| Layer | L |
|---|---|
| Fulltext | Heri mundus exsultavit et exsultans celebravit Christi natalitia Heri chorus angelorum prosecutus est caelorum regem cum laetitia Protomartyr et levita clarus fide clarus vita clarus et miraculis Sub hac luce triumphavit et triumphans insultavit Stephanus incredulis Fremunt ergo tamquam ferae quia victi defecere lucis adversarii Falsos testes statuunt et linguas exacuunt viperarum filii Agoniza nulli cede certa certus de mercede persevera Stephane Insta falsis testibus confuta sermonibus synagogam satanae Testis tuus est in caelis testis verax et fidelis testis innocentiae Nomen habes coronati te tormenta decet pati pro corona gloriae Pro corona non marcenti perfer brevis vim tormenti te manet victoria Tibi fiet mors natalis tibi poena terminalis dat vitae primordia Plenus sancto spiritu penetrat intuitu Stephanus caelestia Videns Dei gloriam crescit ad victoriam suspirat ad praemia En a dextris Dei stantem Iesum pro te dimicantem Stephane considera Tibi caelos reserari tibi Christum revelari clama voce libera Se commendat salvatori pro quo dulce ducit mori sub ipsis lapidibus Saulus servat omnium vestes lapidantium lapidans in omnibus Ne peccatum statuatur his a quibus lapidatur genu ponit et precatur condolens insaniae In Christo sic obdormivit qui Christo sic oboedivit et cum Christo semper vivit martyrum primitiae Quod sex suscitaverit mortuos in Africa Augustinus asserit fama refert publica Huius Dei gratia revelato corpore mundo datur pluvia siccitatis tempore Solo fugit hic odore morbos et daemonia laude dignus et honore Iugique memoria Martyr cuius est iucundum nomen in ecclesia languescentem fove mundum caelesti fragrantia |
| Text Source | AH 55:310 – Adamus de Sancto Victore |
| Book | Part | Season | Week | Day | Feast | Genre | Mass | P.N | |
|---|---|---|---|---|---|---|---|---|---|
| FR Angers 1489, Missal, Missale Andegavense | 71 | S | Dec | 26 | Steph.m | Seq | M2 | 38 () | ||
| ES Calahorra 1554, Missal, Missale Calagurritanum et Calciatense | 66 | S | Dec | 26 | Steph.m | Seq | M2 | 193 () | ||
| FR Tarentaise 1530, Missal, Missale Tarentasiense | 604 | S | Dec | 26 | Steph.m | Seq | M2 | 19 (10r) | ||
| FR OPraem 1510, Missal, Missale Praemonstratense | 456 | S | Dec | 26 | Steph.m | Seq | M2 | 403 (178) | ||
| FR Paris 1481, Missal, Missale Parisiense | 79 | S | Dec | 26 | Steph.m | Seq | M2 | 307 (133) |