| Layer | L |
|---|---|
| Fulltext | Verbum Dei Deo natum quod nec factum nec creatum venit de caelestibus Hoc vidit hoc attrectavit hoc de caelo reseravit Ioannes hominibus Inter illos primitivos veros veri fontis rivos Ioannes exsiliit Toti mundo propinare nectar illud salutare quod de throno prodiit Caelum transit veri rotam solis videt ibi totam mentis figens aciem Speculator spiritalis quasi seraphim sub alis Dei videt faciem Audiit in giro sedis quid psallant cum citharoedis quater seni proceres De sigillo Trinitatis nostrae nummo civitatis impressit characteres Iste custos virginis arcanum originis divinae mysterium scribens evangelium mundo demonstravit Caeli cui sacrarium Christus suum lilium filio tonitrui sub amoris mutui pace commendavit Haurit virus hic letale ubi corpus virginale virtus servat fidei Poena stupet quod in poena sit Ioannes sine poena bullientis olei Hic naturis imperat ut et saxa transferat in decus gemmarum Quo iubente riguit aurum fulvum induit virgula silvarum Hic infernum reserat morti iubet referat quos venenum stravit Obstruit quod Ebion Cerinthus et Marcion perfide latravit Volat avis sine meta quo nec vates nec propheta evolavit altius Tam implenda quam impleta nunquam vidit tot secreta purus homo purius Sponsus rubra veste tectus visus sed non intellectus redit ad palatium Aquilam Ezechielis sponsae misit quae de caelis referre mysterium Dic dilecte de dilecto qualis hic sit ex dilecto sponsus sponsae nuntia Dic quis cibus angelorum quae sint festa supernorum de sponsi praesentia Veri panem intellectus cenam Christi supra pectus sumptam nobis resera Ut cantemus de patrono coram agno coram throno laudes super aethera |
| Text Source | AH 55:188 |
| Book | Part | Season | Week | Day | Feast | Genre | Mass | P.N | |
|---|---|---|---|---|---|---|---|---|---|
| DE Konstanz 1505, Missal, Missale Constantiense | 27 | S | Dec | 27 | Ioan.ap | Seq | M2 | 59 (13r) | ||
| PL Lidzbark Warmiński 1497, Missal, Missale Warmiense | 102 | S | Dec | 27 | Ioan.ap | Seq | M2 | 512 (235v) |