Ecce dies celebris

Layer L
Fulltext Ecce dies celebris lux succedit tenebris morti resurrectio
Laetis cedant tristia cum sit maior gloria quam prima confusio
Umbram fugat veritas vetustatem novitas luctum consolatio
Pascha novum colite quod praeit in capite membra sperent singula
Pascha novum Christus est qui pro nobis passus est agnus sine macula
Hosti qui nos circuit praedam Christus eruit quod Samson praeinnuit dum leonem lacerat
David fortis viribus a leonis unguibus et ab ursi faucibus gregem patris liberat
Quod in morte plures stravit Samson Christum figuravit cuius mors victoria
Samson dictus sol eorum Christus lux est electorum quos illustrat gratia
Iam de crucis sacro vecte botrus fluit in dilectae penetral ecclesiae
Iam calcato torculari musto gaudent debriari gentium primitiae
Saccus scissus et pertusus in regales transit usus saccus fit soccus gloriae caro victrix miseriae
Quia regem peremerunt rei regnum perdiderunt sed non deletur penitus cain in signum positus
Reprobatus et abiectus lapis iste nunc electus in tropaeum stat erectus et in caput anguli
Culpam delens non naturam novam creat creaturam tenens in se ligaturam utriusque populi
Capiti sit gloria membrisque concordia
Text Source AH 54:144 – Adamus de Sancto Victore

Conspectus

Book Part Season Week Day Feast Genre Mass P.N
FR Angers 1489, Missal, Missale Andegavense | 71 T Pasc H1 f4 Seq M2 171 ()
FR Paris 1481, Missal, Missale Parisiense | 79 T Pasc H1 f4 Seq M2 192 (85v)