| Layer | L |
|---|---|
| Fulltext | In sapientia disponens omnia superna deitas Nobis condoluit quos diu tenuit dira calamitas Mittitur nuntius secreti conscius a caeli solio Qui mundo perferat quod iam promiserat Pater de filio Salutat virginem Deum et hominem dicens concipies Salutem gentium rerum principium utero paries Nec diu distulit sed fiat intulit et plena gratiae Protulit filium lumen fidelium solem iustitiae Natus est Dei filius caelorum rex non alius Regni caelestis curia laudes reddit in gloria Lux refulsit pastoribus non populis sublimibus Vili iacet praesaepio quem nulla claudit regio Stella fulgens apparuit dum virga Iesse floruit Offerunt reges munera thus murrham auri pondera Circumcidi passus est qui pro nobis natus est Ad Iordanis flumina nostra lavit crimina Offert virgo filium vitae sacrificium Simeonis brachia sua gestant gaudia Prima virtus salvatoris aqua vinum edidit Caecis visum claudis gressum mutis loqui reddidit Surdus audit lepra fugit et resurgunt mortui Hostem fugat febrem curat imperatque fluctui Panes quinque pisces duo quinque pascunt milia Sanguis manat Chananaeae reddita est filia Iuxta vaticinium agnus pastor ovium immolandus ducitur Agnus sine macula mortis solvens vincula mortem crucis patitur Vitam reddens miseris rediit ab inferis surgit die tertia Visus est discipulis in rerum miraculis operante gratia Sicque victis hostibus illis intuentibus Iesus elevatus est Nostrae carnis gloria summa cum victoria in caelum assumptus est Angelus consilii spiritum solacii mittens quem promiserat Dedit dona filiis linguis loqui variis sibi quos elegerat Eia mente fideli vox nova regi cantica reddat ut rediturus post brevitatem temporis Huius crimina tollat gaudia reddat perdita primi sorte parentis |
| Text Source | AH 54:116 |
| Book | Part | Season | Week | Day | Feast | Genre | Mass | P.N | |
|---|---|---|---|---|---|---|---|---|---|
| ES Zaragoza 1498, Missal, Missale Caesaraugustanum | 63 | S | Ian | 1 | Circ | Seq | M2 | 64 (13v) | ||
| FR Béziers 1400-1500, Missal, BNF Paris NAL 1690 | 210 | S | Ian | 1 | Circ | Seq | M2 | 78 (22v) | ||
| FR Senlis 1524, Missal, Missale Silvanectense | 582 | S | Ian | 13 | Oct.Ep | Seq | M2 | 30 (17r) |