehenderunt septem mulieres virum.

269 Deus qui nos ad celebrandam festivitatem utriusque testamenti paginis instruis: da nobis intellegere misericordiam tuam ut ex perceptione praesentium munerum firma sit expectatio futurorum.

269 Audi Israel mandata vitae.

269 Deus incommutabilis virtus et lumen aeternum respice propitius ad totius ecclesiae mirabile sacramentum et da famulis tuis ut hoc quod devote agimus etiam rectitudine vitae teneamus.

269 Sicut cervus.

269 Concede quaesumus omnipotens Deus ut qui sollemnitatem doni Spiritus Sancti colimus caelestibus desideriis accensi fontem vitae sitiamus.

270 Praesta quaesumus omnipotens Deus ut claritatis tuae super nos splendor effulgeat et lux tuae lucis corda eorum qui per gratiam tuam renati sunt Sancti Spiritus illustratione confirmet.

270 Munera Domine quaesumus oblata sanctifica et corda nostra Sancti Spiritus illustratione emunda.

270 Qui ascendens super omnes caelos sedensque ad dexteram tuam promissum Spiritum Sanctum hodierna die in filios adoptionis effudit. Quapropter profusis gaudiis totus in orbe terrarum mundus exsultat. Sed et supernae virtutes atque angelicae potestates hymnum gloriae tuae concinunt sine fine dicentes.

271 Communicantes et diem sacratissimum Pentecosten celebrantes quo Spiritus Sanctus apostolis innumeris linguis apparuit sed et memoriam venerantes.

271 Hanc igitur oblationem servitutis nostrae sed et cunctae familiae tuae quam tibi offerimus pro his quoque quos regenerare dignatus es ex aqua et Spiritu Sancto tribuens eis remissionem omnium peccatorum quaesumus Domine ut placatus accipias.

271 Sancti Spiritus Domine corda nostra mundet infusio et sui roris intima aspersione fecundet. <Per.> In unitate.

271 Deus qui hodierna die corda fidelium Sancti Spiritus illustratione docuisti da nobis in eodem spiritu recta sapere et de eius semper consolatione gaudere.

272

272 Omnipotens sempiterne Deus qui paschale sacramentum quinquaginta dierum voluisti mysterio contineri: praesta ut gentium facta dispersio divisione linguarum ad unam confessionem tui nominis caelesti munere congregetur.

272 Deus qui sacramento festivitatis hodiernae universam Ecclesiam tuam in omni gente et natione sanctificas in totam mundi latitudinem Spiritus tui dona diffunde.

272 Deus qui discipulis tuis Spiritum Sanctum Paraclitum in ignis fervore tui amoris mittere dignatus es da populis tuis in unitate fidei esse ferventes ut in tua semper dilectione permanentes et in fide inveniantur stabiles et in opere efficaces. Qui cum patre vivis et regnas Deus in <unitate>.

272 Omnipotens sempiterne Deus deduc nos ad societatem caelestium gaudiorum ut Spiritu Sancto renatos regnum tuum facias introire atque eo perveniat humilitas gregis quo praecessit celsitudo pastoris.

272 Concede nobis misericors Deus ut sicut in nomine Patris et Filii divini generis intellegimus veritatem sic in Spiritu Sancto totius cognoscamus substantiam Trinitatis.

273 Praesta quaesumus Domine ut a nostris mentibus carnales amoveat Spiritus Sanctus affectus et spiritalia nobis dona potenter infundat.

273 Annue misericors Deus ut qui divina praecepta violando a paradisi felicitate decidimus ad aeternae beatitudinis redeamus accessum per tuorum custodiam mandatorum.

273 Deus qui apostolis tuis sanctum dedisti spiritum concede plebi tuae petitionis effectum ut quibus dedisti fidem largiaris et pacem.

273 Propitius Domine quaesumus haec dona sanctifica et hostiae spiritalis oblatione suscepta nosmetipsos tibi perfice munus aeternum.

273 Adesto Domine quaesumus populo tuo et quem mysteriis caelestibus imbuisti ab hostium furore defende.

274 Assit nobis Domine quaesumus virtus Spiritus Sancti qui corda nostra clementer expurget et ab omnibus tueatur adversis.

274 Purificet nos Domine quaesumus muneris praesentis oblatio et dignos sacra participatione perficiat.

274 Mentes nostras quaesumus Domine Spiritus Sanctus divinis reparet sacramentis quia ipse est remissio omnium peccatorum.

274 Mentes nostras quaesumus Domine Paraclitus qui a te procaedit illumina et inducat in omnem sicut tuus promisit filius veritatem.

275 Praesta quaesumus omnipotens et misericors Deus ut Spiritus Sanctus adveniens templum nos gloriae suae dignanter habitando perficiat.

275 Accipe quaesumus Domine munus oblatum et dignanter operare ut quod mysteriis agimus piis affectibus celebremus.

275 Sumentes Domine caelestia sacramenta quaesumus clementiam tuam ut quod temporaliter gerimus aeternis gaudiis consequamur.

275 Da quaesumus ecclesiae tuae misericors Deus ut sancto spiritu congregata hostili nullatenus incursione turbetur.

276 Sacrificia Domine tuis oblata conspectibus ignis ille divinus assumat qui discipulorum Christi tui per sanctum spiritum corda succendit.

276 Sumpsimus Domine sacra dona mysterii humiliter deprecantes ut quae in tui commemoratione nos facere praecepisti in nostrae proficiant infirmitatis auxilium.

276 Mentibus nostris Domine Spiritum Sanctum benignus infunde cuius et sapientia conditi sumus et providentia gubernamur.

276 Illo nos igne quaesumus Domine Spiritus Sanctus inflammet quem Dominus noster Iesus Christus misit in terram et voluit vehementer accendi.

277 Deus qui ad animarum medelam ieiunii devotione castigari corpora praecepisti concede nobis propitius et mente et corpore semper tibi esse devotos.

277 Praesta quaesumus omnipotens Deus ut salutaribus ieiuniis eruditi ab omnibus etiam vitiis abstinentes propitiationem tuam facilius impetremus.

277 Praesta quaesumus omnipotens Deus sic nos ab epulis carnalibus abstinere ut a vitiis inruentibus pariter ieiunemus.

277 Deus qui tribus pueris mitigasti flammas ignium concede propitius ut nos famulos tuos non exurat flamma vitiorum.

277 Ut accepta tibi sint Domine nostra ieiunia praesta nobis quaesumus huius munere sacramenti purificatum tibi pectus offerre.

278 Post illos enim laetitiae dies quos in honore Domini a mortuis resurgentis et in caelos ascendentis exegimus postque perceptum Spiritus Sancti donum necessaria nobis haec ieiunia sancta provisa sunt ut pura conversatione viventibus quae divinitus ecclesiae sunt conlata permaneant.

278 Praebeant nobis Domine divinum tua sancta fervorem quo eorum pariter et actu delectemur et fructu.

278 Deprecationem nostram quaesumus Domine benignus exaudi et quibus supplicandi praestas effectum tribue defensionis auxilium.

278 Munera Domine oblata sanctifica ut tui nobis Unigeniti corpus et sanguis fiat.

279 Haec nos communio Domine purget a crimine et caelestis remedii facias esse consortes.

279 Deus qui nos beati Nicomedis martyris tui meritis et intercessione laetificas concede propitius ut qui eius beneficia poscimus dona tuae gratiae consequamur.

279 Munera Domine oblata sanctifica et intercedente beato Nicomede martyre tuo nos per haec a peccatorum nostrorum maculis emunda.

279 Supplices te rogamus omnipotens Deus ut quos tuis reficis sacramentis intercedente beato Nicomede martyre tuo tibi etiam placitis moribus dignanter tribuas deservire.

280 Deus qui nos annua beatorum martyrum tuorum Marcellini et Petri sollemnitate laetificas praesta quaesumus ut quorum gaudemus meritis provocemur exemplis.

280 Haec hostia quaesumus Domine quam sanctorum tuorum natalicia recensentes offerimus et vincula nostrae pravitatis absolvat et tuae nobis misericordiae dona conciliet.

280 Sacro munere satiati supplices te Domine deprecamur ut quod debitae servitutis celebramus officio salvationis tuae sentiamus augmentum.

280 Deus in te sperantium fortitudo adesto propitius invocationibus nostris et quia sine te nihil potest mortalis infirmitas praesta auxilium gratiae tuae ut in exsequendis mandatis tuis et voluntate tibi et actione placeamus.

281 Ecclesiae tuae Domine munera placatus assume quae et misericors offerenda tribuisti et in nostrae salutis potenter efficis transire mysterium.

281 Tantis Domine repleti muneribus praesta quaesumus ut et salutaria dona capiamus et a tua numquam laude cessemus.

281 Deus qui te rectis ac sinceris manere pectoribus asseris da nobis tua gratia tales existere in quibus habitare digneris.

281 Oblatio nos Domine tuo nomini dicanda purificet et de die in diem ad caelestis vitae transferat actionem.

281 Sumptis muneribus Domine quaesumus ut confrequentatione mysterii crescat nostrae salutis effectus.

282 Praesta quaesumus omnipotens Deus ut qui sanctorum tuorum Marci et Marcelliani natalicia colimus a cunctis malis imminentibus eorum intercessione liberemur.

282 Munera tibi Domine dicata sanctifica et intercedentibus beato Marco et Marcelliano per eadem nos placatus intende.

282 Salutaris tui Domine munere satiati supplices exoramus ut quorum laetamur gustu renovemur effectu.

282 Deus qui nos annua sanctorum tuorum Protasii et Gervasii sollemnitate laetificas concede propitius ut quorum gaudemus meritis accendamur exemplis.

283 Oblatis quaesumus Domine placare muneribus et intercedentibus sanctis tuis a cunctis nos defende periculis.

283 Haec nos communio Domine purget a crimine et intercedentibus sanctis tuis caelestis remedii facias esse consortes.

283 Protector in te sperantium Deus sine quo nihil est validum nihil sanctum multiplica super nos misericordiam tuam ut te rectore te duce sic transeamus per bona temporalia ut non amittamus aeterna.

283 Respice Domine munera supplicantis ecclesiae et saluti credentium perpetua sanctificatione sumenda concede.

283 Sancta tua nos Domine sumpta vivificent et misericordiae sempiternae praeparent expiatos.

284 Praesta quaesumus omnipotens Deus ut familia tua per viam salutis incaedat et beati praecursoris hortamenta sectando ad eum quem praedixit secura perveniat.

284 Munera Domine oblata sanctifica et intercedente beato Ioanne Baptista per haec a peccatorum nostrorum maculis emunda.

284 Beati Ioannis Baptistae nos Domine praeclara comitetur oratio et quem venturum esse praedixit poscat nobis fore placatum.

284 Concede quaesumus omnipotens Deus ut qui beati Ioannis Baptistae sollemnia colimus eius apud te intercessione muniamur.

285 Munera Domine oblata sanctifica et intercedente beato Ioanne Baptista nos per haec a peccatorum nostrorum maculis emunda.

285 Praesta quaesumus omnipotens Deus ut qui caelestia alimenta percepimus intercedente beato Io0hanne baptista per haec contra omnia adversa muniamur.

285 Deus qui praesentem diem honorabilem nobis in beati Ioannis nativitate fecisti: da populis tuis spiritalium gratiam gaudiorum et omnium fidelium mentes dirige in viam salutis aeternae.

285 Tua Domine muneribus altaria cumulamus illius nativitatem honore debito celebrantes qui salvatorem mundi et cecinit adfuturum et adesse monstravit.

286 Sumat Ecclesia tua Deus beati Ioannis Baptistae generatione laetitiam per quem suae regenerationis cognovit auctorem Dominum.

286 Da quaesumus omnipotens Deus intra sanctae ecclesiae uterum constitutos eo nos spiritu ab iniquitate nostra iustificari quo beatum Ioannem intra viscera materna docuisti.

286 Omnipotens sempiterne Deus da cordibus nostris illam tuarum rectitudinem semitarum quam beati Ioannis Baptistae in deserto vox clamantis edocuit.

286 Deus qui nos beati Ioannis Baptistae concedis natalicio perfrui eius nos tribue meritis adiuvari.

286 Quaesumus omnipotens Deus ut nos geminata laetitia hodiernae festivitatis excipiat quae de beatorum Ioannis et Pauli glorificatione procaedit quos eadem fides et passio vere fecit esse germanos.

287 Hostias tibi Domine sanctorum martyrum tuorum Ioannis et Pauli dicatas meritis benignus assume et ad perpetuum nobis tribue provenire subsidium.

287 Sumpsimus Domine sanctorum tuorum sollemnia celebrantes caelestia sacramenta: praesta quaesumus ut quod temporaliter gerimus aeternis gaudiis consequamur.

287 Da nobis Domine quaesumus ut et mundi cursus pacifice nobis tuo ordine dirigatur et Ecclesia tua tranquilla devotione laetetur.

287 Oblationem quaesumus Domine placare susceptis et ad te nostras etiam rebelles compelle propitius voluntates.

288 Mysteria nos Domine sancta purificent et suo munere tueantur.

288 Praesta quaesumus omnipotens Deus ut nullis nos permittas perturbationibus concuti quos in apostolicae confessionis petra solidasti.

288 Munus populi tui Domine quaesumus apostolica intercessione sanctifica nosque a peccatorum nostrorum maculis emunda.

288 Te Domine suppliciter exorare ut gregem tuum pastor aeterne non deseras sed per beatos apostolos tuos continua protectione custodias ut iisdem rectoribus gubernetur quos operis tui vicarios eidem contulisti praeesse pastores. Et ideo cum angelis.

289 Quos caelesti Domine alimento satiasti apostolicis intercessionibus ab omni adversitate custodi.

289 Deus qui Ecclesiam tuam apostoli tui Petri fide et nomine consecrasti quique beatum illi Paulum ad praedicandum gentibus gloriam tuam sociare dignatus es: concede ut omnes qui ad apostolorum tuorum sollemnia convenerunt spiritali remuneratione ditentur.

289 Deus qui hodiernam diem apostolorum tuorum Petri et Pauli martyrio consecrasti: da ecclesiae tuae eorum in omnibus sequi praeceptum per quos religionis sumpsit exordium.

289 Hostias Domine quas nomini tuo sacrandas offerimus apostolica prosequatur oratio per quam nos expiari tribuis et defendi.

290

290 Deus qui apostolo Petro conlatis clavibus regni caelestis ligandi atque solvendi pontificium tradidisti: concede ut intercessionis eius auxilio a peccatorum nostrorum nexibus liberemur.

290 Omnipotens sempiterne Deus qui Ecclesiam tuam in apostolica soliditate fundatam ab infernorum eruis terrore portarum praesta ut in tua veritate persistens nulla recipiat consortia perfidorum.

290 Exaudi nos Deus salutaris noster et apostolorum tuorum nos tuere praesidiis quorum donasti fideles esse doctrinis.

290 Deus qui multitudinem gentium beati Pauli apostoli praedicatione docuisti: da nobis quaesumus ut cuius natalicia colimus eius apud te patrocinia sentiamus per Dominum.

291 Ecclesiae tuae quaesumus Domine preces et hostias apostolica commendet oratio ut quod pro illorum gloria celebramus nobis prosit ad veniam.

291 Perceptis Domine sacramentis beatis apostolis intervenientibus deprecamur ut quae pro illorum celebrata sunt gloria nobis proficiant ad medelam.

291 Deus qui nos sanctorum tuorum confessionibus gloriosis circumdas et protegis da nobis et eorum imitatione proficere et intercessione gaudere.

292 Suscipe Domine preces et munera quae ut tuo sint digna conspectui sanctorum tuorum precibus adiuvemur.

292 Corporis sacri et pretiosi sanguinis repleti libamine quaesumus Domine Deus noster ut quod pia devotione gerimus certa redemptione capiamus.

292 Deus qui diligentibus te bona invisibilia praeparasti: infunde cordibus nostris tui amoris affectum ut te in omnibus et super omnia diligentes promissiones tuas quae omne desiderium superant consequamur.

292 Propitiare Domine supplicationibus nostris et has oblationes famulorum famularumque tuarum benignus assume ut quod singuli obtulerunt ad honorem nominis tui cunctis proficiat ad salutem.

293 Quos caelesti Domine dono satiasti praesta quaesumus ut a nostris mundemur occultis et ab hostium liberemur insidiis. Per.

293 Deus cuius dextera beatum Petrum ambulantem in fluctibus ne mergeretur erexit et coapostolum eius Paulum tertio naufragantem de profundo pelagi liberavit exaudi nos propitius et concede ut amborum meritis aeternitatis gloriam consequamur.

293 Offerimus tibi Domine quaesumus preces et munera quae ut tuo sint digna conspectui apostolorum tuorum precibus adiuvemur.

293 Qui Ecclesiam tuam in tuis fidelibus ubique pollentem apostolicis facis constare doctrinis praesta quaesumus ut per quos initium divinae cognitionis accepit per eos utique in finem saeculi capiat regni caelestis augmentum. Per Christum Dominum nostrum.

294 Protege Domine populum tuum et apostolorum tuorum patrocinio confidentem perpetua defensione conserva.

294 Praesta quaesumus omnipotens Deus ut qui gloriosos martyres fortes in sua confessione cognovimus pios apud te in nostra intercessione sentiamus.

294 Sacrificiis praesentibus Domine quaesumus intende placatus et intercedentibus sanctis tuis devotioni nostrae proficiant et saluti.

294 Quaesumus omnipotens Deus ut illius salutaris capiamus effectum cuius per haec mysteria pignus accepimus.

295 Deus virtutum cuius est totum quod est optimum insere pectoribus nostris amorem tui nominis et praesta <ut> in nobis religionis augmentum quae sunt bona nutrias ac vigilanti studio quae sunt nutrita custodias.

295 Propitiare Domine supplicationibus nostris et has populi tui oblationes benignus assume ut nullius sit irritum votum et nullius vacua postulatio praesta quaesumus ut quod fideliter petimus efficaciter consequamur.

295 Repleti sumus Domine muneribus tuis: tribue quaesumus ut eorum mundemur effectu et muniamur auxilio.

296 Deus cuius providentia in sui dispositione non fallitur te supplices exoramus ut noxia cuncta submoveas et omnia nobis profutura concedas.

296 Hostias quaesumus Domine nostrae devotionis benignus assume et sacrificia gloriosa subditorum tibi corda purificent.

296 Tua nos Domine medicinalis operatio et a nostris perversitatibus clementer expediat et ad ea quae sunt recta perducat.

296 Largire nobis Domine quaesumus semper spiritum cogitandi quae recta sunt propitius et agendi ut qui sine te esse non possumus secundum te vivere valeamus.

297 Suscipe munera quaesumus Domine quae tibi de tua largitate deferimus ut haec sacrosancta mysteria gratiae tuae operante virtute praesentis vitae nos conversatione sanctificent et ad gaudia sempiterna perducant.

297 Sit nobis Domine reparatio mentis et corporis caeleste mysterium ut cuius exsequimur actionem sentiamus effectum.

297 Infirmitatem nostram respice omnipotens Deus et quia pondus propriae actionis gravat beati Felicis martyris tui atque pontificis intercessio gloriosa nos protegat.

297 Accepta sit in conspectu tuo Domine nostra devotio et eius nobis fiat supplicatione salutaris pro cuius sollemnitate defertur.

298 Spiritum nobis Domine tuae caritatis infunde ut quos uno caelesti pane satiasti intercedente beato Felice martyre tuo tua facias pietate concordes.

298 Deus qui sanctis tuis Abdo et Sennen ad hanc gloriam veniendi copiosum munus gratiae contulisti da famulis tuis suorum veniam peccatorum ut sanctorum tuorum intercedentibus meritis ab omnibus mereamur adversitatibus liberari.

298 Hostia haec quaesumus Domine quam in sanctorum tuorum nataliciis recensentes offerimus et vincula nostrae pravitatis absolvat et tuae nobis misericordiae dona conciliet.

298 Per huius Domine operationem mysterii et vitia nostra purgentur et intercedentibus sanctis tuis iusta desideria compleantur.

299 Praesta quaesumus omnipotens et misericors Deus ut inter huius vitae caligines ne ignorantia fallente mergamur nec praecipiti studeamus voluntate peccare sed cui fiduciam sperandae pietatis indulges optatae misericordiae praesta benignus effectum.

299 Concede nobis haec quaesumus Domine frequentare mysteria quia quoties huius hostiae commemoratio celebratur opus nostrae redemptionis exercetur.

299 Tui nobis Domine communio sacramenti et purificationem conferat et tribuat unitatem.

299 Deus qui nos beati Stephani martyris tui atque pontificis annua sollemnitate laetificas: concede propitius ut cuius natalicia colimus de eiusdem etiam protectione gaudeamus.

300 Munera tibi Domine dicata sanctifica et intercedente beato Stephano martyre tuo atque pontifice per eadem nos placatus intende.

300 Haec nos communio Domine purget a crimine et intercedente beato Stephano martyre tuo atque pontifice caelestibus remediis faciat esse consortes.

300 Deus qui conspicis quia ex nulla nostra virtute subsistimus concede propitius ut intercessione beati Sixti martyris tui atque pontificis contra omnia adversa muniamur.

300 Sacrificiis praesentibus Domine quaesumus intende placatus ut et devotioni nostrae proficiant et saluti.

300 Praesta quaesumus Domine Deus noster ut in cuius nobis festivitate votiva sunt sacramenta eius salutaria nobis intercessione reddantur.

301 Deus qui nos concedis sanctorum martyrum tuorum Felicissimi et Agapiti natalicia colere da nobis in aeterna laetitia de eorum societate gaudere.

301 Munera tibi Domine nostrae devotionis offerimus quae et pro tuorum tibi grata sint honore iustorum et nobis salutaria te miserante reddantur.

301 Praesta nobis Domine quaesumus intercedentibus sanctis tuis Felicissimo et Agapito ut quae ore contingimus pura mente capiamus.

301 Deus qui omnipotentiam tuam parcendo maxime et miserando manifestas multiplica super nos gratiam tuam ut ad tua promissa currentes caelestium bonorum facias esse consortes.

302 Tibi Domine sacrificia dicata reddantur quae sic ad honorem nominis tui deferenda tribuisti ut eadem remedia fieri nostra praestares.

302 Quaesumus Domine Deus noster ut quos divinis reparare non desinis sacramentis tuis non destituas benignus auxiliis.

302 Deus qui nos annua beati Cyriaci martyris tui sollemnitate laetificas: concede propitius ut cuius natalicia colimus virtutem quoque passionis imitemur.

302 Accepta sit in conspectu tuo Domine nostra devotio et eius nobis fiat supplicatione salutaris pro cuius sollemnitate defertur.

302 Refecti participatione muneris sacri quaesumus Domine Deus noster ut cuius exsequimur cultum sentiamus effectum.

303 Adesto Domine supplicationibus nostris et intercessione beati Laurentii martyris tui perpetuam nobis misericordiam benignus impende.

303 Hostias Domine quas tibi offerimus propitius suscipe et intercedente beato Laurentio martyre tuo vincula peccatorum nostrorum absolve.

303 Da quaesumus Domine Deus noster ut sicut beati Laurentii martyris tui commemoratione temporali gratulamur officio ita perpetuo laetemur aspectu.

303 Excita Domine in Ecclesia tua spiritum cui beatus Laurentius levita servivit ut eodem nos replente studeamus amare quod amavit et opere exercere quod docuit.

304 Sacrificium nostrum tibi Domine quaesumus beati Laurentii precatio sancta conciliet ut cuius honore sollemniter exhibetur meritis efficiatur acceptum.

304 Supplices te rogamus omnipotens Deus ut quos donis caelestibus satiasti intercedente beato Laurentio martyre tuo perpetua protectione custodias.

304 Da nobis quaesumus omnipotens Deus vitiorum nostrorum flammas extinguere qui beato Laurentio tribuisti tormentorum suorum incendia superare.

304 Accipe quaesumus Domine munera dignanter oblata et beati Laurentii suffragantibus meritis ad nostrae salutis auxilium provenire concede.

304 Cuius gratia beatus Laurentius dispensator egregius et usque ad sanguinem nominis tui confessor eximius simul in alendis pauperibus ecclesiasticae pietatis et testificatione Filii tui Domini nostri praebuit martyr beatus exemplum.

305 Sacro munere satiati supplices te Domine deprecamur ut quod debitae servitutis celebramus officio intercedente beato Laurentio salvationis tuae sentiamus augmentum.

305 Deus cuius caritatis ardore beatus Laurentius edaces incendii flammas contempto persecutore devicit concede ut omnes qui martyrii eius merita veneramur protectionis tuae auxilio muniamur.

305 Sancti Laurentii nos Domine sancta precatio tueatur et quod nostra conscientia non meretur eius nobis qui tibi placuit oratione donetur.

305 Beati Tiburtii nos Domine foveant continuata praesidia quia non desinis propitius intueri quos talibus auxiliis concesseris adiuvari.

305 Adesto Domine precibus populi tui adesto muneribus ut quae sacris sunt oblata mysteriis tuorum tibi placeant intercessione sanctorum.

306 Sumpsimus Domine pignus redemptionis aeternae quod sit nobis quaesumus interveniente beato Tiburtio martyre tuo vitae praesentis auxilium pariter et futurae.

306 Da nobis omnipotens Deus ut beati Hippolyti martyris tui veneranda sollemnitas et devotionem nobis augeat et salutem.

306 Respice Domine munera populi tui sanctorum festivitate votiva et tuae testificatio veritatis nobis proficiat ad salutem.

306 Sacramentorum tuorum Domine communio sumpta nos salvet et in tuae veritatis luce confirmet.

306 Omnipotens sempiterne Deus qui abundantia pietatis tuae et merita supplicum excedis et vota effunde super nos misericordiam tuam ut dimittas quae conscientia metuit et adicias quod oratio non praesumit.

307 Respice Domine quaesumus nostram propitius servitutem ut quod offerimus sit tibi munus acceptum sit nostrae fragilitati subsidium.

307 Sentiamus Domine quaesumus tui perceptione sacramenti subsidium mentis et corporis ut in utroque salvati caelestis remedii plenitudine gloriemur.

307 Deus qui nos beati Eusebii confessoris tui annua sollemnitate laetificas: concede propitius ut cuius natalicia colimus per eius ad te exempla gradiamur.

307 Laudis tuae Domine hostias immolamus in tuorum commemoratione sanctorum quibus nos et praesentibus exui malis confidimus et futuris.

308 Refecti cibo potuque caelesti Deus noster te supplices exoramus ut in cuius haec commemoratione percepimus eius muniamur et precibus.

308 Concede quaesumus omnipotens Deus ad beatae Mariae semper Virginis gaudia aeterna pertingere de cuius nos veneranda assumptione tribuis annua sollemnitate gaudere.

308 Intercessio quaesumus Domine beatae Mariae semper Virginis munera nostra commendet nosque in eius veneratione tuae maiestati reddat acceptos.

308 Nos te in tuis sacratissimis virginibus exsultantibus animis laudare benedicere et praedicare inter quas beata Dei genetrix intemerata virgo Maria gloriosissima effulsit cuius assumptionis diem quo exaltata est super choros angelorum ad caelestia regna praesenti sacrificio celebramus.

309 Supplices te rogamus omnipotens Deus ut quos tuis reficis sacramentis tibi etiam intercedente beata Maria semper virgine placitis moribus dignanter deservire concedas.

309 Laetetur Ecclesia tua Deus beati Agapiti martyris tui confisa suffragiis atque eius precibus gloriosis et devota permaneat et secura consistat.

309 Suscipe Domine munera quae in eius tibi sollemnitate deferimus cuius nos confidimus patrocinio liberari.

309 Satiasti Domine familiam tuam muneribus sacris eius quaesumus semper interventione nos refove cuius sollemnia celebramus.

310 Omnipotens sempiterne Deus per quem coepit esse quod non erat et factum est visibile quod latebat stultitiam nostri cordis emunda et quae in nobis sunt vitiorum secreta purifica ut possimus tibi Domino pura mente servire.

310 Hostias quaesumus Domine propitius intende quas sacris altaribus exhibemus ut nobis indulgentiam largiendo tuo nomini dent honorem.

310 Vivificet nos quaesumus Domine huius participatio sancta mysterii et pariter nobis expiationem tribuat et munimen.

310 Auxilium tuum nobis Domine quaesumus placatus impende et intercedente beato Timotheo martyre tuo dexteram super nos tuae propitiationis extende.

311 Accepta tibi sit Domine sacratae plebis oblatio pro morum honore sanctorum quorum se meritis percepisse de tribulatione cognoscit auxilium.

311 Divini muneris largitate satiati quaesumus Domine Deus noster ut intercedente beato Timotheo martyre tuo eius semper participatione vivamus.

311 Omnipotens sempiterne Deus da nobis fidei spei et caritatis augmentum et ut mereamur assequi quod promittis fac nos amare quod praecipis.

311 Propitiare Domine populo tuo propitiare muneribus et hac oblatione placatus et indulgentiam nobis tribuas et postulata concedas.

312 Sumptis Domine caelestibus sacramentis ad redemptionis aeternae quaesumus proficiamus augmentum.

312 Deus qui beatum Hermen martyrem tuum virtute constantiae in passione roborasti ex eius nobis imitatione tribue pro amore tuo prospera mundi despicere et nulla eius adversa formidare.

312 Sacrificium tibi Domine laudis offerimus in tuorum commemoratione sanctorum: (da quaesumus) ut quod illis contulit <ad> gloriam nobis proficiat ad salutem.

312 Repleti Domine benedictione caelesti quaesumus clementiam tuam ut intercedente beato Herme martyre tuo quae humiliter gerimus salubriter sentiamus.

313 Deus qui inter caetera potentiae tuae miracula etiam in sexu fragili victoriam martyrii contulisti concede propitius ut cuius natalicia colimus per eius ad te exempla gradiamur.

313 Hostias tibi Domine beatae Sabinae martyris tuae dicatas meritis benignus assume et ad perpetuum nobis tribue provenire subsidium.

313 Divini muneris largitate satiati quaesumus Domine Deus noster ut intercedente beata Sabina martyre tua in eius semper participatione vivamus.

313 Sancti Ioannis Baptistae et martyris tui Domine quaesumus veneranda festivitas salutaris auxilii nobis praestet effectum.

314 Munera tibi Domine pro sancti martyris tui Ioannis Baptistae passione deferimus qui dum finitur in terris factus est caelesti sede perpetuus.

314 Sancti nos Domine quaesumus Ioannis Baptistae oratio et adsequi faciat semper mente quae gerimus et debitae servitutis actione perfrui.

314 Maiestatem tuam Domine supplices deprecamur ut sicut nos iugiter sanctorum tuorum commemoratione laetificas ita semper supplicatione defendas.

314 Hostias Domine tuae plebis intende et quas in honore sanctorum tuorum devota mente celebrat proficere sibi sentiat ad salutem.

315 Repleti Domine muneribus sacris quaesumus ut intercedentibus sanctis tuis in gratiarum tuarum semper actione maneamus.

315 Praesta nobis misericors Deus ut placationem tuam promptis mentibus exoremus et peccatorum veniam consequentes a noxiis liberemur incursibus.

315 Concede nobis Domine quaesumus ut haec hostia salutaris et nostrorum fiat purgatio delictorum et tuae propitiatio potestatis.

315 Purificent semper et muniant tua sacramenta nos Deus et ad perpetuae ducant salvationis effectum.

316 Adiuvet nos quaesumus Domine sanctae Mariae intercessio veneranda cuius etiam diem quo felix eius est inchoata nativitas celebramus.

316 Accipe Domine munera quae in beatae Mariae iterata sollemnitate deferimus quia ad tua praeconia recurrit et laudem quod vel talis orta est vel talis assumpta.

316 Nos tibi in omnium sanctorum profectu gratias agere Domine sancte Pater omnipotens aeterne Deus. Et praecipue pro meritis beatae matris et perpetuae Virginis Mariae gratiae plenae laudare benedicere et praedicare.

316 Adesto quaesumus Domine fideli populo tuo ut quae sumpsit fideliter et mente sibi et corpore beatae Mariae intercessione custodiat.

317 Beati Proti nos Domine et Hyacinthi foveat pretiosa confessio et pia iugiter intercessione tueatur.

317 Pro sanctorum Proti et Hyacinthi munera tibi Domine commemoratione quae debemus exsolvimus: praesta quaesumus ut remedium nobis perpetuae salutis operentur.

317 Percepta nos Domine tua sancta purificent et beati Proti et Hyacinthi quaesumus imploret oratio.

317 Da quaesumus Domine hanc mentem populo tuo ut quia ad te placandum necessitate concurrit maiestati tuae fiat etiam voluntate devotus.

318 Tua nos Domine sacramenta custodiant et contra diabolicos tueantur semper incursus.

318 Mentes nostras et corpora possideat Domine quaesumus donis caelestis operatio ut non noster sensus in nobis sed iugiter eius praeveniat effectus.

318 Infirmitatem nostram quaesumus Domine propitius respice et mala omnia quae iuste meremur sanctorum tuorum intercessione averte.

318 Adesto Domine supplicationibus nostris quas in sanctorum tuorum commemoratione deferimus ut qui nostrae iustitiae fiduciam non habemus eorum qui tibi placuerunt meritis adiuvemur.

319 Quaesumus Domine salutaribus repleti mysteriis ut quorum sollemnia celebramus orationibus adiuvemur.

319 Deus qui Unigeniti tui Domini nostri Iesu Christi pretioso sanguine humanum genus redimere dignatus es: concede propitius ut qui ad adorandam vivificam crucem adveniunt a peccatorum suorum nexibus liberentur.

319 Adesto Domine populo tuo ut beati Nicomedis martyris tui merita praeclara suscipiens ad impetrandam misericordiam tuam semper eius patrociniis adiuvetur.

320 Suscipe Domine munera propitius oblata quae maiestati tuae beati Nicomedis martyris commendet oratio.

320 Purificent nos Domine sacramenta quae sumpsimus et intercedente beato Nicomede martyre tuo a cunctis efficiant vitiis absolutos.

320 Omnipotens sempiterne Deus qui infirma mundi eligis ut fortia quaeque confundas concede propitius ut qui beatae Euphemiae martyris tuae sollemnia colimus eius apud te patrocinia sentiamus.

320 Praesta quaesumus Domine Deus noster ut sicut in tuo conspectu mors est pretiosa sanctorum ita eorum merita venerantium accepta tibi reddatur oblatio.

321 Sanctificet nos Domine quaesumus tui perceptio sacramenti et intercessio beatae martyris (tuae) Euphemiae tibi reddat acceptos.

321 Praesta Domine precibus nostris cum exsultatione provectum ut quorum diem passionis annua devotione recolimus etiam fidei constantiam subsequamur.

321 Vota populi tui Domine propitiatus intende et quorum nos tribuis sollemnia celebrare fac gaudere suffragiis.

321 Quoniam sancti tui quod in lacrimis seminaverunt in gaudio metere nunc probantur et qui euntes ibant et flebant non morte perterriti sed ut beatae perciperent plenitudinem passionis gloriosi sanguinis semina pretiosa mittendo venientes ecce nunc veniunt in exsultatione totius ecclesiae fructum victoriae sempiternae et praesentibus referentes praemiis et futuris.

322 Exaudi Domine preces nostras et sanctorum tuorum quorum festa sollemni celebramus continuis foveamur auxiliis.

322 Absolve quaesumus Domine tuorum delicta populorum et a peccatorum nostrorum nexibus quae pro nostra fragilitate contraximus tua benignitate liberemur.

322 Pro nostrae servitutis augmento sacrificium tibi Domine laudis offerimus ut quod inmeritis contulisti propitius exsequaris.

322 Quaesumus omnipotens Deus ut quos divina tribuis participatione gaudere humanis non sinas subiacere periculis.

323 Misericordiae tuae remediis quaesumus Domine fragilitas nostra subsistat ut quae sua condicione atteritur tua clementia reparetur.

323 Praesta quaesumus Domine familiae supplicanti ut dum a cibis corporalibus (se) abstinent a vitiis mente ieiunent.

323 Haec hostia Domine quaesumus emundet nostra delicta et sacrificium celebrandum subditorum tibi corpora mentesque sanctificet.

323 Sumentes dona caelestia suppliciter deprecamur ut quae sedula servitute donante te gerimus dignis sensibus tuo munere capiamus.

324 Praesta quaesumus omnipotens Deus ut observationes sacras annua devotione recolentes et corpore tibi placeamus et mente.

324 Accepta tibi sint Domine quaesumus nostri dona ieiunii quae et expiando nos tua gratia dignos efficiant et ad sempiterna promissa perducant.

324 Quaesumus omnipotens Deus ut de perceptis muneribus gratias exhibentes beneficia potiora sumamus.

324 Omnipotens sempiterne Deus qui per continentiam salutarem et corporibus mederis et mentibus maiestatem tuam supplices exoramus ut pia ieiunantium deprecatione placatus et praesentia nobis subsidia praebeas et futura.

324 Da nobis quaesumus omnipotens Deus ut ieiunando tua gratia satiemur et abstinendo cunctis efficiamur hostibus fortiores.

325 Tuere quaesumus Domine familiam tuam ut salutis aeternae remedia quae te aspirante requirimus te largiente consequamur.

325 Praesta quaesumus Domine sic nos ab epulis abstinere carnalibus ut a vitiis inruentibus pariter ieiunemus.

325 Ut nos tribuis Domine sollemne tibi deferre ieiunium sic nobis quaesumus indulgentiae praesta subsidium.

325 Deus qui tribus pueris mitigasti flammas ignium concede propitius ut nos famulos tuos non exurat flamma vitiorum.

325 Concede quaesumus omnipotens Deus ut oculis tuae maiestatis munus oblatum et gratiam nobis devotionis obtineat et effectum beatae perennitatis acquirat.

325 Perficiant in nobis Domine quaesumus tua sacramenta quod continent ut quae nunc specie gerimus rerum veritate capiamus.

326 Omnipotens sempiterne Deus misericordiam tuam ostende supplicibus ut qui de meritorum qualitate diffidimus non iudicium tuum sed indulgentiam sentiamus.

326 Sacrificiis praesentibus Domine quaesumus intende placatus ut et devotioni nostrae proficiant et saluti.

326 Quaesumus omnipotens Deus ut illius salutaris capiamus effectum cuius per haec mysteria pignus accepimus.

326 Praesta quaesumus omnipotens Deus ut qui sanctorum tuorum Cosmae et Damiani natalicia colimus a cunctis malis imminentibus eorum intercessionibus liberemur.

327 Sanctorum tuorum nobis Domine pia non desit oratio quae et munera nostra conciliet et tuam nobis indulgentiam semper obtineat.

327 Protegat Domine quaesumus populum tuum et participatio caelestis indulta convivii et deprecatio collata sanctorum.

327 Deus qui miro ordine angelorum ministeria hominumque dispensas concede propitius ut quibus tibi ministrantibus in caelo semper assistitur ab his in terra nostra vita muniatur.

327 Hostias tibi Domine laudis offerimus suppliciter deprecantes ut easdem angelico pro nobis interveniente suffragio et placatus accipias et ad salutem nostram provenire concedas.

328 Beati archangeli tui Michaelis intercessione suffulti supplices te Domine deprecamur ut quos honore prosequimur contingamus et mente.

328 Da nobis omnipotens Deus beati archangeli Michaelis eotenus honore proficere ut cuius in terris gloriam praedicamus precibus adiuvemur in caelis.

328 Perpetuum nobis Domine tuae miserationis praesta subsidium quibus et angelica praestitisti suffragia non deesse.

328 Fac nos quaesumus Domine prompta voluntate subiectos et ad supplicandum tibi nostras semper excita voluntates.

328 Munda nos Domine sacrificii praesentis effectu et perfice miseratus in nobis ut eius mereamur esse participes.

329 Purifica Domine quaesumus mentes nostras benignus et renova caelestibus sacramentis ut consequenter et corporum praesens pariter et futurum capiamus auxilium.

329 Exaudi Domine quaesumus preces nostras et interveniente beato Marco confessore tuo atque pontifice supplicationes nostras placatus intende.

329 Accepta tibi sit Domine sacrae plebis oblatio pro tuorum honore sanctorum quorum se meritis percepisse de tribulatione cognoscit auxilium.

329 Da quaesumus Domine fidelibus populis sanctorum tuorum semper veneratione laetari et eorum perpetua supplicatione muniri.

330 Tuis Domine quaesumus adesto supplicibus et inter mundanae pravitatis insidias fragilitatem nostram sempiterna pietate prosequere.

330 Deus qui nos per huius sacrificii veneranda commercia unius summaeque divinitatis participes efficis praesta quaesumus ut sicut tuam cognoscimus veritatem sic eam dignis mentibus adsequamur.

330 Gratias tibi referimus Domine sacro munere vegetati tuam misericordiam deprecantes ut dignos nos eius participatione perficias.

330 Deus qui nos conspicis ex nostra infirmitate deficere ad amorem tuum nos misericorditer per sanctorum tuorum exempla restaura.

331 Mystica nobis Domine prosit oblatio quae nos et a reatibus nostris expediat et perpetua salvatione confirmet.

331 Quaesumus omnipotens Deus ut et reatum nostrum munera sacra purificent et recte vivendi nobis operentur effectum.

331 Custodi nos omnipotens Deus ut tua dextera gubernante nec nostra nobis praevaleant nec aliena peccata.

331 Maiestatem tuam Domine suppliciter deprecamur ut haec sancta quae gerimus et a praeteritis nos exuant et futuris.

331 Sanctificationibus tuis omnipotens Deus et vitia nostra curentur et remedia nobis aeterna pro veniant.Per.

332 Omnipotens et misericors Deus universa nobis adversantia propitiatus exclude ut mente et corpore pariter expediti quae tua sunt liberis mentibus exsequamur.

332 Haec munera quaesumus Domine quae oculis tuae maiestatis offerimus salutaria nobis esse concede.

332 Tua nos Domine medicinalis operatio et a nostris perversitatibus clementer expediat et tuis faciat semper inhaerere mandatis.

332 Delicta nostra Domine quibus adversa dominantur absterge et tua nos ubique miseratione custodi.

333 Caelestem nobis praebeant haec mysteria quaesumus Domine medicinam et vitia nostri cordis expurgent.

333 Ut sacris Domine reddamur digni muneribus fac nos quaesumus tuis oboedire mandatis.

333 Adesto Domine martyrum deprecatione sanctorum et quos pati pro tuo nomine tribuisti fac tuis fidelibus suffragari.

333 Deus qui nos beati martyris tui Caesarii annua sollemnitate laetificas concede propitius ut cuius natalicia colimus etiam actiones imitemur.

334 Hostias tibi Domine beati Caesarii martyris tui dicatas meritis benignus assume et ad perpetuum nobis tribue provenire subsidium.

334 Quaesumus omnipotens Deus ut qui caelestia alimenta percepimus intercedente beato Caesario martyre tuo per haec contra omnia adversa [munia] muniamur.

334 Deus qui nos regendo conservas parcendo iustificas et a temporali tribulatione nos eripe et gaudia nobis aeterna largire.

334 Suscipe Domine propitiatus hostias quibus te et placare voluisti et nobis salutem potenti pietate restituere.

334 Immortalitatis alimoniam consecuti quaesumus Domine ut quod ore percepimus mente sectemur.

335 Praesta quaesumus omnipotens Deus ut qui gloriosos martyres Claudium Nicostratum Sympronianum Castorium atque Simplicium fortes in sua confessione cognovimus pios apud te in nostra intercessione sentiamus.

335 Benedictio tua Domine larga descendat quae et munera nostra deprecantibus sanctis tuis tibi reddat accepta et nobis sacramentum redemptionis efficiat.

335 Caelestibus refecti sacramentis et gaudiis supplices te Domine deprecamur ut quorum gloriamur triumphis protegamur auxiliis.

335 Deus qui nos beati Theodori martyris tui confessione gloriosa circumdas et protegis: praesta nobis eius imitatione proficere et oratione fulciri.

336 Suscipe Domine fidelium preces cum oblationibus hostiarum et intercedente beato Theodoro martyre tuo per haec piae devotionis officia ad caelestem gloriam transeamus.

336 Praesta nobis Domine quaesumus intercedente beato Theodoro martyre tuo ut quae ore contingimus pura mente capiamus.

336 Praesta quaesumus omnipotens Deus ut qui beati Mennae martyris tui natalicia colimus intercessione eius in tui nominis amore roboremur.

336 Muneribus quaesumus Domine precibusque susceptis et caelestibus nos munda mysteriis et clementer exaudi.

337 Da quaesumus Domine Deus noster ut sicut tuorum commemoratione sanctorum temporali gratulamur officio ita perpetuo laetemur aspectu.

337 Deus qui conspicis quia ex nulla nostra virtute subsistimus concede propitius ut intercessione beati Martini confessoris tui contra omnia adversa muniamur.

337 Da misericors Deus ut haec nobis salutaris oblatio et propriis reatibus indesinenter expediat et ab omnibus tueatur adversis.

337 Praesta quaesumus Domine Deus noster ut quorum festivita0te votiva sunt sacramenta eorum salutaria nobis intercessione reddantur.

338 Deus quem docente Spiritu Sancto paterno nomine invocare praesumimus crea in nobis fidelium corda filiorum ut ad promissam hereditatem adgredi valeamus per debitam servitutem.

338 Huius te Domine muneris oblatione placeamus et perpetuae vitae participes huius operatione reddamur.

338 Sumpsimus Domine sacri dona mysterii humiliter deprecantes ut quae in tui commemoratione nos facere praecepisti in nostrae proficiant infirmitatis auxilium.

338 Excita Domine quaesumus tuorum fidelium voluntates ut divini operis fructum propensius exsequentes pietatis tuae remedia maiora percipiant.

339 Propitius esto Domine supplicationibus nostris et populi tui oblationibus precibusque susceptis omnium nostrum ad te corda converte ut a terrenis cupiditatibus liberi ad caelestia desideria transeamus.

339 Concede nobis Domine quaesumus ut sacramenta quae sumpsimus quicquid in nostra mente vitiosum est ipsius medicationis dono curetur.

339 Deus qui nos annua beatae Caeciliae martyris tuae sollemnitate laetificas da ut quam veneramur officio etiam conversationis sequamur exemplo.

339 Haec hostia Domine placationis et laudis quaesumus ut interveniente beata Caecilia martyre tua nos propitiatione dignos semper efficiat.

340 Qui perficis in infirmitate virtutem quia beata gloriosaque Caecilia dispecto mundi coniugio ad consortia superna contendens nec aetate motabili praepedita est nec inlecebris est revocata carnalibus nec sexus fragilitate deterrita. Sed inter puellares annos inter saeculi blandimenta inter supplicia persequentium multiplicem victoriam virgo casta martyr implevit. Ipsumque temporalem virum cui mortali fuerat more nectenda martyrii foedere secum virgo casta fecit aeternum.

340 Satiasti Domine familiam tuam muneribus sacris eius semper intercessione nos refove cuius sollemnia celebramus.

340 Deus qui nos annua beati Clementis martyris tui atque pontificis sollemnitate laetificas: concede propitius ut cuius natalicia colimus virtutem quoque passionis imitemur.

341 Munera Domine oblata sanctifica et intercedente beato Clemente martyre tuo per haec nos a peccatorum nostrorum maculis emunda.

341 Veneranda Clementis sacerdotis et martyris sollemnia recurrentes qui fieri meruit beati Petri in peregrinatione comes in confessione discipulus in honore successor in passione secutor.

341 Corporis sacri et pretiosi sanguinis repleti libamine quaesumus Domine Deus noster ut quod pia devotione gerimus certa redemptione capiamus.

341 Praesta quaesumus omnipotens Deus ut beatae Felicitatis martyris tuae sollemnia recensentes meritis ipsius protegamur et precibus.

341 Vota populi tui Domine propitiatus intende et quorum nos tribuis sollemnia celebrare fac gaudere suffragiis Per.

342 Supplices te rogamus omnipotens Deus ut intervenientibus sanctis tuis et tua in nobis dona multiplices et tempora nostra disponas.

342 Adesto Domine supplicationibus nostris ut qui ex iniquitate nostra reos nos esse cognoscimus beati Chrysogoni martyris tui intercessione liberemur.

342 Oblatis quaesumus Domine placare muneribus et intercedente beato Chrysogono martyre tuo a cunctis nos defende periculis.

342 Tui Domine perceptione sacramenti et a nostris mundemur occultis et ab hostium liberemur insidiis.

343 Conscientias nostras quaesumus omnipotens Deus visitando purifica ut veniens Filius tuus Dominus noster paratam sibi in nobis inveniat mansionem.

343 Sacrificium tibi Domine celebrandum placatus intende quod et nos a vitiis nostrae condicionis emundet et tuo nomini reddat acceptos.

343 Animae nostrae quaesumus omnipotens Deus hoc potiantur desiderio ut a tuo spiritu inflammentur et sicut lampades divino munere satiati ante conspectum venientis Christi Filii tui velut clara lumina fulgeamus.

343 Deus qui nos beati Saturnini martyris tui concedis natalicio perfrui eius nos tribue meritis adiuvari.

344 Munera nostra Domine tibi dicata <sanctifìca> et intercedente beato Saturnino martyre tuo per eadem nos placatus intende.

344 Sanctificet nos quaesumus Domine tui perceptio sacramenti et intercessione sanctorum tibi reddat acceptos.

344 Quaesumus omnipotens Deus ut beatus Andreas apostolus pro nobis imploret auxilium ut a nostris reatibus absoluti a cunctis etiam periculis exuamur.

344 Sacrandum tibi Domine munus offerimus quo beati Andreae sollemnia recolentes purificationem quoque nostris mentibus imploramus.

345 Perceptis Domine sacramentis suppliciter exoramus ut intercedente beato Andrea apostolo tuo quae pro illius veneranda gerimus passione nobis proficiant ad medelam.

345 Maiestatem tuam Domine suppliciter exoramus ut sicut ecclesiae tuae beatus Andreas apostolus extitit praedicator et rector ita apud te sit pro nobis perpetuus intercessor.

345 Sacrificium nostrum tibi Domine quaesumus beati Andreae precatio sancta conciliet ut cuius honore sollemniter exhibetur meritis efficiatur acceptum.

345 Qui Ecclesiam tuam in apostolicis tribuisti consistere fundamentis de quorum collegio beati Andreae sollemnia celebrantes qui mox ut vocem Domini salvatoris audivit Unigeniti tui divina vestigia comitatus relictis retibus suis quorum usu actuque vivebat aeternae vitae secutus est largitorem. Et cuius praecepto terrena in semetipso crucifixerat desideria eius exemplo ipse crucis patibulo figeretur. Cuius hodie natalem passionis diem annua devotione recolentes hostias tibi Domine laudis offerimus.

346 Sumpsimus Domine divina mysteria beati Andreae festivitate laetantes quae sicut tuis sanctis ad gloriam ita nobis quaesumus ad veniam prodesse perficias.

346 Da nobis quaesumus Domine Deus noster beati apostoli tui Andreae intercessionibus sublevari ut per quos ecclesiae tuae superni muneris rudimenta donasti per eos subsidia perpetuae salutis impendas.

346 Deus qui humanum genus tuorum retibus praeceptorum capere consuesti respice propitius ad tanti sollemnia piscatoris et tribue ut natalicio eius munere gratulantes aeternae vitae praemia consequamur.

346 Adiuvet Ecclesiam tuam tibi Domine supplicando beatus Andreas apostolus et pius interventor efficiatur qui tui nominis extitit praedicator.

347 Excita Domine quaesumus potentiam tuam et veni ut ab imminentibus peccatorum nostrorum periculis te mereamur protegente eripi te liberante salvari.

347 Haec sacra nos Domine potenti virtute mundatos ad suum faciant puriores venire principium.

347 Suscipiamus Domine misericordiam tuam in medio templi tui et reparationis nostrae ventura sollemnia congruis honoribus praecedamus.

347 Excita Domine corda nostra ad praeparandas Unigeniti tui vias ut per eius adventum purificatis tibi mentibus servire mereamur.

348 Placare quaesumus Domine humilitatis nostrae precibus et hostiis et ubi nulla suppetunt suffragia meritorum tuis nobis succurre praesidiis.

348 Repleti cibo spiritalis alimoniae supplices te Domine deprecamur ut huius participatione mysterii doceas nos terrena despicere et amare caelestia.

348 Exaudi nos Deus salutaris noster ut sicut de beatae Luciae festivitate gaudemus ita piae devotionis erudiamur affectu.

348 Accepta tibi sit Domine sacratae plebis oblatio pro tuorum honore sanctorum quorum se meritis percepisse de tribulatione cognoscit auxilium.

349 Satiasti Domine familiam tuam muneribus sacris eius quaesumus semper interventione nos refove cuius sollemnia celebramus.

349 Aurem tuam quaesumus Domine precibus nostris accomoda et mentis nostrae tenebras gratia tuae visitationis illustra.

349 Devotionis nostrae tibi quaesumus Domine hostia iugiter immoletur quae et sacri peragat instituta mysterii et salutare tuum nobis mirabiliter operetur.

349 Imploramus Domine clementiam tuam ut haec divina subsidia a vitiis expiatos ad festa ventura nos praeparent.

350 Praesta quaesumus omnipotens Deus ut redemptionis nostrae ventura sollemnitas et praesentis nobis vitae subsidia conferat et aeternae beatitudinis praemia largiatur.

350 Festina quaesumus ne tardaveris Domine et auxilium nobis supernae virtutis impende ut adventus tui consolationibus subleventur qui in tua pietate confidunt.

350 Accepta tibi sint Domine quaesumus nostra ieiunia quae et expiando nos tua gratia dignos efficiant et ad sempiterna promissa perducant.

350 Salutaris tui Domine munere satiati supplices deprecamur ut cuius laetamur gustu renovemur effectu.

351 Excita quaesumus Domine potentiam tuam et veni ut hi qui in tua pietate confidunt ab omni citius adversitate liberentur.

351 Muneribus nostris quaesumus Domine precibusque susceptis et caelestibus nos munda mysteriis et clementer exaudi.

351 Tui nos Domine sacramenti libatio sancta restauret et a vetustate purgatos in mysterii salutaris faciat transire consortium.

351 Deus qui conspicis quia ex nostra pravitate affligimur concede propitius ut ex tua visitatione consolemur.

352 Concede quaesumus omnipotens Deus ut quia sub peccati iugo ex vetusta servitute deprimimur expectata unigeniti Filii tui nova nati vitate liberemur.

352 Indignos nos quaesumus Domine famulos tuos quos actionis propriae culpa contristat unigeniti Filii tui adventu laetifica.

352 Praesta quaesumus omnipotens Deus ut Filii tui ventura sollemnitas et praesentis nobis vitae remedia conferat et praemia aeterna concedat.

352 Preces populi tui quaesumus Domine clementer exaudi ut qui iuste pro peccatis nostris affligimur pietatis tuae visitatione consolemur.

352 Deus qui tribus pueris mitigasti flammas ignium concede propitius ut nos famulos tuos non exurat flamma vitiorum.

353 Sacrificiis praesentibus Domine placatus intende ut et devotioni nostrae proficiant et saluti.

353 Quaesumus Domine Deus noster ut sacrosancta mysteria quae <pro> reparationis nostrae munimine contulisti et praesens nobis remedium esse facias et futurum.

353 Excita Domine potentiam tuam et veni et magna nobis virtute succurre ut per auxilium gratiae tuae quod nostra peccata praepediunt indulgentia tuae propitiationis acceleret.

353 Sacrificiis praesentibus Domine placatus intende ut et devotioni nostrae proficiant et saluti.

354 Sumptis muneribus Domine quaesumus ut cum frequentatione mysterii crescat nostrae salutis effectus.

354 Excita Domine potentiam tuam et veni et quod ecclesiae tuae promisisti usque in finem saeculi clementer operare.

354 Concede quaesumus omnipotens Deus ut magnae festivitatis ventura sollemnia prospero celebremus effectu pariterque reddamur et intenti caelestibus disciplinis et de nostris temporibus laetiores.

354 Prope esto Domine omnibus expectantibus te in veritate ut in adventu Filii tui Domini nostri placitis tibi actibus praesentemur.

356 Praesta quaesumus Domine ut beati sancti ill. suffragiis in nobis tua munera tuearis pro cuius honoranda confessione hostias tibi laudis offerimus.

356 Et gloriosi illius martyris pia certamina praecurrere cuius honorabilis annua recursione sollemnitas et perpetua semper et nova est quia et in conspectu tuae maiestatis permanet mors tuorum pretiosa iustorum et restaurantur incrementa laetitiae cum felicitatis aeternae recoluntur exordia.

356 Praesta quaesumus Domine ut sacramenti tui participatione vegetati sancti quoque martyris ill. precibus adiuvemur.

356 Omnipotens sempiterne Deus fortitudo certantium et martyrum palma sollemnitatem hodiernae diei propitius intuere et Ecclesiam tuam continua fac celebritate laetari et intercessione beati martyris tui ill. omnium in te credentium vota perficias.

356 Exaudi Domine preces nostras quas in sancti confessoris tui ill. sollemnitate deferimus ut qui tibi digne meruit famulari eius intercedentibus meritis ab omnibus nos absolve peccatis.

357 Eius tibi precibus Domine quaesumus grata reddatur oblatio pro cuius est immolanda festivitate.

357 Te semper in laude martyrum honorare atque in praesenti festivitate sancti martyris tui ill. tibi confitendo gratias agere ut cui dedisti caelestis palmam triumphi nobis quoque eo suffragante emundationem ac veniam concedas peccati ut in te etiam exsultemus in misericordia in quo ille laetatur in gloria.

357 Ad gloriam tuam Domine profusis precibus exorare ut sancti ill. patrocinio nos adiuvante debita nomini tuo servitute placeamus.

357 Ut nobis Domine tua sacrificia dent salutem beatus martyr tuus ill. quaesumus precator accedat.

357 Repleti Domine benedictione caelesti quaesumus clementiam tuam ut intercedente beato ill. confessore tuo quae humiliter gerimus salubriter sentiamus.

358 Martyrum tuorum Domine ill. natalicia praeeuntes supplices te rogamus ut quos caelesti gloria sublimasti tuis adesse concede fidelibus.

358 Sacrificium Domine quod pro sanctis martyribus ill. praevenit nostra devotio eorum meritis nobis augeat te donante suffragium.

358 Purificet nos Domine quaesumus et divini perceptio sacramenti et gloriosa sanctorum tuorum oratio.

358 Sanctorum nos Domine ill. beata merita prosequantur et suo semper faciant amore ferventes.

358 Sanctorum martyrum tuorum Domine supplicatione placatus et veniam tribue peccatorum et remedia sempiterna concede.

359 Suscipe quaesumus Domine munera populi tui pro martyrum festivitate sanctorum et sincero nos corde fac eorum nataliciis interesse.

359 Clementiam tuam suppliciter obsecrantes ut cum exsultantibus sanctis tuis in caelestis regni cubilibus gaudia nostra subiungas et quos virtutis imitatione non possumus sequi debitae venerationis contingamus affectu.

359 Sanctorum tuorum quaesumus Domine semper nos festa laetificent et maiestati tuae perpetua placatione confirment.

359 Sanctae martyris ill. Domine supplicationibus tribue nos foveri ut cuius venerabilem sollemnitatem praevenimus obsequio eius intercessionibus commendemur et meritis.

359 Muneribus nostris quaesumus Domine sanctae ill. martyris tuae festa praecedimus ut quae conscientiae nostrae praepedimus obstaculis illius meritis reddantur accepta.

360 Sanctificet nos Domine quaesumus tui perceptio sacramenti et intercessio beatae martyris ill. tibi reddat acceptos.

360 Deus qui nos hodie beatae et sanctae ill. virginis martyrisque annua sollemnitate laetificas concede propitius ut eius adiuvemur meritis cuius castitatis irradiamur exemplis.

360 Hostias tibi Domine beatae ill. martyris tuae dicatas meritis benignus assume et ad perpetuum nobis tribue provenire subsidium.

360 Per Christum Dominum nostrum. Pro cuius caritatis ardore ista et omnes sanctae virgines a beata Maria exemplum castitatis accipientes praesentis saeculi voluptates ac delicias neglexerunt ut eum Filium tuum inviolabilem sponsum cum ornatis lampadibus obviantes meruissent habere. In cuius regni gloria cum coronis virginitatis et palmis florentibus sicut sol sine fine fulgebunt. Per quem maiestatem.

361 Adiuvent nos quaesumus Domine haec mysteria sancta quae sumpsimus et beatae ill. intercessio veneranda.

361 Indulgentiam nobis Domine quaesumus sancti ill. postulet tibi grata precatio.

361 Beati ill. quaesumus Domine precibus adiuvemur ut tuam semper misericordiam percipere valeamus.

361 Sacris altaribus Domine hostias superpositas sanctus ill. quaesumus in salutem provenire deposcat.

361 Quoniam fiducialiter tibi laudis hostias immolamus quas sancti ill. martyris confessione praesenti confidimus adiuvandas.

361 Beati ill. martyris Domine suffragiis exoratus percepti sacramenti tui nos virtute defende.

362 Deus qui creaturae tuae misereri potius eligis quam irasci cordis nostri infirma considera et tuae nos gratia pietatis illustra.

362 Adesto nobis quaesumus Domine et preces nostras benignus exaudi ut quod fiducia non habet meritorum placatio obtineat hostiarum.

362 Maiestatem tuam suppliciter deprecantes ut opem tuam petentibus dignanter impendas et desiderantibus benignus tribuas profutura.

362 Praesta quaesumus Domine ut sancta tua nos expient dignosque semper sui perceptione perficiant.

362 Quaesumus omnipotens Deus preces nostras respice et tuae super nos viscera pietatis impende ut qui ex nostra culpa affligimur ex tua pietate misericorditer liberemur.

363 Hostias Domine quaesumus suscipe placatus oblatas quae te 0santificando nobis efficiantur salutares.

363 Ut qui te auctore subsistimus te dispensante dirigamur non nostris sensibus relinquamur sed ad tuae reducti semper tramitem veritatis haec studeamus exercere quae praecipis ut possimus dona percipere quae promittis.

363 Sancta tua nos Domine quaesumus et a peccatis exuant et caelestis vitae vigore confirment.

363 Praesta quaesumus omnipotens Deus ut qui pro nostris excessibus incessanter affligimur tuae pietatis in omnibus protectione consolemur.

363 Suscipe quaesumus Domine hostiam redemptionis humanae et salutem nobis mentis et corporis operare placatus.

364 Tuum est enim omne quo vivimus quia licet peccati vulnere natura nostra vitiata sit tui tamen est operis ut a terrena generati ad caelestia renascamur.

364 Da quaesumus omnipotens Deus ut mysteriorum virtute satiati vita nostra firmetur.

364 Rege nostras Domine propitius voluntates ut nec propriis iniquitatibus implicentur nec subdantur alienis.

364 Tua sacramenta nos Deus circumtegant et reforment simulque nobis temporale remedium conferant et aeternum.

364 Tua sancta nobis omnipotens Deus quae sumpsimus et indulgentiam praebeant et auxilium perpetuae defensionis impendant.

365 Mentes nostras quaesumus Domine lumine tuae visitationis illustra ut esse te largiente mereamur et inter prospera humiles et inter adversa securi.

365 Preces populi tui quaesumus Domine clementer exaudi ut qui de adventu unigeniti Filii tui secundum carnem laetantur in secundo cum venerit in maiestate sua praemium aeternae vitae percipiant.

365 Porrige nobis Domine dexteram tuae venerationis et veni et peccata nostra propitiatus absolve.

365 Deus qui nostra conspicis semper infirmitate destitui adventus tui nos visitatione custodi.

365 Da nobis omnipotens Deus ut beati ill. martyris tui quam praevenimus veneranda sollemnitas et devotionem nobis augeat et salutem.

365 Erige quaesumus Domine ad te corda nostra ut a terrenis cupiditatibus in caelestia desideria transeamus.

365 In tuo conspectu Domine quaesumus talia nostra sint munera quae et placare te valeant et nos tibi placere perficiant.

365 Ut non in nobis nostra malitia sed indulgentiae tuae praeveniat semper affectus qui nos a noxiis voluptatibus indesinenter expediat et a mundanis cladibus dignanter eripiat. Per Christum Dominum nostrum.

365 Cotidiani Domine quaesumus munere sacramenti perpetuae nobis tribue salutis augmentum.

365 Tu Domine semper a nobis omnem remove pravitatem et ad tuam nos propitius converte iustitiam.

366 Offerimus tibi Domine munera quae dedisti ut creationis tuae circa mortalitatem nostram testificentur auxilium et remedium nobis immortalitatis operentur.

366 Precantes ut Iesus Christus Filius tuus Dominus noster sua nos gratia protegat et conservet et quia sine ipso nihil recte valemus efficere ipsius semper munere capiamus ut tibi placere possimus. Per quem maiestatem.

366 Quos caelesti Domine alimento satiasti praesta quaesumus ab omni adversitate custodias.

366 Praetende nobis Domine misericordiam tuam ut quae votis expetimus conversatione tibi placita consequamur.

366 Donis caelestibus da quaesumus Domine libera mente servire ut munera quae deferimus et medelam nobis operentur et gloriam.

366 Amen.

367 Dominus vobiscum. Et cum Spiritu tuo.

367 Sursum corda. Habemus ad Dominum.

367 Gratias agamus Domino Deo nostro. Dignum et iustum est.

367 Per quem maiestatem tuam laudant angeli, adorant dominationes, tremunt potestates. Caeli caelorumque virtutes ac beata Seraphim socia exsultatione concelebrant. Cum quibus et nostras voces, ut admitti iubeas deprecamur, supplici confessione dicentes:

367 Sanctus, sanctus, sanctus Dominus Deus Sabaoth. Pleni sunt caeli et terra gloria tua. Hosanna in excelsis. Benedictus, qui venit in nomine Domini. Hosanna in excelsis.

367 Te igitur, clementissime Pater, per Iesum Christum Filium tuum Dominum nostrum supplices rogamus et petimus, uti acceptas habeas et benedicas haec + dona, haec + munera, haec + sancta sacrificia inlibata. Inprimis, quae tibi offerimus pro Ecclesia tua sancta catholica, quam pacificare, custodire, adunare et regere digneris toto orbe terrarum, una cum famulo tuo papa et omnibus orthodoxis atque catholicae et apostolicae fidei cultoribus.

368 Memento, Domine, famulorum famularumque tuarum et omnium circum adstantium, quorum tibi fides cognita est et nota devotio, qui tibi offerunt hoc sacrificium laudis pro se suisque omnibus, pro redemptione animarum suarum, pro spe salutis et incolumitatis suae, tibi reddunt vota sua aeterno Deo vivo et vero.

368 Communicantes et memoriam venerantes: in primis gloriosae semper Virginis Mariae Genetricis Dei et Domini nostri Iesu Christi, sed et beatorum apostolorum ac martyrum tuorum Petri, Pauli, Andreae, Iacobi, Ioannis, Thomae, Iacobi, Philippi, Bartholomaei, Matthaei, Simonis et Thaddei, Lini, Cleti, Clementis, Xisti, Cornelii, Cypriani, Laurentii, Chrysogoni, Ioannis et Pauli, Cosmae et Damiani et omnium sanctorum tuorum, quorum meritis precibusque concedas, ut in omnibus protectionis tuae muniamur auxilio. Per Christum Dominum nostrum.

369 Hanc igitur oblationem servitutis nostrae, sed et cunctae familiae tuae, quaesumus, Domine, ut placatus accipias, diesque nostros in tua pace disponas, atque ab aeterna damnatione nos eripi et in electorum tuorum iubeas grege numerari. Per Christum Dominum nostrum.

369 Quam oblationem tu, Deus, in omnibus, quaesumus, benedictam +, asscriptam +, ratam +, rationabilem acceptabilemque facere digneris, ut nobis corpus + et sanguis + fiat dilectissimi Filii tui Domini Dei nostri Iesu Christi.

369 Qui pridie quam pateretur accepit panem in sanctas ac venerabiles manus suas, elevatis oculis in caelos ad te Deum patrem suum omnipotentem, tibi gratias agens, benedixit+, fregit+, dedit discipulis suis dicens: Accipite et manducate ex hoc omnes, hoc est enim corpus meum. Simili modo posteaquam caenatum est, accipiens et hunc praeclarum calicem in sanctas ac venerabiles manus suas, item tibi gratias agens, benedixit+, dedit discipulis suis dicens: Accipite et bibite ex eo omnes, hic est enim calix sanguinis mei, novi et aeterni testamenti, mysterium fidei, qui pro vobis et pro multis effundetur in remissionem peccatorum. Haec quotienscumque feceritis, in mei memoriam facietis.

370 Unde et memores sumus, Domine, nos tui servi, sed et plebs tua sancta Christi Filii tui Domini Dei nostri tam beatae passionis, necnon et ab inferis resurrectionis, sed et in caelos gloriosae ascensionis, offerimus praeclarae maiestati tuae de tuis donis ac datis, hostiam+ puram, hostiam+ sanctam, hostiam+ inmaculatam, panem+ sanctum vitae aeternae, et calicem+ salutis perpetuae.

370 Supra, quae propitio ac sereno vultu respicere digneris et accepta habere, sicuti accepta habere dignatus es munera pueri tui iusti Abel, et sacrificium patriarchae nostri Abrahae, et, quod tibi obtulit summus sacerdos tuus Melchisedech, sanctum sacrificium, inmaculatam hostiam.

370 Supplices te rogamus, omnipotens Deus, iube haec perferri, per manus sancti angeli tui in sublime altare tuum, in conspectum divinae maiestatis tuae, ut quotquot ex hac altaris participatione sacrosanctum Filii tui corpus+ et sanguinem+ sumpserimus, omni benedictione caelesti et gratia repleamur. Per Christum Dominum nostrum.

371 Memento etiam, Domine, et eorum nomina, qui nos praecesserunt cum signo fidei et dormiunt in somno pacis.

371 Ipsis et omnibus, Domine, + in Christo quiescentibus + locum refrigerii, lucis et pacis +, ut indulgeas deprecamur. Per Christum Dominum nostrum.

371 Nobis quoque peccatoribus famulis tuis de multitudine miserationum tuarum sperantibus partem aliquam et societatem donare digneris cum tuis sanctis apostolis et martyribus, cum Ioanne, Stephano, Matthia, Barnaba, Ignatio, Alexandro, Marcellino, Petro, Felicitate, Perpetua, Agatha, Lucia, Agna, Caecilia, Anastasia, et cum omnibus sanctis tuis, intra quorum nos consortium non aestimator meriti, sed veniae, quaesumus, largitor admitte. Per Christum Dominum nostrum.

371 Per quem haec omnia, Domine, semper bona creas, sanctificas+, vivificas+, benedicis+ et praestas nobis.

372 Per ipsum et cum ipso et in ipso est tibi Deo Patri omnipotenti, in unitate Spiritus Sancti omnis honor et gloria per omnia saecula saeculorum. Amen.

372 Oremus.

372 Praeceptis salutaribus moniti et divina institutione formati, audemus dicere:

372 Pater noster, qui es in caelis, sanctificetur nomen tuum, adveniat regnum tuum, fiat voluntas tua, sicut in caelo et in terra. Panem nostrum cotidianum da nobis hodie, et dimitte nobis debita nostra, sicut et nos dimittimus debitoribus nostris, et ne nos inducas in tentationem, sed libera nos a malo.

372 Libera nos, quaesumus, Domine, ab omnibus malis, praeteritis, praesentibus et futuris, et, intercedente beata et gloriosa semper virgine Dei genetrice Maria, et beato praecursore tuo Ioanne Baptista, et sanctis apostolis tuis Petro et Paulo atque Andrea, da propitius pacem in diebus nostris, ut ope misericordiae tuae adiuti et a peccatis simus liberi semper, et ab omni perturbatione securi. Per Dominum nostrum Iesum Christum Filium tuum, qui tecum vivit, usque saecula saeculorum. Amen.

373 Pax Domini sit semper vobiscum. Et cum spiritu tuo.

373

373 Quod ore sumpsimus, Domine, mente capiamus, et de munere temporali fiat nobis remedium sempiternum.

373 Conservent nos quaesumus Domine munera tua et aeternam nobis tribuant vitam.

374 Gregem tuum Pastor bone placatus intende et oves quas pretioso sanguine redemisti diabolica non sinas incursione lacerari. Qui vivis.

374 Propitiare populo tuo Deus ut a suis pravitatibus liberatus et toto tibi corde deserviat et sub tua semper protectione consistat.

374 Fideles tuos Domine quaesumus corpore pariter et mente purifica ut tua inspiratione compuncti noxias delectationes vitare praevaleant atque ut earum non capiantur inlecebris tua semper suavitate pascantur.

374 Adesto Domine supplicationibus nostris et nihil de sua conscientia praesumentibus ineffabili miseratione succurre ut quod non habet fiducia meritorum tua conferat largitas invicta donorum.

374 Plebem nomini tuo subditam Domine propitius intuere eique consolationes tuas iugiter per caelestem gratiam dignanter operare.

375 Illumina quaesumus Domine in te corda credentium ut tuo semper munimine et tuo auxilio protegamur.

375 Vox nostra te Domine semper deprecetur et ad aures tuae pietatis ascendat.

375 Praesta quaesumus omnipotens Deus ut liberis tibi mentibus serviamus.

375 Ut tuam Domine misericordiam consequamur fac nos tibi toto corde esse devotos.

375 Tua nos Domine veritas semper illuminet et ab omni pravitate defendat.

376 Suscipe Domine preces nostras et clamantium ad te pia corda propitius intende.

376 Illumina quaesumus Domine tenebras nostras et totius noctis insidias tu a nobis reppelle propitius.

376 Cunctas Domine semper a nobis iniquitates reppelle ut ad viam salutis aeternae secura mente curramus.

376 Redemptor noster aspice Deus et tibi nos iugiter servire concede.

376 Deus caeli terraeque dominator auxilium nobis tuae defensionis benignus impende.

376 Purificet nos indulgentia tua Deus et ab omni semper iniquitate custodiat.

377 Adesto nobis misericors Deus et tua circa nos propitiatus dona custodi.

377 Salva nos omnipotens Deus et lucem nobis concede perpetuam.

377 A cunctis iniquitatibus nostris exue nos Domine et in tua fac pace gaudere.

377 Vincula Domine quaesumus humanae pravitatis abrumpe ut ad confitendum nomen tuum libera mente curramus.

377 Deus qui diem discernis a nocte actus nostros a tenebrarum distingue caligine ut semper quae sancta sunt meditantes iugiter in tua luce vivamus.

377 Praeveniat nos quaesumus Domine misericordia tua et voces nostras clementia tuae propitiationis anticipet.

378 Celeri nobis quaesumus Domine pietate succurre et devotio supplicantum ad gratiarum transeat actionem.

378 Delicta nostra Domine quibus adversa dominantur absterge et tua nos ubique miseratione custodi.

378 Absolve Domine quaesumus nostrorum vincula peccatorum et quicquid pro eis meremur averte.

378 Clamantes ad te Deus dignanter exaudi ut nos de profundo iniquitatis eripias et ad gaudia aeterna perducas.

378 Exaudi nos misericors Deus et mentibus nostris gratiae tuae lumen ostende.

378 Concede nobis Domine quaesumus veniam delictorum et eos qui nos impugnare moliuntur expugna.

379 Respice nos misericors Deus et nomini tuo perfice veraciter obsequentes.

379 Tuere nos superne moderator et fragilitatem nostram tuis defende praesidiis.

379 Ut a nostris excessibus Domine temperemur tua nos praecepta concede iugiter operari.

379 Aufer a nobis quaesumus Domine nostras pravitates ut non indignationem tuam sed indulgentiam sentiamus.

379 Quaesumus Domine Deus noster diei molestias noctis quiete sustenta ut necessaria temporum vicissitudine succedente nostra reficiatur infirmitas.

379 Ut cunctis nos Domine foveas adiumentis tuis apta propitius disciplinis.

380 Oculi nostri ad te Domine semper intendant ut auxilium tuum et misericordiam sentiamus.

380 Peccata nostra Domine quaesumus memor humanae condicionis absolve et quicquid eorum retributione meremur averte.

380 Porrige nobis Deus dexteram tuam et auxilium nobis supernae virtutis impende.

380 Exaudi nos Domine Deus noster et Ecclesiam tuam inter mundi turbines fluctuantem clementi gubernatione moderare.

380 Intende Domine quaesumus supplices tuos et pariter nobis indulgentiam tribue benignus et gaudium.

380 Adesto Domine precibus nostris et die noctuque nos protege ut quibuslibet alternationibus temporum tua semper incommutabilitate firmemur.

381 Respice nos omnipotens et misericors Deus et ab omnibus tribulationibus propitiatus absolve.

381 Iniquitates nostras ne respicias Deus sed sola nobis misericordia tua prosit indignis.

381 Fac nos Domine Deus noster tuis oboedire mandatis quia tunc nobis prospera cuncta provenient si te totius vitae sequamur auctorem.

381 Fac nos quaesumus Domine Deus noster in tua devotione gaudere quia perpetua est et plena felicitas si tibi bonorum omnium serviamus auctori.

381 Exaudi quaesumus Domine gemitum populi supplicantis et qui de meritorum qualitate diffidimus non iudicium sed misericordiam consequi mereamur.

382 Afflictionem familiae tuae quaesumus Domine intende placatus ut indulta venia peccatorum de tuis semper beneficiis gloriemur.

382 Praesta populo tuo Domine quaesumus consolationis auxilium et diuturnis calamitatibus laborantem propitius respirare concede.

382 Quaesumus omnipotens Deus ut qui nostris fatigamur offensis et merito nostrae iniquitatis affligimur pietatis tuae gratiam consequi mereamur.

382 Deus qui nos conspicis in tot perturbationibus non posse subsistere afflictorum gemitus propitius respice et mala omnia quae meremur averte.

382 Da nobis quaesumus Domine de tribulatione laetitiam ut qui diu pro peccatis nostris affligimur intercedente beato ill. martyre tuo in tua miseratione respiremus.

383 Clamantium ad te Domine quaesumus preces dignanter exaudi et sicut Ninevitis in afflictione positis pepercisti ita et nobis in praesenti tribulatione succurre.

383 Miserere iam quaesumus Domine populo tuo et continuis tribulationibus laborantem celeri propitiatione laetifica.

383 Auxiliare Domine quaerentibus misericordiam tuam et da veniam confitentibus parce supplicibus ut qui nostris meritis flagellamur tua miseratione salvemur.

383 Praesta quaesumus omnipotens Deus ut qui iram tuae indignationis cognovimus misericordiae tuae indulgentiam consequamur.

383 Quaesumus omnipotens Deus afflicti populi lacrimas respice et iram tuae indignationis averte ut qui reatum nostrae infirmitatis agnoscimus tua consolatione liberemur.

384 Deus qui culpa offenderis paenitentia placaris preces populi supplicantis propitius respice et flagella tuae iracundiae quae pro peccatis nostris meremur averte.

384 Parce Domine parce populo tuo ut dignis flagellationibus castigatus in tua miseratione respiret.

384 Intende quaesumus Domine preces nostras et qui non operando iustitiam correptionem meremur afflicti in tribulatione clamantes respiremus auditi.

384 Praesta quaesumus omnipotens Deus ut qui offensa nostra per flagella cognoscimus tuae consolationis gratiam sentiamus.

384 Ne despicias omnipotens Deus populum tuum in afflictione clamantem sed propter gloriam nominis tui tribulantibus succurre placatus.

385 Deus refugium pauperum spes humilium salusque miserorum supplicationes populi tui clementer exaudi ut quos iustitia verberum fecit afflictos abundantia remediorum faciat consolatos.

385 Deus cui proprium est misereri semper et parcere suscipe deprecationem nostram ut quos delictorum catena constringit miseratio tuae pietatis absolvat.

385 Aures tuae pietatis quaesumus Domine precibus nostris inclina ut qui peccatorum nostrorum flagellis percutimur miserationis tuae gratia liberemur.

385 Memor esto quaesumus Domine fragilitatis humanae et qui iuste verberas peccatores parce propitiatus afflictis.

386 Refice nos Domine donis tuis et opulentiae tuae largitate sustenta.

386 Reficiamur Domine donis et datis tuis et tua benedictione satiemur.

386 Protege nos Domine Deus noster et fragilitati nostrae necessariam praebe substantiam.

386 Benedic Domine dona tua quae de tua largitate sumus sumpturi.

386 Deus qui nos ad delicias spiritales semper invitas da benedictionem super dona tua ut ea quae in nomine tuo sunt edenda sanctificata percipere mereamur.

386 Tua nos Domine dona reficiant et tua gratia consoletur.

387 Da quaesumus Domine benedictionem et custodiam tuam in hunc habitaculum famuli tui ill. et propitius quae a nobis sunt edenda sanctifica.

387 Benedicantur nobis Domine dona tua quae de tua largitate nobis ad medium deducta sunt qui es Deus benedictus et regnas per omnia saecula saeculorum.

387 In nomine sanctae et unicae Trinitatis quod nobis est adlatum creator omnium benedicat.

387 Sanctae Dei Genitricis Mariae gloriosae et intemeratae virginis orationibus quod nobis est appositum redemptor omnium benedicat.

387 Beati Petri principis apostolorum interventionibus quae nobis sunt ad medium prolata Christus filius Dei benedicat.

387 Praedicatoris atque doctoris gentium beati Pauli apostoli precibus quod nobis additum est redemptor omnium benedicat.

387 Sancti Andreae apostoli atque doctoris ecclesiae precibus quod nobis appositum est redemptor omnium benedicat.

388 Beati Ioannis evangelistae atque apostoli orationibus quod nobis oblatum est unigenitus Dei filius benedicat.

388 Omnium apostolorum intercessionibus quae nobis apposita sunt omnipotens Deus benedicat.

388 Omnium sanctorum orationibus qui pro Dei nostri amore sanguinem effuderunt quod nobis additum est redemptor omnium benedicat.

388 Deo placentium atque servientium intercessionibus quod appositum est nobis Christus filius Dei benedicat.

388 Fragmenta panis quae superaverunt servis suis redemptor humani generis benedicat et multiplicet qui regnat cum patre una cum Spiritu Sancto per infinita saecula saeculorum.

388 Satiati Domine opulentiae tuae donis tibi gratias agimus pro his quae te largiente suscepimus obsecrantes misericordiam tuam ut quod corporibus nostris necessarium fuit mentibus non sit onerosum.

388 Satiasti nos Domine tuis donis ac datis reple nos tua misericordia quia tu es benedictus qui cum Patre et Spiritu Sancto vivis et regnas per omnia saecula saeculorum.

389 Gratias tibi referimus omnipotens Deus qui nos satiare dignatus es de tuis donis ac datis: praesta quaesumus 0lut ea quae accepimus in tuo nomine salubriter digeramus.

389 Omnipotens sempiterne Deus adesto magnae pietatis tuae mysteriis adesto sacramentis et ad creandos novos populos quos tibi fons baptismatis parturit spiritum adoptionis emitte ut quod nostrae humilitatis gerendum est ministerio tuae virtutis impleatur effectu.

389 Sursum corda. Habemus ad Dominum usque aeterne.

389 Deus qui invisibili <potentia> sacramentorum tuorum mirabiliter operaris effectum et licet nos tantis mysteriis exsequendis simus indigni tu tamen gratiae tuae dona non deserens etiam ad nostras preces aures tuae pietatis inclinas. Deus cuius spiritus super aquas inter ipsa mundi primordia ferebatur ut iam tunc virtutem sanctificationis aquarum natura conciperet. Deus qui nocentis mundi crimina per aquas abluens regenerationis speciem in ipsa diluvii effusione signasti ut unius eiusdemque elemen0ti mysterio et finis esset vitiis et origo virtutibus respice in faciem ecclesiae tuae et multiplica in ea regenerationes tuas qui gratiae tuae effluentis impetu laetificas civitatem tuam fontemque baptismatis aperis toto orbe terrarum gentibus innovandis ut tuae maiestatis imperio sumat Unigeniti tui gratiam de Spiritu Sancto.

390 Qui hanc + aquam regenerandis hominibus praeparatam archana sui luminis ammixtione faecundet ut sanctificatione concepta ab immaculato divini fontis utero in novam renatam creaturam progenies caelestis emergat et quos aut sexus in corpore aut aetas discernit in tempore omnes in unam pariat gratia mater infantiam. Procul ergo hinc iubente te Domino omnis spiritus inmundus abscedat procul tota nequitia diabolicae fraudis absistat. Nihil hic loci habeat contrariae virtutis ammixtio non insidiando circumvolet non latendo subripiat non inficiendo corrumpat. Sit haec sancta et innocens creatura libera ab omni impugnatoris incursu et totius nequitiae purgata discessu sit fons vivus aqua regenerans unda purificans ut omnes hoc lavacro salutifero diluendi operante in eis Spiritu Sancto perfectae purgationis indulgentiam consequantur.

390 Unde benedico + te creatura aquae per + Deum vivum per + Deum sanctum qui te in principio verbo separavit ab arida cuius spiritus super te ferebatur qui te de paradiso manare et in quattuor fluminibus totam terram rigare praecepit qui te in deserto amaram suavitate indita fecit esse potabilem et sitienti populo de petra produxit. Benedico + te et per Iesum Christum Filium eius unicum Dominum nostrum qui te in Cana Galilaeae signo ammirabili sua potentia convertit in vinum qui pedibus super te ambulavit et a Ioanne in Iordane in te baptizatus est qui te una cum sanguine de latere suo produxit et discipulis suis iussit ut credentes baptizarentur in te dicens: Ite docete omnes gentes baptizantes+ eos in nomine Patris et Filii et Spiritus Sancti.

391 Haec nobis praecepta servantibus tu Deus omnipotens clemens adesto tu benignus aspira tu has simplices aquas tuo ore benedicito ut praeter naturalem emundationem quam lavandis possint adhibere corporibus sint etiam purificandis mentibus efficaces.

391 Descendat in hanc plenitudinem fontis virtus Spiritus tui totamque huius aquae substantiam regenerandi fecundet effectu. Hic omnium peccatorum maculae deleantur. Hic natura ad imaginem tuam condita et ad honorem sui reformata principii cunctis vetustatis squaloribus emundetur ut omnis homo hoc sacramentum regenerationis ingressus in verae innocentiae novam infantiam renascatur. Per Dominum nostrum Iesum Christum Filium tuum qui venturus est indicare vivos et mortuos et saeculum per ignem.

391 Domine Deus noster Pater omnipotens exaudi nos lumen indeficiens: tu es sancte conditor omnium luminum benedic Domine hoc lumen quod a te sanctificatum atque benedictum est. Tu illuminasti omnem mundum ut ab eo lumine accendamur et illuminemur igne claritatis tuae sicut per ignem illuminasti Moysen ut illuminatis cordibus et sensibus nostris ad vitam aeternam pervenire mereamur.

392 Deus qui Spiritus tui gratiam dignatus es in ignis visione monstrare concede propitius ut quaeque huius elementi ministerio gerimus tua protectione secura sint et ab omni periculo tua benedictione defensa.

392 Deus qui universae carnis Noe et filiis suis de mundis et inmundis animalibus praecepta dedisti quique sic holera herbarum humano generi quadrupedia munda edere permisisti qui agnum in Aegypto Moysi et populo tuo in vigilia Paschae comedere praecepisti in figuram agni Domini nostri Iesu Christi cuius sanguine omnia primogenita tibi de mundo redemisti et in nocte illa omne primogenitum in Aegypto percutere praecepisti servans populum tuum agni sanguine praenotatum: dignare Domine omnipotens benedicere et sanctificare has ovium mundarum carnes ut quicumque ex populis tuis fidelibus comederi/it omni benedictione caelesti gratiae tuae saturitate repleantur in bonis.

392 Omnipotens sempiterne Deus qui in diluvii Noe famulo tuo ostendisti effusione ut ore columbae gestantis ramum olivae pacem terrae redditam nuntiaret te supplices deprecamur ut hanc creaturam olivae quam ante conspectum gloriae tuae offerimus veritas tua sanctificet ut devotus populus in manibus suscipiens benedictiones tuas consequi mereatur.

393 Petimus te Domine sancte Pater omnipotens sempiterne Deus ut respicere digneris super hanc creaturam olivae quam ex ligni materie prodire iussisti quam columba rediens ad arcam proprio pertulit ore et benedicere + ac sanctificare digneris ut quicumque ex ea acceperit sumat sibi ad corporis animaeque salutem fiatque nobis hoc sacramentum ad remedium sempiternum.

393 Deus qui dispersa congregas et congregata conservas qui populis obviam Iesu ramos portantibus benedixisti benedic + etiam et hos ramos palmarum et olivarum quos tui famuli ad nominis tui benedictionem suscipiunt ut in quemcumque locum introducti fuerint tuam benedictionem consequantur ut omni adversitate fugata dextera tua protegat quos redemit.

393 Deus omnipotens Pater Domini nostri Iesu Christi qui te regeneravit ex aqua et Spiritu Sancto quique dedit tibi remissionem omnium peccatorum ipse te linit chrismate salutis in Christo Iesu Domino nostro ad vitam aeternam. Amen.

394 Accipe vestem candidam et inmaculatam quam proferas ante tribunal Domini nostri Iesu Christi ut habeas vitam aeternam et vivas in saecula saeculorum. Amen.

394

394 Pax huic domui.

394

394 Oremus.

394 Flectamus genua.

394 Levate.

394 Magnificare Domine Deus noster.

394

394 Deus in adiutorium meum intende.

394

394 Deus qui ad salutem humani generis.

394 Exorcizo te creatura salis et aquae.

394

394 Creator et conservator.

395 Asperges me Domine ysopo et mundabor.

395 Miserere mei Deus.

395 Exurgat Deus.

395

395 Domus mea domus orationis vocabitur.

395 Narrabo nomen tuum fratribus meis

395 Gloria.

395 Oremus.

395 Flectamus genua.

395 Levate.

395 Deus qui loca nomini tuo.

395 Oremus.

395 Deus sanctificationum omnipotens dominator.

395 Introibo ad altare Dei.

395 Mane surgens

395 Quam dilecta.

395 Sanctificavit Dominus tabernaculum suum.

395 Deus noster refugium et virtus.

395 Ecce odor filii mei.

395 Fundamenta.

395

395 Oremus.

395

395 Dei Patris omnipotentis.

395 Oremus.

395

395 Deus omnipotens in cuius honore.

396 Confirma hoc Deus.

396 Gloria.

396

396 Exultabunt sancti in gloria.

396 Cantate Domino.

396

396 Dilectissimi fratres inter caetera virtutum sollemnia quae ad gloriam pertinent Christi Domini nostri hoc quoque suis praestitit martyribus pro nominis eius confessione morte suscepta caelestia praemia promereri ut fidelium votis eorum praeclaris reliquiis collocatis integritas sancta corporis esse credatur. Et ideo commonemus dilectionem vestram quoniam illa feria illo loco reliquiae sunt sancti illius martyris collocandae. Quaesumus ut vestram praesentiam nobis ammonentibus non negetis.

397 Magnificare Domine Deus noster in sanctis tuis et hoc in templo aedificationis tuae appare ut qui omnia in filiis adoptionis operaris ipse semper in tua hereditate lauderis.

397 Deus qui ad salutem humani generis maxima quaeque sacramenta in aquarum substantia condidisti adesto propitius invocationibus nostris et elemento huic multimodis purificationibus praeparato virtutem tuae benedictionis infunde ut creatura mysterii tui tibi serviens ad abigendos daemones morbosque pellendos divinae gratiae sumat effectum ut quicquid in locis vel in domibus fidelium haec unda resperserit careat inmunditia liberetur a noxiis. Non illic resideat spiritus pestilens non aura corrumpens. Abscedant omnes insidiae latentis inimici et si quid est quod aut incolumitati habitantium invidet aut quieti aspersione huius aquae effugiat. Un salubritas per invocationem tui nominis expetita ab omni sit impugnatione defensa. Per Dominum nostrum Iesum Christum Filium tuum qui venturus est iudicare vivos et mortuos et saeculum per ignem.

397 Exorcizo te creatura aquae in nomine Dei Patris omnipotentis et in nomine Iesu Christi Filii eius et Spiritus Sancti. Omnis 0virtus adversarii et omnis incursio diaboli omne phantasma omnis inimici potestas eradicare et effugare ab hac creatura aquae. Unde exorcizo te creatura aquae per Deum verum per Deum vivum per Deum sanctum et per Dominum nostrum Iesum Christum ut efficiaris aqua sancta aqua benedicta ut ubicumque effusa fueris vel aspersa sive in domo sive in agro effuges omnem phantasiam omnem inimici potestatem. Spiritus sanctus habitet in domo hac. Per Dominum nostrum Iesum Christum qui venturus.

398 Creator et conservator humani generis dator gratiae spiritalis largitor aeternae salutis: tu Domine permitte spiritum tuum sanctum super vinum cum aqua mixtum ut armata virtute caelestis defensionis ad consecrationem huius ecclesiae vel altaris percipiat.

398 Deus qui loca nomini tuo dicata sanctificas effunde super hanc orationis domum gratiam tuam ut ab omnibus invocantibus te auxilium tuae misericordiae sentiatur.

398 Deus sanctificationum omnipotens dominator cuius pietas sine fine sentitur Deus qui caelestia simul et terrena complecteris servans misericordi0am tuam populo tuo ambulanti ante conspectum gloriae tuae exaudi preces servorum tuorum ut sint oculi tui aperti super domum istam die ac nocte. Hancque basilicam in honore sancti ill. sacris mysteriis institutam clementissimus dedica miseratus illustra proprio splendore clarifica omnemque hominem venientem te adorare in hoc loco placatus admitte propitius dignare respicere. Et propter nomen tuum magnum et manum fortem et brachium excelsum in hoc habitaculo supplicantes libens protege dignanter exaudi aeterna defensione conserva ut semper felices semper tua religione laetantes constanter in sanctae Trinitatis fide catholica perseverent.

398 Dei Patris omnipotentis misericordiam dilectissimi fratres deprecemur ut hoc altare sacrificiis spiritalibus consecrandum vocis nostrae exorandi officio praesenti benedictione sanctificet ut in eo semper oblationes famulorum suorum studio suae devotionis impositas benedicere et sanctificare dignetur et spiritali placatus incenso precanti familiae suae promptus exauditor existat. Per Dominum nostrum Iesum Christum Filium suum qui cum eo vivit et regnat Deus in unitate.

399 Deus omnipotens in cuius honore altare hoc sub invocatione tui nominis consecramus clemens et propitius preces nostrae humilitatis exaudi: et praesta ut in hac mensa sint tibi libamina accepta sint grata sint pinguia et Sancti Spiritus tui semper rore perfusa ut omni tempore in hoc loco supplicantis tibi familiae tuae anxietates releves aegritudines cures preces exaudias vota suscipias desiderata confirmes postulata concedas.

399 Domine Deus omnipotens sicut ab initio hominibus utilia et necessaria creasti et quemadmodum vestimenta pontificalia sacerdotibus et levitis ornamenta et linteamina fieri famulum tuum Moysen per XL dies docuisti sive etiam ea quae Maria texuit et fecit in usum ministerii tabernaculi foederis: sanctificare benedicere consecrareque digneris haec linteamina in usum altaris tui ad tegendum involvendumque corpus et sanguinem Filii tui Domini nostri Iesu Christi.

399 Dignare Deus omnipotens rex regum et Dominus dominantium sacerdos omnium pontifex universorum per quem 0una cum patre sanctoque spiritu facta sunt universa Christe Iesu benedicere consecrare et sanctificare digneris vasa haec cum huius altaris linteaminibus caeterisque vasis. Et quemadmodum sanctificasti officia tabernaculi testimonii olim cum arca oracula Cherubim columnas candelabra altare argenteis basibus tabulis deauratis holocaustis hostiis aeneo altare cum vasis aeneis tentoriis funibus oleo unctionis et caeteris aliis in figura nostri per manus sanctorum sanctificasti sacerdotum ita nunc manens in aeternum summe sacerdos sacerdotum secundum ordinem Melchisedech ut diximus patenam hanc et calicem hunc et omnia instrumenta altaris huius ecclesiae seu basilicae quae in nostras palmas habentur corde precamur: tu benedicas purifices consecres et consummes quibus inter nos aeternam unitatem in supremo meatu sine fine constare credimus. Per te Christe Iesu qui cum Patre vivis.

400 Consecramus et sanctificamus hanc patenam ad conficiendum in ea corpus Domini nostri Iesu Christi facientes crucem pro salute nostra et omnium nostrum: qui cum Patre et Spiritu Sancto vivit.

400 Consecrare et sanctificare digneris Domine patenam hanc per istam unctionem et nostram benedictionem in Christo Iesu Domino nostro qui tecum vivit et regnat.

400 Oremus dilectissimi fratres ut Dominus Deus noster calicem suum in ministerium consecrandum caelestis gratiae inspiratione sanctificet ut ad humanam benedictionem plenitudine divini favoris accumulet.

401 Dignare Domine calicem istum in usum ministerii tui pia famuli tui devotione formatum et ea sanctificatione perfundere qua Melchisedech famuli tui sacratum calicem perfudisti et quod arte vel metallo effici non potest altaribus tuis dignum fiat tua benedictione pretiosum atque sanctificatum.

401 Oremus fratres dilectissimi ut Deus omnipotens hoc mysterium corporis filii sui Domini nostri Iesu Christi gerulum benedictionis sanctificationis tutamine defensionis donationis implere dignetur orantibus nobis.

401 Omnipotens Deus Trinitas inseparabilis manibus nostris opem tuae benedictionis infunde ut per nostram benedictionem hoc vasculum sanctificetur et corporis Christi novum sepulchrum Spiritus Sancti gratia perficiatur.

401 Singulare illud repropitiatorium quo se in altare crucis nobis redimendis obtulit immolandum cuius praefiguratio patriarcha Iacob lapidem erexit in titulum quo fieret sacrificium et portae caeli aperiretur oraculum suppliciter tibi Domine preces fundimus ut metalli huius expoliata materies supernis sacrificiis imbuenda ipse suae dotare sanctificationis ubertate percipiat qui quondam lapideas legem scripsit in tabulas.

402 Deus omnipotens universarum rerum rationabilis artifex qui inter creaturas formam lapidei metalli ad obsequium tui sacrificii condidisti ut legis libaturi tuo pararetur altari annue dignanter huius institutor mysterii ut quodquod hic oblatum sacrum fuerit nomine tuo adsurgat religione proficiat spe initietur fide sit in honore.

402 Domine sancte Pater omnipotens aeterne Deus clemens et propitius preces nostrae humilitatis exaudi et respice ad hoc altaris tui holocaustum quod non tam igne probatur sed infusa Sancti Spiritus tui gratia in odore suavitatis ascendat ut accipientibus ac sumentibus nobis legitima permaneat eucharistia quae haereat in visceribus nostris et vitam concedat aeternam.

402 Qui post offendicula lapsus primi hominis instituisti tibi propitiatorii deliniamenta libaminis ut culpa quae processerat futuris temporibus expiaretur per munera quibus onerarentur altaria honorificarentur et templa quod tibi primus Noe praeparavit officium rursus instruxit Abraham immolaturus filium dehinc electus Iacob erexit et unxit in titulum. Assit redemptoris mundi pietas exorata ut lapidis sanctificandi mysterium qui penetralis et lapis angularis es consecrare digneris inlapsus et hic inhaereas placito maiestas aeternalis obtutu. Et quicquid sacro ritu super hoc immolabitur sicut Melchisedech oblatum placeat tibi hoc holocaustum et reportet per hoc praemium quicquid intulerit votum sanctificare benedicere consecrareque digneris et manibus nostris opem tuae benedictionis infunde qui te angularem lapidem et saxum sine manibus excisum nominare voluisti. Tu lapides istos divinis cultibus apparatos benedic atque sanctifica et sacri huius mysterii sicut institutor ita etiam sanctificator appare.

403 Deus qui sacrandorum tibi auctor es munerum effunde super hanc orationis domum benedictionem tuam ut ab omnibus invocantibus nomen tuum defensionis auxilium sentiatur.

403 Deus qui ex omni coaptatione sanctorum aeternum tibi condis habitaculum da aedificationi tuae incrementa caelestia et quorum hic reliquias pio amore complectimur eorum semper meritis adiuvemur.

403 Deus qui invisibiliter omnia contines et tamen pro salute generis humani signa tuae potentiae visibiliter ostendis templum hoc potentia tuae inhabitationis illustra ut omnes qui huc deprecaturi conveniunt ex quacumque tribulatione ad te clamaverint consolationis tue beneficia consequantur.

403 Omnipotens sempiterne Deus effunde super hunc locum gratiam tuam et in omnibus te invocantibus auxilii tui munus ostende ut hic sacramentorum virtus omnium fidelium corda confirmet.

404 Omnipotens sempiterne Deus altare nomini tuo dicatum celestis virtutis benedictione sanctifica et omnibus in te sperantibus auxilii tui munus ostende ut hic sacramentorum virtus et tuorum obtineatur effectus.

404 Per quem te supplices deprecamur ut altare hoc sanctis usibus praeparatum caelesti benedictione sanctifices. Et sicut Melchisedech sacerdotis praecipui oblationem dignatione mirabili suscepisti ita imposita novo huic altari munera super accepta ferre digneris ut populus tuus ad hanc ecclesiae domum sanctamque conveniens per haec pura libamina caelesti sanctificatione salvatus animarum quoque suarum salutem perpetuam consequatur. Per quem maiestatem.

404 Hanc igitur oblationem famuli tui vel famulae tuae ill. quae tibi in huius templi sanctificationes offerunt immolandas quaesumus Domine dignanter intende ut aulam quae beati martyris tui ill. meritis aequiperare non potuit tuae claritatis vultus illustret fiatque tua propitiatione tuis sacris sanctisque digna mysteriis sit aeternae lucis habitaculum temporale. Nihil hic mundanae sordis obscuritatisque possideat ut veniens hic populus tuus suae consequatur orationis effectum dignumque locum hunc tua sentiat maiestate dum a te postulata fuerit consecutus sitque aedificantibus in pretio delictorum dum a te non pro sui operis quantitate sed pro offerentium fuerit devotione suscepta diesque nostros in tua pace.

405 Sanctorum tuorum Domine precibus confitentes quaesumus ut per ea quae sumpsimus aeterna remedia capiamus.

405 Quaesumus omnipotens Deus ut hoc in loco quem nomini tuo indigni dicavimus cunctis petentibus aures tuae pietatis accomodes.

405 Deus qui nobis per singulos annos huius sancti templi tui consecrationis reparas diem et sacris semper mysteriis repraesentas incolumes: exaudi preces populi tui et praesta ut si quis hoc templum beneficia petiturus ingreditur cuncta se impetrasse laetetur.

405 Annuae festivitatis cultum Domino Deo nostro summa nostrarum precum supplicatione poscimus ut quicumque intra templi huius cuius natalis est hodie ambitu continemur plena illi atque perfecta devotione placeamus ut dum haec praesentia vota reddimus ad aeterna praemia venire mereamur.

406 Pro annua dedicatione tabernaculi huius honorem tibi gratiasque referre per Christum Dominum nostrum cuius virtus magna pietas copiosa. Respice quaesumus de caelo et vide et visita domum istam ut si quis in ea nomini tuo supplicaverit libenter exaudias et satisfacientibus clementer ignoscas. Hic tibi sacerdotes tui sacrificium laudis offerant hic fidelis populus vota persolvat hic peccatorum onera deponantur hic fides sancta stabilitetur hic ipse inter bonum malumque discernens cum causam interpellatus iudicaveris quam non ignoras. Hic pietas absoluta redeat hic iniquitas emendata descendat. Inveniat apud te Domine locum veniae quicumque satisfaciens confugerit et conscio dolore victus altaria tua rivis suarum lavent lacrimarum. Hic si quando populus tuus tristis mestusque convenerit adquiesce rogari et rogatus indulge.

406 Deus qui Ecclesiam tuam sponsam vocare dignatus es ut quae habet gratiam per fidei devotionem haberet etiam ex nomine pietatem: da ut omnis haec plebs nomini tui serviens huius vocabuli consortio digna esse mereatur et Ecclesia tua in templo cuius natalis est hodie tibi collecta te timeat te diligat te sequatur ut dum iugiter per vestigia tua graditur ad caelestia promissa te duce pervenire mereatur.

406 Parce Domine parce peccantibus et ut ad propitiationem tuam possimus accedere spiritum nobis tribue corrigendi.

407 Quaesumus Domine nostris placare muneribus quoniam tu eadem tribuis ut placeris.

407 Qui nos castigando sanas et refovendo erudis dum vis salvos esse correptos quam perire neglectos. Qui famulos tuos ideo corporaliter verberas ut mente proficiant potenter ostendens quod sit pietatis tuae praeclara salvatio dum praestas ut operetur nobis etiam ipsa infirmitas medicinam. Qui fragilitatem nostram non solum misericorditer donis temporalibus consolaris ut nos ad aeterna provehas sed etiam ipsis adversitatibus saeculi benignus erudis ut ad caelestia regna perducas. Per Christum Dominum nostrum.

407 Praesta Domine quaesumus ut a terrenis affectibus expiati ad superni plenitudinem sacramenti cuius libavimus sancta tendamus.

407 Parce Domine parce peccatis nostris et quamvis incessabiliter delinquentibus continua poena debeatur praesta quaesumus ut quod ad perpetuum meremur exitium transeat ad correctionis auxilium.

408 Sacrificia Domine tibi cum ecclesiae precibus immolanda quaesumus corda nostra purificent et indulgentiae tuae nobis dona concilient et de adversis prospera sentire perficiant.

408 Maiestatem tuam suppliciter deprecantes ut qui rei sumus meritis non efficiamur nostra duritia contumaces nec te protervis sensibus accusare nitamur cum tua nobis quae non meremur beneficia retrahuntur sed hinc potius et nostras cognoscamus offensas et opem tuam iugiter imploremus quia multo amplius continua subsidia devotis mentibus ministrabis qui eadem largiris indignis.

408 Vitia cordis humani haec Domine quaesumus medicina compescat quae mortalitatis nostrae venit curare languores.

408 Concede nobis misericors Deus studia perversa deponere et sanctam semper amare iustitiam.

408 Ab omni reatu nos Domine sancta quae tractamus absolvant et eadem muniant a totius pravitatis incursu.

409 Per quem maiestatem tuam suppliciter deprecamur ut nos ab operibus iniquis dignanter exaudias et nec propriorum fieri patiaris excessu nec alienis impietatibus praebere consensum sed mores nostros ea moderatione componas ut tam in nobis quam in aliis quae sunt iusta servemus. Per quem.

409 Praesta quaesumus omnipotens Deus ut semper rationabilia meditantes quae tibi sunt placita et dictis exsequamur et factis.

409 Omnipotens et misericors Deus cuius pietatis et misericordiae non est numerus qui simul cuncta creasti qui verbum tuum pro redemptione nostra humano generi incarnari voluisti qui occulta cordium hominum solus agnoscis miserere animae meae: delicta iuventutis et ignorantias meas ne memineris sed erue animam meam de manu inimicorum et de profundo laci et de luto fecis ne derelinquas me Domine Deus meus ne discedas a me et ne tradas me in manibus quaerentium animam meam sed libera eam de omni angustia piissime pater.

410 Exaudi me omnipotens aeterne Deus qui dixisti: Caro mea verus est cibus et sanguis meus verus est potus sanctifica hoc sacrificium et oblationem tui corporis et adsumens a terrenis desideriis et a camis cupiditate lasciviaque vel inmunditia tentationum inimicorum spirituum me liberare digneris et sancto spiritu replear. Qui cum patre vivis et regnas Deus in unitate.

410 Per quem te suppliciter exoro ut dignanter suscipias de manibus servi hostiam et propitiare peccatis meis ne indignum me iudices ob multitudinem iniquitatum mearum quia tu Domine sicut voluisti fecisti perduc me non propriis meis meritis sed immensitate tuae bonitatis ad serviendum altari tuo in ara tuae laudis sacrificium imponendum. Ideoque ex toto corde humili prece deposco ut fiat acceptum in conspectu tuo Domine quatenus per hanc oblationem atque petitionem et praeterita quae commisi crimina indulgere et futura non sinas admittere. Et a cunctis illusionibus inmundorum spirituum liberare et sancto tuo spiritu protectum conservare digneris. Per quem.

411 Hanc igitur oblationem quam tibi offero omnipotens Deus ego humilis tuus famulus pro fragilitate corporis mei. Dele quaeso crimina piissime pater et ad ea me ultra reverti non sinas ut quando me egredi iusseris de corpore non habeam quod inimicus de suis malis repperiat sed nec flamma quod exurat sed ea pro quibus tu piissime pater aeternam mihi tribuas requiem diesque nostros.

411 Misericordiam tuam suppliciter deprecor omnipotens Deus ut me famulum tuum quem divinis sacramentis carnis et sanguinis Domini nostri Iesu Christi Filii tui satiasti ab omnibus inimicorum incursibus liberare et a carnis inmunditia seu et animae lascivia purgare digneris.

411 Omnipotens sempiterne Deus da capiti nostro inundantiam aquae et oculis nostris fontem lacrimarum ut peccati maculas abluendo ultra cicatrices poenarum flammas fletus ubertate vincamus.

412 Per has oblationes quaesumus Domine ut non tantum oculis nostris infundas lacrimas sed et in corda nostra abundantem peccatorum luctum tribuas.

412 Audientes divini sermonis sonum dicentis: Beati qui lugent nunc quoniam ipsi consolabuntur multum nostra flere peccata desideramus sed propter duritiam cordis nostri primum per nostram petitionem mundes et inde per donum gratiae tuae nostris oculis flumina lacrimarum largiter educas.

412 Corpore et sanguine tuo Domine satiati quaesumus ut nostris semper peccatis compunctionem cordis et luctum fluminaque multa lacrimarum nobis peccatoribus largiaris et sic caelestem futuram consolationem mereamur. Qui vivis.

412 Da mihi Domine peccatori confessionem quae tibi placita sit parturire in corde meo inenarrabiles gemitus qui aures tuas possint pulsare. Da mihi mentis intentionem quam suscipias perfundens bonitate tua et in humilitate deprecari quae te delectet ut digneris animae meae inserere ut iugis dilectio eius tu ipse sis. Da mihi lacrimas ex toto affectu ut interna peccatorum possint exsolvere vincula.

413 Deus cui accepta sunt vota cui munera te exoramus ut vota servi tui ill. dignanter accipias. Tribue ei divitias gratiae tuae et ab omnibus periculis eum liberare iubeas tuearis ac defendas protegas et confortes diebus ac noctibus horis atque momentis. Da ei auxilium atque praesidium iuxta evangelicam vocem ut quod petit obtineat et quod impetrat agnoscat.

413 Domine qui per os David locutus es: Vovete et reddite Domino Deo vestro te suppliciter exoramus ut famulum tuum ill. vigilantem custodias dormientem conserves oblationem quam tibi pro eo offerimus clementer accipias accendas cor famuli tui ill. igne amoris ac timoris et desiderii ut patriarcharum exempla imitetur efficiat in bonis operibus testimonium firmus et stabilis perseveret.

413 Deus qui es initium et finis concede misericordiam tuam famulo tuo ut sub ope dexterae tuae ubique protegatur et mitte ei auxilium de sancto et de Sion tuere eum. Auge illi felicitatis tempora et da ei longaevam vitam qui Noe annos auxisti. Tribue ei Domine gratiam tuam et dele cyrographum peccatorum suorum.

414 Deus in cuius manu corda sunt regum inclina ad preces humilitatis nostrae aures misericordiae tuae et regi nostro famulo tuo ill. regiminis tui appone sapientiam ut haustis de tuo fonte consiliis et tibi placeat et super omnia praecellat.

414 Suscipe Domine hostias ecclesiae tuae pro salute famuli tui ill. regis supplicantis et in protectione populorum antiqua brachii tui operare miracula ut superatis pacis inimicis secura tibi serviat Christiana libertas.

414 Et potentiam tuam suppliciter exorare cuius regnum regnum est omnium saeculorum supplicationes nostras clementer exaudi et Francorum regnum subditum tibi protege principatum ut in tua virtute fidentem et tibi placeat et super omnia regna praecellat.

415 Hanc igitur oblationem Domine quam tibi pro famulo tuo rege nostro ill. ministerio officii sacerdotalis offerimus pro eo quod in ipsum potestatem regni conferre dignatus es propitius et benignus assume et exoratus nostra obsecratione concede ut in maiestatis tuae protectione confidens et aevo augeatur et regno.

415 Porrige Domine famulo tuo ill. regi subsidia pacis et corporalibus ac spiritalibus alimentis enutri et a cunctis hostibus redde securum.

415 Deus in quo vivimus movemur et sumus pluviam nobis tribue congruentem et praesentibus subsidiis sufficienter adiuti sempiterna fiducialius appetamus.

415 Oblatis Domine placare muneribus et oportunum tribue nobis pluviae sufficientis auxilium.

416 Obsecrantes misericordiam tuam ut squalentes agri fecundis imbribus inrigentur quibus pariter aestuum mitigentur ardores saevientium morborum restinguatur accensio salus hominibus iumentisque proveniat atque ut haec te largiente mereamur peccata quae nobis adversantur relaxa qui pluis super iustos et iniustos etiam nostris offensionibus relaxatis expectata nubium munera largiaris quibus et salus nobis et alimenta praestentur.

416 Tuere nos Domine quaesumus tua sancta sumentes et ab omnibus propitius absolve peccatis.

416 Ad te nos Domine clamantes exaudi et aeris serenitatem nobis tribue supplicantibus ut qui pro peccatis nostris iuste affligimur misericordia tua praeveniente clementiam sentiamus.

416 Praeveniat nos quaesumus Domine gratia tua semper et subsequatur et has oblationes quas pro peccatis nostris nomini tuo consecrandas deferimus benignus adsume ut per intercessionem sanctorum tuorum cunctis nobis proficiant ad salutem.

417 Cuius creatura omnis ingemescit et metuens creatorem contremescit qui pertingit a fine usque ad finem fortiter et disponit omnia suaviter cuius providentia pia moderatione disponuntur universa supplices te rogamus ut temperies serenum nobis caeli praestet oportunitatis officium. Qui solem tuum oriri facis super bonos et malos et pluis super iustos et iniustos inormitatem aquarum a nobis depelle propitius ut omnia quae imbrium densitate iactantur pietatis tuae moderatione subleventur atque pro ecclesiae tuae unitate iubeas amovere decursum. Per quem.

417 Plebs tua Domine capiat sacrae benedictionis augmentum et copiosis beneficiorum tuorum sublevetur auxiliis quae tantis intercessionum deprecationibus adiuvatur.

417 Deus qui diligentibus te facis cuncta prodesse da cordibus nostris inviolabilem caritatis affectum ut desideria de tua inspiratione concepta nulla possint tentatione mutari.

418 Deus qui nos ad imaginem tuam sacramentis renovas et praeceptis perfice gressus nostros in semitis tuis ut caritatis donum quod fecisti a nobis sperare per haec quae offerimus facias sacrificia apprehendi.

418 Qui fideles tuos mutua faciens lege concordes pacem tuam tali foedere nexuisti ut nec alteri quisque moliretur infligere quod sibi nollet inferri et bona quae suis utilitatibus tribui cuperet a consorte naturae haec idem ipse quoque praestaret. Quatenus dum per alterutrum pietate se repperiunt communes in singulis fieret ipsa dilectio essetque mens una cunctorum. Per <Christum>.

418 Spiritum in nobis Domine tuae caritatis infunde ut quos uno caelesti pane satiasti una facias pietate concordes.

418 Adesto Domine supplicationibus nostris et viam famuli tui ill. in salutis tuae prosperitate dispone ut inter omnes viae huius varietates tuo semper protegatur auxilio.

419 Propitiare Domine supplicationibus nostris et has oblationes quas tibi offerimus pro famulo tuo ill. benignus assume ut viam illius praecedente gratia tua dirigas et subsequente comitare digneris ut de actu atque incolumitate eius secundum misericordiae tuae praesidia gaudeamus.

419 Qui properanti Iacob sub felicitatis commoda itinera direxisti cuique vitae cursu curam sollicitudinemque dignatus es gerere necnon et Tobi famulo tuo angelum ducem praevium praestitisti. Quapropter omnipotentiam tuam Domine humiliter imploramus ut ita profectionem famuli tui ill. cum suis omnibus dirigere eosque in itinere custodire digneris quatenus angelorum tuorum praesidio fulti comitatu quoque sanctorum tuorum muniti nullum periculum per spatia terrae aut per iuga montium angusta vallium vadaque fluminum venena serpentium vel impetum bestiarum incurrant sed sub tuo nomine ab omnibus malis defensi ad locum destinatum perveniant et oportuni temporis iterato repetito ad propria revertendo suffragii tui mereantur adipisci custodiam.

419 Hac igitur oblatione Domine quam tibi offerimus pro famulo tuo ill. commendamus tibi iter suum ut eam placatus suscipias deprecamur cui tu Domine angelum pacis mittere digneris angelum tuum sanctum sicut misisti famulo tuo Tobiae Raphael angelum qui eum salvum atque incolumem perducat usque ad loca destinata et iterato tempore oportuno omnibus rite perfectis reduci eum faciat in tuam sanctam ecclesiam ut laetus tibi et nomini tuo gratias referat.

420 Tua Domine sperantes in te quae sumpsimus sacramenta custodiant et contra adversos tueantur incursus.

420 Exaudi Domine quaesumus preces nostras quas in conspectu pietatis tuae effundere praesumimus suppliciter deprecantes ut famulum tuum ill. in tua misericordia confidentem benedicas et omnia eius peccata dimittas tuaque eum protectione conserva ut possit tibi dignus fieri et ad aeternam beatitudinem valeat pervenire.

420 Suscipe clementissime pater hostiam placationis et laudis quas ego peccator indignus tuus famulus tibi offerre praesumo ad honorem et gloriam nominis tui et pro incolumitate famuli tui ill. ut omnium delictorum suorum veniam consequi mereatur.

421 Qui effusione sanguinis sui mundi peccata delevit et credentes in se aeternae vitae restituit. Per hunc igitur te deprecor omnipotens Deus ut hanc oblationem quam tibi pro famulo tuo ill. offerimus sit in oculis tuis semper accepta et sicut fides sanctorum tuorum pervenit ad coronam ita et famuli tui ill. devotio te iubente pertingat ad veniam ut mereatur per hoc sacrificium a cunctis emundari sordibus delictorum et reconciliatus tibi per Christum per viam mandatorum tuorum incedat ut omnia peccata sua dimittas severitates quoque iudicii tui ab eo clementer suspendas et miserationis tuae largitatem infundas. Per quem maiestatem.

421 Hanc igitur oblationem servitutis nostrae quam tibi offerimus Domine pro incolumitate famuli tui ill. pius ac propitius clementi vultu respicias libens protegas dignanter exaudias aeternaque illum protectione conserves. ut semper in tua religione laetus permaneat instanter in sanctae Trinitatis confessione catholicae fidei perseveret quaesumus Domine ut placatus accipias et miserationis tuae largitate concede ut fiat ei ad veniam delictorum et ad actuum emendationem ut et tibi valeat vivere et ad aeterna gaudia pervenire diesque nostros.

421 Purificent nos Domine sacramenta quae sumpsimus et famulum tuum ill. ab omni culpa liberum esse concede ut qui conscientiae reatu constringitur caelestis remedii plenitudine glorietur.

422 Praetende Domine misericordia tua famulis tuis dexteram caelestis auxilii ut te toto corde perquirant et quae digne postulant adsequantur.

422 Propitiare Domine supplicationibus nostris et hanc oblationem quam tibi pro incolomitate famulorum tuorum offerimus benignus assume ut nullius sit irritum votum nullius vacua postulatio praesta quaesumus ut quod fideliter petimus efficaciter consequamur.

422 Da famulis tuis quaesumus Domine in tua fide et sinceritate constantiam ut in caritate divina firmati nullis tentationibus ab eius integritate vellantur.

423 Deus in cuius libro sunt vocabula notata mortalium concede nobis omnibus veniam delictorum et praesta quaesumus famulo tuo ill. quem immensus languor excruciat ut hunc tua miseratio reparet ad medelam et si ei ambitio piaculi adduxit dolorem adducat etiam confessio optabilem sanitatem.

423 Sana quaesumus Domine vulnera famuli tui ill. aegritudines eius perime peccata dimitte et hanc oblationem quam tibi pro eo offerimus benignus suscipe et sic eum flagella in hoc saeculo ut post transitum sanctorum mereatur adunari consortio.

423 Omnipotens sempiterne Deus qui ideo delinquentibus occasionem tribuis corrigendi ut non sit in eis quod puniat censura iudicii poscimus ut hoc accipias pro sacrificio laudis quod famulus tuus ill. atteritur virga correptionis. Sana eum quaesumus Domine ab omnibus infirmitatibus ut te medicante et plenitudinem salutis recipiat et tuis semper sanus iussionibus pareat.

424 Omnipotens sempiterne Deus cui numquam sine spe misericordiae supplicato propitiare animae famuli tui ill. ut qui de hac vita in tui nominis confessione decessit sanctorum tuorum numero facias aggregali.

424 Propitiare quaesumus Domine animae famuli tui ill. pro qua tibi hostias placationis offerimus et qui in hac luce fide mansit catholica in futura vita ei retributio donetur.

424 In cuius adventum cum geminam iusseris sistere plebem iubeas famulum tuum ill. a numero damnatorum discerni eumque tribuas tormentorum flammas evadere ac adipisci felicis praemia vitae atque hunc indui iubeas devicta morte vigorem et semper inextinctam habere luminis auram et felicem obtinere beatitudinis vitam ubi nox nulla succedit tenebrarum est aliena successio sed indeficientis claritas luminis et vitae felicitas. Per quem maiestatem.

425 Hanc igitur oblationem quam tibi pro requie animae famuli tui ill. offerimus quaesumus Domine placatus accipias et tua pietate concedas ut mortalitatis nexibus absoluta inter fideles tuos habere constituas portionem diesque.

425 Praesta quaesumus omnipotens Deus ut animam famuli tui ill. ab angelis lucis susceptam in praeparatis habitaculis deduci facias beatorum.

425 Propitiare quaesumus Domine animabus famulorum famularumque tuarum misericordia sempiterna ut mortalibus nexibus expedito lux eas aeterna possideat.

426 Hostias tibi quaesumus Domine humili placatione deferimus ut animae famulorum famularumque tuarum per haec placationis officia tuam misericordiam consequantur.

426 Qui es redemptor animarum sanctarum quamvis enim mortalis humani generis inlata condicio pectora humana mentesque conturbet tamen clementiae tuae dono spe futurae immortalitatis erigimur. Et memores salutis aeternae non timemus lucis huius subire dispendium. Quia misericordiae tuae munere fidelibus vita mutatur non tollitur et in timoris tui observatione defunctis domicilium perpetuae felicitatis acquiritur. Tibi igitur clementissime pater preces supplices fundimus et maiestatem tuam devotis mentibus exoramus ut animae famulorum famularumque tuarum quorum diem commemorationis celebramus mortis vinculis absolutae transitum mereantur ad vitam et in ovium tibi placitarum benedictione eternum numerentur ad regnum.

426 Hanc igitur oblationem quam tibi pro requie animarum famulorum famularumque tuarum offerimus quaesumus Domine propitius intuere et concede ut et mortuis prosit ad veniam quod cunctis viventibus praeparare dignatus es ad medelam. Quam oblationem.

427 Inveniant quaesumus Domine animae famulorum famularumque tuarum omnium in Christo quiescentium lucis aeternae consortium qui in hac luce positi tuum consecuti sunt sacramentum.

427 Quaesumus Domine ut animae famuli tui ill. cuius septimum obitus sui diem commemoramus sanctorum tuorum atque electorum largiaris consortium et rorem misericordiae tuae perennis infunde.

427 Adesto Domine supplicationibus nostris et hanc oblationem quam tibi offerimus ob diem depositionis septimum pro anima famuli tui ill. placatus ac benignus adsume.

428 Per quem salus mundi per quem vita omnium per quem resurrectio mortuorum. Per ipsum te Domine suppliciter deprecamur ut animae famuli tui ill. cuius diem depositionis suae tertium septimum celebramus indulgentiam largiri digneris perpetuam atque contagiis mortalitatis exutam in aeternae salvationis partem restituas. Per quem.

428 Hanc igitur oblationem Domine quam tibi offerimus pro anima famuli tui cuius depositionis diem septimum celebramus quo deposito corpore animam tibi creatori reddidit quam dedisti placatus suscipe. Pro quo petimus divinam clementiam tuam ut mortis vinculis absolutus transitum mereatur ad vitam diesque nostros.

428 Omnipotens sempiterne Deus collocare dignare corpus et animam et spiritum famuli tui ill. cuius diem septimum suae depositionis celebramus in sinu Abrahae Isaac et Iacob ut cum dies agnitionis tuae advenerit inter sanctos et electos tuos eum resuscitare praecipias.

429 Pio recordationis affectu fratres carissimi commemorationem facimus cari nostri ill. quem Dominus de tentationibus huius saeculi assumpsit obsecrantes misericordiam Dei nostri ut tribuere dignetur placitam et quietam mansionem et remittat omnes lubricae temeritatis offensas ut concessa venia plenae indulgentiae quicquid in hoc saeculo proprius error adtulit totum ineffabili pietate ac benignitate sua deleat et abstergat. Quod ipse <praestare.>

429 Suscipe Domine animam servi tui ill. de Aegypti exitu proficiscentem ad te et mitte angelos tuos sanctos obviam ei et vias iustitiae demonstra ei et aperi ei[s] portas iustitiae et repelle ab ea principes tenebrarum. Agnosce Domine creaturam tuam non a diis alienis creatam sed a te solo Deo vivo et vero quia non est Deus praeter te et non est secundum opera tua. Laetifica Domine animam servi tui ill. ne memineris pristinae iniquitatis et ebrietatis quam suscitavit furor mali desiderii licet enim peccavit patrem et filium et Spiritum Sanctum non negavit sed et credidit et zelum Dei habuit et Deum qui fecit omnia adoravit.

430 Suscipe Domine animam servi tui ill. revertentem ad te vestem caelestem indue ei et da requiem caelestem et in paradisi gaudio mysteriorum Dei agnoscat et inter possidentes vitam aeternam possideat.

430 Tu nobis Domine auxilium praestare digneris tu opem feras tu misericordiam largiaris. Spiritum etiam famuli tui ill. cari nostri vinculis corporis liberatum in pace sanctorum tuorum recipias et locum poenalem et gehennae ignem flammamque tartari evadat et in regione viventium glorietur.

430 In memoria aeterna.

430 Ne tradas bestiis.

430 Exsultent iusti.

430 Pretiosa est.

430 Exultabunt sancti.

430 Suscipe Domine animam servi tui ill. revertentem ad te. Veste caelesti indue eam et lava eam sancto fonte vitae aeternae ut inter gaudentes gaudeat et inter sapientes sapiat et inter martyres consideat et inter patriarchas proficiat et prophetas et inter apostolos Christum sequi studeat et inter angelos et archangelos claritatem Dei praevideat et inter paradisi rutilos lapides gaudium possideat et notitiam mysteriorum agnoscat et inter Cherubim et Seraphim claritatem Dei inveniat et inter viginti quattuor seniores cantica canticorum audiat et inter lavantes stolas in fonte luminis vestem lavet et inter pulsantes depulsans portas apertas caelestis Ierusalem repperiat et inter videntes Deum facie ad faciem videat et inter cantantes canticum novum cantet et inter audientes auditum caeleste sonum exaudiat.

431 Suscipe Domine servum tuum ill. in bonum habitaculum et aeternum et da ei in sinibus patriarcharum Abrahae Isaac et Iacob collocari et habeat partem in prima resurrectione et inter surgentes surgat in die resurrectionis ad gloriam corpus suum suscipiat et cum benedictis ad dexteram tuam venientibus veniat et inter possidentes vitam aeternam eandem lucem possideat.

431 Omnipotentis Dei misericordiam deprecemur fratres karissimi cuius iudicio aut nascimur aut finimur ut spiritum fratris nostri ill. quem Domini pietas de incolatu mundi huius transire praecepit requies aeterna suscipiat et cum beatae resurrectioni repraesentet et in sinibus Abrahae et Isaac et Iacob collocare dignetur. Per Dominum nostrum Iesum Filium suum qui secum vivit.

431 Subvenite sancti Dei.

431 Requiem aeternam.

431 Kyrie eleison ter.

432 Deum iudicem universitatis Deum caelestium et terrestrium et infernorum deprecemur pro spiritu cari nostri ill. ut eum Dominus in requiem collocare dignetur et in parte primae resurrectionis resuscitet. Per Dominum nostrum filium suum qui secum vivit et regnat Deus in unitate.

432 Antequam nascerer.

432 Commissa mea.

432 Deus qui universorum es creator et conditor qui es tuorum beatitudo sanctorum praesta nobis petentibus ut spiritum fratris nostri ill. a corporis nexibus absolutum in prima resurrectione facias praesentari.

432 Aperite mihi.

432 Confitemini Domino.

432 Te Domine sancte Pater omnipotens aeterne Deus supplices deprecamur pro spiritu famuli tui ill. quem ab origine huius saeculi ad te accersire voluisti ut digneris ei dare locum lucidum locum refrigerii et quietis. Liceat ei transire portas infernorum et poenas tenebrarum maneatque in mansionibus sanctorum et in luce sancta quam olim Abrahae promisisti et semini eius. Nullam laesionem sentiat spiritus eius sed cum magnus ille dies resurrectionis ac remunerationis advenerit resuscitare eum digneris una cum sanctis et electis tuis. Deleas ei delicta atque peccata usque in novissimum quadrantem tecumque immortalitatis suae vitam et regnum consequatur aeternum.

433 Sitivit anima.

433 Sicut cervus.

433 Diri vulneris novitate perculsi et quodammodo cordibus sauciati misericordiam tuam mundi redemptor flebilibus vocibus imploramus ut cari nostri animam proprie ad te datorem revertentem blande leniterque suscipias et si quam ex contagione mortali maculam traxit tu Deus solita bonitate clementissime deleas pietate indulgeas oblivioni in perpetuum tradas ipsamque laudem tibi cum caeteris reddituram et ad corpus quandoque reversuram sanctorum tuorum coetibus aggregari praecipias.

433 Oremus fratres karissimi Deum omnipotentem pro spiritu cari nostri ill. quem Dominus de laqueo huius saeculi liberare dignatus est cuius corpusculum hodie sepulturae traditur ut eum Domini pietas inter sanctos et electos suos in sinu Abrahae et Isaac et Iacob collocare dignetur et partem habeat in prima resurrectione quam facturus es deprecantibus nobis. Per Dominum nostrum Iesum Filium suum qui tecum vivit.

434 Opus misericordiae tuae sancte Pater omnipotens aeterne Deus rogare pro aliis quod pro nobis non sufficimus exorare praesumimus ut suscipias animam servi tui ill. revertentem ad te. Assit ei angelus testamenti tui Michael liberans eam de principibus tenebrarum et de locis poenarum ne famulus ill. iam ullis primaevae aetatis et ignorantiae confundatur erroribus. Agnoscatur a tuis et misericordia bonitatis tuae ad locum refrigerii et quietis in sinum Abrahae transferatur.

434 Debitum humani corporis sepeliendi officio fidelium more complentes Deum cui vivunt omnia fideliter deprecemur ut hoc corpus cari nostri in infirmitate sepultum in virtute et or dine sanctorum suorum resuscitet et eius spiritum sanctis ac fidelibus iubeat aggregari cuique in iudicio misericordiam tribuat quem cum morte retentum debitis solutum patri reconciliatum boni pastoris humero reportatum Spiritu Sancto protectum in comitatu aeterni regis perenni gaudio et sanctorum consortio perfrui concedat.

434 Tibi Domine commendamus animam famuli tui ill. ut defunctus a saeculo tibi vivat et si qua per fragilitatem carnis errorum peccata in mundi conversatione commisit tu venia verissimae pietatis absterge.

435 Omnipotens sempiterne Deus qui humano corpori a teipso animam inspirare dignatus es dum te iubente in pulverem rursum caro revertitur tu imaginem tuam cum sanctis et electis tuis aeternis sedibus praecipias sociari.

435 Obsequias rite celebrantes membris in feretro compositis tumulo ex more composito post Israhelitae exitum de Aegypto deprecemur clementiam Dei Patris pro spiritu cari nostri ill. quem Dominus de laqueo huius mundi liberavit lugubris et letalis ut per immensas suae maiestatis divitias et pietatis immensam misericordiam consortio beatorum sociare dignetur cum quibus aeternae felicitatis praemia capiat. Per Dominum nostrum Iesum Christum Filium suum qui tecum vivit et regnat Deus in unitate Spiritus Sancti Deus per omnia saecula saeculorum. Amen.

435 Commendamus tibi Domine animam fratris nostri ill. ac deprecamur ut propter quam ad terras tua pietate descenderas patriarcharum tuorum sinibus intrare non renuas. Miserere qui regnas cum patre in unitate Spiritus Sancti Deus per omnia sae<cula>.

435 Migranti in tuo nomine a die instabili et incerta ad sempiternam illam vitam praesta laetitiam in caelestibus Salvator mundi qui vivis et regnas cum patre in unitate.

436 Deus apud quem omnia morientia vivunt cui non pereunt moriendo corpora nostra sed mutantur in melius te supplices deprecamur ut suscipi iubeas animam famuli tui ill. per manus sanctorum angelorum tuorum deducendam in sinum amici tui patriarchae Abrahae resuscitandamque in novissimo magni iudicii die et si quid de regione mortali tibi contrarium contraxit fallente diabolo tua pietate ablue indulgendo.

436 Deus angelorum Deus archangelorum Deus prophetarum Deus apostolorum Deus martyrum Deus virginum Deus Pater Domini nostri Iesu Christi invoco nomen tuum sanctum ac praeclaram maiestatem tuam ut mihi auxilium praestare digneris adversus hunc nequissimum spiritum ut ubicumque latet audito nomine tuo exeat et recedat. Ipse tibi imperat diabole qui ventis et mari ac tempestatibus imperavit. Ipse tibi imperat qui de superna habitatione in inferiora terrae te dimergi praecepit. Ipse tibi imperat qui te retrorsum redire praecepit. Audi ergo et time satana victus et prostratus abscede in nomine Domini nostri Iesu Christi. Tu ergo nequissime satana inimicus fidei generis humani mortis raptor iustitiae declinator malorum radix fomes vitiorum seductor hominum perditor gentium incitator invidiae origo avaritiae causa discordiae excitator dolorum daemonum magister qui stas et resistis cum scis eum tuas perdere vires. Illum metue qui in Isaac immolatus est in Ioseph venundatus in agno occisus in homine crucifixus deinde triumphator. Recede in nomine Patris et Filii et Spiritus Sancti et da locum spiritui sancto per hoc signum crucis Christi Domini nostri qui cum Patre et eodem Spiritu Sancto vivit.

437 Deus conditor et defensor generis humani qui hominem ad imaginem et similitudinem tuam manibus tuis sanctis et proprio tuae divinitatis ore formasti respice super famulum tuum hunc qui dolis invidi serpentis appetitur quem vetus adversarius et hostis antiquus atrae formidinis horrore circumvolat et sensum mentis humanae stupore defigit terrore conturbat et metu trepidi timoris exagitat. Repelle Domine virtutem diaboli fallacis insidias procul impius tentator aufugiat sit in nominis tui signo famulus tuus et animo tutus et corpore. Tu pectoris huius interna custodias tu viscera regas tu corda confirmes inania. Adversariae potestatis temptamenta vanescant. Da ad hanc invocationem nominis tui gratiam ut qui nunc usque terrebat territus abeat et victus abscedat tibique possit servulus tuus corde firmato et mente sincera debitum praebere famulatum.

437 Domine sancte Pater omnipotens aeterne Deus hosanna in excelsis Pater Domini nostri Iesu Christi qui illum refugam tyrannum gehennae deputasti qui unigenitum tuum in hunc mundum misisti ut illum rugientem leonem contereret velociter. Attende accelera ut eripias hominem tuis formatum manibus a ruina et daemonio meridiano. Da Domine terrorem tuum super bestiam quae exterminavit vineam tuam. Da fiduciam servis tuis contra nequissimum draconem fortiter stare ne contemnat sperantes in te et dicat sicut in pharaone iam dudum: Deum non novi et Israhel non dimitto. Urguat illum Domine dextera tua potens discedere a famulis tuis ne diutius praesumat captivum tenere hominem quem tu ad imaginem tuam facere dignatus es. Adiuro te ergo serpens antique per iudicem vivorum et mortuorum per factorem mundi per eum qui habet potestatem mittere te in gehennam ut ab hoc famulo Dei qui ad ecclesiae praesepia concurrit cum metu et exercitus furoris tui festinus discedas. Adiuro te non mea infirmitate sed in virtute Spiritus Sancti ut recedas ab his quos omnipotens Deus ad imaginem suam fecit. Caede caede non mihi sed mysteriis Christi. Illius enim te perurguet potestas qui te affigens cruci suae subiugavit. Illius brachium contremesce qui devictis gemitibus inferni animas ad lucem produxit. Sit tibi terror corpus hominis sit tibi formido imago ne resistas nec moreris discedere ab homine quoniam complacuit Christo ut in homine habitaret. Et ne me infirmissimum contemnendum putes dum me nimis peccatorem esse cognoscis. Imperat tibi Dominus. Imperat tibi maiestas Christi. Imperat tibi Deus pater. Imperat tibi Deus filius et Deus Spiritus Sanctus. Imperat tibi apostolorum fides Petri et Pauli et caeterorum apostolorum. Imperat tibi indulgentia confessorum. Imperat tibi martyrum sanguis. Imperat tibi sacramentum crucis. Imperat tibi mysterii virtus. Exi transgressor exi seductor plene omni dolo et fallacia veritatis inimice innocentium persecutor. Da locum durissime. Da locum impiissime. Da locum Christo in quo nihil invenisti de operibus tuis qui te expoliavit qui regnum tuum destruxit qui te vinctum ligavit et vasa disrupit qui te proiecit in tenebras exteriores ubi tibi cum ministris tuis erit praeparatus interitus. Sed quid nunc turbulente recogitas? Quid temerarie retractas? Reus omnipotenti deo cuius statuta transgressus es? Reus filio eius Iesu Christo quem temptare ausus es et crucifigere praesumpsisti reus humano generi cui mors tuis persuasionibus venit. Adiuro ergo te draco nequissime in nomine agni inmaculati qui ambulavit super aspidem et basiliscum qui conculcat leonem et draconem ut discedas ab homine discedas ab ecclesia Dei. Contremesce et effuge invocato nomine Domini illius quem inferi tremunt cui virtutes caelorum et potestates et dominationes subiectae sunt quem Cherubim et Seraphim indefessis vocibus laudant. Imperat tibi verbum caro factum imperat tibi natus ex virgine imperat tibi Iesus Nazarenus qui te cum discipulis suis contemnens elisum et prostratum exire iussit ab homine quo praesente cum te ab homine separasset nec porcorum gregem praesumebas contingere. Recede ergo nunc adiuratus in nomine eius ab homine quem ipse plasmavit. Durum tibi est contra stimulum calcitrare quia quo tardius exis supplicium tibi crescit quoniam non hominem contemnis sed illum qui dominator vivorum et mortuorum est qui venturus est iudicare saeculum per ignem.

439 Cunctorum institutor Deus qui per Moysen famulum tuum ad gubernandas ecclesias praepositos instituisti tibi supplices fundimus preces teque devotis mentibus exoramus ut hunc famulum tuum quem conhibentia et electio famulorum tuorum abbatem hodie ovium tuarum esse instituit sic regat subditos commendatos ut cum illis omnibus regna caelorum adeptus quatenus te opitulante Domine apostolicis iugiter fultus doctrinis cum centesimo fructu laetus introeat portas paradisi atque te Domine conlaudante audire mereatur: Euge serve bone et fidelis quia super pauca fuisti fidelis super multa te constituam intra in gaudium Domini tui. Quod ipse praestare dignetur qui cum Patre vivit.

439 Omnipotens sempiterne Deus affluentem spiritum tuae benedictionis super hunc famulum tuum ill. nobis orantibus propitiatus infunde ut qui per manus nostrae impositionis hodie abbas instituitur sanctificatione tua digne a te electus permaneat ut numquam postmodum a tua gratia separetur indignus. Suscipiat te largiente hodie Domine in bono opere perseverantiam in adversis constantiam in tribulationibus tolerantiam in ieiuniis desiderium in pietatibus misericordiam in humilitatibus principatum in superbia odium in fide dilectionem in doctrina pervigilantiam in castitate continentiam in luxuria abstinentiam in varietatibus moderationem in moribus doctrinam. Te munerante Domine talis huic ministerio perseveret qualis levita electus ab apostolis sanctus Stephanus meruit perdurare. Totam ab hoc die diabolicam conversationem dispiciat te Domine benedictionem largiente contemnat praesentia praemia caelestia desideret sempiterna. Sit exemplum et forma iustitiae ad gubernandum regendumque ecclesiam fideliter ut speculator idoneus in tuis collegiis semper efficiat. Sit magni consilii industriae censurae efficaciae disciplinae. Ita Domine te tribuente ut in omnibus mandatis tuis sine reprehensione tibi mundo corde deserviens ad bravium supernae vocationis multiplicato fenore cum centesimo fructu coronaque iustitiae et caelestium thesaurorum donativa perveniat. Praestante Domino nostro Iesu Christo qui cum Patre vivit et regnat Deus in un<itate>.

440 Domine Deus omnipotens qui sororem Moysi Mariam praeeuntem caeteris mulieribus inter aequoreas undas cum tympanis et choris laetam ad litus maris venire fecisti te supplices deprecamur pro fideli famula tua ill. quae hodie in materna cathedra universis sibi subditis abbatissa praeesse constituitur ut ita monastica norma tueatur cunctas famulas tuas quatenus ad aeternam gloriam te auxiliante cum omnibus introeat laeta ibique exsultantes cum angelis canentes cantica nova sequantur agnum quocumque ierit Christum. Praestante eodem Domino nostro Iesu Christo qui cum Patre vivit.

441 Omnipotens sempiterne Deus qui facis mirabilia magna solus praetende famulis tuis spiritum gratiae salutaris ut in veritate tibi complaceant perpetuum eis rorem tuae benedictionis infunde.

441 Hostias Domine famulorum tuorum placatus intende et quas in honorem nominis tui devota mente celebrant proficere sibi sentiant ad medelam.

441 Qui dum confessores tuos tanta pietate glorificas ut nullum apud te sanctum propositum doceas esse sine praemio quanto magis duriora certamina sustinentes ad tuae quoque retributionis munus invitas. Et ideo.

441 Quos caelesti recreas munere perpetuo Domine comitare praesidio et quos fovere non desinis dignos fieri sempiterna redemptione concede.

442 Deus aeternorum bonorum fidelissime promissor certissime persolutor qui vestimentum salutare et indumentum iucunditatis tuis fidelibus promisisti clementiam tuam supplices exoramus ut haec indumenta humilitatem cordis et contemptum mundi significantia quibus famulae tuae sancto visibiliter sunt informandae proposito propitius benedicas et beatae castitatis habitu quem te aspirante susceperint te protegente custodiant et quas vestibus venerandae promissionis induis temporaliter beata facias immortalitate vestiri.

442 Exaudi omnipotens Deus preces nostras et hanc vestem quam famula tua ill. ad se operiendum exposcit uberrimae benedictionis imbre perfunde sicut perfudisti horam vestimentorum Aaron benedictione profluente a capite in barbam ungenti et sicut benedixisti vestes omnium religiosarum tibi per omnia placentium ita eam benedicere dignare ac praesta clementissime pater ut supradictae famulae tuae ill. haec sit vestis salubris protectio haec cognitio religionis haec initium sanctitatis haec contra omnia tela inimici robusta defensio ut et si continens est sexagesimi fructus donum et si virgo centesimi muneris opulentia in utraque parte perseverata continentia ditetur.

443 Consolare Domine hanc famulam tuam viduitatis labore constrictam sicut consolari dignatus es Saraptenam viduam per Eliam prophetam. Concede ei pudicitiae fructum ut antiquarum non memineat voluptatum nesciat etiam incentiva desideria ut soli tibi subdat propria colla quo possit pro laboribus tantis sexagesimum gradum perficere munus delectabile sanctitatis.

443 Da quaesumus omnipotens Deus ut haec famula tua quae pro spe retributionis promissi muneris se Domino desiderat consecrare plena fide animoque permaneat tribue ei pro operibus gloriam pro dolore reverentiam pro pudicitia sanctitatem ut ad meritum possit gloriae pervenire.

443 Benedic Domine hos fructus novos uvae quos tu Domine per rorem caeli et inundandam pluviarum et tempora serena atque tranquilla ad maturitatem perducere dignatus es ad percipiendum nobis cum gratiarum actione in nomine Domini nostri Iesu Christi. Per quem haec omnia Domine semper bona creas.

444 Benedic Domine creaturam istam ut sit remedium salutare generi humano et praesta per invocationem nominis tui ut quicumque ex ea sumpserit ad corporis sanitatem et anime tutelam percipiat.

444 Creator et conservator humani generis dator gratiae spiritalis largitor aeternae salutis tu Domine permitte spiritum tuum sanctum super hanc creaturam ill. ut armata virtute caelesti atque defensione ut quicumque ex ea gustaverit proficiat illi ad aeternam salutem.

444 Domine sancte Pater omnipotens instaurator et conditor omnium elementorum qui per Iesum Christum Filium tuum hanc creaturam spiritu creante fieri iussisti te deprecamur Domine ut hanc creaturam salis et aquae benedicere digneris ut ubicumque aspersae fuerint omnis spiritus immundus ab eo loco confusus et increpatus effugiat ne ulterius in eo loco habeat potestatem commorandi.

444 Praesta Domine per hanc creaturam aspersionis sanitatem mentis integritatem corporis tutelam salutis securitatem spei corroborationem fidei hic et in aeterna saecula saeculorum. Amen.

445 Domine Iesu Christe qui es caput nostrum et corona omnium sanctorum respice quaesumus super infantiam huius famuli tui ill. qui in tuo nomine sua celebrat vota capitis sui capillos a tonsore deponens ut per huius benedictionis copiam ad iuvenilem venire mereatur aetatem et congaudeat affuturam gloriam ad quam salvandus perveniat.

445 Benedic Domine hunc famulum tuum ill. nostri oris alloquio et eum tuo locupleta dono ut fideli vita crescat et semper tuo adiutorio floreat vitamque suam honestissime perducat et semper in mandatis tuis persistat.

445 Deus cuius providentia creatura omnis incrementis adulta congaudet propitius esto super hunc famulum tuum iuvenilis aetatis decore laetantem et florem primis auspiciis attondentem. Adesto in omnibus ut tuae protectionis muniatur auxilio aevo longiore provectus et praesentis vitae praesidiis gaudeat et aeternae.

446 Oremus dilectissimi fratres Dominum nostrum Iesum Christum pro hoc famulo suo ill. qui ad deponendam comam capitis sui festinat ut donet ei Spiritum Sanctum qui habitum religionis in eo perpetue custodiat et a mundi impedimentis ac saeculi desiderio cor eius custodiat ut sicut immutatus erit in vultu ita manus dexterae suae in eum virtutem perfectionis ac boni operis tribuat in actu et ab omni caecitate humana spiritales oculos eius aperiat ac lumen aeternitatis gratiae concedat.

446 Tu es Domine qui restitues mihi.

446 Dominus pars.

446 Gloria.

446 Haec est generatio.

446 Hic accipiet.

446 Gloria.

446 Omnipotens sempiterne Deus propitiare peccatis nostris et ab omni servitute saeculari habitum famuli tui custodi et dum pro tuo nomine comam capitis sui deponit tua semper gratia perfruatur et quem in similitudine coronae tuae ornatum gestare fecimus in capite tuam virtutem et hereditatem subsequi mereatur in corde.

447 Praesta quaesumus omnipotens Deus ut famulus tuus ill. cuius hodie capitis comam pro divino amore deposuimus in tua dilectione perpetua maneat et eum sine macula in aeternum custodias.

447 Benedic Domine hanc crucem tuam per quam eripuisti mundum a potestate daemonum et superasti passione tua suggessorem peccati qui gaudebat in praevaricatione primi hominis per vetitum lignum. Sanctifica Domine istud signaculum passionis tuae ut sit inimicis tuis obstaculum et credentibus in te perpetuum perfice vexillum.

447 Omnipotens sempiterne Deus Pater Domini nostri Iesu Christi respicere dignare super hos famulos tuos quos ad rudimenta fidei vocare dignatus es. Omnem caecitatem cordis ab eis expelle disrumpe omnes laqueos satanae quibus fuerant conligati. Aperi eis Domine ianuam pietatis tuae ut signo sapientiae tuae imbuti omnium cupiditatum fetoribus careant et ad suavem odorem praeceptorum tuorum laeti tibi in Ecclesia tua deserviant et proficiant de die in diem ut idonei efficiantur accedere ad gratiam baptismi tui perfectae medicinae.

448 Exorcizo te creatura salis in nomine Dei Patris omnipotentis et in caritate Domini nostri Iesu Christi et in virtute Spiritus Sancti. Exorcizo te per Deum vivum per Deum verum qui te ad tutelam humani generis procreavit et populo venienti ad credulitatem per servos suos consecrare praecepit. Proinde rogamus te Domine Deus noster ut haec creatura salis in nomine Trinitatis efficiatur salutare sacramentum ad effugandum inimicum quem tu Domine sanctificando sanctifices benedicendo benedicas ut fiat omnibus accipientibus perfecta medicina permanens in visceribus eorum. In nomine Domini nostri Iesu Christi qui venturus est iudicare vivos et mortuos et saeculum per ignem.

448 Accipe sal sapientiae propitiatus in vitam aeternam.

448 Deus patrum nostrorum Deus universae conditor veritatis te supplices exoramus ut hunc famulum tuum respicere digneris propitius et hoc primum pabulum salutis gustantem non diutius esurire permittas quominus cibo expleatur caelesti quatenus sit semper Domine spiritu fervens spe gaudens tuo semper nomini serviens. Perduc eum Domine ad novae regenerationis lavacrum ut cum fidelibus tuis promissionum tuarum aeterna praemia consequi mereatur.

449 Deus Abraham Deus Isaac Deus Iacob Deus qui Moysi famulo tuo in monte Sinai apparuisti et filios Israhel de terra Aegypti eduxisti deputans eis angelum pietatis tuae qui custodiret eos die ac nocte te quaesumus Domine ut mittere digneris sanctum angelum tuum ut similiter custodiat et hos famulos tuos et perducat eos ad gratiam baptismi tui.

449 Ergo maledicte diabole recognosce sententiam tuam: et da honorem Deo vivo et vero da honorem Iesu Christo filio eius et spiritui sancto et recede ab his famulis Dei quia istos sibi Deus et Dominus noster Iesus Christus ad suam sanctam gratiam et benedictionem fontemque baptismatis doni vocare dignatus est per hoc signum sanctae crucis frontibus eorum quod nos damus tu maledicte diabole numquam audeas violare.

449 Deus caeli Deus terrae Deus angelorum Deus archangelorum Deus prophetarum Deus martyrum Deus virginum Deus omnium bene viventium Deus cui omnis lingua confitetur et omne genu flectitur caelestium terraestrium et infernorum: te invoco Domine ut has famulas tuas perducere et custodire digneris ad gratiam baptismi tui. Ergo maledicte <ut supra.>

449 Ergo maledicte.

450 Audi maledicte satana adiuratus per nomen aeterni Dei et salvatoris nostri filii eius cum tua victus invidia tremens gemensque discede. Nihil tibi sit commune cum servis Dei iam caelestia cogitantibus renuntiaturis tibi et saeculo tuo et beata immortalitate victuris. Da igitur honorem advenienti spiritui sancto qui ex summa caeli arce descendens proturbatis fraudibus tuis divino fonte purgata pectora id est sanctificata Deo templum et habitaculum perficiant et ab omnibus penitus noxiis praeteritorum criminum liberati servi Dei gratias perenni Deo referant semper et benedicant nomen eius sanctum in saecula saeculorum. Per Dominum nostrum Iesum Christum qui venturus est iudicare vivos et mortuos et saeculum per ignem.

450 Deus Abraham Deus Isaac Deus Iacob Deus qui tribus Israhel monuisti et Susannam de falso crimine liberasti te supplex deprecor Domine ut liberes et has famulas tuas et perducere eas digneris ad gratiam baptismi tui. Ergo maledicte <ut supra>.

450 Ergo maledicte.

451 Exorcizo te immunde spiritus in nomine Patris et Filii et Spiritus Sancti ut exeas et recedas ab his famulis Dei. Ipse enim tibi imperat maledicte damnate qui pedibus super mare ambulavit et Petro mergenti dexteram porrexit. Ergo maledicte <ut supra>.

451 Ergo maledicte.

451 Aeternam ac iustissimam pietatem tuam deprecor Domine sancte Pater omnipotens aeterne Deus luminis et veritatis super hos famulos et famulas tuas ut digneris eos illuminare lumine intellegentiae tuae. Munda eos et sanctifica da eis scientiam veram ut digni efficiantur accedere ad gratiam baptismi tui. Teneant firmam spem consilium rectum doctrinam sanctam ut apti sint ad percipiendam gratiam tuam. Per Dominum nostrum Iesum Christum Filium.

451 Exsultet iam angelica turba caelorum exsultent divina mysteria et pro tanti regis victoria tuba insonet salutaris. Gaudeat se tantis tellus irradiata[m] fulgoribus et aeterni regis splendore lustrata totius orbis se sentiat amisisse caliginem. Laetetur et mater ecclesia tanti luminis adornata fulgore et magnis populorum vocibus haec aula resultet. Quapropter adstantibus vobis fratres carissimi ad tam miram sancti huius luminis claritatem una mecum quaeso Dei omnipotentis misericordiam invocate. Ut qui me non meis meritis intra levitarum numerum dignatus est aggregare luminis sui gratia infundente cerei huius laudem implere praecipiat. Per Dominum nostrum Iesum Christum Filium suum viventem secum atque regnantem in saecula saeculorum.

451 Sursum corda ... Gratias agamus

451 Vere quia dignum et iustum est ut invisibilem Deum omnipotentem patrem filiumque unigenitum Dominum nostrum Iesum Christum toto cordis ac mentis affectu et vocis mysterio personare. Qui pro nobis aeterno patri Adae debitum solvit et veteris piaculi cautionem pio cruore detersit. Haec sunt enim festa paschalia in quibus verus ille agnus occiditur eiusque sanguis postibus consecratur in quo primum patres nostros filios Israhel eductos de Aegypto rubrum mare sicco vestigio transire fecisti.

453 Haec igitur nox est quae peccatorum tenebras columnae illuminatione purgavit. Haec nox est quae hodie per universum mundum in Christo credentes a vitiis saeculi segregatos et caligine peccatorum reddit gratiae sociat sanctitati. Haec nox est in qua destructis vinculis mortis Christus ab inferis victor ascendit. (Nihil enim nobis nasci profuit nisi redimi profuisset.) O mira circa nos tuae pietatis dignatio. O inaestimabilis dilectio caritatis ut servum redimeres filium tradidisti. O certe necessarium Adae pecatum nostrum quod Christi morte deletum est. O felix culpa quae talem ac tantum meruit habere redemptorem. O beata nox quae sola meruit scire tempus et horam in qua Christus ab inferis resurrexit. Haec nox est de qua scriptum est: Et nox ut dies illuminabitur et nox illuminatio mea in deliciis meis. Huius igitur sanctificatio noctis fugat scelera culpas lavat et reddit innocentiam lapsis mestis laetitiam fugat odia concordiam parat et curvat imperia.

453 In huius igitur noctis gratia suscipe sancte Pater incensi huius sacrificium vespertinum quod tibi in hac cerei oblatione sollemni per ministrorum manus de operibus apum sacrosancta reddit ecclesia. Sed iam columnae huius praeconia novimus quam in honorem Dei rutilans ignis accendit. Qui licet divisus in partes mutuati luminis detrimenta non novit. Alitur liquantibus ceris quas in substantiam pretiosae huius lampadis apis mater eduxit.

453 Apis ceteris quae subiecta sunt homini animantibus antecellit. Cum sit minima corporis parvitate ingentes animos angusto versat in pectore. Viribus imbecillis sed fortis ingenio. Haec explorata temporum vice cum canitiem pruinosa hiberna posuerint et glaciali senio verni temporis moderata deterserint statim prodeundi ad laborem cura succedit. Dispersneque per agros libratim Paululum pinnis cruribus suspensis insidunt. Partem ore legere flosculos oneratis victualibus suis ad castra remeant. Ibique aliae inaestimabili arte cellolas tenaci gluttino instruunt aliae liquaentia mella stipant aliae vertunt flores in ceram aliae ore natos fingunt aliae collectis e foliis nectar includunt. O vere beata et mirabilis apis huius nec sexum masculi violant foetus non quassant nec filii destruunt castitatem. Sicut sancta concepit virgo Maria virgo peperit et virgo permansit.

454 O vere beata nox quae expoliavit Aegyptios ditavit Hebraeos. Nox in qua terrenis caelestia iunguntur. Oramus te Domine ut cereus iste in honore nominis tui consecratus ad noctis huius caliginem destruendam indeficiens perseveret in odore suavitatis acceptus supernis luminaribus misceatur flammas eius lucifer matutinus inveniat ille inquam lucifer qui nescit occasum ille qui regressus ab inferis humano generi serenum inluxit. Precamur ergo te Domine ut nos famulos tuos omnem clerum et devotissimum populum una cum patre nostro beatissimo viro papa ill. quiete temporum concessa in his paschalibus gaudiis conservare digneris. Memorare Domine famulum tuum Hlotharium imperatorem qui vivis et regnas Deus per omnia saecula saeculorum. Amen.

454 Pateant aures misericordiae tuae quaesumus Domine precibus supplicantis indigni et cui fiduciam sperandae pietatis indulges optatae misericordiae praesta benignus effectum.

454 Placare quaesumus Domine sacrificii oblatione praesentis quam tibi ego offero tuus famulus et sacerdos et ubi nulla suppetunt suffragia meritorum tuis mihi indulgentiae succurre praesidiis.

455 Verum aeternumque pontificem et solum sine peccati macula sacerdotem cuius sanguine omnium fidelium corda mundantur. Placationis tibi hostias non solum pro delictis populi sed etiam pro nostris offensionibus immolamus tuam clementiam poscentes ut omne peccatum quod carnis fragilitate contraximus ipso summo pro nobis antestite interpellante solvatur. Per quem maiestatem tuam laudant.

455 Tuere me Domine deprecor tua sancta sumentem et per hoc salutare mysterium ab omnibus absolve peccatis et a cunctis defende periculis Per.

455 Misericordiae tuae remediis quaesumus Domine fragilitas mea subsistat ut qui sua condicione adteritur tua clementia reparetur.

455 Haec hostia quaesumus Domine vincula meae pravitatis absolvat et tuae mihi misericordiae dona conciliet.

456 Qui aeternitate sacerdotii sui omnes tibi servientes sanctificat sacerdotes quoniam mortali came circumdati ita cotidianis peccatorum remissionibus indigemus ut non solum pro populo sed etiam pro nobis eiusdem te pontificis sanguis exoret. Per quem ma<iestatem>.

456 Qui secundum promissionis suae incommutabilem veritatem caelestis pontifex factus in aeternum solus omnium sacerdotum peccati remissione non eguit sed potius peccatum mundi idem verus agnus abstersit. Per quem.

456 Quaesumus omnipotens Deus ut qui me famulum tuum gratia tua operante divina tribuis participatione gaudere humanis non sinas subiacere periculis.

456 Custodi me quaesumus Domine famulum tuum ut tua dextera gubernante nec mea mihi praevaleant nec aliena peccata.

456 Quaesumus omnipotens Deus preces meas respice et tuae super me viscera pietatis inpende ut qui ex mea culpa reum me esse cognosco ex tua pietate merear misericorditer liberari.

457 Pro meae servitutis augmento sacrificium tibi Domine laudis offero suppliciter obsecrans ut quod inmerito contulisti propitius exsequaris.

457 Ut sacris Domine misericordia tua largiente dignus merear reddi muneribus fac me quaesumus tuis oboedire mandatis.

457 Concede nos famulos tuos quaesumus Domine Deus perpetua mentis et corporis sanitate gaudere et gloriosa beatae Mariae semper Virginis intercessione a praesenti liberari tristitia et futura perfrui laetitia.

457 Tua Domine propitiatione et beatae Mariae semper Virginis intercessione ad perpetuam atque praesentem haec oblatio nobis proficiat prosperitatem.

457 Sumptis Domine salutis nostrae subsidiis da quaesumus eius nos patrociniis ubique protegi in cuius veneratione haec tuae obtulimus maiestati.

458 Omnipotens Deus famulos tuos dextera potentiae tuae a cunctis protege periculis et beata Maria semper virgine intercedente fac eos praesenti gaudere prosperitate et futura.

458 Interveniat pro nobis Domine quaesumus sanctus tuus Lucas evangelista qui crucis mortificationem iugiter suo corpore pro tui nominis honore portavit.

458 Donis caelestibus quaesumus Domine dona nobis libera mente servire ut munera quae deferimus interveniente evangelista tuo Luca et medelam nobis operentur et gloriam.

458 Praesta quaesumus omnipotens aeterne Deus ut id quod a sancto altario tuo accepimus precibus beati evangelistae tui Lucae sanctificet animas nostras per quod tuti esse possimus.

459

481 In exsultatione praecipue sollempnitatis hodiernae in qua coaeternus tibi Filius tuus unigenitus in nostra natus substantia a parentibus legali traditione deportatur in templum idem legis dator et custus praecipiens et oboediens. Dives in suo pauper in nostro par turturum vel duos pullos columbarum vix sufficit sacrificio caeli terreque possessor. Grandaevi Simeonis invalidis gestatur in manibus a quo mundi rector et Dominus praedicator. Accedet eciam oraculum vidue testificantis quoniam decebat ab utroque annuntiaretur sexu utriusque Salvator. Per quem.

481 Omnipotens sempiterne Deus aeterni Patris ineffabiliter unigenite consubstantialis et coeterne fili flos immarcessibilis lux lucis et fons ipse luminis qui etiam hodierna die virgineis gestatus brachiis in templo es praesentatus non ut matrem partus maculis purgatione dilueres quae ex te nullas contraxerat sed ne legem solvere quam adimplere veneras. Respice ad preces ecclesiae tuae et hos cereos tuae maiestati oblatos benedicendo benedicito + sanctificando sanctifica + ut quicumque eos in tui nominis honore portaverint interius exteriusque flammis tuae caritatis accensi luce tua illuminati gratia tua ditati perfecte fulgeant nec fiat ulterius populus tuus tenebrarum casibus obnoxius qui pretio tui sanguinis est redemptus sed sit in eo simplex prudentiae sanctitas humilis sincera virtus ut cum novissimo ... eos iudicaturos adveneris non de... condempnari ... de sua prudentia ... remunerari ... te (lesu) Christe Salvator ...

482 Omnipotens sempiterne Deus qui dedisti famulis tuis in confessione vere fidei aeternae Trinitatis gloriam agnoscere et in potentia maiestatis adorare unitatem quaesumus ut eiusdem fidei firmitate ab omnibus semper muniamur adversis.

482 Sanctifica quaesumus Domine Deus per sancti nominis tui invocationem huius oblationis hostiam et per eam nosmetipsos tibi perfice munus aeternum.

482 Qui cum unigenito Filio tuo et Spiritu Sancto unus es Deus unus es Dominus non in unius singularitate personae sed in unius Trinitate substantiae. Quod enim de tua gloria revelante <te> credimus hoc de Filio tuo hoc de Spiritu Sancto sine differentia discretionis sentimus ut in confessione verae sempiternaeque deitatis et in personis proprietas et in essentia unitas et in maiestate adoretur aequalitas. Quam laudant angeli.

482 Proficiat nobis ad salutem corporis et animae Domine Deus huius sacramenti perceptio et sempiternae sanctae Trinitatis confessio.

482 Domine Deus Pater omnipotens famulos tuos tuae maiestati subiectos per unicum Filium tuum in virtute Sancti Spiritus benedic et protege ut ab omni hoste securi in tua iugiter laude laetentur.

482 Sancti Zenonis sacerdotis et confessoris tui Domine veneranda hodiernae festivitatis die illuminati congratulantes laetamur concede propitius dignis eius precibus exoratus ut spiritalis alimoniae iocunditate refecti salutis quam docuit imitando viam sectemur.

483 Deus qui nos sancti Zenonis sacerdotis et confessoris tui annua beatae confessionis sollemnitate laetificas praesta quaesumus ut callida hostis incursione tua freti virtute devicta pervenire ad gaudia ipso intercedente mereamur aeterna.

483 Oblatis tibi muneribus quaesumus Deus Pater omnipotens propitiatus intende et intercedente sancto Zenone 0sacerdote et confessore tuo et ab occulta insidiatoris inpulsione fragilitatem nostram tueantur illaesam et angelicis devotfaie manibus suscepta sacratis ante conspectum gloriosae et tremendae maiestatis tuae in odorem suavitatis alacriter deferantur.

483 Qui beatum Zenonem tui sancti nominis copiosa amoris dulcedine uberius satiatum ad contemplandam deitatis tuae desideratam perducere dignatus es claritatem. Quem ita miserationis invicta pietatis clementia inter mundanas validius reddidit pompas illaesum ut nec blanda prosperitatis magnitudine tumeret nec adversitatum undosa procellosae falsitatis incursione flecteretur. In fide enim stabilis in caritate longanimis in castimoniae puritatis vivacitate decorus et in virtutum miraculis extitit famosissimus operator salutis. Necnon etiam in commissa sibi dominicae dignitatis exequendi doctrina cotidiana populos erudiendo reficiebat divini sermonis alimonia vitae. Et quod fideliter caelestis praedicabat miles sequenda decorus hoc opere adimplere indesinenter mirabilis dispensator curabat devotus. Ideoque te Domine omnipotens rerum omnium auctor bonorum supplices exoramus ut cuius preciosae mortis celeberrima hodiernae festivitatis recolimus diem sacratissimis eius precibus nobis exoratus concede ut et a peccatorum nostrorum nexibus absoluti et ab hostium callida impugnationis ferocitate defensi caelorum mereamur te ducente pervenire ad regna.

483 Sumpta Domine sacrosanctae redemptionis mysteria deprecamur ut et salutaris huius remedii plenitudine roborati et sancti sacerdotis et confessoris tui Zenonis saluberrimis beatae intercessionis praesidiis fulti ad plene festivitatis gaudia pervenire mereamur aeterna.

483 Custodi nos quaesumus Domine sanctorum tuorum natalicia frequentantes et ad salutifera mandatorum tuorum exequendi praecepta nostras semper excita voluntates.

484 Deus regnorum omnium et Christiani maxime protector imperii da servo tuo imperatori nostro triumphum virtutis tuae scienter excolere ut qui tua constitutione est princeps tuo semper munere sit potens.

484 Suscipe Domine preces et hostias Ecclesiae tuae pro salute famulorum tuorum supplicantium et protectione fidelium populorum antiqua brachii tui operare miracula ut superatis inimicis pax secura tibi serviat Christianorum libertas.

484 Deus qui ad praedicandum aeterni regis evangelium Christianum imperium praeparasti: praetende famulo tuo imperatori nostro arma caelestia ut pax aecclesiarum nulla turbetur tempestate bellorum.

484 Domine Deus noster multiplica super nos gratiam tuam et quorum praevenimus gloriosa sollemnia tribue subsequi in sancta professione laeticiam.

484 Altare tuum Domine Deus muneribus cumulamus oblatis da quaesumus ut ad salutem nostram omnium sanctorum tuorum precatione proficiant quorum sollemnia ventura praecurrimus.

484 Concede quaesumus omnipotens Deus ut sicut apostolorum tuorum Simonis et Iudae gloriosa natalicia praevenimus sic ad tua beneficia promerenda maiestatem tuam pro nobis ipsi praeveniant.

485 Muneribus nostris Domine apostolorum tuorum Simonis et Iudae festa praecedimus ut quae conscientia nostra praepediuntur obstaculis eorum meritis grata reddantur.

485 Sumpto Domine sacramento suppliciter deprecamur ut intercedentibus beatis apostolis quod temporaliter gerimus ad vitam capiamus aeternam.

485 Deus qui nos per beatos apostolos tuos ad agnitionem tui nominis venire tribuisti da nobis eorum gloriam sempiternam et proficiendo celebrare et celebrando proficere.

485 Gloriam Domine sanctorum apostolorum perpetua praecurrentes quaesumus ut eadem sacris mysteriis expiati dignus celebramus.

485 Te in tuorum apostolorum glorificantes honorem qui et illis tribuisti beatitudinem sempiternam et infirmitati nostrae talia praestitisti suffragia ut per eorum exempla gaudia possimus sperare aeterna.

485 Perceptis Domine sacramentis suppliciter exoramus ut intercedentibus beatis apostolis tuis quae pro illorum veneranda gerimus passione proficiant nobis ad medelam.

485 Deus fidelium remunerator animarum qui hunc diem beati Apollinaris sacerdotis tui martyrio consecrasti tribuae quaesumus famulis tuis ut cuius venerandam celebramus festivitatem precibus eius indulgentiam consequamur.

486 Respice quaesumus Domine propitius super haec munera quae pro omnium sanctorum tuorum et specialiter pro beati sacerdotis et martyris tui Apollinaris cuius est hodie veneranda festivitas commemoratione deferimus et pro nostris offensionibus immolamus.

486 Tua sancta sumentes quaesumus Domine ut beati Apollinaris nos foveant continuata praesidia quia non desinis propitius intueri quos tantis auxiliis non cesseris adiuvari.

486 Esto Domine plebi tuae sanctificator et custos ut apostoli tui Iacobi munita praesidiis et conversatione tibi placeat et secura mente deserviat.

486 Oblationem populi tui quaesumus Domine beati apostoli tui Iacobi passio beata conciliet et quae nostris non sunt apta meritis fiant tibi placita eius deprecatione.

486 Beati apostoli tui Iacobi cuius hodie festivitate corpore et sanguine tuo nos refecisti quaesumus Domine intercessione nos adiuva pro cuius sollempnitate percipimus tua sancta laetantes.

486 Deus qui beatum Petrum apostolum a vinculis absolutum illaesum abire fecisti nostrorum quaesumus absolve vincula peccatorum et omnia mala a nobis propitiatus exclude.

487 Fraterna nos Domine martyrum tuorum corona laetificet qui et fidei nostrae prebeant incitamenta virtutum et multiplici nos suffragio consolentur.

487 Munera Domine oblata sanctifica et intercedente beato Petro apostolo tuo nosque a peccatorum nostrorum maculis emunda.

487 Iterata mysteria Domine pro sanctorum martyrum devota mente tractemus quibus pro nobis et praesidium crescet et gaudium.

487 Quos celesti Domine alimento satiasti intercedente beato Petro apostolo tuo tua facies pietate concordes.

487 Praesta quaesumus omnipotens Deus ut quorum memoriam sacramenti participatione recolimus fidem quoque proficiendo sectemur.

487 Ure igni Sancti Spiritus renes nostros et cor nostrum Domine ut tibi caste et corde serviamus et corpore placeamus.

487 Disrumpe Domine vincula peccatorum nostrorum ut sacrificare tibi hostiam laudis absoluta libertate possimus retribue quae antea tribuisti et salva nos per indulgentiam quos dignatus es salvare per gratiam.

487 Domine adiutor et protector noster adiuva nos et refloreat caro nostra vigore pudicitiae vel sanctimoniae novitate ereptamque de manu tartari in resurrectionis gaudio iubeas praesentari.

488 Deus largitor pacis et amator caritatis da servis tuis illis veram cum tua voluntate concordiam ut ab omnibus quae nos pulsant tentationibus liberemur.

488 His sacrificiis Domine quaesumus concede placatus ut qui propriis oramus absolvi delictis non gravemur externis.

488 Spiritum nobis Domine tuae caritatis infunde ut quos uno caelesti pane satiasti una facias pietate concordes.

488 Libera nos Domine ab omni malo propitiusque concede ut quae nobis poscimus relaxari ipsi quoque proximis remittamus.

488 Deus qui per coaeternam tibi sapientiam hominem cum non esset condidisti perditumque misericorditer reformasti praesta quaesumus ut eadem pectora nostra inspirante te tota mente amemus et ad te toto corde curramus.

488 Sanctificetur quaesumus Domine Deus huius nostrae oblationis munus tua cooperante sapientia ut tibi placere possit ad laudem et nobis proficiat ad salutem.

488 Infunde quaesumus Domine Deus per haec sancta quae sumpsimus tuae cordibus nostris lumen sapientiae ut te veraciter agnoscamus et fideliter diligamus.

489 Deus qui misisti Filium tuum et ostendisti creaturae creatorem respice propitius super nos famulos tuos ill. et praepara hagiae sophiae dignam in cordibus nostris habitationem.

489 Praetende Domine fidelibus tuis omnibus episcopis abbatibus presbyteris diaconibus subdiaconibus acolitis exorcistis lectoribus ianitoribus monachis clericis virginibus viduis coniugatis continentibus penitentibus regibus principibus ducibus iudicibus tribunis centurionibus quinquagenariis et decanis atque consanguineis nostris et his qui se in nostris commendaverunt orationibus et suas nobis largiti sunt elemosinas seu et universis gradibus qui in fide sancte Trinitatis in Ecclesia tua catholica communiter continentur dexteram caelestis auxilii ut te toto corde perquirant et quae digne postulant consequi mereantur.

489 Propitiare Domine supplicationibus nostris et has oblationes quas tibi pro incolumitate omnium episcoporum abbatum presbyterorum diaconorum subdiaconorum acolitorum exorcistarum lectorum ianitorum monachorum clericorum virginum viduarum coniugatorum continentum penitentum regum principum ducum iudicum tribunorum centurionum quinquagenariorum et decanorum atque consanguineorum nostrorum et eorum qui se in nostris commendaverunt orationibus et suas nobis largiti sunt elemosinas (seu) et universorum graduum qui in fide sancte Trinitatis in Ecclesia tua catholica communiter continentur offerimus benignus adsume ut nullius sit irritum votum nullius vacua postulatio praesta quaesumus ut quod fideliter petimus efficaciter consequamur.

489 Da famulis tuis quaesumus Domine omnibus episcopis abbatibus presbyteris diaconibus subdiaconibus acolitis exorcistis lectoribus ianitoribus monachis clericis virginibus viduis coniugatis continentibus penitentibus regibus principibus ducibus iudicibus tribunis centurionibus quinquagenariis et decanis atque consanguineis nostris et his qui se in nostris commendaverunt orationibus et suas nobis largiti sunt elemosinas seu et universis gradibus qui in fide sanctae Trinitatis in Ecclesia tua catholica communiter continentur in tua fide et sinceritate constantiam ut in caritate divina firmati nullis tentationibus ab eius integritate vellantur.

490 Quaesumus Domine pro tua pietate miserere anime famulae tuae et contagiis mortalitatis exuta in aeterna salvatione partem restitue.

490 His sacrificiis Domine famulae tuae ill. a peccatis omnibus exuta sine quibus a culpa nemo liber existit ut per haec pia placationis officia perpetua misericordia consequatur.

490 Inveniat quaesumus Domine anime famulae tuae ill. lucis eternae consortium cuius perpetuae gratiae consecuta est sacramentum.

490 Exaudi quaesumus Domine supplicum preces et confitentium tibi parce peccatis ut pariter nobis indulgentiam tribuas benignus et pacem.

490 Hostias tibi Domine placationis offerimus ut et delicta nostra miseratus absolvas et nutancia corda tu dirigas.

490 Praesta nobis aeternae salvator ut percipientes hoc munere veniam peccatorum deinceps peccata vitemus.

490 Deus cui proprium est misereri semper et parcere suscipe deprecationem nostram et quos delictorum catena constringit miseratio tuae pietatis absolvat.

491 Deus qui nos beati Georgii martyris tui meritis et intercessione laetificas concede propitius ut qui eius beneficia poscimus dona tuae gratiae consequamur.

491 Tuus sanctus martyr Georgius quaesumus Domine nos ubique laetificet ut eiusdem dum merita in praesenti festivitate recolimus patrocinia in augmentum virtutum sentiamus.

491 Munera Domine oblata sanctifica et intercedente beato Georgio martyre tuo nos per haec a peccatorum nostrorum maculis emunda.

491 Tanto placabiles quaesumus Domine nostrae sint hostiae quanto sancti martyris Georgii pro cuius sollempnitate exhibentur tibi grata sint merita.

491 Supplices te rogamus omnipotens Deus ut quos tuis reficis sacramentis intercedente beato Georgio martyre tuo tibi etiam placitis moribus dignanter tribuas deservire.

491 Beati Georgii martyris tui Domine suffragiis exoratus percepta sacramenti tui nos virtute defende.

491 Deus qui hodierna die ad indicium sacrosancti martyrii beatum Adalbertum exponere voluisti largire quaesumus ut ad eius crastina sollempnia pervenire mereamur.

491 Huius quaesumus Domine oblatio sacramenti quam in commemoratione beati Adalberti martyris tui tibi deferimus proficiat nobis ad salutem animarum nostrarum.

492 Gratiam tuam Domine per haec sancta libamina quae sumpsimus nobis concede et illis nos facias gaudiis interesse ad quae testem Christi Filii tui Domini nostri beatum Adalbertum veraciter credimus pervenisse.

492 Deus qui hunc diem sacrosancto sanguine beati Adalberti martyris tui atque pontificis sollemnem fecisti: praesta quaesumus ut quem veneramur obsequio etiam piae conversationis sequamur exemplo.

492 Haec Domine oblatio quae in commemoratione sancti Adalberti martyris tui atque pontificis pro populo devoto tibi offertur largire quaesumus ut ei sit gaudium aeternum nobis autem prosperum sempiternum.

492 Quia tuae aeternae dispositionis praenotione Ecclesiam tuam per universum orbem dilatare non desinis. Tua Domine praeconia per operarios eius dignis laudibus veneramur de quorum collegio beatus Adalbertus martyr et pontifex Filii tui Domini nostri Iesu Christi dilectione accensus ad gentes inscias veritatis iter verbum tuum divulgando arripuit et fidei summae devotionem firmo pectore praedicando innotuit. Et ideo.

492 Gestis Adalberti venia precibusque beati vos regat et salvet benedictio summa perornet. Amen. Sancti septenis confixi corpore telis subsidiis donet secum pariterque coronet. Amen. Vertice truncatus pro Christi nomine sanctus sistat hic orator vestraeque salutis amator. Amen. Quod praestet deitas virtus et summa potestas quae manet et regnat per saecula cuncta triumphat. Amen.

492 Sacramenta Filii tui Domine quae sumpsimus intercedente beato Adalberto martyre tuo atque pontifice nos a cunctis absolvant reatibus et ad gloriam perducant aeternam. Amen.

492 Dispensator Pater optime congregator qui beatos Nazarium et Celsum unum ab oriente alterum ab extremo terrae in unum congregasti et nobis summos donasti patronos poscimus clementissime pater ut pro nobis sint intercessores quos credimus in aeternum esse mansores.

493 Preces nostras Domine tuorum respice oblationesque fidelium et ut tui grate sint tuorum festivitate sanctorum et nobis proferant tuae protectionis auxilium.

493 Sanctorum tuorum Nazarii et Celsi quaesumus Domine intercessione placatus praesta quaesumus ut qua temporali celebramus accione perpetua salvatione capiamus.

493 Gaudeamus omnes in Dominum.

493 Timete Dominum.

493 Inquirentes.

493 Iudicant sancti.

493 Elegerunt apostoli.

493 Gaudete iusti in Domino.

493 Deus qui es sanctorum splendor mirabilis qui hodierna die beatorum martyrum tuorum Stephani Nichodemi Gamalielis atque Abibon inventionem gloriosam revelasti da nobis in eterna laetitia de eorum societate gaudere.

493 Sancti ludibria.

493 Amen amen dico vobis: Nisi granum frumenti.

493 Munera tibi Domine nostre devotionis offerimus que et pro tuorum tibi grata sunt honore sanctorum et nobis salutaria te miserante reddantur.

493 Sumpsimus Domine sanctorum tuorum Stephani Nichodemi Gamalielis atque Abibon sollemnia celebrantes sacramenta caelestia praesta quaesumus ut quod temporaliter gerimus aeternis gaudiis consequamur.

494 Suscipe clementissime Pater omnipotens aeterne Deus supplicationes et preces quas tibi ego peccator praesummo offerre in honore Domini nostri Iesu Christi et in commemoratione beate Mariae semper Virginis matris Domini nostri Iesu Christi et omnium apostolorum martyrum confessorum ac virginum tuarum pro pace et sanitate populorum tuorum et fructibus terrae et stabilitate aecclesiae et ordine sanctorum et sanitate regis et episcoporum atque abbatum ac pro cuncta sancti ill. congregatione ac familia eius et pro me misero famulo tuo et pro omnibus viventibus famulis ac famulabus tuis (atque defunctis fidelibus tuis) et qui mihi propter nomen tuum Domine bona fecerunt et mihi in tuo nomine peccata sua confessi fuerunt: et concede propitius ut intercedentibus omnibus sanctis tuis ante conspectum divinae maiestatis tuae misericordiam consequamur.

494 Oblationes nostras quaesumus Domine propitius intende quas tibi offerimus in honore Domini nostri Iesu Christi et in commemoratione beatae Mariae semper Virginis et beatorum apostolorum martyrum confessorum et virginum pro pace et sanitate populorum tuorum et prosperitate itineris nostri et incolumitate famulorum famularumque tuarum quorum commemorationem agimus et pro animabus omnium fidelium defunctorum catholicorum orthodoxorum quorum numerum tu solus Deus cognoscis et concede ut per sacrificium praesentis oblationis ad refrigerium animarum suarum te miserante perveniant.

494 Laeti Domine sumpsimus sacramenta caelestia quaesumus intercedente pro nobis beata semper virgine Dei genitrice Maria et omnibus sanctis apostolis et martyribus confessoribus et virginibus tuis ad vitam proficiant sempiternam.

494 Deus consolationis et pacis respice propitius ad precem familiae tuae et concede ut animae famulorum famularumque tuarum quae ab Adam usque in hodiernum diem de hac luce migraverunt quique baptizati et confessi in fide catholica perseveraverunt et de suis rebus ecclesias Dei ditaverunt et de quorum elemosinis sumus consolati in sinibus Abrahae Isaac et Iacob feliciter requiescant moxque et a morte resuscitati tibi placeant in regno vivorum.

495 Omnipotens aeterne Deus tuae gratiae pietatem supplici devotione deposco ut omnium malorum meorum vincula solvas cunctisque meis criminibus et peccatis clementer ignoscas et quia me indignum et peccatorem ad ministerium tuum vocare dignatus es sic me idoneum tibi ministrum efficias ut sacrificium de manibus meis blande ac benigne suscipias electorumque sacerdotum me participem facias et de praeceptis tuis in nullo me oberrare permittas.

495 Sacrificii praesentis quaeso Domine oblatio mea expurget facinora per quod totius mundi voluisti relaxari peccata illiusque frequentatone efficiar dignus quod ut frequentarem suscepi indignus.

495 Implorantes tuae maiestatis misericordiam ut mihi famulo tuo mole peccatorum meorum gravato veniam largiri digneris delictorum ut ab omnibus inimici vinculis liberatus tuis toto corde mandatis inheream et te solum tota virtute diligam et ad tuae quandoque beatitudinis visionem pervenire merear.

495 Huius mihi Domine sacramenti perceptio sit peccatorum remissio et tuae pietatis obtata propitiatio ut per haec te opitulante efficiar sacris mysteriis dignus quae de tua pietate confisus frequentare praesumo indignus.

495 Deus qui unigeniti Filii tui precioso sanguine vivificae crucis vexillum sanctificare voluisti concede quaesumus nos qui eiusdem sanctae crucis gaudemus honore tua quoque ubique protectione gaudere.

495 Haec oblatio Domine ab omnibus nos purget offensis quae in ara crucis etiam totius mundi tulit offensa.

496 Qui salutem humani generis in ligno crucis contulisti ut unde mors oriebatur inde vita resurgeret et qui per lignum vincebat per lignum quoque vinceretur.

496 Adesto nobis Domine Deus noster et quos sanctae crucis laetari fecisti honore eius quoque perpetuis defende subsidiis.

496 Quaesumus omnipotens Deus ut famulus tuus ill. rex noster qui tua miseratione suscepit regni gubernacula virtutum etiam omnium percipiat incrementa quibus decenter ornatus et vitiorum monstra devitare et ad te qui via veritas et vita es gratiosus valeat pervenire.

496 Munera Domine quaesumus oblata sanctifica ut et nobis Unigeniti tui corpus et sanguis fiant et regi nostro ill. ad obtinendam animae corporisque salutem et peragendum iniunctum officium te largiente usquequaque proficiant.

496 Haec nobis Domine salutaris sacramenti perceptio peccatorum nostrorum maculas diluat et regem nostrum ill. ad regendum secundum tuam voluntatem populum idoneum reddat ut hoc salutari mysterio contra visibiles et invisibiles hostes reddatur invictus per quod mundus est divina dispensatione redemptus.

496 Deus fons bonitatis et pietatis origo qui peccantem non statim iudicas sed ad paenitentiam miseratus expectas te quaeso ut facinorum meorum squalores abstergas et me ad peragendum iniunctum officium dignum efficias et qui altaris tui ministerium suscepi indignus perago trepidus ad id peragendum reddar strenuus et inter eos qui tibi placuerunt inveniar iustificatus.

497 Sacrificii praesentis quaeso Domine oblatio mea expurget facinora per quod totius mundi voluisti relaxari peccata illiusque frequentatione efficiar dignus quod ut frequentarem suscepi indignus.

497 Huius Domine perceptio sacramenti peccatorum meorum maculas tergat et ad peragendum iniunctum officium <me> idoneum reddat.

497 Domine Deus omnipotens qui per sanctos angelos tuos et apostolos martyres et confessores facis misericordiam similiter deprecamur ut famulum tuum ill. qui quartane terciane cotidiane vel nocturnales febribus vim quassatur fidelissimi famuli tui Sigismundi precibus clementer occurrat.

497 Offerimus tibi Domine vota sancta Deo vivo et vero in nomine Unigeniti tui Domini nostri et in electi tui Sigismundi pro ardore febrium communicantes et memoriam facientes beatissime Mariae semper Virginis et sanctorum apostolorum patriarcharum prophetarum et martyrum omniumque sanctorum precibus meritisque concedas ut in omnibus tuis famulum tuum ill. muniatur auxilium. Per. Dominum.

497 Inclina Domine aurem tuam ad preces nostras et da nobis misericordiam tuam ut quod devoto corde poscimus benignus assumas et huic famulo tuo ill. qui quartane terciane cottidiane vel nocturnales vim febribus fatigatur fidelissimi famuli tui Sigismundi precibus clementer exaudias ut dum nobis illius merita patefeceris praesenti aegroto per ea quae sumpsimus conferas medicinam et ad aeternam salutem perducas.

497 Sanctae Dei Genitricis Mariae ac beatorum apostolorum martyrum confessorum virginum atque omnium simul sanctorum tuorum quaesumus Domine famulum tuum pontificem nostrum ill. intercessionibus protege pariterque ei familiaritate atque consanguinitate coniunctos et omnem populum Christianum ab omni pravitate defende commissum etiam sibi ad regendum gregem custodi et animabus famulorum famularumque tuarum et cunctorum fidelium defunctorum requiem tribue benignus sempiternam et sanctorum tuorum caetibus co(n)sociare digneris propitius.

498 Oblationis huius quaesumus Domine placare muneribus et intercedentibus omnibus sanctis tuis omnem populum Christianum a cunctis defende periculis et animabus famulorum famularumque tuarum et cunctorum fidelium defunctorum per haec sancta sacrificia remissionem omnium tribue peccatorum.

498 Purificet quaesumus Domine famulum tuum pontificem nostrum ill. divini sacramenti libatio et gloriosa sanctae Dei genitricis Mariae et omnium sanctorum tuorum oratio et gregem sibi commissum ac familiaritate atque consanguinitate coniunctum et omni populo Christiano misericordiam tuam ubique praetende et animabus famulorum famularumque tuarum et cunctorum fidelium defunctorum remissionem omnium tribue peccatorum.

498 Deus qui es tuorum antistitum potentissimus illustrator tribue quaesumus ut beatissimi sacerdotis et confessoris tui Zenonis magnificis exemplis informati saeculi istius caliginem sine periculo transeamus.

498 Quaesumus omnipotens Deus culparum nostrarum apud te veniam beati Zenonis impetret grata precatio.

498 Concede quaesumus omnipotens et misericors Deus ut qui venerandam gloriosissimi confessoris tui Zenonis translationem annuis frequentamur excubiis dignam ipsius imitationem sectando gaudiorum eius mereamur esse participes.

499 Domine Deus Pater omnipotens rex et magnificus triumphator qui sanctos patres nostros qui tibi in sacerdotali ordine placuerunt diversi generis ornamenta et vestimenta sacerdotalia fieri et ornari sacerdotes tibi servientes iussisti exaudi propitius orationem nostram et hanc planetam famuli tui seu poderem albam ac stolam cingulum orariumque (hos amictos) dextera tua sancta bene+dicere conse+crare sancti+ficareque et purificare digneris quatenus haec vestimenta ministris tuis levitis ac sacerdotibus ad divinum cultum ornandum explendumque proficiant. Sanctis altaribus tuis mundi et ornati in his sacris vestibus ministraturi inreprehensibiles in actu et victu interius exteriusque appareant tibique soli Deo puro corde et mundo corpore omnibus diebus vite suae inreprehensibiliter sanctorum patrum exempla sequentes valeant hisque sacris ministeriis secundum tuam voluntatem quando tibi placuerit expleant celestis regni gloriam cum omnibus nobis sibique commissis percipere mereantur.

499 Deus qui culpa offenderis penitentia placaris preces populi tui supplicantis propitius respice et flagella tuae iracundiae quae pro peccatis nostris meremur averte.

499 Sacrificiis praesentibus Domine quaesumus intende placatus ut et devotioni nostrae proficiant et saluti.

499 Caelestis doni benedictione percepta supplices te Deus omnipotens deprecamur ut hoc idem nobis et sacramenti causa sit et saluti.

499 Parce Domine parce populo tuo ut dignis flagellationibus castigatus in tua miseratione respiret.

500 Omnipotens sempiterne Deus observationis huius annuae celebritate laetantes quaesumus Domine ut paschalibus actionibus inherentes plenis eius effectibus gaudeamus.

500 Suscipe Domine quaesumus sacrificium cuius te voluisti dignanter immolatione placare et praesta ut huius operatione mundati beneplacitum tibi nostrae mentis offeramus.

500 Caelestis vitae munere vegetati quaesumus Domine ut quod est nobis in praesenti vitae mysterium fiat aeternitatis auxilium.

500 Praesta famulis tuis Domine abuntantiam protectionis et gratiae: da salutem mentis et corporis da continuae prosperitatis augmentum et tibi semper fac esse devotos.

Index

Conspectus