| Layer | L |
|---|---|
| Fulltext | Qui procedis ab utroque genitore genitoque pariter paraclite Redde linguas eloquentes fac ferventes in te mentes flamma tua divite Amor patris filiique par amborum et utrique compar et consimilis Cuncta reples cuncta foves astra regis caelum moves permanens immobilis Lumen carum lumen clarum internarum tenebrarum effugans caliginem Per te mundi sunt mundati tu peccatum et peccati destruis rubiginem Veritatem novam facis et ostendis viam pacis et iter iustitiae Perversorum corda vitas et bonorum corda ditas munere scientiae Te docente nil obscurum te praesente nil impurum sub tua praesentia Gloriatur mens iucunda per te laeta per te munda gaudet conscientia Tu commutas elementa per te suam sacramenta habent efficaciam Tu nocivam vim repellis tu confutas et refellis hostium nequitiam Quando venis corda lenis quando subis atrae nubis effugit obscuritas Sacer ignis pectus ignis non comburis sed a curis purgas quando visitas Mentes prius imperitas et sopitas et oblitas erudis et excitas Foves linguas formas sonum cor ad bonum facit pronum a te data caritas O iuvamen oppressorum o solamen miserorum pauperum refugium Da contemptum terrenorum ad amorem supernorum trahe desiderium Consolator et fundator habitator et amator cordium humilium Pelle mala terge sordes et discordes fac concordes et affer praesidium Tu qui quondam visitasti docuisti confortasti timentes discipulos Visitare nos digneris nos si placet consoleris et credentes populos Par maiestas personarum par potestas est earum et communis deitas Tu procedens a duobus coaequalis es ambobus in nullo disparitas Quia tantus es et talis quantus pater est et qualis servorum humilitas Deo patri filioque redemptori tibi quoque laudes reddit debitas |
| Text Source | AH 54:155 – Adamus de Sancto Victore |
| Book | Part | Season | Week | Day | Feast | Genre | Mass | P.N | |
|---|---|---|---|---|---|---|---|---|---|
| FR Clermont-Ferrand 1492, Missal, Missale Claromontense et Sancti Flori | 109 | T | Pent | H1 | f3 | Seq | M2 | 156 (s6r) | ||
| FR Clermont-Ferrand 1492, Missal, Missale Claromontense et Sancti Flori | 109 | T | Pent | H1 | f5 | Seq | M2 | 158 (s8r) | ||
| FR Dol-de-Bretagne 1502, Missal, Missale Dolense | 112 | T | Pent | H1 | f3 | Seq | M2 | 94 (82r) | ||
| FR Saint-Malo 1503, Missal, Missale Macloviense | 86 | T | Pent | H1 | f3 | Seq | M2 | 97 () | ||
| FR Autun 1530, Missal, Missale Eduense | 72 | T | Pent | QuT | f4 | Seq | M2 | 235 () | ||
| FR Paris 1481, Missal, Missale Parisiense | 79 | T | Pent | H1 | f5 | Seq | M2 | 226 (102v) |