Laudem Deo dicam

Layer L
Fulltext Laudem Deo dicam per saecula qui me plasmavit in manu dextera et reformavit cruce purpurea sanguine nati qui cunctos redemit ab ortu solis orbis per climata usque ad mundi partes occiduas in laude cuius clamores excitat lectio Isaiae prophetae
In qua Christi lucida vaticinatur nativitas haec dicit Dominus
Pater Filius Sanctus Spiritus populus gentium qui ambulabat in tenebris
Quem creasti quem fraude subdola hostis expulit paradiso vidit lucem magnam
Fulserunt et immania nocte media pastoribus lumina habitantibus in regione umbrae mortis
Lux sempiterna et redemptio vere nostra orta est eis
O mira genitura O proles gloriosa O stupenda nativitas parvulus enim natus est nobis
Magnus hic erit Iesus filius Dei et filius
Patris summi datus est nobis
Ab arce summa et factus est principatus super umeros eius
Ut caelos regat atque arva necnon refraenet maria et vocabitur nomen eius
Messias Sother Emanuel Sabaoth Adonai Admirabilis
Radix David Consiliarius
Dei patris qui creavit omnia Deus fortis
Pulchre daemonum castra perimens taeterrima Pater futuri saeculi
Rex omnipotens et cuncta regens princeps pacis
Per saecla sempiterna multiplicabitur eius imperium
In Ierusalem Iudaea sive Samaria et pacis non erit finis
Hic et in aevum super solium David et super regnum eius sedebit
Et regni meta sui non erit aliqua ut confirmet illud et corroboret
In fidei pignore in iudicio et iustitia
Iudex cum venerit iudicare saeculum amodo
Illi debetur gloria laus et iubilatio et usque
Semper o pie succurre catervae
Nostrae in laude rex tui coinunctae
Qui virgine in tempore matre
Complexibus natus maris absque
Mortis dedisti pretio tuae nos posse
Caelicolarum inesse dignos gloriae
Quorum vere es in sempiternum
Text Source AH 49:383

Conspectus

Book Part Season Week Day Feast Genre Mass P.N
ES Segovia 1500, Missal, Missale Segobiense | 56 S Dec 25 Nat Seq M1 42 (8v)