180 Benedic omnipotens

180 Omnipotens ... respicere dignare

181 Aeternam ac iustissimam

182 Nec te latet

182 Effeta

183 Abrenuntias

183 In principio fecit Deus caelum et terram

183 Deus qui mirabiliter creasti hominem

183 Factum est autem in vigilia matutina

184 Deus cuius antiqua miracula ... baptismatis opereris.

184 Et apprehendent septem mulieres unum hominem

184 Deus qui nos ad celebrandum paschale sacramentum

184 Est hereditas credentibus in Domino

184 Deus qui Ecclesiam tuam super gentium vocatione multiplicas

185 Omnipotens ... impleatur effectu.

185 Sicut cervus desiderat ad fontes aquarum

185 Concede quaesumus omnipotens Deus ut qui festa paschalia agimus ... vitae sitiamus.

185 Omnipotens sempiterne Deus respice ... corpusque sanctificet.

186 Deus qui invisibili

187 Haec nobis praecepta

188 Descendat in hanc

188 Deus omnipotens Pater

189 Omnipotens ... qui regenerare dignatus

222

222 Deus tentavit Abraham

222 Deus qui in Abrahae ... rectitudinem adimplere.

223 Et scripsit Moyses canticum hoc

223 Deus qui nobis per prophetarum ... inspiratione valeamus.

223 Et apprehendent septem mulieres unum hominem

223 Deus qui nos ad celebrandam festivitatem ... exspectatio futurorum.

223 Audi Israel mandata vitae

224 Deus incommutabilis virtus ... vitae teneamus.

224 Sicut cervus

224 Concede quaesumus omnipotens Deus ut qui sollemnitatem doni ... vitae sitiamus.

224 Omnipotens sempiterne Deus qui paschale sacramentum ... munere congregentur.

224 Deus qui sacramento festivitatis ... dona diffunde.

225 Annue misericors Deus ... custodiam mandatorum.

225 Da nobis quaesumus Domine per gratiam Spiritus Sancti ... muneribus aptiores.

308 Exaudi nos ... ut quod nostro ministratur officio ... potius impleatur.

309 Suscipe quaesumus Domine pro sacra conubii lege ... esto dispositor.

309 Qui foedere nuptiarum ... perducat augmentum.

309 Hanc igitur oblationem famulorum tuorum quam tibi offerent pro famula tua illa quam perducere ... copulare digneris.

310 Propitiare Domine supplicationibus nostris et institutis ... auxiliante servetur.

310 Deus qui potestate virtutis tuae ... perveniant senectutem.

311 Quaesumus omnipotens Deus instituta providentiae tuae ... pace custodias.

335 Medelam tuam

335 Exorcizo te creatura aquae

336 Ille talis baptizo

336 Deus omnipotens ... qui te regeneravit

336

342 Concede quaesumus omnipotens Deus et famulum tuum ill vel illam quem ad regimen animarum eligimus gratiae tuae dono prosequere ut te largiente cum ipsa tibi nostra electione placeamus.

348

349

351

352

353

360 Exsultet iam angelica turba caelorum, exsultent divina mysteria, et pro tanti regis victoria tuba intonet salutaris. Gaudeat se tellus irradiatam fulgoribus, et aeterni regis splendore lustrata, totius orbis se sentiat amisisse caliginem. Laetetur et mater ecclesia, tanti luminis adornata fulgoribus, et magnis populorum vocibus, haec aula resultet. Quapropter adstantibus vobis fratres carissimi, ad tam miram sancti huius luminis claritatem, una mecum quaeso dei omnipotentis misericordiam invocate, ut, qui me non meis meritis intra levitarum numerum dignatus est aggregare, luminis sui gratia infundente cerei huius laudem implere perficiat. Per dominum nostrum Iesum Christum filium suum cum quo vivit et regnat in unitate Spiritus Sancti, per omnia saecula saeculorum. R. Amen.

360 Sursum corda. R. Habemus ad dominum. Gratias agamus Domino Deo nostro. R. Dignum et iustum est.

360 Vere quia dignum et iustum est, ut invisibilem deum omnipotentem patrem filiumque unigenitum dominum nostrum Iesum Christum, toto cordis ac mentis affectu, et vocis ministerio personare. Qui pro nobis aeterno patri Adae debitum solvit, et veteris piaculi cautionem pio cruore debitum. Haec sunt enim festa paschalia, in quibus verus ille agnus occiditur, eiusque sanguis postibus consecratur. In quo primum patres nostros filios Israel eductos de aegypto, rubrum mare sicco vestigio transire fecisti. Haec igitur nox est, quae peccatorum tenebras columnae illuminatione purgavit. Haec nox est, quae hodie per universum mundum in Christo credentes a vitiis saeculi segregatos, et caligine peccatorum reddit gratiae sociat sanctitati. Haec nox est, in qua destructis vinculis mortis, Christus ab inferis victor ascendit. Nihil enim nobis nasci profuit nisi redimi profuisset. O mira circa nos tuae pietatis dignatio. O inaestimabilis dilectio caritatis, ut servum redimeres filium tradidisti. O certe necessarium Adae peccatum nostrum, quod Christi morte deletum est. O felix culpa, quae talem ac tantum meruit habere redemptorem. O beata nox, quae sola meruit scire tempus et horam in qua Christus ab inferis resurrexit. Haec nox est, de qua scriptum est, et nox, ut dies illuminabitur, et nox illuminatio mea in deliciis meis. Huius igitur sanctificatio noctis, fugat scelera, culpas lavat, et reddit innocentiam lapsis, maestis laetitiam, fugat odia, concordiam parat, et curvat imperia. In huius igitur noctis gratia suscipe sancte Pater incensi huius sacrificium vespertinum, quod tibi in hac cerei oblationem sollemni, per ministrorum manus de operibus apum, sacrosancta reddit ecclesia. Sed iam columnae huius praeconia novimus, quam in honorem dei rutilans ignis accendit. Qui licet divisus in partes, mutuati luminis detrimenta non novit. Alitur liquentibus ceris quam in substantiam pretiosae huius lampadis apis mater eduxit.

362 Apis ceteris, quae subiecta sunt homini, animantibus antecellit. Cum sit minima corporis parvitate, ingentes animos angusto versat in pectore. Viribus inbecillis, sed fortis ingenio. Haec explorata temporum vice, cum caniciem pruinosa hiberna posuerint, et glaciali senio verni temporis moderata deterserint, statim prodeundi ad laborem cura succedit. Dispersaeque per agros libratis Paululum pennis cruribus suspensis insidunt. Parte ore legere flosculos, oneratis victualibus suis, ad castra remeant. Ibique aliae inaestimabili arte, cellulas tenaci glutino instruunt, aliae liquantia mella stipant, aliae vertunt flores in ceram, aliae ore natos fingunt, aliae collectis e foliis nectar includunt. O vere beata et mirabilis apis, cuius nec sexum masculi violant, foetus non quassant, nec filii destruunt castitatem. Sicut sancta concepit virgo maria, virgo peperit, et virgo permansit.

362 O vere beata nox, quae exspoliavit aegyptios, ditavit hebraeos. Nox in qua terrenis caelestia iunguntur. Oramus te, Domine, ut cereus iste in honorem nominis tui + consecratus ad noctis huius caliginem destruendam indeficiens perseveret, in odorem suavitatis acceptus, supernis luminaribus misceatur. Flammas eius, lucifer matutinus inveniat. Ille inquam lucifer, qui nescit occasum. Ille, qui regressus ab inferis, humano generi serenus inluxit. Precamur ergo te, Domine, ut nos famulos tuos omnem clerum et devotissimum populum, una cum patre nostro papa ill., quiete temporum concessa, in his paschalibus gaudiis conservare digneris.

363 Deus, qui divitias misericordiae tuae in hac praecipue nocte largiris, propitiare universo ordini sacerdotalis officii, et omnes gradus famulatus nostri perfecta delictorum remissione sanctifica, ut ministraturos regeneratricis gratiae tuae, nulli esse obnoxios patiaris offensae.

363 In principio.

363 Deus, qui mirabiliter creasti hominem et mirabilius redemisti, da nobis contra oblectamenta peccati mentis ratione persistere, ut mereamur ad gaudia aeterna pervenire.

364 Noe cum quingentorum esset.

364 Deus incommutabilis virtus lumen aeternum, respice propitius ad totius Ecclesiae tuae mirabile sacramentum, et opus salutis humanae perpetuae dispositionis effectu, tranquillus operare, totusque mundus experiatur et videat deiecta erigi, inveterata novari, et per ipsum redire omnia in integrum, a quo sumpsere principium.

364 Tentavit Deus Abraham.

364 Deus fidelium Pater summe, qui in toto orbe terrarum promissionis tuae filios diffusa adoptione multiplicas, et per paschale sacramentum Abraham puerum tuum universarum, sicut iurasti gentium efficis patrem, da populis tuis digne ad gratiam tuae vocationis intrare.

364 Factum est in vigilia matutina.

364 Cantemus Domino.

364 Deus cuius antiqua miracula etiam nostris saeculis coruscare sentimus, dum, quod uni populo a persecutione aegyptia liberando dexterae tuae potentia contulisti, id in salutem gentium per aquam regenerationis operaris, praesta, ut et in Abrahae filios et in Israeliticam dignitatem, totius mundi transeat plenitudo.

365 Haec est hereditas servorum domini.

365 Omnipotens sempiterne Deus multiplica in honorem nominis tui, quod patrum fidei spopondisti, et promissionis filios sacra adoptione dilata, ut, quod priores sancti non dubitaverunt futurum, ecclesia tua magna iam ex parte cognoscat impletum.

365 Audi Israel mandata vitae.

365 Deus, qui Ecclesiam tuam semper gentium vocatione multiplicas, concede propitius, ut quos aqua baptismatis abluis, continua protectione tuearis.

365 Facta est super me manus domini.

365 Deus, qui nos ad celebrandum paschale sacramentum, utriusque testamenti paginis imbuisti, da nobis intelligere misericordias tuas, ut ex perceptione praesentium munere, firma sit exspectatio futurorum.

366 Appraehendent septem mulieres.

366 Vinea facta est dilecto.

366 Deus, qui in omnibus Ecclesiae tuae filiis sanctorum prophetarum voce manifestati, in omni loco dominationis tuae satorem te bonorum seminum et electorum palmitum esse cultorem, tribue, quaesumus, populis tuis, qui et vinearum apud te nomine censentur et segetum, ut spinarum et tribulorum squalore resecato, digni efficiantur fruge fecunda.

366 Dixit quoque Dominus.

366 Omnipotens sempiterne Deus, qui in omnium operum tuorum dispensatione mirabilis es, intelligant redempti tui non fuisse excellentius, quod in initio factus est mundus, quam, quod in fine saeculorum Pascha nostrum immolatus est Christus.

366 Factum est verbum Domini ad Ionam.

367 Deus, qui diversitatem omnium gentium in confessione tui nominis adunasti, da nobis et velle et posse, quod praecipis, ut populo ad aeternitatem vocato, una sit fides mentium et pietas actionum.

367 Scripsit Moyses canticum.

367 Attende caelum.

367 Deus celsitudo humilium et fortitudo rectorum, qui per sanctum Moysen puerum tuum ita erudire populos tuos sacri carminis tui decantatione voluisti, ut illa legis iteratio fieret etiam nostra directio, excita in omnem iustificatarum gentium plenitudinem potentiam tuam, et da laetitiam mitigando terrorem, ut omnium peccatis tua remissione deletis, quod denuntiatum est in ultionem, transeat in salutem.

367 Nabuchodonosor.

367 Omnipotens, sempiterne Deus, spes unica mundi, qui prophetarum tuorum praeconio praesentium temporum declarasti mysteria, auge populi tui vota placatus, quia in nullo fidelium nisi ex tua inspiratione proveniunt, quarumlibet incrementa virtutum.

368 Omnipotens, sempiterne Deus, respice propitius ad devotionem populi renascentis, qui, sicut cervus aquarum expetit fontem, et concede propitius, ut fidei ipsius sitis baptismatis mysterio, animam corpusque sanctificet, .

368 Da nobis, quaesumus, Domine, per gratiam Spiritus Sancti novam tui Paracliti spiritalis observantiae disciplinam, ut mentes nostrae sacro purgatae ieiunio, cunctis reddantur eius muneribus aptiores. Per, in unitate eiusdem Spiritus Sancti.

368 In principio.

368 Omnipotens sempiterne Deus, indeficiens lumen, qui spiritum tuum sanctum cum super aquas in mundi creationis exordio ferretur, humanae declarasti salutis auctorem, praesta, quaesumus, ut idem spiritus veritatis Ecclesiae tuae dona multiplicet. Per, in unitate eiusdem Spiritus Sancti.

369 Tentavit Deus Abraham.

369 Deus, qui in Abrahae famuli tui opere humano generi oboedientiae exempla praebuisti, concede nobis et nostrae voluntatis pravitatem frangere, et tuorum praeceptorum rectitudinem in omnibus adimplere.

369 Factum est in vigilia matutina.

369 Cantemus Domino.

369 Deus, qui primis temporibus impleta miracula novi testamenti luce reserasti, quod mare Rubrum forma sacri fontis existeret, et liberata plebs ab aegyptia servitute, Christiani populi sacramenta praeferret, da, ut omnes gentes Israelis privilegium merito fidei consecutae, Spiritus tui participatione regenerentur. Per, in unitate eiusdem.

369 Scripsit Moyses canticum.

369 Attende caelum.

369 Deus glorificatio fidelium et vita iustorum, qui per Moysen famulum tuum, nos quoque modulatione sacri carminis erudisti, in universis gentibus misericordiae tuae munus operare, tribuendo beatitudinem, auferendo terrorem, ut, quod praenuntiatum est ad supplicium, in remedium transferatur aeternum.

370 Apprehendent septem mulieres.

370 Vinea facta est dilecto.

370 Omnipotens sempiterne Deus, qui per unicum Filium tuum Ecclesiae tuae daemonstrasti te esse cultorem, ut omnem palmitis fructum in eodem Christo tuo, qui vera vitis est afferentem clementer excolens, fructus afferat ampliores, fidelibus tuis quos velut vineam ex aegypto per fontem baptismi transtulisti, nullae peccatorum spinae praevaleant, ut Spiritus tui sanctificatione muniti, perpetua fruge ditentur. Per eundem Dominum, in unitate eiusdem Spiritus Sancti.

370 Audi Israel mandata vitae.

370 Deus, qui nobis per prophetarum ora praecepisti temporalia relinquere atque ad aeterna festinare, da famulis tuis ut, quae a te iussa cognovimus, implere caelesti inspiratione valeamus.

370 Sicut cervus desiderat.

370 Concede, quaesumus, omnipotens Deus, ut, qui sollemnitatem doni Spiritus Sancti colimus, caelestibus desideriis accensi, fontem vitae sitiamus. Per dominum, in unitate eiusdem Spiritus Sancti.

371 Domine Deus virtutum, qui conlapsa reparas et reparata conservas, auge populos in tui nominis sanctificatione renovandos, ut omnes, qui diluuntur sacro baptismate, tua semper inspiratione dirigantur.

371

371 Omnipotens, sempiterne Deus, Pater Domini nostri Iesu Christi, respicere dignare super hunc famulum tuum quem ad rudimenta fidei vocare dignatus es. Omnem caecitatem cordis ab eo expelle. Disrumpe omnes laqueos satanae quibus fuerat conligatus. Aperi ei, Domine, ianuam pietatis tuae, ut signo sapientiae tuae imbutus, omnium cupiditatum foetoribus careat, et ad suavem odorem praeceptorum tuorum laetus tibi in ecclesia deserviat, et proficiat de die in diem, ut idoneus efficiatur accedere ad gratiam baptismi tui percepta medicina. Per eundem Dominum nostrum.

371 Preces nostras, quaesumus, Domine, clementer exaudi, et hunc electum tuum crucis dominicae cuius inpressione eum signamus virtute custodi, ut magnitudinis gloriae rudimenta servans, per custodiam mandatorum tuorum ad regenerationis pervenire gloriam mereamur.

372 Deus, qui humani generis ita es conditor, ut sis etiam reformator, propitiare populis adoptivis, et novo testamento sobolem novae prolis ascribae, ut filii promissionis, quod non potuerunt adsequi per naturam, gaudeant se recepisse per gratiam.

372 Exorcizo te creatura salis in nomine dei Patris omnipotentis, et in caritate Domini nostri Iesu Christi, et in virtute Spiritus Sancti. Exorcizo te per Deum vivum, et per Deum verum, qui te ad tutelam humani generis procreavit, et populo venienti ad credulitatem per servos suos consecrari praecepit, ut in nomine sanctae Trinitatis efficiaris salutare sacramentum ad effugandum inimicum. Proinde rogamus te, Domine, Deus noster, ut hanc creaturam salis sanctificando sanctifices, benedicendo benedicas, ut fiat omnibus accipientibus perfecta medicina, permanens in visceribus eorum. In nomine Domini nostri Iesu Christi, qui venturus est iudicare vivos et mortuos et saeculum per ignem.

373 Accipe sal sapientiae propitiatus in vitam aeternam.

373 Deus patrum nostrorum, Deus universae conditor u eri tatis, te supplices exoramus, ut hunc famulum tuum respicere digneris propitius, et hoc primum pabulum salis gustantem, non diutius esurire permittas, quominus cibo expleatur caelesti, quatenus sit semper, Domine, spiritu fervens, spe gaudens, tuo semper nomini serviens. Perduc eum ad novae regenerationis lavacrum, ut cum fidelibus tuis, promissionum tuarum aeterna praemia consequi mereatur.

373 Deus Abraham, Deus Isaac, Deus Iacob, Deus, qui Moysi famulo tuo in monte Sinai apparuisti, et filios Israel de terra aegypti eduxisti, deputans eis angelum pietatis tuae, qui custodiret eos die ac nocte, te, quaesumus, Domine, ut mittere digneris sanctum angelum tuum, ut similiter custodiat et hunc famulum tuum, et perducat eum ad gratiam baptismi tui.

374 Ergo maledicte diabolae recognosce sententiam tuam, et da honorem Deo vivo et vero, da honorem Iesu Christo filio eius et spiritui sancto, et recede ab hoc famulo Dei, quia istum sibi Deus et Dominus noster Iesus Christus ad suam sanctam gratiam et benedictionem fontemque baptismatis vocare dignatus est. Et hoc signum sanctae crucis, quod nos fronti eius damus, tu maledicte diabole, numquam audeas violare.

374 Deus caeli, Deus terrae, Deus angelorum, Deus archangelorum, Deus prophetarum, Deus martyrum, Deus virginum, Deus omnium bene viventium, Deus, cui omnis lingua confitetur, et omne genu flectitur, caelestium, terrestrium, et infernorum, te invoco, Domine, super hanc famulam tuam, ut perducere eam digneris ad gratiam baptismi tui.

374 Ergo maledicte.

374 Deus immortale praesidium omnium postulantium, liberatio supplicum, pax rogantium, vita credentium, resurrectio mortuorum, te invoco super hunc famulum tuum, qui baptismi tui donum petens, aeternam consequi gratiam spiritali generatione desiderat. Accipe eum, Domine, et quia dignatus es dicere: petite et accipietis, quaerite et invenietis, pulsate et aperietur vobis, petenti itaque praemium porrige, et ianuam pande pulsanti, ut aeternam caelestis lavacri benedictionem consecutus, promissa tui muneris regna percipiat.

375 Audi maledicte satana adiuratus per nomen aeterni Dei, et Salvatoris nostri filii eius, cum tua victus invidia tremens gemensque discede. Nihil tibi sit commune cum servo Dei, iam caelestia cogitanti, renuntiatori tibi ac saeculo tuo, et beatae immortalitatis victori. Da igitur honorem advenienti spiritui sancto, qui ex summa caeli arce descendens, proturbatis fraudibus tuis, divino fonte purgatum pectus, id est sanctificatum Deo templum et habitum perficiat. Et ab omnibus paenitus noxiis praeteritorum criminum liberatus servus Dei, gratias perenni Deo referat semper, et benedicat nomen eius sanctum, in saecula sacculorum. Per dominum nostrum Iesum Christum, qui venturus est.

375 Deus Abraham, Deus Isaac, Deus Iacob, Deus, qui tribus Israel de aegyptia servitute liberatas, per Moysen famulum tuum de custodia mandatorum tuorum in deserto monuisti, et Susannam de falso crimine liberasti, te supplex deprecor, Domine, ut liberes et hanc famulam tuam, et perducere eam digneris ad gratiam baptismi tui.

375 Ergo maledicte.

376 Exorcizo te inmunde spiritus in nomine Patris et Filii et Spiritus Sancti, ut exeas et recedas ab hoc famulo dei. Ipse enim tibi imperat maledicte damnate, qui pedibus super mare ambulavit, et petro mergenti dexteram porrexit. Ergo maledicte., ut supra.

376 Ergo maledicte.

376 Exorcizo te inmunde spiritus, per patrem et filium et Spiritum Sanctum, ut exeas et recedas ab hac famula dei. Ipse enim tibi imperat maledicte damnate, qui caeco nato oculos aperuit, et quatriduanum Lazarum de monumento suscitavit. Ergo maledicte., ut supra.

376 Ergo maledicte.

376 Aeternam ac iustissimam pietatem tuam deprecor, Domine, sancte Pater omnipotens aeterne Deus luminis et veritatis, super hunc famulum tuum, ut digneris eum illuminare lumine intelligentiae tuae. Munda eum et sanctifica. Da ei scientiam veram, ut dignus efficiatur accedere ad gratiam baptismi tui. Teneat firmam spem, consilium rectum, doctrinam sanctam, ut aptus sit ad percipiendam gratiam baptismi tui.

377 Nec te latet satanas imminere tibi poenas, imminere tibi tormenta, imminere tibi diem iudicii, diem supplicii sempiterni, diem, qui venturus est velut clibanus ardens, in quo tibi atque universis angelis tuis aeternus veniet interitus. Proinde damnate, da honorem Deo vivo et vero, da honorem Iesu Christo filio eius et spiritui sancto, in cuius nomine atque virtute praecipio tibi quicumque es spiritus inmunde, ut exeas et recedas ab hoc famulo Dei, quem hodie Deus et Dominus noster Iesus Christus ad suam sanctam gratiam et benedictionem fontemque baptismatis dono vocare dignatus est, ut fiat eius templum per aquam regenerationis in remissionem omnium peccatorum. In nomine Domini nostri Iesu Christi, qui venturus est iudicare vivos et mortuos et saeculum per ignem.

377 Effeta, quod est adaperire in odorem suavitatis. Tu autem effugare diabolo appropinquabit enim iudicium dei.

378 Abrenuntias satanae. Abrenuntio.

378 Et omnibus operibus eius. Abrenuntio.

378 Et omnibus pompis eius. Abrenuntio.

378

378 Quis vocaris. Ille.

378 Credis in Deum Patrem omnipotentem creatorem caeli et terrae. Credo.

378 Et in Iesum Christum filium eius unicum Dominum nostrum natum et passum. Credo.

378 Credis et in Spiritum Sanctum, sanctam ecclesiam catholicam, remissionem peccatorum, carnis resurrectionem. R. Credo.

378 Et ego te baptizo in nomine Patris. Et Filii. Et Spiritus Sancti.

379 Deus omnipotens Pater Domini nostri Iesu Christi, qui te regeneravit ex aqua et spiritu sancto, quique dedit tibi remissionem omnium peccatorum, ipse te linit chrismate salutis in Christo Iesu Domino nostro in vitam aeternam. R. Amen.

379

379 Corpus Domini nostri Iesu Christi custodiat te in vitam aeternam. Amen.

380 Deus, qui salutis aeterne, beatae Mariae virginitate fecunda, humano generi praemia praestitisti, tribue, quaesumus, ut ipsam pro nobis intercedere sentiamus, per quam meruimus auctorem vitae suscipere dominum nostrum.

380 Muneribus nostris, quaesumus, Domine, precibusque susceptis, et caelestibus nos munda mysteriis, et clementer exaudi.

380 Da nobis, quaesumus, Domine, Deus noster, ut, qui nativitatem Domini nostri Iesu Christi nos frequentare gaudemus, dignis conversationibus ad eius mereamur pertinere consortium. Per eundem.

381 Omnipotens sempiterne Deus, dirige actus nostros in beneplacito tuo, ut in nomine dilecti Filii tui, mereamur bonis operibus abundare. Per eundem.

381 Concede, quaesumus, Domine, ut oculis tuae maiestatis munus oblatum, et gratiam nobis devotionis obtineat, et effectum beatae perennitatis acquirat.

381 Per huius, Domine, operationem mysterii, et vitia nostra purgentur, et iusta desideria compleantur.

381 Vota, quaesumus, Domine, supplicantis populi, caelesti pietate prosequere, ut et, quae agenda sunt videant, et ad implenda, quae viderint convalescant.

382 Oblatum tibi, Domine, sacrificium, vivificet nos semper et muniat.

382 Supplices te rogamus omnipotens Deus, ut quos tuis reficis sacramentis, tibi etiam placitis moribus dignanter deservire concedas.

382 Omnipotens sempiterne Deus, qui caelestia simul et terrena moderaris, supplicationes populi tui clementer exaudi, et pacem tuam nostris concede temporibus.

382 Oblata, Domine, munera sanctifica, nosque a peccatorum nostrorum maculis emunda.

383 Augeatur in nobis, Domine, quaesumus, tuae virtutis operatio, ut divinis vegetati sacramentis, ad eorum promissa capienda, tuo munere praeparemur.

383 Omnipotens, sempiterne Deus, infirmitatem nostram propitius respice, atque ad protegendum nos dexteram tuae maiestatis extende.

383 Haec hostia, Domine, quaesumus, emundet nostra delicta, et sacrificium celebrandum subditorum tibi corpora mentesque sanctificet.

383 Quos tantis, Domine, largiris uti mysteriis, quaesumus, ut effectibus eorum veraciter aptare digneris.

384 Deus, qui nos in tantis periculis constitutos pro humana scis fragilitate non posse subsistere, da nobis salutem mentis et corporis, ut ea, quae pro peccatis nostris patimur, te adiuvante vincamus.

384 Concede, quaesumus, omnipotens Deus, ut huius sacrificii munus oblatum, fragilitatem nostram ab omni malo purget semper et muniat.

384 Munera tua nos Deus a delectationibus terrenis expediant, et caelestibus semper instruant alimentis.

384 Familiam tuam, quaesumus, Domine, continua pietate custodi, ut, quae in sola spe gratiae caelestis innititur, tua semper protectione muniatur.

385 Hostias tibi, Domine, placationis offerimus, ut et delicta nostra miseratus absolvas, et nutantia corda tu dirigas.

385 Quaesumus omnipotens Deus, ut illius salutaris capiamus effectum, cuius per haec mysteria pignus accepimus.

385 Conserva populum tuum Deus, et tuo nomini fac devotum, ut divinis subiectus officiis, et temporalia viriliter et aeterna dona percipiat.

385 Haec nos oblatio Deus mundet, quaesumus, et renovet, et gubernet et protegat.

386 Caelestibus, Domine, pasti deliciis, quaesumus, ut semper eadem per, quae veraciter vivimus appetamus.

386 Deus, qui in Filii tui humilitate iacentem mundum erexisti, fidelibus tuis perpetuam laetitiam concede, ut quos perpetuae mortis eripuisti casibus, gaudiis facias sempiternis perfrui. Per eundem.

386 Benedictionem, Domine, nobis conferat salutarem sacra semper oblatio, ut, quod agit mysterio virtute perficiat.

386 Praesta nobis omnipotens Deus, ut vivificationis tuae gratiam consequentes, in tuo semper munere gloriemur.

387 Deus, qui errantibus, ut in viam possint redire iustitiae veritatis tuae lumen ostendis, da cunctis, qui Christiana professione censentur, et illa respuere, quae huic inimica sunt nomini, et ea, quae sunt apta sectari.

387 His nobis, Domine, mysteriis conferatur, quae terrena desideria mitigantes, discamus amare caelestia.

387 Sacramenta, quae sumpsimus, quaesumus, Domine, et spiritalibus nos instruant alimentis, et corporalibus tueantur auxiliis.

387 Deus, qui fidelium mentes unius efficis voluntates, da populis tuis id amare, quod praecipis, id desiderare, quod promittis, ut inter mundanas varietates ibi nostra fixa sint corda, ubi vera sunt gaudia.

388 Dens, qui nos per huius sacrificii veneranda commercia unius summae divinitatis participes effecisti, praesta, quaesumus, ut, sicut tuam cognoscimus veritatem, sic eam dignis moribus adsequamur.

388 Adesto, Domine, Deus noster, ut per haec, quae fideliter sumpsimus, et purgemur a vitiis, et a periculis omnibus exuamur.

388 Deus a quo bona cuncta procedunt, largire supplicibus, ut cogitemus te inspirante, quae recta sunt, et te gubernante eadem faciamus.

388 Suscipe, Domine, fidelium preces cum oblationibus hostiarum, ut per haec piae devotionis officia, ad celestem gloriam transeamus.

389 Tribue nobis, Domine, caelestis mensae vir tutis societatem, et desiderare que recta sunt, et desiderata percipere.

389 Omnipotens sempiterne Deus fac nos tibi semper et devotam gerere voluntatem, et maiestati tuae sincero corde servire.

389 Sacrificia nos, Domine, inmaculata purificent, et mentibus nostris supernae gratiae dent vigorem.

389 Repleti, Domine, muneribus sacris, da, quaesumus, ut in gratiarum semper actione maneamus.

390 Deus in te sperantium fortitudo, adesto propitius invocationibus nostris, et quia sine te nihil potest mortalis infirmitas, praesta auxilium gratiae tuae, ut in exsequendis mandatis tuis, et voluntate tibi et actione placeamus.

390 Hostias nostras, Domine, tibi dicatas placatus assume, et ad perpetuum nobis tribue provenire subsidium.

390 Tantis, Domine, repleti muneribus, praesta, quaesumus, ut et salutaria dona capiamus, et a tua numquam laude cessemus.

390 Sancti nominis tui, Domine, timorem pariter et amorem fac nos habere perpetuum, quia numquam tua gubernatione destituis, quos in soliditate tuae dilectionis instituis.

391 Oblatio nos, Domine, tuo nomini dicanda purificet, et de die in diem ad caelestis vitae transferat actionem.

391 Sumptis muneribus, Domine, quaesumus, ut cum frequentatione mysterii, crescat nostrae salutis effectus.

391 Deprecationem nostram, quaesumus, Domine, benignus exaudi, et quibus supplicandi praestas effectum, tribue defensionis auxilium.

391 Munera, Domine, oblata sanctifica, ut tui nobis unigeniti corpus et sanguis fiant. Per eundem.

392 Haec nos communio, Domine, purget a crimine, et caelestis <remedii> faciat esse consortes.

392 Protector in te sperantium Deus, sine quo nihil est validum, nihil sanctum, multiplica super nos misericordiam tuam, ut te rectore te duce, sic transeamus per bona temporalia, ut non amittamus aeterna.

392 Respice, Domine, munera supplicantis ecclesiae, et saluti credentium perpetua sanctificatione sumenda concede.

392 Sancta tua nos, Domine, sumpta vivificent, et misericordiae sempiternae praeparent expiatos.

393 Da nobis, quaesumus, Domine, ut et mundi cursus pacifice nobis tuo ordine dirigatur, et ecclesia tua tranquilla devotione laetetur.

393 Oblationibus, quaesumus, Domine, placare susceptis, et ad te nostras etiam rebelles compelle propitius voluntates.

393 Mysteria nos, Domine, sancta purificent, et suo munere tueantur.

393 Deus, qui diligentibus te bona invisibilia praeparasti, infunde cordibus nostris tui amoris affectum, ut te in omnibus et super omnia diligentes, promissiones tuas, quae omne desiderium superant consequamur.

393 Propitiare, Domine, supplicationibus nostris, et has oblationes famulorum famularumque tuarum benignus assume, ut, quod singuli obtulerunt ad honorem nominis tui, cunctis proficiat ad salutem, Per.

394 Quos caelesti, Domine, dona satiasti, praesta, quaesumus, ut a nostris mundemur occultis, et ab hostium liberemur insidiis.

394 Deus virtutum cuius est totum, quod est optimum, insere pectoribus nostris amorem tui nominis, et praesta in nobis religionis augmentum, ut, quae sunt bona nutrias, ac pietatis studio, quae sunt nutrita custodias.

394 Propitiare, Domine, supplicationibus nostris, et has populi tui oblationes benignus assume, et, ut nullius sit irritum votum, et nullius vacua postulatio, praesta ut, quod fideliter petimus efficaciter consequamur.

395 Repleti sumus, Domine, muneribus tuis, tribue, quaesumus, ut eorum et mundemur effectu, et muniamur auxilio.

395 Deus cuius providentia in sui dispositione non fallitur, te supplices exoramus, ut noxia cuncta submoveas, et omnia nobis profutura concedas.

395 Deus, qui legalium differentiam hostiarum, unius sacrificii perfectione sanxisti, accipe sacrificium a devotis tibi famulis, et pari benedictione, sicut munera Abel sanctifica, ut, quod singuli obtulerunt ad maiestatis tuae honorem, cunctis proficiat ad salutem.

395 Tua nos, Domine, medicinalis operatio, et a nostris perversitatibus clementer expediat, et ad ea, quae sunt recta perducat.

396 Largire nobis, Domine, quaesumus, semper spiritum cogitandi, quae recta sunt propitius et agendi, ut, qui sine te esse non possumus, secundum te vivere valeamus.

396 Suscipe munera, quaesumus, Domine, quae tibi de tua largitate deferimus, ut haec sacrosancta mysteria, gratiae tuae operante virtute, praesentis vitae nos conversatione sanctificent, et ad gaudia sempiterna perducant.

396 Sit nobis, Domine, reparatio mentis et corporis caeleste mysterium, ut cuius exsequimur actionem sentiamus effectum.

396 Pateant aures misericordiae tuae, Domine, precibus supplicantium, et, ut petentibus desiderata concedas, fac tibi eos, quaesumus, placita postulare.

397 Concede nobis haec, quaesumus, Domine, frequentare mysteria, quia quoties huius hostiae commemoratio celebratur, opus nostrae redemptionis exercetur.

397 Tui nobis, Domine, communio sacramenti, et purificationem conferat, et tribuat unitatem.

397 Deus, qui omnipotentiam tuam parcendo maxime et miserando manifestas, multiplica super nos gratiam tuam, ut ad tua promissa currentes caelestium bonorum facias esse consortes.

397 Tibi, Domine, sacrificia dicata reddantur, quae, sic ad honorem nominis tui deferenda tribuisti, ut eadem remedia fieri nostra praestares.

398 Quaesumus, Domine, Deus noster, ut quos divinis reparare non desinis sacramentis, tuis non destituas benignus auxiliis.

398 Omnipotens sempiterne Deus, qui abundantiam pietatis tuae et merita supplicum excedis et vota, effunde super nos misericordiam tuam, ut dimittas, quae conscientia metuit et adicias, quod oratio non praesumit.

398 Respice, Domine, quaesumus, nostram propitius servitutem, ut, quod offerimus, sit tibi munus acceptum, sit nostrae fragilitati subsidium.

398 Sentiamus, Domine, quaesumus, tui perceptione sacramenti subsidium mentis et corporis, ut in utroque salvati, caelestis remedii plenitudine gloriemur.

399 Omnipotens et misericors Deus, de cuius munere venit, ut tibi a fidelibus tuis digne et laudabiliter serviatur, tribue, quaesumus, nobis, ut ad promissiones tuas sine offensione curramus.

399 Hostias, quaesumus, Domine, propitius intende, quas sacris altaribus exhibemus, ut nobis indulgentiam largiendo tuo nomini dent honorem.

399 Vivificet nos, quaesumus, Domine, huius participatio sancta mysterii, et pariter nobis expiationem tribuat et munimen.

399 Omnipotens, sempiterne Deus, da nobis fidei spei et caritatis augmentum, et, ut mereamur adsequi, quod promittis, fac nos amare, quod praecipis.

400 Propitiare, Domine, populo tuo, propitiare muneribus, ut hac oblatione placatus, et indulgentiam nobis tribuas et postulata concedas.

400 Sumptis, Domine, caelestibus sacramentis, ad redemptionis aeternae, quaesumus, proficiamus augmentum.

400 Custodi, Domine, quaesumus, Ecclesiam tuam propitiatione perpetua, et quia sine te labitur humana mortalitas, tuis semper auxiliis, et abstrahatur a noxiis, et ad salutaria dirigatur.

400 Concede nobis, Domine, quaesumus, ut haec hostia salutaris, et nostrorum fiat purgatio delictorum, et tuae propitiatio potestatis.

401 Purificent semper et muniant tua sacramenta nos Deus, et ad perpetuae ducant salvationis effectum.

401 Ecclesiam tuam, Domine, miseratio continuata mundet et muniat, et quia sine te non potest salva consistere, tuo semper munere gubernetur.

401 Tua nos, Domine, sacramenta custodiant, et contra diabolicos tueantur semper incursus.

401 Mentes nostras et corpora possideat, quaesumus, Domine, doni caelestis operatio, ut non noster sensus in nobis sed iugiter eius praeveniat effectus.

402 Tua nos, Domine, quaesumus, gratia semper et praeveniat et sequatur, ac bonis operibus iugiter praestet esse intentos.

402 Munda nos, Domine, sacrificii praesentis effectu, et perfice miseratus in nobis, ut eius mereamur esse participes.

402 Purifica, Domine, quaesumus, mentes nostras benignus et renova caelestibus sacramentis, ut consequenter et corporum praesens pariter et futurum capiamus auxilium.

402 Da, quaesumus, Domine, populo tuo diabolica vitare contagia, et te solum dominum pura mente sectari.

403 Maiestatem tuam, Domine, suppliciter deprecamur, ut haec sancta, quae gerimus, et a praeteritis nos delictis exuant et futuris.

403 Sanctificationibus tuis omnipotens Deus, et vitia nostra curentur et remedia nobis aeterna proveniant.

403 Dirigat corda nostra, Domine, quaesumus, tuae miserationis operatio, quia tibi sine te placere non possumus.

403 Deus, qui nos per huius sacrificii veneranda commercia unius summaeque divinitatis participes efficis, praesta, quaesumus, ut, sicut tuam cognoscimus veritatem, sic eam dignis mentibus et moribus adsequamur.

404 Gratias tibi referimus, Domine, sacro munere vegetati, tuam misericordiam deprecantes, ut dignos nos eius participatione perficias.

404 Omnipotens et misericors Deus universa nobis adversantia propitiatus exclude, ut mente et corpore pariter expediti, quae tua sunt liberis mentibus exsequamur.

404 Haec munera, quaesumus, Domine, quae oculis tuae maiestatis offerimus, salutaria nobis esse concede.

404 Tua nos, Domine, medicinalis operatio, et a nostris perversitatibus clementer expediat, et tuis faciat semper inhaerere mandatis.

405 Largire, quaesumus, Domine, fidelibus tuis indulgentiam placatus et pacem, ut pariter ab omnibus mundentur offensis, et secura tibi mente deserviant.

405 Caelestem nobis praebeant haec mysteria, quaesumus, Domine, medicinam, et vitia nostri cordis expurgent.

405 Ut sacris, Domine, reddamur digni muneribus, fac nos, quaesumus, tuis oboedire mandatis.

405 Familiam tuam, quaesumus, Domine, continua pietate custodi, ut a cunctis adversitatibus te protegente sit libera, et in bonis actibus tuo nomini sit devota.

406 Suscipe, Domine, propitius hostias quibus et te placari voluisti, et nobis salutem potenti pietati restitui.

406 Inmortalitatis alimoniam consecuti, quaesumus, Domine, ut, quod ore percepimus, mente sectemur.

406 Deus refugium nostrum et virtus, adesto piis Ecclesiae tuae precibus auctor ipse pietatis, et praesta ut, quod fideliter petimus, efficaciter consequamur.

406 Da misericors Deus, ut haec salutaris oblatio, et a propriis nos reatibus indesinenter expediat, et ab omnibus tueatur adversis.

406 Sumpsimus, Domine, sacri dona mysterii humiliter deprecantes, ut, quae in tui commemoratione nos facere praecepisti, in nostrae proficiant infirmitatis auxilium.

407 Excita, Domine, quaesumus, tuorum fidelium voluntates, ut divini operis fructum propensius exsequentes, pietatis tuae remedia maiora percipiant.

407 Propitius esto, Domine, supplicationibus nostris, et populi tui oblationibus precibusque susceptis, omnium nostrorum ad te corda converte, ut a terrenis cupiditatibus liberi, ad caelestia desideria transeamus.

407 Concede nobis, Domine, quaesumus, ut sacramenta, quae sumpsimus, quicquid in nostra mente vitiosum est, ipsius meditationis dono curetur.

408 Perpetua, quaesumus, Domine, pace custodi, quos in te sperando donasti.

408 Adesto nobis misericors Deus, et tuae pietatis in nobis propitius dona concede.

408 Adesto nobis, quaesumus, Domine, et preces nostras benignus exaudi, ut, quod fiducia non habet meritorum placatio obtineat hostiarum.

408 Mysteria sancta nos, Domine, et spiritalibus expleant alimentis, et corporalibus tueantur auxiliis.

408 Exaudi nos miserator et misericors Deus, et continentiae salutaris propitius nobis dona concede.

409 Hostias, quaesumus, Domine, suscipe placatus oblatas, quae te sanctificando nobis efficiantur salutares.

409 Sancta tua nos, Domine, quaesumus, et a peccatis exuant, et caelestis vitae vigore confirment.

409 Quaesumus omnipotens Deus, ut plebs tua toto tibi corde deserviens, et beneficia tua iugiter mereatur et pacem.

409 Suscipe, quaesumus, Domine, hostiam redemptionis humanae et salutem nobis mentis et corporis operare placatus.

409 Da, quaesumus, omnipotens Deus, ut mysteriorum virtute satiati, vita nostra firmetur.

410 Rege nostras, Domine, propitius voluntates, ut nec propriis iniquitatibus implicentur, nec subdantur alienis.

410 Tua sacramenta nos Deus circumtegant et reforment, simulque nobis temporale remedium conferant et aeternum.

410 Tua sancta nobis omnipotens Deus, quae sumpsimus, et indulgentiam praebeant, et auxilium perpetuae defensionis inpendant.

410 Conprime, Domine, quaesumus, noxios semper incursus, et salutarem temporibus nostris propitius da quietem.

410 In tuo conspectu, Domine, quaesumus, talia nostra sint munera, quae et placare te valeant, et nos tibi placere perficiant.

411 Cotidiani, Domine, quaesumus, munere sacramenti, perpetuae nobis tribue salutis augmentum.

411 Ab omnibus nos defende, quaesumus, Domine, semper adversis, et continuis tuere praesidiis.

411 Offerimus tibi, Domine, munere, quae dedisti, ut et creationis tuae circa mortalitatem nostram testificentur auxilium, et remedium nobis immortalitatis operentur.

411 Quod ore sumpsimus, Domine, mente capiamus, et de munere temporali, fiat nobis remedium sempiternum.

411 Conservent nos, quaesumus, Domine, munera tua, et aeternam vitam tribuant nobis deprecantibus.

412 Quaesumus omnipotens Deus, ut beatus ille apostolus tuum pro nobis imploret auxilium, ut a nostris reatibus absoluti, a cunctis etiam periculis exuamur.

412 Sacrandum tibi, Domine, munus offerimus, quo beati illius apostoli sollemnia recolentes, purificationem quoque nostris mentibus imploramus.

412 Perceptis, Domine, sacramentis suppliciter exoramus, ut, intercedente beato illo apostolo tuo, quae pro illius veneranda gerimus sollemnitate, nobis proficiant ad medelam.

412 Deus, qui nos annua apostolorum tuorum ill. et ill. sollemnitate laetificas, praesta, quaesumus, ut quorum gaudemus meritis, instruamur exemplis.

413 Munera, Domine, quae pro apostolorum tuorum illorum sollemnitate deferimus propitius suscipe, et mala omnia, quae meremur averte.

413 Quaesumus, Domine, salutaribus repleti mysteriis, ut quorum sollemnia celebramus, eorum orationibus adiuvemur.

413 Praesta, quaesumus, omnipotens Deus, ut, qui beati ill. martyris tui natalicia colimus, intercessione eius in tui nominis amore roboremur.

413 Muneribus nostris, quaesumus, Domine, precibusque susceptis, et caelestibus nos munda mysteriis, et clementer exaudi.

413 Da, quaesumus, Domine, Deus noster ut, sicut tuorum commemoratione sanctorum temporali gratulamur officio, ita perpetuo laetemur aspectu.

414 Deus, qui nos concedis sanctorum martyrum tuorum illorum natalicia colere, da nobis in aeterna beatitudine de eorum societate gaudere.

414 Munera tibi, Domine, nostrae devotionis offerimus, quae et pro tuorum tibi grata sint honore iustorum, et nobis salutaria te miserante reddantur.

414 Praesta nobis, Domine, quaesumus, intercedentibus sanctis tuis illo et illo, ut, quae ore contingimus, pura mente capiamus.

414 Da, quaesumus, omnipotens Deus, ut beati ill. confessoris tui veneranda sollemnitas, et devotionem nobis augeat et salutem.

415 Sancti tui nos, quaesumus, Domine, ubique laetificent, ut dum eorum merita recolimus, patrocinia sentiamus.

415 Praesta, quaesumus, omnipotens Deus, ut de perceptis muneribus gratias exhibentes, beneficia potiora sumamus.

415 Deus, qui nos sanctorum tuorum illorum confessionibus gloriosis circumdas et protegis, da nobis et eorum imitatione proficere, et intercessione gaudere.

415 Suscipe, Domine, preces et munera, quae, ut tuo sint digna conspectui, sanctorum tuorum precibus adiuvemur.

415 Corporis sacri et pretiosi sanguinis repleti libamine, quaesumus, Domine, Deus noster, ut, quod pia devotione gerimus, certa redemptione capiamus.

416 Deus, qui inter cetera potentiae tuae miracula etiam in sexu fragili victoriam martyrii contulisti, concede propitius, ut cuius natalicia colimus, per eius ad te exempla gradiamur.

416 Indulgentiam nobis, Domine, beata ill. martyr imploret, quae tibi grata semper extitit et merito castitatis, et tuae professione virtutis.

416 Suscipe munera, Domine, quae in beatae illius martyris tuae sollemnitate deferimus, cuius nos scimus patrocinio liberari.

416 Auxilientur nobis, Domine, sumpta mysteria, et, intercedente beata ill. martyre tua, sempiterna protectione confirment.

417 Concede, quaesumus, omnipotens Deus, ut intercessio nos sanctae Dei Genitricis Mariae, sanctorumque omnium apostolorum martyrum et confessorum, et omnium electorum tuorum ubique laetificet, ut dum eorum merita recolimus, patrocinia sentiamus.

417 Oblatis, Domine, placare muneribus, et intercedentibus omnibus sanctis tuis, a cunctis nos defende periculis.

417 Sumpsimus, Domine, sanctorum tuorum sollemnia celebrantes sacramenta caelestia, praesta, quaesumus, ut, quod temporaliter gerimus, aeternis gaudiis consequamur.

417 Oremus dilectissimi fratres dominum nostrum Iesum Christum pro hoc famulo suo ill., qui ad deponendam comam capitis sui pro eius amore festinat, ut donet ei Spiritum Sanctum, qui habitum religionis in eo perpetuum conservet, et a mundi inpedimento vel saeculari desiderio cor eius defendat, ut, sicut inmutatur in vultu, ita manus dexterae eius ei virtutis tribuat incrementa, et ab omni caecitate humana oculos eius aperiat, et lumen ei aeternae gratiae concedat. Qui vivit cum Deo patre.

418 Adesto, Domine, supplicationibus nostris, et hunc famulum tuum benedicere dignare, cui in tuo sancto nomine habitum sacrae religionis inponimus, ut te largiente et devotus in ecclesia persistere, et vitam percipere mereatur aeternam.

418 Tu es, Domine, qui restitues mihi hereditatem meam.

418 Dominus pars hereditatis meae.

418 Gloria.

418 Haec est generatio rectorum.

418 Hic accipiet.

418 Gloria.

418 Praesta, omnipotens Deus, huic famulo tuo ill. cuius hodie capitis comam pro divino amore deposuimus, ut in tua dilectione perpetua maneat, et eum sine macula in sempiternum custodias.

419 Deus, qui vestimentum salutare et indumentum aeternae iocunditatis tuis fidelibus promisisti, clementiam tuam suppliciter exoramus, ut haec indumenta humilitatem cordis et contemptum mundi significantia quibus famula tua ill. sancto visibiliter est informanda proposito, propitius benedicas, et beatae castitatis habitum quem te inspirante susceperit te protegente custodiat.

419 Deus bonorum virtutum dator et omnium benedictionum largus infusor, exaudi preces nostras, et hanc vestem quam famula tua illa pro conservandae castitatis signo se adoperiendam exposcit, benedicere et sanctificare digneris.

419 Respice, Domine, propitius super hanc famulam tuam illam, ut sanctae virginitatis propositum, quod te inspirante suscepit, te gubernante custodiat.

420 Deus castorum corporum benignus inhabitator et incorruptarum amator animarum, respice super hanc famulam tuam illam, quae tibi devotionem suam offert, a quo et ipsa eundem votum assumpsit, sit in ea, Domine, per donum Spiritus tui prudens modestia, sapiens benignitas, gravis levitas, casta libertas. Ferveat in caritate, et nihil extra te diligat, laudabiliter que vivat et laudari non appetat, te timeat, tibi amore serviat. Tu ei honor, tu gaudium, tu in merore solacium, tu in ambiguitate consilium, tu in iniuria defensio, in tribulatione patientia, in paupertate abundantia, in ieiunio cibus, in infirmitate sis medicina. Per te quem diligere super omnia appetit, quod est professa custodiat, ut et hostem antiquum devincat, et vitiorum squalores expurget. Quatenus centesimi fructus dono virginitatis decorari, virtutumque lampadibus exornari, et electorum tuorum virginum consortium, te donante mereatur uniri.

420 Deprecamur misericordiam tuam omnipotens aeterne Deus, ut hoc altare sacrificiis spiritalibus consecrandum, vocis nostrae exorandus officio, praesenti benedictione sanctifices, ut in eo semper oblationes famulorum tuorum studio suae devotionis impositas, benedicere et sanctificare digneris, et spiritali placatus incenso, precanti familiae tuae propitius exauditor adsistas.

421 Deus omnipotens in cuius honore hoc altare sub invocatione tui nominis consecratus, clemens et propitius preces nostrae humilitatis exaudi, et praesta, ut in hac mensa sint tibi libamina accepta, sint grata, sint pinguia, et Spiritus Sancti tui semper rore perfusa, ut omni tempore in hoc loco supplicantis tibi familiae tuae anxietates releves, aegritudines cures, preces exaudias, vota suscipias, desiderata confirmes, postulata concedas.

421 Consecramus et sanctificamus hanc patenam, ad conficiendum in ea corpus Domini nostri Iesu Christi patientis crucem pro omnium nostra salute.

421 Consecrare et sanctificare digneris, Domine, patenam hanc per istam unctionem et nostram benedictionem in Christo Iesu Domino nostro.

422 Dignare, Domine, Deus noster calicem istum in usum ministerii tui pia devotione formatum ea sanctificatione perfundere qua Melchisedech famuli tui sacratum calicem perfudisti, et, quod arte vel metallo effici non potest altaribus tuis dignum, fiat tua benedictione pretiosum atque sanctificatum.

422 Omnipotens, sempiterne Deus, hoc baptisterium, caelesti visitatione dedicatum Spiritus tui illustratione sanctifica, ut quoscumque fons iste lavaturus est, trina ablutione purgati, indulgentiam omnium delictorum tuo munere consequantur.

422 Multiplica, Domine, benedictionem tuam, et Spiritus tui muneris fidem nostram corrobora, ut, qui in haec fluenta descenderint, in libro vitae adscribi mereantur.

423 Deus, qui nobis per singulos annos huius sancti templi tui consecrationis reparas diem, et sacris semper mysteriis repraesentas incolumes, exaudi preces populi tui, et praesta, ut quisquis hoc templum beneficia petiturus ingreditur, cuncta se impetrasse laetetur.

423 Annue, quaesumus, Domine, precibus nostris, ut quicumque intra templi huius cuius anniversarium dedicationis diem celebramus ambitum continemur, plena tibi atque perfecta corporis et animae devotione placeamus, ut dum haec praesentia vota reddimus, ad aeterna proemia te adiuvante venire mereamur.

423 Deus, qui Ecclesiam tuam sponsam vocare dignatus es, ut, quae haberet gratiam per fidei devotionem, haberet etiam ex nomine pietatem, da, ut omnis haec plebs nomini tuo serviens huius vocabuli consortio digna esse mereatur, et ecclesia tua in templo cuius anniversarius dedicationis dies celebratur tibi collecta te timeat, te diligat, te sequatur., ut dum iugiter per vestigia tua graditur, ad caelestia promissa te ducente pervenire mereatur. Qui vivis et regnas cum Deo patre.

424 Deus, qui de vivis et electis lapidibus aeternum maiestati tuae condis habitaculum, auxiliare populo supplicanti, ut, quod Ecclesiae tuae corporalibus proficit spatiis, spiritalibus amplificetur augmentis.

424 Deus regnorum omnium, et Christiani maximae protector imperii, da servis tuis regibus nostris illis triumphum virtutis tuae scienter excolere, ut, qui tua constitutione sunt principes, tuo semper munere sint potentes.

424 Suscipe, Domine, preces et hostias Ecclesiae tuae pro salute famuli tui illius supplicantis, et in protectione fidelium populorum antiqua brachii tui operare miracula, ut superatis pacis inimicis secura tibi serviat Christiana libertas.

424 Hanc igitur oblationem famuli tui illius quam tibi ministerio officii sacerdotalis offerimus pro eo, quod in ipso potestatem imperii conferre dignatus es, propitius et benignus adsume, et exoratus nostra obsecratione concede, ut maiestatis tuae protectione confidens, et aevo augeatur et regno.

425 Deus, qui ad praedicandum aeterni regis evangelium Romanum imperium praeparasti, praetende famulis tuis principibus nostris arma caelestia, ut pax ecclesiarum nulla turbetur tempestate bellorum.

425 Quaesumus omnipotens Deus, ut famulum tuum illum, qui tua miseratione suscepit regni gubernacula, virtutum etiam omnium percipiat incrementa, quibus decenter ornatus et vitiorum monstra devitare, et ad te, qui via veritas et vita es, gratiosus valeat pervenire.

425 Munera, Domine, quaesumus, oblata sanctifica, ut et nobis Unigeniti tui corpus et sanguis fiant, et illo regi ad obtinendam animae corporisque salutem, et peragendum iniunctum officium, te largiente usquequaque proficiant.

426 Haec, Domine, oratio salutaris famulum tuum ill. ab omnibus tueatur adversis, quatinus et ecclesiasticae pacis obtineat tranquillitatem, et post istius temporis decursum, ad aeternam perveniat hereditatem.

426 Omnipotens sempiterne Deus, qui famulum tuum ill. regni fastigio dignatus es sublimare, tribue ei, quaesumus, ut ita in praesenti collecta multitudine, cunctorum in commune salutem disponat, quatenus a tuae veritatis tramite non recedat.

426 Deus auctor omnium iustorum honorum, dator cunctarum dignitatum et piorum gratissimus conservator imperiorum, respice super famulum tuum illum, et praesta, ut quibus tuo dono imperat, eis tua opitulatione fultus salubriter prosit.

427 Omnipotens, sempiterne Deus, caelestium terrestriumque moderator, qui famulum tuum illum ad regni fastigium dignatus es provehere, concede, quaesumus, ut a cunctis adversitatibus liberatus, et ecclesiasticae pacis dono muniatur, et ad aeterna pacis gaudia te donante pervenire mereatur.

427 Deus, qui scis genus humanum nulla sua virtute posse subsistere, concede propitius, ut famulus tuus ill. quem populo tuo voluisti praeferri, ita tuo fulciatur adiutorio, quatenus quibus potuit praeesse valeat et prodesse.

427 Deus, qui miro ordine universa disponis et ineffabiliter gubernas, praesta, quaesumus, ut famulus tuus ill. haec in praesenti conventu et in huius saeculi cursu te adiuvante peragat, et peragenda decernat, unde tibi in perpetuum placere valeat.

427 Concede, omnipotens Deus, his salutaribus sacrificiis placatus, ut famulus tuus ill. ad peragendum regalis dignitatis officium inveniatur semper idoneus, et caelestis patriae gaudiis reddatur acceptus.

428 Haec, Domine, salutaris sacrificii perceptio famuli tui ill. peccatorum maculas diluat, et ad regendum secundum tuam voluntatem populum idoneum reddat, ut hoc salutari ministerio contra visibiles et invisibiles hostes reddatur invictus, per, quod mundus est divina dispensatione redemptus.

428 Omnipotens aeterne Deus tuae gratiae pietatem supplici devotione deposco, ut omnium malorum meorum vincula solvas, cunctisque meis criminibus et peccatis clementer ignoscas. Et quia me indignum et peccatorem ad ministerium tuum vocare dignatus es, sic me idoneum tibi ministrum efficias, ut sacrificium de manibus meis placide ac benigne suscipias, electorumque sacerdotum me participem facias, et de praeceptis tuis in nullo me oberrare permittas.

428 Fac me quaeso, omnipotens Deus, ita iustitia indui, ut in sanctorum tuorum merear exsultatione laetari, quatenus emundatus ab omnibus sordibus peccatorum, consortium adipiscar tibi placentium sacerdotum, meque tua misericordia a vitiis omnibus exuat, quem reatus propriae conscientiae gravat.

429 Deus, qui te praecipis a peccatoribus exorare, tibi que sacrificium contriti cordis offerre, hoc sacrificium, quod indignis manibus meis offero acceptare dignare. Et, ut ipse tibi hostia et sacrificium esse merear miseratus concede, quo per ministerii huius exhibitionem, peccatorum omnium percipiam remissionem.

429 Qui dissimulatis humanae fragilitatis peccatis, sacerdotii dignitatem concedis indignis, et non solum peccata dimittis, verum etiam ipsos peccatores iustificare dignaris. Cuius est muneris, ut non exsistentia sumant exordia, exorta nutrimenta, nutrita fructum, fructuosa perseverandi auxilium. Qui me non existentem creasti, creatum fidei firmitate ditasti, fidelem quamvis peccatis squalentem sacerdotii dignitate donasti .Tuam igitur omnipotentiam supplex exposco, ut me a praeteritis peccatis emacules, in mundi huius cursu in bonis operibus corrobores, et in perseverantiae soliditate confirmes. Sicque me facies tuis altaribus deservire, ut ad eorum, qui tibi placuerunt sacerdotum, consortium valeam pervenire. Et per eum tibi sit meum acceptabile votum, qui se tibi obtulit in sacrificium. Qui est omnium opifex et solus sine peccati macula pontifex Iesus Christus Dominus noster. Per quem maiestatem tuam.

429 Huius mihi, Domine, sacramenti perceptio sit peccatorum remissio, et tuae pietatis optata propitiatio, ut per haec te opitulante efficiar sacris mysteriis dignus, quae de tua pietate confisus, frequentare praesumo indignus.

430 Deus fons bonitatis et pietatis origo, qui peccantem non statim iudicas, sed ad paenitentiam miseratus exspectas, te quaeso, ut facinorum meorum squalores abstergas, et me ad peragendum iniunctum officium dignum efficias. Et, qui altaris tui ministerium suscepi indignus, perago trepidus, ad id peragendum reddar strenuus, et inter eos, qui tibi placuerunt inveniar iustificatus.

430 Sacrificii praesentis quaeso, Domine, oblatio, mea expurget facinora, per, quod totius mundi voluisti relaxari peccata. Illiusque frequentatione efficiar dignus, quod, ut frequentarem suscepi indignus.

430 Qui dum libenter nostrae paenitudinis satisfactionem suscipis, ipse tuo iudicio, quod erramus abscondis. Et praeterita peccata nostra dissimulas, ut nobis sacerdotii dignitatem concedas. Tuum est enim me ad ministrandum altari tuo dignum efficere, quem ad peragendum id officii indignum dignatus <es> promovere., ut praeteritorum actuum meorum mala obliviscens, praesentium ordinem in tua voluntate disponens, futuris custodiam imponens, per eum vitiorum squaloribus expurger, virtutum nutrimentis exorner, eorum sacerdotum consortio, qui tibi placuerunt aduner, quem constat esse verum summumque pontificem, solumque sine peccati contagio sacerdotem, Iesum Christum Dominum nostrum.

431 Huius, Domine, perceptio sacramenti peccatorum meorum maculas tergat, et ad peragendum iniunctum officium, me idoneum reddat.

431 Deus, qui iustificas impium et non vis mortem peccatorum, maiestatem tuam suppliciter deprecamur, ut famulum tuum illum de tua misericordia confidentem, caelesti protegas benignus auxilio, et assidua protectione conserves, ut tibi iugiter famuletur, et nullis tentationibus a te separetur.

431 Huius, Domine, quaesumus, virtute mysterii, et a propriis nos munda delictis, et famulum tuum illum ab omnibus absolve peccatis.

431 Hanc igitur oblationem quam tibi offerimus pro famulo tuo illo, ut omnium peccatorum suorum veniam consequi mereatur, quaesumus, Domine, placatus accipias, et miserationis tuae largitate concedas, ut fiat ei ad veniam delictorum et actuum emendationem, ut et hic valeat bene vivere, et ad aeternam beatitudinem feliciter pervenire. Diesque nostros.

432 Purificent nos, Domine, quaesumus, sacramenta, quae sumpsimus, et famulum tuum ill. ab omni culpa liberum esse concede, ut quia conscientiae reatu constringitur, caelestis remedii plenitudine glorietur.

432 Omnipotens, sempiterne Deus, miserere famolo tuo ill. et dirige eum secundum tuam clementiam in viam salutis aeternae, ut te donante tibi placita cupiat, et tota virtute perficiat.

432 Proficiat, quaesumus, Domine, haec oblatio quam tuae supplices offerimus maiestati ad salutem famuli tui ill., ut tua providentia eius vita inter adversa et prospera ubique dirigatur.

432 Sumentes, Domine, perpetuae sacramenta salutis, tuam deprecamur clementiam, ut per ea famulum tuum ab omni adversitate protegas.

432 Famulum tuum, quaesumus, Domine, tua semper protectione custodi, ut libera tibi mente deserviat, et te protegente a malis omnibus sit securus.

433 Adesto, Domine, supplicationibus nostris, et hanc famuli tui ill. oblationem benignus adsume, ut, qui auxilium tuae miserationis implorat, et sanctificationis gratiam percipiat, et, quae pie precatur obtineat.

433 Grata sit tibi, Domine, haec oblatio famuli tui illius quam tibi offerimus in honorem beati illius martyris tui, quaesumus, ut eidem proficiat ad salutem.

433 Huius, Domine, quaesumus, virtute mysterii, et a propriis mundemur occultis, et famulum tuum illum ab omnibus absolve peccatis.

433 Praetende, Domine, famulis et famulabus tuis illis, dexteram caelestis auxilii, ut te toto corde perquirant, et, quae digne postulant adsequantur.

434 Propitiare, Domine, supplicationibus nostris, et has oblationes famulorum famularumque tuarum quas tibi pro incolumitate eorum offerimus benignus adsume, et, ut nullius sit irritum votum, nullius vacua postulatio, praesta, quaesumus, ut, quod fideliter petimus efficaciter consequamur.

434 Hanc igitur oblationem famulorum famularumque tuarum quam tibi offerimus ob devotionem mentis eorum, pius ac propitius clementi vultu suscipias, tibi supplicantes <libens> protege, dignanter exaudi, et aeterna eos protectione conserva, ut semper in tua religione laetantes, instanter in sanctae Trinitatis confessione et fide catholica perseverent. Diesque nostros in tua pace disponas.

434 Da famulis et famulabus tuis, quaesumus, Domine, in tua fide et sinceritate constantiam, ut in caritate divina firmati, nullis tentationibus ab eius integritate vellantur.

434 Deus, qui caritatis dona per gratiam Sancti Spiritus tuorum cordibus fidelium infudisti, da famulis tuis pro quibus tuam deprecamur clementiam salutem mentis et corporis, ut te tota virtute diligant, et, quae tibi placita sunt, tota dilectione perficiant.

435 Miserere, quaesumus, Domine, Deus famulis tuis pro quibus hoc sacrificium laudis tuae offerimus maiestati, ut per haec sancta supernae beatitudinis gratiam obtineant, et gloriam aeternae beatitudinis acquirant.

435 Divina libantes mysteria, quaesumus, Domine, ut haec salutaria sacramenta illis proficiant ad prosperitatem et pacem, pro quorum dilectione, haec tuae obtulimus maiestati.

435 Deus, qui supplicum tuorum vota per caritatis officia suscipere dignaris, da famulis tuis ill. et ill, in tua proficere dilectione, et in tua laetari protectione, ut tibi secura mente deserviant, et in tua pace semper adsistere mereantur.

435 Omnipotens sempiterne Deus, qui facis mirabilia magna solus, praetende super famulum tuum ill. abbatem, vel super cunctam congregationem illi commissam spiritum gratiae salutaris, et, ut in veritate tibi complaceant, perpetuum <eis> rorem tuae benedictionis infunde.

436 Hostias, Domine, famulorum tuorum placatus intende, et quas in honorem nominis tui devota mente pro eis celebramus, proficere sibi sentiant ad medelam.

436 Quos caelesti recreas munere, perpetuo, Domine, comitare praesidio, et quos fovere non desinis, dignos fieri sempiterna redemptione concede.

436 Deus, qui renuntiantibus saeculo mansionem paras in caelo, dilata sanctae huius congregationis temporale habitaculum caelestibus bonis, ut fraternae teneantur conpagine caritatis, unanimes continentiae praecepta custodiant, sobrii, simplices, et quieti, gratis sibi datam gratiam fuisse cognoscant, concordet illorum vita cum nomine, professio sentiatur in opere.

436 Suscipe, Domine, preces nostras, et muro custodiae tuae hoc sanctum ovile circumda, ut omni adversitate depulsa, sit hoc semper domicilium incolumitatis et pacis.

437 Deus, qui diligentibus te misericordiam, tuam semper inpendis, et a servientibus tibi in nulla es regione longinquus, dirige viam famuli tui illius in voluntate <tua>, ut te protectore et te prae duce, per iustitiae semitas sine offensione gradiatur.

437 Exaudi, Domine, preces nostras, et iter famuli tui illius propitius comitare, atque misericordiam tuam, sicut ubique es ita ubique largire, quatenus ab omnibus adversitatibus tua opitulatione defensus, iustorum desideriorum potiatur effectibus.

437 Omnipotens sempiterne Deus, nostrorum temporum vitaeque dispositor, famulo tuo illo, continuae tranquillitatis largire subsidium, ut quem incolumem propriis laboribus reddidisti, tua facias protectione securum.

438 Deus humilium visitator, qui nos fraterna dilectione consolaris, praetende societati nostrae gratiam tuam, ut per eos in quibus habitas, tuum in nobis sentiamus adventum.

438 Adesto, Domine, supplicationibus nostris, et viam famuli tui ill. in salutis tuae prosperitate dispone, ut inter omnes viae et vitae huius varietates, tuo semper protegatur auxilio.

438 Propitiare, Domine, supplicationibus nostris, et has oblationes quas tibi offerimus pro famulo tuo ill. benignus adsume, ut viam illius et praecedente gratia tua dirigas, et subsequente comitare digneris, ut de actu atque incolumitate eius, secundum misericordiae tuae praesidia gaudeamus.

438 Deus infinitae misericordiae et maiestatis immensae, quem nec spatia locorum, nec intervalla temporum ab his quos tueris abi ungunt, adesto famulis tui illis et illis in te ubique fidentibus, et per omnem quam ituri sunt viam, dux eis et comes esse dignare. Nihil illis adversitatis noceat, nihil difficultatis obsistat, cuncta eis salubria, cuncta sint prospera, et sub ope dexterae tuae quicquid iusto expetierint desiderio, celeri consequantur effectu.

439 Deus, qui transtulisti patres nostros per mare rubrum et transvexisti per aquam nimiam laudem tui nominis decantantes, supplices deprecamur, ut in hac navi famulos tuos repulsis adversitatibus, portu semper optabili, cursuque tranquillo tuearis.

439 Suscipe, quaesumus, Domine, preces famulorum tuorum cum oblationibus hostiarum, et tua mysteria celebrantes, ab omnibus defende periculis.

439 Sanctificati divino mysterio maiestatem tuam, Domine, suppliciter deprecamur et petimus, ut quos donis facis caelestibus interesse, per lignum sanctae crucis et a peccatis abstrahas, et a periculis cunctis miseratus eripias.

440 Exaudi, quaesumus, Domine, supplicum preces et confidentium tibi parce peccatis, ut pariter nobis indulgentiam tribuas benignus et pacem.

440 Hostias tibi, Domine, placationis offerimus, ut et delicta nostra miseratus absolvas, et nutantia corda tu dirigas.

440 Hanc igitur oblationem, Domine, quam tibi offerimus pro peccatis atque offensionibus nostris, ut omnium delictorum nostrorum remissionem consequi mereamur, quaesumus, Domine, ut placatus accipias.

440 Praesta nobis aeterne salvator, ut percipientes hoc munere veniam peccatorum, deinceps peccata vitemus.

440 Deus, cui proprium est misereri semper et parcere, suscipe deprecationem nostram, et quos delictorum catena constringit, miseratio tuae pietatis absolvat.

441 Omnipotens et misericors Deus ab illorum nos, quaesumus, turbine fac quietos, quia bona nobis cuncta praestabis, si pacem dederis et mentis et corporis.

441 Omnipotens Deus Romani nominis inimicos, virtute, quaesumus, tuae conprime maiestatis, ut populus tuus et fidei integritate laetetur, et temporum tranquillitate semper exsultet.

441 Deus regnorum omnium refugiumque dominator, qui nos et percutiendo sanas et ignoscendo conservas, praetende nobis misericordiam tuam, ut tranquillitate pacis tua potestate firmata, ad remedia correctionis utamur.

441 Deus cuius regnum regnum est omnium saeculorum, supplicationes nostras clementer exaudi, et Christianorum regnum tibi subditum protege, ut in tua virtute fidentes, et tibi placeant, et super omnia regna praecellant.

442 Deus, qui conteris bella et impugnatores in te sperantium potentiae tuae defensionis expugnas, auxiliare implorantibus misericordiam tuam, ut omni gentium feritate conpressa, indefessa te gratiarum actione laudemus.

442 Sacrificium, Domine, quod immolamus intende, ut ab omni nos exuat bellorum nequitia, et in tuae protectionis securitate constituat.

442 Sacrosancti corporis et sanguinis Domini nostri Iesu Christi refectione vegetati, supplices te rogamus omnipotens Deus, ut hoc remedio singulari, ab omnium peccatorum nos contagione purifices, et a periculorum munias incursione cunctorum.

442 Hostium nostrorum, quaesumus, Domine, elide superbiam, et dexterae tuae virtute prosterne.

442 Omnipotens Deus Christiani nominis inimicos, virtute, quaesumus, tuae conprime maiestatis, ut populus tuus et fidei integritate laetetur, et temporum tranquillitate semper exsultet.

443 Huius, Domine, quaesumus, virtute mysterii, et a nostris mundemur occultis, et ab inimicorum liberemur insidiis.

443 Vivificet nos, quaesumus, Domine, participatio tui sancta mysterii, et pariter nobis expiationem tribuat, et munimen.

443 Deus, qui providentia tua caelestia simul et terrena moderaris, propitiare Christianorum rebus et regibus, ut omnis hostium fortitudo te pro nobis pugnante frangatur.

443 Deus servientium tibi fortitudo regnorum, propitius Christianorum adesto semper principibus, ut quorum tibi subiecta est humilitas, eorum ubique excellentior sit potestas.

443 Propitiare, Domine, precibus et hostiis famulorum tuorum, et propter nomen tuum Christiani nominis defende rectores, ut salus servientium tibi principum, pax tuorum possit esse populorum.

444 Protege, Domine, famulos tuos subsidiis pacis et corporis, et spiritalibus enutriens eos alimentis, a cunctis hostibus redde securos.

444 Deus a quo sancta desideria recta consilia et iusta sunt opera, da servis tuis illam quam mundus dare non potest pacem, ut et corda nostra mandatis tuis dedita, et hostium sublata formidine, tempora sint tua protectione tranquilla.

444 Deus, qui credentes in te populos nullis sinis concuti terroribus, dignare preces et hostias dicatae tibi plebis suscipere, ut pax tua pietate concessa, Christianorum fines ab omni hoste faciat esse securos.

444 Deus auctor pacis et amator, quem nosse vivere, cui servire regnare est, protege ab omnibus impugnationibus supplices tuos, ut, qui in defensione tua confidimus, nullius hostilitatis arma timeamus.

445 Ineffabilem misericordiam tuam, Domine, nobis clementer ostende, ut simul nos et a peccatis exuas, et a poenis quas pro his meremur eripias.

445 Purificet nos, Domine, quaesumus, muneris praesentis oblatio, et dignos sacra participatione perficiat.

445 Praesta, Domine, quaesumus, ut terrenis affectibus expiati, ad superni plenitudinem sacramenti, cuius libavimus sancta tendamus.

445 Deus, qui laboribus hominum etiam clementis animalibus solatia subrogasti, supplices te rogamus, ut sine quibus non alitur humana condicio, nostris facias usibus non perire.

445 Sacrificiis, Domine, placatus oblatis, opem tuam nostris temporibus clementer inpende.

446 Benedictionem tuam, Domine, populus fidelis accipiat, qua corpore salvatus ac mente, et congruam tibi exhibeat servitutem, et propitiationis tuae beneficia semper inveniat.

446 Averte, Domine, quaesumus, a fidelibus tuis cunctos miseratus errores, et saevientium morborum depelle perniciem, ut quos merito flagellas devios, foveas tua miseratione correctos.

446 Omnipotens sempiterne Deus, qui superbis resistis et gratiam praestas humilibus, tribue, quaesumus, ut non indignationem tuam provocemus elati, sed propitiationis tuae capiamus dona subiecti.

446 Ab omni reatu nos, Domine, sancta, quae tractamus absolvant, et eadem muniant a totius pravitatis incursu.

446 Quos refecisti, Domine, caelesti mysterio, propriis et alienis, quaesumus, propitiatus absolve delictis, ut divino munere purificatis mentibus perfruamur.

447 Praesta, quaesumus, omnipotens Deus, ut semper rationabilia meditantes, quae tibi sunt placita, et dictis exsequamur et factis.

447 Ecclesiae tuae, Domine, preces placatus admitte, ut destitutis adversitatibus universis, secura tibi serviat libertate.

447 Protege nos, Domine, quaesumus, tuis mysteriis servientes, ut divinis rebus et corpore famulemur et mente.

447 Quaesumus, Domine, Deus noster, ut quos divina tribuis participatione gaudere, humanis non sinas subiacere periculis.

447 Praesta, quaesumus, Domine, ut mentium reproborum non curemus obloquium, sed eadem pravitate calcata, exoramus, ut nec terreri nos lacerationibus patiaris iniustis, nec captiosis adolationibus implicari, sed potius amare, quae praecipis.

448 Oblatio, Domine, tuis aspectibus immolanda, quaesumus, ut et nos ab omnibus vitis potenter absolvat, et a cunctis defendat inimicis.

448 Praesta, Domine, quaesumus, ut per haec sancta, quae sumpsimus, dissimulatis lacerationibus improborum, eadem te gubernante, quae recta sunt cautius exsequamur.

448 Terram tuam, Domine, quam videmus nostris iniquitatibus tabescentem, caelestibus aquis infunde, atque inriga beneficiis gratiae sempiternae.

448 Da nobis, Domine, quaesumus, pluviam salutarem, et aridam terrae faciem, fluentis caelestibus dignanter infunde.

448 Omnipotens sempiterne Deus, qui salvas omnes et neminem vis perire, aperi fontem benignitatis tuae, et terram aridam aquis fluenti caelestis dignanter infunde.

449 Deus in quo vivimus movemur et sumus, pluviam nobis tribue congruentem, ut praesentibus subsidiis sufficienter adiuti, sempiterna fiducialius appetamus.

449 Delicta fragilitatis nostrae, Domine, quaesumus, miseratus absolve, et aquarum subsidia praebe caelestium quibus terrena condicio vegetata subsistat.

449 Oblatis, Domine, placare muneribus, et oportunum nobis tribue pluviae sufficientis auxilium.

449 Tuere nos, Domine, quaesumus, tua sancta sumentes, et ab omnibus propitius absolve peccatis.

449 Domine Deus, qui in mysterio aquarum salutis tuae nobis sacramenta sanxisti, exaudi orationem populi tui, et iube terrores inundantium cessare pluviarum, flagellumque huius elementi ad effectum tui converte mysterii, ut, qui se regenerantibus aquis gaudent renatos, gaudeant his castigantibus esse correctos.

450 Quaesumus, omnipotens Deus, clementiam tuam, ut inundandam coherceas imbrium, et hilaritatem tui vultus, nobis inpertire digneris.

450 Ad te nos, Domine, clamantes exaudi, et aeris serenitatem nobis tribue supplicantibus, ut, qui pro peccatis nostris iuste affligimur, misericordia tua praeveniente, clementiam sentiamus.

450 Praeveniat nos, quaesumus, Domine, gratia tua semper et subsequatur, et has oblationes quas pro peccatis nostris nomini tuo consecrandas deferimus benignus assume, ut per intercessionem sanctorum tuorum, cunctis nobis proficiant ad salutem.

450 Plebs tua, Domine, capiat sacrae benedictionis augmentum, et copiosis beneficiorum tuorum sublevetur auxiliis, quae tantis intercessionum deprecationibus adiuvatur.

450 Deus, qui omnium rerum tibi servientium naturam per ipsos motus aeris ad cultum tuae maiestatis instituis, tranquillitatem nobis misericordiae tuae remotis largire terroribus, ut cuius iram expavimus, clementiam sentiamus.

451 A domo tua, quaesumus, Domine, spiritales nequitiae repellantur, et aeriarum descendat malignitas tempestatum.

451 Offerimus, Domine, laudes et munera pro concessis beneficiis gratias referentes, et pro concedendis semper suppliciter deprecantes.

451 Omnipotens sempiterne Deus, qui nos et castigando sanas et ignoscendo conservas, praesta supplicibus tuis, ut et tranquillitatibus huius optatae consolationis laetemur, et dono tuae pietatis semper utamur.

451 Exaudi, Domine, preces nostras et tibi confit entium parce peccatis, ut quos conscientiae reatus accusat, indulgentia tuae miserationis absolvat.

452 Praeveniat hunc famulum tuum, quaesumus, Domine, misericordia tua, ut omnes iniquitates eius, celeri indulgentia deleantur.

452 Adesto, Domine, supplicationibus nostris nec sit ab hoc famulo tuo clementiae tuae longinqua miseratio, <sana vulnera> eiusque remitte peccata, ut nullis a te iniquitatibus separatus, tibi Domino semper valeat adhaerere.

452 Domine Deus noster, qui offensione nostra non vinceris sed satisfactione placaris, respice, quaesumus, ad hunc famulum tuum, qui se tibi peccasse graviter confitetur. Tuum est ablutionem criminum dare et veniam praestare peccantibus, qui dixisti paenitentiam te malle peccatorum quam mortem. Concede ergo, Domine, hoc, ut tibi paenitentiae excubias celebret, et correctis actibus suis conferri sibi a te sempiterna gaudia gratuletur.

452 Adesto, Domine, supplicationibus nostris et me, qui etiam misericordia tua primus indigeo clementer exaudi, ut quem non electione meriti sed dono gratiae tuae constituisti operis huius ministrum, da fiduciam tui muneris exsequendi, et ipse in nostro ministerio, quod tuae pietatis est operare.

453 Praesta, quaesumus, Domine, huic famulo tuo dignum paenitentiae fructum, ut Ecclesiae tuae sanctae, a cuius integritate deviarat peccando, admissorum reddatur innoxius veniam consequendo.

453 Deus humani generis benignissime conditor et misericordissime reformator, qui hominem invidia diaboli ab aeternitate delectum unici Filii tui sanguine redemisti, vivifica hunc famulum tuum quem tibi nullatenus mori desideras, et, qui non derelinquis devium, assume correctum. Moveant pietatem tuam, quaesumus, Domine, huius famuli tui lacrimosa suspiria, tu eius medere vulneribus, tu iacenti manum porrige salutarem, ne ecclesia tua aliqua sui corporis portione vastetur, ne grex tuus detrimentum sustineat, ne de familiae tuae damno inimicus exsultet, ne renatum lavacro salutari, mors secunda possideat. Tibi ergo, Domine, supplices preces, tibi fletum cordis effundimus, tu parce confitenti, ut, sic in hac mortalitate peccata sua te adiuvante defleat, qualiter in tremendi iudicii die, sententiam damnationis aeternae evadat, et nesciat, quod terret in tenebris, quod stridet in flammis, atque ab erroris via, ad iter reversus iustitiae, nequaquam ultra vulneribus saucietur, sed integrum sit ei atque perpetuum, et, quod gratia tua contulit, et, quod misericordia reformavit. Per eundem.

453 Deus, qui famulo tuo Ezechiae ter quinos annos ad vitam donasti, ita et famulum tuum illum a lecto aegritudinis tua potentia erigat ad salutem.

454 Respice, Domine, [super] famulum tuum illum in infirmitate sui corporis laborantem, et animam Refove quam creasti, ut castigationibus emendata, continuo se sentiat tua medicina salvatum.

454 Deus, qui facturae tuae pio semper dominaris affectu, inclina aurem tuam supplicationibus nostris, et famulum tuum illum ex adversa valitudine corporis laborantem placatus respice, et visita in salutari tuo ac caelestis gratiae praesta medicinam.

454 Deus, qui humano generi et salutis remedium et vitae aeternae munera contulisti, conserva famulo tuo illo tuarum dona virtutum, et concede, ut medelam tuam non solum in corpore, sed etiam in anima sentiat.

454 Virtutum caelestium Deus, qui ab humanis corporibus omnem languorem et omnem infirmitatem praecepti tui potestate depellis, adesto propitius huic famulo tuo illo, ut fugatis infirmitatibus et viribus receptis, nomen sanctum tuum instaurata protinus sanitate benedicat.

454 Domine sancte Pater omnipotens aeterne Deus, qui fragilitatem condicionis nostrae infusa virtutis tuae dignatione confirmas, ut salutaribus remediis pietatis tuae corpora nostra et membra vegetentur, super hunc famulum tuum propitiatus intende, ut omni necessitate corporeae infirmitatis exclusa, gratia in eo pristinae sanitatis perfecta reparetur.

455 Omnipotens, sempiterne Deus, salus aeterna credentium exaudi nos pro famulis tuis ill. pro quibus misericordiae tuae imploramus auxilium, ut reddita sibi sanitate, gratiarum tibi in ecclesia tua referant actionem.

455 Deus cuius nutibus vitae nostrae momenta decurrunt, suscipe preces et hostias famulorum famularumque tuarum pro quibus misericordiam tuam aegrotantibus imploramus, ut de quorum periculo metuimus, de eorum salute laetemur.

455 Deus infirmitatis humanae singulare praesidium, auxilii tui super infirmos nostros ostende virtutem, ut ope misericordiae tuae adiuti, Ecclesiae tuae sanctae repraesentari mereantur.

456 Domine sancte Pater omnipotens aeterne Deus, qui benedictionis tuae gratiam aegris infundendo corporibus, facturam tuam multiplici pietate custodis, ad invocationem nominis tui benignus adsiste, et hunc famulum tuum illum, liberatum aegritudine et sanitate donatum, dextera tua erigas, virtute confirmes, potestate tuearis, Ecclesiae tuae sanctisque altaribus tuis cum omni desiderata prosperitate restituas.

456 Deus misericors Deus clemens, qui secundum multitudinem miserationum tuarum peccata paenitentium deles, et praeteritorum criminum culpas venia remissionis evacuas, respice super hunc famulum tuum et remissionem sibi omnium peccatorum suorum tota cordis confessione poscentem deprecatus exaudi, renova in eo piissime Pater quicquid terrena fragilitate corruptum, vel quicquid diabolica fraude violatum est, et in unitate corporis Ecclesiae tuae membrorum perfecta remissione restitue, miserere, Domine, gemituum, miserere lacrimarum, et non habentem fiduciam nisi in tua misericordia, ad sacramentum reconciliationis admitte.

457 Maiestatem tuam, Domine, supplices deprecamur, ut huic famulo tuo ill., longo squalore paenitentiae macerato, miserationis tuae veniam largiri digneris, ut nuptiali veste recepta, ad regalem mensam unde electus fuerat, mereatur introire.

457 Pio recordationis affectu fratres carissimi, commemorationem facimus cari nostri illius quem Dominus de tentationibus huius saeculi assumpsit, obsecrantes misericordiam dei nostri, ut ipse ei tribuere dignetur placidam et quietam mansionem, et remittat omnes lubricae temeritatis offensas, ut concessa venia plenae indulgentiae, quicquid in hoc saeculo proprio reatu deliquit, totum ineffabili pietate ac benignitate sua deleat et abstergat. Quod ipse praestare dignetur, qui cum Patre et spiritu sancto vivit et regnat Deus, per omnia saecula saeculorum. Amen.

458 Deus, cui omnia vivunt, et, cui non pereunt moriendo corpora nostra sed mutantur in melius, te supplices deprecamur, ut suscipi iubeas animam famuli tui illius per manus sanctorum angelorum tuorum, deducendam in sinum amici tui Abrahae patriarchae, resuscitandamque in novissimo magni iudicii die, et quicquid vitiorum fallente diabolo contraxit, tu pius et misericors ablue indulgendo.

458 Suscipe, Domine, animam serui tui illius quam de ergastulo huius saeculi vocare dignatus es, et libera eam de principibus tenebrarum et de locis poenarum, ut absoluta omnium vinculo peccatorum, quietis ac lucis aeternae beatitudine perfruatur, et inter sanctos et electos suos in resurrectionis gloriam, resuscitari mereatur.

458 Non intres in iudicio cum servo tuo, Domine, ill., quoniam nullus apud te iustificabitur homo, nisi per te omnium peccatorum tribuatur remissio, non ergo eum tua, quaesumus, iudicialis sententia premat, quem tibi vera supplicatio fidei Christianae commendat, sed gratia tua illi succurrente mereatur evadere iudicium ultionis, qui dum viveret insignitus est signaculo Trinitatis.

459 Fac, quaesumus, Domine, hanc cum servo tuo defuncto illo misericordiam, ut factorum suorum in poenis non recipiat vicem, qui tuam in votis tenuit voluntatem, ut, sicut hic eum vera fides iunxit fidelium turmis, ita eum illic tua miseratio societ angelicis choris.

459 Inclina, Domine, aurem tuam ad preces nostras quibus misericordiam tuam supplices deprecamur, ut animam famuli tui illius quam de hoc saeculo migrare iussisti, in pacis ac lucis regione constituas, et sanctorum tuorum iubeas esse consortem.

459 Absolve, Domine, animam famuli tui illius, ab omni vinculo delictorum, ut in resurrectionis gloria, inter sanctos tuos resuscitatus respiret.

459 Annue nobis, Domine, ut animam famuli tui illius, remissionem quam semper optavit, mereatur percipere peccatorum.

459 In memoria aeterna erit iustus.

459 Ne tradas bestiis animas confitentium tibi.

460 Pretiosa in conspectu Domini mors sanctorum eius.

460 Non intres in iudicio cum servo tuo.

460 Requiem aeternam dona ei Domine.

460 Deus vitae dator et humanorum corporum reparator, qui te a peccatoribus exorari voluisti, exaudi preces quas speciali devotione pro anima famuli tui ill. tibi lacrimabiliter fundimus, ut liberare eam ab inferorum cruciatibus, et collocare inter agmina sanctorum tuorum digneris, veste quoque caelesti et stola immortalitatis indui, et paradisi amoenitate confoveri iubeas.

460 Deus, qui humanarum animarum aeternus amator es, animam famuli tui illius quam vera dum in corpore maneret tenuit fides, ab omni cruciatu inferorum redde extorrem, ut segregata ab infernalibus claustris, sanctorum mereatur adunari consortiis.

460 Obsecramus misericordiam tuam aeterne omnipotens Deus, qui hominem ad imaginem tuam creare dignatus es, ut spiritum et animam famuli tui illius, quem hodierna die rebus humanis eximi, et ad te accersire iussisti, blande et misericorditer suscipias, non ei Dominentur umbrae mortis, nec tegat eum chaos et caligo tenebrarum, sed exutus omnium criminum labe, in sinu Abrahae patriarchae collocatus, locum lucis et refrigerii se adeptum esse gaudeat, et cum dies iudicii advenerit, cum sanctis et electis tuis, eum resuscitari iubeas.

461 Deus apud quem mortuorum spiritus vivunt, et in quo electorum animae deposito camis onere plena felicitate laetantur, praesta supplicantibus nobis, ut anima famuli tui illius, quae temporali per corpus visionis huius luminis caruit visu, aeternae illius lucis solatio potiatur, non eum tormentum mortis attingat, non dolor horrendae visionis afficiat, non poenalis timor excruciet, non reorum proxima catena constringat, sed concessa sibi delictorum omnium venia optatae quietis consequatur gaudia repromissa.

461 Oremus fratres carissimi pro spiritu cari nostri illius quem Dominus de laqueo huius saeculi liberare dignatus est, cuius corpusculum hodie sepulturae traditur, ut eum pietas Domini in sinu Abrahae et Isaac et Iacob collocare dignetur, ut cum dies iudicii advenerit, inter sanctos et electos suos eum in parte dextera collocandum resuscitari faciat, praestante Domino nostro Iesu Christo, qui cum Patre et spiritu sancto vivit et regnat Deus, per omnia saecula saeculorum. Amen.

462 Deus, qui iustis supplicationibus semper praesto es, qui pia vota dignaris intueri, da famulo tuo illo cuius depositioni hodie officia humanitatis exhibemus, cum sanctis atque fidelibus tuis, beati muneris portionem.

462 Debitum humani corporis sepeliendi officium fidelium more complentes, deum, cui omnia vivunt fideliter deprecemur, ut hoc corpus cari nostri illius a nobis in infirmitate sepultum, in ordine sanctorum suorum resuscitet, et eius spiritum sanctis ac fidelibus aggregari iubeat, cum quibus inenarrabili gloria et perenni felicitate perfrui mereatur, praestante Domino nostro Iesu Christo, qui cum Patre et spiritu sancto vivit et regnat Deus, per.

462 Temeritatis quidem est, Domine, ut homo hominem, mortalis mortalem, cinis cinerem, tibi Domino Deo nostro audeat commendare, sed quia terra suscipit terram, et pulvis convertitur in pulverem, donec omnis caro in suam redigatur originem, inde tuam Deus piissime Pater lacrimabiliter, quaesumus, pietatem, ut huius famuli tui illius animam quam de huius mundi voragine caenulenta ducis ad patriam, Abrahae amici tui sinu recipias, et refrigerii rore perfundas, sit ab aestuantis gehennae truci incendio segregatus, et beatae requiei te donante coniunctus, et si, quae illi sunt, Domine, dignae cruciatibus culpae, tu eas gratiae mitissimae lenitate indulge, nec peccati recipiat vicem, sed indulgentiae tuae piam sentiat bonitatem, eumque finito mundi termino supernum cunctis inluxerit regnum, omnium sanctorum coetibus aggregatus, cum electis resurgat in parte dexterae coronandus.

463 Tibi, Domine, commendamus animam famuli tui illius, ut defunctus saeculo tibi vivat, et si qua per fragilitatem mundanae conversationis peccata ammisit, tu venia misericordissimae pietatis absterge.

463 Omnipotens sempiterne Deus, cui numquam sine spe misericordiae supplicatur, propitiare animae famuli tui illius, ut, qui de hac vita in tui nominis confessione discessit, sanctorum tuorum numero facias aggregari.

463 Propitiare, quaesumus, Domine, animae famuli tui ill. pro qua tibi hostias placationis offerimus, et quia in hac luce in fide mansit catholica, in futura vita eius retributio condonetur.

464 Hanc igitur oblationem, quam tibi pro requie animae famuli tui ill. offerimus, quaesumus, Domine, placatus accipias, et tua pietate concedas, ut mortalitatis nexibus absoluta, inter fideles tuos mereatur habere portionem. Per Christum.

464 Praesta, quaesumus, omnipotens Deus, ut animam famuli tui ill. ab angelis lucis susceptam, in praeparatis habitaculis, deduci facias beatorum.

464 Deus, qui ad caeleste regnum non nisi renatis per aquam et Spiritum Sanctum pandis introitum, multiplica super animam famuli tui illius misericordiam tuam, et, cui donasti caelestem et incontaminatum transitum post baptismi sacramentum, da ei aeternorum plenitudinem gaudiorum.

464 Propitiare, Domine, supplicationibus nostris pro anima famuli tui illius, pro qua tibi offerimus sacrificium laudis, ut eam sanctorum tuorum consortio sociare digneris.

465 Hanc igitur oblationem, quam tibi offerimus, Domine, pro anima famuli tui illius benignus assume, eumque regenerationis fonte purgatum, et periculis vitae huius exutum, beatorum numero digneris inserere spirituum. Quam oblationem.

465 Propitiare, Domine, animae famuli tui illius, ut quem in fine istius vitae regenerationis fonte mundasti, ad caelestis regni beatitudinem facias pervenire.

465

465 Omnipotens et misericors Deus, in cuius humana condicio potestate consistit, animam famuli tui illius, quaesumus, ab omnibus absolve peccatis, et paenitentiae fructum quem voluntas eius optavit, praeventus mortalitatis non perdat.

466 Satisfaciat tibi, Domine, quaesumus, pro anima famuli tui illius sacrificii praesentis oblatio, et peccatorum veniam quam quaesivit inveniat, et, quod officio linguae implere non potuit, desideratae paenitentiae conpensatione percipiat.

466 Hanc igitur oblationem quam tibi offerimus pro anima famuli tui illius, cuius depositionis diem ill. celebramus, quaesumus, Domine, ut placatus accipias, et ineffabili pietate concedas, ut, quod exsequi praeventus condicione mortali ministerio linguae non potuit, mereatur indulgentia sempiterna. Diesque nostros.

466 Deus a quo speratur humani corporis omne, quod bonum est, tribue per haec sancta quaesumus, ut, sicut animae famuli tui illius paenitentiae velle donasti, sic indulgentiam tribue miseratus optatam.

466 Praesta, Domine, quaesumus, <ut> anima famuli tui illius, cuius anniversarium depositionis diem celebramus, his purgata sacrificiis, indulgentiam pariter et requiem capiat sempiternam.

467 Propitiare, Domine, supplicationibus nostris pro anima et spiritu famuli tui illius cuius hodie annua dies agitur, pro qua tibi offerimus sacrificium laudis, ut eam sanctorum tuorum consortio sociare digneris.

467 Hanc igitur oblationem <Domine> quam tibi offerimus pro anima famuli tui ill., cuius hodie annua dies agitur, quaesumus, placatus intende, eamque mortalitatis nexibus absolutam, inter tuos fideles ministros habere perpetuam iubeas portionem. Quam oblationem.

467 Suscipe, Domine, preces nostras pro anima famuli tui illius, ut si, quae ei maculae de terrenis contagiis adhaeserunt, remissionis tuae misericordia deleantur.

467 Propitiare, quaesumus, Domine, animabus famulorum famularumque tuarum misericordia sempiterna, ut mortalibus nexibus expeditae, lux eas aeterna possideat.

468 Hostias tibi, Domine, humili placatione deferimus, ut animae famulorum famularumque tuarum per haec placationis officia, tuam misericordiam consequantur.

468 Hanc igitur oblationem quam tibi pro requie animarum famulorum famularumque tuarum offerimus, quaesumus, Domine, propitius intuere, et concede, ut mortuis prosit ad veniam, quod cunctis viventibus praeparare dignatus es ad medelam. Diesque nostros.

468 Inveniant, quaesumus, Domine, animae famulorum famularumque tuarum illorum et illarum, omniumque in Christo quiescentium, lucis aeternae consortium, qui in hac luce positi, tuum consecuti sunt sacramentum.

468 Fidelium Deus omnium conditor et redemptor animabus famulorum famularumque tuarum, remissionem cunctorum tribue peccatorum, ut indulgentiam quam semper optaverunt, piis supplicationibus consequantur.

469 Hostias, quaesumus, Domine, quas tibi pro animabus famulorum famularumque tuarum offerimus propitiatus intende, ut quibus fidei Christianae meritum contulisti, dones et praemium.

469 Hanc igitur oblationem quam tibi pro commemoratione animarum in pace dormientium suppliciter immolamus, quaesumus, Domine, benignus accipias, et tua pietate concedas, ut et nobis proficiat huius pietatis affectus, et illis impetret beatitudinem sempiternam. Quam oblationem tu deus.

469 Animabus, quaesumus, Domine, famulorum famularumque tuarum illorum et illarum, oratio proficiat supplicantium, ut eas et a peccatis exuas, et tuae redemptionis facias esse participes.

469 Animabus, quaesumus, Domine, famulorum famularumque tuarum misericordiam concede perpetuam, ut eis proficiat in aeternum, quod in te speraverunt et crediderunt.

470 His, quaesumus, Domine, placatus intende muneribus, et, quod ad laudem tui nominis supplicantes offerimus, ad indulgentiam proficiat defunctorum.

470 Supplices, quaesumus, Domine, pro animabus famulorum famularumque tuarum preces effundimus sperantes, ut quicquid conversatione contraxerunt humana, et clementer indulgeas, et in tuorum sede laetantium constituas redemptorum.

470 Deus cuius miseratione animae fidelium requiescunt, famulis tuis illis et illis vel omnibus hic in Christo quiescentibus da propitius veniam peccatorum, ut a cunctis reatibus absoluti, sine fine laetentur.

470 Pro animabus famulorum tuorum illorum et illarum et hic omnium catholicorum dormientium hostiam, Domine, suscipe benignus oblatam, ut hoc sacrificio singulari, vinculis horrendae mortis exuti, vitam mereantur aeternam.

471 Hanc igitur oblationem quam tibi offerimus, Domine, pro tuorum requie famulorum et famularum illorum et illarum, et omnium fidelium catholicorum orthodoxorum in hac basilica in Christo quiescentium, et, qui in circuitu huius ecclesiae requiescunt, quaesumus, Domine, placatus accipias, ut per haec salutis humanae subsidia, in tuorum numero redemptorum sorte perpetua censeantur.

471 Deus fidelium lumen animarum adesto supplicationibus nostris, et da famulis vel famulabus tuis ill. et ill. vel quorum corpora hic requiescunt, refrigerii sedis, quietem beatitudinem, luminis claritatem.

471 Sanctorum tuorum intercessionibus, quaesumus, Domine, et nos protege et famulis et famulabus tuis quorum commemorationem agimus, vel quorum elemosinas recepimus, seu etiam his, qui nobis familiaritate iuncti sunt, misericordiam tuam ubique praetende, ut ab omnibus impugnationibus defensi, tua opitulatione salventur, et animas famulorum famularumque tuarum, omnium videlicet fidelium catholicorum orthodoxorum quorum commemorationem agimus, et quorum corpora in hoc monasterio requiescunt, vel quorum nomina ante sanctum altare tuum scripta adesse videntur, electorum tuorum iungere digneris consortio.

472 Propitiare, Domine, supplicationibus nostris, et has oblationes quas pro incolumitate famulorum famularumque tuarum, et pro animabus omnium fidelium catholicorum orthodoxorum, quorum nomina ante sanctum altare tuum scripta adesse videntur, nomini tuo consecrandas deferimus, benignus assume, ut sacrificii praesentis oblatio ad refrigerium animarum eorum, te miserante perveniat.

472 Purificet nos, quaesumus, Domine, et divini sacramenti perceptio, et gloriosa sanctorum tuorum oratio, et animabus famulorum famularumque tuarum quorum commemorationem agimus, remissionem cunctorum tribue peccatorum.

472 Exorcizo te creatura salis per Deum vivum, per Deum verum, per Deum sanctum, per deum, qui te per Elisaeum prophetam in aquam mitti iussit, ut sanaretur sterilitas aquae, ut efficiaris sal exorcizatum in salutem credentium, et sis omnibus te sumentibus sanitas animae et corporis, et effugiat atque discedat ab eo loco quo aspersus fueris, omnis phantasia et nequitia vel versutia diabolicae fraudis, omnisque spiritus inmundus adiuratus per eum, qui venturus est iudicare vivos et mortuos, et saeculum per ignem.

473 Inmensam clementiam tuam omnipotens aeterne Deus humiliter imploramus, ut hanc creaturam salis quam in usum generis humani tribuisti, bene -p dicere et sanctificare tua pietate digneris, ut sit omnibus sumentibus salus mentis et corporis, et quicquid eo tactum vel respersum fuerit, careat omni immunditia omnique impugnatione spiritalis nequitiae.

473 Exorcizo te creatura aquae in nomine dei Patris omnipotentis, et in nomine Iesu Christi Filii eius Domini nostri, ut fias aqua exorcizata ad effugandam omnem potestatem inimici, et ipsum inimicum eradicare et explantare cum angelis suis apostaticis, per virtutem Domini nostri.

474 Deus, qui ad salutem humani generis maxima quaeque sacramenta in aquarum substantia condidisti, adesto invocationibus nostris, et elemento huic multimodis purificationibus praeparato, virtutem tuae benedictionis effunde, ut creatura mysterii tui tibi serviens, ad abiciendos daemones morbosque pellendos, divinae gratiae sumat effectum, ut quicquid in domibus vel in locis fidelium haec unda resperserit, careat inmunditia, liberetur a noxia, non illic resedeat spiritus pestilens, non aura corrumpens, discedant omnes insidiae latentis inimici, et si quid est, quod aut incolumitati habitantium invidet aut quieti, aspersione huius aquae effugiat, ut salubritas per invocationem tui nominis expetita, ab omnibus sit impugnationibus defensa.

474 Deus invictae virtutis auctor et inseparabilis imperii rex ac semper magnificus triumphator, qui adversae dominationis vires reprimis, qui inimici rugientis saevitiam superas, qui hostiles nequitias potens expugnas, te, Domine, trementes et supplices deprecamur ac petimus, ut hanc creaturam salis et aquae dignanter accipias, benignus illustres, pietatis tuae more sanctifices, ut ubicumque fuerit aspersa, per invocationem sancti tui nominis omnis infestatio inmundi spiritus abiciatur, terrorque venenosi serpentis procul pellatur, et praesentia Sancti Spiritus nobis misericordiam tuam poscentibus ubique adesse dignetur. Per dominum nostrum Iesum Christum Filium tuum, qui tecum vivit et regnat Deus in unitate eiusdem Spiritus Sancti, per omnia saecula saeculorum. Amen.

475 Exaudi nos, Domine, sancte Pater omnipotens sempiterne Deus, et mittere dignare angelum tuum sanctum de caelis, qui custodiat, foveat, protegat, visitet et defendat omnes habitantes in hoc habitaculo.

475 Adesto, Domine, supplicationibus nostris et hanc domum serenis oculis tuae pietatis illustra, descendat super habitantes in ea gratiae tuae larga benedictio, ut in his manufactis habitaculis cum salubritate manentes, ipsi tuum semper sint habitaculum.

475 Exaudi nos, Domine, sancte Pater omnipotens aeterne Deus, ut si qua sunt adversa, si qua contraria in hac domo famuli tui illius, auctoritate maiestatis tuae pellantur.

476 Omnipotens, sempiterne Deus, parce metuentibus, et propitiare supplicibus, ut post noxios ignes nubium et vim procellarum, in materiam transeat laudis, comminatio potestatis.

476 Omnipotens sempiterne Deus, insere te officiis nostris, et haec vascula arta fabricata gentilium, sublimitatis tuae potentia ita emundare digneris, ut omni inmunditia depulsa, sint tuis fidelibus tempore pacis atque tranquillitatis utenda.

476 Deprecamur, Domine, clementiam pietatis tuae, ut aquam putei huius caelesti benedictione sanctifices, et ad communem vitam concedas salubrem, et ita ex eo fugare digneris omnem diabolicae tentationis incursum, ut quicumque ex eo ab hinc hauserit biberitve, vel in quibuslibet necessariis usibus hausta aqua usus fuerit, totius virtutis ac sanitatis dulcedine perfruatur, ut tibi semper sanctificatori et salvatori omnium Domino, gratias agere mereatur.

477 Benedic, Domine, hos fructus novos uvae sive favae quos tu, Domine, per rorem caeli et inundantiam pluviarum et tempora serena atque tranquilla ad maturitatem perducere dignatus es, ad percipiendum nobis cum gratiarum actione, in nomine Domini nostri Iesu Christi. Qui tecum vivit.

477 Domine sancte Pater omnipotens aeterne Deus, qui caelum et terram mare et omnia creasti, te supplices, quaesumus, ut hunc fructum notium benedicere et sanctificare digneris, et multiplicare abundanter offerentibus tibi, ut repleas illorum cellaria cum fortitudine frumenti et vini, ut laetantes in eis, referant tibi Deo omnipotenti laudes et gratias.

478 Benedic, Domine, creaturam istam, ut sit remedium salutare generi humano, et praesta per invocationem nominis tui, ut quicumque ex ea sumpserit, corporis sanitatem et animae tutelam percipiat.

478 Benedic, Domine, creaturam istam panis, sicut benedixisti quinque panes in deserto, ut omnes gustantes ex eo accipiant tam corporis quam animae sanitatem. Qui vivis cum Deo patre.

478 Refice nos, Domine, donis tuis, et opulentiae tuae largitate sustenta.

478 Benedic, Domine, dona tua, quae de tua largitate sumus sumpturi.

479 Benedicantur nobis, Domine, tua dona, quae de tua largitate nobis ad remedium deducta sunt. Qui es Deus benedictus et regnas per omnia saecula saeculorum.

479 Sanctae Dei Genitricis Mariae gloriosae et intemeratae virginis orationibus, quod nobis appositum est redemptor omnium benedicat.

479 Beati Petri principis apostolorum intercessionibus, quae nobis ad medium sunt prolata, Christus dei filius benedicat.

479 Satiati, Domine, opulentiae tuae donis tibi gratias agimus, pro his, quae te largiente suscepimus obsecrantes misericordiam tuam, ut, quod corporibus nostris necessarium fuit, mentibus non sit honerosum.

479 Satiasti nos, Domine, de tuis donis ac datis, reple nos de tua misericordia, quia tu es Deus benedictus, qui cum Patre et spiritu sancto vivis et regnas Deus, per omnia saecula saeculorum. Amen.

480 Omnipotens et misericors Deus, qui sacerdotum ministerio ad tibi serviendum et supplicandum uti dignaris, quaesumus, immensam clementiam tuam, ut quicquid modo visitamus visites, quicquid benedicimus benedicas, sitque ad nostrae humilitatis introitum, sanctorum tuorum meritis, fuga daemonum, angeli pacis ingressus.

480 Deus, qui famulantibus tibi mentis et corporis subsidia misericorditer largiris, praesta, quaesumus, ut, quae hic pietas tua in usus et necessaria corporum famulorum tuorum contulit, clementer abundare et conservare facias, ut his exterius utentes, interius indumento amicti iustitiae, devoti semper tibi existere mereantur.

480 Omnipotens et misericors Deus, qui famulos tuos in hac domo alis refectione carnali, cibum vel potum te benedicente cum gratiarum actione percipiant, et hic et in aeternum, per te semper salui esse mereantur.

481 Benedic, Domine, hoc famulorum tuorum dormitorium, qui non dormis neque dormitas, qui custodis Israel, famulos tuos in hac domo quiescentes post laborem custodi ab illusionibus phantasmaticis satanae vigilantes in praeceptis tuis meditentur, dormientes te per soporem sentiant, et hic et ubique defensionis tuae auxilio muniantur.

481 Omnipotens et misericors Deus, qui ubique praesens es, maiestatem tuam suppliciter deprecamur, ut huic promptuario gratia tua adesse dignetur, quae cuncta adversa ab eo repellat, et abundantiam benedictionis tuae largiter infundat.

481 Benedicere digneris, Domine, hoc scriptorium famulorum tuorum et omnes habitantes in eo, ut quicquid hic divinarum scripturarum ab eis lectum vel scriptum fuerit, sensu capiant opere perficiant.

482 Omnipotens et misericors Deus, qui es doctor cordium humanorum et magister angelorum, te humiliter, quaesumus, ut cordibus famulorum tuorum ob gratiam salutationis [tuae] locum hunc frequentantium semper adesse digneris, sit eorum sermo in timore tuo ignitus atque sale conditus, utilitate proximi plenus, ut cum hinc advenientes recesserint, de exemplo eorum, gloriam tui nominis praedicent.

482 Omnipotens et misericors Deus, quaesumus, immensam pietatem tuam, ut ad introitum humilitatis nostrae hos famulos tuos hoc in habitaculo fessos iacentes, salutifere visitare digneris, et, sicut visitasti, Domine, Tobiam et Sarram socrum Petri puerumque centurionis, ita et isti pristina sanitate animae corporisque recepta, gratiarum tibi in ecclesia tua referant actionem.

482 Multiplica, Domine, super nos misericordiam tuam et preces nostras propitius exaudire dignare, et, sicut exaudisti famulum tuum regem David, qui te in area hostias offerendo placuit, iram avertit, indulgentiam impetravit, ita veniat, quaesumus, super hanc aream speratae benedictionis ubertas, ut repleti frugibus tuis de tua semper misericordia gloriemur.

483 Omnipotens et misericors Deus, qui benedixisti horrea Ioseph, aream Gedeonis, et adhuc, quod maius est iacta terrae semina surgere facis cum fenore messis, te humiliter quaesumus, ut, sicut ad petitionem famuli tui Eliae non defuit viduae farina, ita ad nostrae parvitatis suffragia huic horreo famulorum tuorum non desit benedictionis tuae abundantia.

483 Sanctificetur istius officinae locus, Domine, et fugetur ab eo omnis inmundus spiritus per virtutem Domini nostri Iesu Christi, deturque omnibus in eo commorantibus sanitas, claritas, hilaritas, protegente ac conservante maiestate tua omnipotens Deus.

484 Deus aeterne ante cuius conspectum adsistunt angeli et cuius nutu reguntur universa, qui etiam necessariis humane fragilitatis tua pietate consulere non desinis, te humiliter imploramus, ut habitaculum istius officine illa benedictione perfundas, qua per manus Elisaei prophetae in olla heremitica gustus amarissimos dulcorasti, et semper hic tue benedictionis copia redundante, laudes tibi referant serui tui, qui das aescam omni carni, et reples omne animal benedictione Salvator mundi.

484 Omnipotens et misericors Deus, qui necessitatem humani generis clementer praevidens adminicula temporalia contulisti humiliter imploramus, ut benedicere digneris hoc lardarium famulorum tuorum, ut, quod hic tuam misericordiam pie contulit nostro merito non depereat.

485 Omnipotens sempiterne Deus, cuius sapientia hominem docuit, ut domus haec careret aliquando frigore a vicinitate ignis, te, quaesumus, ut omnes habitantes vel convenientes in ea, careant in corde infidelitatis frigore a fervore ignis Spiritus Sancti. Per dominum nostrum in unitate eiusdem.

485 Matutina supplicum vota, Domine, propitius intuere, et occulta cordis nostri remedio tuae clarifica pietatis, ut desideria tenebrosa non teneant, quod lux caelestis gloriae reparavit.

485 Emitte, quaesumus, Domine, lucem tuam in cordibus nostris, ut mandatorum tuorum lege percepta, in via tua ambulantes nihil patiamur erroris.

486 Omnipotens, sempiterne Deus, apud quem nihil obscurum est nihil tenebrosum, emitte lucem tuam in cordibus nostris, ut supra.

486 Deus, qui vigilantes in laudibus tuis caelesti mercede remuneras, tenebras de cordibus nostris auferre digneris, ut splendore luminis tui semper gaudeamus.

486 Gratias tibi agimus, Domine, sancte Pater omnipotens aeterne Deus, qui nos de transacto noctis spatio ad matutinas horas perducere dignatus es, quaesumus, ut dones nobis diem hunc sine peccato transire, quatenus ad vesperum et semper, tibi Deo gratias referamus.

486 Exurgentes de cubilibus nostris auxilium gratiae tuae matutinis, Domine, precibus imploramus, ut discussis tenebris vitiorum, ambulare mereamur in luce virtutum.

486 Te lucem veram et lucis auctorem, Domine, deprecamur, ut digneris a nobis tenebras depellere vitiorum, et clarificare nos luce virtutum.

486 Auge in nobis, Domine, quaesumus, fidem tuam, et Spiritus Sancti lucem in nobis semper accende.

487 Gratias agimus inenarrabili pietati tuae omnipotens Deus, qui nos depulsa noctis caligine ad diei huius principium perduxisti, et abiecta ignorantiae caecitate ad cultum tui nominis atque scientiam revocasti, inlabere sensibus nostris omnipotens Pater, ut in praeceptorum tuorum lumine gradientes, te ducem sequamur et principem.

487 Deus, qui tenebras ignorantiae verbi tui luce depellis, auge in cordibus nostris virtutem fidei quam dedisti, ut ignis quem gratia tua fecit accendi, nullis tentationibus possit extingui.

487 Auribus percipe, quaesumus, Domine, verba oris nostri clamoremque matutinum pius scrutator intellege, ut orandi ad te nobis sit fida devotio, tuaque donetur nobis diluculo contemplatio, et peccatorum omnium exoptata remissio.

487 Veritas tua, quaesumus, Domine, luceat in cordibus nostris, et omnis falsitas destruatur inimici.

487 Sensibus nostris, quaesumus, Domine, lumen sanctum tuum benignus infunde, ut tibi semper simus devoti, cuius sapientia creati sumus et providentia gubernamur.

488 Tua nos, Domine, veritas semper illuminet, et ab omni pravitate defendat atque custodiat.

488 Oriatur, Domine, nascentibus tenebris aurora iustitiae, ut peracto die tibi suppliciter gratias agentes, etiam mane dignanter respicias vota solventes.

488 Tuus est dies, Domine, et tua est nox, concede solem iustitiae permanere in cordibus nostris ad repellendas tenebras cogitationum iniquarum.

488 Gratias tibi agimus, Domine, custoditi per diem, grates tibi exsolvimus custodiendi per noctem, repraesenta nos, quaesumus, Domine, matutinis horis incolumes, ut nos omni tempore habeas laudatores.

488 Omnipotens, sempiterne Deus, vespere et mane et meridie maiestatem tuam suppliciter deprecamur, ut expulsis de cordibus nostris peccatorum tenebris, ad veram lucem, quae Christus est nos facias pervenire. Per eundem.

489 Deus, qui illuminas noctem et lucem post tenebras facis, concede nobis, ut hanc noctem sine inpedimento satanae transeamus atque matutinis horis ad altare tuum recurrentes tibi Deo gratias referamus.

489 Vespertinae laudis officia persolventes, clementiam tuam, Domine, humili prece deposcimus, ut nocturni insidiatoris fraudes te protegente vincamus.

489 Propitiare, Domine, vespertinis supplicationibus nostris, et fac nos sine ullo reatu matutinis tibi laudibus praesentari.

489 Quaesumus, Domine, Deus noster, diei molestias noctis quiete sustenta, ut necessaria temporum vicissitudine succedente, nostra reficiatur infirmitas.

489 Exaudi, Domine, famulos tuos vespertina nomini tuo vota reddentes et quos per singula diei momenta servasti, per noctis quietem custodire dignare.

490 Omnipotens sempiterne Deus, a cuius facie caeli distillant, montes, sicut cera liquescunt, terra tremit, cui patent abyssi, quem infernus pavescit, quem omnis irarum motus aspiciens, humiliatur. Te supplex deprecor dominator, Domine, ut invocatione nominis tui ab huius famuli tui vexatione inimicus confusus abscedat, et ab huius possessione anima liberata ad auctorem suae salutis recurrat, liberatoremque suum, diabolico fetore depulso, et odore suavissimo Spiritus Sancti percepto sequatur.

490 Domine sancte Pater omnipotens, sempiterne Deus, virtutem tuam totis exoro gemitibus pro huius famuli tui diabolo oppressa infantia, qui etiam indignis inter pressuras donas praesidium. Exsurge pro huius infantia debellata, et noli diu retinere vindictam, nec ante conspectum tuum veniant parentum delicta, qui nec pro filio patrem, nec pro patre promisisti filium iudicare. Auxiliare, quaesumus, inimici furore vexato, ne sine baptismate facias eius animam a diabolo possideri, sed potius tenera aetas maligni oppressionibus liberata, tibi referat gratias sempiternas. Per dominum nostrum Iesum Christum Filium tuum, qui venturus est iudicare vivos et mortuos.

491 Deus angelorum, Deus archangelorum, Deus prophetarum, Deus apostolorum, Deus martyrum, Deus virginum, Deus Pater Domini nostri Iesu Christi, invoco sanctum nomen tuum, ac praeclarae maiestatis tuae clementiam supplex exposco, ut mihi auxilium praestare digneris, adversus hunc nequissimum spiritum, ut ubicumque latet, audito nomine tuo velociter exeat vel recedat. Ipse tibi imperat diabole, qui ventis et mari vel tempestatibus imperavit. Ipse tibi imperat, qui te de supernis caelorum in inferiora terrae dimergi praecepit. Ipse tibi imperat, qui te retrorsum redire praecepit. Audi ergo et time satanas victus et prostratus abscede, in nomine Domini nostri Iesu Christi. Tu ergo nequissime satanas, inimicus fidei, generis humani mortis raptor, iustitiae declinator, malorum radix, fomes vitiorum, seductor hominum, perditor gentium, incitator invidiae, origo avaritiae, causa discordiae, excitator dolorum, daemonum magister, quid stas et resistis, cum scis eum tuas perdere vires. Illum metue, qui in Isaac immolatus est, in Ioseph venundatus, in agno occisus, in homine crucifixus, deinde triumphator. Recede in nomine Patris et Filii et Spiritus Sancti, et da locum spiritui sancto per hoc signum crucis Christi Domini nostri. Qui cum patre et spiritu sancto vivit et regnat.

492 Deus conditor et defensor generis humani, qui hominem ad imaginem et similitudinem tuam formasti, respice super famulum tuum hunc, qui dolis invidi serpentis appetitur, quem vetus adversarius, et hostis antiquus atrae formidinis horrore circumvolat, et sensum mentis humanae stupore defigit, terrore conturbat, et metu trepidi timoris exagitat. Repelle, Domine, virtutem diaboli, fallacesque eius insidias amove. Procul impius tentator aufugiat, sit nominis tui signo famulus tuus et animo tutus et corpore, tu pectoris huius interna custodias, tu viscera regas, tu corda confirmes, in anima adversariae potestatis temptamenta vanescant. Da ad hanc invocationem nominis tui gratiam, ut, qui hucusque terrebat, territus abeat et victus abscedat, tibique possit hic servus tuus corde firmato et mente sincera, debitum praebere famulatum.

492 Domine sancte Pater omnipotens aeterne Deus, hosanna in excelsis, Pater Domini nostri Iesu Christi, qui illum refugam tyrannum gehennae deputasti, qui unigenitum tuum in hunc mundum misisti, ut illum rugientem leonem contereret, velociter adtende, accelera, ut eripias hominem ad imaginem et similitudinem tuam creatum, a ruina et daemonio meridiano. Da, Domine, terrorem tuum super bestiam, quae exterminavit vineam tuam, da fiduciam servis tuis contra nequissimum draconem fortiter stare, ne contempnat sperantes in te et dicat, sicut in pharaone iam dixit, deum non novi nec Israel dimitto. Urgeat illum, Domine, dextera tua potens discedere a famulo tuo, ne diutius praesumat captivum tenere hominem quem tu ad imaginem tuam facere dignatus es. Adiuro te ergo serpens antique per iudicem vivorum et mortuorum, per factorem mundi, per eum, qui habet potestatem mittere in gehennam, ut ab hoc famulo dei, qui ad ecclesiae praesepia concurrit, cum metu et exercitu furoris tui festinus discedat. Adiuro te non mea infirmitate, sed in virtute Spiritus Sancti, ut desinas ab hoc famulo Dei, quem, omnipotens Deus, ad imaginem suam fecit. Caede, caede, non mihi sed mysteriis Christi. Illius enim te perurget potestas, qui te adfigens cruci suae subiugavit. Illius brachium contremesce, qui devictis gemitibus inferni animas ad lucem perduxit, sit tibi terror corpus hominis, sit tibi formido imago Dei, nec resistas nec moreris discedere ab homine quoniam conplacuit Christo, ut in homine habitaret, et ne me infirmum contemnendum putes, dum me peccatorem nimis esse cognoscis. Imperat tibi dominus. Imperat tibi maiestas Christi. Imperat tibi Deus pater. Imperat tibi filius et Spiritus Sanctus. Imperat tibi apostolorum fides sancti Petri et Pauli et ceterorum apostolorum. Imperat tibi indulgentia confessorum. Imperat tibi martyrum sanguis. Imperat tibi sacramentum crucis. Imperat tibi mysteriorum virtus. Exi transgressor, exi seductor, plene omni dolo et f allati a, veritatis inimice, innocentium persecutor, da locum durissime, da locum impiissime, da locum Christo in quo nihil invenisti de operibus tuis, qui te expoliavit, qui regnum tuum destruxit, qui te victum ligavit, et vasa tua disrupit, qui te proiecit in tenebras exteriores ubi tibi cum ministris tuis erit praeparatus interitus. Sed, qui nunc truculente recogitas, quid temerarie retractas, reus omnipotenti deo, cuius statuta transgressus es reus filio[rum] eius Iesu Christo, quem temptare ausus es et crucifigere praesumpsisti, reus humano generi, cui mors tuis persuasionibus venit, adiuro ergo te draco nequissime in nomine agni inmaculati, qui ambulavit super aspidem et basiliscum, qui conculcavit leonem et draconem, ut discedas ab homine, discedas ab ecclesia dei. Contremesce et effuge, invocato nomine Domini illius quem inferi tremunt, cui virtutes caelorum et potestates et dominationes subiectae sunt, quem Cherubim et Seraphim indefessis vocibus laudant. Imperat tibi verbum caro factum. Imperat tibi natus ex virgine. Imperat tibi Iesus Nazarenus, qui te cum discipulos eius contemneres elisum et prostratum exire iussit ab [hoc] homine, quo praesente cum te ab homine separasset nec porcorum gregem praesumebas contingere. Recede ergo nunc adiuratus in nomine eius ab homine quem ipse plasmavit. Durum tibi est Christo velle resistere, durum tibi est contra stimulum calcitrare, quia quanto tardius exis, tanto tibi supplicium maius crescit, quoniam non hominem contempnis, sed illum, qui dominator vivorum et mortuorum est. Qui venturus est iudicare vivos et mortuos et saeculum per ignem.

495

495 Nos tibi semper et ubique gratias agere, Domine, sancte Pater omnipotens aeterne Deus, per Christum Dominum nostrum. Cuius hodie faciem in confessione praevenimus, et voce supplici exoramus, ut superventurae noctis officiis nos ita pervigiles reddat, ut sinceris mentibus eius percipere mereamur natale venturum. In quo invisibilis ex substantia tua, visibilis per carnem apparuit in nostra. Tecumque unus, non tempore genitus, non natura inferior, ad nos venit ex tempore natus. Per quem maiestatem tuam.

495 Cuius divinae nativitatis potentiam ingenita virtutis tuae genuit magnitudo. Quem semper filium et ante tempora aeterna genitum, quia tibi pleno atque perfecto, aeterni Patris nomen non defuit praedicamus. Et honore maiestatis atque virtute, aequalem tibi cum sancto spiritu confitemur, et in trino vocabulo unicam credimus maiestatem. Et ideo cum angelis.

496 Beati Stephani levitae simul et martyris natalicia recolentes, qui fidei, qui sacrae militiae, qui dispensationis et castitatis egregiae, qui praedicationis mirabilisque constantiae, qui confessionis ac patientiae nobis exempla veneranda proposuit. Et ideo nativitatem Filii tui merito prae ceteris passionis suae festivitate prosequitur, cuius gloriae sempiternae primus martyr occurrit.

496 Beati apostoli tui et evangelistae Ioannis veneranda natalicia recensentes, qui Domini nostri Iesu Christi Filii tui vocatione suscepta, terrenum respuit patrem, ut posset invenire caelestem. Adeptus in regno caelorum sedem apostolici culminis, qui tantum retia carnalia contempserat genitoris. Quique ab unigenito tuo, sic familiariter est dilectus, et immensae gratiae muneribus adprobatus, ut eum idem Dominus in cruce iam positus, vicarium suae matri virgini filium subrogaret. Quatenus beatae genitricis integritati, probati dilectique discipuli, virginitas deserviret. Nam et in caenae mysticae sacrosancto convivio super ipsum vitae fontem, aeternum scilicet pectus recubuerat salvatoris. De quo perenniter, manantia caelestis hauriens fluenta doctrinae, tam profundis ac mysticis revelationibus est imbutus, ut omnem transgrediens creaturam, excelsa mente conspiceret, et evangelica voce proferret:, quod in principio erat verbum et verbum erat apud deum et Deus erat verbum. Et ideo cum angelis et archangelis.

497 Et in pretiosis mortibus parvulorum quos propter nostri salvatoris infantiam <bestiali> saevitia herodes funestus occidit, immensa clementiae tuae dona praedicare, in quibus fulget sola magis gratia quam voluntas, et clara est prius confessio quam loquela. Ante passio, quam membra idonea passioni. Exsistunt testes Christi, qui eius nondum fuerant agnitores. O infinita benignitas. O ineffabilis misericordia, quae pro suo nomine trucidatis, meritum gloriae perire non patitur. Sed proprio cruore perfusis, et salus regenerationis adhibetur, et imputatur corona martyrii. Et.

498 Et sursum cordibus erectis, divinum adorare mysterium, ut, quod magno dei munere geritur, magnis ecclesiae gaudiis celebretur. Quoniam humana condicio vetere terrenaque lege cessante, nova caelestique substantia mirabiliter restaurata profertur. Per Christum Dominum nostrum.

498 Cuius hodie circumcisionis diem et nativitatis octavum celebrantes, tua, Domine, mirabilia veneramur. Quia <quae> peperit, et mater et virgo est, qui natus est et infans et Deus est. Merito caeli locuti sunt, angeli gratulati, pastores laetati, magi mutari, reges turbari, parvuli gloriosa passione coronati. Et ideo cum angelis et archangelis.

498 Qui peccato primi parentis hominem a salutis finibus exsulantem, pietatis indulgentia ad veniam vitamque revocasti, mittendo nobis unigenitum Filium tuum dominum et salvatorem nostrum. Per quem.

499 Et confessionem sancti felicis memorabilem non bus tuis, quibus sacratissima regni tui mysteria revelasti. Hanc etenim festivitatem dominicae apparitionis index stella praecessit, quae natum in terra caeli dominum magis stupentibus nuntiaret., ut manifestandus mundo Deus, et caelesti denuntiaretur inditio, et temporaliter procreatus, signorum temporalium ministerio panderetur. Et.

499 Quia notam fecisti in populis misericordiam tuam, et salutare tuum cunctis gentibus declarasti, hodiernum eligens diem, in qua ad adorandam veri regis infantiam, excitatos de remotis partibus magos, clarior ceteris sideribus stella perduceret, et caeli ac terrae dominum corporaliter natum radio suae lucis ostenderet. Et ideo cum angelis.

499 Quia notam fecisti in populis misericordiam tuam, mortalitatis apparuit, in novam nos immortalitatis suae lucem reparavit. Et ideo cum.

500 Et confessionem sancti felicis memorabilem non tacere, qui nec hereticis pravitatibus nec saeculi blandimentis a sui status rectitudine potuit inmutari, sed inter utraque discrimina veritatis adsertor, firmitatem tuam fidei non reliquit. Per Christum.

500 Semperque virtutes et laudes tuas, labiis exsultationis effari, qui nobis ad relevandos istius vitae labores, diversa donorum tuorum solatia, et munerum salutarium gaudia contulisti, mittendo nobis Iesum Christum Filium tuum dominum nostrum. Per quem.

500 Qui glorificaris in tuorum confessione sanctorum, et non solum excellentioribus praemiis martyrum tuorum merita gloriosa prosequeris, sed etiam sacro ministerio conpetentibus servitiis exsequentes, gaudium Domini sui tribuis benignus intrare. Per Christum Dominum nostrum.

501 Quoniam martyris beati Sebastiani pro confessione nominis tui venerabilis sanguis effusus, simul et tua mirabilia manifestat, quo perficis in infirmitate virtutem, et nostris studiis dat profectum, et infirmis apud te praestat auxilium. Per Christum.

501 Et diem beatae agnetis martyrio consecratam sollemniter recensere, quae terrenae generositates oblectamenta despiciens caelestem meruit dignitatem. Societatis humanae vota contemnens, aeterni regis est sociata consortio, et pretiosam mortem sexus fragilitate calcata, pro Christi confessione suscipiens, simul est facta conformis et sempiternitatis eius et gloriae. Per quem maiestatem tuam laudant.

501 Pro cuius nomine gloriosus levita vincentius, et miles invictus rapidi hostis insaniam, interritus adiit, modestus sustinuit, securus inrisit, sciens paratus esse, ut resisteret, nesciens elatus esse, quod vinceret. In utroque Domini ac magistri sui vestigia sequens, qui et humilitatis custodiendae, et de hostibus triumphandi, suis sequenda exempla monstravit. Per quem maiestatem tuam laudant.

502 Et te in omni tempore conlaudare et benedicere, quia in te vivimus et movemur et sumus. Et nullum tempus, nullumque momentum est, quod a beneficiis pietatis tuae vacuum transigamus. Variis etenim sollemnitatum causis salutarium nobis operum tuorum, et munerum memoria, praesentis vitae tempora exornat. Unde et nos vel innovante laetitia praeteriti gaudii, vel permanentis boni tempus agnoscentes, indefessas maiestati tuae grates exsolvimus. Per Christum.

502 Et tuam misericordiam deprecari, ut mentibus nostris beati martyris tui proiecti repetita sollemnitate spiritalis laetitiae tribuas iugiter suavitatem. Concedasque nobis, ut venerando passionis eius triumphum, obtentu illius et peccatorum remissionem et sanctorum mereamur adipisci consortium. Per Christum Dominum.

503 Et maiestatem tuam suppliciter exorare, ut Ecclesiam tuam beati Pauli apostoli tui praedicatione edoctam, nulla sinas fallacia violari. Et, sicut nihil in vera religione manere dinoscitur, quod non eius condierit disciplina, ita ad peragenda ea, quae docuit eius obtentu fidelibus tribuatur efficacia. Sentiatque credentium gentium multitudo, eum pro se apud te intercessorem, quem habere cognovit magistrum atque doctorem.

503 Qui genus humanum praevaricatione sua in ipsius originis radice damnatum, per florem virginalis uteri reddere dignatus es absolutum. Et hominem quem unigenitum creaveras, per Filium tuum deum et hominem recreares., ut diabolus, qui Adam in fragili came devicerat, conservata iustitia a deo, came vinceretur adsumpta. Per quem maiestatem tuam.

504 Quia per incarnati verbi mysterium, nova mentis nostrae oculis lux tuae claritatis effulsit., ut dum visibiliter deum cognoscimus, per hunc invisibilium amore rapiamur. Et ideo cum angelis et.

504 Pro cuius nomine poenarum mortisque contemptum, in utroque sexu fidelium cunctis aetatibus contulisti., ut inter felicium martyrum palmas, Agathen quoque beatissimam virginem victrici patientia coronares. Quae nec minis territa, nec suppliciis superata, de diaboli saevitia triumphavit, quia in tuae deitatis confessione permansit. Et ideo.

504 Et tibi hanc immolationis hostiam offerre, quae est salutifera, et ineffabile divinae gratiae sacramentum. Quae offertur a plurimis, et unum Christi corpus Sancti Spiritus infusione perficitur. Singuli accipiunt Christum Dominum, et in singulis portionibus totus est. Nec per singulos minuitur, sed integrum se praebet in singulis. Propterea ipsi, qui sumimus communionem huius sancti panis et calicis, unum Christi corpus efficimur. Per ipsius itaque maiestatem te supplices exoramus, ut nos ab omnibus emundes contagiis vetustatis, et in novitate vitae perseverare concedas. Per quem.

505 Ad cuius immensam pertinet gloriam, ut non solum mortalibus tua pietate succurreres, sed de ipsa etiam mortalitate nostra nobis remedium provideres. Et perditos quosque unde perierant inde salvares.

505 Et te laudare mirabilem deum in sanctis tuis, in quibus glorificatus es vehementer. Per quos Unigeniti tui sacrum corpus exornas, et in quibus Ecclesiae tuae fundamenta constituis, quam in patriarchis fundasti, in prophetis praeparasti, in apostolis condidisti. Ex quibus beatum Petrum apostolorum principem ob confessionem unigeniti Filii tui per os eiusdem verbi tui confirmatum, in fundamento domus tuae mutato nomine caelestium claustrorum praesulem custodemque fecisti. Divino ei iure concesso, ut, quae statuisset in terris, servarentur in caelis. In cuius veneratione hodierna die maiestati tuae haec festa persolvimus, et gratiarum ac laudis hostiam immolamus. Per quem.

506 Quia sic tribuis Ecclesiam tuam sancti Gregorii pontificis tui commemoratione gaudere, ut eam illius et festivitate laetifices, et exemplo piae conversationis exerceas et verbo praedicationis erudias, grataque tibi supplicatione tuearis. Per Christum.

506 Quia per ea, quae conspiciuntur instruimur, quibus modis ad invisibilia tendere debeamus. Denique commonemur anni ducente successu, de praeteritis ad futura, de vetustate in novitatem vitae transire., ut terrenis sustentationibus expediti, caelestis doni capiamus desiderabilius ubertatem. Et per eum cibum, qui beneficiis prorogatur alternis, perveniamus ad victum sine fine mansurum Iesum Christum Dominum nostrum. Per quem maiestatem.

507 Qui rationabilem creaturam, ne temporalibus dedita bonis ad proemia sempiterna non tendat, ea dispensatione dignaris erudire, ut nec castigatione deficiat, nec prosperitatibus insolescat, sed hoc potius fiat eius gloriosa devotio, quod nullis adversitatibus obruta superetur. Per Christum Dominum nostrum.

507 Et maiestatem tuam cernua devotione exorare, ut modulum terraene fragilitatis aspiciens, non in ira tua pro nostra pravitate nos arguas, sed immensa clementia purifices, erudias, consoleris. Qui cum sine te nihil possimus facere, quod tibi sit placitum, tua nobis gratia sola praestabit, ut salubri conversatione vivamus. Per Christum Dominum nostrum. Per quem maiestatem.

507 Qui corporali ieiunio vitia conprimis, mentem elevas, virtutem largiris et praemia. Per Christum.

508 Qui continuatis quadraginta diebus et noctibus hoc ieiunium non esuriens dedicavit. Postea enim esuriit non tam cibum hominum quam salutem. Nec escarum saecularium epulas concupivit, sed animarum desideravit potius sanctitatem. Cibus namque eius est redemptio populorum. Cibus eius est, totius bonae voluntatis affectus. Qui nos docuit operari non solum cibum, qui terrenis dapibus apparatur, sed etiam eum, qui divinarum scripturarum lectione percipitur. Per quem.

508 Qui das escam omni carni, et nos non solum carnalibus sed etiam spiritalibus escis reficis., ut non in solo pane vivamus, sed in omni verbo tuo vitalem habeamus alimoniam. Nec tantum epulando, sed etiam ieiunando pascamur. Nam, ut dapibus et poculis corpora, sic ieiuniis et virtutibus animae saginantur. Magnam in hoc munere salubritatem mentis ac corporis contulisti, quia ieiunium nobis venerabile dedicasti, ut ad paradisum de quo non abstinendo cecidimus, ieiunando sollemnius redeamus. Per Christum Dominum nostrum.

509 In quo ieiunantium fides additur, spes provehitur, caritas roboratur. Ipse est enim panis vivus et verus, qui substantia aeternitatis, et esca virtutis est. Verbum enim tuum per, quod facta sunt omnia non solum humanarum mentium, sed ipse panis est angelorum. Hunc panem ministrare nobis non desinis, et, ut eum indesinenter esuriamus hortaris. Cuius carne dum pascimur roboramur et sanguine dum potamur abluimur. Per quem maiestatem.

509 Qui in alimentum corporis humani frugum copiam producere iussisti, et in alimentum animarum ieiunii nobis medicinam indidisti, te itaque supplices invocamus, ut tibi sit acceptabile ieiunium nostrum, et nos a cibu ieiunantes a peccatis absolvas.

509 Quia conpetenter atque salubriter religiosa sunt nobis instituta ieiunia, ut corporeae iocunditatis immoderatas coherceamus inlecebras, et terrenae delectationis insolentia refrenata, purior atque tranquillior appetitus ad caelestia contemplanda mysteria fidelium reddatur animarum. Per Christum Dominum nostrum. Per quem.

510 Qui ieiunii observatione et elemosinarum gratissima largitione nos docuisti nostrorum consequi remedia peccatorum. Unde tuam imploramus clementiam, ut his observationibus et ceteris bonorum operum exhibitionibus muniti, ea operemur quibus ad aeterna gaudia consequenda et spes nobis suppetat et facultas. Per Christum.

510 Illuminator et redemptor animarum nostrarum. Qui nos per primum Adam abstinentiae lege violata paradiso eiectos, fortioris ieiunii remedio ad antiquae patriae beatitudinem per gratiam revocasti. Nosque pia institutione revocasti, quibus observationibus a peccatis omnibus liberemur.

511 Et maiestatem tuam suppliciter exorare, ut mentibus nostris medicinalis observantiae munus infundas. Et, qui neglegentibus etiam subsidium ferre non desinis, beneficia praebeas potiora devotis. Per Christum Dominum nostrum. Per quem maiestatem.

511 Et pietatem tuam supplici devotione deposcere, ut ieiunii nostri oblatione placatus, et peccatorum nobis concedas veniam, et nos a noxiis liberes insidiis. Per Christum Dominum. Per quem.

511 Qui ob animarum medelam ieiunii devotione castigari corpora praecepisti. Concede, quaesumus, ut corda nostra ita pietatis tuae valeant exercere mandata, ut ad tua mereamur te opitulante pervenire promissa. Per Christum Dominum nostrum. Per quem.

512 Per quem humani generis reconciliationem mirabili dispensatione operatus es. Praesta quaesumus, ut sancto purificati ieiunio, et tibi toto corde simus subiecti, et inter mundanae pravitatis insidias, te miserante perseveremus inlaesi. Per quem.

512 Et tuam cum celebratione ieiunii pietatem devotis mentibus obsecrare, ut, qui peccatis ingruentibus malorum pondere premimur, et a peccatis omnibus liberemur et libera tibi mente famulemur.

512 Qui delinquentes perire non pateris, sed, ut ad te convertantur et vivant hortaris. Poscimus itaque pietatem tuam, ut a peccatis nostris tuae severitatis suspendas vindictam, et nobis optatam misericorditer tribuas veniam. Nec iniquitatum nostrarum moles te provocet ad ultionem, sed ieiunii observatio et morum emendatio te flectat, et peccatorum nostrorum remissionem. Per Christum Dominum nostrum. Per quem.

513 Et tuam iugiter exorare clementiam, ut mentes nostras quas conspicis terrenis affectibus praegravari medicinalibus tribuas ieiuniis exonerari. Et per afflictionem corporum, proveniat nobis robur animarum. Per Christum Dominum nostrum.

513 Et te suppliciter exorare, et cum abstinentia corporali mens quoque nostra sensus declinet inlicitos. Et, quae terrena delectatione carnalibus epulis abnegamus, humanae voluntatis pravis intentionibus amputemus. Quatenus ad sancta sanctorum fideliter salubriterque capienda, conpetenti ieiunio valeamus aptari, tanto nobis certi propensius iugiter adfutura, quanto fuerimus eorum institutionibus gratiores.

513 Et clementiam tuam cum omni supplicatione precari, ut per hanc ieiuniorum observationem, crescat nostrae devotionis affectus, et nostras actiones religiosus exornet effectus. Quatenus te auxiliante et ab humanis semper retrahamur excessibus et monitis inherere valeamus te largiente caelestibus.

514 Qui peccantium non vis animas perire sed culpas, et peccantes non semper continuo iudicas, sed ad paenitentiam provocatos exspectas. Averte, quaesumus, a nobis quam meremur iram, et quam optamus super nos effunde clementiam, ut sacro purificati ieiunio, electorum tuorum adscisci mereamur collegio.

514 Tuamque misericordiam suppliciter exorare, ut ieiuniorum nostrorum sacrosancta mysteria tuae sint pietati semper accepta. Concedasque, ut quorum corpora abstinentiae observatione macerantur, mentes quoque virtutibus et caelestibus institutis exornentur. Per Christum Dominum nostrum.

514 Et tuam immensam clementiam supplici voto deposcere, ut nos famulos tuos, et ieiunii maceratione castigatos, et ceteris bonorum operum exhibitionibus eruditos, in mandatis tuis facias perseverare sinceros, et ad paschalia festa pervenire inlaesos. Sicque praesentibus subsidiis consolemur quatenus ad aeterna gaudia pertingere mereamur.

515 Qui ad insinuandum humilitatis suae mysterium, fatigatus resedit ad puteum. Qui a muliere Samaritana aquae sibi petiit porrigi potum, qui in ea creaverat fidei donum. Et ita eius sitire dignatus est fidem, ut dum ab ea aquam peteret, in ea ignem divini amoris accenderet. Imploramus itaque tuam immensam clementiam, ut contemnentes tenebrosam profunditatem vitiorum, et relinquentes noxiarum hydriam cupiditatum, et te, qui fons vitae et origo bonitatis es semper sitiamus, et ieiuniorum nostrorum observatione tibi placeamus. Per quem.

515 Qui ieiunii quadragesimalis observationem in Moyse et Elia dedicasti, et <in> unigenito Filio tuo legis et prophetarum nostrorumque omnium Domino exornasti. Tuam igitur immensam bonitatem supplices exposcimus, ut, quod ille iugi ieiuniorum complevit continuatione, nos adimplere valeamus illius adiuti largissima miseratione, et adimplentes ea, quae praecepit, dona percipere mereamur, quae promisit. Per quem.

515 Et te creatorem omnium de praeteritis fructibus glorificare, et de venturis suppliciter exorare., ut cum de perceptis non invenimur ingrati, de percipiendis non iudicemur indigni. Sed exhibita toties sollemni devotione ieiunia, cum subsidiis corporalibus profectum quoque capiamus animarum. Per Christum.

516 Et tuam suppliciter misericordiam implorare, ut exercitatio veneranda ieiunii salutaris, nos a peccatorum nostrorum maculis purgatos reddat, et ad supernorum civium societatem perducat., ut et hic devotorum actuum sumamus augmentum, et illic aeternae beatitudinis percipiamus emolumentum. Per Christum.

516 Per mediatorem dei et hominum Iesum Christum Dominum nostrum, qui mediante die festo ascendit in templo docere, qui de caelo descendit mundum ab ignorantiae tenebris liberare. Cuius descensus genus humanum doctrina salutari instruit, mors a perpetua morte redemit, ascensio ad caelestia regna perducit. Per quem te summe Pater poscimus, ut eius institutione edocti, salutaris parsimoniae devotione purificati, ad tua perveniamus promissa securi. Per quem maiestatem.

517 Qui illuminatione suae fidei tenebras expulit mundi, et genus humanum, quod primae matris uterus profuderat caecum, incarnationis suae mysterio reddidit illuminatum. Fecitque filios adoptionis, qui tenebantur vinculis iustae damnationis. Per ipsum te petimus, ut tales in eius inveniamur iustissima examinatione, quales facti sumus in lavacri salutaris Felicissima regeneratione., ut eius incarnationis medicamine imbuti, sacrosancti lavacri ablutione loti, parsimoniae devotione ornati, ad aeterna gaudia perveniamus inlaesi. Per quem maiestatem.

517 Cuius bonitas hominem condidit, iustitia damnavit, misericordia redemit. Te humiliter exoramus, ut, sicut <per> inlicitos appetitus a beata regione decidimus, sic ad aeternam patriam per abstinentiam redeamus. Sicque moderetur tua miseratione nostra fragilitas, ut et transitoriis subsidiis nostra sustentetur mortalitas, et per bonorum operum incrementa, beata acquiratur immortalitas. Per Christum.

517 Qui est dies aeternus, lux indeficiens, claritas sempiterna. Qui, sic sequaces suos in luce praecepit ambulare, ut noctis aeternae valeant caliginem evadere, et ad lucis patriam feliciter pervenire. Qui per humilitatem adsumptae humanitatis Lazarum flevit, per divinitatis potentiam vitae reddidit, genus quoque humanum quadrifida peccatorum mole obrutum ad vitam reducit. Per quem petimus ieiunii observatione a peccatorum nostrorum nexibus solvi, aeternae vitae felicitati reddi, et sanctorum coetibus connumerari. Per quem.

518 Misericordiae dator et totius bonitatis auctor. Qui ieiuniis orationibus et elemosinis, peccatorum remedia, et virtutum omnium tribuis incrementa. Te humili devotione praecamur, ut, qui ad haec agenda saluberrimam dedisti doctrinam, ad complendum indefessam tribuas efficaciam, ut oboedienter tua exsequentes praecepta, feliciter tua capiamus promissa. Per Christum.

518 Maiestatem tuam propensius implorantes, ut quanto magis dies salutiferae festivitatis accedit, tanto devotius ad eius digne celebrandum proficiamus paschale mysterium. Per Christum.

518 Te suppliciter exorantes, ut, sic nostra sanctificentur ieiunia, quo cunctorum nobis peccatorum proveniat indulgentia. Quatenus adpropinquante unigeniti Filii tui passione, bonorum operum tibi placere valeamus exhibitione. Per quem.

519 Et te devotis mentibus supplicare, ut nos interius exteriusque restaures, et parsimonia salutari a peccatorum sordibus purges. Et quos inlecebrosis delectationibus non vis inpediri, spiritalium virtutum facias vigore muniri. Et, sic in rebus transitoriis foveas, ut perpetuis inherere concedas. Per Christum Dominum nostrum.

519 Et te supplici devotione exorare, ut per ieiunia, quae sacris institutis exsequimur, a cunctis reatibus emundari mereamur. Tuamque percipere valeamus propitiationem, qui praeparamur ad celebrandam unigeniti Filii tui passionem. Per quem.

519 Qui, sic nos tribuis sollemne tibi deferre ieiunium, ut indulgentiae tuae speremus nos percipere subsidium, sic nos instituis ad celebranda paschalia festa, ut per haec acquiramus gaudia sempiterna. Per Christum.

519 Cuius nos misericordia praevenit, ut bene agamus, subsequitur ne frustra agamus. Accendit intentionem, qua ad bona opera peragenda inardescamus, tribuit efficaciam qua haec ad perfectum perducere valeamus. Tuam ergo clementiam indefessis vocibus obsecramus, ut nos ieiunii victimis a peccatis mundatos, ad celebrandam unigeniti Filii tui Domini nostri passionem facias esse devotos. Per quem maiestatem.

520 Cuius nos fides excitat, spes erigit, caritas iungit. Cuius miseratio gratuita purificat, quos conscientiae reatus accusat. Te igitur cum interno rugitu deprecamur, ut carnalis alimoniae refrenatione castigati, ad celebrandum paschale mysterium inveniamur idonei. Per Christum.

520 Per quem nobis indulgentia largitur, et pax per omne saeculum praedicatur, traditur cunctis credentibus disciplina, ut sanctificatos nos possit dies venturus excipere. Et ideo.

520 Cuius nos humanitas colligit, humilitas erigit, traditio absolvit, poena redimit, crux salvificat, sanguis emaculat, caro saginat. Per quem te summe Pater cum ieiuniorum obsequiis obsecramus, ut ad eius celebrandam passionem purificatis mentibus accedamus. Per quem.

521 Cuius salutiferae passionis et gloriosae resurrectionis dies adpropinquare noscuntur. In quibus et antiqui hostis superbia triumphatur, et nostrae redemptionis mysterium celebratur. Unde poscimus tuam immensam clementiam, ut, sicut in eo solo consistit totius nostrae salvationis summa, ita per eum tibi sit ieiuniorum et actuum nostrorum semper victima grata. Per quem.

521 Qui innocens pro impiis voluit pati, et pro sceleratis indebite condemnari. Cuius mors delicta nostra detersit, et resurrectio iustificationem nobis exhibuit. Per quem tuam pietatem supplices exoramus, ut, sic nos hodie a peccatis emacules, ut cras venerabilis caenae dapibus sacies. Hodie acceptes confessionem nostrorum peccaminum, et cras tribuas spiritalium incrementa donorum. Hodie ieiuniorum nostrorum vota suscipias, et cras nos ad sacratissimae caenae convivium introducas. Per quem maiestatem.

521 Et clementiam tuam suppliciter obsecrare, ut spiritalis lavacri baptismo renovandis, creaturam chrismatis in sacramentum perfecte salutis vitaeque confirmes, ut sanctificatione unctionis infusa, corruptione primae nativitatis absorba, sanctum uniuscuiusque templum acceptabilis vitae innocens odor redolescat., ut secundum constitutionis tuae sacramentum, regio et sacerdotali propheti quoque honore perfusi, vestimento incorrupti muneris induantur. Per Christum.

522 Quem in hac nocte inter sacras epulas increpantem mens sibi conscia traditoris ferre non potuit, sed apostolorum relicto consortio sanguinis pretium a iudaeis accepit, ut vitam perderet quam distraxit. Caenavit igitur hodie proditor mortem suam, et cruentis manibus panem de manu salvatoris exiturus accepit., ut saginatum cibo maior poena constringeret, quem nec sacrati cibi collatio ab scelere revocaret. Patitur itaque Dominus noster Iesus Christus Filius tuus cum hoste novissimum participare convivium, a quo se noverat continuo esse tradendum., ut exemplum innocentiae mundo relinqueret, et passionem suam pro saeculi redemptione suppleret. Pascit igitur mitis Deus immitem Iudam, et sustinet pius crudelem convivam. Qui merito laqueo suo periturus erat, quia de magistri sanguine cogitarat. O dominum per omnia patientem, o magnum inter suas epulas mitem. Cibum eius Iudas in ore ferebat, et quibus eum traderet persecutores advocabat. Sed Filius tuus Dominus noster tamquam pia hostia, et immolari se tibi pro nobis patienter permisit, et peccatum, quod mundus commiserat relaxavit. Per quem.

523 Te quidem omni tempore sed in hac potissimum nocte gloriosius conlaudare et praedicare, per Christum Dominum nostrum. Qui inferorum claustra disrumpens, victoriae suae clara vexilla suscepit, et triumphato diabolo victor a mortuis resurrexit. O noctem, quae finem tenebris ponit, et aeternae lucis viam pandit. O noctem, quae videre meruit, et vinci diabolum et resurgere Christum. O noctem in qua tartara spoliantur, sancti ab inferis liberantur, caelestis patriae aditus aperitur. In qua baptismate delictorum turba perimitur, filii lucis oriuntur. Quos exemplo dominicae matris sine corruptione sancta mater ecclesia concipit, sine dolore parit, et cum gaudio ad meliora provehit. Et ideo cum angelis.

523 Te quidem omni tempore sed in hac praecipue die laudare, benedicere et praedicare, quod Pascha nostrum immolatus est Christus. Per quem ad aeternam vitam filii lucis oriuntur, fidelibus regni caelestis atria reserantur, et beati lege commercii divinis humana mutantur. Quia nostrorum omnium mors, cruce Christi perempta est, et in resurrectione eius omnium vita resurrexit. Quem in susceptione mortalitatis deum maiestatis agnoscimus, et in divinitatis gloria deum et hominem confitemur. Qui mortem nostram moriendo destruxit, et vitam resurgendo restituit. Et ideo cum angelis.

524 Et te suppliciter exorare, ut fidelibus tuis dignanter inpendas, quo et paschalia capiant sacramenta, et desideranter exspectent ventura., ut in mysteriis quibus renati sunt permanentes, ad novam vitam his operantibus perducantur. Per Christum.

524 Qui oblatione sui corporis remotis sacrificiorum carnalium observationibus, seipsum tibi sacram hostiam agnumque inmaculatum summus sacerdos pro salute nostra immolavit. Per quem maiestatem tuam.

524 Et pietatem tuam indefessis precibus implorare, ut, qui paschalis festivitatis sollemnia colimus, in tua semper sanctificatione vivamus. Quo per temporalis festi observationem, pervenire mereamur ad aeternorum gaudiorum continuationem. Per Christum Dominum nostrum.

525 Qui nos per paschale mysterium edocuit vetustatem vitae relinquere, et in novitate spiritus ambulare. A quo perpetuae mortis superatur acervitas, et aeternae vitae fidelibus tribuitur integritas. Per quem maiestatem.

525 Qui secundum promissionis suae incommutabilem veritatem caelestis pontifex factus in aeternum, solus omnium sacerdotum peccati remissione non eguit, sed potius peccatum mundi idem verus agnus abstersit. Per quem.

525 Per quem supplices exposcimus, ut cuius muneris pignus accepimus, manifesta dona conprehendere valeamus. Et, quae nobis fideliter speranda paschale contulit sacramentum, per resurrectionis eius attingere mereamur ineffabile mysterium. Per quem maiestatem.

526 Et te suppliciter obsecrare, ne nos ad illum sinas redire actum, cui iure dominatur inimicus, sed in hac potius facias absolutione persistere, per quam diabolus exstitit Filio tuo vincente captivus. Et ideo cum angelis.

526 Et redemptionis nostrae festa recolere, quibus humana substantia vinculis praevaricationis exuta, spem resurrectionis per renovatam originis dignitatem assumpsit. Et ideo.

526 Qui per beatae Mariae Virginis partum Ecclesiae tuae tribuisti celebrare mirabile mysterium, et inenarrabile sacramentum. In qua manet intacta castitas, pudor integer, firma constantia. Quae laetatur, quod virgo concepit, quod caeli dominum castis portavit visceribus, quod virgo edidit partum. O admirandam divinae dispensationis operationem, quae virum non cognovit, et mater est, et post filium virgo est. Duobus enim gavisa est muneribus, miratur, quod virgo peperit, laetatur, quod redemptorem mundi edidit Iesum Christum Dominum nostrum. Per quem maiestatem.

527 Et immensam bonitatis tuae pietatem humiliter exorare, ut ignorantiam nostrae mortalitatis attendens, ex tua inspiratione nos facias postulare, quod rectum est, et tua clementia tribuas impetrare, quod poscimus. Per Christum.

527 Et in hac sollemnitate tibi laudis hostias immolare, qua beatae Euphemiae martyris tuae passionem venerando recolimus, et tui nominis gloriam debitis praeconiis magnificamus. Per Christum.

527 Et te in sanctorum martyrum tuorum festivitate laudare, qui semper es mirabilis in tuorum commemoratione sanctorum, et magnae fidei largiris affectum, et tolerantiam tribuis passionum, et antiqui hostis facis superari machinamentum, quo egregii martyres tui ad capiendam supernorum beatitudinem praemiorum, nullis inpediantur retinaculis blandimentorum. Et ideo.

528 Qui de virgine nasci dignatus per passionem et mortem a perpetua nos morte liberavit, et resurrectione sua aeternam nobis vitam contulit. Per quem maiestatem.

528 Pro cuius nominis veneranda confessione beatus martyr Georgius diversa supplicia sustinuit, et ea devincens, coronam perpetuitatis promeruit. Per quem maiestatem.

528 Et te auctorem et sanctificatorem ieiunii conlaudare, per, quod nos liberas a nostrorum debitis peccatorum. Ergo suscipe ieiunantium preces, atque, ut nos a malis omnibus propitiatus eripias, iniquitates nostras quibus merito affligimur placatus absolve. Per Christum.

529 Et maiestatem tuam, suppliciter exorare, ut non nostrae malitiae sed indulgentiae tuae praeveniat semper affectus, qui nos a noxiis voluptatibus indesinenter expediat, et a mundanis cladibus dignanter eripiat. Per Christum.

529 Ut quia tui est operis si, quod tibi placitum est aut cogitemus aut agamus, tu nobis semper et intellegendi, quae recta sunt et exsequendi tribuas facultatem. Per Christum.

529 Et tui misericordiam muneris postulare, ut tempora quibus post resurrectionem suam Dominus noster Iesus Christus cum discipulis corporaliter habitavit, sic ipso opitulante pia devotione tractemus, quatenus in his omnium vitiorum sordibus careamus. Per quem.

530 Qui Ecclesiam tuam in apostolica soliditate firmasti, de quorum consortio sunt beati Philippus et Iacobus quorum passionis hodie festum veneramur, poscentes ut, sicut eorum doctrinis instituimur, ita exemplis muniamur, et precibus adiuvemur. Per Christum.

530 Qui per passionem crucis mundum redemit, et antiquae arboris amarissimum gustum crucis medicamine indulcavit, mortemque, quae per lignum vetitum venerat, per ligni tropaeum devicit., ut mirabilis suae pietatis dispensatione, qui per ligni gustum a florigera sede discesseramus, per crucis lignum ad paradisi gaudia redeamus. Per quem maiestatem.

530 Et maiestatem tuam indefessis precibus exorare, ut mentes nostras bonis operibus semper informes, quia, sic erimus praeclari muneris prompta sinceritate cultores, si ad meliora iugiter transeuntes, paschale mysterium studeamus habere perpetuum. Per Christum Dominum nostrum.

531 Quoniam a te constantiam fides, a te virtutem sumit infirmitas. Et quicquid in persecutionibus saevum est, quicquid in morte terribile, nominis tui facis confessione superari. Unde benedicimus te, Domine, in operibus tuis, teque in sanctorum tuorum Nerei, Achillei, et Pancratii provectione laudamus. Per Christum.

531 Et in hac praecipue die quo Iesus Christus Filius tuus Dominus noster divini consummato fine mysterii, dispositionis antiquae munus explevit., ut scilicet, et diabolum caelestis operis inimicum per hominem quem suggerat elideret, et humanam reduceret ad superna dona substantiam. Et ideo cum angelis.

531 Qui generi humano nascendo subvenit, cum per mortem passionis mundum devicit, per gloriam resurrectionis vitae aeternae aditum patefecit, et per suam ascensionem ad caelos nobis spem ascendendi donavit. Per quem.

532 Qui sacramentum paschale consummans, quibus per Unigeniti tui consortium filios adoptionis esse tribuisti, per Spiritum Sanctum largiris dona gratiarum, et sui coheredibus redemptoris, iam nunc superne pignus hereditatis inpendis., ut tanto se certius ad eum confidant esse venturos, quanto se sciunt ab eo redemptos, et Sancti Spiritus infusione ditatos. Et ideo cum angelis.

532 Qui promissum spiritum Paraclitum super discipulos misit, qui principio nascentis Ecclesiae cunctis gentibus inbuendis, et deitatis scientiam inderet, et linguarum diversitatem in unius fidei confessione sociaret. Per quem tuam maiestatem supplices exoramus, ut cuius celebramus adventum, eius multimodae gratiae capiamus effectum. Per quem maiestatem.

532 Qui Spiritus Sancti infusione replevit corda fidelium, qui sua ammirabili operatione, et sui amoris in eis ignem accenderet, et per diversitatem linguarum, gentes in unitate fidei solidaret. Cuius dono petimus, et inlecebrosas a nobis excludi voluptates, et spiritales in nobis extrui plantarique virtutes. Per quem maiestatem.

533 Per quem discipulis Spiritus Sanctus in terra datur ob dilectionem proximi, et de caelo mittitur, propter dilectionem tui. Cuius infusio, petimus, ut in nobis peccatorum sordes exurat, et tui amoris ignem nutriat, et nos ad amorem fraternitatis accendat. Per quem.

533 Per quem pietatem tuam suppliciter petimus, ut Spiritus Sanctus corda nostra clementer expurget, et sui luminis irradiatione perlustret., ut in eo, qui gratiarum largitor est recta sapiamus, et de eius consolatione in perpetuum gaudeamus. Per quem maiestatem.

533 Et maiestatem tuam suppliciter exorare, ut spiritus Paraclitus ad nos veniat, et nos inhabitando templum suae maiestatis efficiat. Quod cum unigenito Filio tuo clementi respectu semper digneris invisere, et tuae inhabitationis fulgore in perpetuum perlustrare. Per quem.

534 Et tuam omnipotentiam devotis precibus implorare, ut nos Spiritus tui lumen infundat, cuius nos sapientia creat, pietas recreat, et providentia gubernat. Qui cum a tua substantia nullo modo sit diversus, sed tibi et unigenito tuo consubstantialis et coaeternus, diversitate tamen operis replet tuorum corda fidelium. Et ideo cum angelis et archangelis.

534 Qui cum unigenito Filio tuo, et sancto spiritu unus es Deus, unus es dominus. Non in unius singularitate personae, sed in unius Trinitate substantiae. Quod enim de tua gloria revelante te credimus, hoc de Filio tuo, hoc de spiritu sancto, sine differentiae discretione sentimus., ut in confessione verae sempiternaeque deitatis, et in personis proprietas, et in essentia unitas, et in maiestate adoretur aequalitas. Quam laudant.

534 Apud quem semper est praeclara vita sanctorum quorum nos <mors> pretiosa laetificat, et tuetur. Quapropter martyrum tuorum Marcellini et Petri gloriosa recensentes natalicia, laudes tibi referimus, et magnificentiam tuam supplices exoramus., ut quorum sumus martyria venerantes, beatitudinis mereamur, esse consortes. Per Christum Dominum nostrum.

535 Qui Ecclesiae tuae filios, sicut non cessas erudire, ita non desinis adiuvare., ut et scientiam te miserante recta faciendi, et possibilitatem capiant exsequendi. Per Christum.

535 Cuius hoc mirificum opus ac salutare mysterium fuit, ut perditi dudum atque prostrati, de diabolo et mortis aculeo ad hanc gloriam vocaremur, qua nunc genus electum sacerdotiumque regale, populus adquisitionis et gens sancta vocaremur. Agentes igitur indefessas gratias, sanctamque munificentiam tuam praedicantes, maiestate tuae haec sacra deferimus, quae nobis ipse salutis nostrae auctor Christus instituit. Per quem.

536 Quia post illos laetitiae dies quos in honore Domini a mortuis resurgentis, et in caelos ascendentis exegimus, postque perceptum Sancti Spiritus donum necessaria nobis ieiunia sancta provisa sunt., ut pura conversatione viventibus, quae divinitus sunt ecclesiae conlata permaneant. Per Christum.

536 Quoniam illa festa remaneant, quibus nostrae mortalitate procuratur immortali commercium, ac temporali vitae subrogatur aeternitas, et de peccati poena, peccata mundantur, mirisque modis conficitur de perditione salvatio, ut status condicionis humanae, qui per felicitatis insolentiam venit ad tristitiam, humilis et molestus ad aeterna gaudia redeat per merorem. Per Christum.

536 Pro cuius nominis confessione beati martyres, Gervasius et Protasius passi, in caelesti regione aeternis perfruuntur gaudiis. Et pro eorum sollemni recordatione ecclesia religiosis exsultat officiis. Per quem maiestatem tuam laudant.

537 Et omnipotentiam tuam iugiter implorare, ut nobis et praesentis vitae subsidium, et aeternae tribuas praemium sempiternum. Quo, sic mutabilia bona capiamus, <ut per haec ad incommutabilia dona pervenire valeamus>. Sic temporalis laetitiae tempora transeant, ut eis gaudia sempiterna succedant. Per Christum.

537 Exhibentes sollemne ieiunium, quo beati Ioannis Baptistae natalicia praevenimus. Cuius genitor dum eum dubitat nasciturum, sermonis amisit officium. Et eo nascente, et sermonis usum, et prophetiae suscepit donum. Cuiusque genetrix senio confecta, sterilitate multata, in eius conceptu non solum sterilitatem amisit, fecunditatem acquisivit, sed etiam Spiritum Sanctum quo matrem Domini et salvatoris agnosceret accepit. Per quem.

537 Et in die festivitatis hodiernae qua beatus Ioannes exortus est tuam magnificentiam conlaudare, qui vocem matris Domini nondum editus sensit, et adhuc clausus utero adventum salutis humane prophetica exsultatione significavit. Qui et genetricis sterilitatem conceptus abstulit, et Patris linguam natus absolvit, solusque omnium prophetarum redemptorem mundi quem praenuntiavit ostendit, Et, ut sacrae purificationis effectum aquarum natura conciperet, sanctificandis Iordanis fluentis, ipsum baptismo baptismatis lavit auctorem. Et ideo cum angelis.

538 Pro cuius amore gloriosi martyres Ioannes et Paulus, martyrium non sunt cunctati subire, quos in nascendi lege vixit germanitas, in gremio matris Ecclesiae fidei unitas, in passionis acervitate ferenda unius amoris societas. Per quem nos petimus eorum precibus adiuvari, quorum festa noscimur venerari. Per quem maiestatem tuam.

538 Maiestatem tuam suppliciter deprecantes, ut opem tuam petentibus dignanter inpendas, et desiderantibus benignus tribuas profuturam. Per Christum.

538 Apud quem cum beatorum apostolorum continuata festivitas, triumphique caelestis perpetua, et aeterna sit celebritas. Nobis tamen eorum festa annuis recursibus tribuis frequentare, ut et illorum passioni sit veneratio ex nostra devotione, et nobis auxilium proveniat de eorum sanctissima intercessione. Per Christum.

539 Verum aeternumque pontificem, et solum sine peccati macula sacerdotem. Cuius sanguine fidelium corda mundantur. Cuius institutione placationis tibi hostias non solum pro delictis populi, sed etiam pro nostris offensionibus immolamus. Tuam poscentes clementiam, ut omne peccatum, quod carnis fragilitate contraximus, ipso summo pro nobis antestite interveniente solvatur. Per quem maiestatem.

539 Donari nobis suppliciter exorantes, ut, sicut sancti tui mundum in tua virtute vicerunt, ita nos a mundanis erroribus postulent expediri. Per Christum.

539 Et tibi vovere contriti sacrificium cordis, tibi libare humiliati victimam pectoris. A quo omne bonum sumimus, omnem iocunditatem haurimus. Precamur itaque, ut tibi conscientia nostra famuletur, et, ut in te de die in diem meliorata proficiat, tuae gratiae intemerata subdatur. Nostris nos, Domine, quaesumus, evacua malis, tuisque reple per omnia bonis., ut percepta gratia quam nostra non exigunt merita, a cunctis adversitatibus liberati, in bonis omnibus confirmati, supernis civibus mereamur coniungi. Per Christum Dominum nostrum.

540 Et gloriam tuam, profusis precibus exorare, ut, qui beati benedicti confessoris tui veneramur festa, te opitulante eius sanctitatis imitari valeamus exempla. Et cuius meritis nequaquam possumus coequari, eius precibus mereamur adiuvari. Per Christum.

540 Et tuam misericordiam totis nisibus exorare, ne pro nostra nos iniquitate condemnes, sed pro tua pietate in via recta semper disponas. Nec, sicut meremur delinquentibus irascaris, sed fragilitati nostrae invicta bonitate subvenias. Per Christum.

541 Et tuam misericordiam exorare, ut te annuente valeamus, quae mala sunt declinare, et, quae bona sunt consequenter explere. Et quia nos fecisti ad tua sacramenta pertinere, tu clementer in nobis eorum munus operare. Per Christum.

541 Quia licet nobis semper salutem operetur divini celebratio sacramenti, propensius tamen nobis confidimus profuturam, si beati apostoli tui Iacobi intercessionibus adiuvemur. Per Christum.

541 Et te laudare mirabilem deum in sanctis tuis quos ante constitutionem mundi in aeternam tibi gloriam praeparasti, ut per eos huic mundo veritatis tuae lumen ostenderes. Quos ita spiritu veritatis armasti, ut formidinem mortis per infirmitatem carnis evincerent. De quorum collegio sunt martyres tui Abdon et Sennes, qui in Ecclesiae tuae prato, sicut rosae et lilia floruerunt. Quos Unigeniti tui sanguis in praelio confusionis roseo colore perfudit, et ob praemium passionis niveo liliorum splendore vestivit. Per quem maiestatem.

542 Et tibi debitam servitutem per ministerii huius impletionem persolvere, quia non solum peccantibus veniam tribuis, sed etiam praemia petentibus inpertiris. Et, quod perpeti malis operibus promeremur, magnifica pietate depellis, ut nos ad tuae reverentiae cultum, et terrore cogas et amore perducas. Per Christum.

542 Quia licet in omnium sanctorum tuorum tu sis, Domine, protectione mirabilis, in his tamen speciale tuum munus agnoscimus, quos fratres sorte nascendi magnifica praestitisti passione germanos, ut simul esset et veneranda gloria genetricis, et florentissima proles ecclesiae. Et ideo cum.

542 Et in die festivitatis hodierne qua beatus Sixtus pariter sacerdos et martyr devotum tibi sanguinem exsultanter effudit, qui ad eandem gloriam promerendam doctrinae suae filios incitavit, et quos erudiebat hortatu praeveniebat exemplo. Per Christum.

543 Cuius primum tuae pietatis inditium est si tibi nos facias toto corde subiectos, et spiritum in nobis tantae devotionis infundas, ut propitius largiaris consequenter auxilium. Per Christum.

543 Et devotis mentibus natale beati martyris tui laurentii praevenire, qui levita simul martyrque venerandus, et proprio claruit gloriosus officio, et memorandae passionis refulsit martyrio. Per Christum.

543 Et in die sollemnitatis hodiernae qua beatus laurentius hostia sancta viva tibi placens oblatus est. Qui igne accensus tui amoris, constanter ignem sustinuit passionis. Et per inmanitatem tormentorum, pervenit ad societatem civium supernorum. Per Christum.

543 Qui dum beati Tiburtii martyris merita gloriosa veneramur, auxilium nobis tuae propitiationis adfore deprecamur. Quoniam credimus nos per eorum intercessionem, qui tibi placuere, peccatorum nostrorum veniam impetrare. Per Christum.

544 Et tuam clementiam votis supplicibus implorare, ut beati Hippolyti intercessio peccatorum nostrorum obtineat veniam, qui per tormenta passionis aeternam pervenit ad gloriam. Per Christum.

544 Qui nos castigando sanas, et refovendo benignus erudis. Dum magis vis salvos esse correctos quam perire deiectos. Per Christum.

544 Et clementiam tuam pronis mentibus implorare, ut per beati Eusebii confessoris intercessionem salutiferam in nostris mentibus firmes devotionem, concedasque ut, sicut te solum credimus auctorem, et veneramur salvatorem, sic in perpetuum eius interventu habeamus adiutorem. Per Christum.

544 Et te in veneratione sacrarum virginum exsultantibus animis laudare benedicere et praedicare, inter quas intemerata dei genetrix virgo maria, cuius adsumptionis diem celebramus, gloriosa effulsit. Quae et unigenitum tuum Sancti Spiritus obumbratione concepit, et virginitatis gloria permanente huic mundo lumen aeternum effudit, Iesum Christum Dominum nostrum. Per quem.

545 Beati Laurentii natalicia repetentes, cui fidem confessionemque ignis passionis ingestus non abstulit, sed eum, ut magis luceret accendit. Quoniam, sicut aurum flammis non uritur sed probatur, sic beatus martyr non consumitur tormentorum incendiis, sed aptatur caelestibus ornamentis. Per Christum.

545 Quoniam tanto iocunda sunt, Domine, beati Laurentii martyris crebrius repetita sollemnia, quanto nobis eius sine cessatione praedicanda sunt merita. Per Christum.

545 Quia tu in nostra semper faciens infirmitate virtutem, Ecclesiam tuam inter adversa crescere tribuisti., ut cum putaretur oppressa, tunc potius praevaleret exaltata. Dum simul et experientiam fidei declarat afflictio, et victoriosissima semper perseverat, te adiuvante devotio. Per Christum.

546 Qui Ecclesiam tuam sempiterna pietate non deseris, sed per apostolos tuos iugiter erudis et sine fine custodis. Per Christum.

546 Quoniam supplicationibus nostris misericordiam tuam confidimus adfuturam, quam beati rufi poscimus interventu nobis et confessione praestari. Per Christum.

546 Quoniam fiducialiter laudes tibi immolamus hostias, quas sancti Hermetis martyris tui precibus tibi esse petimus acceptas. Per Christum.

546 Qui beatum augustinum confessorem tuum et scientiae documentis replesti, et virtutum ornamentis ditasti. Quem ita multimodo genere pietatis imbuisti, ut ipse tibi et ara et sacrificium, et sacerdos esset, et templum. Per Christum.

546 Qui nos de donis bonorum temporalium ad perceptionem provehis aeternorum, et haec tribuis et illa largiris., ut et mansuris iam incipiamus inseri, et praetereuntibus non teneri. Tuum est enim, quod vivimus, quia licet peccati vulnere natura nostra sit vitiata, tui tamen est operis, ut terreni generati ad caelestia renascamur. Per Christum.

547 Qui praecursorem Filii tui tanto munere ditasti, ut pro veritatis praeconio capite plecteretur. Et, qui Christum aqua baptizaverat, ab ipso in spiritu baptizatus pro eodem proprio sanguine tingueretur. Praeco quippe veritatis, quae Christus est herodem a fraternis thalamis prohibendo, carceris obscuritate detruditur, ubi solius divinitatis tuae lumine frueretur. Deinde capitalem sententiam subiit, et ad inferna dominum praecursurus descendit. Et quem in mundo digito daemonstravit, ad inferos pretiosa morte praecessit. Et ideo.

548 Qui sic tribuis Ecclesiam tuam sanctorum commemoratione proficere, ut eam semper illorum et festivitate laetifices, et exemplo piae conversationis exerceas, grataque tibi supplicatione tuearis. Per Christum.

548 Qui aeternitate sacerdotii sui omnes tibi servientes sanctificat sacerdotes, quoniam mortali carne circumdati, ita cotidianis peccatorum remissionibus indigemus, ut non solum pro populo sed etiam pro nobis eiusdem te pontificis sanguis exoret. Per quem.

548 Nos tibi in omnium sanctorum tuorum provectu gratias agere, Domine, sancte Pater omnipotens aeterne Deus. Et praecipue pro meritis beatae Dei Genitricis et perpetuae virginis mariae gratia plenae, tuam omnipotentiam laudare benedicere et praedicare. Per quem.

549 Teque in sanctorum tuorum confessionibus laudare in cuius facti sunt virtute victores. Quando enim humana fragilitas vel passionem aequanimiter ferre sufficeret, vel hostis aerii nequitias vinceret, nisi tuae firmitatis subsidium ministrares, et saeva furentis inimici potenter arma contereres. Per Christum.

549 Et te incessanter precari, ut, qui te auctore subsistimus, te dispensante dirigamur. Non nostris sensibus relinquamur, sed ad tuae reducti semper tramitem veritatis, haec studeamus exercere, quae praecipis, ut possimus dona percipere, quae promittis. Per Christum.

549

550 Tuamque in sanctorum tuorum Cornelii simul et Cypriani festivitate praedicare virtutem, quos diversis terrarum partibus greges sacros divino pane pascentes una fide eademque die pari nominis tui confessione coronasti. Per Christum.

550 Beati Cypriani natalicia recensentes, ut, qui in conspectu tuo clarus exstitit dignitate sacerdotii et palma martyrii. Et in praesenti saeculo sua nos intercessione foveat, et ad misericordiam sempiternam pius interventor perducat. Per Christum.

550 Quia cum laude nostra non egeas, grata tibi tamen est tuorum devotio famulorum. Nec te augent nostra praeconia, sed nobis proficiunt ad salutem. Quoniam, sicut fontem vitae praeterire causa moriendi est, sic eodem iugiter redundare affectus est sine fine vivendi. Et ideo.

551 Qui Ecclesiam tuam in tuis fidelibus ubique pollentem, apostolicis facis constare doctrinis, praesta, quaesumus, ut per quos initium divinae cognitionis accepit, per eos usque in finem saeculi capiat regni caelestis augmentum. Per Christum.

551 Qui nos ideo collectis terrae fructibus per abstinentiam tibi gratias agere voluisti, ut ex ipso devotionis genere nos cerneremus, non haec ad exuberantiam corporalem sed ad fragilitatis sustentationem nos percepisse, ut, quod ex his parcius sumeremus, egentium proficeret alimentis. Et, ut salutaris castigatio mortalitatis insolentiam mitigaret, et pietas largitoris, nos tuae benignitati commendatos efficeret, Sicque donis uteremur transitoriis, ut disceremus inhiare perpetuis. Per Christum.

551 Qui iusto pioque moderamine, et pro peccatis flagella inrogas, et post flagella veniam propitiatus condonas. Et peccatorum vitam potius volens quam mortem, non eos ad interitum condemnas, sed, ut corrigantur miseratus exspectas. Per Christum.

552 Et tibi sanctificare ieiunium, quod nos ob aedificationem animarum, et castigationem corporum servare docuisti. Quia restrictis corporibus animae saginantur, in quo homo noster affligitur exterior, dilatatur interior. Memento, quaesumus, Domine, ieiuniorum nostrorum et misericordiarum tuarum quas peccatoribus pie semper ieiunantibus contulisti. Et praesta, ut non solum a cibis sed a peccatis omnibus abstinentes, devotionis tibi ieiunio placeamus. Per Christum.

552 Qui vicit diabolum et mundum, hominemque paradiso restituit, et vitae ianuas credentibus patefecit. Per quem.

553 Et clementiam tuam suppliciter obsecrare, ut cum exsultantibus sanctis, in caelestis regni cubilibus gaudia nostra subiungas. Et quos virtutis imitatione non possumus sequi, debitae venerationis contingamus affectu. Per Christum.

553 Sancti Michaelis archangeli merita praedicantes, quamvis enim nobis sit omnis angelica veneranda sublimitas, quae in maiestatis tuae consistit conspectu, illa tamen est propensius honoranda, quae in eius ordinis dignitate caelestis militiae meruit principatum. Per Christum.

553 Et tuam maiestatem humiliter implorare, ut Iesus Christus Filius tuus Dominus noster sua nos gratia protegat et conservet. Et quia sine ipso nihil recte valemus efficere, ipsius munere capiamus, ut tibi semper placere possimus. Per quem.

554 Et te suppliciter exorare, ut, sic nos bonis tuis instruas sempiternis, ut temporalibus quoque consolari digneris. Sic praesentibus refovere, ut ad gaudia nos mansura perducas. Per Christum.

554 Qui propterea iure punis errantes, et clementer refoves castigatos, ut nos a malis operibus abstrahas, et ad bona facienda convertas. Quia non vis invenire, quod damnes, sed esse potius, quod corones. Qui cum pro nostris meritis iugiter mereamur affligi, tu tamen iudicium ad correctionem temperas, non perpetuam exerces ad poenam. Iuste enim corrigis, et clementer ignoscis. In utroque verax, in utroque misericors. Qui nos ea lege disponis, ut cohercendo in aeternum perire non sinas, et parcendo spatium tribuas corrigendi. Qui ideo malis praesentibus nos flagellas, ut ad bona futura perducas. Ideo bonis temporalibus consolaris, ut de sempiternis facias certiores, quo te et in prosperis et in adversis, pia semper confessione laudemus. Per Christum.

555 Et te in sanctorum tuorum meritis gloriosis conlaudare benedicere et praedicare, qui eos dimicantes contra antiqui serpentis machinamenta, et proprii corporis blandimenta, inexpugnabili virtute rex gloriae roborasti. Ex quibus beatus Lucas evangelista tuus assumpto scuto fidei, et galea salutis et gladio Spiritus Sancti, et viriliter contra vitiorum hostes pugnavit, et evangelicae nobis dulcedinis fluenta manavit. Unde petimus, Domine, immensam pietatem tuam, ut, qui eum tot meritorum donasti praerogativis, nos eius et informes exemplis et adiuves meritis. Per Christum.

555 Et nos clementiam tuam suppliciter exorare, ut Filius tuus Iesus Christus Dominus noster, qui se usque in finem saeculi suis promisit fidelibus adfuturum, et praesentiae corporalis mysteriis non deserat quos redemit, et maiestatis suae beneficiis non relinquat. Per quem maiestatem.

555 Quia tu es mirabilis in omnibus sanctis tuis, quos et nominis tui confessione praeclaros, et suscepta pro te fecisti passione gloriosos. Unde, sicut illi ieiunando orandoque certaverunt, ut hanc possent obtinere victoriam, ita nos eorum exemplis informemur, ut ad celebranda praesentia festa idonei inveniamur, et ad aeterna percipiamur, eorum interventu digni iudicemur. Per Christum.

556 Te in tuorum apostolorum glorificantes honore, qui et illis tribuisti beatitudinem sempiternam, et infirmitati nostrae talia praestitisti suffragia. Per, quae tua possimus adipisci subsidia, et pervenire ad praemia repromissa. Per Christum.

556 Maiestatem tuam suppliciter deprecantes, ut expulsis azymis vetustatis illius agni cibo satiemur et poculo. Qui et nostram imaginem reparavit, et suam nobis gratiam repromisit Iesus Christus Dominus noster. Per quem.

556 Per quem sanctum et benedictum nomen maiestatis tuae ubique veneratur adoratur praedicatur et colitur. Qui est origo salutis, via virtutis, et tuae propitiatio maiestatis. Per quem.

557 Celebrantes sanctorum natalicia coronatorum, quia dum tui nominis per eos gloriam frequentamus, in nostrae fidei augmento succrescimus. Per Christum.

557 Cuius munere beatus martinus confessor pariter et sacerdos, et bonorum operum incrementis excrevit, et variis virtutum donis exuberavit, et miraculis coruscavit. Qui, quod verbis edocuit, operum exhibitione complevit, et documento simul et exemplo subditis ad caelestia regna pergendi ducatum praebuit. Unde tuam clementiam petimus, ut eius, qui tibi placuit exemplis ad bene agendum informemur, meritis muniamur, intercessionibus adiuvemur. Qualiter ad caeleste regnum illo interveniente, te opitulante pervenire mereamur. Per Christum.

557 Et tibi debitas laudes pio honore deferre, et mirabilium tuorum inenarrabilia praeconia devotae mentis veneratione celebrare. Teque ineffabilem atque invisibilem deum laudare benedicere adorare. Per Christum.

558 Cuius est operis, quod conditi sumus, muneris, quod vivimus, pietatis, quod tua erga nos dona cognoscimus. Quamvis enim natura nostra peccati vitiata sit vulnere, a terrenis tamen ad caelestia provehitur, tuo inenarrabili munere. Per Christum.

558 Et te beatae Caeciliae natalicia praeveniendo laudare praedicare et benedicere, quam tanto munere sublimasti, ut ei conferres et virginitatis coronam, et martyrii palmam. Sicque virtute fidei et decore pudicitiae polleret, ut caelestia regna virgo pariter et martyr intraret. Per Christum.

558 Qui in infirmitate virtutem perficis, et humani generis inimicum non solum per viros sed etiam per feminas vincis. Cuius munere beata Caecilia et in virginitatis proposito, et in confessione fidei roboratur, ut nec aetatis lubrico ab intentione mutetur, nec blandimentis carnalibus demulceatur, nec sexus fragilitate deterreatur, nec tormentorum inmanitate vincatur. Sed servando corporis ac mentis integritatem, cum virginitatis et martyrii palma aeternam mereretur adipisci beatitudinem. Per Christum.

559 Et in hac die quam beati clementis passio consecravit, et nobis venerabilem exhibuit. Qui apostolica praedicatione imbutus, doctrinis caelestibus educatus, successionis dignitate conspicuus, et martyr insignis, et sacerdos refulsit egregius. Per Christum.

559 Qui nos assiduis martyrum passionibus consolaris, et eorum sanguinem triumphalem, quem pro confessione nominis tui infidelibus praebuere fundendum, ad tuorum facis auxilium transire fidelium. Per Christum.

559 Cuius primi adventus mysterium ita nos facias dignis laudibus et officiis celebrare: praesentemque vitam inculpabilem ducere, ut secundum valeamus interriti exspectare. Per quem.

559 Cuius gratia beatum Saturninum in sacerdotium elegit, doctrina ad praedicandum erudiit, potentia ad perseverandum confirmavit, ut per sacerdotalem infulam perveniret ad martyrii palmam. Docensque subditos praedicando, instruens vivendi exemplo, confirmans patiendo., ut ad te coronandus perveniret, qui persecutorum minas intrepidus superasset. Cuius interventus nos, quaesumus, a nostris mundet delictis, qui tibi placuit tot donorum praerogativis. Per quem.

560 Et maiestatem tuam suppliciter exorare, ut, qui beati Andreae apostoli festum sollemnibus ieiuniis et devotis praevenimus ieiuniis, illius apud maiestatem tuam et adiuvemur meritis, et instruamur exemplis. Per Christum.

560 Quoniam adest nobis dies magnifici votiva mysterii, qua venerandus Andreas apostolus germanum se gloriosi apostoli tui Petri, tam praedicatione Christi tui quam conversatione monstravit., ut id, quod libera praedicaverat voce, nec pendens taceret in cruce. Auctoremque vitae perennis tam in hac vita sequi, quam in mortis genere meruit imitari., ut cuius praecepto terrena in semetipso crucifixerat desideria, eius exemplo ipse patibulo figeretur. Utrique igitur germani piscatores, ambo cruce elevantur ad caelum, ut quos in huius vitae cursu gratia tua tot vinculis pietatis obstrinxerat, hos inmarcescibilis in regno caelorum necteret et corona. Et quibus erat una causa certaminis, una retributio esset et praemii. Per Christum.

561 Cui proprium est ac singulare, quod bonus es et nulla umquam a te es commutatione diversus, propitiare, quaesumus, supplicationibus nostris. Et Ecclesiae tuae misericordiam tuam quam deprecatur ostende, manifestans plebi tuae Unigeniti tui et incarnationis mysterium, et adventus admirabile sacramentum., ut in universitate nationum constet esse perfectum, quod vatum oraculis fuit ante promissum. Percipiantque dignitatem adoptionis, quos exornat confessio veritatis. Per quem.

561 Et maiestatem tuam humiliter exposcere, ut ita nos Unigeniti tui in praesenti saeculo illustret respectus, qualiter nos culpis omnibus emundatos, inveniat secundus eius adventus. Per quem.

561 Et immensam pietatem tuam indefessis precibus exorare, ut unigenitus tuus semper maneat in cordibus nostris, qui nasci dignatus est de utero virginis matris. Faciatque idoneos et ad celebranda natalis sui festa, et ad percipienda gaudia sempiterna. Per quem.

562 Qui ab antiquis patribus exspectatus, ab angelo nuntiatus, a virgine conceptus, in fine saeculorum hominibus est praesentatus. Qui appropinquante nativitatis suae festo, ita, quaesumus, sit nobis placatus, qualiter tecum et cum spiritu sancto ad nos veniat nobiscum perpetim permansurus. Per quem.

562 Qui tuo inerrabili munere praestitisti, ut natura humana ad similitudinem tui condita, dissimilis per peccatum et mortem effecta, nequaquam in aeterna damnatione periret, sed unde peccatum mortem contraxerat, inde vitam tua pietas immensa repararet. Et antiquae virginis facinus, nova et intemerata virgo maria piaret. Quae ab angelo salutata, ab spiritu sancto obumbrata, illum gignere meruit, qui cuncta nasci suo nutu concessit. Quae mirabatur et corporis integritatem, et conceptus fecunditatem, gaudebatque suum paritura parentem, Iesum Christum Dominum nostrum. Per quem.

562 Cuius incarnatione salus facta est mundi, et passione redemptio procurata est hominis procreati. Ipse nos, quaesumus, ad aeternum perducat praemium, qui redemit de tenebris infernorum. Iustificetque in adventu secundo, qui nos redemit in primo. Quatenus illius nos a malis omnibus defendat sublimitas, cuius nos ad vitam erexit humilitas. Per quem.

563 Quem pro salute hominum nasciturum Gabriel archangelus nuntiavit, virgo maria Spiritus Sancti cooperatione concepit. Ut, quod angelica nuntiavit sublimitas, virginea crederet puritas, ineffabilis perficeret deitas. Illius itaque optamus et opitulante cernere faciem sine confusione, cuius incarnationis gaudemus sollemnitate. Quatenus purificati ieiuniis, cunctis purgati a vitiis, natalis eius interesse mereamur sollemnibus festis. Per quem.

563 Qui sanctificator et institutor es abstinentiae, cuius nullus finis, nullusque est numerus. Effunde, quaesumus, super nos in diebus ieiuniorum nostrorum spiritum gratiae salutaris, et ab omnibus nos perturbationibus saeculi huius, tua defensione conserva, ut, qui Unigeniti tui celebramus adventum, continuum eius sentiamus auxilium. Per quem.

563 Qui non solum peccata dimittis, sed ipsos etiam iustificas peccatores. Et reis non tantum poenas relaxas, sed dona largiris et praemia. Cuius nos pietatem supplices exoramus, ut, qui ieiuniis et votis sollemnibus nativitatem Unigeniti tui praevenimus, illius dono et praesentis vitae perturbationibus careamus, et aeterna munera capiamus. Per quem.

564 Quem Ioannes praecessit nascendo, et in desertis heremi praedicando, et in fluentis Iordanicis baptizando, et ad inferna descendendo. Cuius venerandae nativitatis proximae ventura sollemnitas, ita nos, quaesumus, tibi placitos reddat, ut cum fructu bonorum operum ad regna caelestia introducat., ut parando in cordibus < nostris> viam Domino, fructusque dignos paenitentiae faciendo, per praedicationem Ioannis, obtemperemus monitis nostri salvatoris, sicque perveniamus per filium sterilis, ad filium virginis, per Ioannem hominem magnum, ad eundem dominum nostrum hominem deum. Qui, sicut venit ad nos redimendum occultus, ita iustificet cum ad iudicandum venerit manifestus. Per quem.

564 Qui Ecclesiam tuam in apostolicis tribuisti consistere fundamentis, de quorum collegio beati Thomae apostoli tui sollemnia celebrantes, tua, Domine, praeconia non tacemus. Et ideo cum angelis.

564 Et gloriosi illius martyris pia certamina venerando praevenire, cuius honorabilis annua recursione sollemnitas, et perpetua semper et nova est. Quia et in conspectu tuae maiestatis permanet mors tuorum pretiosa iustorum. Et restaurantur incrementa laetitiae, cum felicitatis aeterne recoluntur exordia. Per Christum.

565 Et in praesenti festivitate sancti martyris tui ill. tibi confitendo laudis hostias immolare tuamque immensam pietatem implorare. Ut, sicut illi dedisti celestis palmam triumphi, sic eo suffragante nobis emundationem ac veniam concedas peccati., ut in te exsultemus in misericordia, in quo ille laetatur in gloria. Per Christum.

565 Et te in omnium martyrum tuorum triumphis laudare. Quoniam tuis donis atque muneribus beati martyris tui ill. passionem hodierna sollemnitate veneramur. Qui pro confessione Iesu Christi Filii tui Domini nostri diversa supplicia sustinuit, et eadem vincens coronam perpetuitatis promeruit. Per quem.

565 Qui sanctorum martyrum tuorum pia certamina ad copiosam perducis victoriam, atque perpetuum eis largiris triumphum, ut Ecclesiae tuae semper sint in exemplum. Praesta nobis, quaesumus, ut per eorum intercessionem quorum festa celebramus, pietatis tuae munera capiamus. Per Christum.

566 Et in hac die quam transitu sacro beati confessoris tui ill. consecrasti, quaesumus, ergo clementiam tuam, ut des nobis illam sequi doctrinam, quam ille et verbo docuit, et opere complevit. Quatenus nos adiuvari apud misericordiam tuam et exemplis eius sentiamus et meritis. Per Christum.

566 Et te in sanctorum tuorum virtute laudare quibus pro meritis suis beatitudinis praemia contulisti, quoniam semper in manu tua sunt, et non tanget illos tormentum mortis, quos te custodiente beatitudinis sinus intercludit, ubi perpetua semper exsultatione laetantur, ubi etiam beatus summus confessor tuus ille sociatus exsultat. Petimus ergo, ut memor sit miseriarum nostrarum, et de tua misericordia nobis impetret beatitudinis suae consortium. Per Christum.

566 Et maiestatem tuam supplici devotione exorare, ut beatorum confessorum tuorum illorum quorum hodie festa celebramus obtentu, mereamur tuum obtinere auxilium. Per Christum.

566 Quem beata virgo pariter et martyr ill. et diligendo timuit, et timendo dilexit. Iliique coniuncta est moriendo, cui se consecraverat caste vivendo. Et pro eo temporalem studuit sustinere poenam, ut ab eo perciperet gloriam sempiternam. Quae dum duplicem vult sumere palmam in sacri certaminis agone, et de corporis integritate, et de fidei puritate, laboriosius duxit longa antiqui hostis sustinere temptamenta, quam vitam praesentem cito amittere per tormenta. Quoniam cum in martyrio proponantur ea, quae terreant, in camis vero delectamentis ea, quae mulceant, molestius sustinetur hostis occultus, quam superetur infestus. Cum ergo in utroque tui sit muneris, quod vicit, quia nihil valet humana fragilitas, nisi tua hanc adiuvet pietas, pro nobis, quaesumus, tuam pietatem exoret, quae a te accepit, ut vinceret. Et, quae Unigeniti tui intrare meruit thalamum, intercessione sua inter mundi huius adversa nobis praestet auxilium. Per quem.

567 Pro cuius caritatis ardore istae et omnes sanctae virgines a beata maria exemplum virginitatis accipientes, praesentis saeculo voluptates ac delicias contempserunt. Quoniam tuo dono actum est, ut postquam virgo de virgine prodiit, sexus fragilis esset fortis, et in quo fuit peccandi facilitas, esset vincendi felicitas. Antiquusque hostis, qui per antiquam virginem genus humanum se vicisse gloriabatur, per sanctas nunc virgines sequaces potius Mariae, quam Evae vincatur. Et in eo maior eo confusio crescat:, quod de eo etiam sexus fragilis iam triumphat. Quapropter immensam pietatem tuam humiliter exposcimus, ut per earum intercessionem, quae et sexum vicerunt et saeculum, tibique placuerunt et virginitatis decore, et passionis vigore, nos mereamur et invisibilem hostem superare, et unigenito tuo Domino nostro adherere. Per quem.

568 Qui es fons inmarcescibilis lucis et origo perpetuae bonitatis, regum consecrator, honorum omnium adtributor, dignitatumque largitor. Cuius ineffabilem clementiam votis omnibus exoramus, ut famulum tuum illum quem regalis dignitatis fastigio voluisti sublimari, sapientiae ceterarumque virtutum ornamentis facias decorari. Et quia tui est muneris, quod regnat, tuae sit pietatis quo id feliciter agat. Quatenus in fundamento spei fidei caritatisque fundatus, peccatorum labe abstersus, de visibilibus et invisibilibus hostibus triumphator effectus, subiecti populi augmento prosperitate et securitate exhilaratus, cum eis mutua dilectione connexus, et transitorii regni gubernacula inculpabiliter teneat, et ad aeterni infinita gaudia te miserante perveniat. Per Christum.

568 Qui es fons vitae, origo luminis, et auctor totius bonitatis. Et maiestatem tuam totis nisibus implorare, ut famulo tuo ill., cui concessisti regendi populi curam, tribuas id secundum tuam voluntatem exsequendi efficaciam. Et quibus tuo dono imperat, eis tua opitulatione fultus salubriter prosit, ut pariter ab omnibus vitae periculis exuti, et virtutum spiritalium ornamentis induti, spei fidei caritatisque gemmis ornati, et mundi cursus pacifico eis tuo ordine dirigatur, et in sanctis operibus te auxiliante perseverent, (beatorumque spirituum coheredes effici mereantur). Per Christum.

569 Tuamque immensam clementiam devotis mentibus, et immensis precibus implorare, ut, qui diversitatem gentium unius sacrae fidei confessione Paracliti spiritus dona voluisti congregare, congregatam cleri ac populi multitudinem, una cum praelato principe iubeas conservare. Idque in hoc conventu te opitulante deliberent, quod nequaquam a tua voluntate discordet. Quatinus tuis monitis parentes, adversitatibus omnibus carentes, bonis omnibus exuberantes, et in praesenti saeculo pacis tranquillitate fruantur, et aeternorum civium consortio adscisci mereantur.

570 Cuius omnipotentia deprecanda est, misericordia exoranda, pietas amplectenda. Cuius maiestatem humili prece deposcimus, ut famulo tuo ill., intercedente sancto tuo ill., remissionem peccatorum tribuas, eiusque viam in voluntate tua dirigas, eumque a cunctis malis eripias. Quatenus a cunctis adversitatibus liberatus, in tuis bonis confirmatus, et ad bonorum desideriorum vota perveniat, et, quae iuste postulat te largiente percipiat. Per Christum.

570 Et pietatem tuam supplici devotione exposcere, ut haec oblatio quam tibi pro famulo tuo ill. offerimus, sit in oculis tuis semper accepta. Et, sicut sanctos tuos fides recta provexit ad coronam, ita eum devotio perducat ad veniam. Qualiter hac oblatione placatus, a cunctis eum emundes sordibus delictorum, et dites fructu operum bonorum. Per Christum.

570 Implorantes tuae maiestatis misericordiam, ut famulo tuo ill. veniam suorum largiri digneris peccatorum., ut ab omnibus inimici vinculis liberatus, tuis toto corde inhaereat mandatis. Et te solum semper tota virtute diligat, et ad tuae quandoque beatitudinis visionem pervenire mereatur. Per Christum.

570 Clementiam tuam pronis mentibus obsecrantes, ut famulos tuos quos sanctae dilectionis nobis familiaritate coniunxisti, tibi facias toto corde subiectos., ut tuae caritatis spiritu repleti, a terrenis mundentur cupiditatibus, et caelesti beatitudine te donante digni efficiantur. Per Christum.

571 A quo deviare mori, coram quo ambulare vivere est, qui fideles tuos in tua via deducis, et miseratione gratissima in veritatem inducis. Qui Abrahae Isaac et Iacob in praesentis viae et vitae circulo custos dux et comes esse voluisti, et famulo tuo Tobi angelum praevium praestitisti. Cuius immensam misericordiam humillimis precibus imploramus, ut iter famuli tui illius cum suis in prosperitate dirigere, eumque inter viae et vitae huius varietates digneris custodire. Quatenus angelorum tuorum praesidio fultus, intercessione quoque sanctorum munitus, a cunctis adversitatibus tua miseratione defensus, profectionis et reversionis suae felicitate potitus, et compos reddatur iustorum votorum, et de suorum laetetur remissione peccatorum. Per Christum.

571 Te toto corde prostrati suppliciter exorantes, ut et praeteritorum nobis concedas veniam delictorum, et ab omni mortalitatis incursu, continua nos miseratione protegas. Quia tunc defensionem tuam non diffidimus adfuturam, cum a nobis ea quibus te offendimus dignanter expuleris. Per Christum.

572 Qui subiectas tibi glorificas potestates, suscipe, quaesumus, propitius preces nostras, et vires adde principibus nostris, ut, qui se dextera tua expetunt protegi, nulla possint adversitate superari. Fidelem quoque populum tuum potentiae tuae muniat invicta defensio, ut pio semper tibi devotus affectu, et ab infestis liberetur inimicis, et in tua iugiter gratia perseveret. Per Christum.

572 Sub cuius potestatis arbitrio omnium regnorum continetur potestas, te humiliter deprecamur, ut principibus nostris propitius adesse digneris. Ut, qui tua expetunt se protectione defendi, omnibus sint hostibus fortiores. Per Christum.

572 Qui fragilitatem nostram non solum misericorditer donis temporalibus consolaris, ut nos ad aeterna provehas, sed etiam ipsis adversitatibus saeculi benignus erudis, ut ad caelestia regna perducas. Per Christum.

572 Qui ideo malis praesentibus nos flagellas, ut ad bona futura perducas. Ideo bonis temporalibus consolaris, ut sempiternis efficias certiores, quo te et in prosperis et in adversis pia semper confessione laudemus. Per Christum.

573 Qui famulos tuos ideo corporaliter verberas, ut mente proficiant, potenter ostendens, quod sit pietatis tuae praeclara salvatio, dum praestas, ut operetur nobis etiam ipsa infirmitas salutem. Per Christum.

573 Quoniam quamvis humano generi mortis inlata condicio pectora nostra contristet, tamen clementiae tuae dono spe futurae immortalitatis erigimur, ac memores salutis aeternae non timemus lucis huius sustinere iacturam. Quoniam beneficio gratiae tuae fidelibus vita non tollitur sed mutatur atque animae corporeo ergastulo liberatae, horrent mortalia, dum immortalia consecuntur. Unde, quaesumus, ut famulus tuus ill. beatorum tabernaculis constitutus, evasisse se carnales glorietur angustias, diemque iudicii cum fiducia voto glorificationis exspectet. Per Christum.

573 In cuius adventu cum geminam iusseris sistere plebem, iubeas famulum tuum ill. a numero discernere malorum. Quem tribuas evadere flammas poene aeterne, et iuste potius adipisci praemia vitae. Induique iubeas devicta morte vigore, semper inextinctam habere luminis auram, dignare perpetuam praeclaro in corpore vitam. Nox ibi nulla suas defendit atra tenebras, securus de salute placidis laetetur in horis, semper victurus, semperque in luce futurus. Per quem.

574 Per quem salus mundi, per quem vita omnium, per quem resurrectio mortuorum. Per ipsum te, Domine, suppliciter deprecamur, ut animae famuli tui ill., cuius diem ill. celebramus indulgentiam largiri digneris perpetuam, atque contagiis mortalitatis exutam in aeternae salvationis parte restituas. Per quem.

574 Qui es redemptor animarum sanctarum, quamvis enim mortis humano generi inlata condicio pectora humana mentesque contristet, tamen clementiae tuae dono spe futurae immortalitatis erigimur. Et memores salutis nostrae non timemus lucis huius subire dispendium, quia misericordiae tuae munere fidelibus vita mutatur non tollitur, et in timoris tui observatione defunctis domicilium perpetuae felicitatis acquiritur. Tibi igitur, clementissime Pater, preces supplices fundimus, et maiestatem tuam devotis mentibus exoramus, ut animae famulorum famularumque tuarum, quorum diem commemorationis celebramus, mortis vinculis absolutae, transitum mereantur ad vitam, et in ovium tibi placitarum benedictione aeternum numerentur ad regnum. Per quem.

575 Cuius sacram passionem pro immortalibus et bene quiescentibus animabus sine dubio celebramus, pro his praecipue quibus secundae nativitatis gratiam praestitisti, quo exemplo Iesu Christi Domini nostri coeperunt esse de resurrectione securi. Quippe, qui fecisti, quae non erant, potes reparare, quae fuerant. Et resurrectionis futurae nobis documenta, non solum per propheticam et apostolicam doctrinam, sed eiusdem Unigeniti tui redemptoris nostri resurrectione dedisti. Ut, quod per prophetas est nuntiatum, per apostolos traditum, ipsius resurrectionis exemplo sit firmatum. Per quem.

576 Omnipotens Deus, qui incarnatione unigeniti sui mundi tenebras effugavit, et eius gloriosa nativitate hanc sacratissimam noctem irradiavit, effuget a vobis tenebras vitiorum, et irradiet corda vestra luce virtutum. Amen. Quique eius sacratissimae nativitatis, gaudium magnum pastoribus ab angelo voluit nuntiari, ipse super vos benedictionis suae gratissimum imbrem infundat, atque ipso pastore vos ad aeternorum gaudiorum pascua aeterna perducat. Amen. Et, qui per eius incarnationem terrena caelestibus sociavit, internae pacis et bonae voluntatis vos nectare repleat, et caelestis militiae consortes efficiat. Amen. Quod ipse praestare dignetur cuius regnum et imperium sine fine permanet in saecula saeculorum. Amen. Benedictio Dei Patris et Filii et Spiritus Sancti, et pax Domini sit semper vobiscum.

576 Benedicat vobis omnipotens Deus, vestramque ad supernam excitet intentionem, qui hanc sacratissimam diem nativitate filii sui fecit esse sollemnem. Amen. Et, qui eum, qui panis est angelorum in praesepi ecclesiae cibum fecit esse fidelium animalium, ipse vos et in praesenti saeculo degustare faciat aeternorum dulcedinem gaudiorum, et in futuro perducat ad societatem aeternorum praemiorum. Amen. Quique eius infantiam vilibus voluit indui pannis, ipse vos caelestium vestimentorum induat ornamentis. Amen. Quod ipse praestare dignetur cuius regnum et imperium sine fine permanet in saecula saeculorum. Amen. Benedictio Dei Patris et Filii et Spiritus Sancti, et pax Domini sit semper vobiscum.

577 Deus, qui beatum Stephanum protomartyrem coronavit, et confessione fidei et agone martyrii, mentes vestras circumdet, et in praesenti saeculo corona iustitiae, et in futuro perducat vos ad coronam gloriae. Amen. Illius obtentu tribuat vobis dei et proximi caritate semper exuberare, qui hanc studuit etiam inter lapidantium impetus obtinere. Amen. Quo eius et exemplo roborati et intercessione muniti, ab eo quem ille a dextris dei vidit stantem, mereamini benedici. Amen. Quod ipse praestare dignetur, qui cum Patre et spiritu sancto vivit et gloriatur Deus, per omnia saecula saeculorum. Amen. Benedictio Dei Patris et Filii et Spiritus Sancti, et pax Domini sit semper vobiscum.

577 Omnipotens Deus dignetur vobis per intercessionem beati Ioannis apostoli et evangelistae benedicere, qui per eum archana verbi sui voluit ecclesiae revelare. Amen. Concedat vobis ut, quod ille Spiritus Sancti munere afflatus, vestris auribus infudit, eiusdem spiritus dono capere mente valeatis. Amen. Quo eius documento de divinitate nostri redemptoris edocti, et amando, quod tradidit, et praedicando, quod docuit, et exsequendo, quod iussit, ad dona pervenire mereamini, quae idem Iesus Christus Dominus noster repromisit. Amen. Quod ipse praestare dignetur, qui cum Patre et spiritu sancto vivit et gloriatur Deus, per omnia saecula saeculorum. Amen. Benedictio Dei Patris et Filii et Spiritus Sancti, et pax Domini sit semper vobiscum.

578 Omnipotens Deus pro cuius Unigeniti veneranda infantia infantum innocentum catervas herodis funesti peremit saevitia, suae vobis benedictionis tribuat dona gratissima. Amen. Et, qui eis concessit, ut unicum filium eius dominum nostrum non loquendo sed moriendo confiterentur, concedat vobis, ut fidem veram quam lingua vestra fatetur, etiam mores probi et vita inculpabilis fateatur. Amen. Quique eos primitivum fructum sanctae suae suscepit ecclesiae, cum fructu bonorum operum vos faciat pervenire ad gaudia aeternae patriae. Amen. Quod ipse praestare dignetur, qui cum Patre et spiritu sancto. Benedictio Dei Patris et Filii et Spiritus Sancti, et pax Domini sit semper vobiscum.

579 Omnipotens Deus cuius Unigenitus hodierna die ne legem solveret quam adimplere venerat corporalem suscepit circumcisionem, spiritali circumcisione mentes vestras ab omnibus vitiorum incentivis expurget, et suam in vos infundat benedictionem. Amen. Et, qui legem per Moysen dedit, ut per mediatorem nostrum benedictionem daret, exuat vos mortificatione vitiorum, et faciat perseverare in novitate virtutum. Amen. Quo, sic in senarii numeri perfectione in hoc saeculo vivatis, et in septenario inter beatorum spirituum agmina requiescatis, quatenus in octavo resurrectione renovati, iubelei remissione ditati, ad gaudia sine fine mansura perveniatis. Amen. Quod ipse praestare dignetur, qui cum Patre et spiritu sancto.

579 Deus lumen verum, qui Unigenitum suum hodierna die stella duce gentibus voluit revelare, sua vos dignetur benedictione ditare. Amen. Quo exemplo magorum mystica Domino Iesu Christo munera offerentes, spreto antiquo hoste, spretisque contagiis vitiorum, ad aeternam patriam redire valeatis per viam virtutum. Amen. Detque vobis veram mentium innocentiam, qui super unigenitum suum Spiritum Sanctum daemonstrari voluit per columbam, eaque virtute mentes vestrae exerceantur ad intellegenda divinae legis archana qua in Chana Galileae lympha est in vinum conversa. Amen. Quod ipse praestare dignetur cuius regnum. Amen.

580 Omnipotens Deus, qui Unigenitum suum hodierna die in adsumpta carne in templo voluit praesentari, benedictionis suae vos munere fultos, bonis operibus faciat exornari. Amen. Et, qui eum, ut legem adimpleret ministrum voluit effici legis, mentes vestras instruat legis suae spiritalibus documentis. Amen. Quo ei et pro turturibus castitatis seu caritatis munera offerre valeatis, et pro pullis columbarum Spiritus Sancti donis exuberetis. Amen. Quod ipse praestare dignetur. Amen.

580 Benedicat vobis omnipotens Deus, qui quadragenarium numerum in Moysi et Eliae necnon et mediatoris nostri ieiunio consecravit, concedatque vobis ita transigere praesentis vitae dispensationem, ut accepto a patrefamilias remunerationis denario, perveniatis ad peccatorum omnium remissionem, et ad gloriosam cum sanctis omnibus resurrectionem. Amen. Detque vobis spiritalium virtutum invictricia arma quibus exemplo Domini devincere valeatis antiqui hostis sagacissima temptamenta. Amen. Quo non in solo pane sed in omni verbo, quod de ore eius procedit spiritalem sumentes alimoniam, per ieiuniorum observationem et ceterorum bonorum operum exhibitionem, percipere mereamini inmarcescibilem gloriae coronam. Amen. Quod ipse praestare dignetur cuius regnum. Amen.

581 Omnipotens Deus ieiunii ceterarumque virtutum dedicator atque amator, sua vos benedictione sanctificet. Amen. Accendat in vobis piae devotionis affectum, et praebeat supplicantibus suum benignus auditum. Amen. Quatenus mentes vestrae sinceris purgatae ieiuniis, bonorum omnium exuberent incrementis. Amen. Quod ipse praestare dignetur. Amen.

581 Omnipotens Deus ieiuniorum vestrorum victimas clementer accipiat, et sua vos benedictione dignos efficiat. Amen. Mentes vestras ita parsimoniae bono contra vitia muniat, praeceptorum suorum doctrinis erudiat, caritatis dono repleat, ut vos in omnibus sibi placere concedat. Amen. Quatenus praesentis quadragesimae diebus devotissime celebratis, ad paschalia festa purificatis cordibus accedere valeatis. Amen. Quod ipse praestare dignetur cuius regnum.

581 Deus, qui vos ad praesentium quadragesimalium dierum medietatem dignatus est perducere, ipse vos sua miseratione dignetur benedicere. Amen. Abstinentiam vestram praeteritam acceptet, futuram ita sibi placitam reddat, ut, sicut ab inlicitis cibis, ita vos etiam a vitiis omnibus abstinere concedat. Amen. Quo de praeteritis et de futuris spiritalium charismatum frugibus ei grates persolventes, ad sanctum Pascha pervenire possitis indemnes. Amen. Quod ipse praestare dignetur.

582 Accendat in vobis Dominus uim sui amoris, et per ieiuniorum observantiam infundat in vobis donum suae benedictionis. Amen. Sic ei parsimoniae victimas offeratis, ut contriti ei cordis et humiliati sacrificio placeatis. Amen. Quatenus oratio vestra ieiunii et elemosinae alis subvecta, ita ad aures vestri conditoris ascendat, ut vos aeternae beatitudinis heredes, et supernorum civium consortes efficiat. Amen. Quod ipse praestare dignetur, qui cum Patre et spiritu sancto vivit et gloriatur Deus, per omnia saecula. Amen. Benedictio Dei Patris et Filii et Spiritus Sancti, et pax Domini sit semper vobiscum.

582 Benedicat vobis omnipotens Deus, cui et ieiuniorum maceratione, et praesentium dierum observatione placere studetis. Amen. Concedatque vobis, ut, sicut ei cum ramis palmarum ceterarumve frondium praesentari studuistis, ita cum palma victoriae et fructu bonorum <operum> ei post obitum apparere valeatis. Amen. Quique unigeniti filii eius passionem puro corde creditis, mente devota venerari studetis, ad resurrectionis eius festa et vestrae remunerationis praemia, ipsius fulti munimine veniatis. Amen. Quod ipse praestare dignetur cuius regnum et imperium sine fine permanet in saecula saeculorum. Amen.

583 Omnipotens Deus, qui Unigeniti sui passione tribuit humilitatis exemplum, concedat vobis per eandem humilitatem percipere suae benedictionis ineffabile donum. Amen. Ipsius resurrectionis percipiamus consortia, cuius patientiae veneramini documenta. Amen. Quo ab eo sempiternae vitae munus percipiatis, per cuius temporalem mortem aeternam vos evadere creditis. Amen. Quod ipse praestare dignetur, qui cum Patre. Amen.

583 Benedicat vos Deus, qui per unigeniti Filii sui passionem vetus pascha in novum voluit converti, concedatque vobis, ut expurgato veteris fermenti contagio, nova in vobis perseveret consparsio. Amen. Et, qui ad celebrandam redemptoris nostri caenam mente devota convenistis, aeternarum dapium vobiscum epulas reportetis. Amen. Ipsiusque opitulante clementia mundemini a sordibus peccatorum, qui ad insinuandum humilitatis exemplum, pedes voluit lavare discipulorum. Amen. Quod ipse praestare dignetur, qui cum.

584 Deus, qui de ecclesiae suae intemerato utero novos populos producens eam virginitate manente nova semper prole fecundat, fidei spei et caritatis vos munere repleat, et suae in vos benedictionis dona infundat. Amen. Et, qui hanc sacratissimam noctem redemptoris nostri resurrectione voluit illustrare, mentes vestras peccatorum tenebris mundatas, virtutum copiis faciat coruscare. Amen. Quo eorum, qui modo renati sunt innocentiam imitari certetis, et vascula mentium vestrarum exemplo praesentium luminum illustretis, ut cum bonorum operum lampadibus ad huius sponsi thalamum cuius resurrectionem celebratis, cum prudentibus virginibus intrare possitis. Amen. Quod ipse praestare dignetur, qui cum Patre.

584 Benedicat vos, omnipotens Deus, hodierna interveniente paschali sollemnitate, et ab omni miseratus dignetur defendere pravitate. Amen. Et, qui ad aeternam vitam in unigeniti sui resurrectione vos reparat, in ipsius adventu immortalitatis vos gaudiis vestiat. Amen. Et, qui expletis ieiuniorum sive passionis dominicae diebus paschalis festi gaudia celebratis, ad ea festa, quae non sunt annua sed continua, ipso opitulante exsultantibus animis veniatis. Amen. Quod ipse praestare dignetur cuius regnum et imperium.

585 Deus cuius unigenitus hodierna die discipulis suis ianuis clausis dignatus est apparere, suae vos benedictionis dono locupletare, et caelestis vobis regni ianuas dignetur aperire. Amen. Et, qui ab eorum pectoribus adtactu sui corporis vulnus amputavit dubietatis, concedat, ut per fidem qua eum resurrexisse creditis, omnium delictorum maculis careatis. Amen. Et, qui eum cum Thoma deum et dominum creditis et cernuis vocibus invocatis, ab eo et in hoc saeculo a malis omnibus tueri, et in futuro sanctorum coetibus adscisci valeatis. Amen. Quod ipse praestare dignetur, qui cum Patre.

585 Benedicat vos omnipotens Deus, qui vos gratuita miseratione creavit, et in resurrectione unigeniti sui spem vobis resurgendi concessit. Amen. Resuscitet vos de vitiorum sepulchris, qui eum resuscitavit a mortuis. Amen. Et cum eo sine fine feliciter vivatis, quem resurrexisse a mortuis veraciter creditis. Amen. Quod ipse praestare dignetur, qui cum Patre.

586 Deus, qui per resurrectionem unigeniti sui vobis contulit et bonum redemptionis et decus adoptionis, suae vobis conferat praemia benedictionis. Amen. Et quo redimente percepistis donum perpetuae libertatis, eo largiente consortes efficiamini aeternae hereditatis. Amen. Et, cui consurrexistis in baptismate credendo, adiungi mereamini in caelesti regione bene vivendo. Amen. Quod ipse praestare dignetur, qui cum Patre.

586 Omnipotens Deus devotionem vestram dignanter intendat, et suae vobis benedictionis dona concedat. Amen. Indulgeat vobis mala omnia, quae gessistis, et tribuat veniam quam ab eo deposcitis. Amen. Sicque ieiunii vestri et precum vota suscipiat, ut a vobis adversa omnia, quae peccatorum retributione meremini avertat, et donum in vos spiritus Paracliti infundat. Amen. Quod ipse praestare dignetur, cuius regnum.

586 Benedicat vobis omnipotens Deus, cuius unigenitus hodierna die caelorum alta penetravit, et vobis ubi ille est ascendendi aditum patefecit. Amen. Concedat propitius ut, sicut post resurrectionem suam discipulis visus est manifestus, ita vobis in iudicium veniens, videatur placatus. Amen. Et, qui eum consedere patri in sua maiestate creditis vobiscum manere, usque in finem saeculi, secundum suam promissionem sentiatis. Amen. Quod ipse praestare dignetur, qui cum Patre.

587 Benedicat vobis omnipotens Deus, ob cuius Paracliti spiritus adventum, mentes vestras ieiunii observantia praeparatis, et praesentem diem sollemnibus laudibus honoratis. Amen. Instar modo renatorum infantium, talem innocentiam habeatis, ut templum Sancti Spiritus ipso tribuente esse possitis. Amen. Atque idem Spiritus Sanctus ita vos hodie sua habitatione dignos efficiat, ut cras se vestris mentibus vobiscum perpetim habitaturus infundat, et peracto praesentis vitae curriculo, vos ad caelestia regna perducat. Amen. Quod ipse praestare dignetur, qui cum Patre et filio unus Deus vivit et regnat per omnia saecula saeculorum. Amen.

587 Deus, qui hodierna die discipulorum mentes spiritus Paracliti infusione dignatus est illustrare, faciat vos sua benedictione repleri, et eiusdem spiritus donis exuberare. Amen. Ille ignis, qui super discipulos apparuit, peccatorum vestrorum sordes expurget, et sui luminis infusione, corda vestra perlustret. Amen. Quique dignatus est diversitatem linguarum in unius fidei confessione adunare, in eadem nos faciat fide perseverare, et per hanc ab spe ad speciem pervenire. Amen. Quod ipse praestare dignetur cuius regnum.

588 Benedicat vobis, omnipotens Deus, beati Ioannis Baptistae intercessione, cuius hodie natalicia celebratis, concedatque, ut cuius sollemnia colitis, patrocinia sentiatis. Amen. Illius obtentu ab omnibus adversis tueamini, et bonis omnibus perfruamini, qui adventum redemptoris mundi necdum natus cognovit, matris sterilitatem nascendo abstulit, Patris linguam natus absolvit. Amen. Quatenus ipsius agni quem ille digito ostendit, cuius immolatione estis redempti, ita virtutum lanis vestiri, et innocentiam valeatis imitari, ut ei in aeternae patriae felicitate possitis adiungi. Amen. Quod ipse praestare dignetur, qui cum Patre.

588 Benedicat vobis omnipotens Deus, qui per unigeniti sui Iesu Christi Domini nostri passionem et crucis patibulum, genus redemit humanum. Amen. Concedatque vobis, ut cum omnibus sanctis, quae sit eiusdem crucis longitudo, latitudo, sublimitas, et profundum, mente devota, conprehendere possitis. Amen. Quatenus vosmetipsos abnegando crucemque gestando, ita in praesentis vitae stadio redemptorem nostrum possitis sequi, ut ei inter choros angelorum post obitum mereamini adscisci. Amen. Quod ipse praestare dignetur, qui cum Patre.

589 Benedicat vobis omnipotens Deus, qui vos beati Petri saluberrima confessione in ecclesiasticae fidei fundavit soliditate. Amen. Et quos beati Pauli sanctissima instruxit praedicatione, sua tueatur gratissima defensione. Amen. Quatenus Petrus clave, Paulus sermone, utrique intercessione ad illam vos certent patriam introducere, ad quam illi alter cruce alter gladio hodierna die pervenere. Amen. Quod ipse praestare dignetur cuius regnum et imperium.

589 Deus, qui per beatae Mariae Virginis partum, genus humanum dignatus est redimere, sua vos dignetur benedictione locupletare. Amen. Eiusque semper et ubique patrocinia sentiatis, ex cuius intemerato utero, auctorem vitae suscipere meruistis. Amen. Et, qui ad eius celebrandam festivitatem hodierna die devotis mentibus convenistis, spiritalium gaudiorum et aeternorum praemiorum vobiscum munera reportetis. Amen. Quod ipse praestare dignetur, qui cum Patre.

589 Deus, qui vos beati Ioannis Baptistae concedit sollemnia frequentare, tribuat vobis et eadem devotis mentibus celebrare, et suae benedictionis dona percipere. Amen. Et, qui pro legis eius praeconio carceralibus est retrusus in tenebris, intercessione sua a tenebrosorum operum vos liberet incentivis. Amen. Et, qui pro veritate, quae Deus est caput non est cunctatus amittere, suo interventu ad caput vestrum, quod Christus est vos faciat pervenire. Amen. Quod ipse praestare dignetur, qui cum Patre.

590 Omnipotens Deus cuius Unigeniti adventum et praeteritum creditis et futurum exspectatis, eiusdem adventus vos illustratione sanctificet, et sua benedictione locupletet. Amen. In praesentis vitae stadio vos ab omni adversitate defendat, et se vobis in iudicio placabilem ostendat. Amen. Quo a cunctis peccatorum contagiis liberati, illius tremendi examinis diem exspectetis interriti. Amen. Quod ipse praestare dignetur, qui cum Patre.

590 Omnipotens Deus vos placito vultu respiciat, et in vos suae benedictionis donum infundat. Amen. Et, qui hos dies incarnatione unigeniti sui fecit sollemnes, a cunctis praesentis et futurae vitae adversitatibus vos reddat indemnes. Amen. Ut, qui de adventu redemptoris nostri secundum carnem devota mente laetamini, in secundo cum in maiestate venerit praemiis aeternae vitae ditemini. Amen. Quod ipse praestare dignetur, qui cum Patre.

591 Deus, qui vos in apostolicis tribuit consistere fundamentis, benedicere vobis dignetur beati apostoli sui ill. intercedentibus meritis. Amen. Defendatque vos a cunctis adversis apostolicis praesidiis, qui vos eorum voluit ornari et munerari exemplis et documentis. Amen. Quo per eorum intercessionem perveniatis ad aeternae patriae hereditatem, per quorum doctrinam tenetis fidei integritatem. Amen. Quod ipse praestare dignetur cuius regnum et imperium.

591 Beati martyris sui ill. intercessione vos Dominus benedicat, et ab omni malo defendat. Amen. Extendat in vos dexteram suae propitiationis, qui eum suscepit per supplicia passionis. Amen. Quo eius in caelo mereamini habere consortium, cuius devotis mentibus in terra celebratis triumphum. Amen. Quod ipse praestare dignetur cuius regnum.

591 Benedicat vobis Dominus beatorum martyrum suorum ill. suffragiis, et liberet ab adversitatibus cunctis. Amen. Commendet vos eorum intercessio gloriosa, quorum in conspectu eius est mors pretiosa. Amen. Ut, sicut illi per diversa genera tormentorum caelestis regni sunt sortiti hereditatem, ita vos eorum mereamini consortium per bonorum operum exhibitionem. Amen. Quod ipse praestare dignetur cuius regnum.

592 Omnipotens Dominus det vobis copiam benedictionis, qui beatum ill. sibi adscivit virtute confessionis. Amen. Et, qui illum fecit coruscare miraculis, vos exornet bonorum operum incrementis. Amen. Quo eius exemplis eruditi et intercessione muniti, cuius depositionis diem celebratis, illi possitis in caelesti regione adiungi. Amen. Quod ipse praestare dignetur cuius regnum et imperium.

592 Sanctorum confessorum suorum ill. meritis vos Dominus faciat benedici, et contra adversa omnia eorum intercessione muniri. Amen. Eorum vos efficiat suffragatio felices, quorum festivitatis diem celebratis ovantes. Amen. Quo eorum imitantes exemplo, ad caelestia pervenire possitis promissa. Amen. Quod ipse praestare dignetur cuius regnum et imperium.

593 Benedicat vobis Dominus, qui beatae virgini ill. concessit et decorem virginitatis, et gloriam passionis. Amen. Et cuius opitulatione illa meruit et sexus fragilitatem, et persequentium rabiem devincere, vos possitis et vestrorum corporum inlecebras, et antiqui hostis machinamenta superare. Amen. Quo, sicut illa sexu fragili virile nisa est certamen adire, et post certamen de hostibus triumphare, ita vos in hac mortalitate viventes valeatis et antiquum hostem devincere, et ad regna caelestia pervenire. Amen. Quod ipse praestare dignetur cuius regnum.

593 Omnipotens Dominus intercedentibus sanctis virginibus suis vos dignetur benedicere, qui de antiquo hoste non solum per viros, verum etiam per feminas voluit triumphare. Amen. Et, qui illis voluit centesimi fructus donum decore virginitatis et agone martyrii conferre, vos dignetur et vitiorum squaloribus expurgare, et virtutum lampadibus exornare. Amen. Quatenus virtutum oleo ita peccatorum vestrorum lampades possint repleri, ut cum eis caelestis sponsi thalamum valeatis ingredi. Amen. Quod ipse praestare dignetur cuius regnum et imperium. Amen.

594 Benedicat vobis Dominus et custodiat vos. Amen. Illuminet faciem suam super vos et misereatur vestri. Amen. Convertat vultum suum ad vos, et donet vobis pacem. Amen. Quod ipse praestare dignetur cuius regnum.

594 Omnipotens Deus sua vos clementia benedicat, et sensum in vobis sapientiae salutaris infundat. Amen. Catholicae fidei vos documentis enutriat, et in sanctis operibus perseverabiles reddat. Amen. Gressus vestros ab errore convertat, et viam vobis pacis et caritatis ostendat. Amen. Quod ipse praestare dignetur cuius regnum.

594 Inclinet Dominus aurem suam ad preces vestrae humilitatis, et det vobis gratiam suae benedictionis, et praemium sempiternae salutis. Amen. Semper et ubique dominum propitium habeatis, et in eius laudibus exsultetis. Amen. Omnium peccatorum vestrorum vincula solvat, et ad gloriam sempiternam pervenire vos faciat. Amen. Quod ipse praestare dignetur cuius regnum.

595 Multiplicet in vobis Dominus copiam suae benedictionis, et confirmet vos in spe regni caelestis. Amen. Actus vestros corrigat, vitam emendet, mores componat, et vos ad caelestis paradisi hereditatem perducat. Amen. Talique intentione repleri valeatis, qua ei in perpetuum placeatis. Amen. Quod ipse praestare dignetur, qui cum Patre et spiritu sancto.

595 Devotionem vestram Dominus dignanter intendat, et suae vobis benedictionis dona concedat. Amen. Talique vos in praesenti saeculo subsidio muniat, ut paradisi vos in futuro habitatores efficiat. Amen. Sicque corda vestra sanctificando benedicat, et benedicendo sanctificet, ut vobiscum immo in vobis eum iugiter habitare delectet. Amen. Quod ipse praestare dignetur cuius regnum. Amen.

595 Det vobis Dominus munus suae benedictionis, et repleat vos spiritu veritatis et pacis. Amen. Quatenus, sic per viam salutis devota mente curratis, ut subripientium delictorum laqueos salubriter evadatis. Amen. Sicque efficiamini in eius supplicatione devoti, et in mutua dilectione sinceri, ut ad caeleste regnum pervenire possitis securi. Amen. Quod ipse praestare dignetur cuius regnum.

596 Concedat vobis, omnipotens Deus, munus suae benedictionis, qui vestrae est conscius infirmitatis. Amen. Et, qui vobis tribuit supplicandi affectum, tribuat consolationis auxilium. Amen. Ut ab eo et praesentis et futurae vitae subsidium capiatis, cuius vos bonitate creatos esse creditis. Amen. Quod ipse praestare dignetur, qui cum Patre et spiritu sancto.

596 Omnipotens Deus caelesti vos protectione circumdet, et suae benedictionis dono locupletet. Amen. Concedatque vobis ut, qui in sola spe gratiae caelestis innitimini, caelesti etiam protectione muniamini. Amen. Quatenus et in praesenti saeculo mortalis vitae solatia capiatis, et sempiterna gaudia conprehendere valeatis. Amen. Quod ipse praestare dignetur, qui cum Patre.

596 Omnipotens Deus dexterae suae perpetuo vos circumdet auxilio, et benedictionum suarum repleat dono. Amen. Ab omni vos pravitate defendat, et donis caelestibus exuberare concedat. Amen. Quo corpore mundati ac mente, talem ei exhibeatis servitutem, per quam suam consequi valeatis propitiationem. Amen. Quod ipse praestare dignetur, qui cum Patre.

597 Purificet, omnipotens Deus, vestrorum cordium archana, et benedictionis suae vobis tribuat incrementa. Amen. Ab omnibus vitae praesentis periculis exuamini, et virtutum spiritalium ornamentis induamini. Amen. Quo illius adiutorio fulti, sic ei serviatis in terris, ut ei coniungi valeatis in caelis. Amen. Quod ipse praestare dignetur, qui cum Patre.

597 Omnipotens Deus universa a vobis adversa excludat, et suae super vos benedictionis dona propitiatus infundat. Amen. Corda vestra efficiat sacris intenta doctrinis quo possint repleri beneficiis sempiternis. Amen. Quatenus et exsequenda intellegentes, et intellecto exsequentes, et inter adversa mundi inveniamini indemnes, et beatorum spirituum efficiamini coheredes. Amen. Quod ipse praestare dignetur, cuius regnum et imperium.

597 Omnipotens Deus dies vestros in sua pace disponat, et suae vobis benedictionis dona concedat. Amen. Ab omnibus vos perturbationibus liberet, et mentes vestras in suae pacis tranquillitate consolidet. Amen. Quatenus spei fidei et caritatis gemmis ornati, et praesentem vitam transigatis inlaesi, et ad aeternam perveniatis securi. Amen. Quod ipse praestare dignetur, qui cum Patre.

598 Benedicat tibi Dominus, custodiensque te, sicut te voluit super populum suum constituere regem, ita et in praesenti saeculo felicem, et aeternae felicitatis tribuat esse consortem. Amen. Clerum ac populum quem sua voluit opitulatione tua sanctione congregari, sua dispensatione, et tua administratione, per diuturna tempora faciat feliciter gubernari. Amen. Quatenus divinis monitis parentes, adversitatibus omnibus carentes, bonis omnibus exuberantes, tuo ministerio fideli amore obsequentes, et in praesenti saeculo pacis tranquillitate fruantur, et tecum aeternorum civium consortio potiri mereantur. Amen. Quod ipse praestare dignetur cuius regnum et imperium sine fine permanet in saecula saeculorum. Amen.

599 Sic age quasi redditurus Deo rationem pro his rebus, quae istis clavibus recluduntur.

599

599 Deum Patrem omnipotentem suppliciter deprecamur, ut hunc famulum suum N, benedicere dignetur, quem in officium ostiarii eligere dignatus est, ut sit ei fidelissima cura in diebus ac noctibus ad distinctionem horarum certarum ad invocandum nomen Domini. Adiuvante Domino nostro Iesu Christo, qui cum eo vivit et regnat Deus in unitate Spiritus Sancti, per omnia saecula saeculorum.

599 Domine sancte Pater omnipotens aeterne Deus, benedicere digneris hunc famulum tuum N. ostiarium, ut inter ianitores ecclesiae paret obsequia, et inter electos tuos partem tuae mereatur habere mercedis.

600 Accipe et esto verbi dei relator, habiturus si fideliter et utiliter impleveris officium partem cum his, qui Verbum Dei ministraverint. Eligunt te fratres tui, ut sis lector in domo dei tui et agnoscas officium tuum et impleas illud. Potens est enim Deus, ut augeat tibi gratiam.

600 Domine sancte Pater omnipotens aeterne Deus, benedicere digneris famulum tuum hunc in officium lectoris, ut assiduitate lectionum distinctus atque ornatus, et agenda dicat, et dicta opere compleat, et in utroque sanctae ecclesiae consulat.

600 Accipe et commenda memoriae et habeto potestatem inponendi manum super energumenum sive baptizatum sive catechumenum.

601 Deum Patrem omnipotentem supplices deprecamur, ut hunc famulum suum N. benedicere dignetur in officium exorcistae, ut sit spiritalis imperator ad abiciendos daemones de corporibus obsessis, cum omni nequitia eorum multiformi. Adiuvante Domino nostro Iesu Christo, qui cum eo vivit et regnat Deus in saecula saeculorum.

601 Domine sancte Pater omnipotens aeterne Deus, benedicere digneris hunc famulum tuum N. in officium exorcistae, ut per impositionem manuum et oris officium eum eligere digneris, ut imperium habeat spirituum immundorum cohercendo, et probabilis sit medicus ecclesiae gratiae curationum virtute confirmatus.

601 Accipiat et urceolum vacuum ad fundendum vinum in eucharistia corporis Christi.

602 Omnipotens sempiterne Deus, fons lucis et origo bonitatis, qui per Iesum Christum Filium tuum lumen verum mundum illuminasti, eiusque passionis mysterio redemisti, benedicere dignare hunc famulum tuum quem in acolythi officium consecramus, poscentes tuam clementiam, ut eius mentem et lumine scientiae illustres, et pietatis tuae rore inriges, ut ita perceptum ministerium te auxiliante peragat, qualiter ad aeternam remunerationem pervenire mereatur. Per eundem.

602 Auxiliante Domino Deo et Salvatore nostro Iesu Christo.

602 Auxiliante Domino Deo et Salvatore nostro Iesu Christo, eligimus in ordinem diaconii, sive presbyterii, N. subdiaconum, sive diaconum, de titulo illo, illum presbyterum de titulo illo. Si quis autem habet aliquid contra hos viros pro Deo et propter deum, cum fiducia exeat et dicat. Verumtamen memor sit communionis suae.

603 Kyrie eleyson

603

603 Sicut, qui invitatus rennuit, quaesitus refugit, sacris est altaribus removendus, sic, qui ultro ambit vel inportunus se ingerit, est procul dubio repellendus. Nam, qui nititur ad altiora conscendere, quid agit, nisi, ut crescendo decrescat. Cur non pependit quia benedictio illi in maledictum convertitur, quia ad hoc, ut fiat hereticus promovetur.

603

604 Vide cuius mysterium tibi traditur. Et ideo si usque nunc fuisti tardus ad ecclesiam, a modo debes esse assiduus. Si usque nunc somnolentus, a modo vigil. Si usque nunc ebriosus, a modo sobrius. Si usque nunc inhonestus, a modo castus. Oblationes, quae veniunt in altari panes propositionis appellantur. De ipsis oblationibus, tantum debet in altari poni, quantum populo possit sufficere, ne aliquid putridum in sacrario remaneat. Pallae vero, quae sunt in substratorio in alio vase debent lavari, in alio corporales pallae. Ubi pallae corporales lavatae fuerint nullum linteamen ibidem aliud debet lavari, ipsa aqua in baptisterio debet vergi. Ideo te ammoneo tu talem te exhibe, ut Deo placere possis.

604

604 Oremus Deum ac Dominum nostrum, ut super servum suum N. quem ad subdiaconatus officium vocare dignatus est infundat benedictionem et gratiam suam, ut in conspectu suo fideliter serviens, praedestinata sanctis praemia consequatur. Auxiliante Domino nostro Iesu Christo, qui cum eo vivit et regnat Deus in unitate Spiritus Sancti.

605 Domine sancte Pater omnipotens aeterne Deus, benedicere digneris famulum tuum hunc quem ad subdiaconatus officium eligere dignatus es, uti eum sacrario tuo sancto strenuum sollicitumque caelesti militiae instituas, et sanctis altaribus fideliter subministret, et requiescat super eum spiritus sapientiae et intellectus, spiritus consilii et fortitudinis, spiritus scientiae et pietatis, repleas eum spiritu timoris tui, et eum ministerio divino confirmes, ut oboediens facto atque dicto parens tuam gratiam consequatur.

Index

Conspectus